Muqdisho (Caasimadda Online) – Dowladda Soomaaliya ayaa baasaboorka diblomaasiga kala noqotay mas’uuliyiin ka tirsan maamulka Jubbaland, sida ay ogaatay Caasimada Online. Mas’uuliyiinta ay ay dowladda ka kansashay ee Jubbaland ayaa waxaa ku jira wasiiro, xildhibaano iyo xubno kale oo xiriir dhow la leh Axmed Madoobe. Tirada xubnaha baasaboorka lagala noqday ayaa lagu warramay inay tahay 8 mas’uul. Wararka qaar ayaa sheegaya xubnaha ay dowladda baasaboorkooda baabi’isay uu ka mid ah madaxweynaha Jubbaland Axmed Maxamed Islaam Axmed Madoobe. Tallaabadaan oo kamid ah waxyaabaha ay Dowladda Federaalka Soomaaliya ku cadaadineyso maamulka Axmed Madoobe ayaa si xooli ah u socotay tan iyo markii ay dowladda ay amartay inay Diyaradaha Kismaayo u socdo soo maraan Magaalada Muqdisho. Xiriirka Dowladda Dhexe iyo Maamulka Jubbaland ayaa xumaaday kadib markii uu Axmed Madoobe magaalada Kismaayo ku qabtaday doorasho aysan raali ka aheyn dowladda dhexe ee Soomaaliya. Tan iyo markii uu khilaafka labada dhinac bilowday, dowladda dhexe ayaa qaaday dhawr tallaabo oo ay ku cadaadineyso maamulkaas. Tallaabooyinka ay qaaday ayaa waxaa kamid ah in la joojiyey duulimaadyadii tooska u tagi jiray Kismaayo iyo 3 Maalin oo guud ahaan la joojiyey duulimaadyadii tagi jiray Magaaladaas. Sidoo kale waxaa la xiray Wasiirkii Amniga Dowladda Goboleedka Jubbaland Cabdirashiid Janan. Cadaadiska Dowladda ayaa sababay inay baaqato Xaflad Caleema saar ah oo uu Axmed Madoobe ku qabsan rabay Magaalada Kismaayo kadib markii ay Dowladda xayirtay madaxdii kasoo qeyb geli laheyd Xafladaas oo uu kamid ahaa Madaxweynihii hore ee Soomaaliya Shiikh Shariif Sheek Axmed. Caasimada Online Xafiiska Muqdisho caasimada@live.com

Maamul Goboleedyada, Xisbiyada iyo Siyaasiyiin Miisaan ku leh Soomaaliya ayaa lagu wada iney isugu yimaadaan kulan deg deg ah oo looga xaajoonayo Xaalada Dalka. Sida [...] Source

Qaran News

Qaran News

Muqdisho-(Caasimada Online)- Dowladda Federaalka Soomaaliya ayaa war-saxaafadeed kasoo saartay shir heer caalami ah oo Talaadada batito ka furmaya magaalada Muqdisho ee caasimadda dalka. Shirka Iskaashiga caalamiga ah ee Soomaaliya ayaa magaalada Muqdisho markii ugu horeysay ka furmaya 1-da bisha nasoo aadan ee October, waxuuna socon doonaa ilaa 2-da October oo ku beegan maalinta Arbacada. War-saxaafadeedka kasoo baxay Dowladda Federaalka ayaa lagu sheegay in ay soo dhawaynayso shirka caalamiga ah ee iskaashiga Soomaaliya, oo horay loogu qaban jiray qaar ka mid ah dalalka reer Yurub, waxaana lagu sheegay warka kasoo baxay dowladda in ay ka qeyb galayaan wakiillo ka socda in ka badan 50 dowladood. “Shirkaan, oo soconaya muddada labada maalmood ah, waxaa diiradda lagu saarayaa horumarinta dalka Soomaaliya, gaar ahaan arrimaha Bulshada, Dhaqaalaha, Amniga, Siyasadda, Cadaaladda, ku qabashada shirka ee magaalada Muqdisho, wuxuu tusaale cad u yahay sida Dowladda Federaalka Soomaaliya ay guulaha wax ku oolka ah uga soo hoysay siyaasadda arrimaha dibadda iyo horumarada kala duwan ee ay ku tallaabsatay” ayaa lagu yiri. Warka caawa kasoo baxay dowladda Soomaaliya ayaa sidoo kale lagu yiri, “Dowladda Federaalka Soomaaliya, waxaa ka go’an in ay sii laba jibaarto dadaalada lagu hormarinayo dadka iyo dalka Soomaaliya, waxayna ugu baaqeysaa shacabka Soomaaliyeed in ay qayb libaax ka qaataan xasilinta iyo dib u dhiska dalkooda hooyo”. Caasimada Online Xaafiiska Muqdisho Caasimada@live.com

