Aqoonyahanada Beesha Amaanle ee gobolka Bari ayaa soo saaray Bayaan wada jir ah oo ay uga hadlayaan xubinta Baarlamaanka umatalaysa 2019 . Bayaalnka ayaa waxaa [...] Source

Guddiga xalinta khilaafaadka iyo ansixinta golaha nwakiilada Puntland, oo maanta yeeshay kulan ayaa soo saaray sharuudaha laga rabo xildhibaanada Puntland. Halkaan hoose ka akhriso. Source

Shirweynaha dhaqdhaqaaqa haweenka Somaliland ayaa arbacadii waxaa uu ka furmay magaalada Hargeisa, shirkan ayey haweenka ku soo bandhigeen doonistooda la xiriirta xuquuq badan oo ay tabanayaan oo ay ugu horeyso ka qeyb galka siyaasadda. In kasta oo qaban-qaabiyeyaasha sheegeen in shirka ku koobnaa bulshada rayidka ah, hadana waxaa ka soo qeyb galay, kana hadlay mas’uuliyiin ay ku jiraan madaxweynaha Somaliland Muuse Biixi, wasiirka arrimaha shaqo-gelinta iyo qoyska Hinda Jaamac Gaandi iyo wasiirka arrimaha gudaha Maxamed Kaahin Axmed iyaga oo balan-qaaday in arrimaha meesha laga sheegay wax laga qaban-doono, waxaa kaloo joogay dad matalyey qeybaha kala duwan ee bulshada iyo beesha caalamka. Luul Xasan Mataan oo ka tirsan guddiga qaban-qaabada ayaa Goobjoog News uga warantay ujeedka shirka, iyada oo arrinkaas ka hadleysa waxaa ay tiri “Shirka waxaa uu ahaa dhaqdhaqaaqa haweenka Somaliland, sababtuna waa markii aan ogaaney in dumarka Somaliland ay ka maqan yihiin siyaasadda iyo fulinta, horay waxaa uu madaxweyne Muuse Biixi u balanqaaday inuu haweenka siin-doono 30%, dhamaan axsaabta dalka ayaa balantaas qaaddey, tii wey dhici weydo oo wasiirrada waxaa ay haweenku leeyihiin 2 wasiir iyo wasiir ku xigeen, hal agaamise guud oo maalgeshiga iyo warashada iyo hal xildhibaan… goleyaasha waxaa ay uun gabdho ka soo baxeen Owdal, Laas-caanood iyo Ceeri-gaabo oo magaalooyinka waaweyn waa naloo diiday…markii aan waxaas aragney, ayaa keenay in dhaq-dhaqaaqan aan sameyno, waana sidii aan ula hadli laheyd ciddii ay talada ka go’eysay, waxaana shirka kasoo qeyb galay madaxweynaha iyo cid walbo oo khuseysay”. Faa’isa Ow Cali Yusuf oo iyadaha shirka qeyb ka aheyd ayaa Goobjoog News u sheegtay hankooda “waa in dumarka siyaasadda qeyb ka noqdaan, haddii ay tahay baarlamaanka, wasiirrada, agaasimayaasha iyo dowladaha hoose, maadaama ay yihiin laf-dhabar waa iney helaan matalaad, waayo waxaa jirto meelo go’aan lagu gaaryo aan lagu sheegin baahidooda, dumarku waa iney helaan dumar kale oo matala, waana taas halka aan u soconno” ayey tiri Faa’iza. Inkasta oo Somaliland ay doorashooyin ka dhici jireen 60-kii sano ee la soo dhaafay, dadkeeduna aqoon iyo ilbax yihiin hadana haweenka waa kuwoo dulman, xaqiiqooyinka jira waxaa ka mid ah: tan 1991-kii ma jirin gabadh murashax ahaan isu soo taagtay jadaga madaxweynaha iyo ku-xigeenka, ma dhicin inay haweeney noqoto Barasaab ama ay gasho golaha guurtida oo ka mid ah goleyaasha baarlamaanka kana kooban 82 xubin, xataa golaha wakiilada oo isna ka kooban 82 waxaa ay ku leeyhiin hal xildhibaan, waxaan intaas dheer weli madax loogama dhigin ama guddoomiye kama noqon mid ka mid ah kominshinnnada baarlamaanka ama kuwa kale, iskaba daa iney noqdaan xeer ilaalyaha guud ama guddoomiye maxkamade! Sawirrada Shirweynaha Dhaqdhaqaaqa Haweenka Somaliland: Goobjoog News Source: goobjoog.com

Muqdisho (Caasimadda Online) – Ujeedka la shaaciyey in uu magaalada Muqdisho u imaan doono siyaasi Cabdirixmaan Cabdishukuur ayaa waxaa si kulul ugu soo horjeestay qaar ka mid ah nabadoonada iyo waxgaradka Gobolka Banaadir. Siyaasiga ayaa sheegay in uu Muqdisho u imaan doono si uu u xuso sanad guurada ka soo wareegtay markii gurigiisa ay ku weerareen ciidamo ka tirsan Dowladda Federaalka ah dhamaadkii sanadkii tagay 2017-kii. Odeyaal dhaqameed goob joog u ahaa xallinta shaqaaqadii dhexmartay Xukuumadda iyo Guddoomiyaha Xisbiga Daljir Cabdirixmaan Cabdushukuur ayaa Caasimadda Online uga warbixiyey heshiiskii lagu dhammeeyey arrinkaas. Cadeeymo aan helnay ayaa muujinaya in Xukuumadda Soomaaliya ay bixisay lacag magdhow ah oo ku saabsan 5-tii dhalinyrada ahayd ee lagu dilay guriga siyaasiga. Sidoo kale, labada dhinac ayaa kala saxiixday qodobo ay ka mid ahayd in dowladdu ay xirto kiiska Maxkamadeed ee laga keenay siyaasi Cabdirixmaan Cabdishukuur, halka isagana laga saxiixay waraaq damaanad qaad ah. Inkastoo aanan faahfaahin dhammeystiran ka helin damaanad qaadka uu saxiixay Guddoomiyaha Xisbiga mucaaradka ah ee Wadajir iyo shuruudaha uu u saxiixay Dowlada Federaalka ah haddan nabadoonada aan la xiriirna ayaa noo xaqiijiyey in qorshaha siyaasi Cabdirixmaan Cabdishukuur uu khilaafsan yahay heshiiskii damaanadeed ee uu kaga baxay magaalada Muqdisho. Caasimada Online Xafiiska-Garoowe Caasimada@live.com

