London (SMN) – Ha’yadda gargaarka ee OXFMAM ayaa warbixin cusub oo ay soo saartay ku sheegtay in malaayiin ruux oo ku nool deegaano hoos taga gobollada woqooyi ee Soomaaliya ay wajahayaan abaaro iyo cunto la’aan baahsan. OXFMAM ayaa warbixinteeda ku xustay in roobabkii la filayay in aysan di’in, taasina ay sababtay n qoysas badan ay la kulmaan xaalado bani’adanimo ah. Amjad Cali oo ah madaxa hay’adda OXFAM ee Soomaaliya ayaa sheegay in abaarahani ay inta badan saameeyeen dumarka iyo caruurta oo wajahaya nafaqo darro xoogan. Sidoo kale Amjad Cali ayaa xusay in dadka ay sameeyeen abaarahu ay dhammaan xoolahooda ku waayeen abaaro horay ugu dhuftay dalka sanadkii 2017-kii,islamarkaana ay ku adagtahay in ay dib u sameystaan noloshoodii hore. Ugu dambeyn hay’addani ayaa shaaca ka qaaday in gobollada Togdheer, Sool iyo Sanaag ay ku nool yihiin dadka ay saameyeen abaaraha daran ee ka jira Soomaaliya. View the full article

Ciidamada booliska Somaliland ayaa maanta xabsiga u taxaabey laba mas’uul oo ka tirsanaa wasaaradda warfaafinta Somaliland. Labadan masu’uul ayaa kala ah, agaasimihii wasaaradda warfaafinta Dr. Cismaan Xuseen Warsame iyo agaasimihii Maamulka iyo Lacagta Wasaaraddaasi Xasan Maxamuud Muxumed. Xadhiga labadan mas’uul ayaa la sheegay in uu amray Hanti-dhawrka guud ee Somaliland oo muddooyinkii ugu dambeeyay baadhis la xidhiidha masuqmaasuq ku waday wasaaradda warfaafinta Somaliland. Agaasimaha maamulka iyo lacagta ayaa lagu tilmaamaa in uu yahay xubin awood badan ku dhex leh wasaaradda warfaafinta Somaliland. Muddadii ay hanti-dhawrku ay baadhista ku wadeen wasaaradda warfaafinta Somaliland ayaa waxaa gubtay dhisme muhiim ah oo ka tirsan wasaaraddaasi kaasi oo la sheegay in ay ku baxday lacag tiro badan. Source: goobjoog.com

Muqdisho (SMN) – Ciidamada ammaanka ayaa howlgal qorsheysan oo 19-kii bishan ay ka fuliyeen magaalada Muqdisho ku soo qabtay xubin ka tirsan Al Shabaab. War qoraal ah oo ka soo baxay dowladda, islamarkaana lagu baahiyay wakaaladda wararka ee Sonna ayaa lagu sheegay in ciidanka amnigu ay gacanta ku soo dhigeen madaxii maxkamadda Al Shabaab deegaanka Bariire ee gobolka Shabeelaha Hoose. Hay’adaha amniga dowladda federaalka ah ee Soomaaliya ma shaacin magaca sarkaalka la soo qabtay. Sidoo kale ma jiro wax hadal ah oo ka soo baxay dhanka Xarakada Al Shabaab oo ku aadan howlgalkaasi. Muddooyinkii dambe ciidanka amniga ayaa waday howlgallo xoogan, iyagoona 18-kii bishan gacanta ku soo dhigay labo ka tirsanaa Al Shabaab oo ku sugnaa Muqdisho. View the full article

Muqdisho (Caasimadda Online) – Wasaaradda Waxbarashada Maamulka Jubbaland ayaa go,aan ka soo saartey Warqad horey uga soo baxdey Wasaaradda Waxbarashada dowladda Federaalaka Soomaaliya, taasi oo aheyd in Ardeyda Dugsiyada Sare Waajib looga dhigeyay in ay galaan labo Imtixaan. Wasaaradda Waxbarashada Jubbaland ayaa ku baaqdey in dib loogu noqdo go,aanka maadaama aysan duruufta Ardeyga Soomaaliyeed u saamixi karin inuu galo Labo Imtixaan. Wasaarada waxbarashada Jubbaland ayaa sheegtay in golaha wasiirada iyo Madaxweynaha Jubbaland ay kala tashatay sidaasna lagu amray in hal imtixaan laga qaado ardada Soomaaliyeed gaarahaan kuwa deegaanada Jubbaland. Halkaan hoose ka akhriso go’aanka kasoo baxay Jubbaland Caasimada Online Xafiiska Kismaayo Caasimada@live.com

(SLT-Hargeysa)-Ehelada iyo xaaska agaasimihii wasaarada warfaafinta ee la xidhay ayaa warbaahinta la Hadley waxaana ay ka war bixiyeen qaabkii xalay loo xidhay masuulkaasi, Halkan hoose ka DAAWO Source

