MOGADISHU (HOL) - Five Al-Shabaab militants were Monday sentenced to death in Somalia’s Puntland state by a military court. Source: Hiiraan Online

(SLT-Tehran)-Hoggaamiyaha sare ee Iran Ayatollah Ali Khamenei ayaa cambaareeyey wasiirka arrimaha dibedda dalkas, oo wareysi sir ah oo la dusiyey ku sheegay in Ilaalada Kacaanka Islaamiga ah ay saameyn isaga ka badan ku leeyihiin siyaasadda arrimaha dibedda iyo xogta Nukliyeerka. Wareysiga oo uu baahiyey taleefishin fadhigiisu yahay London oo ku baxa luuqadda Persian-ka ayaa Mohammad Javad Zarif wuxuu ku sheegay in aanu haba yaraatee wax saameyn ah ku laheyn siyaasadda arrimaha dibedda Iran. Ayatollah Ali Khamenei, oo jeediyey khudbad laga baahiyey taleefishinka ayaan magacaabin Zarif, hase yeeshee wuxuu hadalldiisa ka yidhi “Tani waxa aheyd qalad weyn oo ay tahay in aanu sameyn sarkaal ka tirsan Jamhuuriyadda Islaamiga ah.” “Ma jirto meel dunida ka mid ah oo wasaaradda arrimaha dibedda ay go’aansato siyaasadda dibedda. Waxaa jira saraakiil ka sarreysa oo go’aanada iyo siyaasadaha qaata. Dabcan, wasaaradda arrimaha dibedda way ku lug leedahay.” Iran ayaa ka xanibtay inay dalka ka baxaan 15 qof oo lagu tuhmayo inay ku lug leeyihiin codka la dusiyey oo ay mas’uuliyiintu sheegeen in loogu talo-gala diiwaanka dowladda balse ayna aheyn in la baahiyo. Zarif ayaa wareysiga kaga ashtakooday heerka saameynta uu siyaasadda dibedda ku lahaa hoggaamiyihii la dilay ee ciidamada Qudus ee Kacaanka Islaamiga, Qassem Soleimani. Cajaladda maqalka ah oo muddo saddex saac socotay ee laga duubay Mohammad Javad Zarif, ayaa Iran ka dhalisay dood kulul ka hor doorashada madaxtinimada iyo xilli ay Iran wadahadallo lagu soo nooleynayo heshiiskii nukliyeerka magaalada Vienna kula leedahay quwadaha dunida. Qoraal uu soo dhigay Instagram kadib khudbadda Khamenei ayaa Zarif waxa uu kaga cudur daartay hadalladaas oo ka “cadheysiiyey” mas’uuliyiinta sare ee Iran. “Haddii aan ogaan lahaa in erey ka mid ah meel fagaare ah lagu daabacayi, ma aanan sheegeen,” ayuu yidhi Zarif. “Hadalkeyga…ma yareynin maqaamka iyo doorka aan la beddeli karin ee shahiid Soleimani.” Source

(SLT-Riyadh)-Markabka nooca xamuulka ee lagu magacaabo MV Mabrouka oo shixnad xoolo nool geeyey Dekedda Magaalada Jeddah ee dalka Sacuudiga ayaa dib ugu laabtay Dekedda Port Sudan ee dalka Suudan. Warbaahinta gudaha ee dalka Suudan ayaa sheegtay inuu Markabkaasi waday 7,228 neef oo ido ah iyo 114 neef oo Geel ah. Hadal ka soo baxay Wasaaradda Xannaanadda Xoolaha ee dalka Sacuudiga ayaa lagu sheegay inay Xoolahaasi ka heleen xanuunka qandhada ee Rift Vlley Fever, kadib markii muunad dhiig oo laga qaaday lagu baadhay Shaybaarka. Waa markabkii u horreeysay oo Shixnad Xoolo ah geeyey Sacuudiga oo dib loogu soo celiyey dalka Sudan oo ah dalkii laga soo raray Xoolahaasi. Source

Xisbiga u taliya dalka Hindiya ee BJP ayaa xoogga saaray sidii uu ugu guulaysan lahaa gobolka Galbeedka Bengal, balse natiijada doorashada ayaa muujinaysa in uu jab weyn halkaa kala kulmay. Iyadoo la tiriyay ku dhawaad dhammaan codadkii laga dhiibtay gobolkaas, ayaa xisbiga TMC ee ay hogaamiso Mamata Banerjee, waxa uu ku guulaystay in ka badan 200 kuraasta golaha wakiillada Galbeedka Bengal oo ka koobaan 294 kursi. Marwo Banerjee ayaa markii saddexaad noqotay hogaamiyaha gobolkaas muhiimka u ah siyaasadda dalkaas, waana haweeneyda qudha ee madax ka ah gobol ku yaalla Hindiya. Xisbiyada mucaaradka ah ayaa si weyn u soo dhaweeyay guusha ay gaadhay haweeneyda 66 jidhka ah. Raysal wasaare Narendra Modi ayaa lagu dhaliilay inuu xoogga saaray doorashada gobollada halkii uu wax ka qaban lahaa cudurka safmarka ah ee Covid-19, kas oo fara ba’an ku haya Hindiya. Xaalad murugsan Tobankii maalmood ee la soo dhaafay, Hindiya ayaa diiwaangelisay in ka badan 300,000 oo kiis maalintiiba. Axadii shalay ahayna, dalkaas waxa uu diiwaangeliyay dhimashadii ugu badneyd, waxaana cudurka u geeriyooday 3,689 oo qof. Cisbitaallada ayaa waxaa buuxsamay sariiraha bukaanka, halka oksijiinta ay gabaabsi tahay. Shacabka Hindiya ayaa baraha bulshada u adeegsaday inay gargaar ka codsadaan gudaha iyo dibedda dalka. Khubarada ayaa sheegaya in isu soo baxyada ololaha doorashada iyo codeynta ay qeyb weyn ka qaateen faafidda cudurka. Raysal wasaare Modi iyo wasiirkiisa arrimaha gudaha ee marar badan khudbado u jeediyay dadweynaha Galbeedka Bengal, waxaana mas’uuliyiintaas lagu eedeeyay inay doorashada ka doorbideen xakameynta cudurka. Caasimadda Delhi Ugu yaraan 12 bukaan ah oo uu kamid yahay dhakhtar ayaa ku geeriyooday cisbitaal caan ah kadib markii ay Sabtidii ka go’day oksijiinta. Mid kamid ah dhakhaatiirta Hindiya ayaa sheegay in xaaladdu ay tahay mid argagax leh. “Marka uu cisbitaalka isticmaalo keydkiisa oksijiinta ah, ma jirto meel kale oo uu ka helayo oksijiin dheeraad ah,” ayuu yidhi dhakhtarka. Cisbitaallada yaryar ayaa wajahaya xaalad aan la qiyaasi karin, maadaama aanay intooda badan lahayn oksijiin keyd ah. Caasimadda Delhi ayaa ah meesha uu sida ba’an u saameeyay xanuunka, waxaana Axadii oo keliya laga diiwaangeliyay in ka badan 25,000 oo kiis, halka dhimashadana ay gaadhay 412 qof. Source