Wasaaradda Waxbarashada iyo Tacliinta sare oo Samaysatay agab casri ah oo Xogta Waxbarashada lagu magacaabo (EMIS) oo ah hab lagu ururiyo laguna diiwaan galiyo, laguna [...] Source

Nairobi (Caasimada Online)-Afduubkii dhawaan Al Shabaab ay u geysteen haweeney u dhalatay dalka Talyaaniga ayaa saameyn weyn sanadkaan ku reebaya dalxiiska gobolka Xeebta ay dadka ajaaniibta ku tagi jireen. Hoteelo iyo goobo dalxiis oo ku yaala gobolka Xeebta ayaa waayay rukumasho dadka ay sameyn jireen xiliyadan oo kale marka la gaaro bisha December, iyagoo ka faa’ideysanaya fasaxooda ciidda. Ajaaniib badan oo iska diiwaan geliyay goobo dalxiis iyo hoteelo ayaa dib kaga laabtay rukumashadii ay sameeyeen, sabab la xiriirta cabsi amaan oo ay dareemeen kadib afduubkii haweeneyda u dhalatay dalka Talyaaniga. Dhaqaalo badan ayaa Kenya ay ka heli jiray dalxiiska marka la gaaro xiligan oo kale sanad walbaa, laakiin maamulada deegaanka Lamu iyo Kalifi ayaa sheegaya in hoos u dhac dhaqaalo badan ay dareemayaan. Al Shabaab ayaa looga shakisan yahay inay haweeneyda u dhalatay dalka Talyaaniga ay ku heystaan deegaanka Boni ee dalka Kenya, waxaana socda dadaalo la doonayo in haweeneyda lagu soo daayo. Dowladda Kenya ayaa Saddex Nin oo Soomaali ah ku eedeysay Gabadha Talyaaniga u dhalatay taas oo ay dowladda Talyaaniga sheegtay in ay bad qabto islamarkaana kooxda afduubka ku heysta Gabadha iyo dowladda Talyaaniga uu wadahadal u socdo. Caasimada Online Xafiiska Nairobi Caasimada@live.com

Baardheere ( Sh. M. Network):-Weli waxaa Cirka isku sii shareeraya Khilaafka dhinaca maamulka ah ee ka aloosan degmada Baardheere Gobolka Gedo. Ku simaha Guddoomiyaha maamulka degmada Baardheere Aadan Siraad Maxamuud ahna Guddoomiye ku xigeenka dhinaca Amniga iyo Siyaasadda ee maamulkaas oo u warramayay Idaacadda Shabelle ayaa ku eedeeyay maamulka Jubbaland in iyagu masuul ka yihiin Khilaafka hareeyay degmadaasi. Waxa uu xusay Mudane Adan Sirad in Madaxda sare ee maamulka Jubbaland ay 2 Digreeto soo kala siiyeen Masuuliyiin maamulkaasi Baardheere ka wada tirsan taas oo u muuqata iska horkeen. Ugu dambeyn Mudane Adan Sirad Maxamud ayaa ugu baaqay dhinacyada isku haya dhinaca maamulka ee degmada Baardheere in miiska wada hadalka ku dhameeyaan murankooda islamarkaana aan loo baahneen gacan ka hadal oo dhibaato ku keenaya shacabka degmadaasi. The post Khilaafka dhinaca maamulka degmada Baardheere oo weli Cirka Isku sii shareeraya. appeared first on Shabelle. View the full article

Muqdisho ( Sh. M. Network):-Guddoomiyaha Golaha Aqalka Sare Senator Cabdi Xaashi Cabdullaahi ayaa maanta ku wajahan Magaalada Kismaayo oo Xarun KMG u ah Maamulka Jubbaland. Mudane Cabdi Xaashi Cabdullaahi oo la hadlay Warbaahinta ayaa hoosta ka xariiqay in u jeedka Safarkiisa Kismaayo uu ku qotomo sidii xal loo kala dhex dhigi lahaa dowladda dhexe iyo Madax Goboleedyada dalka oo khilaaf ba’an uu hareeyay. Weli Khilaaf xoogan ayaa waxa uu u dhexeeyaa dowladda Federaalka Soomaaliya iyo dowlad Goboleedyada dalka kaas oo aanu jirin waan waan rasmi ah iyo xal laga gaaray toona. Dowladda Federaalka Soomaaliya ayaa ku adkeysaneysa in dowlad goboleedyada Madaxdooda yimaadaan Magaalada Caasimadda ah ee Muqdisho si ay uga wada hadlaan Khilaafka labada dhinac. The post Guddoomiyaha Golaha Aqalka Sare oo ku wajahan Magaalada Kismaayo. appeared first on Shabelle. View the full article

Kooxda Melbourne ee jaaliyada dalka Australia ayaa caasimada Muqdisho soo gaartay sanadkii labaad oo xariir ah,iyagoo sidoo kale safaro kale kusoo maray magaalooyinka Nairobi iyo Kismaayo tan iyo dhamaadka bishii hore Novermber. Gudoomiyaha kooxda jaaliyada Melbourne Xuseen Xarakow ayaa sharxaad ka bixiyay safarkoodii Saddexaad ee sanadkan isagoo sheegay safaradooda ay xinbaarsanyihiin caawin iyo dhaxgal bulsho. Gudoomiyaha gobolka Banaadir ahna duqa Muqdisho Cabddiraxmaan Cuamar Cusmaan ayaa wafdiga Ciyaartooyda,macalimiinta iyo taqaatiirta kusoo dhaweeyay caasimada,isagoo sheegay inta ay jigaan Gobolka Banaadir ay booqandoonaan goobo badan oo muhiim ah iyagana ka maal maamul ahaan ay ugu mahad celinayaan sida wanaagsan ay isku soo abaabuleyn. Qaar ka mid ah Ciyaartooyda ayaa sheegay in dalka maalinba maalinka ka danbeeso uu soo horomarayo sanadaha soo aadan ay badandoonaan booqashooyinka ceenka oo kale si dadkii ay ugu soo tageyn qurbaha ay u arkaan horomarka iyo is badalka Soomaaliya. Tababaraha kooxda Melbourne Cali Xuseen oo ina hadlay ayaa isna sheegay in gobolka Banaadir ay ka dhisanyihiin kooxaha adag iyagana ay wadidoonaan booqaashooyinka oo kale si ay xirfadlayaasha ku barbaaray qurbaha loo tuso dalka ay iyaga lee yihiin. Taliyaha ciidanka asluubta Bashiir Maxamed Jaamac oo isna qeyb ka ahaa mas’uuliyeenta soo dhawaysay kooxda Melbourne ayaa tibaaxay in qurbajoogta laga sugayo caawinta maxaabiista ku jirta dalka. Inta ay joogaan Muqdisho waxa ay ciyaaro saaxiibtinimo la dheelidoonaan Ciyaartooyda Gobolka Banaadir,degmada Kaaran iyo kooxda kubbadda cagta Midnimo oo sanadkan usoo gudbtay horyaalka Somalia Premier League . Halkaan Ka Daawo Warbixin Ku Saabsan Imaatinkooda Dalka W/d-Maxamed Xuseen Qalinle Source: goobjoog.com

