AMISOM oo loo kordhiyay Mudada howlgalkooda Soomaaliya Kulan ay shalay yeesheen 15-ka xubnood ee Midowga Afrika u qaabilsan Ammaanka iyo nabadgalyada ayaa lagu sheegay in la kordhinay mudada joogitaanka Ciidanka Nabad Ilaalinta AMISOM ee Soomaaliya. Xubnaha Midowga Afrika ayaa isku raacay in ilaa 31-ka December 2021 la gaarsiiyo joogitaanka Ciidanka AMISOM arintaas oo ay sabab uga dhigeen xaqiijinta amaanka iyo xasiloonida Soomaaliya maadaama Soomaaliya ay ku jirto xili kala guurka ah. Qorshahaan oo ah soo jeedin ayaa loo gudbiyay Golaha ammaanka ee Qaramada Midoobay kuwaasoo dhankooda laga sugayo fulinta qorshahan muddo kordhinta howlgalka. Ciidanka Amisom ee jooga Soomaaliya aya qorshohoodu yahay in ay kaalin weyn ka qaataan la dagaalanka argagaxisada iyaga oo garab ka helaya xoogga dalka Soomaaliya waxaana howlgalka joogitaankooda Soomaaliya uu sii galayaa sanadkii muddo 13 sano ah. Qaran News

Qaran News

Qaran News

Gantaallo laga soo tuuray meel ka baxsan dhulka Falastiin oo Israel ku dhacay . Saddex gantaal oo laga soo tuuray Lubnaan aya haleelay badda Mediterranean-ka ee ka baxsan xeebta waqooyiga Israa’iil, sida ay ciidammada difaaca Israa’iil (IDF) ay bartooda Twitter-ka ku sheegeen Ciidammada Difaaca ee Israel waxay sheegeen, in muddo yar ka hor gantaallo ka yimi meel aan carriga Falastiin ahayn ay ku soo dhaceen, iyaga oo aan faahfaahin badan raacin.Gantaalahan ayaan wax khatar ah galin Israel, sidaa darteedna lama yeedhin qalabka dhawaaqa ee tilmaama khatarta iyo sida oo kale lagama shaqaysiin nidaamyada difaaca gantaallada ee hawadooda sida ay tebinayaan warbaahinta Israel. Ma jirto koox illaa iyo hadda sheegatay inay ka dambeysay gantaalkan. Waxaa jira dhowr kooxood oo xagjir ah oo ka howlgala Lubnaan. Waxaa ka mid ah dhaqdhaqaaqa Xisbullah, oo dagaal bil socday la galay Israel sanadkii 2006. Tareennada ka baxa Tel Aviv ee taga magaalada Lod ayaa la hakiyay sababo la xidhiidha rabshadaha ku sii kordhaya magaaladan sida isku dhafka ah ay u degaan Yuhuuda iyo Carabtu, sida ay qortay warbaainta Jerusalem Post. Israel ayaa xaalad deg deg ah kaga dhawaaqday magaalada Lod maalintii talaadada kadib rabshado ay sameeyeen carabta Israa’iiliyiintaah iyadoo khilaafka u dhaxeeya ciidamada Israel iyo mintidiinta Falastiiniyiinta uu sii xoogeystay. Dibadbaxyada ay dhigayaan Carabta Israel ayaa ka dhacay Lod, oo ah magaalo u dhow Tel Aviv, wuxuuna isu rogay rabshado, iyadoo mudaaharaadayaashu ay dhagxaan ku tuurayaan booliska, kuwaas oo ku jawaabey bambooyin naxdin leh. Mudaharaadyadu waxay daba socdeen aaskii nin Carab Israa’iili ah oo ku dhintay rabshadihii ka dhacay magaalada maalin ka hor. In ka badan 100 Falastiiniyiin ah oo ku nool Gaza ayaa la dilay tan iyo markii rabshadihii ugu dambeeyay ay bilaabmeen Isniintii, sida ay sheegtay wasaaradda caafimaadka ee ay maamusho Xamaas Khamiistii. Saraakiisha ayaa sheegay in la dilay 103 qof, oo ay ku jiraan 27 carruur ah. 580 qof oo kale ayaa la dhaawacay, ayay wasaaraddu ku dartay xogtaas. Dhanka kalena ugu yaraan toddobo qof oo reer Israa’iil ah ayaa la dilay illaa Isniintii, oo uu ku jiro hal cunug. . Milatariga Israa’iil ayaa sheegay in ay u yeedheen ciidan 7,000 oo keyd ahaa isla markaana ay joojiyeen fasaxii ay aadi lahaayeen. Qiyaastii kalabadh ka mid ah kaydka ayaa lagu soo waramayaa inay ka shaqeyn doonaan difaaca hawada, madaafiicda iyo qaybaha caafimaadka Tallaabadan ayaa timid iyadoo Israa’iil ay ka digtay inay suurta gal tahay inay fuliso howlgal dhulka ah, iyada oo taangiyo iyo ciidan la geeyay xadka ay la wadaagaan Qaza Dhanka kale, diyaaradaha Israa’iil ayaa duqeymo dheeraad ah ka fuliyay Qaza, iyagoo bartilmaameedsaday waxa ay militariga ku sheegeen bangiyada iyo dhismayaasha sirdoonka Kooxda Falastiiniyiinta ah ee Xamaas ayaa gantaalo hor leh ku riday dhanka Israa’iil , afhayeen u hadlay kooxda ayaa sheegay in ay muujiyeen “qayb yar oo kaliya” oo ka mid ah awoodahooda. Duulimaadyada soo gala ayaa la hakiyay garoonka diyaaradaha Israel ee Ben Gurion oo u dhow Tel Aviv waxaana loo weeciyay garoonka diyaaradaha Ramon ee koonfurta. Shirkadaha diyaaradaha qaarkood ayaa hakiyay duulimaadyadii ay ku tagi jireen Israel Sarkaal Israa’iil ah ayaa sheegay in howlihii garoonka Ramon ay si kooban u hakadeen ka dib markii gantaal ku soo dhacay aagga u dhaw, laakiin uu hadda u shaqeynayo sidii caadiga ahayd, sida uu ku warramay wargeyska Haaretz. Waxaa sidoo kale jira warar sheegaya in dagaalyahanada Xamaas ay bilaabeen inay “drones ismiidaamin ah” ay ku soo tuuraan Israel Qaran News

