Ankara (Caasimada Online) – Rasaas iyo qaraxyo ayaa ka bilowday banaanka xarunta Warshadaha Diyaaradaha (TAI) ee dowladda Turkiga. Masuuliyiinta Turkiga ayaa ku tilmaamay tan inay tahay “weerar argagixiso.” Afar qof ayaa la dilay, waxaana ku dhaawacmay 14 oo kale, sida ay sheegeen masuuliyiinta dowladda Turkiga. Hadaba waa maxay Warshadaha Diyaaradaha (TAI) ee Turkiga? TAI waa shirkad dawladeed oo ku takhasustay hubka iyo tiknoolajiyada hawada ee dowladda Turkiga. Warshadaan waxay ku taallaa Kahramankazan oo qiyaastii 28 KM waqooyi galbeed ka xigta magaalada Ankara ee caasimadda dalka Turkiga. The post Sawirro: Weerar ka socda xarunta diyaaradaha dagaalka ee Turkiga appeared first on Caasimada Online.

Muqdisho (Caasimada Online) – Dr. Maxamed Cilmi Nuur ayaa toddobaadkan dib ugu soo laabtay golaha wasiirada ee xukuumadda ra’iisul wasaare Xamza. Ninkan oo ka tirsan xisbiga madaxweyne Xasan Sheekh ee UPD waa mudane ka tirsan golaha shacabka ee baarlamaanka Soomaaliya, deegaan ahaana waa reer Boorama. Intii mucaaradka la’ahaa wuxuu waqtigiisa u huray Xasan Sheekh iyo xisbigiisa. Markii ay doorashada ku guuleysteen waxaa laga dhigay wasiirka maaliyadda Soomaaliya, laakiin 11 bilood kadib waxaa shaqada looga eryay si foolxun oo aan la fileyn inuu Xasan Sheekh ula dhaqmayo qof kooxdiisa, weliba qof sida Dr. Cilmi oo kale ah. Madaxweyne Xasan Sheekh ayaa awooddii reer Waqooyiga u gacan geliyay ra’iisul wasaare ku-xigeenka Salaax Jaamac iyo Biixi Iiman Cige oo hadda ah wasiirka maaliyadda, kuwaas oo Xasan Sheekh codad kula heshiiyay dhowr habeen kahor doorashadii madaxweynaha ee 15-kii May. Dr. Cilmi waxaa loo arkaayay qofka ugu muhiimsan reer Waqooyiga la jooga Xasan Sheekh, laakiin dharbaaxadii ku dhacday bishii July 2023 ayaa si weyn u dhaawacday. Dhinaca Cilmi, midda dad badan ka yaabisay waa in uusan mucaarad noqon, si dhowna ula sii shaqeeyay madaxweyne Xasan Sheekh. Madaxweynaha ayey dad badan ku dhalleeceyeen inuu ku abaal dhacay Dr. Cilmi oo muddo xileedkiisi hore ku kharash gareeyay inuu Xasan Sheekh wax ka dhisto. Intii uu ka maqnaa xukuumadda waxa uu ninkaan soo bandhigay dhaqan siyaasadeed ugub ah, isagoo sii difaacayay dowladda, taageerana u muujinayay madaxweynaha iyo nidaamkiisa, taas oo Xasan Sheekh ku qasabtay inuu is-ceebsado kadibna amro in Dr. Cilmi lagu soo celiyo golaha wasiirada. Ninkaan ayaa shalay loo magacaabay wasiirka howlaha guud iyo guryeynta ee dowladda federaalka ah, waxaana sidaas ku baxay oo kursiga xisaab beeleed ahaan ku waayay wasiirkii shaqada iyo arrimaha bulshada. In Dr. Cilmi dib loogu soo celiyo golaha wasiirada ee xukuumadda federaalka ah waxay dad badan u arkaan inuu madaxweyne Xasan Sheekh dib u saxay qaladkiisi iyo “inuu iska tiray eedii abaal-dhac siyaasadeedka.” Inkasta oo wasaaraddii laga eryay Dr. Cilmi iyo midda hadda la siiyay uu farqi weyn u dhaxeeyo marka laga hadlayo awoodaha iyo mudnaanta gudaha ee xukuumadda Soomaaliya, haddana in si guud lasoo celiyo ayaa Dr. Cilmi dib uga caawin doonta inuu hagaajiyo bandhigiisa siyaasadeed. Madaxweyne Xasan Sheekh inkasta oo dhaliilo badan leeyahay, haddana nin kooxnimada ku xun laguma sheego. Mararka qaar waa dhacdaa inay qoysnimada kala xoog badiso siyaasada iyo saaxiibtinimada, haddana nin baraarug fiican leh ayaa loo arkaa. The post XASAN Sheekh oo iska tiray mid kamid ah eeddihii abaal-dhaca siyaasadda appeared first on Caasimada Online.

