Waa Guddoomiyaha Ololaha Kulmiye ee hadda, markanna Xamar buu ka hadlayaa oo uu olole ugu jiray inuu Senator noqdo, wuuna noqday! Daawo VID-20240929-WA0006 Qaran News

Muqdisho (Caasimada Online) – Madaxweynaha Soomaaliya Xasan Sheekh Maxamuud ayaa maanta daah-furay shirka sannadlaha ah ee Midowga Bangiyada Soomaaliyeed. Shirkan oo sanadle ah ayaa diiradda lagu saaraya maalgashig, kobcinta kaabayaasha dhaqaalaha iyo talooyinka ku aaddan dib u habaynta nidaamka maaliyadeed ee dalka. Madaxweynaha ayaa ku boggaadiyey ganacsatada Soomaaliyeed dadaalkooda ku aaddan horumarinta dalka, waxa uuna ku adkeeyey in ay mas’uuliyad gaar ah iska saaraan bixinta canshuuraha, ilaalinta shuruucda dalka iyo xoojinta dowladnimada, si loo helo nabad-galyo waarta oo horseedda horumar ganacsi iyo maalgashi caalami ah. “Dowladnimo waa qawaanin iyo dhaqan-gelinta sharciyada, si taas loo helo waa inaad bixisaan canshuurta, dowladdu ma shaqeyn karto canshuur la’aan, bangiyada iyo hay’adaha isgaarsiinta waan bogaadinayaa laakin waxaan ku adkeeynaya ganacsatada in ay bixiyaan canshuurta oo aysan ka dhuuman hannaanka iyo xeerka loo dejiyey,” ayuu yiri madaxweyne Xasan Sheekh. Madaxweynaha ayaa uga digay ganacsatada inay isku-dayaan ka dhuumashada canshuurta ay dowladda soo rogtay, “haddii laga dhuunto waa tuuganimo iyo danbi waana lagugu ciqaabaya, sax ma ahan inaad badasho lambarka Merchant-ga, ogaada canshuurta shacabka ayaa bixiyo idinkuna fududeeyayaal ayaa tihiin, waxaana lagu qabanaya canshuurta adeegyada bulshada iyo sugidda amniga.” Madaxweynaha ayaa sidoo kale wuxuu dul istaagay caqabadihii kala duwana ee laga soo maray, si loo soo gaaro marxaladdan ayaa tilmaamay in dowladda Soomaaliya ahmiyadda gaar ah ay siisay dhisidda hay’addaha muhiimka u ah horumarinta bangiyada iyo hirgelinta xeerarka hagaya. Tan ayuu madaxweynaha sheegay inay sahashay kalsoonida lagu qabo shaqadooda iyo guusha weyn ee suurta-galisay qabsoomidda shirkan sanadlaha ah ee Midowga Bangiyada Soomaaliyeed. “Kalsoonidii caalamka ee ku aaddanayd nidaamkeenna dowladeed waa wanaagsan yahay. Bangiyada waxaa looga baahan yahay in iyaguna kalsoonida ay ku qabaan maalgashiga iyo shacabka Soomaaliyeed oo ay xoojiyaan Sharciyada iyo nidaamyada hagaya dhaqaalaha iyo maalgashiga waxaan ku wadnaa dib u habayn.” The post Sawirro: Xasan Sheekh oo shir muhiim ah ka furay Muqdisho, digniina u diray… appeared first on Caasimada Online.

Ayadoo ay saacadihii la soo dhaafay warbaahintu warinaysay warar ku saabsan xaaladda Caafimaad ee madaxweynaha Jabuuti, islamarkaana xogaha qaar ay tilmaameen inuu madaxweynuhu geeriyooday, ayay dowladda dalkaas arrintaas faahfaahin ka bixisay. Masuuliyiin ka tirsan dowladda Jabuuti oo uu kamid yahay wasiirka Maaliyadda mudahe ilyees Muuse Dawaale ayaa sheegay in madaxweynaha xaaladdiisu ay aad u wanaagsantahay, islamarkaana xanuunkiisu uu yahay mid jilibka midig ku kooban ee aanu dhibaato kale qabin. “Madaxweynuhu wuu shaqaynayaa, aad buuna u wanaagsan yahay, waad necbaan kartaa hoggaamiye ilaa heer aad dhimasho ku tilmaanto qof muslim ah, haa jilibka midig waa ka xanuunsaday waa bin’adan” ayuu yiri wasiir Ilyaas Dawaale. Si kastaba ha ahaatee masuuliyiinta Jabuuti xog intaas dhaafsan oo ku saabsan xilliga madaxweynuhu uu dalka ku soo laabanayo iyo haddii uu qalliin galay ma aanay bixin. Source: goobjoog.com