Muqdisho (SMN) – Faah faahinno dheeraad ah ayaa ka soo baxaya dil barqanimadii maanta Macalin Dugsi Qur’aan loogu geystay degmada Waabri ee gobolka Banaadir. Dilka ayaaa ka dhacay buundada Ansaloonti, iyadoona loo geystay Mukhtaar Abuubakar Xaamud oo Macalin ka ahaa Madarasada C/raxmaan Bin Cawf ee degmadaasi. Sidoo kale Marxuumka ayaa Imaam ka ahaa Masjidka Jaamac C/casiis oo ku yaalla laanta Hantiwadaag ee degmada Waabari, sida ay xaqiijiyeen ilo deegaanka ah. Rag ku hubeysan ayaa la sheegay in ay toogasho ku dileen Macalinkaasi, xilli uu ku sugnaa dugsigiisa, iyagoona goobta isaga baxsaday. Ciidamo ka tirsan kuwa ammaanka ayaa gaaray meesha ay wax ak dhaceen, kuwaas oo baaritaano kooban ka sameeyay halkaasi. Weli ma jiro wax hadal ah oo ka soo baxay dhanka laamaha amniga oo ku aadan dhacdadaasi. Maalmihii la soo dhaafay ayaa waxaa amniga Muqdisho uu dagan, iyadoona ciidamada amnigu ay howlgallo ka wadeen qaar ka mid ah degmooyinka G/Banaadir. View the full article

Muqdisho (SMN) – Halkaan ka Dhageyso Warka Duhur ee Idaacadda Shabelle. Hoos riix si aad u Dhageysato:- https://www.radioshabelle.com/wp-content/uploads/2019/03/Warka-Duhur-20032019.mp3 View the full article

Muqdisho (Caasimada Online) – Xildhibaan Mahad Salaad ayaa qoraal muhiim ah oo uu soo dhigay bartiisa facebook uga hadlay dhibaatooyinka mushahar la’aan ee ay wajahayaan ciidamada dowladda, isaga oo uga digay madaxda dowladda inay siyaasadeeyaan. Hoos ka aqriso qoraalka. Waxaan ugu baaqaynaa Madaxda Qaranka in aysan siyaasadayn mushaarka Ciidamada Qalabka Sida! Cutubyo ka tirsan Ciidamada Milateriga Soomaaliya ayaa ka soo baxay degmada Mahadaay, Qalimow, Garsaale iyo fariisimo ay ku lahaayeen duleedka Jowhar. Soo bixitaanka Ciidamadaan ayaa lagu sababeeyay mushaar la’aan mudo 4 bilood ah soo jiitameysay, halka ciidamada qaarkood mudo 6 bilood ah aysan mushaar qaadan. Saraakiil katirsan ciidanka militariga oo aan la xariiray ayaa ii sheegay in ciidamadaan la diiwaan geliyay loona sheegay in mushaarka loogu soo shubi doono akoomadooda ilaa hadana aysan wax lacag ah qaadan. Sidoo kale xariir aan la sameeyay saraakiil katirsan ciidanka booliska ayaa ii sheegay in mushaar la’aanta ciidamada aysan ku koobnayn militariga kaliya ee sidoo kale ciidamadii Nabad Sugida laga soo wareejiyay ee Booliska lagu daray iyo kuwii 14kii Oktoobar iyagana mudo dhowr bilood ah aysan mushaar qaadan. Maalmo ka hor ayay aheyd markii ciidamo ka cabanaya mushaar la’aan oo katirsan qeybta 12-ka April ay isaga soo baxeen deegaanka Dhanaane ee Gobolka Shabeellaha Hoose, halkaasoo markii dambe ay la wareegeen Al-Shabaab. Haddaba, waxaan ugu baaqaynaa Madaxda Qaranka in aan la siyaasadayn mushaarka ciidamada, lagana dhaafo ciidamada hadalada xaqiiqada ka fog ee warbaahinta loo marinayo. Sababna aan loo noqon iska horkeenida ciidamada iyo saraakiishooda. Taasoo keeni doonta in ciidamadu furimaha dagaalka soo baneeyaan, cadowgana si sahlan gacanta loogu geliyo deegaano xoreyntooda loo huray naf iyo maal aad u badan. Mahadsanidiin Hon. Mahad Salad

Qaran News

Xukumada Muuse Biixi ayaa xabsiga ku tuurtay xalay Agaasimiha Guud ee Wasaarada Warfaafinta Somaliland Cismaan Xuseen warsame Sidoo kale xukumada Muuse Biixi waxay xabsiga dhigtay Saaka Agaasimaha Maamulka lacagta ee Wasaarada Warfaafinta Somaliland Xasan maxamed maxamuud Labadan masuul ayaa la sheegay inuu xadhigooda ku lug leeyahay Wasiirka warfaafinta Guri-barwaaqo oo dalbaday in hantidhawr la geliyo,maadaba labadoodaba uu ku tuhunsan yahay Musuqmaasuq,Wax-isdabamarin & Lunsasho Hanti Qaran. Qaran News

