On the second anniversary of the deadly October 14, 2017 suicide bombings in Somalia, the United Nations envoy to the country today remembered the victims of the attack and reaffirmed the world body’s solidarity with and commitment to all Somalis. “Two years have passed since the tragic events of 14 October 2017, in which so many innocent civilians were killed and injured in a senseless attack by violent extremists. The memory is still fresh in our minds. Our thoughts go out to the families of those lost in the attack, as well as to the survivors. Their resilience and strength in the face of such adversity is a testament to the Somali spirit,” said the Secretary-General’s Special Representative for Somalia, James Swan. “Despite such senseless acts of terrorism, Mogadishu and the rest of the country have continued on their path towards peace and prosperity. The United Nations remains committed to supporting all Somalis on this journey” he added. The attack killed at least 587 people and ranks as the deadliest ever terrorist bombing in Africa involving the use of improvised explosive devices (IEDs). Hundreds more were injured in the blast. View the full article

(SLT-Hargeysa)-Xoghayihii arrimaha Dibadda xisbiga Waddani Faadumo Siciid, ayaa iska casishay xisbiga Waddani. Marwo Faadumo Siciid ayaa shaacisay in Guud ahaan xisbiga way iskaga baxday, Halkan hoose ka DAAWO Source

(SLT-Hargeysa)-Suldaanka guud ee beelaha Biciide Suldaan Siciid Yuusuf Ducaale ayaa si adag uga hor yimid qorshaha cusub ee lagu dhammaynayo colaadda Ceelafweyn muddada dheer ka taagnayd. Waxa uu madaxweynaha iyo wasiirkiisa Daakhiliga Maxamed Kaahin ku eedeeyay in ay siyaasadaynayaan hannaanka nabadaynta kadib markii beelaha hoose ee colaaddu u dhexayso lagu koobay arrinta nabadaynta. Waxa uu sheegay in aanay beelaha hadda wada hadalku u socdo oo kaliya saamayn colaadda Ceelafweyn laakiin, dadyow kale dad kaga dhinteen, Halkan hoose ka DAAWO Source

(SLT-Nairobi)-Madaxweynihii hore ee Dalka Kenya, Daniel Arap Moi ayaa Fiidnimadii Axaddii ee Shalay loo qaaday Cisbitaal ku yaalla Magaalada Nairobi. Ujeeddada Cisbitaalka loo geeyay ayaa Qoyska Daniel Arap Moi ku sheegeen inay tahay in Xaaladdiisa Caafimaad lagu sameeyo hubin, taasi oo si joogto ah loogu sameeyo. Xoghayaha Saxaafadda ee Daniel Arap Moi ayaa Wargeyska Nation u sheegay in Sababta Moi loo geeyay Cisbitaalku tahay inuu arko Dhakhtarkiisa gaarka ah Dr David Silverstein oo uu baadhitaan ugu sameeyo, ulana socdo Xaaladdiisa. Xoghayaha Saxaafadda ee Moi wuxuu meesha ka saaray inuu jiro wax wer-wer ah oo laga qabo Xaaladda Caafimaad ee Madaxweynihii hore ee Kenya, “Waan xaqiijin karaa in Moi uu booqday Cisbitaalka, si loo baadho Caafimaadkiisa..” ayuu yidhi, waxaanu intaa ku daray inay arrin iska dabiici ah tahay in Qof walba uu baadhitaan Caafimaad maro, laakiin aanay jirin wax wer-wer ah oo qabo Xaaladda Caafimaad ee Moi oo xilligan da’ ah. Xanuunada uu ka cawdo Moi ayaa waxa ka mid ah mid ka haya Jilibka, kaasi oo ka soo bilaabmay Shil uu sannadkii 2006-kii ku galay deegaanka Limuru. Mr Moi oo Dalka Kenya xukumayey muddo 24 Sanadood ah oo u dhaxaysey 1978 illaa 2002-dii ayaan xilligan ka dhex muuqan siyaasadda Dalkiisa Kenya. Source

