Muqdisho (Caasimada Online) – Dowladda Federaalka Soomaaliya ayaa markii ugu horreysay yeelatay ra’iisul wasaare ku-xigeen labaad tan iyo 2012-kii oo ah markii ay Soomaaliya qaadatay Nidaamka Federaalka, oo laga jooga 12 sanno. Galinkii dambe ee 21 October, 2024-ka ayaa Ra’iisul Wasaaraha Soomaaliya Xamsa Cabdi Barre wareegto uu soo saaray waxa uu ku magacaabay ku xigeenkiisa labaad, isaga oo jagadaas u magacaabay Cabdisalaan Cabdi Cali oo ahaa Wasiirkii Howlaha Guud ee Soomaaliya. Kulan ay yeesheen Xildhibaannada Golaha Shacabka maalinimadii Arbacada ee shalay ayaa lagu hor dhaariyey Ra’iisul Wasaare ku xigeenka labaad ee dalka, iyada oo qaar ka mid ah Xildhibaannada Golaha Shacabka ay si diiran ugu soo dhaweeyeen xarunta Villa Hargeysa. Magacaabista ra’iisul wasaare ku-xigeenka labaad ayaa siyaabo kala duwan waxaa ugu falceliyey Bulshada, iyaga oo badankood waydiimo dhowr ah ka keeneen shaqada uu qabanaya ku xigeenka cusub iyo mas’uuliyadaha, halka qaar kood ay ku doodeyn in ay sharci darro tahay magacaabistaan. Magacaabista ra’iisul wasaare ku-xigeenka sharciga muxuu ka qabaa? Sida ku xusan Dastuurka KMG ee Jamhuuriyadda Federaalka Soomaaliya, cutubkiisa 8aad ee ka hadlaya laanta fulinta ayaa qodobka 97aad faraddiisa 2aad waxa uu qeexayaa Golaha Wasiirada iyo qeybaha ay ka kooban yihiin Golaha Wasiirrada. Dastuurka ayaa Golaha Wasiirrada waxa uu ku qeexay, “Waa Hay’adda fulinta maamulka ugu sarreysa dowladda federaalka Soomaaliya.” Qeybaha ay ka kooban tahay Xukuumadda ayaa kala ah; Ra’iisul Wasaare, Ra’iisul Wasaare ku xigeen/ ku xigeenno, Wasiirro, Wasiiru dowlayaal iyo Wasiirro ku xigeenno. Sida ku cad qodobkaan ayaa in Ra’iisul Wasaaraha Xukuumadda Federaalka Soomaaliya uu yeelanaya ku xigeen iyo ku xigeenno, balse laguma caddeen ku xigeennadaas in ay ka badan karaan laba. Maxay yihiin awoodaha iyo shaqooyinka ra’iisul wasaare ku-xigeenka labaad? Badi bulshada ayaa iswaydiinaya awoodaha iyo shaqooyinka laga rabo Ra’iisul Wasaare ku xigeenka labaad ee Soomaaliya Cabdisalaan Cabdi Cali, oo xafiiskiisu ku cusub yahay Xukuumadda uu hoggaamiyo Ra’iisul Wasaare Xamsa. Sida ku xusan Dastuurka KMG ee Jamhuuriyadda Federaalka Soomaaliya, cutubkiisa 8aad ee ka hadlaya laanta fulinta ayaa qodobka 101aad lagu sheegay shaqooyinka uu qabanaya ku xigeenka Ra’iisul Wasaaraha, taas oo ah in uu qabta Xilka Ra’iisul Wasaaraha marka uu dalka ka maqan yahay, iyo xilalka kale ee u igmado Ra’iisul Wasaaraha. Dastuurka si rasmi ah uma qeexin shaqooyinka iyo Awoodaha ay kala lahaanayaan Ra’iisul Wasaare ku xigeennada, aan ka ahayn in ay qabtaan shaqooyinka uu idmado Wasiirka koowaad ee Xukuumadda. Ra’iisul Wasaare ku-xigeenka labaad Cabdisalaan Cabdi Cali oo ahaa xubin ka tirsan Golaha Shacabka ee Baarlamaanka Soomaaliya kuna fadhiyey kursiga tirsigiisu yahay HOP#167, deegaan doorashadiisu tahay Koonfur Galbeed ayaa waayi doona xubinimadiisa Golaha Shacabka, sida ku xusan Dastuurka KMG. Isha: Mustaqbal The post Maxay yihiin awoodaha iyo shaqooyinka RW ku-xigeenka 2-aad ee xukuumadda? appeared first on Caasimada Online.

