Click here to read more about this article Qaran News

Baarlamaanka Carabta ayaa sheegay inuu si hoose ula socdo isbeddelka ku yimid xiriirka diblomaaasiyaadeed ee dowaladaha Aljeeriya iyo Marooko, kadib markii Aljeeriya ku dhaawaqday inay cilaaqaadka u jartay dowladdda Marooko. Qoraal kasoo baxay Baarlamaanka Carabta ayaa loogu baaqay labada dowladood inay mudnaanta koowaad siiyaan xiriirka walaaltinimo ee ka dhaxeeya labada shacab ee walaalaha ah. Baarlamaanka ayaa sidoo kale ugu baaqay Aljeeriya iyo Marooko inay khilaaf kasta oo jira ku dhameeyaan miiska wada hadalka sida ugu dhaqsiyaha badan . Qoraalka kasoo baxay Baarlamaanka Carabta ayaa lagu soo gabagabeeyay in laga sugaayo madaxda labada dowladood inay adeegsaaadan xikmad si ay uga gudbaan dhibaatada taagan. PUNTLAND POST The post Baarlamaanka Carabta oo war ka soo saaray xiisadda Aljeeriya iyo Marooko appeared first on Puntland Post.

Muqdisho (Caasimada Online) – Afhayeenka xukuumadda federaalka ah ee Soomaaliya, Maxamed Ibraahim Macalimuu ayaa shaaciyay in Ra’iisul wasaaraha xukumadda xil-gaarsiinta, Maxamed Xuseen Rooble uu shaqsiyan u istaagi doono wax ka qabashada khilaafka ka jira gobolka Hiiraan. Maxamed Ibraahim Macalimuu ayaa arrintaan ka sheegay kulankii ay shalay yeesheen Golaha Wadatashiga Qaran iyo Beesha Caalamka, oo looga hadlayey arrimaha doorashooyinka dalka. Afhayeenku si faahfaahsan uma sheegin sida uu ra’iisul wasaaruhu ku xalinayo khilaafka ka jira gobolka Hiiraan, hase yeeshe waxa uu qeyb weyn ka noqonayaa dadaalo lagu xalinayo xiisadda ka taagan maamulka HirShabeelle. Dhinaca kale, Ilo-wareedyo lagu kalsoon yahay ayaa Caasimada Online u sheegay in Madaxweynaha Soomaaliya Maxamed Cabdullaahi Farmaajo iyo Ra’iisul Wasaare Maxamed Xuseen Rooble ay la xiriireen Ugaaska Beesha Xawaadle, iyagoo kala hadlay xaaladii cakiran ee magaalada Beladweyne. “Ugaaska waxa uu noo sheegay in Farmaajo iyo Rooble la soo hadleen kana dalbadeen in xaalada la qaboojiyo lana xalin doono tabashooyinka jira,” ayuu yiri Nabaddoon Cilmi Guure Hagar Nabadoon Hagar oo kamid ah odayaasha ugu caansan gobalka Hiiraan ayaa sheegay in xayiraadii ay ciidamada Milateriga saareen Madaxweyne ku xigeenka HirShabeelle laga qaaday. “Albaabka ayaa lagu xiray waxaana saarnaa bandow aysan qof kaga soo bixi karin Madaxtooyada qofna ku geli karin, laakiin hada waan ka qaadnay,” ayuu yiri Nabadoon Cilmi Guure Hagar oo la hadlay Warbaahinta gudaha Muqdisho. Si kastaba, Odoyaasha dhaqanka gobalka Hiiraan ayaa ku guuleestay in ay magaalada ka saaraan ciidamadii Janaraal Xuud, halka kuwii Milateriga dib loogu celiyay saldhigyadii ay ka soo baxeen ee gobalka Hiiraan. The post Xafiiska Rooble oo war kasoo saaray xiisadda Beledweyne appeared first on Caasimada Online.

Wasiir ka tirsan Xukumada S/land oo Damiintay Jaamac Kuutiye Oo 20 Sano u xidhnaa Dil & Fal Argagaxiso Qaran News

