(SLT-Hargeysa)-Prof. Samatar Oo Ka Hadlay Saluuguu Ka Qabo Hoggaaminta Madaxweyne Muuse Biixi,W Adahadallada Somaliland Iyo Soomaaliya + Ictiraafka Iyo Arimo Kale Oo Xasaasi Ah, halkan hoose ka DAAWO Source

(SLT-Qaahira)-Wiilka ugu yaraa caruurta madaxweynihii hore ee dalka Masar Maxamed Mursi ayaa ku geeriyooday dalkaasi Masar, kadib markii uu wadno xanuun ku soo booday. Wiilkan oo lagu magacaabi jiray Cabdullaahi Mursi oo da’diisu ahayd 24 jir ayaa xanuunku ku soo booday isagoo markaasi watay baabuur magaaladda Qaahir, sida uu sheegay walaalkiisa Axmed Mursi Madaxweynihii hore ee Masar Maxamed Mursi ayaa geeriyooday bishii June ee sanadkan isagoo markaasi ku sugnaa Maxkamad ku taalla Magaaladda Qaahir. Wiilkan ayaa hore ugu eedeeyay Saraakiisha Masaarida Geerida aabbihii, gaar ahaan Wasiirka arrimaha gudaha Maxamed Tawfii iyo garsooraha Maxkamada qaadaysay kiiska aabbihii Maxamed Shareen. Source

(SLT-Hargeysa)-Maayirka Burco Maxamed Yuusuf Muraad, ayaa ku amray mulkiilaha Hotelka Warsan ee Burco in ay joojiso goobta ragga iyo dumarku wax ku wada cunaan ee hotelkeeda. Halkan hoose ka akhriso: Source

(SLT-Hargeysa)-Xukuumadda Somaliland ayaa sheegtay in laga bilaabo kowda bisha October ee soo socota ay iyadu dalka keeni doonto shidaalka, isla markaana ay shirkadaha shidaalka hadda keenaa ay iyada ka sii iibsadaan. Qoraal ka soo baxay xafiiska Maareeyaha Haamaha Keydka Shidaalka Berbera ayaa lagu ogeysiiyay ganacsatada shidaalka in ay arrintaasi la socdaan, ciddii diidana aan la siin doonin mar danbe wax shidaal ah. Halkan hoose ka akhriso: Source

(SLT-Hargeysa)-Hogaamiye Xirsi Oo Soo Bandhigay Waxa Sababay Tayo-Xumada Waxbarashada Dugsiyada Dawlada Somaliland Gacanta Ku Hayso, Halkan hoose ka DAAWO Source

(SLT-Hargeysa)-Wasiirka Wasaaradda Gaadiidka iyo Horumarinta Jidadka Somaliland, Cabdillaahi Abokor Cismaan ayaa sheegay in Dawladaha Soomaaliya, Jabuuti iyo Itoobiya ay wada saxeexeen Mashruuc uu Baanka Horumarinta Afrika ka fulinayo Somaliland, kaasi oo ah Waddada isku xidha Magaalooyinka Boorama iyo Lowyacaddo, Halkan hoose ka DAAWO Source

Baydhabo (Caasimada Online) – Warar kala duwan ayaa ka soo baxaya khasaaraha ka dhashay qarax xoogan oo maanta ka dhacay qeybo ka mid ah degmada Awdheegle ee gobolka Shabeelaha Hoose. Qaraxa oo ahaa nooca miinada dhulka lagu aaso ayaa waxaa lagu soo warramayaa in lala eegtay dad shacab ah oo olole nadaafadeed ka waday halkaasi. Ugu yaraan illaa afar qof oo rayid ahaa ayaa ku dhaawacmay qaraxaasi, sida ay Caasimada Online u xaqiijiyeen ilo deegaanka ah. Sidoo kale wararka ayaa intaasi ku daraya in ciidamada dowladda qarax kadib ay gaareen goobta, islamarkaana ay ka sameeyeen baaritaano kooban. Ma jiro illaa iyo hadda wax hadal ah oo ka soo baxay saraakiisha ciidamada dowladda oo la xariira qaraxaasi lala eegtay dadka shacabka ah. Awdheegle oo ay dhowaan la wareegeen ciidamada Milatariga Soomaaliya ayaa waxaa inta badan ka dhaca weeraro iyo qaraxyo ay geystaan dagaalyahannada Xarakada Al-Shabaab. Caasimada Online Xafiiska Baydhabo caasimada@live.com

