(SLT-Hargeysa)-Hay’adda shaqaalaha dawladda Somaliland ayaa shalay imtixaan ka qaaday 33-tartame oo soo codsaday todoba boos oo ka bannaan Hay’adda dhawrista tayada agabka Somaliland. Goobta imtixaanka lagu qaadayay waxa goobjoog ka ahaa guddoomiyaha Hay’adda Shaqaalaha Dawladda, guddoomiye ku xigeenka, Guddoomiyaha Hay’adda dhawrista tayada agabka, agaasime ku xigeenka machadka tababarka shaqaalaha iyo macalimiintii soo diyaarisay imtixaanka. Agaasime ku xigeenka machadka tababarka shaqaalaha dawladda ayaa sheegay inay boosaska ay soo codsadeen tartameyaal badan laakiin ay kusoo kala hadheen wareegii hore ee xulista, waxana uu xusay muhiimadda shaqaalahani u yeelan doonaan goobaha shaqo ee ay buuxin doonaan. Guddoomiyaha Hay’adda shaqaalaha Dawladda Somaliland Farxaan Aadan Haybe ayaa dhinaciisa sheegay in Hay’adda shaqaalaha dawladda Somaliland u taagan tahay imtixaan qaadista shaqaalaha dawladda ee kala duwan si loo mariyo hanaanka cadaaladda iyo qiimaynta aqoontooda waxbarasho, sidoo kale waxa uu u mahad naqay macalimiintii imtixaanka soo diyaarisay iyo Hay’adda dhawrista tayada agabka Somaliland oo shaqaalahan qaadanaysa. Ugu dambayna waxa uu guddoomiyuhu ku booriyay tartame yaasha imtixaanka u fadhiistay inay si kalsooni leh u galaan imtixaanka qofkastaana uu qaadi doono nasiibkiisa si cadaalad ah. Guddoomiyaha Hay’dda dhawrista tayada Muuse Xasan Xaaji Yuusuf oo halkaas ka hadlay ayaa sheegay in todobadan boos ee la qaadanayo ay ka hawl gali doonaan ilaalinta tayada agabka ee Berbera. Source

(SLT-Hargeysa)-Saddex Qodob Oo Ismaaciil Cumar Geelle Kala Hadlay Madaxweyne Biixi Oo La Soo Bandhigay, Halkan hoose ka DAAWO Source

(SLT-Hargeysa)-Saraakiil ka socda wasaarada arrimaha dibadda Kenya ayaa ku sugan magaalada Hargeysa. Ujeedka diblumaasiyiintan ayaa ah sidii ay u dhamaystiri lahaayeen qorshaha Kenya Hargeysa kaga furanayso xafiis diblumaasiyadeed. Wefdigan ayaa la kulmay mas’uuliyiinta wasaarada arrimaha dibadda Somaliland sidoo kale waxa ay booqdeen magaalada Berbera. Maalinta beri ayaa la filayaa in ay dib ugu laabtaan Kenya sida ay ii xaqiijiyeen saraakiil ka tirsan wasaarada arrimaha dibadda Somaliland. Xidhiidhka Somaliland iyo Kenya ayaa xoogaystay sannadan iyadoo uu sii xumaanayo cilaaqaadka Soomaaliya iyo Kenya. Source

Waxaa xalay qarax lala eegtay gaari uu lahaa Xildhibaan Cabdulqaadir Carabow iyada oo halkaasi ka dhasheen dhimashada 3 ruux uu ku jiro darawalkiisa. Qaraxan oo Miino ahaa ayaa ka dhacay isgoyska Xaaji Baasto qeybta degmada Hodan, iyada oo saaka ay ciidamo halkaasi joogaan. Khasaaraha waxaa uu sidoo kale soo gaaray tabeelayaasha korontada, oo xalay waxaa mugdi dareemay qeybo ka mid ah Hodan iyo Waaberi. Dad goobjoogeyaal ah ayaa Goobjoog News u xaqiijiyey in xilliga uu qaraxa dhaceyey ay waddada u xirneyd xaflad lagu furayey mid ka mid aha maqaayadaha Muqdisho, qaraxana uu ka dhacay halkii waddo ee furneyd. Goobjoog News Source: goobjoog.com