Baydhabo ( Sh.M.Network):-Ciidamada Ammaanka dowladda Federaalka Soomaaliya ayaa Howlgallo ballaaran saaka waxa ay ka sameeyeen Xaafadaha Magaalada Baydhabo oo xarun KMG u ah maamulka Koofur Galbeed Somalia. Howlgalladaasi ayaa la sheegay in Guri Guri loogu baarayay Xaafadaha Magaalada Baydhabo ee Gobolka Baay. Waxaana Howlgallada la sheegay in ay qeyb ka yihiin xaqiijinta Nabad gelyada Baydhabo xilli la filayo in dhawaan ay ka dhacdo halkaasi doorashada Madaxweyne ee Maamulka Koofur Galbeed Soomaaliya. Si kastaba waxaa aad loo aadkeeyay Ammaanka Magaalada Baydhabo oo dowladda dhexe ee Somalia ay ku xoojisay Ciidamo hor leh. The post Howlgallo Ciidamada Dowladda Federaalka Somalia ay ka sameeyeen Magaalada Baydhabo. appeared first on Shabelle. View the full article

The New Somali ambassador to Kenya has presented his credentials in Nairobi on Wednesday. Mohamud Ahmed Nur alias Tarzan presented his diplomatic credentials to Kenyan President Uhuru Kenyatta in Nairobi state house together with seventeen other envoys. The former mayor of Mogadishu will immediately start his new diplomatic career as ambassador in Somali embassy. The mission was without envoy for the past two years since ambassador Gamal Mohamed left to take up cabinet position in President Kheyre government. Tarzan is set to inject new ideas to strengthen already existing diplomatic and economic bilateral ties between the two neighbouring states. Kenya and Somalia restored their diplomatic relations in July 2015 after decades of civil war in the country that paralyzed major government institutions. The two countries share growing business and security cooperation since the reestablishment of the Nairobi embassy in Mogadishu. The post Uhuru receives credentials of new Somali ambassador to Kenya appeared first on Shabelle. View the full article

Taariikhyahankii Ibnu Khaldun ayaa laga hayey” Sida dhibcaha roobku isugu eeg yihiin, si ka dhaw ayaa ay isug eeg yihiin taariikhda iyo mustaqbalku” Noocyada is-bahaysiyadda siyaasaddu maaha mid meel keliya iska taagan, waa mid ku dhisan dano sida sarifka doolar isku beddella maalin kasta. Heshiisyadii ay wada galeen Siyaad Barre iyo Minguistu dabayaaqadii bishii Maarij 1988-kii ku maray dalka Jabuutu wuxuu ku bilaabmay codsi Siyaad Barre ka yimid oo hal u jeed lahaa, kow sidii SNM uu uga takhalusi lahaa, taa beddelkeeda uu uga tanaasuli lahaa sheegashada dhulka Soomaali Galbeed (Soomaalida Itoobiyada maanta). Waxaanu Siyaad Barre gef ku tilmaamay dagaalkii 1977 uu ku qaaday Itoobiya ee khasaaraha badani ka dhashay. Markaa dantiisu ugu weyni waxa ay ahayd in Minguistu hubka ka dhigo SNM oo gudaha Soomaaliya lagu soo shubo, lagana joojiyo dhammaan wixii taageero ah. Minguistu laftiisu waxba muu dhaamin Siyaad Barre oo isna wuxuu cagaha kula jiray dagaalkii ay jabhdaha Tigreega iyo Eeratariya kula jireen maamulkiisa. Mingusitu laba dab ayaa ku baxayey oo dhinac jabhadaha ku kacsan ah iyo dhinaca Siyaad Barre oo hoy siiyey jabhado kale oo Oromadu ka mid tahay. Minguistu dantiisu ugu weyni waxa ay ahayd inuu labada dab ee ku baxayey mid iska bakhtiiyo oo uu mid keliya culayska saaro. Minguistu wuxuu wadnuhu go’ay markii lagu wargeliyey in guutooyink dhan oo ka dagaallamayey dhinaca Eeratariya ay isu-dhiibeen jabhadii Eeratariya, markaa wuxuu u baahday ciidamo u buuxiya boosaskii ay guutooyinkaasi banneeyeen. Markaasuu deg deg u saxeexay heshiiskii uu Siyaad Barre kula jiray, si uu ula soo baxo ciidamadii ka joogay gobolka Harargee oo uu ugu buuxiyo aagagii ay baneeyeen ciidamadii Eratariya ka goostay. Markaa Minguistu si uu dantiisa u fushado wuxuu heshiiskaasi ku beddeshay inuu SNM dalkiisa ka saaro oo gacanta ugu geliyo Siyaad Barre. Labadii keligood-taliye iyaga oo dhuusha ka qoslaya ayey heshiiskii ku kala tageen. Minguistu wuu duulay, Siyaadna farxadii ayuu socdaal dhinaca dhulka ah soo maray sidii uu ugu wiirsan lahaa taageerayaasha SNM ee ku xooganaa gobolladii waqooyi (Soomaalilaan-ta maanta). Dhawr deegaan ayaa lagu soo dhaweeyey, hasayeeshee Gabiley ayaa lagaga mudaharaaday, markaasuu yidhi “ Gabiley maxaa ku dhuusay” markaasaa loogu afceliyey adigaa ku dhuusay. Rabashado iyo xabbado ayaa bilaabmay. Qosolkii heshiiskaasi muu sii waarin, xoogagii SNM oo si dhaw ula soday in iyaga loo heshiiyey, ayaa dhinacooda ka gaashaantay. Waxaanay 27/5/1988 gudaha u galeen Burco, 31/5/1988 Hargaysa iyo galbeedkeeda ayey ka hillaaceen. Siyaad Barre oo ku sugan Adiis Ababa oo ka qaybgelayey shirkii midowga Afrika ayaa dhegta loogu sheegay in Burco iyo Hargaysa ay SNM gashay oo dagaallo gudaha magaalooyinka ay ku dhexmarayaan ciidamadii xoogga. Intuu shirkii ka soo booday ayuu ku waashay “Minguistu wuu I khiyaameeyey”. Waxaanu u qaatay inuu Minguistu yidhi gudaha gala. Heshiiskii Farmaajo iyo Abiya Booqashadii Raysal wasaaraha Itoobiya ee Muqdisho ee saacadaha kooban ahayd iyo heshiiskii deg dega ahaa, wuxuu daaha ka rogayaa in siyaasadda isku furfurka dalalka geeska afrika ee Abiya uu wato ay Muqdisho ka curatay. Abiya dantiisu waa inuu dhul iyo bad u helo qoomiyada Oromada oo tiro ahaan si xad-dhaaf ah u kordhaysa. Danta Farmaajana waxa ay ahayd inay Itoobiya xidhiidhka taageero u jarto, kow maamul-goboleedyada Soomaaliya ee cunaha kaga ururay dawladiisa iyo tan labaad oo ah inay Itoobiya xidhiidhka dublamaasiyadeed u jarto Soomaalilaan. Oromka Abiya si duuduub ah ayuu dhammaan ku qaatay dalabkii Farmaajo. Heshiiskoodu markiiba wuu ka hirgalay dhinaca Itoobiya oo dhammaan maamul-goboleedyadii Soomaaliya ee laga xaadirin jiray Adiis muraayadaha ayaa laga dallacday. Soomaalilaan waxa astaan u ah inuu heshiiskaasi hirgalay laba arrimood, kow weli may suurtagelin inuu madaxweyne Muuse Biixi la kulmo Raysal wasaaraha Itoobiya iyo laba hadalkii dhawaan ka soo yeedhay madaxweynaha Soomaalida Itoobiya ee socod-baradka ah oo uu Soomaalilaan barbardhigay meello aanu amaan ka jirin oo uu yidhi Soomaalilaan waxa laga soo maleegayaa falfal argagixiso. Waxa la yidhi taariikhdu dib ayey u soo noqtaa “ History repeats itself” 30 sannadood ka hor haddii ay Siyaad iyo Minguistu u heshiiyeen SNM, maantana Farmaajo iyo Abiya ayaa u heshiiyey Soomaalilaan ma u heligelin doontaa ayey su’aashu fadhidaa. Raysal wasaaraha Itoobiya oo aad loo falanqeeyey siyaasaddiisa ku dhisan deg dega bal waa la eegi doonaa inuu marka hore ka soo dabaasho kacdoonka qoomiyadaha gudaha Itoobiya ka socda. Soomaalilaan waxa u fiican inay soo dhawayso cid kasta oo dhaliilsan siyaasadda cusub ee Oromka Itoobiya wado. Cali Cabdi Coomay Suxufi, qoraa ah. Hargaysa, Soomaalilaan Source

