Kabul (Caasimada Online) – Ugu yaraan 12 askari oo ka tirsan ciidamada Marines-ka Mareykanka ayaa ku dhintay labada qarax ee lala beegsaday garoonka diyaaradaha magaalada Kabul ee dalka Afghanistan, sida ay xaqiijiyeen saraakiisha militariga. Wararka ayaa sheegaya in tiro kale oo Mareykan ah lagu dhaawacay weerarka oo isgu jiray laba qarax iyo weerar toos ah oo uu fuliyey qof hubeysan. Mid ka mid ah qaraxyada ayaa waxaa fuliyey qof is-miidaamiyey oo soo xirtay jaakad walxaha qarxa lagu soo xiray, halka qaraxa labaad uu ahaa mid baabuur. Waxaa sidoo kale jiray rag hubeysan oo rasaas furayey. Sidoo kale 60 qof oo shacab Afghanistan ah ayaa ku dhintay, 200 oo kalena waa ku dhaawacmeen qaraxyada, oo ay fuliyeen dad is-miidaamiyey, sida uu sheegay mas’uul ka tirsan ururka Taalibaan. Dadka dhintay waxaa ku jira caruur. Mas’uulka ka tirsan Taalibaan ayaa sidoo kale sheegay in qaar ka mid ah ilaalada Taalibaan lagu dhaawacay weerarka. Qaar ka mid ah ciidamada ajnabiga ah ee garoonka jooga ayaa sidoo kale la sheegayaa inay ku dhaawacmeen. Banaanka garoonka diyaaradaha Kabul ayaa waxaa ku sugan kumanaan qof oo doonaya in galaan garoonka, si halkaas looga qaado oo loo geeyo dalalka Reer Galbeedka, ayaga oo ka cararaya kooxda Taalibaan. Weerarka ayaa waxaa loo badinayaa inay fulisay kooxda Daacish ee dalka Afghanistan oo dagaal uu kala dhaxeeyo Taalibaan. Saraakiisha Mareykanka iyo NATO ayaa dhowr saacadood un kahor sheegay inay heleen akhbaaraad sirdoon oo sheegaya in qarax is-miidaan ah la doonayey in lala beegsado garoonka. Khasaaraha qaraxyada ayaa la filayaa inay sii kordhaan. The post Askar Mareykan ah oo lagu laayey qaraxyada Kabul iyo wararkii ugu dambeeyey appeared first on Caasimada Online.

Camaara (Caasimada Online) – Dagaal-yahanada kooxda Al-Shabaab ayaa maanta dib u qabsaday deegaano dhowr ah oo ka mid ah gobolka Mudug, oo ay ka mid yihiin Bacaadweyne iyo Camaara. Xog ay heshay Caasimada Online ayaa sheegeysa in Al-Shabaab ay qabsashadan u suurta-gashay kadib markii deegaanadaas ay ka baxeen ciidamada dowladda Soomaaliya iyo kuwa daraawiishta Galmudug. Dadka deegaanka ayaa sheegaya in halkaas ay hadda ku sugan yihiin maleeshiyo badan oo aad u hubeysan oo kooxdan ka tirsan. Al-Shabaab ayaa war ay soo saartay ku sheegatay in deeganada ay qabsadeen aysan ku koobneyn oo kaliya Bacaadweyne iyo Camaara, balse ay sidoo kale la wareegeen gacan ku haynta deegaanada Qaycad, Shabeellow, Sabeena, Gowraca, Gaadaay iyo Laas Gacamaye. Deegaanada Bacaadweyne iyo Camaara ayaa toddobaadyadii tegay waxaa dagaallo dhowr ah ay ku dhexmareen ciidamada qaranka iyo maleeshiyada Al-Shabaab, ayada oo dhowr jeer gacan ku hayntooda ay ku kala wareegtay labada dhinac. Dagaalkii ugu dambeeyey ee ka dhacay Camaara Talaadadii, ayey dowladdu sheegtay in Al-Shabaab looga dilay 90 maleeshiyo oo duqeymo lala beegsaday, halka Al-Shabaab ay sheegatay inay ku qabsatay 14 baabuurta dagaalka ah, dhowr askarina ku dishay. Illaa iyo hadda ma jiro wax war ah oo kasoo baxay ciidamada dowladda iyo maamulka Galmudug oo la xiriira qabsashada Al-Shabaab ee Bacaadweyne iyo Camaara. The post DEG DEG: Al-Shabaab oo dib u qabsaday Camaara iyo Bacaadweyne iyo wararkii ugu dambeeyey appeared first on Caasimada Online.

Source

Qarax ayaa maanta oo Khamiisa ka dhacay afaafka hore ee garoonka diyaaradaha Hamid Karzai ee magaalada Kabul, halkaas oo kumanaan qof ay ku soo qulqulayeen iyagoo isku dayaya inay ka cararaan qabsashada Taliban ee Afghanistan. Qaraxa oo la sheegay in uu ahaa is-miidaamin waxaa xaqiijiyey afhayeenka Pentagon-ka Mareykanka John Kirby, welina lama oga khasaaraha rasmiga ah ee ka dhacay weerarkaas, balse warar laga soo xigtay saraakiil Taliban ah waxay sheegayaan in ugu yaraan ay ku dhinteen 11 qof, tiro kalena ay ku dhaawacmeen. Dagaalyahannada Taliban ayaa ilaalo ka hayey xayndaabka garoonka diyaaradaha Kabul, xiliga qaraxu dhacay. Wadamada reer Galbeedka ayaa maalmo ka hor ka digay weerar ka dhaca garoonka Kabul, iyagoo shacabka uga digay inay ka fogaadaan halkaas. 11 maalmood gudahood tan iyo markii Taliban qabsatay Kabul, Mareykanka iyo xulafadiisu waxay Kabul ka daadgureeyeen in ka badan 88,000 oo qof. Militariga Mareykanka ayaa sheegay in diyaaraduhu ay duulayaan qiyaastii 39 daqiiqo kasta. PUNTLAND POST The post Qarax ka dhacay garoonka diyaaradaha Kabul appeared first on Puntland Post.

(SLT-Kabul)-Kooxda Taalibaan ayaa weydiisatay Turkiga kaalmo farsamo si ay u maamulaan garoonka diyaaradaha ee Kabul kadib marka ay baxaan ciidamada shisheeye, laakiin Taalibaan ayaa ku adkaysaneysa in millatariga Ankara ay sidoo kale si buuxda uga baxaan Afghanistan dhammaadka bishan Ogosto. Sida laga soo xigtay laba sarkaal oo Tuki ah, codsiga ay shuruuddu ku xidhantahay ee Taalibaan ayaa imaanaya kadib markii ay dib ugu soo noqday awoodda Afgaanistaan 20 sanno kadib markii uu dhammaaday duulaankii Mareykanka, ayaa Ankara uga dhigeysa go’aan adag oo ku saabsan inay aqbasho shaqada halist ah, haddii aysan ciidankeedu Afghanistan sii joogi doonin. Dalka Muslimka ah ee Turkey ayaa qeyb ka ahaa hawlgalka NATO ee Afghanistan, walina waxaa garoonka diyaaradaha ee Kabul ku sugan boqolaal askari, waxaana saraakiishan ay sheegayaan inay diyaar u yihiin inay wakhti kooban uga baxaan Afghanistan. Laakiin xukuumadda Madaxweyne Tayyib Erdogan ayaa hore u sheegtay muddo bilo ah inay joogi karto garoonka haddii laga codsado, waxaana Turkigu uu kaalmo farsamo iyo mid amniba ku taageeray garoonka diyaaradaha kaddib markii Taalibaan ay gacanta ku dhigtay dalkaas. Source

