Source

(SLT-Hargeysa)-Wasiirka Wasaaradda Hawlaha Guud iyo Guriyeynta Somaliland Md. Cabdirashiid Xaaji Ducaale Qambi ayaa ka mid ahaa dadka damaanadda laga qoray ee shalay qaar ka mid ah maxaabiis muddo dheer xabsiga weyn ee Hargeysa ku jiray kuwaasi oo u xidhnaa falal argagixisanimo oo lagu eedeeyey wakhtigii xukuumaddii Madaxweyne Daahir Rayaale Kaahin, kuwaasi oo muddo dhawr iyo labaatan sano ah kadib shalay dib u helay xorriyadooda. Wasiirka Wasaaradda Hawlaha Guud iyo Guriyeynta Somaliland Md. Cabdirashiid Xaaji Ducaale Qambi ayaa isagu waxa uu si gaar ah u damiintay oo warqad looga saxeexay mid ka mid ah maxaabiista shalay la sii daayay oo ay isku deegaan ka soo jeedaan kaasi oo ah Jaamac Cabdi Ismaaciil (Jaamac Kuutiye) oo ka mid ahaa ragga ugu caansan ee muddoda intaasi le’eg xabsiga ku jiray kuna eedaysnaa fallakaasi argagixisanimo. Warqadda damaanadda ah ee Wasiirka Wasaaradda Hawlaha Guud iyo Guriyeynta Somaliland Md. Cabdirashiid Xaaji Ducaale Qambi ku saxeexay oo lagu socodsiiyay Taliyaha Ciidanka Asluubta Somaliland oo nuqul ka mid ahi soo gaadhay Wargeyska Foore ayaa waxa ay u dhignayd sidan: “Aniga oo ah Cabdirashiid X. Ducaale Qambi Cabdalle waxaan caddaynayaa in aan anigu damiin buuxa ka ahay wixii dhib ah ee uu la yimaaddo Jaamac Cabdi Ismaaciil ina Khadiija Siciid oo ah maxbuus muddo dheer ku xidhnaa xabsiga Hargeysa. Sidaa darteed waxaan taliye kaa codsanayaa in ninkaas aad dammaanaddaydaas ku sii daysid”. Waxa warqaddaasi damaanadda ah markhaatiyaal ka ahaa oo ku saxeexan labada nin ee la kala yidhaa Cabdiraxmaan Cabdillaahi Daahir iyo Sakariye Mustafe Maxamuud”. Shalay ayay ahayd markii xukuumadda Somaliland oodda ka qaaday maxaabiistaasi uu ka mid ahaa Jaamac Kuutiye oo ay sidoo kale ku jireen rag ay ka mid ahaayeen Daa’uud Saalax Iidle iyo Cabdiraxmaan Indhocadde oo dhammaantood ahaa xubno dawladdii Daahir Rayaale ay sannadihii 2003 iyo 2004 ay ku eedaysay in ay galeen dambiyo la xidhiidha falal argagixisanimo. Maxaabiistan ayaa qaarkood dhawr iyo labaatan sano ku jireen xabsiga Hargeysa iyaga oo wakhtigii xukunkoodu dhammaaday kuna darsaday sannado kale oo dhaadheer. 14-kii November sannadkii 2005 ayaa raggan shalay la sii daayay qaarkood lagu xukumay dil toogasho ah balse markii dambe xabsi wakhti dheer ah dib loogu xukumay. Akhri Warqadda Damaanadda: Source

Waxaa saaka dagan xaaladda deegaanka Camaara gobalka Mudug oo 48-saac ee la soo dhaafay ay ka jireen dagaallo u dhaxeeyo ciidamada dowladda iyo Ururka Al-shabaab. Dagaalka ayaa bilawday kadib markii waa berigii hore ee shalay ururka ay weerar ku soo qaadeen saldhig ciidamada dowaldda ay ku lahaayeen deegaanka Camaara, Halkaas oo ay Alshabaab gacan ku heynta degmada ay kala wareegeen ciidamada dowladda saacado kooban, wallow dib Ciidamada ay u qabsadeen Camaara. Ururka Al-shabaab ayaa dhankooda warar ay ku baahiyeen barahooda Bulshada waxa ay ku soo bandhigeen gaadiid iyo Saanad ciidan. Dhanka kale waxaa magaalada Gaalkacayo lagu qabtay banaanbax ay soo abaabuuleen dadka shacabka ah iyo maamulka degmada kaas oo looga soo horjeedo ururka Al-shabaab. Xaaladda deegaanka Camaara ayaa saaka oo khamiis ah dagan xilli ay dib u soo laabteen isku socodka dadka iyo gaadiidka. Ciidamada dowladda ayaana waxa ay ka wadaan deegaanka dhaq dhaqaaqyo ay kaga hortagayaan weerarada ururka Al-shabaab. Goobjoog News Source: goobjoog.com

