(SLT-RiyaXoghayaha Arrimaha Dibadda ee waddanka Mareykanka Mike Pompeo ayaa booqasho ku jooga dalka Sucuudi Carabiya, welina waxa uu raadinayaa jawaabo ku aadan dilkii weriye Jamaal Khaashuqji, xilli dhanka kalana uu isku dayayo inuu xoojiyo xiriirka dalkiisa kala dhaxeeya boqortooyada. Mr Khaashuqji ayaa ku noolaa dalka Mareykanka hasayeeshee waxaa dabayaaqadii sanadkii hore lagu dhex dilay qunsuliyadda Sacuudiga ee Turkiga, dilkiisana waxa uu madmadow soo kala dhexgaliyay xiriirkii u dhaxeeyay Riyaad iyo Washington. Haddaba todobaadkan ayey 100 maalmood ka soo wareegatay dilka weriye Jamaal Khaashuqji, dadkuna waxa ay isugu soo baxayeen bannaanka hore ee qunsuliyadda si ay u xasuustaan iyo weliba sidii ay cadaalad ugu raadin lahaayeen. Source

(SLT-Muqdisho)-Madaxweynaha Soomaaliya Maxamed Cabdillaahi Farmaajo ayaa si jees jees iyo kaftan ku jirta ku weeraray Xildhibaannadii Mooshinka ka keenay bishii December ee sanadkii hore, kaasoo Soomaaliya geliyay qalalaase siyaasadeed oo sababay in Fadhiyada Baarlamaanka uu hakad galo. Khubad uu xalay ka jeediyay Munaasabad casho sharaf aheyd oo lagu soo xidhayay Kalfadhiga 4aad ayuu markii u horeysay kaga hadlay Mooshinkaas oo maalmood kaddib wada hadal iyo is afgarad laga gaadhay. Madaxweyne Farmaajo ayaa sheegay in markii uu maqlay Mooshin in laga keenay uu wacay Guddoomiyaha Golaha Shacabka, una sheegay inay ka dambeeyaan Kooxdii Qabyo “Waxaa dhahay Guddoomiye Mooshin baa la qabtaye, see wax u yihiin, wuxuu i yirdhi waa i hor-yaalaa aan kugu soo celiyo, warqadihii ayuu kala rogay, wuxuu i yidhi nambrkaas waaye, waxaa idhi yaa ka dambeeya, wuxuu i yidhi waxaa ka dambeeya dad walaalo ah oo la yiraahdo Qabyo, Ma Qabyada isla ogeyn, Qabyo waxaa ku ogeyn wax walba inay qabyo uga tagaan, bal fiiri hadduu mooshinka dhan yahay, dib buu u fiiriyay, wuxuu arkay saxiixyo la saxiixay sanadkii 2017, tuhunka la qabana uu yahay dhamaadka 2018, waxaa ku idhi see ay isku waafaqeysa, wuxuu yidhi, waxay arkayeen waxa soo socda sanad ka bacdo, waxaa ku yiri qalad kale maku jiraa, wuxuu yiri saxiixa waxaa ka maqan taariikhda, waxaa ku yidhi sidee taariikhda qofka ku iloobay, waxaa ku idhi maxaa kaloo ku jira, waxaa kaloo ku jira dad kaloo xanuunsan oo dibadaha jira oo aan ka warqabin waxa socda”ayuu yidhi Madaxweyne Farmaajo. Source

Source

(SLT-Taiwan)-Shiinaha ayaa marar badan isku dayay in uu Taiwan kala wareego xirrirka diblomaasiyadeed ee boqortooyada yar ee eSwatini oo markii hore la oran jiray Swaziland. eSwatini ayaa ah dalka kaliya ee Afrika ku yaalla oo xiriir diblomaasiyadeed la leh jasiiraddan ku taalla Aasiya kadib markii Burkina Faso ay la xiratay Shiinaha bishii May ee sanadkii tagay. Shiinaha ayaa sheegay in uusan ogolayn in dalalka ay xiriir toos ah la yeeshaan Taiwan sababtoo ah waxa uu Taiwan u aqoonsanyahay in uu yahay gobol isaga go’ay oo uu markuu doono dib u soo ceshan karo xitaa haddii ay lagama maarmaan noqoto in awood loo adeegsado. Balse dawladda eSwatini ayaa sheegeeysa in ay xiriirka diblomaasiyadeed ay la leedahay Taiwan ay sii wadi doonto. Boqor Mswati III waxa uu 17 goor u safray Taiwan. Markii madaxda dalalka Afrikaanka ah ay ka qeeyb galayeen shirkii lagu lafa gurayay xiriirka Afrika iyo shiinaha, King Mswati waxa uu ka qeeyb galayay munaasabad dhaqameedka sanadlaha ah, halkaas oo uu ka dooranayay xaaskiisa 15-naad. Madaxweynaha Shiinaha Xi Jinping ayaa sheegay in $60bn oo doolar oo dheeraad ah ku kharash gareeynayo Africa, balse eSwatini ayaa sheegeeysa in aysan lacagahaasi waxba kala maqnayn. Source