Kabul (Caasimada Online) – Faah-faahin dheeraad ah ayaa kasoo baxeysa laba qarax oo waa weyn oo ka dhacay banaanka garoonka diyaaradaha Kabul ee dalka Afghanistan, halkaasi oo ay weli ku sugan yihiin ciidamada Mareykanka iyo NATO. Afhayeenka Wasaaradda Gaashaandhigga Mareykanka John Kirby ayaa sheegay in mid ka mid ah qaraxa uu ka dhacay albaabka Abbey Gate. Qaraxa labaad ayaa isna ka dhacay meel 200m u jirta isla albaabkaas. Ugu yaraan 13 qof ayaa ku geerriyootay, 30 kalena waa ay ku dhaawacmeen qaraxyada oo uu fuliyey qof is-miidaamiyey, sida uu sheegay mas’uul ka tirsan ururka Taalibaan. Dadka dhintay waxaa ku jira caruur. Mas’uulka ka tirsan Taalibaan ayaa sidoo kale sheegay in qaar ka mid ah ilaalada Taalibaan lagu dhaawacay weerarka. Qaar ka mid ah ciidamada ajnabiga ah ee garoonka jooga ayaa sidoo kale la sheegayaa inay ku dhaawacmeen. Sarkaal Mareykan ah ayaa sheegay in qaar ka mid ah askarta Mareykanka ay dhaawacmeen, inkasta oo uusan shaacin tirada rasmiga ah. Afhayeen u hadlay ciidamada Britain ayaa xaqiijiyey in ciidankooda uusan wax dhaawac ah soo gaarin. Banaanka garoonka ayaa waxaa ku sugan kumanaan qof oo doonaya in galaan garoonka, si halkaas looga qaado oo loo geeyo dalalka Reer Galbeedka, ayaga oo ka cararaya kooxda Taalibaan. Weerarka ayaa waxaa loo badinayaa inay fulisay kooxda Daacish ee dalka Afghanistan oo dagaal uu kala dhaxeeyo Taalibaan. Saraakiisha Mareykanka iyo NATO ayaa dhowr saacadood un kahor sheegay inay heleen akhbaaraad sirdoon oo sheegaya in qarax is-miidaan ah la doonayey in lala beegsado garoonka. Khasaaraha qaraxyada ayaa la filayaa inay sii kordhaan. The post DEG DEG: Qarax labaad oo ka dhacay garoonka Kabul iyo khasaaraha illaa hadda appeared first on Caasimada Online.

Muqdisho (Caasimada Online) – Kooxda Al-Shabaab ayaa sheegatay mas’uuliyadda dil xalay Muqdisho loogu geystay Nuur Cumar Shanlow, oo ahaa qof shacab ah balse ay kooxdu sheegtay inuu ka tirsanaa dowladda Soomaaliya. Dilka Nuur Cumar ayaa ka dhacay xaafadda Xoosh ee degmada Dharkenley, waxaana gaystay koox hubeysan oo goobta ka baxsatay kadib markii ay fuliyeen. Qoraal kasoo baxay Al-Shabaab, oo lagu sheegtay dilkan, ayey sidoo kale kooxda ku sheegtay in Nuur Cumar uu ahaa sarkaal ka tirsanaa ciidamada dowladda federaalka, gaar ahaan sirdoonka. Ma jirto cid xaqiijin karta inuu Nuur ahaa sirdoon, waxaana dadka xaafadda ay sheegeen inuu ahaa qof shacab ah. Xarakada Al-Shabaab ayaa inta badan shacabka ay dilalka qorsheysan ku fuliso ee Muqdisho ku sheegta inay yihiin sirdoon. Sidoo kale, saraakiisha amniga Soomaaliya weli kama aysan hadlin dilka marxuum Nuur Cumar Shanlow. Dilkan ayaa imanaya ayada oo bilihii dhowaa ay aad u yaraadeen dilalka qorsheysan ee Muqdisho, kadib markii ciidamada amniga ay sare u qaadeen howlgalladooda, sidoo kalena meelo badan oo magaalada ka mid ah laga howlgeliyey ciidan dhar cad ah oo ugaarsada Shabaabka. Waxaa horey u dhacday in xubno Al-Shabaab ah oo dil ka gaystay magaalada, isla goobta lagu toogto ama lagu qabto, taasi oo sare u qaaday cabsida Shabaabka, kadibna hoos u dhigtay dilalkii ay ka fulin jireen magaalada. The post Al-Shabaab oo war kasoo saartay dilkii Nuur Cumar ee Muqdisho ay ka fulisay appeared first on Caasimada Online.

Dagaal xooggan oo u dhexeeya laba malayshiya-beeleed ayaa galabta ka qarxay degaanka Mira-cawleed oo ka tirsan degmada Galinsoor ee Gobolka Galgaduud. Malayshiyaad hubaysan oo ka soo kala jeeda degmada Galinsoor iyo Dhabbad ayaa ku dagaallamaya degaanka Mira-cawleed sida laga soo xigtay Goob-joogayaal. Khasaare kala duwan ayaa ka dhashay dagaalka inkastoo aan weli faahfaahin sugan laga helin. Lama sheegin weli waxa uu ku salaysanyahay dagaalkaas u dhexeeya labada malayshiya-beeleed. PUNTLAND POST The post Dagaal beeleed culus oo ka socda nawaaxiga Galinsoor appeared first on Puntland Post.

PRESS RELEASE OPEC Secretary General sees 2021 as a Before and After Year, as Congo Takes Presidency of the Organization Energy transition in 2022 will likely take center stage in global conversations and discourse Access Multimedia Content BRAZZAVILLE, Congo (Republic of the), August 25, 2021/ — H.E. Mohammed Sanusi Barkindo, Secretary-General of the Organization of the Petroleum Exporting Countries (OPEC), addressed the future of OPEC yesterday at a press conference during a historic three-day OPEC and African Energy Chamber (AEC) visit to the Congo in the presence of H.E. Minister Bruno Jean-Richard Itoua, Minister of Hydrocarbons of the Republic of the Congo, which will take on the rotating presidency of OPEC in 2022. “This year will be a watershed year because it will serve as a link between the journey of OPEC in the last 60 years and the bridge to the next 60 years,” H.E. Barkindo stated, adding that “it will be the year when the world will focus once again on climate change post-COP26 in Glasgow this year. Therefore, energy transition in 2022 will likely take center stage in global conversations and discourse,” remarked the Secretary-General. The state delegation has held high-level meetings in Brazzaville over the last two days and is now in Pointe-Noire to conclude a visit to the Congo’s oil and gas capital. ECP is live covering AEC’s and OPEC’s historic visit to the Republic of Congo as it launches its own initiatives to promote the country’s energy sector. Distributed by APO Group on behalf of Energy Capital & Power. SOURCE Energy Capital & Power Qaran News

Ninka ka dambeeyay dilka saddex askari oo boolis ah iyo askari ilaalo ka ahaa meel u dhow safaaradda Faransiiska ee Dar es Salaam Arbacadii ayaa la sheegay inay walaalo ahaayeen nin hore uga tirsanaan jiray Al-Shabaab oo lagu dilay bartamaha Soomaaliya. Wararka ayaa sheegaya in ninkan uu ahaa soddon jir muddo ku jirey raadaarka booliska oo lagu raad joogay,waxaana magaciisa lagu sheegay sida ku qoran aqoonsigiisa Xamza Xasan Maxamed. Sida warku sheegayo Xamza ayaa ka yimid dalka Soomaaliya kadib markii walaalkiis oo Al-Shabaab u dagaallamayay lagu dilay Ceelbuur ee gobolka Galguduud ee bartamaha Soomaaliya. Qoyska Xamza oo ka kooban hooyadii iyo walaalkii ayaa ciidammada ammaanku ka xireen magaalo ku taal xadka u dhexeeya Tanzania iyo Zambia oo ay ku noolaayeen. PUNTLAND POST The post Ninkii fuliyay weerarkii Tanzania oo magaciisa la shaaciyay appeared first on Puntland Post.