Source

20-kii bishan aynu ku jirno waxa Hargaysa ka soo degay siyaasi Jamaac Maxamed Qaalib oo muddo dheer aamisnaa in aanay Soomaalilaan dal noqon Karin, balse ay Soomaaliya ka mid tahay. Ilaa hadda ma jirto madal, qiraal iyo qoraal uu kaga tanaasulay mabdi’ii Soomaalilaan nacaybka ee uu ku caan-baxay. Sida muuqata haatan da’diisu waa 88 jir, waxaanu dalkiisii uu mudada dheer dagaalka kula dib ugu soo noqday si uu nabad iyo nasasho ugu helo maadaama uu ka waayey labadaaba meeshii uu dalkiisa ka jaclaaday. Dhawr qoddob ayeynu ka iftiimin doonaa dagaalkii siyaasadeed uu Jaamac Yare ku hayey dalkiisa oo uu maanta soo miciinbaday: = Jaamac Maxamed Qaalib wuxuu calanka u siday siyaasiyiintii diiday heshiishkii ay golaha Guurtidu ka dhexwaday dawladdii madaxweyne Cigaal iyo maleeshiyadii haystay Madaarka caasimadda Hargaysa dabayaqaaddii 1994. Wuxuu lug ku lahaa dagaalkii sokeeye ee qarxday isla sannadkaasi, waxaanan ku xusay buugga Go’aan iyo Geesinimo (2016). Colaad uu u hayey Cigaal ayuu ku lammaaneeyey dagaalkii sokeeye. Wixii intaasi ka dambaysay dalka wuu ka baxay, ka dib markii la jebiyey maleeshiyadii uu dabada geliyey, waxaanu noqday dibad-wareeg dalka ka caagan. = Sannadkii 2003 ayuu si kedis ah madaarka caasimadda Hargaysa uga soo degay diyaarad uu saarnaa. Markii ay ka war heleen ciidankii ammaanku ayaa markiiba lagu xidhay isla madaarka. Safarkiisaa kumuu guulaysan inuu cagaha soo dhigo dalka aanu qaddiyadiisa aaminsanayn. Xukuumaddii Riyaale ee wakhtigaasi ayaa mastaafurisay, oo xaggaa iyo Jabuuti ayaa diyaarad loo saaray. Xadhigaasi waxa ka dhashay weerar dhimasho iyo dhaawac geystay, ka dib markii ay ciidanka ilaalada madaarka tacshiirad is-weydaarsadeen rag hubeysan oo diidan xadhiga Jaamac Yare. mastaafurintiisa ka dib waraysi uu siiyey BBC-da laanta afSoomaaliga wuxuu ku sheegay in kuwan waanu go’nay leh aanu caqli u kordhin. = Sannadkii 2011 ayuu mar labaad ka soo degay garoonka diyaaradaha Cigaal ee Hargaysa. Markii uu soo baxay warka inuu Jaamac Yare Hargaysa joogo, ayuu afhayeenkii dawladdii Madaxweyne Siillaanyo Cukuse u sheegay BBC-da laanta Afsoomaaliga inuu Jaamac Yare dalka cafis ku yimid oo uu ka tanaasulay mabdi’ii ahaa in Soomaalilaan aanay dal noqon Karin, sidaasina lagu cafiyey. Hasayeeshee wakhtigaasi isaga lagama maqal meel uu ku sheegay inuu fikikiisii beddelay. = Qoraalladiisa inta badan ku soo bixi jiray wargaysyada ku soo baxa afka Ingiriisiga wuxuu si badheedh ah ugu duri jiray jiritaanka qaddiyadda Soomaalilaan-ta maanta uu soo miciinbaday. Inta badan wuxuu wax ku qoraa afka Ingiriisiga. Waxa ka mid ahaa qoraal af Ingiriis ku qoraan oo uu ku soo qoray wargayskii ka soo bixi jiray Itoobiye ee Sub-Saharan Informer oo uu ku sheegay inuu walaac weyn ka qabo dhallinyarada badan ee ku soo badnaysa Soomaalilaan ee aan waxba ka ogeyn midnimada Soomaaliya. Haddii kuwaasi ay sii kordhaan hadhow haddiiba afti laga qaado kuwa goo’ni go’a doonaya inay foodka heli doonaan. Halkaasina lagu waayo midnimadii Soomaaliya. = Jaamac Yare wuxuu kaalin weyn ku lahaa shirkii dib-u-heshiinta Soomaaliya ee ka dhacay dalka Jabuuti ama shirkii Carta ee qabsoomay 2000. Wuxuu guddoomiye u ahaa guddigii diyaarinaysay axdi-qarameedkii dawladdii Carta ee Cabdiqaasim hogaaminayey. Colaadinta Soomaalilaan ayuu shirkaasi si weyn uga dhexwaday. Sidoo kale shirkii Eldooreet ee Kiiniya lagu qabtay ee loo qabtay kooxaha Soomaaliya ee lagu soo doortay C/laahi Yuusuf ayuu badhtanka kaga jiray. Waxa la yidhi” Meyd maxaa u dambeeyey iyo kaa la sii sido”. Farmaajo oo ah madaxweynaha ugu cadaawadda badan Soomaalilaan wuxuu Jaamac Yare u magacaabay guddoomiyaha guddiga Taakuleynta ciidamada. Hasayeeshee xilkaasi wuxuu uga cudurdaartay da’diisa oo weynaatay iyo inuu yahay hawlgab aan shaqo qaban Karin. Waxaanu yidhi” laba sabab ayaan u diiday. Horta ciidan qaran taakuleyntii tabarucaad laguma dhisi karo. Aniguna tamar uma hayo xil qaran oo waan ka gaboobay”. Hadalkiisaa ugu dambeeya waxa ku cad in aanu shaqadaasi u diidin inuu ka noqday mowqifkiisii Soomaalilaan diidka ahaa ee da’du u run sheegtay. Cali Cabdi Coomay Suxufi, Qoraa ah. Hargaysa, Soomaalilaan. Calicoomay@gmail.com Source