Hargeysa (Caasimada Online) ― Garsoore ka tirsan Maxkamadda degmada Hargeysa ayaa maanta waxa uu xukuno kala duwan ku ridey nin loo haystay kiis kufsi iyo weliba gabadh curyan ah oo kufsiga ka cabaneysay. Maxkamada ayaa waxay Ninkan ku xukuntay in dhagax lagu dilo, iyada oo gabadhii curyaanta aheyd ee kufsiga ka cabaneysayna lagu xakumay in 100 jeedal lagu dhufto. Kiiskan ayaa waxa uu udhexeeyay labadan qof ee maanta ku dhaceen xukunadan kala duwan. Geesta kale Garyaqaan Guuleed Axmed Jaamac (Dafac) ayaa dhaliilay habka uu u dhacay xukunkaasi, isagoo shegay in aanu xukunkaasi marin hannaanka sharciga ah balse garsooruhu qaatay go’aan. “Gabadh curyaan ah ayaa sheegtay in nin kufsaday, baadhistii dacwadda ayaa adkaaatay. Ninkii wuxuu ku dooday inaanu arag oo aan waxba dhexmarin noocay doontee ha noqotee, Inantii uur ayay qaaday, Qareenkeedii waxay ka codsatay maxkamadda degmada inay qaado DNA-ga ilmaha si loo oogaado cidda dhashay. Waxaay rabtay inay caddaynta u gudbiso xeer-ilaalinta si ay u yeesho ama u diido (mar haday iyadu awoodda sharci ee caynkaas ah leedahay). Garsoorihi DNA-ga qudha qaaday xukun ayuu ku xejiyay isaga oo aan dacwadba qaadin, xeer ilaalina sugin, baadhisna aan arag, Awood sharcina u lahayn. Inantii curyaanta ahayd ee sugaysay in hay’adaha baadhistu go’aan gaadhaan, waxa lagu yidhi 100 jeedal ayaa ku sugaya.” ayuu yidhi Garyaqaan Guuleed Dafac oo ka waramayey qaabka ay wax udhaceen. Caasimada Online Xafiiska Hargeysa Caasimada@live.com

Muqdisho (Caasimada Online) – Madaxweyne ku xigeenka Dowlad Goboleedka Hirshabeelle Cali Cabdullahi Guudlaawe ayaa beeniyay warar sheegayay in uu isaga baxay magaalada Jowhar kaddib markii ciidamada dowladda ay ka baxeen aagaggii Gobolka Shabeellaha dhexe. Cali Guudlaawe ayaa u sheegay warbaahinta in uu ku sugan yahay Jowhar kuna shaqeynayo,waxaa uu been abuur ku tilmaamay wararka la isla dhexmarayo. “Magaalada Jowhar ayaa ku suganahay, howlihii caadiga ee maamulka waa socdaan, Golaha Wasiirada, maamulka heerka degmo, heer degmo howlahooda ayay wataan, ciidamada amnigana magaalada waa ku sugan yihiin”ayuu yiri Cali Guudlaawe. Ciidamo ka tirsan qeynta 27aad ee Ciidamada Dowladda ayaa isaga baxay degaannada Mahaddaay, Qalimow, Garsaale iyo duleedka Jowhar saldhigyo ay ku lahaayeen. Ciidamadan ayaa cabanaya mushahar la’aan baahsan oo muddo bilooyin ay haysatay, xilli inta badan ciidanka dowladda aysan mushahar qaadan muddo afar bilood ah. Caasimada Online Xafiiska Muqdisho Caasimada@live.com

Click here Qaran News

Muqdisho (Caasimada Online) – Xog dheeri ah ayaa kasoo baxaysa wada-hadalladii magaalada Kismaayo ay ku yeesheen ra’iisul wasaare Xasan Cali Kheyre iyo madaxweynaha Jubaland Axmed Madoobe, oo horey loo sheegay in la isku fahmay. Hase yeeshee, waxaa hadda soo baxaya, in heshiiska la galay uu ahaa mid si aad ah ugu daneynaya Axmed Madoobe, oo u muuqda bahdil dowladda lagu sameeyey. Axmed Madoobe ayaa diiday dhammaan qodobadii la hor-dhigay, marka laga reebo qodob ahaa inuu taageero nidaamka doorashada 2021 ee dowladda ay qorsheyneyso, oo si looga gado beesha caalamka loo baahan yahay taageerada maamul goboleedyada. Halkan ka aqri waxa uu yahay nidaamkaas. Ilo-wareedyo aad loogu kalsoon yahay ayaa Caasimada Online u xaqiijiyey in saddexda qodob ee dowladda ay ka dalbatay Axmed Madoobe, ee uu ku gacan seeray, ay ahaayeen:- 1 – Inuu dowladda kusoo wareejiyo maamulka dekedda iyo garoonka diyaaradaha, sida ku cad heshiiskii uu dowladda kula galay dalka Ethiopia xilligii Xasan Sheekh oo dhigayey inuu lix bilood gudahood sidaas ku sameeyo. 2 – In ciidamada milatariga iyo nabad-sugidda Jubaland oo mushaharkooda ay bixiso dowladda ay noqdaan kuwa dowladda hoos yimaada, oo hoggaankooda ay soo magacowdo, islamarkaana ka amar qaataa. 3 – In doorashada madaxweynaha Jubaland ay noqoto mid furan oo dowladda iyo beesha caalamka ay goobjoog ka noqdaan. Axmed Madoobe ayaa la sheegay in saddexda qodoba uu ku gacan seeray, isaga oo dowladda u sheegay in haddii sidaas uu sameeyo uusanba madaxweyne ahayn, oo ay uga wanaagsan tahay inuu xilka isaga dego. Axmed Madoobe ayaa haddii ciidanka uu ku wareejiyo maamulka dowladda ka cabsi qaba ina lagu sameeyo wixii ka dhacay Baydhaba, halka garoonka iyo dekedda Kismaayo ay yihiin ilihiisa dhaqaale. Si kastaba, Kheyre ayaa la sheegay inuu sii aqbaly heshiiska Axmed Madoobe, ayada oo ujeedka ugu weyn ee dowladda uu yahay inay taageero u hesho nidaamka doorashada 2021. Waxaa xusid mudan, in doorashada Jubaland ay kasoo horeyso tan federaalka, sidaas darteed xitaa qodobka uu qablay Axmed Madoobe uu ka bixi karo marka dib loo doorto, taasi oo muujineysa sida Axmed Madoobe uga cayaar badiyey Kheyre. Dhinaca kale, heshiiska Kheyre iyo Fahad Yaasiin kasoo qaadeen ayaan la ogeyn inuu aqabli doono madaxweyne Farmaajo oo la hor-dhigay. Caasimada Online Xafiiska Muqdisho caasimada@live.com

