Allaah u naxariiste waxaa magaalada Muqdisho ku geeriyooday Maxamed Aadan Abdiid (Shamuuri) oo ka mid ahaa hobaladii Fanka Soomaalida. Shamuuri ayaa mudda dheer ku dhex jiray howlaha fanka, isagoo sidoo kale ka mid ahaa Jilayaasha aadka looga yaqaanay masraxyada Ruwaayadaha. Taariikh Kooban Maxamed Aadan Abdiid (Shamuuri) Allaah u naxariiste Maxamed Aadan Abdiid (Shamuuri) waxaa sanadkii 1958-kii ku dhashay magaalada Jowhar, halkaas oo uu ka soo bar baaray yaraantiisi. Waxa uu sanadkii 1972-kii fanka ka soo galay kooxdii hobalada Fanka ee Yogol oo ka dhisneyd magaalada Jowhar. Gu’gii 1974-kii ayuu ku biiray kooxdii Hobalada Qaranka ee Waaberi, xilliigaas oo uu socday olalihii horumarinta Afka. Shamuuri waxa uu qeyb ka noqday ruwaayado badan, isagoo qaaday Heeso isugui jira Jaceyl iyo Wadani. Maxamed Shamuuri ayaa ku soo caanbaxay heestii Qufac iyo Kalgacal, oo uu curiyey Diiriye Gacan isaguna uu laxanka saaray. Allaah u naxariisto Fanaan Shamuuri ayaa qeyb ka noqday jilidda iyo laxameynta ruwaaydaha kala ah : Yaa u wanqalay Waqtiga? , Kibirkii Beerta iyo riwaayaddii Dhego Awdan. Goobjoog News Source: goobjoog.com

Source

Toronto (Caasimada Online) – Faah faahino dheeraad ah ayaa waxaa laga helayaa dil iyo dhaawac dhalinyaro Soomaali ah loogu geystay magaalada Toronto ee dalka Canada. Weerarkan ayaa sababay geerida AUN Sahal Maxamed Sahal oo 35 sano jir ahaa iyo dhaawaca laba gabar oo la socotay, sida ay sheegeen saraakiisha booliska ee Toronto. Sidoo kale wararka ayaa intaasi kusii daraya in markii hore saddex-dooduba uu dhaawac soo gaaray, balse marka la geeyey isbitaalka uu geeriyooday Sahal. Koox hubeysan ayaa la sheegay in rasaas ku fureen xilli ay marayeen wadada, waxaana goobjoogayaal ay sheegeen inay arkayeen gaari cad oo meesha kasii dhaqaaqaya. Ma cadda sababta loo beegsaday dhalinyaradan Soomaaliyeed, balse saraakiisha ammaanka ee Canada ayaa haatan wada baaritaano dheeraad oo ku aadan dhacdada. Dhankiisa Aabaha Sahal Maxamed ayaa sheegay in uusan ogeyn illaa iyo hadda sababta loo dilay wiilkiisa, wuxuuna tilmaamay in lagu Aasay qabuuro ku yaal magaalada Toronto. Canada ayaa waxaa muddooyinkii lasoo dhaafay ku soo badanayey weerarada ka dhanka ah Soomaalida oo inta badan dil iyo dhaawac loogu geysto gudaha dalkaasi. The post Wararkii ugu dambeeyey dil iyo dhaawac Soomaali loogu geystay Canada appeared first on Caasimada Online.

Bilawgii todobaadkaan koox aan la aqoon heyb tooda ayaa la sheegay in ay rasaas ku fureen dad shacab ah oo marayay waddo ku taalla Magaalada Toronto ee dalka Canada. Dadka rasaasta lagu furay ayaa la sheegay in uu ka mid ahaa Allaah ha u naxariistee Sahal Maxamed Sahal oo 35 sano jir ahaa, kaas oo markii dambe u geeriyooday dhaawac ka soo gaaray rasaas ku dhacday. Booliiska dalka Canada ayaan illa iyo hadda ka hadlin dhacdadaan lagu dilay muwaadinka Soomaaliyeed, xilli ay booliisku cadeeyeen in ay weli wadaan Baaritaanno ku aaddaan sidii loosoo qaban lahaa dadki ka dambeyay falkaan. Dhacdadaan ka dhacday Toronto ayaa sidoo kale la sheegay in ay ku dhaawacmeen laba hawewen ah kuwaas oo hadda xaaladooda caafimaad lagu dabiibayo Isbitaal ku yaallo magaalada. Goobjoog News Source: goobjoog.com

Diyaaradda Fyl Dubia ayaa saaka dib u bilowday duulimaadyadii ay ku iman jirtay Somaliland, ka dib muddo sannad ka badan oo ay xayiraad saarnayd. Saaka, ayey qaaday rakaabkii u horreeyey, iyada oo mid cusubna keentay Madaarka Magaalada Hargeysa. Diyaaraddan, oo dhawaan ay Xukuumaddu ka qaaday xayiraadii saarnayd, ayaa soo laabashadeeda waxa soo dhawaayey bulshada Somaliland, gaar ahaan qurbo jooga iyo ganacstada oo muddadii la joojiyey duulimaadyadeeda kala kulmi jiray dhibaatooyin kala duwan oo ay ka mid tahay dhinaca qiimaha lagu raaco diyaaraddaha kale ee dalka yimaada. Source

