Asad Shariif Abuukar, oo ka tirsanaa Al-shabaab ayaa isku soo dhiibay Ciidanka dowladda Federaalka Soomaaliya ee ku sugan degmada Awdheegle ee Gobolka Shabeellada hoose. Saraakiisha ciidanka dowladda Soomaaliya ayaa warbaahinta u soo bandhigay ninkanka oo sida ay sheegeen ka soo goostay Al-shabaab. Saraakiishu faahfaahin kama bixin sida uu ku soo goostay ninkan iyo jagada uu ka hayay Al-shabaab midna. PUNTLAND POST The post Xubin ka tirsanaa Al-shabaab oo isu dhiibay ciidamada dowladda Soomaaliya appeared first on Puntland Post.

Ankara (Caasimada Online) – Madaxweynaha Turkey Recep Tayyip Erdogan ayaa si lama filaan ah Arbacadii u sheegay inuu diyaar u yahay inuu casuumo oo uu la kulmo hoggaamiyaha kooxda Taliban, si uu gacan uga geysto xaqiijinta nabadda Afghanistan. Dagaal-yahanada Taliban ayaa wax kayar toddobaad gudihiis qabsaday afar meelood meel caasimad goboleedyada dalkaas. Turkey ayaa waxaa Afghanistan ka jooga ciidamo qeyb ka ah NATO, waxayna yaboohday inay xaqiijiso amniga garoonka diyaaradaha Kabul, marka ciidamada Mareykanka ay ka baxaan dhammaadka bishan. Wada-hadallo ayaa u socda saraakiisha Turkishka iyo Mareykanka, waxaana Turkey ay sheegtay inay sugi doonto amniga garoonka, haddii shuruudaha diblomaasiyad, maaliyad iyo sahay laga soo baxo. “Dhacdooyinkii ugu dambeeyey iyo xaaladda shacabka Afghanistan, runtii waa kuwa aad looga naxo,” ayuu Erdogan ku yiri wareysi uu siiyey taleefishinka CNN Turk. “Waxaa xitaa laga yaabaa inaan soo dhoweeyo qofka hoggaamiya,” ayuu yiri Erdogan, kadib markii uu ka hadlay dadaallada ay wadaan saraakiisha Turkishka ee wada-hadallo lagula yeelanayo Taliban. Erdogan ayaa bishii tagtay sheegay in Turkey ay wada-hadallo la yeelan doonto Taliban, taasi oo qeyb ka ah hanaanka nabadda. “Sababta waxay tahay, haddii aynan xaaladdan u xakameyn si heer sare ah, suurta-gal ma noqon doonto inaan xaqiijino nabadda Afghanistan xilligan,” ayuu yiri. Wallaaca hadda taagan ee Erdogan ayaa ah cabsida shacabka Turkey ay ka qabaan shacabka kasoo qaxaya Afghanistan, xilli Taliban ay dhul badan qabsaneyso. Turkey ayaa waxa ay hadda marti-gelisaa 3.6 milyan oo qaxooti Suuriyaan ah, waxaana xilli dhaqaalaha Turkey uu sii xumaanayo sare u kacaya carada ka dhanka ah, ayada oo mucaaradkuna ay ku baaqayaan inay dalkooda ku laabtaan. Erdogan ayaa sheegay in Turkey ay xaaladda xakameysay, ayada oo darbi ka dhistay xuduudaha bari iyo koonfureed ee dalkaas. AFP + VOA The post Erdogan oo sheegay hadal lama filaan ah oo la xiriira hogaamiyaha kooxda Taliban appeared first on Caasimada Online.

Madaxweynaha Turkiga Recep Tayyip Erdogan ayaa taleefan madaxweynaha Afgaanistaan oo uu kala hadlay xaaladda ka taagan waddankaaas. Madaxweynaha Turkiga ayaa sheegay in Turkigu uu sii wadi doono inuu garab istaago dadka Afgaanistan ee saaxiibtinimada iyo walaalnimada leh si Afgaanistaan ​​ay u gaarto nabadda iyo xasilloonida ay mudan tahay sida ugu dhaqsaha badan. Erdogan ayaa sidoo kale khadka telefoneka ugu hambalyeeyay madaxweynaha cusub ee Iiraan Ebrahim Raeisi caleemo saarkiisa wuxuuna sheegay inuu rumeysan yahay in xiriirka ka dhexeeya Turkiga iyo Iraan iyo iskaashiga gobolka uu noqon doono mid sii xoogaysta dhinac walba muddada cusub. Dhinaca kale madaxweyne Erdogan ayaa taleefan kula hadlay Madaxweynaha Togo Faure Gnassingbe isagoo sheegay in iskaashiga u dhexeeya labada qaran ee dhinaca warshadaha difaaca uu yeelan doono saamayn badan oo kor loogu qaadayo xiriirka labada dhinac. PUNTLAND POST The post Madaxweyne Turkiga oo Taleefon kula hadlay saddex madaxweyne appeared first on Puntland Post.

Dhuusamareeb (Caasimada Online) – Xarunta Baarlamaanka Galmudug ee Magaalada Dhuusamareeb ayaa waxaa ka socota doorashada Xildhibaannada Aqalka sare qeyb kamid ah kuwa Maamulka Galmudug ku matalaya Aqalka Sare. Goobta doorashada ayaa waxaa laga akhriyay habraaca doorashada, waxaana la sheegay in codeynta doorashada Aqalka sare ay tahay qarsoodi, kursi kastana ay ku tartamayaan laba xubnood, isla markaana hadii qof uu tanaasulo ay codeyntu noqon doonta gacan tag. Shalay ayaa Guddiga Baarlamaanka Galmudug u qaabilsan doorashada Aqalka sare habraac ay soo saareen waxaa kujiray in hadii qof uu tanaasulo ay codeyntu noqon doonto qarsoodi taas oo walaac laga muujiyay. Qodobka ugu culus ee habraacii Shalay lasoo saaray ayaa ah in aan cod gacan taag ah loogu codeyn musharaxii loo tanaasulo balse uu ka raadsado xildhibaanada cod kalsooni ah. “Haddii musharax uu u tanaasulo musharax kale, waxaa qasab ku ah musharaxa loo tanaasuley in sanduuqa/cod qarsoodi ah loogu codeeyo oo hadii uu waayo 50+1 tirada guud ee Baarlamaanka Galmudug loo celiyo madaxwaynaha markale.”ayaa lagu yiri qoraal ka soo baxay guddiga qabashada doorashada Galmudug. Musharaxiinta u tanaasulaya musharaxiinta kale ayaa laga dareemay doorashooyinkii kale ee ka dhacay magaalooyinka Baydhabo,Kismaayo iyo Garowe, waxaana ma rumeysan yahay in ka laabashada Baarlamaanka go’aankii Shalay uu ka dambeeyey madaxweyne Qoor Qoor oo xalay kulamo kala duwan ka sameeyey Magaalada Dhuusamareeb. The post Baarlamaanka Galmudug oo ka noqday qodobkii ay ku diideen doorashada gacan taaga appeared first on Caasimada Online.

