Ipswich Town 0-2 Liverpool Source: Hiiraan Online

Khartoum (Caasimada Online) – Millatariga Sudan iyo dad goob-joogayaal ah ayaa Sabtidi sheegay, in malleeshiyo ka tirsan xoogagga dagaalka kula jira ciidamada Sudan ay cagta mariyeen tuulo ku taalla bartamaha Sudan, halkaas oo ay ku dileen ugu yaraan 85 qof. Bayaan kasoo baxay Wasaaradda Arrimaha Dibadda Sudan ayaa lagu sheegay, in rag hubeysan oo ka tirsan xoogagga RSF ay dhammaadki bishi Julay iyo todobaadki hore, ay weerar xoog leh ku ekeeyeen deegaanka Galgani oo ka tirsan gobolka Sennar ee bartamaha Sudan, halkaas oo ay ka geysteen gabood-fallo isugu jiray dil, kufsi, bili-laqo iyo qarbudaad. Warbixinta ayaa sheegeysa, in kooxdani ay dab qabad siiyeen tuulada, kaddib marki ay dadka deegaanka iska caabiyeen isku day ay malleeshiyadni ku rabeen in ay ku afduubtaan dumar iyo gabdho yar yar. Kooxda RSF, dhowr jeer ayaa horay loogu eedeeyay in ay xasuusq, kufsi iyo danbiyo kale oo gurracan oo ka dhan ah bani’aadannimada oo ay kula kaceen rayidka Sudan, tan iyo marki uu billowday dagaalka sokeeye, bishi April ee sannadki hore. The post Ku dhowaad 100 qof oo lagu dilay dalka SUDAN appeared first on Caasimada Online.

Millatariga Sudan iyo dad goob-joogayaal ah ayaa Sabtidi sheegay, in malleeshiyo ka tirsan xoogagga dagaalka kula jira ciidamada Sudan ay cagta mariyeen tuulo ku taalla bartamaha Sudan, halkaas oo ay ku dileen ugu yaraan 85 qof. Bayaan kasoo baxay Wasaaradda Arrimaha Dibadda Sudan ayaa lagu sheegay, in rag hubeysan oo ka tirsan xoogagga RSF ay dhammaadki bishi Julay iyo todobaadki hore, ay weerar xoog leh ku ekeeyeen deegaanka Galgani oo ka tirsan gobolka Sennar ee bartamaha Sudan. Warbixinta ayaa sheegeysa, in kooxdani ay dab qabad siiyeen tuulada, kaddib marki ay dadka deegaanka iska caabiyeen isku day ay malleeshiyadni ku rabeen in ay ku afduubtaan dumar iyo gabdho yar yar. Kooxda RSF, dhowr jeer ayaa horay loogu eedeeyay in ay xasuusq, kufsi iyo danbiyo kale oo gurracan oo ka dhan ah bani’aadannimada oo ay kula kaceen rayidka Sudan, tan iyo marki uu billowday dagaalka sokeeye, bishi April ee sannadki hore. PUNTLAND POST The post Ilaa 85 qof oo rayid ah oo lagu dilay dalka Sudan appeared first on Puntland Post.

Afhayeen u hadlay wasaaradda arrimaha dibadda Itoobiya, ayaa sheegay in Itoobiya ay sii xoojineyso dadaalladeeda diblomaasiyadeed si ay u hesho hab laysku haleyn karo oo ammaan ah ay ku gaari karto badda. Afhayeenka, Nebiyu Tedla, waxa uu hadalkan ka sheegay maanta kulanka toddobaadlaha warbaahinta ee wasaaradda. Mowqifka Itoobiya waa in ay heshaa bad sida uu marar badan ku celceliyay raysalwasaarahooda. Soomaaliyana waxay sheegtay in xadgudub lagu hayo madaxbanaanideeda, kadib heshiiska muranka badan dhaliyay ee Itoobiya ay la gaashay Somaliland. Wasiirka warfaafinta Soomaaliya, Daa’uud Aweys, ayaa sheegay in aysan Soomaaliya marna ka tanaasuli doonin mowqifkeedii hore ee ahaa dhowrista madaxbannaanida iyo Qarannimada Soomaaliya. Dhan kale, afhayeenka ayaa sidoo kale ka hadlay qabanqaabada howlgalka cusub ee nabad ilaalinta Soomaaliya. Waxa uu sheegay in Itoobiya ay si dhow ula socoto xaaladda dalka dariska la ah. waxaan geynay ayuu yiri ciidamo waxaana qeyb ka nahay amaanka iyo xasiloonida gobolka. “Dalalka ciidamadooda ay ku jiraan ATMIS qeyb muhiim ah ayey kaga jiraan arrinta, aragtidooda iyo walaacdooda waa in la tixigeliyaa si loo fududeeyo in si habsami ah loogu wareejiyo howlgalka ku xigi doono ATMIS” ayuu yiri afhayeenka oo intaas ku daray Itoobiya waxa ay aaminsan tahay in hay’adaha ay quseyso sida Ururka Midowga Afrika iyo Qaramada Midoobay ay xaqiijin doonaan la-tashiyada lagama maarmaanka ee lala yeelanayo dalalka ciidamadooda ay ku jiraan howgalka ATMIS si looga fogaado isfaham la’aan aan loo baahneyn oo keenta xiisado goboleed lama filaan ah. Waxaa jira dalal ay ku jiraan Jabuuti iyo Masar oo codsaday in ay ciidamo u diraan Soomaaliya si ay u xoojiyaan ciidamada nabad ilaalinta. Midwoga Afrika waa uu soo dhaweeyay codsiga Masar ay ciidmo ugu soo direyso Soomaaliya. Midowga Afrika waxay sheegeen in howgalka ATMIS lagu badli doono ciidamo cusub oo wata magaca Howgalka Taageerada iyo Xasilinta Midowga Afrika ee Soomaaliya. bbcsomali Qaran News