Muqdisho (Caasimada Online) – Ugu yaraan 90 dagaal-yahano ka tirsan kooxda Al-Shabaab ayaa lagu dilay duqeyn xagga cirka ah oo shalay ka dhacday gobolka Mudug ee bartamaha Soomaaliya, sida uu sheegay taliska ciidamada militariga Soomaaliya. Qoraal kooban oo la soo dhigay barta Twitter-ka ayaa lagu sheegay in duqeynta lala beegsaday dagaal-yahanada Al-Shabaab kadib markii ay qabsadeen deegaanka Camaara ee gobolka Mudug. “Maleeshiyaadka Al-Shabaab waxay isku dayeen inay weeraraan tuulada Camaara waxayna la kulmeen qasaaro aad u badan. Galabta ayaa la qaaday duqeyn xagga cirka ah oo lala beegsaday al-Shabaab oo lagu dilay ugu yaraan 90 argagixiso ah,” ayaa lagu yiri qoraalka twitter-ka. Ciidanka Milatariga oo kaashanaya kuwa maamul goboleedka Galmudug ayaa tuulada ka xoreeyay kooxda Al-Shabaab bishii hore, ayada oo mar kale ay weerar qaraxyo ku billowday kusoo qaadeen. Al-Shabaab ayaa dhankooda kal hore sheegatay inay dagaalka ku qabsadeen 14 gaadiidka gaashamaan, waxyar un ka hor intii aan dib looga qabsan deegaanka Camaara ee koonfurta gobolka Mudug. Sidoo kale wararka aan ka heleyno dagaalkaas waxa ay sheegayaan in markii deegaanka laga saaray kooxda ay duleedka ku beegsadeen diyaarado dagaal oo gacan siinayey ciidamada xoogga dalka iyo daraawiishta Galmudug, waxaana halkaas Al-Shabaab ka soo gaaray khasaare xoog leh. War kooban oo ka soo baxay Taliska Milatariga Mareykanka ayaa lagu xaqiijiyay inay qaadeen howlgal ay ugu magac-dareen “is-difaac guud” oo ka dhan ahaa kooxda Al-Shabaab, kaas oo ka dhacay deegaanka Camaara, waxayna shaaciyeen in qiimeynta hor-dhaca ah ay muujineyso in duqeymihii dhacay aysan wax ku noqon dad rayid ah. The post Khasaaraha Al-Shabaab oo maraya 90 dhimasho iyo wararkii ugu dambeeyey appeared first on Caasimada Online.

Qaran News

Qaran News

Wararkii ugu dambeeyey ee dagaalka ka dhex qarxay Soomaalida iyo Canfarta Itoobiya oo sii xoogeystay Warar kala duwan ayaa ka soo baxaya khasaaraha ka dhashay dagaal u dhexeeyey Soomaalida iyo Canfarta oo saaka markale dib uga qarxay deegaano ka tirsan gobolka City ee dowlad deegaanka Soomaalida. Dagaalka oo ahaa mid culus ayaa yimid, kadib markii maleeshiyaadka Canfarta ay weerar ku qaadeen shacab Soomaali ah oo ku sugnaa deegaanka Biyo Cadde oo u dhow magaalada Cadheyti, waxaana halkaas ka qarxay dagaal u dhexeeyey labada dhinac. Sidoo kale dagaalka ayaa xoogiisa waxa uu ku sii fiday tuulooyinka Shakle iyo Birta dheer, tuulada Qalacle oo ku yaalla dhinaca magaalada Candhuufa ah. Ujeedka weerarka ay qaadeen maleeshiyaadka Canfarta ayaa lagu sheegay inay ku doonayeen inay ku qabsadaan dhammaan deegaanadaasi, kadib markii ay horey gacanta ku dhigeen magaalooyinka Garbo-Ciise & Cadayti oo ay ku sugnaayeen Soomaalida. Inta la xaqiijiyey waxaa dagaalka maanta ku dhintay ugu yaraan illaa 10 qof, halka ay ku dhaawacmeen tiro intaasi ka badan oo ka kala tirsan labada dhinac. Weli ma jiro wax hadal ah oo ka soo baxay maamullada labada dhinac oo ku aadan dagaalkaasi dib u qarxay ee khasaaraha badan geystay. Xaaladda ayaa haatan aad u kacsan, waxaana laga cabsi qabaa in dagaalka uu sii xoogeysto, sidoo kalena uu kasii daro khasaaraha dhimashada iyo dhaawaca. Qaran News

Shiinaha oo ka hadlay Natiijada ka soo baxday Wadahadalladii Taalibaan dhexmaray Shalay China ayaa sheegtay inay “xiriir iyo wadatashi wax ku ool ah la furtay Taalibaan,” kadib kulan dhex-maray wakiilo ka socday kooxda iyo safiirka Shiinaha ee Kabul. Afhayeen u hadlay Wasaaradda Arrimaha Dibedda China, Wang Wenbin ayaan wax faah-faahin oo intaas dheer ka bixin wada-hadallada oo Talaadadii dhexmaray ku xigeenka madaxa xafiiska siyaasadda Taalibaan Abdul Salam Hanafi iyo danjire Wang Yu. Hase yeeshee waxa uu sheegay in China ay Kabul u aragto “masrax iyo marin muhiim ah in labada dhinac ay kaga wada-hadlaan dhammaan arrimaha.” China ayaa bishii tegtay wada-hadallo ku marti-gelisay wafdi uu hoggaaminayey hoggaamiyaha Taalibaan Mullah Abdul Ghani Baradar, kahor inta aysan kooxda la wareegin Kabul. China ayaa sidoo kale waxaa weli u furan safaaraddeeda Kabul, waxayna sheegtay inaysan wax qorshe ah ka laheyn inay muwaadiniinteeda ka daad-gureyso Afghanistan, halka ay sidoo kale Mareykanka si joogto ah ugu cambaareyso qaska ka jira garoonka diyaaradaha Kabul. “Waxaan mar kasta xushmeynaa madax-banaanida iyo sharafta dhuleed ee Afghanistan, anaga oo raadineyna siyaasad ku dhisan faro-gelin la’aanta arrimaha gudaha Afghanistan ah, una hoggaansameyna siyaasad saaxiibtinimo oo ku wajahn shacabka Afghanistan,” ayuu Wang u sheegay weriyayasha oo uu shir jar’aaid ugu qabtay Beijing. “China waxay ixtiraamtaa in shacabka Afghanistan ay si madax-banaan go’aan uga gaaraan mustaqbalkooda, waxayna taageertaa fulinta mabda’ ay leeyihiin oo ay hoggaamiyaan shacabka Afghanistan.” Qaran News

