Garoowe (Caasimada Online) – Ciidamada ammaanka ee dowlad goboleedka Puntland ayaa maanta gacanta ku dhigay nin illaa saddex caruur ah ka afduubtay gudaha magaalada Boosaaso ee xarunta gobolka Bari. Caruurtan oo ay muddo ah baadi goobayeen Ehelladooda ayaa laga soo qabtay xilli ninkaasi Dooni uu ku waday ay uga halaawday xeebaha Qanadala ee gobolkaasi. Taliyaha Booliska gobolka Bari, Xuseen Cali Maxamed oo la hadlay warbaahinta ayaa sheegay in ninka afduubka geystay uu maskaxiyan xanuunsan yahay, islamarkaana uu waxba dhaamin caruurta, sida uu hadalka u dhigay. Sidoo kale wuxuu beeniyey in la doonayey in caruurtaasi loo askareeyo Al-Shabaab iyo kooxda Daacish. Dhankiisa ninka lagu soo qabtay afduubkaasi oo la wareystay ayaa qirtay falkan, wuxuuna Waalidiinta caruurta iyo Puntland ka dalbaday in la cafiyo. Ma’ahan markii ugu horreysay oo ay ciidanka Puntland gacanta ku soo dhigaan caruur afduub ahaan loogu hayey deegaano ka tirsan maamulkaasi. Halkan hoose ka dhageyso Codka. https://www.caasimada.net/wp-content/uploads/2019/09/Cod-Booliska-Gobolka-Bari.mp3Caasimada Online Xafiiska Garoowe caasimada@live.com

