Addis Ababa (HOL) – The Ethiopian government has sentenced 60 members of the al-Shabab militant group to prison terms ranging from 2.5 years to 18 years after they were captured during clashes with Ethiopian troops. Source: Hiiraan Online

Madaxweynaha dowladda Federaalka Soomaaliya, Mudane Xasan Sheekh Maxamuud, oo ku guda jira safarkiisa shaqo ee uu ku marayo qaar ka mid ah waddamada ay ciidamadu ka joogaan Soomaaliya, ayaa Aqalka Madaxtooyada dalka Jabuuti kulan kula qaatay dhiggiisa dalkaasi, Mudane Ismaaciil Cumar Geelle. Labada Madaxweyne ayaa kulankooda diiradda ku saaray adkaynta nabadda iyo amniga gobolka, xoojinta xiriirka diblomaasiyadeed, iskaashiga labada dal, iyo ilaalinta gobannimada dalalka gobolka. Waxay si wadajir ah u soo dhoweeyeen aasaaska howlgalka cusub ee taageerada xasilloonida Soomaaliya ee Midowga Afrika (AUSSOM), kaasoo baddali doona hawlgalkii hore ee ATMIS. Madaxweyne Xasan Sheekh ayaa uga mahadceliyay dowladda iyo shacabka Jabuuti taageerada walaalnimo ee joogtada ah ee ay ku bixiyaan amniga, dowlad-dhiska iyo horumarka Soomaaliya, gaar ahaan naf-hurnimada ciidamada Hiil Walaal ee ka barbar dagaalama ciidamada Qaranka Soomaaliyeed iyo halyeeyada difaaca shacabka ee ku guda jira howlgalka ciribtirka kooxaha Argagixidada ah. Dhankiisa, Madaxweynaha Jamhuuriyadda Jabuuti, Mudane Ismaaciil Cumar Geelle, ayaa adkeeyay in Jabuuti ay labanlaabi doonto taageeradeeda nabadda, dowlad-dhiska iyo difaaca qarannimada Soomaaliyeed, isagoo rajo wanaagsan ka muujiyay in howlgalka cusub ee Midowga Afrika uu noqondoono kii ugu dambeeyay ee lagu soo afjari lahaa qatarta argagixisada gobolka. PUNTLAND POST The post Madaxweynayaasha Soomaaliya iyo Jabuuti oo ka wada-hadlay adkaynta Nabadda iyo Xasiloonida Gobolka Geeska Afrika appeared first on Puntland Post.

