TikTok waxaa laga mamnuuci doonaa Mareykanka 19 ka Janaayo – hadii aan maxkamada sare aysan aqbalin dalabkii ugu dambeeyay ee sharci ee milkiilaha shirkadaan, ByteDance, ee ahaa in go’aankani yahay mid sharci darro ah. Laakiin xitaa haddii hay’adda ugu sarreysa garsoorka ee waddanka iyo maxkamadaha hoose – iyo Congress-ku ay ku heshiiyaan – in madashaan ay khatar ku tahay amniga qaranka, miyay dhab ahaantii ka joojinaysaa dadka Mareykanka ah inay isticmaalaan app kaan? Ma jiri doontaa siyaabo looga gudbi karo xayiraadda – mise madaxweynaha la doortay ee Donald Trump ayaa heli kara waddo uu ku joojiyo sharcigaan uu sheegay inuu ka soo horjeedo, xitaa haddii maxkamaduhu ay taageeraan. Wax kasta oo ku dhaca TikTok, yaa u taagan inuu ka faa’iidaysto hubanti la’aanta mustaqbal ee soo wajihi doona? Dadku wali ma isticmaali karaan TikTok xitaa hadii la mamnuuco? Sida ay u badan tahay Maraykanku marka uu mamnuuco TikTok waxa uu la dalban doonaa appab ka Google Play Store iyo Apple App Store in ay ka dhigaan TikTok mid aan laga heli Karin goobahooda marka la joogo gobolkaas. Sharci-dajiyayaasha Mareykanka ayaa horey ugu sheegay shirkadaha teknolojiyadda inay u diyaar garoobaan inay app-ka ka saaraan bakhaaradooda marka mamnuuciddu ay dhaqan gasho. Taasi waxay la macno tahay in dadku aysan TikTok u isticmaali karin dariiq sharci ah – in kasta oo ay sidoo kale la macno tahay in dadka horay u soo degsaday ay wali ku haysan karaan taleefannadooda. Maadaama uusan app ku ahaan doonin mid si guud loo heli karo mar dambe, waxyaabha cusub ee lagu soo kordhiyo ma heli doonaan isticmaalayaasha gudaha Mareykanka ee horay ugu haystay taleefanadooda – taasoo ka dhigi doonta abka mid aan hormarsanaynh, ugu dambeyntii, aan la isticmaali karin. Waxaana xusid mudan in waxyaalaha cusub ee lagu soo kordhiyo bartaan ay daboolaan dulduleelada amni, markaa haddii TikTok joojiso in dadka Maraykanka jooga helaan waxyaabahaas cusub, waxaa ay halis u galayaan isticmaalayaashu in la jabsado aaladahooda. Dabcan, waxaa jira habab ku xeeran mamnuucida nuucaan ah ee la samaynayo. Waxaa markiiba la arkayaa muuqaalo badan oo dhex wareegaya TikTok oo u sheegaya isticmaaleyaasha sida loo isticmaalo VPN (shabakadda qaaska ah ee aan tooska ahayn) – kaas ooo kuu sahlaya inaad app ka ka hesho meesha laga mamnuuca. Trump ma soo faragalin karaa? Trump ayaa si cad u sheegay in aanu doonayn in sharcigan uu dhaqan galo, isaga oo ka codsaday maxkamadda sare in ay dib u dhigto dhaqangelintiisa inta uu qabanayo xafiiska. Laakin, hadii sharcigaan dhaqan galo, Trump awood uma laha inuu sharciga baabi’iyo, taasoo dhaqan gali doonta maalin ka hor inta uusan xafiiska la wareegin. Laakiin wuxuu si fudud ugu sheegi karaa Waaxda Caddaaladda inaysan dhaqan gelin. Dawladdu waxay si wax ku ool ah u sheegi doontaa Apple iyo Google in aan loo ciqaabi doonin sii wadida in ay goobahooda ku sii hayaan TikTok, taasoo la micno ah in sharcigu sii jiri doono laakiin sida uu yahay aan loo dhaqan galin doonin. Sida iska cad, shirkadaha uma sahlanaan doonto in ay sharciyada jabiyaan xitaa hadii loo sheego in aan loo haysan wax dambi ah – maadaama haatan ay tahay in ay qaataan hadalka madaxweynaha ee ah inaysan la kulmi doonin ciqaab. Bbcsomali Qaran News

Somali Prime Minister Hamza Abdi Barre and Saudi Fund for Development (SFD) Chief Executive Sultan Abdulrahman Al-Marshad met in Somalia on Wednesday, discussing ways to enhance development collaboration between the two sides. Source: Hiiraan Online

Los Angeles (Caasimada Online) – Todobaadki labaad ayuu galay dab xoog leh oo ka holcaya meelo ka mid ah magaalada Los Angeles ee gobolka California ee dalkaan Mareykanka. Kooxaha dab-damiska ayaa Arbacadi shalay la tacaalay in ay damiyaan laba dab oo ka kala socda laba jiho, xilli ay xaaladda uga sii dareyayeen dabeylo xoog leh oo sii hurinayay holoca. Saraakiisha gobolka ayaa ku boorriyay dadka deegaanka in ay si weyn u feejignaadaan, isuna diyaaraan in ay ka baxaan guryahooda ilaa Khamiista maanta ah oo la filayo in dabeylaha xooggan ay sii socdaan. Ciidamada booliska gobolka iyo kuwa degmooyinka ayaa iyaguna dhankooda ka wada howlgallo ay ku xirayaan kooxo lagu eedeeyay in ay bili-liqo u geysteen guryaha iyo goobaha gacansi ee ay dadku ka carareen. Tan iyo todobaadki hore, boolisku waxay sheegeen in ay xireen ku dhawaad 10 qof oo lagu eedeeyay xattooyo. Dad gaaraya 6.5 milyan oo qof ayaa wajahaya xaalad khatar ah oo la xiriirta dabkaan. Ila aiyo hadda ilaha caafimaadka iyo kuwa maamulka waxay xaqiijiyeen dhimashada 25 qof guud ahaan meelaha uu dabka baabi’iyay ee magaalada Los Angeles.