Muqdisho (SMN) – Maxkamada Darajada Koowaad ee Ciidamada Qalabka sida ayaa Saaka Xukun Dil ku riday Canshuur Cismaan Abuukar Cumar (Asad) 23jir ah iyo Max’ed Cali Boorow Aadan (C/xakiin) oo 25 jir ah, Kuwaas oo ka tirsanaa Argagaxisada Al shabaab sida uu ku dhawaaqay Gudoomiyaha Maxkamadda Darajada Koowaad ee ciidamadda Qalabka Sida Xasan Cali Shuute. Eedaysanaha 1aad Canshuur Cismaan Abuukar Cumar (Asad), waxaa si gaar ah loogu eedeeyay in uu ka tirsan yahay kooxda Al-shabaab, kana soo shaqeyay xiliyo kala duwan Qeyba ay ka mid yihiin Jabhada, weerarada baabuurta lagu fuliyo iyo Qaraxyada ismiidaaminta oo uu sahmiye u ahaa, isagoo si gaar ah ugu eedaysan inuu fuliyay falalka soo socdo:- Taariikhdu markay ahayd 15/08/2017,waxay weerar ku qaadeen isaga iyo labo ruux oo kale gaari Hartob Land-garuuzal ah oo ay saarnaayeen hal Qoys oo ah reer Xasan Cabdi Cawad oo ka mid ah Maamulka Shirkada Dahabshiil, kuwaas oo ay ku fureen rasaas Tacshiirad ah uuna ku geeriyooday Marxuum Maxamed Xasan Cabdi Cawad kuna Dhaawacmeen 5-ruux oo ka mid ah qoyska maamulaha. Taariikhdu markay ahayd 27/09/2017 isgoyska Via Roma ee Degmada X/wayne, waxay mar kale ku weerareen gaari ay saarnaayeen 2da Marxuum ee kala ah. 1)Marxuumad Canab C/laahi Xaashi oo ahayd Xoghayihii Guud ee Ururka Haweenka Qaranka 2)Marxuum Axmed Jaamac Xirsi oo ay dhashay Guddoomiyaha Ururka Haweenka qaranka, gaarigaasoo ay rasaas tacshiirad ah ku fureen ayna ku geeriyoodeen 2da marxuum ee sare ku xusan. Taariikhdu markay ahayd 09/11/2018, wuxuu qayb ka ahaa eedaysanuhu qaraxyadii ka dhacay Hotel Sahafi, isagoo sahmiye iyo hage u ahaa 3-dii baabuur ee qaraxyada ismiidaaminta ahaa iyo weerarkii hubaysnaa oo ay ku naf waayeen dad gaaraya 32ruuxkuna dhaawacmeen69ruux oo kale, Sidoo kale Taariikhdu markay ahayd 22/12/2018 wuxuu ahaa abaabulihii qaraxyadii ka dhacay Tiyaatarka Qaranka, halkaasoo ay ku geeriyoodeen 27ruuxAyna ku dhaawacmeen 55ruux oo kale, Iyadoo Ciidamada amnigu ku soo qabteen kadib markii uu uga degtay gaarigii 2-aad ee Saarufka ahaa Taalada Daljirka Dahsoon, gaarigaasoo isagana qarxay ayna ku geeriyoodeen Marxuumiin ay ka mid ahaayeen 1)Marxuum Faysal Salaad Samow 2)Marxuum Axmed Maxamed Yuusuf oo labaduba macalimiin ka ahaa Iskoolka Yaasiin Cismaan. Eedaysanaha 2-aad Maxamed Cali Boorow Aadan (C/xakiin), waxaa lagu eedeeyay in uu ka tirsan yahay kooxda Al-shabaab gaar ahaan Qeybta qaraxyada,isla markaana uu qayb ka ahaa Sahmintii Qaraxii lagu weeraray Degmada H/wadaag 02/09/2018 oo sababay Dhimashada8ruux iyo Dhaawaca 27 ruux oo kale, sidoo kale wuxuu qeyb ka ahaa eedaysanuhu isaga iyo Eedaysanaha 1aad qaraxii ka dhacay Tiyaarka qaranka 22/12/2018 oo ay wadeen gaarigii 2-aad ee ku qarxay agagaarka Daljirka Dahsoon . DOOD DHEER KADIB. MAXKAMADDU: Markay Aragtay:- Qodabada 221,222,434,71 XCS . Markay Aragtay: – Maxkamaddu Qiraalka Eedaysane Canshuur Cismaan Abuukar Cumar (Asad), oo uu ka horcadeeyay garsoorka in uu ka tirsanaa kooxda Al-shabaab kana soo shaqeeyay qaybo kala duwan oo ay ka mid tahay weerarada lagu fuliyo baabuurta asigoo qayb ka ahaa weeraro ay ka mid ahaayeen weerarkii 15/08/2017 degmada hodan lagula beegsaday gaari hartoop langaruusal ah oo ay saarnaayeen hal qoys oo uu ku geeriyooday hal ruuxkuna dhaawacmeen 5 ka mid qosykii gaariga saarnaa. sidoo kale wuxuu eedaysanuhu sheegay in uu qayb ka ahaa weerarkii lagu qaaday gaari saruf ah oo marayayisgoyska via Roma ee degmmada xamar wayne 27/09/2017 oo ay ku geeriyoodeen labadii ruux ee saarnaa gaariga , sidoo kale eedaysanuhu wuxuu garsoorka u cadeeyay in uu ahaa sahmiyihii weerar iyo qaraxyo lala beegsaday09/11/2018, Hotel Sahafi weerarkaas oo ay ku geeriyoodeen 32 ruux kuna dhaawacmeen 69 ruux oo kale, iyadoo ciidanka amniga ay soo qabteen kadib markii uu ka degay gaarigii labaad ee ku qarxay 22/12/2018 agagaarka daljirka daahsoon , qaraxaas oo ay ku geeriyoodeen labo macalin oo ka tirsanaa iskuulka Yaasiin Cusmaan. Markay Aragtay:- Maxkamadda Qiraalka Eedaysane Maxamed Cali Boorow Aadan (C/xakiin), oo uu ka hor bixiyay garsoorka Ciidamada Qalabka sida hortiisa kuna cadeeyay in uu ka tirsan yahay kooxda al-shabaab gaar ahaan qaybta qaraxyada isaguna sahmiye ka ahaa qaraxii lagu weeraray Degmada howl-wadaag 02/09/2018 ,sidoo kale eedaysanuhu wuxuu cadeeyay inuu qayb ka ahaa weerarkii 22/12/2018 lagu qaaday tiyaaterka qaranka, ciidamada amniguna ay qabteen kadib markii uu ka degay gaarigii labaad ee ku qarxay agagaarka daljirka dahsoon. Markay Dhagaysatay:- markhaatiyaasha la horkeenay maxkamaddda mid midna ay u waydiisay marag furkooda waxay maxkamada ka hor cadeeyeen in ay dad shacab ah u sheegeen in labada eedaysane ay ka degeen gaari ay dhigeen agagaarka daljirka dahsoon sidaasna ay ku qabteen inti ay waraysanayeena uu qarxay gaarigii ay ka degeen, qaraxaas oo sababay dhimashada 3 ruux oo labo ka mid ah ay ahaayeen macalimin iskuul. Markay Aragtay:- Dembi muujinta ah 1- dukumiintiyo ay ka mid yihiin- cadaymihii iyo qiraaladii laga qoray eedaysanayaasha. 2- liiska dadkii ku geeriyooda kuna dhaawacmay qaraxyadii iyo weeraradii lagu eedeeyay eedaysanayaasha. 3- sawirada muujinaaya bur-burkii ka dhacay qaraxyada iyo weerarada lagu soo eedeeyay. Markay Dhagaysatay:- Doodii Qareenada oo ahayd in eedaysanayaasha loo naxariisto loona eego sifaalaha dembiga fududeeya. Sidaas Darteed Maxkamadda waxaa u Caddaaty in:- Dambiile Shabaab Canshuur Cismaan Abuukar Cumar iyoDambiile ShabaabMax’ed Cali Boorow Aadanay wada yihiin dambiilayaal galay dembiga lagu soo oogay waxayna ku wada xukuntay Dil Toogasho. Cidii aan ku qanacsanayn xukunka maxkamada waxaa u furan rafcaan. View the full article