Muqdisho-(Caasimada Online)-Taliska ciidamada Maraykanka Afrika ee magacooda loo soo gaabiyo AFRICOM oo war kasoo saaray weerarkii ay Al-Shabaab ku qaadeen saldhigga Ballidogle ayaa sheegay in wax khasaare ah uusan kasoo gaarin ciidamada Maraykanka iyo kuwa Soomaalida ee ku sugnaa saldhigga. Talisku waxa uu sheegay in ay gaysteen labo duqaymood, isla markaana ay ku dileen toban ka tirsan dagaalamayaasha Al-Shabaab, sidoo kalana ay ku burburiyeen duqeyntaas mid ka mid ah gaadiidka Al-Shabaab. Dhanka kale Al-Shabaab oo iyaguna war kasoo saaray weerarkii ay saakay ku qaadeen saldhigga Ballidoogle ayaa sheegay in ay weerarkaas ku dileen askar badan. Al-Shabaab ayaa warkooda ku sheegtay in weerarkaas oo ku bilawday gaadiid laga soo buuxiyay waxyaabaha qarxa ay ku dileen in ka badan 100 askari, in kastoo tiradaas ay sheegteen aysan u kala saarin Soomaali iyo Ameerikaan oo ku wada sugnaa saldhigga, hadana waxaa warka Al-Shabaab beeniyay saraakiisha dowladda iyo Taliska AFRICOM ee Mareykanka. Sidoo kale Taliyaha ciidanka xoogga dalka qeybta Danab ee ku sugan saldhigii maanta la weeraray ee Ballidooge Gaashaanle Cabdiraxmaan Cumar Warsame Jeeni-qaar oo la warbaahinta ayaa sheegay in ay laayeen dhamaan Shabaab-kii weerarka ku qaaday. Waxa uu sheegay in lagu soo war galiyay weerarka kaga soo wajahan Al-Shabaab, isla markaana ay ubdiyaar garoobeen ciidamadu, wax khasaare ah uusan kasoo gaarin dhankooda. Dhamaan dagaalyahanadii soo weeraray saldhigga ayuu sheegay in ay ku laayeen banaanka xerada, inkastoo uu san sheegin taliyuhu inta ay dhameed tiradooda. Caasimada Online Xaafiiska Muqdisho Caasimada@live.com

Muqdisho (SMN) – Ra’iisul Wasaaraha xukuumadda federaalka Soomaaliya (XFS), mudane Xasan Cali Khayre oo Muqdisho uga qayb galay munaasabad madaxda qaranka looga mahad celiyay xulashadooda duqa cusub ee Muqdisho, ayaa bulshada Soomaaliyeed kula dardaarmay in ay garab istaagaan guddoomiyaha gobalka Banaadir, si uu uga shaqeeyo horumarinta caasimadda dalka. Mudane Xasan Cali Khayre ayaa caddeeyay in taageerada iyo la shaqeynta bulshada ee guddoomiye Cumar Maxamuud Maxamed (Filish), ay ka qayb qaadaneyso sugidda amniga iyo horumarinta gobalka Banaadir oo ah astaanta qaranimada iyo xarunta dhaqaalaha iyo ganacsiga dalka. Ra’iisul Wasaaraha ayaa sheegay in guddoomiye Cumar Maxamuud Maxamed (Filish) loogu aaminay hoggaaminta bulshada caasimadda, si dowladnimadu u xoogeysato, uuna isugu keeno dadka, xaquuqdoodana u ilaaliyo. Mudane Xasan Cali Khayre ayaa ballan qaaday in madaxda qaranku ay guddoomiyaha ku garab istaageyso gudashada mas’uuliyadda culus ee ka saaran horumarinta caasimadda dalka oo ay ku noolyihiin malaayiin Soomaaliyeed oo dhaqan u leh isku heynta bulshada iyo ilaalinta qarannimada. View the full article