Muqdisho (Caasimada Online) – Qiimeynta Global Firepower ee sannadkan 2025-ka ayaa waxaa laga qeyb geliyay 145 dal, waxaana la tixgeliyay in ka badan 60 waxyaabood sida tirada ciidamada, qalabka milatariga, xasilloonida maaliyadeed, goobta juqraafiyeed, iyo agabyada la heli karo. Qodobbadani waxay si wada jir ah u go’aamiyaan dhibcaha PowerIndex, halkaasoo buundooyinka hoose ay muujinayaan awoodaha ciidan ee xooggan. Caadiyan sannadkan liiska waxaa xoggaaminaya Mareykanka, halka Ruushka, Shiinaha iyo Hindiya ay soo kala galeen kaalmaha labaad, saddexaad iyo afaraad. Kuuriyada Koonfureed, Ingiriiska, Faransiiska, Japan, Turkiga iyo Talyaaniga ayaa galay sidoo kale ka mid ah 10-ka dal ee ugu horreeya liiska kala horreynta ee ay soo saartay Global Firepower. Halkee ayay Soomaaliya kaga jirtaa liiska sanadkan 2025-ka? Sannadkii 2022 Soomaaliya ayaa gashay kaalinta 138-aad waxaana ka dambeeyay waddamada Kosovo iyo Bhutan oo ku kala jiray kaalmaha 139-aad iyo 140-aad, Waxaana markaas la qiimeeyay 140 dal. Sannadkii 2023-kii Soomaaliya waxay liiska ka gashay kaalinta 142 waxaana ka dambeeyay 3 waddan oo kala ahaa Maldova, Benin iyo Bhutan. Sannadkii dhamaaday ee 2024-kiina Soomaaliya ayaa gashay liiska awoodaha militari ee adduunka ayaa ah 142 oo la mid ah kaalintii ay gashay sannadkii ka sii horreeyay balse waxaa kala duwan 3-da waddan ee ka hooseeya. Waxaana ka hooseeyay waddamada kala ah Bhutan, Moldova, Suriname. Waddamadii ay sannadkii ka sii horreeyay ee 2023-ka ka sara martay waxaa ka baxay Benin oo gashay kaalinta 41-aad. Waddamadan ay Soomaaliya ka sare martay ayaa waxay ku kala yaallaan qaaradaha Ameerika iyo Aasiya. Sannadkan 2025-ka kaalinta Soomaaliya waxba iskama baddelin oo waxay ku jirtaa isla kaalintii ay sannadkii hore gashay oo ahayd 142. Waxaana sannadkan ka hooseeya 3 waddan oo kala ah Jamhuuriyadda Afrikada dhexe, Benin iyo Bhutan. Markii hore Soomaaliya waxay meesha ugu hooseysa uga jirtay liiska caalamka. Muddo dheer ayay sanadk kasta Soomaaliya ahayd dalka ugu hooseeya liiska, oo ahaa 140 waddan. Waxaase muuqatay inay saddexdii sano la soo dhaafay sare u soo kacaysay. Waxaa xusid mudan in bishii Diseembar Soomaaliya laga qaaday cunaqabatayntii saarnayd 31 sano ka dib kulan Golaha Ammaanka ee Qaramada midoobay ka yeesheen kaas oo si aqlabiyad leh loogu codeeyey in meesha laga saaro xayiraaddii hubka ee saarnayd Soomaaliya ilaa sanadkii 1992-dii. Sidaa darteed waxaa la saadaalinayaa in sanadaha soo socda ay awoodda militari ee Soomaaliya ay sare u kici doonto marka ay soo iibsato ama la siiyo hubka loo fasaxay. BBC

Tehran (Caasimada Online) – Iran waligeed ma qorsheyn inay disho madaxweynaha la-doortay ee Mareykanka Donald Trump, waxaa sidaas wareysi uu siiyay NBC News ku sheegay madaxweynaha Iran Masoud Pezeshkian, isagoo beeniyay sheegashadii hore ee Trump iyo dowladda Mareykanka. Bishii November, waaxda cadaaladda ee Maraykanka ayaa nin Irani ah ku soo oogtay dacwad la xiriirta shirqool ay amar ku bixiyeen Ilaalada Kacaanka Iran, si uu u dilo madaxweynaha la doortay ee Maraykanka. Ciidamada ammaanka ayaa fashiliyay qorshahaas ka hor inta aan wax weerar ah la qaadin. Trump ayaa sidoo kale sheegay sanadkii hore intii lagu jiray ololaha doorashada madaxweynaha Mareykanka in Iran laga yaabo inay ka dambeysay isku dayo lagu dili rabay. “Waxba kama jiraan wararkaas, weligeen iskuma dayin ugu horreynba, mana isku dayi doono abid,” Pezeshkian ayaa ku yiri wareysigiisa NBC News, markii la weydiiyay haddii uu jiro qorshe Iran ay damacday in lagu dilo Trump. Trump, oo ku guuleystay doorashadii Mareykanka ee sannadkii hore, xilkana la wareegi doona Isniinta, ayaa ka badbaaday laba isku day dil, intii lagu jiray ololaha. Bishii September isku day dil ayuu ka badbaaday xilli uu golf ku ciyaarayay West Palm Beach, Florida, iyo mid kale wuxuu ka badbaaday intii lagu jiray isu soo bax bishii Luulyo ka dhacay Butler, Pennsylvania. Baarayaasha ma helin wax caddaynaya ku lug lahaanshaha Iran ee labadaas weerar oo la doonayey in Trump lagu dilo. Iran ayaa sidoo kale horay u beenisay sheegashada Mareykanka ee ah in ay faragelin ku heyso arrimaha Mareykanka, oo ay ku jiraan howlgallo dhanka Internetka ah. Tehran ayaa sheegtay in Washington ay faragelin ku samaynaysay arrimaheeda gudaha muddo tobanaan sano ah, iyada oo soo xiganaysa dhacdooyin u dhexeeyay afgambigii 1953 ka dhanka ahaa ra’iisul wasaarihii dalkaas, illaa 2020 oo taliye milatari oo sare lagu dilay duqayn diyaaradaha aan duuliyaha lahayn ee Mareykanka ay u geysteen. REUTERS

The presence of Toyota vehicles in conflict-struck zones around the globe, particularly in the Middle East, the African continent, and many parts of western Asia – i.e. Afghanistan, has drawn much attention to be analyzed. Such vehicles, particularly the Toyota Hilux, are inextricably associated with violence when it comes to warzone transport vessels for insurgents and other violent extremists. Understanding this relationship can be attributed to a few key principles in hardware conflict dynamics: practicality, durability, availability, and geopolitical subtleties. Source: Hiiraan Online

