At their meeting in Addis Ababa, the lobby organizations representing Djibouti and Ethiopia in logistics discussed how to best utilize their collaboration to boost trade between the two countries. Source: Hiiraan Online

The United Nation's Refugee Agency (UNHCR) has said it is "deeply concerned" by news that four refugees were returned to Turkey from Kenya. Source: Hiiraan Online

Saaka ururka Al-Shabaab ayaa weerar ku qaaday deegaanada Cinjir iyo Saban Sabley oo u dhow Budbud, Galgaduud. Dagaalka ayaa socday in ka badan saacad, iyadoo ciidamada Macawiisleyda ee deegaanka ay iska caabiyeen weerarka. Saraakiisha Macawiisleyda iyo kuwa xoogga dalka waxay sheegeen inay dileen xubno ka tirsan Al-Shabaab ayna gacanta ku dhigeen aagga lagu dagaalamay. Saraakiisha ayaa sheegay in Ciidanka deegaanka ay sii baacsanaya Kooxda soo weerartay Saldhigooda. Wali si rasmi ah looma xaqiijin karo khasaaraha ka dhashay weerarka. Xaaladda ayaa hadda ah mid degan deggan, waxaana ciidamada deegaanka ay weli ku sugan yihiin goobahaas, iyagoo sii wadi doona howlgallada ka dhanka ah Al-Shabaab. Source: goobjoog.com

Madaxweynihi hore ee Peru Alejandro Toledo ayaa Isniinti shalay lagu xakumay 20 sanno iyo lix bil oo xabsi ah, kaddib marki lagu helay eedo la xiriira musuq maasuq. Dacwad-oogayaasha ayaa Toledu ku eedeeyay in uu laaluush gaaraya 35 milyan oo dollar ka aqbalay shirkadda ka shaqeyso dhismaha ee Odebrecht ee laga leeyahay Brazil. Shirkaddaasi ayaa hore lagu eedeeyay in ay lacago badan oo laaluush siisay madax iyo saraakiil sare oo ka tirsan dhawr dowladood oo ku yaalla Latin America. Lacagta ku kaceysa dhismaha jidka ayaa aheyd qiyaasti $507 oo milyan, laakin Peru ayaa marki danbe lagu qasbay in ay bixiso1 bilyan iyo 250 milyan oo dollar. Toledo waxaa lagu eedeeyay in lacagaha laaluushka uu kaga badashay shirkaddan ogolaasha ruqsad ay ku dhiseysay jid weyn oo ku yaalla dalkaasi dhaca koofurta America. Toledo oo soo xakumay Peru inti u dhaxeysay 2001 to 2006, ayaa laga soo xiray Mareykanka sannadki 2019-ki, waxaana dowladda Peru lagu wareejiyay sannadki 2022-ki. PUNTLAND POST The post Madaxweynihii hore ee dalka Peru oo in ka badan 20 sanno oo xabsi ah lagu xukumay appeared first on Puntland Post.

