(SLT-Hargeysa)-Tan iyo markii lasoo gunaanaday Natiijada Doorashaddii Goleyaasha Deegaanka iyo Wakiiladda ee Dalka ka qabsoontay 31-May-2021, ee lagaga awood roonaaday Xisbi Xaakimka Kulmiye ayaa waxa isasoo taraya warbixino iyo xam-xam hoose oo laga dhex maqlayo dhinaca Xukuumada iyo qasriga Madaxatooyada taasi oo la isku riix riixayo guuldara kasoo waajahday Doorashadani. Illo-wareedyo lagu kalsoon yahay oo Wargeyska Foore helay ayaa sheegaya in Meelaha ugu badan ee Xisbiga Kulmiye iyo Xukuumaddu u sibir saarayaan Guuldarani ay tahay qaabkii loo soo xulay Xubnihii Goleyaasha Deegaanka iyo Wakiiladda ee Tartanka uga qayb galay Xisbiga KULMIYE kuwaasi oo intoodii badnayn guudaraysteen. Wararkan ayaa intaasi ku daraya in meesha labaad ee Guuldarada horseeday iyana ay ugu horayso oo ay kaw ka tahay masuuliyiin Xukuumadda kaga jira deegaamo door ah oo Kulmiye ku guuldaraystay kuwaasi oo aan gacanta ku hayn kalsoonida Deegamadooda iyo dadka ay ku matalaan Xukuumadda. Hadaba Wargeyska Foore ayaa helay masuuliyiinta loogu hadal haynta badan yahay ee Guuldarada ugu wayn uu Xisbiga Kulmiye kala kulmay Deegamaddooda kuwaasi oo tan iyo markii lagu dhawaaqay doorashada ee ay ogaadeen faro badhnaanta deegamadooda laga joogo iyo guuldarada Xubnihii ay KULMIYE keeneen aan badhida dhulka dhigin. Masuuliyiintan ayaa ka wal wal qaba in Xil ka xayuubin lagu sameeyo islamarkaana Xukuumadda laga dareeriyo maadaama oo ay Xukuumadda ay ka tirsan yihiin ee Kulmiye waji gabax kala kulantay Deegamada ay kasoo jeedaan. Masuuliyiintan ayaa waxa ka mid ah, Gudoomiyaha Hay’adda Barakacayaasha Qaranka Cabdikarin Axmed maxamed Xinif, Wasiirka wasaaradda Maalgashiga, Maxamed Axmed Cawad, Wasiirka Arimaha Gudaha, Maxamed Kaahin Axmed, Wasiirka Wasaaradda Qorshaynta Xasan Maxamed Gaafaadhi, Wasiirka Gaadiidka iyo Hore marinta jidadka Cabdilaahi Abokor Cismaan, Wasiirka Wasaaradda Beeraha Axmed Muumin Seed, Wasiirka Wasaaradda Ganacsiga Maxamuud Xasan Sacad Saajin, Wasiirka wasaaraddda Xannaanadda Xoolaha Siciid Sulub Maxamed, Wasiirka Wasaaradda Deegaanka Shugri Xaaji Ismaacil baandare, Wasiirka Diinta iyo Awqaafta Sheekh Khaliil Cabdilaahi Axmed, Wasiirka Waxbarashada Axmed Maxamed Diiriye (Toorno). Dhamaan masuuliyiintan aan kor ku xusnay oo iskugu jira Wasiiro iyo Masuuliyiin kale waxa ay ka mid yihiin Kooxo inta badan hor cararayay ololihii Doorashada Goleyaasha Deegaanka iyo Wakiilada, waxaanay saamayn ku lahaayeen oo ay ka ololayeen deegamadooda, sida Burco-Togdheer, Ceerigaabo, Berbera, Hargeysa iyo Gobolka Awdal kuwaasi oo dhamaantood Xisbiga KULMIYE lagaga adkaaday Doorashasda waxa kale oo xusid mudan in Xubnihii ay masuuliyiintani keeneen ay ku guuldaraysteen Doorashada kadib markii ay waayeen codka deegamadooda, waxaanay u muuqdaan kuwa waajihi kara talaabo kasta oo suurtagal oo kaga timaada Dhinaca madaxtooyadda taasi oo xilka lagaga xayuubinayo. Dhinaca kale waxa isasoo taraya wararka sheegaya in Madaxweyne Biixi dib u eegis ku samaynayo Xukuumaddiisa kadib Guuldaradii uu kala kulmay Doorashadii Deegaanka iyo Wakiilada ee dalka ka qabsoontay dhamaadkii bishii hore. Source