Gaza (Caasimada Online) – Israa’iil iyo Xamaas ayaa Arbacadii maanta ku heshiiyey xabbad joojin iyo sii daynta la-haystayaal lagu hayo Gaza, kadib kulamo kala duwan oo ay la yeesheen ra’iisul wasaaraha Qatar, sida ay AFP u sheegtay ilo-wareed xog-ogaal u ah wada-hadallada. Sarkaal Maraykan ah ayaa sidoo kale xaqiijiyey heshiiska. Cadaadiska lagu doonayo in lagu soo afjaro dagaalka ayaa kordhay maalmihii la soo dhaafay, iyadoo dhex-dhexaadiyeyaasha Qatar, Masar iyo Maraykanku ay xoojiyeen dadaallada lagu xaqiijinayo heshiis. Ilo-wareed xog-ogaal u ah wadahadallada ayaa u sheegay AFP in “heshiis xabbad joojin ah oo Gaza ah iyo sii daynta la haystayaasha (la gaaray) kaddib markii Ra’iisul Wasaaraha Qatar Sheikh Mohammed bin Abdulrahman bin Jassim al-Thani uu xafiiskiisa kula kulmay si kala gooni ah wada-xaajoodayaasha Xamaas iyo kuwa Israa’iil.” Ku dhawaaqistan ayaa timid bilo kadib isku dayo fashilmay oo lagu doonayay in lagu soo afjaro dagaalka ugu dhimashada badan taariikhda Gaza, iyo maalmo ka hor caleemo saarka madaxweynaha la doortay ee Maraykanka Donald Trump, kaasi oo isla markiiba soo dhaweeyay heshiiska ka hor inta uusan si rasmi ah uga dhawaaqin Aqalka Cad. “Waxaan heshiis u haynaa la haystayaasha Bariga Dhexe. Si dhaqso ah ayaa loo sii dayn doonaa. Waad mahadsan tahay!” ayuu ku yiri bartiisa Truth Social. Wuxuu uga digay Xamaas “dab cadaab ah” haddii aysan xorriyaddooda u soo celin maxaabiista harsan ka hor inta uusan xilka la wareegin. Ergooyin ka socda labada maamul, midka Biden iyo Kan Trump ee soo socda ayaa joogay wada-hadalladii ugu dambeeyay. Dagaalka Gaza ayaa billowday kadib markii Xamas ay weerarkii ugu dhimashada badnaa taariikhda ku qaadday Israa’iil 7-dii Oktoobar, 2023, taasoo sababtay dhimashada 1,210 qof, oo u badan rayid, sida lagu sheegay tirakoob ay AFP ka samaysay tirooyinka rasmiga ah ee Israa’iil. Dagaalyahannada Falastiiniyiinta ayaa sidoo kale weerarkaas ku qafaashay 251 qof, kuwaasoo 94 ka mid ah weli lagu hayo Gaza, ayadoo 34 ka mid ah ay ciidamada Israa’iil sheegeen inay dhinteen. Olole aargoosi ah oo Israa’iil ka waddo Gaza ayaa waxaa ku dhintay 46,707 qof, oo u badan rayid, sida ay sheegeen tirooyinka wasaaradda caafimaadka ee maamulka Xamaas, kuwaasoo Qaramada Midoobay ay u aragto kuwo lagu kalsoonaan karo. Faah-faahinta iyo qodobada lagu heshiiyey ayaa la filayaa in lagu dhowaaqo saacadaha soo socda.

Mogadishu (HOL) — Somaliland has launched a nationwide three-week campaign to combat drug trafficking, targeting smugglers, distributors, and users. The initiative, led by the Somaliland police in collaboration with the Ministry of Religious Affairs and local clerics, underscores the government's determination to address the growing narcotics crisis. Source: Hiiraan Online

Mogadishu (HOL) — Somalia and Saudi Arabia have entered an agreement to advance development initiatives funded by Saudi Arabia. Source: Hiiraan Online

Mogadishu, Somalia – Liban Hassan* has spent most of his adult life fishing off Somalia’s northeast coast – often finding himself with a net in hand navigating waters near the town of Eyl in Puntland state, where he grew up. Source: Hiiraan Online

Muqdisho (Caasimada Online) – Ra’iisul Wasaaraha Soomaaliya, Mudane Xamsa Cabdi Barre ayaa maanta xafiiskiisa ku qaabilay wafdi uu hoggaaminayo Maamulaha Guud ee Sanduuqa Horumarinta Boqortooyada Sucuudi Carabiya Sultan Abdulrahman Al-Marshad. Kulankan ayaa imanaya saacad uun kadib markii laba dowladood ay Muqdisho ku gaareen heshiis ay qalinka ku duugeen Wasiirka Maaliyadda Soomaaliya iyo Maamulaha Guud ee Sanduuqa Horumarinta Dhaqaalaha Sacuudiga. Kulanka ayaa waxay labada masuul uga wada-hadleen sidii ay kaalin uga qaadan lahayeen iskaashiga labada dhinac gaar ahaan arrimaha maalgashiga iyo horumarinta kaabayaasha dhaqaalaha dalka. Intii uu socday kulanka ayaa waxaa diirada lagu saaray sidii Sanduuqa Horumarinta Sucuudiga uu kaalin muuqata uga geysan lahaa; arrimaha horumarinta dhaqaalaha dalka iyo maalgashiga. Sanduuqan ayaa kamid yahay hey’addaha sida gaarka ah ula shaqeeya dowladda, sidoo kalena uu qeyb weyn ku lahaa barnaamijkii dib-u-habeynta dhaqaalaha dalkeenna ee horseeday in Soomaaliya ay gaarto deyn cafin dhameystiran. Ra’iisul Wasaare Xamza ayaa uga mahad-celiyey wafdiga ka socday Boqortooyada Sucuudiga booqashada ay ku yimaadeen Muqdisho, isaga oo xusay in Soomaaliya ay ka jiraan fursado waaweyn oo maalgashi gaar ahaan dhinacyada beeraha, kalluumeysiga iyo tamarta. Kulankan ayaa waxaa Maamulaha Guud ee Sanduuqa Horumarinta Boqortooyada Sucuudi Carabiya ku wehliyay safiirka Sacuudiga ee Soomaaliya iyo masuuliyiin kale oo ka tirsan safaaradda, halka ra’iisul wasaaraha ay ku wehlinayeen Wasiirka Maaliyadda iyo xubno ka tirsan golihiisa.