Muqdisho (Caasimada Online) – Taliska ciidanka booliska Soomaaliyeed ayaa maanta soo saaray digniin culus oo ku socota bulshada ku dhaqan magaalada Muqdisho ee caasimada dalka. Digniinta booliska ayaa si gaar ah ugu socotay mulkiilayaasha gaadiidka ayaa waxaa lagu faray inay sida ugu dhaqsaha ugu soo wargeliyaan laamaha amniga haddii laga xado gaari ama mooto-da ay milkiyadeeda ku qoran yihiin. “Haddii gaari ama mooto aad leedahay lagaa xado ama aad waaydo, waa lagama maarmaan inaad ku wargaliso saldhigga boliiska ee kuugu dhow 48 ilaa 72 saac gudahooda, si laamaha amnigu uga baadi goobaan,” ayaa lagu yiri qoraalka kasoo baxay taliska ciidanka booliska Soomaaliyeed. Sidoo kale waxaa digniinta booliska lagu sheegay in qofkii laamaha amniga kusoo wargelin waayay xogta gaarigiisa laga dhacay inuu qaadi doono masuuliyada wax kasta oo loo isticmaalo gaarigiisa. “Haddii aad ku guuldareysato inaad ku wargeliso Hay’adaha ammaanka xaaladaha kor ku xusan, adiga ayaa qaadi doona masuuliyadda wax kasta oo dhib ah oo ka dhasha isticmaalka gaarigaaga ama mootadaada, mana lagu aqbali doono wax cudurdaar ah,” ayaa lagu yiri qoraalka booliska. Sida aan kal horey ku baahinay warbixin baaris ah oo Caasimada Online sameysay inta badan gaadiidka loo adeegsado qaraxyada ayaa ah kuwo lasoo xaday. Hoos ka aqriso qoraalka oo dhan Taliska Ciidaanka Booliska Soomaaliyeed oo soo saaray wargelin muhiim ah. Iyadoo la ilaalinayo badbaadada muwaadiniinta iyo hantidooda, waxaa bulshada Soomaaliyeed oo dhan la farayaa inay raacaan qodobada soo socda: 1- Gaari ama Mooto lagaa xado: Haddii gaari ama mooto aad leedahay lagaa xado ama aad waaydo, waa lagama maarmaan inaad ku wargaliso saldhigga boliiska ee kuugu dhow 48 ilaa 72 saac gudahooda, si laamaha amnigu uga baadi goobaan. 2- Dukumintiyo luma: Haddii ay kaa lumaan dukumiintiyo muhiim ah sida taargada ama buugga gaarigaaga, waxaa waajib ah inaad ku wargaliso boliiska 48 ilaa 72 saac gudahooda. Digniin: Haddii aad ku guuldareysato inaad ku wargeliso Hay’adaha ammaanka xaaladaha kor ku xusan, adiga ayaa qaadi doona masuuliyadda wax kasta oo dhib ah oo ka dhasha isticmaalka gaarigaaga ama mootadaada, mana lagu aqbali doono wax cudurdaar ah. Fadlan ogow, raacista awaamirtan waa mid muhiim ah oo gacan ka geysanaysa sugidda amnigaaga iyo kan bulshada oo dhan. The post BOOLISKA oo soo saaray digniin culus oo ku socoto reer Muqdisho – Maxay tahay? appeared first on Caasimada Online.

Hirad: “The SSCK Finance Ministry receives significant subsidies from the Federal Government of Somalia. We look forward to the implementation of development projects through the Federal Government of Somalia. In addition, SSCK ministries work directly with the federal ministries.” Mogadishu (PP News Desk) — The Finance Minister of Sool, Sanaag, Ceyn, and Khaatumo Interim Administration, Mr Abdiqani Hirad, told the Somalia National Television that the Federal Government of Somalia provides financial support to the administration. “The SSCK Finance Ministry receives significant subsidies from the Federal Government of Somalia. We look forward to the implementation of development projects through the Federal Government of Somalia. In addition, SSCK ministries work directly with the federal ministries” said Hirad. Mr Hirad was attending an economic development conference in Mogadishu, where he shared his expertise, including the system the SSCK Finance Ministry had implemented to introduce revenue streams for the new administration in Las Anod. Recently, Hirad visited Buuhoodle as part of customs inspection duties to enhance tax collection and prevent tax evasion throughout SSCK territories. The SSCK Interim Administration was established in 2023 on the basis of self-reliance initiatives, with SSCK constituencies generously contributing to recovery efforts following the seven-month-long shelling of Las Anod by the secessionist forces of the Somaliland administration. © Puntland Post, 2024 The post Abdiqani Hirad Commends Federal Government’s Subsidies for SSCK Administration appeared first on Puntland Post.