(SLT- Jerusalam)-Millatariga Israa’iil ayaa haweeney Falastiini ah ku dilay bar koontarool oo ay ku leeyihiin daanta galbeed iyo bariga magaalada Jerusalam ee dalka Falastiin. Haweeneydaan ayaa dhaawac looga qaaday goobta ka hor inta ayna ku geeriyoon cisbitaalka Qalandiya. Muuqaalo la soo dhigay baraha bulshada ayaa muujinaya ciidanka Israa’iil oo tooganaya Haweeneydaan. Ma jirto illaa iyo hada sabab cad oo ka dambeysa dilkaan walow millatariga Israa’iil ay ku andacoonayaan inay wadatay midi ayna qorsheyneysay weerar ka dhan ah ciidanka Amniga. Goob joogayaal ayaa u sheegay warbaahinta Falastiin in haweeneydaan ay muddo ku dhiig baxeysay goobta kadib markii ciidanka Isra’iil diideen in laga qaado Goobta. Source

(SLT-Riyadh)-Afhayeenka Millatariga Sacuudiga oo Arbacadii shalay soo bandhigay hadhaadiga gantaaladii lagu qarxiyey Sabtidii xarumahooda shidaalka ayaa weerarkaasi ku eedeeyey dowlada Iran. Journalists film what Saudi military spokesman Col. Turki al-Malki said was evidence of Iranian weaponry used in the attack targeted Saudi Aramco’s facilities in Abqaiq and Khurais, during a press conference in Riyadh, Saudi Arabia, Wednesday, Sept. 18, 2019. (AP Photo/Amr Nabil) Col.Turki Al-Malki ayaa sheegay in weerarka lagu qaaday laba xarun oo waaweyn oo shidaalka laga soo saaro ayaa sheegay in weerarada loo adeegsaday ugu yaraan 18 diyaaradaha yar yar ee Droneka ah iyo waliba Gantaalada heerka hoose ku duula (Cruise missiles) oo gaadhi kara illaa 700km, isagoo intaasi raaciyey in tani ay caddeyn u tahay in gantaaladan aan laga soo tuurin dalka Yemen. Inkastoo afhayeenka Sacuudiga aanu sheegin halka weerarkan laga soo abaabulay ayuu hadana sheegay in ayna macquul ahayn in kooxda Xuuthiyiinta oo weerarkan sheegatay ay tahay cidda dhabta ah ee fulisay, wuxuuna soo bandhigay muuqaal kooban oo muujinaya in droneska ka yimaadeen jihada waqooyi ee xarumaha Abqaiq iyo Khurais ee la duqeeyey. Wuxuu sheegay Col.Turki in hubka weerarka loo isticmaalay uu yahay hubka ay sameyso dowlada Iran. Dowlada Iran ayaa dhankeeda Arbacadii shalay soo saartay digniin ku socota Dowlada Maraykanka oo ku hanjabtay inay tilaabo millatari kaga jawaabi doonto weerarkii Sacuudiga lagu qaaday, waxayna Xukuumada Tehran oo markale ku celisay inaysan wax lug ah ku lahayn weerarkaasi ay sheegtay in hadii Maraykanka uu soo weeraro ay iyaguna tilaabo adag oo millatari kaga jawaabi doonaan. Source

Muqdisho (Caasuimadda Onlin) – Taliye kuxigeenka Howlgalka iyo Qorsheynta ee Ciidamada AMISOM Jeneraal Nakibus Lakara ayaa booqasho ku tagay Xarumaha Ciidamada AMISOM, si uu u qiimeeyo howlaha ciidamada, si loogu diyaar garoobo qorshaha kala guurka ee sanadka 2021, xilligaasoo AMISOM isku diyaarineyso inay mas’uuliyadda Amniga ku wareejiso Ciidamada xoogga dalka. Nakibus Lakara, oo ah ku xigeenka taliyaha Amisom oo booqasho ku tagay qaar kamid ah xerooyinka milatari ee ciidamada Soomaaliya ayaa sheegay in Amisom ay diyaar u tahay sidii ay ciidamada dowladda kaga taageeri lahayd sidii ay wadankooda u difaaci lahaayeen. “Ciidamada SNA waxa ay u baahanyihiin in laga taageero sidii amaanka guud ee dalka ula wareegi lahaayeen, taasina waa qorsha xaaladda kala guurka oo ay ciidamada Amisom amniga dalka ugu wareejinayaan” ayuu hadalkiisa sii raaciyay. Sidoo kale Taliyaha ayaa sheegay inay fulinayaan qorshaha kala guurka Soomaaliya ee ku aadan in sanadka 2021 ay AMISOM ka baxdo Soomaaliya, isla markaana ku wareejiso Mas’uuliyadda Amniga Ciidamada dowladda Soomaaliya. Jeneraal Lakara ayaa booqasho ku tagay magaalooyinka Beledweyne iyo Jowhar oo ah xarumaha AMISOM ee qeybaha 4aad iyo 5aad ee ay kala hoggaamiyaan Ciidamada ka socda Jabuuti iyo Burundi. Booqashada taliyaha ee magaalada Beledwayne ayaa kusoo aaday maalmo kadib markii uu booqasho ku tagay magaalada Jowhar halkaasi oo ku booqday ciidamada Burundi ee halkaasi ku sugan. Caasimada Online Xaafiiska Muqdisho Caasimada@live.com