(SLT-Hargeysa)-Inkasta oo Madaxweynaha Somaliland Md. Muuse Biixi Cabdi maalmihii ugu horreeyey ee uu xilka Madaxtinimo la wareegay dhaqdhaqaaqii uu Madaxtooyada kaga soo baxay dhawr jeer oo ay ku jireen markii uu safarkiisii ugu horreeyay ugu baxay waddanka Jabuuti dadweyne badani ku diirsadeen in aan wax waddooyin ah loo xidhin muddada Madaxweynuhu marayo jidadka Caasimadda Hargeysa haddana waxa ay taasi waxba kama jiraan noqotay oo xaaladdu sidii hore ku noqotay muddooyinkii dambe kadib markii Madaxweynuhu dib u raacay dariiqii Madaxweynayaashii hore loogu xidhi jiray jidadka marka uu marayo arrinkaasi oo dadku dhib badan ku qabaan. Madaxweyne Muuse Biixi Cabdi mar uu shalay oo Arbaca ahayd ka qayb galayay shirkii Dhaqdhaqaaqa Haweenka Somaliland ee lagu qabtay Huteel Maansoor ee Caasimadda Hargeysa waxa dhibaato weyni shacabka ka qabsatay markii jidadka Madaxtooyada illaa Jigjiga yar mara mar kali ah ciidamadu xidheen taasi oo dhibaato weyn ku noqotay isu socodkii iyo dadkii jidadkaasi isticmaalayay kuwaasi oo gabi ahaanba mudadii uu Madaxweynuhu marna sii socday marka soo socday hakad galay, wakhti ku beegnayd saacadaha waddooyinka Magaaladu ugu mashquulka badan yihiin. Arrintani waxa ay in badan shacabka xasuusisay sida dadku ugu dhib qabeen ee ay mar walba uga caban jireen marka Madaxweynayaashii kala dambeeyey ee Somaliland jidadka marayaan oo gabi ahaanba jidadka u dhaw iyo kuwa ay marayaanba loo xidhi jiray. Waxa la filayay in wax badani iska baddali doonaan hab-dhaqankaasi gurracnaa ee shacabku khaatiga ka taagnaa balse waxa ay noqotay xaajadu ‘Ka Dar oo Dibi Dhal’, markii xaajadu shalay mar kale noqotay oo Madaxweynaha loo xidhay jidadka Madaxtooyada, Jidka dambe ee dhakhtarka dabadiisa mara illaa laga gaadhayo gooladda Huteel Guuleed oo ay isaga darsamaan labadan Jid illaa waddooyinka mara xaafadda Jigjiga yar oo uu ku yaallo Huteel Maansoor kuwaasi oo gaadiidkii marayay ciidamo Boolis ah oo degdegsani si xawli leh u joojinayeen amarna ku bixinayeen in gaadhi waliba jidka ka baxo. Wariye ka tirsan Wargeyska FOORE oo goob ku ahaa halka ay isaga darsamaan labada Jid ee Gooladda Huteel Guuleed ayaa la kulmay Guuxa, hoonka gaadiidka ciidamada nabadgalyada waddooyinka, iyo sawaxanka askarta oo ahaa kuwo ku cabsi galinaya markii Madaxweynuhu marna ku sii socday shirka uu ka qayb galayay marna ka soo socday ee uu ku soo guryo noqonayay aqalka Madaxtooyada, taasi oo keentay in gaadiidkii waddooyinka mari lahaa isku jiq noqdaan saxmad agweed kuwo kale oo dano kala duwan u socday oo ku degdegsanaa hawlahoodana sidaa wakhti badani kaga lumo iyaga oo gabi ahaanba la hakiyey jidadkaasi. Guud ahaan Siyaasiyiinta Afrikaanka ah ayay caado u tahay marka ay xilka bannaanka ka joogaan in ay ku baaqaan in ay wax badan ka baddali doonaan hab-dhaqannada qaldan ee markaasi u muuqda ee ay ku arkaan madaxda kuraasta ku fadhida balse marka ay iyaga laftoodu xilalka sare yimaaddaan ay ku dhaqmaan sidaasi iyo si ka sii daran waana hannaanka uu shalay u muuqday Madaxweyne Muuse Biixi Cabdi oo markii uu siyaasiga bannaanka jooga ahaa ka hadli jiray in badan dhibta ay gaystaan Madaxda kuraasta ku fadhidaa gaar ahaan hab dhaqankooda. “Waxa laga yaabaa in aanu Madaxweynuhuba waxba kala socon arrinkan iyo in waddooyinkan loo xidho ee ay yihiin shaqaalaha kale iyo ciidamada kuwa sidan samaynayaa” sidaa waxa yidhi nin oday ah oo Wargeyska Foore kula kulmay afaafka hore ee Huteel SABA ee Magaalada Hargeysa oo jidka Huteelkaasi hor maraa muddo u xannibnaa soo maritaanka Madaxweynaha. Source

