Qaran News

In the final installment of our mini-series Shattering the Glass Ceiling, Artnet News’s art and design editor Noor Brara spoke with pioneering gallerist Mariane Ibrahim, founder of her eponymous gallery. Source: Hiiraan Online

NAIROBI, Kenya (AP) — Ethiopia has again delayed its national election after some opposition parties said they wouldn’t take part and as conflict in the country’s Tigray region means no vote is being held there, further complicating Prime Minister Abiy Ahmed’s efforts to centralize power. Source: Hiiraan Online

This beautiful, ambiguous short film depicts one night in the dreams and the waking life of a teenage Finnish-Somali girl and her friends Source: Hiiraan Online

When the Islamic Society of Niagara Frontier presented plans for its Muslim Community Center and mosque 30 years ago, some area residents fought against it. So, when it sought permits and approvals, it incorporated plans for three future expansion options. Source: Hiiraan Online

Cape Town (Caasimada Online) – Wararka laga helayo wadanka Koonfur Afrika ayaa sheegaya in dil iyo dhaawac loogu geystay labo ka mid ah ganacsatada Soomaaliyeed ee ku dhaqan gudaha wadankaasi, kadib markii ay weerar ku qaadeen kooxo burcad Afrikaan ah. Weerarka oo ahaa mid qorsheysan ayaa ka dhacay goob ganacsi oo muwaadiniintaasi Soomaaliyeed ay ku lahaayeen xaafada Laanta Side B ee Tuulada Khayelitsha ee magaalada Cape Town, sida ay Caasimada Online u sheegeen qaar kamid ah ganacsatada. Marxuumka ayaa waxaa lagu magacaabi jiray Axmed Abuukar (Goobo Raambow), halka mid kale ee dhaawacmay la dhigay goob caafimaad oo ku taalla magaaladaasi. Wararka ayaa intaasi kusii daraya in burcadda ah ay sidoo kale weerartay dukaamo kale oo ay Soomaalidy ku lahaayeen halkaasi, balse ma jiro khasaare ka dhashay Sidoo kale waxaa meesha uu falku ka dhacay goor dambe gaaray ciidamo ka tirsan kuwa Booliska Koonfur Afrika, inkastoo ay baxsadeen kooxihii ka dambeeyey falkaasi. Koonfur Afrika waxaa sanadkan 2021-ka iyo kii kasii horreeyey ee 2020-kii aad ugu soo badanayey dilka, dhaawaca iyo dhaca loo geysanayo ganacsatada ku dhaqan dalkaasi. The post Ganacsato Soomaali ah oo dil iyo dhaawac loogu geystay wadanka Koonfur Afrika appeared first on Caasimada Online.

Muqdisho (Caasimada Online) – Ilo wareedyo ka tirsan hay’adaha ammaanka Soomaaliya iyo kuwa ajanabiga ah ee daggan Xarunta Xalane ayaa sheegay in ay heleen xogo amni oo muhiim ah, oo ku saabsan qaraxyo ka dhici kara magaalada Muqdisho. Xogaha la helay ayaa warinaya in magaalada Muqdisho ay soo galeen rag isku soo xiray waxyaabaha qarxa, kuwaas oo ka yimid dhinaca Shabeellada Hoose ee koonfurta Soomaaliya, kuwaasi oo doonaya inay weeraro is-miidaamin ah fuliyaan. Mas’uuliyiintan kuwa ammaanka ah ayaa Caasimada Online u sheegay in kooxaha magaalada soo galay islamarkaana damacsan in ay is qarxiyaan ay gaarayaan illaa sideed qof. Sidoo kale xogta ayaa tilmaameysa in bartilmaameedku yahay Saldhigyada ciidamada wasaaradaha, hoteello iyo maqaayada. Sidoo kale waxaa la sheegay in kooxdaan ay weerari karaan goobaha lagu badan yahay. Rag qaraxyada lagu soo xiray ee soo galay magaalada ayaa la sheegay in ay ka tirsan yihiin Al-Shabaab, kuwaasoo qaraxii ugu dambeeyay ka fuliyay Saldhigga degmada Waabari ,waxaana ku dhintay dad u badan saraakiil ciidan. Sidoo kale maalmo ka hor waxaa baraha Bulshada lagu baahiyay qoraal lagu sheegay in uu ka soo baxay hay’adaha dagan Xalane, kuwaasoo ka digay qaraxyo ka dhaca Muqdisho oo maalmahan wajaheysa mashquul badan oo ka dhashay Farxadda Ciidul Fidriga. The post Xog: Hay’adaha amniga oo ka digay rag qaraxyo isku soo xiray oo Muqdisho soo galay appeared first on Caasimada Online.