10 sanno ayaa laga joogaa markii Ciidamo hubaysan oo Maraykan ahi ay dalka Pakistan ku dileen hoggaamiyihii al-Qaacidda Usaama Ben Laden. Osaama oo muddo dheer hoggaaminayey ururka al-Qaacida ayaa saamayn weyn ku yeeshay caalamka oo idil kaddib weerarkii 11-kii Sebtember 2001-dii. Haddaba, 10 sanno kaddib dilkiisii maxaa iska badlay ururkii Alqaacidda ee uu hoggaamin jiray iyo weerrradii ay ku qaadi jireen meelo badan oo ka mid ah adduunka. Su’aashaas iyo kuwo Kale waxaa ka jawaabaya Abdiraxmaan Haddaana oo arrimaha Islaamka iyo dunida Carabta ka faallooda. Source

Dunida waxaa maanta laga xusayaa maalinta caalamiga ah ee warbaahinta, Soomaaliya ayaa laga deyrinayaa xaalka saxafiyiinteeda iyada oo arrintaas ay ka hadleen hey’ado dowli ah iyo qaar maxali ah. Amnesty international oo qoraal maanta sameysay waxaa ku jirtay in Soomaaliya ay ku jirto meelaha ugu dhib badan oo uu saxafiga ku shaqeeyo, iyada oo la dilo, la garaaco, la handado, la iskana xiro, waxaa ayna eedda dusha ka saartay booliiska, militariga iyo hey’adaha kale ee dowladda federaalka ah iyo maamul goboleedyada, waxaa kale oo ay intaas ku dartay in maamullada ay diideen bixinta xogaha. Warbixinta Amnesty international waxaa ku jirta in ilaa 3 saxafi la dilay tan iyo sanadkii hore halka saxafiyiin lagu maxkamadeeyey Muqdisho iyo Garoowe, labo ka mid ah saxafiyiinta waxaa lasoo taagay maxkamad military sida Maxamed Cabdiwahab Nuur (Abuja) iyo Kilwe Adan Farax. Xuskan maalinta warbaahinta, waxaa sidoo kale ka hadlay ergeyga xogeyaha guud ee QM u qaabilsan Soomaaliya James Swan, isaga oo sheegay ahmiyadda ay leedahay helidda xogaha, awood siinta haweenka, dhiirigelinta sharciga, ka jawaabidda Covid 19 iyo arrimo kale. The Somali Media Association (SOMA) oo ah hey’ad u dooda xuquuqda saxafiyiinta oo maanta xutay in saxafayiinta ay la kulmaan dhibaatooyin isugu jira dil, dhac iyo handadaad. SOMA waxaa ay qortay in sanadkan saxafi lagu dilay Galkacyo, Puntland halka guud ahaan Soomaaliya lagu xiray 14 saxafi iyada oo sababaha ku sheegtay iney maamullada ay dhibsadeen war tabintooda. Warbixinta waxaa ku jirtay in Mustaqbal Media Center, la weeraray, lagana qaatay qalab isla markaana la waxyeeleeyey qaar ka tirsan shaqaalaha. Hey’adda kale ee Saxafiyiinta ee SJS ayaa iyadana munaasabadda maanta ah qoray “Laga soo bilaabo Jannaayo illaa Abriil 2021 oo keliya, waxaa la xiray 30 weriye, iyadoo laba ka mid ah la maxkamadeeyay halka saddex xarun warbaahineedna la weeraray. Dhammaan xadgudubyadan waxaa geystey ciidamada amniga sida Hay’adda Sirdoonka iyo Nabadsugida Qaranka (NISA), Booliska Haramcad, ciidamada amaanka ee dowlad goboleedyada Puntland, Galmudug, Koonfur Galbeed iyo HirShabeelle. Somaliland waxay xirtay lix wariye afartii bilood ee la soo dhaafay. Al-Shabaab ayaa sheegatay mas’uuliyadda dhimashada wariye Jamaal Faarax Aadan, halka ciidamada ammaanka dowladda ay toogteen oo dhaawaceen labo wariye oo waajibaad shaqo ku jiray. Hanjabaadaha iyo weerarada ka imaanaya saraakiisha dowladda, shaqsiyaadka gaarka ah iyo al-Shabaab waa kuwo kudhowaad maalinle ah. Soomaaliya waxay wali heysataa derejadeedii foosha xumeyd oo ah inay ka mid tahay waddamada ugu halista badan ee suxufinimo looga shaqeeyo. SJS oo sii hadleysa “Helitaanka macluumaadka ayaa aad u xaddidan waddanka oo dhan. Xirfadleyda warbaahinta waxaa lagu dhibaateynayaa, lagana hor istaagay inay galaan dhismayaasha dowladda oo ay ka mid yihiin Aqalka Hoose ee Baarlamaanada Federaalka iyo xarumaha kale ee dowladda. Mas’uuliyiinta – ha ahaadeen heer federaal ama heer gobol – illaa hadda ma furin baaritaanno la xiriira dilalka iyo weerarro ka dhan ah suxufiyiinta iyo shaqaalaha kale ee “Saxaafadda xorta ahi waxay door muhiim ah ka ciyaartaa ku wargelinta muwaadiniinta arrimaha danta dadweynaha iyo la socodka tallaabooyinka dowladda heerarkeeda kala duwan ay qaadeyso. Markii warfidiyeenka loo hanjabo, la weeraro, la xiro oo xarumaha warbaahineed la weeraro waxaa taasi macnaheedu yahay in muwaadiniintu aysan xaq u yeelan doonin inay soo bandhigaan arrimo muhiim ah oo saamaynaya dhismaha dowladnimada iyo ku dhaqanka sharciga oo muhiim u ah dowladnimada Soomaaliya,” ayuu yiri ”Cabdalle Axmed Mumin, Xoghayaha Guud ee Ururka Suxufiyiinta Soomaaliyeed (SJS). Sanadkan ayaa waxaa ay kusoo aadeysaa iyada uu ballan uga baxay saxafiyiinta madaxweynihii hore ee Soomaaliya Maxamed Cabdullahi Farmaajo Farmaajo ayaa sanadkii hore, maalin dunida iyo Soomaaliyaba laga xusayey maalinta xorriyadda saxaafadda waxaa uu ballan qaaday in xeerka Ciqaabta Soomaaliyeed ee duugoobay ku sameynayo dib u eegis, isaga oo intaa raaciyey inuusan ku habboonayn in lagu maxkamadeeyo wariyeyaasha, xukuumaddiisuna ay ka shaqeynayso sidii looga gudbi lahaa inaan xeerkaas loo adeegsanin wariyeyaasha taasoo u baahan in la sameeyo dib u habeyn garsoor. Xeerkaas waxaa la meel mariyay 1964tii, kamana turjumi karo duruufaha maanta ee dalku ku sugan yahay. Madaweyne Farmaajo waxaa uu ka hadlay in maamulkiisa aanu u dulqaadan doonin in saxaafadda loo aamusiyo fikir siyaasadeed kana hortagi doonno dhib kasta oo loo geysanayo W/Q: Cabdicasis Gurbiye, Source: goobjoog.com