Madaxweyne Ku xigeenka JSL Md.Maxamed Cali Aw Cabdi oo maanta daah furay Dhismaha Waaxda Gargaarka degdega ah iyo dhaawacyada Cusbitaalka guud ee Magaalada Boorama. Madaxaweyne Kuxigeenka JSL Md.Maxamed Cali Aw Cabdi iyo Wafti Balaadhan oo u hogaaminayo ayaa maanta socdaal hawleed ugu ambo baxay gobolada galbeedka Somaliland ayaa soo dhawayn loogu sameeyey deegaanka goroyacawl ee duleedka Boorama. Waxaana socdaalka Madaxweyne kuxigeenka ku wehelinayey Wasiirka Caafimaadka, Wasiirka Dhalinyarada iyo Ciyaaraha, kuxigeenka wasaarada dibu dajinta. Agaasimayaasha guud ee Wasaaradaha Caafimaadka iyo duulista iyo Hawada. Intaasi kadib Madaxweyne Kuxigeenka JSL iyo waftiga u hogaaminayey ayaa daah furay Dhismaha Waaxda Gargaarka degdega ah iyo dhaawacyada Cusbitaalka guud ee Boorama waxaana hirgalisay Hay’adda Amoud Foundation. Madaxweyne Kuxigeenka JSL Md.Maxamed Cali Aw Cabdi oo halkaasi ka hadlay ayaa hay,adda Amoud Foundation ku amaanay doorkeeda samafalka. Qaran News

Beledweyne (Caasimada Online) – Taliyaha hay’adda sirdoonka iyo nabad-sugidda qaranka Cabdullaahi Sanbaloolshe ayaa maanta soo gaba-gabeeyay safarkiisi gobolka Hiiraan. Sanbaloolshe oo mudo 10 maalmood ah ku maqnaa Hiiraan ayaa waxaa natiijo wax ku ool ah laga gaaray dadaalladii nabadeynta iyo dib u heshiisiinta ee gobolka, iyadoo haatan dad badan rajo ka qabaan inay billow u noqon karto xal u helidda xaaladaha amni iyo kuwa siyaasadeed ee gobolka. Sida ay Caasimada Online u sheegeen dad xogagaal ah, horumarka hadda laga gaaray arrinta gobalka Hiiraan ayaa waxaa loo sababaynayaa kaalinta hoggaamineed ee ay qaateen mas’uuliyiinta ka soo jeedda gobolkaas oo uu ugu horreeyo Taliyaha NISA. Illaa 5 qodob oo muhiim ah ayaa xal laga gaaray, kuwaas oo u jilba dhigteen mas’uuliyiinta ugu horreeyo Taliyaha nabad-sugidda qaranka, oo asagu haatan soo gaba-gabeeyay safarkiisi qaatay ku dhowaad labada asbuuc. Sida ay ogaatay Caasimada Online, waxaa lagu guuleystay in si nabad ah gacanta dowladda loogu soo celiyo xaruntii gobolka Hiiraan kadib markii la qanciyay garabka Hiiran State ee uu horkacayay Colow oo ku sugnaa xarunta. Sidoo kale waxaa xeyndaabka dowladnimada loogu soo celiyay garabka Hiiran State oo ku sugnaa Feerfeer, Itoobiya oo uu hoggaaminayay Abdullahi Ganey. Qodobka saddexaad ee isagna lagu guuleystay xal u helistiisa ayaa ah qaadista isbaaroyinkii yaalay magaalada Beledweyne iyo hareeraheeda, oo iyagu sababay sicir barar dhanka maciishadda ah oo ay ku dhibbanaayeen dadka deegaanka. Dadaalladan ayaa sidoo kale waxaa xal looga gaaray xiisaddii ka dhalatay askartii lagu laayay Ceelbaraf, iyadoo xusid mudan tahay in xalkaas ay si weyn uga baxeen duubabka dhaqanka Mudullood oo uu hoggaaminayay Imaam Daahir Imaam Maxamuud. Waxa kale oo lagu guuleystay in dib loo abaabulo safafka halgamayaashii deegaanka ee Macawiisleyda oo la mideeyay cududdooda si mar labaad loo dardar-galiyo dagaalka ka dhanka ah kooxda Al-Shabaab. Gobolkan ayaa waxaa lagu xasuusta kaalinta uu uga jiray halganka xoreynta dalka, iyadoo jab xooggan lagu gaarsiiyay kooxda Al-Shabaab, inkasta oo muddooyinkii dambe uu hoos u dhac ku yimid gulufka ka dhanka ah kooxda, oo haatan u muuqda mid dib loo abaabulayo.

The 5th cabinet members meeting on Thursday saw the ministers briefed on the ongoing process of achieving its envisaged 100 day action plan, underscoring its steadfastness. This week similarly saw the President of the Republic of Somaliland, H.E. Abdirahman Mohamed Abdillahi Irro chairing a cabinet meeting whose members have just been approved by the parliament. They were all administered with the oath of office on Thursday at the Presidency. While flanked by the Vice President H.E. Mohamed Ali Aw Abdi, the Head of State listened to the briefs on the progress of the said action plan; with the Minister of Presidency requesting the members of the cabinet to submit their respective reports as they had been earlier instructed by the President such that the political policy they may be synchronized to the national economic plan. The Minister of Planning and National Development also provided further details on the ministry’s role and responsibilities to the Nation and how to align the 3rd National Development Plan with the Political Program of the ruling Waddani Party. Other points discussed in the session included: The general situation of the country’s security, the economy, education and the latest affairs in livestock exports, with adequate reports provided by the line ministers. The council of ministers also dwelt on the systemic issues of business licensing which the Minister of Trade and Tourism provided the Council with further details on their guidelines. The Minister of Transport and Road Development on his part briefed the Council with information regarding the commencement of the registration of Government Vehicles and the issuance of Government Vehicle Books. The Council was also distributed the Cabinet By-laws (1st Reading) and a general brief given to the Council by the Attorney General of the Nation. Somaliland stander Qaran News

