Kenyatta iyo Rooble oo hadiyado isdhaafsanaya Mombasa (Wararka PP) — Madaxweynaha Kenya Uhuru Kenyatta oo Mombasa kula kulmay Ra’iisal Wasaaraha Soomaaliya Maxamed Xuseen Rooble ayaa sheegay in ‘Waa’ cusubi uu u baryay xiriirka Soomaaliya iyo Kenya”. Uhuru wuxuu ku baaqay in la dardargeliyo hirgalinta Guddiga Iskaashiga ee Wadajirka ah, wuxuu kale oo ku baaqay in “muranka badda loo xalliyo si saxiibtinimo leh”. Ma cadda jawaabta uu Rooble bixiyay xilli Maxkamadda Caalamigu ay gacanta ku hayso kiiska muranka badda u dhexeeya Soomaaliya iyo Kenya. Kenyatta wuxuu soo dhoweeyay soo celinta xiriirka diblomaasiyadeed ee labada dal. Toddobaadkii hore Wasiirka Arrimmaha Dibedda Kenya Raychelle Omamo ayaa booqasho ku timid Soomaaliya. © Puntland Post, 2021 The post Uhuru Kenyatta oo ku baaqay in si saaxiibtinimo leh loo dhammeeyo muranka badda appeared first on Puntland Post.

Golweyn (Caasimada Online)-Faah-faahino dheeraad ah ayaa ka soo baxaya dad badan oo shacab ah oo ciidamada AMISOM ay galabta ku dileen deegaanka ka tirsan gobolka Shabeellada Hoose, iyagoo markii dadkaas ay dileen kadib miino ku qarxiyey meydkooda. Guddoomiyaha deegaanka Golweyn ee gobolka Shabeellada Hoose Maadey Sheekh Cusmaan oo la hadlay Radio Muqdisho ayaa xaqiijiyey geerida 7-qof oo ciidamada AMISOM ay gelinkii dambe ee maanta ku dileen deegaan lagu magacaabo Faarax oo 4-KM u jira Golweyn. Afar ka mid ah dadka la dilay waxay ciidamada AMISOM ka soo dhex wateen beer ay ka shaqeynayeen oo ku taalla deegaanka, halka seddaxda kale ay ku howlanaayeen sameynta gaari uga halaabay deegaanka uu falkaan ka dhacay oo magaciisa lagu sheegay ‘Faarax’. Guddoomiye Maadey waxa uu sheegay in ka maamul ahaan ay isku dayeen in taliska AMISOM ee deegaankaas ay kala hadlaan falkaan ay ku beegsadeen dadka rayidka ah, balse ay diideen inay kala hadlaan. “Todoba qof ayay dileen ciidanka AMISOM seddax ka mid ah makaanik ayay ahaayeen oo u yimid sameynta gaari goobta ku halaabay, halka afarta kale ay yihiin dadka deeganka. Maamulka deegaanka wuxuu isku dayey in Taliska AMISOM ee Golweyn lagala hadlo dadkii ay dileen, hase yeeshee saraakiisha AMISOM ee joogta Golweyn weydiideen kulankaas,” ayuu yiri Guddoomiyaha Golweyn Maadey Sheekh Cusmaan. Ciidamada AMISOM markii ay dileen dadkaan waxay isugu keeneen hal goob, kadibna waxay ku qarxiyeen miino, sida ay dadka deegaanka u xaqiijyeen Caasimada Online. Aabe Maxamed Yoonis Aadan oo dhalay wiil ka mid ahaa todobada qof ee la dilay ayaa warbaahinta u sheegay, “Wiilkeyga iyo 6-qof oo kale ayay ciidanka AMISOM qabteen oo ay garbaduub u xireen, kadib goobta ayay ku dileen, dadka la dilay waxaa ku jiray qoysii iska lahaa beerta uu wiilkeyga ka shaqeynayay iyo dhallinyaro kale oo gaari goobta uga halaabay, markii ay toogteen kadib waxa ay dulgeeyeen miino waana ku qarxiyeen, meydadkooda aad ayey u googo’een, waxaan dowladda Soomaaliya ka codsaneynaa in dadkeenii la laayey ay cadaalad helaan.” Caasimada Online waxay ogaatay in askarta AMISOM ee galabta dishay dadkaan rayidka ah ay weerar jid gal ah oo culus kala kulmeen kooxda Al-Shabaab, intii ay u soo socdeen fariisin weyn oo ay ku leeyihiin Golweyn. Hoos ka dhageyso wareysiyada guddoomiyaha iyo Aabaha dhalay wiil ku jiray dadkii la dilay. The post Dhageyso: Wararkii u dambeeyey shacabkii ay xasuuqeen ciidanka AMISOM appeared first on Caasimada Online.