Qeybta dalxiiska ee Bariga Afrika ayaa lumisay in ka badan $ 4.8 bilyan iyo 2 milyan oo shaqooyin ah sannadka 2020 iyada oo ay sababeen xannibaadaha COVID-19, sida lagu sheegay warbixin la sii daayay Arbacadii. Waaxda dalxiiska ayaa ku biirisa qiyaastii 10% Jaaliyadda Bariga Afrika (East African Community) dhinaca wax-soosaarka guud ee wadammada (GDP) waxayna u dhigantaa 17% dakhliga dhoofinta iyo qiyaastii 7% xagga shaqooyinka, marka loo eego xogta rasmiga ah. Warbixinta Golaha Ganacsiga Bariga Afrika (East African Business Council), oo ah urur ganacsiyo gaar ah ku leh gobolka, ayaa muujisay in 4.2 milyan oo dalxiisayaal ajnabi ah aysan awoodin inay u safraan goobaha dalxiiska ee Bariga Afrika. Ururka EAC ayaa bishii la soo dhaafay ansixiyay qorshe dib-u-soo-kabasho COVID-19 oo loogu talagalay dalxiiska kaas oo doonaya in dib loo soo nooleeyo waaxda iyada oo la hubinayo in lixda dal ee xubnaha ka ah-Kenya, Uganda, Rwanda, Tanzania, Burundi iyo Koonfurta Suudaan-ay qaataan hab wadajir ah oo isku duuban dhanka soo kabashada dalxiiska. PUNTLAND POST The post Waaxda dalxiiska bariga Afrika oo khasaare la kulantay appeared first on Puntland Post.

