Madaxweyne Farmaajo iyo Madaxweyne Xasan Sheekh dabacsanaan xad-dhaaf ah oo halis ku ah qarannimada Soomaaliyeed ayay u muujiyeen Itoobiya. Muqdisho (Faallo ) — Abiy Ahmed, Ra’iisal Wasaaraha Itoobiya, waxaa saaran miiskiisa gal qarsoodi ah. Waxaa ku qoran soo koobista sida siyaasiyiinta Soomaalidu ugu tiirsanaayeen Itoobiya tan iyo 1978. USC iyo SNM iyo SPM waxay 1990 ku shireen Mustaxiil si taliskii Mengistu ee Itoobiya uu sahay iyo saanad ugu taageero si taliskii kacaanka loo afgambiyo. Isbeddelkaas macne ayuu u leeyahay Itoobiya si la mid ah sida uu macne ugu leeyahay markii 2006 ciidammadeedu soo galeen Soomaaliya iyagoo ku doodaya inay is difaacayeen oo ay difaacayeen dowladdii ku meelgaarka. Dagaal labo sano socday (2007-2009) wuxuu Itoobiya baray inaysan Soomaalida ku qasbi karin waxa ay rabto. Itoobiya waxaa taageersanaa Galbeedka oo u oggolaaday inay hub ka soo iibsato Waqooyiga Kuuriya si ay ula dagaallanto xoogaggii iska caabbinta. Heshiis dhexmaray dowladdii ku meelgaarka iyo ururkii Isbahaysiga Dib u Xoreynta Soomaaliya 2008 ayaa sababay in ciidammada Itoobiya laga saaro Soomaaliya. Yaa ciidanka Itoobiya dib ugu soo celiyay Soomaaliya? Sanadkii 2014 ayay dowladda federaalku heshiis la saxiixatay Itoobiya. Heshiiskaas labo-geesoodka ah ayaa u oggolaaday in ciidammada Itoobiya ku soo noqdaan Soomaaliya. Kooxda Damuljadid oo talada markaas haysay ayaa go’aankaas qaadatay. Ma jirin siyaasi ka hor yimid go’aanka dowladdii federaalku ku jebisay heshiiskii ciidammada Itoobiya lagaga saaray Soomaaliya. Madaxweyne Xasan Sheekh Maxamuud oo 2015 khudbad ka jeedinayay 40-guuradii ururka TPLF ayaa sheegay in loo baahan yahay in la dhowro dhaxalkii Meles Zenawi. Waxaa xusid mudan in Itoobiya adeegsatay 2013 hanjabaad dadban markii Ra’iisal Wasaare Haile Mariam Desalegn sheegay in Itoobiya difaaci doonto maamulka Somaliland haddii ay Soomaaliya soo weerarto. TPLF, oo maanta dhulkeedu la daalaadhacayo saameyntii dagaalkii Tigray (2020-2022), waa urur aad ugu ololeeyey burburinta qarannimada Soomaaliya. Farmaajo oo soofeeyey damaca Itoobiya Dowladdii Maxamed Cabdullaahi Farmaajo waxay sidoo kale gashay gef halis ku ah danaha qaranka markii Abiy Ahmed soo booqday Soomaaliya 2018 isaga oo sitay barnaamij uu u bixiyay Isdhexgalka dhaqaale ee Geeska Afrika (Horn of Africa Economic Integration). Madaxweyne Farmaajo uma sheegin Abiy Ahmed inuu kala tashan doono Baarlamaanka iyo Aqalka Sare hindisaha “isdhexgalka dhaqaale”. Madaxweyne Farmaajo wuu oggolaaday hindisaha uu Abiy Ahmed ku rahmaday afar dekadood oo Soomaaliyeed isagoo ku dooday in Itoobiya isticmaali doonto afarta dekadood. Abiy wuxuu maalgeliyayaal shisheeye ah u sheegay inuu haysto oggolaansho uu ku isticmaalo dekado Soomaaliyeed. Madaxweyne Shariif Sheekh Axmed aamusnaan ayuu ku taageeray in ciidanka Itoobiya lagu soo celiyo Soomaaliya. Inkastoo Madaxweyne Xasan Sheekh uu sanadkii 2020 ku qoray majalladda Foreign Affairs maqaal uu kaga soo horjeestay hindisaha Isdhexgalka Dhaqaale ee Geeska Afrika, mowqofkiisu wuu isbeddelay markuu booqday Eritreeya 2022 halkaas oo ciidammo Soomaaliyeed lagu tababbarayay. U dabacsanaan xad-dhaaf ah ayay madaxweyne Xasan Sheekh Maxamuud iyo Madaxweyne Maxamed Cabdullaahi Farmaajo u muujiyeen Itoobiya iyaga oo aan waxba ka baranin fashilkii dowladdii ku meelgaarka (2004-2008) oo lagu eedeeyey inay ku tiirsanayd Itoobiya. Xiriirka Itoobiya iyo Soomaaliya ma wuxuu halis ku ahaa danaha qaranka Soomaaliya markii uu Cabdullaahi Yuusuf Axmed ahaa madaxweyne? Sanadkii 2023 dowladda federaalka Soomaaliyeed waxay heshiisyo sir wadaagis iyo difaac la saxiixatay Itoobiya oo Janaayo 2024 heshiis is afgarad ay bad Soomaaliyeed ku qaadanayso la gashay maamulka goosasho-doonka ah ee Somaliland. Wareerka Abiy Ahmed haysta waa inuu kala dooran la’ yahay siyaasiyiinta Soomaalida oo doonaya inay ku tiirsanaadaan Itoobiya. Waa siyaasiyiin leh ujeeddooyin lid ku ah qarannimada Soomaaliya oo baarlamaankeedu iyo Aqalkeeda Sare ay taageeraan la xisaabtan la’aanta dowladda federaalka. W.Q. Maxamuud M. Tallan (Iskeerso) © Puntland Post, 2024 The post Sida Madaxda Soomaalidu Ugu Tiirsan Yihiin Itoobiya appeared first on Puntland Post.