(SLT-Hindiya)-Malaayiin qof oo ku sugan magaalada Allahabad ee waqooyiga dalka Hindiya ayaa isu diyaarinaya inay ku qubaystaan biyaha barakaysan, taas oo qeyb ka ah kulanka diimeed ee ugu ballaaran caalamka ee Kumbh Mela. Saraakiisha ayaa waxay filayaan in 120 milyan oo qof ay kasoo qayb galaan debaldeggan socon doona 49 maalmood. Waxaa lagu tilmaama barkulanka ugu weyn ee dunida waxaan laga arki karaa hawada sare. Dadka haysta diinta Hinduuga ayaa amminsan hadii ay ku qubeystaan halka ay webiyasha ku kulmaan oo loo yaqaano Sangam in dembiyadooda la dhaafi doono Debaaldeggii ugu dambeeyay ee la qabtay sanadkii 2013ka ayaa markii ugu horeysay waxaa loo ogolaaday in dumarka ay webiyada ku qabeystaan iyadoo sanadkana tirada dumarka kasoo qaybgalaya ay sare u sii kacday. Waxaa kulankan sidoo kale kasoo qayb geli doona in kabadan hal miyan oo qof oo xujeey ah kuwaas oo dalka dibediisa ka imaanaya sida ay qabanqaabiyaashu BBC-da u sheegan. Ninkan iyo dadka kale ee qabanqaabinayay kulanka ayaa waxa ay xafladda diyaarinayeen muddo ka badan sanad, isu soo baxanna waxa uu u dhigmaa sida Xajka Muslimiinta ee sanadlaha ah ee lagu qabto goobaha barakaysan ee Islaamka ee Sucuudi Carabiya. Dadka kullankan ka qeyb galaya ayaa waxaa loo diyaariyay inay jiiftaan 42kun oo teendhoyin ah oo lagu dhisay dhul gaaraya ilaa 32 kiloomitar, waxaana la dhisay waddooyin cusub oo ka kooban boqolaal kiloomitar. Sidoo kale waxaa la dhisay isbitaalo iyo bangiyo ku meel gaar ah. Debaaldeggan waxaa sidoo kale ka qayb qaadanaya kooxaha dab-demiska waxaana la dhisay 120 kun oo musqul sii loo haqabtiro baahiyaha xujeeyda. Waxaa magaalada Allahabad ka howlgalaya boqalaal tareen oo cusub halka 30kun oo boolis ah iyo ciidammada sida gaarka u tababaran oo ammniga sugaya. Waxaa kale oo la dhisay goob ku shaqeynayso nidaamka teknoolajiyadda casriga ah halkaas oo lagu soo hagaajini karo ciddi lunto, sidoo kalena lagusoo wargelini karo ciddi la waayo sii maclumaadka loola wadaago goobaha kale iyo sidoo kale baraha bulshada. Source

(SLT-Washington)-Madaxweynaha Mareykanka Donald Trump ayaa waxa uu diiday inuu u shaqeeyo Ruushka, arrintaas oo uu kaga jawaabayay wararkii ugu dambeeyay ee su’aasha galinayay xiriirka Trump kala dhaxeeya Moscow. Isagoo weriyayaasha kula hadlayay Aqalka Cad xilli uu u kicitimayay Louisiana, ayaa waxa uu sheegay: “Abid uma aanan shaqeyn Ruushka.” Waxa uu waxba kama jiraan ka soo qaaday warbixin uu qoray wargeyska Washington Post, taas oo tilmaamaysay inuu madaxweynaha qariyay tarjumaadda kulankii uu la yeeshay madaxweyne Putin. Dhanka kale wargeyska New York Times ayaa waxa uu sheegayaa in FBI-da Mareykanka ay baaritaan aanan horay loo shaacin ku bilaabeen madaxweynaha. Muxuu ahaa baadhitaanka FBI-da? Sida uu qoray wargeyska, shakiga FBI-du waxa u xoogaystay kaddib markii uu Mr Trump xilkii ka qaaday agaasimihii hay’addaasi, James Comey, bishii May 2017. Baaritaanka FBI-da ayuu wargeyska New York Times ku warramayaa inuu la wareegay golaha gaarka ah ee wasaaradda cadaaladda ee uu hogaaminayo Robert Mueller. Mr Mueller ayaa waxa uu hogaaminayaa baaritaan socda oo lagu ogaanayo in ololihii Mr Trump uu qeyb ku lahaa galaangalkii Kremlin-ka uu ku yeeshay doorashooyinkii madaxtinimada ee 2016. Mar bannaanka Aqalka Cad Isniintii lagu waydiiyay inuu Ruushka u shaqeeyo, ayuu Mr Trump markiiba horay ka diiday arrintaasi ka hor inta uusan ku darin: “Waxaan filayaa inay ceeb tahay inaad xitaa su’aashaas i waydiisid balse waa been abuur un.” Madaxweynaha ka tirsan Xisbiga Jamhuuriga ayaa su’aal noocaas oo kale ah waxaa Sabtidii waydiiyay weriye ka tirsan Fox News, taas oo uu madaxweynuhu ugu yeeray “caydii ugu darneyd ee abid la I waydiiyay”. Wargeyska New York Times ayaa waxa ay warbixinteeda ku sheegtay in aanay jirin wax caddeyn ah oo si buuxda u soo shaacbaxay oo tilmaamaya in Mr Trump uu amar ka qaatay saraakiil ka tirsan dowladda Ruushka. Isniintii, madaxweynaha ayaa waxa uu sheegay in xilkii uu ka qaaday Mr Comey uu ahaa “howl weyn oo uu dalkayaga u qabtay”. Source