Wax ka qabashada macluusha, dib u dhiska kaabayaasha dhaqaalaha, taageerada hay’adaha dowladda iyo gargaarka bini aadanimo ee Turkigu u fudiyay Soomaaliya ayaa laga xusay Muqdisho iyo Ankar 10 sano ka dib markii Turkigu ku soo biiray Soomaaliya. Turkiga iyo Soomaaliya ayaa u dabaal dagay xiriirkooda soo koraya oo ka billowday booqashadii taariikhiga eheyd ee Madaxweynaha Turkiga Recep Tayyib Erdogan uu ku yimid Muqdisho oo ay dagaalladu aafeeyeen toban sano ka hor bishaan oo kale. Si loo xuso taariikhdan, Ankara iyo Muqdisho waxay ku dhawaaqeen in ay sannad walba u dabaaldegi doonaan maalinta “Somali-Turkey” oo ku beegan 19-ka bisha Ogoosto, oo ah maalintii ay diyaaradaha Turkigu, ay soo caga dhigteen Aadan Cade International Airport. Sannadkii 2011 waxa uu ka mid ahaa sanadihii ugu adkaa ee soomara Soomaaliya .waxaa markaas u buuxsamay Soomaaliya 20 sano oo dagaal sokeeye ah, qabqablayaal qabiil, siyaasiyiin iska soo horjeeda iyo Al Shabaab oo ladagaalamaysa maamulka, haddana abaar aad u ba’an aya ku dhufatay bada iyo biriga. Iskusoo wada duuboo, dadka rayidka ah ee aan waxba galabsan ayaa bixiyay qiimaha ugu dambeeya ee ku tumashada sharciga iyo wax -ka -qabad la’aanta deg -degga ah ee gargaarka bani’aadamnimada. Xataa heerkii gaajada, sawirrada carruurta gaajaysan kuma qancin jilayaasha reer Galbeedka in ay gacan ka geystaan sidii tallaabo loo qaadi lahaa. Waxay joojiyeen gargaarkii, iyagoo ku andacoonaya in uu gacanta u geli karo Al Shabaab waxayna uga tageen ku dhawaad rubuc-milyan oo qof oo badhkood ay carruur yihiin- in ay dhintaan! Soomaaliya oo ku dhexjirtay dagaal sokeeye iyo macaluul, ayaa aduunku u arkay meel aan la tegi karin. Haa waa markii uu Turkigu soo galay. Booqasho taariikhi ah, Erdogan oo ay weheliyaan wasiirradiisa, mas’uuliyiinta gobolka iyo diyaarado gargaar bani’aadamnimo ah ayaa ka soo degay Muqdisho bishii Ogosto 2011, waana hoggaamiyihii ugu horreeyay ee aan Afrikaan ahayn ee sidaas sameeya ku dhawaad ​​labaatan sano. “Musiibada halkan ka socota waxay tijaabo u tahay ilbaxnimada”, ayuu yiri Erdogan kadib markii uu booqday xeryaha ay qaxootigu buux dhaafiyey iyo isbitaallada burbursan ee Muqdisho. Booqashadan ayaa dhalisay ololihii bani’aadamnimo ee ugu weynaa ee soo mara taariikhda Turkiga. Laba bilood gudahood, deeqaha dadweynaha iyo dhaqaalaha gobolka oo la isku daray waxay gaareen 300 milyan oo doolar. Ankara ayaa sidoo kale abaabushay kulan deg deg ah oo Ururka Iskaashiga Islaamka (OIC) waxayna ku qanciyeen wadamada xubnaha ka ah inay urursadaan 350 milyan oo doolar si loogu sameeyo gargaar bini aadanimo. In kasta oo boqolaal shaqaale gargaar Turki ah, dhakhaatiir iyo mas’uuliyiin kale ay u imaanayeen Muqdisho si ay u dhisaan isbitaallo, hoy, gargaar caafimaad iyo raashin ah oo ay gaarsiiyaan dadka barokacay, Turkish Airlines waxay noqotay diyaaraddii ugu horreysay oo caalami ah oo duulimaad toos ah ka bilowda Soomaaliya muddo ka badan labaatan sano. Danjiraha Turkiga ee Soomaaliya Mehmet Yilmaz ayaa sheegay in faragelintaasi ay indhaha caalamka ku soo jeedisay xaaladda Soomaaliya. “Kaddib faragelintii Turkiga, inta badan ururadii caalamiga ahaa iyo ergooyinkii diblomaasiyadeed ayaa bilaabay inay ka howlgalaan Soomaaliya” ayuu yiri Yilmaz. Gargaarka bani’aadamnimo ee Turkigu waa uu sii socday xitaa ka dib markii Qaramada Midoobay ay ku dhawaaqday in macluushii dhammaatay 2012. Isla sannadkaas, Soomaaliya waxay ahayd dalka labaad ee ugu badan ee helay gargaarka degdegga ah iyo kan shanaad ee ugu weyn ee guud ahaan gargaarka ka helay Turkiga. Xulufada Turkiga ayaa ka soo horjeesatay “aragtida adduunka ee ah in dalka Afrika uu yahay goob aan la tegi karin oo lagu garto argagaxiso, rabshado, fowdada iyo faqriga”, ayuu yiri Abdinor Dahir, oo ah falanqeeye siyaasadeed oo wax ka dhiga Jaamacadda Oxford. Maaddaama kaalmada Ankara “ay dib uga soo noolaysay Soomaali badan geeri ku dhow”, waxay sidoo kale gacan ka geysatay dib-u-dhiska awoodda dowladnimada wadanka oo dagaallo halakeeyeen. Baarlamaankii ugu horreeyay ee rasmi ah muddo ka badan 20 sano ayaa la dhaariyay waxayna xildhibaannadu doorteen madaxweyne cusub doorashadii ugu horreysay ee madaxweynenimo ee ka dhacda Soomaaliya tan iyo 1967 -kii. Gargaarka degdegga ah ilaa hannaanka dawlad-dhisidda. Markii la baajiyay saameynta abaartii ba’nayd, Ankara waxay ogaatay in gargaarka degdegga ah kaligiis uusan keeni karin horumar iyo xasilooni waarta. Sidaa darteed, Turkigu wuxuu ballaariyey hawlgalkiisa, isaga oo qaaday hawlo ballaaran oo isugu jira mashaariic bani’aadamnimo, gargaar horumarineed iyo dawlad-dhisida Soomaaliya oo waqti dheer burbursaneed. Dhibaatooyinka soo noqnoqonaya laguma xallin karo gargaar degdeg ah oo keliya, ayuu yiri Mehmet Yilmaz, safiirka Turkiga ee Soomaaliya. “Dawlad-dhisidda iyo horumar waara ayaa ah xalka muddada fog si looga hortago dhibaatooyinka in ay dib u soo noqdaan. Aasaasidda iyo joogtaynta awoodda dawladda waxaa suurtogal ah oo keliya marka la helo qalab ammaan oo xooggan. Sidaa darteed, waxaan mudnaan siinnay fikradahaas, ”ayuu Yilmaz u sheegay TRT World. Tan iyo markaas, iyada oo hay’adaha dawladda Turkiga iyo kuwa aan dawliga ahayn ay Soomaaliya ka wadeen qaybinta gargaarka, Turkigu wuxuu beddelay caasimadda isagoo bilaabay mashaariic waaweyn oo kaabayaal ah, oo ay ku jiraan waddooyin caasimadda, dugsiyo, isbitaallo iyo hay’ado dawli ah iyo dhismaha xarunta baarlamaanka. Iyadoo Soomaaliya ay mudnaanta sare siisay siyaasadda arrimaha dibadda ee Turkiga, Ankara waxay ka dhistay caasimadda Soomaaliya safaaradda ugu weyn ee Turkiga. Shirkadaha Turkiga waxay dib u dhis ku sameeyeen dekedda Muqdisho, gegida dayuuradaha waxayna sugeen qandaraasyo lagu maamulayo laguna dayactirayo labadaba oo ah ilaha dhaqaalaha ee ugu waaweyn dalka. “Waxa kaliya ee ay Ankara saxday ayaa ah in dib -u -habeynta diblomaasiyadda bani’aadamnimada loo beddelo hawlgal laba geesood leh oo leh saameyn dhinacyo badan leh. Habkani wuxuu tilmaamayaa baahida loo qabo in la dhiso awoodda dawladnimada Soomaaliya si loo bixiyo adeegyada qaybaha caafimaadka, waxbarashada iyo amniga, ”Dr Mohammed Ibrahim Shire, oo bare sare ka ah Portsmouth ayaa u sheegay TRT World. Aragtida dadweynaha ee gargaarka Turkiga, waxa uu wax weyn ka beddelay muwaadiniin badan oo Soomaaliyeed oo aan helin adeegyo dowladeed tan iyo burburkii dowladdii 1991 –kii ayuu ku dooday Dr Shire. Isbeddel lagu sameeyo ciidanka milateriga Soomaaliya. Intii uu dagaalku socday, Turkigu wuxuu ballanqaaday inuu kor u qaadayo awoodda ciidammada Xoogga Dalka Soomaaliyeed oo aan tabar lahayn oo muddo dheerna u halgamay sidii ay ula dagaallami lahaayeen Al Shabab iyaga oo wajahaya diyacaad xooggan oo uu wehliyo musuq maasuq baahsan. Ankara waxay hadda ku tababaraysaa kumanaan ciidan milateri iyo boolis gaar ah Xerada TurkSom, oo ah saldhigga milatari ee ugu weyn Turkiga ee dibadaha oo laga furay Muqdisho 2017. Ciidamada sida gaarka ah u tababaran ee Soomaaliya oo lagu magacaabo Gorgor (The Eagles) Commando Brigade ayaa tababarkii ugu horeeyey ku qaatay TurkSom kadibna waxay ka diiwaangashan yihiin barnaamijyada tababarka kumaandooska magaalada Isparta ee koonfur -galbeed Turkiga. Ankara waxa doonaysaa in ay tababarto saddex meelood meel ciidamada qaranka Soomaaliya. Ciidamada Gorgor ee uu Turkigu tababaray ayaa muujiyay kartidooda wax-ku-oolka ah markii ay qabsadeen magaalo Jannaale sannadkii hore, oo ahaan jirtay saldhiga hawlgallada Al Shabab, sida uu qabo Dr Ibraahim Shire. “Doorka Turkiga ee dib-u-dhiska hay’adaha amniga ee Soomaaliya kuma koobna oo keliya ujeeddada dhow ee ah in la qaado hawlgallo liddi ku ah Al-shabaab laakiin wuxuu salka ku hayaa baahida loo qabo in Soomaaliya ay gaarto isku-filnaansho xagga amniga si loo yareeyo joogitaanka ciidamada shisheeye ”, ayuu yiri. Turkigu wuxuu sidoo kale lacag caddaan ah ku taageeraa dhaqaalaha Soomaaliya. Bishii Nofembar ee la soo dhaafay, Turkiga ayaa ku dhawaad 3.4 milyan oo doollar oo deynta Soomaaliya ah ka siiyey Sanduuqa Lacagta Adduunka. Ankara ayaa bishan ku dhawaaqday $ 30 milyan oo si toos ah ugu deeqday Soomaaliya taas oo bil walba la bixin doono 2.5 milyan oo doolar. Xiriirrada ayaa aad isugu soo dhawaaday sanadihii la soo dhaafay sidaa darteed Wasiirka Caddaaladda Soomaaliya oo waxbartay ee Turkiga Cabdulqaadir Muxamed Nuur ayaa ku kaftamay “been ma aha in la yiraahdo Turkigu wuxuu noqday luuqadda labaad ee Soomaaliya”. Toban sano ka dib, yaa helay maxaa la helay Booqashadii taariikhiga ahayd ee Erdogan ee Soomaaliya waxay astaan sare u ahayd Turkiga, sidoo kale. Waxay timid xilli Ankara ay isu soo bandhigayso in ay tahay dowlad awood leh oo saamayn ku leh gobolka. Erdogan, intii uu booqashada ku guda jiray, wuxuu ku dhaliilay waddamada reer Galbeedka ina y ku guul -darreysteen wax u qabashada shacabka Soomaaliya wuxuuna hoggaamiyay olole laga sameeyay Turkey oo dhan lagu taageerayo ‘walaalaha muslimiinta’ inta lagu guda jiro bisha barakaysan ee Ramadaan. Iyada oo gargaarkii Turkigu si joogto ah u soo gaarayay Soomaaliya isaga oo xambaarsan farriimo midnimo islaami ah, dalka Afrika ayaa sannadihii la soo dhaafay noqday rukunka Turkiga iyaga oo adeegsanaya waxa loogu magac daray “Qaabka Turkiga” oo ah isku dara maamulka dimuqraadiyadda iyo qiyamka Islaamka oo leh qorshayaal horumarineed iyo hiigsi . Ka -qeybgalka Soomaaliya ayaa sidoo kale saameyn weyn ku yeeshay sumcadda Turkiga ee qaaradda Afrika. “Soomaaliya waxay noqotay albaabka Turkiga ee Afrikada Saxaraha ka hooseysa, taasoo fursado cusub u abuureysa siyaasadda arrimaha dibadda ee Ankara ee gobolka, waxayna sare u qaadeysaa maqaamkeeda jilaa caalami ah”, ayuu yiri Daahir. Xagga ganacsiga, dhoofinta Turkiga ee Soomaaliya waxay gaartay in ka badan 200 milyan oo doollar sannadkii hore iyada oo shirkado Turki ah ay dalka geliyeen $ 100 milyan. kaalmada Turkigu waxay gacan ka geysatay ka hortagga macaluusha ee Soomaaliya, sidoo kale waxay si weyn gacan uga geysatay geeddi-socodkii dawlad dhisidda Soomaaliya colaada ka dib. Turkiga, si ka duwan jilayaasha reer Galbeedka, kuma xiro shuruudo barnaamijyada horumarineed ee Soomaaliya. Dhinacaas, Daahir wuxuu yiri, oo ay weheliso dabeecadda jireed ee xiriirka deeq-bixiye-yaasha iyo ka mid noqoshada mashaariicda ayaa ka dhigaysa saameynta Turkiga ee Soomaaliya mid wax ku ool ah, saamayn leh oo la isku haleyn karo. Saamaynta sii kordhaysa ee Turkigu ku leeyahay Soomaaliya waxay qayb ka tahay siyaasadda jilicsan ee Ankara ku wajahayso Bariga Afrika. Turkiga ayaa wanaajiyay xiriirkii uu la lahaa quwadaha gobolka sida Itoobiya iyo Kenya oo labaduba dano ka leh Soomaaliya kana qeyb qaatay dagaalka ka dhanka ah Al Shabab. Xitaa marka ay ugu sarreyso murannada gobolka, Ankara waxay maamushaa cirifyada gobolka. Dhawaan, iyada oo Muqdisho iyo Nairobi ay xiriirka isku jareen muranka badda ee socda awgeed, Kenya waxay 118 baabuur dagaal oo hubaysan oo lagu magacaabo ‘Xizir’ ka dalbatay soo -saaraha Turkiga ee Katmerciler. Itoobiya gudaheeda, Ankara waxay mudnaan siineysaa iskaashiga dhaqaale maadaama ay tahay tan labaad ee ugu weyn ee maalgashade shisheeye ku leh dalka ka dib Shiinaha oo leh ku dhawaad 200 oo shirkadood oo Turki ah. Caqabadaha Joogtada Ah Taageerada Turkiga ee dowladda Soomaaliya ayaa ka careysiisay Al Shabab iyadoo kooxdu ay sannado badan weerarro ku qaadaysay injineerada, shaqaalaha, safaaradda Turkiga iyo saldhigga ciidamada. Sidaa darteed, kooxdu waxay weli tahay halista ugu weyn ee hay’adaha Turkiga ee dalka. “Caqabad kale waxay ahayd nuglaanta dowladnimada Soomaaliya iyo xasillooni -darrada siyaasadeed ee ka dhalatay… laakiin illaa hadda Ankara waxay dhex -dhexaad ka tahay siyaasadda gudaha ee Soomaaliya oo inta badan qasan”, ayuu yiri Daahir. Si kastaba ha ahaatee, kala fogaanshaha qotada dheer ee siyaasadda Soomaaliya ayaa caqabad ku noqon karta mowqifka dhexdhexaadnimada ee Turkiga. Horraantii sannadkan, markii uu dalku galay qalalaase siyaasadeed oo ku saabsan muddo-kordhinta madaxweynaha, xubnaha mucaaradka ayaa bartilmaameedsaday Ankara, iyagoo ku andacoonaya in ciidammada Turkiga tababaray loo adeegsaday in lagu caburiyo mudaaharaadyada. Wasiirka arrimaha dibedda ee Turkiga oo ka jawaabaya, isagoo xusuusinaya in ciidamadu ay mas’uul ka yihiin dowladda Soomaaliya, ayaa sheegay in Ankara lagu soo rogay khilaaf siyaasadeed oo gudaha ah laakiin ay sii wadi doonto taageeridda daacadnimada Soomaaliya. Si kastaba ha ahaatee, caqabadaha gudaha ee Turkiga ayaa laga yaabaa inay caqabad ku noqdaan kororka hamiga ah ee Ankara ee Bariga Afrika kaas oo lagu saleeyay koboc dhaqaale oo cajiib ah. Falanqeeyayaasha ayaa sheegaya in xasilooni darrada ka jirta dalka deriska la ah ee Siiriya, hoos u dhaca dhaqaale ee socda iyo xiisadda lacagta ayaa laga yaabaa inay xaddiddo baaxadda siyaasadda arrimaha dibadda ee Turkiga ee gobolka. Source: TRT World Waxaa turjumay: Mowlid Mo’allim Adam The post 10 sano kadib, saddex waxyaabood oo uu Turkiga kusoo kordhiyey Soomaaliya appeared first on Caasimada Online.