Qaran News

War cusub oo ka soo baxay Ethiopia Abiy Ahmed Madaxa guddiga doorashada Ethiopia ayaa Sabtida maanta ah sheegtay in aysan macquul ahayn in la qabto doorashada baarlamaanka ee qorshuhu ahaa in ay dhacdo 5-ta June, iyadoo aan la sheegin waqtiga cusub ee doorashada la qaban doono. Ra’iisulwasaare Abiy Ahmed ayaa kolkii uu talada qabtay saddex sano ka hor waxa uu ballan qaaday in uu dalka ka saarayo hannaankii xukun ku dheganaanta ahaa, islamarkaana uu qaban doono doorashadii ugu dimoqraadiyadda badnayd ee abid soo marta dalkaasi. Doorashooyinka ayaa markii hore qorsheysnaa bishii August ee sanadkii hore, waxaana dib loogu dhigay sababo la xiriira cudurka safmarka ah ee coronavirus, iyadoo dhibaatooyin ay soo kordheen tan iyo waqtigaas oo ay ka mid tahay dagaalka gobolka waqooyi ee Tigray. “Codbixintu ma dhaceyso 5-ta June … ma sheegi karno taariikhda maaddaama guddiga ay tahay in ay darsaan talooyinka ay ka helaan xisbiyada,” ayay tiri haweeneyda hoggaamisa guddiga doorashada Birtukan Mideksa. Waxa ay ku sababeysay dib u dhac xagga saadka ah, sida dhameystirka diiwaangelinta codbixiyeyaasha, tababaridda shaqaalaha doorashooyinka, daabacaadda iyo qeybinta waraaqaha codbixinta. “Dhabtii, waxa ay noqotay wax aan macquul aheyn in dhammaantood lagu soo gudbiyo taariikhaha markii hore loo cayyimay.” Mideksa ayaa sheegtay in marka la qorsheynayo taarikhda cusub maanka lagu heyn doono xilli roobaadka – oo soconaya bilaha June ilaa September. Iyadoo toddobaadyo ay ka harsan tahay doorashada ayaa waxaa jiray astaamo yar oo olole ah, waxaana dhowr xisbi oo mucaarad ah ay qorsheynayeen in ay qaadacaan codbixinta, iyagoo ku tilmaamay mid aan loo sinneyn. Qaran News

Meydad iyo Dhaawacyo la keenay Cusbitaalka guud ee Magaalada Hargeysa Laba qof ayaa ku dhintay saddex kalena waa ay ku dhaawacmeen, kadib shil gaadhi oo goor dhaweyd ka dhacay degaanka Abaarso ee dhanka galbeed ee magaalada Hargeysa. Maydadka iyo dhaawaca ayaa hadda la keenay cisbitaalka guud ee magaaladda Hargaysa. Dhinaca kale Cisbitalka ayaa sidoo kale la ‘ keenay maydka nin ku dhacay ceel ku yaal deegaanka Isha Gobka ee koonfurta magaalada Hargaysa. Sidaasi waxaa warbaahinta u xaqiijiyay mid ka mid ah saraakiisha caafimaadka. Qaran News

Telefishanka Al Jazeera oo war ka soo saaray duqayntii loo gaystay xarunteeda Gaza Telefishinka Al Jazeera ayaa cambaareeyay gantaallo ay Israa’iil la beegsatay dhismaha Gaza oo xarun u ahaa warbaahinta Al Jazeera iyo wakaaladda wararka ee AP. Bayaan ay soo saartay ayay ku sheegtay in tallaabadan “ay tahay ficil cad oo looga hor istaagayo saxafiyiinta inay gutaan waajibaadkooda muqadaska ah ee ah inay caalamka u sheegaan kana warbixiyaan dhacdooyinka socda. “Al Jazeera waxay balan qaadeysaa inay raacdo waddo kasta oo la heli karo si ay dowlada Israa’iil masuul uga noqoto ficilkeeda.” Dadka deegaanka iyo kuwa degan dhismaha ayaa ciidamada Israa’iil waxay ku wargeliyeen taleefoon inay heystaan ​​wax ka yar hal saac oo ay kaga baxaan dhismaha. Dr Mostefa Souag, oo ah kusimaha agaasimaha guud ee Warbaahinta Al Jazeera, ayaa yiri: Waxaan ka codsaneynaa beesha caalamka inay cambaareyso falalkaas waxashnimada ah ee lagu bartilmaameedsanayo saxafiyiinta, waxaana codsaneynaa tallaabo caalami ah oo deg deg ah oo lagula xisaabtamayo Israa’iil bartilmaameedka ula kaca ah ee ay la beegsaneyso saxafiyiinta iyo xarumaha warbaahinta. Bayaan kasoo baxay militeriga oo lasoo dhigay barta Twitter-ka ayaa lagu sheegay in dhismaha Qaza Tower uu yaallay ‘agab militeri’ oo ay lahaayeen ururka Xamaas isla markaana ay gabaad ka dhiganayeen halkaas. Rabshadaha cusub ee u dhaxeeya Israa’iil iyo Falastiiniyiinta ayaa salka ku haya cabashooyin muddo dheer soo taagnaa oo labada dhinac u dhaxeeya xaal waarana aan loo helin ayaa markale colaad horleh hurisay. Dagaalyahanada Xamaas ayaa tiro gantaallo ah ku riday magaalooyinka Israa’iil, waxaana ku dhintay weerarkaas nin ku sugnaa deegaan dhaca bariga magaalada Tel Aviv. Weerarkan ayaa ahaa mid ay uga argoosanayaan duqeymo ay xaley Israa’iil ka geysatay xero qaxooti oo ku taalla Qaza. Saraakiisha Falastiin waxay sheegeen in duqeyntaas ay ku dhinteen ugu yaraan 14 qof oo ay kamid yihiin carruur iyo qof dumar ah. Militeriga Israa’iil waxay sheegeen inay beegsadeen dhismo ay degenaayeen dagaalyahanada Xamaas. Masar ayaa 10 kamid ah gawaarida gurmadka deg deg ah u dirtay marinka Qaza si ay usoo daabulaan dadka ku dhawaacmay duqeymaha Israa’iil si loogu daweeyo cisbitaallada Masar, sida ay sheegeen saraakiisha caafimaadka. Gawaarida gurmadka deg deg ah ee Masar ayaa ka tallaabay xadka Rafah. Wararka waxay sidoo kale sheegayaan in gawaari kale oo gurmad ah ay u dirtay Qaza kuwaas oo la filayo in xilli dambe ay gaaraan halkaas. Waxaa lagu wadaa in dadka dhaawac ah ay qaabilaan saddex cisbitaal oo ku yaalla Masar, sida laga soo xigtay warbaahinta gudaha iyo saraakiisha caafimaadka. Saraakiisha ku sugan Qaza waxay sheegeen in 950 qof ay ku dhawaacmeen tan iyo Isniintii oo dagaallada ka qarxeen halkaas. Waa nabar aan bogsan oo ku yaalla bartamaha Bariga Dhexe waana sababta keenta iney dhacaan iska horimaadyo fool ka fool ah oo markii dambe isu beddelay gantaallo la soo rido, duqeymo dhinaca cirka iyo dhimasho. In wararka ku saabsan isku dhacyada ay ka maqnaayeen boggaga hore ee warbaahinta, kama dhigna in aysan jirin wax isku dhacyo ah ama xaaladda ay dantay. Arrimihi taagnaana ma jiraan wax iska baddalay sida oo kale nacaybka iyo cabashooyinka gaamuuray ee sanadaha badan soo taagnaa waxay jiilal badan u horseedeen dil iyo dhibaatooyin fara badan. In ka badan hal qarni Yahuudda iyo Carabta waxay ku hardamayeen sidii ay u hanan lahaayeen dhulka u dhaxeeya Webiga Urdun ilaa iyo Badda Mediterranean. Israa’iil waxay Falastiin u geysatay jab isdabajoog ah tan iyo markii ay xornimada qaadatay ee 1948-kii, balse wali Israa’iil ma gaarin guul kama dambeys ah. Qaran News