Madaxweynaha Soomaaliya, Xasan Sheekh Maxamuud, ayaa socdaal istiraatiiji ah ku maraya dalalka Uganda, Jabuuti, iyo Kenya, kuwaas oo ciidamo ka joogaan Soomaaliya, isla markaana qeyb weyn ka ah howlgalka kala guurka ah ee ATMIS (African Union Transition Mission in Somalia). Socdaalkan ayaa imaanaya xilli Soomaaliya wajaheyso marxalad cusub oo muhiim ah, iyadoo lagu wado in ciidamada ATMIS ay si rasmi ah uga baxaan dalka bisha December 2024. Booqashadan ayaa sidoo kale salka ku haysa qorshaha dhismaha howlgal cusub oo amni oo bedeli doona ATMIS, taas oo ah mowduuc muhiim ah oo Madaxweyne Xasan Sheekh uu kala hadlayo hoggaamiyeyaasha dalalkan. Socdaalka madaxweynaha wuxuu xooga saaraya dib-u-eegista howlgalka ATMIS iyo qorshaha loo dejinayo sidii Soomaaliya ula wareegi lahayd amnigeeda, halka sidoo kale laga wada-hadlayo dhismaha ciidamo cusub oo ka shaqeeya amniga gobolka marka ATMIS la soo gabagabeeyo. Howlgalka ATMIS iyo Kala-guurka Amniga Howlgalka ATMIS oo bilowday 2022 ayaa qorshuhu yahay in lasoo gabagabeeyo dhammaadka 2024, iyadoo mas’uuliyadda amniga si buuxda loogu wareejinayo ciidamada Soomaaliya. Booqashadan ayaa looga hadlayaa sida loo xaqiijin karo in kala-guurkaasi uu guuleysto, iyadoo weli la tacaalayo khatarta kooxda Al-Shabaab. Madaxweyne Xasan Sheekh Maxamuud wuxuu dalalkan ka codsanayaa inay gacan ka geystaan sidii Soomaaliya u heli lahayd taageero dheeri ah oo dhinaca tababarka iyo qalabka ah, si ciidanka qaranku ula wareego mas’uuliyadda amniga. Howlgalka Cusub ee ATMIS Bedeli Doona Waxaa socda wada-hadallo ku saabsan in marka ATMIS laga baxo, la sameeyo howlgal cusub oo si ka duwan uga shaqeeya sidii amniga Soomaaliya loo sugi lahaa. Howlgalka cusub ayaa diiradda saari doona taageerada farsamada, tababarada, iyo talo-bixinta ciidanka Soomaaliya, halkii laga wadi lahaa hawlgallada tooska ah ee dagaalka. Qorshahan cusub ayaa ah mid Madaxweyne Xasan Sheekh kala hadlayo hoggaamiyeyaasha Uganda, Jabuuti, iyo Kenya, si loo xaqiijiyo in dalalkan ay qayb ka noqdaan sidii Soomaaliya loo siin lahaa taageero joogto ah oo amni iyo siyaasadeed. Uganda: Tababarada iyo Taageerada Joogtada ah Intii uu joogay Uganda, Madaxweyne Xasan Sheekh wuxuu la kulmay Madaxweyne Yoweri Museveni, waxaana diiradda la saaray sidii tababar dheeri ah loogu fidin lahaa ciidanka Soomaaliya iyo sidii loo xoojin lahaa wada-shaqeynta ka dhaxeysa labada dal. Uganda ayaa ka mid ah dalalka ugu badan ee tababarka iyo sahayda siiya ciidamada Soomaaliya, taas oo qayb ka ah qorshaha ATMIS iyo howlgalka mustaqbalka. Kenya: Amniga Xuduudaha iyo La-dagaallanka Al-Shabaab Safarka Kenya wuxuu xoogga saarayay amniga xuduudaha iyo iskaashiga dhinaca sirdoonka ee la-dagaallanka Al-Shabaab, oo weli khatar ku haya labada dal. Madaxweyne Xasan Sheekh iyo dhiggiisa Kenya, William Ruto, ayaa sidoo kale ka wada hadli doono doorka Kenya ee howlgalka cusub ee lagu bedeli doono ATMIS. Jabuuti: Iskaashiga Amniga iyo Xiriirka Siyaasadeed Jabuuti oo ciidamo ka joogaan Soomaaliya ayaa door muhiim ah ka ciyaarta howlgalka ATMIS iyo la-dagaallanka argagixisada. Madaxweyne Xasan Sheekh ayaa Jabuuti kula kulmay Madaxweyne Ismaaciil Cumar Geelle, iyagoo isla gartay muhiimadda dhismaha nidaam cusub oo taageera Soomaaliya marka ATMIS la soo afjaro. Waxaa sidoo kale la adkeeyey xiriirka siyaasadeed iyo midka amni ee labada dal, iyadoo la xoojinayo wada-shaqeynta ciidanka iyo ilaalinta xasilloonida gobolka. ATMIS oo Dhamaanaysa iyo Mustaqbalka Amniga Soomaaliya Kala-guurka ATMIS iyo howlgalka cusub ee la qorsheynayo ayaa muujinaya in Soomaaliya la gudboon tahay inay mas’uuliyad buuxda ka qaadato amnigeeda. Si kastaba ha ahaatee, Soomaaliya waxay weli la daala-dhacaysaa khataraha Al-Shabaab, taas oo macnaheedu yahay in taageerada dalalka gobolka iyo kuwa caalamka ay lagama maarmaan tahay si loo xaqiijiyo guusha kala-guurkan. Dhismaha howlgal cusub oo ATMIS bedeli doona ayaa noqon doona mid aan ku koobnaan oo kaliya hawlgallo ciidan, balse xoogga saari doona tababaridda iyo tayeynta ciidamada Soomaaliya, iyo taageero farsamo oo lagu dhisayo hay’adaha amniga dalka. Muxuu yahay Howlgalka cusub ee ATMIS bedeli doona? Howlgalka cusub ee bedeli doona ATMIS (AU Transition Mission in Somalia) waa AUSSOM (African Union Support and Stabilisation Mission in Somalia). Howlgalkan cusub ayaa la qorsheynayaa inuu si rasmi ah u bilaabo 1-da Janaayo 2025, iyada oo diiradda la saarayo bixinta taageero amni iyo xasilooni oo u qalma xaaladda cusub ee Soomaaliya. AUSSOM wuxuu noqon doonaa mid yareynaya joogitaanka ciidamada shisheeye si tartiib ah, isagoo siiyey doorka ugu weyn hay’adaha ammaanka ee Soomaaliya. Sida laga soo xigtay warbixinada ka imaanaya Qaramada Midoobey iyo Midowga Afrika, waxa la qorsheynayaa in qorshaha howlgalka cusub uu noqdo mid taageero ka hela beesha caalamka, iyadoo lagaga hortagayo in firaaq amni ka dhalato bixitaanka ATMIS. Source: goobjoog.com

Alejandro Toledo Madaxweynihi hore ee Peru ayaa lagu xakumay 20 sano iyo lix bil oo xabsi ah, kaddib marki lagu helay eedo la xiriira musuq maasuq. Dacwad-oogayaasha ayaa Toledu ku eedeeyay in uu laaluush gaaraya 35 milyan oo dollar ka aqbalay shirkadda ka shaqeyso dhismaha ee Odebrecht ee laga leeyahay Brazil, taas oo lagu eedeeyo in ay lacago badan oo laaluush siisay madax iyo saraakiil sare oo ka tirsan dhowr dowladood oo ku yaalla Larin America. Lacagta ku kaceysa dhismaha jidka ayaa aheyd qiyaasti $507 oo milyan, laakin Peru ayaa marki danbe lagu qasbay in ay bixiso1 bilyan iyo 250 milyan oo dollar. Toledo waxaa lagu eedeeyay in lacagaha laaluushka uu kaga badashay shirkaddan ogolaasha ruqsad ay ku dhiseysay jid weyn oo ku yaalla dalkaasi dhaca koofurta America. Toledo oo soo xakumay Peru inti u dhaxeysay 2001 to 2006, ayaa laga soo xiray Mareykanka sannadki 2019-ki, waxaana dowladda Peru lagu wareejiyay sannadki 2022-ki. Source: goobjoog.com

AQN3DbtS4i_XOX4nDVsTWYQqOas4hRk6m2cFYc2kty_cuI5hT0_BeWFBI75VEQMDtIVTx7-IQMo_fRJHZXj-GqAI Qaran News