Muqdisho (Caasimada Online) ― Xildhibaan Axmed Macalin Fiqi oo kamid ah Xildhibaanada Baarlamaanka Federaalka Soomaaliya ayaa ka hadlay warqad ay soo saartay Wasaaarada warfaafinta DF Soomaaliya, taasi oo ay ku bayaanineysay kiiska Cabdiwaaxid Khaliif Cabdi oo loo yaqaan ‘Ciise Tarabuun’. Xildhibaan Fiqi ayaa sheegay inay shaki badan abuureyso sida ay wasaarada cadaalada Soomaaliya ay ugu aamustay bayaaninta kiiskaasi, midaasi oo badalkeeda ay war ka soo saartay Wasaarada Warfaafintu. Hoos ka aqriso qoraal uu arrintaasi kaga hadlayo Xildhibaan Fiqi oo uu bartiisa Facebook soo dhigay: “Warka wasaaradda warfaafinta iyo kan wasiirka Amniga oo ka wada tirsan xukuumadda isla xisaabtanka neceb waxaa u dhexeeya farqi weyn. Sida wasiirka amnigu u sharxayo ninka uu ku tilmaamay madaxa amniyaadka Muqdisho isla markaana caddeeyey halisnimadiisa iyo warqadda wasaaradda Warfaafinta oo hawshii hey’adaha cadaaladda aad moodo in ay faraha la gashey, waxaa ka muuqda isku dhexyaaca hey’adaha dawladda iyo faham-darrada kaalimaha ay kala leeyihiin. Eedaysane waxaa lagu fasixi karaa ayadoo la raacayo sharciga dalka loona marayo hey’adaha cadaaladda dalka u qaabilsan. maxkamadaynta eedaysane, xukunkiisa, sii dayntiisa iyo bixinta mugdi kasta oo kiiska eedaysanahaas la xiriira waxaa caddaynteeda looga fadhiyaa hey’adaha cadaaladda boos kuma lahan wasaaradda Warfaafintu kiis la xiriira cadaalad. Warqadda wasaaradda warfaafintu waxay sii calwisay shakigii la qabey meeshii ay uga Dan laheyd In ay daweyso, laguma qanci karo warqadaas aan macnaha weyn laheyn ee degdegta lagu soo saaray, hey’adaha cadaalada ayaa looga fadhiyaa kala cadeynta ninkii wasiirka amnigu ku tilmaamay madaxa amniyaadka qaabka sharciga ah ee lagu daayey ee aan waxba looga soo qaadin qayladhaantii iyo bishaaradii uu wasiirka Amnigu ugu bishaareeyey shacabka soo qabashadii madaxa amniyaadka MUQDISHO”. Caasimada Online Xafiiska Muqdisho Caasimada@live.com

Muqdisho (SMN) – Wasaaradda Gaashaandhigga Talyaaniga ayaa ka hadashay weerar qarax loo adeegsaday oo maanta lagu qaadey ciidamada u dhashay dalkaasi gudaha magaaladda Muqdisho. War qoraal ah oo wasaaradda kasoo baxay ayaa lagu xaqiijiyay inuusan jirin wax khasaaro dhimasho iyo dhaawac ah, oo ciidamada Talyaaniga kasoo gaarey qaraxii maanta lagula eegtay nawaaxiga xarunta Jaalle Siyaad ee magaaladda Muqdisho. Ciidamadan kasoo jeeda Talyaaniga ayaa qeyb ka ah howlgalka Midowga Yurub ee tababarka ciidamada dowladda Soomaaliya. Qarax ayaa lagu beegsaday kolonyo ay wateen, waxaana burbur uu soo gaarey mid kamid ah baabuurtooda gaashaaman, sida ay sheegeen dad goobjoogiyaal ahaa. Wararka laga helayo illaha caafimaadka ayaa sheegaya in hal ruux oo rayid ah uu ku dhintay, dhowr kalene oo askar ay ku jiraan inay ku dhaawacmeen qaraxa. Qaraxa ayaa kusoo beegmaya xilli maalinta berry ah lagu wada in Muqdisho uu ka furmo shir heer caalami ah, oo ay ka qeybgali doonaan madaxda qaranka, maamul goboleedyada iyo wafuud ka socota beesha caalamka. View the full article

Muqdisho (SMN) – Dhageystayaasha idaacada Shabelle ee ku taxan website-keena waxaan halkaan hoose idin kugu soo gudbineynaa warka Habeen. Hoos riix si aad udhageysato https://www.radioshabelle.com/wp-content/uploads/2019/09/Warka-Habenn-30092019.mp3 View the full article