Gaza (Caasimada Online) – Ciidamada Yahuudda ayaa maanta oo Jicmaha ah sii wada duqeynta magaalada Gaza ee ay ku xasuuqayaan shacabka Falastiin ayaga oo iska dhego tiraya baaqyada caalamiga ah, halka ay diyaariyeen ciidamo dhulka ah oo gala magaalada. Weriyaha Aljazeera ee Gaza, Safwat Al Kahlout ayaa sheegay in ciidamada Yahuudda ay dhooban yihiin xuduudda balse aysan jirin wararka sheegaya inay soo galeen magaalada. Militariga Yahuudda ayaa sidoo kale beeniyey in weerarka dhulka ah ee Gaza uu billowday. Khasaarihii ugu dambeeyey ee ka dhashay duqeynta Yahuudda ayaa waxaa ku dhintay haweeney iyo saddexdeeda wiil. Khasarahan ugu dambeeyey ayaa tirada guud ee shacabka ay Yahuudda xasuuqeen ka dhigeysa 113 qof oo ay ku jiraan ugu yaraan 31 caruur ah. Waxaa sidoo kale ku dhaawacmay 580 qof. Dhinaca Israel-na, gantaallada Xamas ayaa waxay militariga Yahuudda sheegeen inay ku dhinteen 7 qof, inkasta oo la rumeysan yahay inay intaas ka badan yihiin oo ay Yahuudda qarsanayaan jabkooda. Weerarkii ugu dambeeyey ee Yahuudda ay saaka fuliyeen ayaa lala beegsaday degmada Zeytuun. Weli ma cadda khasaraaha halkaas ka dhashay. Dhinaca kale, gantaallo ay Xamas ka tuureen Gaza ayaa saaka ku dhacay dhisme ku yaalla magaalada Ashkelon. Ma cadda khasaaraha ka dhashay weerarka, hase yeeshee Yahuudda badankood ayaa mar hore isku qariyey dhismooyin ku yaalla dhulka hoostiisa. Sidoo kale, gantaallo laga soo riday dalka Lebanon oo loo waday Israel ayaa ku dhacay badda Mediterranean-ka, mana sababin wax khasaare ah, sida lagu sheegay bayaan kasoo baxay militariga Yahuudda. Gantaalladan ayaa furin cusub oo dagaal ku furi kara Yahuudda. Ma cadda cidda soo tuurtay gantaallada ka yimid dhanka Lebanon. Kooxda Xizbullah ayaa iska fogeysay inay wax lug ah ku leedahay. The post Wararkii ugu dambeeyey ee dagaalka Gaza iyo Israel oo meel aysan fileyn looga soo tuuray gantaalo (Warbixin) appeared first on Caasimada Online.

Guddoomiyaha Xisbiga Waddani Mudane Cabdiraxmaan Maxamed Cabdillaahi Cirro & Masuuliyiin kale oo Gurigiisa ku booqaday Ex-Madaxweyne Siilanyo+Sawirro LEAVE A COMMENT Name: Email Address: Comment: Qaran News