Source

(SLT-Hargeysa)-Xisbiga Mucaaradka ah ee UCID ayaa sheegay in Xukuumaddu ay faragelin ku haysay ilaa intii ay doorashooyinkii Golayaasha Degaanka iyo Wakiillad ay ka qabsoomayeen ,taas oo keentay inay Musharraxiin Xisbiga UCID ka sharraxnaa ay ka hadhaan tartanka,isla markaana xabsiga la dhigay qaar baddan. Xoghayaha war-faafinta Xisbiga UCID Yuusuf Kayse oo arrintaas ka hadlay ayaa sheegay sidan “Xisbiga KULMIYE iyo Xukumaddiisu faragelin qaawan ayey ku sameeyeen xisbiga UCID,waad oggaydeen inta Musharrax ee Xisbiga UCID laga xidhay doorashadii oo iminkana aan dambi loo haysan ee suuqa jooga,iyadoo sababta uun ay ahayd in Xildhibaanada Xisbiga KULMIYE ka sharraxan laga reebo si uu u soo baxo,sidaa dartee Xisbiga KULMIYE faragelin ay ummadda reer Somaliland oo dhami ay markhaati ka tahay ayey ku sameeyeen Xisbiga UCID .” Yusuf Kayse Cabdilaahi. Dhanka kalena Xoghaye Yuusuf Kayse Cabdilaahi ayaa sheegay inay sax tahay in Culimada dalku ay ka hadleen xaalada,isla markaana ay bulshada ka wacdiyaan xumaanta oo ay wanaaga faraan,waxaanu sheegay sidan:-“Waxa aan leeyahay culimadu xaq ayey ku adimayaan,waxay sheegayaan laaluushku in uu xaaraan yahay,wax kasta oo taagan wey ka hadlayaan ama masaajid haka sheegaan ama bannaan haka sheegaan.” Geesta kalena Yuusuf Kayse Cabdilaahi,ayaa Xisbiga KULMIYE iyo Xukuumadda uga digay wax ka sheega culimadda dalka, waxaanu sheegay inay ku saxan yihiin in ay cod dheer ku sheegaan in laaluushku uu xaraan yahay “Culimadda waxa aan leeyahay ha laga xishoodo oo weliba haka xishoodaan,Xisbiga KULMIYE iyo Xukuumaddiisu.”ayuu yidhi xoghaye Yuusuf Kayse Cabdillaahi oo arrintaasi ka hadlayay. Wasiirka Wasaaradda Diinta iyo Awqaafta ayaa shalay waxa uu dhaliilo u soo jeediyey Sheekh Xildhibaana oo salaaddii Jimce ee Toddobaadkan xukuumadda ku eedeeyey inay Musuqaamus ku rabto codka xildhibaannada. Source

(SLT-Hargeysa)-Xubnaha golaha deegaanka cusub magaalada Buuhoodle ayaa maanta doortay maayir iyo maayir ku-xigeen. Khadiija Ahmed oo kasoo baxday Xisbiga Kulmiye ayaa loo doortay Maayarka Magaalada Buuhoodle ee Somaliland. Doorashada Khadiija, ee Maayirnimada ayaa ka dhacday degmada Widh-widh ee gobolka Buuhoodle. Inkasta oo magaalada ay Maayirka ka noqonayso ee Buuhoodle aanay ka dhicin Doorashada Somaliland ee Wakiillada iyo Deegaanka ayaa haddana deegaamo kale oo gobolka ka tirsan sida Widh-Widh ay ka dhacday Doorashada Somaliland. Source

Waxa lagu wadaa inay dhawaan bilaabmato xil-wareejintii Maayarrada caasimad-goboleeyada Soomaalilaan. Sidaasi darteed xil-wareejintaasi waxa ku lammaan halis ay tahay inay ka digtoonaadaan Maayarrada cusubi. Sida caadada ah inta badan masuuliyiin badan ayaa xil-wareejinta deymo culus wareejiya. = Deyn-wareejinta- waa arrinta ugu khatarta badan ee ah fajida (Faji waa afka dhallinyaradan dambe oo ah shirqool dhagaraysan oo qof lagula kaco si loo fashiliyo) ee loogu talogalay in loo dhigo maayarrada cusub si aanay shaag u rogin shanta sanno ee muddo xiloodkooda. Deyntaasi waxa ay adhaxda jebinaysaa in maayarka cusubi uu shantiisa sanno qabto hawllo culus oo uu bulshada ku soo jiito ama ballanqaadiisii ahaa. Haddii uu deyntaasi lagu wareejiyey uu si xigmeydsan ula tacaali waayo, shantiisa sanno waxa ay kaga dhici doontaa inuu deyntaasi lagu dabray uu bixiyo. Deyntu waa laba nooc: 1. Mid ay ku leeyihiin shaqaalaha dawladdu oo mushahar u badan, taasina waa arrin mudan in lala wareego oo dadkaa xaqooda la siiyo. 2. Mid ay soo qortaan shirkado iyo shakhsiyaad sheeganaya inay dawladda hoos deyn ku leeyihiin, sidaasina uu Maayaarkii hore u soo wareejiyey. Haddaba ta halist ahi waa tan, oo u baahan ka fiirsi wixii aan caddeyn loo haynin. Waxa aan xusuustaa mid ka mid ah wasiirradii maaliyadda Soomaalilaan ee ugu nadiifsanaa dhinaca musuq la’aanta ayuu wasiirkii ka horreeyey ku wareejiyey deyn ay leeyihiin shirkado iyo shakhsiyaad, kuwaasi oo hawllo ka duwan u qabtay dawladda dhexe. Wasiirkii ayaa xaddigii deynta muddo shan cisho ah darsayey, markii uu uu kala garan waayey siday run iyo been u tahay ayuu go’aankan qaataty. Wuxuu ballamiyey dhammaan madaxdii masuulka ka ahayd shirkdaha deynta ku leh dawladda iyo shakhsiyaadkii kale ee gaarka u soo qortay deynta. Ka dib wuxuu la galay hoolkii wasaaradda, waxaanu soo qaatay kitaab Qur’aan ah oo mid kastana wuxuu ku yidhi dhaaro inaad dawladda lacagtan aad soo qortay ku leedahay. Markii kitaabkii la keenay hoolkii ayey tiro badani albaabka boobeen, ileyn been ku dhaaran maayaane. Waxa soo hadhay tiro yar oo daacad ah oo ay run ka ahayd deyntu kuwaasi ayaa dhaartii xagaf ku siiyey. 70% dadkii iyo shakhsiyaadkii deynta soo qortay meesha ayey ka baxeen. Dhacdadaasi waxa laga baran karaa in deynta ay shirkadaha iyo shakhsiyaadku soo qorteen ay intaada badani been tahay, oo ay dhici karto in maayarradii hore ay lacagta wax ku leeyihiin. Cali Cabdi Coomay, Suxufi, qoraa ah. Calicoomay@gmail.com Source