Kulan ay ku dhameystirnaayeen dhamaan Salaadiinta , Cuqaasha Iyo Guddiyada Beesha ARAB ayaa waxaa maanta lagaga dhawaaqey labada Qodob oo Beesha ARAB isla qaatay 𝐋𝐚𝐛𝐚𝐝𝐚𝐧 𝐐𝐨𝐝𝐨𝐛 𝐚𝐲𝐚𝐚 𝐤𝐚𝐥𝐚 𝐚𝐡 . 𝟏. In Dhamaan Beesha ARAB ay codkeeda madaxweyne nimo ay siiso Musharaxa madaxweyne ee xisbiga WADDANI Cabdiraxmaan Cirro 𝟐. In Beesha ARAB codkeeda Urur-nimo ay siiso ururka ay beeshu leedahay ee HORSEED . Go.aamadan ayay saladiinta ARAB sheegen in sababta ay u qateen ay tahay midnimada Beesha dhexdeed . Qaran News

Muqdisho (Caasimada Online) – Dowladda Turkiga ayaa maanta magaalada Muqdisho usoo dirtay wafdi culus oo si diiradan loogu soo dhaweeyay garoonka Aadan Cadde. Wasiirro ka tirsan xukuumadda Soomaaliya ayaa garoonka diyaaradaha Muqdisho ku soo dhaweeyay wafdigan oo uu horkacayo Wasiir ku xigeenka wasaaradda gaashaandhigga Turkiga, waxaana qeyb ka ah wafdigaan mas’uuliyiin ka socota wasaaradda tamarta iyo kheyraadka ee dalkaasi. Wararka ayaa sheegaya in imaatinka wafdigan uu la xiriiro qorshaha markabka Turkiga uu usoo diray xeebaha Soomaaliya, kaas oo sameyn doono sahmin shidaal oo rasmi ah. Wasiirka Batroolka iyo Macdanta Soomaaliya Mudane Cabdirisaaq Cumar Maxamed oo wafdigan kusoo dhaweeyay Muqdisho ayaa sheegay inay farxad u tahay inay soo gaaraan mas’uuliyiin sar sare oo ka socda xukuumadda Ankara oo saaxib la ah Soomaaliya. Sidoo kale wuxuu wasiirku rajo wanaagsan ka muujiyay in lagu guuleysan doonaan qorshaha sahminta oo ay kala kaashan doonaan dowladda Turkiga. Markabka Oruç Reis oo sameyn doono baarista shidaalka ayaa dhowaan kasoo dhaqaaqay Dekedda Filyos ee Zonguldak, isagoo mari doona jidka Mediterranean-ka, Kanaalka Suez, iyo Badda Cas, wuxuuna kadib toos usoo caga dhigan doonaa xeebaha Soomaaliya. Sida qorshaha uu yahay markabkan wuxuu kusoo xiran doonaa meel u dhow biyaha Soomaaliya dhamaadka bishan October, ayada oo la filayo inuu qaato qiyaastii 19 maalmood. Si kastaba, tallaabadan ayaa ka dambeysay kadib markii labada dal ay kala saxiixdeen heshiis iskaashi tamar, kaas oo la xiriiray shidaal baarista iyo soo- saarista, wuxuuna u ogolaaday shirkadda Turkish Petroleum inay hesho shatiyada saddex goob oo ka mid ah badda Soomaaliya. The post Turkiga oo wafdi culus usoo diray MUQDISHO + Ujeedka appeared first on Caasimada Online.

VID-20241024-WA0001 Axmed Xasan Carwo, gudoomiye ku xigeenkii hore ee banka Somaliland Qaran News