Beledweyne (Caasimada Online) – Madaxweynaha dowlad-goboleedka HirShabelle Cali Guudlaawe ayaa waxaa soo baxeysa in loo diiday inuu booqdo degmada Maxaas ee gobolka Hiiraan. Macawiisleyda Maxaas ayaa lagu soo waramayaa inay Cali Guudlaawe u diideen inuu booqdo degmada, xilli uu socdaal ku marayay gobolka Hiiraan. Bishii May ee sanadkan ayey aheyd markii sidan oo kale hogaamiyaha HirShabelle looga hor istaagay inuu galo Beledweyne, oo laga dhisay Hiiraan State. Waxaa muuqata in dib u istaadhmay guuxii reer Hiiraan ee maamulkiisa, kadib markii ay sheegeen in nidaamkii lagu dhisay iyo hanaanka awood-qeybsiga wax laga bedelay. Arrintan ayaa imaneysa xilli Cali Guudlaawe uu safar ku marayay deegaanada maamulkaas, isaggoo maalin kahor gaaray degmada Moqokori ee gobolka Hiiraan, xilli Hiiraan laga diidanaa xukunka Cali Guudlaawe. Safarka uu ku tegay Moqokori waxaa ku wehliya madaxweyne ku-xigeenka HirShabeelle Yuusuf Dabageed oo kasoo jeeda gobolka Hiiraan, halkaasi oo si weyn ugu soo dhoweeyeen guddoomiyaha iyo shacabka degmada. Beesha Xawaadle oo degta Moqokori iyo inta badan deegaanada kale ee gobolka Hiiraan ayuu madaxweynaha HirShabelle Cali Guudlaawe ku dhiiraday inuu hortago, balse hadda waxaa muuqata inuu wajahayo caqabada diidmada maamulkiisa. Beesha Xawaadle ayaa diidan gabi ahaanba inay kasii mid noqdaan maamulka HirShabelle, waxayna kol sii horeysay ku dhawaaqeen maamul kale oo ay ugu magac-dareen Hiiraan State. Si kastaba, Xiisadda maamulka Guudlaawe iyo reer Hiiraan ayaa gaartay heer ay diideen in maamulka HirShabelle canshuurta ka qaado gobolka, inkasta oo maamulka uu waddo dadaallo uu rabo inuu hoos ugu dhigo xiisadda, kuwaasi oo u socon la’ sida muuqata. The post GUUDLAAWE oo loo diiday inuu tego degmo ka tirsan Hiiraan xilli uu bareeray appeared first on Caasimada Online.

Mogadishu (HOL) - The United States has congratulated the leaders and people of Puntland on the recent local council elections in the Nugaal region. Source: Hiiraan Online

Gaalkacyo (Caasimada Online) – Ciidanka Booliska gobolka Mudug ayaa gacanta ku soo dhigay eedaysane loo haysto dilka macalin reer Boorama. Taliska ciidanka booliska ayaa sheegay in ninkan lagu soo qabtay howl-gal ay ciidamada ka sameeyeen sameeyeen degaanka Seemade oo ka tirsan degmada Jariiban. “Ciidanka Booliska gobolka Mudug ayaa howlgal ay sameyeen gacanta kuso dhigey eedaysane dil ka gaystay deegaanka Seemade degmada Jariiban ee gobolka Mudug,” ayaa lagu yiri qoraalka taliska booliska gobolka Mudug Eedaysane Axmed Maxamuud Maxamed ayaa loo haystaa in uu Jimcihii 26-ka July dil u geystay marxuum Macallin Xamae Muuse Ducaale, oo kasoo jeeda gobolka Awdal, gaar ahaan Boorama, sida ku cad qoraalka taliska booliska gobolka. “Eedaysanahan oo lagu magacaabo Axmed maxamud maxamed ayaa Maalinkii Jumcaha ee 26 July. Dil ugaystay Allaha unaxariistee Marxuum Macalin Xamse muse Ducale,” ayaa markale lagu yiri qoraalk kasoo baxay booliska. Waxa uu intaas kusii daray “Eedaysanaha ayaa hada ku jira gacanta ciidanka Booliska waxaana lageeyay Xabsiga dhexe ee magalada Galkacyo.” Taliska ayaa ugu dambeyntiina u mahad-celiyay ehelka eedaysaha iyo odayaasha deegaanka oo door muhiima kulahaa soo qabashada eedaysanaha kuna gacan siiyay ciiddanka booliska. The post Puntland oo soo qabatay ninka loo haysto dilka macalin reer Boorama appeared first on Caasimada Online.