(SLT- Johannesburg)-Booliska koonfur Afrika ayaa xaqiijiyay in laga helay meydka laba qof oo la gubay dukaan ku yaalla magaaladda Alexandra ee ka tirsan caasimada Johannesburg. Tani ayaa ka dhigan in tirada dadka lagu dilay rabshadaha ajaaniib naceybka ah ay gaadhay toddoba qof sida ay booliska Sheegeen. Haa, waxaan xaqiijin karaa dhimashada laba qof oo nolosha lagu gubay in aan ka helnay xarun ganacsi, sidaasi waxaa wakaalada wararka ee AFP u sheegay afhayeenka booliska magaalada Johannesburg, Mr Wayne Minnaar. Dhanka kale wuxuu intaa ku daray in aan la kala caddeyn karin sababta ka dambeysa dilkaan. Sida laga soo xigtay Tv-ga maxaliga ah oo lagu magacaabo NCA meydka labada qof ayaa waxaa soo saaray booliska kadib weerar labadii habeen ee la soo dhaafay lagu qaaday xarumaha ganacsi ee dadka Ajaaniibta. Labada qof ee la dilay ayaa la ogeyn dalalka ay u dhasheen, iyadoo dhibaatada ay sidoo kale saameysay soomaalida ku dhaqan Koonfur Afrika. Source

(SLT-Hargeysa)-Hay’adda u dooda xuquuqda aadanaha ee Amnesty International ayaa ku boorisay dowladda Sacuudiga in ay caddeyso halka ay ku maqan yihiin laba muwaadin oo dhashay Qatar kuwaasi oo la aaminsan yahay in bishii hore lagu xidhay Sacuudiga. Labada qof ayaa la waayay badhtamihii bishii hore ee Agoosto, xilli ay safar booqasho ah ay u aadeen qeybo ka mid ah bariga Sacuudiga oo ay ku nool yihiin qoyskooda. Sida laga xaqiijiyay war saxaafadeed ka soo baxay hey’adda Amnesty ayaa lagu yidhi sababta loo la yahay Cali Naasir Cali Jarallah iyo wiilkiisa oo 17 jir ah oo lagu magacaabo Cabdullahi Cali Naasir, in ay xabsi ku Jiraan. Dhanka kale warsaxaafadeedka Amnesty ayaa loogu baaqay boqorka Sacuudiga mr Salmaan Bin Cabdi Casiis in uu macluumaad dheeri ah ka bixiyo muwaadiniinta Qatar ee Maqan. Wiilka iyo aabbihii ayaa dhanka kale la sheegay in ay heestaan dhalashada Sacuudiga. Source

(SLT-Muqdisho)-Danjiraha Soomaaliya ee midowga Yurub Dr. Cali Saciid Fiqi ayaa ka hadlay go’aanka rasmiga ah ee dowladda Soomaaliya ee la xidhiidha dalabkii Kenya ee ahaa in dib loo dhigo dacwada Badda ee maxkamada Cadaallada ICJ oo qorshuhu yahay in 09 bishan September Isniinta toddobaadka dambe la daah furo. Danjiraha ayaa sheegay in Soomaaliya gaadhsiisay maxkamada fariinteeda la xidhiidha in ay diyaar u tahay dhageysiga dacwadda, isaga oo intaa ku daray inay u diyaaar-garoobayaa Isniinta in ay tagaan maxkamadda laakiin ilaa Jimcaha sugayaan go’aanka maxkamada. “Tallaabada ay Kenya qaadday waxay dhaawac ku tahay garsoorka iyo in la xalliyo muranka daba-dheeraaday ee dhex yaalla labada dal, mowqifka dowlada Soomaaliyana waxaa uu yahay in cadaaladu shaqeyso oo aan dib loo dhigin dhegeysiga dacwada” ayuu yidhi danjiraha Kenya ayaa dalabatay dib loo dhigo dacwadda dhageysiga labaad ee dacwada Badda ee kala dhaxeysa Soomaaliya, iyadoo taa sabab uga dhigtay in ay qorsaneyso qarreeno cusub oo ku matala doodda maxkamada. Lama oga go’aanka maxkamada ay ka qaadan doonto taallaabooyinkan iska soo horjeeda ee labada dal Soomaaliya iyo Kenya oo ee la xidhiidha dhageysiga dacwada Badda. Source