Dowladda Soomaaliya ayaa ku dhawaaqday in wixii hadda ka dambeeya ay hoggaamin doonto jihada howlgalka xasilinta Midowga Afrika ee Soomaaliya, iyadoo si cad diiradda u saareysa ilaalinta gobanimada JFS. “Marka aan ka gudubno ATMIS oo aan u wareegno Howlgalka Xasilinta Midowga Afrika ee Soomaaliya (AUSSOM), Soomaaliya waxay hoggaamin doontaa jihada howlgalka iyadoo si cad diiradda u saareysa gobanimada,” ayaa lagu yiri war-saxaafadeed ka soo baxay Wasaaradda Arrimaha Dibadda ee XFS. “Inta aan isu diyaarinayno wejiga xiga ee nabad ilaalinta oo hoos imaanaya Howlgalka Xasilinta Midowga Afrika ee Soomaaliya (AUSSOM) ee soo socda, waxaa lama huraan ah in aan mar kale ku celinno in Soomaaliya ay tahay dal madax-bannaan, awoodda go’aan ka gaarista dalalka ciidamada ku biirinaya howlgalknana iyadu leedahay. Go’aanka ciidamada ka qeyb qaadanaya howlgalka waa inuu waafaqsanyahay danaha qaranka Soomaaliya iyo ilaalinta qaranimadeeda. Tallaabooyinka halka dhinac ah ee Itoobiya dhawaan qaaday, kuna ku jiraan heshiisyo sharci darro ah oo lala galay gobollada waqooyi ee Soomaaliya, waxay ku xad-gudbayaan madax-bannaanideena waxayna meesha ka saarayaan kalsoonida lagama maarmaanka u ah nabad ilaalinta. “Soo gelitaanka ciidamada Ethiopia ee Soomaaliya waxaa uu sara u qaaday kororka kooxda Khawaarijta, iyadoo horumada dhinaca guulaha ee laga gaarayna aanu gaarsiisaneyn heerkii loo baahnaa, Iyadoo la eegayo arintaas dowladda Soomaaliya waxay dalbanaysaa xulashada istaraatiijiyadeed ee dheeraadka ah ee la-hawlgalayaasha ciidamada si loo hubiyo in AUSSOM ay la jaanqaado hadafyada amniga iyo horumarka Soomaaliya”. Waxaana naga go’an inaan kala shaqeyno Midowga Afrika, Qaramada Midoobay, iyo Midowga Yurub AUSSOM, iyadoo Soomaaliya ay hormuud u tahay xulashada saaxiibada ixtiraamaya madax-bannaanidayada”. ayaa lagu yiri War-saxaafadeedka. Source: goobjoog.com

https://qarannews.com/wp-content/uploads/2024/10/464349129_519486304410519_103897894127791144_n.mp4 Qaran News

Muqdisho (Caasimada Online) – Dowladda Soomaaliya ayaa ku dhawaaqday in wixii hadda ka dambeeya ay hoggaamin doonto jihada how-lgalka xasilinta Midowga Afrika ee Soomaaliya, iyadoo si cad diiradda u saareysa ilaalinta gobanimada JFS. War-saxaafadeed kasoo baxay wasaaradda arrimaha dibadda Soomaaliya oo ku qornaa luuqada English-ka ayaa waxaa lagu caddeeyay in Soomaaliya ay awood u leedahay go’aan ka gaarista dalalka ciidamada ku biirinaya howl-galka cusub. “Marka aan ka gudubno ATMIS oo aan u wareegno howlgalka Xasilinta Midowga Afrika ee Soomaaliya (AUSSOM), Soomaaliya waxay hoggaamin doontaa jihada howlgalka iyadoo si cad diiradda u saareysa gobanimada,” ayaa lagu yiri qoraalka. “Inta aan isu diyaarinayno wejiga xiga ee nabad ilaalinta oo hoos imaanaya Howlgalka Xasilinta Midowga Afrika ee Soomaaliya (AUSSOM) ee soo socda, waxaa lama huraan ah in aan mar kale ku celinno in Soomaaliya ay tahay dal madax-bannaan, awoodda go’aan ka gaarista dalalka ciidamada ku biirinaya howlgalknana iyadu leedahay.” Go’aanka ciidamada ka qeyb qaadanaya howl-galka ayey dowladda sheegtay in looga baahan yahay waafaqsanaanta danaha qaranka Soomaaliya iyo ilaalinta qaranimadeeda. Soomaaliya ayaa qoraalkan ku sheegtay in Itoobiya ay lumisay kalsoonida lagama maarmaanka u ah howl-galka nabad ilaalinta, ka gadaal markii ay Somaliland la saxiixatay heshiis sharci darro ah oo xad-gudub ku ah qaranimada Soomaaliya. “Tallaabooyinka halka dhinac ah ee Itoobiya dhawaan qaaday, kuna jiraan heshiisyo sharci darro ah oo lala galay gobollada waqooyi ee Soomaaliya, waxay ku xad-gudbayaan madax-bannaanideena waxayna meesha ka saarayaan kalsoonida lagama maarmaanka u ah nabad ilaalinta.” Sidoo kale waxaa lagu xusay qoraalka dowladda Soomaaliya ciidamadii ay toddobaadyadii dambe Itoobiya soo gelinaysa gudaha dalka, taas oo khatar amni ah. “Soo gelitaanka ciidamada Ethiopia ee Soomaaliya waxaa uu sara u qaaday kororka kooxda Khawaarijta, iyadoo horumada dhinaca guulaha ee laga gaarayna aanu gaarsiisaneyn heerkii loo baahnaa, Iyadoo la eegayo arintaas dowladda Soomaaliya waxay dalbanaysaa xulashada istaraatiijiyadeed ee dheeraadka ah ee la-hawlgalayaasha ciidamada si loo hubiyo in AUSSOM ay la jaanqaado hadafyada amniga iyo horumarka Soomaaliya.” Ugu dambeyntiina waxay dowladda caddeysay sida ay uga go’an tahay inay howl-galkan kala shaqeyso Midowga Afrika, Qaramada Midoobay, iyo Midowga Yurub AUSSOM, iyadoo Soomaaliya ay hormuud u tahay xulashada saaxiibada ixtiraamaya madax-bannaanidayada. The post Soomaaliya oo caalamka u gudbisay go’aan culus oo ka dhan ah Ethiopia appeared first on Caasimada Online.