Muqdisho (Caasimada Online) – Masuuliyiinta hay’adaha amaanka Soomaaliya ayaa billaabay in ay dib u eegis ku sameeyaan shaqaalaha dowladda federaalka Soomaaliya iyo kuwa gobalka Banaadir. Caasimada Online, ayaa ogaatay in madaxda dowladda Soomaaliya iyo kuwa amaanka ay isku raaceen in dib loo eego feelasha iyo qaabka ay ku soo shaqa galeen in ka badan 8,000 oo qof, kuwaas oo isugu jira shaqaalaha dowladda hoose iyo kuwa rayidka ee dowladda federaalka Soomaaliya. Waxyaabaha ugu wayn ee dib u eegista lagu sameyn doono ayaa waxaa kamid ah damaanada, hadii ay jiraan shaqooyin kale oo ay qabtaan shaqaalaha iyo shaqooyinkii hore ka hor inta aysan dowladda ku soo biirin. Arrintaan ayaa bilooyin ka hor waxaa bilaabay hay’adaha amaanka, balse waxaa la sheegay in hada mar kale la qorsheeyay in la sii wado shaqada baarista iyo hubinta shaqaalaha dowladda. In dib u eegis lagu sameeyo shaqaalaha dowladda oo dhan waxaa sabab u ah weerarkii ay Al-Shabaab ka fuliyeen aqalka dowladda hoose oo saameen weyn dalka ku yeeshay. Weerarkaasi ayaa waxaa fuliyey gabar ka mid ah shaqaalaha dowladda. Qorshaha ayaa ah in la nadiifiyo shaqaalaha dowladda, lagana saaro dhammaan dadka la tuhmayo ama uu soo galo xiriir Al-Shabaab. Caasimada Online Xafiiska Muqdisho caasimada@live.com

(SLT-Hargeysa)-Xildhibaan Shaaciyey Inaan Cali Khaliif Wax Xil Ah U Hayn Khaatumo Iyo Xoggo Ku Saabsan Xubno Ka Tirsan Puntland Oo Ka Firdhaday Buhoodle, Halkan hoose ka DAAWO Source

(SLT-Hargeysa)-Ganacsato Reer Somaliland Oo Dareeray Shir Ka Furmay Dalka Turkiga Iyo Sababta, Halkan hoose ka DAAWO Source

(SLT-Muqdisho)-Dowladda Mareykanka ayaa war rasmi ah kasoo saartay weerarkii ay Maanta Kooxda Al-Shabaab ku qaaday Saldhigga ay ku leeyihiin Soomaaliya. Mareykanka ayaa ugu horreyn cambaareeyey weerarkaas, wuxuuna Ciidammada Dowladda Soomaaliya uga mahadceliyey sida ay uga hortageen dagaalka qorsheysan ee lagu soo qaaday saldhigga ay ku leeyihiin halkaas. War Saxaafadeedka ayaa lagu sheegay in Al-Shabaab awoodi waayeen inay soo dhaafaan afaafka hore ee Saldhigga iyadoo taas sabab looga dhigay in Ciidamada Dowladda ay ku jireen fajignaan sare. Halkaan hoose ka akhriso warka kasoo baxay Dowladda Mareykanka: Dowladda Maraykanka waxa ay cambaareynaysa weerarrada maanta ka dhacay Baledogle iyo Muqdisho. Waxaan amaanayna ciidamada Soomaaliyeed oo ka hortagay weerarka lagu soo qaaday fariisiin ciidanka Soomaaliyeed uu ku lee yahay Baledogle ee gobolka shabeelaha hoose. Ciidanka oo ahaa mid fajignaan muujinaayo ayaa ku guuleystay in uu ka hortago wareerka fashilmey, oonan u oggolaanin kuwa weerarka soo qaaday inay jebiyaan darbiga difaaca ee saldhigga. Waxaan ku faraxsannahay in aysan jirin qasaara kasoo gaarey labadii weerar ciidanka xoogga dalka. Weerarkan ayaa mar kale muujiyey in Al-Shabaab ay carqalad ku yihiin horumarka, nabadda iyo barwaaqada Soomaaliya. Dowladda Maraykanka waxa ay xaqiijineysaa dadaalka xooggan ay siineyno dadka iyo xukuumadda Soomaaliyeed anigo oo gacan ka geysaneyno dadaallada wadajirka ah taaso lagu doonaayo in logu baabi’iyo kooxaha argagixisada iyo dhisida dal xoog leh oo dadkiisa ku horseedo barwaaqo iyo mustaqbal wanaagsan. Source

(SLT-Riyadh)-Dhaxal-sugaha Sacuudiga Maxamed Bin Salmaan ayaa beeniyay in uu amray dilka sannadkii hore loo geystay wariye Jamaal Khashoggi. Mr Salmaan oo wareysi soconaya lixdan daqiiqo siiyay tv-ga CBS ee mareykanka ayaa dhanka kale sheegay in uu qaadanayo mas’uuliyada dilkan maadama uu yahay hoggaamiyaha Sacuudiga. Ma arkin kamana danbeyn dilkaan, balse waxaan diyaar u ahay in aa dhabarka u rito dilkaan lagu eedeeyay shaqsiyaad ka tirsan xukuumadda Boqortooyada. Wuxuu intaa raaciyay in khalad weyn uu ahaa dilka Jamaal, balse ka dowlad ahaan ay maxkamedeyn doonan shaqsiyaadka ka dambeeyay fal danbiyeedkan. Wariye Jamal Khashoggi ayaa lagu dilay 2-dii bishii October sannadkii hore safaaradda Sacuudiga ee magaalada Istanbul, oo uu ka doontay warqada caddeyneysa in ay kala tageen xaaskii Hore. Saxifigaan oo u shaqeynayay majalada Washington ayaa marar badan ku dhaliilay siyaasada mas’uuliyiinta Boqortooyada. Source