Ra’iisul wasaaraha dalka Maxamed Xuseen Rooble iyo wafdi uu hogaaminayo ayaa kulan la qaatay madaxweynaha dalka Kenya. Rooble iyo Uhuru Kenyata ayaa kawada hadlay sidii dib loogu soo celin lahaa xiriirka labada dal oo mudda dheer xayirna. Kulanka Ra’iisul wasaaraha iyo madaxweynaha dalka Kenya ayaa ka dhacay xarunta madaxtooyada magaala xeebedka Mombasa. Rooble ayaa sidoo kale kala hadlay Uhuru sidii dib loogu furi lahaa ganacsiga labada dal oo muddo u xayirna xiriirka xumaday awgii. Ra’iisul wasaaraha ayaa Kenya booqasho ku joogi doona labada maalin ee soo socota. Goobjoog News Source: goobjoog.com

Garoowe (Caasimada Online) – Madaxweynaha Puntland Saciid Deni ayaa soo saaray liiska aqalka saree e BF u matali doona maamulkiisa, liiskan oo aaney kasoo dhex muuqan Sanatarro waa waaweyn, sida Cumar Cabdirashiid, Cabdirisaaq Jurille iyo Maxamuud Mashruuc. Waxaa kale oo xusid mudan in kursiga beesha Jambeel Koombe ku laheyd aqalka sare loo wareejiyey beesha Maxamuud Ibraahim ee Majeerteen, teeda kale kuraasta haweenka loo xiray, hal kursi ayaa Majeerteen ah halka labada kale ay yihiin East Sanaag Clan iyo Sool clan. Labo Senator keliya ayuu kasoo celiyey baarlamaankii 10-aad isaga oo badalay sagaalka kale. Labada uu soo celiyey waa Cabdiraxmaan Maxamed Maxamuud (Faroole) iyo Farxaan Cali Xuseen. Haddaba waa kuwan faah-faahinta kuraasta Aqalka Sare ee liiska cusub Cabdiraxmaan Maxamed Maxamuud (Faroole), oo ah Senator ku fadhiya kusriga sumadiisu tahay UH52, oo ay leedahay beesha Ciise Maxamuud oo ka tirsan Majeerteen ayaa mar kale kusoo baxay liiska musharaxiinta aqalka sare ee federaalka ah ee laga soo dooranayo Puntland, waxaa la tartami doona Maxamed Cismaan Colaad. Farxaan Cali Xuseen, oo ah Senator ku fadhiya kursiga sumaddiisu tahay UH11, oo ay leedahay beesha Leelkase ayaa sidoo kale ka mid noqday liiska musharaxiinta ee uu Puntland kasoo saaray madaxweyne Deni, waxaa hadda la tartameyso Hodan Isxaaq Maxamed. Senator Cumar Cabdirashiid Cali Sharma’arke oo ku fadhiyey kursiga sumaddiisu ahaa UH41, oo aheyd laheyd beesha Cusmaan Maxamuud ayaa inkasta oo isla beesha la siiyey, haddana isaga laga reebay, kursiga hadda waxaa ku tartami doona Daahir Ayaanle Siciid iyo Maxamed Cumar Maxamed. Senator Cabdirisaaq Cismaan Jurile oo ku fadhiyey kursiga sumaddiisu ahaa UH27, oo ay laheyd Dashiishe ayaa isla beesha lagu celiyey, laakin isaga ayaa laga reebay liiska, waxaa hadda ku tartamaya kusriga Maxamed Cabdi Cismaan (Majiino) iyo Maxamed Geedi Maxamuud. Senator Maxamuud Axmed Maxamuud Mashruuc oo ku fadhiyey kursiga sumaddiisu aheyd UH39, ee Beesha Cali Saleebaan, Majeerteen ayaa isla beesha lagu celiyey laakin isaga ayaa laga reebay liiska, waxaa hadda ku tartamaya Cabdisamad Yuusuf Maxamed (Abwaan) iyo Ismaaciil Mire Muumin. Senator Siciido Xasan Cismaan oo ku fadhisay kursiga sumadiisu aheyd UH23 ee beesha East Sanaag Clan ayaa laga reebay liiska aqalka sare, waxaana kusoo baxay gabdho ay isku beel yihiin sida Seynab Ismaaciil Maxamed iyo Aamina Jaamac Ibraahim. Senator Hodan Maxamuud Cismaan oo ku fadhisay kursiga summadiisu tahay UH40, oo ay laheyd beesha Sool clan ayaa inkasta oo isla beesha la siiyey hadana iyada laga reebay liiska aqalka sare, waxaa hadda ku tartami doona Samiiro Maxamuud Xaaji Cawad iyo Naciimo Axmed Bakar. Bootaan Barre Samatar oo isna ku fadhiyey kursiga summadiisu aheyd UH42, oo ay laheyd Jambeel Koombe ayaa laga reebay liiska aqalka sare, waxaa hadda tartami-doona Sareedo Maxamed Xasan iyo Fartuun Yuusuf Jaamac, oo u dhashay beesha Maxamuud Ibraahim ee Majeerteen. Senator Shukri Aadan Maxamed oo ku fadhisay kusriga sumaddiisu ahaa UH28 ee ay leedahay beesha Cumar Maxamuud, Majeerteen ayaa beesha lagu celiyey balse iyada laga reebay, waxaa hadda ku tartamaya Maxamed Cali Yuusuf (Gaagaab) iyo Kowsar Cabdullaahi Xirsi. Senator Cabdisalaan Xaaji Maxamuud oo ku fadhiyey kursiga sumaddiisu tahay UH25, ee Sool clan ayaa isla beesha kusriga lagu celiyey balse isaga ayaa laga reebay liiska, waxaa hadda ku tartamaya Cabdullaahi Cali Xirsi (Timacade) iyo Cabdullaahi Maxamed Xaashi Nuur. Senator Mahdi Daahir Sheekh Nuur oo ku fadhiyey kursiga sumaddiisu tahay UH 36, ee ay leedahay Awrtable ayaa isla beesha la siiyey, laakin isaga ayaa laga reebay liiska, waxaa hadda ku tartamaya Cabdiqani Geelle Maxamed iyo Cabdiqaadir Maxamed Yuusuf. Waxaa xusid mudan in madaxweyne Deni uu liiska aqalka sare ku daray siddeed gabar, oo saddex kursi si gaar ah loogu xiray, oo ay ku iyaga uun ku tartamayaan, halka labo kursi ay rag kula tartami doonaan. Dhanka kale, Cabdirashiid Yuusuf Jibriil Gudoomiyaha golaha wakiilada dowlad gobaleedka Puntland ayaa soo saaray ilaa 5 xubin oo ka tirsan golihiisa, kuwaas oo hoggaamin doona doorashada aqalka sare, waxaana guddoomiye u ah guddiga Xildhibaan Axmed Jaamac Cabdulle Waxaa sidoo kale xubno ka ah Xildhibaan Sharma’arke Cilmi, Xildhibaan Cabdiraxmaan Jaabiri, Xildibaan Cabdirisaq Sahal, Xildhibaan Cabdiqani Faarax. Murasharaxiinta aqalka sare ayaa lagu wadaa in berri oo arbaco ah ay hortagaan golaha wakiillada Puntland, iyaga oo khudabadaha jeedin doona, waxaana la filayaa in doorashada isla berri ay dhacdo. W/Q: Cabdicaziz Gurbiye iyo Yaxye Soocadde The post Xog: Saciid Deni oo kursiga Jambeel Koombe u wareejiyey Majeerteen + Liiska beelaha appeared first on Caasimada Online.

