The carcasses of 87 elephants have been discovered near a Botswana protected sanctuary, killed and stripped for their tusks. Source: Hiiraan Online

Not unlike Marquis de Sade, a psychiatrist has insisted that along with Donald Trump's narcissistic temperament, there is also a dangerous element of sadism involved in the president's actions. Source: Hiiraan Online

Magaalada Dhuusamareeb ee xarunta Gal-Mudug ayaa lagu wadaa in maanta oo Talaado ah ay ka dhacdo doorashada kursi kamid ah Baarlamaanka Federaalka Soomaaliya. Kursigaan waxaa iska casilay C/qaadir Gaafow Maxamuud oo 19-kii Bishii hore ee Agusto sheegay in uu ka tanaasulay kamid noqoshada Xubnaha baarlamaanka Soomaaliya. Magaalada Dhuusamareeb ayaa waxaa diyaar ku ah Xubnihii dooran Lahaa xubintaasi kamid noqon doonto Baarlamaanka Soomaaliya oo doorashadeeda ay ka dhaceeyso Dhuusamareeb. Waxaa Sidoo kale Dhuusamareeb Shalay galinkii dambe gaaray C/laahi Gaafow Maxamuud oo ahaa Taliyihii hore ee NISA ahaana Taliyihii hogaanka socdaalka iyo Jinsiyadaha Soomaaliya oo isagu doonayo in uu ku guuleeysto xilka uu baneeyay walaalkiis. Waxaa sidoo kale Magaalada ku sugan gudoomiyaha guddiga doorashooyinka qaranka Soomaaliya Xaliimo Ismaaciil Xaliimo yareey oo goobjoog ka noqoneeyso qaabka ay doorashadaasi u dhaceeyso. Dhowaan sidoo kale Kismaayo iyo Baydhabo waxaa ka dhici doono doorashooyinka kuraas ka dhiman Baarlamaanka Soomaaliya. Xasan Maxamed Samatar Cowke Puntland Post Muqdisho The post Doorashada kursi ka banaan Baarlamaanka Soomaaliya oo Dhuusamareeb ka dhaceeyso appeared first on Puntland Post.

Waxaa si rasmi ah magaalada Beijing uga furmay Madasha Iskaashiga Shiinaha iyo Afrika oo kulmisay 53 qaran oo Afrikaan ah, Qaramada Midoobey iyo Midowga Afrika. Waddanka Shiinaha, oo ka duulaya xoojinta iskaashiga dhaqaale iyo xiriirka Shiinaha iyo Afrika ayaa waxa uu ku dhawaaqay Sanduuq horumarineed oo $60 bilyan ah kaasi oo ugu talagalay Afrika. Sanduuqan oo loo qoondeeyey hindisayaasha horumarineed ee Afrika ayaa la filayaa in lagu fuliyo saddex sanno gudahood. Soomaaliya ayaa dhawaan saxiixday Hindisaha Dhismaha Kaabeyaasha Dhaqaalaha (Belt and Road Initiative), hindisahaas oo fududeenaya isku xirnaanta dalalka iyo horumarka dhaqaale. Badi hindisayaasha horumar ee sanduuqan ayaa waxa lagu salaynayaa mashaariicda qaybta ka ah Hindisaha Kaabayaasha Dhaqaale. Qaybta horumarinta loogu talagalay ee sanduuqan waxaa kamid ah hindisayaasha isgaarsiinta, kaabayaasha dhaqaalaha, tamarta, dekadaha iyo tabobarrada. Soomaaliya waxa ay sidoo kale saxiixday heshiis la xiriira sare u qaadidda Iskaashiga Dhaqaale iyo Farsamo ee u dhexeeya Beijing iyo Muqdisho. Sanduuqan $60 bilyan ah waxa uu ka kooban yahay $15 bilyan oo dayn bilaa dulsaar ah, $15 bilyan kale oo deeq ah, $20 bilyan oo dayn ah, iyo 5 bilyan oo lagu taageerayo badeecadaha laga soo dhoofiyo Afrika. Madaxweyne Maxamed Cabdullaahi Farmaajo iyo Madaxweyne Xi Jinging, wadahadalladii ay yeesheen ka hor intaanu dhicin shirka Madasha Iskaashiga Shiinaha iyo Afrika, waxa ay isla garteen in la xoojiyo xiriirrada dhaqaale iyo in la iska kaashado hindisayaasha horumarka. Soomaaliya waxa ay dadaal ku bixinayaaa helidda maalgelin horumarineed iyo maalgashi shisheeye si ay u gaarto yoolalka horumarka, ugana faa’iideysato halka ay kaga taallo Geeska Afrika oo ah meel Istiraatiiji ah. PUNTLAND POST The post Soomaaliya oo ka faa’idaysanaysa Sanduuqa $60ka bilyan ee Shiinuhu u qoondeeyey Qaaradda Afrika appeared first on Puntland Post.

Kulanka todobaadlaha ah ee guddi hoosaadka amniga golaha wasiirrada oo uu shir guddoomiyay ra’iisul wasaaraha xukuummadda federaalka Soomaaliya mudane Xasan Cali Khayre ayaa looga hadlay arrimaha ammaanka, dib-u-habaynta ciidanka iyo dardar-gelinta diiwaan-gelinta ciidamada. Kulanka ayaa lagu shaaciyay in lagu guulaystay qorshahii ay soo bandhigtay wasaaradda amniga gudaha ee ciidamda hubaysan ee NISA loogu wareejinayay taliska booliiska. Iyada oo la tixraacayo go’aankii ay gaareen golaha wasiirrada 26-kii Luulyo 2018 ee farayay in ciidamada Booliisku la wareegaan hoggaanka sugidda amniga ayaa waxaa dhammaan ciidamada nabad sugidda iyo hubkoodii –marka laga reebo ciidamada howl-gallada gaarka ah fuliya – lagu wareejiyay taliska booliska Soomaaliyeed. Kulanka maanta oo ay goob joog ka ahaayeen taliyaasha ciidamada ayaa sidoo kale looga hadlay dardar-gelinta diiwaan-gelinta ciidamada, gaar ahaan nidaamka casriga ah ee kaydinta xogta shakhsiga, si loo fududeeyo xuquuqdooda. Kulanka ayaa lagu falanqeeyay qorshaha sugidda amniga iyo dib-u-dhiska garoonka ciyaaraha Muqdisho, waxaana taliska booliiska Soomaaliyeed uu soo bandhigay qorshe faahfaahsan oo suura gelinaya in garoonka lagu ciyaaro, ammaankiisana la sugo. PUNTLAND POST The post Kulanka Guddiga Amniga oo xalay ka dhacay Magaalada Muqdisho appeared first on Puntland Post.