Muqdisho (Caasimada Online) – Maamulka gobolka Banaadir ayaa maanta soo saaray amar cusub oo qoysaska iyo dadka rayidka ah ee ku nool magaalada Muqdisho lagu furayo inay isdiiwaan-geliyaan. Afhayeenka maamulka gobolka Banaadir, Saalax Xasan Cumar oo maanta shir jaraa’id ku qabtay xarunta dowladda hoose ee Xamar ayaa ku dhawaaqay in ay billaabayaan diiwaan-galintan ku cusub caasimadda. “Maamulka gobolka Banaadir markii ay arkeen tiro koob la’aanta ka jirta dalka, gaar ahaan caasimadda si loo helo xog sugan oo la xiriira waxaa la billaabaya diiwaan-galinta,” ayuu yiri afhayeenka maamulka gobolka Banaadir. Waxa uu intaas kusii daray “Qoys kasta waxaa laga rabaa in ay soo gudbiyaan tirada carruurta, oo ay kamid yihiin magacyadooda, kuwa labada waalid, meelaha ay ku dhasheen iyo xogta cid kasta oo la nool qoyska iyo guud ahaan dhacdooyinka kusoo kordha sida; dhalasho cusub, dhimasho iyo ka guurid goobta ay degan yihiin.” Sidoo kale waxa uu sheegay afhayeenka maamulka gobolka Banaadir in amarkaan uu dhaqan-gali doono 1-da bisha soo socota ee October. Afhayeenka ayaa tilmaamay in diiwaan-gelinta qoyska uu ka caawin doono qoysaska degan caasimadda inay helaan adeegyo dowladood oo ay kamid yihiin helitaanka adeegyada aas-aasiga ah ee dadweynaha oo ay kamid tahay daryeelka caafimaadka. Tallaabadan ayaa la rumeysan yahay inay wax badan ka tari doonto sugnaanta xogta iyo inay adkaato in qofka ka been sheego diiwaankiisa, waana mid aad loogu baahna haddii uusan noqon mashruuc cusub oo shacabka lacag looga aruursanayo. The post Maamulka gobolka Banaadir oo amar cusub kusoo rogay dadka ku nool Muqdisho appeared first on Caasimada Online.

Djibouti (HOL) — Djibouti's Minister of Economy and Finance, Ilyas Moussa Dawaleh, dismissed reports suggesting President Ismail Omar Guelleh was critically ill after being hospitalized on Saturday. Source: Hiiraan Online