455357291_443770645307007_2564242139006110836_n Qaran News

456036337_901512378477767_5925224157142443196_n Qaran News

Madaxweynaha dowladda Federaalka Soomaaliya mudane Xasan Sheekh Maxamuud oo Caawa hadal jeedin sameeyay ayaa mar kale ka hadlay Khilaafka Itoobiya iyo Soomaaliya. Madaxweyne Xasan Sheekh Maxamuud ayaa si adag uga horyimid damaca dowladda Itoobiya ku raadinayso badda Soomaaliya kadib is afgaradkii ay la saxiixatay maamulka Somaliland. Madaxweynaha Soomaaliya ayaa sheegay in aysan Itoobiya Soomaaliyaba u aqoonsaneyn dal jira oo madax banaan, ayna taasi keentay in uu fashilmo shirkii Ankara. Madaxweyne Xasan Sheekh Maxamuud wuxuu sidoo kale sheegay in aysan Taako dhul Soomaaliyeed ah ka tanaasuli doonin, una ogolaan doonin damaca Itoobiyaanka ee bahalnimo. Halkan ka daawo hadalka Madaxweyne Xasan Sheekh PUNTLAND POST The post Madaxweynaha Soomaaliya oo si adag uga hadlay damaca Itoobiya ku raadinayso badda Soomaaliya appeared first on Puntland Post.

Muqdisho (Caasimada Online) – Madaxweynaha Soomaaliya Xasan Sheekh Maxamuud ayaa qeyb ka mid ah khudbadiisa uga hadlay cidda ay ku waajibeyso canshuurta cusub ee iibka oo wasaaradda maaliyadda ay sheegtay in qaadisteeda la bilaabayo Axada berri ee 18-ka bishaan. Madaxweynaha ayaa shaaciyey labo arrin oo caadi ka dhigeysa in loo hoggaansamo go’aanka dowladdu ay ku qaadeyso canshuurtaas, kuwaas oo kala ah: 1 – in canshuurtaan ay horay u bixi jireen ganacsatada Soomaaliyeed “Waxaa maalin kasta la idinka qaadin jiray iyadoo la idin handadayo, waxayna geli jirtay gacno aan aamin aheyn, hadda waxaan ka shaqeynay inaan ku qaadno gacan aamin ah oo System marsiino,” ayuu yiri Madaxweyne Xasan Sheekh. 2 – Nidaamka Marjentiga la yiraahdo ayaa canshuurtaan lagu qaadayaa, “Qof leesin heysta oo ganacsade ah kaliya ayaa isticmaala nidaamkaas, dadweynaha caadiga ah kama go’eyso lacagtaas, EVC lacag aad ku dirtay kama go’eyso,” ayuu yiri Madaxweynuhu. Madaxweynaha ayaa balan-qaaday in dadka ku takri falaya awooda dowladnimada uu dadka ka qaban doono, isagoo codsaday in dowladnimada loo hogaansamo oo canshuurta la bixiyo. “Waa nala kabaa tan iyo markii dib loo soo dhisay dowladnimadeena 3-aad sanadkii 2000, taas waxaan uga bixi karnaa inaad canshuurta bixisaan,” ayuu yiri. Madaxweynaha ayaa sheegay inay soo gaartay cabashada ganacsatadu ay ka qabaan dekedda, canshuuraha ama meel kasta oo ay wax ka tabanayaan “Wasiirka Maaliyadda ayey la fariisteen oo cabashada u gudbiyeen, wasiirka kaligiis ma quseyso arrintaan ee hey’ado badan oo dowladda kamid ah ayey ka dhaxeysaa, waxaana lagu dhaqaaqay in wixii qaldan la saxo,” ayuu yiri. Madaxweynaha ayaa sheegay inuu hayo xogta qaar kamid ah ganacsatadii balanta la soo gashay wasiirka oo abaabulaya rabshado iyo balaayo aan loo baahneyn, sida uu hadalka u dhigay, wuxuuna ka digay in magaaladaan lala yimaado wax sharciga baal-marsan. Hoos ka daawo The post Daawo: Madaxweyne Xasan oo shaaciyey dadka laga qaadayo canshuurta cusub appeared first on Caasimada Online.