Ciidanka Daraawiishta dowlad goboleedka Jubbaland, gaar ahaan Guutada Birjeex ayaa gacanta ku dhigay xubin ka tirsan kooxda Alshabaab, halka laba kalena ay toogteen xilli ay ku sugnaayeen dhulka howdka ah ee u dhow deegaanka Buulo-Xaaji ee Gobolka Jubbada Hoose. Raggan ayaa la sheegay inay qeyb ka ahaayeen kooxdii dhowaan weerartay deegaanka Harboole oo hoostaga degmada Afmadow ee gobolkaas, kaasoo lagu diley ugu yaraan 100 boqol dagaalame oo kamida Alshabaab. Dagaalamaha ay ciidanku nolosha ku qabteen ayaa la sheegay in haatan lagu hayo goob caafimaad oo ku taalla deegaanka, wuxuuna howgalkani qeyb ka yahay dhaqdhaaqyo ay ciidanka Xoogga Dalka iyo kuwa Daraawiishta maalmahan aaggaas ka wadeen. Source: goobjoog.com

Ismaaciil “El Mayo” Zambada waa mid ka mid ah magacyada ugu caansan taariikhda dagaalka ee daroogada, lana mid ah awoodda cabsida leh iyo saamaynta kooxda daroogada ee adduunka ugu weyn. Jiilkii ugu dambeeyay ee hoggaamiyeyaasha daroogada, wuxuu abuuray kooxda Sinaloa Cartel oo la jaan qaadeysay ninka ku caanka ah daroogada ee Joaquin “El Chapo” Guzman kadib burburkii 1989-kii. Laakin si ka duwan saaxiibkii, kaas oo xabsiga la dhigay kana baxsaday laba jeer, El Mayo waxaa u suurtagashay in uu ka baxsado qabashada ilaa 35 sano oo uu hadda soo gaaray. Maamulka Mareykanka ayaa ku xiray magaalada El Paso ee gobolka Texas, Khamiistii. Waxa uu hore u sheegay in uusan wax danbi ah galin kadib eedaymo badan oo looga soo oogay maxkamadda federaalka ee Texas. Waxaa lagu siray oo laga dhaadhiciyey inuu u safro Mareykanka, taasoo qeyb ka ah howl-gal qorsheysan oo uu ka dambeeyay wiil uu dhalay saaxiibkiisii hore, El Chapo. Joaquín Guzmán López, oo ah dhaxal-sugaha howlgalka El Chapo, ayaa lala xiray Zambada kadib markii uu rumaystay inuu u safrayay waqooyiga Mexico si uu u soo kormeero meelaha suurtagalka ah ee looga soo degi karo si qarsoodi ah. “Ma ka welwelsan tahay in lagu qabto?” Saxafigii dhintay ee Mexico Julio Scherer García ayaa 2010-kii waydiiyay Zambada, ka dib markii uu buuraha galay si uu waraysi aan hore loo arag ula yeesho amiirkii daroogada. “Fikirka ah in la’ i xiro ayaa i argagax geliyay,” ayuu ku jawaabay. “Ma hubo in aan haysto waxa ay igu qaadan karto in aan is dilo, waxaan jeclaan lahaa in aan ku fekero inaan sameeyo oo aan nafta iska qaado.” Si kastaba ha ahaatee, markii la gaaray waqtigii, ma uusan helin wax awood ama fursad ah oo uu arrinkaa ku sameeyo. XIGASHADA SAWIRKA,REUTERS Qof aad u taxaddar badnaa sannado badan, waxay u muuqataa wax cajiib ah in Zambada lagu khiyaaneeyay da’da 76. Waxaa laga yaabaa in wax aan caadi ahayn loo baahan yahay si loo ilaaliyo gacan ku hayntiisa. “Lama yaabin in qabashada Zambada aysan u dhicin caadi ah,” ayuu yiri Mike Vigil, oo ah wakiil hore oo ka tirsan Maamulka la dagaallanka Maandooriyaha ee Mareykanka (DEA). “Wuxuu ka weyn yahay 70, caafimaadkiisu liito, wuxuuna horay u sheegay in xabsiga uu ahaa cabsidiisa ugu weyn.” Sidee looga falcelin doonaa? Xiritaanka iyo heshiis suurtagal ah oo dhexmara wiilasha El Chapo, oo loo yaqaan Los Chapitos, iyo dawladda Mareykanka oo lagu beddelayo qirashada dembiga waxay dhalinaysaa su’aasha ah cidda qaban doonta xukunka kooxda Sinaloa cartel. Kadib markii la xiray El Chapo Guzmán iyo u gacan gelinta Mareykanka sanadkii 2016-kii, mowjado dhiig ah ayaa billowday iyadoo kooxaha iska soo horjeeda ay u dagaallamayeen gacan ku haynta hoggaamineed ee kooxaha daroogada kuwaas oo ka soo horjeeda daciifnimo ay dareemeen. Mid xitaa ka sii naxdin badan kana sii rabshado badan ayay ahayd falcelinta qabqableyaashii Sinaloa cartel markii hoggaamiyahooda, Ovidio Guzmán López, la qabtay Oktoobar 2019. Xarigiisa kadib, boqollaal nin oo hubaysan ayaa weerar ku qaaday magaalada Culiacán waxayna rasaas ku fureen dad rayid ah, boolis iyo millatari iyaga oo adeegsanaya hub heer sare ah. Ugu dambeyntii, maamulka ayaa ku celiyay Ovidio Guzmán raggiisa si uu u soo afjaro isku dhacyada. Kadib mar kale ayaa la xiray, lana soo gacan geliyay, waxaana uu hadda ku sugayaa in lagu maxkamadeeyo xabsi ku yaalla Mareykanka. Mike Vigil wuxuu aaminsan yahay in isku dhacyo kale, kaas oo loo yaqaan “Culiacanazo”, laga yaabo in laga fogaado markan: XIGASHADA SAWIRKA,REUTERS “Kooxda Sinaloa waxay leedahay kayd aad u xooggan oo ah hoggaamiyeyaal suurtagal ah oo la wareegi kara, oo uu ku jiro walaalka El Chapo,” ayuu yiri. Su’aasha kale ee cad ee ku saabsan xariga Zambada ayaa ah: sababta hadda? Hawlgalka ayaa ahaa mid la qorsheeyay muddo bilo ah. Si kastaba ha ahaatee, wararka qaar ayaa sheegaya in sidoo kale ay jirtay fursad qabashadiisa sahashay. Markii walxaha kala duwan ee ka dambeeya khiyaanada ay u muuqdeen inay suura galayaan, inkastoo shaki gaar ah ay ka qabaan mas’uuliyiinta Mareykanka, waxay ugu dambeyntii go’aansadeen inaysan jirin wax luminaya iyagoo isku dayay. Si kastaba ha ahaatee, sababta ugu weyn ee waqtigaas loo sameeyay ayaa lagu sheegay erayadii xeer ilaaliyaha guud ee Maraykanka Merrick Garland oo fariin muuqaal ah oo uu soo diray ku xaqiijiyay xarigga dadkan. “Fentanyl waa khatartii ugu dhimashada badneyd ee uu waddankeena wajaho,” ayuu yiri, isagoo wacad ku maray in Waaxda Caddaaladda ee Mareykanka “aysan nasan doonin ilaa dhammaan hoggaamiyeyaasha, xubnaha iyo la-hawlgalayaasha mas’uulka ka ah sumeynta bulshooyinkayada lala xisaabtamo.” Qabsashada El Mayo Zambada, in kasta oo uu da’ weyn yahay, caafimaad ahaanna uu liito oo lagu qabtay khiyaano, had iyo jeer waxay ahaanaysaa qayb muhiim ah oo ka mid ah istiraatiijiyaddaas. bbcsomali Qaran News