Source

Muqdisho (Caasimada Online) – Warar kala duwan ayaa ka soo baxaya khasaaraha ka dhashay dagaal u dhexeeyey Soomaalida iyo Canfarta oo saaka markale dib uga qarxay deegaano ka tirsan gobolka City ee dowlad deegaanka Soomaalida. Dagaalka oo ahaa mid culus ayaa yimid, kadib markii maleeshiyaadka Canfarta ay weerar ku qaadeen shacab Soomaali ah oo ku sugnaa deegaanka Biyo Cadde oo u dhow magaalada Cadheyti, waxaana halkaas ka qarxay dagaal u dhexeeyey labada dhinac. Sidoo kale dagaalka ayaa xoogiisa waxa uu ku sii fiday tuulooyinka Shakle iyo Birta dheer, tuulada Qalacle oo ku yaalla dhinaca magaalada Candhuufa ah. Ujeedka weerarka ay qaadeen maleeshiyaadka Canfarta ayaa lagu sheegay inay ku doonayeen inay ku qabsadaan dhammaan deegaanadaasi, kadib markii ay horey gacanta ku dhigeen magaalooyinka Garbo-Ciise & Cadayti oo ay ku sugnaayeen Soomaalida. Inta la xaqiijiyey waxaa dagaalka maanta ku dhintay ugu yaraan illaa 10 qof, halka ay ku dhaawacmeen tiro intaasi ka badan oo ka kala tirsan labada dhinac. Weli ma jiro wax hadal ah oo ka soo baxay maamullada labada dhinac oo ku aadan dagaalkaasi dib u qarxay ee khasaaraha badan geystay. Xaaladda ayaa haatan aad u kacsan, waxaana laga cabsi qabaa in dagaalka uu sii xoogeysto, sidoo kalena uu kasii daro khasaaraha dhimashada iyo dhaawaca. The post Dagaalka Soomaalida iyo Canfarta oo sii xoogeystay + khasaaraha appeared first on Caasimada Online.