Ujeeddada qormadani waa: ku dhiirrigelinta hayadaha saharcigu u xilsaaray dejinta, fulinta iyo ilaalinta shuruucda dalka ilaalinta sarreynta sharciga, u tilmaamidda shacabka Soomaaliyeed saxnimada shuruucda lagu dhaqayo. Hordhac Guddiga Madaxabannaan ee La-dagaallanka Musuqmaasuqu waa mid ka mid ah guddiyada madaxabannaan ee uu Dastuurka KMG ah ku xusayo Cutubka 10aad. Marka guddi dastuuri ah la yagleelayo waxaa qasab ah in uu dastuurku sheego hab-raaca/yada loo marayo dhismah guddiga, sidoo kalana waxaa waajib ah in ay Labada Aqal BFS dejiyaan sharci gaar ah oo qeexaya tirada xubnaha guddiga, hab-raaca magacaabista xubnaha guddiga, shuruudaha, wajibaadka, awoodaha, doorashada Guddoonka Guddiga, muddada xil-heynta, xilweynta, xil ka qaadista, miisaaniyadda, warbixinnadda guddiga, IWM. Haddaba, Guddiga Madaxa-bannaan ee La-dagaallanka Musuqmaasuqa waxaa sal iyo tixraac sharci u ah Dastuurka KMG qodobbada 111C iyo 112aad iyo Xeer lr. 12 oo ah Sharciga Dhismaha Guddiyada Madaxabannaan ee La-dagaallanka Musuqmaasuqa ee Labada Heer oo ansixiyeen Labada Aqal ee Baarlmaanka Federaalka Soomaaliya islamarkaana uu Madaxweynaha Jamjuuriyadda Federaalka Soomaaliya saxiixa 21 Sep, 2019. Qoraalkani wuxuu ka hadlayaa wax-ku-oolnnimada Guddiga La-dagaallanka Musuqmaasuqa, iyo sharcinnimada xubnaha Guddiga ee uu dhaariyay Madaxweynaha JFS Apr 25, 2021, doortayna guddoonka guddiga May 4, 2021, ugu dambeyn qormado waxay soo jeedinaysa talo. 1: wax-ku-oolnimada Dhismah Guddiga Madaxabannaan ee La-dagaallanka Musuqmaasuqa Soomaaliya waxay sanad walba ka gashaa musuqmaasuqa iyo maamul xumada kaalinta 1aad, sida ay sheegayaan international trancparancy iyo hayada kale ee daah-furnaanta iyo maamuul wanaagga ka faalloda, sidaas darteed dhismaha guddigan waxuu laf-dhabar u yahay A: Horumarinta iyo adkeynta tallaabooyinka lagu joojinayo lagulana dagllamayo Musuq-maasuqa ka dhaca dalka iyo dibadda. kaas oo ay ku kacaan saraakiisha Dowladda. B: Xaqiijinta habsami u maamulka hawsha Qaranka, iyada oo la ilaalinayo danta dadwaynaha Soomaliyeed iyo hantidooda lagana dhawrayo boob iyo ku- takrifal awoodeed. C: Ka ilaalinta Saraakiisha dowladda ku xadgudubka xilkooda iyo ka gaabinta waajibaadkooda. D: Iyada oo laga duulayo baahida loo qoba xaqiijinta arrimaha kor ku xusan loona hoggaansamayo Dastuurka KMG qodobkiisa 111C oo farayaa dhismaha Guddiga Madaxabannaan ee La-dagaallanka Musuqmaasuqa waxay Labada Aqal ee Baarlmaanka Federaalka Soomaaliya ansixiyeen Sharciga Dhismaha Guddiyada Madaxabannaan ee La-dagaallanka Musuqmaasuqa ee Labada Heer islamarkaana Madaxweynaha Jamjuuriyadda Federaalka Soomaaliya ayaa saxiixay Sharcigan Sep 21, 2019. 2: Qiimeynta Sharcinimada Guddiga Madaxabannaan ee La-dagaallanka musuqmaasuqa ee hadda jira. Sharcinnimada Guddiga Madaxabannaan ee La-dagaallanka Musuqmaasuqa, waxaa tiir sharci u ah Dastuurka KMG iyo “Sharciga Dhismaha Guddiyada Madaxabannaan ee La-dagaallanka Musuqmaasuqa ee Labada Heer. Haddaba, si uu guddigu u helo sharciyad wax-qabadkiisuna u yeesho raad sharci oo ay waajib tahay in loo hoggaansamo, waa in magacaabista xubnaha guddiga waafaqdaa habraacyada uu dhigayo Dastuurka KMG iyo sharciga (Xeer lr. 12) oo ay ansixiyeen Labada Aqal uuna saxiixay Madaxweynaha JFS Sep 21, 2019. A: Dastuurka KMG Qodobka 112aad. Magacaabidda Guddiyada Heer Federaal ayaa u qoran sidan: Haddii uusan Dastuurku si kale u dhigin, Wasiirka ay khuseyso ayaa u soo jeedinaya Golaha Wasiirrada magacyada Guddiga. Haddii Golaha Wasiiradu ay ansixiyaan, magacyada waxaa loo gudbinayaa Baarlamaanka Federaalka (labada aqal) Haddii Baarlamaanka Federaalka uu ansixiyo magacyadaas, waxaa loo gudbinayaa Madaxweynaha Jamhuuriyadda Federaalka, si uu magacaabistooda xeer uga soo saaro. B: Sharciga Dhismaha Guddiyada madaxa-bannaan ee La-dagaallanka Musuqmaasuqa ee Labada Heer Sida uu dhigayo Sharcigani Dhismaha Guddiyada Madaxabannaan ee La-dagaallanka Musuqmaasuqa ee Labada Heer ansixinta magacyada xubnaha guddiga (qodobka 9aad xarafaha t&kh,), xil ka qaadista (15aad faqradda 3aad iyo 4aad.) iyo dalbashada warbixinnada guddiga (Qodobka 22aad faqrada 2aad.) waxaa si isku mid ah u gudanaya Labada Aqal ee Baarlamaanka Jamhuuriyadda Federaalka Soomaaliya. Sida la ogyahay xubnaha Guddiga Madaxa bannaan ee La-dagaallanka Musuqmaasuqa ee hadda jira waxaa ansixiyay hal Aqal oo ah Golaha Shacabka, iyada oo aan la hor geyn Golaha Aqalka Sare, si ay ugu codeeyaan xubnaha guddiga. Haddaba, Guddiga ay Xukuumaddii Xil-gaarsiinta magacaawday Sep 7, 2020, Golaha Shacabkuna ansixiyay Nov 16, 2020, islamarkaanan Madaxweynaga JFS dhaariyay April 25, 2021, doortayna guddoonka guddiga may 4, 2021, wuxuu khilaafsan yahay qodobka 55ad, 112aad ee Dastuurka KMG iyo Qodobka 2aad xarafka (d) qodobka 9aadxarfaha t&kh, (15aad faqradda 3aad iyo 4aad.) (Qodobka 22aad faqrada 2aad. ee “Sharciga Dhismaha Guddiyada Madaxabannaan ee La-dagaallanka Musuqmaasuqa ee Labada Heer, sidaas darteed, guddigani ma haysto sharciyad shaqooyinkiisuna ma yeelanayaan saameyn/raad sharci, maaddaam aan dhismaha Xubnaha Guddiga Madxabannaan ee La-dagaallanka Musuqmaasuqa loo marin habraacayadii shuruucda dalku fartay. 3. Gunaanad iyo talo soo jeedin A. Gunaanad Guddiga madaxabannaan ee la-dagaallanka musuqmaasuqa ee hadda jira ma haysto sharciyad uu ku noqdo gudiga la dagaallanka musuqmaasuqa ee uu tilmaamayo qodobka 111C ee Dastuurka KMG, hawlahiisuna ma noqonayaan ku leh raad sharciyadeed sax ah inta uu guddigu ka helayo ansixinta labada aqal, lana marsiinayo habraacayada ku xusan qodobbada Dastuurka KMG iyo Sharciga Dhismaha Guddiga ay ansixiyeen Labada Aqal uuna saxiixay Madaxweynaha JFS Sep 21, /2019. B. Talo soo jeedin Giddiga Madaxabannaan ee La-dagaallanka Musuqmasuqa wuxuu fure iyo laf-dhabar u yahay mmmaamul wanaag ka hana qaada gayiga Soomaaliyeed, haddaba, si xoogga, waqtiga iyo hantida gashay dhismaha guddiga uga soo baxaan miriha laga filayayo, guddiguna u helo sharciyad, waxqabadkiisuna u yeesho raad sharci oo ay waajib tahay u haggansamiddiso, qormadani waxa ay u soo jeedineysaa Wasaaradda Caddaaladda XFS, Golaha wasirrada XFS, Garsoorka, Golaha Shacabka, Madaxweynaha JFS, iyo cid kasta oo hadda joogta ama imman doonta oo ay khuseyso arrintani in ay ka qayb qaataan dib-u-sixidda guddiga la dagaallanka Musuqmaasuqa lana waafajiyo habraacyada ku xusan Dastuurka KMG iyo Shirciga Dhismaha Guddiga Madaxabannaan ee La-dagaallanka Musuqmaasuqa oo ah meelmarinta Xubnaha Guddiga Labada Aqal. Sida oo kale, Xubnaha Guddiga La-dagaallanka Musuqmaasuqa waa in ay ogaadaan sharciyadda ay heystaan in ay tahay mid dhimman kana codsadaan hayadaha iyo ashqaasta awoodda u leh arrimahan dib u sixitaan iyo in la dhameystiro hab-raacyada qaldamay, si loo gaaro sarreynta sharciga. AFEEF: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid The post Qiimeynta sharcinnimada guddiga madaxa-bannaan ee la-dagaallanka musuqmaasuqa appeared first on Caasimada Online.