(SLT- Dar es Salaam)-Waxaa soo baxaya faahfaahino la xidhiidha nin weeraray safaarada ay dowlada Faransiiska ku leedahay magaalada Dar es Salaam ee dalka Tanzania. Nin hubeysan ayaa dilay saddex askari oo boolis ah iyo waashmaan khaas ah meel ku dhow safaarada Faransiiska oo ku taalla xaafadda dublamaasiyadeed ee magaalada Dar es Salaam, ka hor inta aan toogasho lagu dilin. Muuqaalo internetka la soo geliyay oo ay duubaan dad ka daawanayay dhismayaasha ka soo horjeeda safaaradda Faransiiska, ayaa lagu arkayay ninka hubaysnaa oo ku jira gudaha safaarada. Booliisku waxay sheegeen in ninka weerarka geystay uu markii hore bastoolad ku toogtay laba askari oo boolis ah oo ku sugnaa isgoys ku yaalla degmadaas oo ay ku yaallaan dhowr xafiis oo diblomaasiyadeed. Wuxuu qori ka qaatay askartii booliiska ee uu diley, wuxuuna lug ku aaday safaaradda Faransiiska oo dhowr boqol oo mitir u jirta, isagoo si aan kala sooc lahayn u toogtay oo qabsaday halka laga waardiyeeyo safaarada. Madaxweyne Samia Suluhu Hassan ayaa barteeda Twitter -ka ku sheegtay in qofka weerarka geystay la diley xaaladuna ay caadi tahay. “Waxaan tacsi u dirayaa adeegga booliska iyo qoysaska saddex boolis, iyo hal sarkaal oo ka tirsan shirkadda amniga SGA, oo naftooda ku waayey kadib markii qof hubeysan uu ku weeraray aagga Salenda ee Daarusalaam,” ayay tidhi Xasan. Lix qof ayaa ku dhaawacantay marka laga reebo afarta qof ee la dilay, sida uu sheegay taliyaha hawlgallada iyo tababbarka booliska Liberatus Sabas. Booliiska Tanzania ayaa baashaya dhacddadan oo uu gaystay nin asalkiisu yahay Soomaali. Kormeeraha Guud ee Booliska Simon Sirro ayaa u sheegay saxafiyiinta in ay tuhunsan yihiin in ninka weerarka gaystay laga yaabo in uu ka yimid gobolka Cabo Delgado ee Mozambique, laakiin ay weli baadhayaan arrintan. Booliiska ayaan bixin tafaasiisha la xidhiidha sababta uu ninkan hubeysan weerarka u qaaday iyo cidda uu beegsanayay. Source