Muqdisho ( Sh.M.Network) Halkaan ka Dhageyso Warka Subax ee Idaacadda Shabelle. Hoos riix si aad u Dhageysato:- http://radioshabelle.com/wp-content/uploads/2018/12/Warka-Subax-061218.mp3 The post Dhageyso Warka Subax ee Idaacadda Shabelle. appeared first on Shabelle. View the full article

The U.S military said it killed four militants in an air strike against al Shabaab militants in the vicinity of Awdheegle, Somalia, as part of its operations to support the government’s efforts to weaken the group. The military’s Africa Command (Africom) said the strike was carried out on Dec. 4. “The U.S. airstrike was conducted against militants after U.S. and partner forces came under attack,” Africom said in a statement late on Wednesday. The United States carries out periodic air strikes in Somalia in support of a U.N.-backed government there, which has been fighting against an al Shabaab insurgency for years. The post U.S. military says strike kills four militants in Somalia appeared first on Shabelle. View the full article

(SLT-Hargeysa)-Siyaasi Jamaal Cali Xuseen oo Ka mid ah siyaasiyiinta miisaanka leh ee aqoonta fogleh, Kana Tirsan Xisbiga Muxaafidka ah ee Kulmiye, horena Musharax Madaxweyne uga noqday, kuna soo tabcay Xisbinimaddii iyo inuu mar kale tartantii Ururada kasoo baxo Xisbiga Mucaaridka ee UCID ayaa Bulshada la wadaagay qoraal kooban oo quluubta dadkii daalacday taabtay. Aqoonyahanka oo ah siyaasiyiinta daljirka ah ee Dalkani Somaliland leeyahay ee aqoontooda uga faa’iidaya inay kolba wixii jooga bulshada la wadaagaan ayaa Shalay waxa uu bartiisa Facebookga soo dhigay Qoraal Kooban oo haddanna Macnoyaal badan oo baahsan leh islamarkaana soo jiidtay dadka inta badan ku xidhan ee akhrista Qoraalada uu Aqoonyahan Jamaal Cali Xuseen la wadaago Bulshada. Waxa uu inta badan Siyaasi Jamaal Baraha Xidhiidhka Bulshada soo dhigaa qoraal maldahan oo macnayntooda lagu wareero ama ay adag tahay inuu si dhib yar u fahmo qof aan si fiican ula socon Xaalad siyaasadeed, dhaqaale, iyo bulsho ee ay Somaliland ku sugan tahay. Aqoonyahan Jamaal Cali Xuseen, qoraalka uu soo dhigay Shalay Barta uu ku leeyahay Facebookga ee uu Bulshada kala xidhiidho ayaa ku qotomay dareen damqasho oo uu aqoonyahanku ku sheegay inuu ka qaatay hanaanka Wax u socdaan, waxa qoraalkiisa ka muuqatay inuu aqoonyahanku ka damqaday waxa uu ugu yeedhay been umadda maalin walba laga iibinayo taasi oo ku soo afmeeranta wax uu ugu yeedhay Digo iyo Dambas, waxaanu Qoraalkiisu u dhignaa sidan “Ummad dhan Oo been maalin walba laga iibinayo Oo weliba qaarkood ay beentii difaacayaan waa mid subxaanaleh. Digo iyo danbas baa la kala iibsanayaa. Ilaahay ha sahlo!” ayuu qoraalkiisa ku soo koobay Aqoonyahan Jamaal Cali Xuseen. Majirto ama Qoraalka Siyaasiga kama muuqato cid gaar ah oo uu ku daadafaninayo ama uu ku duray qoraalkiisa balse waxa uu qoraalkaasi soo jiitay Quluubta intii daalacatay oo faalooyin iyo doodo badan ka dhiibtay iyagoo dadka badankooda u markhaati furay in Siyaasiyiinta hadba Hogaanka Dalka Somaliland qabataa aanay Daacad ka noqon Hogaaminta balse ay Male awaal iyo waxaan jirin oo indho sarcaad ah wakhtiga ku lumiyaan. Source

War ka soo baxay taliska ciidamada Militariga Mareykanka ee Africom ayaa looga hadlay howlgalkii ugu dambeeyay oo lagu bartilmaameedsaday maleeshiyaad ka tirsan kooxda Alshabaab,kaasi oo ka dhacay gobolka Sh/Hoose. Mareykanka ayaa sheegay in duqeyn dhanka cirka ah oo ka dhacday deegaanka Owdheegle lagu dilay ilaa 4 ka tirsanaa maleeshiyaadka Alshabaab,kadib markii la beegsaday labo xarumood oo dadka shacabka ah ay baada kaga qaadi jireen. Howlgalka oo ay si wada jir ah u qaadeen ciidamada Kumaandooska Soomaaliya oo kaashanaya saaxiibada caalamiga ah ayaa dhacay xili habeen ah,waxaana Mareykanka uu sheegay in aysan jirin waxyeelo soo gaartay dad shacab ah. Sidoo kale warbixinta waxaa lagu sheegay in lagu burburiyay waxyoobo qarxo oo ay Alshabaab gawaari ay ku diyaariyeen. Bilihii ugu dambeeyey waxaa sii kordhayay weerarada ka dhanka ah maleeshiyaadka Alshabaab oo ku dhuumaalaysanaya qeybo kamid ah gobolada dalka,iyadoo horjoogayaal iyo saraakiil badan lagu khaarijiyay duqeymo iyo howlgalo toos ah oo lagu qaaday Alshabaab. The post Mareykanka oo faah faahin ka bixiyay duqeymo lagu dilay maleeshiyaad ka tirsan Alshabaab appeared first on Shabelle. View the full article