Dowladda Kenya ayaa la timid xeelado kala duwan, oo lagu marin habaabinayo kiiska muranka badda ee kala dhaxeeya Soomaaliya iyaga oo geed dheer iyo mid gaaban u koray sidii dib loogu dhigi lahaa dhageysiga dacwada badda. Haddaba, xiriiro kala duwan oo aan la sameynay mas’uuliyiin ka tirsan dowladda federaalka ah ee Soomaaliya, diblomaasiyiin, sharci-yaqaano iyo aqoonyahan kale ayaan halkan ku soo koobi-doonnaa xeeladaha ay Kenyaanku adeegsadaan. 1. In aaney ICJ Go’aan Gaarin: Kenya tan iyo markii ay Soomaaliya dacwaddu geysay ICJ 5 sano ka hor, waxaa uu codsigoodu ahaa in maxkamaddaasi aaney qaadin dacwaddan muranka badda, laakin waa lagu diiday, waa tii maxkamadda cadaaladda ee Qaramada Midoobay ayaa go’aan ku gaartay inay dhageysan karto dacwadda ku saabsan muranka badda ee u dhexeeya Soomaaliya iyo Kenya. 2. Cillado Raadis: Kenya waxaa kale oo ay ku guuldareysatay in cilado ku hesho kiiska Soomaaliya, waxaa ka mid ah MOU oo in badan wadwadey, laakin la ogaaday in dal 3aad oo ah Norway uu qorshuhu lahaa, oo Soomaaliya ku qasbaneyd, waxaa laga diiday in goobta muranka ay roondo ku sameyn jirtay ama maamuli jiray iyo khariidado kale oo been abuur ahaa. 3. Dib-u-dhigista Dhageysiga Kiiska: Iyada oo 5 maalin uun ka harsan tahay dhageysiga dacwada ayey Kenya qaaday tallaabo waali ah kadib markii ay maxkamadda ICJ ka codsatay in dib loo dhiso dhageysiga dacwadda, in kasta oo Soomaaliya diiday dib u dhigista dhageysiga laakin qorshaha Kenya waa in ay kala dirto qareenadeeda, oo xataa haddii ay maxkamadda wax dhageysato ay hal dhinac dhageysato. Laakin Abuukaate Axmed Kheyre oo arrintaas aan kala hadlay waxaa uu sheegayaa in haddii qareenada Kenya ay iman waayaan ICJ ay Soomaaliya u furan tahay iney codsato, oo weliba dhahaan“noo xukmi”, maxkamduna ICJ-na ay sidaasi sameyn karto, oo aan loo xayirnaaneyn qof ama dal goobta ka maqan. 4. Cadaadis Diblomaasiyadeed: Kenya sanadihii ugu dambeeyey waxaa ay wadey cadaadis nooc walbo ah, dhanka safarada, duulimaadyada, safiiro la kala qaatay iyo iney Kenyaanu la kulmeen madax badan oo Afrikaan iyo carab ah si Villa Somalia loogu cadaadiyo in muranka badda lagu dhammeeyo qaab wada hadal ah, oo ka fog maxkamado iyo isjiid-jiid, taasi oo Soomaaliya mar walbo diidaneyd. 5. Beena-buur: Bishii July ee sanadkan, Monica Juma, wasiirka arrimaha dibadda Kenya ayaa gal-dacwadeedka kala dhaxeeya Soomaaliya ku tilmaamtay “mid daciif ah” kadib markii la waydiiyey in uu yahay mid “xoog badan”, “Waxaa jirta sheeko la isugu sheekeeyay oo ah in Soomaaliya ay haysato dacwad xoog badan. Balse annaga waxaan haysanaa kiis dhan kasta ka xoogan balse ma doonaya in aan ka hor-dhaco go’aanka maxkamada,” ayay tiri. 6. Hanjabaad: Kenya waxaa miiska u saaran mooshin lagu amrayo ciidamada Kenya iney tagaan furinta iyo xadka badda ee kala dhaxeeya Soomaaliya, dabcan waxaa ku jira goobaha uu muranka ku jiro, si taasi looga jawaabo waxaa jiro xildhibaanno uu ka mid yahay Maxamed Cumar Dhalxa oo olole ugu jira mooshin kale oo ciidamada Kenya looga saarayo Soomaaliya, ciidamada xoogga dalkana ay ku tagaan xadka. 7. In Wada hadal Xal Lagu Gaaro: Madaxweynaha Kenya Uhuru Kenyatta waxaa uu dhiggiisa Soomaaliya Maxamed Cabdullahi Farmaajo marar badan ka codsaday in wada hadal ku dhammeeyaan kiiska badda, intaas kuma ekaane waxaa uu la kaashaday Abiy Axmed iyo madax kale, laakin waxaa muuqato in Farmaajo aanu u babac dhigi karin cadaadiska shacabka Soomaaliyeed, oo ah daraf ilaa daraf cod qura ku leh “Hal Taako Kama Tanaasuleyno”. 8. Iney Afrika Dhexgasho: Kenya dhinac kale ayey hadda soo martay, oo shalay waxaa ay codsi hordhigtay golaha nabadda iyo amniga Midowga Afrika iyada oo codsatay iney Afrikaanka dhexgalaan, isla markaana ay qeyb ka noqdaan kiiska muranka Soomaaliya iyo Kenya, Soomaaliya oo uu shirka u matalayey wasiir dowlaha arrimaha dibada ee Soomaaliya Cabdiqaadir Axmed Khayr, sida uu wasiirka ii sheegay waxaa ay ku celisay in 5 sano ay dacwo taalo maxkamadda ICJ, isla markaana iyada oo Soomaaliya Midowga Afrika ixtiraameysa, kana mid ah dalalkii aasaasay hadana ay doorbidayaan in laga war sugo go’aanka maxkamadda cadliga adduunka. 9. 2021-ka Kadib: Kenya rajo weyn ayey ka qabtaa in ay meermeeriso dhageysiga maxkamadda cadliga adduunka, oo ugu yaraan ay hesho 12 bil oo dib u dhigis ah, haddii ay sidaasi dhacdo, Soomaaliya waxaa ay galeysaa marxalad kala guur ah iyo doorashada 2020-ka, waana adkaan doontaa in wax badan la qabto, ujeedka Kenya waa iney riixdo go’aanka maxkamadda ilaa 2021-ka si maamulka cusub ee Farmaajo ka dambeeya ay ula macaamilaan, kana dhaadhciyaan xeelado ay fulintooda hadda ku adkaatay . Si kataba ha ahaatee, Soomaaliya ilaa hadda kiiska badda waxaa ay ku wadaa sidii la rabay, xeelad kasta difaac ayey ka gashay, waxaana muuqato in aan dacwadda la tagi-doonno todobaadka soo socdo maxkamadda ICJ , oo tagista qareenada Kenya iyo maqnaanshiyahooda wax micno ah kuma leh in Soomaaliya la dhageysto ama xataa ay maxkamadda go’aan ka gaarto xadka badda ee muranku ka taagan yahay. W/D: Cabdi Caziz Axmed Gurbiye, Goobjoog News Source: goobjoog.com

Wasiirka gaashaan dhigga xukuumadda federalka ah ee Soomaaliya Xildhibaan Xasan Cali Maxamed (Amar-dambe) ayaa magacaabay ku-simaha agaasimaha guud ee wasaaradda gaashaan dhigga Soomaaliya. Wasiir Amar-dambe ayaa waxa uu Jihaan Cabdullaahi Xasan u magacaabay ku-simaha agaasimaha guud ee wasaaradda gaashaan dhigga Soomaaliya, kadib markii shaqada laga joojiyey agaasimihii hore. AKHRISO PUNTLANDPOST The post Wasiir Amar-dambe oo haweeney u magacaabay ku-simaha agaasimaha wasaaradda gaashaan dhigga. appeared first on Puntland Post.