Nairobi (Caasimada Online) – Khilaafka u dhaxeeya madaxweynaha Kenya iyo ku-xigeenkiisa ayaa gaaray meeshii u xumeyd, kadib markii Rigathi Gachagua oo ah madaxweyne ku xigeenka Kenya uu shaaciyay in Ruto uu wado qorshe xilka looga xayuubinayo. Mr. Rigathi Gachagua ayaa ku eedeeyay madaxweyne William Ruto inuu gadaal ka riixayo mooshin la doonayo in isaga xilka looga qaado, isagoo sheegay in xildhibaanada baarlamaanka loo soo badhigay midkiiba 5 milyan oo shilin, si ay u taageeraan xil ka qaadista isaga ka dhanka ah. Xildhibaanada baarlamaanka Kenya qaarkood ayaa iska diiday inay qaataan lacagtaasi si ay u meel-mariyaan rabitaanka Ruto, sida uu warbaahinta maxalliga u sheegay Rigathi Gachagua. “Isku-deygaas marnaba hakad gelin maayo dadaalkeyga ku aaadan in aan u ololeeyo danaha shacabkeygii i doortay,” ayuu yiri madaxweyne ku-xigeenka Kenya oo si weyn u weeraray William Ruto. Hadalka Gachagua ayaa imanaya xilli ay soo baxayaan warar sheegaya in mooshinka ka dhanka ah madaxweyne ku-xigeenka la horgeyn doono baarlamaanka 1-da bisha 10-aad oo ku aadan maalinta Talaadada ee toddobaadkan, iyadoo saxiixyo kor u dhaafaya 300 la aruuriyay. Gachagua ayaa lagu eedeeyay inuu ku kacay siyaasad ku salleysan kala qaybin, wiiqidda shaqada madaxweynaha iyo inuu qayb ku lahaa kacdoonadii looga soo horjeeday sharciga canshuur kordhinta ee dalkas ka dhacay bilihii lasoo dhaafay. Si xilka looga qaado madaxweyne ku-xigeenka waa in la helo ugu yaraan saddex-meelood laba meel xubnaha labada aqal ee baarlamaanka, kuwaas oo “Haa” ugu codeeya mooshinka xil ka qaadistiisa. 1989-kii ayey aheyd markii ugu dambeysay ee madaxweyne ku-xigeen Kenya ah xilka looga xayuubiyay eedeymo lamid ah kuwa Gachagua uu wajahayo, waxaana si dhow isha loogu hayaa go’aanka uu baarlamaanka ka gaari doono mooshinkan. The post Khilaafka RUTO iyo ku-xigeenkiisa oo meel xun gaaray – Maxay isku hayaan? appeared first on Caasimada Online.

Dowladda Jabuuti ayaa beeniyay warar ku saabsan caafimaadka madaxweyne Ismaaciil Cumar Geelle oo saacadihii la soo dhaafay lagu faafiyay baraha bulshada. Dowladda Jabuuti ayaa sheegtay in uu wanaagsan yahay Caafimaadka madaxwayne Ismaaciil Cumar Geelle kadib markii ay saacadihii lasoo dhaafay soo baxeen wararkaasi ka deyrinaya xaaladiisa caafimaad. Wasiirka Maaliyadda Jabuuti Ilyaas Muuse Dawaale ayaa xaqiijiyay in uu caafimaad qabo madaxweyne Geelle balse xanuun ka dareemayo jilibka midig inkastoo uusan faahfaahin ka bixin xanuunkaasi. “Madaxweynuhu wuu shaqaynayaa, aad buuna u wanaagsan yahay, waad necbaan kartaa hoggaamiye ilaa heer aad dhimasho ku tilmaanto qof muslim ah… haa jilibka midig waa ka xanuunsaday waa bin’adan” ayuu yiri wasiir Ilyaas Dawaale. PUNTLAND POST The post Dowladda Jabuuti oo beenisay warar laga faafiyay Caafimaadka madaxweyne Ismaaciil Cumar Geelle appeared first on Puntland Post.