Goobo Dalxiiska & Bilicda Magaalada Berbera Qayb ka noqonaya oo Midowga Yurub maalgelinayo oo la dhagax-dhigay+Cadadka Lacagta ku baxaysa Goobo dalxiiska iyo horumarka magaalada qayb ka noqonaya ayaa maanta Berbera laga dhagax dhigay. Mashaariic horumarineed oo uu maal-galinayo midowga Yurub, oo muddo lix bilooda soconaya ayaa maanta laga dhagax dhigay magaalada Berbera ee xarunta gobolka Saaxil. mashruucani wuxuu iskugu jiraa goobo ciyaaro ah, meelo qoysaska u gaara, goobo haweenka u gaar ah iyo goobo kale oo marti galin doona adeegyo muhiim u ah dadweynaha booqanaya xeebta magaalada. Mashruucan ayaa haddii ILLAAHEY yidhaaho ay ku bixi doonta qadar lacageed oo dhan 7.5 milyan, oo dollarka Mareykanka ah. Berbera ayaa sannadihii danbe si xawli ah ugu talaabsatay horumar la xidhiidha kaabayaasha bulshada iyo mashaariic waaweyn oo dalka dhaqaalihiisa laf-dhabar u ah. Qaran News

Balcad (Caasimada Online) – Nin la sheegay in uu ka tirsan yahay Ciidamada Dowladda ayaa haweeney ganacsato ahayd waxa uu Jimcihii ku dilay Degmada Balcad ee Gobolka Shabellaha Dhexe. Haweeneydan oo ka mid ahayd haweenka qaadka ku iibiya degmadaasi ayaa la sheegay in muran uu soo kala dhexgalay askarigaasi, ka hor intii aanu dilin. Haweeneyda oo lagu magacaabi jiray Sahro Muxumed Cali Kulmiye (Sahro Dhagey) ayaa u geeriyootay dhaawacyo ka soo gaaray rasaas uu huwiyay askarigaasi. Goobjoogayaal ayaa sheegay in askariga uu ka baxsaday goobtii uu falka ka gaystay, waana wax yar uun ka dib, markii uu haweeneydaasi ku dilay Suuqa Balcad. Ciidamada ammaanka oo hawlgalo lagu baadigoobayo ninka askariga ahi ka sameeyay Degmada Balcad ayaa waxaa u suurtagashay inay gacanta ku soo dhigaan. Askariga ayaa haatan ku xiran Saldhigga Booliska ee Degmada Balcad, waxayna qoyska marxuumadda dalbanayaan in sharciga la horkeeno. Sahra Dhagey ayaa aad looga garanayay Degmada Balcad, oo 30km dhanka waqooyi ka xigta Magaalada Muqdisho. The post Ciidamada DF oo soo qabtay ninkii dilay Sahra Muxumed appeared first on Caasimada Online.

