(SLT-Hargeysa)-Xukuumadda Somaliland Oo Ka Hadashay Dil Shalay Ka Dhacay Deegaanka Ceelafweyn, Halkan hoose ka DAAWO Source

Muqdisho (Caasimada Online) – Xukuumadda Soomaaliya ayaa si kulul u dhaleeceysay gantaal la sheegay in kooxda Xuutiyiinta dalka Yemen ay u rideen dhanka magaalada Makka Al Mukarama. Qoraal kasoo baxay wasaaradda arrimaha dibedda Soomaaliya ayaa lagu yiri “Xukuumadda Soomaaliya, waxa ayna caddaynaysaa in beegsiga Aqalka Allah ee xurmadda leh uu yahay mid aan la aqbali karin, waxa ayna u aragtaa fal dembiilinimo iyo dabeecad shirqool oo ka dhan ah goobtaasi barakaysan.” Qoraalka ayaa intaas ku daray “Jamhuuriyadda Federaalka Soomaaliya waxa ay bogaadinaysaa Ciidamada Difaaca Cirka ee Sucuudiga oo ka hortagay labada gantaal maalintii Isniinta, 20 May, kan koowaad waxaa lagu qarxay hawada Magaalada Dhaa’if, kuna jihaysnaa Magaalada Makka, halka kan kale lagu burburiyay samada Magaalada Jidda” Kooxda Xuutiyiinta ayaa beenisay eedeumaha Sacuudiga, oo ahaa inay gantaal kusoo tureen magaalada barakaysan ee Makkah. “Maamulka Sacuudiga waxa uu, isaga oo adeegsanaya eedeymahan, isku dayayaa inuu taageero u raadiyo gar-darrada foosha xun ee ka dhanka ah shacabkeena Yemen” Waxaa sidaas yiri afhayeen u hadlay militariga Xuutiyiinta, Yahya Sarea oo qoraal soo dhigay facebook. Hoos ka aqriso qoraalka wasaaradda arrimaha dibedda Soomaaliya

(SLT-Hargeysa)-Muniir Axmed Cigaal oo ka tirsan Xisbiga WADDANI ayaa qormo xasaasi ah wuxuu ka qoray beel lagu eedeeyo Soomaaliya iyo cidda ku eedaysa. Muniir Axmed Cigaal oo qoraal ku daabacay bartiisa Facebook-ga wuxuu u dhignaa sidan: “Ilaa markaan gaashaan qaaday horaanti Sagashamaadki waxan ku kacaamay West Burco Clan waa Soomaliwayn…. Marar badan waxaan is waydiiyay siday Soomaliwayn ku yihiin ma qaybo beeshaas ah ayaa Jubbooyinka la haysta amma degan. Ololihii Doorashadii 2017-kii Kalmadii ugu waynayd ee Murashaxii KULMIYE xanbaartay waxay ahayd “West Burco Clan lagu aamini maayo Jamhuuriyadda Somaliland “ Oo waayo inta yadii tidhina dheg jalaq looma siin, Somaliland ta kale ma lahayn ee Isaaq uunbay ahayeen wixii laha . December 2016-kii ayaanu annagoo ah Waftiga Xisbiga WADDANI waxaanu safar shaqo ku tagnay Caasimadda Dalka KENYA ee Nairobi, Wafti ballaadhan oo Somaliland oo dhan ka kooban ayaanu ahayn sidaad Sawirka ka aragtaan, markiiba waxa la yidhi Siyaasiyiin Soomaliwayn ah ayay Waftigii WADDANI Nairobi kula kulmeen. Dadka suuqu iskamay odhane Murashaxii KULMIYE Muuse Biixi oo hadda Madaxweyne ah ayaa yidhi “Waa In labada Gole Deg Deg isugu yimaadaan khiyaamo Qaran ayaa dhacday waayo Madaxdii WADDANI ayaa Nairobi xubno Soomaaliya ah ku arkay oo kula shiray“. Alle waa ogaa IGAD iyo Midawga Yurub iyo Midawga Afrika iyo Beesha Caalamka Safiiradooda oo Maraykanku ku jiro ayaanu la kulanay. Markii aanu ka hadalnay gaar ahaan aniga Iyo Cabdirisaaq Khaliif Axmed waxa la yidhi “idnka Huteelka ayaa laydinka tagay oo Dr. Maxamed Fadal, Guddoomiye Cirro iyo Siyaasi Ismaciil Buubaa ayaa shirka galay .. Waa saddex xubnood oo Waftiga ka mid aha oo isku beel ah. Haddii hadaba maanta Muuse Biixi iyo Xukuumadiisu si kasta ula kulmaam Farmaajo iyo siyaasiyiinta Soomaliwayn Sharci ka yaala iyo cid ku shaanbadaynaysa ma jirto, bal iska daaye waxa la odhanaya “Qaranka ayay u shaqaynayaan waa Mujaahidiin oo loo war wari maayo”. Guddoomiye Cirro-na markii Soomaliya ay dhaaftay Qatar buu la kulmay ayaa bahalo galin laynooga dhigay . Haddaba Mar haddii waxa waxan isku samaynayaa Isaaq dhexdiisa tahay, siyaasad maha ka sii gundheer xeeshu, Ninka Walalkaa ah ee aad mar hore gacani kaga dhacday arrinkaas ee laga heshiiyay ee Dastuurka aad u wada codayseen ee Halgankii kula halgamay ee hadduu doono ka dhimashada badnaa ee hadana aad Doorasho isagoo kula galayaa tidhi meel aad wada leedihiin ku aamini maayo ee ay ku shaqaysay ee ku dhacay, ee aanad ka raali galin markaad soo baxday ee kursigii timi ee hadana isagoo dhacay oo aad ku fogaysay Calankale & Dalkale ayuu la haysta wali aad ku sii wado ee Xanteena waxba inooma kala qarsoone wali aad leedahay waa Soomaliwayn, ee aadigu aad maalin walba la kulmayso kuwaad isaga ku nabayso waa laba mid uun. In kuwa Soomaliwayn lagu eedaynaayo inay yihiin (Beesha West Burco Clan ) ay iyagu waalan yihiin ileen haddii kale garbay u dhigan la hayeen oo amma waa lagu cadayn laha amma Edab darrada mar danbe loo lama yimadeene iyo in Isaaqa kale waalan yahay oo garan la yahay waar Nimankan ka hadha aad walaalaha tihiin waa labada mid uun, qodob saddexaad ma jiro. . Haddaba amma West Burco Clan ayaa miyirsan oo Gole madalwayn oo Somaliland joogto u dhigan Isaaq, amma Isaaqa kale ayaa miyirsan oo dib isugu noqon labadaa mid ayay noqon doonta, haddii kale waligeen waxaynu ku jirin WADDANI waa qaran dumis iyo Waa Halkii Madaxweyne Muuse Biixi WADDANI iyo tageerayaashiisu ha ku qancaan 18 May iyo wax la mid ah oo Somaliland aanay ku sii jiri karin.. . Ramadaan Kariim Tusan Muniir Axmed Cigaal Sweden Source