(SLT-Tel-aviva)-Dowladda Israa’iil ayaa ku eedeysay ururka Xisbullah, dhisida warshad soo saarta gantaalaha culus oo ay ka hirgalisay degaanka Bekaa ee gudaha wadanka Lubnaan. War saxaafadeed ka soo baxay millatariga Israa’iil oo ay ku jiraan sawiro lagu soo qaaday dhanka dayax gacmeedka ayaa lagu sheegay in dhismaha warshadaan ay ka taageereyso dowlada Iiraan. Gantaalaha oo loo yaqaan IDF ayaa Israa’iil sheegtay in ay farsameysay kooxda Xisbullah ee dalka Lubnaan. Dhanka ururka ayaa ka gaabsaday in uu ka hadlo sheegashada xukuumada Tell Aviv oo ku aadan in ay bilowday dhisida warshada farsameysa gantaalaha oo ah kuwo loogu talagalay in lagula diriro diyaaradaha Dagaalka. War saxaafadeedkan ayaa dhanka kale lagu soo koobay in kooxda Xisbullah ay dooneyso in gantaalahan ay u adeegsato burburinta kaabayaasha dhaqaalaha Israa’iil . Hadalkaan ayaa imaanaya iyadoo maalmo ka hor uu dagaal xooggan dhanka xadka labada wadan uu ku dhax-maray millatariga Israa’iil iyo dagaalyahanada Xisbullah ee dalka Lubnaan. Source

Wararka ay Howlwadeenada Puntlandi Helayaan waxay sheegayaan in Kiiska Bada ee u dhexeeya Soomaaliya iyo Kenya uu gaari doono sanadkaan soo socda sidaas awgeed uusan [...] Source

Garoowe (Caasimada Online) – Taliyaha ciidamada Daraawiishta Puntland, Sarreeye Gaas Yaasiin Cumar (Dheere) oo haatan ku sugan degmada Baran ee gobolka Sanaag ayaa si kulul uga hadlay xiisada dagaal ee u dhexeysa maamulkaasi iyo Somaliland. Taliye Yaashiin Dheere oo khudbad u jeedinayey ciidamada Puntland ee ku sugan halkaasi ayaa sheegay gobolku uu ku jiro xaalad dagaal, islamarkaana uu leeyahay cadow fara badan. ‘’Gobolka kan waad ogtihiin maanta cadow badan ayaa ku soo wajahan xaalad dagaal buu gobolku ku sugan yahay nina looga sheekeyn maayo.’’ Ayuu yiri taliyaha ciidanka Daraawiishta Puntland. Sidoo kale wuxuu tilmaamay in degmada Baran ay ku soo wajahan yihiin ciidamada Somaliland iyo Al-Shabaab oo wada socda, sida uu hadalka u dhigay. ‘’Ciidanka gobolladaas waqooyi ka taliya ay soo wadaan iyo Shabaab oo labadoodu aan kala harin wada soccdaan waxay ku soo wajahan yihiin deegaankan.’’ ayuu intaasi raaciyey taliyuhu. Ugu dambeyn wuxuu carabka ku adkeeyey in Puntland aysan weerar aheyn, islamarkaana ay iska difaaci doonto cidkasto oo dulaan ku soo qaada. Inta badan madaxda Somaliland iyo Puntland ayaa dhanka warbaahinta isu mariya eedeymo culus, kuwaas oo marar badan ciidamadoodu ay ku dagaalameen gobollada Sool iyo Sanaag ee waqooyiga Soomaaaliya Caasimada Online Xafiiska Garoowe caasimada@live.com