Dhuusamareeb (Caasimada Online) – Ra’iisul wasaaraha xukuumnadda federaalka Soomaaliya, Mudane Xasan Xali Khayre oo la hadlayey warbaahinta ayaa digniin adag u diray ciidamada Ahlu Sunna Waljamaaca, gaar ahaan kuwii dhowaan la Qarameeyey. Khayre oo khudbad u jeedinayey ciidamadaasi oo tababar loo soo xiray ayaa sheegay in aan la aqbali doonin ciidan ka wada tirsan dowladda & Ahlu Sunna. Sidoo kale wxuu ballan in dowladdu ay muhiimad gaar ah siineyso hagaajinta iyo xaquuqda dhammaan ciidamadii Ahlu Sunna ee lagu biiriyey kuwa Xoogga dalka. “Dowladda waxaa waajib ku ah inaad ka heshaan xaquuqdiina,saraakiisha ciidamada Xoogga dalka ee deegaannada Galmudug waxaa ay ku amran yihiin inay ciidamada faraanwaajibkooda, idinku waxaad ka soo wareegteen Ahlu Sunna, laakin laga bilaabo saacadan waa la idinla xisaabtamayaa mana aqbaleyno in aad ka wada tirsanaantaan meeshaad ka tirsanaan jirteen iyo dowladda federaalka.” ayuu yiri Ra’iisul wasaare Xasan Cali Khayre. Ugu dambeyn wuxuu tilmaamay in dhismaha ciidanka Xoogga Soomaaliyeed aan loo mari karin qabiil iyo jabhad, islamarkaana laga soo gudbay dhibaatooyinkaasi. Hadalkan ayaa ku soo aadaya, iyadoo dhowaan dowladda dhexe iyo Ahlu Sunna Waljamaaca ay xal ka gaareen khilaafkii ka dhashay heshiiskii ay horay ugu daareen gudaha magaalada Dhuusamareeb ee Caasimada dowlad goboleedka Galmudug. Caasimada Online Xafiiska Dhuusamareeb caasimada@live.com

(SLT-Hargeysa)-Fannaan Cawaale Aadan Oo Lagu Soo Dhaweeyay Magaalada jigjiga Ee Dawlad Deegaanka Soomaalida, Halkan hoose ka DAAWO Source

Waxaa la soo gaadhay Xiligii ay Labada Jamhuuriyadood ee Somaliland iyo Jabuuti ay si Rasmi ah ay u Furan lahaayeen Bog cusub oo Iskaashi kaasi oo ku salaysan Is-tixgelin iyo wax wada-qabsi u khidmeeya labada Ummadood iyo labada Dal. Waxaa kale oo la soo gaadhay xiligii ay Dawlada Jabuuti garawsan lahayd in Jamhuuriyada Somaliland ay tahay mid Waligeed Jiri doonta ahaana doonta Jaarka ugu dhow dhinac kasta. Sidaas daraadeed ay haboon tahay inay Jabuuti ku dhiirrato inay Aqoonsato Qaranimada Somaliland inta aanay Dalal kale ugu horrayn. Haddii ay Dawlada Jabuuti ku dhiirrato Aqoonsiga Jamhuuriyada Somaliland waxaa hubaal ah inay Ummada reer Somaliland ka heli doonaan Abaal aan weligii duugoobin oo ay u aayaan Jiilalka soo socda ee reer Jabuuti. Waxaa Hubaal ah in ay Ummada reer Somaliland gaadhi doonaan Himiladooda maalin maalmaha ka mid ah, sidii ay horeba ugu gaadheen Himiladoodii ay iskaga tuureen Taliskii Maxamed Siyaad Barre, sidoo kalana ay u gaadheen himiladoodii ahayd inay la soo noqdaan Madaxbanaanidoodii una dhisteen Nidaam Dawladnimo oo dhamays tiran. Hadaba haddii uu Madaxweyne Ismaaciil Cumar Geelle ku dhiirrado inuu Aqoonsado Jamhuuriyada Somaliland waxaa hubaal ah inuu dhaxal ma guuraan ah iyo abaal taariikhi ah uu uga tegi doono Shacbiga reer Jabuuti kaasoo ay guran doonaan midhihiisa inta Dunida guudkeeda la joogo. Shacbiga reer Somaliland waa Ummad aan waligood iloobin cidii Abaal u gasha, sidaas daraadeed maanta ayay tahay maalintii Abaal la gashan lahaa Ummada reer Somaliland ee geesiyaasha ah ee Dalkooda dhistay iyaga oo aan cidna taageero buuran ka helin. W/Q: Wasiir ku-Xigeenka hore ee Wasaaradda Qorshaynta Qaranka Somaliland Mud. Kaysar Cabdilaahi Maxamed Source