Washington (Caasimada Online) – Golaha Ammaanka ee Qaramada Midoobay ayaa waxaa la filayaa in Maanta oo khamiis Gelinka dambe ay isugu yimaadaan shir ay ugu hadlayaan xaaladaha kajira xilligaan dalka Soomaaliya & waxa u baahan in wax laga qabto si looga gudbo. Shirka ayaa waxaa sigaar ah diirada loogu saari doonaa arrimaha dorashooyinka Soomaaliya oo qaarkood billowday, dhaqaalaha ku baxaya iyo sidoo kale arrimo ay kamid yihiin fatahaadaha. Wakiilka Gaarka ah ee Xoghayaha Guud u qaabilsan Soomaaliya James Swan iyo Madaxa AMISOM Danjire Francisco Madeira ayaa warbixin siin doona Xubnaha shirka. Wakiilada Qaramada Midoobay ee shirka ka qeyb geli doona oo dhankooda khudbad ka jeedin doona ayaa ka hadli doona balan qaadyo ay u sameyn doonaan Dowladda Federaalka Soomaaliya si dowladda looga taageero dhinacyada amniga iyo doorashooyinka. Kulanka Golaha Ammaanka ee QM ay Maanta ka yeelanayaan xaaladda Soomaaliya ayaa kusoo beegmaya xilli dalka uu guda galay doorasho ayna bilaabatay xulista mudaneyaasha Aqalka Sare. Doorashada Soomaaliya ee madaxtinimada ayaa loo ballansan yahay in ay qabsoonto 10-ka October, 2021. Balse, waxaa laga cabsi qabaa in mar kale dib-u-dhac uu yimaado maadaama dhaqan-gelinta jadwalkii lasoo saarey 27-dii May, 2021 la baalmaray taariikhaha qaar. The post Qaramada Midoobay oo shir deg deg ah ka yeelaneysa xaaladda Soomaaliya appeared first on Caasimada Online.

Source

(SLT-Hargeysa)-Afhayeenka xisbiga KULMIYE Cabdinaasir Buuni ayaa jawaab ka bixiyay warwar ku aaddan inuu is casilayo Xil. Faratoon oo xisbigaasi uga soo baxay gobolka Sool. War shalay ku soo baxay Wargeyska Waaberi ayaa lagu sheegay in Xildhibaan Faratoon tashi badan ka dib qorshaynayo in uu iskaga tago xilka Golaha Wakiillada oo aanu xiiso u hayn xildhibaannimo maaddaama oo uu hore uga soo mid noqday Golahan laakiin Afhayeenka KULMIYE ayaa arrintaasi si dhakhso ah uga falceliyay Afhayeenka ayaaa qoraal uu soo saaray waxa uu ku yidhi sida tan “السلام عليكم ورحمة الله وبركاته Aniga oo tixraacaya wargayska waaberi cadadkisii 116aad arbaca .11 August. 04 muxarram 1443 .3000kun Ciwaana loga dhigay madhabaa in Mudane yasiin xaaji maxamuud faratoon latashi badan kadib u is casilayo Hadaba waxa aan guud ahaanba waxaba kajirin warkaa been abuurka ah Mudane yasiin xaaji maxamuud faratoon waa astaan qaran oo ka dhex ifaya Golaha wakiilada ee cusub.” Source

(SLT-Hargeysa)-Hanti Dawrka guud ee Qaranka Jamhuuriyadda Somaliland ayaa baadhitaan ka bilaabay dawladda hoose ee degmada Baki. Badhitaanka oo in muddo ah ka socda dawladda hoose degmada ayaa lagu baadhayey musuqmaasuq iyo ku tagrifal awoodeed ayaa lagu sameeyey maayarka Maxamed Axmed Caateeye ku xigeenka Dayib Xasan Raage, xoghayaha fulinta iyo masuuliyinta kale maamulka. Maayerka iyo ku xigeenka degmada Baki oo ah labada masuul ee ugu sarreeya degmda ayaa ah labadii masuul ee hore xilalkaa u hayay isla markaana doorashooyinkii isku sidkanaa ee golaha wakiilada iyo deegaanka mar labaad ku soo baxay, waxaana lala xidhiidhinayaa ku tagri fal awoodeed iyo musuq maasuq hantiyeen oo xilkii ay hayeen ay uga faa,iidaysteen doorashadii goleyaasha deegaanka isla markaana ay kaambaynkii ku galeen kuna soo bexeen. Dhinaca kale waxaa isa soo taraya cabashooyinka ka soo yeedhaya bulshada degmada Baki oo ka cabanaya maamul xumo ka jirta dedmada.waxaana ugu dambeeyay waxgaradka iyo odayaasha degaanka Dooxada Qardhiile oo si wayn u dhaliilay maamulka degmada Baki ay sheegeen in aanay wali arag cid ka socota maamulka degmada Baki oo soo gaadha deegaanka dooxada Qardhiile taasoo ay iftiimiyeen in illaa xilligii deegaankaa ay duufaantii Sagar ka dhacday in aanay arag cid maamulka degmada Baki ka socota oo deegaankaa tagta isla markaana aanay jirin wax adeeg bulsho ah oo maamulka degmda Baki ay ka qabteen deegaanka Dooxada Qardhiila. waxgaradkaasi ayaa baaq u diray wasaaradda arrimaha gudaha , waxaanay ka codsadeen in ay soo faro geliso maamulka degmada isla markaana deegaanka dooxadaas la soo gaadhsiiyo adeegyadaya aasaasiga ah ee ay dawladda hoose uga baahan yihii. Maamulka degmada Baki.ayaa si ay uga hor tagaan waxgaradka deegaanka ee dhaliilsan hannaankooda shaqo qaaday tallaabo ay dadka ku cabudhinayaan isla markaana xidh xidhay qaar ka mid ah odayaasha degmada. Dhinaca kale odayaal iyo waxgarad warbaahinta kula hadlay degmada Baki,ayaa soo dhaweeyay baadhitaanka Hantidhawrku ka wado dawladda hoose ee degmada Baki taasoo ay sheegeen in ay tahay tallaabo wax ku ool ah oo xukuumaddu ku ilaalinayso hantida umadda. Waxaanay waayeelka iyo aqoonyahanka Baki kula hadlay war baahintu ay caddeeyeen in ay taageersan yihin shaqada Hantidhawrku ka baabay degmada Baki. Source