Muqdisho (Caasimada Online) – Madaxweyne Xasan Sheekh ayaa fasaxay magacaabista saddex siyaasi oo reer Puntland ah 72 saac ee lasoo dhaafay. Waxaa ku jira taliyihii hore ee ciidanka PSF Asad Cusmaan Diyaano iyo wasiirkii hore ee amniga Puntland Cabdisamad Maxamed Gallan. Magacaabistan waxay 72 saac ka dambeysay baaq nabadeed oo Saciid uu kasii diray magaalada Garoowe, isagoo dalbanaya in dowladda federaalka ah fagaare ku wada hadlaan. Xasan Sheekh oo aan ka jawaabin baaqii Deni ayaa bixiyay kuraas uu billooyin kahor siiyay xubno reer Puntland ah. Waxaa durba lala aaday in uusan Xasan diyaar u aheyn inuu Deni la heshiiyo, maadaama uu xilal siiyay mucaaradka Saciid Deni, laakiin xaajadu halkaa ma jirto. Dhowr arrimood in la fahmo waa muhiim. 1. Dalabka wada-hadalka Farriinta wada-hadalka ee ka timid Deni iyo aqbalaada Xasan Sheekh midna khiyaarkooda ma ahan ee waa cadaadis ka yimid beesha caalamka. Inay diidaan ama kulmaan waxaa laga eegaya dhinaca Xalane. 2. Xilal bixinta Xasan Sheekh Madaxweyne Xasan Sheekh tan iyo markii uu xafiiska kusoo laabtay majiro hoggaamiye gobolleed laga talo-geliyay xilalka la siinayo dadka kasoo jeeda maamulkiisa. Madaxda Jubbaland, Koonfur Galbeed, Galmudug iyo HirShabelle midna lagalama tashado wixii federaalka laga siinayo dadka kasoo jeeda deegaanadooda. Deni waa lamid, sidaas awgeed iskuma xirnaan karo magacaabisyadan qorsheysnaa iyo wada-hadalka Deni iyo Xasan Sheekh. Haddii la yiraahdo waa xubno mucaarad ku ah Saciid Deni, sidoo kale xubnaha federaalka xilalka ka haya ee kasoo jeeda Koonfur Galbeed iyo Galmudug waa kuwo mucaarid ku ah Qoor-Qoor iyo Lafta-gareen, sidaas awgeed isma quseeyaan 3. Bixin qorsheyneyd iyo wada-hadalka Saciid Deni waa ogaa in Xasan Sheekh xilal u ballan-qaaday Asad Diyaano, Gallan iyo xubno kale oo reer Puntland ah. Waxaa kasii horeeyay Cali Xoosh oo laga dhigay wasiirka arrimaha gudaha ee dowladda federaalka ah, kaas oo isna kamid ah mucaaradka Saciid Deni. Ballan qorsheysneyd dalabka Deni kahor in loo bur-buriyo baaqaas dhaqan ahaan iyo siyaasad ahaan midna sax ma ahan. 4. Wada-hadal cusub iyo shuruudo cusub Saciid Deni iyo Xasan Sheekh colaadooda waxay la xiriirtay kursiga ra’iisul wasaaraha, laakiin hadda waxaa lasoo gaaray waqtigii laga hadli lahaa doorashada dalka. Deni wuxuu rabaa in arrinta doorashada iyo dastuurka laga heshiiyo. Shuruudihiisa hadda kuma dhiso karo xilal xubno reer Puntland ah laga siiyay dowladda federaalka ah. Haddii uu Saciid Deni weli leeyahay damac madaxweyne Soomaaliyeed ah waa inuu dooddiisa sal uga dhigaa arrimaha doorashooyinka iyo dastuurka. 5. Dabacsanaan guud Soomaaliya waxay taagan tahay isgoys halis ah, waa xilligii loogu baahida badnaa midnimo iyo wada-jir. Labada nin ee Xasan Sheekh iyo Saciid Deni waa inay dabacsanaan u muujiyaan danta dalka iyo midnimada umadda, oo meesha laga saara qodobadda yaryar ee la xiriira danaha shaqsiga ah. The post Halka ay iska qaadan karaan tallaabooyinki u dambeeyay ee Xasan Sheekh iyo baaqii DENI appeared first on Caasimada Online.

461611153_514002978019042_840733896747238644_n Qaran News

461491978_518705774210547_7660460325462096046_n Qaran News

461477618_1717911828613992_2775150876535212654_n Qaran News

“Saaka waxa aan safar jarmaado ah ku tegay Xabsiga weyn ee Mandheera oo uu ku xidhan yahay halgamaa shacab Xildhibaan Maxamed Abiib . Xildhibaanka oo aan la kulmay waxa aan ka xaal wareystay xaladdiisa caafimaad, bad-qabkiisa iyo qaabka loola dhaqmo, Xisbi ahaan iyo Musharrax ahaanna waxa aan u caddeeyey inuu caddaalad heli doono, sharci darro iyo dastuur jabinna uu ku xidhan yahay, Somaliland oo dhamina ay xadhigiisa ka gilgilatay. Xildhibaan Abiib, waa shakhsiyad keenadiid ah, dulmidiid ah, oo u ah bulshada reer Somaliland caroogga iyo codkooda dheer, ma istaahilo mana mudnayn in afka laga xidho codkaas oo ku fadhiya matalaad reer AWDAL ah, waxa aan ku baaqeynaa in Xildhibaanka degdeg xorriyaddiisa loogu soo celiyo “Musharraxa Madaxweyne ee Xisbiga WADDANI Dr Cabdiraxmaan Maxamed Cabdillaahi Cirro . Qaran News