Ankara (Caasimada Online) – Wadaadka Muslimka ee fadhigiisu ahaa Mareykanka Fethullah Gulen, oo ay Ankara ku eedeysay inuu abaabulay afgambigii dhicisoobay ee 2016-kii, ayaa isaga 83 jir ah ku geeriyooday Mareykanka oo uu dibad-joog ku ahaa, waxaa sidaas Isniinta maanta ah sheegay kooxdiisa iyo dowladda Turkiga. Gulen oo Turkish ahaa, kuna noolaa Maraykanka tan iyo 1999-kii, waxa uu mar saaxiib dhow la ahaa Madaxweynaha Turkiga Recep Tayyip Erdogan ka hor inta aysan isku noqon cadow. “Ilaha sirdoonkeena waxay xaqiijinayaan geerida hogaamiyihii ururka FETO,” ayuu yiri wasiirka arimaha dibada Hakan Fidan oo shir jaraa’id qabtay, isagoo adeegsanaya magaca ay dowladda ugu yeerto dhaq-dhaqaaqa Gulen ee Hizmet. Teleefishinka dowladda Turkiga ee TRT ayaa sheegay in daaciga oo ku noolaa gobolka Pennsylvania rubuc qarni, lagana xayuubiyay dhalashadii Turkiga sanadkii 2017, uu ku dhintay isbitaal xalay. Farriin ay soo dhigtay X, ayey shabakadda Gulen ee Herkul, oo laga mamnuucay Turkiga, ku sheegtay inuu dhintay “October 20”, ayada oo ballan qaaday faah-faahin dheeri ah oo ku saabsan tacsidiisa. Gulen ayaa u guuray Pennsylvania 1999-kii, iyada oo loo malaynayo arrimo caafimaad dartood, wuxuuna halkaas ka maamulayey Hizmet oo xilligaas lahayd shabakad ballaaran oo dugsiyo dadweyne ah oo ku yaalla qaarad kasta. Sannadkii 2013-kii ayuu khilaaf weyn soo kala dhex-galay Erdogan, saddex sano kaddibna hoggaamiyaha awoodda badan ee Turkiga ayaa ku eedeeyey inuu qorsheynayey inuu afgambiyo, isaga oo u bixiyey Hizmet “Ururka Argagaxisada ee Fethullah” (FETO). Ku dhawaad 250 qof ayaa dhintay July 15, 2016 markii koox milatari oo fallaago ah ay isku dayeen in ay afgambiyaan dowladda Turkiga, ayaga oo adeegsanaya diyaaradaha dagaal iyo taankiyada dowladda, falkaas oo Erdogan uu ku eedeeyay taageerayaasha Gulen ee ka tirsan militariga. “Ururkan wuxuu noqday khatar dhif ah oo lagu arkay taariikhda qarankeena,” ayuu yiri Fidan, isaga oo ku eedeeyay taageerayaasha ururuka “in loo isticmaalo hub ka dhan ah dalkooda”. Inkasta oo uu geeriyooday Gulen, haddana Turkigu waxa uu sii wadi doonaa “dagaalka ka dhanka ah ururkan, kaas oo dhibaato ku ah amniga qaranka”, ayuu wasiirka cadaaladda Yilmaz Tunc ku qoray barta X. AFP + VOA The post Fethullah Gulen – Wadaadkii ay sida aadka ah isku hayeen Erdogan oo geeriyooday appeared first on Caasimada Online.

Muqdisho (Caasimada Online) – Safaaradda Soomaaliya ee dalka Yemen ayaa ku guulaysatay in dalka dib loogu soo celiyo qaxooti Soomaaliyeed oo muddo ku xanibnaa dalkaas, Kuwaas oo kasoo ambabaxay magaalada Caden. Dadkan oo gaaraya 157 qof oo Soomaali ah ayaa ka koobnaa rag, haween iyo carruur kuwaas oo qaba daruufo isugu jira mid nololeed iyo mid caafimaad. Waxaa dib u soo celinta muwaadiniintan Soomaaliyews ka shaqeeyay safaaradda Soomaaliya ee dalka Yemen oo kaashaneysa hay’adda UNHCR. Cabdikariim Naasir Saciid (Cabdi Dheeg) sii-hayaha safaradda Soomaaliya ee dalka Yemen oo dekeda kula hadlay shacabkan ayaa u rajeeyay in ay si nabad ah ku gaaraan dalkooda. Cabdi Dheeg ayaa u mahad-celiyay madaxweynaha dalka Xasan Sheekh Maxamuud, ra’iisul wasaare Xamza Cabdi Barre, madaxda wasaaradda arrimaha dibadda, hay’adda UNHCR iyo dowladda Yemen kaalinta ay ka geysteen dib-u-celinta shacabkan. Barnaamijkan soo noqoshada oo ay fududeeysay UNHCR waxaa lagala kaashaday hay’adaha samafalka ka shaqeeya ee Yemen iyo Soomaaliya. Yeman ayaa ah dalka seddexaad ee marti geliya qaxootiga ugu badan ee Soomaali ah, waxaana lagu qiyaasay tiradooda 71,000, oo qof sida ay sheegtay Hay’adda Qaramada Midoobay u qaabilsan qaxootiga ee UNHCR Qaramada Midoobay ayaa dhowr jeer hore uga deyrisay nolsoha ay ku jiraan qaxootiga Afrikaanka ah ee ku sugan Yemen, kuwaas oo wajahaya xaalad nololeed oo adag. The post Sawirro: DF Soomaaliya oo qaxootigii ugu badnaa kasoo daabushay waddanka… appeared first on Caasimada Online.