Muqdisho (Caasimada Online) – Warar kala duwan ayaa kasoo baxay toogasho xalay magaalada Muqdisho loogu geystay sarkaal ka tirsanaa ciidamada sida gaarka ah u tababaran ee Xoogga dalka Soomaaliyeed, kuwaas oo ay tababartay dowladda Turkiga. Sarkaalkan oo lagu magacaabi jiray, Maxamed Cali Yarami ayaa waxaa lagu dilay gudaha degmada Wadajir, sida ay Caasimada Online u xaqiijiyeen ilo wareedyo lagu kalsoon yahay. Wararka ayaa sheegaya in kooxo ku hubeysan bistoolado ay marxuumka toogasho ku dileen, iyaga oo kadib goobta isaga baxsaday. Marxuumka ayaa waxaa la sheegay in xilliga la dilayey uu kusii jeeday hoygiisa oo ku yaalla xaafad ka tirsan degmada Wadajir ee gobolka Banaadir. Dilka kadib ayaa waxaa goobta gaaray ciidamo ka tirsan kuwa ammaanka ee dowladda Soomaaliya, kuwaas oo meydka ka qaaday halkaasi. Maxamed Cali Yarami ayaa ahaa sarkaal dhalinyaro ah oo firircoon, kana tirsanaa ciidamada sida gaarka ah u tababaran Gorgor ee Xoogga dalka Soomaaliyeed. Weli ma jiro wax hadal ah oo kasoo baxay saraakiisha laamaha ammaanka Soomaaliya oo ku aadan falkaasi dilka ah. Muddooyinkii lasoo dhaafay waxaa gudaha magaalada Muqdisho ka dhacayey falal liddi ku ah amniga, sida dilal qorsheysan iyo qaraxyo oo uu kii ugu dambeeyey xalay ka dhacay agagaarka isgoyska Taleex ee degmada Hodan, kaas oo geystay khasaare kala duwan. The post Sarkaal ka tirsanaa ciidamada Gorgor oo lagu dilay Muqdisho appeared first on Caasimada Online.

For the first time in the history of the Republic of Somaliland, opposition emerges victorious in the battle for major, A-class cities. Burao, the regional capital of Togdheer and the largest livestock market in Somaliland, was the last to fall into opposition hands. Out of the 7 A-class cities of Hargeisa, Gabiley, Berbera, Erigavo, Burao, Borama, and Las Anod, the government and its ruling party, Kulmiye, only managed to secure leadership of Gabiley and Berbera on the east and west of the capital city, Hargeisa. Moreover, the two opposition parties, Waddani – the Somaliland National Party – and UCID – the Justice and Welfare Party – did not only defeat KUlmiye – the Somaliland Peace and Unity Party – in the contest for each council’s top post but they, between them, also denied Kulmiye of the deputy-mayorships. Kulmiye has to reconcile itself with second-best, B-class and C-class towns. The layout of respective seats for each of the 3 parties in. parliaments and local councils (Courtesy of somalilandelection.com) Between them, the two opposition parties managed to win 127 seats out of a total of 220 council seats of 20 poll districts. Kulmiye got 93. 552 candidates contested in the race for council seats where 246 fiercely tussled for the 82-seat parliament.. With the councils’ elections out of the way, the government and opposition are gearing for a major showdown at the parliament house. Waddani is fielding its former first deputy-chairman, Abdirizak Khalif, a formidable content der and an articulate, popular politician. Kulmiye is fighting to put Professor Yassin Mohamoud Hiir ‘Faratoon’ – the former minister for Foreign Affairs and International Cooperation on the chair of House Speaker. Professor Faratoon has garnered the greatest number of votes in the Sool region where Khalif also belongs. The former minister has, also, to his credit, a most fruitful term at the helm of the ministry of foreign affairs during which foreign diplomacy has achieved the greatest feats in recent years, including new friendships, agreements and pacts with Taiwan, Kenya, Guinea Conakry, Malawi, Zambia and many more. Out of the 82 members of the lower house of the bicameral parliament, 52 won on opposition tickets. No wonder, blows – but no falls yet – could be heard openly but not seen in the no-holds-barred wrestling match between the government and the opposition for the 3 top posts of the parliament going on beyond the curtains drawn on the ring. Thus far, following the difficult but adroitly handled double election of 31 May 2021, the government has only the credit it gained for non-interference of the elections and the impeccable way it handled them for consolation, according to observers. Qaran News