Muqdisho (Caasimada Online) – Hoggaanka taliska howl-galka cusub ee Midowga Afrika ee Soomaaliya ayaa xaqiijiyay taageeradooda dagaalka ay dowladda Soomaaliya ku jirto ee dhanka ah kooxda Al-Shabaab. Wakiilka Gaarka ah ee Midowga Afrika u qaabilsan Soomaaliya Ambassador Maxamed El-amine Souef oo maanta la kulmay ra’iisul wasaaraha Soomaaliya Xamza Cabdi Barre ayaa caddeeyay taageeradooda buuxda ee dagaalka. Labada masuul ayaa intii kulanka socday waxay uga wada-hadleen arrimaha howl-galka cusub ee Midowga Afrika, kaasi oo horraantii sanadkan si rasmi ah uga bilowday gudaha Soomaaliya. Kulanka ayaa sidoo kale diiradda lagu saaray xoojinta iskaashi ee ka dhaxeeya Soomaaliya iyo Midowga Afrika iyo howlgalka cusub ee taageerridda iyo xasillinta Midowga Afrika ee Soomaaliya (AUSSOM) oo bedalaya ATMIS. Intii uu socday kulanka, danjire Souef ayaa tilmaamay in Midowga Afrika si buuxda uga taageerayo dowladda Soomaaliyeed ciribtirka kooxaha argagixisada ee ugu horreyso Al-Shabaab. Ra’iisul Wasaaraha ayaa ugu dambeyntiina wuxuu Midowga Afrika uga mahad-celiyey taageerrada naf-hurnimada leh ee uu la garab joogo dowladda iyo shacabka Soomaaliyeed. Waxa kale oo uuna caddeeyey sida ay dowladda uga go’an tahay in dalka laga sifeeyo kooxaha Khawaarijta ah ee isku soo bahaystay in dalkeena ay nabadda u diidaan.