Muqdisho (Caasimada Online) – Ilo-wareedyo ku dhow Villa Somalia iyo dowladda Jabuuti ayaa xaqiijiyay in cabasho weyn loo gudbiyay Madaxweynaha Soomaaliya Xasan Shiikh Maxamuud kadib kulan uu la yeeshay Madaxweynaha Jabuuti, Ismaaciil Cumar Geelle. Cabashadan ayaa la xiriirta walaaca Jabuuti ka qabto xiriirka sii xoogaysanaya ee u dhexeeya Xasan Shiikh iyo Madaxweynaha Eritrea, Isaias Afwerki. Xasa Sheekh ayaa tan iyo markii la doortay May 2022, wuxuu saaxiib aad u dhow ka dhigtay Afwerki, isaga oo dalka Eritrea booqday muddadaas illaa 8 jeer, taasi oo ah tii ugu badneyd ee uu sameeyo madaxweyne Soomaali ah muddo aad u kooban. Wararka ayaa sheegaya in Madaxweynaha Jabuuti uu Xasan Shiikh si toos ah ugu gudbiyay walaac weyn oo uu ka qabo awood sii kordheysa oo uu Afwerki ka helayo xiriirka Soomaaliya. Ismaaciil Cumar Geelle ayaa si gaar ah uga hadlay kulankii saddex geesoodka ahaa ee ka dhacay Eritrea oo dhexmaray Soomaaliya, Masar, iyo Eritrea, isagoo su’aal geliyay sababta shirkan loogu qaban waayay Muqdisho oo halkii loo doortay Asmara. Xiriirka u dhexeeya Jabuuti iyo Eritrea ayaa muddo dheer ahaa mid cakiran, waxaana labada dal ka dhexeeya khilaaf dhuleed oo xasarad keenay. Haatan, dowladda Jabuuti ayaa ka welwelsan in xiriirka dhow ee Xasan Shiikh la leeyahay Eritrea uu sii wiiqayo mowqifka Jabuuti ee gobolka. Tan iyo markii Xasan Shiikh xilka la wareegay, siyaasadaha arrimaha dibadda ee Soomaaliya ayaa la sheegay inay keeneen jahawareer ku yimid xiriirka caalamiga ah ee Soomaaliya la leedahay waddamada gobolka, iyadoo xiriirka cusub uu la yeeshay Eritrea sii kiciyay xiisadaha u dhexeeya Soomaaliya, Jabuuti iyo Itoobiya. Isha: Garowe Online The post Xog: JABUUTI oo walaac ka muujisay tallaabooyin uu qaaday madaxweyne Xasan appeared first on Caasimada Online.

Mogadishu (HOL) — Somalia's elite Danab Commando Force killed 12 al-Shabab militants and wounded another 12 during a planned operation in the central Galgadud region, the federal government announced on Thursday. Source: Hiiraan Online

Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa xafiiskiisa kulan kula qaatay Safiirka Boqortooyada Sucuudiga u fadhiya Soomaaliya Axmed Bin Maxamed Al-Mowallad. Safiirka ayaa ugu horeyn bogaadiyay shaqada Golaha Shacabka iyo sidoo kale guud ahaan horumarada ay ku talaabsaneyso dowladda Soomaaliya, waxa uuna sheegay xiriirka ka dhaxeeya labada wadan uu meel wanaagsan marayo sidoo kalena dowladda Sucuudiga ay diyaar u tahay xoojinta taageerida Shacabka Soomaaliyeed iyo Dowladooda. Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) oo dowladda Sucuudiga uga mahadceliyay taageeradeeda Soomaaliya ayaa sidoo kale waxa uu sheegay in dowladda ay horumaro la taaban karo ka sameysay dhinacyada siyaasadda, amniga iyo dhaqaalaha isaga oo dhanka kale sheegay in Soomaaliya iyo Sucuudiga uu ka dhaxeeyo xiriir soo jireen ah oo dhinacyo badan ku saleysan. Source: goobjoog.com

Ankara (Caasimada Online) – Ugu yaraan 5 qof ayaa la xaqiijiyay in lagu dilay 22 kalana la dhaawacay kaddib marki laba nin oo hubeysnaa ay weerareen xarunta dhexe ee Warshadda Diyaaradaha iyo Dayax-gacmeedyada Cirka ee Turkiga ee magaalada Ankara. Wasiirka Arrimaha Gudaha Turkiga, Cali Yerlikaya ayaa sheegay in labada qof ee weerarka fulisay la dilay. Wuxuu kaloo sheegay in laba ka mid ah dadka dhaawaca ah ay xaaladdoodu liidato. Dowladda Turkiga ayaa weerarkaasi ku tilmaantay mid argagixiso. Muuqaal laga sii daayay telefishannada ayaa muujiyay, laba nin oo hubeysan oo galaya xarunta TUSAS ee u dhaw Ankara. Wasiirka Arrimaha Gudaha wuxuu weerarka ku eedeeyay kooxda mamnuuca ka ah Turkiga ee PKK, oo ah koox u dagaalanta xorriyadda Kurdiyiinta Turkiga. Dhanka kale, war aroornimadi hore ee Khamiista kasoo baxay Wasaaradda Difaaca Turkiga ayaa lagu sheegay, in duqeymo cirka ah oo ay diyaaradaha dagaalka Turkiga ka fuliyeen bartilmaameedyo ku yaalla waqooyiga Ciraq iyo Waqooyiga Suuriya ay ku burburiyeen, ilaa 32 bartilmaameed oo ay leeyihiin PKK. Waxay sheegeen in ay dileen tiro ka mid ah ururka PKK, balse ma aysan xaqiijin tirada saxda ah. Isha: VOA The post TURKIGA oo duqeeyay laba dal kadib weerarkii Ankara appeared first on Caasimada Online.