Hargeysa (Caasimada Online) – Musharraxa Xisbiga Wadani ee Somaliland, Mudane Cabdiraxmaan Cirro ayaa maanta qaaday tallaabo la xiriirta xarigga xildhibaan Maxamed Abiib oo ka tirsan Golaha Wakiilada, wuxuuna ku booqday halka uu ku xiran yahay. Cabdiraxmaan Cirro oo warsaxaafadeed soo saaray ayaa ka warbixiyay xaaladda xildhibaanka, wuxuua sheegay inuu ugu tegay xabsiga wayn ee Mandheera. “Saaka waxa aan safar jarmaado ah ku tegay Xabsiga weyn ee Mandheera oo uu ku xidhan yahay halgamaa shacab Xildhibaan Maxamed Abiib” ayuu yiri musharraxa Wadani. Cirro ayaa u ballan qaaday Maxamed Abiib inuu garab istaagi doono ka xisbi ahaan iyo musharrax ahaanba, si uu u hello cadaalad. Sidoo kale wuxuu intaasi ku daray in la sameeyay dastuur jabin, isla markaana xarigga xildhibaanka ay ka xumaadeen guud ahaan ummadda reer Somaliland. “Xildhibaanka oo aan la kulmay waxa aan ka xaal wareystay xaladdiisa caafimaad, bad-qabkiisa iyo qaabka loola dhaqmo, Xisbi ahaan iyo Musharrax ahaanna waxa aan u caddeeyey inuu caddaalad heli doono, sharci darro iyo dastuur jabinna uu ku xidhan yahay, Somaliland oo dhamina ay xadhigiisa ka gilgilatay” ayuu markale yiri musharraxa Cirro. Waxaa kale oo uu tilmaamay in ujeedka arrintan ka dameysa ay tahay in afka la qabto xildhibaan Maxamed Abiib oo uu u amaanay inuu yahay xildhibaan codkar ah, dulmidiid ah. “Xildhibaan Abiib, waa shakhsiyad keenadiid ah, dulmidiid ah, oo u ah bulshada reer Somaliland caroogga iyo codkooda dheer, ma istaahilo mana mudnayn in afka laga xidho codkaas oo ku fadhiya matalaad reer AWDAL ah, waxa aan ku baaqeynaa in Xildhibaanka degdeg xorriyaddiisa loogu soo celiyo” ayuu kusoo gabagabeeyay qoraalkiisa. Abiib oo muddo xiran ayaa xilliga la xirayay ka yimid dalka Isu Tegga Imaaraadka Carabta, waxaana qabtay sirdoonka Somaliland oo kadib xabsiga u taxaabay. Xildhibaan ayaa waxa ay is hayaan madaxweyne Muuse Biixi Cabdi , waxaana dhowaan xeer-ilaalinta Somaliland ay ka gudbisay dacwad ku aadan maamuus ka xayuubin, si loo wajaho eedeymo loo soo jeediyay, balse waxaa taas diiday Golaha Wakiilada Somaliland. The post War cusub oo kasoo kordhay xarigga Xildhibaan Maxamed Abiib appeared first on Caasimada Online.

Ciidanka Xoogga Dalka Soomaaliyeed ayaa howlgal qorsheysan oo ka dhan ah Kooxda Alshabaab ka fuliyay deegaannada dhaca Waqooyiga Gobolka Baay, gaar ahaan waddooyinka isku xira Gobollada Baay, Bakool iyo Gedo. Taliyaha Guutada 8aad ee qeybta 60aad ee Ciidanka Xoogga Dalka dhame Axmed Macalin Cabdiraxmaan (Axmed dheere) ayaa xaqiijiyay in mudadii ay ciidanku howlagalka qorsheysan wadeen ay burburiyeen fariisimo ay Alshabaab halkaas ku lahaayeen. Howlgallada ka dhanka ah kooxda Alshabaab ayaa ka socda deegaanno badan oo kamida gobollada dalka, kuwaas oo ay wadaan Ciidanka Xoogga Dalka iyo kuwa deegaanku. Source: goobjoog.com