Ra’iisul Wasaaraha Xukuumadda Soomaaliya Maxamed Xuseen Rooble oo maanta gaaray magaalada Mombasa ee dalka Kenya ayaa kulan la qaatay madaxweynaha dalkaas Uhuru Kenyatta oo halkaas shaqo u joogay. Ma jiro war wadajir ah oo ka soo baxay kulanka labada mas’uul, hase ahaatee warar hoose waxay sheegayaan in ay ka wadahadleen arrimo ay ka mid yihiin ganacsiga qaadka Kenya ee Miraa oo dowladda Soomaaliya ay horay u joojisay markii uu xumaaday xiriirka labada dal, tallaabadaas oo Kenya aad u saameysay. Dhanka kale war ka soo baxay madaxtooyada Kenya waxaa lagu sheegay in wufuud ay kala hoggaaminayaan madaxweynaha Kenya Uhuru Kenyatta iyo Ra’iisul Wasaaraha Soomaaliya Maxamed Xuseen Rooble ay kulan ku yeesheen madaxtooyada Mombasa, kaas oo looga hadlay dhowr arrimood oo ugu muhiimsan tahay soo celinta xiriirkii diblomaasiyadeed ee Nairobi iyo Muqdisho. Warka madaxtooyada Kenya waxaa lagu sheegay in Kenya iyo Soomaaliya ay kala saxiixdeen 2015 guddiga JCC, kaas oo muhiimadiisu ahayd iskaashiga labada dal ee dhinacyada ganacsiga, maalgashiga, gaadiidka, difaaca iyo amniga. Ma jiro war weli ka soo baxay dhanka Soomaaliya, hase ahaatee Wasiirka Arrimaha Dibada Soomaaliya oo kamid ah wafdiga Ra’iisul Wasaare Rooble ayaa maanta markii ay Muqdisho ka duulayeen sheegay in Soomaaliya iyo Kenya aysan ka wadahadleen arrinta badda oo dacwadeedu taallo Maxkamadda Caddaaladda Adduunka. Balse wuxuu sheegay in labada dal ay ka wadahadli doonaan soo celinta xiriirka diblomaasiyadeed, ganacsiga iyo isu socodka dadka. Ra’iisul Wasaare Rooble ayaa Mombasa ka aadi doona magaalada Nairobi, halkaas oo uu ku leeyahay kulamo kale oo ay ka mid yihiin kulan uu la qaadan doono jaaliyadda Soomaaliya ee Kenya. Wasiirka Arimaha Dibedda ee dalka Kenya Raychelle Omamo oo maalin ka hor timid Muqdisho ayaa Ra’iisul Waase Rooble u keentay casumaad uu u soo diray madaxweynaha Kenya Uhuru Kenyatta. Kulanka Rooble iyo Uhuru Kenyatta ayaa ku soo aadaya, iyadoo uu jiro khilaaf u dhexeeya Madaxweynaha iyo Ra’iisul Wasaaraha Soomaaliya. PUNTLAND POST The post Rooble iyo Uhuru Kenyatta oo kulan ku yeeshay Mombasa appeared first on Puntland Post.