Muqdisho (Caasimada Online) – Agaasimaha Guud ee Machadka Caafimaadka Qaranka Dr. Xuseen Abuukar Muxyadiin ayaa loo magacaabay inuu maareeyo arrimaha degdegga ah (Emergency) ee Caafimaadka Dalka Soomaaliya, National Incident Manager-ka dalka for mpox diseases. Sida aan la socono waxaa wadamada deriska ah ka dilaacay cudurka MPOX, waxaana la aas-aasay koox quburo caafimaad ah oo Agaasime Guud Dr. Xuseen Abuukar Muxyadiin uu hoggaaminayo. Quburada loo soo xulay howlgalka degdegga ah ee Caafimaadka Qaranka, gaar ahaan ka hortagga iyo xakameynta cudurka dilaacay ee Mpox ayaa ka kooban 19 qof, waxaana hoggaaminaya Agaasimaha Guud ee Machadka Caafimaadka Qaranka Dr. Xuseen Abuukar. Wasaaradda Caafimaadka iyo Daryeelka Bulshada ee XFS ayaa si dhow ula socotay digniin caalami ah oo ay dhawaan soo saartay Hay’adda Caafimaadka Adduunka ee WHO, taas oo sheegeysa in cudurka dilaaga ah ee loo yaqaan ‘Mpox’ uu ka dilaacay qaar kamid ah dalalka deriska la ah Soomaaliya. “Anigoo aqoonsan masuuliyadda weyn ee wasaaradda ka saaran ilaalinta caafimaadka iyo fayo-qabka shacabka Soomaaliyeed, waxaan qoraalkan idiinku soo gudbinayaa in aan idinla socodsiiyo dhismaha Guddiga Gurmadka Caafimaadka Qaranka,” ayaa lagu yiri warqad ka soo baxday xafiiska wasiirka caafimaadka Dr. Cali Xaaji. Dhacdooyinkii ugu dambeeyay ee dillaaca Mpok ee dalalka deriska ah iyo ku dhawaaqista WHO ee Xaaladda degdegga ah ee Caafimaadka Dadweynaha ayaa sababtay in deg deg loo soo xulo guddi dhakhaatiir qaran ah oo Agaasimaha Guud ee Machadka Caafimaadka Qaranka Dr. Xuseen Abuukar uu hoggaaminayo. “Digniinaha jira waxay muhiim ka dhiganayaan inaan u diyaar garowno khatarta oo firfircoon muujino, si loo maareeyo dhibaatadan caafimaadka dadweynaha ku soo wajahan,” ayaa lagu yiri qoraalka. Kooxda Maaraynta Dhacdada oo uu hoggaamiyo Maareeyaha Dhacdada Dr. Xuseen Abuukar waxa loo igmaday inay hogaamiso oo isku dubarido dhamaan qorshooyinka u diyaar garowga cudurka Mpox, ka hor inta aan lagu dhawaaqin kiisas dilaacay. Xanuunkaan cusub ayaa u eg cudurka ay Soomaalidu u taqaano Busbuska, waxaana kiisas cudurkaan laga helay dalal ay ugu horeyso Kenya, waxaana cabsi badan laga qabaa inuu soo gaaro Soomaaliya. Hoos ka akhriso warqadda The post DF oo Dr. Xuseen Abuukar madax uga dhigtay guddi ka hortagaya cudur halis ah appeared first on Caasimada Online.

Madaxweynaha Jamhuuriyadda Federaalka Soomaaliya Mudane Xasan Shiikh Maxamuud oo dadweynaha Soomaaliyeed khodbad u jeediyay ayaa ka hadlay arrimo dhowr ah oo ay ku jiraan hannaanka canshuuraha iibka, dagaalka Al-Shabaab, iyo xadgudubka maamulka Abii Axmed ee ka dhanka ah midnimada iyo madax-bannaanida Soomaaliya. Madaxweynaha ayaa sheegay in Itoobiya oo horay u haysatay dhul Soomaaliyeed ay haddana u soo jeesatay inay goosato qeyb cusub oo kamida geyiga Jamhuuriyadda Federaalka Soomaaliya, islamarkaana aysan aqoonsanayn madax-bannaanida Soomaaliya, taas oo uu ku tilmaamey mid kamida waxyaabaha fashiliyay shirkii Ankara. Itoobiya ayaa weli ku dheggan dameceedii guracnaa ee ay ku doonaysay qeyb kamida badda Soomaaliya, balse madaxweynaha ayaa sheegay inaysan arrintaasi marnaba u suurta-gelini doonin, dowladda iyo dadka Soomaaliyeedna ayagoo sida ay maanta yihiin ka itaal yar dhulkooda cadow qaadan waayay. Source: goobjoog.com