Kulanka todobaadlaha ah ee guddi hoosaadka amniga golaha wasiirrada oo uu shir guddoomiyay ra’iisul wasaaraha xukuummadda federaalka Soomaaliya Xasan Cali Khayre ayaa looga hadlay arrimaha ammaanka, dib-u-habaynta ciidanka iyo dardar-gelinta diiwaan-gelinta ciidamada. Kulanka ayaa lagu shaaciyay in lagu guulaystay qorshahii ay soo bandhigtay wasaaradda amniga gudaha ee ciidamda hubaysan ee NISA loogu wareejinayay taliska booliiska. Iyada oo la tixraacayo go’aankii ay gaareen golaha wasiirrada 26-kii Luulyo 2018 ee farayay in ciidamada Booliisku la wareegaan hoggaanka sugidda amniga ayaa waxaa dhammaan ciidamada nabad sugidda iyo hubkoodii –marka laga reebo ciidamada howl-gallada gaarka ah fuliya – lagu wareejiyay taliska booliska Soomaaliyeed. Kulanka maanta oo ay goob joog ka ahaayeen taliyaasha ciidamada ayaa sidoo kale looga hadlay dardar-gelinta diiwaan-gelinta ciidamada, gaar ahaan nidaamka casriga ah ee kaydinta xogta shakhsiga, si loo fududeeyo xuquuqdooda. Klanka ayaa lagu falanqeeyay qorshaha sugidda amniga iyo dib-u-dhiska garoonka ciyaaraha Muqdisho, waxaana taliska booliiska Soomaaliyeed uu soo bandhigay qorshe faahfaahsan oo suura gelinaya in garoonka lagu ciyaaro, ammaankiisana la sugo. Source: goobjoog.com

Hargeysa (Caasimada Online) – Wargeyska Caanka ah ee The Telegragh oo ka soo baxa dalka Ingiriiska ayaa shalay daabacay warbixin uu xoogga ku saarayo sida ay Somaliland ugu hirdamayaan Quwadaha cusub ee soo baxaya kuwaas oo kala ah xulufada Sucuudiga iyo Imaaraadku hoggaamiyo iyo xulufada Qadar iyo Turkiga. Wargeysku waxa uu sheegay in loolanka awoodahan cusub dhexmaraya waxba ka duwanayn loolankii dagaalkii qabooba ee awoodihii Maraykanka iyo Ruushku kala hoggaaminayay ku dhex maray Geeska Afrika laakiin, halka ugu muhiimsan ee hadda lagu hirdamaya tahay dekedda Berbera ee Somaliland. Wargeysku wuxuu sheegay in Somaliland dheehanayso faa’iidada ugu jirta mashaariicda Imaaraadka ee dekedda Berbera iyo cilaaqaadka xulufada Sucuudiga laakiin, ay jiraan haliso ku lammaan, sidoo kalena Imaaraadku dano dhaqaale iyo faa’iido ka helayo dekedda Berbera oo la filayo in uu dhawaan ka dhigo marinka ugu muhiimsan ee gobolka isaga oo ballanqaad ka haysta suuqa dihin ee Itoobiya. “Imaanshihii DP World wuxuu noo horseeday faa’iidooyin badan. Waxay kalsooni gelinaysa maalgashadeyaasha kale ee shisheeye. Waxay Berbera ka dhigaysa xuddunta Bariga Afrika iyo Bariga Dhexe waxaanay dhaqaalahayaga kor u qaadaysa 30%,” Sidaas ayuu yidhi maareeyaha dekedda Berbera Xasan Cabdillaahi. Xukumadda Somaliland ayaa aamminsan in ay si weyn uga war qabto halista ay leedahay in ay fagaare lagu loolamo noqoto qarnigii 21-aad laakiin, ay fahansan tahay in faa’iidada ay ka helaysa badan tahay “Heshiiskan waxaanu ka helayna Waddo, waxaanu ka helayna maalgashi dibadeed, waxaanu ka helayna shaqo maaddaama dalka 75 dadku aanay shaqo caadi ah hayn,” Sidaas ayuu yidhi wasiir Sacad Cali Shire. Wasiirku waxa uu intaasi raaciyay in uu fahansan yahay in aanay bilaash ku helayn faa’iidooyinkan laakiin, ay daba socdaan dano laga leeyahay Somaliland “Waanu ognahay in aanan helayn qado bilaash ah, waxaa jira walaacyo ka dhan ah Qarannimada, waxa dhulkayaga loo isticmaali kara garoon lagala dagaallamo dad kale, taas oo na gelin karta halis ah aargoosi ( in naloo waxyeeleeyo aargoosi) laakiin, waxaanu rumaysan nahay in faa’iidadu ka weyn tahay qiimaha,”Sidaas ayuu yidhi wasiir Sacad. Dhinaca kale todobaadkii hore Mr Michael Rubin oo ka tirsan machad Mufikiriin ah oo Maraykanka ka dhisan horena uga mid ahaa waaxda arrimaha dibadda Maraykanka ayaa qoray qormo dheer oo uu ciwaankeedu ahaa in Maraykanku aqoonsado Somaliland inta aanu Ruushku aqoonsan. Qormadan wuxuu si weyn ugu dooday in Somaliland haysato dood ama kiis lagu aqoonsan karo iyada oo ujeedkiisu ahaa in Maraykanku ka sii hor dago Ruushka oo la hadal hayo in uu Somaliland ku soo maqan yahay. Warbixin taasi daba socota ayaa dorraad lagu daabacay Geopolitics Alert oo Maraykanka fadhigeedu yahay waxaana lagu darsay in Maraykanku dib u bilaabayo loolan ku aaddan in uu ku lug yeesho Geeska Africa waxaana si gaar ah loogu soo qaatay Somaliland iyo in Maraykanku qaadi karo tallaabada uu soo jeediyay Mr Mihael Rubin ee ah in Marayku citiraafo Somaliland. ” Xaqiiqdii waxa jirta xog baahsan oo ah in Ruushku qorsheeyay Saldhig uu doonayo in uu Somaliland ka dhisto, islamarkaana $250 Milyan oo dollar doonayo in uu ku maalgashado shidaalka Somaliland laakiin, wali Ruushku arrintaasi si furan ugama hadlin,” ayaa lagu yidhi warbixinta ay qortay Randi Nord oo ah saxafiyadda aasaastay Geopolitics Alert kana faalloota arrimaha Bariga Dhexe ee Geeska Afrika. Waxa ay intaasi ku dartay in runtu tahay in Somaliland waddamo badani indhaha ku hayaan, kuwaas oo sababtu tahay Saldhigyada Militari iyo meesha muhiimka ah ee Somaliland ku taallo oo ku dhereran gacanka Cadmeed. Sida oo kale Somaliland ayaa sanadahan noqotay xudun caalami ah oo rajo sare laga qabo in laga helo shidaal ama tamar kuwaas oo ay sahankooda iyo soo saaristooda ku hawlan yihiin shirkado waaweyn oo caalami ah sida Genel Energy oo Ingiriiska iyo Turkiga fadhigeedu yahay iyo TGS–NOPEC Geophysical Company oo Norway laga leeyahay. Warbixintu waxay sheegtay in haddii Somaliland laga helo shidaal ay sii laba jibaarmayso danta ay dalalka shisheeye ka leeyihiin Somaliland. Warbixinta ayaa tilmaantay in caqabadaha ka hor iman kara Maraykanka haddii uu citiraafo Somaliland ay tahay in Soomaaliya xidhiidhkoodu xumaan doono halkaas oo uu ka wado la dagaallanka kooxaha Islaamiyiinta ah. Sidoo kale wakaaladda Reuters ayaa dhawaan warbixin ay ka qortay awoodda cusub ee Imaaraadku ku fidinayo dunida waxay ku soo dartay Somaliland oo ay ku tilmaantay in ay meelaha muhiimka ah ka mid tahay. Loolanka dalalka shisheeye ayaa imanaya xilli dadka siyaasadda odorosa u arkaan in Somaliland u nushahay xulufooyin ku hirdama maaddaama kala qaybsanaan siyaasi ah oo gudaha ah jirto, islamarkaana la kala jiidan karo qaybaha bulshada.