Mombasa (Caasimada Online) – Madaxweynaha Kenya Uhuru Kenyatta ayaa xarunta madaxtooyada Kenya ee Mombasa ku qaabilay ra’iisul wasaaraha Soomaaliya Maxamed Xuseen Rooble iyo wafdiga la socda, halkaasi oo wada-hadallo ay ku yeesheen. Madaxtooyada Kenya ayaa sheegtay in labada hoggaamiye ay ka wada hadleen dhowr arrimoood oo istiraatiiji u ah danaha ay wadaagaan labada waddan. Waxay sheegeen in qodobada laga wada hadlay ay ugu waaweyn yihiin soo celinta xiriirka diblomaasiga ah ee Soomaaliya iyo Kenya. Madaxtooyada Kenya waxay intaas ku dartay in Kenya iyo Soomaaliya ay saxiixeen Guddiga Iskaashiga Wadajirka ah ee 2015-kii. Waxaay sheegeen in Guddigaasi uu qeexayo baaxadda iskaashiga labada wadan ee dhinacyada ganacsiga, maalgashiga, gaadiidka, difaaca iyo amniga. Waxyaabaha gaarka ah ee la filayo inay safarkan ay kasoo baxaan ayaa waxaa ka mid ah in dib loo furo qaadka Kenya ay keeni jirtay Soomaaliya, oo muddo sanad ka badan loo xayiray qaadka Itoobiya oo ay heshiis ku haystaan xubno ka mid ah qoyska madaxweyne Farmaajo. Wasiirka arrimaha dibadda Soomaaliya Maxamed Cabdirisaaq oo ka mid ah wafdiga Ra’isul Wasaare Rooble ayaa saxaafadda u sheegay in ajandaha shirka Rooble iyo madaxda Kenya aysan ku jirin kiiska dacwada badda ee Kenya iyo Soomaaliya. “Inta aan ku jirno safarka Kenya, ka mid maahan in laga hadlo ama dib loo furo arrimaha khuseeya badda, oo ah kiis dhammaaday oo maxkamaddu go’aankeeda sii deyn doonto. Soomaaliya, Kenya, iyo Midowoga Africa midkoodna uma furna inay ka hadlaan kiiskan ilaa Maxkamaddu go’aankaas gaarto,” ayuu yiri Maxamed Cabdirisaaq. Socdaalkan ayaa imid kadib casuumad rasmi ah oo uu Ra’iisul wasaaraha ka helay madaxweynaha Kenya, taasi oo ay dhawaan soo gaarsiisay Wasiirka Arrimaha Dibedda Kenya. Wada-hadallada Mombasa kadib, wuxuu Rooble sidoo kale safar ku tagi doona magaalada Nairobi, halkaas oo uu kula kulmi doono Jaaliyadda Soomaaliyeed ee Nairobi iyo diblomaasiyiinta dalalka daneeyaa arrimaha Soomaaliya. The post Wada-hadallada Rooble iyo Uhuru oo billowday + Sawirro appeared first on Caasimada Online.

Source

Addis Ababa (Caasimada Online) – Ra’iisul Wasaaraha Itoobiya Abiy Ahmed ayaa Maanta oo Talaado ku ah ugu baaqay qof kasta oo Itoobiyaan ah oo awoodo inuu ku biiro noocyada kala duwan ee ciidamada Itoobiya, sida kuwa gaarka ah iyo Maleeshiyaadka si ay qeyb uga noqdaan dagaalka lagula jiro ciidamada Tigrayga. Abiy ayaa xaaladdu kusii xumaaneysa ayada Tigrayga ay gaareen guulo badan, islamarkaana ay gacanta ku dhigeen magaalooyin muhiim ah. “Hadda waa waqtigii ku habboonaa in dhammaan Itoobiyaanka awooda ee qaan gaarka ah ay ku biiraan Ciidamada Difaaca, Ciidamada Gaarka ah iyo maleeshiyaadka si aad u muujisaan waddaninimadiina,” ayaa lagu yiri bayaan kasoo baxay xafiiska Abiy Ahmed. Hadalka kasoo yeeray Abiy Ahmed ayaa kuso aadaya qiyaastii lix toddobaad kadib markii ay dowladdu xabbad-joojin hal dhinac kaga dhowaaqday gobolka woqooyi ee Tigray. Bishii November ayuu dagaal ka dhex qarxay ciidamada Federaalka Itoobiya iyo xoogag ka tirsan Jabhadda Xoreynta Dadka Tigrayga, oo xukumayay Itoobiya muddo soddon sano ah, haddana gacanta ku haya Gobolka Tigray. Dawladdu waxay ku dhawaaqday xabad-joojin hal dhinac ah 28 -kii Juun ka dib markii ciidamada Tigraygu ay ciidammada federaalka dib uga qabsadeen magaalo-madaxda gobolka ee Mekele . Waxay sheegtay in xabbad joojintu ay tahay sababo bani’aadamanimo ayna sii jiri doonto ilaa xilliga beeraha. Waqti beereedka Itoobiya ayaa bilowdo Bisha Juun iyo Bisha September oo ay ka dhiman tahay maalmo qura, waxaana socdo diyaar garow ay dowladda ugu jirto inay dib u bilowdo dagaalka ay kula jirto jabhadda TPLF. “Waxaa caddaatay in beeraleyda Tigraygu aysan si ammaan ah u beeran karin haddii dadka Tigray aysan weligood iska dhex saarin kooxda argagaxisada ah,” ayaa lagu yiri war-saxaafadeedkii kasoo baxay xafiiska Abiy Ahmed. Toddobaadyadii la soo dhaafay, dagaalku wuxuu ku fiday gobollada Amxaarada iyo Canfarta ee ku dhow Gobolka Tigray, waxaana ku barakacay ku dhawaad 170,000 oo qof, sida ay sheegtay Qaramada Midoobay. Qiyaastii 4 milyan oo qof oo ku nool Gobolada Tigrayga, Amxaarada iyo Canfarta ayaa wajahaya xaalad degdeg ah ama dhibaatooyin cunno yari ah, sida ay sheegtay Qaramada Midoobay. The post Abiy Ahmed oo shacabka ugu qeyliyey inay dagaal galaan xilli xaaladdu ku xun yahay appeared first on Caasimada Online.