(SLT-Muqdisho)-Raysal wasaaraha Soomaaliya, Maxamed Xuseen Rooble, oo la hadlay ganacsatada Soomaalida ah ee ku nool Nairobi ayaa meesha ka saaray in khilaaf u dhexeeyo Madaxweyne Maxamed Cabdullaahi Maxamed (Farmaajo). Horraantii bishan ayay ahayd markii ay warqado u muuqdo kuwo la isugu jawaabayo ay ka soo kala baxeen xafiisyada madaxweynaha iyo Raysal wasaaraha, arrintaas oo dhalisay tuhun ah in labada mas’uul uu khilaaf soo kala dhexgalay. “Heshiis ayaan nahay, dalkaas haddaan heshiis la ahayn ma soconayo oo qar ayuu ka sii dhacayaa. Anniga iyo madaxweynaha waxaa naga go’an in dalkaas aan gaadgsiinno doorasho annaga oo wada soconna, si nabad ah, oo xasillooni ku jirto oo isfahan ku jiro. Wax caqabad ah ama wax khilaaf ah ma jiro,” ayuu yidhi Raysal wasaare Rooble. Madaxweyne Farmaajo ayaa digreeto uu soo saaray ku sheegay in hay’adaha dowladda aysan geli karin heshiisyo masiiri ah maaddaama uu dalka galay xaalad doorasho. Wareegtada madaxweynaha ayaa ku soo beegantay xilli Muqdisho ay ku soo wajahneyd wasiirka arrimaha dibedda ee Kenya, Raychelle Omamo. Maalmo kadibna, Raysal wasaare Rooble ayaa u safray Kenya si uu wadahadal ku aaddan xidhiidhka labada dal ula yeesho madaxweyne Uhuru Kenyatta. Safarka Rooble ayaa dhaliyay in dadka qaar ay ku eedeeyaan in uu heshiis ku aaddan arrimaha qaadka iyo muranka badda uu la geli doono Kenya. Raysal wasaaraha ayaa si cad u beeniyay in uu wax heshiis ah la galay Kenya. “Waxaan idiin sheegayaa halkan in aan wax saxiixo uma iman. Waxaan kale oo rabaa in shacabka Soomaaliyeed aan u sheego in dhulka, cirka iyo badda Soomaaliyeed ay yihiin lama taabtaan. Maanta iyo berri toona igama fileysaan in aan ka hadlo arrinta badda ee taalla maxkamadda Hague oo aan dhawaan ka sugeyno jawaabta,” ayuu sheegay raysal wasaaraha. Source

Muqdisho (Caasimada Online) – Madaxweynaha muddo xileedkiisa dastuuriga ah uu dhamaadey Maxamed Cabdullaahi Farmaajo ayaa Khadka telefoonka kula xiriiray amiirka dalka Qadar, Sheikh Tamim bin Hamad al-Thani, sida ay warisay wakaalada wararka u faafisay Dooxa. “Mudane Amiirka ayaa wicitaan dhanka telefoonka ah ka helay madaxweynaha Jamhuuriyadda Soomaaliya,” ayaa lagu qoray barta Twitter-ka ee Qatar News Agency. Qoraalka waxaa la raaciyey: “Marka laga soo tago in ay ka wada hadlaan arrimo badan oo ku saabsan horumarka gobolka iyo caalamka ee danaha wadajirka ah, intii lagu jiray wadaxaajoodyadda, waxay dib u eegeen xiriirka laba geesoodka ah ee ka dhexeeya labada dal iyo siyaabaha kor loogu qaadi lahaa loona horumarin lahaa”. Ma jiro wax war ah oo ku saabsan wadaxaajoodkan oo kasoo baxay dhanka Madaxtooyadda Soomaaliya. Isku-dayo warsidaha Garowe Online doonayay in uu kula xiriiro ma aysan guuleysan. Wadahadalkan ayaa kusoo aadaya iyadda oo dhowr arrimood ay jiraan. Tan koowaad uguna xiisaha badan waxay tahay socdaalka soo shaac-bixiyey khilaafka Farmaajo kala dhaxeeya ra’iisul wasaarihiisa xilgaarsiinta Rooble ku tagay dalka deriska ah ee Kenya. Inkasta oo Rooble beeniyey in ay isku-dhacsan yihiin Farmaajo, haddana socdaalkiisa wuxuu dib boorka uga jafay xiisadii Farmaajo iyo Kenya xilli Villa Soomaaliya aysan soo bandhigin kulan asbuucii hore uu la qaatay wasiirka arrimaha dibada Kenya, Raychelle Omamo, oo booqatay Muqdisho todobaadkii aynu kasoo gudubnay. Dooxa ayaa door firfircoon ka cayaartay isu-soo-dhaweynta hogaanka Soomaalida iyo Kenya si gaar ah go’aanka maamulka Farmaajo, oo ay Qadar maalgelisay ololihiisii doorashadii 2017-kii, uu kusoo celiyey cilaaqaadka diblumaasi ee Nairobi kaasoo uu gooyey. Sidoo kale, wadaxaajoodkan ayaa kusoo beegmaya xilli dalka uu guda galay doorasho ayna bilaabatay xulista mudaneyaasha Aqalka Sare. Dooxa waa mid kamid ah daneeyeyaasha ugu culus ee coddeynta. Balse, mugdi ayaa ku duugan in ay mar kale dhiseyso Farmaajo. Doorashada Soomaaliya ee madaxtinimada ayaa loo balansan yahay in ay qabsoonto 10-ka October, 2021. Balse, waxaa laga cabsi qabaa in mar kale dib-u-dhac uu yimaado maadaama dhaqan-gelinta jadwalkii lasoo saarey 27-dii May, 2021 la baalmaray taariikhaha qaar. The post Waxyaabihii ay qadka taleefoonka uga wada-hadleen madaxweyne Farmaajo iyo amiirka Qadar appeared first on Caasimada Online.

The International Federation of Red Cross and Red Crescent Societies (IFRC) on Wednesday called for swift action to take measures to eliminate the food insecurity and diseases in Somalia. Source: Hiiraan Online

Nearly a year and a half of waiting with no response to “repeated” requests for information from the Defense Department is prompting lawmakers to press Defense Secretary Lloyd Austin for answers to questions about the Jan. 2020 attack by al-Shabab militants in Manda Bay, Kenya, that took the lives of three Americans. Source: Hiiraan Online

The Tanzanian government on Wednesday suspended a local newspaper for running what it called a false story saying that President Samia Suluhu Hassan would not vie for office in 2025, the first newspaper suspension in Hassan's tenure. Source: Hiiraan Online