Muqdisho (Caasimada Online) – Guddoomiyaha Golaha Shacabka ee BFS Sheekh Aadan Madoobe oo ay wehliyaan guddoomiye ku-xigeenka 1-aad ee golaha Sacdiya Yaasiin Xaaji Samatar iyo guddoomiye ku-xigeenka 2-aad Cabdullaahi Cumar Abshirow ayaa shir guddoomiyay kulanka guud ee golaha shacabka. Ugu horeyn Hab-dhowraha golaha shacabka Xildhibaan Maxamed Cabdullaahi Xasan Nuux ayaa dhaariyay ra’iisul wasaare ku-xigeenka labaad ee xukuumadda federaalka Soomaaliya iyo xubnaha cusub ee golaha Wasiiradda. Intaasi ka dib mudanayaasha Golaha Shacabka ayaa u codeeyay heshiiska Qaramada Midoobay ee la-dagaalanka dambiyada abaabulan ee isaga kala gudba qaramada iyo baratakooladiisa. Heshiiska ayaa ogolaatay oo u codeeyat 138-Xildhibaan, laba Xildhibaan ayaa diiday, halka ay saddex Xildhibaanna ka aamustay. Sidoo kale Xildhibaanadda Golaha Shacabka ee baarlamaanka dalka ayaa u codeeyay hindise sharciyeedka dhisidda hay’adda maalgashiga Soomaaliyeed. Sharcigan ayaa waxaa ogolaatay 140-Xildhibaan oo u codeeyay, halka uu hal Xildhibaan diiday, waxaana ka aamustay laba Xildhibaan. Guddoomiyaha Golaha Shacabka oo kulanka soo xiray ayaa Xildhibaanadda uga mahad-celiyay ansixinta heshiiska Qaramada Midoobay ee la-dagaalanka dambiyada abaabulan ee isaga kala gudba qaramada iyo baratakooladiisa iyo sidoo kale hindise sharciyeedka dhisidda hay’adda maalgashiga Soomaaliyeed. The post Xildhibaannada BF oo maanta ansixiyay heshiiska… appeared first on Caasimada Online.

Ciidanka xoogga dalka ayaa howlgallo qorshaysan ka fuliyay deegaanno hoostaga degmada buulo-barde ee gobolka Hiiraan, sida ay sheegtay warbaahinta ciidamadu. Ururka 8-aad, guutada 18-aad ee kumaandooska Gor-gor iyo Ciidanka Deegaanka oo is kaashanaya ayaa howlgalladan ka fuliyey wadada xariirisa magaalooyinka Buulo-barde iyo Halgan iyo deegaanno kale oo aaggaas dhaca. Howlgalkan ayaa waxaa hogaaminayay Taliyaha Ururka 8-aad ee Guutada 18-aad ciidanka Gor-gor Dhamme Naqiib Abdullahi Hersi , wuxuuna shwegah taliyuhu in howlgalku guul ku soo dhamaaday, ayna ka hortageen falal ay kooxda Alshabaab qorshaynayeen. Source: goobjoog.com

Incheon Songdo (Caasimada Online) – Soomaaliya ayaa maanta loo ansixiyay mashruuc ballaaran oo ay ku kaceyso illaa 100 Milyan oo doollar, kadib shirweyne ka dhacay mgaalada Incheon Songdo ee dalka Kuuriyada Koonfureed. Shirkan o ayaa waxaa Soomaaliya uga qayb-gashay wasiirka wasaaradda deegaanka iyo isbedelka cimillada Soomaaliya Marwo Khadija Mohamed (Al-makhzoumi) iyo wafdi ay hoggaamineyso, wuxuuna ahaa Kalfadhiga 40-aad ee guddiga sare ee Sanduuqa Green Climate Fund. Inta uu socday shirka ayaa waxaa lagu ansixiyey $100 milyan oo doollar, taasi oo lagu fulinayo mashruuc kor loogu qaadayo adkeysiga cimillada ee bulshada Soomaaliyeed. Khadija Al-makhzoumi oo madasha ka hadashay ayaa sheegtay in mashruucan uu yahay kii ugu horreeyay ee loo ansixiyo Soomaaliya, uuna ku yimid dadaalka xukuumada DanQaran. “Taariikh ayey aheyd maanta kadib markii uu mashruucani noqday kii ugu horeeyey ee gaar loogu ansixiyo dalka Soomaaliya iyo sidoo kale waa mashruucii ugu deg degta badnaa ee abid lagu ansixiyo kulanka Guddiga Sare ee GCF! , waxaana tani ay ku timid dadaalka Xukuumadda Dan-Qaran oo kaashaneysa bahwadaagta Caalamiga ah ” ayey tiri Khadija. Sidoo kale waxa ay hoosta ka xariiqday inay sii wadi doonaan dadaalkooda ku aadan wax ka qabashada dhibaatooyinka ka dhasha isbeddalka cimilada ee Soomaaliya, ayna sii xoojin doonaan iskaashiga gudaha iyo dibadda, si xal loogu helo dhibaatooyinka haatan taagan. “Soomaaliya waxa ay la timid ka go’naan wax loogu qabanayo dhibaatooyinka doorsoonka cimilada, waxaana naga go’an inaan xoojinno iskaashiga gudaha iyo kan dibadda si loo fuliyo mashaariic waxtar u leh dadka iyo deegaanka Soomaaliyeed ” ayau sii raacisay. Dowladda federaalka ayaa haatan wadda dadaallo dheeraad ah oo ku aadan isbeddalka cimilda iyo ka hortegga in la wasaqeeyo deegaanka, iyada wasaaradda u xil saaran arrimahan ay soo saartay go’aan lagu mamnuucay bacaha halka mar la isticaamlo The post Soomaaliya oo loo ansixiyay $100 Milyan iyo waxa lagu qabanayo appeared first on Caasimada Online.

464316892_1065432805314379_6236743365085045260_n Qaran News

Muqdisho (Caasimada Online) – Warsaxaafadeed kasoo baxay hay’adda duulista rayidka Soomaaliyeed ayaa waxaa looga hadlay waxa ka jira wararka sheegaya in ay shil gashay mid kamid ah diyaaradaha ay dhowaan soo iibtsatay dowladda Soomaaliya, ayna soo dhacday. Qoraalka kasoo baxay hay’adda ayaa waxaa lagu sheegay in aanu jirin shil diyaaradeed oo ka dhacay dalka, isla markaana wararka la baahiyay ay yihiin kuwa been abuur ah. “Hay’adda Duulista oo mas’uul ka ah kor joogtaynta diyaaradaha uu wadanku leeyahay waxay u cadaynaysaa shacabka inay wararkaasi yihiin kuwo been abuur ah oo uu soo maleegay cadowga Soomaaliya,’ ayaa lagu yiri war-saxaafadeedka hay’adda duulista. Sidoo kale hay’adda ayaa shacabka ku wargelisay inay shaqeynayaan diyaaradaha cusub ee ay soo iibsatay dowladda federaalka, ayna ku jiraan howl maalmeedkooda. “Dhamaan Helicopteradii iyo diyaaradihii kale ee ay dowlada Soomaaliya lasoo degtay labdii sano ee lasoo dhaafay waa bad-qabaan shaqadii qaran ee loogu talo galay ayeyna ku guda jiraan.” ayaa mar kale lagu yiri warsaxaafaeedka. Dowladda Soomaaliya ayaa dhowaan soo iibsatay hub carsi ah iyo diyaarado nooca qumaatiga u kaca, kuwaas oo ay leeyihiin ciidamada Xoogga dalka Soomaaliyeed, maadaama laga qaaday cunaqabateyntii hubka ee muddada dheer saarnayd Soomaaliya. Diyaaradaha iyo hubka ay soo iibsatay dowladda ayaa isla markiiba la geeyay furimaha hore ee dagaalka, maadaama dalka uu ka socdo howlgal culus oo ka dhan ah Al-Shabaab. The post Maxaa ka jira inay shil gashay mid kamid ah diyaaradaha DF? appeared first on Caasimada Online.