Muqdisho (Caasimada Online) – Guddoomiyaha Golaha Shacabka Sheekh Aadan Madoobe ayaa ka mira-dhaliyey dagaal uu u galay in beelah Digil iyo Mirifle ay dowladda federaalka ka helaan kursiga Ra’iisul Wasaare ku xigeen labaad. Sida ay ogaatay Caasimada Online, Dhowrkii bilood ee lasoo dhaafay dadaal badan ayuu bixiyey Aadan Madoobe, isagoo ugu dambeyn galabta ku guuleystay in madaxda uu ka dhaadhiciyo damaciisa. Guud ahaan siyaasiyiinta, gaar ahaan xildhibaanada federaalka ee beelaha Raxanweyn ayaa gadaal ka riixayey qorshahaan, iyagoo mararka qaar toos ugu hanjabay xukuumadda inay ridi doonaan. Aadan Madoobe oo hoggaaminayey ololaha beelaha Digil iyo Mirifle ayaa go’aansaday in kursigaan uu u soo dhiciyo beeshiisa wixii ka marbeeyey markii loo doortay guddoomiyaha golaha shacabka. Jagadaan oo ay horay beeshu ugu fadhisay xiligii dowladii KMG aheyd ayaa kor u laalneyd tan iyo wixii ka danbeeyay markii uu Xasan Sheekh Madaxweynaha ka noqday dalka sanadkii 2012-kii oo dalku ka baxay ku meelgaarka. Ra’iisul Wasaaraha XFS ayaa galabta Cabdisalaan Cabdi Cali u magacaabay ra’iisal wasaare ku-xigeenka labaad ee dalka, Cabdisalaan Dhaay ayaa horay u ahaa wasiirka Holwlaha guud iyo guriyeynta, wuxuuna ka soo jeedaa beelaha Digil iyo Mirifle. Xukuumadda ra’iisul wasaare Xamza ayaa noqotay xukuumaddii ugu horeysay oo yeelatay labo ra’iisul wasaare ku-xigeen, kaddib dowladdii kumeel-gaarka. Magacaabista xilkaan ayaa waxaa muddo hortaagna ra’iisul wasaare ku-xigeen Saalax Jaamac iyo xildhibaannada gobollada Waqooyi oo ayagu u arkayay in la wiiqayo awoodooda, ayadoo ugu dambeyn ay Madaxtooyada ku qancisay inuu ka fuqo. Saalax ayaa maalmo kahor wajahay dagaal siyaasadeed lagu dhaafin rabay kursigiisa golaha Aqalka Sare ee baarlamaanka Soomaaliya, kaas oo ay markii dambe soo fara-gelisay Madaxtooyada, oo ayadu guddoomiye Cabdi Xaashi ku qancisay inuu Saalax u dhaafo kursigiisa. Madaxweyne Xasan Sheekh ayaa horey ballan-qaad ugu sameeyay magacaabista kursigaan, oo ay ka dalbadeen siyaasiyiinta iyo xildhibaannada baarlamaanka ku metela Koonfur Galbeed, wuxuuna ra’iisul wasaare ku xigeenka labaad ee galabta la magacaabay kasoo jeeda K/Galbeed. The post Xog: Aadan Madoobe oo ka guul-gaaray olole uu DF ka dhex bilaabay 2 sano ka hor appeared first on Caasimada Online.

Shirkadda caalamiga ah ee Dahabshiil Group ayaa aad uga xumaatay dabka ka kacay suuqa weyn ee Addis Ababa dabkaasi oo gaystay khasaare balaadhan. Hadaba qoraal kooban oo ay shirkada Dahabshiil Group-ay ku baahiyeen barta ay ku leeyihiin X- qoraalkaasi oo ku qornaa farta Ingriisida waxa uu u qornaa sidani hoos ku xusan. Shirkadda Dahabshiil Group waxa ay aad uga xun tahay khasaaraha ka dhashay dabkan oo saameeyay dadka, hantida iyo nolosha. Dahabshiil waxa ay la garab taagan tahay bulshadeeda iyo macaamiisheeda, iyada oo taageero ka siisa meel kasta iyo mar kasta oo loo baahdo. Click here to read more Qaran News

Addis Ababa,(Qaran news)- Dab xooggan ayaa ka kacay xaafadda Shema Tera ee magaalada Merkato ee magaalada Addis Ababa, kaasoo geystay khasaare baaxad leh oo soo gaaray dhismayaal. Wararka ayaa sheegaya in dabka uu si xowli ah u sii fidayo, iyadoo ay socdaan dadaallo lagu doonayo in lagu xakameeyo. Hadal qoraal ah oo ay soo saartay maayarka Addis Abeba Adanech Abebe ayay ku sheegtay inay aad uga xun tahay, waxayna tidhi, “Aad baan uga xunahay burburka hantiyeed ee dhacay. Sidoo kale waxa ay xustay in iyada oo ay socdaan dadaalada lagu doonayo in lagu xakameeyo dabkaasi, hadana ay jiraan gurmadyo adag oo ay sameeyeen wadooyinka oo cidhiidhi ah, taasi oo keentay in gaadiidka dabdamiska ay ku adkaadaan in ay goobtaasi maraan. Duqa magaalada Adanech ayaa intaa ku daray in mas’uuliyiintu ay ka fiirsanayaan adeegsiga diyaaradaha qumaatiga u kaca si ay gacan uga geystaan ​​dadaallada dab-damiska. Waxayna ku boorisay dhammaan dadka ku lugta leh inay xoojiyaan dadaalkooda si looga hortago burbur kale. Qaran News

Hargeisa,(Qaran news)- Madaxdada sar sare ee xisbiga Waddani oo uu hor kacaayay musharaxa xisbigaasi Waddani Dr Cabdiraxmaan Maxamed Cabdilaahi Cirro ayaa maanta kulan balaadhan la yeeshay wafti ka socday Midowga Yurub oo ay hogaaminaysay Danjiraha Midowga Yurub, Danjire Marwo Karin Johansson. Hadaba kulankaasi kadib waxa ka warbixiyay musharaxa xisbiha Waddani Dr Cabdiraxmaan Cirro waxan qoraal uu ku baahiyay barta uu ku leeyahay Facebook uu qoraalkiisa ku bilaabay sidan hoos ku qoran Waxa aan maanta kulan hadhimo sharafeed ah la yeelannay Danjiraha Midowga Yurub, Danjire Marwo Karin Johansson iyo wefti ay hoggaaminayso oo booqasho rasmi ah ku yimid caasimadda Jamhuuriyadda Somaliland ee Hargeysa. Danjire Johansson, waxa aannu si qoto dheer uga sheekeysannay dhinacyada arrimaha doorashooyinka isku sidkan ee maamlmaha dhow dalka ka qabsoomaya haatanna maraya Ololihii iyo diyaar garowgii ugu dambeeyay, dhanka kale, waxa aan si xog-ogaalnimo leh uga sheekeysannay arrimaha mandaqadda geeska ka aloosan ee dhinacyada nabadgelyada iyo iskaashiyada leh. Ugu dambeyn, waxa aanu Danjiraha iyo wefdigeeda uga mahadcelinnay kaalinta midowga yurub ka geystaan taageerada ay u fidiyaan Somaliland ee dhinacyada horumarka iyo taageerista dimuqraadiyadda la xidhiidha.0 Qaran News