The U.S.-based cleric Fethullah Gulen, who built a powerful Islamic movement in Turkey and beyond but spent his later years mired in accusations of orchestrating an attempted coup against Turkish leader Tayyip Erdogan, has died. He was 83. Source: Hiiraan Online

Addis-Ababa (Caasimada Online) – Dowladda Itoobiya ayaa abaabushay oo kulan isugu keentay Dalalka Ciidamada ku Tabaruca (TCC) ATMIS, si ay u diidaan wax loogu yeeray “isku dayga halka dhinac ah” ee Soomaaliya ee ku saabsan qaab dhismeedka howlgalka cusub ee AUSSOM ee beddelaya ATMIS. Itoobiya ayaa ku adkeysanaysa in ay ka sii mid ahaato howlgalkaas. Iyagoo carabka ku adkeeyay in ay diyaar u yihiin ka qayb galka AUSSOM, dalalka TCC, oo ay ay hogaamineyso Itoobiya, ayaa ku adkaysanaya in ay ka qayb qaataan samaynta howlgalka cusub, iyaga oo ku doodaya in aan la iska indho tirin wax qabadkooda Soomaaliya. Intii uu socday kulanka oo ay isugu yimaadeen Wasiirada Difaaca ee TCC, Aisha Mohammed, Wasiirka Difaaca Itoobiya, ayaa sheegtay in dalkeeda uu aad u doonayo inuu sii wado caawinta Soomaaliya si loo xasiliyo. War-murtiyeedka wadajirka ah ee wasiirada, ayaa qiray in “wax-u-hurnimadii ay TCC 17-kii sano ee la soo dhaafay u sameeyeen la-dagaalanka argagixisada ee Soomaaliya iyo xasilinta dalka” ay qayb weyn ka qaadatay “horumarinta iyo tayeynta hay’adaha dowliga ah ee Dowladda Federaalka. Soomaaliya.” Hase yeeshee, si howlgalka cusub uu u guuleysto, wasiiradu waxay sheegeen in Midowga Afrika looga fadhiyo in ay dib u eegis ku sameeyaan dhaqaalihii ay ku bixin jireen, maadaama ay jirto hoos u dhac dhaqaale oo saameynaya howlgallada ka dhanka ah maleeshiyada Al-Shabaab, oo weli ka taliya dhul badan oo miyi ah oo ku yaalla bartamaha iyo koonfurta. Marka ay noqoto aasaaska AUSSOM, wasiirrada gaashaandhigga waxay ku nuux-nuuxsadeen in “cashiradii laga bartay ATMIS si fiican loogu tixgeliyo geeddi-socodka haray” waxayna iftiimiyeen “baahida loo qabo in lagala tashado TCC naqshadeynta howlgalka AUSSOM.” Soomaaliya ayaa horay uga soo horjeesatay ka qeyb galka Itoobiya ee howlgalka cusub, iyadoo ku eedeysay Addis-Ababa in ay ku xad-gudubtay madax-banaanida dhuleed iyo qarannimada kadib markii ay heshiis bad la gashay maamulka Somaliland. Xaaladda ayaa cirka isku sii shareertay markii Masar ay Muqdisho u soo dirtay ciidamo milateri iyo shixnado hub ah, taasoo keentay in Itoobiya ay walaac ka muujiso ka guuritaanka ATMIS oo ay ku tilmaantay inuu yahay mid khatar ku ah gobolka. Dhawaanna, Soomaaliya, Masar, iyo Eritrea waxay shir saddex geesood ah ku yeesheen Asmara, halkaas oo ay ku heshiiyeen tallaabooyin kor loogu qaadayo awoodda Soomaaliya ee ilaalinta xuduudaheeda berriga iyo badda. The post Itoobiya iyo dalalka ATMIS oo ay adeegsaneyso oo war yaab leh ka soo saaray Somalia appeared first on Caasimada Online.