(SLT- Tunisia)-Aqoonyahanka diinta ku adag ee Qays Saciid, oo siyaasadda ku cusub, ayaa guul aad u weyn ka gaadhay doorashadii kala baxa ahayd ee Tunisia, isaga oo ka adkaaday maal-qabeenka warbaahinta, Nabiil Quray, sida ay muujineyso natiijo horudhac ah. Saciid, oo si madax banaan u tartamay ayaa helay ugu yaraan 72.5% codadka, sida ay muujineyso natiijada horudhaca ah ee ay sii daysay shirkadda Emrhod, wuxuuna 40 dhibcood kaga adkaaday Quray. Kumanaan qof ayaa isugu soo baxay waddooyinka magaalada caasimadda ah ee Tunis, si ay ugu dabaal degaan guusha Saciid, ayaga oo heesayey astaanta qaranka. “Waa maalin taariikhi u ah Tunisia, Tunisa waxay guraneysaa mirihii kacdoonka,” waxaa sidaas yiri Boussairi Abidi oo ah 39 jir makaanik ah. “Qays Saciid wuxuu soo afjari doonaa musuq-maasuqa, wuxuuna noqon doonaa madaxweyne caddaalad ah.” Natiijada rasmiga ah ayaa la filayaa in lagu dhowaaqo maanta. Saciid ayaa uga mahad-celiyey da’yarta dalka “inay bog cusub fureen,” wuxuuna wacad ku maray inuu isku dayi doono inuu dhiso “Tunisia cusub”. Qiyaastii 90% dadka da’doodu u dhaxeyso 18 illaaa 25 ayaa u codeeyey Saciid, sida ay muujisay ra’yi uruurin uu sameeyey machadka Sigma. Source

(SLT- Syria)-Ciidamada Syria ayaa maanta galay magaalo ku taalla meel ku dhow xuduudda Turkiga, maalin kadib markii ay dowladda heshiis la gaadhay Kurdiyiinta, si looga hortago howl-galka Turkiga. Wakaaladda wararka Syria ee SANA ayaa sheegtay in ciidamada ay dhaqdhaqaaqyo ka samaynayaan magaalada Tal Tamr oo 20km u jirta xuduudda Turkiga. Waxay sheegtay in ciidamada ay qaadeen tallaabadan “si loo hor-istaago gardarrada Turkish-ka” ayna soo dhoweeyeen shacaka halkaas ku sugan. Heshiiskan aan caadiga ahayn ee ay gaadheen Kurdiyiinta, Syria, iyo Ruuska — xulufada ugu weyn ee dowladda Syria – ayaa yimid afar maalmood kadib markii ciidamada Turkiga ay waqooyiga Syria ka billaabeen howlgal ka dhan ah Kurdiyiinta, kadib bixitaankii ciidamada Mareykanka. “Si looga hortago oo loo joojiyo duullaankan, heshiis ayaan la gaarnay dowladda Syria, oo waajibkeedu yahay inay ilaaliso xuduudaha iyo madax-bannaanida Syria, si ciidamada Syria u tagaan xuduudda ku teedsan Turkiga,” waxaa sidaas lagu yiri bayaan ay soo saareen Kurdiyiinta. Kurdiyiinta Syria ayaa sheegay inay dareemayaan in Mareykanka uu cidleeyey kadib markii ay kala dhinac dagaalameen xagjiriinta Daacish ee Syria. Madaxweyne Donald Trump ayaa shalay amray in dhammaan ciidamada Mareykanka ee ku hadhsanaa waqooyiga Syria ay ka baxaan halkaas. Source

(SLT- Australia)-Nin u dhashay dalka Australia oo soo qaatay 19 sano oo xabsi ah si qaldan kadib markii lagu eedeeyay in uu dilay sargaal sare oo booliiska ah ayaa hadda heley magdhow lacageed oo dhan $4.8 milyan oo doolar. David Eastman ayaa sanadkii 1995-tii lagu xukumay xabsi daa’in, isaga oo lagu heystay dilka Colin Winchester oo 6 sano markaas ka hor la dilay, ahaan ku xigeenta taliyaha booliiska federaalka Australia. Dilka sargaalkan ayaa Australia ka dhalisay qalalaase sharci iyo mid siyaasadeed, waxaana lagu furey baaristii ugu weynayd ebed. Mr Winchester ayaa labo xabadood lagaga dhuftay madaxa isaga ooh or taagan gurigiisa oo ku yaala magaalada Canberra ee caasimadda ah, wuxuuna noqday sargaalkii ugu sareeyay ee la dilo booliiska Australia. Kadib Mr Eastman ayaa loo xirey dilka, balse 19 sano kadib ayay maxkamadda rafcaanka xukuntay in si qaldan loo xukumay, tahayna in la siidaayo, lana siiyo magdhow. 100 qof oo marqaati ah ayaa la dhagaystay qiraalkooda xilligii rafcaanka. Intii uu xabsiga ku jirey waxaa dhintay waalidkiis iyo walaalihiis. Source