(SLT-Addis Ababa)-Soomaaliya ayaa Kenya xalay mar kale kaga adkaatay codeyn ka dhacday golaha nabadda iyo amniga ee Midowga Afrika oo la xidhiidhay muranka Badda ee Soomaaliya iyo Kenya. Golahan ayaa ka hadlayey soojeedin ka timid dalka Kenya oo la xidhiidha in Afrika dhexgasho oo heer Afrikaan ah lagu xaliyo khilaafka iyo muranka badda ee kala dhexeeya Soomaaliya. Warbaahinta ayaa ogaatay in Soomaaliya ay diiday soo jeedinta Kenya, kuna adkeysatay in laga warsugo go’aanka maxkamadda cadliga adduunka. Wasiiru dowlaha Wasaaradda arrimaha dibadda Xukuumadda Soomaaliya Cabdiqaadir Axmed Kheyr oo kulanka khudbad ka jeediyay ayaa golaha u sheegay in dacwadda Kenya iyo Soomaaliya ay muddo shan sanno ah hortaal Maxkamadda xilligaan in golaha la horkeenana ay tahay wax lagu mushquulinaayo doodda maxkamada. Wasiiru dowlaha ayaa sheegay in marnaba ayna dowlada Soomaaliya ka laaban doonin dacwadda Badda ee hortaalla Maxkamadda Caddaalladda adduunka ee ICJ. Golahan oo ka kooban 15 dal, ayaa codbixin ay qaadeen oo ku saabsan in ururka Midowga Afrika uu dhex-galo xiisaddan iyo in kale, ayaa Kenya waxaa ka raacay fashil weyn kadib markii ay guul ku gaadhi weyday codeynta. Kenya ayaa u baahneyd inay raacaan 8 dal, hase yeeshee waxa ay heshay 6 cod, halka Soomaaliya ay ka heshay 7 cod. Hal dal ayaa ka maqnaa, halka dalka Morocco uu go’aan dhex-dhexaad qaatay. Source

Dhuusamareb (Caasimada Online) – Waxaa markale uu dib u dhac ku yimid shirka dib u heshiisiinta Galmudug oo la filayey in maanta uu ka furmo magaalada Dhuusamareeb ee xarunta gobolka Galgaduud. Xubno ka mid ah guddiga qaban qaabada ayaa Caasimada Online u sheegay in arrimo farsamo darteed uu u baaqday shirkaasi. Sidoo kale waxa ay xunahani sheegeen inay ku rajo weyn yihiin in shirka uu furmo maalinta bari ah oo ku beegan 5/09/2019-ka. Dhuusamareeb waxaa ku sugan Ra’iisul wasaaraha Soomaaliya, Mudane Xasan Cali Kahyre iyo qaar ka mid ah golihiisa wasiirada. Ra’iisul wasaaraha ayaa daah-furi doono shirweynaha dib u heshiisiinta maamulka Galmudug oo in muddo ah diyaarintiisu ay watay xukuumadda Soomaaliya. Dhanka kale ammaanka ayaa la adkeeyey, iyadoo ay si weyn u xaqiijinayaan ciidamada dowladda iyo kuwa AMISOM ee la geeyey halkaasi. Waa markii saddexaad oo uu dib dhac ku imaanayo shirkan oo ay weli tabasho ka qabto beesha Saleebaan ee degta magaalada Cadaado ee gobolka Galgaduud. Caasimada Online Xafiiska Dhuusamareeb caasimada@live.com

(SLT- Finland)-Wasiirka arrimaha dibadda Finland Pekka Haavisto ayaa xaqiijiyay in warar soo baxay maalmihii la soo dhaafay oo ahaa in Iiraan ay u furan tahay in dib ay u bilowdo shidaalka ay u dhoofin jirtay Finland. Arintaan ayaa qeyb ka ah dadaalada ay wado dowlada Faransiiska, si loo badbaadiyo heshiiskii Nuclear-ka oo wadamada quwadaha ay la galeen Iiraan. Mr Haavisto oo u waramayay majalada Financial Times ayaa sheegay in tani ay muujineyso sida wadamada Yurub ay uga go’antahay badbaadinta heshiiskii Nuclear-ka ee loogu magac daray JCPOA. Todobaadkii hore ayay aheyd markii madaxweynaha Faransiiska Emmanuel Macron, uu kulan kula qaatay magaalada Paris wasiirka arrimaha dibada Iiraan Maxamed Javad Zarif. Kulankaan ayaa lagaga hadlay sare u qaadida heshiis ka ganacsi ee wadamada Yurub iyo Iiraan. Dowlada Tehran ayaa maalin walba la filayaa in 700,000 oo barmiil oo shidaal ah in ay u dhoofiso dalalka Yurub, oo qiimo ahaan dhan 15 billion oo Doolar ka Mareykanka. Source