Qaran News

Qaran News

Somalia Prime Minister Mohamed Roble is expected in Kenya on Tuesday for an official visit on invitation by President Uhuru Kenyatta. Source: Hiiraan Online

Somalia Prime Minister Mohammed Hussein Roble has arrived in Kenya for an official visit. Source: Hiiraan Online

(SLT-Hargeysa)-Madaxweynaha Jamhuuriyadda Somaliland Md. Muuse Biixi Cabdi , ayaa la filayaa inuu xilka qaadis iyo isku beddel ku sameeyo xubno kamid ah golaha Xukuumaddiisa. Ma jiro War si cad daboolka uga qaadaya amuurtaa oo kasoo baxay qasriga Madaxtooyadda. Hase-yeeshee Warar Wargeyska Waaberi ka helay ilo ku dhow-dhow qasriga dalka looga arrimiyo, ayaa tibaaxay in xubnaha xilkooda waayi doona ay kamid yihiin,Wasiiro,Wasiir ku-xigeeno iyo Agaasimayaal Guud iyo Guddoomiyayaasha Hay’adda Dawlada qaarkood. Waxa kale oo ay xogguhu intaa ku dareen in Madaxweyne Biixi uu xilal ka bannaan Xukuumaddiisa uu buuxin doonno,kuwaas oo ay ugu waa weyn yihiin xilka Wasiirka Wasaaradda arrimaha debada iyo Afhayeenka Madaxtooyadda oo bannaan muddo ku dhaw toddoba bilood. Geesta kale, Wararka arrimahan la xidhiidha waxay daboolka ka qaaddeen Madaxweyne Biixi in isku shaandhaynta uu ku samaynayo Xukuumadiisa ay tahay mid sal ballaadhan,isla markaana ay gallaafan doonto masuuliyiin baddan, waxaana la sheegay in Golihiisa Wasiiradda uu ka soo reebi doonno saddex wasiir oo keliya,kuwaas oo lagu kale sheegay Wasiir Maxamed Kaahin , Wasiir Siciid Sulub iyo Wasiir Saajin,Hase-yeeshee waxay dhacdadani kala cadaan doontaa Maalmaha soo socda Guddoomiyaha Xisbiga Mucaaradka ah ee UCID Faysal Cali Waraabe oo ka hadlay isku shaandhaynta la filayo inuu Madaxweyne Biixi uu ku sameeyo Xukuumaddiisa ayaa Madaxweynaha ugu baaqay inuu soo magacaabo masuuliyiin xul ah “Madaxweynuhu waxa la leeyahay is beddel ayuu samaynayaaye ,waxa aan leeyahay Madaxqweyne kudaafaddii haka soo gurrane meel nadiifa ka soo qaado ayaanu ku leenahay .”ayuu yidhi Faysal Source