Jigjiga (Caasimada Onlne) – Ururka ONLF oo soo saaray warsaxaafadeed xasaasi ah ayaa ku dhowaaqay go’aan culus oo uga sii daraya xaaladda cakiran ee dalka Itoobiya oo haatan ay ka jiraan xaalado siyaasadeed iyo qalalaase amni oo gudaha dalkaasi ah. Ururka ayaa shaaca ka qaaday in uusan ka qayb-gali doonin wada xaajoodka heer qaran ee Itoobiya, wuxuuna sababta ku sheegay in si khaldan loo maamulay wada-xaajoodkaasi. ONLF ayaa si gaar ah ugu eedeysay xisbiga Barwaaqo ee talada haya inuu ku xadgudbay heshiiskii horay loola galay xisbiyada siyaasadda ee gudaha dalka Itoobiya, sidaasina ay ku qaadaceen ka qayb-galka wada xaajoodka heer qaran ee waddanka Itoobiya. Ururka ayaa sidoo kale intaasi kusii daray in wada xaajoodkan uu noqonayo mid hal dhinac ah oo aan loo dhameyn, sidaas darteedna aan keeni karin wax rajo ah oo sidaa u weyn. “ONLF waxaa ka go’an in si dhab ah loo wada hadlo, wada hadalkuna uu noqdo mid loo dhan yahay dhammaan Axsaabta siyaasadda iyo bulshada qaybaheeda kala duwan,” ayaa lagu yiri warsaxaafadeedka. Sidoo kale waxaa shirweynahan ka maqan siyaasiyiin muhiim ah oo ka socda deegaannada Axmaarada, Oromada iyo Tigray, taas oo sii murjineyso xaaladda cakiran ee Itoobiya. Warkan kasoo baxay ONLF ayaa kusoo aadayo xilli maalmihii lasoo dhaafay magaalada Jigjiga ay ka socdeen kulamo looga arrinsanayo ajandayaashii lagaga qaybgali lahaa wada xaajoodka heer qaran ee dalka Itoobiya, kaas oo ay ka qaybgalayeen mas’uuliyiin ka socota heer faderal iyo qaybaha kala duwan ee bulshada ku dhaqan magaalada Jigjiga. The post ONLF oo ku dhowaaqday go’aan uga sii daraya xaaladda cakiran ee ITOOBIYA appeared first on Caasimada Online.

Madaxweynaha Jamhuuriyadda Federaalka Soomaaliya (JFS), Dr. Xasan Sheekh Maxamuud, ayaa kulan muhiim ah kula yeeshay magaalada Jabuuti Madaxweynaha Jamhuuriyadda Jabuuti, Mudane Ismaaciil Cumar Geelle. Madaxweynaha Soomaaliya iyo wafdiga uu hoggaaminayo ayaa si diirran loogu soo dhaweeyay Qasriga Madaxtooyada Jabuuti, halkaas oo labada madaxweyne ay yeesheen wadahadallo muhiim ah. Qodobada Lagaga Hadlay Kulanka Kulanka labada madaxweyne ayaa xooga lagu saaray arrimaha xiriirka walaaltinimo ee labada dal, iyada oo diiradda la saaray: Xoojinta iskaashiga siyaasadeed, dhaqaale, iyo amni ee u dhexeeya Soomaaliya iyo Jabuuti. La dagaallanka argagixisada iyo horumarinta dadaallada ay dalalka gobolka ugu jiraan xaqiijinta nabadgelyada. Dhiirrigelinta ganacsiga iyo dhaqaalaha labada dal, iyada oo kor loo qaadayo iskaashiga ka dhaxeeya. Tababarada iyo taageerada dhinacyada amniga, iyada oo Jabuuti ay sii wadi doonto gacan-siinta Soomaaliya, gaar ahaan dhinaca milatariga iyo booliska. Labada madaxweyne ayaa muujiyay sida ay uga go’an tahay in la sii xoojiyo xiriirka taariikhiga ah ee ka dhaxeeya labada shacab iyo dal, iyada oo kulankooda lagu gorfeeyay qorsheyaal cusub oo lagu horumarinayo mustaqbalka iskaashiga labada dhinac Source: goobjoog.com