Kismaayo (Caasimada Online) – Sawirka boorka shirka iskaashiga maamul goboleedyada Soomaaliya ee maanta ka furmaya Kismaayo ayaa muujiyey heerka uu gaarsiisan yahay khilaafka u dhaxeeya maamul goboleedyada iyo dowladda dhexe ee federaalka. Sawirkan ayaa aad uga duwan kii sanad ka hor, markaasi oo ay ka muuqdeen madaxda maamul goboleedyada oo safan, balse uu dushooda ku dheggan yahay madaxweyne Maxamed Cabdullaahi Farmaajo. Waxaa dad badan sawirkaas ay u fasirteen in madaxdu isla qireen inay yihiin madax maamullo oo hoos yimada madaxweyne Farmaajo, hase yeeshee waxaa markan muuqata in sheekada ay sidaas ka duwan tahay. Waxaa sawirka shirka sanadkan ee Kismaayo gabi ahaanba ka maqan madaxweyne Farmaajo, taasi oo dad badan u arkeen in khilaafka labada dhinac uu gaaray meel aad u xun. Waxaa si gaar ah isugu xun Jubaland oo shirka marti-gelineysa iyo dowladda dhexe. Haddaba hoos ka arag labada sawir ee bal isku barbar dhig.

Muqdisho (Caasimada Online)-Taliye ku-xigeenka NISA ee degmada Howlwadaag Axmed Kheyr Cadow oo u waramaayay Idaacada Risaala ee magaalada Muqdisho ayaa sheegay inuu aad uga xun yahay in mid kamid ah Idaacadaha Muqdisho ay baahiyeen inuu ahaa ninkii isku Qarxiyay Xarunta Degmada Howl-wadaag. Axmed Kheyr Cadow, oo ka qeybqaadanayay Barnaamijka Dhacdooyinka ee habeenkii ka baxa Idaacada Risaala ayaa sheegay in Bogga Radio Dalsan lagu daabacay Sawirkiisa oo lagu dul qoray inuu ahaa ninkii isku miidaamiyay Xarunta Degmada. Waxa uu Taliye ku-xigeenka Axmed Kheyr Cadow sheegay in dhammaan baraha bulshada uu ku baahay Sawirka iyo magaciisa oo dusha looga qoray inuu ahaa ninkii ka danbeeyay Qaraxa Xarunta Degmada, hase yeeshee uu aad uga xun yahay in lagu xadgudbo qof ka shaqeynaaya amniga, hadana lagu tilmaamayo in isla degmadiisa uu ka fuliyay ismiidaamin. “Aad ayaan uga xumahay in Idaacada dalsan ay iga baahiso inaan ahaa ruuxii isku Qarxiyay xarunta degmada, waxaan ka fiirsasho laheyn in anigoo ah Taliye ku-xigeenka degmada hadana aan geysto ismiidaamin” ayuu yiri Axmed Kheyr Cadow. Axmed Kheyr Cadow, ayaa sheegay inuu aad ula fajacay warbixinta ceynkaasi, waxa uuna cadeeyay in fal celintiisa ay noqoneyso dacwad uu Maxkamada ka geyn doono Idaacada baahisay arinkaasi, sida uu hadalka u dhigay. Waxa uu tilmaamay in dacwada Idaacada uu u gudbin doono Maxkamada maadaama ay meel kaga dhaceen sharafkiisa, sida uu yiri. Sidoo kale, Taliye ku-xigeenka NISA ee degmada Howl-wadaag Axmed Kheyr Cadow, ayaa sheegay inuu aad uga carooday in isagoo ku shaqo leh amniga degmada hadana lagu tilmaamo dhagar qabe isku miidaamiyay arday iyo dad shacab ah, waxa uuna ku celcelshay inuu gudbinaayo dacwad heer Maxkamadeed,sida uu warkiisa ku sheegay. Hoos ka dhageyso wareysiga Axmed Kheyr https://www.caasimada.net/wp-content/uploads/2018/09/Taliye-ku-xigeenka-NISA-Howl-wadaag.mp3 Caasimada Online Xafiiska Muqdisho Caasimada@live.com