Waxaa dib u dhac uu ku yimid furitaanka shirka dib u heshiisiinta Galmudug, kaasi oo lagu waday inuu ka furmo maanta magaalada Dhuusamareeb ee gobolka Galgaduud. Ilo lagu kalsoon yahay ayaa Goobjoog News u sheegay in maanta uu dib uga dhacay shirka, balse lama shaacin waqtiga kale ee sida rasmiga ah u furmi doono. Ra’iisul wasaare Xasan Cali Kheyre oo ku sugan Dhuusamareeb ayaa halkaasi u jooga furitaanka shirka dib u heshiisiinta Galmudug, iyadoo halkaasi sidoo kale ay joogaan qaar ka mid ah waxgaradka beelaha Galmudug. Sababta ugu weyn ee shirkan uu dib ugu dhacay ayaa waxay tahay, shirka ka socda magaalada Hobyo, waxaana waxgaradka ku sugan halkaasi laga sugayaa Dhuusamareeb si ay shirka qeyb uga noqdaan. Warkaan wixii kusoo kordha kala soco wararkeena kale Goobjoog News Source: goobjoog.com

Muqdisho (Caasimada Online) – Wasiirka gaashaandhigga Soomaaliya, Xasan Cali Maxamed (Amardambe) ayaa markii ugu horreysay haweeney u magacaabay in y xil sare ka qabato wasaaradddaasi. Wasiir Amardambe ayaa Jihaan Cabdullaahi Xasan u magacaabay in ay si KMG ah u sii heyso xilka agaasimaha guud ee wasaarada gaashaandhigga. Digreetada oo ku taariikheysnen 1/09/2019-ka ayaa waxaa looga dalbaday hay’adaha dowladda in ay la shaqeeyaan sii haya agaasimaha guud ee wasaaradda gaashaandhigga xukuumadda federaalka Soomaaliya, Jihaan Cabdullaahi Xasan. “Waxaa maanta oo ay taariikhudu tahay 1/09/2019 si si kumeel gaar ah xilka agaasimaha guud ee wasaaradda gaashaandhigga u magacaabay, Marwo Jihaan Cabdullaahi Xasan, taas oo bedaleysa agaasimihii hore ee wasaaradda gaashaandhigga,Warsame Maxamuud Xasan oo si KMG ah u soo haayey xilkaasi.”ayaa lagu yiri qoraalka wasiir Amardambe. Halkan hoose ka akhriso Caasimada Online Xafiiska Muqdisho caasimada@live.com