Garoowe (Caasimada Online) – Maamul goboleedka Puntland oo warsaxaafadeed soo saaray ayaa u yeeray xildhibaannada labada gole ee ku metala dowladda federaalka ah ee Soomaaliya, waxaana lagu casuumay magaalada Garoowe ee xarunta maamulkaasi. Guddoomiyaha golaha wakiilada Puntland, Cabdirisaaq Axmed Saciid oo isagu casuumadda u fudiyay xildhibaannada labada gole ayaa ka dalbaday inay kasoo qayb-galaan xafladda furitaanka kalfadhiga 55-aad ee baarlamaanka Puntland oo dhaceysat 26-ka bishaan. “Mudanayaal salaan diiran ka dib, waxaa sharaf ii ah in aan idinku casuumo in aad nagala soo qaybgashaan munaasabadda furitaanka kalfadhiga 55-aad ee Golaha Wakiilada Puntland oo dhici doonta sabti, 26-ka Oktoobar, 2024” ayaa lagu yiri waraqadda casuumadda. Sidoo kale guddoomiyaha ayaa sheegay in xildhibaannada heer federaal iyo Puntland ay yeelaan doonaan kulamo wada-tashi ah oo looga hadlayo xaaladda dalka, gaar ahaan khilaafka kasii daraya ee u dhexeeya maamulka uu hoggaamiyo Deni iyo dowladda dhexe. “Munaasabadda furitaanka kadib waxaan yeelan doonaa kulamo wadatashi ah oo la xiriira xaaladda guud ee dalka” ayaa mar kale lagu yiri warsaxaafadeedka. Puntland ayaa waxaa haatan xiisad xoogan ay kala dhexeysaa dowladda federaalka, waxaana meesha ka baxday wada-shaqeyntii labada oo muddo dheer hakad ku jirta. Lama oga waxa ay arrintaan ay soo kordhin doonto iyo wax ay beddali karaan haddii ay xildhibaannada Puntland ku metala labada gole ee baarlamaanka isugu tegaan Garoowe. The post PUNTLAND oo u yeertay xildhibaannada labada gole ee ku metala DF + Sababta appeared first on Caasimada Online.

Muqdisho (Caasimada Online) – Agaasimaha Waaxda Dad-dhigista Gobolka Banaadir Cabdirashiid Wadaad Yare oo wareysi siiyay Somali Cable Tv ayaa faah-faahin ka bixiyay qorshaha uu wado maamulka gobolka Banaadir ee ku aadan diiwaangelinta qoysaska Muqdisho, arrintaas oo dhalisay dood xoogan iyo hadal-heyn hareysay baraha bulshada. Ugu horreyn Wadaad Yare ayaa waxba kama jiraan ku tilmaamay wararka sheegaya in la hakiyay diiwaangelinta socotay, kadib markii la sheegay inuu amar kasoo baxay madaxweynaha Soomaaliya Mudane Xasan Sheekh Maxamuud. “Waa wax aan sal iyo raad lahayn oo qolo baraha bulshada qaaqlayaal ka ah war ay sheegeen annaga u joojin meyno” ayuu yiri Agaasime Cabdirashiid Wadaad Yare. Sidoo kale wuxuu tilmaamay in qorshahan uu hormuud u yahay madaxweyne Xasan Sheekh Maxamuud, uuna muhiim yahay dalka, maadaama la galayo doorashooyinka “Waxaan waa siyaasad oo uu madaxweynaha hormuud u yahay, waana waxa kaliya oo uu rabo oo uu marwalba ku taamo in dalka Soomaaliya, maadaama dalka uu galaayo doorasho” ayuu sii raaciyay Agaasimaha Waaxda Dad-dhigista Gobolka Banaadir. Dhinaca kale agaasimaha ayaa beeniyay in qof kasta oo qoyska kamid ah laga qaadayo lacago, inta ay socoto diiwangelinta qoysaska ee uu wado maamulka gobolka. “Annaga meel aan ku dhahnay qofkii ayaa 10 dollar laga qaadaa ma jirto, dadka diiwaangelintooda wax lacag oo looga qaadaayo ma jirto” ayuu yiri C/rashiid Wadaad Yare. The post Maxaa ka jira in Xasan uu joojiyay amarkii yaabka lahaa ee lagu soo rogay reer Muqdisho? appeared first on Caasimada Online.