Hargeysa (Caasimada Online) – Xukuumadda Somaliland ayaa shaacisay inay gacanta ku dhigtay shaqsiyaad si weyn loo raadinayay oo ka tirsan Xuutiyiinta Yemen. Somaliland aya qaar kamid ah warbaahinta dibadda la wadaagtay in ciidankeeda ammaanka ay gacanta ku dhigeen shaqsiyaadkaasi oo si weyn uu uraadinayay Mareykanka. Raggan la sheegay inay qabatay Somaliland ayaa lagu magacaaba Waal Muhamad Saed iyo Haji Omar Ahmed, sida uu qoray wargeyska Intelli Times ee laga leeyahay Israel, soona xiganaya saraakiisha amniga maamulka. Labadan nin ayaa la sheegay inay caan ku lahaayeen ka ganacsiga hubka sharci darrada ah iyo taageerada kooxaha Islaamiyiinta ah ee ka dagaalama qaybo kamid ah bariga dhexe iyo Afrika. Si madax-banaan looma xaqiijin karo sheegashada Somaliland ee inay gacanta kusoo dhigeen shaqsiyaadkan sida weyn loo raadinayo, maadaama aysan jirin meel uu maamulka kusoo bandhigay raggaas. Sidoo kale ma jiro wax war ah oo kasoo baxay dalalkii raadinayey raggaasi oo Mareykanku ugu horreeyo. Tallaabadan ayaa durba loo arkaa mid saamayn ku yeelan doonta ammaanka gobolka maadaama Xuutiyiintu awooddaan inay duqaymo la beegsadaan gacanka cadmeed. Si kastaba, arrintaan ayaa imaneysa xilli uu Imaaraadka Carabta ka walaacsan yahay hantida ka taalla Berbera iyo saamaynta ka dhan karta tallaabooyinka Somaliland ku soo jiidanayso indhaha caalamka, oo ay qeyb ka tahay sheegashadan. The post Somaliland oo shaacisay inay gacanta ku dhigtay shaqsiyaad si weyn loo raadinayo appeared first on Caasimada Online.