Ururka Al-shabaab ayaa soo bandhigay gaadiid dagaal iyo hub ay ka qabsadeen ciidamada dowladda Soomaaliya iyo kuwa Galmudug. 18 gaari oo nooca dagaalka ah iyo saanad ciidan oo laga qabsaday ciidamada dowladda iyo Galmudug ayaa Al-shabaab ku soo bandhigtay warbaahinta taageerta. Agabkan ciidan ayaa kooxdu ku qabsatay dagaal maalin ka hor ka dhacay degaanka Cammaara ee Gobolka Mudug sida ay sheegtay warbaahinta ururkaas. Al-shabaab ayaa Talaadadii todobaadkan weerar qaraxyo ku bilowday ku qaadday degaanka Cammaara ee koonfurta Gobolka Mudug halkaas oo ay mudda kooban la wareegtay. Halkaan ka eeg qaar kamid ah sawirada PUNTLAND POST The post Al-shabaab oo soo bandhigtay gaadiid iyo saanad ciidan oo ay ku qabsatay dagaalkii Cammaara appeared first on Puntland Post.

Somalia’s parliamentary and presidential elections are scheduled to be held by Oct. 10. Source: Hiiraan Online

A shortage of Covid-19 vaccines and vaccine resistance is threatening to collapse Somalia’s fragile healthcare system. Less than 1% of Somalians have been vaccinated but lessons can and should be learned from the polio eradication campaign, says Dr. Abdi Tari Ali, Deputy Director of Trócaire Somalia. Source: Hiiraan Online

The giant dam Ethiopia has constructed on the Blue Nile made no impact on this year's floods in Sudan, which had taken costly precautions in the absence of any deal to regulate the flow of water, a Sudanese official said. Source: Hiiraan Online

Two gunmen were killed in a police shootout at Dadajabula area, Wajir county, on Tuesday. Source: Hiiraan Online

Kismayo (HOL) - The Jubaland regional administration has issued an order banning the carrying of weapons in Kismayo as a safety precaution ahead of national polls. Source: Hiiraan Online

Ankara’s assertive intervention in the deadly famine and its ambitious decade-long engagement in Somalia's state-building process has significantly increased its influence across East Africa. Source: Hiiraan Online

Turkey has donated another eight Kirpi armoured personnel carriers to Somalia along with 14 Aktan military trucks. Source: Hiiraan Online