Muqdisho (Caasimada Online) – Madaxweyne Xasan Sheekh ayaa cadeeyey inay fashilmeen wadahadaladii Soomaaliya iyo Itoobiya ay ku yesheen Ankara, isagoo shaacuiyey go’aan culus oo Soomaaliya ay qaadatay. Madaxweynaha ayaa sheegay in Itoobiya ay diiday inay aqoonsato madax-banaanida iyo wadajirka Jamhuuriyadda Soomaaliya, isagoo nasiib darro ku tilmaamay arrintaan, una cadeeyey wax bad ama ganacsi ah aysan labada dal ka wadahadli doonin. “Wadahadalkii Ankara waxaan uga soo kala tagnay in Itoobiya diiday inay aqoonsato Soomaaliya inay tahay dal xor ah oo deris la ah, ilaa taas ay ka ogolaatana badna kama hadli karno, ganacsina kama wada hadli doono,” ayuu yiri. Madaxweyne Xasan Sheekh ayaa sheegay in Soomaaliya ay difaaci jirtay qawaaniinta caalamiga ah, isagoo mar kale Itoobiya ugu baaqay inay ku soo laabato sharciga iyo qawaaniinta caalamiga ah. Sidoo kale, Madaxweynaha ayaa nasiib darro ku tilmaamay arrinta Itoobiya, “Waa nasiib darro in dowladda Itoobiya ay ka garaabi la’dahay qaladka ay naga gashay, ma dhaceyso, waana riyo aan rumoobi doonin in Itoobiya ay dhulkeena qaadato ee hadan badeena ku darsato,” ayuu yiri. Madaxweynaha ayaa sheegay in Itoobiya ay bilowday daandaansi, balse hadafka Soomaaliya uu yahay in Jamhuuriyadda Soomaaliyeed aan lasoo faro-gelin, hadii wax kasta dhacaan. “Uma aanaan jawaabin Itoobiya wax kasta oo ay sameysan, hadafkeena ayaan ku taaganahay Turkigu waa dadaaleen, waana u mahad celinaynaa, laakiin xaqeena kama tanaasuli doono,” ayuu hadalkiisa ku sii daray Xasan Sheekh. Sidoo kale, Madaxweynaha ayaa ka hadlay heshiisyada ay Soomaaliya la geleyso dalalka kale, “Soomaaliya waa xor, cidey doonto oo maslaxadeeda ay ka dhex aragto ayey la heshiinee, danaheena cidii ka hor imaata, anagana danahooda waan ka hor imaaneynaa, waxaan ka shaqeynaa maslaxadeena kaliya,” ayuu yiri. Ugu dambeyntii Xasan Sheekh ayaa Itoobiya uga digay inay danqiso boogihii Soomaaliya iyo Itoobiya kala gaaray, “Deris inaan ahaano ma aanaan dooran, xuduuda ugu dheer oo aad leedihiin, anaga ayaad nala wadaagtaan ee cadowga aan wada leenahay ha u hiilinina ee ku soo laabta jidka toosan,” ayuu yiri Madaxweyne Xasan Sheekh. Hoos ka daawo The post Daawo: DF oo dhawaaqday go’aan culus oo ka dhashay qorshaha Itoobiya appeared first on Caasimada Online.