Muqdisho (Caasimada Online) – Ergeyga gaarka ah ee ka socda dowladda Qatar, gaar ahaan wasaaradda arrimaha dibadda ee dalkaasi Dr. Mutlaq Al-Qahtani ayaa lagu wadaa in maanta uu kulan gaar ah la qaato qaar ka mid ah madaxda dowlad goboleedyada dalka. Kulankan oo ka dhacaya Muqdisho ayaa waxaa ka qeyb-galaya madaxda Galmudug, HirShabelle iyo K/Galbeed, sida ay innoo xaqiijiyeen ilo wareedyo lagu kalsoon yahay. Madaxweynaha Koonfur Galbeed oo Muqdisho ka maqan ayaa sidoo kale saacadaha soo socda soo gaaraya caasimada, halka ay xaadir ku yihiin Qoor Qoor iyo Cali Guudlaawe. Sidoo kale wararka ayaa intaasi kusii daraya in kulankan ay cudur daarteen madaxda maamullada Puntland iyo Jubbaland oo uu weli khilaaf kala dhexeeyo dowladda. Wararka aan helnay ayaa sheegaya in kulankan dhex-mari doona madax goboleedyada qaar iyo ergeyga ka socda Qatar looga hadli doono xaaladda dalka iyo doorashooyinka. Al-Qahtani ayaa labadii maalin ee lasoo dhaafay kulamo ka waday magaalada Muqdisho, isaga oo la shiray ra’iisul wasaaraha, guddoonka baarlamaanka iyo musharraxiinta. Dhaq-dhaqaaqyadan siyaasadeed ayaa kusoo aadaya, xilli lagu wado in dhowaan dib loo bilaabo wada-hadalladii doorashada ee u dhexeeya dowladda iyo dowlad goboleedyada. The post Ergeyga Qatar oo la kulmaya qaar ka mid ah madax goboleedyada + Ujeedka appeared first on Caasimada Online.

Wasiirkii hore ee Badroolka Maxamed Muqtaar ayaa sheegay in aysan jirin khilaaf ka taagan fulinta heshiiskii 17 September, waxuuna ugu baaqay in Rooble uu noqdo mid ka madaax banaanada Maskaxda Farmaajo . Maxamed Muqtaar oo wareysi siiyay GoobJoog News ayaa sheegay in sidoo kale aad u soo dhaweynayaan go’aanka xukuumadda loogu warejiyay Hirgelinta doorashada . “Heshiishkaas marki hore dhinacyada dhan way isla gaareen , dowladda dhexe iyo dowlad gobaleedyada Golaha shacabka iyo Aqalka Sare waay ansixiyeen Madaxweeynaha wuu saxiixay waxa uuna ahaa heshiis si rasmi ah u dhameystiran Marka cidna ma diidana heshiiskaas sidoo kale heshiiskii 16 February guddi farsameedkii ku heshiiyeen cidna ma diidana Waxa leysku khilaafay oo dhibaataa ka imaatay ay tahay qaab ka loo fulinayo ” Wasiir Maxamed Muqtaar ayaa sidoo kale in ay muhiim aheyd in xilligan xukuumadda lagu soo wareejiyo howlaha doorashada . ” Midda kale ee ayadana muhiimka aheyd waxa ay tahay in uu yiri waxaan ku soo wareejiyay arrimihii doorashooyinka Ra’iisul wasaaraha , runtii taas waa talaabo la soo dhaweyn karo maadama asaga sida la dareemayo uu yahay Musharax, ayna jiraan musharixiin kale marka in ay xukuumadda ay waajibaadkeeda ay marka hore xaqqa u lahaeyd in ay qabato ” Wasiirkii hore ee Wasaaradda Badroolka ayaa sidoo kale sheegay in la ogaado illaa iyo inta Rooble lagu kalsoonaan karo . ” Dadka Soomaaliyeed ee miiska fadhiisanaya hadba illa iyo xadka ay is aamin sanyihiin in ay wax ka wada dhaxeeyaan qofka ay la xaajoonayaan hadda waxa uu shaki wayn laga qabo waa dowladda Federaalka iyo Rooble illa iyo Xadka la aamini karo uu matali karo oo uu u madax banaan yahay go’aankiisa ” Hoos Ka Daawo Muuqaalka Oo Dhameys Tiran . Source: goobjoog.com

Wasiirka Tamarta Iran Ardakanian ayaa isaga oo ka hadlaya shir jaraa’id oo ay si wada jir ah u qabteen dhigiisa Dalka Ciraaq Hantoush, wuxuu sheegay in Ciraaq ay ogolaatay in daynta la xaliyo iyada oo ballan qaaday in ay sii wadi doonto dhoofinta korontada dalkiisa deriska la ah waxa kale oo uu xusay in qayb ka mid ah lacagihii la xanibay loo isticmaali doono in lagu soo dhoofiyo talaalada Ruushka ee” Sputnik V” ee ka dhanka ah coronavirus-ka cusub, Hantoush, ayaa dhankiisa xaqiijiyay in labada dhinac ay ku heshiiyeen dib u bilaabida saadka tamarta ee Iran ay siiso ciraaq isla markaana ay heleen dariiqyo looga hortagi karo lacagaha la xayiray, in ka badan 5 bilyan oo doolar oo ka mid ah dhaqaalaha Iiraan ayaa weli ku xanniban Ciraaq, taas oo ka dhalatay ka dib markii dhoofinta gaaska iyo korontada Iraan uu cuna qabatayn saaray dalka Maraykanku. Arrintan ayaa sidoo kale si weyn uga dhex muuqatay wada hadaladii booqashadii u dambaysay ee Wasiirka Arrimaha Dibadda Ciraaq Fu’aad Xuseen ku yimid Tehran bishii Febraayo si uu wada hadallo ula yeesho saraakiisha Iran. Horaantii sabtida, wasiirka tamarta ciraaq oo booqasho ku yimid wuxuu kaloo wada hadal la yeeshay wasiirka saliida ee Iran Bijan Namdar Zanganeh oo ay kawada hadleen dhoofinta saliida iyo gaaska iyo xayiraada hantida. Ergeyga Iran u fadhiya Baghdad Iraj Masjedi jimcihii wuxuu sheegay in booqashada Hantoush ee Tehran ay ujeedkeedu tahay xal u helida daynta iyo balaarinta iskaashiga tamarta ee labada dal. PUNTLAND POST The post Dalalka Iran iyo Ciraaq oo iska kaashanaya dhanka Tamarta appeared first on Puntland Post.