Madaxweynaha JFS Soomaaliya Dr. Xasan Sheekh Maxamuud iyo wafdi uu hoggaaminayo ayaa marka ay ka soo degeen garoonka Jome Kenyatta waxaa halkaasi ku soo dhaweeyay Safiirka Soomaaliya ee dalka Kenya Danjire Jabriil Ibraahim Cabdulle, wasiirka Deegaanka ee Kenya Aadan Barre Ducaale iyo mas’uuliyiin kale oo ka kala tirsan Dowladaha Soomaaliya iyo Kenya. Madaxweynaha iyo Wafdigiisa ayaa waxaa loo soo galbiyay hotelka ay ka degayaan mahaalada Nairobi, waxaana Madaxweynaha la qorsheynayaa in maalnta beri ah uu Qasriga Madaxtooyada Kenya kula kulmo dhigiids dalka Kenya William Ruto oo ay ka wada hadlayaan xoojinta xiriirka labada dal. Madaxweyne Xasan Sheekh Maxamuud iyo wafdiga la socdo oo uu qeyb ka yahay Wasiirka difaaca Soomaaliya Cabdiqaadir Maxamed Nuur ayaa waxa ay socdaal ku soo mareen dalalka Uganda, Burundi iyo Djibouti halkaasi oo uu Madaxda dalalkaasi kala hadlay xoojinta iskaashiga Soomaaliya kala dhexeeyo. Safarka Madaxweynaha Jamhuuriyadda ee dalka Kenya ayaa qayb ka ah booqashooyin is xigxigay oo uu maalmahan ku kala bixinayay waddamada ay ciidamadu ka joogaan Soomaaliya, isaga oo madaxda dalalka kala hadlay arrimo ku saabsan qorshaha kala guurka howlgalka Midowga Afrika ee Soomaaliya. Source: goobjoog.com

Muqdisho (Caasimada Online) –Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud ayaa caawa gaaray magaalada Nairobi ee dalka Kenya, halkaas oo si weyn loogu soo dhaweeyey wafdigiisa. Madaxweyne Xasan Sheekh oo safarro shaqo ku marayey dalalka gobolka Geeska Afrika ayaa safarka uu ku tegay Nairobi uga soo kicitimay Jabuuti. Safarkaan uu ku jiro Xasan Sheekh ayaa gaar u ah dalalka qeybta ka ah howlgalka Nabad Ilaalinta Midowga Afrika ee Soomaaliya ka socda. Xasan Sheekh ayaa waxaa caawa Nairobi uga bilaabanaya wadahadallo uu la yeelan doono dhiggiisa dalka Kenya Mudane William Ruto. Madaxweynaha Soomaaliya ayaa safaradii kan ka horeeyey ku tegay dalalka Uganda, Burundi iyo Jabuuti, wuxuuna kulamo lasoo qaatay madaxda dalalkaas. Qorshaha safarkaan ayaa salka ku haya isbedelka dhamaadka sanadkaan lagu sameynayo ciidamada ATMIS ee nabad ilaalinta u jooga Soomaaliya. Itoobiya oo kamid ah dalalka ay ciidamadu ka joogaan Soomaaliya ayuu Xasan Sheekh ka saaray liiska dalalka uu safarkaan ku tegayo, sababtuna waa khilaafka ka dhexeeya labada dal. The post Sawirro: Wafdiga Xasan oo caawa gaaray Nairobi appeared first on Caasimada Online.

Muqdisho (Caasimada Online) –Xukuumadda Ra’iisul Wasaare Xamsa Cabdi Barre waxaa maanta ku soo biiray xubno cusub oo ka mid noqon doona Golaha Wasiirrada, kuwaas oo gaaraya 10 xubnood oo wasiiru dowlayaal u badan. Wasiirrada cusub waxaa kamid ah ra’iisul wasaare ku xigeen labaad oo dalku yeeshay, waxayna kala yihiin: 1- Cabdisalaan Cabdi Cali, ra’iisal wasaare ku-xigeenka labaad ee dalka, Cabdisalaan Dhaay ayaa horay u ahaa wasiirka Holwlaha guud iyo huriyeynta. 2- Dr. Cilmi Maxamed Nuur, Wasiirka wasaaradda howlaha guud iyo guriyeynta, ninkaan ayaa horay isla xukuumadaan uga soo noqday wasiirka maaliyadda, balse waxaa mar sii horeysay xilkaas looga qaaday khilaaf ka dhacay gudaha wasaaradda. 3- Yuusuf Maxamed Aadan, Wasiirka Shaqada iyo arrimaha bulshada. 4- Maxamuud Axmad Aadan, Wasiirka Dekadaha iyo gaadiidka Badda, xilkaan waxaa horay u haayey Cabdullahi Ilkajiir. 5- Ilyaas Sheekh Cumar Abuubakar, Wasiiru dowladaha wasaaradda Cadaaladda iyo Dastuurka. 6- Ismaaciil Shire Jaamac, Wasiiru dowlaha wasaaradda Macdanta iyo Batroolka, booskaan ayaa muddo dheer banaanaa. 7- Maxamed Cismaan Cumar, Wasiiru dowladaha wasaaradda qoyska iyo hormarinta xuquuqul Insaanka. 8- Caynaashe Yussuf Xusseen, Wasiiru dowlaha wasaaradda Shaqada iyo arrimaha bulshada. 9- Maxamed Yuusuf Xassan, Wasiiru dowlaha Wasaaradda Kaluumaysiga iyo Dhaqaalaha Buluuga. 10- Maxamed Nuur Abuubakar, Wasiiru dowlaha Wasaaradda Ganacsiga iyo Warshadaha. Xukuumadda ra’iisul wasaare Xamza ayaa noqotay xukuumaddii ugu horeysay oo yeelatay labo ra’iisul wasaare ku-xigeen, kaddib dowladdii kumeel-gaarka. Muddo xileedkii hore ee madaxweyne Xasan Sheekh ayaa xukuumaddiisa u horreeyay uu magacaabay ay yeelatay hal ra’iisul wasaare ku-xigeen, taasi oo meesha ka saartay ra’iisul wasaare ku-xigeenadii saddexda ahaa ee xukuumadihii dowladdii KMG ay laheyd. Magacaabista xilkaan ayaa waxaa muddo hortaagna ra’iisul wasaare ku-xigeen Saalax Jaamac iyo xildhibaannada gobollada Waqooyi oo ayagu u arkayay in la wiiqayo awoodooda, ayada oo ugu dambeyn ay Madaxtooyada ku qancisay inuu ka fuqo. Saalax ayaa maalmo kahor wajahay dagaal siyaasadeed lagu dhaafin rabay kursigiisa golaha Aqalka Sare ee baarlamaanka Soomaaliya, kaas oo ay markii dambe soo fara-gelisay Madaxtooyada, oo ayadu guddoomiye Cabdi Xaashi ku qancisay inuu Saalax u dhaafo kursigiisa. Madaxweyne Xasan Sheekh ayaa horey ballan-qaad ugu sameeyay magacaabista kursigaan, oo ay ka dalbadeen siyaasiyiinta iyo xildhibaannada baarlamaanka ku metela Koonfur Galbeed, wuxuuna ra’iisul wasaare ku xigeenka labaad ee galabta la magacaabay kasoo jeeda K/Galbeed. The post Magacyada 10-ka wasiir ee ku soo biirtay xukuumadda Xamza iyo is bedelka dhacay appeared first on Caasimada Online.