Tel Aviv (Caasimada Online) – Ra’iisul Wasaaraha Isreal Benjamin Netanyahu waxa uu fursad walba uga faa’ideystaa in uu sheego in dalkiisa uu heer wanaagsan ka joogo hagaajinta xiriirka kala dhexeeya dalalka waa weyn ee Carabta, isaga oo si cad ula jeeda Sacuudi Carabiya. Ilo ku dhaw Netanyahu waxa ay sheegeen in dadka kor joogeeyeyaasha ay arkaan in uu xiriir laba geesood ah ka dhexeeyo Tel Aviv iyo Riyadh. Waxaa iyadana arintan qiime u yeeleysa in Riyadh aysan beenin xaqiijinta Israel ee xiriirka Sacuudi Careebiya kala dhexeeya ee caadiga noqday. Xiriirka ay Israel la leedahay ma muujinayo istaraatijiyad cad iyo hadaf waana sida ka muuqata aragti la’aanteeda xulashooyinkeeda siyaasadda arrimaha diadda. Tani waxa ay la micne tahay in midowga Sacuudiga iyo Israel ay ka turjumeyso baahida Riyad ay u qabto saaxiib leh miisaan iyo saameyn sida Telaabiib xilli ay Sacuudiga la kulantay guuldarrooyin is xiga oo gobolka ah. Sidoo kale waxa ay guuldarro kala kulantay iska caabinta Iran iyo yareynta baahidda saameynteeda iyo awooddeeda ee guud ahaan gobolka oo dhan. Shaki kuma jiro in Israel la midowga Sacuudiga ka faa’ideyso. Isku dayga Sacuudiga ee ay ku rabto danaha laba darafka ah iyo waxyaabaha kale waxa ay ka dhigan tahay in Israel noqotay qeyb ka mid a xalka. Qirashadan wali Israel kama aysan helin dal Carab ah tan iyo markii uu curtay dagaalka Falastiin. Sacuudiga waxa uu heshiiska ay Israel la galeen u arkaan in uu hakin doonno Iran iyaga filaya in ay Israel dagaal la gasho Iran haddii ay heerkaas gaadho. Hase yeshe, aragtideyda sidaas ma dhici doonto maadama danaha dagaalka ay Israel ka leedahay Iran wey caddahay oo kuma darsanayaan difaacidda Sacuudiga. Israel waxaa u yaal khad guduudan waxa ayna diyaar u tahay in ay cudud ciida adeegsato haddii ay Iran ku soo tallowdo khadka guduudan ee Israel. Tani waxa ay ka dhacday Suuriya todobadii sano ee u dambeeyey. Netanyahu: Hagaajinta xiriirka Carabta waxaa xiga nabad Waxaa taas u dheer in Israel ay aqbalaad muhiim ah ka hesho dal ku yaal bartamaha Carabta, xiriirka Israel waxa caawin doonaa sii dheereynta rejo la’aanta iyo jahwareerka qalbiyada Falastiiniyiinta, kuwaas oo ay Israel isku dayeyso in ay u diiddo xuquuqdooda iyada oo uga faa’iideysaneysa is fahanka ay la gaartay Sucuudiga. Israel waxa ay sidookale darseysaa xaaladda gobolka, iyada oo ay qaar ka mid ah hoggaamiyeyaasha Carabta ay gaareen go’aanka ah in qadiyadda Falastiiniyiinta ay tahay ahmiyadda ugu hooseysa, dalalkaas waxa ugu horreeysa Sucuudiga, sidaas daradeed heshiiska Sucuudiga waxa ay keeni kartaa in Sucuudiga ay dhaqaale ugu adeegsato in ay Falastiiniyiinta ay si bilaash ah ugu tanaasulaan Israel. Muddo yar kahor, Taliyaha ciidamada xoogga Israel iyo Wasiirkii difaaca Moshe Ya’alon waxa ay qoreen maqaal muhiim ahaa oo lagu daabacay machadka barashada ammaanka ee Jaamacadda telaabiib waxa ay uga hadleen danaha Sucuudiga ka leeyahay heshiiska Israel. Aragtidiisa Sucuudi Careebiya ma laha xulasho laakiin qirashada taag darideeda ku saabsan iska caabinta Iran, sidaas daraadeed waxa ay go’aansatay in ay istaraatijiyad laba daraf ah la gasho Israel si loo handado Iran. Sida uu caqliga sheegayo, Sacuudiga waxa ay ka qeyb qaada kartaa heshiisiinta Israel iyo Falastiiniyiinta, laakiin ma sheegin sida ay ku dheceyso! Israel waxa ay diiday qorsheyaasha Carabta ee heshiisiinta Falastiin iyo Israel oo xalkiisu noqonayo dhisidda labada. Haddii si kale loo dhigo, Israel waxa ay raadineysaa saaxiib Cara ah oo ogolaanaya in meesha laga saaro qadiyadda Falastiiniyiinta si ay Israel ugu ogolaato is ballaarin iyo ilaalinta Yuhuuudda iyo dowladooda. Maxaa ka shisheeya xiriirka la hagaajiyey ee Israel Gunaanad, Marka laga fiiriyo guulaha iyo khasaaraha, Israel ayaa noqoneysa midda guusha ugu weyn hesha si kasta oo loo hagaajiyo xiriirka dal sida Sucuudi Carabiya u weyn una meeqaab sarreeya. Ma aaminsani in qorshaha Sucuudiga uu ku jiro ka faa’ideysiga heshiiska in ay uga faa’ideystaan ku qancinta Israel cadiqadda Falastiiniyiinta, oo ah arrin ay aad uga dharagsiin yihiin hoggaamiyeyaasha Israel iyo Sucuudiga. Maqaalkan waxaa lagu daabacay Mareegaha Al-Sharq 3-dii Agoosto, 2018. Waxaa Soomaali u bedelay Mohamed Muse Aden (Moh’ed Kaafi).