Wararka ka imaanaya dalka Canada, waxay sheegayaan in rag hubeysan ay gudaha magaalada Toronto ee dalka Canada dil iyo dhaawac ugu geysteen dad Soomaaliyeed oo qaxootimo ku deganaa dalkaas. Ragga hubeysan oo watay gaari ayaa la sheegay inay rasaas ku fureen goob ay ku sugnaayeen dhalinyaro Soomaali ah, waxaana halkaas lagu dhaawacay seddax wiil oo mid goor dambe uu dhaawacaas u geeriyooday. Sahal Maxamed Sahal, ayaa magaciisa naloogu sheegay wiilka Soomaaliyeed ee dhaawaca ka soo gaaray weerarkaas ugu geeriyooday dalka Canada, halka labada qof oo kale ay dumar yihiin, kuwaas oo dhaawacyadooda lagu dabiibayo Isbitaal ku yaalla magaalada uu weerarkaan ka dhacay ee Toronto. Aabaha dhalay wiilka la dilay ee Sahal Maxamed ayaa Warbaahinta u sheegay in uusan ogeyn cadaw gaar ah oo uu lahaa wiilkiisa, qadartana uu aaminsan yahay, isla markaana ay meydka wiilkiisii Sahal ku soo aaseen qabuuro ku yaalla magaalada Toronto, sidoo kale Aabe Maxamed, waxa uu sheegay in laamaha amniga magaalada ay wadaan baaritaano la xiriira dilka wiilkiisa, balse illaa hadda aysan jirin wax xiriir ah oo ay la soo sameeyeen mas’uuliyiinta dowladda. PUNTLAND POST The post Dad Soomaaliyeed oo lagu weeraray dalka Canada appeared first on Puntland Post.

Here at the Refugee Empowerment Center—people are hard at work looking to welcome Afghanistan refugees coming to the United States, some of which will call Omaha home. Source: Hiiraan Online

Tacsi 1. Xasan Xaaji Mxamuud Warsame (Xasan Gadhweyne) 2. Suldaan Maxamuud Axmed Sheekh 3. Suldaan Shariif Batuun 4. Maayar Cabdishakuur Maxamuud Xasan Cidin 5. Xildhibaan Aadan Cismaan Xarbi 6. Axmed Siciid Cige 7. Saleebaan Cumar Ku-joog 8. Dr Axmed Saleebaan Jaamac (Shiine) 9. Cabdalle Maxamed Carab (Cabdalle Sandheere) 10. Ramaax Cali Hayste 11. Axmed Saleebaan Kaahin 12. Mustafe Saleebaan Kaahin 13. Yuusuf Daahir Axmed 14. Cabdilaahi Malxush 15. Maxamed Cabdilaahi Mire 16. Mahdi Jaamac Xirsi 17. Maxamed Xuseen Bisad 18. Maxamed Aftax Madar 19. Naasir Yuusuf Daahir 20. Cabdiqaadir Nuur Baxnaan 21. Sacad Cali Kaahin 22. Maxamed Saxardiid Raage 23. Khadar Axmed Warsame Dhammaan dadkaasi waxa ay tacsi u dirayaan Marxuum Proff. Cismaan Ciise Cawaale oo caawa ku geeriyooday Magaalada Hargeysa oo muddo 60 sanno ah, ahaa barre waxbarasho, ilaahay ha u naxariistee, wakhtigana ka mid ahaa macallimiinta khibradda dheer leh ee Jaamacadda Hargeysa, ahaana hormoodka kulliyadda waxbarashada muddo dheer. Waxay si gaara uga tacsiyadaynayaan geerida Marxuumka qoyska reer Ciise Cawaale meel ay joogaanba gaar ahaan Ooridii iyo ubadkii uu ka baxay Marxuumku. Marxuumkana waxa ay Alle uga baryayaan inuu naxariistii Janno ka waraabiyo una denbi dhaafo. Qaran News