(SLT- Spain)-Maxkamada sare ee dalka Spain ayaa Isniinta maanta ah xukuno xabsi ah ku riday sagaal ka mid ah 12 eedeysane oo loo haysto dhiiri galinta doorkii ay ku lahaayeen sanadkii 2017-dii ololihii fashilmay ee gobolka Catalan madaxbanaanida ku qaadanayay. Xukunada lagu riday shaqsiyaadkan oo iskugu jira 13 ilaa sagaal sanno ayaa ka hooseeya midkii ay dalbanayeen dacwad oogayaasha oo dhan 25 Sanno. Dadka xukunada lagu riday ayaa waxaa ka mid ah madaxweyne ku xigeenkii hore ee Catalan Oriel Junqueras kaasi oo qeyb ka ahaa ololaha gobolkan uu ku doonayay in uu kaga go’o Spain. Xukunkan ayaa waxaa canbaareeyay madaxii hore ee gobolka Carles Puigdemont waxaana uu sheegay in la gaadhay waqtigii laga jawaab Celin lahaa Arintaan. Mr Puigdemont oo masaafuris ahaan ugu nool dalka Belguim-ka ayaa barta Twitter-ka ku soo qoray waa in aa ka fikirnaa mustaqbalka nolosha ee wiilashayada iyo Gabdhaheena. Source

MOGADISHU (HOL) - An explosive device suspected to have been planted in the residence of a local official in Jowhar went of Sunday killing the official and injuring several others. Source: Hiiraan Online

Madaxweynaha Dowlad Goboleedka Jubbaland Mudane Axmed Maxamed Islaam ayaa sheegay weerarkii dadka badan ay ku dhinteen ee ka dhacay isgooyska Zoobbe sanadkii 2017, inuu dhiirri galiyo sida ay muhiimka u tahay dadaalada Nabadgalyada iyo dagaalka Argagixisada in si wadajir ah looga wada shaqeeyo. Madaxweyne Axmed Madoobe ayaa sheegay in dhacdadaas ay banaanka soo dhigtay sida aanay Argagixisadu u doonaynin Nolosha dadka Soomaaliyeed oo maalin walba ay dhiigooda si ula kac ah u daadinayaan taas oo mudan in lagaga jawaabo howlgalo iyo dagaal midaysan. Madaxweynahu wuxuu tacsi u diray dhamaan dadkii ehelkooda ku waayay dhacdadaas Maanta oo kale waxaa Madaxweynahu uu intaas ku daray in dhabar adayga iyo isku duubnida shacabka Soomaaliyeed ee dhacdadaas kadib ay ahayd wax lagu farxo iyagoo si wadajir ah ugu gurmaday dadkii dhibtu ay gaartay. Dowladda federalka Soomaaliya ayaa maanta dhigaysa xus loogu duceynayo dadkii ku dhintay xasuuqii Soobe ka dhacay labo sano kahor, laakiin waxaa dowladda lagu dhaleecayay inaanu jirin qorshe looga gaashaamanayo inaanu dhicin xasuuq lamid ah midkaan. Madaxweynaha Soomaaliya oo warbaahinta dowladda kasii daayay farriin ku saabsan maalin, ayaa sheegay in xoojiyeen hawlgallada qorsheysan ee lagaga hor-tegayo falalka waxashnimada ah ee ay soo qorsheeyaan argagixisada Alshabaab, waxa ayna geesiyaasheenna Ciidamada Qalabka sida burburiyeen saldhigyo cadawgu ay ka soo maleegi jireen weerarrada. PUNTLAND POST The post Axmed Madoobe: Xasuuqii Soobbe wuxuu nagu dhiirri galinayaa inaan u midowno dagaalka Argigixisada appeared first on Puntland Post.