Muqdisho (Caasimada Online) – Warar dheeraad ah ayaa kasoo baxaya dil kooxo hubeysan ay ka geysteen degmada Waaberi ee gobolka Banaadir, waxaana dilka loo geystay macalin Dugsi Qur’aan. Kooxaha dilka geystay ayaa ka baxsaday goobta dilka kadib, waxaana la sheegay in macalinka lagu hordilay dugsigiisa oo ku yaala degmada Waaberi ee gobolka Banaadir. Macalinka dugsi qur’aanka ayaa si weyn looga yaqaanay xaafada uu dugsiga ku hayay, waxaana la ogeyn sababta ka dambeeya dilkiisa. Markii uu dilka dhacay kadib waxaa Goobta gaaray Ciidamo ka tirsan kuwa dowladda Soomaaliya, kuwaasi oo sameeyey baaritaano ay ku doonayaan inay kusoo qabtaan dadkii ka dambeeyey dilkaas. Magaalada Muqdisho ayaa inta badan waxaa ka dhaca dilal loo geysto askar ka tirsan ciidamada Dowladda iyo dad kale,waxaaana inta badan mas’uuliyada dilalkaas sheegta Ururka Al-Shabaab. Dhinaca kale Al Shabaab ayaa sheegtay masuuliyadda qarax lagu dhaawacay sarkaal ka tirsanaa hay’adda CID-da, waxaana ay sheegeen inay iyaga ka dambeeyeen qaraxaasi. Al Shabaab ayaa sheegay in sarkaalka ay dhaawaceen lagu magacaabo Xarbi dhageey, kaasi oo kamid ahaa saraakiisha sarsare ee xarunta dambi baarista dowladda. Caasimada Online Xafiiska Muqdisho Caasimada@live.com