Children in a primary school at Badey neighbourhood impassively listen to their teacher in an under-resourced classroom. Garowe (PP News Desk) — Eyl, the coastal district of the Nugaal region in Puntland State, has seen pupils’ learning experiences affected by a lack of classroom equipment such as desks and chairs. Pupils in the coeducational classroom sit on the floor of a primary school in Badey neighbourhood, but the under-resourced educational environment does not prevent them from attending classes every day. The Nugaal Regional Education Authority declined to comment on this story. A member of the Eyl district council, who requested anonymity, told Puntland Post that he had “a reason to believe that the budget for education had not been properly spent on the educational needs of children in Eyl.” In the classroom, there are no learning aids such as a blackboard. Many parents in major Puntland towns prefer to send their children to privately owned primary schools, where the quality of teaching is presumed to be higher than in schools run by the Puntland State Education Ministry. The Badey neighbourhood primary school highlights the extent to which lax supervision and indifference contribute to educational inequalities in Puntland State. “We look forward to the Puntland Auditor General investigating the situation in poorly resourced state schools in Eyl” said the district councillor. © Puntland Post, 2024 The post Under-resourced Schools in Eyl Draw Attention to the Education Ministry’s Oversight appeared first on Puntland Post.

Hargeysa (Caasimada Online) – Booliska Somaliland ayaa ka warbixiyay tirada fal dambiyeed iyo shilalkii gaari ee ay dad ku dhinteen 12-kii bilood ee lasoo dhaafay ka dhacay guud ahaan Somaliland, kuwaasi oo badi dadkii ku lugta lahaa la soo qab-qabtay Warbixinta booliska ayaa lagu sheegay in Somaliland ay ka dhaceen in ka badan 28 kun oo fal dambiyeed oo dilal iyo kufis ay ku jiraan iyo sidoo kale in ka badan siddeed kun oo shil gaari. Munaasabad lagu maamuusayay 31-guuradii ka soo wareegtay maalintii la aas-aasay ciidanka booliska Somaliland ayaa warbixinta lagu soo bandhigay iyadoo uu goob joog ahaa madaxweyne Muuse Biixi Cabdi. “Shilalka gaadiidka ee sanadkan dhacay waxay ahaayeen guud ahaan 7,018, dhimashada ka timid waxay aheyd 188. Sidoo kale mukhaadaraadka la qabtay waxay ahaayeen 4,934 liter oo khamri ah, 50kg oo xashiishad ah,” ayaa lagu yiri warbixinta booliska. Taliyaha ciidanka booliska Somaliland oo halkaasi ka hadlay ayaa sheegay in si weyn loo tayeeyay ciidanka booliska, oo kaalin muhiim ah ka ciyaara amniga ay ku naaloonayaan shacabka reer Somaliland. “Ciidanka waxaa uu sameeyay horumar ballaaran, ayada oo sare loo qaaday tababarkooda, una diyaarsan yihiin xaalad walba,” ayuu yiri taliyaha ciidanka booliska Somaliland. Si kastaba, Somaliland oo lagu yaqaano xasilooni ayaa haddana waxaa ka dhaca fal dambiyeed kala duwan oo qarkood ay ka sababaan dhimasho iyo dhaawac. The post Fal dambiyeedkii ugu badnaa oo sanadkaan ka dhacay Somaliland – Waa imisa? appeared first on Caasimada Online.

Jigjiga (HOL) - The Ogaden National Liberation Front (ONLF) has suspended its participation in the Ethiopian National Dialogue process, accusing the ruling party in the Somali region of breaching agreements made with political parties. Source: Hiiraan Online

463957821_1212176580083611_7266304649993308262_n Qaran News

Mogadishu (HOL) – Somali President Hassan Sheikh Mohamud arrived in Djibouti on Sunday as part of his regional tour to visit the African Union Transition Mission in Somalia (ATMIS) troop-contributing countries. Source: Hiiraan Online