War-saxaafadeed ka soo baxay Fadhigii 78aad Ee Golaha Wasiirrada Somaliland Halkan hoose ka Daawo Muqaalka Warka:- Fadhigii 78-aad golaha wasiirrada Jamhuuriyadda Somaliland oo uu shir-guddoominayey madaxweynaha Somaliland, Mudane Muuse Biixi Cabdi, kuna wehelinayey madaxweyne-ku-xigeenku, Mudane Cabdiraxmaan Cabdilaahi Ismaaciil (Saylici), ayaa warbiximo lagaga dhegeystay wasiirrada wassaaaradaha, Arrimaha Gudaha iyo horumarinta maaliyadda. Ugu horrayna waxa warbixin laga dhegeystay wasiirka Arrimaha gudaha mudane Maxamed Kaahin Axmed oo golaha xog ka siiyey nabadgelyada guud ee dalka iyo dedaallada ay ciidamadu ugu jiraan ka hortagga arrimaha la xidhiidha sugidda amniga iyo la dagaallanka mukhaadaraadka. Sidoo kale wasiirku waxa uu golaha la wadaagay in la sii xoojiyey la socodka arrmaha ka socda mandaqada Geeska Afrika. Waxa isna golaha warbixin la xidhiidha nidaamka iyo habraaca miisaaniyad sannadeedka 2022 golaha la wadaagay wasiirka horumarinta maaliyadda Dr. Sacad Cali Shire, dood iyo falanqayn dheer ka dibna waxa xubnaha golaha wasiirradu u soo jeediyeen wasiirka talooyin la xidhiidha miisaaniyadda qaranka Somaliland. Ugu danbayntiina wasiirka oo ku guda jira sharraxaada miisaaniyad sannadeedka ayaa xusay in sannadkan boqolkiiba labaatan (20%) la kordhin doono mushaharka dhammaan ciidamada qalabka sida. Qaran News