Muqdisho ( Sh. M. Network )-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa xalay ka qayb galay munaasabad casho sharaf ah oo lagu soo xirayay Kalfadhiga 4-aad ee Golaha Shacabka oo ka dhacday Madaxtooyada Qaranka. Madaxweynaha ayaa Guddoonka iyo Xildhibaannada Golaha Shacabka uga mahadceliyay shaqooyinkii ay qabteen intii uu socday Kalfadhigii 4-aad, isaga oo ka dhawaajiyay ansixinta sharciyo muhiim u ah ummadda Soomaaliyeed. Madaxweyne Farmaajo ayaa sheegay in sannadkan cusub ay xukuumaddu xoogga saarayso dib-u-heshiisiinta ummadda Soomaaliyeed iyo xoreynta dhulka ay haystaan cadawga argagaxisada Alshabaab, kuwaas oo u taagan dibindaabyada iyo dabar-goynta shacabka aan waxba galabsan. Madaxweynaha ayaa xusay inuu ka shaqayn doono xallinta khilaafka ka dhexeeya labada Aqal ee Baarlamaanka Federaalka Soomaaliya, isaga oo sheegay in is-afgaranwaa kasta oo ka dhex dhasha shacabka Soomaaliyeed ay iyagu dhammaysan doonaan, oo aan loo baahnayn dhinac saddexaad oo soo farageliya arrimaha gudaha dalka. Halkan hoose ka daado Sawirrada:- The post Sawirro:-Madaxweyne Farmaajo Oo ka qayb-galay xaflad lagu soo xirayay Kalfadhig 4-aad Ee Golaha Shacabka appeared first on Shabelle. View the full article

Madaxweynaha dowladda federaalka Soomaaliya, Maxamed C/laahi Maxamed Farmaajo oo soo xirayey Kalfadhiggii Afaraad ee golaha shacabka ayaa sheegay in ay xallin doonaan khilaafka ka dhaxeeya Labada aqal ee baarlamaanka. Waxa uu madaxweynaha sheegay in dib u heshiisiinta Labada aqal ay ugu horreyn doonto waxyaabaha ay qabanayaan sanadkaan, isaga oo sheegay in muhiim ay tahay is faham iyo wadashaqeyn. Khilaafkan ayuu sheegay inuu kasoo bilowday kadib furitaankii Kalfadhiga Afaraad ee golaha shacabka oo la isku khilaafay in meel lagu wada furo. Madaxweyne Farmaajo ayaa sheegay in ay ka go’an tahay sidii loo dhammeyn lahaa khilaafkan. Halkaan hoose ka dhageyso: https://goobjoog.com/wp-content/uploads/2019/01/Madaxweyne-Maxamed-Farmaajo.mp3-sax.mp3 Goobjoog News Source: goobjoog.com

Muqdisho (Caasimada Online)-Xildhibaanada baarlamaanka Soomaaliya ayaa cod gacan taag ah ku ansixiyay wax ka badalka xeerarka Bangiga Dhexe iyo Hanti dhowrka Qaranka, kuwaasi oo maalmihii ugu dambeeyay aad loo hadal hayay. Kulankii Shalay ay xildhibaanada baarlamaanka Soomaaliya ku yeesheen magaalada Muqdisho ayaa laga bartay labo arin oo kala ahaa awoodaha ay kala leeyihiin xildhibaanada mucaaradka ah iyo kuwa muxaafadka ah. Waxaa muuqata wali awooda xildhibaanada muxaafadka ah ee taageersan xukuumadda ku dhex leeyihiin baarlamaanka, maadaama shalay arinta Bangiga dhexe oo xasaasi aheyd ay xildhibaano badan meel mariyeen. Arinta labaad ee laga bartay kulankii shalay ayaa ah in xildhibaanada mucaaradka ah aysan awood badan ku laheyn kulamada baarlamaanka, maadaama shalay tiro aan dhameyn 20 xildhibaan ay ka hor yimaadeen ansixinta xeerka Bangiga dhexe. Waxaa la isweydiinayaa tirada xldhibaanada mucaaradka ah oo lagu sheego inay gaarayaan 70 ilaa 90 xildhibaan, halkey shalay aadeen, ma tirada ayaa been abuur ah, mase xildhibaanada ayaa iyaga oo mucaaradka ah xaadiri waayay baarlamaanka oo guryahooda natiijada ku sugayay. Dad badan oo falanqeeya siyaasadda ayaa sheegaya in muxaafadka uu hadda ka badan yahay mucaaradka, taasina ay ugu wacan tahay xildhibaano badan oo xukuumadda ku jiro iyo kuwo xukuumadda ay soo dhaweysatay. Caasimada Online Xafiiska Muqdisho Caasimad@live.com