(SLT-Hargeysa)-Xildhibaan Maxamed Abiib oo ka mid ah xildhibaannada cusub ee golaha wakillada Somaliland ayaa ka hadlay doorashada shirguddoonka cusub golaha wakiillada waxaanu yidhi sidan tan: “Codka aan u hayno Gudoomiye khaliif Ma jiro cadad lacageed oo goyn karaa. Khaliif waa 50 jir iska xajin kara Doodaha iyo Dareenada kala duwan ee ay kala xambaarsan yihiin 82 xildhibaan ee kasoo kala baxay gobalada kala duwan iyo xisbiyada kala duwan waxanan filayaa inuu yahay qofka kaliya ee iswaafajin kara kala duwanaanta Afkaarta ragaa mudanayaasha ah. Isbaahaysiga labada xisbi intayada waddani isagaan gaysanay ucidna waxay leedahay labada ku xigeen. Isbaahaysigana waxa budhig u ah Gudoomiye faysal Cali waraabe 52 xildhibaan ayaan nahay isku darka mudanayaasha labada xisbi hadii kulmiye xaataa 10 helo 42 waa ku filan yihiin in shirgudoonka goluhu noqdo mucaaradka Ujeedadayadu maaha ku xumayn ka dhan ah xukuumada iyo kulmiye ee waa in la gaadho isbadalkii shacabku kalsoonida ku siiyay murashixiintii macaaradka Dalka iyo dadkuna waa inay helaan siyaasad is dheeli tiraysa si isla xisaabtan buuxa loo gaadho loogana guuro awood dhinac kaliya ah oo waxay doonto samaysa taasoo dalka waxbadan yeeshay #Khaliif2021. Source

Hadda doorashadii dawladaha hoose waa dhamaad waana lagu kala badiyay mar hadii mucaaridku ay ku guulaysteen 5 ka mid ah degmooyinkii ugu mudnaa ee Grade A kuwaas oo kala ah; Hargeysa, Burco, Boorame, Ceerigaabo iyo Laascaanood, halka xisbul xaakimka Kulmiye uu ku guulaystay labada degmo ee Berbera iyo Gebilay oo labadoodii Gudoomiye ay xejisteen labadoodii kursi. Halkaa iyada waa lagu kala calaf qaaday laba qaydhinka ku qaybsatayna isma cawrido. Waxa hadhay shirgudoonkii Wakiilada oo laga yaabo in ay ka duwanaan karto sidii ay isu doorteen Golayaasha Degmooyinku oo la odhan karo waxa shaqeeyay xisbinimo. Dhinaca kale gole degmo oo waliba wuxu saamayn ku yeelan karaa uun degaanka degmadiisa balse doorashada wakiiladu waa heer qaran oo dabcan waaba sharci dejintii. Gudoomiyaha la iskuma wada haysto ee waxa u tartamaya laba shakhsi oo isku raas ah oo mid yahay Wasiirkii hore ee Arimaha Dibadda Yasiin Faratoon oo xildhibaan Kulmiye ah iyo xildhibaan C/razaaq Khaliif oo WADDANI ah. Hadii tartanku labadooda oo keliya ka dhexayn lahaa laga yaabaa in sidii golayaasha degaamada uu xaalku noqon lahaa oo xisbinimada iyo isbahaysiga mucaaridku dawr muhiim ah ku yeelan lahaa kala doorashada labada xildhibaan ee u tartamaya jagada guddoomiyaha fursadda badanna waxa markaa yeelan lahaa musharaxa mucaaridka oo laguma wada hadleen. Waxase xaalka sii cakiraya tartanka loogu jiro Gudoomiye xigeenka 1aad iyo 2aad oo iyaga saamaynta xisbinimada ay ka badan tahay ta reernimadu waxana u tartamaya xildhibaano dhawr ah oo hadana kala reero ah. Xildhibaan Cumar Jaamac oo gobolka Sanaag ka soo jeeda xisbi ahaanna ka soo baxay Ucid weliba laga yaabo in uu yahay dhinaca mucaaridka ka ugu lamaan C/razaq Khallf ayaa ka mid ah kuwa loogu hadalhaynta badnaa tan iyo intii ay soo baxday natiijada doorashadu. Xildhibaan Cumar waxa caawinaya reerkiisa oo 19 xildhibaan ay ka soo baxeen marka la isku daro sadexda xisbi lagana yaabo in aanay ku kala baydhin ugu dambaysta hadii uu noqdo ka keliya ee ka tartamaya reerkiisa. Musharixiinta shaaciyay in ay u tartamayaan labada ku xideen tiraba waa dhawr kala xisbiyo iyo kala reero ah. Si kastaba xaalku ha ahaado eh dhinaca Kulmiye xisbi ahaan ayaan ilaa hadda la ogayn marka laga tago Gudoomiyaha oo Yaasiin Fartoon ah ka u tartamaya ama Xildhibaanada uu xisbigu u wado labada ku xigeen. Kulmiye tirada xildhibaanada uu ku leeyahay Golaha Wakiiladu waxay dhan yihiin 30 xubnood halka mucaaridkuna ay isku leeyihiin 52 xildhibaan oo 31 ay WADDANI yihiin 21ka kalena ay Ucid yihiin. Hadaba xildhibaanada ka soo kala baxay Kulmiye iyo WADDANI waxa laga yaabaa in wax badan aanay kala xodxodan karin ee kuwa uu Kulmiyaha quud daraynayo ee uu doonayo in uu soo leexsado ugu yaraan 12 xildhibaan oo ka mid ah WADDANI iyo ucidna ku dagaalamayaan sidii aan looga faromaroojiyeeni waxa ugu badan xildhibaanada ucid. Arinkana ilaa hadda lama saadaalin karo gees la isula dhici doono. W/Q Cali Maxamed Yuusuf (Cali Guray) Source