Israa’iil iyo Xamaas ayaa loo malaynayaa inay qarka u saaran yihiin inay ku heshiiyaan xabbad -joojin lagu soo afjaro dagaalka Qasa iyo in la sii daayo dadkii ay ka Xamaas gafaalatay Israa’iil iyo maxaabiis Falastiiniyiin ah ee ay Israa’iil xirtay. Warbaahinta CBS bah-wadaag la ah BBC-da ayaa mas’uuliyiinta Carabta, Mareykanka iyo Israa’iil u sheegeen in heshiis la gaaray mabda’ ahaan, haddii ay wax walba hagaagaanna ay toddobaadkan dhammeystiri doonaan heshiis buuxa oo u dhaxeeya Israa’iil iyo Xamaas. Waxay noqon doontaa horumarkii ugu yaabka badnaa 15-kii bilood ee uu dagaalka socday, kaasoo billowday markii kooxda hubeysan ee Falastiiniyiinta ee Xamaas ay weerareen Israa’iil Oktoobar 2023. Maxaa ku jiri kara heshiiska xabbad-joojinta ah ee Israa’iil iyo Xamaas? Waxaa la rajeynayaa in heshiiska xabbad joojinta uu ka dhigan yahay heshiis lagu joojinayo dagaalka ka socda Qasa. Sidoo kale waxaa la filayaa in la is dhaafsado maxaabiista ay labada dhinac kala hayaan. Xamaas waxa ay gacanta ku dhigtay 251 markii ay weerartay Israa’iil bishii Oktoobar 2023. Waxa ay weli gacanta ku haysaa 94 maxbuus ah, inkasta oo Israa’iil ay aaminsan tahay in 60 keliya ay weli nool yihiin. Israa’iil ayaa la filayaa in ay sii deyso ilaa 1,000 maxaabiis falastiiniyiin ah, oo qaarkood ay sanado u xirnaayeen, si ay ugu beddeshaan la haystayaasha. Sidee ayay u shaqeyn kartaa xabbad-joojinta? Xabbad-joojintan ayaa la filayaa inay u dhacdo saddex marxaladood, marka la shaaciyo heshiiska. Faah-faahin ayaa weli ka soo baxayasa. Inta heshiis laga gaarayo, waa wax isbedeli kara. Marxaladda koowaad Afhayeen u hadlay dowladda Israa’iil oo la yirahdo David Mencer ayaa sheegay in 33 la haystayaal ah – oo la filayo inay noqdaan haween, carruur, waayeel iyo dad buka ama dhaawacmay – lagu beddeli doono maxaabiis Falastiiniyiin ah. Mr Mencer ayaa sheegay in inta badan 33-da qof ee la qafaashay loo malaynayo inay weli nool yihiin. Saddex qof oo la haystayaal ah ayaa isla markiiba la sii dayn doonaa, sarkaal Falastiini ah ayaa u sheegay BBC, iyadoo inta soo hartay ee la haysto la sii dayn doono ay dhacayso lix toddobaad. Inta lagu jiro marxaladan, ciidamada Israa’iil waxay sidoo kale bilaabi doonaan inay ka baxaan meelaha ay dadku ku badan yihiin ee Gaza. Mas’uulka Falastiiniga ah ayaa sheegay in wadahadallada faahfaahsan ee marxaladaha labaad iyo saddexaad ay billaaban doonaan maalinta 16-aad ee xabbad joojinta. Marxaladda labaad Marxaladda labaad, la haystayaasha soo haray – askarta iyo kaydka – waa la sii dayn doonaa, taas beddelkeedana sii dayn kale oo maxaabiis falastiiniyiin ah ayaa dhaceysa. 1,000 maxaabiis falastiiniyiin ah ayaa loo malaynayaa inay Israa’iil ogolaatay in la sii daayo, ilaa 190 ka mid ah waxay ku xukuman yihiin 15 sano iyo ka badan. Sarkaal Israa’iili ah ayaa BBC-da u sheegay in kuwa dilka lagu xukumay aan laga sii deyn doonin Daanta Galbeed ee la haysto. Inta lagu jiro marxaladan, Israa’iil waxay sidoo kale u oggolaan doontaa dadka barokacay ee hadda ku sugan koonfurta Gaza inay ku noqdaan waqooyiga. Ku dhawaad ​​dhammaan 2.3 milyan ee shacabka Gaza ayaa ku qasbanaaday inay ka baxaan guryahooda dagaalka dartiis. Marxaladda saddexaad Marxaladda saddexaad iyo tan ugu dambeysa waxay ku lug yeelan doontaa dib u dhiska Gaza – taas oo sanado qaadan karta Mas’uulka Israa’iil ayaa sheegay in ciidamada Israa’iil ay ku sii jiri doonaan aag ammaan ah oo ku yaalla Gaza inta lagu guda jiro xabbad joojin kasta. Maxay yihiin su’aalaha aan laga jawaabin ee ku saabsan heshiiska?¹ Soo gaaritaanka heerkan waxa ay qaadatay bilo wada xaajood dadban oo adag, ugu yaraan sababtoo ah Israa’iil iyo Xamaas ayaa gebi ahaanba isku kalsoonayn. Xamaas ayaa doonaysay in gebi ahaanba dagaalka la joojiyo ka hor inta aysan sii deyn la haystayaasha, arrintaas oo Israa’iil aysan aqbali karin. Xabad-joojintu waxay dhaqangal noqonaysaa in dagaalka la hakiyo inta la fulinayo shuruudaheeda. Si kastaba ha ahaatee, ma cadda in ay ka dhigan tahay in dagaalku si wanaagsan u dhammaaday. Mid ka mid ah ujeedooyinka dagaalka muhiimka ah ee Israel ayaa ahaa in la burburiyo awooda militariga iyo maamulka Xamaas. Inkasta oo Israa’iil ay si ba’an u dhaawacday, haddana Xamaas waxay weli haysataa xoogaa awood ah oo ay ku hawlgeliso dagaalamayaasheeda oo ay dib isugu soo ururiso. Sidoo kale ma cadda dadka la qafaashay ee nool iyo kuwa dhintay ama in Xamaas ay garanayso halka ay ku sugan yihiin dhammaan dadka aan weli la aqoonsan. Dhankeeda, Xamaas ayaa dalbatay in la sii daayo maxaabiista qaarkood oo Israa’iil ay sheegtay in aysan sii deyn doonin. Waxaana la rumeysan yahay inay ku jiraan kuwii ku lug lahaa weeraradii 7-dii October. Sidoo kale lama oga in Israa’iil ay aqbali doonto in ay ka baxdo aagga difaaca waqti go’an, iyo in joogitaankeeda halkaas uu noqon doono mid furan. Xabad joojin kasta waxay u badan tahay inay noqoto mid jilicsan. Xabbad joojintii u dhaxaysay Israa’iil iyo Xamaas oo hakisay dagaaladii hore ayaa waxaa ruxay iska horimaadyo, ugu dambayntiina waa la burburiyay. Jadwalka iyo kakanaanta xabbad joojintan waxay la macno tahay xitaa dhacdo yar waxay isu beddeli kartaa khatar weyn. Maxaa dhacay 7 Oktoobar 2023 maxaase ka dhacay Gaza? Boqolaal dabley ah oo ay Xamaas hoggaaminaysay ayaa weerar aan hore loo arag ku qaaday koonfurta Israa’iil, iyaga oo gudaha u galay xayndaabka xuduudka, waxaanay beegsadeen bulshooyin, saldhigyo boolis iyo saldhigyo ciidan. Ku dhawaad ​​1,200 oo qof ayaa la dilay in ka badan 250 la haystayaalna dib ayaa loogu celiyay Qaza. Xamaas ayaa sidoo kale kumanaan gantaal ku riday Israa’iil. Israa’iil waxay kaga jawaabtay olole millatari oo baaxad leh, oo ay ugu horreyay weerar cirka ah iyo duqeyn ka dibna waxaa dhacay duullaandhulka ah. Wixii markaas ka dambeeyay Israa’iil waxa ay weerartay bartimaameedyo ku yaalla Gaza oo dhan dhul, bad iyo cirba ah, halka Xamaas ay Israa’iil ku weerartay gantaallo. Duulaanka Israa’iil ayaa burburiyay Qaza, wuxuuna horseeday cunno yari ba’an, iyadoo gargaarku uu la daalaa dhacayo sidii loo gaarsiin lahaa dadka aadka ugu baahan. In ka badan 46,600 oo qof – oo u badan dad rayid ah – ayaa lagu dilay weerarrada Israa’iil, sida ay sheegtay wasaaradda caafimaadka ee Xamaas ee Gaza. Bbcsomali Qaran News

Muqdisho (Caasimada Online) – Madaxweynaha Soomaaliya Xasan Sheekh Maxamuud ayaa maanta magaalada Muqdisho ka furay shirweynaha 7-aad ee garsoorka dalka. Madaxweynaha oo khudbad ka jeediyay halkaasi ayaa sheegay in dib-u-eegista iyo dhameystirka cutubka 9-aad ee dastuurka ay aas-aas u tahay helidda nidaam garsoor oo la jaanqaadaya baahiyaha bulshada iyo dib u kabashada dalka. Sidoo kale wuxuu tilmaamay guulaha la taaban karo ee sanadihii la soo dhaafay laga gaaray horumarinta garsoorka dalka, kuwaas oo ay ka mid yihiin; 1- Shaqaaleysiinta howl-wadeenno cusub oo loo maray hannaan tartan furan oo cadaalad ah iyo 2- Hirgelinta nidaamka elektarooniga ah ee dacwadaha, kaas oo si joogto ah loo horumarinayo si loo dedejiyo habsami u socodka adeegyada garsoorka. “Dowladdu waxa ay si weyn uga shaqeynaysaa in cutubka ku saabsan garsoorka uu noqdo mid [sida ugu wanaagsan] u qaabeeya arrimaha garsoorka, iyada oo la hubinayo in dastuurku uu saldhig u noqdo garsoor casri ah oo dabooli kara baahida caddaaladda ee bulshada,” ayuu yiri madaxweyne Xasan Sheekh. Madaxweynaha ayaa waxa kale uu adkeeyey sida ay uga go’an tahay dowladda dhammeystirka dhismaha nidaam garsoor oo casri ah, hufan oo ay saldhig u tahay shareecadda Islaamka. Ugu dambeyntiina wuxuu soo bandhigay tallaabooyinka lagu xaqiijinayo oo ay ka mid tahay dhismaha maxkamadda dastuuriga ah, sare u qaadidda miisaaniyadda hay’adaha garsoorka iyo baahinta adeegga garsoorka dalka.