Madaxda xariirka kubbadda cagta kubbadda cagta Soomaaliya ayaa juhdi iyo waqti badan ku bixiyay dhisidda da’yarta xulkeena oo markii ugu horeesay ka qeyb galay ciyaaraha 15 Jirada Bariga iyo Bartamaha Africa 2019. 21-July 2019-Waxaada dhallinyarada xariirka Soomaaliyeed ee kubbadda cagta ayaa xidigaha da’yarta kusoo xareeyay xerada farsamada ee garoonka Jamacadaha waxaana madasha goobjoog ka ahaa guddoomiye ku xigeenka 1-aad ee X.K.Cagta Cali Cabdi Maxamed Cali Shiine,Cabdi Cusmaan Daamey oo ah madaxa suuqa geynta,Cabdisamad Sheekh Qaasim oo ah madaxda farsmada iyo guddoomiyaha dhallinyarada X.K.Cagta Cabdullahi Xirse Maxamuud,iyadoo ciyaaryahanada da’yarta si heer sare loogu soo dhaweeyay xerada. Waalidiinta qaarkooda oo aan maalinkaa kula kulanay isla xerada farsamada ayaa u mahad celiyay mas’uuliyeenta Xariirka Kubbadda Cagta Soomaaliya,iyagoo ku amaanay in caruurta loo diyaariyay goobo aad u wanagsan sida qolalka jiifka,cuntada iyo garoonka tababarka waxayna dhalaankooda kula dardaarmeen in ay kaa faa’ideestaan waqtiga iyo juhdiga ay ku bixinayaan madaxda Xariirka Kubbadda Cagta dalka. Ciyaaryahanada oo intooda badan laga kala keenay horyaalka iskuulada ee Youth League ayaa Goobjoog u sheegay in madaxda xariirka kubbadda cagta Soomaaliya uu ku da’daalay daryeelkooda iyo ka warqabkooda. 28-July 2019-Guddoomiyaha xariirka Soomaaliyeed ee kubadda cagta mudane Cabdiqani Saciid Carab,Gudoomiye ku xigeenka 2-aad ee X.K.Cagta Cabdullahi Sheekh Nuur Axmed Wasiirka ciyaaraha iyo dhallinyarada Hirshabeele Cabdiqani Cabdullahi Hilowle (Cabdiqani Jeenyo) gudoomiyaha dhallinyarada X.K.Cagta Cabdullahi Xirse Maxamuud ayaa kulan barasho ah iyo kaftan la qaatay ciyaarayhanada xulka da’yarta mas’uuliyeenta ayaa dhallinyarada kula dardaarmay in ay ilaaliyaan wadaniyada oo ah wax ugu weyn in ay xooga saaraan maadama ay yihiin ubaxa iyo ifaafalada horomarka kubbadda cagta Soomaaliya. 12-August 2019-Guddoomiyaha xariirka Soomaaliyeed ee kubbadda cagta Cabdiqani Saciid Carab ayaa kulan qado ah u sameeyay xulka da’yarta,macallimiintooda wuxuuna u jeedka ahaa in gudoomiyaha uu ugu mahad celiyay shaqada wanaagsan ay soo qabteen,wuxuuna kulankaa wabixin ka dhagaystay tababarayaasha xulka . 