ILAAHAY BAA MAHAD LEH. [ Qoraal yara dheer, balse nuxur nafhurnimo xambaarsan]. Qoys ahaan, maanta waxaa farxad gaar ah noo ah in Walaalkay Daauud Saalax Iidle oo muddo ku dhow 20 sanno xidhnaa uu dib u helay xorriyaddiisii. Duruuf kasta & dedaal kasta oo aanu hore u bixinnay sidii uu caddaalad u heli lahaa hore walaalkay uma uu helin, balse maanta ayaa ALLE qaddaray in uu soo baxo isaga iyo 4ka mid ah saaxiibadiisii ay muddada wada xidhnaayeen. Qiimo weyn bay noogu fadhidaa in Daauud xorriyaddiisii helo, waxaa nagu dhacday qoys ahaan in Daa’uud oo xidhan HOOYADAY iyo CURADKII Qoyskayaba ay ku dhinteen shil gaadhi iyaga oo booqasho ugu tagay Daauud oo ku xidhnaa berigaa Xabsiga Berbera 2007kii, sida oo kale Daa’uud oo xidhan waxaa ALLE oofsaday Aabahay oo u geeriyooday qalliin uu ku galay Manhal Hospital 2015kii, qof kasta waa uu dareemi karaa qiimaha uu nagu joogo in uu walaalkayo dibedda u soo baxo, xorriyaddiisana helo. Walaalkay waa shakhsiyad caan ku ah samafalka iyo wanaag fidinta, waxa uu ahaa Maamulihii Xaruntii Agoomaha Somaliland ee Alxarameyn ka hor inta aan la xidhin, qisada xadhigiisa dad badani waa ay ka dheregsan yihiin oo waxa ay la xidhiidhay falal dhacay 2004tii, laakiin kaliya waxaa waajib ahayd in marka uu xadhigiisa dhammeysto uu helo xorriyaddiisa, ku dhawaad 6 sannadood ayuu Xabsi muddo dhaaf ah ku jiray, QADDAR baa ka qornaa in halkan la isla soo gaadho, waayo dedaal kasta oo bani aadam bixiyo waanu gelinnay sii deyntiisa. Daa’uud sii deyntiisa marka laga yimaaddo dedaalka aanu qoys ahaan gelinnay, waxa aanu garab istaag weyn ka helnay Siyaasiyiin waaweyn, Madax dhaqameed xurmo leh, Ganacsato maalqabeen ah, Samafalayaal diranayaal ah, Culimo wax ku ool ah, Hay’ado ka shaqeeya Xuquuqal Insaanka, Saxaafad madax bannaan iyo dadyow qubane ah oo si iskood ah wax noola qabanayey. Waxa aan si gaar ah u xusi karaa, Guddoomiye Cabdiraxmaan Cirro oo dedaal weyn ku bixiyey sii deyntiisa, Suldaan Maxamed Xirsi Qani iyo Suldaan Cabdiraxmaan Good, Caaqil Cabdikariim Jaamac Faarax, Beeldaaji Maxamed Jaamac Daadey, Ganacsade Axmed Cabdillaahi Dalab oo inta ay ka nasteen arrinka Daauud uu yaraa, sida oo kale waxaa jiray Wasiiro ka tirsan Xukuumadda Madaxweyne Biixi oo iyaguna dedaal ka bixiyey arrintan markii ay Qabiiladu ula tagtay oo uu ugu horreeyo Wasiir Siciid Sulub, ugu dambeyn waxaanan Ilaawi karin Madax dhaqameedka iyo Haldoorka Beesha aan ka soo jeedo ee West Burco Clan- Sacad Yoonis oo si nafhurnimo leh u dedaalay intii karaankoodii ahayd. Qofnimada Daauud dad badan oo waayaha Xabsiga ay ku walaaloobeen baa ka marag kacaya, dad badan oo ay soo wada shaqeeyeen baa qiraya, waxaa markhaati dhow kuugu filan in maxbuus kasta oo Xabsiga dhexe ee Hargeysa ay ku kulmeen walaalkay uu kaaga marag kacayo hoggaaminta iyo hayinnimada ninkaas ku jirta oo ay ila soo xidhiidhi jireen badankoodu, dad badani waxa ay igula kaftami jireen hoggaamintiina ka xabsiga ku jira, iyo kiinna dibedda joogaba ma u dhalashaa? Kartidiisa iyo qofnimadiisa, waxa uu waxbarashadiisa Jaamacadeed ku dhammaystay Xabsiga dhexdiisa, waxa uu mas’uulka koowaad ee Maxaabiista iyo Ciidanka asluubta u dhaxeeya, waxa uu isku xidhe ka ahaa barnaamijka waxbarasho ee ay ka fuliso Jaamacadda Beder oo iyadu hal-abuurnimada in Maxaabiista heer jaamacadeed wax loo baro dedaal weyn ku bixisay. Waligey arrinkiisa baraha bulshada kuma qorin, sida oo kale waligay Tv-yada kamaannaan hadal, sababtuna waxa ay ahayd waxa aan xurmeynaynay cidda howsha nala wadday oo ahayd dadyow macno leh oo u qalma in la tashi iyo tusmaba la weydiiyo, annigu waxa aan si xooggan u rumeysnaa in uu xorriyaddiisa maalin uun heli doono, balse annaga ay na faran tahay in aaanaan ka daalin doonistaas, waayo waxa aan xoog u rumeysanahay in aan qofna dhiilada iyo dhibta ku waareyn oo maalin uun faraj helayo. Waxaa jira dadyow badan oo aanan rabin magacyadooda in aan xuso anniga oo ilaalinaya in dunida waayo badani danbeeyaan oo arrinkan carqalad weyn nagaga haye, dhib badana noo geystay, god kasta oo aan arrinka ninkan odayga ah aan ka saarnana u dhaqaaqayey in ay sii ribdhaan, dadkaasi waxa ay isugu jireen mas’uuliyiin iyo shacaba, balse waxaa ilaahay mahaddii ah in ay qaddarka baajin kari waayeen oo ay cadceeddu ku soo baxday iyada oo kulul, waa naga cafis waxna uma qabno maanta. Ugu dambeyn waxa aan u mahadnaqayaa Madaxweynaha JSL oo isagu garwaaqsaday in Daauud iyo saaxiibadiiba ay muteysteen in la sii daayo, la cafiyo isla markaana ay noloshoodii caadiga ahayd dib u bilowdaan. Abdulkadir Eidleh. Source