(SLT-Muqdisho)-Ciidammada Al-shabaab ayaa weerar lagu bilaabay Qaraxyo u qaaday Saldhig Ciidammada Maraykanka iyo kuwa Danab ee Soomaaliya ku leeyihiin Bali-doogle. Weerarkan ayaa ku bilowday gaadhi laga soo buuxiyay waxybaaha qaraxa, kaasi oo la sheegay lagu dhuftay Albaabada laga galo Saldhigga Ciidanka Mareykanka ay ku leeyihiin Garoonka diyaaradaha ee Bali-doogle ee Gobolka Shabeellaha Hoose ee Dalka Soomaaliya. Markaasi ka dib, waxa la sheegay in Dagaalyahanno ka mid ah Kooxda Al-shabaab ee weerarka qaadday ay gudaha u galeen Saldhigga Balli-doogle oo fadhiisin u ah Ciidamo Maraykan ah iyo Ciidammada sida gaarka ah u tababbaran ee Soomaaliya ee loo yaqaano Danab, halkaana uu ka dhacay Dagaal qadhaadh oo u dhexeeya Ciidammadii Al-shabaab oo dhinac ah iyo Ciidammada Maraykanka ee halkaa ku sugnaa iyo kuwo Danab oo isku dhinac ah. Ma Jiro War ka soo baxay Dawladda Soomaaliya oo Weerarkan la xidhiidha, balse Idaacadda Al-shabaab ee Andulus oo soo xiganaysa Saraakiil ka mid ah Kooxda Al-shabaab ayaa sheegtay in Al-shabaab ay weerarka ay ku qaadeen Saldhigga Balli-doogle ay ku dileen illaa 100 Askari, isla-markaana burburiyeen ugu yaraan shan diyaaradood oo isugu jira Drones iyo Helicopters. Waxa kale oo Warbaahinta Al-shabaab taageertaa sheegaysaa in kooxdii Al-shabaab ee Weerarka ku qaadday Saldhiggu ay qabsadeen goobo ka mid ah Saldhigga, illaa haddana gudaha Saldhigga ka dagaalamayaan. Al-shabaab weli ma faahfaahin Jinsiyadaha Ciidammada ay sheegeen inay ku dileen Saldhigga Balli-doogle. Source

Taliyaha ciidanka Danab, Gaashaanle Cabdiraxmaan Sheekh Cumar Geeniqaar, ayaa faah-faahin ka bixiyay weerarkii kooxda Alshabaab saakay waaberigii ku qaadeen saldhiga Balidoogle halkaas oo ay degen yihiin ciidamada milatariga iyo ciidamada Africom. Taliyaha ayaa sheegay weeraekaan inay ciidamadu ka hor tageen islamarkaasna uusan wax khasaare ah kasoo gaarin xagooda. Waxaa sidoo kale uu sheegay inay dileen dhamaan raggii weerarka soo qaaday. Afar gaadhi oo lagasoo buuxiyay waxyaabaha qarxa ayuu sheegay taliyuhu in loo adeegsaday weerarka, basle wuxuu tilmaamay in kuligood lagu gubay iyagoo aan soo gaarin bartilmaameedkooda. Goobta weerarka uu ka dhacay ayaa lagu arkayay sawirrada maydadka dagaalamayaasha Alshabab iyo hubkoodii. Halkaan ka daawo muuqaalka taliyaha. Puntland Post The post Taliyaha ciidanka Danab oo faahfaahin ka bixiyay weerarkii maanta lagu qaaday Balidoogle appeared first on Puntland Post.