Waxaa maanta si rasmi ah loo soo xirayaa shirka dib u heshiisiinta beelaha Habargidir ee muddada ka socday magaalo xeebeedka Hobyo ee gobolka Mudug, Galmudug. Shirka ayaa arbacadii lagu doortay guddoomiyaha golaha hoggaaminta beesha oo noqday Prof. Cabdulqaadir Maxamed Shirwac. Shirkan ayaa laga heshiiyey dhammaan wixii beelahaasi soo gala gaaray xiliyadii hore, waxaana la filayaa in hoggaanka cusub uu ka shaqeeyo midnimada iyo wadajirka beesha iyo aayaheed. Shirka xiritaankiisa waxaa jooga mas’uuliyiinka ka tirsan dowladda federaalka ah uu hoggaaminayo ku-xigeenka 1aad ee golaha aqalka sare mudane Abshir Maxamed Axmed iyo xildhibaanno ay ku jiraan Mahad Salaad, Axmed Fiqi, Saabir Shuuriye, Cabdi Qeybdiid iyo murashaxa madaxweynaha Galmudug xildhibaan Cabdiraxmaan Odowaa. Goobjoog News Source: goobjoog.com

Wararka maanta oo Khamiis ah ka imaanaya magaalada Dhuusamareeb ee gobolka Galgaduud ayaa waxay sheegayaan in halkaasi uu ka soconayo diyaar garow ku aaddan furitaanka shirka dib u heshiisiinta Galmudug. Shalay oo Arbaco ahayd ayaa lagu waday in shirkan uu furmo, balse arrimo farsamo ayuu dib u dhacay, waxaana taasi ay keentay in qorshaha furitaanka maanta loo soo wareejiyo. Ra’iisul wasaaraha xukuumadda federaalka Soomaaliya, Xasan Cali Kheyre ayaa ku sugan magaalada Dhuusamareeb, wuxuuna furi doonaan shirkan dib u heshiisiinta ah. Ammaanka magaalada Dhuusamareeb ayaa aad loo adkeeyey, waxaana ku sugan ciidamada dowladda federaalka iyo kuwa AMISOM. Warkaan wixii kusoo kordha kala soco wararkeena kale Goobjoog News Source: goobjoog.com

Dagaal u dhaxeeyey ciidanka xoogga dalka iyo Al-shabaab ayaa xalay ka dhacay deegaanka Cumar Dheere oo ku yaalla duleedka degmada Afgooye, waxaana ka dhashay khasaare kala duwan. Kolonyo ay la socdeen ciidanka DFS, kuna wajahnaa deegaanka Sabiib ayaa la sheegay in jidka ay u galeen dagaalyahannada Al-shabaab, waxaana halkaasi ka dhacay dagaal saacad ka badan socday. Lama oga khasaaraha Labada dhinac soo kala gaaray inta uu la egyahay, balse waxaa la sheegayaa inuu khasaare jiro. Saraakiisha ciidanka dowladda ee Shabellaha Hoose kama aanay hadal dagaalkan, sidoo kale ururka Al-shabaab wax war ah kama aanu soo saarin dagaalkan ay la galeen ciidanka dowladda. Xaaladda deegaanka Cumar Dheere ayaa ah mid aad u deegan, iyadoo ciidanka dowladda ay socdaalkooda sii wateen, islamarkaana ay gaareen deegaanka Sabiib. Al-shabaab ayaa weeraro gaadmo ah mararka qaar ku qaadda ciidanka dowladda iyo kuwa AMISOM. Goobjoog News Source: goobjoog.com