Muqdisho (Caasimada Online) – Madaxweynaha Soomaaliya Xasan Sheekh Maxamuud ayaa caawa jeediyey khudbad uu kaga hadlay arrimo dhowr ah oo xaaladda dalka ku saabsan iyo farriin u diray guud ahaan shacabka Soomaaliyeed. Madaxweynaha ayaa si gaar ah u dul-istaagay cabashada Bajaaj-leyda, arrimaha canshuuraha cusub ee iibka, wadahadaladii Soomaaliya iyo Itoobiya iyo arrimaha doorashooyinka. Ugu horeyn Madaxweynaha ayaa sheegay in cabashada Bajaaj-leyda Muqdisho ay soo gaartay, isagoo balan qaaday in qabad kasta oo jirta ay dowladdu xali doonto, isagoo dhalinyarada uga digay in lagu soo dhex dhuunto oo dano gaar ah laga dhex fushado. Sidoo kale madaxweynaha ayaa ka hadlay canshuurta cusub ee lasoo rogayo, isagoo faahfaahiyey qaabka loo qaadayo canshuurtaas oo horay wax faahfaahin ah aan looga bixin. “Been ayaa la idiin sheegay nidaamka Marjentiga la yiraahdo ee goobaha ganacsiga lacagta loogu diro ayaa lagu qaadayaa lacagtaan, adduunka waa canshuurta ugu yar ee dal qaado, dadka dhan iyo lacag kasta oo la isku dirayo ma ahan waxa la canshuurayo ee waa iibka,” ayuu yiri Madaxweyne Xasan Sheekh. Madaxweynaha ayaa balan-qaaday in dadka ku takri falaya awooda dowladnimada uu dadka ka qaban doono, isagoo codsaday in dowladnimada loo hogaansamo “Waa nala kabaa tan iyo markii dib loo soo dhisay dowladnimadeena 3-aad sanadkii labadii 2000, taas waxaan uga bixi karnaa inaad canshuurta bixisaan,” ayuu yiri. Wax kasta oo cabasho ah oo ganacsatada ka timid ayuu sheegay inay soo gaareen, sidoo kalena wasiirka maaliyadda uu la fariistay ganacsatada, isagoo xaqiijiyey in dowladda ay ka go’an tahay in canshuurtaasi la qaado, “Anigoo odagii dalka ah waxaan codkeyga ku biiriyey in canshuurtaas qaadideeda la bilaabo ee walaalayaal nala ogolaada, wixii tabasho ahna dowladdu waa xalineysaa,” ayuu yiri. Sidoo kale, Madaxweynaha ayaa nasiib darro ku tilmaamay arrinta Itoobiya, “Waa nasiib darro in dowladda Itoobiya ay ka garaabi la’dahay qaladka ay naga gashay, ma dhaceyso, waana riyo aan rumoobi doonin in Itoobiya ay dhulkeena qaadato ee hadan badeena ku darsato,” ayuu yiri. Madaxweyne Xasan Sheekh ayaa sheegay in Soomaaliya ay difaaci jirtay qawaaniinta caalamiga ah, isagoo mar kale Itoobiya ugu baaqay inay ku soo laabato qawaaniinta caalamiga ah, isagoo shaaciyey wax yaabihii fashiliyey wadahadaladii Itoobiya. “Wadahadalkii Ankara sababta loogu kala tegay waa in Itoobiya ay weli diidan tahay in Soomaaliya ay tahay dal xor ah oo deriskeeda ah, taas ilaa ay ka aqoonsaneyso bad iyo ganacsi toona kama wadahadli karno, waa nasiib darro in qadiyadaas ay dadka qaar noo fahmeen inaan siyaasad ka dhex raadineyno ee xuquuqdii qarankaan ayaan ilaalineynaa, qof naga dambeeyana ma ogolaa doono ee dowladda Itoobiya miyirku ha u soo laabto,” ayuu yiri Madaxweynuhu. Hoos ka daawo The post DEG DEG: Xasan Sheekh oo jeediyey khudbad uu kaga hadlay 4 qodob oo xasaasi ah appeared first on Caasimada Online.

Wasaaradda Maaliyadda dowlad goboleedka Jubbaland ayaa ka soo horjeesatay in hannaanka canshuuraha iibka deegaannada maamulkaas laga hirgeliyo, ayadoo sheegtay inaan wax wada-tashi ah lagala samaysan arrintaas sida lagu tibaaxay war qoraal ah oo ay wasaaraddu soo saartay. Sidoo kale Wasaaradda maaliyadda iyo horumarinta dhaqaalaha Jubbaland ayaa sheegtay inay hannaankaasi uu abuuri karo is dhacyo dhinaca maamulka dhaqaalaha ah, islamarkaana uu ka hor imaanayo madax-bannaaninada awoodda canshuur qaadista dowlad goboleedyada. Wasaaradda Maaliyadda Xukuumadda Jamhuuriyadda Federaalka Soomaaliya ayaa dhowaan ku dhawaaqday canshuur cusub oo laga jari doono dadka wax kala iibsanaya, taas oo 18-ka bishan dhaqan-gelaysa, balse ganacsatada waaweyn qaarkood, siyaasiyiin, dowlad goboleedyada Jubbaland ugu horraysa, iyo dadweynaha intiisa badan ayaa walaac ka muujiyay arrintaas. Source: goobjoog.com