Qaran News

Garoowe (Caasimada Online) – Maamul goboleedka Puntland ayaa si weyn u taageeray, isla-markaana dhaqangeliyay go’aan kasoo baxay dowladda federaalka oo horay loogu mamnuucay isticmaalka iyo ka ganacsida Bacaha halka la isticmaalo. Wasaaradda deegaanka iyo isbeddalka cimilada ayaa maanta ku dhowaaqday in deegaanada maamulkaas laga mamnuucay isticmaalka Bacaha iyo in lasoo dajiyo oo laga ganacsado, iyada oo go’aankan uu daba socdo midkii ay horay usoo saartay wasaaradda deegaanka iyo isbeddalka cimilada Soomaaliya oo dhowaan dalka ka mamnuucday Bacaha. “Haddaba wasaaradda waxa ay ku wargelineysaa in dhammaan goobaha ganacsiga ee lagu arko iibinta iyo isticmaalidda Bacaha aan kor kusoo xusnay uu ganaax ku waajibi doono, sida ku cad xeerka ilaalinta iyo maareynta deegaanka Puntland,’ ayay tiri wasaaradda deegaanka Puntland. Horay sidan oo kale waxaa u mamnuucay isticmaalka Bacaha halka mar la isticmaalo Koonfur Galbeed, Jubbaland iyo maamulka gobolka Banaadir oo xoojinaya go’aanka wasaaradda deegaanka iyo isbedelka cimilada Soomaaliya oo dalka looga mamnuucay ka ganacsiga iyo isticmaalka Bacda, si loo ilaaliyo deegaanka, loogana hortago in la wasaqeeyo. Si kastaba, tallaabadan ayaa muujineyso in Puntland ay kasoo dabceyso halkii ay joogtay, kadib markii ay horay u shaacisay inay xirirka u jartay dowladda federaalka. Labada dhinac ayaa waxaa soo kala dhex-galay khilaaf siyaasadeed oo culus oo saameeyay wada shaqeyntii Puntland iyo dowladda dhexe, kaas oo gaaray meeshii ugu xumaa. Hoos ka khirso:- asan The post PUNTLAND oo taageertay go’aan kasoo baxay DF – Maxaa is-beddalay? appeared first on Caasimada Online.

Ra’iisul Wasaaraha Xukuumadda Jahmuuriyadda Federaalka Soomaaliya, Mudane Xamsa Cabdi Barre, ayaa xafiiskiisa ku qaabilay Ku Xigeenka Xoghayaha Guud ee Qaramada Midoobey u qaabilsan Taageerada Hawlgallada, Mudane Atul Khare, waxana ay ka wada hadleen xoojinta iskaashiga ka dhaxeeya Soomaaliya iyo Qaramada Midoobay. Ra’iisul Wasaaraha iyo Ku Xigeenka Xoghayaha Guud ayaa kulankooda uga wada hadlay xoojinta taageerada xagga amniga iyo farsamo ee Q.M. u fidiso dowladda Soomaaliya iyo sidii loo xoojin lahaa, gaar ahaan qorshaha ciidanka amniga Soomaaliya kula wareegayaan goobaha ay banneeyaan ciidamada Midowga Afrika ee ATMIS iyo u diyaargarowga hawlgalka cusub ee AUSSOM. Ku Xigeenka Xoghayaha Guud ee Qaramada Midoobay ee Waaxda Taageerada Hawlgallada, ayaa dhankiisa ka mahadceliyey soo dhowaynta Ra’iisul Wasaaraha, isaga oo ugu hambalyeeyay Soomaaliya kursiga Golaha Ammaanka ee Qaramada Midoobay, una rajeeyay in Soomaaliya ay gacan ka geysan karto nabadda iyo horumarka gobolka iyo guud ahaan caalamka. Source: goobjoog.com