Kabul (Caasimada Online) – Kooxda Al-Qaacida ayaa markii ugu horreysay si rasmi ah uga hadashay guusha Taalibaan ay dib ugula wareegtay dalka Afghanistan kadib markii ay ka baxeen ciidamada Mareykanka iyo xulufadiisa. Mareykanka iyo xulufadiisa ayaa Afghanistan qabsaday 2001, kadib markii Taalibaan ay diiday inay usoo gacan geliso hoggaamiyihii hore ee Al-Qaacida Sheekh Osman Bin Laden iyo saraakiishii kale ee ururka ee lagu eedeeyey weeraradii Mareykanka lagu qaaday 11-kii September 2001. Qoraal ay baahisay Mu’asasada As-saxaab, oo ah garabka warbaahineed ee Al-Qaacida, ayey kooxda ku bogaadisay wax ay ugu yeertay “furashadii weyneed ee dhowaan ka dhacday” Afghanistan. “Waxaan munaasabaddan taariikihiga ah ugu hambalyeyneynaa hoggaanka Imaaradda Islaamiga ah, gaar ahaa Haibatullah Akhundzada,” ayaa lagu yiri bayaanka Al-Qaacida. “20 sano oo ixtilaal ah kadib ay shacabka Afghanistan iyo mujaahidiintiisa waxay hadda hanteen miraha jihaadkii waqtiga dheeraa ee ay soo galeen,” ayaa lagu yiri qoraalka Al-Qaacida. Ururka Al-Qaacida ayaa sidoo kale ugu baaqay muslimiinta caalamka inay garab istaagaan “Imaaradda Islaamiga ah ee Afghanistan,” oo ah magaca dowladda Afghanistan ee ay soo dhiseyso Taalibaan, magacaas oo ah kii horey looga yiqiin dowladdii Taalibaan ee dalkaas ka jirta 1996-kii illaa 2001. Al-Qaacida ayaa sheegtay inay rajeyneyso in guusha Taalibaan ee Afghanistan ay hoggaamin doonto guulo kale oo ka dhaca “dunida la caburiyey.” Waxay ku baaqay in “jihaadka hubeysan uu sidoo kale cadowga Islaamka ka xoreeyo dalalka Soomaaliya, Falastiin, Magribta Islaamiga ah, Yemen iyo Kashmiir,” sida ay hadalka u dhigtay. Waxaa xusid mudan in heshiiska ay gaareen Taalibaan iyo Mareykanka ee ay ciidamada ajnabiga dalkaas uga baxeen uu dhigayo in kooxdan aysan ogolaan in Afghanistan ay noqoto meel weeraro argagixiso looga qaado dunida inteeda kale. Ma cadda sida Taalibaan ay u maareyn doonto xiriirka Al-Qaacida, oo hogaamiyayaasheeda ay ku marti-gelisay Afghanistan. Si kastaba, Taalibaan ayaa sheegtay inay dooneyso inay dhisto dowlad aqoonsi ka hesha caalamka intiisa kale, taasi oo ka dhiggan inay aad isaga ilaalin doono Al-Qaacida, ugu yaraan si shaacsan. The post Maxay Al-Qaacida ka tiri guusha ururka Taalibaan iyo bixitaanka Mareykanka? appeared first on Caasimada Online.

While the U.S. has said it won’t have a “permanent” presence in Kabul, it remains unclear whether it might eventually decide to send diplomats for short periods, potentially to work out of facilities on the airport grounds where security can be tightly controlled. Source: Hiiraan Online

Janaraalka ugu sarreeya Ciidamada Mareykanka ayaa kooxda Taalibaan ku tilmaamay inay yihiin “koox arxan daran” isagoo sheegay in aysan kala caddeyn inay is beddeli doonaan iyo in kale. Janaraal Mark Milley, ayaa sheegay in ay suurta-gal tahay in Mareykanka uu mintidiinta Taalibaan kala kaashado hawlgallada mustaqbalka ee lagula dagaallamayo argagixisada. Ciidamada Mareykanka ayaa Talaadadii ka baxay Afghanistan, iyagoo soo afjaray dagaalkii ugu dheeraa ee Mareykanka ku qaatay 20 sano, kadib markii ay bilaabeen duulaan ay ku doonayeen inay dalkaasi kaga saaraan Taalibaan. kooxda ayaa hadda gacanta ku haysa guud ahaan dalka, waxaana la filayaa inay ku dhawaaqaan dowlad cusub. Howlgalkii ka samata bixinta dadka ee Mareykanku uu ka waday Kabul ayaa soo idlaaday 31-kii Agoosto, waxaana maamulka garoonka diyaaradaha caasimadda Afghanistan ee Kabul gacanta loo geliyey kooxda dalka qabsatay ee Taliban. PUNTLAND POST The post Maraykanka oo Arxan-laawayaal ku tilmaamay Taalibaan appeared first on Puntland Post.

To listen and order on iTunes, Spotify, Amazon and more, go to: http://aarmaanta.com. For album reviews, interviews, and questions, please contact: info@aarmaanta.com. Today Somali-British musician Aar Maanta releases Children Have Priority (Ubadkaa Mudnaanta Leh), the first bilingual English & Somali children’s album in world music. Aar Maanta created the pioneering 14-track album together with Somali-American youth in Minneapolis, Minnesota. Source: Hiiraan Online

FAO Somalia and The Federal Government of Somalia have launched the first of a series of virtual regional and national Food System Summit dialogues in preparation for the United Nations Food Systems Summit, to be convened by the Secretary-General in September 2021. Source: Hiiraan Online