Xukuumadda Jamhuuriyadda Federaalka Soomaaliya waxa ay si kulul u dhaleeceyneysaa gantaal loo genay dhanka Magaalada Makka Al Mukarama, waxa ayna caddaynaysaa in beegsiga Aqalka Alle ee xurmadda leh uu yahay mid aan la aqbali karin, waxa ayna u aragtaa fal dembiilinimo iyo dabeecad shirqool oo ka dhan ah goobtaasi barakaysan. Jamhuuriyadda Federaalka Soomaaliya waxa ay bogaadinaysaa Ciidamada Difaaca Cirka ee Sucuudiga oo ka hortagay labada gantaal maalintii Isniinta, 20 May, kan koowaad waxaa lagu qarxay hawada Magaalada Dhaa’if, kuna jihaysnaa Magaalada Makka, halka kan kale lagu burburiyay samada Magaalada Jidda. PUNTLAND POST The post Dowladda Soomaaliya oo cambaaraysay gantaalo lagu riday magaalada Makka appeared first on Puntland Post.

Ciidamada Ahlusuna ayaa maanta gacanta ku dhigtay nin doonayo inuu isku qarxiyo munaasabad lagu xusayay markii kooxda Alshabab laga saaray gobolada Ahlusuna ay ka arrimo [...] Source

(SLT-Muqdisho)-Wakiilka joogtada ah ee Dowladda Uk u jooga Qaramada Midoobay Danjire Karen Pierce ayaa dalbatay in si deg deg ah loo soo Magacaabo Wakiilka QM ee Soomaaliya ,xilli ay ka hadleysay kulan ay xubnaha Golaha Ammaanka ee Qaramada Midoobay ka yeesheen Arrimaha dalka Soomaaliya. Tallaabadaan ayaay ku sheegtay in looga gol leeyahay in dib loo soo celiyo wadashaqeyntii dowladda Soomaaliya iyo Qaramada Midoobay, isla markaana Soomaaliya ay xilligaan ku jirto waqti adag oo u baahan in laga gudbo. Danjiraha Dowladda Britain u joogta Golaha Ammaanka ee Qaramada Midoobay, Karen Pierce ayaa Madaxda Dowladda Federaalka waxaa ay ugu baaqday inay xooga saaraan dhinacyada, Amniga, xasilooni Siyaasadeed iyo mid dhaqaale kana faa’iideysato fursadaha jira. Sanadka soo socda ayay sheegtay in Soomaaliya ay muhiimad gaar ah u leedahay,isla markaana lagu kala ogaan karo in marka la gaadho sanadka 2020/2021 ay dalka ka dhici karto doorasho qof iyo cod ah oo Madaxda Dowladda Soomaaliya ay balan qaadeen. Si kastaba hadalkaan kasoo yeedhay dowladda Uk ayaa kusoo aadaya xilli mudo laga joogo in ka badan 5 Bilood ayna Soomaaliya wax Wakiil ah u joogin Qaramada Midoobay, kadib markii dowladda Soomaaliya ay ceydhisay Wakiilkii xiligaas ee Danjire Nicholas Haysom. Source