Magaalada Boosaaso, waxa xalay soo gaaray Qaxooti Yemeniyiin ah, oo ay weheliyaan dad Soomaaliyeed oo dalka dib ugu soo laabtay, kuwaas oo ka soo cararay colaadda ka aloosan waddanka Yemen. War ka soo baxay Wasaaradda Arrimaha gudaha dowladda Puntland, ayaa lagu sheegay in dekedda Boosaaso ay xalay soo gaareen, dadkan oo ka kooban Qaxooti Yemeniyiin ah iyo dad Soomaaliyeed oo dalka dib ugu soo noqday. Mas’uuliyiinta Wasaaradda Arrimaha gudaha Puntland ,ayaa dekedda ku soo dhoweeyay dadkan oo gaaraya 80 Qoys, kuwaas oo u badan Carruur iyo Haween, waxaana loo gudbiyay Xarunta qaabiladda Qaxootiga ee Boosaaso. Muddooyinkii u dambeeyay waxa magaalada Boosaaso ku soo qul-qulayay Qaxooti Yemeniyiin ah iyo dad Soomaaliyeed oo ka soo cararay colaadda ka jirta dalkaasi Yemen. PUNTLAND POST The post Qaxooti gaaraya 80 Qoys oo soo gaaray magaalada Boosaaso appeared first on Puntland Post.

Waxaa saaka oo Isniin ah dadka ku nool dalka Itoobiya u dareeren goobaha codbixinta si ay u soocodeeyan doorashooyinka heer federaal iyo heer deegaan ee dalka Itoobiya . 45 xisbi ayaa ku loo lamaya kuraasta golaha wakiilada heer federaal iyo mid deegaan ee dalka Itoobiya, waxaana xisbiyaadaas ku jira xisbiga talada dalka Itoobiya hayo. Illa iyo hadda inta la xaqiijiyay 37.4 Million oo qof ayaa isdiiwaan gelisay kuwaas oo saaka safaf dhaadheer u galaya goobaha codixinta si ay codadkooda u dhiibtaan . Musharixiinta sanadkaan u tartamaya kuraasta golaha wakiilada heer federaal iyo heer deegaan ayaa gaaraya illa iyo 9,327 musharax. 1,976 ka mid ah musharixiinta ayaana dumar ah halka 7,351 ee kale ay yihiin rag . Doorashada Itoobiya ayaana ah middii lixaad ee dalka Itoobiya ka dhacda, xilli ay mudda dhowr jeer oo horay ay doorashada dib uga dhacday waqtigeeda. Goobjoog Source: goobjoog.com

Nigerian police killed 14 gunmen after repelling their attempted attack on a police station in central Nigeria's Benue state on Sunday morning, police said. Source: Hiiraan Online

Dowladda hoose ee degmada Garoowe, ayaa xalay bilowday hawlgal ariga looga saarayo xaafadaha caasimadda. Shaqaalaha iyo ciidanka dowladda hoose, ayaaa xalay gudaha magaalada ka uruuriyay ari badan oo habeenkii darbiyad ku hoyan jiray, kadib amarkii ka soo baxay duqa degmada Garoowe. Dowladda hoose ayaa sheegtay in arigaas uu caqabad ku yahay bilicda iyo nadaafadda caasimadda, islamarkaana xaalufinayo dhirta lagu beero xaafadaha. Garoowe waxa socda barnaamij la magac-baxay cagaarinta caasimadda, kaas oo la doonayo in dhir badan lagu beero, si loo hagaajiyo bilicda magaalada. PUNTLAND POST The post Dowladda hoose ee Garoowe oo bilowday hawlgal ariga looga saarayo magaalada appeared first on Puntland Post.

A Somali migrant teenager told the AFP that she was sexually assaulted by Libyan guards at the government-run centre in the Libyan capital Tripoli. Source: Hiiraan Online

Xafiiska Raysal wasaaraha ayaa soo bandhigay Qorshaha Doorashada oo ka kooban bogog badan xili ay Mucaaradku saluugsan yihiin qaar kamida Gudiyada la magacaabay iyo qaabka loosoo xulay. Ciidamada Amisom ayaa qayb ka qaadanaya Sugida Amniga Koonfurta Soomaaliya halka Xubno ka socda Bersha Caalamku ayniyana qayb ka noqonayaan Talabixinta Arimaha Doorashada. Xafiiska Raysal wasaaraha ayaa lasiiyay Masuuliyada ugu saraysa ee Doorashada, halka Maamul Goboleedyada Booliskoodu ay iyana qaybbka noqon doonaan sugida Amniga Doorashada. 9 Xubnood oo Gudi ah ayaa iyana lasiiyay Awooda ugu saraysa ee Arimaha Doorashada, Sida aan xogta ku helayno muran ayaa wali ka taagan qaar kamida Gudiyada ay Xukuumada Dhexe soo magacawday. Macada kaalinta ay Xafiiska Madaxweynuhu ku yeelan doonaan Arimaha Doorashada walow oo aysanba ka muuqan Qariirada Doorashada . Qariirada Doorashada waxaa lagu muujiyay Goobaha ay Argagixisadu ka taliso Koonfurta Dalka, mana cada sababta loo magacaabay Al-shabaab iyo Daacish. Hoos ka eeg qariirada The post Raysal wasaare Rooble oo soo bandhigay Qorshaha Doorashada, Xili muran hoose uu jiro appeared first on . Source