Muqdisho (Caasimada Online) – Yuusuf Garaad oo ah Ergayga Gaarka ah ee Geeska Afrika, Badda Cas iyo Gacanka Cadmeed ayaa soo bandhigay hab cusub oo uu sheegay in looga baaqsan karo waqtiga gelaya Doorashda Aqalka Sare, islamarkaana lagu dhimi karo kharashaadka ku baxa. Waxa uu sheegay in muwaadin kasta aysan u furneen in uu u tartamo Aqalka Sare, maadama uu ka go’aan gaarista musharaxiinteeda ay leeyihiin madaxweynayaasha dowlad goboleedyada, oo ayagu soo xusha shaqsiyaadka u tartamaya kuraastaas. Hoos ka aqriso qormada uu Yuusuf Garaad ka qoray arrintaan oo dhameystiran. Wakhtiga gelaya “Doorashada” Aqalka Sare waa la soo gaabin karaa. Kharashka ku baxayana waa la dhimi karaa. Waa haddii laga xishoodo naxliga la isu meerinayo. Waa haddii aan runta laga gabban. Uma furna muwaaddin kasta in uu u tartamo Aqalka Sare. Awood waxaa loo siiyay Madaxweynayaasha Dowlad Goboleedyada oo iyagu noo sheegaya shakhsiyaadka ay tahay in ay u tartamaan kuraasta. Madaxweynayaasha waxay xikmaddoodu siisay oo ay doorbideen in kuraasta aanay u soo xulin ‘murashixiin’ tartami kara ama xataa raba in ay tartamaan. Waxaan is weydiiyay – maxaa diidaya in Madaxweynaha Gobolka awood loo siiyo in uu soo qoro liiska xubnaha uu doonayo in ay ku matalaan Aqalka Sare, ka dibna uu ka ansixiyo Baarlamaanka Gobolka? Waxay beekhaamin lahayd wakhtiga gelaya waxa hadda loogu yeero “doorashada” Aqalka Sare, laakiin runta ah Xulidda Aqalka Sare. Waxay dhimi lahayd ama baajin lahayd kharashka ku baxaya Xulidda. Waxaase iiga muhiimsan in aan noqon lahayn bulsho runta isu sheegta. Waxaan ka baaqsan lahayn in la isu sheego war, kan sheegaya iyo midka uu u sheegayaaba ay og yihiin in aanuu run ahayn. Waxaan ka baaqsan lahayn in dadweynaha lala soo hor istaago war aan run ahayn, dadweynuhuna og yahay in aanuu run ahayn, laakiin si uu wax uga qabto aanay hadda u sahlaneyn. Waxaan ka baaqsan lahayn daawashada cayaaraha Gobollada ka socda ee kuwa jilaya ama iska dhigaya in ay cayaarayaan, garsoorayaasha seeriga u haya iyo inteenna daawaneysa aan sii wada og nahay natiijada. The post Yuusuf Garaad oo soo jeediyey hab lagu dhimi karo waqtiga iyo kharashka doorashada Aqalka Sare appeared first on Caasimada Online.

(SLT-Hargeysa)-Xukuumadda KULMIYE ayaa weli u muuqata inay ku jirto olollihii laga soo gudbay ee doorashadii shir guddoonka Golaha Wakiillada Somaliland,taas oo lagu kale calaf qaaday toddobaadkii hore,isla markaana ay ku guulaysteen Xisbiyadda isbahaysiga Mucaaradka Somaliland ee UCID iyo WADDANI. Xukuumadda KULMIYE ayaa ah weli mid ku jirta olollihii doorashadii dhacday ee shir guddoonka Golaha Wakiillada Somaliland,waxaanay tahay mid isku illowday olollahaas uu wakhtigiisii dhammaaday,iyadoo wadda xag-xagashadii Guddoomiyaha cusub ee Golaha Wakiillada Somaliland Cabdirasaaq Khaliif Axmed . Dhanka kalene wasiirka Wasaaradda gaashaandhiga Somaliland Cabdiqani Maxamuud Caateeye(Farriid) oo war-baahinta la hadlay ayaa eedaymo bilaa jiho ah u jeediyey Guddoomiyaha cusub ee Golaha Wakiillada Somaliland Cabdirasaaq Khaliif Axmed. Wasiirka Wasaaradda War-faafinta Xukuumadda Madaxweyne Biixi Saleebaan Yuusuf Cali Koore oo isagu kamid ahaa xubnaha Xukuumadda KULMIYE ee sida weyn uga dagaalamayey in aanu Cabdirasaaq Khaliif noqon Guddoomiyaha Golaha Wakiillada Somaliland,isla markaana dagaal aanu wax-ba reeban galay,isagoo adeegsanaya War-baahinta Xukuumadda Somaliland, sida Telefishanka Qaranka Somaliland,Radio Hargeysa iyo Wargeyska Dawan,ayaa haddana waxa uu u muuqdaa inuu weli waddo dagaalkiisii ka dhanka ahaa Guddoomiyaha la doortay ee Golaha Wakiillada Somaliland Md.Cabdirasaaq Khaliif Axmed. Geesta kalene Telefishanka Qaranka Somaliland iyo Radio Hargeysa ayaa sii wadda dacaayado raqiis ah oo ka dhan ah Guddoomiyaha Golaha Wakiillada Somaliland Cabdirasaaq Khaliif Axmed,kuwaas oo la tuhunsan yahay inuu ka dambeeyo Wasiir Koore,maddaama oo aynu ogsoonahay in shaqaaluhu yihiin kuwo idmanayaal ah oo isaga ka amar qaata. Si kastaba ha-ahaatee Xukuumadda KULMIYE iyo Wasiir Saleebaan Cali Koore ayaa weli ku jira olollihii doorashadii lagu kale calaf qaaday ee shir guddoonka Golaha Wakiillada Somaliland,waxaanay sii wataan dagaalkoodii ka dhanka ahaa Guddoomiyaha Golaha Wakiillada Somaliland Mudane Cabdirasaaq Khalif Axmed . Source