(SLT-Hargeysa)-Somaliland Oo Wefti U Diraysa Maamul Gobolleedka Jubaland, Halkan hoose ka DAAWO Source

(SLT-Hargeysa)-Xukumada Somaliland oo shaacisey inay dalka ka saartay Shaqaale Ajaaniba & Sababta, Halkan hoose ka DAAWO Source

(SLT-Hargeysa)-Guddoomiyaha Xisbiga Mucaaradka ah ee UCID, Eng. Faysal Cali Waraabe ayaa ka hadlay Sawir uu Madaxweynaha Soomaaliya Maxamed Cabdillaahi Farmaajo uu la galay Kornayl Tuke oo Maxkamad Maraykanka ku taal ku heshay inuu xilligii Taliskii Maxamed Siyaad Barre uu Dad Rayid ah ku dilay Magaalada Gabiley ee Somaliland. Madaxweynaha Soomaaliya, Maxamed Cabdillaahi Farmaajo oo Toddobaadkan ku sugnaa Maraykanka ayaa la kulmay isla-markaana isla soo Sawiray Kornayl, arrintaasi ayaa Guddoomiyaha UCID ku tilmaamay inay muujinayso in farmaajo ku dheel-dheelayo Shacabka Somaliland iyo Baarlamaankii soo doortay ee Soomaaliya, maaddaama oo uu Sawirro la galayo Shaqsiyaad Tukke ka mid yahay oo Maxkamadaha Maraykanku ku heshay dambiyo xuquuqda Aadamaha lid ku ah. Faysal oo Maanta la hadlay Telefiishanka HCTV ayaa isagoo Arrimahaa ka hadlaya yidhi “Markii hore wuxuu xooggiisa saaray inuu Somaliland Curyaamiyo isagoon lahayn awood uu ku curyaamiyo, Maantana Tuke oo Dadka Nolosha ku gubayey (Inuu Farmaajo Sawir la soo galo) waxay ina tusaysaa laba Arrimood, ta koowaad waxa weeyaan innaga ayuu innagu dheel-dheelayaa oo uu leeyahay waxaad tihiin ma jirto, ta labaad, wuxuu ku dheel-dheelayaa Raggii isagoo 21 Maalmood joogay doortay ee yidhi Madaxweyne noqo, kuwaasi oo uu haddana Shalay u diidayey inay Kismaayo tagaan, markaa Dadka aan jirin waa labadeenaa qolo, Dadkeenii baa la xasuuqay.” Faysal waxa kale oo uu sheegay “Farmaajo, naftii Siyaad Barre ayaa gashay, wuxuu leeyahay waanu soo noqonay oo waanu idin ciqaabi doonaa.”ayuu yidhi. Source

Muqdisho (Caasimadda Online) – Xildhibaan Mahad Salaad oo ka tirsan Baarlamaanka Soomaaliya ayaa ka hadlay kiiska Ciise Tarabuun oo la sheegay in laga sii daayey Xabsi ku yaalo Muqdisho kadib markii ay soo qabteen Ciidamada Dowladda. Mahad Salaad ayaa 4 Su’aal ka keenay qaabkii loo sii daayey Ciise Tarabuun oo ay Dowladda sheegtay inuu ahaa madaxii Amniyaadka Al-Shabaab. Halkaan hoose ka akhriso qoraalka uu soo dhigay Facebook: KADAR OO DIBI DHAL! Maalmihii la soo dhaafay waxaa baraha bulshada (social media) haystay madaxii hore ee amniyaatka kooxda Al-Shabaab, Cabdiwaaxid Khaliif oo loo yaqaan Ciise Tarabuun oo dowlada Kenya sheegtay in uu dalkeeda soo galay. Xalay fiidkii waxaa warsaxafadeed soo saaray Wasaarada Warfaafinta Soomaaliya ay ku sheegtay in Ciise Tarabuun maxkamadi ku xukuntay labo sano oo xabsi ah, uuna soo dhamaystay, lana sii daayay. Haddaba waxaa iswaydiin mudan? 1. Ciise Tarabuun markii la soo qabtay 19-kii June 2017 Wasiirka Amniga XFS wuxuu sheegay in amarkiisa lagu dilay boqolaal mas’uuliyiin dowladeed, saraakiil, askar, ganacsato iyo shacab isugu jira marka sidee labo sano kaliya loogu xukumay? 2. Goormee la go’aamiyay in sidaan loo fududeeyo xukun ciqaabeedka saraakiisha Al-Shabaab ee bixiya amarada dilalka Al-Shabaab fuliyaan, dhalinyaradii ay adeejinayeena ciqaab daran la marsiiyo? 3. Ciise Tarabuun waxaa la soo qabtay 19-kii June 2017, labo sano xabsi ah iyo labo bilood oo la socosho ahna waa soo dhamaystay sida aad sheegteen, July 2019 waa dhoofay. Marka hadii labada bilood ee dheeriga ah loo jaro maalmaha fasaxa iyo munaasabadaha ma 11 beri kaliya ayaa maxkamadayntiisu socotay? 4. Maxkamadaynta saraakiisha iyo maleeshiyaadka Al-Shabaab ee la soo qabto soo tii warbaahinta dowlada laga baahin jiray, maxaa qudbo siro ka dhigay mida Ciise Tarabuun. Hadii la xukumay, mudadiina uu dhamaystay maxaa loo shaacin waayay kahor intii aysan sheegin dowlada Kenya? Been dal laguma maamuli karo ee dowladnimada yaan la micno tirin. Dalkana cadow loo hodin! Mahadsanidiin Hon. Mahad Salad