Qaran News

Qaran News

Kabul (Caasimada Online) – Kooxda Taalibaan ayaa weydiisatay Turkiga kaalmo farsamo si ay u maamulaan garoonka diyaaradaha ee Kabul kadib marka ay baxaan ciidamada shisheeye, laakiin Taalibaan ayaa ku adkaysaneysa in milatariga Ankara ay sidoo kale si buuxda uga baxaan Afghanistan dhammaadka bishan August. Sida laga soo xigtay laba sarkaal oo Turkish ah, codsiga ay shuruuddu ku xirantahay ee Taalibaan oo imanaya kadib markii ay dib ula wareegtay xukunka Afghanistan 20 sano kadib markii uu dhammaaday duulaankii Mareykanka, ayaa Ankara uga dhigan qaadashada go’aan adag oo ku saabsan inay aqbasho shaqadan halist ah, haddii aysan ciidankeedu Afghanistan sii joogi doonin. Turkey ayaa qeyb ka ahaa hawlgalka NATO ee Afghanistan, walina waxaa garoonka diyaaradaha ee Kabul ku sugan boqolaal askari, balse saraakiisha ayaa sheegaya inay diyaar u yihiin inay wakhti kooban uga baxaan Afghanistan. Laakiin xukuumadda Madaxweyne Tayyib Erdogan ayaa hore u sheegtay muddo bilo ah inay joogi karto garoonka haddii laga codsado, waxaana Turkigu uu kaalmo farsamo iyo mid amniba ku taageeray garoonka diyaaradaha kadib markii Taalibaan ay gacanta ku dhigtay dalkaas. “Taalibaan waxay codsatay taageero farsamo si ay u maamulaan garoonka diyaaradaha ee Kabul,” ayuu yiri sarkaal sare oo Turkish ah, isagoo raaciyay “Si kastaba ha ahaatee in Taalibaan ay dalbato in dhammaan ciidamada Turkiga ay baxaan waxay adkayn doontaa hawl kasta oo fulin u baahan” Ma cadda in Turkigu oggolaan doono inuu bixiyo kaalmo farsamo haddii aysan ciidamadoodu halkaas u joogin si ay u sugaan ammaanka. Turkiga ayaa ammaanay waxa ay ku tilmaameen hadallada dhex-dhexaadka ah ee Taalibaan tan iyo markii ay qabsadeen Kabul, waxayna sheegeen inay u furan tahay inay la shaqeyso marka dowlad cusub la dhiso. Afhayeenka Taalibaan Zabihullah Mujahid ayaa Talaadadii sheegay in kooxdu ay xiriir wanaagsan la yeelatay Ankara. REUTERS + VOA The post Taalibaan oo TURKEY u gudbisay codsi la xiriira garoonka diyaaradaha Kabul appeared first on Caasimada Online.

Addis Ababa (Caasimada Online) – Waxaa maalintii labaad oo xiriir ah galay dagaalka u dhaxeeyo Soomaalida iyo Canfarta oo ka socdo deegaano ku yaal Galbeedka Gobolka City. Wararkii ugu dambeeyey ee laga helayo dagaalka ayaa sheegayo in kuwa Soomaalida ay guul weyn ka gaareyn dagaalka isla markaasna ay isku fidiyeen deegaano hor leh. Deegaanada ay ciidamada Soomaalida isku fidiyeen ayaa kala ah Roto, Tarayna, ilaa Birta-dheer, kuwaas oo waxyar u jira magaalada Cadayti oo ay ku xoogan yihiin kuwa Canfarta, waxaana dagaalka ka dhashay khasaaro xoog leh oo isugu jira dhimasho iyo dhaawac. Inta la xaqiijiyey dagaalka ayaa waxaa ku dhintay in ka badan 15 qof halka uu dhaawaca kor u dhaafayo illaa 40 sida ay xaqiijiyeen saraakiil dhinaca caafimaadka ah. Laba dhinac ee dagaalka u dhaxeeyo ayaa waxaa soo kala gaaray gurmad xoog leh, waxayna ciidamada dagaalamayo u badan yihiin xoolo dhaqato iyo Beeraley. Dagaaladaan ka socda meelo kamid ah dowlad degaanka ayaa waxaa ay ka dambeeyeen kadib markii maleeshiyaadka Canfarta ay weerareen Shacab Soomaali ah oo degaanadooda ku sugan. Dowladda Itoobiya weli kama aysan hadlin dagaalka galay maalintii labaad, waxayna dowladda Federaalka culeyskeeda dhan isugu geysay dagaalka ay kula jirto jabhadda Tigreyga ee TPLF oo kusoo wajahan Magaalada Addis Ababa. Wixii warar ah ee kusoo kordha waxaad kaga bogan doontaan wararkeena dambe inshaa Allah. The post Wararkii ugu dambeeyey ee ciidamada Soomaalida oo degaano ka qabsaday Cafarta appeared first on Caasimada Online.

Warbixintan oo muuqaal ah halkan ka daawo Muqdisho (Caasimada Online) – Waxaa sii xoogeysanaya tuhunka ku aadan in Ra’iisul Wasaare Maxamed Xuseen Rooble uu doonayo inuu isku sharxo xilka madaxweynaha Soomaaliya ee doorashada la qorsheeyey 10-ka October. Rooble ayaa dhowr mar sheegay inuusan aheyn musharax, hase yeeshee tallaabooyin uu qaaday dhowaanahan ayaa sare u qaaday warar maalmihii ugu dambeeyey laga soo xigtay xubno ku dhow. Waxaa ugu dambeysa habraacii doorashada oo ay isku raaceen isaga iyo madaxda maamul goboleedyada, oo awoodda maamulka doorashada siiyey madax goboleedyada, halka uu Rooble-na gacanta ku dhigay maamulka doorashada xildhibaanada waqooyi iyo kuwa Banaadiriga. Ra’iisul Wasaaraha ayaa sidoo kale bilihii ugu dambeeyey aad u dhisayey xiriirkiisa arrimaha dibedda, si uu magaciisa sare ugu qaado una eego suurta-galnimada ah inuu taageeri heli karo. Wuxuu boqoday Sacuudiga, UK, Masar iyo Kenya, waxaana la filayaa inuu amr kale ku laabto Sacuudiga, iyo suurta-galnimada ah inuu tago Imaaraadka Carabta. Xog ay heshay Caasimada Online ayaa sheegeysa in hamiga Rooble ee sare usii kacaya ay ugu wacan tahay cadaadis kaga imanaya beeshiisa Habargidir, gaar ahaan Sacad, iyo xubno ka tirsan beesha caalamka. Marka la eego sida looga niyad jabay hoggaaminta Farmaajo, iyo musharaxiinta mucaaradka oo la filayo inay isku jabaan, kalan qeybsadaaan codadka inta diidan Farmaajo, ayaa beesha Rooble waxaa lagu warramaya inay rumeysan tahay inuu yahay fursadda kale ee ay xilkan ku heli karaan, ayada oo musharaxiinta kale ay beesha aysan haysan wax fursad ah oo muuqda. Sidoo kale, wakiilo ka tirsan beesha caalamka ayaa lagu warramay in sababta ay Rooble ugu cadaadinayaan inuu xilkan raadiyo ay tahay inay ku jebiyaan madaxweyne Farmaajo, oo ay rumeysan yihiin in haddii dib loo doorta ay ka dhigan tahay in Soomaaliya ay galeyso dagaal sokeeye. “Wakiilada caalamka waa ogyihiin in Rooble uusan rajo laheyn, hase yeeshee waxay is-sharaxaaddiisa u arkaan inay dhaawac weyn ku tahay Farmaajo,” waxaa sidaas Caasimada Online u sheegay xildhibaan codsaday inaan la magacaabin. Ra’iisul Wasaare Rooble ayaa dhankiisana la rumeysan yahay in cadaadisyadan ay ku dhaliyeen in haddii uu si wanaagsan uu hago doorashada xildhibaanada, soona celiyo xiriirka dalalkii saaxiibka la ahaa Soomaaliya ee uu gooyey Farmaajo, inay gacan weyn siin karto. Si kastaba, musharaxnimo kasta oo uu Rooble ku dhowaaqo, haddiiba ay uu sidaas go’aansado, waxay iman doontaa oo kaliya marka lasoo geba-gebeeyo doorashada xildhibaanada ama lagu dhowaado. The post Xog: Musharaxnimada R/W ROOBLE oo dhab ku dhow appeared first on Caasimada Online.