Magaalada Muqdisho ayaa la filaayaa in uu ka furmo maalmaha soo socda shirka golaha wadatashiga qaran oo ka kooban dawlada federaalka, madaxda dawlad goboleedyada iyo Gobolka Banaadir. Shirkaan waxaan ka qeyb gali doonin maamulka Puntland oo labadii Shir ee hore ka maqnaa. Magaalada Muqdisho ayaa lagu waddaa in ay soo gaaraan madaxweynayaasha dawlada goboleedyada Jubaland, Hirshabeelle, Galmudug iyo Koonfur Galbeed Villa Somalia ayaa ajandaha shirka ku sheegtay in looga arrinsanyo arrimo masiiri ah oo ay kamid yihiin dhameystirka dastuurka , Doorashooyinka la dagalaanka Al-shabaab. Shirkaan oo uu Gudoomin doonna Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa sidoo kale looga hadli doonnaa sidii loo adkeyn lahaa amniga deegaanadii laga xoreeyay Shabaab iyo sii amba qaadida howlgalka. Source: goobjoog.com

Muqdisho (Caasimada Online) – Madaxweynaha Soomaaliya, Mudane Xasan Sheekh Maxamuud oo wareysi gaar ah siiyay Telefeshinka Al-jazeera ayaa shaaca ka qaaday in Itoobiya ay qabsatay qayb kamid ah Soomaaliya, kadib heshiiskii badda ee ay la gashay Somaliland. Xasan Sheekh ayaa si toos ah u carab baabay ciidamada Itoobiya ee jooga Gedo, wuxuuna sheegay inay qabsadeen garoomada iyo waddooyinka muhiimka ah ee gobolkaasi. Sidoo kale wuxuu Itoobiyaanka ku eedeeyay inay hub soo geliyeen gudaha Soomaaliya, isla markaana ay ku wareejiyeen maleeshiyaad qabaa’il oo gudaha ku sugan. Madaxweynaha ayaa sheegay in dhammaan tallaabooyinkan ay bannaanka keeneen farogelin uu tilmaamay in weligeed ay Itoobiya ku haysay arrimaha gudaha Soomaaliya. Inta uu ku guda jiray wareysiga waxaa kale oo uu madaxweynhu meel adag ka istaagay heshiiska badda ee dhaliyay xiisadda haatan u dhexeyo labada dowladood. “Itoobiya kaliya ma sheeganaysaa waxa ku qoran MOU-ga, waxay sannado badan faragalin ku heysay arrimaha gudaha ee Soomaaliya, tan iyo markii ay Itoobiya saxiixday MOU-ga waxay hubeysay, in ka badan 1,000 maleeshiyo oo iskugu jira qabaa’ilo iyo kooxo, meel kasta Koonfurta ah maanta waxaa laga helayaa oo yaala hub ay bixisay Itoobiya, waxayna qabsatay Itoobiya si gaar ah gobalka Gedo garoomadii diyaaradaha ee kuyaalay, waxayna ku dooday in ay difaacayso amniga Soomaaliya, ma garanayo sharciyada iyo qaynuunka caalamiga ah ee ay Itoobiya cuskanayso” ayuu yiri Madaxweyne Xassan Sheekh. Hadalkan ayaa kusoo aadayo, ayada o muddooyinkii u dambeeyay Itoobiya ay dhaq-dhaqaaq ka waday gobolka Gedo iyo deegaano ka tirsan Koonfur Galbeed, halkaas oo ay soo gelisay ciidamo dheeraad ah, kadib markii ay sii laba qarxay xiisadda labada waddan. The post Madaxweyne XASAN oo shaaciyay in Itoobiya ay qabsatay garoomada GEDO iyo… appeared first on Caasimada Online.

Wararka ka imaanaya garoonka diyaaradaha magaalada Boosaaso ee xarunta gobolka Bari ayaa sheegaya in saaka halkaasi laga dejiyay hub iyo saanad ciidan. Laba diyaaradood oo siday hub iyo saanad ciidan ayaa aroornimadii hore ee saaka ka degay garoonka diyaaradaha Boosaaso sida ay Puntland Post u sheegeen ilo wareedyo dhinaca amniga ah. Inta badan shaqaalaha ayaa sida wararku tibaaxayaan laga saaray gudaha garoonka diyaaradaha Boosaaso halka in yar oo ku hartayna taleefonnada laga ururiyay markii ay dagayeen diyaaradaha hubka siday. Xog kooban oo aan ka helnay saraakiil ciidan ayaa xaqiijinaysa in hubka saaka lagu keenay labada diyaaradood ee laga dejiyay garoonka diyaaradaha Boosaaso uu yahay mid ay Puntland ka soo iibsatay dowladda Itoobiya. Balse faahfaahin intaasi ka baxsan lagama hayo hubkani laga dejiyay garoonka Boosaaso islamarkaana weli si rasmi ah ugama hadal xukuumadda Puntland. PUNTLAND POST The post Puntland oo hub iyo Saanad ciidan saaka kala degtay garoonka diyaaradaha Boosaaso appeared first on Puntland Post.