“Dowladda Puntland wax xurmo ah uma hayso ganacsatadeeda canshuur bixiyaaasha ah wayna ku dulman yihiin,” Weedhaan ayaa qeyb ka ahayd dood maanta Garowe ku dhex martay ganacsatada waaweyn iyo wasaaradda maaliyadda Puntland. Wakiilo ka socday shirkadaha ganacsiga ayaa looga yeeray wasaaradda maaliyadda Puntland, si loogu soo bandhigo inay qaataan lanbarka aqoonsiga. Inkastoo ganacsatadu soo dhoweeyeen qaadashada aqoonsigaan, hadana waxay goobta ka jeediyaan dhaliilo iyo cabashooyin ay qabeen oo ay dowladda katirsanayeen. Cabashooyinkaas waxaa kamid ahaa, in dowladdu dad gaar ah u weeciso qandaraasyada loo siman yahay, 2: In dowladdu aysan difaaci karin amniga ganacsatada canshuur bixiyaasha ah. 3: inaanu jirin sharciyadii ganacsatada lagu kala saari lahaa, 4: iyo dhiirri galin la’aanta wax soo saarka gudaha. Mid kamida ah ganacsatada ayaa madasha ka sheegay, shirkii ugu dambeeyay ee maalgashiga Puntland, in ay dowladdu sameysay wax lagu xumaado kadib markii dad shaqsiyaad ah la siiyay qandaraasyadii xagga qalabaynta goobta shirka. ” Ganacsatadeenu in aysan lahayn wax xurmo ah, waxaan idin sheegayaa maalin dhowayd shirkii maalgashiga, qalab ayaa loo sameynayay, waxaa lasiiyay niman Xamar ka yimid, waxaana heshiis lagula galay inaysan ka sameyn madbacadaha Garowe oo ay Xamar kasoo sameeyaan, Waa xaqiiq dhacday,” ayuu yidhi mid kamid ah ganacsatada. Wasiirka maaliyadda Puntland Xasan Shirre, oo shirka goob joog ka ahaa wax jawaab ah su’aalahaan kama uusan bixinin, hase yeeshee wuxuu sheegay inay dowladdu la dagaalamayso wax kasta oo dhaawacaya is aaminaada dowladda iyo shacabka. Puntland Post The post Ganacsatada Puntland oo daboolka ka qaaday dhibaatooyin culus oo Puntland ragaadiyay appeared first on Puntland Post.

MA JIRO GORGOR DAD CUNIYE EE HOOYAA DHASHEEDA DIFAACANAYSAY Markii ugu horreysay ee arrintani ka dhacday Gashaamo, waxa telefishanada la soo geliyey oo aynu indhaheena ku aragnay inan yar oo gorgor weiiga nabarro ka gaadhsiiyey. Dadkii ehelada ilamaha ahaa, waxay warkii ku soo koobeen waa inan yar oo gorgor dad qaad ahi soo weeraray oo dhaawacyadaa gaadhsiiyey. Saxaafadda ayaa sidii caadada u ahayd markiiba warkii meel walba ka tuuray iyagoon iksu hawlin inay hubiyaan sida runtii wax u dhaceen. Waxay taasi keentay in carruurtii miyiga joogtay ay sas ka qaadaan shimbirkii weyn dushooda soo maraba. Waxa bilaabantay in meelo badan oo u badan gudaha Ethiopia laga soo sheego carruur marka xoolaha loo diro ee ay arkaan gorgor duulaya dib u soo cararaya iyagoo leh gorgor weerar ah baa i soo dul maray. Mar kale ayaa saxaafaddu shaqo ka dhigatay inay wararkaasi fidiyaan. Waa sii socotay, waxay isu bedeshay shimbiro layn aan loo meel dayin, ilaa ay gaadhay in xuur la dilo. Baqdintii dadkii waaweynaa ee carruurta dhalay ayay saamaysay. Waxa arrintii loo yeelay weji qabiil iyadoo la leeyahay qabiil baa lagu sixray shimbiaahan. Waxaynu aragnay beel dhan oo is abaabushay si ay ugu ducaystaan weerarka gogorka. Waxa iyana markiiba hawl galay kooxo ku shaqaysta mihnad cusub oo yaab leh oo la yidhaaho sixir dawayn oo suuq cusub oo u soo kordhay u arkay arrintan gorgorka. Waxaasoo dhami waxay dhacayaan iyadoon la arag qof labaad oo gogor ama shimbir kale wax yeeshay oon ahayn inankii uu Gaashaamo ku weeraray. Xaqiiqaduna waxay tahay in gogorkii inankaas Gaashaamo ku weeraray aya ahayd hooyo (gorgor dheddig) oo dhasheeda difaacanysay. Waa dareen ilaahay hooyo oo dhan ku abuuray, hadday tahay dad, mas, shimbir, libaax. Waana mid hooyo oo dhami ka siman tahay inay intii karaankooda ah difaacdaan dhashooda. Intii waxaasi socdeen ma jirin weriye keli ah oo dib ugu noqotay inankii shimbirtu wareeratay oo weydiiyay bal waxa uu isagu sameenayay markii gogorku soo weeraray iyo inuu dhasha gorgrkaasi dilay ama isku dayey inuu dio. Hooyo oo dhan ubadkeeda ha loo nabad geliyo, carruurtana wacyigelin ha loo sameeyo, saskana ha laga daayo. Shimbiraha aan waxba galabsan ee hawadooda duulayana ha la nabad geliyo, xukuumdaana looga fadhiyaa inay sharci ka soo saarto arrintaas. Abokor Baaruud Baruda2006@gmial.com Qaran News