Muqdisho (SMN) – Dowladda Federaalka Soomaaliya ayaa waxay soo bandhigtay mowqifkeeda ku aadan codsiga ka yimid dalka Kenya. Dalabka xukuumadda Nairobi ayaa wuxuu yahay in muddo 12-bilood ah dib loo dhigo dhageysiga gal-dacwadeedkan. Safiirka dalka u qaabilsan arrimaha Midowga Afrika ayaa shaaciyey in xukuumadda aysan aqbali doonin soo jeedintaasi. Danjire Saciid Cali Fiqi ayaa tibaaxay in kiiskan aanan lagu xalin doonin meel ahayn Maxkamadda Cadaaladda Aduunka. Umadda Soomaaliyeed ayuu ku tartarsiiyey in aysan ka walwalin in wada hadal ay ka gelayaan galkan, taasi oo ay rabitaanka Kenya. Ugu dambeyntii, ICJ ayuu daboolka ka qaadey in ay ka dhowrayaa in ay go’aan kasoo saarto dalabka Kenya illaa iyo Jimcaha soo aadan. Hoos ka dhageyso codka https://www.radioshabelle.com/wp-content/uploads/2019/09/Fiqi1.mp3 View the full article

Muqdisho (Caasimada Online) – Wasiirka wasaaradda warfaafinta Soomaaliya, Mudane Maxamed Cabdi Xayir (Maareeye) ayaa si kulul uga hadlay rabshadaha iyo dhibaatooyinka dadka ajnabiga ah oo ay Soomaalidu ku jirto loogu geysanayo gudaha dalka Koonfur Afrika. War ka soo baxay xafiiska wasiir Maareeye ayaa lagu sheegay in dowladda federaalka ay si u dhow ula socota boobka iyo rabshadaha ka socda dalkaasi, islamarkaana ay aad uga xun tahay. Sidoo kale waxa ay dowladdu ugu baaqday dhammaan muwaadiniinta Soomaaliyeed ee ku dhaqan dalka Koonfur Afrika in ay muujiyaan feejignaan iyo taxadar dheeri ah. Halkan hoose ka aqriso: Dowladda Federaalka Soomaaliya waxay maalmahan ishaa ku haysa rabshadaha ka dhacaya dalka South Africa oo ay ku noolyihiin muwadiniin Soomaaliyeed oo u badan ganacsato kuwaasoo weeraro lagu qaaday sanooyinkii lasoo dhaafay iyo rabshadaha hada dhacayaba ay kasoo gaadheen waxyeelo nafeed iyo mid hantiyeed. Dowlada Soomaaliya waxay ka xuntahay falalka boobka iyo barakicinta ah ee loo gaysanayo muwaadiniinta Soomaaliyeed iyo ganacsigooda, waxayna ka codsanaysaa dowlada South Africa inay ilaaliso oo ay damaanad qaado badqabka muwaadiniinta Soomaaliyeed iyo hantidooda. Ugu danbayn, dowladda Soomaaliya waxay muwaadiniinteeda deggan dalka South Africa ugu baaqaysaa in ay feejignaan iyo taxadar dheeri ah muujiyaan hadba wixii soo kordhana lawadaagaan safaaradda Soomaaliya dalka South Afrika. Caasimada Online Xafiiska Muqdisho caasimada@live.com

Dowladda federaalka Soomaaliya ayaa si kulul waxa ay uga hadashay dhibaatooyinka lagu hayo muwaadiniinta Soomaaliyeed ee ku nool dalka Koonfur Afrika, iyadoo baaqna u jeedisay Soomaalida ku nool wadankaasi. War-saxaafadeed kasoo baxay wasaaradda warfaafinta ee xukuumadda federaalka, ayaa lagu sheegay in dowladda ka xun tahay dhibaatooyinkan aadka usoo noq-noqday. Sidoo kale, dowladda ayaa fartay muwaadiniinta Soomaaliyeed ee ku sugan Koonfur Afrika, iney muujiyaan feejignaan iyo taxaddar dheeraad ah. Halkaan hoose ka akhriso: Goobjoog News Source: goobjoog.com