Maamulka Gobolka Banaadir oo ka amar qaadanaya Madaxweynaha muddo xileedkiisu dhammaaday ee Maxamed Farmaajo ayaa shalay qarxiyey dagaal siyaasadeed nooc cusub ah oo lagu gelayo magaca ‘Soo celinta Hantida Guud’, kadib markii ay dalbadeen in lagu soo wareejiyo maamulka isbitaallada waaweyn ee Jazeera iyo Yardimeli ee magaalada Muqdisho. Xogta aanu helnay ayaa sheegeysa inay arrintan ka dambeysay kulan lagu kala tegay oo dhowaan dhex maray Madaxweynaha xilka ka dhammaaday ee Maxamed Cabdullaahi Farmaajo iyo Ra’iisal wasaaraha xukuumadda xilgaarsiinta Maxamed Xuseen Rooble. Kulanka oo ahaa mid xasaasi ah, kana dhacay Madaxtooyada Somaliya, waxaa madaxda ka qeyb galay ka mid ahaa Madaxweynaha Galmudug Axmed Qoorqoor iyo Guddoomiyaha Baarlamaankii 10-aad Maxamed Mursal, waxaana Farmaajo uu ka dalbaday Rooble inuu dhiso Doorashada dadban, kuna taageero in mar kale dib loo doorto, laakiin waxaa arrintaas ka hor yimid Rooble oo si cad ugu sheegay inuu dhexdhexaad ka yahay Doorashada. Xiriirka Farmaajo iyo Rooble oo halkii ugu xumaa gaaray, kadib socdaalkii Ra’iisal wasaaraha ku tegay dalka Kenya, ayaa mar kale xumaaday oo tegay heerkii ugu hooseeyay toddobaakan, waxaana arrintan ay keentay in kooxda Farmaajo ay weeraro qarsoon oo siyaasadeed ku beegsadaan Rooble iyo siyaasiyiinta saaxiibada la ah. Weerarkii koowaad wuxuu ku dhacay gacan-yaraha iyo saxiibka ugu weyn Rooble oo ah wasiirkisa Waxbarashada Cabdullaahi Abuukar Carab, kaasoo ah xildhibaan ganacsade saami badan ku leh Isbitaallada Jazeera iyo Yardimeli ee Muqdisho, isagoo kusoo galay Hay’adii uu madaxda ka ahaa ee Manhal. Labadan Isbitaal waxay ka siman yihiin in lagu dhisay dhul hanti Guud oo Qaran ah iyo inau dhismahooda koowaad lagu dhisay deeq umadda Soomaaliyeed loogu taloglay, laakiin waxaa ka faa’iideystay xubno uu ka mid yahay wasiirka Waxbarashada xilligan iyo Ganacsato oo maalgelin ku sameeyay, kadibna u bedelay Isbitaallo adeegyo badan bixiya oo ganacsi ah. Wasaaradda Caafimaadka xukuumadda Federaalka ayaa bishii Febraayo 2020 shaacisay in Isbitaalka ku shaqeeyo si sharci darro ah oo dano gaara, looga faa’iideysto, isla markaana ay hay’adda maamusha Isbitaalka Yardimeli si sharci darro ah uga faa’iideysato deeq Soomaalida loogu talogalay. (Halkan ka akhriso) Khilaafka Wasaaradda iyo Maamulka Isbitaalka Yardimeli, wuxuu qaboobay markii uu dhex galay Ra’iisal wasaarihii hore ee Xasan Cali Kheyre, waxaana isbitaalka shirko ku ah saddex dhinac oo wasiir Carab ka mid yahay. Isbitaalka Jazeera ayuu sidoo kale wasiirku dhinac ka yahay, waxaana xarunta laga dhisay oo ahayd Xaruntii Ubaxa kacaanka ee UKO, bixisay dowladii hore, iyadoo laga dhisay Isbitaal ay maalgelisay dowladda Baxreyn oo indhaha loogu talogalay, iyadoo la wareegay Wasiirka iyo ganacsato degaanka ah oo ku heyb ah Ra’iisal wasaarihii hore Xasan Kheyre, iyadoo maalgelin weyn lagu sameeyay, loona bedelay isbitaal guud. Dowladii Xasan Sheekh iyo Farmaajo waxba kama qaban sidii labadan isbitaal loo waafajin lahaa sharciga, looguna koontarooli ahaa qeybta hantida guud ah ee ku jirta iyo maalgelinta ganacsiga, marka laga reebo qoraalka Wasaaradda Caafimaadka oo ah hay’adda ay ahayd inay qeyb ka noqoto maamulka labadan Isbitaal oo mar kasta ay horjoogeen dano siyaasadeed. Xilligan kala guurka ah ee Doorashada inay Isbitaalladan ka mid noqdaan dagaal siyaasadeed hoose oo u dhaxeeya Maxamed Cabdullaahi Farmaajo iyo Maxamed Xuseen Rooble waxay kaliya dhalin doontaa weji cusub oo qalallaase ah iyo inaysan ujeedadu ahayn soo celin hanti guud. Xigasho: Goobjooge.net The post Muxuu ka dhashay dagaal siyaasadeedka ‘hantida guud’ ee Farmaajo iyo Rooble? appeared first on Caasimada Online.

The General Secretariat of the Organization of Islamic Cooperation (OIC) hosted on 01 September 2021, at OIC headquarters, a delegation from the Integrated Office of the United Nations in Somalia headed by H.E. Mr. Adam Abdelmoula, Deputy Special Representative of the UN Secretary General, Resident Coordinator and Humanitarian Coordinator in the United Nations Assistance Mission in Somalia, to discuss the ways and means to strengthen support for Somalia. Source: Hiiraan Online

The Faribault Parks and Recreation Department, thanks in part to donations from private citizens, is excited to bring Dalmar Yare, a Somali entertainer, to Central Park at 6:30 p.m. on Thursday, Sept. 2. Source: Hiiraan Online

Abdirahman Mohamed, 20, sends $100 a month home to his pastoralist family living in Hulul village from his earnings as a plumber in the northern Somali town of Lasanod. Source: Hiiraan Online