(SLT-Washington)-Arday reer Falastiin ah oo si muran dhalisay loogu diiday galitaanka Maraykanka bishii hore markii uu u tagay in uu billaabo jaamacadda Harvard ayaa hadda la aqbalay. Ismail Ajjawi ayaa sheegay in loo diiday galitaanka Maraykanka ka dib markii hay’addaha qaabilsan arrimaha xadka ay muddo saacado ah su’aalo ku waydiinayeen garoonka Boston Airport, arrintaas ayaana daaranayd qoraal uu baraha bulshada soo dhigay saaxiibkii. Wiilkan 17 jirka ah ayaa Isniintii xarooday jaamacadda Harvard, isaga oo ka gaadhay wakhtigii loogu talagalay. Wasaaradda Arrimaha Dibadda ee dalka Maraykanka ayaa bishii Juunyo ku dhawaaqday in dadka dal ku galka soo dalbanaya la waydiin doono macluumaad la xiriira barahooda bulshada. Waaxda canshuuraha iyo ilaalinta xadka Maraykanka ee magaceeda loo soo gaabiyo CBP ayaa BBC-da u sheegtay Talaadadii in Ismaaciil uu ka soo baxay waxyaabihii horseeday in loo diido galitaanka dalka Maraykanka haddana loo ogolaaday in uu galo Maraykanka isaga oo adeegsanaya fiisaha ardayda ee F1 loo yaqaanno. Waaxdaasi faahfaahin kama aysan sii bixinin sababta markii hore loogu diiday, haddana loogu ogolaaday. CBP ayaa diiday in ay faahfahin ka bixiso arrinta Ismaaciil oo markii u horraysay laga warramay bishii hore. Waxayna ku gaabsadeen in loo diiday in uu galo dalka “arrintaasina ay salka ku hayso xog la helay intii baaritanka ay wadday CBP. Qoyska Ismaaciil oo war qoraal ah soo saaray ayaa sheegay in ay nafis dareemayaan mar haddii wiilkooda loo ogolaaday in uu jaamacadda billaabo. “Tobankii maalmood ee la soo dhaafay waxay ahaayeen kuwo adag oo kurbo nagu hayay, balse hadda waxaan aad ugu mahadcelinaynaa kumannaanka fariimood ee tageerada ah”, ayay qoraalkaas ku dhaheen. Waxay intaas ku dareen in ay hadda rajaynayaan in Ismaaciil uu “diiradda saari doono fariisashada koleejka iyo hawsha muhiimka ah ee fasalka. Hamzah Raza oo ay jaamacadda Harvard wada dhigtaan ayaa Twitterka soo dhigay isaga oo jaamacadda la jooga Ismaaciil. Ismaaciil ayaa sheegay in masuuliyiinta waaxda socdaalku ay dal ku galkii kala laabteen ka dib markii ay garoonka Boston ku baareen taleefankiisa iyo laabtoobkiisa taariikhdu markay ahayd 23 Agoosto. Wuxuu sheegay in loo diiday in uu galo Maraykanka inkastoo uu sheegay in uusan wax shuqul ah ku lahayn fariimaha ku jira baraha bulshada ee ay cuskadeen CBP. Bishii Juunyo Wasaaradda Arrimaha Dibadda ee Maraykanka ayaa sheegtay in ay billawday in dadka dal ku galka codsanaya ay waydiiso Magaca uu baraha bulshada ku isticmaalo e-mail-lo uu shan sano isticmaalayay iyo lambar taleefan. Maamulka madaxweyne Trump ayaa sharcigaas oo hindise ah soo bandhigay bishii Maarso ee sannadkii 2018. Masuuliyiinta ayaa markaas qiyaasay in sharciga cusub uu saamayn doono 14.7 milyan oo ruux sannad walba. Codsiyada qaar ka mid ah fiisooyinka dublamaasiyadeed iyo kuwa rasmiga ah ee dawladaha ayaa laga saamaxay shuruudahan cusub. Source

(SLT-Nairbi)-Wargeyska Daily Nation ee kasoo baxa Kenya ayaa qoray in dowladda Kenya ay si rasmi ah u dalbatay in la hakiyo dhageysiga kiiska dacwadda badda ee ka dhaxeeya Soomaaliya, kaasi oo la qorsheeyey in la dhageysto Isniinta soo sococta. Kenya ayaa codsigeeda qiil uga dhigtay inay dooneyso in la siiyo wakhti ay ku qoroto qareeno cusub. Dhinaca kale, warar diblomaasiyeed oo ay heshay warbaahintu ayaa sheegay in dowladda Soomaaliya ay diiday in dib loo dhigo dhageysiga dacwadda. Dhageysiga dacwada ayaa waxaa qorshuhu yahay inay dhacdo 9-ka illaa 13-ka bishan oo ku beegan Isniin illaa Jimce. Source

Buulo-burte (SMN) – Warar dheeraad ah ayaa ka soo baxaya weerar dagaalyahanno ka tirsan Al-Shabaab ay saacadihii la soo dhaafay ay ku qaadeen xero ciidamada AMISOM, gaar ahaan kuwaJabuuti ay ku leeyihiin duleedka degmada Buulo-Burte ee gobolka Hiiraan. Weerarka oo ahaa mid xoogan ayaa waxaa la sheegay inuu xigay iska hor imaad toos ah oo dhex maray labada dhinac. Ma cadda ilaa iyo hadda khasaaraha dhabta ah ee Al-Shabaab iyo ciidamada Jabuuti ka soo gaaray weerarkaasi. Ciidamada AMISOM, gaar ahaan kuwa Jabuuti ayaa weerarka kadib howlgallo lagu soo qab qabtay 17 qof oo u badan dhalinyaro ka sameeyey agagaarka degmadaasi. Ilo deegaanka ah ayaa sheegay in dhalinyaradaasi qaarkood lagala dagay gaari ay la socdeen, islamarkaana la geeyey xerada uu dagaalku ka dhacay. Xaaladda ayaa saaka degan, welina wax hadal ah kama soo bixin maamulka gobolka Hiiraan ee bartamaha Soomaaliya. View the full article

Moulid Ali Dukow, 25, a paraplegic, is looking forward to changing the world after graduating in public administration from Mogadishu’s Somali International University (SIU) last week. Source: Hiiraan Online