(SLT-Khartoum)-Wasiirka Arrimaha Dibadda Sudan Mariam al-Mahdi ayaa maanta sheegtay in madaxweynihii hore ee dalkaas Cumar Xasan Al-Bashiir iyo saraakiil kale loo gacan gelin doono Maxkamadda Dambiyada Caalamiga ah (ICC), oo u dooneysa dambiyo la geystay intuu uu socday dagaalka gobolka Darfur. Al-Bashir oo 77 jir ah ayaa maxkamadda ICC waxay dooneysay in ka badan 10 sanno, ayada oo loo haysto eedeymo ay ka mid yihiin xasuuq, dambiyo dagaal, iyo dambiyo ka dhan bani’aadaminimada oo ka dhacay gobolka Darfur. “Golaha Wasiirada wuxuu go’aansaday in saraakiisha la doonayo loo gacan geliyo ICC,” ayey Mariam u sheegtay warbaahinta dowladda, ayada oo aan shaacin xilliga. Qaramada Midoobay ayaa sheegta in 300,000 oo qof lagu dilay, 2.5 milyan oo kalena lagu barakiciyey dagaalka gobolka Darfur, oo qarxay sannadkii 2003. Al-Bashir oo muddo ka badan 30 sanno xukumayey Sudan ka hor inta aan kacdoon dadweyne lagu ridin 2019-kii, ayaa wuxuu ku jiraa xabsiga sida aadka ah loo ilaaliyo ee Kober ee magaalada Khartoum. Maxkamadda Dambiyada Caalamiga ee fadhigeedu yahay Hague ayaa amar lagu soo xidhayo Al-Bashir soo saartay 2009-kii, ayada oo ku eedeysay dambi dagaal iyo dambiyo ka dhan ah bani’aadaminimada oo ka dhacay Darfur. Waxay sannad kadib soo saartay amar xidhitaan oo kale oo la xidhiidha xasuuq, hase yeeshee Al-Bashir ayaa iska indho tiray, wuxuuna si joogto ah ugu safri jiray dibedda. Go’aanka Sudan ay ugu Al-Bashir ku dhiibeyso ayaa yimid ayada oo dacwad oogaha ugu sarreeya maxkamadda ICC Karim Khan uu booqanayo Sudan. Source

Waxaa saaka Hoolka wayn ee baarlamaanka dowlad gobaleedka Galmudug ka bilaabmaya doorashada xubnaha Galmudug ku matalaya Aqalka sare. Diyaar garowgii ugu dambeyay ee doorashada ayaa ka socda guud ahaan deeganada galmudug si gaar ah magaalada Dhuusamareeb oo ay maanta ka dhaceyso doorashada 6- kursi oo ka mid ah 8-kuri oo maamulka uu ku leeyahay Aqalka sare. Amaanka guud ee magaalada Dhuusamareeb ayaa saaka aad loo adkeyay, iyadoo waddooyinka magaalada lagu arkayo ciidamada Ammaanka. Goobjoog News Source: goobjoog.com

Booliiska degmada Buurtinle ee Gobolka Nugaal, ayaa soo bandhigay in ka badan 570 dhalo oo khamri ah, kuwaas oo lagu qabtay hawlgal ciidanku sameeyay. Taliyaha saldhiga degmada Buurtinle Laba xiddigle, Maxamuud Cabdiraxmaan Salaad (Miig) ayaa warbaahinta u sheegay in khamrigaas lagu qabtay degaanka Maygaagle oo ka tirsan Gobolka Nugaal, islamarkaana xiga dhanka xadka Itoobiya. Laba xiddigle Maxamuud Miig, ayaa sidoo kale sheegay in gacanta lagu dhigay afar nin oo mas’uul ka ahaa khamriga, kadib markii ay iska caabin ku sameeyeen Booliiska, iyadoo mid kamid ah raggaas uu dhaawac ka gaaray lugta. “ Hawlgalka waxa lagu qabtay 576 dhalo oo khamri ah iyo afar nin oo mas’uul ka ahaa khamriga kana soo geliyay dhanka Itoobiya. Iska caabin ayay sameeyeen, waana ku guulaysanay in aan qabanno” ayuu yiri Taliyaha saldhiga degmada Buurtinle. Taliyaha ayaa sheegay in ay Garsoorka hor-gayn doonaan Khamriga iyo shakhsiyaadka lagu soo qabtay, si loogu qaado sharciga. PUNTLAND POST The post Booliiska degmada Buurtinle oo qabtay Khamri fara badan iyo Raggii watay appeared first on Puntland Post.

Eleeye Muse Ige and four of his children are among the 600 families huddled in the compound of a local primary school,after fleeing conflict in their village on the border between Somali and Afar regions of Ethiopia. Source: Hiiraan Online

Dhuusamareeb (Caasimada Online) – Magaalada Dhuusamareeb ee xarunta Dowlad goboleedka Galmudug ayaa lagu wadaa in ay maanta ka dhacdo doorashada musharraxiinta u tartamaya kuraasta Aqalka Sare ee Baarlamaanka Soomaaliya u matali doonaa maamulkaas afarta sano ee soo socota. Doorashada 6 kursi oo ka mid ah 8 kursi ee maamulku ku leeyahay aqalka sare ee Baarlamaanka Soomaaliya ayaa maanta ka dhacay Dhuusamareeb waxaana la adkeeyay amaanka magaaladda gaar ahaan xarunta Baarlamaanka oo doorashadu ka dhacayso. Ciidanka amaanka Galmudug, kuwa Faderaalka iyo Ciidanka AMISOM gaar ahaan kuwa Jabuuti ayaa ku sugan goobta loo qorsheeyay codaynta. Guddiga qabashada Doorashada Aqalka sare ee Baarlamaamka Galmudug ayaa soo saaray Habraaca Doorashada Aqalka sare ee Baarlamaanka Dowlad Goboleedka Galmudug kaasoo ay qodobadiisu yihiin kuwo ka adag habraacii maamul goboleedyada kale. Qodobka ugu culus ee habraacan ayaa ah in aan cod gacan taag ah loogu codeyn musharaxii loo tanaasulo balse uu ka raadsado xildhibaanada cod kalsooni ah. “Haddii musharax uu u tanaasulo musharax kale, waxaa qasab ku ah musharaxa loo tanaasuley in sanduuqa/cod qarsoodi ah loogu codeeyo oo hadii uu waayo 50+1 tirada guud ee Baarlamaanka Galmudug loo celiyo madaxwaynaha markale.”ayaa lagu yiri qoraal ka soo baxay guddiga qabashada doorashada Galmudug. Doorashooyinkii ka dhacay magaalooyinka Baydhabo,Kismaayo iyo Garowe, ayaa musharixiinta qaar kood waxa ay u taasuleen mudane-yaashii la tarmaayay taas oo doorashada ka dhigtay waxa loogu yeeray “musharax iyo malxiiskiisa”. The post Barlamaanka Galmudug oo maanta dooranaya lix Senator oo ka tirsan Aqalka Sare. appeared first on Caasimada Online.