Madaxweynaha cusub ee Puntland Saciid C/laahi Dani ayaa sheegay in qarashka ugu horreeya ee ay ka bixiyaan qasnadda dowladda ay siin doonaan ciidamada iyo sidoo kale shaqaalaha maamulkaasi. Dani ayaa sheegay in ciidanku uu yahay midka suga amniga, waqti badanna ku bixiya, sidaasi darteedna ay diyaar u yihiin in bil walbo la siiyo xuquuqdooda. Waxa uu sheegay Madaxweyne Dani in sidoo kale shaqaalaha Puntland iyaguna xaqooda la siin doono bil walba, lacagta ugu horreysa ee laga bixiyo qasnadda maamulkana lagu bixinayo mushaarooyinka. Sidoo kale madaxweyne Dani ayaa ballanqaaday in xil gaar ah la iska saari doono bixin mushaaraadka, ayna dhammaatay shaqaale ama askari lacag waaya. Goobjoog News Source: goobjoog.com

Baardheere ( Sh. M. Network )-Xildhibaan Maxamed Nuur Bulle Dhaay iyo xubno kale oo ka tirsan Baarlamaanka maamulka Jubbaland oo shalay gaaray degmada Baardheere ee G/ Gedo ayaa waxa ay ka hadleen dhibaatooyinka ka jira gobolkaasi. Ugu horreyn xildhibaanadan ayaa dhaliil u jeediyay madaxweynaha maamulkaasi Axmed Madoobe oo ay ku eedeeyeen in uu dayacay shacabka gobolkaasi. Sidoo kale waxa ay intaasi ku dareen in in nidaam darrada iyo dhibaatooyinka ka jira gobolka Gedo ay mas’uul ka yihiin madaxda sare ee Jubbaland. Hadalkan ayaa ku soo aadaya, xilli muddooyinkii la soo dhaafay dibadbaxyo ka dhan maamulkaasi shacabka Gedo ay ka dhigayeen degmooyinka gobolkaasi. The post Xildhibaanada J/land Oo eedeeyay Axmed Madoobe appeared first on Shabelle. View the full article

Maxamed Xuseen Caddow oo ka mid ah siyaasiyiinta kasoo jeedda deegaannada Jubbaland ayaa sheegay in uu jiro qorshe socda oo ku aaddan sidii waqti kale loogu dari lahaa madaxweynaha Jubbaland Axmed Madoobe. Wuxuu sheegay in siyaasiyiin ku sugan Kenya islamarkaana aad ugu dhow Axmed Madoobe ay magaalada Muqdisho kula kulmeen madaxda ugu sarreysa ee dowladda federaalka Soomaaliya. Waxyaabaha ay siyaasiyiinta kala hadleen madaxda dowladda ayuu ku sheegay iney ka mid tahay arrimaha ku aadan doorashada Jubbaland in loo madax banneeyo Axmed Madoobe, waa sida uu hadalka u dhigaye. Doorashooyinka Jubbaland ayaa haata waxaa ka harsan 8 Bil oo kaliya, waxaana jira tuhun ay qabaan siyaasiyiinta qaar ee kasoo jeedda maamulkaasi, kuna aaddan in mar kale uu soo laabto madaxweyne Axmed Madoobe. Halkaan hoose ka dhageyso: https://goobjoog.com/wp-content/uploads/2019/01/WAREYSI-SIYAASI-JUBBALLAND-MAXAMED-XUSEEN-CADOOW-.mp3 Goobjoog News Source: goobjoog.com

Taliyaha Ciidanka Xoogga Dalka Soomaaliya S/gaas Daahir Aadan Cilmi Indhaqarshe ayaa isniintii Xafiiskiisa ku qaabilay General Maxamuud Al Qasaal iyo Saraakiil ka socotay Taliska Milatariga Dalka Qatar. kulanka ayaa looga Hadlay Xariirka iyo Iskaashiga ka dhaxeeya Ciidamada Xoogga Dalka iyo kuwa Qatar. Taliyaha Ciidanka Xoogga Dalka Soomaaliya S/gaas Daahir Aadan Cilmi Indhaqarshe ayaa sheegay in kulanka uu la qaatay saraakiisha ka Socotay Dalka Qatar uu ahaa Mid looga Hadlayay Sidii wada shaqeyn iyo Iskaashi Xariir u dhax Mari lahaa Ciidamada Xoogga Dalka Soomaaliya iyo Ciidanka Dalka Qatar. General Maxamuud Al Qasaal ayaa Tilmaamay in Qatar ay Soomaaliya ka Caawineyso dhismaha iyo tababarada Ciidamada Qalabka Sida ay Soomaliya. Source: goobjoog.com