Muqdisho(Caasimada Online) – Madaxda dowlad goboleedyada dalka ayaa la filayaa inay maalmaha soo socda soo gaaraan magaalada Muqdisho, si ay uga qayb-galaan Shirka Golaha Wadatashiga Qaran oo lagu wado in horaanta bisha October uu ka dhaco Muqdisho. Shirkan oo ah mid xasaasi ah ayaa waxaa ka qayb-geli doono madaxda sare ee dowladda dhexe iyo hoggaamiyeyaasha maamul goboleedyada, marka la reebo Puntand. Villa Soomaaliya ayaa haatan wadda qorshe culus oo ku aadan sidii uu qabsoomi lahaa shirka, waxaana ajendaha ugu wayn uu yahay doorashada oo ay dhinacyadu ku kala aragti duwan yihiin. Shirka ayaa in muddo ah wajahayay caqabad xoogan oo ka imaaneysay maamullada qaar kamid ah, sida Jubbaland iyo Koonfur Galbeed, wuxuuna dib u dhacay dhowr jeer labadii bilood ee lasoo dhaafay. Madaxda dowladda federaalka ayaa sidoo kale juhdi badan gelisay, welina aan ka daalin, sidii shirka la isugu keeni lahaa madaxda dowlad goboleedyada dalka. Madaxda shirkaas ka meer meereysay inay ka soo qeyb galaan waxaa kamid ah Madaxweynaha Jubbaland Axmed Madoobe, balse hadda waxaa la sheegay inuu qorsheystay inuu ka soo qeyb galo. Maalmaha soo socda waxaa lagu wadaa in Axmed Madoobe uu yimaado Muqdisho, si shirka golaha wadatashiga qaranka uu uga qeyb galo, isaga oo shalay uun kasoo laabtay safar dalka dibaddiisa ah, kadibna dib ugu laabtay fadhigiisa magaalo xeebeedka Kismaayo. Cabdicasiis Laftagareen ayaa isna kamid ah madaxda diidan inay magaalada Muqdisho yimaadaan, balse dowladda federaalka Soomaaliya ayaa weli ku dadaaleysa xalka iyo in shirkaasi dhaco, si talo mideysan looga yeesho arrimaha masiiriga ah ee waddanka. Shirka ayaa kusoo aadayo xilli xasaasi ah, isla markaana ay taagan tahay xiisad culus oo gudaha iyo dibadda ah, taas oo maareynteeda looga baahan yahay madaxda shireysa. The post Madax goboleedyada oo kusoo jeeda Muqdisho iyo qorshe culus oo socda appeared first on Caasimada Online.

Mogadishu (HOL) — Somali security forces dismantled several al-Shabab courts during a military operation in the Lower Shabelle region on Saturday, targeting the group's illegal checkpoints and fake judicial systems. Source: Hiiraan Online