Kenya has permitted two aircraft to fly to Somaliland to deliver electoral material in spite of a ban on air traffic with Somalia. A diplomatic clearance MFA/PRO.91/002 (052) on Thursday said two aeroplanes operated by Astral Aviation will be allowed to deliver the material from the Jomo Kenyatta International Airport in Nairobi through Djibouti and to the Somaliland capital Hargeisa. A MacDonnell Douglas DCC-9F and a Boeing B727-727F, both registered in Kenya, will deliver the cargo between May 13 and 15 with a possibility of extension should there be delays. “Kindly note that the clearance is granted with a 72-hour window to cater for any delays,” the note from Kenya’s Foreign Ministry to the Somaliland Liason Office said on Thursday. Somaliland is a breakaway region of Somalia, which is currently lobbying for international recognition, a move that has escalated tensions with Mogadishu. Flights ban The region is due to hold local and parliamentary elections on May 31 in a further signal of its growing democracy, while Somalia faces a deep political stand-off, with parties failing to agree on when to conduct elections, three months since the expiry of President Mohamed Farmaajo’s four-year term. Mogadishu has sustained a diplomatic tiff with Kenya, accusing Nairobi of interference in Somalia’s internal affairs, charges Kenya denies. Last week, the Kenya Civil Aviation Authority suspended flights between Kenya and Somalia for three months, with the exception of medical evacuation and humanitarian deliveries. The decision means all chartered and scheduled flights to Somalia are suspended. However, flights from Somalia, passing through the Kenyan airspace to other destinations are exempted. The move, Business Daily learnt, came after Somalia grounded two aircraft owned by Kenyan firm Bluebird Aviation which the Somali Civil Aviation Authority accused of delivering miraa from Kenya despite an existing ban. But Kenya rejected the decision, arguing the operator flew into Somalia after Mogadishu restored diplomatic ties it had cut in December, and only clarified the ban was still on days after the aircraft had landed. Nairobi’s move on Thursday could likely anger Somalia more, even though the flights are scheduled to avoid the Somali airspace. Kenya has been trying to build ties with Somaliland, which considers itself independent of Somalia. In December, President Uhuru Kenyatta hosted Somaliland leader Muse Bihi Abdi where they declared an “unwavering commitment to deepen the cordial bilateral relations.” “During their discussions, the leaders focused their attention on the expansion of bilateral trade, enhancing collaboration in air transport including enabling direct flights between Nairobi and Hargeisa, as well as cooperating in Agriculture, Livestock Development, Education, Energy and cooperation between the ports of Mombasa and Berbera,” a dispatch said on December 15, 2020. Somalia cut ties with Kenya on the same day, although President Bihi has also visited Ethiopia and Djibouti. Business Daily Qaran News

Muqdisho (Caasimada Online) – Allaha u naxariistee taliye ku xigeenkii qeybta guud ee booliska gobolka Banaadir, G/Sare Axmad Cabdi Wehliye ayaa caawa Isbitaalka Digfeer ugu geeriyooday dhaawac ka soo gaaray qaraxii 9-kii bishan ka dhacay saldhiga booliska degmada Waaberi ee gobolka Banaadir. Weerarkaas oo uu fuliyey qof is-miidaamiyey waxaa horay ugu dhintay dad ay ku jireen laba sarkaal, oo kala ahaa Taliyihii saldhigga la qarxiyey ee Waaberi Gaashaanle Axmed Baashane iyo Taliye ku xigeenkii qeybta booliska gobolka ee Waliyow Cadde G/Dhexe Cabdibaasid. Sarkaalka caawa geeriyooday ayaa noqonaya kii 3-aad ee ugu darajada sareeyay saraakiisha lagu dilay qaraxaas, waxaana geerida G/Sare Axmad Cabdi Wehliye warbaahinta u xaqiijiyey Afhayeenka booliska Sadiiq Aadan Cali. Wasiirka arrimaha gudaha dowladda federaalka Jeneraal Mukhtaar Xuseen Afrax ayaa tacsi u diray qoyska, caruurta, ehallada, ciidanka booliska Soomaaliyeed iyo guud ahaan umadda Soomaaliyeed ee uu ka baxay Allaha u naxariistee Taliye Axmed Cabdi Wehliye, sida lagu shaaciyey qoraal lagu baahiyey bogga Facebook-ga ee wasaaradda arrimaha gudaha DF. “Ugu dambayn, Wasiir Mukhtaar ayaa Alla uga baryay in Marxuum Axmed uu Jannadii Fardowso ka waraabiyo, samir iyo iimaanna uu Alle ka siiyo Ummadda Soomaaliyeed ee uu ka baxay Marxuumka,” ayaa lagu yiri qoraalka. The post Taliye ku xigeenkii booliska Gobolka Banaadir oo u geeriyooday dhaawac soo gaaray appeared first on Caasimada Online.

Puntland ayaa maalinta berri ah (16 May 2021) magaalada Qardho ka daahfuraysa diiwaangelinta codbixiyeyaasha doorashada hordhaca golayaasha deegaanka saddexda degmo ee Qardho, Eyl iyo Uffeyn. Diiwaangelinta codbixiyeyaasha ayaa socon doonta tan iyo 29 bishan May, waxaana laga sameyn doonaa in ka badan 40 goobood oo ka tirsan saddexda degmo. Wasaaradda Arrimaha Gudaha Puntland ayaa ugu baaqday dadweynaha degmooyinka Eyl, Qardho iyo Uffeyn in ay u diyaar garoobaan diiwaangelinta si ay codkooda u dhiibtaan una doortaan matalayaashooda golayaasha degmooyinka. Guddiga ku meelgaarka ah ee doorashooyinka Puntland (TPEC) ayaa maalmihii la soo dhaafay ku howlanaa ololaha wacyigelinta iyo tababarada shaqaalaha diiwaangelinta iyo kuwo korjoogteynta. Sidoo kale ururada siyaasadda Puntland ayaa degmooyinka ka waday wacyigelin la xiriirta diiwaagelinta dadweynaha. Diiwaangelinta codbixiyeyaasha doorashada golayaasha deegaanka saddexda degmo ayaa ku soo aaday xili xaaladda reer Miyigu degan tahay oo inta badan deegaannada Puntland ka da’een roobabkii gu’ga. Saddexda degmo ee Qardho, Eyl iyo Uffeyn ayaa lagu wadaa in bisha Jun ee bartamaha sanadkan ay ka dhacaan doorashooyinka golayaasha deegaanka. Guddiga doorashooyinka Puntland waxa uu sheegay in doorashooyinka degmooyinkaas ay noqon doonaan kuwo natiijadooda lagu soo dhisi doono dowlado hoose, balse ururada siyaasaddu aysan ugu gudbi doonin xisbiyo oo lala sugi doono doorashooyinka guud ee golayaasha deegaanka Puntland. PUNTLAND POST The post Diiwaangelinta codbixiyeyaasha golayaasha deegaanka oo berri ka bilaabaneysa Puntland appeared first on Puntland Post.