Muqdisho (Caasimada Online) – Faah faahino dheeraad ah ayaa laga helayaa dilka saaka ka dhacay isgoyska Carwo Itko ee magaalada Muqdisho, kaas oo loo geystay qof shacab ahaa oo watay gaari nooca raaxada ah, sida ay xaqiijiyeen dad goobjoogayaal ah. Dilka ayaa waxaa lagu soo warramayaa inay fuliyeen kooxo hubeysan oo rasaas huwiyey gaariga uu watay marxuumka oo lagu magacaabi jiray, Cimraan Nuur Geedi. Wararka ayaa sheegaya in markii hore uu dhaawac halis ah soo gaaray Cimraan, balse uu markii dambe u geeriyooday dhiig-bax, sida ay innoo sheegeen goobjoogayaashu. Sidoo kale wararka ayaa intaasi kusii daraya inay goobta isaga baxsadeen raggii ka dambeeyey falkaasi dilka ah, waxaana meesha teegay ciidan ka tirsan kuwa amniga. Ma cadda illaa iyo hadda sababta rasmiga ah ee loo toogtay ninkaasi shacabka ahaa, balse meydkiisa ayaa waxaa loo soo qaaday CID-da, si loogu sameeyo baariraano dheeri ah. Ma jiro weli wax faah faahin ah oo ka soo baxay dhinaca saraakiisha laamaha ammaanka oo ku aadan dhacdadaasi iyo howl-gallada xigay ee ay sameeyeen ciidamada Booliiska. Muqdisho ayaa waxaa muddooyinkii dambe ka dhacayey falal liddi ku ah amniga oo isugu jiro dagaallo, dilal qorsheysan iyo qaraxyo geystay khasaare dhimasho iyo dhaawac. The post Koox hubeysan oo maanta dil ka geysatay magaalada Muqdisho appeared first on Caasimada Online.

Facebook has become a platform for online attacks, death threats including threats of beheadings against journalists in Somalia and their families amid an increase of hate speech, incitement to violence and calls for murder targeted to media workers and critics, a new survey by Somali Journalists Syndicate (SJS) has found. Source: Hiiraan Online

MOGADISHU (HOL) - Two journalists were killed and over 30 others arrested or charged by authorities across Somalia in 2020, a local pressure group has said warning the country still remained a dangerous place for journalists. Source: Hiiraan Online

Garoowe (Caasimada Online) – Maxkamadda ciidamada ee dowlad goboleedka Puntland ayaa xukun dil ah ku ridday illaa shan xubnood oo ka tirsanaa kooxda Al-Shabaab, kadib markii ay maxkamaddu sheegtay in dhamaan raggaasi lagu helay dambigii lagu soo oogay. Maxkamadeynta raggan oo ay Puntland sheegtay inay ka tirsanaayeen Al-Shabaab ayaa ka dhacday magaalada Gaalkacyo, taas oo socotay labadii cisho ee lasoo dhaafay. Xubnaha la xukumay ayaa kala ah:- Maxamed Xaashi Mu’min (Abu-dayib), Cabdulqaadir Axmed Ummal (Abu-Cabdalla), Maxamed Cali Cawke (Jeeri), Maxamed Cabdullaahi Ayaanle(Abbeyle) iyo Qaasim Jaylaani Al-turaabi. Sidoo kale maxkamadda ayaa sii deysay illaa afar ruux oo ay shaacisay in lagu waayey dacwaddii lagu soo oogay oo aheyd inay ka tirsanaayeen Ururka Al-Shabaab. Bishii hore ee April ayey aheyd markii maxkamadda ciidamada Puntland ay xukun adag sidan oo kale ugu ridday shan xubnood oo ka tirsanaa dhaq-dhaqaaqa Al-Shabaab, kuwaas oo lagu eedeeyey weeraro iyo dilal qorsheysan oo ka dhacay deegaanada maamulkaasi. Si kastaba dagaalyahanada Al-Shabaab oo ku xoogan dhulka buuraleyda ee gobolka Bari ayaa weeraro ku dhufo oo ka dhaqaaq ah ka fuliya magaalooyinka waa-weyn ee Puntland. The post Puntland oo xukun dil ah ku ridday shan ka tirsan Al-Shabaab appeared first on Caasimada Online.

Maanta oo kale sanad walba waxaa dunida laga xusaa xorriyadda saxaafadda, sanadkan ayaa waxaa ay kusoo aadeysaa iyada oo laga deyrinayo habka ay dowladda federaalka ah ula dhaqansto saxaafadda iyo ballan-bax uu sameeyey Farmaajo. Madaxweynahii hore ee JFS Maxamed Cabdullaahi Farmaajo ayaa sanadkii hore, maalin dunida iyo Soomaaliyaba laga xusayey maalinta xorriyadda saxaafadda waxaa uu ballan qaaday in xeerka Ciqaabta Soomaaliyeed ee duugoobay ku sameynayo dib u eegis, isaga oo intaa raaciyey inuusan ku habboonayn in lagu maxkamadeeyo wariyeyaasha, xukuumaddiisuna ay ka shaqeynayso sidii looga gudbi lahaa inaan xeerkaas loo adeegsanin wariyeyaasha taasoo u baahan in la sameeyo dib u habeyn garsoor. Xeerkaas waxaa la meel mariyay 1964tii, kamana turjumi karo duruufaha maanta ee dalku ku sugan yahay. Madaweyne Farmaajo waxaa uu ka hadlay in maamulkiisa aanu u dulqaadan doonin in saxaafadda loo aamusiyo fikir siyaasadeed kana hortagi doonno dhib kasta oo loo geysanayo. Sidaa ay tahay, Farmaajo wax isbadal ah kuma sameyn xeerkaas, oo weli waxaa lagu beegsadaa saxafayiinta iyada oo xukun qodobbada xeerkaas ah lagu riday tifaftiraha guud ee Goobjoog Cabdicasis Gurbiye 29-kii July 2020-kii. Akhriso: Beenta Farmaajo Source: goobjoog.com