(SLT-Washington)-Jilaaga Maraykanka ah ee hore ugu guuleystey abaalmarinta Oscarka Sean Penn ayaa bilaabay inuu filim ka sameeyo dilkii Jamal Khashoggi ee lagu dhex diley qunsuliyada Sacudigu uu ku leeyahay magaalada Istanbul dalka Turkiga horaantii bishii Oktoobar ee sanadkan. Sean Penn oo ay weheliyaan koox ka kooban toban ruux oo ay ka mid yihiin ilaalo gaar ah ayaa lagu arkay iyagoo jooga afaafka hore ee dhismaha qunsuliyada Sacudiga ee magaalada Istanbul sida ay shaacisay wakaalada wararka ee Anadolu. Sidoo kale jilaaga ayaa lagu arkay afaafka hore ee dhismaha uu ka degenaa magaalada Istanbul qunsulka Sacudi Carabiya. Jilaaga ayaa lagu wadaa in uu la kulmo gabadhii u doonayay inuu guursado Khashoggi ee Hatice Cengiz sida laga soo xigtey wargeyska taageera dowlada Turkiga Penn ayaa waxaa uu soo jiitey indhaha caalamka kadib markii siyaasadda iyo arrimaha caalamka ee socda uu aflaam ka sameeyay,waxana lagu xusuustaa isaga iyo aktarada Mexican-Americanka ah ee Kate del Castillo markii ay wareysi ka qaadeen ninka caanka ku ahaa ka ganacsiga daroogada ee u dhashay dalka Mexico Joaquin “El Chapo” Guzman weliba xilli la baadigoobayay. Source

(SLT-Washington0-Dadaallo lagu baadi goobayo, laguna badbaadinayo ayaa socda ka dib markii saaka labo dayuuradood oo militariga Maraykanku uu leeyahay ay iyaga oo duulaya isku dhaceen, kuna burbureen Badweynta Pacifigga. Shilka ayaa ka dhacay meel ka baxsan xeebta dalka Japan, sida ciidanka marineska ee Maraykanka laga soo xigtay. Ugu yaraan hal askari oo marines-ka ka tirsan ayaa waxa soo badbaadiyey ciidanka difaaca nafta ee Japan. Labada dayuuradood waxa midkood saarnaa 3 qof halka ta kalena ay labo saarnaayeen. Dayuuradaha ayaa tababar ku jiray xiligii shilku dhacay, waxayna ka mid ahaayeen dayuuradaha ciidanka Maraykanka ee fadhigiisu yahay dalka Japan oo tiradooda lagu qiyaasay 50 kun oo askari. Source

Garoowe (Caasimada Online)-: Wasiirkii hore ee arrimaha guddaha Soomaaliya, Cabdi Faarax Siciid ‘Juxa’ ayaa sheegay in deeganada Puntland ah yihiin kuwa kulmistay taariikh balaaran oo si jireen ah, sidoo kalana aan la dabooli karin in gobalkaas uu wax tabanaayo. Juxa oo ka mid ah musharaxiinta ugu cadcad doorashada madaxtinimada Puntland ee bisha dambe dhici doonta ayaa isagoo la hadlayay boqolaal shacab ah wuxuu sheegay in hadii la doorto uu shacabka Puntland ku hogaamin doono taariikhdooda, himiladooda, tabashadooda, maqaamkooda iyo miisaankooda. Cabdi Faarax Siciid ayaa yiri “ Puntland waa gobal leh taariikh iyo tagta dheer, waa gobalkii daraawishtii Sayid Maxamed Cabdulle Xasan, waa gobalkii Suldaan Maxmed Cali Shire, Boqor cismaankii Baargaal, waa halkii laga aas aasay SYL iyo halgankii gobinmo doonka Soomaaliya”. Juxa wuxuu qabaa in sidoo kale gobalkaas uu tabasho badan qabo isagoo soo hadal qaaday in 1975 ilaa 1998 uu gobalkaas wax badan tabanayay. Wuxuu amaanay dadkii u istaagay aas aaskii Puntland xili aaney gacanta waxba ugu jirin. Wuxuu sheegay in hadii la doorto uu ilaalin doono aamanada reer Puntland, waxaana qudbadiisa ka muuqatay inuu yahay nin aad xogogaal ugu ah waxa ay Puntland soo martay iyo waxa ay dooneyso. Hoos ka daawo muuqaalkaas Caasimada Online Xafiiska-Garoowe Caasimada@live.com

Nairobi (Caasimada Online)-Siyaasiga Reer Kenya Faarax Macalin Dawaare ayaa kasoo muuqday muuqaal xayaysiin u ah barnaamij uu ka qaban doono mid kamid ah Taleefishinnada ku yaala dalka Kenya. Intii u dhaxeysa 2007 ilaa 2013 Wuxuu Faarax Macalin ahaa guddoomiye ku xigeenka baarlamaanka dalka Kenya, waxaana muddooyinkii ugu dambeeyay uu aad kaga hadlayay arimaha gobolka. Muuqaalka uu kasoo muuqday Siyaasiga dadka hadal hayaan inuu wariye isku badalay, ayaa wuxuu ku sheegay inuu kaga hadli doono xaaladaha ka jira dalka Kenya gaar ahaan Sharci dajinta iyo dhaqaalaha. Faarax ayaa sidoo kale sheegay in barnaamijka uu ku marti qaadi doono xeel dheerayaasha qeybaha kala duwan ee bulshada oo ay kamid yihiin siyaasiyiinta iyo dadka kale, waxaana uu intaa raaciyay in barnaamijka uu soo geli doono toddobada fiidnimo ee maalinta talaadada, wuxuuna socon doonaa saacad. Kadib wareysi uu siiyay BBC-da ayuu ku sheegay inuusan isaga isku badalin wariye balse uu doonayo in barnaamijkaasi uu ka qabtaa mid kamid ah TV-yada dalka Kenya si loo taxliiliyo xaaladaha dalka Kenya. ”Maya anigu wariye ma noqonin, qaaradda Afrika oo keliya ayaad ku arkeysaa meel ay barnaamijyada dooda ad adag ay daadihiyaan dad iska caadi ah oo wariyeyaal ah, meelaha kale waxaa barnaamijyadaasi daadihiya dadka dhiga jaamacadaha” . Waxaa sidaasi BBC-da u sheegay Faarax Macallin. ”Meesha keliya ee sida dhabta ah la isku la xisaabtami karo waa warbaahinta, waxaana aan dareemay in warbaahinta Kenya xogta lagu soo bandhigi ay aad u yartahay”. Ayuu raaciyay Faarax Macallin. Caasimada Online Xafiiska Kenya Caasimada@live.com