Moscow (Caasimada Online) – Madaxweynaha Ruushka Vladimir Putin ayaa maanta sheegay in ololihii 20-ka sano socday ee Mareykanka ee Afghanistan uu ku dhammaaday “kaliya musiibo iyo khasaarooyin.” Hoggaamiyaha Ruushka ayaa wuxuu taariikh u leeyahay inuu dalalka Reer Galbeedka ku cambaareeyo inay isku dayaan inay qiyamkooda ku qasbaan dalalka aan galbeedka aheyn. Moscow ayaa sidoo kale si joogta ah u cambaareysay siyaasadda Mareykanka ee dalka Afghanistan, oo hadda ay maamulaan kooxda Taalibaan oo la wareegtay laba toddobaad kahor ka bixitaanka Mareykanka ee 31-kii August. Putin ayaa maanta sheegay in ciidamada Mareykanka ay isku dayeen “inay xeerarkooda ku qoraan” Afghanistan muddo 20 sano ah, taasi oo uu ku macneeyey mid aan waxtar laheyn. “Natiijada waxay noqotay kaliya musiibooyin, kaliya khasaarooyin gaaray kuwii sameeyey, ee Mareykanka, iyo kasii daranee shacabka ku nool dhulka Afghanistan.” “Macquul maaha in la isku qasbo waxa banaanka laga keenay,” ayuu yiri Putin. Putin ayaa ka hadlayey kulan uu la yeeshay dhallinyaro ku sugan magaalada ku taalla Bariga Ruushka ee Vladivostok, oo uu kaga qeyb-galay munaasabadda furitaanka sanad dugsiyeedka cusub. Toddobaadkii tegay Putin ayaa sheegay in Russia aysan faro-gelin doonin Afghanistan, oo ay Moscow cashar ka baratay qabsashadii Midowga Soviet ee dalkaas. AFP + VOA The post Muxuu madaxweyne Putin ku macneeyey 20-kii sano ee Mareykanka ee Afghanistan? appeared first on Caasimada Online.

Diyaaradii ugu horeysay ee ka degtay Garoonka Diyaaradaha Kaabul intii Taalibaan la wareegtay+Waxay siday & Dalka leh Diyaarad laga leeyahay Qatar ayaa Arbacadii Maanta ah ka degtay garoonka diyaaradaha ee Magaalada Kabul iyadoo sidday koox farsamo oo Taalibaan kala xaajoon doona dib u bilaabista howlaha gegida diyaaradaha kadib qabsashadii Taalibaan ee Afgaanistaan, sida laga soo xigtay il xog ogaal u ah arrintaan. “Diyaarad Qadar ah oo sidday koox farsamo ayaa goor hore oo maanta ah ka degtay Kabul si ay ugala hadasho Taalibaan dib-u-bilaabista shaqadii garoonka,” ilo-wareedka ayaa sidaas u sheegay AFP. Weli ma jiro heshiis kama dambeys ah oo ku saabsan bixinta kaalmo farsamo oo dhanka garoonka Kabul ah, waxayna kooxdaan ka socota Qatar dooneysaa inay kooxda Taalibaan ku qanciso in dhinaca farsamada laga caawiyo. Waxaa weli socda wada-hadal u dhaxeeya kooxda farsamada ee ka socoto Qatar iyo kooxda Taalibaan, waxaana laga wada-hadlayaa cidda maamuleysa garoonka Amni ahaan iyo shaqo ahaan labadaba. Illo wareedyada la hadlay AFP ayaa sheegay in hadafka ugu weyn uu yahay in dib loo bilaabo duulimaadyadii gargaarka bini’aadanimo iyo in la helo xorriyad lagu dhaq-dhaqaaqi karo, gaar ahaan dib u bilaabidda dadaallada daad-gureynta. In ka badan 123,000 oo ajaanib iyo Afgaanistaan ah ayaa dalka ka qaxay kadib markii kooxda Taalibaan ay la wareegtay talada dalkaas, waxaana weli jira dad kale oo doonaya inay dalkaas isaga baxaan oo aan weli helin fursad. Saraakiisha Mareykanka ayaa sheegay in garoonka diyaaradaha ee Kabul uu ku jiro xaalad xun, iyada oo inta badan kaabayaashii aasaasiga ahaa ay xumaadeen ama burbureen. Dagaalyahannada Taalibaan ayaa ku dabaaldegay rasaas maalintii Talaadada aheyd kadib markii ciidamadii ugu dambeeyay ee Mareykanka ay ka tageen Kabul kadib dagaal socday labaatan sano. Qadar waxay martigelisay wada -xaajoodyo u dhexeeya Taalibaan iyo Mareykanka sannadihii la soo dhaafay waxayna u ahayd marin ay maraan qiyaastii 43,000 oo laga soo daadgureeyay Afghanistan. Mareykanku wuxuu ku duulay Afgaanistaan wuxuuna afgembiyay xukuumaddii Taalibaan sanadkii 2001 wixii ka dambeeyay weeraradii 9/11 ee Al-Qaacida, oo doonaysay inay gabaad ka dhigato dalkaas. Caasimadaha reer Galbeedka ayaa ka baqaya in Afgaanistaan ay mar kale noqoto hoyga kooxaha xagjirka ah ee doonayo inay weeraro ka fuliyaan adduunyada. Wadamada khaliijka oo ay ku jirto Qadar ayaa kaalin muhiim ah ka qaatay duullimaadyada daad -gureynta muwaadiniinta dalalka reer galbeedka iyo sidoo kale turjumaannada Afgaanistaan, suxufiyiinta iyo kuwa kale. Qaran News