13-August 2019-Iyadoo ay tahay xili habeen ah gudoomiyaasha kooxaha Horseed iyo Elman DR.Maxamed Axmed Maxamed iyo Cabdirisaaq Faarax Cumar Garooje ayaa waqti wanaagsan xulka dhallinyarada kula qaatay garoonka jaamacadaha labada gudoomiye ayaa sheegay in ay ku faraxsaneeyaan sida wanaagsan ee loo barbaaray xulka da’yarta mudadii ay ku jireen xerada farsamada xariirka Soomaaliyeed ee kubbadda cagta. Isla 13-Augusta 2019-Macallimintaa iyo ciyaarayahanada 15 jirada ayaa ka dhoofay garoonka aadan cadde,iyagoo u safray magaalada Asmara ee wadanka Eritrea waxayna u aheyd badankooda markii ugu horeesay ay ka baxaan dalka,iyagoo socdaalkooda ahaa ka qeybgalka tartanka 15 jirada bariga iyo bratamaha Afrika 2019 ee (Cecafa Under 15),waxaana wajiada xulka laga darmeeyay farxad aad u weyn. Da’yarta Soomaaliya ayaa ciyaaray ilaa afar kulan tartanka 15 Jirada Bariga iyo Bartamaha Afrika 2019 waxayna ku jireen Group A waxaana ku wehliyay Group-ka wadamada Kenya,Burundi,Eritrea iyo Sudan. 16-August 2019-Kenya 3-1 Somalia (Match 1) 21-August 2019-Burundi 2-1 Somalia (Match 2) 22-August 2019-Somalia 2-0 Sudan (Match 3) 24-August 2019- Eritrea 1-1 Somalia (Match 4) Xulkeena ayaa kusoo guulaystay abaal marinta ciyaar wanaag ama (Best Team) tartanka 15 jirada bariga iyo Bartamaha Afrika 2019 ay kaga qeyb galeen magaada Asmara ee dalka Eritrea,taageerayaasha xulka qaranka ayaa u mahad celiyay dhallinyarada da’aalka ay muujiyeen,iyagoo sanadaha soo aadan u rajeeyay in ay kusoo guulaystaan tartamada kale ee kusoo wajahan ee qaarada Africa.. 30-Augsuta 2019-Iyagoo farxsan ayay dalka kusoo laabteen waxaan si heer sare usoo dhaweeyay waxaada dhallinyarada xariirka kubbadda cagta iyo gudoomiyaasha kooxaha iyo qaar ka mid ah waalidiintooda waxaana looga mahad celiyay wax qabadkii wanaagsan ay kusoo bandigeen tartankii ay kaga qeyb galeen dalka Eritrea. 13-September 2019-Madaxda Xariirka Kubbadda Cagta Soomaaliya ayaa magaalada Muqdisho kusoo gabagabeeyay wajiga kowaad waxaana lasoo bandhigay wixii qabsoomay wajiga hore waxa la qorsheeyay wajiga 2aad,iyadoo macallimiinta iyo ciyaaryahanada da’yarta la gudoonsiiyay abaal-marino qaali ah,iyagoo ku mutaystay wacdarihii ay kusoo bandhigeen magaalada Asmara ee wadanka Eritrea. Halkan Ka Daawo Barnaamijka Waiga Kowaad Ee Xulka Da’yarta Oo Dhameystiran W/D-Maxamed Xuseen Qalinle Email-qalinle39@gmail.com Source: goobjoog.com