Qaahira (Caasimada Online) – Madaxweynaha Somaliland, Muuse Biixi Cabdi oo maanta warbaahinta kula hadlay magaalada Hargeysa ayaa weerar culus ku qaaday dowladda Masar, isaga oo ka horyimid ciidamada ay usoo direyso Soomaaliya. Muuse Biixi ayaa sheegay in Masar ay waligeed kasoo horjeeday qaranimada Somaliland, isaga oo su’aal ka keenay sababta ay ciidamo ugu soo direyso Soomaaliya, uguna gurman waysay walaalaha reer Falasteen ee la gumaadayo. “Masar la dagaalanka Somaliland inay qaran noqoto ee haddane u dagaalameyso inay Xamar kamid noqoto ee ciidanka usoo direyso horta waxaa uga baahan Rafax inay furto oo deeqda caalamka siinayo walaalaha Falastiin oo aad aragteen waxa ku dhacay ee 40 kun lagu dilay” ayuu yiri madaxweynaha maamulka Somaliland. Sidoo kale wuxuu is barbar dhig ku sameeyay Masar iyo Turkiga oo labaduba haatan saaxibo la ah Soomaaliya, isla markaana ka caawiya dhinaca ammaanka. Madaxweyne Biixi ayaa hoosta ka xariiqay in ciidamo ay soo dirtay Masar aanay horumar gaarsiin doonin Soomaaliya, wuxuuna tusaale usoo qaatay dalka Yemen oo uu sheegay in Masar ay ciidamo u dirtay xilligii gumeystaha, illaa maantana ay dhibaato ka jirto. “Waxaan kaloo caddeynayaa dowladda Masar oo dowlad wayn ah in iyada Turkiga ay isku dhaqan yihiin meelo badan waa wada Islaam waa dowlado qaabkooda dhismahooda u baahan yahay inuu wax badan hagaago, haddana Masar inta la hubo meel ay ciidan u dirtay oo tiri waan gargaarayaa waxa ugu horreeyay uguna dambeeyay dalka la yiraah Yemen Mushkiladdii uu ku abuuray lixdankii illaa maanta waa ka taagan tahay Yeman” ayuu hadalkiisa sii raaciyay. Madaxweynaha Somaliland ayaa ugu dambeyn ka digay ciidamada Masar ee Muqdisho la keenayo, wuxuuna sheegay inay dhibaato horleh ka abuuri doonaan. “Waxaan leenahay ciidanka Masaarida ee la geynaayo Xamar dabka uu ka shidi doono iga qora waa la arki doonaa hee” ayuu mar kale yiri madaxweyne Biixi. Hadalkan ayaa kusoo aadayo, ayada oo todobaadkii ay heshiis difaac kala saxiixdeen Soomaaliya iyo Masar, sidoo kalena labada dal ay isku raaceen in Masar ay ciidamo usoo dirto Soomaaliya, kuwaas oo qayb ka noqonaya howlgalka cusub ee bedalaya ATMIS. The post Maxay Somaliland ka tiri ciidamada ay Masar usoo direyso Soomaaliya? appeared first on Caasimada Online.

Tweet 455676882_1131156457987340_6088017052554118351_n Qaran News

Garoowe (Caasimada Online) – Maxkamadda ciidamada Puntland ayaa maanta soo saartay go’aan culus oo ka dhan ah saddex nin oo ka tirsan Al-Shabaab, kuwaas oo dhowaan ka baxsaday xabsi ku yaalla waqooyiga magaalada Gaalkacyo ee xarunta gobolka Mudug. Sarakaal sare oo ka tirsan maxkamadda ayaa sheegay in raggaas oo hadda la raadinayo ay ku xukumanaayeen dil toogasho ah, isla markaana ay la mid yihiin 10-kii nin ee ka tirsanaa Al-Shabaab ee saaka lagu toogtay fagaare ku yaalla waqooyiga Gaalkacyo. Sidoo kale wuxuu sarkaalkan amar ku bixiyay in ciidamada ammaanka ay aragtii ku toogtaan saddexda nin ee baxsadka ah, haddii ay meel ku arkaan. “Laamaha ammaanka Puntland waxaan farayaa in meeshii lagu arko lagu dilo 3 maqane oo kamid ah dadka maanta xukunka dilka ah lagu fuliyay,” ayuu yiri Waxaa kale oo uu sii raaciyay “Dadka gobolka deggan waxaana ugu baaqayaa wiilashiina Shabaab ka ilaashada, annaga indhaha noo furan qofka soo galaa waan la soconaa”. Raggan ka baxsaday xabsiga waqooyiga magaalada Gaalkacyo ayaan la ogeyn halka ay jaan iyo cirib dhigeen, waxaana weli soconayo howlgallo lagu baadi goobayo. Puntland ayaa saaka toogasho wadareed ku fulisay 10 Shabaab ah oo ku xukumunaa dil toogasho ah, kuwaas oo kala ahaa:- 1. Xukmane Xasan Jaamac Maxamed 2. Xukmane Liibaan Aadan Muuse 3. Xukmane Barkhad Cawil Xirsi 4. Xasan Muuse Axmed 5. Xukmane Cabdiqaaliq Warsame Barre 6. Xukmane Cadde Cabdullaahi Maxamed 7. Xukmane Maxamed Cabdisalaan Axmed 8. Xukmane Cabdiraxmaan Faysal Salaad 9. Xukmane Cabdiqani Farxaan Cabdullaahi iyo 10. Xukmane Cabdisalaan Sahal Shucayb. The post PUNTLAND oo amartay in aragti lagu toogto saddex nin oo… appeared first on Caasimada Online.