Noocyada Qalabkii & Saanadii Milateri ee Maraykanku ka huleeleen ee Taalibaan la wareegtay Waxaa soo baxay sawirro muujinaya dagaalyahannada Taalibaan oo wata qalab milateri oo ay ciidammada Mareykanka kaga tageen garoonka diyaaradaha Kabul ee Hamid Karzai. Guud ahaan waa 73 diyaaradood, ku dhawaad ​​100 gaari iyo qalab kale oo ay ciidamada Maraykanka ka tageen markii ay ka baxeen Afghanistan waqtigii loo qabtay ee 31 Ogosto. Laakiin madaxa taliska dhexe ee Mareykanka Gen Kenneth McKenzie ayaa sheegay in dhammaan qalabkaasi laga dhigay kuwa aan la isticmaali karin. “Diyaaradahaas ma ahan kuwa dib dambe u duuli doona,” ayuu yidhi. Sida ay xigteen wakaaladaha wararka qaarkood , saraakiisha Taalibaan ayaa walaac ka muujiyay in agabka iyo hubka ciidan ee uu Maraykanka ka tagay aysan ahayn kuwa shaqaynaya. Diyaaradaha looga tagay Kaabul waxaa ka mid ah: • Diyaaradaha qumaatiga u kaca ee MD-530, oo loo adeegsado sahanka iyo weerarka dhow • A-29 oo ah diyaaradaha weerarka fudud loo isticmaalo. Bishii Juun, ciidamada qalabka sida ee Afgaanistaan ​​waxay adeegsanayeen: • 43 MD-530s, oo ay bixisay Maraykanka. • 23 A-29s #Taliban fighters enter a hangar in #Kabul Airport and examine #chinook helicopters after #US leaves #Afghanistan. pic.twitter.com/flJx0cLf0p — Nabih (@nabihbulos) August 30, 2021 Qiimaha alaabta shaqsiyeedka ma aha kuwa si toos ah loo sheegi karo laakiin qiimaha qeybta A -29 ayaa lagu sheegay inay ka badantahay $ 10 malyan oo doolar. Diyaarada nooca A-29 Muuqaal uu duubay weriyaha LA Times Nabih Buulos ayaa muujinaya dagaalyahanada Taaliban oo wata helicopter nooca CH-46 Sea Knight. Waxaa adeegsaday Waaxda Arrimaha Dibadda ee Mareykanka si ay shaqaalaha uga daadgureeyaan safaaradda Kabul, toddobo ka mid ah diyaaradaha ayaa la sheegay in laga dhigay kuwo aan shaqayn karin oo laga tagay. Dagaalyan Taalibaan ah oo sawiraha diyaaradda nooca MD-530 Ugu yaraan hal diyaarad oo nooca C-130 Hercules ah ayaa sidoo kale la sawiray iyadoo taalla laamiga. Diyaarad nooca C-130 Hercules oo looga tagay garoonka diyaaradaha ee Hamid Karzai Sida laga soo xigtay Gen McKenzie, 70 baabuur oo ah lagu baaro miinooyinka ayaa iyagana la tagay, kadib markii laga dhigay kuwa aan geibi ahaana shaqeynayn. Qiimaha hal gaari oo noocaas ah ayaa lagu sheegay inuu gaarayo inta u dhaxeysa $ 500,000 ilaa hal milyan oo doolar. Sidoo kale waxaa Kaabuul looga tagay. • 27 baabuurta milatariga dhulka gaar ahaan kuwa nooca la yirahdo Humvee. • Tiro aan la cayimin oo ah qalabka difaaca gantaalaha iyo madaafiicda. Hase yeeshee dhanka kale ciidamada Afgaanistaan ​​ayaa waxay ka carareen hub ay u saamixi weysay inay burburiyaan ama curyaamiyaan qalabkaasi. Sawirada dayax gacmeedku waxay tilmaamayaan in diyaarado qaar laga saaray dalka Uzbekistan, maalmo ka hor burburkii dawladda Afgaanistaan. Waxayna khubaradu tilmaamayaan in diyaaradaha qaarkood laga yaabo inay aad ugu xaddidan yihiin Taalibaan sababtoo ah ma haystaan duuliyeyaal tababaran, iyo sidoo kale u helidda dayactirkooda. Balse, in kasta oo aysan suurtogal ahayn in la sheego tirada saxda ah, haddana inta badan 167 diyaaradood, oo ay ku jiraan 33 helicopter oo ah nooca UH-60 Black Hawk, oo ay gacanta ku hayeen ciidamada qalabka sida ee Afghanistan dhammaadkii Juun, ayaa hadda loo malaynayaa inay ku jiraan gacanta Taaliban. Noocyada diyaaradaha ay heleen Taalibaan Sidoo kale Taalibaan ayaa si cad u adeegsanaysa hub kale oo oo Mareykanka leeyahay oo waxaa la arkayay xubno ka tirsan ciidamada gaarka ah ee Taalibaan oo lagu sawiray Kaabuul iyaga oo wata qoryaha M4. Mareykanka ayaa sidoo kale ciidamada Afghanistan siiyay in ka badan 2,500 oo ah gaawaarida milatariga ee Humvees, laga bilaabo Diseembar 2017 illaa Abriil 2020, sida uu sheegay Kormeeraha Guud ee Mareykanka ee Dib -u -dhiska Afghanistan. Khubarada kale ee ku takhasusay qalabka milatariga ayaa sheegaya inay qiimo weyn u yeelan karto kooxda Taalibaan oo ay ka faa’iideysan doonaan muraayadaha aragga ee habeenkii, kuwaas oo gaaraya 16,000 oo la siiyay ciidamada Afghanistan intii u dhaxaysay 2003 iyo 2021. Qaran News