Hargeysa oo mar dambe Xamar looga talinayo Shacabka reer Somaliland dhimasho ayey ka xigaan.” Sidaas waxa yidhi suldaanka guud ee beelaha Somaliland Suldaan Maxamed Suldaan Cabdiqaadir. Suldaanka guud ee Somaliland Suldaan Maxamed Cabdiqaadir, oo u waramay Wargeyska Geeska Afrika, ayaa sidoo kale ka hadlay khilaafka ka dhex ka taagan Xisbiyada Qaranka ee salka ku haya qabsoomida Doorashooda iyo Komishanka, waxaanu ugu horeyn yidhi isagoo ka hadlaya Somaliland iyo Somaliya “Nin Siyaasi Koonfur ahaa oo la odhan jiray Oday Laangadhe, ayaa maalin yidhi “Reer Waqooyi haddii aad tihin, dawladnimadii baad noo keenteen, idinka oo wax shuruud ah ku xidhin, Caasimaddii Muqdisho ayey noqotay, Madaxweynihii Muqdisho ayuu noqday, xilalkii cuslaa reer Koonfureed baa qaatay, idinkuna waxba kamaad soo qaadin, oo waad ka doodi weydeen, waxaas oo dhan oo aad noo keenteen, waxaanu idinku bedelnay aargoosi”, markaas waxaa dhab noqday hadalka uu ninkaasi siyaasiga ahi hore u sheegay, dawladnimadii aynu Xamar geynay, aargoosi, xasuuq iyo cadaawad baynu ka dhaxalnay,inaynu dib ula soo noqono xoriyadeenana bilaash kumay iman, ee dhiig baa u daatay, halgan baynu u soo marnay, haddii aynu awal si qasab iyo juujuub ah aynu ugu dabaal degi jirnay oktoobar, oo wax inaga galay aanay jirin, maanta inaga oo xor ah ayeynu u dabaal degaynaa 18 may, oo ah maalin inoo suntan, waxaana leeyahay halkan lagama rabo cid Somaliya doonaysa, ee Somaliland cid doonaysa ayaa laga rabaa, Hargeysa oo mar dambe Xamar looga talinayo Shacabka reer Somaliland dhimasho ayey ka xigaan, ee Maamulka Xamar ka taliya waxaan leeyahay cago dhigta,hore ayaanu idiin baranay, aargoosi dambe iyo cadaawad dambe uma taag hayno, ee sidaas aynu ku ahaano laba dal oo jaar ah”. Mar uu ka hadlaayey Xisbiyada Somaliland ayaa yidhi “Ilaa hadda Xisbiyadu wey is hayaan, inta ay is hayaana waxba inoo hagaagi mayaan, Doorashana inoo dhici mayso, ee Xisbiyadu waa inay heshiis ka gaadhan waxay isku hayaan, markii hore nidaamka loo sameeyey Komishanku wuxuu ahaa nidaam cadaalad daro ka muuqato, maxaa yeelay marka uu Madaxweynuhu laba xubnood magacaabo, Golaha Guurtiduna laba xubnood magacaabo,Xisbiga hadba Muxaafidka ahina uu hal xubin magacaabo, Xisbiyada Mucaaradku min hal xubin magacaaban, waa cadaalad daro, waxaana loo baahna inay Xisbiyadu si siman u qaybsadaan xubnaha Komishanka, sidaas oo ay yahay imikana waxaan leeyahay dib ha la iskugu noqdo, oo xal umadda dan u ah la wada gaadho” Qaran News