(SLT-Hargeysa)-Maamulaha Guud Ee Shirkada Dahabshiil Group Oo Si Adag U Beeniyay Dacaayado Laga Fidiyey, Halkan hoose ka DAAWO Source

(SLT-Hargeysa)-Ciidamada booliska Somaliland ayaa xabsiga u taxaabey, Agaasimihii shaqada ka tegay ee Wasaaradda Warfaafinta Somaliland Dr. Cismaan Xuseen Warsame. Hanti-dhawrka Somaliland ayaa muddooyinkii ugu dambeeyay baadhis ka waday wasaaradda warfaafinta Somaliland. Illaa hadda lama oga sababta loo xidhay Cismaan Xuseen Warsame. Source

Fadeexad culus oo ku soo baxday Qoyska Siilaanyo & Baashe Morgan oo la baahiyey+Dacwad Qaramada Midoobay loo gudbiyey Telefishanka Aljazeera ayaa soo diyaariyey warbixin muddo badan laga soo shaqeenayey oo ku saabsan dagaalka Dekadaha ee ka socdo Geeska Africa. Warbixintaan oo ka baxday Telefishanka Aljazeera ayaa lagu soo bandhigay waxyaabo badan oo qarsoonaa kuna saabsan dagaalka dhanka Dekadaha Geeska Africa ee u dhaxeeyo dalalka Imaaraadka, Shiinaha, Turkiga iyo Dowlado kale oo waaweyn. Al-Jazeera ayaa Barnaamijkaan ugu magac dartay ”Almasaafa Sifir”, wuxuuna barnaamijkaan si gaar ah uga hadlay Loolanka DP Word iyo Dowladda Jabuuti kaasoo keenay in ugu dambeyn DP Word laga eryo dalkaas. Sidoo kale barnaamijkaan ayaa ka hadlay sida ay Imaaraadka Carabta ugu suurta gashay inay heshiis kula wareegto Dekadda Berbera oo lagu bixiyey lacago Malaayiin Dollar ah. Warbixinta Al-Jazeera ayaa qoyska Silaanyo ku eedeysay inay Musuq maasuqeen lacagihii laga qaaday Imaaraadka ee heshiiskii Debadda Berbera.Waxaa warbixinta lagu sheegay inay musuq maasuqaas qeyb ka ahaayeen Silaanyo, Xaaskiisa iyo Ninka uu sodogga u yahay . Xaaska Siilaanyo ayaa lagu magacaabaa Aamina Waris halka ninka uu Silaanyo Soddogga u yahay isna lagu magacaabo Baashe Moorgan . Waxaa lagu xusay warbixinta inuu Heshiiska Dekadda Berbera ahaa mid qarsoodi ah isla markaasna laga qariyey Baarlamaanka Somaliland. Baarlamaanka Somaliland ayaa loo qeybiyey qoraal Af-Soomaali ku turjuman iyadoo lagu heshiiyey inaan cidna la tusin heshiiska asalka ah, waxayna arrintaas keentay inay gacanta iskula tagaan guddoomiyihii golaha wakiilada iyo ku xigeenkiisii xilligii xukuumadii Siilaanyo. Al-Jazeera ayaa sheegtay in Baadhitaanka Musuq maasuqa lagu hayo Qoyska Siilaanyo loo gudbiyey guddiga dabagalka Soomaaliya iyo Eretariya ee Qaramada Midoobay. Heshiiska Dekadda Berbera ayaa muran weyn ka dhex abuuray Somaliland & Soomaalida dhexdeeda, wuxuuna keenay in Soomaaliya laga mamnuuco Shirkadda DP World kadib kulan xasaasi ahaa oo ay yeesheen Baarlamaanka Somalia inkastoo aysan arrintaas hirgelin maadaama shirkadaas ay weli dhaq dhaqaaq ka wado Gudaha Somaliland & Soomaaliyaba Qaran News