Dhuusamareeb (Caasimada Online) – Warar kala duwan ayaa kasoo baxaya howlgal culus oo ay maanta ciidamada Danab ee Xoogga dalka ku qaadeen xubno ka tirsan kooxda Al-Shabaab oo ku sugnaa aagga degmada Ceeldheer ee gobolka Galgaduud, kaas oo khasaare culus lagu gaarsiiyay Khawaarijta. Howlgalka oo u dhacay sidii loo qorsheeyay ayaa si gaar ah ciidamada kumaandooska Danab waxa ay uga fuliyeen dhulka howdka ah, gaar ahaan aagga deegaanka Geerile ee bariga gobolkaasi. War kooban oo kasoo baxay dowladda Soomaaliya ayaa waxaa lagu sheegay in howlgalka lagu dilay 12 xubnood oo Shabaab ahaa, laguna dhaawacay 22 kale oo kuu dhuumaaleysanayay dhulka howdka ah. “Ciidanka kumaandooska Danab XDs ayaa howgal Qorshaysan ku qaarajiyay 12 toban dhagarqabe oo katirsan khawaarijta halka 22 xubnood oo kale lagu dhaawacay howlgal ciidanka ay kasameeyeen dhulka howdka ee ku xeeran Deegaanka Geerile ee hoostaga dagmada Ceeldheer ee katirsan bariga gobalka Galgaduud” ayaa lagu yiri qoraalka. Sidoo kale waxaa warsaxaafadeedka lagu sheegay in xubnaha la laayay ay ahaayeen kuwa firxad ah oo ay ku daba jireen ciidamada Xoogga dalka Soomaaliyeed. “Howlgalkan oo ahaa mid lagu raadjoogay firxadka haraadiga maleeshiyada Argagixisada ee ku dhuumaaleysana deeganada dhulka howdka ee ka tirsan gobalka Galgaduud” ayaa mar kale lagu yiri warsaxaafadeedka. Xaaladda ayaa haatan ah mid kacsan, mana jiro weli wax hadal ah oo kasoo baxay dhanka Al-Shabaab oo ku aadan howlgalkaasi ee ay guulaha ka sheegteen ciidamada Xoogga dalka. Gobollada dhexe ee dalka ayaa waxaa weli ka soconayo guluf ka dhan ah maleeshiyaadka Al-Shabaab, kaas oo ay iska kaashanayaan ciidamada dowladda iyo kuwa dadka deegaanka ee loo yaqaano Macawiisleyda. The post Ciidamada Danab oo laayay Shabaab badan + Sawirro appeared first on Caasimada Online.

Wasiirrada Arrimaha Dibedda, Arrimaha Gudaha, Warfaafinta, Batroolka, Amniga xukuumadda Federaalka Soomaaliya, Taliyaha Booliska iyo Ergeyga Xafiiska Madaxweynaha JFS ugu qaabilsan Arrimaha Soogalootiga iyo Xuquuqda Carruurta ayaa saakay garoonka Aadan Cadde ee magaalada Muqdisho ku soo dhaweeyay 164 dhallinyaro Soomaaliyeed ah, kuwaas oo laga soo saaray xabsiyada Dalka Libya. 109 qof oo kamid ah dhalinyaradaas ayaa laga soo dejiyay magaalada Muqdisho, halka 55 qof oo kale laga dejiyay Garoonka diyaaradaha magaalada Hargeysa. Dowladda Soomaaliya ayaa dadaal dheer u gashay soo badbaadinta dhallinyaradaan oo muddo dheer ku dhibaateysneyd xabsiyada dalka Libya, iyagoo gacanta u galay kooxo Magefayaal ah, waxaana hadda lagu guuleystay in dib loogu soo celiyo dalkooda Hooyo. Source: goobjoog.com

Mogadishu (HOL) — The Somali Council of Ministers approved a defence cooperation memorandum of understanding (MoU) with Tanzania on Wednesday night. Source: Hiiraan Online