Muqdisho (Caasimada Online) – Warar lagu kalsoon yahay ayaa sheegaya in Ra’isul wasaaraha Xukuumada Somalia Xasan Cali Kheyre uu kaalin weyn ka qaadanayo doorashada la filaayo inuu u tartamo Agaasimihii hore ee NISA Cabdullaahi Gaafoow. Ra’isul wasaare Kheyre ayaa awoodiisa ku bixinaya sida uu doorashada Xildhibaanimo ugu soo bixi lahaa Cabdullaahi Gaafoow oo tan iyo markii dowlada Farmaajo xilka ka qaaday aanu helin kursi kale. Illo ku dhow dhow Agaasimihii hore ee NISA ayaa laga soo xigtay in dhaqaalaha ugu badan ee ku baxaya doorashada Cabdullaahi Gaafoow uu dusha saartay Xasan Cali Kheyre, taa oo loo sababeynaayo in Ra’isul wasaraha uu ballanqaad hore u sameeyay Gaafow oo xilkiisa hore ku waayay rajo. Doorashada la doonaayo in lagu soo saaro Cabdullaahi Gaafoow, ayaa lagu balansan yahay inay dhacdo maanta oo Talaado ah, waxa ayna ka qabsoomi doontaa magaalada dhuusamareeb ee Xarunta Gobolka Galgaduud. Guddiga Madaxa banaan ee doorashooyinka Qaranka ayaa diiwaangeliyey Ergada dooraneysa Kursiga Golaha Shacabka iyo qeybaha kale ee korjoogtada ka noqon doonta doorashada dhaceysa maanta. Kursiga Golaha Shacabka ayaa waxaa Bishii Agoosta ee la soo dhaafay noqday Xildhibaankii ugu horeeyey ee iska casila Cabduqaadir Gaafoow Maxamuud oo ay wada dhasheen Agaasimihii hore ee NISA Cabdullaahi Gaafoow. Sidoo kale, waxaa hadda magalada Dhuusamareeb kuwada sugan musharaxiinta u tartameysa kursiga Xildhibaanimo ee uu ugu horeeyo Cabdullaahi Gaafoow Maxamuud kaa oo isku soo sharaxay Xubinimada xildhibaan ee uu iska casilay walaalkiis Cabdulalahi Gaafoow Maxamuud. Si kastaba ha ahaatee, Gaafow ayaa waxaa doorashada la gali doona dhalinyaro uu adeer u yahay kuwaa oo aan miisaan iyo dhaqaale toona laheyn, balse waxa ay u buuxin doonaan loolanka. Caasimada Online Xafiiska Muqdisho Caasimada@live.com

Dhuuso-mareeb (Caasimada Online) – Warar dheeraad ah ayaa waxa uu kasoo baxayaa dib u dhac ku imaaday qorsho lagu doonaayay in lagu magacaabo Golo Wasiiro cusub oo uu yeelanayo maamulka Galmudug. Qorshahani ayaa la sheegay inuu dib dhacay kadib Khilaaf ka dhashay hanaanka loo qeybsanaayo kuraasta Golaha oo ay wada yeelan doonaan maamulkii hore ee Cadaado iyo Ahlusuna oo dhawaan midoobay. Mas’uuliyiinta maamulka Galmudug ayaa maalmihii lasoo dhaafay kulamo gaar gaar ah ku lahaa Madaxtooyada Dhuusomareeb si loo dhiso shaxda Wasiirada cusub ee Madaxweyne Xaaf laga sugayo, kaasi oo la doonaayay inay kasoo dhexmuuqdan xubno matalaaya maamulkii Ahlu Sunna. Mas’uuliyiin ka tirsan baarlamaanka Galmudug ayaa sheegay in todobaadkii tagay warbaahinta looga yeeray Madaxtooyada dhuusomareeb si loogu dhawaaqo Wasiirada waxaana dib u dhac ku yimid ku dhawaaqistaas kadib markii leysku afgaran waayay laba Wasaaradood. Fashilka ku imaaday kulanka la filaayay in lagu dhawaaqo Golaha kadin ayaa waxaa Sabtidii iyo Axadii ee todobaadkan mar kale warbaahinta looga yeeray ka qaybgalka ku dhawaaqista Wasiirada, waxaana ka horeeyay kulamo gaar gaar ah oo ay yeelanayeen Madaxdii Ahlu Sunna ka timid oo uu kamid yahay Sheekh Maxamed Shaakir, Madaxa Xukuumadda Galmudug, Macalim Maxamuud iyo xubno kale, hase yeeshee waxaa dib udhac ku yimid ku dhawaaqista Wasiirada. Khilaafka labada dhinac ayaa ka dhashay laba Wasaaradood ee kala ah Amniga iyo Arrimaha Gudaha waxaana ku dhagan Ahlusuna, halka Madaxweyne ku-xigeenka iyo Guddoomiyaha baarlamaanka ay kasoo horjeedan. Waxaa labada dhinac ee isku biirtay ka dhex jira ismaandhaaf salka ku haya awood qeybsiga taasi oo mugdi galineysa qorshooyinka u degsan maamulka. Sidoo kale, waxyaabaha ugu badan ee la isku hayo waxaa kamid ah, qaybsiga Wasiirada Muhiimka ah sida Maaliyadda, Arrimaha Gudaha iyo Dowladaha Hoose, Iskaashiga iyo Wasaarado kale. Geesta kale, Hogaamiyaha Galmudug Axmed Ducaale Geelle Xaaf ayaa wasiiradiisa cusub waxaa kasoo muuqan doono xubno katirsan Wasiirada la isku shaandheyn doono. Caasimada Online Xafiiska Muqdisho Caasimada@live.com