Wasiirka Wasaaradda Maaliyadda Xukuumadda xilgaarsiinta Cabdiraxmaan Ducaale Beyle ayaa Maanta Xarunta Wasaaradda Maaliyadda waxaa uu kula kumay wakiilka Bangiga Adduunka ee Soomaaliya iyo qaar ka mid ah dalalka Bariga Afrika Kristina Svensson. Kulanka ayaa waxaa looga hadlay dib-u-habeynta Maaliyadda, Mashruucayada horumarineed ee bankiga uu Soomaaliya ka wado iyo dadaalada Wasaaradda Magaalada ee sare uqaadidda Dakhliga gudaha. Wasiirka Maaliyadda Cabdiraxmaan Ducaale Beyle ayaa sheegay in Bankiga Aduunka uu saaxiib muhiim u ah yahay horumarka dhaqaalaha Soomaaliya. Xukuumadda Soomaaliya ayaa sanidii la soo dhaafay waxaa ay dadaal ugu jirtaa sidii dalalka deymaha ku leh Soomaaliya ay uga cafin lahaayeen halka dalalka qaarkood ay deynta cafiyeen. PUNTLAND POST The post Wasiir Beyle oo la kulmay Madax ka socota Bangiga Adduunka appeared first on Puntland Post.

Gaalkacyo (Caasimada Online) – Magaalada Gaalkacyo ee xarunta gobolka Mudug waxaa maanta ka dhacay dibad-bax ballaaran oo ay dhigeen shacabka iyo maamulka magaaladaasi, kuwaas oo isugu soo baxay waddooyinka waa weyn ee ku yaalla halkaasi. Dibad-baxa ayaa waxaa looga soo horjeeday kooxda Al-Shabaab, waxaana sidoo kale ka qeyb-galay maamulka degmada, wasiiro iyo saraakiil ka tirsan laamaha amniga magaalada Gaalkacyo. Sidoo kale dibad-baxan ayaa waxaa lagu taageerayey howl-gallada ka dhanka ah Al-Shabaab ee ay ciidamada dowladda iyo kuwa Galmudug ka wadaan koonfurta Mudug. Qaar ka mid ah dibad-baxayaasha oo la hadlay warbaahinta ayaa sheegay inay garab taagan yihiin ciidamada huwanta ee dagaalka ka wada deegaanada maamulka Galmudug. Mas’uuliyiinta goobta ka hadashay ayaa dhankooda xusay in loo baahan in loo midoobo dagaalka adag ee lagula jiro Al-Shabaab, kana socda gobolka Mudug ee bartamaha dalka. Dibad-baxan oo uu soo qaban qaabiyey maamulka degmada Gaalkacyo ayaa saameyn ku yeeshay dhaqa-dhaqaaqa iyo goobaha ganacsiga ee magaaladaas oo maanta xiran. Si kastaba Galmudug ayaa howl-gal culus ka wada deegaanadeeda, waxaan dagaalkii ugu dambeeyey uu shalay ka dhacay koonfurta gobolka Mudug ee bartamaha Soomaaliya. The post Dibad-bax ka dhan ah Al-Shabaab oo maanta ka dhacay Gaalkacyo + Sawirro appeared first on Caasimada Online.

Somaliland ayaa xabsiga kasii deysay shan nin oo ku dhawaad 20 sano ku xidhnaa xabsiyada Somaliland, kuwaasi oo ku eedeysnaa kiisas la xidhiidha argagixin iyo dilal. Ragga la sii daayay waxaa ka mid ah: Indhacadde, Jaamac Kuutiye iyo Daa’uud Iidle. Dawladdii madaxweyne Daahir Rayaale ayaa raggan xidhay. Source

MOGADISHU (HOL) - Somalia and the African Union have agreed on a framework to rework the mandate and configuration of the AMISOM operations in the country beyond the end of this year. Source: Hiiraan Online