New York (Caasimada Online) – Wasiirka arrimaha dibadda Itoobiya Taye Atske-Selassie oo khudbad xasaasi ah ka jeediyay shirka golaha loo dhan yahay ee Qaramada Midoobay ayaa dab kusii shiday xiisadda diblumaasiyadeed ee haatan kala dhexeyso Soomaaliya. Taye Atske-Selassie ayaa ka dhawaajiyay hadallo kul-kulul oo ka dhan ah Soomaaliya, wuxuuna tilmaamay in dhammaan sheegashada Soomaaliya iyo eedeymaha ay u jeedineyso xukuumadda Addis Ababa ay yihiin kuwo aan sal iyo raad toona lahayn. Sidoo kale wuxuu ugu baaqay dowladda federaalka inay iska ilowdo heshiiska badda ee ay galeen Itoobiya iyo Somaliland, taas beddalkeedna ay xoogga saarto arrimaheeda gudaha. Wasiirka arrimaha dibadda Itoobiya ayaa heshiiska badda ku macneeyay inuu ku saleysan yahay hannaan looga gol leeyahay in lagu hormariyo kobaca gobolka, sida uu ku dooday. “Sidaas darteed, waxaan diiday eedeymaha aan sal iyo raad toona lahayn ee dalkayga loo jeediyay. Magaca Itoobiya marna lama xiriirin karo eedeymahan midkood.” ayuu yiri Taye. Waxaa kale oo uu intaasi kusii daray in Soomaaliya ay isku dayayso in ay daboosho xiisadaha ka jira gudaheeda iyada oo hurineysa colaad, sida uu hadalka u dhigay. Hadalkan ayaa ahaa mid ay Itoobiya uga jawaabeysay khudbad uu ra’iisul wasaare Xamza isna ka jeediyay shirka QM, taas oo uu ku dhaleeciyay maamulka Abiy Axmed. Si kastaba, xiisadda labada dowladood ayaa u muuqato mid kasii dareysa, maadaama ay weli Itoobiya ku adkeneyso heshiiska badda ee ay la gashay maamulka Somaliland, kaas oo ay si weyn uga hortimid dowladda dhexe oo go’aan adag ka qaadatay heshiiskaasi. The post Itoobiya oo qaaday tallaabo uga sii dareyso xiisadda kala dhexeysa Soomaaliya appeared first on Caasimada Online.

Magaalada Muqdisho ayaa lagu wadaa in uu dhawaan ka qabsoomo Shirka Madaxda dowladda Federaalka Soomaaliya iyo kuwa Dowlad Goboleedyada ka dhisan Koonfurta Soomaaliya, oo uu weheliyo Maamulka Gobolka Banaadir. Madaxweynayaasha Dowlad Goboleedyada ka dhisan Koonfurta dalka ayaa sida wararku sheegayaan maalmaha soo socda ku wajahan magaalada Muqdisho, halkaasi oo ay kaga qayb-galayaan Shirka loo bixiyay Madasha Wada-Tashiga Qaranka. Madaxweynayaasha Jubaland, Galmudug, Koonfur Galbeed, Hirshabeelle iyo Maamulka Gobolka Banaadir ayaa la filayaa in ay ka qayb-galaan Shirkaasi oo ku saabsan Arrimaha doorashooyinka, Amniga dalka, La-dagaallanka Argagixisada iyo Qodoba kale. PUNTLAND POST The post Shirkii la baxay Madasha Wada-Tashiga Qaran oo dhawaan ka furmaya magaalada Muqdisho appeared first on Puntland Post.

Ugu yaraan 66 qof ayaa la xaqiijiyay in ay ku dhinteen daadad iyo dhul go’ ka dhacay dalka Nepal. Tirada dhimashada ayaa laga yaabaa in ay kororto kaddib marki lasoo wariyay in la la’yahay ku dhawaad 7 qof. Saraakiisha wasaaradda arrimaha gudaha ayaa wakaaladda wararka ee Reuters u sheegay in dadka dhaawaca ah ay gaarayaan 60 qof. Dadka dhintay ayaa intooda badan ku noolaa dooxada Kathmandu oo hooy u ah dad gaaraya 4 milyan oo ruux isla markaana ah caasimadda waddanka. Shaqaalaha gurmadka oo adeegsanaya diyaaradaha qummaatiga u kaca iyo doonyaha caagga ah ayaa isku dayaya in ay dadka soo badbaadiyaan. PUNTLAND POST The post In ka badan 66 qof oo ku dhintay daadad iyo dhul go’ ka dhacay dalka Nepal appeared first on Puntland Post.

Mogadishu (HOL) — A group of Somali Lower House lawmakers have submitted a motion against the Minister of Foreign Affairs and International Cooperation, Ahmed Moallim Fiqi, criticizing his ministry management. Source: Hiiraan Online

These posts on Facebook with images claiming to show weapons recovered by Somalia’s Puntland regional state after militias intercepted them in September 2024 are PARTLY FALSE. Source: Hiiraan Online

A batch of Kenyan dried sea cucumbers, weighing 300 kg, were transported to Changsha Huanghua International Airport in central China's Hunan Province, marking the first time that China has imported such products from Kenya. Source: Hiiraan Online