New York - The US Defence Department is considering closing military outposts in Kenya and three other African countries while also halving the number of its special operation forces on the continent, the New York Times reported on Sunday. Source: Hiiraan Online

MOGADISHU (Caasimada Online) – “Somalia’s enormous potential will not be realised unless there is stability.” That was the key message of the United Nations envoy to Somalia at a gathering of leaders from the country’s Federal Member States. Held in the southern port city of Kismayo, the meeting of the Council of Inter-state Cooperation (CIC) brought together the presidents of Puntland, HirShabelle, Galmudug and South West states, as well as Jubaland, of which Kismayo is the capital. Addressing the gathering, the UN Secretary-General’s Special Representative for Somalia encouraged the state leaders to strengthen cooperation between their governments and the federal authorities, noting how doing so can create stable conditions beneficial to all Somalis. Mr. Keating listed the areas in which action was needed to achieve this goal. They included tangible progress in building security forces that are both capable and trusted, adopting a justice model, clarifying constitutional arrangements and power-sharing arrangements, passing an electoral law, and increasing revenues on the basis of resource- and revenue-sharing agreements. “Without these, all Somalis stand to lose – with them, everybody wins, including the millions of people who deserve a better quality of life,” the UN envoy said. “Success depends upon trust between and collective action by the federal government and Federal Member States.” The Special Representative emphasized that the meeting in Kismayo provided an opportunity to move things forward in the right direction. Asides from addressing the CIC, Mr. Keating was also due to hold one-on-one meetings with each of the state leaders – Presidents Abdiweli Mohamed Ali Gaas of Puntland, Ahmed Duale Gelle of Galmadug, Mohamed Abdi Ware of Hirshabelle, Sharif Hassan Sheikh Aden of South West State and, the gathering’s host, Sheikh Ahmed Madobe of Jubaland – to discuss issues pertinent to each state. Later, the UN official visited the port of Kismayo, where he spoke with Jubaland’s minister of finance and learned about the economic and trade activity enabled by the city’s location on the Indian Ocean, and the plans to improve the port’s infrastructure.

Sida ay sheegayaan warar horudhac ah oo Goobjoog News ay ka heleyso magaalada Kismaayo, madaxda dowlad goboleeyada shanta ah ayaa shirkooda gollaha iskaashiga ku casuumay ergeyga gaarka Qaramada Madoobe u qaabilsan arrimaha Soomaaliya. Danjire Keating oo maanta gaaray magaalada Kismaayo ayaa caawa ku hoyanaya magaaladaasi. Xogta socdaalka Danjire Micheal Keating oo ay heshay Goobjoog News ayaa intaas ku daraysa in berri shirka furmaya ee dowlad goboleedyada uu hadal jeedin ku leeyahay Danjiruhu. Muddo xileedka Keating oo gebagegba ah ayaa lagu soo warramayaa in dhinacyadu ay isdhaafsan doonaan wax ku saabsan marxaladaha siyaasadeed ee dalka. Shirkani oo noqonaya kii seddexaad oo gollahani uu yeesho tan markii bishii October ee sanadkii tegay 2017 lagu aas aasay magaalada Kismaayo ayaa waxaa lagu lafa guri doonaan qodobo dhowr ah. Arrimaha ugu xasaasisan sida Goobjoog News ogaatay oo shirka lagaga hadlayo waxaa weeye wixii ka qabsoomay heshiisyadii hore ee dowladda dhexe iyo dowladaha shanta ah ee xubnaha ka ah waa maamulladee iyo sidoo kale xiriirka wada shaqeyn ee labada dhinac. In dhowaana ahba waxaa xumaa xiriirka ka dhaxeeya xukuumadda federaalka iyo qaar kamid ah maamullada dalka sida kan Jubbaland. Siyaasiyiinta qaar ayaa qaba aragti ah in shirkani ay ka soo bixi karayaan qodobo aad u culus oo ka dhan ah dowladda federaalka halka ay jiraan kuwa qaba in shirku uusan waxba ka duwanayn kuwii hore ugu qabsoomay Kismaayo iyo Baydhabo gollahani iskaashiga. Goobjoog News Source: goobjoog.com

Ururka haweenka Puntland ayaa baaq ka soo saaray soo xulista xildhibaannada maamulkaasi oo muddo kooban ay ka harsan tahay. Xilli Puntland ay ku soo fool leedahay doorashada baarlamanka Puntland bilaha soo socda haatana ay socoto soo xulista golayaasha degaanka ayaa waxaa baaq ku sabsan tixgalinta haweenka ee kuraasta labadaasi doorasho dirtay guddoomiyaha ururka haweenka Puntland Khadra Warsame Jaamac kaddib wareysi ay siiyay Goobjoog News. Waxay sheegtay inay nasiib-darro tahay in gobollada ay Pyuntland ka kooban tahay ay ka waayaan mid hal xubin oo gobol kasta ay haweenku ku leeyihiin. Isimada leh soo xulista baaarlamanka Puntland 2019-ka ayey ugu baaqday inay i gooni ah ku Eegaan haweenka oo qoondadii ay gollaha wakiillada ku leeyihiin la sugo, haddii ay dhacdo in tiro intaas ka badan ay helaanna ay soo dhoweynayaan. HALKAN HOOSE KA DHAGEYSO: https://goobjoog.com/wp-content/uploads/2018/09/GUD-HAWEENKA-PUNTLAND-03-09-2018.mp3 Goobjoog News Source: goobjoog.com