Madxaweynaha Soomaaliya, Mudane Maxamed Cabdullaahi Maxamed (Farmaajo) ayaa dhammaan Ummadda Soomaaliyeed u diray fariin ku aadan xuska 14-ka October oo maanta ku beegan. Halkan hoose ka aqriso: 14-ka Oktoobar waa maalin xasuus murugo u leh dadkeenna Soomaaliyeed. Waa maalin aan waynay boqollaal muwaadiniin ah oo uu taagnaa dib u dhiska iyo horumarka dalkeenna. Waa maalin ay argagixisadu si arxan darro ah u xasuuqeen boqolaal muwaadiniin ah oo ku hawlanaa nolol maalmoodkooda, ayna agoomeeyeen kumannaan carruur ah. Qof kasta oo Soomaaliyeed waa uu xasuusan yahay dareenkii muragada lahaa ee ka dhashay weerarkan bahalnimada ah ee argagixisadu ay ku bartilmaameedsadeen shacabkeenna. Si la mid ah taas waxaa muhiim ah in aan xasuusanno midnimadii, gurmadkii iyo sida dhammaan dadkeenna Soomaaliyeed ay ugu wada istaageen wax u qabashada shacabkeennii ay dhibaateeyeen cadawgu. Tan iyo wakhtigaas Dowladdu waxa ay xoojisay hawlgallada qorsheysan ee lagaga hor-tegayo falalka waxashnimada ah ee ay soo qorsheeyaan argagixisada Alshabaab, waxa ayna geesiyaasheenna Ciidamada Qalabka sida burburiyeen saldhigyo cadawgu ay ka soo maleegi jireen weerarrada arxan darrada ah, sidoo kalena waxay ciidanku ka xoreeyeen deegganno ay cadawgu ku dhibaateeynayeen muwaadiniinteenna ku nool. Ugu dambeyntii, waxaan Alle u weydniinaynaa naxariistiisa shuhadadii innooga geeriyootay weerarkan, anigoo faraya Xukuumadda in laga warqabo dhammaan muwaadiniintii lixaadkooda ku waayey falkan banii’aadamnimada ka baxsan. View the full article

Muqdisho (Caasimada Online) – Madxaweynaha Soomaaliya Maxamed Cabdullaahi (Farmaajo) ayaa ka hadlay qaraxii maanta oo kale 14-kii October 2017-kii ka dhacay magaalada Muqdisho. Ugu horreyn Madaxweynaha ayaa dhammaan Ummadda Soomaaliyeed u diray fariin ku aadan xuska labo sano guuradii ka soo wareegtay maalintan oo lagu laayey dad badan oo rayid ahaa. Sidoo kale Madxaweynaha ayaa sheegay, tan iyo wixii ka dambeeeyey qaraxii 14-ka October dowladda Soomaaliya ay kordhisay howlgallada ka dhanka ah kooxda Al-Shabaab. Halkan hoose ka aqriso 14-ka Oktoobar waa maalin xasuus murugo u leh dadkeenna Soomaaliyeed. Waa maalin aan waynay boqollaal muwaadiniin ah oo uu taagnaa dib u dhiska iyo horumarka dalkeenna. Waa maalin ay argagixisadu si arxan darro ah u xasuuqeen boqolaal muwaadiniin ah oo ku hawlanaa nolol maalmoodkooda, ayna agoomeeyeen kumannaan carruur ah. Qof kasta oo Soomaaliyeed waa uu xasuusan yahay dareenkii muragada lahaa ee ka dhashay weerarkan bahalnimada ah ee argagixisadu ay ku bartilmaameedsadeen shacabkeenna. Si la mid ah taas waxaa muhiim ah in aan xasuusanno midnimadii, gurmadkii iyo sida dhammaan dadkeenna Soomaaliyeed ay ugu wada istaageen wax u qabashada shacabkeennii ay dhibaateeyeen cadawgu. Tan iyo wakhtigaas Dowladdu waxa ay xoojisay hawlgallada qorsheysan ee lagaga hor-tegayo falalka waxashnimada ah ee ay soo qorsheeyaan argagixisada Alshabaab, waxa ayna geesiyaasheenna Ciidamada Qalabka sida burburiyeen saldhigyo cadawgu ay ka soo maleegi jireen weerarrada arxan darrada ah, sidoo kalena waxay ciidanku ka xoreeyeen deegganno ay cadawgu ku dhibaateeynayeen muwaadiniinteenna ku nool. Ugu dambeyntii, waxaan Alle u weydniinaynaa naxariistiisa shuhadadii innooga geeriyootay weerarkan, anigoo faraya Xukuumadda in laga warqabo dhammaan muwaadiniintii lixaadkooda ku waayey falkan banii’aadamnimada ka baxsan. Caasimada Online Xafiiska Muqdisho caasimada@live.com