Hargeysa (Caasimada Online) – Guddoomiyaha xisbiga UCID Faysal Cali Waraabe ayaa markii ugu horeysay ka hadlay dooda ka taagan dugsiyada Shabakada Abaarso oo lagu eedeeyey inay fidinayaan Diinta karishtaanka. Feysal ayaa eedeymaha loo jeedinayo dugsiyada Shabakada Abaarso ku tilmaamay inay yihiin duulaan horumarka Somaliland ka dhan ah. “Waad aragtaa in guushi aan gaarnay ee adduunka oo dhan inoo soo jeedsaday maanta la doonayo in la xaaraameeyo, iftiinkii inoo baxaba waxa la doonayaa in la dumiyo, waxaana la isticmaalayaa qaar inaga ah” ayuu yiri Feysal Cali Waraabe oo warabaahinta la hadlay. Guddoomiye Feysal Cali Waraabe ayaa sheegay in marka laga reebo Sacuudiga ay Somaliland tahay meesha kaliya ee aan lagu arki karin gabdho timo qaawan. “Somaliland waa meesha kaliya ee marka Sucuudiga laga yimaado, aadan arkayn inan timo qaawan, shaleemo, tiyaatar, shiishad, waa dhul asturan, barakaysan hadana iskuulka caruurtaydu dhigato ayaa la leeyahay waa gaalo, aniga la i yiri kaniisad buu furay” ayuu guddoomiyuhu hadalkiisa ku daray. Qaar kamida dadka baraha bulshada isticmaala ayaa dugisiga Abaarso iyo Jaamacadda hoos tagta ee Barwaaqo ku eedeeyey in macalimiintooda oo ajaanib ah ay ardayda baraan waxyaabo diinta Islaamka ka dhan ah, taasi oo xukuumada Somaliland, madaxda Shabakadda Abaarso, ardayda iyo waalidiintuba beeniyeen. Iyada oo muddooyinkii la soo dhaafay ay sii xoogeysanayeen eedeymaha loo jeedinayo shabakadda dugsiyada ee Abaarso Network iyo Jaamacadda Barwaaqo ayaa waxaa arrintaas ka jawaabay shabakaddan oo ka hadashay doodaha ka dhashay arrintaas, isla-markaana la isla dhex-marayey baraha bulshada. Shabakadda dugsiyada Abaarso ayaa soo hadal qaaday eedeymaha culus ee loo jeediyey macalimad Joy Isa, waxayna shaacisay in muuqaallada la baahiyey ay yihiin kuwa hore, islamarkaana ay aheyd xilli ay ka qeyb-qadaneysay adeegyo diimeed gudaha dalka Nigeria. Sidoo kale shabakadda ay ku mideysan dugsiyada Abaarso ee ku yaalla Somaliland ayaa xusay in Joy Isa ay heshiis kula shaqayneysay, isla markaana aan loo ogolayn in ay ka hadasho arrimo diimeed, sida lagu sheegay warbixinta. “Waxaanu dhawaan aragnay muuqaalo baraha bulshada la soo galiyay oo muujinaya Isa oo ka qayb qadanaysa adeegyo diimeed gudaha Nigeria, muuqaaladaasi waa wakhti dheer ka hor intii anaan shaqaalaysiin.. waxaanu kalsooni ku qabnaa in walba Isa in aysan jabinin heshiiskii aan la galnay iyo sharciga noo yaala” ayaa lagu yiri warbixinta. The post Feysal Cali Waraabe oo ka hadlay eedaha loo jeediyey dugsiyada shabakada Abaarso appeared first on Caasimada Online.

Nin Somali ah oo weerar ku qaaday safaaradda France ee Tanzania oo la dilay+Khasaaruhu geystay Dhimasho 7 Dhaawac Nin ku hubeysnaa qori darandoori u dhaca ayaa la dilay ka dib markii uu weeraray islamarkaana ku dilay saddex askari oo booliis ah iyo nin ilaalo ahaa agagaarka safaaradda Faransiiska ee magaalada Darussalam ee caasimadda ganacsiga Tanzania, sida ay sheegtay madaxweynaha dalkaasi Samia Suluhu Hassan. Hassan ayaa Twitter-keeda ku qortay in “la dilay ninkii weerarka gaystay” ayna xaaladda “hadda degan tahay.” Booliiska Tanzania ayaa baaraya dhacddadan oo uu gaystay nin asalkiisu yahay Soomaali. Kormeeraha Guud ee Booliska Simon Sirro ayaa u sheegay saxafiyiinta in ay tuhunsan yihiin in ninka weerarka gaystay laga yaabo in uu ka yimid gobolka Cabo Delgado ee Mozambique, laakiin ay weli baarayaan arrintan. Booliiska ayaan bixin tafaasiisha la xiriirta sababta uu ninkan hubeysan weerarka u qaaday iyo cidda uu beegsanayay. Muuqaallo lagu baahiyay mareegyada oo aan si dhab ah loo xaqiijin karin ayaa muujinaya albaabada safaaradda Faransiiska ee Darussalam, nin taagan banaanka albaabka, iyadoo la maqlayo dhawaqa rasaasta. TV-yada Tanzania ayaa baahiyay muuqaallo muujinaya booliiska oo xiran jaakadaha aysan xabbadu karin oo isku duwaya wax u muuqday mayd yaallay banaanka safaaradda, sida ay warisay wakaaladda wararka ee Reuters. Qaran News