Warbaahinta Soomaalidu waxay si maalinle ah u warisaa warar iyo warbixinno ku saabsan dhacdooyin taban ama dhibaatooyin culays ku ah nolosha dadweynaha iyo hannaanka dowladnimada. Dhacdooyinkaas intooda badan isku werin iyo hadal-hayn maalmo kooban socata ayaa looga gudbaa oo laysma weydiiyo waxyaabaha gun-dhigga u ah, taasina waa midda keentay in kuwa lamid ahi ay si joogto ah u dhacaan, maxaa-yeelay wixii keenay ayaa weli taagan. Haddaba warbaahintu ma ka qeyb-qaatan kartaa xallinta dhibaatooyinkaas? TV-ga goobjoog ayaa qabtay dood arrintaas ku saabsan oo ay ka qeyb-galeen xeeldheereyaal warbaahineed ayaa lagu faaqiday sida ay wariyaashu kaalin uga qaadan karaan xallinta dhibaatooyinka ay tabiyaan. Wariye Haaruun Macruuf oo kamid ah rugcaddaayaasha warbaahinta ayaa sheegay in loo baahanyahay in war-fidiyeenku ay la yimaadaan aragti iyo hal-abuur is badel dhaliya oo kaalin ka geysan kara xallinta dhibaatooyinka soo noq noqda. Wuxuu wariyaasha ugu baaqay inay wararka iyo warbixinnada ay tabinayaan ku daraan aragtiyo hal-abuur iyo baaris ku gaashaaman oo fududayn kara inaan dhacdooyinka argagaxa lihi soo noq noqan ,dhibaatooyinka taaganna meesha laga saaro. In waxyaabaha xalka gacan ka geysan kara ay warbaahintu ay ku lifaaqdo wararka iyo warbixinnada ay tabinayso ayaa loo arkaa mid ka qeyb-qaatan karta ka hortagga dhacdooyin gurracan ee soo noq noqda iyo furdaaminta dhibaatooyinka taagan, hannaankaas oo lagu magacaabo xalka war-fidiyeenkana waxaa sanadkii 2010-kii billaabay laba wariye oo ka tirsanaa wargeyska Newyork Times. Source: goobjoog.com

Hargeisa (HOL) – Former Somali Finance Minister Abdirahman Duale Bayle and several other prominent politicians have officially joined Somaliland's opposition party, Waddani, just weeks before the November elections. Source: Hiiraan Online

Liverpool beat Chelsea 2-1 on Sunday to remain top of the Premier League, with a one-point advantage over Manchester City and four over Arsenal and Aston Villa thanks to a man-of-the-match display from midfielder Curtis Jones. Source: Hiiraan Online

Kenya's impeached deputy president, Rigathi Gachagua, said on Sunday his security protection team had been withdrawn and that President William Ruto would be responsible if anything happened to him. Source: Hiiraan Online

Somali President Hassan Sheikh Mohamud has completed a one-day official visit to Uganda at the invitation of Ugandan President Museveni. Source: Hiiraan Online

Madaxweynaha dowladda Federaalka SoomaaliyaXasan Sheekh Maxamuud iyo walefdi uu hogaaminaayo ayaa xalay u hoyda magaalada Jabuuti ee Caasimadda dalkaasi Jabuuti. Wefdiga Madaxweynaha Soomaaliya waxa xalay garoonka diyaaraha Jabuuti ku soo dhaweeyay Ra’iisul wasaaraha dalka Jabuuti Cabdulqaadir Kaamil Maxamed iyo xubno ka tirsan golaha Xukuumadda dowladda Jabuuti. Madaxweyne Xasan Sheekh Maxamuud ayaa lagu wadaa in uu Maanta shir la yeesho Madaxweynaha jamhuuriyadda Jabuuti Ismaaciil Cumar Geelle islamarkaana ay ka wada hadlaan xoojinta iskaashiga labada dowladood ee Arrimaha gobolka Geeska Afrika. Madaxweynaha Soomaaliya ayaa sidoo kale socdaalkiisa Gobolka ku soo maray dalalka Uganda iyo Burundi oo ay ciidamo Nabad ilaalin ka joogaan Soomaaliya waxaana uu kala soo hadlay qorshaha kala guurka ATMIS. PUNTLAND POST The post Madaxweynayaasha Soomaaliya iyo Jabuuti oo maanta Shir ka yeelanaya Arrimaha Gobolka appeared first on Puntland Post.