Qaran News

Kenya Airways (KQ) has Wednesday announced plans to halt the launch of flights to Hargeisa, Somaliland. Through a statement, KQ said the plans were put on hold pending requisite approvals... Source: Hiiraan Online

Police fired teargas to disperse a crowd of more than 200 people protesting in Kenya's capital Nairobi on Thursday against the Israeli bombing of the Palestinian territory of Gaza. Source: Hiiraan Online

Somali’s minister of transport and civil aviation Duran Ahmed Farah met with the Somali committee of airlines to discuss a joint approach to ensure the airline companies are not affected by the recent travel restrictions against Somalia. Source: Hiiraan Online

Hargeysa (Caasimada Online) – Madaxweynaha Somaliland Muuse Biixi Cabdi, ayaa maanta guriga uu ka deggen yahay Hargeysa waxa uu ku booqday Abwaan Maxamed Ibraahim Warsame (Hadraawi) oo waayihii dambe iska xanuunsanaa. Abwaan Hadraawi oo ugu horeeya Abwaannada Soomaaliyeed ee nool kuwooda ugu caansan ayuu maanta Madaxweyne Muuse Bixii ku booqday guriga uu ka degyahay magaalada Hargeysa, isagoo ugu duceeyey inuu Alle xanuunka ka dul-qaado, sida lagu sheegay qoraal ka soo baxay madaxtooyada Somaliland. “Madaxweynaha Jamhuuriyadda Somaliland, Mudane Muuse Biixi Cabdi, ayaa maanta guriga uu ka deggen yahay caasimadda Somaliland ee Hargeysa ku booqday Abwaan Maxamed Ibraahim Warsame (Hadraawi) oo kamid ah abwaannada ugu caansan guud ahaanba geyiga ay ku dhaqan tahay bulshada Afka Soomaaliga ku hadashaa,” ayaa lagu yiri qoraalka. Madaxweyne Muuse Biixi ayaa booqashada Abwaanka kadib socdaal ku maray goobo u badan hoteello oo ku yaalla magaalada Hargeysa halkaas oo ay u damaashaad tageen qaar badan oo ka mid bulshada ku nool caasimadda Somaliland. The post Sawirro: Muuse Biixi oo booqday Abwaan Hadraawi oo xanuunsan appeared first on Caasimada Online.