Afar xubnood ayaa iska casilay Guddiga Ololaha Xisbiga Kulmiye Ee Gobolka Awdal. Waxaan ka mid ah gudoomiyihii Kaambaynka ee Xisbiga Kulmiye ee gobolkaas . Afarta Xubnood ayaa kala ah ; 1. Gudoomiyihii Gudiga Kaambaynka Xisbiga Kulmiye ee Gobolka Awdal Cabdicasiis Diiriye Daahir. 2. Madaxa maaliyada Xisbiga Kulmiye Ahna Xubin kamida gudiga Kaambaynka Ee gobolka Awdal Hibo Cabdi Yuusuf. 3. Hinda maxamuud Tubeec Gudoomiyihii garabka Haweenka ahna xubin ka mid ah gudiga Kaambaynka ee gobolka Awdal. 4. Mustafe Cabdi Axmed oo ah Xubin ka mid ah guddiga kaambaynka ee gobolka Awdal horena u ahaa Xoghayihii hore ee gobolka Awdal. Qaran News

Wafdi sare oo uu hoggaaminayo Wasiir ku-xigeenka Wasaaradda Gaashaandhigga Turkiga ayaa maanta soo gaaray magaalada Muqdisho, iyaga oo si heer sare ah loogu soo dhoweeyay Garoonka Caalamiga ah ee Aadan Cadde. Wafdigan ayaa ujeeddadoodu la xiriirtaa arrimo ku saabsan sahminta shidaalka Soomaaliya, iyada oo ay la socdaan masuuliyiin ka tirsan Wasaaradda Tamarta iyo Kheyraadka Turkiga. Soo dhaweynta wafdiga waxaa hormuud u ahaa masuuliyiin sar-sare oo ka tirsan dowladda federaalka Soomaaliya. Wasiirka Batroolka iyo Macdanta Soomaaliya, Cabdirisaaq Cumar Maxamed, ayaa hoggaaminayay dhinaca Soomaaliya. Waxaa sidoo kale wafdiga kusoo dhaweeyay Wasiiru Dowlaha Wasaaradda Gaashaandhigga iyo saraakiil kale oo muhiim ah oo ka tirsan dowlad federaalka ah. Ujeedka booqashada wafdigan Turkiga ayaa ah inay taageeraan qorshaha lagu bilaabayo sahminta shidaalka Soomaaliya, taas oo muhiimad weyn u leh kheyraadka dabiiciga ah ee dalka. Markab Turkiga laga leeyahay ayaa dhawaan la filayaa inuu yimaado Soomaaliya si uu u fuliyo hawlaha sahminta shidaalka, taas oo qeyb ka ah iskaashiga labada dal ee ku qotoma horumarinta tamarta iyo difaaca. Iskaashigan Soomaaliya iyo Turkiga ayaa qayb ka ah xiriirka sii xoogaysanaya ee labada dal, gaar ahaan dhinacyada tamarta iyo gaashaandhigga. Dowladda Soomaaliya ayaa rajaynaysa in sahminta shidaalku horseeddo horumar dhaqaale iyo maalgashi shisheeye oo dalka soo gala, iyada oo la kordhinayo fursadaha shaqo ee muwaadiniinta Soomaaliyeed. Source: goobjoog.com

Nairobi (Caasimada Online) – Faah-faahino dheeraad ah ayaa waxaa laga helayaa dil argagax leh oo magaalada Nairobi loogu gaystay hooyo Soomaaliyeed, gabadheeda iyo gabadh kale oo ay habar-yar u tahay, kuwaas meydadkooda laga helay gudaha Nairobi. Wararka ayaa sheegaya in hooyadan Soomaaliyeed iyo gabdhaheeda la afduubtay Isniintii lasoo dhaafay, kadibna si xun loo dilay, ayada oo la jarjaray qaar kamid ah xubnahooda. Hooyada ayaa waxaa lagu magacaabi jiray Waris Daa’uud, halka laba gabdhood lagu kala magacaabi jiray Amina Cabdirashid oo 21 jir aheyd iyo Nuseyba Dahir oo 12 jir aheyd. Bulshada Soomaaliyeed ee ku nool Nairobi ayaa aad uga naxay falkan, waxaana maanta xaafadda Islii ka socda dibad-baxayo ay dhigaan Soomaalida ku dhaqan halkaasi. Sidoo kale waxaa xiran goobaha ganacsiga ee Nairobi, iyada oo saameyn ay ku yeelatay dhacdadan argagaxa leh ee ka dhacday gudaha magaaladaasi. Dhanka kale Booliska ayaa haatan wada baaritaano dheeraad ah oo ku aadan sida ay wax u dhaceen, waxayna sheegeen inay soo bandhigi doonaan natiijada baaristooda. Si kastaba, illaa iyo hadda lama oga cidda ka dambeyso dilka qoyskan, laakiin waxaa laga war sugayaa dowladda Kenya iyo natiijada kasoo baxday baarista ciidamada Booliska. The post Hooyo iyo laba gabdhood oo Soomaali ah oo lagu dilay magaalada Nairobi appeared first on Caasimada Online.