Click here to read more Qaran News

Kismaayo (Caasimada Online) – Wararka laga helayo gudaha magaalada Kismaayo ee xarunta gobolka Jubbada Hoose ayaa sheegaya in xalay lagu dilay sarkaal ka tirsanaa wasaaradda amniga ee Jubbaland, kaas oo horay uga soo goostay kooxda Al-Shabaab. Marxuumka la dilay ayaa waxaa lagu magacaabi jiray, Cumar Daqal (Taqiyudiin), sida ay xaqiijiyeen ilo wareedyo muhiim ah. Mas’uuliyadda dilkan ayaa waxaa sheegatay Al-Shabaab, sida ay ku baahisay barteeda Internet-ka. War ka soo baxay Al-Shabaab ayaa lagu sheegay Cumar Daqal uu ahaa xubin firfircoon oo ka tirsan wasaaradda amniga Jubbaland. Sidoo kale Al-Shabaab ayaa sheegtay in ninkaasi uu la shaqeynayey sirdoonada Mareykanka iyo Kenya, sida ay hadalka u dhigtay. Taqiyudiin ayaa sanad ka hor ka soo goostay Al-Shabaab, wuxuuna ka tirsanaa xafiiska dacwada ee kooxdaasi Illaa iyo hadda ma jiro wax hadal ah oo ka soo baxay dhinaca saraakiisha Jubbaland oo ku aadan dilka sarkaalkaasi. Xaaladda ayaa saaka degan, iyadoona ciidanka amniga ay howlgallo ka sameeyeen magaalada Kismaayo ee gobolka Jubbada Hoose. Caasimada Online Xafiiska Kismaayo caasimada@live.com

Wararka naga soo gaaraya Dhuusamareeb ayaa sheegaya in xalay nin hubeysnaa ciidanka amniga ay ku toogteen magaaladaasi. Toogashada ayaa timid, kadib markii uu ninkaasi isku dayey inuu gudaha u galo saldhigga Booliska Dhuusamareeb. Sidoo kale wararka ayaa intaasi ku daraya in marxuumka uu ka biyo diiday inuu istaago, islamarkaana uu rasaas ku furay ciidankii saldhigga joogay, taas oo keentay in durbo la toogto Lama oga illaa iyo hadda waxa uu ahaa shaqsigaasi, mana jiro weli wax hadal ah oo ka soo baxay maamulka degmadaasi. Muddooyinkii dambe ammaanka Dhuusamareeb ayaa ahaa mid degan, iyadoona ay ka socdeen howlgallo ballaaran. View the full article

Muqdisho (Caasimada Online) – Guddoomiyihii hore ee maamulka goobolka Banaadir, ahaana Duqii Muqdisho, Taabid Cabdi Maxamed ayaa ka sheekeeyey xasuustiisa ku aadan qaraxii xooganaa ee 14 October oo maanta laga joogo muddo 2 sano ah. Taabid oo wareysi siiyey TV-ga Dalsan ayaa sheegay in aan sinaba looga kabsan doonin dhacdadaas oo si weyn u taabatay dadka Soomaaliyeed. Sidoo kale Taabid oo xiliggaasi ahaa guddoomiyaha gobolka Banaadir ayaa tilmaamay in weli uu xusuusto gurmadkii loo fidiyey dadkii ku waxyeeloobay qaraxaasi iyo sida ay ugu midoobeen Ummadda Soomaaliyeed. Waxaa kale uu sheegay in laga gaabiyey in la fuliyo ballan qaadyadii iyo talo soo jeedintii Guddigii Gurmad Qaran, si loogu diyaar garoobo ama looga gaashaanto dhibaatooyinka noocaan oo kale ah. “Dareen weyn baa la muujiyay Umadda Soomaaliyeed waxay diyaar u aheyd dowladooda inay garab istaagto, naf iyo maal la huro, Alshabaab oo dhibkaas weyn geysata meel looga soow ada jeesto, balse ma aysan dhicin, waxaa loo baahanaa dad ku haga oo hoggaamiya kuna horkaca, si loo xaqiijiyo himiladaas, habacsanaan dhacda iyo ilduuf ka dhacay dowladda, fursadaas ay ka dayacantay dareenkii maalintaas bannaanka u soo baxayna aan laga faa’ideysan, waxay noqotay mid la hilmaamay dadkiina guryahooda isaga laabtaan,”ayuu yiri Taabit Cabdi Maxamed. Qaraxan oo ay ku dhinteen boqolaal qof, kuna dhaawacmeen boqolaal kale ayaan weli ka go’in xasuusta dad badan, iyadoona maanta labo snao kaidb laga xusayo gudaha magaalada Muqdisho. Caasimada Online Xafiiska Muqdisho caasimada@live.com