INAA LILAAHI WA INAA ILEYHI RAAJUCIIN. Allaah ha u naxariistee waxaa habeenkii xalay Axad 4.05..2021 ku geeriyooday magaalada Copenhegan Dalka Danmark Xaaji Maxamed Xuseen Daaniye . Dhamaan xubnaha Jaaliyada Somaaliyeed ee Reer Puntland iyo Jubbaland ee Danmark waxay iyagoo ka tiiraneysan geeridaa naxdinta leh ee ku timid Marxuum Maxamed Xuseen ay Tacsi u dirayaan Qoyskii, Eheladii, Asxaabtii, gaar ahaan Xaaskiisii Kaafiya Sh. Cabdullaahi Iyo Caruurtiisa iyo Guud ahaan Reer Maxamed Daaniye. Warbaahinta Puntlandi waxay sigaara uga tacsiyaynayaan Geerida Marxuumka Waxaa halkan Tacsi ka diraya Senator Bootan Bare Samatar Suldaan Cabdirisaq Xirsi Carab Cabdikariin Ciise Cali Caaqil Maxamed Farax Sandheer Suldaan Xuseen Ramadaan Dr.Said Ahmed oor Cali Daahir Jamac Kawis ( Qalinle) Cabdirisaq Khalif Xirsi ( Biine ) Sharmaake C.Farax Qambi iyo xaaskiisa Deeqa Cabdi Nuur Xuseen Cabdullaahi Khaliif (Naftixoor) Cabdirisaaq Yusuf Cali Xoosh Oday Qandala Abdi Xasan Abuukar Hussein Baynax Barre Mohamed Hassan Gelle Suldaan Cabdirisaq Xirsi Carab Baashi Xasan Tubaako Axmed Dibe Cabdinaasir Wacbuudhan Cabdirshiid Burburshe Saciid Cabdille Cali Ilweyn Cumar Sheikh Xaashi Cali Foor Cabdirshiid Siyaasi Jamac Axmed Nuur Cabdimaalik Qar iskaxoor Cabdullahi Guuleed Ibraahim Cabdi Qayaad Liibaan Farax Xayir Maxamed Axmed(Bashiir Cagay) Cabdulahi xuseen Calas Cabdirshiid Shirwac Maxamed Jamac Sooyaan Mohamuud Khaliif Abdijabar shekh cumar(Afguriye) Faadumo abdiraxmar max,ed(dhoodi) Cabdiqadir Khalif Xirsi Dhamac (Biine) Cabdi Dhaanjoor Cabdi Sahid Axmed Barre Cabdullahi Warsame Xasan Ahmed A. Osman Cabdirisaq Sanweyne Maxamuud Axmed Cali (Ilkacase) Dr.Mohamed Jamac Dr.Cabdirizak Jamac Ciise Sheekh Ibraahim Saalax Aadan Cabdicasiis Gurxan Cbdullaahi Xaashi Wayrax Dr.Cabdi Muuse Shiil Cabdikhaliif Mire Cabdirashiid Jamac Ciise Ex- Govoner Maxamed Faarax Ciise Suldaan Cabdiqaadir Xaaji Jamac Oday Yuusuf Shancad Cabdi Xasan Ciid Abdulaahi shiine Bashiir Quule Maxamuud cigaal Jakarab Mohamoud Omar Bulqaas Mohamed Abdulaahi Hussein (Shoortaayo) Mohamoud Osman (Surka) Ahmed Hussein Farax (Heeryo) Salah Said Diiriye Maxamuud Xarago Mustafe Yare Yusuf Cartan Abdullaahi Ahmed Haragweyn Eng.Omar Mohamoud Abdiqadir Sandeyl Cabdirisaq Cali Xaaji(Namhaan) Farah Isse Said Siciid Xuseen Faarax Siciid Maxamed Siciid Faadumo Cali Maxamed Xaawo Shabac Mulaaxo Xaraare Sahra Faarah Isir M Dhoore Asli Cabdulaahi Madaxey Maryan Jamac Aar Faadumo Axmed Ciid Ubax Axmed Ciid Bashiir Cali Adan Maxamed Axmed Shiino Abdirahman Hirsi Noor(Shiine) Ahmed Mohamed Isse(Dhakal) Jibriil Adan Galool Siciid Shabaab Daahir Maxamed Cali Cariif Cadnaan Maxamed Cusmaan Ubax Maxamed Cusmaan Idiris Xaaji Cali Cabdirisaaq Jamac Xasan Mursal Dhagaweyne Warsame Dhagacade Muuse Caydaruus Caydaruus Jamac Faarax Farxaan Ali Haashi Siciido Cusmaan Xaaji Xaawo Abdi Abshir Sucaad Mohamed Baynax Farxiyo Hassan Siciid caasho Koronto Farxiya Xasan Cali Xaashi Sahro Xasan Cali Xaashi Khadiijo Xaaji Axmed Ubax Maxamuud Kadawe Caasho Cusmaan Firin Sureer Cali Maad Hodan jeer Jeer Canab Cabaase Hodan Yusuf Nuux Canab Xuseen Xaraare Idil Xasan Cusmaan Kenadiid Sagal diiriye Colaad Abdihalim M.Ali-ilwen Ahmed Mohamed Nuur Axmed Cabdi Yusuf Siciido Adan Bidaar Mohamed Shukri Cabdulaahi Joocaar Maxamed Xasan Dooyo Cabdulaahi Hoover Yusuf Ilweyn Iiman Maxamed Cali Farax Camashuluq Cabdinasir Axmed Cigaal Abdifatah Ali Maas Cabdulaahi Gabeyre Maxamed Yusuf Qaylo Cabdirashiid Khaliif Nuune salaad Saciid Daahir Barkhadle Cali Ciise Dheere Mahad Ali Mohamed( Qoloocow) Mohamed Guray Mohamed Abdulaahi Haashi (Elay) Mohamoud Muse Hasan Weli Cabdinasir Cabdiqadir Cadceed Mohamoud A/qadir Haaji Mohamed Ali Dheere Axmed Wariye Cabdiraxiin Xasan Jabuuti Saciiid Karuur Maxamuud Xaamud Maxamed Ciise Cabdi Cabdilaahi Khaliif Fiiqow Abdulaahi Ali Shaandhe iyo Mumtaas Mohamed Faraax Najiib Qoob-leex iyo Jamiilo Looyaan Axmed Faarax Siciid Maxamed Cali Mohamed Abdi Cartan Fadlan u duceeya Marxuumka in Illaahay Dambigiida dhaafo, janadiina geeyo The post Tacsi- Jaaliyada Oo ka tacsiyaynaysa Geeridii Marxuum Maxamed Xuseen Daaniye appeared first on . Source