FC Barcelona striker Raphinha scored an impressive hat-trick as his side claimed an important 4-1 win at home to Bayern Munich. Source: Hiiraan Online

Magaalada Jigjiga iyo guud ahaan dhulka Soomaali galbeed ee la haysto waxaa ka taagan hadal-hayn baaxad leh oo ka dhalatay fal la yaab leh oo dhowaan halkaas ka dhacay, kaas oo dadweynaha iyo maamulkuba ay wada-jir uga dhiidhiyeen. Dhacdadan ayaa ahayd in dowladda Itoobiya ay shir ugu yeertay boqol oday oo waxgaradka Soomaalida dgulkaas kamida si ay ugala hadasho arrimaha deegaanka, balse markii ay tageen madashii ayaa loo sheegay in 25 kamid ah odayaash laga soo xulayo qowmiyadaha kala duwan ee Itoobiya, ayaguna ay keliya xaq u leeyihiin 75 xubnood. Odayaashii goobta ku sugnaa oo arrintaas ka gadooday ayaa shirka buuq ka dhex aloosay, waxayna sheegeen in wixii deegaankooda ku saabsan aan lagala hadli karin cid aan Soomaali ahayn. Sidoo arrintan ayaa kacdoon bulsho iyo hadal-hayn abuurtay, ayadoo ay dadweynuhu ka walaacsanyihiin in maamulka magaalada jigjiga iyo guud ahaan Soomaali galbeedba hadda ka dib Amxaaro iyo Oramo wax laga weydiin doono. Guuxa ka jira magaalada jigjiga ayaa cirka isku sii shareeraya, ayadoo dadweynaha iyo Siyaasiyiinta deegaankuba ay si adag uga falcelinayaan falka bahdilaadda ku ah Soomaalida ee ay Itoobiya ku dhaqdhaaqday. Source: goobjoog.com

NAIROBI, Kenya (HOL) — The Somali community in Eastleigh, Nairobi, is reeling after the brutal murders of three women from the same family, whose bodies were discovered on Monday in separate locations across Kenya. The victims—Waris Daud, her 22-year-old daughter Amina Abdirashid, and her 12-year-old niece Nuseiba Dahir—had gone missing from their home in Eastleigh the night before. Source: Hiiraan Online

Golaha Wasiirada Soomaaliya ayaa Xalay ansixiyay Heshiis is-afgarad ah oo u dhexeeya Soomaaliya iyo Tanzania, kaas oo ku saabsan iskaashiga difaaca labada dal. Qoraal uu soo saaray Xafiiska Ra’iisul Wasaare Xamse ayuu ku sheegay Shirkii caadiga ahaa ee Golaha Wasiirada oo xalay qabsoomay in lagu ansixiyay Heshiis is-afgarad ah oo dhexmaray Soomaaliya iyo Tanzania, kaas oo ku saabsan iskaashiga difaaca labada dal. “Golaha Wasiirrada Xukuumadda Jamhuuriyadda Federaalka Soomaaliya oo caawa yeeshay kulankoodii caadiga ahaa, ayaa ansixiyey Heshiis is-afgarad ah oo u dhexeeya dalalka Soomaaliya iyo Tanzania, kaas oo ku saabsan iskaashiga difaaca labada dal” ayaa lagu yiri Qoraalkaasi. Shirka oo uu guddoominayey Ra’iisul Wasaare Xamse Cabdi Barre ayaa sidoo kale lagu soo bandhigay warbixinno kala duwan oo la xiriira amniga, halka uu marayo Qorshaha Isbeddelka Qaranka (NTP), Jihaynta warbaahinta iyo canshuurta gadista ee dalka laga dhaqan geliyay. PUNTLAND POST The post Golah Wasiirada Soomaaliya oo xalay ansixiyay Heshiis is-afgarad ah oo u dhexeeya Soomaaliya iyo Tanzania appeared first on Puntland Post.