(SLT- Mississippi)-Xildhibaan ka tirsan baarlamaanka gobolka Mississippi ee dalka Maraykanka ayaa lagu eedeeyay in isaga oo sakhraansan uu tacaddi u gaystay xaaskiisa, isaga oo qoonsaday in ay wakhti dheer ku qaadatay in ay dharka iska bixiso markii uu damcay in uu u galmoodo. Doug McLeod oo 58 jir ah ayaa la xidhay habeenkii Sabtidii, isaga oo loo haysto in uu ku xadgudbay xaaskiisa. Xubnaha ay xisbiga Jamhuuriga ka wada tirsan yihiin ee gobolka ayaa ku baaqay in McLeod uu si degdeg ah isu casilo haddii eedaymaha loo soo jeedinayo ay run yihiin. McLeod oo ah aabo saddex carruur ah dhalay ayaa diiday in uu durba u jawaabo, ka dib markii ay BBC-du la xidhiidhay. Booliisku markii ay tageen gurigiisa oo ku yaalla Lucedale oo 240km u jira caasimadda gobolka ee Jackson, waxay arkeen in McLeod uu sakhraansan yahay, dhalo khamri ahna gacanta ku haysto, sida ku cad warbixinta rasmi ah ee masuuliyiinta, sida uu soo xigtay wargeyska Sun Herald. Waxaa la sheegay in marka McLeod la kaxaynayay uu hadalka kari la’aa “tallaabadana uusan si fiican u qaadi la’aa”. Markay booliisku u sheegeen in loogu yeeray tacaddi uu gaystay waxaa la sheegay in uu yiri “Miyaad igu ciyaaraysaan”. Wargayska Clarion Ledger ayaa sheegay in marka ay askartu tagtay guri xildhibaanka ay ugu tageen xaaska McLeod iyo haweenay kale oo guriga ku dhex jira cabsina ay ka muuqato. Haweenayda kale ayaa booliiska u sheegtay in ay qolka ugu soo gashay xaaska McLeod oo wajiga ka dhiigaysa. Qolkii ayay hoosta ka xidheen wuxuuna billaabay in uu ku garaaco albaabka, isaga oo ku hanjabay in uu nafta ka qaadi doono haddii ayna albaabka ka furin. Xildhibaanka ayaa lagu eedeeyay in uu gabadha sanka ka feedhay, uuna qoonsaday in ay durba dharka iska bixinwayday markii uu damaaciyay. Warbixinta booliiska ayaa sheegaysa in dhiig lagu arkay sariirta iyo qolka jiifka ee qoyskaas. Xaaska ayaa sheegtay in ayna u baahnayn gawaadhida gurmadka degdegga ah, gabadheeduna ay cisbitaal gayn karto si ay dhakhtar u aragto. McLeod ayaa lagu sii daayay damaanad 1,000 doolar ah. Source

The fight for resources by Somali leaders has put Kenya’s interests at risk, with the Somali Parliament pushing for the withdrawal of the Kenya Defence Forces. Source: Hiiraan Online

(SLT-Nairobi)-Iyada oo uu jiro Khilaaf dhinaca Diblumaasiyadda ah oo ka dhaxeeya dalalka Soomaaliya iyo Kenya ayaa Wargeyska The Star ee ka soo baxa dalkaasi Kenya wuxuu qoray warbixin uu kaga hadlaayo inuu socdo qorshe la doonaayo in Ciidamada Kenya lagaga saaro Soomaaliya, laguna bedelo kuwa Itoobiyaan ah. Warbixinta Wargeyska uu qoray ayaa waxa uu ku sheegay qorshaha la doonaayo in Ciidamada Kenya lagaga saaro Soomaaliya inuu wado Agaasime Ku xigeenka Nabad Suggida Soomaaliya Fahad Yaasiin Xaaji Daahir oo haysta Baasaboorka dalka Kenya. Wargeyska ayaa sheegay in la doonaayo Ciidamo Itoobiyaan aanan ka tirsaneyn hawlgalka Amisom in lagu wareejiyo Dakadda iyo Garoonka Diyaaradaha Magaalada Kismaayo, islamarkaana laga saaro Ciidamada Kenyatigga ee hadda ku sugan. Sidoo kale Wargeyska ayaa sheegay madaxda dowladda inay doonayaan shaqsi ay wataan inay geeyaan Maamulka Jubbaland oo dhawaan la filaayo inay ka dhacdo Doorashada Maamulkaasi. Maqaalka ayaa intaas ku daray in haddii sida Fahad iyo Farmaajo wax u wadaan ay u dhacdo meeshana laga saaro Axmed Madoobe ay danaha Kenya ee Soomaaliya halis galayaan. Wargeyska ayaa sheegay in Madaxtooyada Soomaaliya oo uu ugu sarreeyo Madaxweyne Maxamed Cabdulahi Farmaajo ay doonayaan in Ciidamada Burundi, Uganda iyo Kenya isaga baxaan Amisom, islamarkaana Maamulka Jubbaland loo dhiibo qof aan ahayn Axmed Madoobe oo xulafo dhow la ah Kenya. Source