Muqdisho (Caasimada Online) – Ergayga gaar ah oo ay dowladda Qatar soo dirtay Dr. Mutlaq bin Majed al-Qahtani ayaa xalay Muqdisho kula kulmay xubno ka tirsan Golaha Midowga Musharaxiinta, kadib markii uu shalay la shiray mas’uuliyiinya dowladda federaalka. Hase yeeshee, warka ugu weyn ee safarka wafdiga ayaa noqon kulamadii dhacay balse waa kulanka aan dhicin, ee ah kan wafdiga Qatar iyo Guddoomiyaha Midowga Musharaxiinta Shariif Sheekh Axmed. Maxaa keenay in Shariif oo ah hoggaamiyaha ugu sarreeya Midowga Musharaxiinta uu diido la-kulanka wafdiga Qatar? Marka aad eegto sooyaalka Qatar ee Soomaaliya, gaar ahaan afartii sano ee ugu dambeeyey, Qatar ma sameysan xitaa hal shey oo Shariif uu ku ixtiraami karo, kulana kulmi karo ergeyga ay soo dirtay. Waxaa sidoo kale kale is-weydiin mudan, oo tuhun weyn abuuraya sababta xilligan kusoo beegtay ergeyga ay soo dirtay Qatar. Safarka ergeygan ayaa kusoo aaday xilli ururka Midowga Afrika uu doonayo inuu ergey gaar ah usoo diro Soomaaliya, sidoo kalena ururkaas uu qaatay siyaasad aad uga carreysiisay xulafada Qatar ee Villa Somalia, kadib markii uu si xooggan u cambaareeyey muddo kororsigii sharci-darrada ahaa ee madaxweyne Farmaajo. Xubno ka tirsan mucaaradka ayaa qaba in deg degta lagu soo diray ergeygan laga leeyahay laba ujeedo oo kala ah; 1- in la wiiqo qorshaha dhex-dhexaadinta Midowga Afrika iyo 2- In la qaboojiyo carcarta mucaaradka oo taageero shacab iyo mid ciidan ku jebiyey dowladda federaalka toddobaadkii tegay. Dhibaatada ugu weyn ee Soomaaliya ku habsatay afartii sano ee lasoo dhaafay waxay aheyd Qatar, oo xulufo weyn u aheyd Farmaajo. Waxay lacag sharci-darro ah oo ka baxsan nidaamka maaliyadda dalka ku taageereysay Farmaajo, taasi oo loo adeegsaday in lagu caburiyo, lagu weeraro laguna wiiqo siyaasiyiinta ka aragtida duwan dowladda iyo suxufiyiinta. Waxaa loo adeegsaday in lagu iibsado xildhibaanada baarlamanka, iyo cid kasta oo loo arko in hadalkeedu saameyn leeyahay oo mushahar laaluush ah oo bille ah loogu qoray. Maxay tahay marka xalka ay Qatar raadineyso inay Soomaalida dhex dhigto, mise waxay weji ka sameysaneysa mucaaradka, si lacalla haddii Farmaajo soo noqon waayey aysan ugu soo dhicin meel eber ah. Xubno ku dhow Shariifka oo codsaday inaan la magacaabin ayaa sheegay inn madaxweynihii hore uu qabo su’aalo ay ka mid yihiin: Xagee jirtay Qatar afartii sano ee tagtay, markii loo qeylinayey kaalmo dibadeed iyo in wax laga qabto xadgudubyada Villa Somalia ay ku kaceysay? Qatar xitaa kama hadal markii Muqdisho ay ololeysay toddobaadkii tegay ee ciidamada dowladda ay weerareen aqallada Xasan Sheekh iyo Cabdiraxmaan Cabdishakuur taasi oo dagaal gelisay caasimada. Kama hadal markii Farmaajo iyo Mursal ay sameysteen laba sano oo muddo kororsi sharci-darro ah, markaasi oo beesha caalamka oo idil ay soo saareen qoraallo ay ku diideen. Waxaa cad oo dood aysan ka taagneyn in Qatar ay la jirto dhinac ka mid ah dhinacyada isku haya siyaasadda Soomaaliya, lana jirtay muddo afar sano, ayna aheyd shidaalka hurinayey dhibka ka jira dalka. Qatar weligeed ma taageerin Soomaaliya iyo shacabkeeda ee waxay taageereysay shaqsi ka shaqeeya danaheeda. Haddii aad dooneyso inaan ogaato sida ay u egtahay taageerada Soomaaliya iyo shacabkeeda waxaad eegta Turkish-ka. Maxay Qatar u qabatay Soomaaliya oo muuqda? Waxa hadda kaliya la rajeyn karo ayaa ah in Qatar ay garowsatay qaladkeeda oo ay dhab ka tahay inay dooneyso xal, hase yeeshee diiwaankeeda taariikhda ma muujinayo rajadaas. The post Sababta uusan Shariif ula kulmin iyo shakiga laga qabo qorshaha ergeyga QATAR appeared first on Caasimada Online.

Turkish Red Crescent has intensified activities during Ramadan Source: Hiiraan Online

The African Union (AU) chairperson Moussa Faki Mahamat has on Sunday assured Somalia that the AU High Representative to serve as Special Envoy on Somalia’s political track, would be appointed ‘imminently’. Source: Hiiraan Online

Lawyers acting for the victims of a wave of abductions and torture by security forces in Uganda have named senior military commanders, including the president’s son, in a complaint to the international criminal court. Source: Hiiraan Online