Muqdisho (SMN)– Qoyskani oo ku nool xaafadda Black Sea ee magaalada Muqdisho oo la soo xariiray Shabelle ayaa ka cabanaya dhul boob lagu hayo. Dhulkan oo ah mid dhaxaltooyo ah ayaa waxa ay xubnaha Qoysku tilmaameen in ay sheeganeyo Haweeney ay qaraabo yihiin oo ka dacwootay maxkamadaha dalka. Cumar Deeq Maxamed Cismaan oo ka mid ah dadka wax ka leh dhulkaasi ayaa ugu baaqay madaxda sare ee dowladda in ay soo faragaliyaan arrintaasi. Sidoo kale Xaliimo Xalane Xabadow oo ka mid ah dadka ka cabanaya dhul boobkan ayaa xustay in haweeneyda sheeganeyso dhulkani aysan shaqo ku laheyn, islamarkaana ay adeegsaneyso awood dheeraad ah , sida ay hadalka u dhigtay. Halkan hoose ka dhageyso Warbixinta. https://www.radioshabelle.com/wp-content/uploads/2019/03/wARBIXIN.mp3 View the full article

(SLT-Hargeysa)-Shirkadda Dahabshiil Group waxay si xooggan isaga fogaynaysaa eedaymaha been abuurka ah ee laanta Carabiga ee telefishanka Aljazeera naga baahisay. Waxay baahintani xambaarsanayd eedaymo been abuur ah, kuwaas oo gabi ahaanba ahaa sharaf dil iyo eedaymo ku saabsan ku lug lahaansho arrimo siyaasadeed, eedahan oo u muuqda kuwo ay dabada ka riixayso arrimo la xidhiidha siyaasad degaamaysan (geopolitical reasons). Dahabshiil waa shirkad gaar loo leeyahay, waana ganacsi caalami ah, una adeegta bulshada dunida sidaas awgeedna sinaba uguma lug laha siyaasaddo dawladeed, ama kooxaysi siyaasadeed. Ujeedadayada kaliya waa in aanu adeeg fiican u samayno macaamiisha waxna ku celino bahwadaagtayada. Dahabshiil lama siinin xuquuqda jawaabta iyo fadcelintayadii intii aanay Aljazeera baahin warbixinta. Haddii ay nala soo xidhiidhi lahaayeen iyada oo ay naga xigtay in ay telefoon noo soo diraan, waxaa laga fogaan lahaa khaladadaadka iyo been abuurka badan ee warbixinta ku jira oo ay heli lahaayeen xogtooda saxda ah. Dahabshiil waxay ugu baaqaysa telefishanka Aljazeera in uu ka noqdo eedaha aan sal iyo raad toona lahayn ee ay naga baahiyeen, islamarkaana macluumaadkan waa inay ka saaraan boggagga lagu baahiyay (public domains). Source

(SLT-Hargeysa)-Kadib socdaal saddex maalmood maraya ee wasiirka arimaha dibada dalka Eriteriya Cismaan Saalax iyo la taliyaha madaxweynaha Eriteriya Yamane Gebreab ay ku yimadeen magaalada Hargeysa , waxaa soo baxaya warar sheegaya in dhawaan ay kulan yeelan doonan labada madaxweyne ee Somaliland iyo Eriteriya Muuse Biixi Cabdi iyo Isaias Afwerki. Wasiirka arimaha dibada dalka Eriteriya Cismaan Saalax ayaa markii uu madaxweyne Biixi kulanka la yeeshay waxuu u sheegay in madaxweyne Eriteriya u soo diray Somaliland si ay wax badan uga ogaadaan xaalada Somaliland ay ku sugan tahay , maadama oo ay Eriteriya hawda ka maqneyd muddo 20 sanno ku siman oo ay cuno qabateyn ay saarneyd , waxaana uu sheegay in madaxweyne Eriteriya ay gaadhsiin doonan waxyaabaha ay Somaliland ku arkaan . Kadib socdaalka masuulyiintan Eriteriya ku yimaadeen magaalada Hargeysa waxaa la sugayaa inay kulmaan labada madaxweyne ee labada dal . Waxaa soo baxaya warar sheegaya suurto gal nimada in madaxweyne Muuse Biixi Cabdi uu socdaal ku tago magaalada Asmara ee dalka Eriteriya , waxaana wararku intaas ku darayaan in madaxweyne Isaias Afwerki waftigiisa u soo dhiibay warqad marti qaad rasmi ah. Warar kale waxaa ay sheegayaan in laga yaabo in madaxweynaha Eriteriya Isaias Afwerki uu socdaal ku iman doono caasimada Somaliland ee Hargeysa kadib markii madaxweyne Muuse Biixi Martiqaad ugu dhiibay waftiga wasiirka arimaha dibada. Si kastaba ha ahatee waxaa ay wararku tilmaamayaan in ay u dhaw dahahay in madaxweyne Biixi uu dhawaan sodaal shaqo ku tago magalada Asmara ee dalka Eriteriya si uu ula kulmo dhigiisa. Labada Masuul ee Eriteriya ee Cismaan Saalax iyo la taliye Yemane Gebreab ayaa ah laba nin oo si aad ah ugu dhaw madaxweyne Isaias Afwerki , waana baalasha uu madaxweyne Isaias Afwerki ku duulo , waxaana wasiir Cismaan Hargeysa ka sheegay in madaxweyne Biixi siiyey war bixin Somaliland ku saabsan oo uu ku tilmaamay mid xiiso leh oo Mihiim Ah. Source