(SLT-Nairobi)-Waxaa baraha bulshada ee dalka Kenya qabsaday muuqaal uu soo duubay Siyaasiga reer Kenya ee Faarax Macallin oo sannadihii 2007-da ilaa iyo 2013-ka ahaa guddoomiye ku xigeenkii barlamaanka Kenya. Muuqaalkan oo uu horudhac uga dhigay barnaamij uu sheegay in uu daadihin doono, lagan a baahin doono telefishenka Ebru ee dalka Kenya ayaa waxaa uu sheegay in uu uga golleeyahay sidii loo falanqeyn lahaa arrimaha ka taagan dalka Kenya oo ay kamid tahay hay’adda sharci dejinta. Faarax ayaa sidoo kale sheegay in barnaamijka uu ku marti qaadi doono xeel dheerayaasha qeybaha kala duwan ee bulshada oo ay kamid yihiin siyaasiyiinta iyo dadka kale, waxaana uu intaa raaciyay in barnaamijka uu soo geli doono toddobada fiidnimo ee maalinta talaadada, wuxuuna socon doonaa saacad. Ka gudub Twitter daabacaad W.Q @EbruTVKenya 57 people are talking about this Twitter Ads info and privacy Dhammaadka Twitter daabacaadda qore @EbruTVKenya Faarax maccalin ma wuxuu isu badelay wariye? Dad badan ayaa isweydiiyay mar haddii Faarax uu noqon doono barnamaij daadihiye inuu isu badelay wariye, hasa yeesehee wareysi ay BBC-du la yeelatay ayaa Faarax Maccalin waxa uu sheegay in uusan isu badelin saxafi, balse uu yahay qof doonaya in barnamaijkaasi lagu taxliiliyo waxyaabaha ka taagan Kenya. ”Maya anigu wariye ma noqonin, qaaradda Afrika oo keliya ayaad ku arkeysaa meel ay barnaamijyada dooda ad adag ay daadihiyaan dad iska caadi ah oo wariyeyaal ah, meelaha kale waxaa barnaamijyadaasi daadihiya dadka dhiga jaamacadaha” . Waxaa sidaasi BBC-da u sheegay Faarax Macallin. Faarax Macallin ayaa sidoo kale sheegay in barnaamijka uu yahay mid dadka loogu bidhaamin doono waxyaaba badan, isagoo na tusaale u soo qaatay barnaamijka HardTalk ee BBC-da iyo barnaamijkii Jesse Jackson oo ahaa nin u olloleyn jiray xuquuqda dadka rayidke ee Mareykanka, soona bandhigi jiray barnaamijyo dooda ah oo lagaga hadlayo waxyaabaha ka taagan Mareykanka iyo arrimaha bulshada. ”Meesha keliya ee sida dhabta ah la isku la xisaabtami karo waa warbaahinta, waxaana aan dareemay in warbaahinta Kenya xogta lagu soo bandhigi ay aad u yartahay”. Ayuu raaciyay Faarax Macallin. Dhexdhexaadnimada Inta badan siyaasiyiinta ayaa looga bartay in ay aad u difaacaan afkaarta ay aaminsanyihiin, hasa yeeshee Faarxa ayaa sheegay in dooda uu daadihiin doona ay u baahantahay oo keliya in la ilaaliyo anshaxa iyo asluubta balse aysan jirin qof dhexdhexaad ah, wuxuuna intaa racaiyay in uu aqoon u leeyahay qeybinta doodaha, maadaama uu horay usoo noqday ku xigeenka afhayeenka barlamaanka Kenya isagoo katirsan xisbi. Source