Muqdisho ( Sh. M. Network )-Guddoomiyaha Golaha Shacabka Maxamed Mursal Sheekh C/raxmaan ayaa maanta ku wajahan magaalada Baydhabo ee xarunta G/ Baay. Guddoomiye Mursal ayaa lagu wadaa in saacdaha soo socdo isaga iyo wafdi uu hoggaaminayo ay gaaraan gudaha magaaladaasi. Xubnahani ayaa ka qeyb galay munaasabadda caleema saarka madaxweynaha cusub ee K/ Galbeed C/casiis Xasan Maxamed Lafta Gareen oo beri ka dhaceysa halkaasi. Ammaanka ayaa lagu soo warramayaa in aad loo adkeeyay, iyadoona Ciidamo dheeraad ah lagu arkayo xaafado ka tirsan magaalada Baydhabo ee xarunta maamulkaasi. Sidoo kale Ciidamada amniga ayaa xalay howlgallo ka sameeyay magaalada, kuwaas oo lagu soo qabqabtay in ka badan 10 ruux, sida ay xaqiijiyeen ilo deegaanka ah. Xaaladda ayaa saaka ah mid dagan, iyadoona diyaar garow xoogan loogu jiro qaban qaabada xafladda caleema saarka Madaxweyne Lafta Gareen. The post Guddoomiyaha G/Shacabka Oo ku wajahan Baydhabo appeared first on Shabelle. View the full article

Muqdisho (Caasimada Online)-Madaxweynaha Dowladda Soomaaliya Maxamed Cabdullaahi Farmaajo ayaa muddo kadib wuxuu ka hadlay sheeko dhexmartay isaga iyo guddoomiyaha baarlamaanka markii laga keenay mooshinkii isaga ka dhanka ahaa. Madaxweyne Farmaajo ayaa hadalkiisa wuxuu u muuqday weerar uu ku qaadayay xildhibaanada Mucaaradka ee taageersanaa dowladii ka horeysay iyo madaxweyne Xasan Sheikh. Wuxuu sheegay markii mooshinka laga keenay inuu la xiriiray guddoomiyaha baarlamaanka oo xiligaasi gacanta ku dhigay mooshinka, isaga oo sheegay inuu weydiiyay cidda Mooshinka keentay. Wuxuu sheegay inuu ogaaday in kooxdii Qabyo ay keeneen mooshinka, isaga oo weydiiyay Guddoomiye Mursal inuu wax badan ka eego warqadaha mooshinka maadaama ay keeneen xildhibaanada mucaaradka ee taageersan Xasan Sheikh. “Markii mooshinka la keenay waxaan la xiriiray guddoomiye Mursal, waxaan weydiiyay mooshinka muxuu yahay, yaase keenay, wuxuu ii sheegay in Kooxda Qabyo ay keentay, waxaan ku iri naga fiiri hee armuu qabyo yahay”. Hoos ka daawo Muuqaalka

Xildhibaanno ka tirsan baarlamaanka maamulka Jubbaland oo gaaray degmada Baardheere ee gobolka Gedo ayaa ku eedeeyey madaxda ugu sarreysa ee maamulkaasi iney mas’uul ka yihiin deganaanshiyo la’aanta ka jirta gobolka Gedo. Xildhibaannadan oo warbaahinta kula hadlay Baardheere ayaa sheegay in Madaxweyne Axmed Madoobe iyo sidoo kale ku xigeenkiisa Koowaad, Maxamuud Sayid Aadan ay mas’uul ka yihiin arrintaasi. Waxa ay sheegeen in aysan xilligan dan ka lahayn shacabka Gedo, islamarkaana ay bilaabeen iney iska horkeenaan shacabka gobolkaasi ku nool. Halkaan hoose ka dhageyso: https://goobjoog.com/wp-content/uploads/2019/01/CODADKA-XIL-JUBBALAND.mp3-sax-2.mp3 Goobjoog News Source: goobjoog.com

Muqdisho ( Sh.M.Network):-Halkaan ka Dhageyso Warka Subax ee Idaacadda Shabelle. Hoos riix si aad u Dhageysato:- http://radioshabelle.com/wp-content/uploads/2019/01/Warka-Subax-150119.mp3 The post Dhageyso:-Warka Subax Ee Idaacadda Shabelle appeared first on Shabelle. View the full article

Garoowe(Caasimada Online) – Suuqyada magaalooyinka Puntland ayaa si weyn looga dareemayaa isbadal xooggan oo ku yimid sarifka lacagaha dollarka oo hoos u dhac uu ku yimid tan iyo markii ay qabsoontay doorashadii madaxweyne ee Puntland. Arrintaan ayaa loo aaneynayaa masuqa doorashadii Puntland ee adeegsiga lacagaha faraha badan, waxaana hadda sarifka halkii dollar uu suuqyada ka marayaa 30,000 Sh. So, halkii dollar markii hore uu ka ahaa 35,000 Sh. So. Sababta ugu weyn ee hoos u dhaca dollarka ayaa lagu sheegay in maalmihii u danbeeyay suuqa lasoo geliyay lacago dollar fara badan oo ka timid doorashadii madaxweynaha Puntland oo loo adeegsaday xildhibaanada cododkooda. Ganacsatada sarifka ayaa qiyaasay in lacag dhan 20 milyan oo dollar lasoo geliyay suuqa tan iyo maalintii ay qabsoontay doorashada madaxtinimada Puntland. Arrintaan ayaa si weyn waxaa usoo dhoweeyay dadka xoogsatada ah iyo kuwa danyarta ah ee ku nool maalin helka, waxaana meesha ka baxay sicir bararka sarifka lacagaha oo dhibaato ay ku qabeen. Caasimada Online Xafiiska Garoowe Caasimada@live.com