Garowe (SMN) – Madaxweynaha Puntland, Saciid Cabdullaahi Deni, ayaa shaaca ka qaadey in Itoobiya iyo Maalgeshato dalkaas u dhashay yay dhisi doonan dekadda cusub ee laga hirgelinayo Garacad. Isaga oo a hareero taagan yihiin ganacsatadda, Deni ayaa waxa uu rajo wanaagsan ka muujiyey in mashruucaan uu guuleysan doono, wuxuuna meesha ka saarey in uu yahay mid degaanka wax u dhimaya. “Waa in aan kala saarno sida ay dadka qaarkii aaminsan yihiin oo ah in hadii dalkaaga la maalgashto lagaa qaadanayo dhulkaaga, sidaasina ma ahan,” ayuu hadalkiisa daba dhigay madaxweynuhu. Dhismaha dekadda Garacad ayaa waxaa bilowday maamulkii uu majaraha u hayey madaxweyne Cabdiwali Gaas, waxaana haatan dhameystiraysa xukuumadda Saciid Cabdullaahi Deni. View the full article

Dodoma (SMN) – Dhalinyarro Soomaaliyeed oo tiradooda lagu sheegay 30 ayaa ku dhibaateysan qaar kamid ah xabsiyadda dalka Tanzania. Saadaam, oo kamid ah Soomaalida halkaas ku nool dhowaan xabsi laga soo daayey, ayaa sheegay in ay la kulmaan maxaabiista jirdil. “Waxaa intaasi wehlisa in lagu shaqeysto, oo aanan lagaa yeelayn waan xanuunsanahay,” ayuu u sheegay Idaacadda Shabelle. Dowladda Soomaaliya ayuu cod dheer kaga codsadey in ay u soo gurmato, isla markaana ay xaaladooda wax ka qabto. Da’yarta dalka ku nool ayuu uga digay in ay marin kasoo dhigtaan dalkan, iyaga oo raadinaya nolol dhaanta tan ka jirta waddanka. View the full article

Jabuuti (SMN) – Dowladda Jabuuti ayaa waxay xusul-duub ugu jirtaa sidii ay u heli lahayd xubinimadda aan joogtada ahayn ee Golaha Ammaanka UN-ka. Isaga oo Jabuuti kula hadlayey safiiradda dalalka Afrika, wasiirka arrimaha dibadda dalkaasi, ayaa rajo ka muujiyey in ay kursigaan heli doonan. Dowladda Kenya ayay loolan kala kulmayaan, taasi oo dhowaan codadka ka heshay inta badan xubnaha ururka Midowga Afrika. Maxamuud Cali Yuusuf ayaa shaaciyey in aysan wali ka rajo dhigan, ayna ku loolami doonan coddeynta Golaha Guud ee Qaramada Midoobay. Doorashadaasi ayaa qabsoomi doonta bisha June ee sanadkan, waxaana Jabuuti ay kalsooni ka qabtaa in ay kusoo bixi doonto. Dhinaca kale, wasiir Maxamuud ayaa ku eedeeyay Kenya in ay dooneyso in ay kursigaasi u adeegsato xiisadda badda ee kala dhaxeysa Soomaaliya. “Kenya laguma aamini karo amniga gobolka. Waxay dooneysaa in ay Soomaaliya ku dhibaateyso kursigaasi,” ayuu wasiirka. Xukuumadda Nairobi ayaa waxa aysan wali ka jawaabin eedeynta culus ee uga timid dhanka dowladda Jabuuti. View the full article

Jowhar (SMN) – Xiisad xoogan ayaa waxaa lagu waramayaa in ay ka taagan tahay degaanka Calayaale ee gobolka Shabeellaha Dhexe. Wararka ayaa intaasi ku daraya in xiisadda ay ka dambeysay markii siyaabo kala duwan halkaasi loogu dilay dad shacab ah. Dedaalo lagu qaboojinayo xiisaddan oo ay wadaan Odayaasha Dhaqanka iyo Wax-garadka tuuladda ayaa si dardar leh u socda. Mas’uuliyiinta gobolka oo hoostaga maamulka HirShabelle ayaa nan wax war ah kasoo saarin xiisaddan colaadeed. Qaybo kamid ah gobolada HirShabelle ayaa waxaa ka jirta xiisado colaadeed, taasi oo maamulka uusan illaa iyo haatan waxba ka qaban. View the full article

Muqdisho (Caasuimadda Onlin) – Waxaa qeybo ka mid ah Magaalada Muqdisho banaanbax ka dhigay qaar ka mid ah wadayaasha Gaadiidka dadweynaha,kuwaas oo ka cabanaya in lacago dheeraad ah lagu soo rogay taas oo aysan awoodin inay dhiibaan. Gaadiidkaan dadweynaha ayaa ka dhex-Shaqeeya Isgoyska Sanca ilaa degmada Xamarweyne,waxaana qaarkood ay sheegeen in sarkaal ka tirsan Maamulka degmada Boondheere uu ku amray inay bixiyaan lacag dhan 100 oo Shillinka Soomaaliga. Sidoo kale darawalada gaadiidka ayaa sheegay in horay ay u qabeen dhibaatooyinka waddooyinka xiran ee magaalada, haatan loogu sii daray lacago dheeraad ah oo canshuur ahaan lagu soo rogay. Waddooyinka waa weyn ee magaalada Muqdisho ayaa xiran muddo dhowr bilood ah iyada oo aanan jirin gaadiid isku gudbi kara degmooyinka qaar ee magaalada muqdisho. Madaxda dowladda Federalka Somaliya ayaa waxa ay ka codsadeen inay ka shaqeeyaan sidii dhibaatadaasi looga dulqaadi lahaayeen, maadaama Sarkaal Ciidan oo ka tirsan Saldhiga Degmada Boondheere caqabadaasi uu ku haayo. Caasimada Online Xaafiiska Muqdisho Caasimada@live.com