Kismaayo (Caasimada Online) – Madaxweynaha Dowlad goboleedka Jubbaland Axmed Maxamed Islaam (Axmed Madoobe) ayaa magaalada Kismaayo maanta kula kulmay Taliyaha howlgalka Mareykanka Afrika ee AFRICOM Jeneraal Stephen Townsend, oo booqasho ku tegay Jubbaland. Madaxweynaha ayaa taliyaha la qaatay kulan ay uga wadahadleen sidii la iskaga kaashan lahaa la dagaallanka kooxda Al-Shabaab oo haatan Jubbaland ka heysta deegaano badan oo ay ku jirto caasimadda rasmiga ah ee maamulkaas, waa Bu’aale. “Madaxweynaha Dowlada Jubaland Mudane Axmed Maxamed Islaam, ayaa Kulan la qaatay Taliyaha howlgalka Maraykanka ee Africom Jeneraal Stephen Townsend, oo booqasho ku yimid Jubaland. Kulanka waxaa lagaga hadlay sidii la iskaga kaashan lahaa ladagaalanka Argagixisada iyo sidii maraykanku uu door muuqda uga qaadan lahaa in la wiiqo Argagixisada halista ku ah shacabka Soomaaliyeed,” ayaa lagu yiri qoraalkan oo lagu baahiyey bogga Facebook-ga ee Madaxtooyada Jubbaland. 4-tii bishan May ayuu sidaan oo kale Axmed Madoobe Kismaayo ku qaabilay saraakiil ka socotay ciidamada Mareykanka ee AFRICOM qeybtooda ka howlgasha Soomaaliya, waxayna xilligaas Jubaland shaacisay in kulankaas diiradda lagu saaray ka hadalka is kaashi la xariira la dagaalanka Al-Shabaab. Hoos ka Daawo kulankii dhex-maray Axmed Madoobe iyo Taliyaha The post Daawo: Muxuu taliyaha Africom kala hadlay Axmed Madoobe? appeared first on Caasimada Online.

Addis Ababa (Caasimada Online) – Madaxa guddiga doorashada Ethiopia ayaa Sabtida maanta ah sheegtay in aysan macquul ahayn in la qabto doorashada baarlamaanka ee qorshuhu ahaa in ay dhacdo 5-ta June, iyadoo aan la sheegin waqtiga cusub ee doorashada la qaban doono. Ra’iisulwasaare Abiy Ahmed ayaa kolkii uu talada qabtay saddex sano ka hor waxa uu ballan qaaday in uu dalka ka saarayo hannaankii xukun ku dheganaanta ahaa, islamarkaana uu qaban doono doorashadii ugu dimoqraadiyadda badnayd ee abid soo marta dalkaasi. Doorashooyinka ayaa markii hore qorsheysnaa bishii August ee sanadkii hore, waxaana dib loogu dhigay sababo la xiriira cudurka safmarka ah ee coronavirus, iyadoo dhibaatooyin ay soo kordheen tan iyo waqtigaas oo ay ka mid tahay dagaalka gobolka waqooyi ee Tigray. “Codbixintu ma dhaceyso 5-ta June … ma sheegi karno taariikhda maaddaama guddiga ay tahay in ay darsaan talooyinka ay ka helaan xisbiyada,” ayay tiri haweeneyda hoggaamisa guddiga doorashada Birtukan Mideksa. Waxa ay ku sababeysay dib u dhac xagga saadka ah, sida dhameystirka diiwaangelinta codbixiyeyaasha, tababaridda shaqaalaha doorashooyinka, daabacaadda iyo qeybinta waraaqaha codbixinta. “Dhabtii, waxa ay noqotay wax aan macquul aheyn in dhammaantood lagu soo gudbiyo taariikhaha markii hore loo cayyimay.” ayey hadalkeeda ku sii dartay Birtukan Mideksa. Mideksa ayaa sheegtay in marka la qorsheynayo taarikhda cusub maanka lagu heyn doono xilli roobaadka – oo soconaya bilaha June ilaa September. Iyadoo toddobaadyo ay ka harsan tahay doorashada ayaa waxaa jiray astaamo yar oo olole ah, waxaana dhowr xisbi oo mucaarad ah ay qorsheynayeen in ay qaadacaan codbixinta, iyagoo ku tilmaamay mid aan loo sinneyn. The post Doorashadii Ethiopia oo mar kale dib loo dhigay – Maxaa cusub oo soo kordhay? appeared first on Caasimada Online.

Djibouti (HOL) - Somali Prime Minister Mohamed Roble today met with the president of the breakaway region of Somaliland Muse Bihi in a rare encounter signaling a possible path to ease of differences between the two sides which have had frosty relations in recent years. Source: Hiiraan Online