(SLT-Moscow)-Xukuumadda Moscow ayaa cadho ka muujisay wakhti la sheegay in Mareykanka uu u qabtay Turkiga, si uu uga laabto heshiis uu ku iibsanayo habka difaaca gantaallaha Ruushka ee S-400, taa beddelkeedna uu iibsado midka Mareykanka ee Patriot. Ruushka ayaa tallaabada ku tilmaamay waxaan la aqbali karin,iyaga oo marka ka jawaabay warbixin uu baahiyey taleefishinka CNBC oo sheegtay in Washington ay Turkiga siisay kaliya laba toddobaad si ay heshiiska Ruushka uga laabto, mid cusubna ula gasho Mareykanka, ama ay wajihi doonto ganaax culus. Turkiga iyo Mareykanka ayaa muddo isku hayey arrimo dhowr ah, oo ay ku jirto go’aanka Ankara ay ku iibsaneyso habka S-400, kuwaas oo aan la shaqeyn karin nidaamka NATO. Washington ayaa sheegtay in haddii heshiiska Ruushka uu dhaqan-galo ay waxyeeleyn doonto kaalinta Turkiga ee dhismaha diyaaradaha F-35, oo ay sameeneyso shirkadda Mareykanka ee Lockheed Martin. “Tani waxaan u aragnaa arrin aad u xun, waqtiga la qabtay waa mid aan la aqbali karin, waxaana ku raacsanahay mowqifka Turkiga, gaar ahaan madaxweyne Erdogan ee ah in heshiiska S-400 mar hore lasoo geba gebeeyey, lana fulin doono”. sida waxaa yidhi afhayeenka aqalka looga taliyo Ruushka ee Kremlin-ka, Dmitry Peskov. Wasiirka difaaca Turkey ayaa Arbacadii sheegay in Ankara ay isku diyaarineyso cuna-qabateyn kaga imanaysa Mareykanka, sababo la xiriira iibsashadeeda habka S-400. Source

History was made this past weekend when, for the first time, Metro Transit police had a shift made up entirely of Somali-American officers. Source: Hiiraan Online

(SLT-Nairobi)-Guddiga musuqmaasuq la dagaalanka Kenya ayaa baadhitaan ku sameeyay hantida Ferdinand Waititu oo ah badhasaabka deegaanka Kiambu, arrintaas ayaana loo arkaa mid ahmiyad leh. Waititu ayaa lagu yaqaannaa handadaad iyo dabeecado qalafsan – balse wuxuu xulafo xoog badan la yahay madaxweyne Uhuru Kenyatta kaas oo isaguna ku tiirsan taageerada siyaasadeed ee uu gobolkaas uga keeno. Warbaahinta gudaha ayaa toddobaadyadii u dambeeyay wax ka qorayay hantida Waititu oo ay ka mid yihiin hanti maguurto ah oo uu ku leeyahay magaalooyinka Kiambu iyo Nairobi. Waititu ayaa iska difaacay eedaymaha loo soo jeediyay, wuxuuna sheegay in hantidiisa aysan ku soo galin si sharci darro ah, isla markaasna uu sheegi karo raadkeeda. Madaxweyne Kenyatta ayuu cadaadis isa soo taraya haystaa isaga oo loogu baaqayo in uu hadalka ka gudbo, waxna ka qabto musuqmaasuqa baaxadda wayn ee ay ku kacaan masuuliyiinta dawladda. Hadda guddiga musuqmaasuq la dagaalanka ee magaciisa loo soo gaabiyo EACC ayaau jihaystay mid ka mid ah xulafadiisa, balse waxaa la arki doonaa in arrintaasi ay horseeddo in dacwado lagu soo oogo. Source

Click here Qaran News

Garowe (Caasimada Online) – Warar dheeraad ah ayaa kasoo baxaya xiisadda ka taagan gobolka Sanaag iyo dagaalo ka dhacay deegaano ka tirsan gobolkaasi, iyadoo lagu waramayo in ciidamo maleeshiyaad ah ay la wareegeen deegaano dhowr ah oo ku yaala gobolka Sanaag. Golaha wasiirada maamulka Puntland ayaa kulan deg deg ah ka leh xiisadda kasoo cusboonaatay deegaanada gobolka Sanaag, iyaga oo kulankooda kadib soo saari doono waxyaabaha kasoo baxa. Wararkii ugu dambeeyay ee aan heleyno ayaa sheegaya in ciidamada Maleeshiyaadka ah ay la wareegeen deegaanka Badhan iyo deegaano kale oo hoostaga, waxaana ciidamadaasi la sheegay inay ka amar qaadanayaan Puntland. Wasiirka Wasaaaradda Waxbarashada Puntland Cabdullaahi Maxamed Xasan ayaa dhawaan tegay deegaanka Damalla-xaragge ee Gobolka Sanaag,hayeeshee waxaa dagaal kala hortegay Ciidamo ka tirsan Soomaaliland,taas oo keentay in maleeshiyaad hubeysan ay deegaankaas tagaan. Kulanka golaha wasiirada ayaa waxaa warbixin looga dhegaysan doonaa xubno uu kamid yahay wasiirka waxbarasahda Puntland Cabdullaahi Maxamed Xasan oo xilli uu kormeer kujirey ay ciidanka Somaliland isku ku dagaalameen deegaamo kuyaal duleedka Ceerigaabo. Deegaano ka tirsan Gobolka Sanaag waxaa isku heysta Maamulada Puntland iyo Somaliland waxaana marar qaarkood ka dhac dagaalo u dhexeeya Ciidamo kala taabacsan labada dhinac oo isku haysta cida maamulaysa. Caasimada online Xafiiska Puntland Caasimada@live.com