Muqdisho (SMN) – Faah faahinno dheeraad ah ayaa ka soo baxaya dilal qoorsheysan oo xalay ka dhacay degmada Shibis ee gobolka Banaadir. Dilalkaasi ayaa waxaa loo geystay labo askari oo ka tirsanaa ciidamada dowladda Soomaaliya, sida ay xaqiijiyeen ilo deegaanka ah. Dhanka kale waxaa masuuliyadda dilalkan ayaa sheegtay Al-Shabaab, kadib war ku baahiyeen boggagooda Internet-ka. Al-Shabaab ayaa sheegtay in labo sarkaal oo ka tirsanaa hay’adda NISA ay ku dishay gudaha degmada Shibis ee magaalada Muqdisho, sida ay hadalka u dhigtay. Ma jiro weli wax hadal ah oo ah ka soo baxay laamaha ammaanka Soomaaliya oo ku aadamn dilkaasi. View the full article

Dhuusamareeb (SMN) – Waxaa saaka lagu wadaa in magaalada Dhuusamareeb uu ka furmo shirweynaha dib u heshiisiinta maamulka Galmudug. Guddiga qaban qabaada shirkaasi ayaa sheegayin dhammaan ergada beelaha ka qeyb galaya shirlaasi ay ku sugan yihiin magaaladaasi. Sidoo kale waxaa Dhuusamareeb ku sugan Ra’iisul wasaaraha Soomaaliya, Mudane Xasan Cali Kahyre iyo qaar ka mid ah golihihiisa wasiirada. Ra’iisul wasaaraha ayaa daah-furi doono shirweynaha dib u heshiisiinta maamulka Galmudug oo in muddo ah diyaarintiisu ay watay xukuumadda Soomaaliya. Ammaanka ayaa sidoo kale aad ah loo adkeeyey, iyadoo ay si weyn u xaqiijinayaan ciidamada dowladda iyo kuwa AMISOM. View the full article

Nairobi (Caasimada Online) – Dowladda Kenya oo tabarteeda isugu geysay arrinta kiiska Badda ee kala dhexeey Soomaaliya ayaa ceyrisay qaar ka mid ah Qareenadii ku matalayey maxkamadda cadaalada adduunka ee ICJ. Madaxweyne Uhuru Kenyatta iyo xeer ilaaliyaha guud ee dalkaasi Kihara Kariuki, ayaa isku raacay in la bedalo lix qareen oo caalami ah, iyaga oo qaadanaya kuwa cusub. Sidoo kale waxa ay maxkamadda ICJ, ka dalbadeen in dib loo dhigo dhageysiga kiiskaasi, waxaana ay sababta ku sheegeen inay doonayaan inay qaataan Qareeno kale. Qareennada la ceyriyey ayaa waxaa ay kala yihiin, Payam Akhavan oo u dhashay Mareykanka, Vaughan Lowe oo u dhashay UK, Alan Boyle oo u dhashay UK, Mathias Forteau oo u dhashay France, Mr Karim Khan UKand iyo Amy Sanders oo u dhashay UK. Arrintan ayaa ku soo aadeysay, iyadoo xalay Soomaaliya ay Kenya kaga adkaatay codeyn ka dhacday golaha nabadda iyo amniga ee Midowga Afrika ee Addis Ababa, taas oo la xiriirtay muranka Badda ee Soomaaliya iyo Kenya. ICJ ayaa la filayaa in todobaadla dambe ay dib u bilowdo dhageysiga dacwadda Badda, waxaan dooda ku horeyn doonto Soomaaliya. Caasimada Online Xafiiska Nairobi caasimada@live.com

Ra’iisul wasaaraha xukuumadda Soomaaliya ayaa tababar u soo xiray ciidamo horay uga tirsanaa kuwa Ahlusuna oo hadda ku biiray ciidanka xoogga dalka Soomaaliyeed. Xasanm Cali Khayre ayaa sheegay in ciidanka looga baahan yahay waajibaadkooda dastuuriga ah ayna bixin doonaan wixii ay xuquuq leeyihiin xilligaan kadib. Khayre, wuxuu ka digey isku dhex yaaca cidiamada isagoona sheegay inaysan aqbali doonin mushaharna siin doonin ciidamo kawada tirsan DFS iyo Ahlusuna Wal-jameeca. DAAWO PUNTLANDPOST The post Ra’iisul wasaare Khayre oo shuruud ku xiray mushahar siinta ciidanka Ahlusuna. appeared first on Puntland Post.