Wararka naga soo gaarayo magaalada Dhuusamareeb ee caasimadda dowald gobaleedka Galmudug ayaa sheegaya in Askari ka tirsan ciidamada Booliiska lagu dilay gudaha Magaalada. Dilka Askariga ayaa la sheegay in uu ka dambeyay Askari ay shaqo iskula jireen, kaasi oo la sheegay in muran soo kala dhex galay labada Askari uu mid ka mid ah kan kale dil u geysto. Xilliga dilka uu dhacayey ayaa Marxuumka la dilay oo lagu magacaabi jiray Cumar Ballicad, waxa uu ku jiray shaqadiisa maalinlaha ah. Dhanka kale Askariga dilka geystay ayaa la sheegay in uu isaga baxsaday goobta uu falka ka dhacay, ciidamada Booliiska dowlad gobaleedka Galmudug ayaa illa iyo hadda dhankooda ku guda jira baadi goobka Askariga. Goobjoog News Source: goobjoog.com

Turkey has donated another eight Kirpi armoured personnel carriers to Somalia along with 14 Aktan military trucks. The vehicles were handed over to the Somali National Army in mid-August, the Turkish embassy announced, and received by General Odowaa Yusuf Rage, head of the Somali National Armed Forces. The vehicles will be used by Somalia’s elite Gorgor Commandos in the fight against al-Shabaab. At the same time as the vehicle delivery, Turkey announced that the 15th batch of the Haramcad Special Police Forces completed their training at the TURKSOM Military Training Centre. Haramcad forces are trained by Turkey’s Police Special Forces trainers. Turkey donated 12 Kirpi APCs to Somalia in August 2020, along with 12 Mitsubishi Triton pickup trucks, fitted with pintle mounts for machineguns. The Turkish Embassy in Somalia said at the time that the Kirpi is the first fully armoured vehicle to be owned by the Somali National Army. The Kirpi (Hedgehog) is manufactured by Turkey’s BMC and is in service with the Turkish armed forces – it has also been supplied to Libya’s Government of National Accord and ordered by Tunisia. It is based on the Israeli Hatehof (Carmor) Navigator protected vehicle. Ten soldiers and three crew can be carried. A V-shaped hull provides protection against landmines, while the armoured hull provides ballistic protection to STANAG 4569 Level 3. According to BMC, the Kirpi has a top speed of 100 km/h, range of 800 km and is powered by a Cummins diesel engine delivering 375 horsepower. Gross weight is 19 tonnes. Turkey has been a major source of aid to Somalia following a famine in 2011 as Ankara seeks to increase its influence in the Horn of Africa to counter Gulf rivals like Saudi Arabia and the United Arab Emirates. Turkish engineers are helping build roads in Somalia, and Turkish officers have trained Somali soldiers as part of efforts to build up the country’s army. Turkey has trained around a third of Somalia’s military. In September 2017, Turkey opened its biggest overseas military base in Somalia’s capital, cementing its ties with the volatile but strategic Muslim nation and building a presence in East Africa. At the time Turkey said more than 10 000 Somali soldiers would be trained by Turkish officers at the $50 million base. Turkey is also providing Somalia with training support and equipment to establish the country’s navy and coast guard. Source: Defence Web The post Turkey donates more Kirpi APCs to Somalia appeared first on Puntland Post.

MOGADISHU (HOL) - The man behind the killing of three police officers and a security gurad near the French embassy in Dar es Salaam Wednesday is the brother of a former Al-Shabaab operative who was killed a while back in central Somalia, HOL can authoritatively reveal. Source: Hiiraan Online

Muqdisho (Caasimada Online) – Odayaasha dhaqanka Soomaaliyeed ee rasmiga ah isla markaasna soo dhisay dowladda Federaalka Soomaaliya ayaa si weyn uga hor yimid habraacii doorashada Golaha Shacabka oo ay soo sareen madaxda Maamul Goboleedyada iyo Ra’iisul Wasaare Maxamed Xuseen Rooble. Qoraal kasoo baxay odayaasha dhaqanka ayaa lagu sheegay in duubabka yihiin hey’adda marjaca ugu sareeya hey’adaha dowladda Soomaaliya isla markaasna loo ogolaado inay iyaga soo xulaan xubnaha Baarlamaanka sidaasna lagu doorto madaxweynaha. “Waxaa nasiibdarro ah oo arrin la yaab leh noqotay in si baalmarsan shuruucda iyo curfiga wadanka u yaal, si aan gabbasho iyo sariigasho toona laheyn layskugu dayo in lagu tirtiro kaalintii duubabaka oo laysku qanciyo in maanta laga tallaabsan karo,” ayaa lagu yiri War-murtiyeedka Odayaasha. Odayaasha dhaqanka ayaa soo saaray illaa afar qodob oo kala ah: 1- Duubabaka xaqa u leh inay soo xulaan 5-ta qof ee soo xulaya Ergada 101-da ka kooban ee dooranaya Xildhibaanada Barlamaanka ; oday dhaqameedyadaasna waa 135-kii isin ee horey loo ansixiyey saxiixayaashana ka ahad doorashooyinkii hore, intii kale oo ka mid ah odoyaasha dhaqankana ay kula mideysnaayeen. 2- Madaama weli aan loo gudbin doorasho dadweyne “Qof iyo cod” ah oo uu hab-qeybsigu wali beeleysan yahay, awoodda soo xulista xubnaha matalaya beelaha waxaa leh madaxda dhaqanka, lug kuma yeelan karo masuul iyo maamul siyaasadeed. Ciddii isku dayda inay si hareer marsan shuruucda iyo curfiga wadanka u baalmaraan waa mid sinnaba aan looga aqbaleyn meelna gaareyn, waxayna isimadu/odayaasha dhaqanka awood u leeyihiin inay go’aan ka gaaraan. 3- Waxaan fareynaa Madasha Wadatashiga Qaranka (MWQ) inay dhamaan dib ugu noqdaan qodobada habraacoodil, gaar ahaan kuwa dhaqaalaha lagu xukumay ergada waa xaqoodii doorasho. 4- Waxaan kula talineynaa dhamaan dhinacyada siyaasadda in loo hogaansamo heshiiyadii hore, damac iyo dano-shaqsiyeed aan wadanka halis loo galin, oo tabtaas oo kale horey u keentay dhibtii la soo maray. The post ODAYAASHA rasmiga ah ee 135-ka oo 4 qodob kasoo saaray habraaca doorashada appeared first on Caasimada Online.