Qaran News

Itoobiya oo la timid xeelad cusub oo ay u adeegsaneyso Dagaalka Wax yar oo ka mid ah dumarka xad gudubka galmo lagu sameeyay ayaa helay caawinaad Militariga Itoobiya iyo xulafadooda ayaa mas’uul ka ah “kufsi aad u baahsan oo dumar loogu geystay gobolka Tigray. Waxayna ciidamada dowladda arrintaas ka dhigteen xeelad cusub oo ay u adeegsadaan dagaalka,” sida ay sheegtay hay’adda u doodda xuquuqda aadanaha ee Amnesty International. Heerka ay gaareen xad gudubyada dhacay sagaalkii bilood ee uu dagaalka ka socday waqooyiga dalkaas, waxay la mid yihiin dambiyo dagaal, ayay tidhi hay’adda difaacda xuquuqda aadanaha. Sida ay qortay hay’adda, haweeney ayaa sheegtay in “kufsi wadareed loogu geystay carruurteeda horteeda.” Mas’uuliyiinta Itoobiya kama aysan jawaabin eedeymaha loo jeediyay. Amnesty waxay sheegtay in ay heysto “caddeymo waaweyn” oo muujinaya in xad gudubyada galmada ay joogto ahaayeen tan iyo maalmihii ugu horreeyay ee uu dagaalka billowday. Waxa ay billowdeen bishii November ee sannadkii la soo dhaafay markii xoogagga xisbiga TPLF ay weerareen saldhig militari, ka dib khilaafkii soo kala dhex galay iyaga iyo Ra’iisul Wasaare Abiy Axmed oo ay isku maan dhaafeen isbadalladiisa siyaasadeed. Digniin: Dadka qaar waxay dhibsan karaan xogaha ku jira qoraalkan. Hay’adda u doodda xuquuqda aadanaha waxa ay wareysatay 63 dumar ah iyo carruurtooda oo ka soo jeeda gobolka Tigray, kuwaas oo sheegay “in ay kufsadeen ciidamada Itoobiya iyo kuwa Eritrea ama dagaalhayannada kale ee ka socda gobolka dariska ah ee Amxara ee garabka siinaya dowladda.” Qoraaga warbixintan ayaa BBC-da u sheegtay in markhaatiyaasha ay la kulmeen ay ku jiraan kuwii ugu darnaa ee ay abid maqasho, intii ay xirfaddeeda ku jirtay. “Heerka uu gaarsiisan yahay jir dilka iyo kufsiga oo u sii dheer, waa mid aad looga naxo,” ayay tidhi Donatella Rovera. Kumannaan qof ayaa lagu dilay dagaalka ka socda gobolka Tigray Haweeney 39 sano jir ah ayaa sheegtay in ay qabsadeen ciidamada Eritrea xilli ay la safreysay labo carruur ah oo ay dhashay. “Shan ka mid ah waxa ay igu kufsadeen carruurteyda hortooda,” ayay haweeneydaas u sheegtay hay’adda Amnesty International. “Bir lagu sifeeyo qoryaha ayay igu gubeen. Qeybo ka mid ah birtaas ayay iga dhex galiyeen ilmo galeenka; taas ayaan xanuun badan kala kulmay. Ka dib waxay iiga tageen waddada,” ayey sheegtay. Qaar ka mid ah haweenka ay wareysatay hay’adda Amnesty waxay sheegeen in la heystay dhowr isbuuc, marar badanna la kufsaday, inta badanna ay ahaayeen kufsi wadareedyo. Ku dhawaad kalabar ka mid ah dumarka hadlay waxa ay eedeeyeen militariga Eritrea, oo ay sheegeen in ay geysteen tacaddiyada, waxayna sheegeen in arrintaas ay ku caddeyn karaan in ay ku hadlayeen luqadda Tigringa iyo direyska ciidamada ee ay xirnaayeen. Amnesty waxa ay ugu baaqday Qaramada Midoobay in si degdeg ah ay koox khubaro ah ugu diraan gobolka Tigray, si ay baaritaanno dheeri ah ugu soo sameeyaan eedeymaha noqon kara dambiyada ka dhanka ah bani’aadannimada. Saraakiisha Itoobiya oo ay BBC-da la xiriirtay kama aysan soo jawaabin codsigeenna ku aaddan inay arrintan wax ka dhahaan. Sidoo Kale Amnesty oo wacday mas’uuliyiinta Itoobiya iyo Eritrea wax jawaab ah ma aysan ka helin. “Sida ay u baahsanaayeen falalka waxay muujineysaa in madaxda militariga ay ka war qabeen waxa dhacayay, dhagahana ay ka fureysanayeen madaxda sare ee Itoobiya iyo Eritrea,” sida ay shegetay Amnesty. “Qaabka ay xogta isku midka ah u bixinayaan dadka loo geystay tacaddiyada galmada waxay muujineysaa in xad gudubyada ay qayb ka ahaayeen istiraatiijiyad lagu argagax galinayay, laguna bahdilayay dhibbaneyaasha iyo qowmiyaddooda, labadaba,” ayaa lagu yiri warbixinta. Ms Rovera waxay sheegtay in dadka loo geystay dhibaatada aysan helin caawinaadda ay u baahnaayeen si ay uga soo kabsadaan waxa ku dhacay, intooda badanna ay iyagoo sabool ah ku nool yihiin xeryaha qaxootiga ee Suudaan ama kuwa gudaha gobolka Tigray. Maalintii Talaadada, markii Ra’iisul Wasaaraha Itoobiya uu ugu baaqay shacabka in ay ku biiraan militariga si ay ula dagaallamaan xoogagga Tigray, waxa uu sidoo kale ciidamada Tigray ku eedeeyay inay qoranayaan carruur askartooda ka mid noqda, inay dumarka kufsadaan iyo inay hor istaagaan gargaarka bani’aadannimo. Amnesty waxa ay sheegtay in aysan la kulmin wax dumar ah oo Tigray ku eedeynaya kufsi, balse waxa ay intaas ku dartay in ay sii sameyn doonto baaritaanno la xiriira xaaladda hadda uu marayo dagaalka oo ka gudbay xuduudaha gobolka Tigray. TPLF, oo dowladda ay u aqoonsatay tahay urur argagixiso ah, balse iyadu sheeganeyso in ay tahay dowladda rasmiga ah ee gobolka Tigray, ayaa dowladda dhexe ku eedeyay inay adeegsaneyso “hadallo sun ah” oo ka dhan ah dadka reer Tigray, ayna mas’uul ka tahay xayiraadda gargaarka bani’aadannimo. Qaran News