Alcohol smuggler Guled Diriye is exhausted. Source: Hiiraan Online

Madaxweynaha dalka Brazil, Luiz Inacio Lula da Silva ayaa baajiyay safar ugu ambabixi lahaa Ruushka, kaddib marki ay dhaqaatiirtiisa caafimaadka kula taliyeen inuusan gali karin duulimaad saacado badan qaadanaya, sababo la xiriira dhaawac jeegada kasoo gaaray. Bayaan kasoo baxay xarunta madaxtooyada Brazil ayaa lagu sheegay, in Lula oo 78 jir ah uu shirka uga qeybgali doono hanka fogaan-aragga ee dhinaca online-ka. Waxaa marki hore la filayay in uu ka baxo Brazil si uu uga qeyb galo Shirka Madasha BRICS ee ka dhacaya Ruushka. Sida ku cad diiwaanka caafimaad ee isbitaalka Sirio Libanes ee magaalada Brasilia, Lula ayaa dhaawac kasoo gaaray jeegada madaxiisa Sabtidi. Lama faah-faahin waxa sababay dhaawacaasi. Madasha diblamaasiyadeed ee loo soo gaabiyo BRICS ayaa la unkay muddo hadda laga joogo 15 sano. Waxaa xubno ka ah qaar ka mid ah dalalka ugu suuqyada waaweyn dunida sida Brazil, Ruushka, Hindiya, iyo Shiinaha. Waa marki danbe gadaal kaga soo biiray South Africa, Masar, Itoobiya, Iran iyo Imaaraadka Carabta. PUNTLAND POST The post Madaxweynaha dalka Brazil oo jeegada ka dhaawacmay appeared first on Puntland Post.

Jabhadda Xoreynta Ogaadeeniya (JWXO) waxay ku dhawaaqday go’aankeeda ah in ay ka baxdo ka qaybgalka geeddi-socodka Wadahadalka Qaranka ee Itoobiya. Waxa ay sheegtay in aysan diyaar u aheyn la shaqeynta maamulka Abiy Axmed ee Fashilmay iyo maamulka deegaanka Soomaalida ee taageerada u ah. ” Inkastoo markii hore la ballanqaaday in habka uu noqon doono mid hufan oo ka qaybgal kasta oo loo dhan yahay, haddana tallaabooyinka dhowaan laga qaaday xukuumadda talada haysa ee gobolka Soomaalida ayaa carqaladeeyay habkan, iyaga oo si iskeed ah u soo xulay xubnaha ka qaybgalaya, kana hor yimid heshiisyadii lala galay xisbiyada siyaasadeed iyo dhinacyada kala duwan” ayaa lagu yiri warka kasoo baxay ONLF. ONLF ayaa sheegtay in maamulka uu qaaday Tilaabooyin Xadidan, wuxuu ka horimaanayaa ujeeddada asalka ah ee Wadahadalka Qaranka oo ahayd in dhammaan daneeyayaasha la isu keeno si wax looga qabto asbaabaha colaadaha. Sidoo kale, iyadoo ay maqanyihiin saamileyda muhiimka ah ee siyaasadeed ee ka socda Amxaarada, Oromada, iyo Tigray, isla markaana colaado ka socdaan ay socdaan, wadahadalkan hadda socda wuxuu halis ugu jiraa inuu noqdo mid dhinac u janjeera oo aan xal dhab ah keeni karin. Source: goobjoog.com

Hay’adda Sirdoonka iyo Nabad Sugidda Qaranka NISA ayaa gacanta ku dhigtay Seddex nin oo la sheegay inay ka tirsanaayeen shabakad isku xiran oo kooxda Alshabaab u qaabilsanayd, falalka qorshaysan ee ka dhanka ah nabad-gelyada muqdisho. Sida lagu sheegay war qoraal ah oo ay hay’addu soo saartay ciidanka Sirdoonka ayaa helay xogta raggan, waxayna gacanta ku soo dhigeen ayaga, Hubkii ay wateen, labo Mooto Bajaaj iyo Hal mooto Fekon ah oo ay u adeegsan jireen in ay ku baxsadaan marka ay fal amni darro sameeyaan. Saddexdaan xubnood ayaa qeyb ka ahaa Shabakad Alshabaab ah oo hore intooda badan gacanta loogu dhigay, kuwaas oo ku hawlanaa in ay nabad-gelyada Muqdisho qal-qal geliyaan, halka inta hartayna lagu dabo jiro, sida ay sheegtay NISA. Source: goobjoog.com