Hargeisa (HOL) — Somaliland President Muse Bihi Abdi has criticized the Turkish government for supporting Somalia after what he described as its failure to mediate reunification talks between Somalia and Somaliland. Source: Hiiraan Online

Waxaa maanta xarunta howlgallada wadajirka ah ee Ciidanka Xoogga Dalka ka qabsoomay shirka arrimaha horumarinta Ciidanka iyo saaxiibada Soomaaliya ka taageera arrimaha Ciidamada, wyxuuna kulankaani ahaa midkii 6-aad ee looga hadlayay sidii loo dardargelin lahaa horumarinta Ciidanka XDS iyo la dagaalanka Argagaxisada. Shirka waxaa taliska Ciidanka XDS uga qeyb galay taliyaha Ciidanka Gaarka ah , taliyaha taliska tababarada, taliyaha sahanka iyo sirdoonka, taliska taakuleynta iyo hoggaanka qorsheynta. kulanka ayaa waxaa looga hadlay dhisidda awoodaha Ciidanka ,horumarintiisa, dardargelinta dagaalka, tababaridda iyo diyaarinta colalka qeybaha Ciidanka Xoogga Dalka Soomaaliyeed,taageerada howl-gallada ,mudnaan siinta mashaariicda horumarineed, isku duwidda iyo is-waafajinta horumarinta mashaariicda loogu talagalay Ciidanka XDS. Source: goobjoog.com

455800888_806207338378315_701263017748725902_n Qaran News

Kismaayo (Caasimada Online) – Maamulka Jubbaland ayaa noqday maamul goboleedkii ugu horreeyay ee ka horyimaada go’aanka dowladda federaalka ee ku aadan qaadista cabshuuraha iibka oo ay wasaaradda maaliyadda Soomaaliya ku dhowaaqday inay bilaabi doono maalinta berri ah, taas oo dhan 5%. Wasaaradda maaliyadda Jubbaland oo warsaxaafadeed soo saartay ayaa sheegtay in aanay qayb ka ahayn tallaabadan,waxayna sheegtay in aan la tashi lagala sameynin. Jubbaland ayaa shaaca ka qaaday inay leedahay xeerar iyo nidaam u gaar ah canshuuraha, kaas oo la ansixiyay 2023-kii, isla markaana ay kaas ku dhaqmeyso. Sidoo kale waxay ganacsatada Jubbaland ku wargelisay in uusan khuseyn go’aanka soo baxay, ayna sidooda u wataan howlahooda ganacsi. “Wasaaradda maaliyadda Jubaland waxay ogeysiineysaa dhammaan ganacsatada reer Jubaland in aysan khuseyn fulinta warqadda kasoo baxday waaxda dakhliga DFS, sidaas daraadeed waxaan ganacsatada reer Jubaland lagu wargelinayaa inay kusii shaqeeyaan oo kaliya qaababkii canshuur bixinta ee wasaaradda maaliyadda Jubaland ay horay usoo saartay” ayaa lagu yiri go’aanka kasoo baxay maamul goboleedka Soomaaliyeed ee Jubbaland. Tallaabadan ayaa kusoo aadeyso, iyada oo Khamiistii dowladda federaalka Soomaaliya ay ku dhowaaqday in maalinta Axadda ee taariikhdu ku beegan tahay 18/08/2024 ay bilaabaneyso inay dowladda si toos ah u jarato canshuurta iibka. Canshuurtan oo dhan 5% ayey sheegtay dowladda inay kala baxeyso koontooyinka ganacsi, isla marka uu macluumka uu bixiyo adeega uu iibsanayo, ayada oo lacagta canshuurta iibka lagu dalacayo muwaadiniinta. Si kastaba, arrimahan aya kusoo beegmaya xilli ay weli dowladda iyo ganacsatada isku fahmi la’yihiin canshuurtan jarashadeeda loo marayo koontooyinkooda ganacsi, taas oo dhinaca kalena culeys horleh ku ah bulshada caasimadda ee aan helin adeeg dowladeed. The post Maamul goboleedkii ugu horreeyay oo ku gacan seeray go’aanka DF appeared first on Caasimada Online.

An8oieNzI71oCf6omDFvYMDxkEB009WUQ2LKkNxT7GdjWrkEfzkFGp3OoZrGOXm3BeSRpw1E5CyD4PkyAdEAqQ Qaran News

Ururka Horseed ee gudoomiyaha u ahaa Cabdilaahi Darawal ayaa gabi ahaanba ka hadhay u tartanka in uu ka mid noqdo asxaabta xisbiyada qaranka ee la filaayo in ay mar la qabsoonto doorashada madaxweynaha ee 13ka bisha November ee sanadkani. Qoraal uu ururka horserd soo saaray oo ka.koobnaa laba bog waxa uu u dhignaa sidani hoos ku xusan Qaran News