Muqdisho (Muqdisho ) – Duqa Muqdisho ahna Guddoomiyaha Gobolka Banaadir Mudane Cumar Maxamuud Maxamed (Filish) ayaa kulan la qaatay madaxda Rugta ganacsiga Soomaaliyeed oo uu hoggaaminaayay guddoomiyaha Rugta ganacsiga Mudane Maxamuud Cabdi Gabeyre. Kulanka Guddoomiyaha iyo madaxda ka socotay Rugta ganacsiga Soomaaliyeed ayaa waxaa looga hadlay sidii ay kaalintooda uga qaadan lahaayeen dib-u-dhiska iyo horumarinta Caasimadda, isla markaana loo sii xoojin lahaa wada shaqaynta maamulka iyo ganacsatada. Guddoomiyaha Gobolka Banaadir Mudane Cumar Filish ayaa tilmaamay in ganacsatada Soomaaliyeed ay laf-dhabar u yihiin dib u dhiska dalka, sidaas darteedna maamulkiisu uu ku dhiirigelinayo bulshada kuwooda dhaqaalaha haystaa inay doorkooda ka qaataan horumarka Caasimadda. Sidoo kale Duqa Muqdisho ayaa xusay in guud ahaan shacabka Soomaaliyeed u istaagaan sidii kaabayaasha Caasimadda loo dhisi lahaa, si ay ula tartanto Caasimadaha adduunka ee horumaray. Ganacsatada kulanka la qaatay Guddoomiyaha ayaa balanqaaday in ay sii dardargelin doonaan doorkooda ku addan horumarinta Caasimadda, horey iyo hadana ay diyaar u yihiin kaalinta kaga aaddan. Kulanka ayaa waxaa ku weheliyey Duqa Muqdisho, Guddoomiye ku-xigeenada Maamulka Gobolka Banaadir. View the full article

Muqdisho (SMN) – Halkaan ka Dhageyso Warka Subax ee Idaacadda Shabelle. Hoos riix si aad u dhageysato. https://www.radioshabelle.com/wp-content/uploads/2019/09/Warka-Subax-04092019.mp3 View the full article

Dhuusamareeb (Caasimada Online) – Shirweynaha dib u heshiisiinta Galmudug ayaa lagu wadaa in saaka uu si rasmi ah uga furmo magaalada Dhuusamareeb ee xarunta gobolka Galgaduud. Guddiga qaban qabaadashirkaasi ayaa shaaciyey in dhammaan ergada beelaha ka qeyb galaya shirlaasi ay ku sugan yihiin gudaha magaaladaasi. Sidoo kale waxaa Dhuusamareeb ku sugan Ra’iisul wasaaraha Soomaaliya, Mudane Xasan Cali Kahyre iyo qaar ka mid ah golihihiisa wasiirada. Ra’iisul wasaaraha ayaa daah-furi doono shirweynaha dib u heshiisiinta maamulka Galmudug oo in muddo ah diyaarintiisu ay watay xukuumadda Soomaaliya. Dhanka kale ammaanka ayaa si aad ah loo adkeeyey, iyadoo ay si weyn u xaqiijinayaan ciidamada dowladda iyo kuwa AMISOM ee la geeyey halkaasi. Shirkan waxaa xigi doono arrimaha doorashada maamulkaasi, waxaana musharraxii ugu horreeyey noqoday wasiirkii hore ee arrimaha gudaha Xildhibaan Cabdiraxmaan Odawaa. Caasimada Online Xafiiska Dhuusamareeb caasimada@live.com

The right to follow one's religion and support for animal rights are going head to head in Belgium. Source: Hiiraan Online

Kenya is seeking to delay a highly anticipated hearing of a territorial dispute with Somalia, less than a week before it’s scheduled to begin. Source: Hiiraan Online

Xukuumadda federalka ah ee Soomaaliya ayaa qaadacday qorshihii ay dowladda Kenya ku doonaysey in la hakiyo dhegaysiga kiiska dacwadda ee badda Soomaaliya. Wasiiru dowlaha arrimaha dibadda Soomaaliya Cabduqaadir Axmed Kheyr oo ka hadlayay Kulanka golaha nabadda iyo amniga ee Midowga Afrika ayaa sheegay inaysan aqbali karin codsiga Kenya maadaama dacwaddu ay muddo 5 sano ah hortaal maxkamadda ICJ. Dowladda Soomaaliya ayuu sheegay inay ku kalsoon tahay qaadista dacwada Badda ee u dhaxeeya Soomaaliya iyo Kenya, ayna rajaynayaan inay guul ka soo hoyiyaan dacwaddaan oo muddo soo jiitamaysey. Muran badeedkaan oo dacwaddiisu jiitamaysay muddo 10 sano ah ayaa dowladdii madaxweyne Xasan Sheekh Maxamuud waxa ay July 2016 geysey maxkamadda ICJ kiis ka dhan ah Kenya. PUNTLANDPOST The post Dowladda Soomaaliya oo diidey dalabkii Kenya ee ahaa dibu dhigista dhegaysiga dacwadda badda. appeared first on Puntland Post.