(SLT-Hargeysa)-Koox hubaysan oo Xashiishadda ka ganacsada Magaaladda Berbera ayaa Rasaas nool kala horyimid Ciidanka booliiska Somaliland kuwaasi oo dhaawac Culus gaadhsiiyay Taliye Ku Xigeenkii Dekedda Berbera Axmed Cawaale kaasi oo dhaawiciisa lagu dabiibayo Cisbitaalka weyn ee Hargeysa. Sida ay noo xaqiijiyeen qaar ka tirsan saraakiisha Ciidanka Booliiska Somaliland iyo dad goob joog ahaa oo ku sugan Magaalada Berbera, waxa habeen hore Magaalada Berbera ka dhacday dhacdo cajiib oo argagax ku riday dadka shacabka ah iyo guud ahaan Reer Berbera. Taliye ku xigeenka Dekedda Berbera Axmed Cawaale iyo Ciidan uu hogaaminayo ayaa loo soo sheegay koox Xashiishadda ka ganacsada, oo sida la sheegay ka agdhawaa, isagoo markiiba Ciidan kaxaystay islamarkiibana abaaray halka ay ku sugnaayeen. Wararkan ayaa intaasi ku daray in Taliyaha oo habeen hore Heeganka Gobolka u lahaa iyo Ciidankiisu ay baacsadeen kooxdaasi Xashiishada ka ganacsada kuwaasi oo isku dayay markii ay Ciidanka arkeen inay ka baxsadaan, balse markii ay Ciidanku woxogaa baacsanayeen, sida uu warkani nagu soo gaadhay,waxay galeen meel Kharaabad ah ama dhisme dunsan, kaasi oo ay gabood ka dhigteen, balse Ciidanku kama hadhin ee waxay isku dayeen inay kadaba galaan, nasiib daro waxay kala hor yimaadeen Rasaas nool, waxaanay halkaasi dhaawac culus ugu gaysteen taliye ku xigeenkii ciidanka watay Axmed Cawaale, kaasi oo dhaawaciisa loola soo cararay Dhinaca magaalada Hargeysa. Sida uu Warkani sheegayo, waxa ay rasaastu ka haleeshay ama kaga dhacday Taliyaha, Bawdada iyo Badhida, waxaana sida la noo sheegay, dhex fadhiisatay mid ka mid ah rasaastii kaga dhacday Bawdada, taasi oo shalay qaliin lagu sameeyay Cisbitaal Hargeysa si looga soo saaro Rasaasta dhex fadhiistay. Wararkii u dambeeyay ayaa noo sheegay in Xaaladda Taliyuhu aad u wanaagsan tahay oo ay kasoo raynayso, halka raggii Xashiishadda watay ee Taliyaha dhaawacayna ay Ciidanku xabsiga dhigeen. Dhacdadan ayaa noqonaysa mid ugub ku ah oo ku cusub gayiga Somaliland, waana markii u horaysay ee ay Koox Xashiishadda ka ganacsataa rasaas nool u adeegsato Ciidanka Nabadgalyada Somaliland. Sidoo kale waxay dhacdadani daba socotaa, walaac wayn oo ay Shacabka Somaliland mudooyinkii u dambeeyay ka qabeen Maandooriyaha Xashiishada oo isticmaalkeedu aad ugu soo badanayso Somaliland. Sidoo kale, Waxay dhacdadani ku soo beegmaysaa iyadoo dhawaan uu Madaxweyne Biixi Khudbaddii Ciiddal Firidii uu si adag ugaga hadlay Geedka Xashishada iyo Maandooriyaha oo aad ugu soo badanaya Somaliland. Waxay Ciidanka Nabadgalyada Somaliland kor u qaadeen dadaalka ay ugu jiraan dagaalka iyo dabagalka ay ku hayaan kooxaha Xashiishada soo galiya Somaliland iyo dadka Isticmaalaba. Source

Nin Barkadaha dhisa ayaa qandaraas ka qaatay Islaan dooneysay in Barkad loo dhiso. Kolkuu ninkii hawshii bilaabay ayaa maalintii danbe iyagoo hawshii dhexda kaga jira ay Islaantii kormeer lama filaana ku soo martay. Islaantii ayaa aragtay meeshiiyoo weli iska fool xun Oo aan sibidhkii la marin oo ay u eeg tahay qabyo fool xun. Kolkaasay Islaantii tidhi ” Waar hooy inankoow Barkadani way dumaysaa Oo Barkad ii noqon maysee maxaad ka sii wadwadaa.” Ninkii qandaraaska qaatay ayaa ku yidhi Islaantii u kaadi aan dhamaystiree. Galabtii sibidhkii Ugu danbeeyey lagu sameeyey ayaa bahal mahiigaan ahi ku dhuftay Oo dhulka la simay Barkaddii. Ninkii Qandaraaska qaatay ayaa waalan gaadhay Oo isku buuqay kolkaasaa la yidhi Waar waa qadar Ilaahaye samir hadaba ninkii qadaraaska qaatay waxa laga hayaa” Anigu qadarka Ilaahay wuu dhacayoo maan diidini, Islaantaa malaheedu rumoobay ayaan ka biyo diidanahay!” W/Q Jamaal Cali Xuseen Source

(SLT-Hargeysa)-Ciidamada Ammaanka Somaliland ee Gobolka Togdheer ayaa shalay xabsiga u taxaabay nin dhallinyaro ah oo lagu magacaabo Maxamed Axmed Jibriil (Indho Khayr) kadib markii uu bartiisa Facebook soo dhigay sawir isaga oo ku jeeni qaaran Qori AK47 ah kuna soo dul qoray hal-ku dheg uu ku muujinayo in uu difaacayo diinta Islaamka. Ilo-wareedyo u dhuun daloola xadhiga ninkan dhallinyarada ah ayaa wargeyska Foore u xaqiijiyey in Maxamed Axmed Jibriil oo loo yaqaano Indho Khayr ay ciidamada ammaanku xabsiga dhigeen kadib markii laga soo qabtay isla gudaha Magaalada Burco iyada oo aan la ogayn sababta rasmiga ah ee xadhigiisa balse dad badani u aananayaan in sawir uu ninkani ku baahiyay baraha Bulshada gaar ahaan Facebook loo badinayo in ay tahay sababta xadhigiisu sidaana ay ciidamadu xabsiga ku geeyeen. Muuqaalka sawirkan uu ku baahiyey Facebook iyo qoraalka uu ku dul qoray oo u dhignaa sidan ayaa ahaa mid hadal hayn badan ka dhaliyey baraha Bulshada dhexdeeda oo shalay illaa xalay ay dadku si weyn uga fal celiyeen. Maxamed Axmed Jibriil (Idho Khayr) waxa uu bartiisa ku baahiyey sawirkiisa isaga oo degta ku sita oo jeeni qaaran Qori aakay ah (AK47) kuna dul qoray hal-ku dheg sidan u dhignaa: “Waxaan U Taaganahay Inaan Difaaco Diinta Islaamka” inkasta oo aanu faahfaahin ka bixin xaaladda difaac ee uu ninkan sheegayo iyo ciddad duullaanka ku soo qaaday Somaliland iinteena Xaniifka ah. Mar aanu isku daynay in aan xadhiga ninkan wax la waydiino laamana dawladda ee ay khusayso ayaanay noo suurto galin iyada oo xadhigiisu aad u saameeyey ra’yum caamka guud iyada oo dadka qaar ku dhaliileen Maxamed Axmed Jibriil (Idho Khayr) sida uu isaga oo hubaysan sawir isaga soo qaaday sidaana ugu baahiyey baraha Bulshada. “In qof shicib ahi qori dab leh isku soo sawirro oo aanu ruqsad u haysan kadibna sheego hadal sidaa u dhigan oo aanu faahfaahin waxa uu ka difaacayo diinta Islaamku waa arrin shaki badan leh oo cunfi iyo dagaal dhiirri galinaysa loona baahan yahay in ciidamada ammaanku baadhis qoto dheer ku sameeyaan kiiska ninkan” sidaa waxa yidhi Macallin Axmed Xasan Jaamac oo ka dareen celinayay farriintan sawirka wadata ee lagu baahiyey baraha Bulshada. Illaa imika Ciidamada Ammaanka ee Gobolka Togdheer gaar ahaan kuwa Magaalada Burco kama aana war bixin ama faahfaahin kama ay bixin xaaladda ninkan la sheegay in ay shalay xabsiga dhigeen. Sidoo kalena lama oga in ay maxkamad la tiigsan doonaan iyo in ay xabsiga ka sii dayn doonaan. Source