Militant group Al Shabab exploded a suicide car bomb and killed at least nine people, including Somalia’s former foreign minister, near the presidential palace in the capital on Wednesday, police said. Former foreign minister Hussein Elabe Fahiye, who was an advisor to the current president, was among those killed in the blast. Another 13 people were wounded and most of the casualties were soldiers. Al Shabab said in a statement it had targeted a convoy escorting officials and lawmakers heading to the presidential palace. “A car bomb blast struck at a checkpoint near Daljirka; there are some casualties including members of the security forces,” said security official Abdukadir Ahmed after the attack in the south of the city. “I saw the bodies of three people among them a military woman,” said witness Mohamed Saney. “Several vehicles were destroyed in the blast and ambulances rushed to the scene to collect wounded people.” “In the past, I was wounded in this area, and again today my daughter has been killed in this attack which also destroyed my home. This is terrible,” witness Madey Ahmed said. Amid the crumpled vehicles and tangled metal roofing, a small corps of yellow-vested workers carried bodies and began sweeping the dusty street. Al Shabab militants have been fighting for more than a decade to topple the government. They fled positions they once held in Mogadishu in 2011, and have since lost many of their strongholds. But they retain control of large rural swathes of the country and continue to wage a guerrilla war against the authorities. View the full article

Hargeysa (Caasimada Online) ― Xukuumada Somaliland ayaa ka hadashay sharciga Baatroolka ee dhowaan ay ansixiyeen xildhibaanada Baarlamaanka Soomaaliya, iyadoona sheegtay in sharcigaasi uusan sinaba u quseyn maamulkeeda. Wasiirka Macdanta iyo Tamarta Somaliland, Jaamac Xaaji Maxamuud Cigaal oo ka hadlayey arrintaasi, ayaa waxa uu sheegay in sharcigaasi uu yahay mid lagu cunaqabateynayo Somaliland oo ay u arkaan dagaal dhaqaale. Wasiirka ayaa sidoo kale waxa uu sheegay in Xukuumada Madaxweyne Farmaajo ay markasta caqab ku tahay horumarka Somaliland, isagoona sheegay in sharcigaasi uusan wax saameyn ah ku yeelaneyn shirkadaha batroolka ee maamulkoodu la galay heshiisyada. “Wixii Soomaaliya ay qabsaneyso ee shacabkeeda ugu daneynayso oo ay isku raacsanyihiin, anagu waxba kama qabnee waanu ku hambalyeeynayna, laakiin waa Soomaaliya, wad ogtihiin oo caalamkuna wuu ogyahay Somaliland xoriyadeedii 1991-kii ayey lasoo noqotay, Somaliland Federaalka Soomaaliya kuma jirto, markaa sharciyan iyo siyaasiyan labadaba Somaliland kuma jirto” ayuu yiri Wasiir Jaamac Cigaal. Wuxuuna intaas kusii daray “Somaliland waa kayaan jira oo heshiisyo la gala Caalamka, wey isku dayeen inay bur-buriyaan ama la dagaalaman heshiisyada caalamka ee hore loo galay, Dowladan daala-dhaceysa ee Farmaajo wey isku deyday inay la dagaalanto horumarka u soo kordhaya Somaliland iyo heshiisyada ay gashayba, iyadoo malaha isleh cunaha goo ha baqtiyaane, laakiin wey u socon weyday”. Wasiirka ayaa wuxuu ugu dambeyntiina sheegay in Hay’adda Batroolka Soomaaliya ee lagu dhisayo Xeerkaasi, aysan Somaliland waxba uga jirin, isagoona ka dhawaajiyey in marka hore Koonfurta Soomaaliya ay sameysato wax ay iyagu u dhanyihiin. Sharciga Batroolka ee Somaliland ay iska fogeysay ayaa waxa hore muran badan ka keenay maamuul goboleedyada dalka, kuwaasi oo si cad uga horyimid. Caasimada Online Xafiiska Hargeysa Caasimada@live.com

Warsaxaafadeed Villa Somalia kasoo baxay Xukuumadda Villa a Soomaaliya waxa ay si kulul u dhaleeceyneysaa gantaal loo genay dhanka Magaalada Makka Al Mukarama, waxa ayna [...] Source