Muqdisho (Caasimada Online) – Guddoomiyaha gobolka Banaadir oo sidoo kalena ah duqa Muqdisho, Cumar Filish ayaa si adag uga hadlay xarumo magaalada Muqdisho ka billaabay wax-ka-bedelka qaab-jireedka dumarka, taasi oo muran badan dhalisay. Guddoomiye Filish ayaa ugu horeyntii sheegay in uusan kasoo horjeedin in dumarka is qurxiyaan, hase yeeshe aysan aqbali doonin maamulkooda wax kasta oo ka hor-imaanaya dhaqanka iyo Diinteena. Waxa uu sheegay in ay albaabada u laabeen xarumo lagu weeyneynayo bishimaha dumarka, isagoona digniin u diray xarun kasta oo caafimaad oo isku deyda inay arrintaas billowdo, taasi oo uu sheegay inay xiri doonaan. Guddoomiyaha ayaa xusay in goobaha Ganacsiga markii ruqsada la siinayo aysan si faah-faahsan u sheegin waxyaabaha ay qabanayaan, wuxuuna carabka ku adkeeyay in ruqsada lagala laaban doono goob kasta oo lagu arko arrintaas. Hadalkaan ayaa kusoo aadaysa xili labo cisho ka hor ay dowladda federaalka Soomaaliya albaabada isugu dhufatay xarun dadka jirkooda lagu qurxiyo oo dhawaan laga furay magaalada Muqdisho ee caasimadda Soomaaliya, taasi oo ay xoog ku galeen ciidamada. Maalmihii ugu dambeeyey waxaa baraha bulshada, gaar ahaan kuwa Soomaalida qabsaday muuqaalada gabdho ku faanaya in faruuryaha loo weeynayey iyo qeybaha dambe, midaasi oo sharci ahaanteeda dood ka dhex dhalisay bulshada. The post FILISH oo digniin iyo amar kasoo saaray arrin muran badan ka dhalisay Muqdisho appeared first on Caasimada Online.

Taliyaha Qeybta Booliska Gobalka Bari G/Sare Xuseen Cali Maxamuud, ayaa kormeer shaqo ku tagay Saldhigyada Magaaloyinka Carmo iyo Ceeldaahir oo ka tirsan Gobalka Bari. Taliyaha waxa kormeerka ku wehlinaayay Taliyaha Daraawiishta Silsilada Golis G/Sare Siciid Nuur Shire iyo Duqa Degmada Carmo Nabadoon Maxamed Ibraahim Xaaji Farax. Taliye Xuseen, ayaa kulan looga hadlayey dardar gelinta Ammaanka la qaatay Gudoomiyaha Carmo Ciidamada Daraawishta,iyo Booliska.isagoona u sheegay in loo baahan yahay in la sii adkeeyo Amniga,waxaana Ciidanka Booliska iyo daraawiishta uu ku ammaanay inay ku guuleysteen sugiga amniga, waxaana uu kula dardaarmay in la sii dardar geliyo shaqada. Ugu danbeyn Taliyaha Qeybta Booliska Gobalka Bari ayaa u mahadceliyay Gudoomiyaha Degmada Carmo iyo Taliyaha Saldhiga Carmo oo dib u habeyn ku sameeyay saldhiga Degmada Carmo waxana uu ku amaanay qabka wanagsan ay saldhigaas bilicdiisa uga shaqeyeen. PUNTLAND POST The post Taliyaha Booliiska Gobolka Bari oo kormeeray saldhigyada Carmo iyo Ceeldaahir appeared first on Puntland Post.

Nairorbi (Caasimada Online) – Guddiga Caalamiga ah ee Laanqeyrta Cas ayaa sheegay in in ka badan 48,000 oo qof lagu la’yahay Afrika oo dhan, ugu yaraan 21,600 kamid ahna ay yihiin carruur aan qaangaarin. Inta badan dadka la waayay ee diiwaangashan – oo si weyn loo rumeysan yahay inay qeyb ka yihiin musiibada bani’aadamnimo ee ballaaran ee qaaradda, ayaa lala xiriiriyaa iskahorimaadyada hubeysan, rabshadaha, masiibooyinka iyo socdaalka guud ahaan qaaradda. Guddiga Caalamiga ah ee Laanqeyrta Cas ayaa sheegay in tirada dadka u soo baxaya inay soo sheegaan dadka la la’yahay ay kusoo badanayaan Afrika. Amaya Fernandez, oo ah la-taliyaha hay’adda samafalka ee dadka maqan ee Galbeedka Afrika ayaa sheegtay in tirada dadka la la’yahay ay sii kordheyso laba laab. “Waxaan isku dayaynaa inaan diinwaan gelinno kiisas badan oo nidaamsan oo dadka la waaayey ah kuna baahsan gobolka oo dhan, sababta ay dadka la’yahay usoo badanayaan ayaa ah kororka rabshadaha iyo iska horimaadka soo maray qaaradda Africa, kala bar dadka maqan ee la diiwaan geliyey ayaa ah rag aan gaangaari” ayey tiri Amaya Fernandez Natiijada ICRC waxay muujineysaa in 39,360 oo ka mid ah 48,000 ee la la’yahay ay ka soo jeedaan toddoba dal oo ay colaado hubeysan ka jiraan. Sida laga soo xigtay Machadka Nabadda iyo Cilmi -baarista Caalamiga ah ee Stockholm, 20 dal oo Afrika ku yaalla waxaa ka jiro iska-horimaad hubeysan, sidoo kale machadka wuxuu sheegay in 10 kamid ah 20-kaas dal inay ka jirto xaalad aad u halis ah. Fernandez ayaa sheegtay in iska-horimaadka ka socda qaar ka mid ah dalalka Afrika uu xanuun iyo rafaad badan u abuuray qoysaska ay dadka ka maqan yihiin. “Cawaaqibyada bini’aadanimo oo ay sababaan dagaallada hubeysan ee dabada dheeraada ayaa badanaa lagu arkayaa inta badan wareysyada laga qaado dadka wax raadinayo. Tusaale ahaan, kala bar qoysaskii lagu wareystay Nigeria ayaa soo sheegay in qaraabadoodu la waayay 2014-2015. Koonfurta Suudaan, inta badan qoysasku waxay raadinayeen dad la waayay intii u dhaxaysay 2013 iyo 2016. Liibiya, qoysasku waxay soo wariyeen inay raadinayeen qaraabo maqan dhammaadkii 70 -meeyadii ilaa maanta, sidaas oo kalana waxaa lamid ah Itoobiya iyo Uganda,” ayay tiri. Khubarada qaarkood waxay arkaan baahida loo qabo in shaqaalaha bulshada iyo hay’adaha amniga loo tababaro muhiimadda ay leedahay wadaagidda macluumaadka si ehelada looga caawiyo helitaanka dadka maqan. Kaaliyaha taliyaha booliiska Zimbabwe Crispen Lifa ayaa sheegay in dalkiisa iyo gobolka ay u baahan yihiin nidaamka maareynta xogta si loola socdo kiisaska dadka maqan. ICRC waxay ugu baaqday dowladaha Afrika inay ka hortagaan dadka la weynayo oo ay bulshada ka caawiyaan raadinta iyo aqoonsiga, iyo wax ka qabashada baahiyaha qoysaska ay dadka ka maqan yihiin. The post Dad gaaraya 48,000 oo qof oo lagu la’yahay AFRIKA appeared first on Caasimada Online.