Muqdisho (Caasimada Online)-Ra’iisul Wasaaraha xukuumadda xil-gaarsiinta Maxamed Xuseen Rooble ayaa galabta hoygiisa ku booqday madaxweynihii hore ee SoomaaliyaXasan Sheekh Maxamuud oo ka mid ah musharaxiinta mucaaradka ah u taagan xilka madaxtinimada dalka. Ra’iisul Wasaare Rooble iyo madaxweyne Xasan Sheekh ayaa kulankoodii galabta uga wada-hadlay xaaladda ee siyaasadda dalka, si gaar ah waxay diiradda u saareen arrimaha doorashooyinka lagu wado inay dalka ka dhacaan dhawaan, sida lagu sheegay qoraal ka soo baxay xafiiska Rooble. “Ra’iisul Wasaaraha XFS Mudane Maxamed Xuseen Rooble oo hoygiisa ku booqday madaxweynihii hore ee dalka Mudane Xasan Sheikh Maxamuud ayaa ugu hambalyeeyay munaasabadda Ciidul Fidriga. Ra’iisul Wasaaraha iyo madaxweynihii hore ayaa sidoo kale ka wada hadlay amniga guud , xasilloonida caasimadda iyo Arrimaha Doorashooyinka Dalka,” ayaa lagu yiri qoraalka. Kulankaan uu Ra’iisul wasaaruhu hoygiisa ugu tegay madaxweyne Xasan Sheekh ayaa ku soo aaday iyadoo Rooble uu dhawaan dib ugu soo laabtay dalka, kadib markii uu safar Cumro ah u aaday Boqortoyada Sacuudi Carabiya. Ra’iisul Wasaare Rooble ayaa bilaabay kulamo la xiriira sidii loogu guuleysan lahaa dadaallada uu ku doonayo in dalka ay doorasho ka dhacdo. Waxuuna Xasan Sheekh Maxamuud ayaa galabta u balan qaaday inuu wax kasta la fududeyn doono. Wixii ka dambeeyey markii uu Madaxweyne Farmaajo mas’uuliyadda doorashooyinka ku wareejiyey Ra’iisul wasaare Rooble, Madaxweynihii hore Xasan Sheekh ayaa dhowr mar fagaare ka sheegay in si dhab ah ay ula shaqeyb doonaan Rooble hadii uu ka soo baxayo waajibaadkiisa. The post Sawirro: Maxuu Rooble kala hadlay Xasan Sheekh markii uu ugu tegay hooygiisa? appeared first on Caasimada Online.

Laba wiil oo dhalinyaro ah ayaa ku geeriyooday, halka saddex kalena ku dhaawacmeen shil gaari oo galabta ka dhacay degaanka Sheerbi ee Gobolka Garkaar. Saraakiil ka tirsan Laanta ilaalada wadooyinka ee Booliiska Puntland, ayaa laga soo xigtay in shilka ay ku dhinteen laba dhalinyaro ah, halka saddex kalena ku dhaawacmeen. Dhalinyarada shilka ku dhaawacmay oo ka soo jeeda dowlad goboleedka Koonfura Galbeed, ayaa kasoo amba-baxay magaalada Boosaaso, si ay tartan kubada cagta ah u lasoo ciyaaraan fasaxa ciidka kooxo kale oo ay isku deegaan kasoo jeedaan oo ku sugan magaaladda Qardho. PUNTLAND POST The post Shil sababay dhimasho iyo dhaawac oo ka dhacay degaanka Sheerbi ee Gobolka Karkaar appeared first on Puntland Post.

Ra’iisul Wasaaraha xukuumadda Federaalka Soomaaliya, Maxamed Xuseen Rooble galabta hoygiisa ku booqday madaxweynihii hore ee dalka Xasan Sheikh Maxamuud. War kooban oo laga soo saaray xafiiska Ra’iisul wasaaraha, ayaa lagu sheegay in labada mas’uul ay ka wada-hadleen xasiloonida magaalada Muqdisho, amniga guud iyo arrimaha doorashooyinka dalka. “Ra’iisul Wasaaraha iyo madaxweynihii hore ayaa sidoo kale ka wada hadlay amniga guud , xasilloonida caasimadda iyo Arrimaha Doorashooyinka Dalka” ayaa lagu yiri warkaas. Ra’iisul wasaare Rooble ayaa muddooyinkii u dambeeyay kulamo kala duwan la yeeshay siyaasiyiinta mucaaradka dowladda, kuwaas oo qaarkood sheegeen in ay u tartamayaa madaxweynaha dalka. PUNTLAND POST The post Ra’iisul wasaare Rooble oo kulan gaar ah la yeeshay Ex. madaxweyne Xasan Sheikh Maxamuud appeared first on Puntland Post.

Qaran News

Gaza (Caasimada Online) – Ciidamada Israel ayaa lasoo dhoobay xuduudda Gaza, xilli ay weli duqeyn ku socoto magaalada, halka ururka Xamas ay ayagana gantaallo ku garaacayaan Israel, ayada oo xaaladda ay kasii dareyso. Duqeymo cusub oo ay maanta ka fuliyeen Gaza, ayaa ciidamada Israel waxay ku garaaceen dhisme ka kooban lix dabaq oo ay sheegeen inay leeyihiin Xamas oo maamusha magaalada. Ugu yaraan 83 qof ayaa lagu dilay Gaza tan iyo markii ay billowdeen duqeymaha Israel Isniintii, sida ay sheegeen kooxaha caafimaadka, ayada oo isbitaallada oo markii horeba la tiicayey bukaanada COVID-19 la geeyey dhaawacyo. “Waxaan wajaheynaa Israel iyo COVID-19. Waxaan dhexda uga jirnaa laba cadow,” waxaa sidaas yiri Asad Karam oo ah 20 jir ka shaqeeya dhismooyinka, isaga oo dhinaca taagan waddo ay waxyeeleeyeen duqeymaya Israel. Dhinaca kale, weeraradii ugu dambeeyey ee gantaallo ee Xamas, ayaa mid ka mid ah wuxuu ku dhacay dhisme ganacsi oo ku yaalla caasimadda Tel Aviv, halkaasi oo ay ku dhaawacmeen shan Israa’iiliyiin ah, sida ay sheegeen booliska. Toddoba qof ayaa ku geeriyootay Israel tan iyo markii ay billowdeen gantaallada Xamas, sida ay sheegeen militariga Israel. “Israel oo dhan waxaa ku socda weerar. Waxaa xaalad aad cabsi u leh in lagu sugnaado,” waxaa sidaas yiri Margo Aronovic oo ah 26 jir arday ah oo ku sugan Tel Aviv. Israel ayaa ciidamo dagaal ku diyaarisay xuduudda Gaza, waxayna ku sugan tahay “marxalado kala duwan oo ay isugu diyaarineyso howlgal dhulka ah,” sida uu sheegay afhayeen u hadlay militariga. REUTERS + VOA The post Yahuudda oo weli duqeyn ka wada GAZA iyo XAMAS oo ku jawaabeysa gantaalo appeared first on Caasimada Online.