Qaran News

Ra’iisul wasaaraha xukuumadda federaalka Soomaaliya, Xasan Cali Khayre, ayaa Magaalada Dhuusamareeb kulan kula qaatay Odayaal iyo wax-garad ka socda degaannada Huurshe iyo Xeraale oo muda Saddax Sano ah ay u dhexeysay colaad uu Dhiig badan ku daatay. Kulanka oo ay goob joog ka ahaayeen xildhibaannada degaannadaas ku matela Dowladda dhexe, ayaa qeyb ka ahaa dhammeystirka dedaallo uu Ra’iisul Wasaaruhu soo billaabay dhammaadkii Bishii June ee Sannadkan mar uu socdaal ku tagey Huurshe iyo Xeraale. Ra’iisul Wasaaraha Dalka ayaa xilligaasi Labada dhinac kala hadlay soo Af-jaridda codaalla iyo furidda bog cusub oo ah mid nabadeed. Odayaasha Labada dhinac ayaa Ra’iisul Wasaaraha uga mahad celiyay dedaalka hagar la’aaneed ee uu Galmudug ka wado, waxayna ballan qaadeen in ay ka shaqeynayaan nabadda, wada noolaanshaha, horumarinta degaanka iyo Bulsha ,si loo helo mustaqbal wanaagsan oo ka Madax bannaan colaado iyo rabshado dib u sii dhiga horumarka ay ummaadda Soomaaliyeed hiigsaneyso. Ra’iisul Wasaare , Xasan Cali Khayre, ayaa Odayaasha Huurshe iyo Xeraale u ballan qaaday in Dowladda Soomaaliya ay ku Garab taagan tahay ka mira dhalinta dedaallada nabadda iyo horumarka, iyaguna laga doonayo in ay dowrkooda nabad-doonnimo qaataan oo ay daacad ka noqdaan dhismaha Mustaqbalka Dadka iyo degaanka, wixii horay u dhacayna laga barto casharro qeyb ka qaadanaya wadajirka iyo is-dhex galka Bulshada. Source: goobjoog.com

Muqdisho (SMN) – Warar dheeraad ah ayaa kasoo baxaya dagaal culus oo saacadihii lasoo dhaafay ka dhacay gobolka Shabeellaha Hoose. Iska hor-imaadka oo u dhaxeeyay ciidamada dowlada iyo AlShabaab ayaa ka dhacay duleedka degmada Afgooye. Is-rasaaseynta ayaa ka dambeysay markii xoogaga Shabaab ay duulaan ku ekeeyeen fariisin ay halkaasi ku leeyihiin ciidanka. Inta la xaqiijiyey shan oo ah dhinacyadda ayaa ku naf-waayey isku dhaca oo la sheegay in uu in muddo ah socday. Ma jiro wax war ah oo ku aadan dagaalkan oo kasoo baxay Taliska Ciidanka Soomaaliya iyo dagaalameyaasha Al-Shabaab. Ciidanka xooga ayaa fariisin ka sameystay duleedka Afgooye si ay uga hubiyaan ammaanka guud ahaan magaaladaasi uu maro webiga Shabeelle. View the full article

Taliyaha guud ee ciidamada Daraawiishta dowladda Puntland S/Gaas Yaasiiin Cumar Dheere ayaa markii u horraysay todobaadkan socdaal ku tegay magaalada Badhan ee gobolka Sanaag. Taliyaha ayaa shalay booqday difaacyada ay ku sugan yihiin ciidamada Daraawiishta Puntland ee degmada Badhan gaar ahaanna saldhiga ay fadhiyaan ciidankii ugu dambeeyay ee ka soo wareegay Somaliland. Jenanka oo khudbad u jeediyay cutubyo ka tirsan ciidamada Puntland ayaa halkaasi ka sheegay in Somaliland iyo Al-shabaab oo is-bahaystay ay doonayan in ay dagaal ku soo qaadan degmada Badhan iyo degaaannada kale ee gobolka Sanaag si ay u dhibaateeyan shacabka Puntland. S/Gaas Yaasiin Cumar wuxuu ciidamada ku amray in ay u diyaar-garooban difaaca gobolka iyo ilaalinta shacabka maadaama sida uu sheegay ay Somaliland doonayso in ay dagaal ku qabsato gobolka Sanaag. Hoos ka daawo muuqaalka PUNTLAND POST The post Taliyaha ciidamada Puntland oo sheegay in Somaliland iyo Al-shabaab oo wada socda ku soo wajahan yihiin gobolka Sanaag appeared first on Puntland Post.