Burco (Caasimadda Online) – Wasaaradda Arrimaha Gudaha Maamulka Somaliland ayaa si kulul uga hadashay shir Maalintii Arbacada aheyd ay dad kasoo jeeda Beesha Mogadishu Clan ku yeesheen Magaalada Burco kaasoo looga hadlay doorashooyika maamulkaas. Wasiir ku xigeenka Wasaaradda Arrimaha Gudaha Somaliland Cabdinaasir Caydiid Maxamed oo ka hadlayey shirkaas iyo go’aanadii ay soo saareyn Beesha Mogadishu Clan ayaa sheegay in cid aan u dhalan Somaliland aysan ka codeyn karin deegaanada maamulkaas. “Qof aan u dhalan Somaliland ma codeynayo, way iska hadlayaan, kan soo kaxaystayna wuu iska hadlayaa,” ayuu yiri wasiir ku-xigeenka Wasaaradda Arrimaha Gudaha Somaliland oo warbaahinta la hadlay. Wuxuu sheegay in dadkii shirkaas qabtay ay ku daba joogaan islamarkaana ay ka qaadi doonaan tallaabo sharciga waafaqsan sida uu hadalka u dhigay. Wasiir Cabdinaasir ayaa sheegay in Somaliland ay leedahay Dastuur islamarkaana uusan dastuurkooda qabin in qof aan kasoo jeedin Somaliland, oo uu ula jeedo qabiil ahaan, uu ka qeybgalo doorashooyinka iyo codeynta. Hadalka kasoo yeeray Wasiirka ayaa jawaab u ahaa kulan ay asbuucii hore Magaalada Burco ku yeesheen Cuqaasha, Waxgaradka, madax dhaqameedka iyo Ganacsatada Beelaha Mogadishu Clan ee ku nool Magaalada Burco, kaasi oo ay ku sheegeyn inay taageerooda iyo codkooda ku biirinayaan musharaxiinta kala ah Suldaan Jaamac Nuux oo u sharaxan Golaha Deegaanka Degmada Burco iyo Cabdulahi Yuusuf Axmed oo u dharaxan golaha Wakiilada Gobolka Togdheer. “Mar haddii Murusade Fadhiyo, mar haddi Gaaljecel fadhido, mar haddii Jajeele fadhido, mar haddii Xawaadle fadhido, mar haddi Habargir Fadhiso, Mogadishu Clan wuxuu ballan qaadayaa inuu si mug leh u gabar taagan tahay Suldaan Jaamac Nuux oo u sharaxan Golaha Deegaanka Degmada Burco iyo Cabdulahi Yuusuf Axmed oo u dharaxan golaha Wakiilada Gobolka Togdheer,” ayuu yiri mid kamid ah odayaashii kasoo qeybgalay kulankaas. Hoos ka daawo muuqaallada shirka Mogadishu Clan iyo kan wasiir ku-xigeenka The post Daawo: Somaliland oo go’aan kasoo saartay in Hawiyaha la degan ay ka qeyb-geli karaan doorashada appeared first on Caasimada Online.

Taliyaha howlgalka Mareykanka ee AFRICOM Jeneraal Stephen Townsend ayaa maanta booqasho ku yimid magaalada Kismaayo ee xarunta ku meelgaarka Jubaland. Jeneraal Stephen Townsend ayaa kulan la qaatay madaxweynaha Jubaland Axmed Maxamed Islaam, waxaana kulanka looga hadlay sidii Mareykanka iyo Jubaland isaga kaashan lahaayeen la dagaalanka Al-shabaab. “Kulanka waxaa lagaga hadlay sidii la iskaga kaashan lahaa la dagaalanka argagixisada iyo sidii Mareykanku uu door muuqda uga qaadan lahaa in la wiiqo argagixisada” ayaa lagu yiri bayaan ka soo baxay madaxtooyada Jubaland oo looga hadlay kulanka Jeneraal Stephen Townsend iyo madaxweynaha Jubaland. Waa markii labaad oo bishan gudaheeda uu madaxweynaha Jubaland, Kismaayo kula kulmo saraakiil Mareykan ah, 4tii bishan May ayay ahayd markii uu la kulmay saraakiisha ciidamada Mareykanka ee ka howlgala degaannada Jubaland. Al-shabaab ayaa gacanta ku haysa degaanno badan oo ka tirsan Jubaland oo ay ka mid tahay magaalada Bu’aale ee xarunta gobolka Jubada Dhexe, oo caasimad ugu magacaaban Jubaland. PUNTLAND POST The post Kismaayo: Taliyaha AFRICOM oo la kulmay madaxweynaha Jubaland appeared first on Puntland Post.

Madaxweynaha Dowladda Federaalka Soomaaliya Maxamed Cabdulaahi ayaa Ubax dhigay Taalada SYL, taasi oo lagu maamuusayo munaasabadda xuska 15 May oo ku asteysan maalinta dhalinyarada Soomaaliyeed. Madaxweyne Farmaajo ayaa salaan sharaf ka qaatay cutubyo ka tirsan Ciidanka Xoogga Dalka, iyada oo ciidammada Baambayda ay ku maamuusayeen heesta calanka iyo astaanta qaranka. Madaxweynaha ayaa dhallinyarada Soomaaliyeed ugu hambalyeeyay munaasabadda 15-ka May oo ku beegan 78 guuradii aas-aaska golihii dhallinyarada Soomaaliyeed ee SYL, isaga oo muujiyey qiimaha weyn ee maalintan ay u leedahay Ummadda Soomaaliyeed. Sidoo kale, Madaxweynaha ayaa intii uu ku sugnaa Taallada halgameyaashii SYL waxa uu xus iyo duco ugu sameeyey dhallinyaradii 13-ka ahaa ee horseeday xornimada iyo midnimada dalka. Madaxweyne Farmaajo ayaa shacabka Soomaaliyeed meel walba oo ay joogaan ku guubaabiyey in ay ilaashaadaan taariikhdoodii gobanimo doonka oo astaan u ah geesinimada, go’aan adaygga iyo kartida Ummadda Soomaaliyeed. Munaasabadda ubax dhigga Taallada SYL waxaa ka qayb galay Guddoomiyaha Gobolka Banaadir Cumar Maxamuud Maxamed Filish iyo Ku-xigeennadiisa, Wasiirro ka tirsan Xukuumadda Federaalka Soomaaliya, Taliyeyaasha Ciidammada Qalabka Sida iyo dhallinyaro ka kala socotey 17-ka degmo ee gobolka Banaadir. PUNTLAND POST The post Madaxweyne Farmaajo oo Ubax dhigay Taalada SYL appeared first on Puntland Post.