(SLT-Hargeysa)-Madaxweyne Somaliland ahna Guddoomiyaha Xisbiga KULMIYE Muuse Biixi Cabdi ayaa la sheegay in guul-darradii Xisbigiisa KULMIYE ka soo gaadhay doorashadii shir guddoonka Golaha Wakiillada ee toddobaadkii hore dhacday uu kadib nasasho u tegay beertiisa,taas oo ku taal degaanka Geed Deeble oo duleedka waqooyi kaga beegan Magaalada Hargeysa. Madaxweynaha Somaliland Muuse Biixi Cabdi,ayaa la sheegay in doorashadii shir guddoonka Golaha Wakiillada oo lagaga adkaaday Xukuumaddiisa iyo Xisbiga uu hoggaamiyo ee KULMIYE uu kadib nasasho u tegay beertiisa,maddaama uu muddo ku jiray keembaynkii adkaa ee doorashada shir guddoonka Golaha Wakiillada Somaliland. Xoghayaha arrimaha Bulshada Xisbiga WADDANI Maxamed Sidiiq Dhamme ayaa qoraal uu ku baahiyey bartiisa Facbook ayaa ku sheegay sidaas,kaas oo u dhignaa sidan:-“Madaxweynihii guuldarada kaddib wuxuu ku maqan yahay Beertiisa nasasho nafsiyan ah ayuu galay, waxaan u rajaynayaa caafimaad qab waxaana la gudboon talada iyo fekerka uu la fogaaday kelidii in uu Alle ku hanuuniyo tawfiiqda toosan ee ah inuu fahmo dabaylaha isbedel oo uu guddoonsado geesinimada ah doorashada Dastuuriga ah ee Madaxtooyo 2022 intaan waaqica iyo waayuhu qasbin!”ayuu ku sheegay Xoghaye Dhamme Qoraalkiisa Source

(SLT-Hargeysa)-Wasiiro, Wasiir ku-xigeeno iyo guddoomiyayaal ka tirsan Xukuumadda Madaxweyne Biixi oo si weyn uga qayb-qaatay kaambaynkii adkaa iyo olollihii Doorashadii shir guddoonka Golaha Wakiillada, ayaa la sheegay in guul-darradii ka soo gaadhay Xukuumadda iyo Xisbiga KULMIYE doorashadii shir guddoonka Golaha Wakiillada, kadib aanay ka soo xaadirin xafiisyadooda,kuwaas oo weli la dawakhsan guul-darradii aanay ku xisaabtamin ee ay kala kulmeen doorashadii shir guddoonka Golaha Wakiillada Somaliland . Masuuliyiintan ayaa ahaa qaar isa siiyey guusha,isla markaana aan ku xisaabtamin inay guul-darro ka kulmi doonnaan doorashadii shir guddoonka Golaha Wakiillada Somaliland,maddaama oo ay inta baddan ahayeen kuwo fagaarayaasha ka faani jiray,kuwaas oo xilligii lagu gudda jiray loollanka doorashada shir guddoonka si weyn ugu ololleeyey Musharraxiintii ay gal-binaysay Xukuumadda KULMIYE. Geesta kalena waxa xusid muddan in Wasiiradda Xukuumadda Madaxweyne Biixi iyo guddoomiyayaasha Hay’addaha qaarkood ay dhawrkii bilood ee ugu dambeeyey inta baddan aanay xafiisyadooda furrin,kuwaas oo ku mashquulsanaa loollankii doorashadii dalka ka dhacday bishii may ee sannadkan 2021-ka iyo loollankii shir guddoonka Golaha Wakiillada Somaliland. Dhanka kalene xoggo aanu ka helayn illo wareedyo kale duwan ayaa sheegay in Wasiiro dhawr ah iyo Wasiiro ku-xigeeno iyo Guddoomiyayaasha Hay’addaha Dawlada qaarkood aanay fooda soo gelin xayndaabka Wasaaraddaha iyo Hay’addaha masuuliyiintaas loo igmaday,waxaana xogguhu sheegeen inay la dawakheen guul-darradii Xisbiga KULMIYE uu kala kulmay doorashadii shir guddoonka Golaha wakiillada Somaliland. Sidoo kale xoggo qaar ayaa sheegay in masuuliyiinta qaar ay ka baqo qabaan in xilka laga qaado, isla markaana aanay muddooyinkii dambe isku laab wanaagsanayn Madaxweyne Biixi oo saluugsan qaabkooda shaqo iyo xubno uu u arko in aanay la jaan qaadayn siyaasaddiisa. Gunaanadkii Wasiiradda iyo Masuuliyiinta Xukuumadda Madaxweyne Biixi ayaa dawakhaadii iyo dayowgii ay ka qadeen guul-darradii Xisbiga KULMIYE ka soo gaadhay doorashadii shir guddoonka Golaha Wakiillada aanay qaarkood weli iman xafiisyadoodii. Source

Qaran News

Ciidamada Booliska ee degmada Wajaale ayaa saaka xabsiga ku Guray qaar ka mid ah Sariflayaasha Wajaale, Bulshada Wajaale ayaa maalmihii lasoo dhaafay ka cabanayay sicir barar baahsan. Qaran News