Waxaa hadda socota munaasabad lagu xusayo dadkii ku waxyeeloobey xasuuqii October 14, 2017-kii ka dhacay isgoyska Zoobe. Munaasabadda oo ay soo qaban-qaabiyeen gobolka Banaadir waxaa khudbadi ka jeediyey mas’uuliyiin kala duwan oo ka tirsan maamulka gobolka. Waxaa sidoo kale goobta ku sugan dadweyne badan oo ay ka muuqato murugo, una badan dhalinyaro ka xumaa wixii maalintaas dhacay. Dadka ehaladooda wax ku noqdeen qaraxa ayaa goobta joogay, caroor gaareysa ilaa 3,000 ayaa ku agoontoobey, dhaawaca waa uu ahaa in ka badan 300 halka ay ku dhinteen 687 qof. Haddaba, Sawirada Munaasabadda: Source: goobjoog.com

Dabley hubeysan ayaa lagu soo warramayaa in xalay ay dil ka geysteen qeybo ka mid ah degmada Dayniile ee gobolka Banaadir. Dilka ayaa la sheegay in loo geystay Oday da’ah oo wade ka ahaa Gaari BL ah, sida ay Shabelle u xaqiijiyeen ilo deegaanka ah. Marxuumka la dilay ayaa waxaa lagu magacaabi jiray Ciise Kuube, iyadoona raggii ka dambeeyey dilkiisa ay goobta isaga baxsadeen. Lama oga sababta ka dambeysa dilka ninkaasi, mana jiro wax war ah oo ka soo baxay maamulka degmadaasi. Dilkan ayaa qeyb ka noqonaya falal ammaan dari oo maalmihii la soo dhaafay ka dhacayey gudaha magaalada Muqdisho. View the full article

Dhuusamareeb (Caasimada Online ) – Faah faahinno dheeraad ah ayaa ka soo baxaya toogasho saaka ka dhacday magaalada Dhuusamareeb ee xarunta dowlad goboleedka Galmudug. Toogashada ayaa timid, kadib markii nin hubeysnaa uu isku dayey inuu xoog ku galo gudaha saldhigga Booliska magaaladaasi. Wararka ayaa sheegaya in ciidanka Booliska Saldhigga ay toogasho ku dileen ninkaasi, kadib markii uu diiday inuu istaago. Lama oga illaa iyo hadda waxa uu ahaa shaqsigaasi iyo sidoo kale waxa uu damacsanaa. Xaaladda ayaa hadda dagan, mana jiro weli wax hadal ah oo ka soo baxay saraakiisha ciidanka oo ku aadan dhacdadaasi. Ammaanka Dhuusamareeb ayaa muddooyinkii dambe la xoojiyey, iyadoona la filayo in dhowaan lagu qabto doorashada Galmudug. Caasimada Online Xafiiska Dhuusamareeb caasimada@live.com

Maanta oo ay taariikhdu tahay 14-ka October ayaa waxaa 2 sano laga joogaa qaraxii xooganaa ee maanta oo kale sanad-kii 2017-kii ka dhacay isgoyska Zoobe ee magaalada Caasimada ah ee Muqdisho. Munaasabad lagu xusayo maalintan Madow ayaa saaka lagu wadaa inay ka dhacdo isgoyskaasi oo laga taagay taallo lagu xasuusanayo dhammaan dadkii lagu laayey dhacdadaasi. Mas’uuliyiin ka tirsan dowladda iyo boqolaal dadweyne ah ayaa ka qeyb galaya xuska maalintan. Qaraxii 14-ka October ayaa dowladdu waxa ay xaqiijisay inay ku dhinteen in ka badan lix boqol oo qof oo u badan dad rayid ah. View the full article