Qaran News

Qaran News

Madaxweynaha dowlad goboleedka Jubaland Axmed Maxamed Islaam, ayaa kulan la qaatay gudiyada hirgalinta doorashooyinka heer Dowlad Goboleed iyo heer federaal, guddiga xalinta khilaafadka iyo xubnaha Jubaland ku mataya guddiga la taliyayaasha farsamo ee Golaha wadatashiga qaran. Xubnaha Guddiyada ayaa waxaa ay warbixin la xiriirta arrimaha doorashooyinka siiyeen Madaxweynaha Jubbaland, iyaga oo sheegay in meel wanaagsan ay wax u marayaan. Madaxweynaha ayaa xubna Guddiga ku booriyay inay dardar galiyaan shaqooyinka muhiimka u ah Bulshada Soomaaliyeed ee ay gacanta ku hayaan. Madaxweynaha Jubaland Axmed Maxamed Islaam oo weli ku sugan Magaalada Muqdisho ayaa waxaa la filayaa in uu halkaasi kasii wado kulamada looga hadlayo arrimaha doorashooyinka. PUNTLAND POST The post Madaxweyne Axmed Madoobe oo kulan la qaatay Guddiyada qaabilsan Arrimaha doorashooyinka appeared first on Puntland Post.

Qaran News

Qaran News

Madaxweynaha dowlad gobaleedka Galmudug Axmed Cabdi Kaariye ayaa Muqdisho kulan kula qaatay madaxa Hay’adda Qaramada Midoobay u qaabilsan Arrimaha Qaxootiga ee UNHC. Kulanka ayaa ahaa kii u horreeyay ee dhexmara madaxweyne Qoor Qoor iyo madaxa Hay’adda Qaramada Midoobay u qaabilsan Arrimaha Qaxootiga ee UNHC Mr. Magatte Guisse oo dhawaan loo soo magacaabay Soomaaliya. Kulanka ayaa looga hadlay xoojinta wadashaqeynta UNHRC iyo dowlad gobaleedka Galmudug iyo sidii loo dardar gelin lahaa Xafiiska Hay’adda ay dhawaan ku yeelan doonto magaalada Dhusamareeb. PUNTLAND POST The post Madaxweynaha Galmudug oo kulan la qaatay wakiilka hay’adda UNCHR appeared first on Puntland Post.