Ciidanka Booliska Gobolka Mudug oo hawlgal sameeyay ayaa gacanta ku soo dhigay eedaysane loo haysto dil ka dhacay degaanka Seemade oo ka tirsan degmada Jariiban ee gobolka Mudug. Taliska Ciidanka Booliska Gobolka Mudug oo qoraal soo saaray ayaa sheegay in ay gacanta ku dhigeen eedaysanaha kadib hawlgal ay ka sameeyeen degaanka Seemade oo ka tirsan degmada Jariiban. “Ciidanka Booliska Gobolka Mudug ayaa howlgal ay sameyeen gacanta kuso dhigey eedaysane dil ka gaystay Deegaanka Seemade Degmada jariiban ee Gobolka mudug” ayaa lagu sheegay qoraalka Taliska Booliska gobolka Mudug Eedaysane Axmed Maxamuud Maxamed ayaa loo haystaa in uu Jimcihii 26 July dil u geystay marxuum Macallin Xamae Muuse Ducaale sida ku cad qoraalka Taliska Ciidanka booliska gobolka Mudug oo intaas ku daray in xabsiga Gaalkacyo loo gudbiyay eedaysanaha “Eedaysanahan oo lagu magacaabo Axmed maxamud maxamed ayaa Maalinkii Jumcaha ee 26 July. Dil ugaystay Allaha unaxariistee Marxuum Macalin Xamse muse Ducale. eedaysanaha ayaa hada ku jira gacanta ciidanka Booliska waxaana lageeyay Xabsiga dhexe ee magalada Galkacyo”. Taliska Qaybta Booliska gobolka Mudug ayaa sidoo kale sheegay in aad ugu mahad celinayaa Ehelka eedaysaha iyo Odayaasha deggaanka oo door muhiima kulahaa soo qabashada eedaysanaha kuna gacan siiyay Ciiddanka Booliiska. PUNTLAND POST The post Ciidanka Booliska Puntland oo degaanka Seemade ku qabtay nin loo haysto dilkii macallin Xamse appeared first on Puntland Post.

453240095_1138644400562253_6825067415536624356_n Qaran News

Moscow (Caasimada Online) – Madaxweynaha Ruushka Vladimir Putin ayaa Mareykanka uga digay in haddii Washington ay gantaallada riddada dheer geyso Jarmalka, in Ruushkuna uu gantaalladaas kuwo la mid ah dhigi doono masaafo laga weerari karo danaha reer Galbeedka. Maraykanka ayaa sheegay bishan July 10-keedii in uu bilaabi doono inuu geeyo dalka Jarmalka hub casri ah oo kala duwan oo ay ku jiraan gantaalada riddada dheer marka la gaadho sanadka 2026. Khudbad uu Putin u jeediyay badmaaxayaal ka kala socday Ruushka, Shiinaha, Aljeeriya iyo Hindiya oo lagu xusayey maalinta ciidammada badda ee Ruushka oo lagu qabtay magaalada St. Petersburg, ayuu Putin wuxuu si toosa ugaga digay Maraykanka, inuu dib u bilaabayo nooc ka mida waxyaabihii dhaliyey qalaalisihii dhacay xilligii dagaalka qaboobi uu socday. “Wakhtiga ay qaadan karto in dhulkeena lagu soo weeraro, marka la adeegsanayo gantaalladaasi, waxay qaadan karaysaa illaa 10 daqiiqadood, waxaana dhici karta in mustaqbalkana lagu rakibo hub nukliyeer ah” ayuu yiri Putin. Putin oo ciidamadiisa u diray dalka Ukraine sannadkii 2022-kii ayaa dagaalkan ku tilmaamay qayb kamid ah halganka taariikhiga ah ee uu la galay reer galbeedka, kaas oo uu ku sheegay inay Ruushka bahdileen ka dib markii Midowgii Sofiyeeti uu burburay sannadkii 1991-kii, iyaga oo ku soo xad-gudbaya, ayuu yiri xayndaabka ammaanka ee Moscow. Diblomaasiyiinta Ruushka iyo Maraykanka ayaa sheegay in xiriirka diblomaasiyadeed ee Maraykanka iyo Ruushku inuu marayo halkii ugu hoosaysay, xataa marka la bar-bardhigo xilligii uu dhacay qalalaasihii gantaallada ee Cuba, ee sannadkii 1962-kii. Labada dhinac ayaa waxaa hadda loogu baaqay inay kubadda dhulka dhigaan oo ay qaadaan tallaabooyin xiriirkooda kor loogu qaadayo. The post Xiisadda Ruushka iyo Mareykanka oo kasii dareysa iyo Putin oo digniin soo saaray appeared first on Caasimada Online.

Danjiraha dowladda Isku-tagga Imaaraadka Carabta Axmed Jumca Rumeythi ayaa furay xarunta bixinta dal ku galka taas wixii maanta ka dambeeya muwaadiniinta Soomaaliyeed ay ka qaadan doonaan visaha. Danjiraha ayaa sheegay in furitaanka xaruntan ay kamid ka tahay xoojinta xiriirka Soomaaliya iyo Imaaraadka Carabta, islamarkaana ay fududayn doonto isku socadka dadweynaha labada dhinac ee walaalaha ah. Xaruntan uu danjiruhu xarigga ka jaray ayaa waxay ay noqonaysaa qunsuliyaddii ugu horeysay oo Imaaraadka ka furto magaala madaxda Soomaaliya ee Muqdisho tan iyo burburkii ka dib. Source: goobjoog.com