Allaha u naxariistee waxa xalay magaalada Muqdisho ku geeriyooday Fanaankii Soomaaliyeed ee Hooballada Waaberi Maxamed Aadan Shamuuri. Geerida marxuumka wax aka tacsiyeeyay geeridiisa Wasiirka Warfaafinta Dhaqanka iyo dalxiiska dowladda Federaalka Soomaaliya Cismaan Abuukar Dubbe. “Waxaan uga tacsiyeynayaa qoyskiisa, asxaabtiisii, Hoboladda Qaranka ee Waabari iyo guud ahaan Ummadda Soomaaliyeed. Sabar iyo Iimaan Allaha naga wada siiyo, marxuumkana Jannadii Firdows Eebbe ha ugu deeqo.” Maxamed Aasan oo ku magac dheeraa Shamuuri waxa uu fanka ku biiray dabayaaqadii 1970-meeyadii, waxuuna xalay ku geeriyooday degmada Warta-Nabadda ee magaalada Muqdisho. PUNTLAND POST The post Fanaankii Maxamed Aaden Shamuuri oo geeriyooday appeared first on Puntland Post.

Muqdisho (Caasimada Online)-Afhayeenka ururka Al-Shabaab Sheekh Cali Maxamuud Raage (Cali Dheere) ayaa soo saaray digniin uu sheegay inay ku socoto guud ahaan dadka Soomaaliyeed, isagoo uga digaya inay la macaamilaan ‘gaalada’ sidoo kalena ay ku lug-yeeshaan doorashooyinka dalka ka socda. Waxa uu sheegay in cidii ku lug yeelata doorashooyinka dowladda dhexe ama dowlad goboleedyada ay dagaal u dhaxeeya xaqa iyo baadilka uga biirtay dhanka baadilka, sida uu hadalka u dhigay Cali Dheere. “Odayaasha beelaha waxaan uga digeynaa shirqoolka loo maleegay in aysan ku dhicin, iyagoo fiirsanaya sandareerada yar ee la siinayo, aan idin weydiiyeen kuwii idinka horeeyey maxay ku tartay dowladii ay soo dhiseen, waxay noqdeen qaar dhintay iyo qaar meel ay ku noolaadaan weysan,” ayuu yiri Afhayeenka Al-Shabaab. Waxa uu sheegay in sababta ay Al-Shabaab u beegsadeen odayaashii soo dhisay dowladii tan ka horeysay ay tahay inay cadaw kala safteen kooxda, balse ay ka difaaci weysay dowladii ay soo dhiseen, sida uu hadalka u yiri. “Waxaan digniin u jeedinayaa qabaa’ilka Soomaaliyeed, feejignaan dheeri ah muujiya oo cadawgu yuusan idinka faa’iideysan, isagoo idiin adeegsanaya diintiina iyo dalkiina si uu deeqdiina u qaato, waxaan ognahay in hub la isugu kiin dhiibay, si aad isku leysaan,” ayuu yiri Afhayeenka Al-Shabaab Cali Dheere. Sidoo kale Cali Dheere waxa uu sheegay in qof kasta oo gacan ka geysta faafinta waxa uu ugu yeeray ‘dimoquraadiyadda’ uu yahay “Murtad diinta Islaamka banaanka ka jooga” kooxduna ay beegsan doonto, sida uu hadalka u dhigay. The post Sheekh Cali Dheere oo soo saaray war xasaasi ah oo ku socda beelaha Soomaalida appeared first on Caasimada Online.