“Nin abeeso koriyow adigaa u aayi, axdi malaha Xabashidu laga aaminaayo” ereyo ka mid ahaa hees uu qaaday AUN Yaasiin Axmed Digfeer. Cabdullaahi Yuusuf oo la jooga ciidammo ka tirsanaa SSDF meel ka mid ah Soomaali Galbeed. Garoowe (Faallo) — Bishii Maajo 1984kii waxay ciidammada taliskii Dergiga ee Itoobiya ku xasuuqeen xeryo ku yiil dhulka Soomaali Galbeed ciidammo ka tirsanaa ururkii SSDF. Ismaandhaafkii dhexmaray Madaxweynihii Itoobiya Mengustu iyo marxuum Cabdullaahi Yuusuf 1982kii ayaa sabab u ahaa xasuuqaas. Cabdullaahi Yuusuf wuxuu 1982kii ka hor yimid sheegashadii Mengistu in Galdogob iyo Balanbaalle ka tirsan yihiin Itoobiya. Ciidanka Itoobiyaanku waxay 1984kii soo bandhigeen qorshe ciidanka SSDF iyo ciidanka Itoobiya ay weerarro ugu qaadayaan Soomaaliya. Saraakiishii sarsare ee ciidammada SSDF way ka hor yimaadeen go’aankaas waayo waxay u arkayeen in Itoobiya sheeganayso dhul ka mid ‘Jamhuuriyadda Dimuqraadiga Soomaaliya.’ Weerarka lagu laayay ciidammadii SSDF kaddib ciidammo badan oo SSDF ka tirsanaa ayaa u soo baxsaday Soomaaliya. Mengistu Haile Marian ayaa amray in weerar lagu qaado ciidammada SSDF si hub ka dhigis loogu sameeyo. Dagaal socday 5 maalmood ayaa dhacay oo dhimasho iyo dhaawac badan sababay. Dhowr bilood kaddib weerarkaas dowladda Itoobiya ayaa 1985kii xabsiga u taxaabtay Cabdullaahi Yuusuf Axmed. Cabdullaahi Yuusuf wuxuu ku qoray buuggiisa Halgan iyo Hagardaamo in dowladda Itoobiya qabtay tuhun ahaa inuu ciidammada SSDF ka rarayo Itoobiya kaddib booqashooyin uu ku tagay Liibiya iyo Yementii Koonfureed. Kala-jab weyn ayaa ku dhacay SSDF. Cabdullaahi Yuusuf wuxuu ku dooday in xubno ka tirsanaa SSDF ay la shaqaynayeen Itoobiya iyo in Wasiirkii Gaashaandhiga Itoobiya uu ku amray inuu hoogaaminta SSDF ku wareejiyo marxuum Maxamed Faarax Jimcaale. Dhowr buug oo ay qoreen xubno ka tirsanaa SSDF. Midowgii Soofiyeeti, oo dhisidda Nabadsugiddii Soomaaliya (NSS) kaalin weyn ku lahaa kuma faraxsanayn in Cabdullaahi Yuusuf gacansaar la lahaa Itoobiya. In Cabdullaahi Yuusf diiddanaa hantiwadaag iyo shuuciyadda wax qarsoon ma ahayn, laakiin waxaa la garan la’aa sababta uu gacansaar u la yeeshay Itoobiya oo uu ka jiray talis shuuciyad ku dhaqma oo ku tiirsanaa Midowgii Soofiyeeti. Dowlada Itoobiya kalsoonidarro badan ayaa soo foodsaartay markii uu xumaaday xiriirkii ay la lahayd Midowgii Soofiyeeti. Sanadkii 1982 hogaamiyihii Midowgii Soofiyeeti Yuri Andropov ayaa baajiyay booqasho uu Mengustu ku tagi lahaa Moosko. 1982kii wuxuu ahaa sanadkii Itoobiya qabsatay Galdogob iyo Ballanbaale kuna xadgudubtay Cahdiga Midowga Afrika ku saabsan dhowrista qarannimada dalalka xubnaha ka ah ururkaas. Midowga Soofiyeeti wuxuu aqbalay in Itoobiya ku xadgudubtay go’aankii Maraykanka iyo Midowgii Soofiyeeti ciidammadii Soomaaliya kaga soo saareen Soomaali Galbeed 1978kii. Cyrus Vance, Wasiirkii Arrimmaha Dibedda ee Maraykanka Cyrus Vance ayaa 1978kii sheegay in Maraykanku hubeyn doono Soomaaliya haddii ciidammada Itoobiya soo galaan Soomaaliya. Midowga Soofiyeeti oo diiddan weerarka Itoobiya ku qaadday Soomaaliya ayaa ku gacansayray dalabkii Mengistu ku doonayay hub badan. Cabdullaahi Yuusuf wuu ogaa cadaadiska diblomaasiyaadeed saarnaa Mengistu oo doonayay inuu aalad ka dhigto ciidammada SSDF si uu ugu sii doodo in dhul Soomaaliyeed ka mid yahay dalka Itoobiya. Casharrada laga baran karo taariikhdaas 40 sano ka hor dhacday waa in danaha uu dal leeyahay in danaha urur ama ururro ku tiirsan dalkaas ay leeyihiin ay had iyo jeer iska hor yimaadaan. Ra’iisal Wasaaraha Itoobiya, Abiy Ahmed, ayaa hadda ku socda waddadii Mengistu uu ku socday. Abiy wuxuu mar sheegtaa inuu diyaar u yahay inuu u dagaallamayo Maraykanka, marna inuu la jiro Ruushka iyo dalalka ku midoobay BRICS. Taariikhda ururkii SSDF oo buugag dhowr ah (ku salaysan xusuus) ay ka qoreen xubnihii ururkaas, xubno horena laga wareystay waxay dhalisaa su’aalo badan. Ma in SSDF sii jiri karto ayay aamminsanayeen xubnihii SSDF ku sii haray Itoobiya xasuuqii 1984kii lagula kacay ciidammadii SSDF iyo xiristii Cabdullaahi Yuusuf kaddib? Mise way xeeladaysanayeen si taliskii dhiigyacabka ahaa ee Mengistu uusan u dhibaataynin iyaga? © Puntland Post, 2024 The post Xasuuqii Itoobiya U Geysatay Ciidammadii SSDF 40 Sano Ka Hor appeared first on Puntland Post.

Booliska dalka jamhuuriyadda Jabuuti ayaa xiray haweenay lagu eedeeyay inay 11 nin ku guursatay muddo ku siman 3 bilood, islamarkaana ay lacago badan ka cuntay. Booliska ayaa sheegay inay ogaadeen in haweenaydaani ay masaajidda tagi jirtay ka dibna ay guur shuruud la’aan ah dalaban jirtay, taas oo keentay in rag badani muddo kooban ku guursadaan. Ragga haweenaydan guursaday ayaa la sheegay inay ka qaadatay lacag gaaraysa 2000000 faranki oo lacag jabuuti ah, waxayna boolisku falkan ku tilmaameen wax is daba marintii ugu weyneed ee maalmahan ka dhacday dalkaas. Source: goobjoog.com