Dareen Gabay: jabuuti miyay noo maqan tahay mise way nagu maqan tahay?! Dareen gabay: Jabuuti miyay noo maqan tahay mise way nagu maqan tahay?! Maanso Gabay: Magaca Maansadan waxa la yidhaahdaa: Dareenka Dadweynaha iyo Su’aal: D’Jibouti ma ii maqan tahay. Mise way igu maqan tahay?! By: Xildhibaan: Hussein Ismail Yusuf. Magaca Maansadu Waa: Dareenka Dadweynaha DJIBOUTI MA II MAQANTAHAY MISE WAA IGU MAQANTAHAY Dadweynaha reer Jabuutow Walaal Dumar iyo caruur “DAMAAD” baan soo qortee Daroon Somaliland Gabooyaha no da’weyniyo Dir iyo Daarood ka yimi Wixii Doodl-iyo Dacwana Durriyaddaa ku daliilin Walaal derisbaynu nahay Dadbaynnu isugu xignaa Dabkaynnu kala qaadannaa Dunbay-su-gu keen xidhnayd Daruuriyo Daad balaadhan Degaankiyo doogga baxa Duunyadu way wada Cuntaa Dukaanaleey kulay ku tahay Dadkuna waa wada degaa Haasaawaha Diiraniyo Barjaa lagu wada dekayn Adduun weligii ma dego Danqaabo lagama waayee Haddii aan wax kuu dednayn Intii Duniduba Dhisnayd Difaacaagaan ahaa Durrabaa ugu dambaysay Haddaad Duc kaleba Diiddo Walaal waa diinta iyo Intaa Dersinimo Wanaag Hayeeshee Daacad li’ Dareen-aba- baa I qalay Distoorkiyo Dawladnimo Markuu Calankii Dulbaxay Markay timi daaha Fura Dunidu ha-ku eegatee Aqoonisga iigu deeq Maxaad ii duudsidaa Qalbigu ii diidayaa Xaqayga ku deedafayn Dedaalkii Dawladnimo Xoriyad Doon Doonistii Waxaan daafaha addoon Dinahy-yee-yee-ya- yaan Daluumaha hooseiyo Daruuraha Kuugu koray. (Wada-2) cell (2). Wuxuu Dumar duunyo huray Waxay dahab iibiyeen, Dantoodii uga tageen Dalaaqana ay dhaceen Durbaan iyo daramal dhacay Aduun weligii ma degin Danqaabana lagama waayee Haddii aan wax kuu dednayn Intii duniduba dhisnayd Difaacaagaan ahaa Durraataa ugu dambaysay Haddad Duc kaleba Diiddo Walaal waa diinta iyo Intaa derisnimo wanaag Ha yeeshee daacad li’ Dareen- aba- baa I galay Distoork-iyo Dawladnimo Markuu calankii Dulbaxay Dunidu ha ku eegatee Markay timi Daaha fura Aqoonsiga iigu deeqa Maxaad ii duudusidaa Qalbigu ii diidayaa Xaqayga u deedafayn Wixii Cadaw Duulimaad Dul iyo hoos iigu dhigay Dalkaba waydaari iyo Dagaal duurka ha galee Diloo booboo dhac iyo Wixii Dabar gooyn I helay Dawaadda arday lehiyo Wuxuu Dilay Duubcaddii Dulbuuxii la igu dhigay Waxaan kaa doonayiyo Waxaan kaa damacsanaa Dubaaxdii kaama helin Dul-qaad-keedaan-lahaa Dagaal iyo Diri qadhaadh Dab iyo Naar la iskua shiday Ayaan doobi-gow cushoo Ilaahbaan Daawo saartoo Duuf-laal cadawgii ku diray Ano dii-fay-sanoo Bukaan Daran-yay-sanoo Duleedkaagaa Fadhiya Labaatan ku dhow Dednaa Adoo Dawadii hayana II diida Daryeelidiimm (Wada-3). Cell (3). Duunyana Xoolaan lahaa Dux iyo kowl ii ahaa Intii Dabar igu xidhnaa Kuwiina Dareesatoo Dallaa-llimo kuu hadhsade Dabool dekadaydi saartay Dagaal iigama ekee Nabsaan kugu Deynayaa. Aduun Weligii ma dego Danqaabo lagama waayee Haddii aan wax kuu dednayn Intii Duniduba Dhisnayd Difaa-caa-gaan ahaa Daraataa ugu dambaysay Haddaad duc kaleba diiday Walaal waa diinta iyo Intaa Dersinimo wanaag Ha yeeshee Daacad li’ Dareen-aba-baa I galay Distoor iyo Dawladnimo Markuu calankii Dulbaxay Markay timi daaha Fura Dunidu Hay-din-eegatee Aqoonsiga iigu deeqa Maxaad igu duudsidaa Qalbigu ii diidayaa Xaqayga u deedafayn Dul-waayeel Waa indhoo Wadada Dib-u-uraaci-yiyo Dantii Xamar by jirtaa Waxad Dacar Qooshatay iyo Waxaad dabin ii xidhaba Duqayn hoosaad waddoo Ilaahbaa iga Dulqaday Darxumo waa naga dulhaadday Diyaafadu aan dhigiyo Damaashaad lagu Dikro Dabaal-deggi waay Diyaar Nabsaa kugu dayranoo Xunbuli doo-yay-sanoo Markuu dabarkiisa goosto Intii uu damac-san-yahay Daqiiqad ma daa-ya-oo Dawaar kuu marin-yaqaan Haddaan Dunjigayga sheego Bal daymo-oo Duugga tegay Dir iyo Daroodna weydii Dagaal la iguma DIGTOO Dabaal Cada-daadi mooyee ( Wada-4) cell (4)/ Anaan ku degdegin dad laa Adduun weligii ma dego Danqaabo lagama waayee Haddii aan wax kuu dednayn Intii Duniduba Dhisnayd Difaac baan kuu ahaa Darraataa ugu dambaysay Haddaad Doc kaleba Diido Walaal Waa Diinta iyo Intaa Derisnimo wanaag Hayeeshee daacad li’ Dareen-aba-baa I galay. Distoor iyo Dawladnimo Markuu Calankii Dulbaxay Markay Timi daaha Fura Dunidu Hay-din eegatee Aqoonisga iigu deeqa Maxaad ii duudsidaa Qalbigu ii diidayaa Xaqayga ku deedafayn Nabsigu waa daabadoo Sidii diinkuu socdaa Dabaylii cad rogiyo Daaraha Mowjada Dulmara Duufaanbuu noqon-karaa Dadkii Xalay doobyayee Nicmada daac-daaca-yee Daf iyo midhiq-daa ahaa Dayaanku haddi u dhaco Digiyo Dambays bay noqdaan Dabeed Daasa-deey gurtaan Ceeyoonbaa loo Dawari Walaalow waa Dignin Walaalow Waa dardaaran Walaalow waa Danteen Walaalow waa Dulxaadis Dubii weynaa ma dhicin Ogoobay waa Durriyad Duudkii saadada ka baxay Dulamaa laga galay D’weyn Ducay Sacabada wadheen Cirkay daalacan hayaan Dareen Qu***** direen Allow Daayimow Allow Walaal ii Daran Dawee Da-wee-yoo Haddana dawee Hadduu diidana Dullee. NIN KUU DIGAY KUU DANEE ADAA DAYN QABEE BAL DAYO OO YAAN DOORKAA KU SEEGIN By: Xildhibaan: Hussein Ismail Yusuf. husseiniy@hotmail.com Qaran News

Somali Prime Minister Mohamed Hussein Roble has officially invited the Presidents of the Federal Member States (FMS) and the Governor of the Benadir Regional Administration (BRA) to attend the National Consultative Assembly to finalize the 17 Sep agreement between the Federal Government of Somalia (FGS) and the FMS. Source: Hiiraan Online

Muqdisho (Caasimada Online) – Iyadoo Sabtidii madaxweyne Maxamed Cabdullaahi Farmaajo uu hoggaanka doorashada iyo tan amniga doorashooyinka ku wareejiyay Ra’iisul Wasaaraha Soomaaliya Maxamed Xuseen Rooble, ayaa durba waxaa soo baxaya culeysyo ka hor imaanaya Rooble. Caqabada ugu weyn ee uu wajihi karo Rooble islamarkaana uu durba billawday qeyla dhaantooda ayaa ah wareejinta ammaanka guud ee dalka oo aan wali laga heynin Farmaajo. Mucaaradka iyo maamulada Puntland iyo Jubaland ayaa qaba in Madaxweyne Farmaajo uu wareejiyo ammaanka guud ee dalka, taasoo haddii aysan dhicin imaan doonin kalsooni amni, sababtoo ah waxaa weli ciidanka hoggaamiya taliyayaal isaga ka amar qaata, mana jirto awood uu Rooble leeyahay marka laga soo tago magac un, sida ay qabaan dhinacyadaas. Midowga Musharaxiinta iyo Maamulada Puntland iyo Jubaland ayaa Rooble ku cadaadinaya in uu la soo wareego ammaanka guud ee dalka, si xilka looga qaado taliyaasha ciidamada booliska, Milateriga iyo nabad sugidda oo lagu eedeeyay in ay wax ka abaabuleen dagaallo iyo weeraro ka dhacay Muqdisho. “Maadaama ay ciidammadii qaranka ku kala qeybsameen diidmada iyo difaaca muddo kororsiga sharci-darrida ah, Goluhu wuxuu soo jeedinayaa si dib loogu mideeyo ciidanka in xukuumaddu magacawdo hoggaan mideyn kara ciidanka, abuuri karana kalsooni dhexdooda ah. Golaha wuxuu ka digayaa in ciidanka diiday muddo kordhinta laga aarguto, xuquuqooda la duudsiiyo ama uu maamulka amniga faraha la soo galo, si muuqata ama si dadban, Madaxweynihii hore iyo xulafadiisa. Goluhu wuxuu ku boorrinaayaa Rai’isal Wasaare Roble in uu qaado tallaabooyin muujinaya in uu amniga dalka u madaxbannaan yahay, si uu u kasbado kalsoonida ciidanka, siyaasiyiinta, shacabka iyo beesha caalamkaba,” ayaa sidoo kale lagu yiri war-murtiyeed shalay kasoo baxay Golaha Midowga Musharaxiinta Dad badan ayaa qaba in Farmaajo uusan weli si rasmi ah u wareejin awoodda maamulka ciidamada, marka laga reebo afka un. “Haddii weli Fahad, Kulane, Xijaar, Qaroole, Biixi iyo Odowaa ay ka amar qaadanayaan Farmaajo maxay tahay amniga uu Rooble la wareegay ee gacantiisa ku jira, yaan lagu ciyaarin caqliyaddeena,” waxaa sidaas yiri mid ka mid ah mucaaradka oo la hadlay Caasimada Online. “Sidee Rooble ku maamuli amaanka doorashada marba haddii aysan hoos imaanin taliyaasha ciidamada qaranka.?” The post Warbixin: Caqabadaha uu durba wajahayo ROOBLE appeared first on Caasimada Online.