Muqdisho (Caasimada Online) – Warar kala duwan ayaa kasoo baxaya khasaaraha ka dhashay qarax goordhow ka dhacay qaybo kamid ah magaalada Muqdisho, kaas oo gaystay khasaare isugu jiro dhimasho iyo dhaawac. Qaraxa oo ahaa miino ayaa si gaar ah uga dhacay goob maqaayad ah oo ku taalla halka loo yaqaano bo Raanabootka oo u dhaw xarrunta degmada Dayniile ee gobolka Banaadir. Ku dhowaad 10 ruux ayaa dhimasho iyo dhaawac ku noqday qaraxan, kuwaas oo ku sugnaa maqaayadda la qarxiyay, sida ay innoo sheegeen dad goobjoogayaal ah. Weerarkan qaraxa ah ayaa kusoo aadayo, ayada oo Muqdisho ay ka taagan tahay xaalad cabsi ah oo ku aadan weeraro laga digayo inay ka fuliyaan maleeshiyaadka Al-Shabaab. Kooxda reer galbeedka ee deggan Xalane iyo Qaramada Midoobay ayaa mar kale digniin culus kasoo saaray weeraro qaraxyo ah oo ka dhaca magaalada Muqdisho, waxayna sheegeen inay heleen digniin cusub oo ku aadan in caasimada ay ku jiraan gawaari ay ka buuxaan walxaha qarxa, isla markaana la qorsheyneynayo in lagu fuliyo weeraro cusub. Digniinta ayaa waxaa lagu sheegay in meelaha la bartimaameedsan karo ay ku jiraan baraha koontarool ee laga ilaaliyo xarunta madaxtooyada, hoteellada ku yaalla caasimada, baraha koontarool ee KM4, waddada Maka Al-mukarama, gaar ahaan Dabka iyo xeebta Liido ee degmada Cabdicasiis. Shacabka ayaa sidoo kale looga digay inay tegaan goobahaasi oo ay suuragal tahay in maalmaha soo socda ay beegsato kooxda Al-Shabaab, sida ay muujineyso digniinta. Horay ayaa sidaan oo kale looga digay weeraro qaraxyo ah oo ka dhacay Muqdisho, waxaana mar-walba oo ay soo baxaan digniinahan inta badan dhaca weeraro, inkastoo mararka qaar meelaha laga digay aanay ka dhicin ee la beegsado goobo kale. The post Faah-faahinta qarax maanta ka dhacay magaalada Muqdisho appeared first on Caasimada Online.

455341011_2156876911353082_5206810842060262937_n Qaran News

Addis Ababa (Caasimada Online) – Wasaaradda arrimaha dibadda ee Itoobiya ayaa markii ugu horreysay si adag uga hadashay arrimo ku aadan howlgalka cusub ee la qorsheynayo in Midowga Afrika uu Soomaaliya ka bilaabo sanadka soo socda ee 2025. Afhayeenka wasaaraddda arrimaha dibadda Itoobiya oo shir jaraa’id ku qabtay Addis Ababa ayaa soo saaray digniin culus oo la xiriira howlgalkaas, wuxuuna jeediyay in laga fiirsado waddamada kuu biirayo oo ay kamid tahay Masar oo ay haatan is hayaan Itoobiya. “Soomaaliya dowladdeeda ayaa go’aanka iska leh cidda ay doonto inay la gasho heshiis dhinaca amniga ah sababtoo ah waxay horay heshiis amni ula gashay dowlado kale oo ay kamid ah yihiin Itoobiya Uganda, Kenya iyo Imaaraadka Carabta” ayuu yiri. Afhayeenku wuxuu hoosta ka xariiqay inay haboon tahay in si aad ah looga fiisado ciidamada cusub ee lagu biirinayo howlgalkan, si looga digtoonaado colaad horleh ka abuuranta gobolka Geeska Afrika. “Waxaan soo jeedineynaa oo dowladda Itoobiya ay aamisan tahay in lasoo jeediy talada ah in aad looga fiirsado howlgalka Midowga Afrika ee Soomaaliya ka bilaabanaya sanadka dambe, dalalka ciidamada ku yaboohaya in aad loo fiirsado” ayuu sii raaciyay. Sidoo kale wuxuu ku goodiyay haddii ay dareemaan halis inay si toos ah usoo farogelin doonaan arrimaha gudaha ee Soomaaliya, sida uu hadalka u dhigay. Waxaa kale oo uu intaasi ku daray haddii arkaan qatarka kooxda Al-Shabaab in sidoo kale ciidamadooda ay soo geli doonaan gudaha Soomaaliya, si au difaacaan amniga dalkooda. Hadalkan ayaa kusoo aadayo, ayada oo haatan ay taagan tahay xiisad xoogan oo u dhexeyso dalalka Soomaaliya iyo Itoobiya, taas oo ka dhalatay heshiiska badda. Si kastaba, waxaa la filayaa in dhowaan ay dalka ka baxaan ciidamada ATMIS oo ay qab ka yihiin kuwa Itoobiya, waxaan marka la gaaro bisha Jannaayo howlaha nabad ilaalinta Soomaaliya la wareego howlgal cusub oo mar kale hoostagi doono Midowga Afrika The post Itoobiya oo Soomaaliya uga digtay qorshe socda oo qeyb ka tahay Masar appeared first on Caasimada Online.