Qaran News

Muqdisho (Caasimada Online) – Waxaa maanta magaalada Muqdisho ka qabsoomay kukan xasaasi ah oo looga hadlayo tallaabada xigta ee dowladda ee deegaanadii laga xoreeyay kooxda Al-Shabaab. Shirkan oo uu guddoomiyay ra’iisul wasaare ku-xigeenka xukuumadda federaalka Soomaaliya Saalax Axmed Jaamac ayaa diirada lagu saaray isku dubarridka barnaamijka xasilinta. Shirkan oo looga arrinsanayo horumaradii laga sameeyey barnaamijka xasilinta ee dawladdu hoggaamiso, kaasi oo lagu gaarsiiyo adeegyada bulshada, maamul-dhiska, amniga iyo caddaaladda deegaannadii dhowaan laga xoreeyey kooxda Al-Shabaab. Shirkan ayaa sidoo kale lagu falan-qeynayaa u diyaar-garowga wejiga labaad ee hawl-gallada dib-u-xoreynta ee ka socda qaybo kamid ah dalka. Wasiirka arrimaha gudaha Cali Xoosh oo halkaasi ka hadlay ayaa sheegay in dowladda ay deegaano badan gaarsiiyeen barnaamijka xasillinta oo muhiim u ah deegaannada la qabtya. “Barnaamijka Xasilinta waxaan gaarsiinay deegaanno badan oo cadowga laga xoreeyay, waxaana taas ku mahadsan Ciidanka Qaranka,” ayuu yiri wasiir Xoosh. Dhinaca kale, guddoomiyaha hay’adda SODMA Maxamuud Macallin oo isna halkaasi ka hadlay ayaa sheegay in ay barbar socdaan barnaamijka xasillinta gargaar gaarsiinta shacabka ku nool deegaannada la xoreeyay “Waxaan si xoog leh uga shaqeynay deegaannadii la xoreeyay innaga oo gaarsiinay caawinaad dadka rayidka ah taas oo qeyb ka ah barnaamijka xasilinta,” ayuu yiri guddoomiyaha SODMA. The post DF iyo wakiillada caalamka oo shir muhiim ah ku yeeshay Muqdisho + Ujeedka appeared first on Caasimada Online.

Muuse Biixi Cabdi madaxweynaha xilkiisu uu gabo gabada ku jiro ayaa maanta la kulmay cuqaasha beesha Ciidagale ee u diwaangashan xukuumadda. Cuqaasha Somaliland waa hogaanka dhaqanka ee ka diwaangashan wasaaraddavarimaha gudaha, caaqil kasta oo ka mida cuqaasha Somaliland ee ku sugan dalka gudihiisa marka ay xukuumadu u baahato waxa ay si deg deg ah waloo ay shaqadoodu tahay arimo dhaqan lakiin caaqilku waxa uu leeyahay awood xoogan oo u dhaxaysa beeshiisa iyo xukuumadda. Cuqaashu marnaba ma aqbalaan arin siyaasadeed ee marba ay wadato hadba xukuumaddii xilka haysaa, hase ahaatee waxa si fudud isugu yeedhi kara madaxweynaha iyo wasiirka arimaha gudaha markaasna la galinkara sawir Hadaba kulankan uu maanta shaaciyay madaxweynaha Somaliland ee uu la yeeshay cuqaasha beesha Ciidagale waxa lagu sheegay in uu ku dhamaaday is afgarad. Qaran News

452673489_512693027949558_7090908136744385843_n 453191530_7988640341190196_8704525112743445782_n Qaran News

Madaxweynaha Turkiga , Recep Tayyip Erdogan wuxuu sheegay in lagu casuumay Madaxweynaha Falastiin, Maxamuud Cabbaas inuu khudbad u jeediyo Baarlamaanka Turkiga “Waa inuu marka hore naga raalli-geliyo. Waanu ku casuunnay balse ma uu iman. Aan aragno inuu iman doono iyo in kale,”ayuu yiri Madaxweynaha Turkiga , Recep Tayyip Erdogan. Turkiga , wuxuu iskaashi wanaagsan la leeyahay Xamaas, illaa xisbiyada Turkiga ay billaabeen olole ay ku doonayaan in Baarlamaanka uu hadal u jeediyo Ismaaciil Haniya , madaxa siyaasadda Xamaas, kaa oo ay u arka cidda mateli karta Falastiiniyiinta. Halkaasi oo ah meesha ay isku diiddanyihiin Cabbaas iyo Turkiga , sababtoo ah ma uu doonayo in lala tartansiiyo ururrada kale ee Falastiiniyiinta, taa oo jirta ma uu heysto codka Falastiiniyiinta. Erdogan , oo ka fogaanaya cadaadis kaga yimaada Carabta iyo reer galbeedka ayaa u doorbiday Cabbaas, halkii uu sheegi lahaa Haniya. PUNTLAND POST The post Madaxweynaha Turkiga oo casumay madaxweynaha Falastiin appeared first on Puntland Post.