Muqdisho (SMN) – Wasiirka Arrimaha Dibadda iyo Iskaashiga Caalamiga, Mudane Danjire Axmed Ciise Cawad, ayaa maanta xafiiskiisa xarunta Wasaaradda ku qaabilay Wakiilka cusub ee hey’adda Qaramada Midoobey ugu xilsaarran qaxootiga ee marka magaceeda la soo gaabiyo loo yaqaan(UNHCR) xafiiskeeda Soomaaliya, Mudane Johann Siffointe, oo wareejiyay caddaymihiisa aqoonsi wakiilnimo. Wasiirka waxa uu carabka ku adkeeyay muhiimadda ay leedahay joogtaynta iskaashiga u dhexeeya Dowladda Federaalka Soomaaliya iyo UNHCR si kor loogu qaado howlaha bini’aadanimo ee UNHCR ay ka fuliso gudaha dalka, isagoo tilmaamay in la hubiyo in si mutadawacnimo ah dib loogu soo celiyo dalka qaxootiga Soomaaliyeed ee ku nool Kenya iyo Yemen iyo in la isku dayo in la abuuro jawi sare oo hagaagsan iyo sare u qaadida heerka nololeed ee dhammaan Soomaalida. Waxa uu ka dhawaajiyay baahida loo qabo in la isku duwo dadaallada dhammaan mas’uuliyiinta Soomaalida iyo UNHCR si loo gaaro ahmiyadaha ugu sarreeya ee bina aadminimo ee dib-u-dajinta dadka soo gurya-noqonaya iyo in la siiyo taageerada lagama maarmaanka ah. Kulanka ayaa waxaa goobjoog ka ahaa Xoghayaha Joogtada ee Wasaaradda Arrimaha Dibadda iyo Iskaashiga Caalamiga, Mudane Danjire Saciid Xaaji Maxamuud, Agaasimaha Habmaamuuska, AVV. Xirsi Xaaji Culusow, Kuxigeenka Wakiilka UNHCR ee Soomaaliya, Mudane Takeshi Moriyama iyo mas’uuliyiin kale. View the full article

Madaxweynaha wadanka Venezuela Nicolas Maduro ayaa ku dhawaaqay inay heegan culus geliyeen ciidanka dalkaasi ee ku sugan xuduudka Colombia si ay uga hortagaan weerar kaga yimaada dalkaasi. Maduro, waxa uu sheegay in tallaabadaan ay uga golleeyihiin inay kaga hortagaan tallaaba kasta oo uu qaado dhiggiisa dalka Colombia Ivan Duque oo dhowaan dalbaday in loo baahan yahay isbedel ka dhaca Venezuela. Saraakiil katirsan wadanka Venezuela ayaa sheegay in laga shallayn doono waxa ay ugu yeereen “Dagaal sokeeye” oo ka dhex dhaca labada wadan, waxaana ay tilmaameen in Ivan Duque uu yahay shaqsi ku shaqeeya siyaasadda arrimaha dibadda Maraykanka. Maraykanka iyo Colombia ayaa taageero u muujiyey jabhado iyo dhaqdhaqaaqyada ka soo horjeeda madaxweyne Nicolas Maduro si ay xukunka uga tuuraan. PUNTLANDPOST The post Madaxweynaha Venezuela oo amray dagaal ka dhan ah Colombia iyo Maraykanka. appeared first on Puntland Post.