Muqdisho (SMN) – Dagaalameyaasha Al-Shabaab ayaa dusha saartay qaraxii fiidnimadii Arbacadda ka dhacay isgoyska Xaaji Baasto ee Muqdisho. Inta la xaqiijiyey ku dhowaad shan ruux ayaa ku dhimatay weerarkaasi, xili dhaawaca lagu tilmaamay ku dhowaad tobban kale. Dadka geeriyoodey iyo kuwa isbitaaladda loola cararay ayaa la sheegay in ay isugu jiraan askar ka tirsan dowladda iyo shaca halkaas marayey. War kasoo baxay Al-Shabaab ayaa lagu shaaciyey in bartilmaameedkoodu uu ahaa Cabdiqaadir Carabow Ibraahim, Xildhibaan ka tirsan Golaha Shacabka. “Qaraxa oo ahaa Miino ayaa bartilmaameedkoodu uu ahaa gaariga Xildhibaanka, balse wuxuu haleelay mid kale oo ka dambeeyay,” ayay sheegeen. Bayaanka ayaa lagu shaaciyey in saddex askari ay ku khaarijiyeen weerarkaasi, wallow aysan carabaabin xoogaga ay ka tirsan yihiin. Illaa ma jirto wax war ah oo ku aadan qaraxaan oo kasoo baxay dhanka laamaha ammaanka dowladda federaalka Soomaaliya. View the full article

TORONTO (AP) — Canadian leader Justin Trudeau’s campaign was hit Wednesday by the publication of a yearbook photo showing him in brownface makeup at a 2001 costume party. The prime minister apologized and said “it was a dumb thing to do.” Source: Hiiraan Online

The World Health Organization (WHO) has pledged to work with health authorities in Somalia to strengthen primary health care services and improve the capacity of national health workers. Source: Hiiraan Online

Over the past 30 years, droughts have become more intense and frequent in Somalia. This year alone, 100,000 Somalis were displaced by drought, according to humanitarian aid organization Norwegian Refugee Council. Source: Hiiraan Online

New draft bill, decades in the making, could also criminalise insulting the president and tightens abortion laws Source: Hiiraan Online

Dhuusamareeb (Caasimada Online) – Hoggaanka sare ee Ahlu-Sunna ayaa si weyn uga soo horjeestay go’aan ay dowladda federaalka ciidamo boolis ah ku geyn laheyd magaalada Gurceel ee gobolka Galgaduud. Xog ay heshay Caasimada Online ayaa sheegaysa in wasiirka amniga Soomaaliya uu isku dayay in qaar ka mid ah ciidamada booliiska dowladda dhexe ee dhawaan la geeyay magaalada Dhuusamareeb uu u diro magaalada Gurceel, si ay ula wareegaan ammaankeeda. Qorshaha Wasiirka ayaa ahaa in ciidamadaas ay si buuxda ula wareegaan saldhigga booliiska magaalada Gurceel, balse intii lagu howlanaa diyaarinta ciidamadaas oo hada ku sugan Dhuusamareeb ayaa waxaa ka war helay hoggaanka Ahlu-Sunna oo ciidamo taabacsan ay gacanta ku hayaan magaalada Gurceel. Ahlu-Sunna ayaa heegan galisay ciidamo daacad u ah oo maamula magaalooyin ay ka mid yihiin Gurceel iyo Matabaan, iyagoo dowladda federaalka ku war geliyay in aysan arintaas ogolayn. Xubno matalayay xukuumadda federaalka ayaa caawa Dhuusamareeb kulan kula yeeshay seddaxda hoggamiye ee ugu sareysa Ahlu-Sunna, waxeyna ka dalbadeen in ciidamada federaalka loo ogolaado in ay ka howlgalaan Gurceel, si tartiib-tartiibana loogu warejiyo amaanka magaalada. Madaxda Ahlu-Sunna ayaa gabi ahaanba ku gacan sayrtay dalabkaas, waxaana muuqata in ay ku fara adeygayaan gacan ku heynta magaalooyinka Matabaan, Gurceel iyo Tuulooyin kale oo dhaca koonfurta gobolka Galgaduud oo ay kusoo aruurtay awooda Ahlu-Sunna. Caasimada Online Xaafiiska Dhuusamareeb Caasimada@live.com