Dhuusamareeb (Caasimada Online) – Maxkamadda gobolka Galgaduud ee maamulka Galmudug ayaa maanta soo gaba-gabeysay dacwad ka dhan ah eedeysane Maxamed Cabdi Dhoore oo loo heesto inuu afduub iyo kufsi u geystay gabar yar oo lix sano jir ah. Maxkamadda ayaa shaaca ka qaaday in Dhoore uu falkan geystay 19-kii bishan August, isla-markaana uu ka dhacay deegaanka Godinlabe ee gobolka Galgaduud ee bartamaha Soomaaliya, waxaana la sheegay in gabadha uu falkaasi ka soo gaaray dhaawac xoog leh. Ugu horreyn xeer ilaalinta maxkamadda ayaa goobta ku soo bandhigtay qiraal laga qoray eedeysanaha iyo caddeymo kale oo muujinaya, sida uu falka u dhacay oo ay ka mid yihiin warqadda dhaqtarka, dharkiii gabadhu xirneyd iyo sawirrada goobta laga soo qaaday, iyada oo xeer ilaalinta ay dalbatay in loo cuskado ciqaabta la marsiinayo eedeysanaha. Sidoo kale qareenada difaacayey eedeysanaha oo dhankooda ka hor hadlay maxkamadda ayaa ka dalbaday in eedeysanaha loo qafiifiyo xukunka , iyadoo la eegayo qiraalkiisa. Intaasi ka dib garoosraha maxkamadda ayaa ku dhowaaqay xukunka kama dambeysta ah ee kiiska Maxamed Cabdi Dhoore, waxaana lagu riday xukun dhan shan sano xabsi ah iyo sidoo kale bixinta labo halaad oo maxkamadu sheegtay in ay noqonayaan dhiiga gabadha. Dhinaca kale ehellada gabadha yar ee dhibanaha ah ayaa soo dhoweeyey go’aanka ay maxkamadda ka gaartay kiiskan oo marxalado & doodo kala duwan soo maray. Si kastaba gobollada Galgaduud iyo Mudug ee Galmudug ayaa waxaa inta badan ka dhaca falal la xiriira kufsiga, waxaana kiiskan uu ka mid noqonayaa kuwa ay guuleysteen hay’adaha amniga iyo maxkamadaha ka jira deegaanada dowlad goboleedka Galmudug. The post Galmudug oo xukun adag ku ridday nin afduub iyo kufsi u geystay gabar lix sano jir ah appeared first on Caasimada Online.

(SLT-Dubai)-Dowladda Imaaraadka Carabta ayaa fulin weyday qoddob kamid ah heshiiskii madaarka Berbera ee ay kal hore kala saxeexdeen xukuumadda Somaliland, sida uu shaaciyey Mareeyaha hay’adda duulista iyo madaaradda Somaliland. Mareeye Cumar Sayid ayaa golaha wakiiladda Somaliland ka hor sheegay in heshiiskii madaarka Berbera ee ay la galeen dowladda Imaaraadka uu dhigayay inay Madaarka Berbera ka dhigtaan Saldhig, ayna sameeyaan madaar kale oo duulimaadyada diyaaradaha rayidka ah, kaasi oo aan fulin. Waxa uu sheegay in dowladda Imaaraadka Carabta ayna sameyn madaarkii ay kula heshiiyeen, kadib markii ay xukuumadda Somaliland ku wargelisay in uu ku batay dhaqaalihii Dekedda iyo kii Waddada Berbera. “Madaarka Berbera waxaynu heshiis ku galnay inuu Saldhig u noqdo dowladda Imaaraadka Carabta, qorshaha waxa ku jiray inay inoo sameeyaan Madaar kale, muddo markii wada-hadalkii socday iyaguna yidhaahdeen waxa nagu batay dhaqaalihii Dekedda iyo kii Waddada, waxa la isugu ururay in Madaarka Berbera ka Jabuuti sida uu yahay (oo kale laga dhigo) inuu Saldhiggiina noqdo, Somaliland-na ka isticmaasho wixii ay ugu baahato oo ah duulimaadyadii (Rayidka), keligiina maaha ee Madaarradu intaas oo ujeeddo ayay wada qaban karaan,” ayuu yidhi Cumar Sayid. Mareeyaha ayaa sidoo kale sheegay in qoddobkaas ka fuli waayey heshiiskii Madaarka Berbera ay heshiis ka gaadheen Imaaraadka iyo Somaliland, islamarkaana la isla qaatay in madaarka uu noqdo Saldhig ciidan iyo mid rayid. Si kastaba, Imaaraadka ayaa xidhiidh wanaagsan la leh xukuumadda Somaliland, ayada oo shirkadooda DP WORLD ay si buuxda gacanta ugu hayso dekedda Berbera, oo Somaliland u aheyd il dhaqaalo oo muhiim ah. Source

Hanti-dhawrka guud ee dowladda Puntland ayaa xannibaad saaray dhammaan AKoonnada Lacagta ee wasaaradda Waxbarashada Puntland. Warqad ka soo baxday Hanti-dhawrka guud ee Puntland Cabdirisaaq Cumar Faarax ayaa lagu xannibay dhammaan Akoonnada wasaaradda ilaa iyo amar dambe. Hnati-dhawrka ayaa sheegay in baaris ku socoto wasaaradda Waxbarashada Puntland waxaana shaqada laga joojiyay mas’uuliyiin ka tirsan wasaaraddaas oo lagu eedeeyay lunsasho hanti dadweyne. PUNTLAND POST The post Hanti-dhawrka Puntland oo xannibay akoonada Wasaaradda Waxbarashada appeared first on Puntland Post.