Mogadishu (HOL) – Somali Prime Minister Hamza Abdi Barre has appointed Abdisalan Abdi Ali as the country's Second Deputy Prime Minister, marking the first time since the interim government that Somalia has had a second deputy prime minister. Source: Hiiraan Online

55 sano ka hor 21-kii bishii oktoobar, 1969-kii, waxaa dhacay Afgembi militari oo uu hor-kacayey taliyihii ciidanka xoogga dalka Soomaaliyeed Janaraal Mohamed Siyaad Barre iyo 24 sargaal oo isugu jira militari iyo booliis, kuwaas oo markii dambe la baxay magaca “Golaha sare ee Kacaanka”, Kacdoonkan oo aanu dhiig ku daadan ayaa yimid kadib markii la toogtay Madaxweynihii dalka C/rashiid Cali Sharma’arke. Madaxweyne Cabdirashid Sharma’arke ayaa waxaa toogtay Mid ka mid ah ilaaladiisa October 15, 1969, Sharma’arke waxaa uu xilligaas booqasho ku joogay magaalada Laas-Caanood ee waqooyiga dalka, 5 Maalin kadib dilka madaxweynaha waxaa dalka Afgambi ku qabsaday Jaalle Siyaad iyo golihii Towradda oo dalka Soomaaliya Xukumayey 21- sano. Alahu Naxariistee Cali Berdura oo ka tirsanaa 13-kii SYL, isla markaana aan ka qornay Taariikhyo badan ayaa noo sheegay in loo yeeray Leegada habeenkii Kacdoonka, waxaa lagu wargaliyay in dalka uu ka dhacayo Kacdoon aanu dhiig ku daadan, loona baahan yahay in ay taageeraan towradda barakeysan, iskana iloobaan Xisbiga SYL iyo dhamaan wixii dalka ka dhacay 9-kii sano ee SYL talada hayeen. Cali Berdura waxaa uu yiri”Haa, waxaa jirtay inay noo yeereen Maxamed Siyaad, Kulmiye, Gabayre iyo Caynanshe, waxay noo sheegeen in dalka ka dhacayo inqilaab aan dhiig ku daadan oo dalka ay isbedel ka samaynayaan… aniga meel cidlo ah ayaan ka istaagay waxaa u sheegay in taariiqda xusi doonto khiyaanada ay wadaan…waxaa igu xanaaqay Gabayre oo markii dambee gacantooda ku sababsaday….Siyaad Barre waa i xiray, xitaa lacag uu ii balan qaaday aniga ayaa diiday, Kacaan-diid ayaan ahaa Adeer…wax xil inaan qabto walgeey ma jeclayn, daacadnimo ayaan intaan kusoo gaaray adeer”. Waxaa habeenkaas xabsiga la dhigay Madax badan oo ay ugu horeeyaan Madaxdii hore ee SYL( Sheekh Mukhtaar oo ahaa guddoomiyaha golaha shacabka, Maxamed Xaaji Ibrahim Cigaal iyo Madaxweynihii hore Aden Cadde) iyo rag kale, Golihii Wasiirada, Xildhibaano iyo qaar Xukunkii SYL waxaa lagu xiray Beerta Sheekh Za’id ee Afgooye oo ka tirsan gobolka Shabeelaha hoose. Waxaa La Mamnuucay Axsaabta, isu soo baxyada iyo xitaa shirarka gaar ah, waxaana dalka lagu soo rogay Nidaam adag oo dadka xakameeyo. Dhank Raadiyaha iyo fanka si aad ah ayey uga faa’ideysteen saraakiishii dalka inqilaabka ka dhigtay, sida uu Barnaamijkan u sheegay Fanaanka Caanka ah ee Axmed Naaji Sacad. Axmed Naaji ayaa nooga sheekeeyay wixii dhacay habeenkii dalka Kacaanka ka curtay ee October 21, 1969-kii, Naji Waxaa uu sheegay in uu xiligaas uu isaga gacanta ku hayey 4 fure oo ka tirsan Istuudiyaasha Radio Muqdishu sida 1-baad, 2-baad, 3-xaad iyo 4-raad, habeenkaas in uu Kacaan dhalanaayo kama warqabin ayuu intaa raaciyay, waxaa xusid mudan in xiligaas aanu dalka ka jirin wax Telefishin ah. Marka hore Kacaanka waxaa uu la wareegay Radio Muqdishu kadibna Baarlamaanka qaranka iyo Xildhibaanada oo la dhihi jiray xiligaas Dipitaalayaal. Axmed Naaji 3:00 Habeenimo ama 9-saac habeenka Kacaanka ayaa lagu soo garaacay guriga, Waxaana loo waday dhanka idaacadda, inta uu waddada sii socday, Saraakiishii wadday iyo kuwa wadada jooga waxay la isku afgaranaayey waa Qurac, Qansax iyo erayo kale oo la mid ah. Markii la geeyay idaacadda Axmed Naaji waxaa uu halkaas ugu tagay Fanaaniintii dalka intooda badan oo iyagan hurdo loo diiday sida Daleys iyo Cali Suglle, halkaas ayaa loogu sheegay dhamaantood in uu Kacaan dalka dhashay, loona baahan yahay in ay dadka wacyi galiyaan. Fanaaniinta ayaa halkaas ku qoray Heestii ugu horeysay ee Kacaanka lagu ayidaayo oo Miraheeda ay Sameeyeen Cali Sugulle iyo Axmed Naaji, waxaa miraheeda ka mid ahaa”Ocotober waa duruur hilaacday, Soomaalida u da’day oo ay ku diirsadeen, Xoogibaa dadaaloo Xukunkii dalka heystee, anagana waan ku raacnay, Hambalyadii” Heestaah oo ay xifdinayeen ilaa 6-da subaxnimo xiligaas oo Idaacadda soo gali jirtay, waxaa kaloo uu noo sheegay in Habeenkaas xitaa la soo afduubay wadaadkii Quraanka ku furi jiray Idaacadda ee Sheekh Maxamed halka Wariye lagu magacaabo Cabdullahi uu warka ku furay Idaacadda subaxdaas. Idaacadda halkii laga dhihi jiray”Halkani waa Radio Muqdishu Codka Jamhuuriyadda, Waxaa lagu badalay halkani waa Radio Muqdishu Codka Umadda Soomaaliyeed”. Waxyaabaha lagu amray Wariyaasha waxaa ka mid ahaa in maalintaas aanay shaqaalaha dowladda shaqo u soo bixi Karin, Waxaa kaloo Idaacadda laga sheegay in Police aanu socon Karin waddada oo Ciidanka Militariga kaliya socon karaan. Khudbaddii ugu horeysay ee Siyaad Barre ee idaacadda ka jeediyo waxaa uu uga hadlay dhowr arin sida in hantida qaranka la lunsaday, in cashuurihii jeebka lagu shubtay, waxaa uu sheegay in Musuqa uu hareeyay dhamaan madaxda dowladda. Jaalle Siyaad waxaa uu shacabka u sheegay in dalka uu qarka u saarnaa in uu burburo, dhaqaale iyo Siyaasad ahaan kaliya ma ahee xitaa in ay dalka ku soo food lahaa dhibaato taariikheed iyo mid qaran, arintan ay ku dhalisay in dalka ay inqilaab ka sameeyaan, isagoo intaa ku daray in aan laga aamusi Karin in Madaxweynihii dalka uu dilo Askari yar iyadoo halkaas ay joogaa madaxdii dalka sida Gudoomiyaha baarlamaanka, isagoo balan