Riyadh (Caasimada Online) – Markii ururka Taliban uu la wareegay awoodda dalka Afghanistan, sanadkii 1996, dalalka Sacuudiga, Imaaraadka iyo Pakistan, waxay ahaayen saddexdii dal ee ugu horeyay ee aqoonsaday Taliban. Ka dib markii dhawaan uu ururka Taliban la wareegay caasimadda dalka Afghanistan ee Kabul, wuxuu Ra’iisul wasaaraha Pakistan, Imran Khan, sheegay “inay dhamaatay silsiladii adoonsiga”. Dhanka kale, dalka Imaaraadka Carabta, ayaa magangalyo siiyay madaxweynaha Ashraf Ghani. Bayaan ka soo baxay wasaaradda arrimaha dibadda ee dalka Imaaraadka Carabta ayaa lagu sheegay in ay soo dhaweynayaan madaxweyne Ghani iyo qoyskiisa, waliba qaab binu aadanimo. Diblumaasiyiinta dowladda Sacuudiga ayaa iyaguna si bad qab ah ugu laabtay magaalada Riyaadh ee caasimadda wadankaas. Sida ay sheegtay Wakaaladda wararka ee dalka Sacuudiga, xukuumadda Riyaadha ayaa qaadatay go’aankaan lagu saleeyay xaaladda aan cagaha badan ku taagneyn ee dalka Afghanistan. Sidaas oo ay tahayna Sacuudiga wuxuu iska indha tiray guud ahaan xaaladda isbedelka ka dhacay Afghanistan. Toddobaad ka dib, oo xaaladda Afghanistan hadba waji horleh ay la soo baxayso, haddana Isniintii, wasiirka arrimaha dibadda ee dalka Pakistan, Shah Mehmood Qureshi, wuxuu qadka telefoonka wadahadal kula yeeshay wasiirka arrimaha dibadda ee Sacuudiga. Labada wasiir ayaa ka wadahadlay xaaladda dalka Afghanistan, balse sida wararka ay sheegayaan islama aysan soo qaadin arrin la xiriirta Taliban. Xaaladdan oo kale marka ay taagan tahay waxaa imaanaysa oo kugu soo degdegaysa, muxuu Sacuudiga oo sannadkii 1996, la safnaa Taliban, uu hadda uga gaabsaday? Labada dal ee Sacuudiga iyo Imaaraadka waa dalal si weyn u muuqda marka laga hadlayo dalalka Suniyiinta ah ee caalamka. Sacuudigu wuxuu xiriir taarkhi ah la leeyahay dalalka Afghanistan iyo Pakistan. Sacuudigu wuxuu xiriir la lahaa dhowrkii sano ee la soo dhaafay ururka Taliban balse xiriirkaas habacsanaan ayaa ku yimid markii dalka Qadar ay ka bilowdeen wadahadalladii u dhaxeyay Mareykanka iyo Taliban sanakii 2018-kii. Si kastaba ha ahaatee, khubarada ayaa rumeysan in daaha gadaashiisa uu Sacuudiga ka ciyaarayay doorkiisa wadahadallada. Talmiz Axmed, wuxuu ahaa danjirihii dalka Hindiya u fadhiyay Sacuudiga wuxuuna yiri: “Xiriir wanaagsan ayaa ka dhaxeeyay Sacuudiga iyo Taliban, 25-kii sano ee la soo dhaafay, waana kan maanta badbaadiyay”. Wuxuu sheegay in xiriirka ka dhaxeeya uu ku salaysanyahay Diinta.”Sacuudiga wuxuu mar walba u arkaa Taliban, dhaqdhaqaaq Islaami ah, oo ah arrinta uu ku taageero,” ayuu yiri Talmiz Axmed. Sacuudiga ayaa tagi jiray Afghanistan, iyaguna way tagi jireen Sacuudiga oo xitaa Cumro ayay u aadi jireen, sida uu aaminsan yahay diblumaasigan. Aqoonyahan AK Pasha, oo ka tirsan xaruunta daraasaadka galbeedka Asiya ee jaamacadda Jawaharlal Nehru, ayaa ku raacay Talmiz Axmed fikirkiisa aan kor ku soo xusnay ee la xiriira xiriirka Taliban iyo Sacuudiga ka dhaxeeya. Waraysi ay BBC-du la yeelatay ayuu ku sheegay in marka laga eego dhanka Mareykanka ay aamusanaanta Sacuudiga ee arrinta Taliban ay muhiim tahay. “Sannadkii 1979-kii, Midowga Soofiyeeti wuxuu galay dalka Afghanistan isaga oo halkaa ku diyaariyay ciidamadii Mujaahidiinta. Dowladaha Sacuudiga iyo Pakistan ayaa xiligaas Mareykanka ku taageeray diyaarimnta Ciidamadaas. Sacuudi Carabiya waxay ku caawisay Mareykanka lacagtii tababarka. Usaama ayaa qayb ka ahaa ciidankaas oo ahaa dagaalyahanno Sunni ah, oo uu ku jiray bin Laden, oo markii dambe noqday madaxa Al-qaacida. Markii dambe, ciidankii la tababaray waxay 1996 ilaa 2001 xukumayeen Afghanistan, waxayna adduunka ku faafiyeen fikirka argagixisanimada. Khubarad waxay sheegayaan in Sacuudiga uusan doonaynin inuu ka hordhaco dhismaha Xukuumadaas. Sidaa darteed sheekada waxay u ekaanaysaa oraah inta badan Soomaalidu ay adeegsato oo ah bal aan sugno dhaankii maqnaa wuxuu soo dheelmo. Xigsho: BBC iyo Reuters The post Sababaha Sacuudigu uga aamusay guusha Taalibaan appeared first on Caasimada Online.