(SLT-Hargeysa)-Fadhigii Golaha Wakiillada Somaliland, ayaa imika si rasmi ah uga furmay Xarunta Golahaas Mudaneyaasha Golaha Wakiillada oo ansixiyey xeer-hoosaadka Golahaasi, oo ay maalmihii u dambeeyey ay ka doodayeen. 70 xildhibaan ayaa u codeeyey xeer-hoosaadka in la ansixiyo, waxa diiday 4 xildhibaan, guddoomiyuhu ma codayn, sidaas ayaanu ku ansaxay xeer-hosaadka Goluhu ku shaqayn doon. Source

(SLT-Hargeysa)-Agaasimaha Guud ee Wasaaradda Horumarinta Biyaha Somaliland Maxamed Xasan Dirir oo uu dhowaan shaqada ka hakiyey Wasiirka Wasaaradaasi Maxamed Muuse Diiriye kadib markii lagu eedeeyey inuu si khalad ah U, Copy gareeyey Shaanbadii Wasiirka ayaa haatan Markale ilo Xog ogaali ahi ay tibaaxayaan in lagu hayo lunsi hantiyeed kuwaas oo ay kamid yihiin (Dhaamam)iyo Mashaariic kale oo isugu jira Laptopyo, iyo 18 Bacood oo ah kuwa baliyadda la dhigo oo ay bixisay hay,ada WHH ee jarmalka Sidookale Agaasime Dirir ayaa la sheegay inuu isagu si gaar ah uu U,Qoondaystay Qaar kamid ah mashaariicda Kor Ku xusan oo weli Socda Waxaanay Xoguhu intaasi ku Darayaan in Agaasimuhu uu si khaas ah uqoondaystay inuu U,leex Sado Laba Bali biyood (Dhaam) kuwaas oo uu, uqorsheeyey inay uwaraabiyaan Beer weyn oo uu isagu iibsadey intii uu ahaa Agaasimaha Guud ee Wasaaraddaas labadan (Dhaam Biyood ) ayaa lasheegay inay Maal gelinaysey Haayad Turki ah islamarkaas na uu Qorshuhu ahaa, inay ka faa iidaystaan Dadka ku dhaqan Deegaanada Hoosyimaada Gobolka Hawd iyo Degmada Salaxley Xeer ilaalinta Guud iyo Haayaddaha kale ee ay khusayso Amuurtaasi ayaa lasheegay inay ku daba jiraan Eedaymaha kor ku Xusan ee lala Xidhiidhinaayo Masuulkan. Abdiqani Baylood Source

(SLT-Hargeysa)-Wasiirka Diinta iyo Awqaafta Somaliland, Sheekh Khaliil Cabdillaahi Axmed, ayaa ka codsaday, una soo jeediyey Maxkamadda Gobolka Maroodi-jeex in la cafiyo oo la sii daayo rag tiradooda lagu sheegay shan nin oo ku eedeysnaa in ay fidinayeen Diinta Kiristaanka. Warkan oo uu baahiyey Telefishanka Saab Tv, oo xiganayey qoraal uu sheegay inuu helay oo Wasiirka Diinta iyo awqaaftu u diray Maxkamadda Gobolka Maroodi-jeex, ayaa waxa uu u dhignaa sidan: “Saddex toddobaad ka hor ayey ahayd, markii Wasaaradda Diinta iyo awqaafta Somaliland ay qoraal u dirtay Maxkamadda Gobolka Maroodi-jeex, taas oo ay kaga codsatay in la cafiyo, xoriyadoodana loo soo celiyo shan nin oo ku eedeysnaa in ay ku biireen Diinta Kiristaanka, isla markaana bulshada ku dhex faafinayey. Warqadan oo uu ku saxeexan yahay Wasiirka Diinta iyo awqaafta Somaliland Sheekh Khaliil Cabdillaahi Axmed oo nuqul ka mid ah uu helay Telefishanka Saab Tv, ayaa u dhignayd sidan: “Guddoomiye waxa aan halkan ugu soo gudbinayaa warbixinta guddidii aan u magacaabay qancinta iyo kala xaajoodka xubnaha ku eedaysan in ay diinta Kiristaanka galeen amma faafiyeen oo kala ah shan xubnood, guddidaas oo aan shakhsi ahaan goob joog ka ahaa lix kulan oo aanu la yeelanay eedaysanayaasha iyo wada hadallo u badnaa qancin iyo dood, waxa guul noo ahayd in wada hadalladaasi ku dhamaadeen in ay qirteen Tawxiidka, kana toobad keeneen wixii ka dhacay, ee aanay u qastiyin in ay diinta kaga baxaan amma cid kale ka saaraan, sidaas ayeyna kaga toobad keeneen intii lagu tuhunsanaa in ay gaaloobeen amma cid gaalaysiiyeen. Sidaasi awgeed, waxaan soo jeedinayaa in la cafiyo, intii ay xidhnaayeena looga dhigo edbin, ishana lagu hayo dhaq-dhaqaaqooda.” Telefishanka Saab, waxa kale oo uu ku xusay warbixintiisan in aan la ogeyn in Maxkamadda Gobolka Maroodi-jeex aqbashay codsiga iyo soo jeedinta Wasiirka Diinta iyo awqaafta. Source