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo furay Shirweynaha 7-aad ee Garsoorka dalka ayaa sheegay in dib-u-eegista iyo dhameystirka Cutubka 9-aad ee Dastuurka ay aasaas u tahay helidda nidaam garsoor oo la jaanqaadaya baahiyaha bulshada iyo dib u kabashada dalka. Madaxweynaha ayaa tilmaamay guulaha la taaban karo ee sanadihii la soo dhaafay laga gaaray horumarinta garsoorka dalka, kuwaas oo ay ka mid yihiin; shaqaaleysiinta howl-wadeenno cusub oo loo maray hannaan tartan furan oo cadaalad ah iyo hirgelinta nidaamka elektarooniga ah ee dacwadaha, kaas oo si joogto ah loo horumarinayo si loo dedejiyo habsami u socodka adeegyada garsoorka. “Dowladdu waxa ay si weyn uga shaqeynaysaa in cutubka ku saabsan Garsoorka uu noqdo mid [sida ugu wanaagsan] u qaabeeya arrimaha garsoorka, iyada oo la hubinayo in dastuurku uu saldhig u noqdo garsoor casri ah oo dabooli kara baahida caddaaladda ee bulshada”. Sidoo kale, Madaxweynaha Jamhuuriyadda ayaa adkeeyey sida ay uga go’an tahay Dowladda dhammeystirka dhismaha nidaam garsoor oo casri ah, hufan oo ay saldhig u tahay shareecadda Islaamka, isagoo soo bandhigay tallaabooyinka lagu xaqiijinayo oo ay ka mid tahay dhismaha Maxkamadda Dastuuriga ah, sare u qaadidda miisaaniyadda Hay’adaha Garsoorka iyo baahinta adeegga garsoorka dalka. Source: goobjoog.com

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa maanta qaabilay Wakiilka Gaarka ah ee Midowga Afrika u qaabilsan Soomaaliya, Ambassador Maxamed El-amine Souef oo ay ka wada hadleen arrimo la xiriira hawlgalka Midowga Afrika. Kulanka ayaa diiradda lagu saaray xoojinta Iskaashi ee ka dhaxeeya Soomaaliya iyo Midowga Afrika, iyo howlgalka cusub ee taageerridda iyo Xasillinta Midowga Afrika ee Soomaaliya (AUSSOM) oo bedalaya ATMIS, iyada oo danjire Souef uu xusay in Midowga Afrika si buuxda uga taageerayo dowladda Soomaaliyeed ciribtirka kooxaha Shabaab iyo Daacish. Ra’iisul Wasaare Xamsa Cabdi Barre, ayaa Midowga Afrika uga mahad celiyey taageerrada naf-hurnimada leh ee uu la garab joogo dowladda iyo shacabka Soomaaliyeed, waxa uuna caddeeyey sida ay dowladda uga go’an tahay in dalka laga sifeeyo kooxaha hubeysan ee isku soo bahaystay in dalkeena ay nabadda u diidaan. Source: goobjoog.com

Muqdisho (Caasimada Online) – Waxaa weli sii kordhaya khataraha ka imaanaya kooxaha burcad-badeeda, kadib markii ay kordheen weerarada ay ku qaadaan maraakiibta shisheeye, sida ay maanta shaca ka qaaday hay’adda caalamiga ah ee badaha. Hay’adda oo warbixin sanadkeed soo saartay ayaa digniin u jeedisay maraakiibta, waxayna ku boorisay howlwadeennada inay sameeyeen feejignaan xilliyada ay isaga kala gooshayaan xeebaha Soomaaliya iyo gacanka cadmeed. Warbixin sanadeed kasoo baxday Xafiiska Rugta Ganacsiga Caalamiga ah ee Badaha Caalamiga ah (IMB) ayaa lagu sheegay in weli ay jirto khatarta burcad-badeedda, loona baahan yahay in la qaado tallaabooyin dheeraad ah oo looga hortagayo kooxdaasi. Sidoo kale warbixinta ayaa lagu sheegtay in siddeed weerar oo budhcad-badeed ah ay ka dhaceen xeebaha Soomaaliya sanadkii lasoo dhaafay ee 2024, kuwaas oo lagu afduubtay labo markab oo kalluumeysi iyo markab xamuul ah “Maamulayaasha iyo hawl-wadeennada maraakiibta waxaa si adag loogu dhiirri-gelinayaa inay si adag u feejignaadaan, una hoggaansamaan dhammaan talooyinka hab-dhaqannada maamulka ugu wanaagsan inta ay uga sii gudbayaan Gacanka Guinea iyo biyaha Bariga Afrika,” ayuu yiri Michael Howlett oo ah agaasimaha IMB. Waxaa kale oo uu sii raaciyay in burcad-badeedda Soomaalida ay ku beegsan karaan maraakiibta meel xeebaha Soomaaliya u jirta 1,000 mayl-badeed, iyagoo isticmaalaya doonyaha dheereeya. Digniintan ayaa kusoo aadeysa, iyada oo dhowaan burcad-badeed laga sii daayay markab kalluumaysi oo laga leeyahay dalka Shiinaha oo lagu qafaashay xeebaha deegaanada Puntland.