Ergayga gaarka ah ee u qaabilsan Soomaaliya Qaramada Madoobe Micheal Keating ayaa maanta gaaray magaalada Kismaayo. Keatint ayaa shir albaabada ay u xirnaayeen la qaatay madaxweynayaasha dowlad goboleedyada Soomaaliya kuwaasoo dhammaantood ku sugan magaaladaasi. Madaxda maamullada ayaa si wadajir ah maanta kulan ula qaatey Ergeyga Qaramada Midoobay ee dalka Micheal Keating oo barqadii maanta gaarey Kismaayo, isagoo ay weheliyaan xubno ka tirsan Xafiiska UNSOM ee Soomaaliya. Shirka oo ahaa mid albaabada u xiran ayaanan la ogeyn waxa uu Keating kala hadlay madaxweyniyaasha maamullada, Jubbaland, Koonfur Galbeed, Hirshabeelle, Galmudug iyo Puntland. Wararka shirkani ku xeeran oo ay Goobjoog News helayso ayaa sheegaya in Keating uu madaxda ka dalbaday ilaalinta midnimada dalka, oo khilaafyada siyaasadeed ee ka dhex jira iyaga iyo dowladda dhexe xallintooda loo maro hab wada hadal ku dhisan si murannada taagan looga gudbo. Berri ayaa qorshuhu yahay in Kismaayo uu ka furmo shirka dowlad goboleedyada oo bishii la soo dhaafay uu iclaamiyay madaxweynaha Puntland Cabdiwali Maxamed Cabdi Gaas. Goobjoog News Source: goobjoog.com

“The problem is that whenever protests happen some community members always takes out their frustrations on foreign shop owners. They never take time to think …. Source: Hiiraan Online

Muqdisho (Caasimada Online) – Kulanka todobaadlaha ah ee guddi hoosaadka amniga golaha wasiirrada oo uu shir guddoomiyay ra’iisul wasaaraha xukuummadda federaalka Soomaaliya mudane Xasan Cali Khayre ayaa looga hadlay arrimaha ammaanka, dib-u-habaynta ciidanka iyo dardar-gelinta diiwaan-gelinta ciidamada. Kulanka ayaa lagu shaaciyay in lagu guulaystay qorshahii ay soo bandhigtay wasaaradda amniga gudaha ee ciidamda hubaysan ee NISA loogu wareejinayay taliska booliiska. Iyada oo la tixraacayo go’aankii ay gaareen golaha wasiirrada 26-kii Luulyo 2018 ee farayay in ciidamada Booliisku la wareegaan hoggaanka sugidda amniga ayaa waxaa dhammaan ciidamada nabad sugidda iyo hubkoodii –marka laga reebo ciidamada howl-gallada gaarka ah fuliya – lagu wareejiyay taliska booliska Soomaaliyeed. Kulanka maanta oo ay goob joog ka ahaayeen taliyaasha ciidamada ayaa sidoo kale looga hadlay dardar-gelinta diiwaan-gelinta ciidamada, gaar ahaan nidaamka casriga ah ee kaydinta xogta shakhsiga, si loo fududeeyo xuquuqdooda. Kulanka ayaa lagu falanqeeyay qorshaha sugidda amniga iyo dib-u-dhiska garoonka ciyaaraha Muqdisho, waxaana taliska booliiska Soomaaliyeed uu soo bandhigay qorshe faahfaahsan oo suura gelinaya in garoonka lagu ciyaaro, ammaankiisana la sugo. Caasimada Online Xafiiska Muqdisho Caasimada@live.com

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa ka qayb galay furitaanka wada-hadallada heerka sare ee Madasha Iskaashiga Shiinaha iyo Afrika (FOCAC) oo ay martigelinayso magaalada Beijing ee caasimadda dalka Shiinaha. Dhanka kale, Madaxweynaha Shiinaha Xi ayaa ka hadlay sida dowladdiisu uga go’an tahay maalgashi ay ku sameeyaan Afrika, islamarkaana shaaciyay in dhaqaale gaaraya 60 Million oo dollar ay ugu yabooheen. HALKAN HOOSE KA DHAGEYSO: https://goobjoog.com/wp-content/uploads/2018/09/WAR-FARMAAJO-IYO-SHIINAHA-03-09-2018.mp3 Goobjoog News Source: goobjoog.com

Waxaa maanta dib u dhac uu ku yimid Shirka gollaaha dowlad goboleedyada dalka, kaasoo qorshuhu ahaa inuu uga furmo magaalada Kismaayo, ee caasimadda KMG ah ee maamulka Jubbaland. Xoghayaha Madasha dowlad goboleedyada Soomaaliya Cali Cabdi Caraale, ayaa xaqiijiyay in Shirka uu furmo doono maalinta berri ah, subixii saacadu markii ay tahay 10:00 AM, waqtiga geeska Africa. Xoghayaha ayaa ku sababeeyay sababta dib u dhaca ku keentay shirka arrimo farsamo, iyadoo wafuuddii la filayay inay shalay yimaadaan ay dib u dhaceen, islamarkaana maanta uu Kismaayo gaarey hoggaamiyaha Koonfur Galbeed, Shariif Xasan Sheekh Aadan. HOOS KA DHAGEYSO: https://goobjoog.com/wp-content/uploads/2018/09/CODKA-ISKAASHIGA-.mp3 Goobjoog News Source: goobjoog.com