qaaday in ay ka hortagayaan nin jecleysiga, Musuqa iyo Qabyaaladda. Golaha Kacaanka waxaa uu laalay Dastuurka dalka, waxaa uu kala diray dhamaan hay’adihii dastuuriga ahaa ee dalka, Sida xukuumaddii, Baarlamaankii, Garsoorkii, xitaa waxaa uu dalka ka mamnuucay siyaasadihii iyagoo dhamaam awoodihii gacanta u galiyay Madaxweynaha dalka. Jaalle Maxamed Siyaad waxaa uu nonqday Afhayeenka iyo hogaamiyaha Kacaanka isagoo Xogheyayaal ka dhigtay dadkii afgabiga ay isla wadeen sida Jamaca Cali Qorshel, Maxamed Ceynaashe, Xuseen Kulmiye Afrax, Ibrahim Megag Samatar, Maxamud Cabdi Caraale, Salaad Gabeyre iyo rag kale. Dadkii iska diiday Kacaanka, waxaa loo bixiyay”Kacaan diid” taas oo dadka ku dhalisay cabsi badan, waayo qofkii lagu tuhmo Kacaan diid, Waxaa lagula kici jiray falal xun oo xariga ugu roon yahay. Hadaba Maxaa Lagu Xasuustaa Jaalle Siyaad: September 1970: Maxamed Siyaad Barre Waxaa uu soo saaray xeerka 54-raad kasoo oo dhigiisu ahaa in qofka la iska xero karo sabab la’aan iyadoo aan wax maxkamad ah lasoo taagin, waxaa xiligaas aad looga cabsan jiray hay’adda sirdoonka ee NSS-ta. October 20, 1970: Jaalle Siyaad Barre ayaa sheegay in Soomaaliya noqotay Socialist State. May 5, 1971: Siyaad Barre waxaa uu xiray raggii ugu sareeyay Kacaanka sida General Salad Gabeyre oo ahaa ku xigeenka Maxamed Siyaad iyo aabihii Kacaanka, Waxaa kaloo la xiray General Maxamed Ainanshe, Labada nin waxaa laga saaray Golaha sare ee Kacaanka, waxaa sidoo kale laga dhigay dhamaan garaadihii ay heysteen markii dambana waxaa labadooda lagu toogtay Scoula Polisaia”. January 21, 1971: Waxaa la dhisay guddiga Af-Soomaaliga, gudigan waxaa dhisay golaha sare ee kacaanka si ay u sameeyaan xarfaha ugu haboon ee lagu qoraayo Soomaaliga. Guddigan waxaa uu ka koobnaa 21 qof oo ah xeeldheerayaal Afafka ah iyo labo lataliye, Muddo 22 Bilood gudahood ah ayaa waxaa lagu diyaariyey Buugaagta Dugsiga dhexe xarfaha higgaadda Af-Soomaaligu oo ka kooban 5 Shaqal iyo 21 Shibbane. Ololihii Hor-umarinta reer Miyiga, waa tilaabo kale uu Siyaad Barre iyo maamulkiisa ku guuleysteen in Macaliinta xiliga fasaxa loo diro miyiga si dadka wax u baraan, waxaa kaloo laga faa’ideystay ardayda, Fanaaniinta iyo cid kasta oo aqoon leh, Barnaamijkan oo guuleystay waxaa uu dadka baray in ay wax qori karaan, waxaa uu sidoo kale hoos u dhigay Umminimada. 1974: Soomaaliya waxaa ay ku biirtay ururka Jaamacadda sanadkii 1974-tii, isla sanadkaan Waxaa uu Madaxweyne Barre uu noqday Madaxweynaha Midowga Afrika, Shirka Madaxeedka Afrika ayaa lagu qabtay magaalada Muqdishu. January 11, 1975 Madaxweyne Maxamed Siyaad ayaa soo saaray Xeerla Qoyska(New Family Law) kaas uu ku simay dhaxalka raga iyo haweenka, isagoo laayey culimadii ka hor timid go’aankiisa 23 January 1975. Golihii sare ee Kacaanka, Waxaa 1976-dii ayaa isku badalay Xisbiga Hantiwadaaga Kacaanka Soomaaliyeed, iyagoo isku dayey in ay is waafijiyaan Diinta dalka oo Islaam aheyd iyo aragtidan Shuuciyadda iyo hantiwadaaga. July 1977: Waxaa uu dagaal dhex maray dalkeena iyo Xabishida, Waxaa lagu dagaalayey waa dhulka haatan loo yaqaano Kilinka Shanaad, inta aan la gaarin September 1977-kii, Ciidamada qalabka ee dalkeena waxaa ay gacanta ku dhigeen 90% dhulkaas maanta loogu yeero Ogaadeeniya ilaa markii dambe ay xabishida usoo hiiliyeen Ruushka iyo Cuba, Soomaaliyana halkaas ku jabtay. April 9, 1978 – Waxaa dhicisoobey Inqilaab lala maaganaa in lagu rido xukuumadii Siyaad Barre. Waxaana la toogtey 17 kamid ahaa ragii inqilaabka lagu tuhmay oo uu kujirey Col. Maxamed Sheekh Cismaan oo ahaa hogaaminayey Inqilaabka. Xilligaas ayuu C/Laahi Yuusuf ka baxay Soomaaliya maadaama uu kamid ah raggii ku jirey fulinta Inqilaabkaas. May 1988, Dad badan ayaa lagu dilay magaalada Hargeisa, reer Hargeisa waxaa ay ugu yeeraan Xasuuq, dowladda Soomaaliya ayaa lagu eedeeyay dhibkaas, ilaa iyo hadda dowladda Soomaaliya kama bixin raali galin iyo Magdhaw toona. May 15, 1990: Rag lagu qiyaasay 114 qof oo isgu jira Culimaa’udiin, Ganacsato iyo Siyaasiyiin oo loo yaqaanay (Manifesto Group) ayaa Maxamed Siyaad u soo jeediyay in xilka isaga dago taas oo ku gacan seyray. Maxamed Siyaad Waxaa la dhihi jiray Guulwade, Jaalle Siyaad iyo ereyo kale oo ku tusinaya in uu dadka sareeyo, dadka waxaa looga dhigay in uu yahay aabaha guusha, Waxaa uu jeclaa in aabo u noqdo hor-umar kasta oo dalka ka dhacaya, dhismo kasta oo maanta dalka waxtar u leh dhismayaal dowladeed, Dekado iyo Airportiyo, Jidad, isbitaalo, Jaamacado, Warshado, afka la qoro, wax walba isagaa ayaa bilaabay isla markaana dhameeyay. Ugu Dambeyntii Jaalle Maxamed Siyaad Waxaa uu dalka isaga baxay January 27, 1991-kiikadib markii Caasimadda Muqdisho kala wareegeen Jabhaddii USC, Barre waxaa uu Magangalyo siyaasadeed ka helay dalka Nageiria halkaas uu ku sugnaa ilaa uu ka geeriyooday January 2, 1995 magaalada Lagos ee dalka Nigeria. 55 sano kadib, dad badan ayaa isweydiinaya, Maxaa qaldamay, dad badan ayaa isweyniinaya saameynta ka dhatay inqilaabkaas, Jaalle Siyaad ma saxnaa mise waa qaldanaa? waxaa laga yaabaa in dadka badan oo xiligaas noolaa ay xusuus badan ka hayaan, laakin waqtiga waqtigii ma aha, maamulkana maamulkii ma aha..Laakin waxaa hubaal ah in dalka u baahan yahay Kacdoon dhan walbo ah!!!! FG:- Taariikhdaan waxaa isku soo uruurisay Goobjoog News, mana banaana inaad qaadato Adiga oo aan dhowreyn xuquuqda qoraalka. Goobjoog News Source: goobjoog.com