Guddiga Amniga Gobolka Bari, oo maanta Shir ku yeeshay magaalada Boosaaso ayaa shaaciyay in ay baaritaan ku samaynayaan dhammaan ajaanibta ku sugan Boosaaso, si loo hubiyo in aysan ka tirsanayn kooxaha Argagixisada ah. Taliyaha Qeybta Booliska Gobolka Bari G/sare Cabdiqaadir Jaamac Dirir, oo Warbaahinta u akhriyay go’aannadii ka soo baxay Shirkaasi ayaa sheegay in baaritaan lagu samaynayo dhammaan ajaanibta ku sugan Boosaaso iyo guud ahaan Gobolka Bari, si loo hubiyo in aysan adeegsan kooxaha Argagixisada ah. “Maadaama kooxaha Argagixisada ah ee lala dagaallamayo u badan yihiin kooxo ajaanib ah, waxaan faraynaa laamaha baarista qaabilsan in ay baaritaan ku sameeyaan dhammaan ajaanibta ku sugan Gobolka, gaar ahaanna magaalada Boosaaso, si loo hubiyo in aysan adeegsan kooxaha Argagixisada ah ee dagaalka aan kula jirno. Wax badan baa isku soo dhex dhuuntay oo u baahan in baaritaan lagu sameeyo” ayuu yiri Taliyaha Qeybta Booliska Gobolka Bari. Gaashaanle Sare Cabdiqaadir Dirir ayaa sidoo kale sheegay in magaalada Boosaaso laga mamnuucay in wax hub ah lagu dhex qaato, islamarkaana la joojiyay beesolka lagu dhejiyo muraayadaha gaadiidka, si looga hortago in ay ku dhuuntaan kooxaha Argagixisada ah ee khatarta ku ah Amniga iyo xasiloonida. PUNTLAND POST The post Puntland oo baaritaan ku samaynaysa dhammaan ajaanibta ku sugan magaalada Boosaaso appeared first on Puntland Post.

The African nation of Djibouti is seeking to deepen its collaboration with Turkiye in the medical sector, Anadolu Agency reports. On Monday, Prime Minister Mohamed hosted the Turkish Transplant Foundation in Djibouti, also the country’s capital, as part of strategic cooperation efforts between the two nations. Discussions centred on the establishment of a National Transplant Centre in the Horn of Africa country, according to state-run daily, La Nation. Mohamed highlighted the importance of expanding access to care for congenital malformations through national partnerships, consolidating organ donation regulations and strengthening public awareness campaigns on organ donation. The Turkish group is supporting a project in Djibouti focused on supervising transplantation practices and enhancing local expertise through training programs and knowledge transfers. To date, 20 Djiboutian citizens have benefited from organ transplants performed in Turkiye. Political, economic and commercial ties between Turkiye and Djibouti have grown steadily in recent years, reinforcing their strategic partnership. Djibouti and Turkiye have strengthened bilateral relations over the years, with cooperation spanning multiple sectors, including trade, infrastructure and healthcare. Turkiye has also been providing medical expertise and training to Djibouti, reflecting the broader scope of their collaborative efforts in fostering regional development and addressing healthcare challenges. MEM Qaran News

Mogadishu (HOL) — Somali security forces intercepted a vehicle packed with explosives on Wednesday along the highway connecting Mogadishu and Afgooye. Source: Hiiraan Online

Mogadishu (HOL) — Somalia's Foreign Minister Ahmed Moalim Fiqi has called on opposition leaders to prepare for one-person, one-vote elections, pushing back against criticism voiced during a press conference held Tuesday by former President Sharif Sheikh Ahmed, MP Abdirahman Abdishakur, and Senator Prof. Abdi Ismail Samatar. Source: Hiiraan Online

Muqdisho (Caasimada Online) – Dowladaha Soomaaliya iyo Sacuudiga ayaa maanta heshiis cusub oo muhiim ah ku kala saxiixday magaalada Muqdisho, kadib kulan dhex-maray Wasiirka Wasaaradda Maaliyadda XFS Biixi Imaan Cige iyo Maamulaha guud ee Sanduuqa Horumarinta Dhaqaalaha Saudi Arabia Suldaan Abdulrahman Al-Marshad. Labad mas’uul ayaan kulankooda diirradda ku saaray hannaanka dib-u-habeynta Maaliyadda Soomaaliya oo haatan meel wanaagsan maraya iyo sidii loo maalgalin lahaa mashaariicda muhiimka ah ee ay si gaar ah Dowladda Soomaaliya mudnaan u siinayso. Sidoo kale kulankan oo ay goobjoog ahaayeen Wasiirka Wasaaradda Tamarta iyo Biyaha, madaxda Bangiga Horumarinta iyo dib-u-dhiska Soomaaliya, Safiirada laba Dal ee Soomaaliya iyo Saudi Arabia ayaa waxaa lagu saxiixay heshiis is afgrad ah oo dowladda Sucuudigu ay ku maalgalinayo qodista Ceelal Biyoodyo iyo horumarinayo Reer Miiga. Wasiir Biixi oo faah-faahiyay shirka ayaa xaqiijiyay sida ay dowladda Soomaaliya uga go’an tahay abuuridda fursado dhaqaale oo lagu maalgalinayo bulshada Soomaaliyeed, si sare loogu qaado dhaqaalaha dalka iyo wax-soosaarka. “Talaabooyinka horumarineed ee lagu maalgalinayo ilaha dhaqaalaha ayaa ah natiijo ka dhalatay hannaankii deyn cafinta oo Dowladda Soomaaliya ay ku maamushay waddadii saxnayd” ayuu yiri wasiirku. Dhinaca kale, Ra’iisul Wasaaraha Soomaaliya, Mudane Xamsa Cabdi Barre, ayaa xafiiskiisa ku qaabilay wafdiga uu hoggaaminayo Maamulaha Guud ee Sanduuqa Horumarinta Boqortooyada Sucuudi Carabiya, Mudane Sultan Abdulrahman Al-Marshad, waxaanaay ka wada hadleen sidii ay kaalin uga qaadan lahayeen iskaashiga labada dhinac gaar ahaan arrimaha la maalgashiga iyo horumarinta kaabayaasha dhaqaalaha dalka. Labada dhinac ayaa xoogga saaray sidii Sanduuqa Horumarinta Sucuudiga uu kaalin muuqata uga geysan lahaa, arrimaha horumarinta dhaqaalaha dalka iyo maalgashiga, maadaama uu sanduuqani kamid yahay hey’addaha sida gaarka ah ula shaqeeya dowladda, sidoo kalena uu qeyb weyn ku lahaa barnaamijkii dib-u-habeynta dhaqaalaha dalkeenna ee horseeday in Soomaaliya ay gaarto deyn cafin dhameystiran. Ugu dambeyn Ra’iisul Wasaaraha Xukuumadda Jamhuuriyadda Federaalka Mudane Xamsa Cabdi Barre, ayaa uga mahadceliyey wafdiga ka socday Boqortooyada Sucuudiga booqashada ay ku yimaadeen Muqdisho, isaga oo xusay in Soomaaliya ay ka jiraan fursado waaweyn oo maalgashi gaar ahaan dhinacyada beeraha, kalluumeysiga iyo tamarta.