Hay’adda Duulista Rayidka Soomaaliyeed ayaa saartay war qoraal ah oo ay dadweynaha Soomaaliyeed kula wadaagayso in uusan jirin shil diyaaradeed oo ka dhacay dalka, Hay’adda ayaa been abuur ku tilmaantay warar baraha bulshada lagu faafiyey. “Hay’adda Duulista oo mas’uul ka ah kor joogtaynta diyaaradaha uu wadanku leeyahay waxay u cadaynaysaa shacabka inay wararkaasi yihiin kuwo been abuur ah oo uu soo maleegay cadowga Soomaaliya,’ ayaa lagu yiri war-saxaafadeedka ay soo saartay SCAA. Qoraalka Hay’addu soo saartay ayaa intaas ku sii daray “Dhamaan Helicopteradii iyo diyaaradii kale ee ay dowlada Soomaaliya lasoo degtay labadii sano ee lasoo dhaafay waa bad-qabaan shaqadii qaran ee loogu talo galay ayeyna ku guda jiraan.” Source: goobjoog.com

Nairobi (Caasimada Online) – Dowladaha Soomaaliya iyo Kenya ayaa heshiis cusub oo ku aadan amniga ku gaaray magaalada Nairobi ee caasimada dalkaasi, kadib markii kulan miro dhal ah ay yeesheen madaxweyne Xasan Sheekh Maxamuud iyo dhiggiisa William Ruto. Labada madaxweyne ayaa ka wad-hadlay xoojinta xiriirka laba geesoodka ah ee dalalka Soomaaliya iyo Kenya, arrimaha amniga gobolka Geeska Afrika iyo iskaashiga dhinacyada amniga iyo horumarinta ganacsiga. Sidoo kale madaxweyne Xasan Sheekh ayaa madaxweyne William Ruto kala hadlay qorshaha bixista ciidamada ATMIS, maadaama haatan la diyaarinayo howlgal cusub oo ka bilaabanaya Soomaaliya. Kulanka labada madaxweyne ayaa waxaa ka soo baxay 4 qodob oo kala ah:- 1. Xoojinta iskaashiga amniga iyo howlgalka taageerada iyo xasilinta Midowga Afrika ee Soomaaliya (AUSSOM), kaas oo bilaabanaya Janaayo 2025. 2. Kor u qaadista xiriirka ganacsi iyo maalgashi ee labada dal, iyagoo hoosta ka xarriiqay muhiimadda ay leedahay fududeynta dhaq-dhaqaaqa badeecadaha iyo adeegyada. 3. Iskaashiga iyo wada-shaqeynta labada dal ee arrimaha gobolka, iyagoo ka faa’iideysanaya madalaha ururrada gobolka sida EAC, IGAD iyo COMESA. 4. Adkeynta taageerada beesha caalamka ee dhismaha awoodda Ciidamada Qalabka sida ee Soomaaliyeed, si ay ugu diyaar garoobaan kala-guurka ATMIS iyo AUSSOM iyo in Soomaaliya lagu taageero matalaaddeeda Golaha Ammaanka ee Qaramada Midoobay, sanadaha 2025-2026. Ugu dambegun Madaxweyne Xasan Sheekh Maxamuud ayaa uga mahadceliyay Madaxweyne William Ruto iyo shacabka Kenya soo dhaweynta diirran ee ay u sameeyeen isaga iyo wafdigiisa. Horay madaxweyne Xasan Sheekh ayaa u booqday dalalka Jabuuti, Uganda iyo Burundi oo iyaguna ciidamo ay ka joogaan gudaha Soomaaliya, wuxuuna kala hadlay bixista ATMIS iyo sidoo kale qorsha dowladda Soomaaliya ee ku aadan howlgalka cusub ee AUSSOM. The post Soomaaliya iyo Kenya oo 4 qodob ku heshiiyay appeared first on Caasimada Online.

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa soo gaba gabeeyay safar shaqo oo uu ku joogay dalka Kenya, halkaas oo uu kulan kula yeeshay dhiggiisa dalka Kenya, Mudane William Ruto. Labada Madaxweyne ayaa ka wada hadlay xoojinta xiriirka laba-geesoodka ah ee Soomaaliya iyo Kenya, arrimaha amniga gobolka Geeska Afrika iyo iskaashiga dhinacyada amniga iyo horumarinta ganacsiga. Kulanka Labada Madaxweyne ayaa waxaa ka soo baxay qodobbada soo socda: Xoojinta iskaashiga amniga iyo howlgalka taageerada iyo xasilinta Midowga Afrika ee Soomaaliya (AUSSOM), kaas oo bilaabanaya Janaayo 2025. Kor u qaadista xiriirka ganacsi iyo maalgashi ee labada dal, iyagoo hoosta ka xarriiqay muhiimadda ay leedahay fududeynta dhaq-dhaqaaqa badeecadaha iyo adeegyada. Iskaashiga iyo wada-shaqeynta labada dal ee arrimaha gobolka, iyagoo ka faa’iideysanaya madalaha ururrada gobolka sida EAC, IGAD iyo COMESA. Adkeynta taageerada beesha caalamka ee dhismaha awoodda Ciidamada Qalabka sida ee Soomaaliyeed, si ay ugu diyaar garoobaan kala-guurka ATMIS iyo AUSSOM iyo in Soomaaliya lagu taageero matalaaddeeda Golaha Ammaanka ee Qaramada Midoobay, sanadaha 2025-2026. Madaxweyne Xasan Sheekh Maxamuud ayaa uga mahadceliyay Madaxweyne William Ruto iyo shacabka Kenya soo dhaweynta diirran ee ay u sameeyeen isaga iyo wafdigiisa. Source: goobjoog.com