Sida ay u xaqiijiyeen Goobjoog News dadka degaanka Ex-control Afgooye ee magaaladani Muqdisho waxaa ka dhacay qarax lagu xiray baabuur. Ilo wareedyo ayaa xaqiijiyay in qaraxa uu ahaa mid lagu xiray Gaari nooca raaxadda ah, oo uu watay Sarkaal katirsan ciidamada xoogga dalka Soomaaliya. Gaariga ayaa qarxay xilli uu sarkaalka ku sii jeeday degaanka Siinka Dheer ee duleedka magaalada Muqdisho. Waxaa la soo sheegayaa inuu ka soo gaaray dhaawac islamarkaana loo qaaday xarun caafimaad si loo dabiibo. Hay’adaha amniga ee xukuumadda federaalka weli wax war ah kama aynaan soo saarin qaraxaasi. Shalay ayay ahayd markii qarax ismiidaamin ah oo lagu weeraray xarunta maamulka degmada Howlwadaag uu ka dhashay khasaare kale duwan. Xarakada Alshabaab ayaa wali magaaladani ka fulinaysa weerarro isugu jira kuwa toos ah, qaraxyo iyo dilal, inkastoo xukuumadda federaalka ay dhowr jeer ku celcelisay in ay gacan bir ah ku qabanayso ammaanka caasimadda. Goobjoog News Source: goobjoog.com

Muqdisho (Caasimada Online)-Sida aan wararkeena hore ku sheegnay waxaa shalay weerar ismiidaamin ah lagu qaaday xarunta Degmada Howl-wadaag ee Gobolka Banaadir. Weerarka ayaa waxaa xarunta lagu qaaday xili halkaa ay ka soctay howlo kala duwan, waxaana iminka nadiifinta xarunta isku xil qaamay dhalinyarada Gobolka Banaadir. Boqolaal ka mid ah dhalinyarada ku nool Gobolkan Banaadir ayaa u istaagay dib u nadiifinta Xarunta Maamulka degmada Howl-Wadaag, waxaana nadaafada qeyb ka ahaa mas’uuliyiinta degmada. Dhalinyarada Gobolka oo aad uga danqanaaya dhibta ay maleeshiyaadka ku hayaan shacabka iyo goobah dowlada ayaa bilaabey olole nadaafadeed kaa oo saameeyay xitaa Dugsiga Qur’aanka iyo Masjid ku bur buray qaraxa. Qaar ka mid ah Dhalinyarada ka qeyb qaadaneysay gurmadkaas ayaa waxa ay sheegeen inay aad ugu faraxsan yihiin tallaabada ay ugu gurmanayeen xarunta iyo dadkii ku waxyeeloobay qarixii shalay. Talaabada ay qaaden dhalinyarada Gobolka Banaadir oo aan cidna ku siineynin xuquuq ayaa Jawaab u ah ficilka gurcan ee maleeshiyadu kula dagaalameyso Shacabka.

Kismaayo (Caasimadda Online) – Magaalada Kismaayo waxaa uu shir uga furmayaa hoggaamiyeyaasha M/Gobolleedyada oo halkaas isugu tagay. Lama oga ajendaha looga hadli doono shirkaas, walow la sii odorosi karo waxyaabaha ay ka sheekeysan doonaan hoggaamiyeyaasha gobolada oo qaarkood mudaddii xukunkooda dhammaaday. Iyada oo laga tusaale qaadanayo dhawrkii shir ee ay hore isugu yimaadeen magaalooyinka Kismaayo iyo Baydhabo ma jirin wax nuxur leh oo ka soo baxay kulankooda oo aan ka ahayn war-murtiyeed ay ku xar xarriiqeen qodobo aan wax mano ah lahayn. Hase ahaatee, kulanka Kismaayo ka furmayo oo ahayd halkii ay ku dhiseen waxa ay ugu yeereen iskaashatada Maamul Goboleedyada waxa ka qeyb galay oo ay ku casumeen ergeyga gaarka ah ee Qarada Midoobay u qaabilsan Soomaaliya Michael Keating. Hadaba, maxaan ka baran karnaa arintaas? Marka hore, sameynta iskaashato Maamul Gobolleed oo siyaasi ah waa mid baal marsan dastuurka KMG ah ee Soomaaliya. Ma jirto meel ay Dastuurka uga caddahay in ay Goboladdu sameysan karaan is gaashaan buureysi liddi ku ah dowladda dhexe oo ay hoos tagaan, taas waxa ay la yaab ku noqotay bulshada Soomaaliyeed oo ay maskaxdooda ku dhalisay su’aalo badan oo aan jawaab lahayn. Arinta ugu weyn ee uu banaanka soo dhigay kulankan maanta Kismaayo ka furmay kaddib markii lagu arkay Michael Keating waa in ay dowladda dhexe dalkeeda ku tahay marti, waayo, mar haddii ay Goboladdii sameysteen is bahaysi liddi ku ah dowladda oo ay u martay, hadana ay casumeen ergeygii gaarka ah ee Qaraamda Midoobay u qaabilsanaa Soomaaliya halkii uu ka cambaarey lahaa arintaas ka qeybgalay! Caasimada Online Xafiiska Muqdisho Caasimada@live.com

Qoysas kasoo barakacay deegaanno ka mid ah gobolka Sh/hoose kuna sugan magaalada Muqdisho ayaa dowladda federaalka ka dalbaday gurmad degdeg ah oo dhanka nolosha ah. Waxay sheegeen qoysaskan in aanay haysan cunno, biyo iyo meel ay ku hoydaan islamarkaasna waxaa ay ka codsadeen dowladda fedaraalka in ay la soo gaarto kaalmo degdeg ah. Dadkan ayaa waxaa ay ka soo barakaceen Sh/hoose waxaana Magaalada Muqdisho ku heysata daruuf nololeed oo aad u adag waxaa ayna tilmaameen tan iyo markii ay yimaadeen in aysan helin wax gurmadka ah. Dowladda Soomaaliya iyo hay’adaha gargaarka ayaa waxa ay ka codsadeen in ay la soo gaaraan kaalmooyin bani’aadannimo oo ay ka mid yihiin biyo, cuno, daawo iyo hooy intaba. https://goobjoog.com/wp-content/uploads/2018/09/Barakacayaal-.mp3 Goobjoog News Source: goobjoog.com