Qatar National Library (QNL) donated more than 4,000 books in various fields of knowledge, culture and scientific research to the Somali National Library (SNL). Source: Hiiraan Online

Ethiopians began voting Monday in a closely-watched election taking place as famine grips the war-torn Tigray region and doubts linger about the credibility of the twice-delayed vote. Source: Hiiraan Online

The African Union Mission in Somalia, AMISOM, has commemorated the International Day for the Elimination of Sexual Violence in Conflict with a commitment to address conflict-related sexual violence in the country. Source: Hiiraan Online

The government together with area leaders from Mandera County have vowed to enhance relationships with Mandera residents with the aim to improve security and curb terrorist attacks in the region. Source: Hiiraan Online

Muqdisho (Caasimada Online) – Xafiiska ra’iisul wasaaraha Soomaaliya Maxamed Xuseen Rooble ayaa shaaciyey qorshaha qaran ee amniga doorashooyinka dalka oo ka kooban 17 bog, ayada oo dalka uu aadayo doorasho dadban. Waxaa sidoo kale la dhisay Guddi Amni oo ka kooban 9 xubnood, mas’uulna ka ah amniga doorashada, uuna hoggaaminayo Ra’iisul Wasaaraha Xukuumadda Federaalka Soomaaliya, xubnaha ay ka mid yihiin Taliyayaasha Booliska Federaalka iyo Dowladaha Xubnaha ka ah Dowlada Federaalka, iyo Taliyaha Booliska AMISOM. Guddiga Amni ayaa waxa uu qorsheynayaa isla markaana hagayaa hannaanka amniga doorashada; Waxa uu dejinayaa qorshaha amniga; sidoo kale waxa uu hubinayaa isla markaana oo si dhawna ula soconayaa amniga xarumaha hawlgallada doorashooyinka isaga oo kaashanaya Guddi-Hawleedyada Amniga Doorashada Ee Heer Dawlad Goboleed, Guddiga Hirgelinta Doorashada Ee Heer Federaal iyo Guddiga Hirgelinta Doorashada Ee Heer Dawlad Goboleed. Amniga doorashada ayaa waxaa kaalin weyn ku leh ciidamada booliska Amisom oo ka qeyb qaadanaya sugida amniga magaalooyinka iyo xaruumaha ay ka dhaceyso doorashadu. AMISON Police mas’uuliyadooda waxa ay tahay in ay sugaan amniga gudaha xarumaha. AMISON Military mas’uuliyadooda wax ay tahay goobaha laga soo galayo magaalada iyo meelaha kale ee la isku raaco. Xafiiska Ra’iisul Wasaaraha ayaa mas’uul ka ah Hagida, isku-duwida iyo hoggaaminta Guddiga Amniga Doorashada. Hadda hoos ka aqriso qorshaha oo dhameystiran The post Aqriso: Qorshaha amniga doorashooyinka qaran oo xalay shaaca laga qaaday appeared first on Caasimada Online.

Garoowe (Caasimada Online) – Boqor Burhaan Boqor Muuse oo maanta warbaahinta la hadlay ayaa waxa uu si kulul uga hadlay xeerka mamnuucaya gudniinka gabdhaha oo ay meel-mariyeen golaha wasiiradda Puntland. Boqor Burhaan ayaa ugu horeyntii sheegay in xeerka lagu mamnuucayo gudniinka gabdhaha uu yahay mid ka hor-imaanaya dhaqanka iyo shareecada Islaamka. Waxa uu ku tilmaamay tallaabada golaha wasiiradda “mid aan laga aamusi karin oo dhaawac u geysanaysa diinta islaamka,” islamarkaana aysan cidna uga haybeysan doonin wax walba oo khilaafaya diinta Islaamka, sida uu sheegay. ”Anagu mujtamaca iyo umadda wixii wanaageeda ah oo diinteeda ay ku badbaadi kadho, cidna uga haybaysan mayno diyaar baanu u nahay af iyo addinba inaanu kaga hornimaadno, mana aqbalayno,” ayuu yiri Boqor Burhaan oo si adag u diiday xeerka mamnuucaya gudniinka gabdhaha. Sidoo kale waxa uu baarlamaanka maamulka Puntland oo la filayo in xeerkaas la horgeeyo ugu baaqay inaysan waqti ku lumin sharcigaas, oo uu sheegay inuu lid ku yahay qanuunkii ilaahey. ”Waxaa laga hortagay oo waqti badan la geliyey gudniinkii fircowniga ahaa waxay ahayd arrin culimo iyo maamul iyo dowlado kuliba la iska kaashaday, in hadana loosoo gudbo sunigii iyo arrinkii ilaahey weyne ahaa iyo rasuulkiisa, waa wax aan soconayn,” ayuu yiri. “Waxaa idinka maamul ahaan wax idiinka soconaynna inaad wakhti badan ku lumisaan maaha marnaba.” Boqor Burhaan ayaa ugu dambeyntiina xukuumadda Puntland inay ka laabato sharcigan muranka dhaliyay, islamarkaana ka hor-imaanaya shareecada, isagoona bogaadiyey tallaabadii ay dhawaan culimada Puntland ku cambaareeyen xeerkaan. Waxaa maalmihii u dambeeyay sii xoogeystay xiisada ka dhalatay xeerka mamnuucaya gudniinka Gabdhaha oo ay ansixiyeen Golaha Wasiirada Puntland, kaasi oo ay ku joojinayso in gabdhaha deegaanadeeda ku nool la gudo, midaasi oo qaar kamid ah waxgaradka iyo culimada Puntland si adag uga hor-imaadeen. The post Daawo: Boqor Burhaan oo si adag uga horyimid xeer ay meel-marisay PUNTLAND appeared first on Caasimada Online.