Madaxweynaha dowladda Federaalka Soomaaliya Mudane Xasan Sheekh Maxamuud ayaa soo gaba gabeeyay safar shaqo oo uu ku joogay dalka Kenya, halkaas oo uu kulan kula yeeshay dhiggiisa dalka Kenya, Mudane William Ruto. Labada Madaxweyne ayaa ka wada hadlay xoojinta xiriirka laba-geesoodka ah ee Soomaaliya iyo Kenya, arrimaha amniga gobolka Geeska Afrika iyo iskaashiga dhinacyada amniga iyo horumarinta ganacsiga. Kulanka Labada Madaxweyne ayaa waxaa ka soo baxay qodobbada soo socda: 1. Xoojinta iskaashiga amniga iyo howlgalka taageerada iyo xasilinta Midowga Afrika ee Soomaaliya (AUSSOM), kaas oo bilaabanaya Janaayo 2025. 2. Kor u qaadista xiriirka ganacsi iyo maalgashi ee labada dal, iyagoo hoosta ka xarriiqay muhiimadda ay leedahay fududeynta dhaq-dhaqaaqa badeecadaha iyo adeegyada. 3. Iskaashiga iyo wada-shaqeynta labada dal ee arrimaha gobolka, iyagoo ka faa’iideysanaya madalaha ururrada gobolka sida EAC, IGAD iyo COMESA. 4. Adkeynta taageerada beesha caalamka ee dhismaha awoodda Ciidamada Qalabka sida ee Soomaaliyeed, si ay ugu diyaar garoobaan kala-guurka ATMIS iyo AUSSOM iyo in Soomaaliya lagu taageero matalaaddeeda Golaha Ammaanka ee Qaramada Midoobay, sanadaha 2025-2026. Madaxweyne Xasan Sheekh Maxamuud ayaa uga mahadceliyay Madaxweyne William Ruto iyo shacabka Kenya soo dhaweynta diirran ee ay u sameeyeen isaga iyo wafdigiisa. PUNTLAND POST The post Soomaaliya iyo Kenya oo kala saxiixday heshiis ku saabsan Amniga iyo Iskaashiga labada dal appeared first on Puntland Post.

Muqdisho (Caasimada Online) – Ra’iisul wasaare ku xigeenka labaad xukuumadda Soomaaliya ee dhowaan la magacaabay, Mudane Cabdisalaan Cabdi Cali (Dhaay) ayaa maanta qaaday tallaabadiisii ugu horreysay, isaga oo tegay xarunta baarlamaanka. Cabdisalaan Dhaay ayaa soo dhaweyn diiran kala kulmay xildhibaannada Golaha Shacabka oo uu gacan qaaday, waxayna ugu hambalyeeyeen xilka cusub ee loo magacaabay. Intaasi kadib ra’iisul wasaare ku xigeenka labaad iyo xubnaha golaha wasiirada cusub ee lasoo magacaabay ayaa lagu dhaariyay xarunta baarlamaanka, si ay u gataan waajibaadka shaqo ee loo igmaday. Munaasabadda dhaarinta ayaa waxaa goobjoog ahaa guddoomiyaha golaha shacabka iyo labadiisa ku xigeen, iyada oo maanta kadib ay toos u guda geli doonaan shaqooyinkooda. Xukuumadda ra’iisul wasaare Xamza ayaa noqotay xukuumaddii ugu horeysay oo yeelatay labo ra’iisul wasaare ku-xigeen, kaddib dowladdii kumeel-gaarka. Muddo xileedkii hore ee madaxweyne Xasan Sheekh ayaa xukuumaddiisa u horreeyay uu magacaabay ay yeelatay hal ra’iisul wasaare ku-xigeen, taasi oo meesha ka saartay ra’iisul wasaare ku-xigeenadii saddexda ahaa ee xukuumadihii dowladdii KMG ay laheyd. Magacaabista xilkaan ayaa waxaa muddo hortaagna ra’iisul wasaare ku-xigeen Saalax Jaamac iyo xildhibaannada gobollada Waqooyi oo ayagu u arkayay in la wiiqayo awoodooda, ayada oo ugu dambeyn ay Madaxtooyada ku qancisay inuu ka fuqo, Madaxweyne Xasan ayaa horey ballan-qaad ugu sameeyay magacaabista kursigaan, oo ay ka dalbadeen siyaasiyiinta iyo xildhibaannada baarlamaanka ku metela Koonfur Galbeed. The post Daawo: Ra’iisul wasaare ku xigeenka labaad oo qaaday tallaabadii ugu horreysay appeared first on Caasimada Online.

Ra’iisul Wasaaraha Xukuumadda Federaalka Soomaaliya, Mudane Xamse Cabdi Barre, ayaa xafiiskiisa ku qaabilay Ku Xigeenka Xoghayaha Guud ee Qaramada Midoobey u qaabilsan Taageerada Hawlgallada, Mudane Atul Khare. Warsaxaafadeed ka soo baxay Xafiiska Ra’iisul Wasaaraha Xukuumadda Federaalka Soomaaliya ayaa lagu sheegay in labada mas’uul ka wada hadleen xoojinta iskaashiga ka dhaxeeya Soomaaliya iyo Qaramada Midoobay. Ra’iisul Wasaaraha iyo Ku Xigeenka Xoghayaha Guud ayaa kulankooda uga wada hadlay xoojinta taageerada xagga amniga iyo farsamo ee Q.M. u fidiso dowladda Soomaaliya iyo sidii loo xoojin lahaa, gaar ahaan qorshaha ciidanka amniga Soomaaliya kula wareegayaan goobaha ay banneeyaan ciidamada Midowga Afrika ee ATMIS iyo u diyaargarowga hawlgalka cusub ee AUSSOM. Ku Xigeenka Xoghayaha Guud ee Qaramada Midoobay ee Waaxda Taageerada Hawlgallada, ayaa dhankiisa ka mahadceliyey soo dhowaynta Ra’iisul Wasaaraha, isaga oo ugu hambalyeeyay Soomaaliya kursiga Golaha Ammaanka ee Qaramada Midoobay, una rajeeyay in Soomaaliya ay gacan ka geysan karto nabadda iyo horumarka gobolka iyo guud ahaan caalamka. PUNTLAND POST The post Soomaaliya iyo Qaramada Midoobey oo ka wada-hadlay Qorshaha kala guurka Hawgalka Midowga Afrika ee Soomaaliya appeared first on Puntland Post.