Qaran News

Haddii ay jirto hal dhaqan oo aan ku baranay madaxweyne Farmaajo afartii sano ee uu xilka hayey, waa siyaasadda qar iska tuurnimada ah, iyo go’aanada aan laga fiirsan ee uu qaato kadibna kusoo noqda. Kasoo bilow dhiibiistii Qalbi-dhagax, dekadihii loo saxiixay Ethiopia, askartii la geeyey Eritrea, illaa isku daygii muddo kororsi ee fashilmay, Farmaajo caan kuma ahan go’aan qaadasho saxan. Waxa uu mar kale ayuu toddobaadkan sidaas sameeyey kadib markii uu soo saaray amar uu isugu dayey inuu ku xakameeyo awoodaha fulinta ee ra’iisul wasaare Maxamed Xuseen Rooble, inkasta oo uu ogaa inuusan sharciyad u heysan. Farmaajo ayaa wareegto ku sheegay “in laga reebay xukuumadda iyo hay’adaha dowladda inay galaan is-afgarad ama wadahadallo saameynaya mustaqbalka dalka, madaxbannaanida qaranka, seeraha dhuleed iyo badeed ee dalka, iyo ganacsi lala galo dowlado kale inta doorashooyinka dalka lagu guda jiro.” Hase yeeshee, Ra’iisul Wasaare Maxamed Xuseen Rooble ayaa si aan leex-leexad laheyn ugu jawaabay Farmaajo, una sheegay in awoodaha fulinta dalka ay leedahay xukuumadda, sida ku cad qodobka 97-aad ee dastuurka. Maxaa dhacay kadib? Qoraallada ay isugu jawaabeen Farmaajo iyo Rooble, waxaa xigay in Rooble uu Talaadadii u amba-baxay dalka Kenya, halkaasi oo uu heshiisyo ay ka mid yihiin dib usoo celinta xiriirka diblomaasi kula galay madaxweyne Uhuru Kenyatta. Tallaabada uu Rooble qaaday intii uu ku sugnaa Mombasa, waxay ka dhigan tahay inuu qoraal ahaan iyo ficil ahaanba ugu gacan seeray isku daygii uu Farmaajo doonayey inuu ku xakameeyo. Kaaga sii daran’e, waxaa la filayaa in Rooble marka uu dalka kusoo laabto uu si rasmi ah dib ugu fasaxo qaadka Kenya ee la keeni jiray Soomaaliya, oo uu Farmaajo xayiray, si xubno ka tirsan qoyskiisa ay dalka u keenaan qaadka Ethiopia ugana faa’iideystaan. Maxay uga dhigan tahay Farmaajo? In amar uu soo saaro la diido, waxay Farmaajo ku tahay dhaawac weyn oo soo gaaray awooddiisa fulineed, aadna u wiiqeysa in hadda iyo wixii ka dambeeyo amarkiisa uu dalka ka shaqeeyo. Sidoo kale waa bahdil shaqsiyeed oo uu ku sameeyey naftiisa iyo kursiga madaxweynenimo. Diidmada iyo ficillada Rooble waxay si cad u muujiyeen in awoodda ugu sarreysa dalka uu maanta isaga leeyahay, kadib markii toddoba bilood kahor ay Farmaajo uu ka dhammaaday muddo xileedkii sharciyadda siinayey. Way adkaan doontaa in amar dambe oo kasoo baxa Farmaajo, oo aanu Rooble raali ka aheyn uu dalka ka shaqeeyo inta ka harsan doorashada madaxweynaha cusub, waa haddiiba uu Farmaajo ku dhiirado mar kale. Maxaa Farmaajo ku qasba siyaasadaha qalafsan? Siyaasadaha iyo go’aanada qar iska tuurnimada ah ee marka uu Farmaajo qaato, waxaa loo aaneeyaa laba cilad oo ay adag tahay in xal loo helo. Ciladda koowaad, waa Farmaajo oo madax adag, oo mar walba rabitaankiisa uu ka weyn yahay danta guud iyo waxa saxan. Ciladda labaadna waa la-taliyeyaasha ku hareereysan iyo kuwa xeendaabkiisa ku jira, oo aan awoodin inay u sheegaan marka uu qaldan yahay, balse ku raaca uguna sacab tuma go’aan kasta. Xitaa markii uu Farmaajo go’aansaday muddo kororsigii fashilmay, waxaa la-taliyeyaashiisa ay u sheegayeen inay dagaal ku qabsan karaan Muqdisho oo ay haystaan ciidan ka fulin, ayaga oo ag in xaqiiqda ay taas ka duwaneyd, balse ay ka aheyd oo kaliya in dhegaha Farmaajo ay ku dhibciyaan erayo ay maqalkooda ku raaxeysanayaan. Waxaan hadda sugeynaa siyaasadda xigta ee qar iska tuurnimada ah ee uu qaato Farmaajo haddana dib ugu soo laabata. W/Q: Istar Cali Mataan Toronto, Canada AFEEF: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid The post Madaxweyne Farmaajo oo lumiyey awoodihii yaraa ee ugu harsanaa dowladda appeared first on Caasimada Online.

Ma ka jira wararka sheegaya In Xildhibaan Faratoon iska casilaayo Xilka xidhibaanimo Xoggo Wargeyska Waaberi helay, ayaa iftiimiyey in Xildhibaan Yaasiin Xaaji Maxamuud Faratoon oo kamid Xildhibaannada Golaha Wakiillada Somaliland,isla markaana dhawaan tartan adag u gallay inuu noqdo Guddoomiyaha Golaha Wakiillada Somaliland,balse lagaga guuleystay inuu qorshaynayo inuu iska casilo Xilka Xildhibaannimo ee Golaha. Xoggahan oo Wargeyska Waaberi ka helay illo wareedyo ka agdhow Xildhibaan Faratoon,ayaa tibaaxay in Xildhibaan Yaasiin uu hadda ku hawlan yahay sidii uu iskaga casili lahaa Xildhibaannimadda Golaha Wakiillada Somaliland,maddaama oo uu ku guulaysan waayey xilka Guddoomiyenimadda Golaha Wakiillada oo uu soo doontay,waxaana la sheegay in asxsaabtiisu ay kula talliyeen,isla markaana ay ku booriyeen inuu go’aankaa qaato,balse waxa la sheegay inuu sugayo tallo waddaag uu kale yeellanayo Madaxweyne Muuse Biixi Cabdi. Waxa kaloo,illaha Wararkan aanu ka helay daah-furreen in Xildhibaan Yaasiin Faratoon uu laftiisu sheegay in aanu xiiso u qabin Xildhibaannimada Golaha Wakiillada,isla markaana ay ujeedadiisu ahayd inuu noqdo Guddoomiyaha Golaha Wakiillada,balse haddii uu waayey inay ku adagtahay inuu ka sii mid ahaado Xildhibaannada Golaha Wakiillada Somaliland oo uu hore uga soo mid noqday. Geesta kale, waxa xoggahani ay markii u horraysay fasiraad ka bixiyeen arrimaha lagu xidhiidhinayo is casilaada Xildhibaan Faratoon inay sabab u yihiin guul-darradii uu ku guul-darraystay inuu noqdo Guddoomiyaha Golaha Wakiillada Somaliland ,arrinkaasna waxa xogguhu ku fasireen inuu salka ku hayo laba ujeedo oo midi tahay hore inuu Xildhibaan hore oo Golaha Wakiillada ahaa,isla markaana aanu xiiso u qabin Xildhibaannimo,waxa kaloo qodobkaa raaca in dawladda Madaxweyne Biixi ay u wadday inuu noqdo Guddoomiyaha Golaha Wakiillada,isla markaana ay ahayd sababtii uu iskaga soo casiley Xilkii Wasiirka Wasaaradda arrimaha debada Somaliland,haseyeeshee haddii uu waayey Guddoomiyenimaddii Golaha Wakiillada in ay adagtahay inuu ka sii mid ahaado Golaha uu hore uga soo mid ahaan jiray. Dhanka kalene waxay xoggahani intaas ku dareen in Siyaasiyiin iyo haldoor baddan oo asxaab la ihi ay u soo jeediyeen Xildhibaan Faratoon in sumcadiisu ay ku jirto inuu iska casilo Golaha,isla markaana aanu ka sii mid ahaan Xildhibaannada Golaha,maddaama oo uu ku guul-darraystay maqsadkiisii ahaa inuu noqdo Guddoomiyaha Golaha Wakiillad,balse waxa la sheegay inuu qaatay tallooyinkaas,isla markaana uu go’aankiisu kale caddaan doonno maal-maha soo socda. Qaran News