Qaran News

Qaran News

Garoowe (Caasimada Online) – Ilo lagu kalsoon yahay ayaa ku warramaya in askarta kasoo jeeda beesha Cumar Maxamuud (Majeerteen) ka soo bexeen jiidaha dagaalka ee God-qaboobe. Maleeshiyada Cumar Maxamuud ayaa qeyb ka ahaa ciidamada Puntland ee qaabka maleeshiyo beeleed ahaanta ugu kala jira aagagga dagaalka ee ay uga soo horjeedaan ciidamada Somaliland. Sida wararku sheegayaan maleeshiyada Cumar Maxamuud ayaa qeyb raacday markii uu Madaxweynihii hore ee Puntland Cabdiweli Cali Gaas aaday gobolka Mudug maalmo kahor doorashadii maamulkaas isaga oo booqanayey Hooyadiis. Maleeshiyadii raacday Gaas ee beeshiisa ahayd ayaan dib ugu soo laaban aaggii ay jiidda kaga jireen waxa ayna sababtay in ay ka daba tagaan intii kale ee beeshaas (Cumar Maxamuud) dagaalka uga jiray. Kaliya maleeshiyada Cumar Maxamuud dagaalka kama bixin balse waxa ay sii qaateen dhammaan tiknikadii meesha ka yaalay oo lagu sheegay ilaa iyo 15 3F , laba qoriga suugga ah iyo hal Kaare. Arrintan ayaa la sheegay in ay sabab u tahay guuldaraddii Cabdiweli Gaas ka soo gaartay doorashadii Puntland ee lagu doortay Siciid Cabdullahi Deni. Puntland tan iyo markii uu Cabdullahi Yusuf (AUN) aaday Koonfur, xilligaas oo uu hore u sii kaceystay ciidamadii daraawiishta ee Puntland, maamulka ma yeelan ciidamo dambe oo tiro iyo tayo leh. Ciidamadii intii hartay waxa ay kala jiraan buuraha Galgala iyo Koonfurta Gaalkacyo. Taas waxa ay keentay in ciidamada laga horgeeyo Somaliland ay noqdaan maleeshiyo beeleedyo qaab qabiil lagu soo uruuriyey oo u kala fadhiya sida magacyadooda kala yihiin. Waxaad maqleysaa – Aagga/jiidda Cali Saleebaan, Jiidda East Sanaag Clan, Jiidda Sool clan, Jiidda Reer Bicidyahan iyo Jiidda Ugaar Saleebaan. Dhinaca kale, walow ay tiro ahaan ka yar yihiin maleeshiyo beeleedka Puntland, hadana ciidamada Somaliland ee Tukaraq xoogga ku qabsaday sanad kahor waa kuwo qaab Militari leh oo ay u dhammeytiran yihiin dhammaan agabkii ciidan. Sidoo kale waxaa xoojinaya Somaliland waxaa la socda ciidamo Sool clan ah oo hoos taga General Mahad Cambaashe, sida ay xogo hoose sheegayaan, tirada ciidamada Sool clan ee Somaliland xagooda ka soo jeeda waxa ay saddex jibaar ka badan yihiin kuwa ka soo jeeda dhinaca Puntland. General Mahad Cambaashe waxaa la socda maleeshiyo beleedyo isugu jira dhammaan qeybaha kala duwan ee Sool clan. Wali wax xal ah lagama gaarin collaada Somaliland iyo maamul gobolleedka Puntland iyada oo uu dhawaan hadal hanjabaad u muuqday uu Madaxweynaha cusub ee Puntland saxaafadda u mariyey Somaliland oo iyaguna jawaab ka bixiyey. Caasimada Online Xafiiska Garoowe caasimada@live.com