Nairobi (Caasimada Online) – Ra’iisul Wasaaraha xukuumadda xil-gaarsiinta, Maxamed Xuseen Rooble iyo wafdigii uu hogaaminayay ayaa goordhoweyd gaaray magaalada Mombasa ee dalka Kenya, halkaasi oo xiligan uu ku sugan yahay madaxweynaha Kenya, Uhuru Kenyatta. Ra’iisul Wasaare Rooble iyo Uhuru Kenyatta ayaa yeelan doona wada-hadal, xili dib loo furay saafaradihii labada dal, islamarkaana uu soo hagaagayo xiriirkii diblumaasiyadeed ee Soomaaliya iyo Kenya. Socdaalkan ayaa imid kadib casuumad rasmi ah oo uu Ra’iisul wasaaraha ka helay madaxweynaha Kenya, taasi oo ay dhawaan soo gaarsiisay Wasiirka arrimaha dibedda Kenya. Safarka Rooble ayaa sidoo kale banaanka u soo saaray arrin xasaasi ah oo qarsooneyd oo ku aadan dhinaca duulimaadka, gaar ahaan safarada madaxda dalka. Afhayeenka xukuumadda Soomaaliya, Maxamed Ibraahim Macalimu oo ka hadlayey arrintan ayaa shaaca ka qaaday in dowladda federaalka Soomaaliya ay buuxisay shuruucdii duulista hawada sidaa awgeedna uu maanta Ra’iisul Wasaare Rooble duulimaadkiisu yahay SOM-001, taas oo ka dhigan in xittaa duulimaadyada kale ee caalamiga ah ay la socdaan in duulimaadkaas uu la socdo Ra’iisul Wasaare Maxamed Xuseen Rooble. Sidoo kale wuxuu tilmaamay in aduunka marka la’eego duulimaadyada madaxweynayaasha ay qaataan 001, ra’iisul wasaareyaashana ay qaataan lambarka 002, balse duulimaadka maanta ra’iisul wasaaraha ee lambarkiisu yahay 001, ayaa muujinaya heerka uu gaarsiisan yahay khilaafka kala dhexeeya isaga iyo madaxweynaha uu muddo xileedkiisu dhamaaday. Si kastaba, Villa Somalia ayaa xiligan gashay marxalad cusub, kadib markii uu khilaaf dhinac awooda iyo maamulka uu soo kala dhex-galay madaxweynaha iyo ra’iisul wasaaraha, kaasi oo soo ifbaxay maalmihii u dambeeyay. The post Sawirro: Rooble oo gaaray Mombasa iyo wararkii ugu dambeeyey ee safarka appeared first on Caasimada Online.

GAROWE (HOL) - Puntland president Abdullahi Deni has released the list of candidates who will contest in the upcoming senate elections. Source: Hiiraan Online

Source

Xildhibaan Axmed Guruuje waa in aanu hal seegin Anigu aqoonta aan u leeyahay xildhibaan Axmed Guruuje, ma dhaafsiisna in aanu is magac iyo muuq naqaan. Hasayeeshee, waxaan aqoon xeel dheer u leeyahay xildhibaanka aabihii Yuusuf Nuur Guruuje. Yuusuf wuxuu ka mid ahaa saaxiibadii aanu isku safka ahayn, ee aanu ka wada tirsanayn golihii wakiilada jsl mudadii u dhaxaysay 1997-2005. Yuusuf wuxuu ahaa nin lab, oo ay liidnimo ka dheer tahay. Wuxuu ahaa nin aan labac-labac aqoon, oo aan waligii laba canlayn, kaas oo aan siyaasadda ku noqon laangadhe iyo labeeb midna. Sidoo kale waxaan aqoon igu filan u lahaa, abtigii mujaahid Xuseen Axmed Guuleed (Xuseen Dheere). Kaas oo caan ku ahaa xishood, xaqdhawr, xilkasnimo, xaqsoor jacayl, xumaan nacayb, iyo dun xariira. Haddaba, anigu maanta xildhibaanka iska amaani maayo, sabab aan eed ugu jeediyaana iiguma muuqato, balse Guruuje yare laba mid uun buu ka dhaxayn mustaqbalka, ama wuxuu noqon mid ku banaanaada ragii dhalay, ee aan ka waramay oo hido-raaca firkoodii fiicnaa, ama wuxuu noqon mid ka baydha, oo aan ceelalyadiisa lagu cabin. Maxaa ka run badan murtida Soomaaliyeed ee tidhaahda (Labaatan jir mudug jooga, alle uma xil qarin). Siyaasadu waxay leedahay mabaadi, muqaal, mug, iyo mawaaqif la kala doorto maalmaha adag. Siyaasadu waxay leedahay had iyo jeer, garabyo is haya, iyo aragtiyo isku lidi ah. Sidaa darteed, xildhibaan Axmed Guruuje waa in aanay seegin in aan siyaasadda, laba garab wada tirsan, laba geedna aan looga wada gacan haadin. Aniga iyo Rag kalana waa in aan Hal seegin Tani waa kaftanka iyo maadda maanta’e, waxaan leeyahay aniga iyo ragii aanu daruuf wadaagta ku ahayn halgankii qadhaadhaa, waxaanu maqli jirnay casharo laga bartay cimiladii lagu noolaa, iyo carigii lagu soo caano-maalay. Kuwaas oo lagu naanaysi jiray cilmiyada qaaxo (Qaxology). Haddaba, waxaan Leeyahay rag allow haadba haad kiciye, aniga iyo saaxiibaday waa in aanay na seegin, in aanu ogaano, in hab dhaqanka maakhirigu uu ka tab iyo xeeled badan yahay, habdhaqanadii Qaaxo ee aanu ku soo ababnay, abla-ablaynta afaraydiisa iyo irmaanta shaxdiisa oodan. La soco gabo gabada taxanaha qormadan. Source

Qaran News

Source