Muqdisho (Caasimada Online) – Saraakiil ka tirsan ciidamada booliska Soomaaliya iyo hay’adaha ammaanka Soomaaliya ayaa sheegay in Muqdisho ay ka bilaabeen baaritaan iyo feejignaan amni kadib xogo amni oo la helay, sida ay ogaatay Caasimada Online. Saraakiisha ammaanka ayaa sheegay in ay heleen warbixino sheegaya in Muqdisho ay soo galeen ugu yaraan 13 qof oo rag ah, kuwaas oo dhamaantoodba la sheegay in ay u xeranyihiin Jaakadaha Qarxa islamarkaana damacsan in xiliyo kala duwan ay weeraro ka geestaan goobo kala duwan oo Muqdisho ah. Hoteelo ku yaala Muqdisho, Maqaayado, Saldhigyo ciidan iyo xarumo dowladeed ayaa aad looga cabsi qabaa in raggaan ay weeraro ka fuliyaan, waxaana aad feejignaan loo geliyay ciidamada ammaanka Soomaaliya. Xalay magaalada Muqdisho waxaa la xiray wadooyinka qaar iyadoo ilaa maanta aad loo baarayo gaadiidka raaxada ee gobalka Banaadir. Si gaar ah waxaa la baarayaa gaadiidka galaya Madaxtooyada Soomaaliya ama kuwa hormaraya Villa Somalia. Baaritaanada iyo feejignaanta amni ee Muqdisho ayaa aad loo dareemay saacadihii la soo dhaafay, inkastoo dadka qaar ay u qaateen arrimo ciidan oo la xariira khilaafka Madaxweynaha Soomaaliya iyo Ra’iisul Wasaare Maxamed Xuseen Rooble. Tan iyo markii dowladda federaalka ay waddooyinka Muqdisho ku wada goysay dhagxaan, kooxda Al-Shabaab ayaa xeeladdeeda qaraxyada u wareejisay shaqsiyaadka isku xira jaakadaha qarxa, kuwaas oo ay adag tahay in laga hortago, waxaana kadib kordhay qaraxyada is-miidaaminta ah ee magaalada. Dadka fallanqeeya amniga ayaa dowladda ku eedeeyey inaysan laheyn wax qorshe amni ah oo aan ka aheyn in waddooyinka ku goysay dhagxaan. The post 13 nin oo la sheegay inay damacsan yihiin qaraxyo oo soo galay Muqdisho – Xog appeared first on Caasimada Online.