A surveillance video from the vandalized stores shows a man wearing a black tank top throwing rocks at the glass doors of East African-owned stores in Minneapolis. Source: Hiiraan Online

Nigeria, South Africa, Kenya and Egypt were named among the world’s most dangerous places to live and work in, for expatriates Source: Hiiraan Online

Jabuuti (Caasimada Online) – Dowladda Jabuuti ayaa wali wadda dadaalka ay ugu jirto sidii ay ku hanan lahayd matalaadda Kursiga Afrika ee golaha amaanka ee Qaramada Midoobay, ka dib markii dhawaan loollan ay taageerada midowga Afrika ku raadineysay ay Kenya uga guuleysatay. Wasiirka arimaha dibedda ee Jabuuti ayaa sheegay in Kenya aan lagu aamini karin kursiga ay u tartamayso ee golaha ammaanka, maadaama sida uu yiri uu khilaaf xooggan kala dhexeeyo Soomaaliya. Wasiir Maxamuud Cali Yuusuf oo maanta safiirrada ajnabiga ah ee dalkiisa ku sugan kala hadlayay arinta la xiriirta musharraxnimadooda kursiga aan joogtada ahayn ee Golaha Ammaanka, ayaa sheegay in Jabuuti ay u baahan codadka dalalkaasi. “Jabuuti waxa aay qiyaaseysa inay ku saxan tahay dadaalkeeda ku aaddan kursiga Golaha ammaanka. Waxa aan u bahanahay taageraada dalalkiina ee ku saabsan musharraxnimadeena”, ayuu yiri wasiirka. Wuxuu dhanka kale sheegay in haddii Kenya ay kursigaas hesho ay saameyn ku yeelaneyso muranka kala dhaxeeya Soomaaliya. “Waxa aan qiyaaseyna oo kale inay Kenya dhibaatada khatar ah ku heyso Soomaaliya, xalaada u dhexeysa labaada dalna ay cirka isku sii shareeri karto oo ay faraha ka bixi karto”. Isagoo hadalkiisa sii wata ayuu intaas raaciyay in Kenya an lagu aamni karin amniga gobolka. “Waxa aan qabaa dal sidaas khatar u ah ma ilaalin karo danaha gobolka iyo qaarada iyo nabada guud, haddii u khilaafka si fogaadana waxa uu saamayn karaa labada dal iyo gobolkaba”. Ma jiro wax war ah oo ilaa hadda kasoo baxay xukuumadda Nairobi, oo ay arrintan uga jawaabeyso. Hase yeeshee, waxay Kenya ku naallooneysaa taageerada dalalka Midowga Afrika, si ay ugu tartanto kursiga ay damacsan tahay inay golaha amaanka ugu matasho qaaradda Afrika. Cod-bixin ay bishii Agoosto sameeyeen dalalka xubnaha ka ah midowga Afrika oo ka dhacday magaalada Addis Ababa ayey dowlada Kenya ka heshay 37 cod, halka Jabuuti ay heshay 13 cod oo kaliya. Laakiin Jabuuti ayaa wali ku adkeysaneysa inay tartanka lasii waddo Kenya marka la isla tago golaha amniga, ayna isku daydo inay ka guuleysato. Horay uma dhicin in waddan labo dal oo ku kala haray midowga Afrika ay wali loollan kusii sameeyaan kursigaas. Xigasho: BBC Somali