Beled-Xaawo (Caasimada Online) – Afhayeenka Ciidanka Xoogga Dalka ee Gobolka Gedo Aadan Axmed Xirsi (Aadan Rufle) ayaa sheegaya inay dad dembiileyaal ahi ku jiraan Guddiyada Doorashooyinka Qaranka, gaar ahaan Xubnaha Jubbaland ku metelaya Guddiyada Doorashooyinka. Afhayeenka oo ka soo muuqday Warbaahinta ayaa sheegay inay dadka uga digayaan waxa lagu sheegay buu yiri Guddi Doorasho oo laga soo diray Magaalada Kismaayo. “Digniin, waxaan ummadda Soomaaliyeed dal iyo dibadba uga digeynaa waxa lagu sheegay Guddi Doorasho oo laga soo diray Magaalada Kismaayo, looguna magac-daray Guddiga Doorashooyinka Heer Dowlad Goboleed ee Jubbaland. Waxayna aad dadka Jubbooyinka degan isu weydiinayaan abeeso dhul isu ekeysiin bay dadka u leysaayee, Dowladdii Soomaaliyeed ma indho la’dahay mise Soomaalinimadaa ka badatay?,” ayuu yiri Afhayeenku. Afhayeenka ayaa xubnahan ku sheegay inay yihiin Guddigii Madaxabannaanaa Doorashooyinka iyo Xuduudaha ee Jubbaland ee laba sano horteed soo xulay Xildhibaanada Baarlamaanka Jubbaland, isla-markaana qabtay doorashadii dib loogu soo doortay Madaxweynaha Jubbaland, Axmed Maxamed Islaam (Axmed Madoobe), 22-kii bishii August ee sanadkii 2019, kuwaa oo uu ku eedeeyay inay dhibaatooyin ka gaysteen deegaanada Jubbaland. “Waxaan doonayaa Guddiga Doorashooyinka Heer State waxa lagu sheegay ee Magaalada Kismaayo laga soo diray waxa ay yihiin inaan caddeeyo. Taariikhdu markii ay ahayd 23-kii bishii March ee sanadkii 2019 Guddiga Madaxabannaan Doorashooyinka iyo Xuduudaha ee Jubbaland magacawday waxa uu ka koobnaa sideed xubnood, oo ahaa ciidamo jinsiga Soomaali ka ah, laakiin mariin ahoo qalbiga ka jirin oo dhalinyaro da’ yar ahoo aqoonyar, oo dowlad ajnabi ah inta ay tababaratay hub u soo dhiibtay, ayna dooneysay danaha ayada ay leedahay oo dal qabsi duleysi ah iyo xasuuq inay ku fushato asalkoodu saas ayay ahaayeen. Waxaana Gudoomiye u ahaa Xamse Cabdi Barre, Kuxigeena waxaa u ahaa Axmed Maxamuud Maxamed (Axmed Ilkadheere.) Guddigaas waxay asteeyeen xuduud dhulka Soomaaliya la dhigayo oo dowlad ajnabiya lagu siinayay ciiddii Soomaaliyeed, min Raaskambooni illaa Biibii 1. Xuduudaas oo xuduuddii Ingiriiska uu sameeyay meesha ugu dhow 700 oo tallaabo ay soke ka tahay, meelaha qaarkood-na 17km gudaha dhulkeena la soo geliyay. Anigoo ammaanayo asal iyo asaliyad ahaanbo shacabkii Soomaaliyeed oo sida Falastiin oo kale dhulkoodii ku dagaalamayay, waxaa meeshaa ka dhashay dil loo gaystay tobanaan qof oo shacab Soomaaliyeed ah, ay ku dhaawacmeen tiro intaasi ka badan oo Soomaali ah, ayna ku baaba’een hanti Soomaaliyeed oo qaali ahoo aad u fara-badan, oo ay ka mid tahay kaabadii dhaqaalaha ee Shirkaddii Isgaarsiinta Hormuud oo dadkaa maqal, manfac, EVC iyo keydba u ahayd, waayo lacagtii dadkaa way baaba’day, lacag qalaadna inay isticmaalaana aad bay uga qabweyn yihiin,” ayuu yiri Aadan Rufle. Isagoo hadalkiisa sii wata ayuu yiri “Tusaale, taariikdu markii ay ahayd 23-kii bishii September 2020 deegaanka Yado oo 30km dhinaca waqooyi kaga beegan Degmada Ceelwaaq, uuna maro xad beenaadka, lagana soke mariyay xadka Guddiga Madaxabannaan ee Doorashooyinka iyo Xuduudaha ay asteeyeen, dadkii dhagaxa ku dadaalamayay waxaa laga afduubay afar qof, 3 maalmood ka dib tuulada Daarusalaam oo iyaduna xad beenaadka mari jiray waxaa laga afduubay afar qof, oo nin ka mid ah waa la dilay, saddexdii kalena min saddex kun oo lacagta Mareykanka ah ayaa looga soo furtay Ciidamada Kenya ee ka tirsan AMISOM iyo adeegayaashooda, dadkii kale ee la afduubay illaa iyo hadda ma hayno, oo sidii loo afduubtay bay ku maqan yihiin. Waxaa jira dad kale oo aan hadda i hor oolin magacyadooda, laakiin dabcan ay feel/file ku jiraan oo maqan, ayna sababteeda leeyihiin in la waayo Guddiga Madaxabannaan ee Doorashooyinka iyo Xuduudaha ee la magacaabay 23-kii March 2019.” Aadan Rufle ayaa yiri “Doorashadii Jubbaland ee 2019 la qabtay waxay sameeyeen isimo dhaqan oo gacan ku rimis ah, oo lagu bedelay Odayaashii Dhaqanka ee soo jireenka ahaa, dadkana waxaa loo sheegay inay Xildhibaanada Jubbaland soo xuli doonaan Odayaashii Dhaqanka ee la yaqaanay, waxaan ku eedeyneynaa inay laayeen Odayaashii Dhaqanka ee ka horyimid bedelkii lagu sameeyay. Isimada Dhaqanka ee la laayay waxaa ka mid ahaa Nabadoon Cabdiqaadir Ibraahim Xasan (Gaari), Suldaan Cabdirashiid Dhurre Cumar, Suldaan Axmed Diiriye Qalyar iyo odayaal kaloo badan. Waxaa sidoo kale jiray odayaal ka horyimid arrintaasi oo loo musaafuriyay Magaalada Muqdisho, kuwaa oo illaa iyo hadda ku sugan.” Rufle ayaa ku waramaya inaanan Dowladda Federaalka laga sugeynin inay dadkaasi Guddi Doorasho uga dhigto sida uu yiri dadka, oo ay ahayd inay Guddiga Doorashada noqdaan kuwa aan shisheeyaha u adeegin. “Waxaan leenahay Dowladda Soomaaliyeed dadkaasi waxaas oo dhiba gaystay in Guddi Doorasho dadka looga dhigo maaha waxaan ka lug bixi karno. Dowladdii Soomaaliyeed ee la rabay inay dalka iyo dadka difaacdo, oo dadkii dhulka difaacayayna ay dalacsiin siiso meeshii laga suggayay, inay dembiile-yaashii ay xasaanad siiso, tiraahdana dad bay soo dooranayaan maaha wixii laga suggayay.” Ayuu yiri Rufle oo intaa ku daray “Doorashaddii dhaweyd ee lagu soo doortay Axmed Madoobe, si adag bay uga hortimid Dowladda Federaalka, iyadoo og inaysan guddigaasi qaban doorasho daahfuran. Guddiga noocaas ah sidee baa maanta loogu aaminay doorashadii guud?” Ugu dambayn waxa uu yiri “Waxaan dooneynaa dad nadiif ah oo Soomaali ah, oo dowlad ajnabiya jaajuus u ahayn oo dhulka difaaca in la keeno, oo aan dadka Guddi Doorasho looga dhigin dembiile-yaashii intaas oo dembi ah gaystay.” The post Xubno ka tirsan guddiyada doorashada oo lagu eedeeyey inay dambiileyaal yihiin appeared first on Caasimada Online.