Qaran News

Sawirrada Munaasabadda Ciida jabuuti,Kenya, Somaliland & Soomaaliya Deegaannada Soomaalida ee Geeska Afrika ayaa si wayn looga ciiday maanta oo ah munaasabadda ciidul fitriga tahay. Balse meelaha qaar, sida deegaannada Soomaalida ee Kenya iyo Nairobi ayaan sidii hore looga ciidin, sababo la xiriira xayiraadaha jira iyo in dowladda aysan ogoleyn isu imaatinka shacabka, taas oo looga hortagayo cudurka COVID-19. Masaajidda iyo goobo kooban ayey dad tiro yar isugu tageen oo ku tukadeen salaadda ciidda. Waa kuwan sawirrada munaasabadda ciida ee Soomaalida iyo madaxdooda. Ra’iisul Wasaaraha Soomaaliya, Maxamed Xuseen Rooble ayaa boqollaal qof kula tukaday salaadda ciidda, magaalada Muqdisho. Dhanka Somaliland, Madaxweyne Muuse Biixi, ayaa barxad ku taalla magaalada hargeysa kula tukaday kumannaan qof oo si wayn ugu mashxaraday Ciidul Fitriga. Kumannaanka isugu soo baxay Hargeysa ee munaasabadda ciidda. Madaxweynaha Dowlad Deegaank Soomaalida, Mustafa Cumar iyo kumannaan qof ayaa Jigjiga ugu dabaldegay munaasabadda ciidda, waxayna ku tukadeen garoonka kubadda ee magaalada. Goobta ay shacabka Jigjiga ku tukadeen salaadda ciidul Fitriga. Madaxweynaha Koonfur Galbeed, Cabdicasiis Xasan Maxamed (Lafta-gareen) ayaa Baydhabo kula ciidan qaar ka mid ah shacabka iyo masuuliyiinta kale ee maamulka. Dhanka Hirshabeele, Madaxweyne Cali Guud ayaa dad kooban kula tukaday salaadda ciidda, magaalada Jowhar Madaxweynaha Galmudug, Axmed Cabdi Kaariye (Qoorqoor) oo Dhuusamareeb kula tukaday qaar ka mid ah shacabka. Magaalada Garisa, in kastoo aan isu imaatinka badan la ogoleyn, haddana Maayarka Garisa, Cali Bunow Qorane, ayaa dad kooban kula tukaday magaalada. Dadka uu la tukaday cali Bunow Qorane ,DJIBOUTI Jabuuti, waxaa hoggamiyay madaxweynaha, Ismaaciil Cumar Geelle, waxaana lagu tukaday fagaare ku yaalla Magaalada iyadoo la dhowrayay kala fogaanshaha looga hortagayo cudurka Coronavirus Madaxweyne Ismaaciil Cumar Geelle Qaran News

Sharci ka dhan ah Islaamka oo Faransiisku soo saaray oo ka cadhaysiiyey M/weyne Erdogan Recep Tayyip Erdogan Madaxweynaha Turkey Recep Tayyip Erdogan ayaa Arbacadii sharci cusub oo Faransiiska qorsheeyey in looga hortago wax loogu yeeray “gooni u goosashada Islaamiga ah”, kaasi oo uu ugu yeeray gowraca dimqoraadiyadda. Sharcigan qabyada ah ayaa waxaa aad looga cambaareeyey gudaha iyo dibedda Faransiiska, ayada oo loogu yeeray mid lagu liidayo Muslimiinta, islamarkaana siinaya dowladda quwado cusub oo ay ku xadiddo hadallada iyo kooxaha diimeed. “Anisixinta sharciga, oo si furan uga hor-imanaya xuquuqda aadanaha, xoriyadda diinta iyo qayimka Yurub, wuxuu noqon doonaa gowrac lagu sameeyey dimoqraadiyadda Faransiiska,” ayuu yiri Erdogan oo khudbad ka jeediyey Ankara. “Sharciga cusub waxa uu kaliya u adeegi doonaa qadiyadaha xagjirnimada, wuxuuna cadaadis saari doona ururada aan dowliga ah, kuna qasbi doonaa dhallinyarada inay kala doortaan diimahooda iyo waxbarashadooda,” ayuu yiri Erdogan. “Waxaan ugu baaqeynaa mas’uuliyiinta Faransiiska, iyo si gaar ah madaxweynaha Macron inay u dhaqmaan si xakmad leh. Waxaan rajeyneynaa in si deg deg ah looga laabto sharciga.” Erdogan ayaa sidoo kale sheegay inuu diyaar u yahay inuu Faransiiska kala shaqeeyo arrimaha amniga iyo is-dhexgalka, hase yeeshee xiriirka labada dal ayaa dhowaanahan xumaa. Dowladda Faransiiska ayaa ku guda jirta hanaan ay ku ansixineyso sharci wax looga qabanayo wax ay ugu yeertay “gooni u goosad Islaami ah,” kaasi oo dowladda siinaya awoodo dheeri ah oo ay ku baarto kuna burburiso ururada diimeed ee loo arko inay halis ku yihiin qaranka. Erdogan ayaa tallaabooyinka lasoo jeediyay ugu yeeray “Muslim diid.” Bishii October ee 2020, Erdogan ayaa su’aal ka keenay “caafimaadka maskaxeed” ee Macron, isaga oo ku eedeeyey inuu qaaday “olole naceyb ah” oo ka dhan ah Islaamka, kadib markii madaxweynaha Faransiiska uu difaacay “xuquuqda” Farshaxamiistayaasha ay ku daabici karaan sawirro lagu matalayo Nebi Muxammed NNKH. Qaran News