Source

Muqdisho (Caasimada Online) – Dowladda federaalka Soomaaliya ayaa yeelatay ra’iisul wasaare ku-xigeen labaad, kaasi oo maanta la magacaabay. Wareegto kasoo baxday xafiiska ra’iisul wasaaraha Soomaaliya ayaa xilkaan loogu magacaabay Cabdisalaan Cabdi Cali, oo ahaa wasiirka howlaha guud. Xukuumadda ra’iisul wasaare Xamza ayaa noqotay xukuumaddii ugu horeysay oo yeelatay labo ra’iisul wasaare ku-xigeen, kaddib dowladdii kumeel-gaarka. Muddo xileedkii hore ee madaxweyne Xasan Sheekh ayaa xukuumaddiisa u horreeyay uu magacaabay ay yeelatay hal ra’iisul wasaare ku-xigeen, taasi oo meesha ka saartay ra’iisul wasaare ku-xigeenadii saddexda ahaa ee xukuumadihii dowladdii KMG ay laheyd. Magacaabista xilkaan ayaa waxaa muddo hortaagna ra’iisul wasaare ku-xigeen Saalax Jaamac iyo xildhibaannada gobollada Waqooyi oo ayagu u arkayay in la wiiqayo awoodooda, ayada oo ugu dambeyn ay Madaxtooyada ku qancisay inuu ka fuqo. Saalax ayaa maalmo kahor wajahay dagaal siyaasadeed lagu dhaafin rabay kursigiisa golaha Aqalka Sare ee baarlamaanka Soomaaliya, kaas oo ay markii dambe soo fara-gelisay Madaxtooyada, oo ayadu guddoomiye Cabdi Xaashi ku qancisay inuu Saalax u dhaafo kursigiisa. Madaxweyne Xasan Sheekh ayaa horey ballan-qaad ugu sameeyay magacaabista kursigaan, oo ay ka dalbadeen siyaasiyiinta iyo xildhibaannada baarlamaanka ku metela Koonfur Galbeed. The post Xukuumadda Xamza oo yeelatay R/Wasaare ku-xigeen labaad – Yaa loo magacaabay? appeared first on Caasimada Online.