(SLT-Jigjiga)-Wasaaradda Macdinta, Shidaalka iyo Saliidda Dabiiciga ee Itoobiya ayaa sheegtay Soo saarista Shidaalka Deegaanka Soomaalida laga helay in lagu soo gabagabeeynaya saddex sano. Agaasinka waaxda maamulka shatiyada shidaalka ee wasaaradda Qasala Tadese ayaa sheegtay iney jiraan marxalado dhowr ah oo ka horreeya oo uu shidaalka soo saaristiisu marayo inta aan la isticmaalin ka hor. Waxayna intaa ku dartay “in la qodayo boqollaal ceel oo kale isla-markaana la fulinayo mashaariic waaweyn oo dhinaca kaabayaasha dhaqaalaha ah oo fududeynayo shidaalka in muddada looga tala galay dalku uu ku soo saaro.” Sida oo kale deegaanka Soomaalida shidaalka laga helay oo keli ah iyada oo aan lagu ekaaneyn waxaa sida oo kale baarid iyo soo saaridba laga sameeynayaa qaybaha kale ee dalka ee shidaalka laga helay. Waxayna wasaaradda macdinta Bishi June ee Sanadkan shaaca ka qaadday in keyd shidaal oo aad u badan laga helay Deegaanka Soomaalida ee ku yaallo bariga dalka Itoobiya. Ilaa iyo hadda waxaa shidaal laga helay shan qaybood oo dalka Itoobiya ka mid ah sida Rift Valley, Abbay, Mekelle, Metema iyo Gambella balse waxaa marki ugu horreysay shidaal laga soo saaray Deegaanka Soomaalida qaybo ka mid ah tijaabadi la sameeyeyna lagu guuleystay. Ceelasha la tijaabiyey halkeey ku yaalliin? Ceelasha shidaalka ee la daahfuray ayaa waxa ay ku yaallaan deegaannada Kaali iyo Ilaalo oo ka tirsan deegaanka Soomalida ee dalka Itoobiya. Xafladda furitaanka ayaa waxaa goob joog ka ahaa madaxwaynihi hore ee deegaanka Soomaalida Itoobiya Cabdi Maxamuud Cumar iyo wasiirka macdanta ee dowladda fedaraalka Itoobiya. Warbaahinta dowladda Itoobiya ee lagu magacaabo Fana ayaa mar sii horreysay ka soo xigatay Rai’sul wasaaraha Itoobiya Dr Abiy Axmed in shacabka dalkiisa uu uga hambalyaynayo islamarkana maalintii la soo saari doono 450 fuusto oo shidaal ah. Shidaalka gobtaasi ceegaaga ee ay heshay shirkad laga leeyahay dalka Shiinaha ee lagu magacaabo Poly-GCL ayaa waxaa lagu qiyaasay 6 ilaa 8 Trillion Cubic Feet. Shidaalka ceyriin ee goobtaasi laga helo ayaa waxa lagu wadaa in loo safriyo magaalada Addis Ababa iyo qaybaha kale ee dalka Itoobiya si gudaha loogu sifeeyo inta lagu guda jiray tijaabada. “Waxaa muhiimka ah ayaa waxa uu yahay qaabka uu wadanka u isticmaalayo kheyraadka. Lahaanshaha sawirka.Image captionDr Abiy Axmed “Waa qasab in aan isku raacno in si xaq iyo sinaan ah loo qaybsado kheyraadka,” ayuu yiri rai’sul wasaare Abiy. Raisul wasaaraha dalka Itoobiya ayaa intaa ku daray in kheyraadka la helay uusan noqon mid horseeda khilaaf iyo dagaal sida ka dhacday dalalka qaar. “Mararka qaar kheyraadka ayaa horseeda dagaal sida ka dhacday dalalka kale,” ayuu yiri Dr Abiy. Itoobiya goormey shidaal dhoofinta billaabeysaa? Dhoofinta shidaalka ayaa lagu wadaa in ay bilaabato sanadda 2021. Shidaalkani ayaa waxaa lagu wadaa in uu sanooyiinka ugu horeeya ka soo galo dalka Itoobiya dhaqaala dhan 1.2 bilyan oo doolar. Balse dhaqaalaha ka so baxa ayaa si tartiibtartiib ah u kordhi doona waxaana lagu wadaa in uu gaaro 7 bilyan oo doolar. Khuburada ayaa sheegaya in khayraadkan dabiiciga ah haddii si xaq ah oo wanaagsan loo isticmaalo uu gacan ka gaysan doono in lacagta Itoobiya uu qiimaheedu sare u kaco islamarkana uu dhaqaalaha dalkaasi si xawli ah u kobco. Waxaa sidoo kale shidaalkan laga helay dhulka Soomaalida Itoobiya uu gacan ka gaysan karaa in dadka ay helaan fursado shaqo. Waxaa jira cabsi dhanka ammaanka ah maadaama horey injineero shidaal qodis ka waday deegaanka Soomaalida Itoobiya lagu laayay halkaasi. 2007 ayay ahayd markii 11 injineer oo u dhashay dalka Shiinaha iyo 74 qof oo ah dadka u dhashay dalkaasi ay jabhadda ONLF ku dileen halkaasi. Balse gobolka ayaa imika la sheegay in uu ammaan uu yahay . Ibraahim Sheekh Muxumed, {Ibraahim Dheere} oo horay madax uga ahaa ururukii UWSLF, ee xorenta Soomaali galbeed oo Itoobiya horay ula heshiiyay ayaa sheegay in ay tahay fursad aad u fiican oo ay dadka deegaankaasi sugayeen muddo qarni ka badan. Mr Ibraahim ayaa intaa ku daray in caqabadaha ka hor imaan kara arrintani ay ka mid tahay arrinta amniga ayna tahay in arrintaasi la xaliyo. Waxa uu sheegay in sanooyiin ka hor weerar lagu qaaday goob shidaal laga qodayay oo deegaanka ka tirsan lagu laayay injineero islamarkana ay tahay in arrintaasi la xaliyo si kalsoonida shirkadaha loo kasbado. “Waxaan ogsoonahay in mar hore rag injineero ah oo shiineysa ah lagu laayay oo jabhadihii dagaalamayay ay laayeen marka taasi waxay u baahan tahay in la xaliyo oo jabhadaasi ONLF lala hadlo oo lala heshiiyo si degdeg ahna kiiskaasi loo dhameey”.ayuu yidhi Source

Jigjiga (Caasimada Online)-Dowladda Ethiopia ayaa shaacisay in muddo seddex sano ah lagu soo gabogabeynayo qorshaha soo saarista Shidaalka laga helay deegaanka Soomaalida, kadibna la bilaabi doono iibinta shidaalkaasi. Waxay taasi ka dhigan tahay in seddex sano kadib dowladda Ethiopia ay bilaabeyso dhoofinta Shidaalka laga helay deegaanka oo tijaabooyin kala duwan maraya. Agaasimaha waaxda maamulka shatiyada shidaalka ee wasaaradda Macdinta Qasala Tadese ayaa shaacisay in ka hor inta aan lasoo saarin shidaalka in marxalado kala duwan la marayo, kadibna uu bilaaban doono iib geynta shidaalkaasi. Waxay sheegtay “in la qodayo boqollaal ceel oo kale isla-markaana la fulinayo mashaariic waaweyn oo dhinaca kaabayaasha dhaqaalaha ah oo fududeynayo shidaalka in muddada looga tala galay dalku uu ku soo saaro.” Qasale Tadese, ayaa sidoo kale sheegtay inay baaritaan shidaal ka bilaabi doonaan deegaano kale oo Ethiopia ka tirsan, islamarkaana an lagu ekaan doonin kaliya deegaanka Soomaalida. Ilaa iyo hadda waxaa shidaal laga helay shan qaybood oo dalka Itoobiya ka mid ah sida Rift Valley, Abbay, Mekelle, Metema iyo Gambella balse waxaa marki ugu horreysay shidaal laga soo saaray Deegaanka Soomaalida qaybo ka mid ah tijaabadi la sameeyeyna lagu guuleystay. Dr Aby Axmed ayaa horey u shaaciyay in Ethiopia ay shidaal badan soo saari doonto, taasi oo dhaqaalaha qeyb weyn ka qaadaneyso, waxaana la qorsheynayaa in maalintii lasoo saaro 450 Fuusto oo shidaal ah. Caasimada Online Xafiiska Muqdisho Caasimada@live.com

Taaliska ciidamada Militariga Mareykanka ee Africom ayaa sheegay in duqeyn ay ka geysteen Soomaaliya gaar ahaan Shabeellada hoose ay ku dileen rag ka tirsan Al-shabaab. Howlgalka oo ay si wada jir ah u qaadeen Mareykanka iyo waxa ay ku sheegeen saaxiibada, kana dhacay Awdheegle ayaa lagu dilay 4 Al-shabaab ah, iyaga oo intaasi raaciyey in aaney ku jirin waxyeelo shacabka. Mareykanka ayaa sanadkan keliya waxaa uu fuliyey in ka badan 38 duqeyn ah, taas oo ka badan sanadihii la soo dhaafay. Goobjoog News Source: goobjoog.com