Puntland and Galmudug states of Somalia have jointly agreed to cooperate on security following a high-level meeting in Galkayo on Wednesday. The leaders of the Puntland and Galmudug state, Said Abdullahi Dani and Ahmed Duale Gelle have held talks in northern part Galkayo town. According to the communique issued late Wednesday, the leaders discussed wide ranges issues affecting both states. Among the issues discussed is security, means to resolve recently clashes in villages on the border of the states and politics. The two leaders agreed to work on enhancing both states and collaborate against challenges facing the states. Both sides accepted the completion and implementation of security agreements which previously inked by the states. The communique called for immediate mediation of rival clans in the villages on the border. A joint ministerial committee from both sides to work on security and political issues will be formed, according to the communique. Galkayo is divided into two zones, where the northern portion forms part of Puntland state, while its southern part is governed by the Galmudug administration. View the full article

Ciidamada didaaca Puntland ayaa heegan buuxa uga jira iskuday kasta oo kaga yimaada argigixisada Alshabab ee ku dhuumaalaysanaysa buuraha Calmadow. Ciidamada ayaa hadda howlgallo ka [...] Source

Click here Qaran News

Mr President and a huge thank you to our briefers, Mr Zenega and Mr Madeira and to the Assistant Secretary-General. It’s very good to have this. It’s the first briefings we’ve had since UNSOM’s mandate was renewed. Source: Hiiraan Online

Sharciga shidaalka ee todobaadkan ay ansixiyeen golaha shacabka ee baarlamaanka federaalka ah ee Soomaaliya, qodobkiisa 9aad waxaa uu sheegayaa iney waxba kama jiraan tahay heshiisyada shidaalka ee ay saxiixeen maamullo ka jira qaybo ka mid ah Soomaaliya, ama dawladihii kumeel-gaarka ahaa mudada u dhexeysa Disember1990 ilaa Setember 2012. Qodobka 9aad: Shirkadaha Batroolka Horey uga Haystey Heshiis Dawladda Soomaaliya Dhamaan heshiisyada la xiriira batroolka ee lala saxiixday maamullo ka jira qaybo ka mid ah Soomaaliya, ama dawladihii kumeel-gaarka ahaa mudada u dhexeysa Disember1990 ilaa Setember 2012, waa waxba kama jiraan. Dhamaan heshiisyadii ay wada saxiixdeen shirkadaha ajnebiga iyo Dawladda Soomaaliya wixii ka horeeye 1991 waxaa loo tixgelinayaa inay yihiin heshiisyo jira iyagoo tixgelin wanaagsan la siinayo. Haddaba, Goobjoog News baaritaan ay sameysay waxaa lagu ogaadey in sharciga uu baabi’inayo heshiisyo ay horay u galeen TFG-da Soomaaliya, Somaliland, Puntland iyo Galmudug oo dhammaan qansaraasyo la saxiixday shirkado ajnabi ah inta u dhaxeysay 1991-2013-kii. TFG-da Sheekh Shariif: Shirkad lagu magacaabo Tembo Petrolium ayaa sanadkii 2012-kii waxaa ay gorgortan la gashay madaxweyne Sheekh Shariif Sheekh Axmed, iyada oo dooneysey ceelal shidaal oo ku yaala Jubbaland, lama oga inuu saxiix dhacay, laakin wada hadalka xilligaas waxa auu gaaray meel fiican. Somaliland: Somaliland waxa ay ilaa hadda saxiixdey 4 qandaraas oo shidaal laga soo bilaabo sanadkii 2008 illaa 2013-kii. Shirkaddii ugu dambeysey ee heshiiska lala saxiixay waa tan Yemen laga leeyahay ee magaceedu yahay Ansan Wikfs taasi oo la siiyey ceelasha kala ah 14aad, 15aad iyo 7aad, waxayna bixisey $1.8 milyan doolar oo canshuur ah. Shirkadaha kale waxaa ka mid ah: Genel Energy Plc, RAK Gas LLC oo laga leeyahay Imaaraadka, tan Oslo, Norway ku taala ee DNO International ASA iyo mid Shiino laga leeyahay oo macdanta qoda. Puntlnad: Heshiiskii shidaal ee ugu horeeyey waxa ay Puntland saxiixday sanadkii 2005 kaasi oo lala galay shirkadda Range Resources , taasi oo markii dambe heshiiska loo balaariyey lagana dhigey mid wax soo saar sanadkii 2007-dii, halkii markii hore uu ahaa baaris oo kaliya. Markani waxaa bah wadaag la noqdey shirkadda kale ee Canmex Holdig oo laga leeyahay jasiiradda Barmuuda ee Canada, waxaa kale oo qandaraas kale ay la gashay shirkad laga leeyahay dalka Maraykanka oo lagu magacaabo ION si ay u samayso sahan xagga badda ah, una soo uruuriso macluumaadka kheyraadka shidaalka ee gunta badda ku jira Xilligii madaxweyne Cabdiraxmaan Faroole waxaa jiray safaro uu maamulkiisa ugu baxay Mareykanka iyo meelo kale, laguna saxiixay heshiisyo ay ka mid yihiin warshada sifeeye shidaalka. Galmudug : Shirkad fadhigeedu yahay dalka Maraykanka oo lagu magacaabo Liberty Petroleum oo ay leeyihiin labo nin oo walaalo ah, midkoodna uu markii dambe uu xildhibaan ka noqdey aqalka Congresska, Maraykanka oo lagu kala magacaabo Trent Franks iyo Lane Franks ay heshiis shidaal la saxiixday madaxweynihii Galmudug Cabdi Cawaale Qeybdiid bishii Feberaayo sanadkii 2013-kii. Heshiiskani meesha lagula galay shirkadda waxaa horey dowladdii Siyaad Barre ay ugu saxiixday shirkadda Shell ee Holland laga leeyahay. Goobjoog News Source: goobjoog.com