Kabul (Caasimada Online) – Turkey ayaa Arbacadii sheegtay inay billowday in ciidamadeeda ay ka saarto dalka Afghanistan, ayada oo ka tanaasushay qorshe ay dooneyso inay ku sugto ammaanka garoonka diyaaradaha Kabul. “Ciidamada Turkey waxay kusoo laabanayaan dalkooda ayaga oo si guul leh usoo fuliyey shaqadii lagu aaminay,” waxaa sidaas war-saxaafadeed ay soo saartay ku tiri wasaaradda gaashaandhigga Turkey. Afhayeen u hadlay Taalibaan ayaa ku gacan seyray qorshayaasha Turkiga ee ah inay saldhigyo ka dhigtaan garoonka diyaaradaha ee Kabul kadib shir jaraa’id oo uu qabtay Talaadadii, isagoo sheegay in Afghanistan aysan u baahnayn ciidamada Turkiga. “Waxaan dooneynaa xiriir wanaagsan oo lala yeesho Turkiga, laakiin ma doonayno askartooda ku sugan Afhanistaan,” ayuu yiri Zabihullah Mujahid, sida ay sheegtay warbaahinta maxalliga ah. “Looma baahna ciidamo Turki ah ee ku sugan Afgaanistaan, waxaan awood u leenahay inaan sugno ammaanka garoonka diyaaradaha ee Kabula.” Turkiga ayaa dhowrkii sano ee la soo dhaafay ilaalinayay qeybta militariga ee garoonka si looga hortago weerarro dibadda ah. Ankara horaantii xagaagaan waxay ku dhaweyd inay heshiis la gasho Mareykanka si ay u sii waddo howlgalka, laakiin la wareegitaanka Taalibaan ee dalka Afghanistan ayaa si weyn u beddelay duruufaha iyo danaha Turkiga ee Afgaanistaan. Saraakiisha Turkiga ayaa sahaminayey qaabab ay ku joogteeyaan joogitaankooda dalka iyagoo wada-xaajood la galay Taalibaan si ay u ilaaliyaan danaha ganacsi iyo midda siyaasadeed ee Turkiga. Ankar ayaa dooneyso inuu kulan dhex maro saraakiisha Turkiga iyo Taalibaan si ay labada dhinac heshiis u gaaraan, waxaana qorshahaan hordhac u ahaa kulankii Madaxweyne Recep Tayyip Erdogan uu la yeeshay Mullah Abdul Ghani Baradar oo ka mid ahaa aasaasayaashii Taalibaan sidoo kalana ah hoggaamiyaha xafiiska Siyaasadda ee kooxdaan. Erdogan ayaa toddobaadkii hore si cad u sheegay in Turkigu jeclaan lahaa inuu sii joogo Garoonka Diyaaradaha isla markaasna uu arrintaan kala heshiiyo kooxda Taliban ama dawladda ku -meel -gaarka ah, taas oo sida uu sheegay “xoojin karta mawqifka Taliban” ee fagaaraha caalamiga ah. Sidaas oo ay tahay shacabka Turkiga ayaa weli ka feejigan howlgallada noocaas ah, iyadoo dhawaan cod aruurin laga dhex sameeyey Shacabka Turkiga ah ay ku dhawaad saddex-meelood laba ka mid ah jawaabeyaasha ay uga soo horjeesteen saldhigga ciidamada Turkiga ee Afgaanistaan. The post Taalibaan oo go’aan kasoo saartay joogitaanka ciidanka TURKEY ee Afghanistan appeared first on Caasimada Online.

Maamulka Jubaland ayaa soo saartay awaamiir lagu mamnuucayo hubka lagu dhex qaato magaalada Kismaayo, si loo xaqiijiyo amaanka magaalada oo la filayo dhawaan in lagu qabto doorashada xildhibaanada labada Aqal ee Baarlamaanka Soomaliya ee laga doorto Jubaland. Afhayeenka Wasaarada Amniga Jubbaland Jaamac Axmed Cali oo warbaahinta la hadlay ayaa sheegay in marnaba aysan oggolaan doonin in Magaalada lagu dhex wato hub, isagoo intaa ku daray in awaamiirta Culus ee ka dhanka ah hubka Magaalada lagu dhexqaato ay kasoo bexeen shir ay yessheen Laamaha ammaanka Jubbland. Waxaana horay u kulmay Wasiirka Amniga Jubbaland iyo Taliyeyaasha Ciidanka Booliska iyo Nabad Sugidda Jubbaland,kuwaasi oo soo saaray Awaamiirtaasi ka dhanka ah hubka lagu dhexqaato Magaalada, sida uu sheegay Afhayeenka Wasaarada Amniga Jubbaland Jaamac Axmed Cali. Afhayeenka ayaa intaasi ku daray in tallaabo laga qaadi doono cid waliba oo jabisa amarkaasi, waxaana Ciidanka iyo sidoo kale ilaalada Mas’uuliyiinta uu ugu baaqay in Hubka aysan lasoo dhaafin goobaha loogu tala galay, maaddama degaanada Maamulkaasi ay si toos ah uga billaaban doonta Doorashada xubnaaha Baarlamaanka ku matalaya Jubbaland. PUNTLAND POST The post Jubaland Oo mamnuucday in hub Lagu dhex qaato magaalada Kismaayo appeared first on Puntland Post.