Arrimo xasaasiya oo ku saabsan Ergayga ay ‘Soomaaliya diidday’ ee Midowga Afrika u soo xulay oo la ogaadey JOHN MAHAMA Dowladda Soomaaliya ayaa “ku gacan seyrtay” inay aqbasho ergayga gaarka ah ee uu Midowga Afrika u soo magacaabay si uu u dhexdhexaadiyo Kenya iyo Soomaaliya, sida uu qoray wargeyska Daily Nation oo soo xigtay Wasiirka Arrimaha Dibadda Maxamed Cabdirisaaq. Soomaaliya ayaa sheegtay in ergayga cusub, John Maha – oo ah madaxweynihii hore ee dalka Ghana – uu xiriir dhow la leeyahay Kenya. Waxay xukuumadda federaalka Soomaaliya warqad u dirtay guddoomiyaha Midowga Afrika Mousa Faki Mahamat, taasoo ay ugu wargalisay in dowladda Soomaaliya aysan ku taageeri doonin Mr Mahama doorkiisa cusub. Sida ay qoreen wargeysyo uu ka mid yahay Daily Nation oo ka soo baxa Kenya, wasiirka Arrimaha Dibadda ee Soomaaliya, Maxamed Cabdirisaaq, oo wargeyska uu soo xigtay ayaa sheegay in madaxweynihii hore ee Ghana uu gacansaar la leeyahay madaxda Kenya, isagoo aan cayimin nooca uu yahay xiriirkaas. Arrimtaas oo kaliya ayuu sheegay in Mr Mahama aan loogu kalsoonaan karin, xal caddaalad ku dhisan na uusan keeni karin. Madaxtooyada Soomaaliya iyo Wasaaradda Warfaafinta ayaan weydiiyay arrinka warqadan iyo in ay xaqiiqo tahay, balse way ka gaabsadeen. Noomana suuragalin in aan helno wasaaradda Arrimaha Dibadda ee Soomaaliya oo la sheegay in warqaddan ay iyada ka soo baxday. Maalintii Sabtida ahayd ayay hoggaanka Midowga Afrika usoo magacaabeen Mahama inuu noqdo ergaygooda ugu sarreeya dhinaca arrimaha siyaasadda ee Soomaaliya si uu ugu qaabilsanaado xal u helidda xasaradaha diblomaasiyadeed ee labada dal ee dariska ah. Qaramada Midoobay ayaa soo dhaweysay go’aanka soo xulashada Maha, waxaana mowqifkooda lagu caddeeyay bayaan Aaxaddii kasoo baxay Stephane Dujarric oo ah afhayeenka xog hayaha guud ee Qaramada Midoobay, Antonio Guterres. Soomaaliya ayaa isbuucii lasoo dhaafay ku dhawaaqday in ay dib usoo celisay xiriirkii diblomaasiyadeed ee ay la lahayd Kenya kaasoo ay jartay dabayaaqadii sanadkii lasoo dhaafay. Dowladda Qadar ayaa door weyn ku lahayd dhexdhexaadinta labada waddan iyo soo afjaridda xiisadda. Waa kuma John Mahama? Mr Mahama wuxuu waddanka Ghana xukumayay intii u dhaxeysay sanadihii 2012 ilaa 2017-kii. Wuxuu dhashay 29-kii bishii November ee sanadkii 1958-kii, da;diisuna waa 62 sano. K ahor inta uusan madaxweyne noqonin, wuxuu ahaa wasiirka wafraafinta kaddibna wuxuu noqday madaxweyne ku xigeenka Ghana. Xilka madaxweynaha wuxuu qabtay kaddib markii uu geeriyooday madaxweynihii ka horreeyay isaga, John Evans Atta-Mills, oo dhintay bishii July ee sanadkii 2012-kii. Isagana waxaa xilka lagala wareegay sanadkii 2017-kii. Mr Mahama wuxuu shaqooyinkiisa xirfadda ah markii ugu horreysay ku billaabay macallinnimo, wuxuuna ardayda bari jiray maaddada taariikhda. Waddanka Ghana wuxuu ka tagay sanadkii 1981-kii. Sanadkii 1988-kii ayuu shahaadada aqoonta cilmi nafsiga ka qaatay jaamacad ku taalla magaalada Moscow ee dalka Ruushka. Markii uu ku laabtay dalkiisa wuxuu markii ugu horreysay ka shaqo billaabay safaaradda Japan. Sanadkii Sanadkii 1996-dii ayaase loo doortay inuu xubin ka noqdo baarlamaanka waddanka Ghana, sidaasna waxaa ku billowday waayadiisa siyaasadda. Sanadkii 2016-kii isagoo mar kale damacsan in loo doorto xilka madaxweynaha ayaa looga guuleystay doorashada. Waxaa haddana looga adkaaday doorashadii madaxtinnimada ee sanadkii 2020-kii ka dhacday Ghana. Qaar ka mid ah arrimihii ugu waaweynaa ee uu soo maray 1981-kii wuxuu ka cararay Ghana wuxuuna tagay dalka Nigeria kaddib markii uu afgambi sameeyay Jerry Rawlings. 1991 ilaa 1995 wuxuu ka shaqenayay xafiiska warfaafinta ee Safaaradda Japan ay ku leedahay Ghana. 