Wararka laga helayo gobolka Sanaag ayaa sheegaya in malayshiya-beeleed hubaysan ay saaka isku horfadhiyaan degmada Ceel Afweyn ee gobolkaasi Sanaag. Xiisad u dhexaysa laba beelood oo marar hore halkaasi ku dagaallamay ayaa sida la sheegayo dib u soo laabatay kadib markii malayshiya-beeleed hubaysan ay xalay dad shacab ah ku weerareen nawaaxiga degmada Ceel Afweyn. Khasaaraha dhimasho iyo dhaawac ayaa ka dhashay weerarkii xalay oo ay geysteen malayshiyaad ka soo jeeda mid kamid ah beelahaasi balse weli xog sugan lagama hayo. Malayshiyaadka labada beelood ayaa hadda isku horfadhiya togga lagu magacaabo Masle oo dhow degmada Ceel Afweyn waxaana laga qabsi qabaa in dagaal halkaasi ka qarxo. PUNTLAND POST The post Weerar ka dhacay Ceel Afweyn iyo malayshiyaad isku horfadhiya appeared first on Puntland Post.

Kismaayo (Caasimada Online)-Maamulka Jubbaland ayaa ka hadlay xiisadda u dhaxeysa dowladaha Soomaaliya iyo Kenya oo maalmihii ugu dambeeyay sii xoogeysaneysay, iyo go’ankooda dhabta ah. Madaxweyne ku xigeenka Jubbaland Maxamuud Sayid Aadan ayaa ugu horeyn sheegay in labada dowladood looga baahan yahay inay cadeeyay waxa uu salka ku hayo khilaafka u dhaxeeya labada dowladood. Isaga oo la hadlayay VOA ayuu sheegay in 30-kii sano ee lasoo dhaafay uu wanaagsanaa xiriirka u dhaxeeya dowladaha Kenya iyo Soomaaliya, sidaasi darteedna loo baahan inay dib u wanaajiyaan xiriirka labadooda u dhaxeeya. Wasaaradda Arrimaha Dibadda Soomaaliya ayuu ka dalbaday inay Kenya ka qanciso halka cilada ka jirto, waxaana uu Madaxweyne kuxigeenka Jubbaland Maxamuud Sayid Aadan uu sheegay in mowqifka Jubbaland ee khilaafka labada dowladood uu yahay inay ka xun yihiin. “Waad og tahay sanadihii ugu dambeeyay labada dowladood xiriir wanaagsan ayaa ka dhaxeeyay, waxaa la rabaa in dowladda Soomaaliya ay ka qanciso shacabka Soomaaliyeed sida dhabta ah ee ay wax u jiraan”ayuu yiri Maxamuud Sayid Aadan. Wuxuu sidoo kale sheegay in dowladda Kenya dhankeeda looga baahan yahay inay cadeyso waxyaabaha keenay inuu xumaado xiriirka labada dowladood u dhaxeeyay sanadihii ugu dambeeyay. Labadii todobaad ee la soo dhaafay ayaa waxaa xoogeystay khilaafka diblumaasiyadeed ee u dhaxeeya dowladaha Soomaaliya iyo Kenya,kaas oo aan weli xal loo helin,hayeeshee dad badan ay ku baaqeen in wadahadal wax walba lagu dhameeyo. Hoos ka dhageyso codka madaxweyne ku xigeenka Jubbaland https://www.caasimada.net/wp-content/uploads/2019/05/Cod-Jubbaland.mp3Caasimada Online Xafiiska JUbbaland Caasimada@live.com