Faah faahinno dheeraad ah ayaa ka soo baxaya dagaal u dhexeeyey Al-Shabaab iyo Ciidamada Jubbaland oo xalay ka dhacay duleedka magaalada Kismaayo xarunta gobolka Jubbada Hoose ee K/Somalia. Dagaalka ayaa yimid, kadib markii Al-Shabaab ay weerar ku qaadeen fariisin ciidamada Jubbaland ay ku leeyihiin halkaasi. War ka soo baxay Al-Shabaab ayaa lagu sheeegay in dagaalkaasi ay ku dileen illaa saddex askari, sida ay hadalka u dhigeen. Dhinaca kale ma jiro weli wax hadal ah oo ka soo baxay saraakiisha Jubbaland oo ku aadan dagaalkaasi iyo weerarka ka horreeyey. Xaaladda ayaa saaka degan, balse ciidanka Jubbaland ayaa howlgallo ka bilaabay agagaarka magaalada Kismaayo. View the full article

Maanta oo Isniin ah waxaa xiran inta badan waddooyinka magaalada Muqdisho, iyadoo aanu jirin gaari dadweyne oo waddooyinka xiran maraya. Ciidamada ammaanka ayaa taagan waddooyinka, islamarkaana celinaya gaadiidka dadweynaha, una sheegaya in wadadu xiran tahay. Dhammaan waddooyinka soo gala Wadada Makka Al-mukarrama ayaa ah kuwo si adag loo xiray, iyadoo shacabka ay cagta maalayaan. Sababta maanta loo xirey waddooyinka ayaa ah, Xuska 14 October oo lagu qabanayo bartamaha Isgoyska Zoobe ee magaalada Muqdisho, waxaana la filayaa in madax sare oo DFS iyo shacab badan halkaasi isugu yimaadaan. Warkaan wixii kusoo kordha kala soco wararkeena kale Goobjoog News Source: goobjoog.com

Maanta waxa ay ku beegan tahay 14 October 2019, waxaana Labo sano kahor maanta oo kale qarax xooggan uu ka dhacay Isgoyska Zoobe ee magaalada Muqdisho. Waxa ay ahayd xilli Casir ah, wadada Zoobe waxa ay ahayd mid aad iyo aad u mashquul ah, waxaana dhan walbo oo isgoyska iyo meelaha ku dhow ah ku sugnaa boqolaal shacab ah. Gaari weyn oo ka yimid dhanka wadada Afgooye ayaa si lama filaan ah ugu qarxay meel qiyaas ahaan wax ka yar 10 Mitir u jirta isgoyska Zoobe. Qaraxaasi ayaa sababay geerida ku dhowaad Kun qof qof oo shacab ah, iyo dhaawac aad u badan, sidoo kalena waxaa halkaasi ku burburay hanti gaareysa malaayiin doolar. Maalintaan waa maalin aysan iloobin shacabka Soomaaliyeed, waxayna ahayd maalin mideysan qalbiyada dadka Soomaaliyeed meel walbo oo ay joogaan. Maanta waxaa magaalada Muqdisho iyo meello kale oo dalka ah laga xusayaa maalintan madow, waxaana la filayaa in dad isugu jira shacabiyo mas’uuliyiin isugu yimaadaan bartamaha Isgoyska Zoobe oo laga taagay Taallo loogu talogalay in xilli walbo lagu xusuusto dhacdadaasi. Goobjoog News Source: goobjoog.com