(SLT-Paris)-Faransiiska ayaa jaray warqad lagu soo xirayo labo ruux oo horay masuuliyiin uga soo noqday atleetikada Ruushka, arrintan ayaana qayb ka ah baaritaan lagu hayo macluumaad la qariyay oo la xiriira dawooyin mamnuuc ah oo awoodda jirka kordhiya oo la isticmaalay. Labada ruux ayaa kala ah ah Valentin Balakhnichev oo madax u ahaajiray atleetikada Ruushka iyo Alexei Melnikov oo tababare u ahaa kooxda qaranka ee Ruushka. Labadadan nin ayaa sannadkii 2016kii laga mamnuucay atleetikada inta ay nool yihiin, arrintaas ayaana ka dambaysay ka dib markii ay soo baxday in dawooyinka jirka kordhiya ee sharcidarrada ah la isticmaalay arrintaasina ay gacan ka gaysatay dawladda Ruushka. Balakhnichev ayaa warqadda lagu soo xirayo ku tilmaamay mid aan sal lahayn. Baaritaanka ayaa billawday bishii Nofembar ee sannadkii 2015kii ka dib markii dacwad lagu soo oogay Lamine Diack oo Senegal u dhashay oo isaga oo madax ka ah Hay’adda caalamiga ah ee ciyaaraha fudud ee magaceeda loo soo gaabiyo IAAF lagu eedeeyay in uu aqlabay malaayiin doolar oo laaluush ah si uu u qariyo in ciyaartoyda Ruushku ay isticmaaleen dawooyinka awoodda jirka kordhiya ee mamnuuca ah. Sannadkii 2017kii waxaa la jaray waraaqda lagu soo qabanayo wiilkiisa Papa Massata Diack, kaas oo lagu eedeeyay in uu qayb ka ahaa laaluush lagu bixiyay ciyaaro caalami ah. Senegal ayaa go’aansatay in aysan dhiibin muddo afar sano ah ayuuna ku jiray liiska dadka ay aad u baadigoobayaan booliiska caalamiga ah ee Interpol, inkastoo uu diiday eedaymaha loo soo jeediyay. Source

(SLT-Ankara)-Dowlada Australia ayaa ka codsatay Madaxweynaha Turkiga Tayyib Erdogan inuu raali-gelin ka bixiyo hadalo adag oo ka dhan ah shacabka Australia, sida uu sheegay Raysalwasaaraha Australia Scott Morrison maanta oo Arbaca ah. Madaxweynaha Turkiga Erdogan oo xiligan ku jira ololaha doorashada ayaa maalmahan si adag uga hadlayey weerarkii Jimcihii lasoo dhaafay ka dhacay labo masjid oo ku yaal magaalada Christchurch ee dalka New Zealand. Khudbad uu dhawaan jeediyey Erdogan ayuu ku sheegay in “..Cunsuriyiinta Australia u dhashay lagu guri doono naxash (La dili doono) si lamid ah xasuuqii loo geystay ciidamadii Australia ee la dagaalamay Khilaafadii Cismaaniyiinta (dagaalkii 1aad ee Dunnida) ee ka dhacay Gallipoli. Xiligii uu socday dagaalkii kowaad ee dunnida ayey ciidamo gaaraya 8000 askari dowlada Australia uga dhinteen dagaal adag oo ay la galeen ciidamadii Turkida ee Cismaaniyiinta, dagaalkaasi oo ka dhacay deegaanka Gallipoli, taariikhdaasi oo ah mid si weyn looga xuso Australia. Erdogan ayaa si gaar ah cambaareynta ulla beegsaday Australia maadaama ninkii geystay xasuuqii ka dhacay masaajidada New Zealand uu ahaa cunsuri cadaan ah oo kasoo jeeda dalka Australia. Dowlada New Zealand ayaa sidoo kale cambaareysay in Erdogan uu filimkii laga duubay xasuuqii masaajidada uu kusoo bandhigay ololihiisa doorashada, wafdi uu hogaaminayo Raysalwasaare kuxigeenka New Zealand ayaa lagu wadaa inay arrintan darteed safar ugu baxaan dalkaasi Turkiga. Dadkii ku dhaawacmay weerarkii New Zealand ayey ku jireen sadex qof oo u dhashay dalka Turkiga. Macada Erdogan inuu raali gelin siin doono dowlada Australia oo sheegtay inay ka fiirsan doonto in ay shacabkeeda uga digto inay dalxiis u tagaan dalka Turkiga. Dhinaca kale Madaxweyne Erdogan ayaa maqaal uu ku daabacay jariirada Washington Post ee kasoo baxda dalka Maraykanka ugu baaqay hogaamiyayaasha dalalka reer Galbeedka inay ka hortagaan falalka muslim naceybka ah iyo Cunsuriyiinta ee kusii fidaya wadamadooda. Source

Qaran News