Qaran News

Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa sameeyay guddiga Amniga doorashada, kuwaas oo ka qeyb qaadan doona sugida amniga doorashooyinka dalka. Guddiga ayaa waxaa uu ka kooban yahay Taliyeyaasha Booliska Heer Federaal, Heer Dowlad Goboleed, Gobolka Banaadir iyo Taliyaha Booliska AMISOM, waxayna dhammaantood ku shaqeyn doonaan awaamiirta Ra’iisul Wasaaraha. Xubnaha Guddiga Amni ayaa waxaa ay qorsheynayaan oo ay hagayaan hannaanka amniga doorashada, iyaga oo sidoo kale dejinayaa qorshaha amniga Goobaha ay ka dhacayaan doorashooyinka. PUNTLAND POST The post Ra’iisul wasaare Rooble oo magacaabay guddiga Amniga doorashooyinka appeared first on Puntland Post.

Ugu yaraan 3 qof ayaa la sheegay in si xun loogu dhaawacay Is-rasaasayn saqdii dhexe ee xalay ka dhacday caasimadda dalkaasi ee Boon. Wargeyska Maalinlaha ee The Bild waxa uu qoray inay Toogashadaasi ka dhacday Degmadda lagu magacaabo Degmadda Arooska oo ku taalla Caasimadda dalkaasi ee Boon. Dhibanayaasha la dhaawacay waxaa loola cararay Isbitaalka oo lagu daaweynayo. Ninkii weerarkaasi geystay ayaa la sheegay inuu baxsaday, waxayna Ciiddanka bilaabeen Baaritaan, iyagoo go’doomiyey goobta ay Toogashadu ka dhacday. PUNTLAND POST The post Toogasho Xalay Ka Dhacday Caasimadda Jarmalka appeared first on Puntland Post.