Heshiiska xisbiga WADDANI iyo ururka KAAH ayaa la saxeexi doona 04.08.2024 . Heshiiskan ayaa dhammaadey sida ay maanta ku dhawaaqeen Guddidii gacanta ku haysay ee labada dhinac . Guddida ayaa sheegtay in Xafladdu ka dhici doonta hoolka weyn ee Hotel Maansoor. Source

Muqdisho (Caasimada Online) – Dowladda federaalka Soomaaliya ayaa lagu booriyay in ay ka laabato hindise sharciyeedka warfaafinta, sida lagu yiri bayaan kasoo baxay xiriirka caalamiga ah ee saxafiyiinta (IFJ). IFJ oo si weyn uga hortimid sharcigan ayaa sheegtay in uu saameyn ku yeelan karo xaqa macluumaadka, uuna ka hor imaanayo halbeegyada caalamiga ah, oo ay ku jiraan sharciga AU ee helitaanka macluumaadka iyo sidoo kale dastuurka kumeel-gaarka ah ee Soomaaliya. “Dowladda federaalka ah ee Soomaaliya waa in ay ku dadaasho in ay sameyso dib u eegis dhameystiran si loo waafajiyo Hindise Sharciyeedka Hab-dhaqanka Wanaagsan ee Nidaaminta (GRPs),” ayaa lagu yiri bayaanka IFJ. Qoraalkan ayaa sidoo kale waxaa looga digay in hadddii la ansixiyo sharcigan uu wiiqi doono xorriyada warbaahinta Soomaaliya. “Hadii hindise sharciyeedka warfaafinta ee rasmiga ah loo ansixiyo qaabka uu hadda yahay, waxa uu si weyn u wiiqi doonaa xoriyada xogta iyo daah-furnaanta Soomaaliya, taasi oo awood u siineysa sirta dowladda,” ayaa lagu yiri qoraalka. Waxa kale oo lagu yiri “Waxaa suuragal ah in uu sare u kaco musuq-maasuqa iyo ku takri falka awoodda. Qodobbada sharciga ah ee aan caddayn waxay caqabad ku noqon doonaan isla-xisaabtanka waxayna dhaawacayaan kalsoonida ay Soomaaliya ku qabi karto saaxiibada caalamka.” Ku-xigeenka xoghayaha guud ee IFJ Tim Dawson ayaa sheegay in sharciga warfaafinta ee rasmiga ah sida uu yahay uu ka dhigan yahay khatar weyn oo ku wajahan xoriyadda macluumaadka iyo dowlad wanaaga Soomaaliya. “Waxaan ka codsaneynaa dowladda Soomaaliya in ay si degdeg ah uga laabato sharcigan oo ay dib u eegis ku sameyso si loo gaarsiiyo heerarka caalamiga ah,” ayuu yiri Dawson. Waxa uu intaas kusii daray “Ilaalinta xuquuqda macluumaadka waxay muhiim u tahay ilaalinta mabaadi’da dimoqraadiyadda iyo kobcinta kalsoonida shacabka Soomaaliyeed iyo saaxiibada caalamkaba. Isbeddelladan la’aantood, Soomaaliya waxay halis ku yihiin dowlad wanaagga iyo hirgelinta dimoqraadiyadda.” Horey ururka suxufiyiinta qaranka Soomaaliyeed ee NUSOJ ugu adkeystay in hindise sharciyeedka uu noqon karo mid aan si cad loogu tix-galin karin dejinta siyaasad loo dhan yahay, taasi oo wiiqeysa qiyamka asaasiga ah ee dimoqraadiyadda, iyo wax ku oolnimada sharciga. The post DF oo lagu booriyay ‘ka laabashada’ sharci xasaasi ah appeared first on Caasimada Online.

Luton has its first Somali restaurant. It’s such a vivid, jolly place, how did they ever cope without it? Source: Hiiraan Online

Mogadishu (HOL) — The International Federation of Journalists (IFJ) has called on the Somali government to withdraw the recently introduced Official Information Bill (OIB), citing severe threats to freedom of information, democratic governance, and human rights. The National Union of Somali Journalists (NUSOJ) also condemns the bill submitted to the Federal Parliament on March 16, 2021. Source: Hiiraan Online

Muqdisho (Caasimada Online) – Dowladda Isu Tegga Imaaraadka Carabta ayaa maanta qaaday tallaabo culus oo ay ku xoojineyso xiriirka Soomaaliya, waxaana maanta xafiis cusub oo muhiim u ah xiriirkaas ka furtay magaalada caasimada ah ee Muqdisho. Safiirka Imaaraadka u qaabilsan arrimaha Soomaaliya, Axmed Jumca Rumeythi ayaa maanta magaalada Muqdisho ka daah-furay xarunta bixinta dal ku galka, taas oo hadda kadib dadka Soomaaliyeed ay ka qaadan doonaan visaha. Danjire Axmed Jumca Rumeythi ayaa shaaca ka qaaday in furitaanka xaruntan ay kamid ka tahay xoojinta xiriirka Soomaaliya iyo Imaaraadka Carabta, ayna ka go’an tahay inay sii hormariyaan iskaashiga ka dhexeeya labada dhinac. Xaruntan cusub ayaa waxa waxa ay noqonaysaa qunsuliyaddii ugu horreysay oo Imaaraadka Carabta ka furo magaalada Muqdisho tan iyo burburkii dalka kadib. Imaaraadka ayaa kamid ah dowladaha Carbeed ee haatan xiriirka wanaagsan la leh dowladda federaalka, wuxuuna xiriirka sii ballaartay kadib dib u doorashadii madaxweyne Xasan Sheekh Maxamuud ee 15-kii May sanadkii 2022-kii. Dowladda Imaaraadka ayaa Soomaaliya ka taageerto dhinacyada dhaqaalaha, bani’aadanimada iyo ciidamada, waxayna saldhig ku leeyahay magaalada Muqdisho, kaas oo ay joogaan saraakiil sar sare oo tababaro siiya ciidamo ka tirsan dowladda. The post Imaaraadka Carabta oo qaaday tallaabo culus oo la xiriirta xiriirka Soomaaliya appeared first on Caasimada Online.