Maxaad ka ogtahay dalka kaliya ee Afrikaanka ah ee aqoonsan Taiwan? Shiinaha ayaa marar badan isku dayay in uu Taiwan kala wareego xirrirka diblomaasiyadeed ee boqortooyada yar ee eSwatini oo markii hore la oran jiray Swaziland. eSwatini ayaa ah dalka kaliya ee Afrika ku yaalla oo xiriir diblomaasiyadeed la leh jasiiraddan ku taalla Aasiya kadib markii Burkina Faso ay la xiratay Shiinaha bishii May ee sanadkii tagay. Shiinaha ayaa sheegay in uusan ogolayn in dalalka ay xiriir toos ah la yeeshaan Taiwan sababtoo ah waxa uu Taiwan u aqoonsanyahay in uu yahay gobol isaga go’ay oo uu markuu doono dib u soo ceshan karo xitaa haddii ay lagama maarmaan noqoto in awood loo adeegsado. Balse dawladda eSwatini ayaa sheegeeysa in ay xiriirka diblomaasiyadeed ay la leedahay Taiwan ay sii wadi doonto. Boqor Mswati III waxa uu 17 goor u safray Taiwan. Markii madaxda dalalka Afrikaanka ah ay ka qeeyb galayeen shirkii lagu lafa gurayay xiriirka Afrika iyo shiinaha, King Mswati waxa uu ka qeeyb galayay munaasabad dhaqameedka sanadlaha ah, halkaas oo uu ka dooranayay xaaskiisa 15-naad. Madaxweynaha Shiinaha Xi Jinping ayaa sheegay in $60bn oo doolar oo dheeraad ah ku kharash gareeynayo Africa, balse eSwatini ayaa sheegeeysa in aysan lacagahaasi waxba kala maqnayn Qaran News

Maxey daarneyd negaanshaha Assiase Afworke laba caano maal Mugdisho Wa marki u horeysey ee madaxweyne ajnabi u hooydo Muqdisho inti ka dambeysey burburki dawladdi Somalia 1991. Dhacdadan oo marka hore iftimineysa geesinimada madaxweyne Assiase Afworke madaama u naftisi ku biimeeyey innu u hooydo meel ka mid ah meelaha adduunka ugu khatarsan, marka xigtana waxey inna tuseysa mucangagnimada iyo keni adeyga uu dhashey, marka seddexaadna wuxu gudaayey abaalki weyna ee dawladdi Somaalia u gashey waqtigi adka ee Eretria ku jirtey halganki qadhaadha ee dib u xoryenta dalkooda . Waxaan xasuusta safarkisi ugu horey ee u yimid UAE Abudhabi isago madaxweyne ah daba yaaqadi 1993,wareysi u siiyey wariyaal Carbeed kuna weydiyeen,‘ maxay Eritrea ugu biiri weyd Jaamicadda Carabta madaama ay wax badan halganki idinka caawisey ? , wuxu ugu jawaabey, ‘’Annaga cidda koobaad ee nacaawisey wa Soomaalida ee haddey jaamical Al Carab wax tar le dehey Soomaalida dhibaateysan bey caawin la heyd ‘’. Hadalkaasu ku aamusiyey wariyaashi Carbeed. Marka afraadna waxey fariin adag u direysa cid walba’ oy khuseyso arrimaha Somalia KA BACDI heeshisyadi nabadeenta ee Eriteria — Ethiopia iyo Somalia — Eriteria ee u gadhwadeenka ka yahey ra’iisal wasaare Abiy Ahmed. Taaso beryahan ba la isla dhex maraayey warar sheegeya innu jiro heeshis ka dhexeya seddexda dal ee Somalia- Ethiopia- Eriteria oo bud dhigisu yahey in mar haddi ay heshiyeen Ethiopia iyo Eriteria in ciidamadooda isku hor fadhiyey mandaqadda Badme in la keeno Somalia si ay shaqo iyo mashquulin ugu noqoto oo ay bedelaan ciidamada fadhiidka ah ee AMISOM. Haddaba, inkasto madaxweyne Farmaajo u ku yimid dareenka shacabka Somalia oy ugu horeyso diidmada ay diidanaayeen faragelinta qaawan ee Ethiopia ku heyso dalkooda iyo colaadihi taariikhiga ee soo kala dhex marey, ki ugu dambeyeyna u aha dagaalki 2006 ee Ethiopia iyo maxaakimta oo Mareykanku iyo reer galbeedku dabada ka wadeen ( Proxi war ) aya waxa muuqata in madaxweyne Farmaajo marku waayey kalsonidi shacabka Somalia ee ku hungoobey wax qabad la’aantisa, innu door bidey innu maciinsado isbaheysigan Ethiopia- Somalia- Eretria, taaso’ ah tubti madaxweynihi hore Cabdillahi Yousuf ( AHUN ). Halku Cabdillahi Yousuf ku dambeyna weynu ka wada dharagsanahey. Waxa marag madoon ah in ciidamada AMISOM ee Somalia soo degey 2007, ku fashilmeen iney soo hooyaan guullo la taaban karo la dagaalanka argagixisada al shabaab, xaalkooduna noqdey qawda maqashi waxna haw qaban iyado la wada ogyahey iney dhibaatada Somalia ka dhigteen mashruuc aan dhamaaneyn madaama askartaasi qaadato lacag kumana kun dolaar mushahaar ahaan ( dawladahooduna dhaqaale xoog leh ka soo galaan, tusaale Burundi oo shan kun iyo shan boqol oo ciidan u joogaan waxey afarti bilood hesha 18 million oo dolaar ( xigasho AFP ). Markeynu si qoto dheer u falanqeyno hirdanka siyaasadeed ee geeska Afrika ka socda gaar ahaan na Somalia waxey ku soo urureysa seddex qodob 1-Goobta strategy ay ku taalo oo seddex meelood meel badeecadihi adduunku maro xeebaheeda 2- Rajada fiican ee sadaasha sahaminta shidaalka xeebaha Somalia 3- Geopolitics mandaqadda oo isbedel weyn ku yimid waxana hormood ka ah isbalaadhinta China ee xawliga ku socda. Marka la eego asbaabaha kor xusan waxa aad loo tuhunsan yahey in qorshahan cusub ee imaanshaha ciidamada Ethiopia iyo Eretria dalka Somalia dabada ka riixayaan dawladaha reer galbeed ee mudada kow iyo tobanka sannadood bixinaayey balaayiinka doolaar si ay Somalia ugu soo dabalaan xasilooni iyo dawlad adag oo gacanta ku heysa xuduudaheeda si ay uga fushaan danahooda. Siyaasi Baashe Cabdi Gaboobe Qaran News