464204310_875455214653794_214528641054700123_n Qaran News

Abdisalan Cabdi Cali oo ahaa Wasiirka Howlaha Guud ayaa loo magacaabay Ra’iisul Wasaare Kuxigeen XFS. Xukuumadda Ra’iisul Wasaare Xamse ayaa noqotay Xukuumaddii u horeysay oo yeelatay Labo Ra’iisul Wasaare, kaddib Dowladdii KMG. Xildhibaan Yuusuf Maxamed Aadan loo magacaabay xilka Wasiirka Wasaaradda shaqada iyo Arrimaha Bulshada ee Jamhuuriyadda Federaalka Cilmi Maxamuud Nuur ayaa mar kale dib ugu soo laabtay Xukuumadda RW Xamse, waxaana loo magacaabay Wasiirka Howlaha Guud. Wasiir Dowlaha Cusub ee Wasaarada Kaluumeysiga iyo Dhaqaalaha Buluuga XFS ayaa loo magacaabay Xildhibaan Mohamed Yusuf Hassan. Ambassador Ilyaas Sheekh Cumar Abuubakar loo magacaabay Wasiiru Dowlaha Wasaaradda Cadaaladda iyo Dastuurka. Xildhibaan Mohamoud Ahmed Adan oo loo magacaabay Wasiirka Dekadaha iyo Gaadiidka Ee Dowladda Federaalka Soomaaliya, Xildhibaan Caynaanshe Yuusuf Xuseen ayaa loo magacaabay wasiiru dawlaha kaluumaysigga. Waxa uu bedelayaa xildhibaan Baxnaan Bashiir. Ismail Shire Buraale ayaa loo magacaabay wasiiru dawlaha wasaaradda batroolka iyo macdanta DFS, kursigaan ayaa horey u banaanaa maadaama uu iska casilay Mashruuc. Wasiir Dowlaha Cusub ee Wasaarada Qoyska iyo Horumarinta Xuquuqul insaanka XFS ayaa loo magacaabay Mohamed Osman Naastaro Source: goobjoog.com

Qaran News

Musharaxa Madaxweyne ee xisbiga Waddani Cabdiraxmaan Maxamed Cabdilaahi (Cirro) ayaa ka qayb galay ‘ Munaasibad ay ku dardargalinayaan Garabka haweenka ee ardaaga baho-deeqsi cududood taageero ee xisbiga waddani Una Muujinayeen Sida Diyaarka U Yihiin Inay Murashaxa Iyo Xisbigaba Dhisaan Una Codeeyaan Murashaxa Madaxweyne Cirro Waxa Munaasibada Ku Wehelinaayey Xubno Ka Mid Ah Masuuliyiinta Xisbiga Ugu Saraysa Qaran News

Ra’iisul Wasaaraha Xukuumadda Federaalka Soomaaliya Xamse Cabdi Barre ayaa magacaabay Ra’iisul Wasaare ku xigeen labaad oo ay yeelanayso Xukuumaddiisa. Ra’iisul Wasaare Xamse ayaa Cabdisalaan Cabdi Cali oo ahaa Wasiirka Hawlaha guud u magacaabay Ra’iisul Wasaare ku xigeenka labaad ee Xukuumadda Federaalka Soomaaliya. Ra’iisul Wasaare Xamse ayaa sidoo kale Wasiirka Hawlaha guud oo uu banneeyay Cabdisalaan Cabdi Cali waxa uu u magacaabay Cilmi Maxamuud Nuur oo hore u soo noqday Wasiirka Maaliyadda DFS. Xukuumadda Ra’iisul Wasaare Xamse ayaa noqotay Xukuumaddii u horeysay oo yeelatay Ra’iisul Wasaare kuxigeen labaad, kaddib Dowladdii KMG. Mudda xileedkii hore ee Madaxweyne Xasan Sheekh ayaa Xukuumaddiisa u horraysay uu magacaabay ay yeelatay hal Ra’iisul Wasaare kuxigeen taasi oo meesha ka saartay Ra’iisul Wasaare ku xigeenadii saddexda ahaa ee Xukuumadihii KMG ahaa. PUNTLAND POST The post Ra’iisul Wasaare Xamse oo magacaabay Ra’iisul Wasaare ku xigeen labaad oo Xukuumaddiisu yeelatay appeared first on Puntland Post.

Hargeysa (Caasimada Online) – Madaxweynaha Somaliland Muuse Biixi Cabdi ayaa maanta si rasmi ah u daah-furay diyaarado cusub oo Somaliland yeelan doonto (Somaliland Airline). Diyaaradahan oo ah nooca yaryar ayaa waxaa loogu talo-galay in lagu tababaro wadayaal (Pilots) dhinaca duulimaadyada ah oo reer Somaliland ah. Madaxweyne Biixi waxa uu ugu horrayn daah-furay diyaaradaha Somaliland Airline oo ay ka wada-shaqeeyeen khubaro u dhalatay dalka Serbia, sidoo kale wuxuu sameeyey duulimaadkii ugu horreeyey ee ay diyaaradda samayso, taas oo si nabad ah dib ugu soo degtay. Sidoo kale wuxuu dhagax-dhigay Machad cusub oo lagu baran doono cilmiga kaxaynta diyaaradaha, (Aviation Institute at Somaliland civil Aviation and Airport Authority), isaga oo sidoo kalena dhagax dhigay Teerminaal cusub oo loo binaynayo madaarka Cigaal. Intaas kadib wuxuu madaxweynaha xarigga ka jaray qolka madaxdu kasoo degto, kana dhoofto ee VIP-da oo casriyeyn iyo dib u habayn lagu sameeyey. Munaasibad kooban oo lagu xusayey mashaariicdan Somaliland u suura-galay, ayaa laga jeediyey hadalo lagu bogaadinayo horumarkan qaranku gaadhay iyo sida loogu hagar baxay. Xubno ay kamid yihiin madaxda ugu sarraysa hay’adaha duulista iyo madaaradda Somaliland, wasiirro, la-taliyeyaal iyo khubarada gacanta ku haysa tababarka diyaaradahan lagu bixin doono oo halkaas ka hadlay, ayaa bogaadiyey mashruucan lagu ibo furay diyaaradahan ay Somaliland leedahay iyo sida ay kaalinta mucda leh ugu leedahay siyaasadda madaxweynaha ee qaranka lagu hor marinayo. Madaxweynaha Biixi oo halkaas ka hadlay, ayaa madaxda hay’adda duulimaadyada ku bogaadiyey dedaalka ballaadhan ee ay sameeyeen iyo sida ay uga midho dhaliyeen riyadii ahayd in Somaliland yeelato diyaarado ay iskeed u leedahay Ugu dambayntii, madaxweyne Biixi waxa shahaado sharafyo guddoonsiiyey dhallinyaro dalka dibaddiisa kasoo baratay cilmiga waddista diyaaradaha iyo khubarada ajaanibka ah ee gacanta ku haya diyaaradaha cusub, kuwaas oo dhallinyarada bari doona wadista diyaaradaha. The post Sawirro: SOMALILAND oo markii u horeysay yeelatay diyaarado cusub + Qorshaha appeared first on Caasimada Online.

464259335_3903933089886769_824621741185790330_n Qaran News