Nin hubeysnaa ayaa lagu dilay meel u dhow safaaradda Faransiiska ee dalka Tanzania kadib markii uu labo askari ku dilay israsaaseyn halkaas ka dhacday. Safaaradda Mareykanka ee Tansaaniya ayaa soo saartay digniin degdeg ah ka dib markii nin hubeysan lagu dilay agagaarka Buundada Salenda oo ka baxsan safaaradda Faransiiska ee dalkaas. Ninkan oo ku hubeysnaa qori AK 47 ah, ayaa wuxuu taagnaa bannaanka hore ee Safaaradda, isaga oo u muuqday qof hagaya gaadiidka wadada maraya. PUNTLAND POST The post Toogasho ka dhacday meel u dhow safaarada Faransiiska ee dalka Tanzania appeared first on Puntland Post.

Madaxweynihii hore ee dalka Chad Hissène habré, ayaa ku geeriyooday kadib muddo Todobaad ah oo uu la xanuunsanaa xanuunka Covid-19. Hissène ayaa Corona uu ku dhacay Isbuucii hore xilli uu ku jiray xabsi ku yaallo dalka Senagal kadib markii hogaamiyahaan maxkamad ay ku xukuntay Xabsi daa’in. 2016-kii ayaa maxkamadda ay ku xukuntay xabsi xilligaas oo lagu helay in uu dambiyo dagaal iyo dhac uu ka geystay dalka intii u dhaxeysay sanadihii 1982 ilaa 1990. Xilli uu maxkamadda ka soo hor muuqday ayuu beeniyaya Mr habré, dhamaan eedaha loosoo jeydiyay, isagoo maxkamadda ay si qasab ah xilligaas ku keenen ciidamada. Guddi baaritaan oo lagu sameeyay Chad kadib markii xilka laga tuuray 1990 -kii ayaa sheegay in dowladiisu ay fulisay ilaa 40,000 oo dilal siyaasadeed ah iyo 200,000 oo kiis oo jirdil ah siddeedii sano ee uu xukunka hayay. Hissène habré, ayaa dalka Chad maamulayay intii u dhaxeysay sanadihii 1982 illa iyo 1990-kii, waxa uuna hadda ku geeriyooday da’da 79 sano. Goobjoog News Source: goobjoog.com

Camaara (Caasimada Online) – Taliska ciidamada Mareykanka ee Africom ayaa faah faahin dheeraad ah ka bixiyey weerar dhanka cirka ah oo ay saacadihii lasoo dhaafay ka fuliyeen deegaanka Camaara oo dhaca koofurta gobolka Mudug ee bartamaha Soomaaliya. Warsaxaafadeed ka soo baxay Africom ayaa waxaa lagu sheegay inay haatan wadaan qiimeyn ku aadan khasaaraha rasmiga ah ee duqeyntaasi kasoo gaaray xoogaga kooxda Al-Shabaab oo iyaga oo lagula beegsaday, xilli ay weerar culus ku soo qaadeen deegaankaasi. Africom waxay sheegtay in weerarka uu ahaa mid is difaacid ah, isla-markaana ay qeyb ka ahaayeen ciidamada Xoogga dalka Soomaaliyeed. ”Isaga oo kaashanaya dowladda federaalka Soomaaliya, taliska Mareykanka ee Afrika ayaa qaaday weerar is-difaac ah oo wadajir ah oo ka dhan ah dagaalyahannada Al-Shabaab ee dagaalka kula jira saaxiibbadayada Soomaaliya agagaarka Camaara, Soomaaliya, 24-kii August,” ayaa lagu yiri qoraalka ka soo baxay taliska Mareykanka ee Qaaradda Africa. Sidoo kale Mareykanka ayaa shaaca ka qaaday inay ogyihiin in aysan wax khasaare ah soo gaarin dadka dayid ah, sidoo kalena ay sii wadi doonaan duqeymaha dhanka cirka ah oo ay la beegsanayaan dagaalyahanada kooxda Al-Shabaab ee ku sugan gudaha Soomaaliya. Shalay ayey aheyd markii uu dagaal culus ka dhacay deegaanka Camaara ee gobolka Mudug, kaas oo ka dhashay weerar ay Al-Shabaab ku qaaday saldhug ku yaalla halkaasi. Muddooyinkii lasoo dhaafay ayaa waxaa deegaanada ka socday dhaq-dhaqaaqyo ay si wadajir ah u wadaan ciidamada Xoogga dalka iyo kuwa Daraawiishta ee maamulkaasi. The post Mareykanka oo qiimeynaya khasaaraha Al-Shabaab kasoo gaaray duqeyntii Camaara appeared first on Caasimada Online.