Afhayeenka Ciidanka Booliiska Soomaaliyeed Gaashaanle Cabdifataax Aadan Xasan oo shir saxaafadeed u qabtay warbaahinta ayaa sheegay in burbutinta lagu sameeyay dhulkii Wasaaradda arrimaha gudaha iyo amniga ay timid ka dib markii digniintii dadkaas loo diray ay dhammaatay. Afhayeenka ayaa tilmaamay in laga soo billaabo 2018-kii dadka dhulkaas deggan loo dirayay wargelinno is daba-joog ah oo lagu farayo inay halkaas ka guuraan maadaama qaranka loogu adeegayo sida uu sheegay, balse mudadii loo qabtay inay aaggaas ku banneeyaan la dhaafay. Wuxuu intaa ku daray inay dadku garowsadeen inay goobtaas iskood uga guuraan, ayagoo maanka ku haya muhiimadda ay qaranka u leedahay, iyo adeegyada dadweynaha loogu qaban doono, wuxuuna u mahadceliyay qoyaskii halkaas mudda ku noolaa iyo waxgaradkooda. Dhulkan oo ku yaalla degmada Boondheere, gaar ahaan agagaarka jubba ayaa taniyo burburkii dalka deegaan u ahaa dad danyar ah, balse saaka aroornimadii hore ayay ciiddamada Booliska iyo kuwa Hay’adda Nabad-sugiddu howl-gelin burburin ah ka billaabeen. Source: goobjoog.com

Muqdisho (Caasimada Online) – Afhayeenka Booliska Soomaaliyeed Cabdifitaax Aadan Xasan oo la hadlay warbaahinta ayaa ka warbixiyay howlgal burburin ah oo ay ciidamada ammaanka saaka ka sameeyeen degmada Boondheere ee gobolka Banaadir. Cabdifitaax ayaa sheegay in dowladda Soomaaliyeed ay la wareegtay xarunta wasaaradda arrimaha gudaha oo ku taalla degmada Boondheere, si loogu shaqeeyo dadweynaha Soomaaliyeed, maadaama ay dageyso wasaaradda arrimaha gudaha. “Waxaan rabaa inaan u sheego bulshada Soomaaliyeed xarunt wasaaradda arrimaha JFF ee ku taallay degmada Boondheere agagaarka Jubba ay lahayd wasaaradda arrimaha gudaha oo ahayd xarun loogu adeegi jiray bulshada in saaka ay la wareegtay dowladda Soomaaliyeed” ayuu yiri afhayeenka ciidanka Booliska Soomaaliyeed. Sidoo kale afhayeenka ayaa xusay in dib loo dhisayo xaruntan, isla markaana uu diyaar yahay mashruucii dib loogu hirgelin lahaa xarunta wasaaradda, si ay u shaqeyso. Afhayeenka ayaa sidoo kale u mahadcliyay shacabkii daganaa dhulkan saaka la burburiyay, kuwaas oo ugu dameyn laga raray xarunta oo muddo ay daganaayeen. Dhinaca kale afhayeenka Booliska ayaa digniin u diray dadka weli degan dhulka danta guud, wuxuuna sheegay in looga baahan yahay inay ka guuraan, isaga oo ugu baaqay inay lamid noqdaan shacabka saaka oo uu tilmaamay inay si nabad ah ku guureen. Dowladda Soomaaliya ayaa horay sidan oo kale u burburisay xaafadda Dab-damiska oo ahayd dhul dan-guud ah, waxaana laga raray shacabkii daganaa halkaasi. Todobaadkii hore sidoo kale waxaa la burburiyay xaafad kale oo ku taalla deegaanka Ceelasha Biyaha ee duleedka magaalada Muqdisho, kadib markii gabar uu dhalay Maxamed Siyaad Barre loo xukumay dhul ku yaalla halkaas oo ay daganaayeen dad shacab ah, waxaana weli taagan xiisad ka dhalatay burburinta lagu sameeyay halkaas. The post Booliska Muqdisho oo war culus kasoo saaray dhulkii la burburiyay ee Boondheere appeared first on Caasimada Online.

Mogadishu (HOL) — Police forces in Mogadishu began demolition operations on Sunday in the Bondhere district, targeting civilian homes on land previously owned by the Ministry of Internal Affairs. Source: Hiiraan Online

Ra’iisul Wasaare Ku-Xigeenka Xukuumadda Federaalka Soomaaliya, Mudane Saalax Axmed Jaamac ayaa guddoomiyay shirka isku dubarridka barnaamijka xasilinta dalka iyo gaarsiinta adeegyada deegaannada. Shirkan oo looga arrinsanayo horumaradii laga sameeyey barnaamijka xasilinta ee dawladdu hoggaamiso, kaas oo lagu gaarsiiyo adeegyada bulshada, maamul-dhiska, amniga iyo caddaaladda deegaannadii dhowaan la ga xoreeyey Al-shabaab. Shirkan ayaa sida oo kale la gu falanqeynayaa u diyaar-garowga wejiga labaad ee hawlgallada dib-u-xoreynta ee ka socda qaybo ka mid ah dalka. Source: goobjoog.com