Jowhar (Caasimada Online) – Madaxweynaha dowlad goboleedka HirShabelle, Maxamed Cabdi Waare ayaa war ka soo saaray weerarkii xalay lagu dilay guddoomiye ku xigeenkii amniga gobolka Shabeelaha Dhexe, Muxumad Sugaal Cismaan iyo wiil uu dhalay oo xalay u geeriyooday Bam lagu weeraray hoygooda Jowhar. Waare ayaa ugu horreyn tacsi u diray shacabka HirShabelle, ehelkii, qaraabadii iyo asxaabtii uu ka baxay marxuumka. Sidoo kale wuxuu sheegay in marxuumka uu ahaa Xubin muhiim ah oo ka baxday Maamulkiisa iyo shacabka HirShabelle. Waxaa kale uu faray hey’adaha ammaanka HirShabelle in sida ugu dhaqsiyaha badan ay u sameeyaan baaritaan dhab ah oo la xiriira weerarkaasi, sharcigana la soo taago kooxihii ka dambeeyey. Halkan hoose ka aqriso: Madaxweynaha Dowlad Goboleedka Hirshabelle, Dr Maxamed Cabdi Waare, oo ku hadlaya Afka Golayaasha iyo kan Shacbiga Hirshabelle ayaa ka tacsiyeeyay Geerida Allaha u naxariistee Guddoomiye ku xigeenkii amniga Gobolka Sh/Dhexe marxuum Muxumad Sugaal Cismaan iyo wiil uu dhalay oo xalay u geeriyooday Bam gacmeed lagu weeraray hoygooda Jowhar. Madaxweynaha ayaa tacsi tiiraanyo leh u diray dhamaan shacabka Hirshabelle, ehelkii, qaraabadii iyo asxaabtii uu ka baxay Guddoomiye ku xigeenka Amniga Sh.dhexe marxuum Muxumed Sugaal, waxaana eebe uu uga baryay in janatul fardowsa uu ku galado. Madaxweyne Waare ayaa tilmaamay In Marxuumka uu ahaa xubin muhiim ah oo ka baxday Maamulka iyo shacabka Hirshabelle islamarkaana uu hayay shaqo adag oo muhiim u ah nidaamka Dawliga ah, iyo Xaqiijinta Amniga. Madaxweynaha Hirshabelle Dr Maxamed Cabdi Waare ayaa faray hey’adaha Ammaanka in sida ugu dhaqsiyaha badan ay u sameeyaan baaritaan dhab ah oo la xiriira weerarkaasi lagu dilay marxuum Muxumed Sugaal sharcigana la soo taago dadkii ka dambeeyay. Ugu dambeyn Madaxweynaha Hirshabelle Dr Maxamed Cabdi Waare oo sii hadlay ayaa guud ahaan Shacbiga Hirshabelle kula dar daarmay in ay muujiyaan feejignaan dheeraad ah meelna uga soo wada jeestaan Al-Shabaab islamarkaana ay la shaqeeyaan Hey’adaha ammaanka sidoo kalena ay iska hubiyaan cid kasta oo ku soo dhex dhuumaneysa. Caasimada Online Xafiiska Jowhar caasimada@live.com

Maxamed Cabdi Waare Madaxweynaha maamulka HirShabelle ayaa cambaareeyey weerar gaadma ahaa oo xalay lagu dilay guddoomiye ku xigeenkii amniga gobolka Shabeelaha Dhexe, Muxumad Sugaal Cismaan iyo wiil uu dhalay oo xalay u geeriyooday Bam gacmeed lagu weeraray hoygooda Jowhar. Madaxweynaha Dowlad Goboleedka Hirshabelle, Dr Maxamed Cabdi Waare, oo ku hadlaya Afka Golayaasha iyo kan Shacbiga Hirshabelle ayaa ka tacsiyeeyay Geerida Allaha u naxariistee Guddoomiye ku xigeenkii amniga Gobolka Sh/Dhexe marxuum Muxumad Sugaal Cismaan iyo wiil uu dhalay oo xalay u geeriyooday Bam gacmeed lagu weeraray hoygooda Jowhar. Madaxweynaha ayaa tacsi tiiraanyo leh u diray dhamaan shacabka Hirshabelle, ehelkii, qaraabadii iyo asxaabtii uu ka baxay Guddoomiye ku xigeenka Amniga Sh.dhexe marxuum Muxumed Sugaal, waxaana eebe uu uga baryay in janatul fardowsa uu ku galado. Madaxweyne Waare ayaa tilmaamay In Marxuumka uu ahaa xubin muhiim ah oo ka baxday Maamulka iyo shacabka Hirshabelle islamarkaana uu hayay shaqo adag oo muhiim u ah nidaamka Dawliga ah, iyo Xaqiijinta Amniga. Madaxweynaha Hirshabelle Dr Maxamed Cabdi Waare ayaa faray hey’adaha Ammaanka in sida ugu dhaqsiyaha badan ay u sameeyaan baaritaan dhab ah oo la xiriira weerarkaasi lagu dilay marxuum Muxumed Sugaal sharcigana la soo taago dadkii ka dambeeyay. Ugu dambeyn Madaxweynaha Hirshabelle Dr Maxamed Cabdi Waare oo sii hadlay ayaa guud ahaan Shacbiga Hirshabelle kula dar daarmay in ay muujiyaan feejignaan dheeraad ah meelna uga soo wada jeestaan Al-Shabaab islamarkaana ay la shaqeeyaan Hey’adaha ammaanka sidoo kalena ay iska hubiyaan cid kasta oo ku soo dhex dhuumaneysa. View the full article