Muqdisho (Caasimada Online) – Saraakiil ka tirsan Wasaaradda Maaliyadda Soomaaliya ayaa qiray in ay is hor-taageen lacago malaayiin dollar ah oo la damacsanaa in la musuq maasuq, lacagtaas oo loogu tala-galay HirShabeelle, arirntan ka duwan hadalkii wasiirka maaliyadda Beyle ee ahaa inaysan jirin lacag la is-hortaagay Dadka aan la hadalnay oo ka tirsan Wasaaradda Maaliyadda Soomaaliya ayaa sheegay in khilaafka maamulka iyo wasaaradda ka bilaawday shirkado aan jirin oo ay soo gudbiyeen madaxda HirShabeelle si loo siiyo mashruuca dhismaha. “Shirkado aan la aqoonin oo saldhig iyo xafiis laheyn, oo waligood shaqo qaban oo ah dad iska socda magac shirkad wata Documents soo daabacday ayaa naloo keenay oo la yiri lacagta u dhiiba markaa baarnana waan ku aamini weynay,” ayuu yiri sarkaal sare oo ka tirsan wasaaradda Maaliyadda Soomaaliya oo la hadlay Caasimada Online. “Waxaan go’aansanay inaa tartansiino kuwa la yaqaano ee xaqa u leh, dagaal ayaa kala kulanay maamulka iyaga ayaana leh shirkadaha Fake ah, ugu dambeyn kuwii tartamay ayaa howsha qaarkood billaabeen waana sababta waxa keenay warqada maamulka ka soo baxday,” ayuu hadalkiisa sii raaciyay sarkaalkaan oo aan qarinay magaciisa. Wasaaradda Maaliyadda Soomaaliya ayaa maalmo ka hor beenisay in ay is hortaagaty lacago deeq ah oo loogu talagalay HirShabeelle kadib markii ay sidaas sheegeen madax ka tirsan HirShabeelle. “Waxaan cadeynaynaa in Wasaarada Maaliyadda DFS aanay jirin wax dhaqaale ah oo ay ka xayirtay Dowlad Goboleedka Hirshabelle, ayna sida ku cad qorshaha Mashruuca Ka soo kabashada Masiibooyinka (SCRP) ay howluhu u socdaan sidii loogu talagalay,” ayuu yiri wasiirka maaliyadda Cabdiraxmaan Ducaale Beyle. “Wasaaradda Maaliyadda DFS waxay Guddiga Ka hortagga Fatahaadda ee Hirshabelle ka codsanaysa inay caddaymo ka bixiso lacagaha ay ku eedeyeen in dawladda dhexe ka xayitray wax ka qabashada fatahaadda degaanada HirShabelle.” The post Xog: Khilaafka HirShabeelle iyo Wasaaradda Maaliyadda DF oo weji kale yeeshay appeared first on Caasimada Online.

Madaxweynaha Somaliland, Mudane Muuse Biixi Cabdi iyo wefti ballaadhan oo uu hoggaaminayo, ayaa ka qaybgalay munaasibad ballaadhan oo lagu caleemo saarayey madaxweynaha dalka Jabbuuti, Mudane Ismaaciil Cumar Geelle oo ay dhawaan shacabkiisu mar kale dib u doorteen. Madaxweynaha Jamhuuriyadda Somaliland, Mudane Muuse Biixi Cabdi oo ay hareero socdaan madaxweyneyaal, Ra’isal wasaareyaal iyo madax kala duwan ee caalamka ka kala socotay, kuwaas oo qasdigoodu ahaa ka qaybgalka dhaarinta madaxweynaha Jabbuuti, ayaa iyagoo is hareero socda hal mar soo wada galay munaasibadda Caleemo-saarka, waxana lagu qaabilay sacab iyo soo dhaweyn qiimo leh. Madaxweyne Muuse Biixi Cabdi, ayaa munaasibadda laga siiyey hab-maamuus madaxtinimo oo la meeqaam ah madaxda dhiggiisa ah ee goobta ku sugnayd, isaga oo fadhiistay kuraasta safka koowaad ee ay fadhiyeen madaxweyneyaasha Kiiniya, Jabbuuti, Gini konaakori, ku-xigeenka madaxweynaha Koonfurta Suudaan, Ra’isal wasaaraha Itoobiya, Diblomaasiyiin iyo madax kale oo ka kala socotay waddamo kala duwan oo caalamka ah. Wasiirka Warfaafinta, wacyigelinta iyo Dhaqanka Jamhuuriyadda Somaliland, ahna afhayeenka xukuumadda, Mudane Saleebaan Yuusuf Cali Koore oo warbaahinta la hadlay, ayaa dawladda Jabbuuti iyo shacabkoodaba uga mahadceliyey hannaanka walaaltinnimada derisnimada leh ee ay u qaabileen madaxweynaha qaranka Somaliland iyo hab-maamuuska milgaha leh ee ay u sameeyey weftiga madaxweynaha. Source