A soldier holds position as the damage is assessed after Al-Shabaab hit a European Union armoured convoy in Mogadishu, Somalia. Critics say every of drone [...] Source

Degmada Matabaan ee gobalka Hiiraan ayaa waxaa ka soconayo dadaallo lagu xalino khilaaf ka dhashay dilal kacay deegaan hoos yimaada Matabaan oo lagu dilay ilaa afar ruux ka soo jeeda gobalka Hiiraan, ayadoona dilka ay geysteen maleeshiyo ka soo jeeda gobalka Galgaduud. Wax garadka ka soo kala jeeeda labada gobal ayaa ku baxay kuwaas oo ku guuleystay in ay hakiyaan inuu dagaal kale dhaco oo dad kale ay ku geeriyoodaan, waxaana ay sheegeen wax garadka inuu dadaalkooda uu maraayo meel wanaagsan ayna rajo ka qabaan in guul laga gaaro xal waara loo helo dhacdoyinkaan oo soo laablaabtay. Maxamed Xasan oo ka mid wax garadka oo la hadlay Goobjoog News ayaa sheegay in hadda ay meel wanaagsan wax marsiinayaan, isaga oo intaasna ku daray in dhowaan la filaayo in xalwaara laga gaaro” Waxaa la rajeynaa in meel khaatumo leh ay ku dhamaato, dadkuna waa dad daris ah maadaama dad daris ah oo wada dhashay uu yahay waxna soo dhex mareen waxaana ay jecel yihiin in dhinaca san ay wax u qaadaan, arrimahaas sidii loo xalin lahaa ayeey labada dhinac u heelan yihiin bari oo soo socoto ayaana la rajeynaa in labada dhinac fool ka fool isku hor tagaan”. Sidoo kale Maamed Xasan waxaa uu sheegay waxaa uu sheegay in dhacdaan dhacday aysan aheyn mid aargoosi ah lakiin ay ku dhacday si kama’ah oo wiil yar uu sabab u ahaa wiilkiina ay gacanta laama ammaanka ay ku hayaan” Dhacdadan mid tacaluqda aargosi Qabiil maahan oo wiil yar diisu weyneen oo dhaga la, ayaa waxaan sababay asagina waa la soo qabtay oo ammaanka gacantiisa ayuu ku jiraa wuu xiran yahay, marka lama dhihi karo waxaa ay daba socotaa arrimihii kale” . Dhanka kale Maxamed Xasan ayaa xusay in wax garadku marwaliba ay u taagan yihiin sidii xal waara looga gaari lahaa dhacdootinkaan ku soo lab laabtay degamada Matabaan deenagada hoos taga waxaana rajo wanaagsan uu ka muujiyay in lagaaro xal waara “Juhdi ayeey ku bixinayaan oo subax waliba oo meel kasto ayeey tagayaan waxay aadayaan meeshii ay labo qoys ku ogyihiin in gogol nabdeed la iskugu yimaadana waa ay tahay, waxyaabahaan kale oo soo siyaadayna waxaa la jecelyahay in si nabdoon loo xaliyo” Ugu danbeyn Maxamed Xasan oo kamid ah wax garadka degamada Matabaan ayaa baaq u diray maamulada Galmudug iyo Hirshabeelle waxaana uu ug baaqay in labada dhinac ay u dhaga nuglaadaan xalkaas oo dhinac waliba uu kaalintiisa ka qaato. Goobjoog News Source: goobjoog.com