Siyaasi Xasan Maxamuud Warsame (Xasan Gadhweyne) Oo Tacsi U Diray Ehelkii iyo Qoyskii Uu Ka Baxay Marxuum Prof. Cabdilaahi Yaasiin Diiriye Siyaasi Xasan X. Maxamuud Warsame (Xasan Gadhweyne) Oo Tacsi U Diray Ehelkii iyo Qoyskii Uu Ka Baxay Marxuum Prof. Cabdilaahi Yaasiin Diiriye Tacsi INNAA LILLAAHI WA INNAA ILAYHI RAAJICUUN Waxaa maanta oo ay taariikhdu tahay 30/04/2021 ku geeryooday Caasimada Somaliland ee Hargeysa Marxuum Prof. Cabdilaahi Yaasiin Diiriye, oo 25kii sanno ee u danbeeyey ahaa Agaasimihii Xafiiska Manaahijta ee Wasaarada waxbarashada iyo sayniska Jsl, anigoo ah Xasan Xaaji Mxamuud Warsame (Xasan Gadhweyne) ka tacsiyadaynayaa geeridaasi bahda waxbarashada Somaliland, qoyska, ehelada, qaaradii, asxaabtii iyo dhamaan shacbiga Somaliland ee uu ka baxay. Marxuumku waxa uu ka mid ahaa tiirarkii aas-aaska waxbarashada Somaliland, waxaanu ku suntanaa dedaal, daacadnimo iyo hawlkarnimo dheeraada oo Alle hibo u siiyey. Waxaanan marxuumka ilaahay uga baryayaa inuu naxariistiisa janatul fardawsa ka waraabiyo, intii dhimatay ee muslimiinta ahaydna u danbe dhaafo inteena noolna inooga daba-naxariisto. Aamiin Aamiiin ….. Qaran News

Dugsiyada Nuuradiin Waa Shamac Ka Dhex Ifaya Waxbarashadda Somaliland Dugsiga Nuuradiin waxa la aasaasay sanadkii dabayaaqadii sanadka 1995 wuxuuna ka kooban yahay sadex qaybood oo waa wayn Qaybta Barbaarinta Ubadka, Dugsiga Hoose Dhexe iyo Dugsiyada Sare oo (qayb hablaha ah iyo qayb inamada ah). Dugsigan waxa Aasaasay muwaadin reer Somaliland Mahad Ibraahin Maxamed oo 30 kii sano ee danbeeyay kusoo dhex jiray bahda waxbarashada kana soo bilaabay Machad luuqdaha kala duwan lagu barto, maantana ka mid ah dugsiga ugu badan ee ay dhigato ardayd reer Somaliland. Dugsiyada sare ee nuuradiin-schools wuxuu ka mid yahay dugsiyada ugu waxbarashada tayada fiican dalka ayaa waxay ka soo bilaabeen heerar kala duwan ka dib markii ay kor u qaadeen heerka aqooneed ee macalimiinta duruusta siiya ardayda wax kabarta dugisyada nuuradiin. Waxa marag ma doona, Sanad kasta Dugsiyada Sare ee Nuuradiin waxay kaalmaha koowaad ka galaan Imtixaanka Shahaadiga ah ee Dugsiyada dalka waana talaabo muujinaysa heerka tayada tacliinta iyo tarbiyada ardayda wax ka barata dugsiyadda Nuuradiin. Dugsiga Nuuradiin waxa uu diyaariyay deegaan ku haboon waxbarashada iyo Aqoon u saamaxda arday wal oo Nuuradiin ka baxay Dugsiyadiisa sare inuu qaadan karo Takhasus wal oo ay Jaamacadaha Maxaliga ah iyo kuwa Dibaduba ay bixiyaan – ardayda dibadda u waxbarasho doonata Sidaas darteed hadafka waxbarasho ee Dugsiyada Nuuradiin iyo Halgankooda naf-huridda ah waa mid hanaqaaday oo hirgashay si ay bulshada ugu soo kordhiyaan arday ka dhisan aqoon maadi ah, mid diini ah iyo dhaqanka suuban ee aynu ka rabno ardaydeenu in ay yeeshaan. Hadaba dhacdadii ka dhacday qaybta dugsiga Nuuradiin Boys waxay ahayd kicin bulsho oo dabada ku haysa dano gaara iyo dagaal siyaasadeed oo cid gaar ah ka danabyso oo la rabo in lagu dumiyo mustaqbal ardayda wax ka barata. Xikmad soomaaliyeed ayaa tidhaa Geedku intuu yaryahay ayaa la toosiyaa, waxa taas ka dhigan Dugsigu waa goob tarbiyada ardayga lagu dhiso dhaqankiisa iyo akhlaaqdiisa lagu wanaajiyo; arday kasta oo ku kaca fal lidi ku ah iskuulka ama ka baxsan anshaxa waxbarashada waa qasab in talaabo laga qaado, iyadoo loo marayo hay,addaha sharciga ee dalka iyo wasaaradda waxbarashada Somaliland. Ma qumana in arday iyo macalinkiisa, ama arday iyo dugsigii uu wax ka baranayay laga dhex shaqeeyo iyadoo dano gaara la wato. Wabilaahi Tawfiiq Qalinkii: Tukaale Nuur Hargeysa/ Somaliland Qaran News

Illaahay naxariistii haka waraabiyee waxaa Magaalada Copenhegan Dalka Denmark ku geeriyooday Marxuum Maxamed Xuseen Daaniye Oo maalmahaan Xanuunsanaa. Dhamaan Jaaliyada Soomaaliyeed ee Dalka Denmark waxay tacsi Tiiraanyo Xambaarsan u dirayaan Caruuurtii iyo Xaaskii uu Marxuumka ka baxay. Waxaa sidoo kale loo tacsiyaynayaa dhamaan Reer Maxamed Daaniye. Ilaahay naxariistii Jano haka waraabiyo Marxuumka. Aaamiin Aamiin Guud ahaan Howlwadeenada Puntlandi waxay ka tacsiyaynayaan Geerida Marxuumka waxayna Tiiraanyada la wadaagayaan Caruurtii iyo Xaaskii uu Marxuumku ka baxay. Illaahay janatul Fardowsa haka waraabiyo Aaamiiin Aaaamiiin. The post Tacsi Tiiraanyo leh Alla ha naxariistii Maxamed Xuseen Daaniye oo ku geeriyooday Copenhagen Denmark appeared first on . Source