BRICS leaders have issued a joint declaration covering a wide range of issues from the reform of the United Nations (UN) to ongoing global conflicts, following the association's summit that took place on Wednesday in Kazan, Russia. Source: Hiiraan Online

Safiirka Soomaaliya ee dalka Kenya Danjire Jibriil Ibraahim Cabdulle, madax ka socotay dalka Kenya iyo qaar ka tirsan dalalka ku bahoobay Urur Goleedka IGAD ayaa ka qeyb-galay xaflada abaalminta warbaahinta ee sanadka 2024, taas oo ay soo qabanqaabisay Urur Goboleedka IGAD. In ka badan 4,000 oo wariyayaal ama shaqsiyaad kamida kuwa la shaqeeya hay’adaha warbaahinta ayaa ku tartamay inay ku guulaystaan abaalmaringa warbaahinta la siinayo. Dadkii ku guuleystay abaalmarinta ee aqoonsiga la siiyay waxaa kamid ahaa wariyayaal ka tirsan bahda Saxaafadda Soomaaliya. Guddoomiyaha KMG ee Golaha Warbaahinta Moxamed Shiil Xasan oo muddo fog ka soo shaqeynayay warbaahinta Soomaaliya ayaa loo aqoonsaday in la gudoonsiiyo bilad iyo abaalmarinta loo yaqaano “Abaalmarinta iyo Aqoonsiga soo-jireenka ah” ama luuqada Ingriiska lagu yiraahdo “Lifetime Achievement Award”. Wariye Shiil oo noqday wariyaha ku guuleystay abaalmarinta ugu qiimaha badnayd ee la bixiyay ayaa ku tilmaamay guushaas mid wayn oo ka turjumayso awoodda warbaahinta Soomaaliya. Sidoo kale waxa isna bilad iyo abaalmarin la siiyay wariye Cabdirashid Nuur Ibrahiim muddo fog ka tirsanaa warbaahinta Qaranka, kaas oo ku guuleystay tabinta warar sameeyn yeeshay kaas oo lagu tabiyay luuqada Soomaaliga. Danjire Jibriil oo la hadlay Soomaalidii ka soo qaybgashay xaflada iyo kuwii ku guuleystay biladaha iyo abaalmarinta ayaa ku booriyay in ay dardar galiyaan doorka warbaahinta ee Nabada iyo isku soo dhaweeynta ummada Soomaaliyeed. Source: goobjoog.com

Mogadishu (HOL) — After five months of relative calm, Somali pirates have returned to the high seas, posing renewed threats to global shipping lanes. The European Union Naval Force (EUNAVFOR), operating under Operation ATALANTA, has raised an alert following the departure of a suspected pirate action group (PAG) from Somalia’s northern-central coast. Source: Hiiraan Online

Madaxweynaha dowladda Federaalka Soomaaliya Mudane Xasan Sheekh Maxamuud oo khadka taleefanka kula hadlay dhiggiisa dalka Turkiga Mudane Rajab Dayib Erdogan ayaa uga tacsiyeeyay muwaadiniinta ku geeriyooday weerarkii argagixiso ee ka dhacay Ankara. Madaxweyne Xasan Sheekh ayaa tilmaamay in dowladda iyo shacabka Soomaaliyeed ay la qeybsanayaan xanuunka iyo muragada walaalahooda dalka Turkiga, isaga oo Eebbe uga rajeeyay caafimaad deg deg ah dadkii ay dhaawacyadu ka soo gaareen weerarkii bahalnimada ee ka dhacay xarunta Warshadaha ee magaalada Ankara. “Madaxweynaha Jamhuuriyadda ayaa tilmaamay in dowladda iyo shacabka Soomaaliyeed ay la qeybsanayaan xanuunka iyo muragada walaalahooda dalka Turkiga, isaga oo Eebbe uga rajeeyay caafimaad deg deg ah dadkii ay dhaawacyadu ka soo gaareen weerarkii bahalnimada ee ka dhacay xarunta Warshadaha ee magaalada Ankara” ayaa lagu yiri Warsaxaafadeed ka soo baxay dowladda Soomaaliya. Madaxweyne Xasan Sheekh Maxamuud ayaa shacabka iyo dowladda Turkiga ku adkeeyey in ay u midoobaan sidii ay uga hortigi lahaayeen dhacdooyinka noocan ah, waxa uuna Alle uga baryey muwaadiniinta Turkiga ee ku nafwaayey qaraxaas in Alle u naxariistiisto, samir iyo iimaanna uu ka siiyo ehelkooda iyo dowladdooda. PUNTLAND POST The post Madaxweynaha Soomaaliya oo dhiggiisa Madaxweynaha Turkiga uga tacsiyeeyay Weerarkii Xarunta Warshadaha Ankara appeared first on Puntland Post.

NAIROBI (Xinhua) -- Kenyan and Somali leaders have called for a smooth transition of security responsibilities from the African Union Transition Mission in Somalia (ATMIS) to the new African Union Support and Stabilization Mission in Somalia (AUSSOM), scheduled to commence in January 2025. Source: Hiiraan Online