Ceerigaabo (Caasimada Online) – Shirkado dadka deegaanka ay leeyihiin ayaa Dahab kasoo saaray buuraha gobolka Sanaag, waxaana muuqata in dahab badan uu ku jiro buuraha qaar, kadib sahan la sameeyay. Wararka aan ka heleyno buuraha Cirshiida Dhicir iyo Buurta Ceel Dibir, ayaa sheegaya in shirkado ay leeyihiin dad Soomaaliyeed ay ka heleen halkaasi dahab looca loo yaqaan NEGED. Shirkadaha Soomaalida ay leeyihiin ayaa halkaasi geeyay qalab kala duwan iyaga oo doonaya inay ka faa’ideystaan soo saarista dahabka, waxaana ay sheegeen inay wadaan baaritaano dheeri ah. Masuuliyiinta shirkadaha ayaa sheegay in haddii ay ku guuleystaan baaritaanka dahabka islamarkaana ay u iib geeyaan caalamka, inay mashaariic horumarineed ka fulin doonaan Deegaanka. Waxay sheegeen in dhaqaalaha ka yimaada dahabka ay ku celin doonaan deegaanada laga helay, iyaga oo ka taageeraya dhanka caafimaadka waxbarashada iyo horumarinta deegaanka.

Kismaayo (Caasimada Online) – Wasiirka qorsheynta iyo iskaashiga caalamiga ah ee dowlad goboleedka Jubbaland Aadan Ibraahim Aw Xirsi ayaa ka warammay dhacdo ugub ku ah baraha bulshada gaar ahaan Twitter-ka kadib markii wasiirka maaliyadda xukuumadda federaalka ah ee Soomaaliya Cabdiraxmaan Beyle uu block saaray ama iska xannibay xiriirka mas’uul ka tirsan mid ka mid ah dowladaha xubnaha ka ah dowladda federaalka ah. Aadan Aw Xirsi ayaa dhacdadaasi kadib waxaa uu bartiisa Twitterka ku soo qoray ” Waa wasiir maaliyadeed noocee ah midka muwaadin u xanibaya faallo yar uu bixiyey?” Aw Xirsi, oo ka hadlaya sababta ayaa yiri ” Aniga su’aal ayaan weydiiyey, ka muwaadin ahaan inuu iiga jawaabo ayey aheyd ee inuu block i saaro, waxaa ay muujineysaa dulqaad la’aantiisa”, isaga oo intaasi raaciyey “Sax ilama ahan in su’aal block loogu jawaabo, muwaadinka in loo jawaabo xaq ayuu u leeyahay”. Wasiirka qorsheynta iyo iskaashiga caalamiga ah ee dowlad goboleedka Jubbaland Aadan Ibraahim Aw Xirsi ayaan sidoo kale weydiiney su’aasha uu wasiirka maaliyadda Soomaaliya Cabdiraxmaan Beyle ka carooday, keentana in uu block saaro ama xannibo xiriirkooda barta Twitterka? “Su’aashu waxaa ay aheyd, Laaluush miyaa ku jira qoondooyinka miisaaniyadda dowladda?” Maxaa ula jeeday hadalkaas markii aan dhahnay waxaa uu yiri “Laaluush in la bixiyo oo ay dowladda federalk ah bixiso waa muuqaa, ee su’aasheyda waa: Laaluushku ma wax qoondada miisaaniyadda ugu jiraa dowladda federaalka ah mise meel kale ayaa laga helaa?”. Dhinaca kale, waxaan isku daynay xiriir la sameysay wasiirka maaliyadda Soomaaliya Cabdiraxmaan Beyle, laakin nooma suurogelin. Waxaa istaagsan xiriirka dowladda federaalka ah iyo dowlad goboleedyada. Shir ka dhacay Kismaayo September 8, 2018, golaha iskaashiga dowlad goboleedyada ayaa xiriirka u jaray dowladda federaalka ah, inkasta oo xilligaasi kadib ay isbadal ka dhaceen labo maamul hadana ma jirto wax isu soo dhowaanshiyo ah. Caasimada Online Xafiiska Kismaayo caasimada@live.com