Gaalkacyo (Caasimadda Online) – Xiisad ka dhalatay dilkii Talaadii lasoo dhaafay ee 11 Bishan loo geystay Sheekh caan ahaa oo meydkiisa laga helay xero u dhow magaalada Galdogob ayaa ka taagan Magaalada Gaalkacyo ee Caasimadda Mudug. Sheekha la dilay oo lagu magacabi jiray Sheekh Cali Axmed oo ku magac dheeraa (Sheekh Cali Dheere) ayaa waxaa markii hore laga afduubtay gurigiisa oo ku yaalla Koonfurta Magaalada Gaalkacyo, waxaana markii dambe meydkiisa oo si xun loo dilay lasoo dhigay meel 15 km u jirta halkii markii hore laga afduubtay. Sheekha la dilay oo ahaa qof ka shaqeeyo howlaha safamalka, gaar ahaan u gargaaridda ilmaha agoonta ah, sidoo kalana ahaa madaxii guud ee Jaamacadda Imaami Nawawi ee Mudug ayaa waxaa dilkiisa ka dhashay banaanbaxyo ka dhacay Magaalada Gaalkacyo oo lagu dalbanayo in cadaaladda la horkeeno dadkii ka dambeeyey dilkiisa. Waxaa jiro warar kala duwan oo kasoo baxayo ciddii ka dambeysay dilkiisa, ayada oo xog horudhac ah ay si gaar ah u iftiimineyso sida loo shirqoolay Sheekh. Waxaa in muddo ah Sheekha la dilay daba joogtay Hay’adda CID iyo Guddiga Amniga Gobolka Mudug oo Sheekha xiray dhowr jeer oo kala duwan oo markii ugu dambesay ay aheyd Bishii April, markaasi oo su’aalo lagu waydiiyey Xarada ay dagan yihiin Ciidamada Danab, waxaana Su’aalaha waydiineysay Hey’adda CID, ayada kiiskiisa ay la wareegtay qeyb kamid ah CID oo si gaar ah u baarta dadka loo heysto inay ka ta tirsan yihiin Argagixisada. Hey’adda CID iyo Guddiga Amniga Gobolka Mudug ayaa Sheekha ku eedeeyey inuu xiriir la leeyahay kooxda Argagixisada ee Al-Shabaab, waxaana markii ugu dambeysay laga qaaday taleefoon la sheegay inuu Sheekha u isticmaali jiray lacagaha uu siiyo Ilmaha Agoonta ah ee uu caawiyo. Waxaa dhashay tuhun ku aadan in hey’adadaha Amniga ee Gaalkacyo ay ka dambeeyeen dilka Sheekha, waxayna taas keentay in Magaalada Dhuusamareeb laga soo diro xubno ka tirsan Booliska Galmudug si ay baaritaan ugu sameeyaan Saraakiisha Hey’adda CID ee Magaalada Gaalkacyo ee tuhunka soo galay. Sida ay xogta ku heshay Caasimada Online, baaritaanka ay sameeyeen sarakiisha ka tirsan Ciidamada Booliska ee Gaalkacyo gaaray ayaa si horudhac ah loogu ogaaday in dilka Sheekha uu yahay mid la xiriiro aano qabiil, islamarkaasna loo adeegsaday qaar ka tirsan Ciidamada booliska Dowladda Federaalka Soomaaliya ee ka howlgala Saldhigga Booliska ee Gaalkacyo. Yaa ka dambeeyey dilkiisa? Sida ay xogta ku heshay Shabakadda Caasimadda Online, waxaa dilka Sheekha lagu eedeeyey inuu ka dambeeyey askari ka tirsan Booliska Federaalka Soomaaliya oo lagu magacabo Cabdixakiim Cabdisalaan Aadan. Cabdisalaan ayaa dhawaan waxaa laga soo wareejiyey saldhigga Booliska Galdogob, wuxuuna ka tirsanaa Ciidamada Booliska Federaalka ah, waxayna xogta sheegeysaa inuu kamid ahaa askar ka tirsanaa Saldhigga Booliska Gaalkacyo oo loo xil saaray baaritaan lagu hayey Sheekha la dilay, isagoo si gaar ah u ahaa askarigii xabsiga kasoo saari jiray marka la wareysanayo Sheekha. Maalmo ka hor dilka Sheekha, ayuu Cabdisalaan ka goostay Saldhigga Booliska ee Gaalkacyo kadib markii ay meel xun gaartay xiisad ka dhalatay dil loo geystay nin ay qaraabo yihiin, wuxuuna 10-kii Bishii May soo wacay Sheekha dilka loo geystay oo kasoo jeedo Beesha dishay ninka ay qaraabada yihiin Cabdisalaan, isagoo u sheegay inuu ka socdo saldhigga loona soo dhiibay taleefoono horey looga qaaday Sheekha. Markii uu Sheekha usoo baxay banaanka gurigiisa ayaa waxaa gaari ku gaxeystay Cabdisalaan iyo 2 askari kale oo watay baabuur gaar ah, waxaana saacado kadib ku dileyn meel u dhow Galdogob oo markii hore laga soo badalay Cabdisalaan. Booliska Soomaaliya ayaa billaabay baadi goobka eedeysane Cabdisalaan oo la sheegay inuu baxsad ka yahay gacanta Booliska kaasoo loo heysto dilka Sheekh Cali Dheere. Eedeysanahaan ayaa la rumeysan yahay inuu u gudbay deegaanada Soomaali Galbeed, waxayna Booliska codsadeen in lagu soo war geliyo haddii la arko eedeysanahaan. Dhanka kale waxaa Magaalada Gaalkacyo gaaray Madaxweynaha Galmudug Axmed Qoor Qoor iyo taliye ku xigeenka Booliska Soomaaliya Kaniifa si loo dajiyo xiisadda ka dhalatay dilka Sheekha, sidoo kalana cadaladda loo horkeeni lahaa dadkii ka dambeeyey dilkiisa. The post Xog: Sidee loo shirqoolay yaase ka dambeeyey dilkii Sheekh Cali Dheere? appeared first on Caasimada Online.