1996-dii waxaa loo doortay xildhibaannimada Baarlamaanka Ghana, isagoo matalayay deegaan baarlamaaneedka lagu magacaabo Bole-Bamboi ee gobolka waqooyiga dalkaas. 1998-kii, bishii November waxaa loo magacaabay Wasiirka Warfaafinta. 2000 waxaa dib loogu doortay kursiga xildhibaanka Bole-Bamboi oo loo igmaday afar sano oo kale. 2001, bishii January waxaa xilka wasiirka Warfaafinta kala wareegay Felix Owusu-Adjapong. 2003 ilaa 2008 wuxuu ahaa xubin ka tirsan baarlamaan goboleedka Pan-Afrika, wuxuuna guddoomiye ka ahaa ururkaas ay ku bahoobeen dalalka Galbeedka Afrika. 2004 waxaa mar saddexaad loo doortay kursiga xildhibaanka Bole-Bamboi ku matalaya baarlamaanka. 2008 waxaa loo xushay inuu madaxweyne ku xigeen u noqdo John Evans Atta-Mills oo u tartamayay doorashada madaxweynaha oo dhaceysay bishii December. 2009, 3-dii January John Atta-Mills ayaa lagu dhawaaqay inuu noqday madaxweynaha Ghana. 2009, 9-kii January John Mahama waxaa loo dhaariyay madaxweyne ku xigeenka Ghana. 2011, 4-tii August waxaa mar kale la xaqiijiyay inuu madaxweyne ku xigeen u noqonayo John Evans Atta-Mills oo doorashada madaxweynaha u tartamayay markii labaad. 2012, 24-kii July waxaa geeriyooday madaxweyne John Atta-Mills, oo ku dhintay isbitaal ku yaalla magaalada Accra. Mahama ayaa durbadiiba loo dhaariyay madaxweynaha cusub ee Ghana. 2012-kii xisbiga talada hayay ee NDC ayaa ku taageeray inuu xilka madaxweynaha ugu tartamo doorashadii dhaceysay dabayaaqadii 2012-kii. 2012, 7-dii December wuxuu xilka madaxweynaha kula tartamay Nana Akufo-Addo oo ka socday xisbiga cusub ee magaciisa loo soo gaabiyo NPP. 2012, 11-kii December waxaa lagu dhawaaqay inuu ku guuleystay xilka madaxweynaha kaddib markii uu helay 50.7% ka mid ah codadkii la tiriyay. Nana wuxuu helay 47.74% ka mid ah codadka. 2014, 29-kii March waxaa loo doortay guddoomiyaha ururka dhaqaalaha Galbeedka Africa ee ECOWAS, jagadaas oo uu qabanayay hal sano. 2015, 28-kii July nin ayaa lagu xukumay 10 sano oo xabsi ah kaddib markii lagu helay inuu qorsheynayay inuu dilo Mahama. 2016, bishii June waxaa lagu eedeeyay inuu qaatay gaari hadiyad ah oo qiimihiisu gaarayo $100,000. Hadiyaddaas waxaa la sheegay inuu ka helay nin qandaraasle ah. 2016, 22-kii September wuxuu Shirka Qaramada Midoobay ka sheegay in Afrika “aysan u baahneyn naxariistooda iyo kaalmadooda balse ay u baahan tahay in si caddaalad ah fursad loogu siiyo inay caalamka wax la qeybsato”. 2016, 9-kii December wuxuu qirtay in looga adkaaday doorashadii madaxweynaha kaddib markii uu guusha qaatay Nana Akufo-Addo. 2016, 13-kii December wuxuu raacay hoggaamiyeyaal Afrika ka socda oo u safrayay Gambia si ay xal ugu raadiyaan xasaradihii siyaasadeed ee ka dhashay markii doorashada looga adkaaday madaxweynihii dalkaas Yahya Jammeh. 2017, 22-kii June maxkamadda ugu sarreysa Ghana ayaa xukuntay in Mahama uu dastuurka meel uga dhacay markii uu 2016-kii dalkiisa u fasaxay labo qof oo argagixiso ah oo laga soo daayay xabsiga Mareykanka ee Guantanamo Bay. 2017, bishii July wuxuu hoggaaminayay guddi kormeerayaal ah oo loo soo xil saaray doorashadii guud ee ka dhaceysay dalka Kenya. 2018, bishii July wuxuu hoggaaminayay kormeerayaashii doorashadii ka dhaceysay dalka Zimbabwe. 2019, 24-kii February waxaa loo doortay murashaxa xisbiga NDC ee xilka madaxweynaha, si uu ugu tartamo doorashadii dhaceysay 2020-kii. Laakiin waa looga guuleystay. 2021, 9-kii May waxaa loo magacaabay ergayga gaarka ah ee Midowga Afrika u qaabilsan Soomaaliya si uu gacan uga geysto xal u helidda doorashada hannaankeeda lagu murmay. Qaran News

Qaran News

Qaran News

Qaran News

Qaran News