Hay’adda Duulista Rayidka Soomaaliya ayaa qoraal ay soo saartay ku beenisay wararka ku saabsan in shil diyaaradeed ka dhacay dalka. Hay’adda Duulista Rayidka ayaa qoraalkaasi ku sheegtay ay soo saartay in aysan jirin shil diyaaradeed oo ka dhacay dalka waxaana ay been abuur ku tilmaantay warar baraha bulshada lagu faafiyey. “Hay’adda Duulista oo mas’uul ka ah kor joogtaynta diyaaradaha uu wadanku leeyahay waxay u cadaynaysaa shacabka inay wararkaasi yihiin kuwo been abuur ah oo uu soo maleegay cadowga Soomaaliya” ayaa lagu yiri war-saxaafadeedka. Qoraalka Hay’adda ayaa intaas ku sii daray, “Dhamaan Helicopteradii iyo diyaaradii kale ee ay dowlada Soomaaliya lasoo degtay labdii sano ee lasoo dhaafay waa bad-qabaan shaqadii qaran ee loogu talo galay ayeyna ku guda jiraan.” Halkaan ka akhriso qoraalka Hay’adda PUNTLAND POST The post Hay’adda Duulista Rayidka Soomaaliya oo beenisay in shil diyaaradeed ka dhacay dalka appeared first on Puntland Post.

Maxkamadda ciidamada qalabka sida ayaa la soo taagay saraakiil iyo askar ka tirsan ciidanka xoogga dalka, kuwaas oo loo haysto gefaf ka dhacay goobo dagaal oo ay ku sugnaayeen. Xubnahan oo ka kala tirsanaa qeybta 21-aad, 27-aad ee ciidanka xoogga dalka, iyo saldhigga degmada ceeldheer ayaa lagu eedeeyay inay ka baxeen furimo dagaal oo ay ku sugnaayeen iyo amar diiddo ciidan. Xeer-ilaalinta maxkamadda ayaa codsatay in dil toogasho ah lagu xukumo xubnahan oo gaaraya 4 ka tirsan ciidanka xoogga dalka oo isugu jira saraakiil iyo dablay iyo taliyihii saldhigga degmada ceeldheer. Inkastoo Soomaaliya ay dal muslim ah tahay, islamarkaana laga yaabo inaan askar dil lagu xukumi doonin, haddana ka baxsiga goobaha dagaalka iyo amar diidada ciidanka dalalka dunida waxaa uga degsan xeerar adag oo xabsi dheer, derajo ka xayuubin, iyo toogashoba noqan kara. Source: goobjoog.com

Dhuusamareeb (Caasimada Onlin) – Maxkamadda ciidamada qalabka sida, qaybteeda 21-aad ee Galmudug ayaa maanta waxaa la horgeeyay askar iyo saraakiil ka tirsan ciidanka Xoogga dalka oo loo haysto kiis xasaasi ah oo ku aadan inay kasoo baxeen furimaha hore ee dagaalka, xilli ay jirtay xaalad adag. Xeer ilaalinta ayaa askarta iyo saraakiisha lasoo xiray oo uu ku jiro hal sarkaal oo boolis ah ku eedeysay in ay sameeyeen dayaacad, ayna ku kaceen fal ka baxsan anshaxa ciidamada. Sidoo kale xafiiska xeer ilaaliyaha maxkamadda ciidamada ayaa soo bandhigay caddeymo muujinaya sababta ka dambeysay inay kasoo baxaan furimaha dagaalka xilli la wajahayay kooxda Al-Shabaab. Waxaa kale oo loo haystaa inay sameeyeen amar diido ay sameeyeen, kadib markii ay si iskood ah uga soo baxeen howlgalkii loo diray iyo dagaalka ay kula jireen Khawaarijta. Saraakiisha kasoo muuqday maxkamadda ayaa waxaa kamid ah:-Xiddigle Xoogga dalka Cabdi Maxamed Cumar, Xiddigle Xoogga Muxidiin Cumar Cismaan, Xiddigle Xoogga Calas Muumin Barre, Cabdulqaadir Maxamed Cumar iyo Xiddigle Boolis Cumar Maxamed Cumar oo ah taliyaha ciidanka saldhigga Degmada Ceeldheer ee gobolka Galgaduud. Dhankooda Qareennada difaacaya eedeysanayaasha ayaa maxkamadda horteeda ka bixiyay cudur-daar, waxayna dalbadeen in la cafiyo oo xoriyaddooda dib loogu soo celiyo. Ugu dambeyn, gddoomiyaha maxkamadda ciidamada qalabka sida qaybta 21-aad ee Gaashaanle Dhexe Cabdullaahi Abuukar Xasan ayaa soo xiray soo xiray dhageysiga dacwadda eedeysanayaasha, wuxuuna sheegay in go’aanka ay dib kasoo saari doonaan. The post Askar iyo saraakiil loo haysto kiis xasaasi ah oo kasoo muuqday maxkamadda ciidamada appeared first on Caasimada Online.

Xildhibaan Cabdi Warsame Qawdhan, oo ka tirsan Golaha Shacabka ee Soomaaliya, ayaa si rasmi ah u caddeeyay mowqifkiisa ku aaddan shirka ay Puntland ku baaqday in lagu qabto magaalada Garoowe, isaga oo diiday in uu ka qayb galo. Qoraalka uu soo saaray wuxuu ku sheegay in go’aanka uu qaatay yahay mid ku saleysan tixgelinta rabitaanka shacabka SSC-Khaatumo oo ay 6-da Febraayo 2023 ku dhawaaqeen in ay noqdaan maamul madax-bannaan oo si toos ah uga tirsan Dawladda Federaalka Soomaaliya. Xildhibaanku wuxuu tilmaamay in uu aqbalay go’aankaas isla maalintaas la gaadhay. waxa uu cadeeyay in go’aankiisa uu yahay mid u taagan ilaalinta iyo metelaadda danaha shacabka SSC-Khaatumo ee Baarlamaanka Soomaaliya. Wuxuu carabka ku adkeeyay in go’aankaas darteed uusan uga qaybgelin shirka ay Puntland ugu baaqday in Garoowe lagu qabto. Sidoo kale Inta badan Xildhibaanada kasoo jeedda SCC Khaatumo ayaan ka qeyb gali doonin Shirka. Waxa ay sheegeen in ay leeyihiin maamul gooni ah. Source: goobjoog.com