Nairobi (Caasimadda Online) – Dowladda Kenya ayaa dib uga laabatay go’aan ay markii hore u muuqday mid ay ku cadaadiso Dowladda Federaalka Soomaaliya oo ay kala dhaxeyso dacwad ku saabsan dhul Badeed ay leedahay Soomaaliya oo ay dood gelisay Kenya. Dowladda Kenya ayaa maanta oo Arbaco ah ku dhawaaqday inay ka laabatay Xayiradii ay horey u saartay Kalluumeysato Gobolka Lamu ee ka kalluumeysan jiran Xeebaha u dhow kuwa Soomaaliya. Xayiradaan ay qaaday Kenya ayaa aheyd in Habeenkii wixii ka dambeeyo labada Saac aysan kalluumeysatada kasoo kalluumeysan karin Xeebaha ku teedsan Soomaaliya. Go’aankaan oo markii hore soo baxay 7 bil ka hor ayaa la sheegay inuu ujeedkiisa ahaa sidii Soomaaliya loogu cadaadin lahaa inay ka laabato dacwadda Badda ee hor taalo Maxkamadda ICJ. Waxay Kenya xilligaas marmarsiiyo ka dhigatay inay go’aankaas u qaadatay arrimo dhanka ammaanka ah iyo cabsi ay ka qabto in la dhibaateeyo muwaadiniinteeda sida ay hadalka u dhigtay waqtigaas. Dowladda Kenya ayaa sameysay dhawr tallaabo ay ku dooneysay inay Soomaaliya kaga hor istaagto dacwadda Badda ee kala dhaxeyso balse marnaba ma aysan suurta gelin. Ugu dambeyntii Dowladda Kenya oo dareensan in looga guuleysan doono dacwadadaas ayaa Maxkamadda ICJ ka codsatay in dib loogu dhigo dacwadda muddo 12 Bilood balse maxkamadda ayaa ugu dambeyn dib u dhigtay laba Bil oo kaliya. Xiriirka Diblomaasiyadeed ee Soomaaliya iyo Kenya ayaa muddooyinkii dambe ahaa mid aad usii xumaanayo waxayna mar kala qaateen safiiradii u kala joogay labada dal inkastoo markii dambe laga heshiiyey. Caasimada Online Xafiiska Nairobi caasimada@live.com

Qaran News

Dawlada Sucuudiga oo qiimo yaab leh ku xaraashtay Dhismaha Qunsuliyadii lagu khaarajiyey Jamal Khashoggi Dowladda Sacuudiga ayaa iska iibisay dhismaha qunsuliyadeedii ku taalay Magaalada Istanbul ee Dalka Turkiga taasoo Sanadkii hore lagu dhex dilay Wariyihii dalkaas u dhashay ee Jamal Khashoggi sida uu sheegay TV laga leeyahay dalka Turkiga. Haberturk TV ayaa sheegay Talaadadii in Dhismaha qunsuliyadda Sacuudiga oo ku yaalay Xaafadda Levent ee Magaalada Istanbul lagu iibiyey 45 maalin ka hor, 3 meelood hal meel qiimihii markii hore laga bixiyey. TV-ga ayaa sheegay in Sacuudiga dhismo cusub ka iibsatay Xaafadda Sariyer ee Magaalada Istanbul halkaas oo noqon doonto qunsuliyadda cusub ee Sacuudiga, waxayna daris la noqon doontaa midda Mareykanka oo halkaas ku taalo. Mas’uul ka tirsan Wasaaradda Arrimaha Dibadda ee dalka Turkiga oo la hadlay Middle East Eye ayaa sheegay inaysan weli helin macluumaadka ku saabsan inay Sacuudiga iska iibisay Dhismaha qunsuliyaddii istanbul ee lagu dhex dilay Jamal Khashoggi. Dowladda Sacuudiga ayaa lagama maarmaan ah inay fasax uga hesho iibinta dhulkaas Wasaaradda Arrimaha Dibadda ee Turkiga, waxaana la aaminsan yahay sababta ay uga guureyso inay tahay sababo dhanka Amniga ah. Saraakiil ka socotay Sacuudiga oo tagay Turkiga wax yar kadib dilkii Jamal ayaa warbixin farsamo oo ay soo saareen ku sheegay in aysan soo saari karin boorsooyinka ku jira Qunsuliyadda loona baahan yahay guri cusub. Dowladda Sacuudiga ilaa hadda wax qunsul ah uma joogo Istanbul tan iyo dilkii jamal, balse waxay Safaaradda bixisaa adeegyada dal ku galka oo kaliya. Qaran News