Gudoomiyaha Barlmaanka S/land oo shaaciyey in Dadka uu ka soo jeedo dantoodu Somaliland taalo Gudoomiyaha Golaha Wakiiladda Md Cabdirisaaq Khaliif Axmed ayaa shaaca ka qaaday in bulshada deegaamada uu ka soo jeedo dantoodu ku jirto Somaliland, laakiin, tabashooyin badan oo ay qabeen, isla markaana garowshiiyo dhamaystiran aanay u helin, weli tabanayaan, hadii si caddaalad xalkeeda loo galanna la dhamayn karo. Gudoomiye Cabdirisaaq ayaa hoosta ka xaqiiqay in golaha wakiiladu dib-u-eegis ku samayn doonaan shuruucda tabashooyinku ka jiraan, sida tabashooyinka awood-qeybsiga, tabashooyinka dib-u-eegista Dastuurka, iyo waxii bulshadu baahi u qabto wanaajintooda, oo dhamaantood ah, waajibaadka golaha wakiiladda laga sugayo Wareysi telefishanka Universal todobaadkii hore la yeeshay ayaa su’aalo kala duwan oo qeybta dambe la weydiiyey waxa ka mid ahaa, Maadama hore gobolka Sool bulshadiisu tabashooyin lahayd, xilligana 6 Mudane ku metelayaan golaha, side ayaad u soo jiidi kartaa, ayuu Gud Cabdirasaaq kaga jawaabay, “Doorashadii 2005, beeshu lix xildhibaan ayey ka heshay, maantana waa lixdii? Waxaana sabab u ah bulshada oo aan si weyn ugu soo bixin doorashada, tusaale 4 Degmo ee G Sool, waxay heshay 7 xildhibaan, halka saddexii Degmo ee kale isku heleen 5 xildhibaan, taasi waxay muujinaysaa inaanay isku-san-banaanayn bulshada deegaankayga iyo xukuumada Somaliland? Sababo badan awgood-sida tabashooyinka jira oo xukuumadahii dalka soo maray si wanaagsan uga jawaabin, ama gaabis ha keeno, ama haynta dawladu oo koobnaa, awoodeeda iyo imkaaniyaadka, maadama aanay ictiraaf haysan. Runtii waxaan odhan karaa 75% yuhuunta dadku qabay sida looga jawaabay kuma fillayn in dadka lagu qanciyo. Dadka aan ka soo jeedo, weliba Sool dantoodu halkan (Somaliland) ayey taala, taariikh ahaan, iyo deegaan ahaanba, laakiin waxa jira tabashooyin badan oo is-dul-fuulay, tusaale Madaxda dhaqanka reerka dhamaantood way ka maqan yihiin, mid keliya ayaa jooga? Marka la eego dadkii aqoonta lahaa, way ka maqan yihiin, dadka jooga ee inta badan xilalka ka qabtaana maaha dadkii meteli lahaa, deegaanka iyo dadka. ..Kuwaa adigu ma ku jirtaa oo la weydiiyey Gud Cabdirisaaq ayuu ku jawaabay, “Dabac ka mid ayaan noqonayaa, oo ma odhanayo gaar ayaan uga baxsannahay, waxaanse is-leeyahay, markii aan 2012-kii imi, ee xukuumadii Madaxweyne Axmed Siilaanyo ka mid noqday, waxay ahayd markii ay ugu adkayd, ee Jabhadii SCC-la aasaasay, magaalada Laascaanod iyo gobolada oo dhan saamayn ayey ku lahayd, waxaan is-leeyahay muddada 5-ta sannadood waxaad gaadhsiiseen heer dadku gobolka Sool, Sanaag iyo qeybo badan oo deegaanka ah ay ku qancaan inay dalka iyo dadka wax la qabsadaan. Waxaan aaminsannahay in mudadii dambe wax badan dib u dhaceen, ama u noqdeen? Hadii maanta si dhab ah xalkeeda loo galo, suurtagal maaha in shaqsiyaadka halkan laga magacaabayo noqdaan kuwo u jawaaba dadka deegaankaa, ama Salaadiintooda. Tusaale ninka odhanaya, nimanka Salaadiintu cidna ma metelaan? Salaadiinta dad bay metelaan, cid baa dooratay, shacabkiina iyagaa wakiil ka ah, waxay tahay inta la aqbalo waaqica dalka ka jira in si dhan ah xalkeeda loo galo. Arrinkaasi waxuu u baahan yahay, oo runtii aan qabaa, ama kalsoonida aad dadka dhexdooda ku leedahay ha noqoto, ama fahamka aad dadkaaga ka hayso ha noqoto, ama baahida aad u qabto manta inaad meelaha qaar ku maararowdo ha noqotee, inaad wax-ka-qaban karto. Mar la weydiiyey hadaad Gudoomiyahii wakiiladda ee ka horeeyey ee Md Baashe, isku beel ka soo wada jeedan, maxay soo kordhinaysaa doorashadaadu, ayuu Gud Cabdirisaaq, ku jawaabay, “Runtii xilkan siyaasiga ee Gudoomiyaha Golaha Wakiiladda, waxuu ahaa is-faham lagu gaadhay shirkii magaalada Boorama ee 1993-dii, umana arko inay caddaalad ahayd qaabkii wax loo qeybsaday? Marka labaad mansab siyaasi ma sameeyo isbedel, balse aragti iyo fikir lala yimaado oo hela taageero iyo qalbi furan ayaa keeni kara isbedel. Waxaan aaminsannahay hadii dadka Somaliland u diyaargaroobaan midnimmo iyo heshiis wadareed, wax badan ayaa la qaban karaa. Marka ay timaado hawlaha idin horyaala, baarlamaankii hore sidday u shaqeynayeen, waad la socotay, shuruucda qabyada ah ee horyaalay, maxa augu mudan ayaad filaysaa aragtidaada, ayuu Gud Cabdirisaaq ku jawaabay, “Doorashada shir-gudoonka waxa xigi doona in la dhiso guddiyadii baarlamaanka ee shaqeyn lahaa, oo noqonaya guddiyada hawlqabad ee golaha dhaqaajin doona, shaqo walba oo golaha timaadana qabanaya, waxa xigi doona xeer-hoosaadkii uu ku shaqeyn lahaa, ee dabarka u noqon lahaa, shaqooyinkooda maalinlahana jiheyn lahaa, ka dib waxa la eegi doonaa, waxii shuruuc ah ee taagan ama yaala laga hawlgalo, waxa xigi doonta in dib loo eego shuruucdii hore dalka, gaar ahaan waxii tabashooyin ka jiraan, waxa Iyana iman doona in laga doodo tabashooyinka Barri ilaa Galbeed ka imanaya, sida tabashooyinka saami-qeybsiga, dib-u-eegista Dastuurka oo qeyladiisu inbadan taagnayd, awood-qeybsiga, waxyaabaha oo dhan oo golaha waajibaadkiisa qeyb ka ah. Arrimaha dadku is-weydiinayeen ee muddo baarlamaanka horyaalay, waxa ka mid ah ta Baananka xorta ah, sidaad u aragtaa, oo Gudoomiyaha Wakiiladda la weydiiyey ayuu ku jawaabay, “Runtii, si kooban waxaan u odhan karaa, dalku Dastuur ayuu leeyahay, waxii Dastuurka dalku waafaqayo, waajib bay ku noqonaysaa xubnaha xildhibaanadda baarlamaanku inay meel mariyaan, sidoo kale wax kasta oo Dastuurka iyo shareecada islaamka ka horimanaya wax aan la fulin ayey noqon doonaa, markaa golahu waxuu ku khasban yahay, oo raaci doonaa Dastuurka Qaranka. …Hadaad sii bayaamiso, Dastuurku maxuu ka qabaa samaynta baanan xor ah, oo la weydiiyey ayuu ku jawaabay Gud Cabdirisaaq, “Baanan xor ah in la sameeyo Dastuurku wuu ogolaanayaa, wakhigana dalka inay ka jiraan ayaan aaminsannahay, laakiin waxa laga yaabaa inaynu kala saarno, Baananka xorta ah maxaynu u naqaanaa, ama odhanaynaa? Ma siyaasad dal kale iyo baanankooda ayeynu ka hadlaynaa, mise siyaasad ku haboon dalkeena, tusaale Baanan ayaa dalka ka jira, DaraSalaam Bank, Dahabshil Bank, Preium Bank ayaa jir, way shaqeeyaan, waxaan filayaa, in dadkeena lagu abuuray sheeko odhanaysa, dalkeena kama jiraan bangiyo xor ah, waxaan qabaa, in taasi sida loo dhigayo aanay ahayn, Baroortu Orgiga ka weyn? Qofku haduu doonayo wax kale, oo u ka hadlo, ama meel kale oo u u dacal-saaro, taasi waa gaar, Baanankii way jiraan, xaqna way u leeyahiin cid kasta oo awoodeeda leh, inay Bangi furato. Mar la weydiiyey, intii loolanka doorashada shir-gudoonku socday, qolada idinka soo horjeeday waxyaalaha adiga shaqsiyan kugu eedeynayeen, wax aka mid ahaa inaad xidhiidh la lahayd, waayadii hore ururada xag-jirka, sidaad u aragtaa, ayuu Gud Cabdirisaaq, ku jawaabay, “Horta, qolada iga soo horjeeda hadday maanta tilmaamayso 15 sannadood ayaan xisbiga KULMIYE ka mid ahaaye, waxaan ahaa, maanta maan noqone, shalay-na waan ahaa! Taa waa in la ogaado, marlabaad, hadii loo yaqaano qofka cibaadaysta tukada ee masaajidka taga inuu xag-jir yahay? Waan qaadanayaa, kana doodi mayo, nin xilligan diintiisa lagu muransan yahay ma ihi, laakiin, arrimahaasi waxay uun ka mid ahaayeen loolankii doorashada dacaayadaheedii, waxaanan filayaa xukuumadu hadii ay sidaa leedahay, waxaan u doontay xilkan shacabka, dawladdana waxaan u doontay warqadii dembi la’aanta, waxaan 5 sannadood iyo badh ka ahaa Wasiir xisbiga tallada maanta haya, qeyladaasi ma soo bixin, markaa baqe ayaa keenay baan filayaa, balse manta wuu dhamaaday baqahaasi. …Dadka arrimaha sheegayey, weliba waxay kugu eedeeyeen inaad ururkii AlItixaad ka mid ahayd, arrintaasi ma jirtay, sideedaba, oo la weydiiyey, ayuu ku jawaabay, “MAYA, ma jirin. Qaran News