Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo u kuur-galaya xaaladda Ciidamada Qalabka Sida iyo furimaha dagaalka ka dhanka ah Shabaab ayaa deegaanka Wargaadhi ee Shabeelaha Dhexe kulan kula qaatay Odeyaasha dhaqanka iyo hormuudka bulshada deegaanka. Madaxweynaha ayaa kala hadlay Odeyaasha Wargaadhi, doorkooda ku aaddan xoreynta deegaannada ay gobolka kaga harsan yihiin Shabaab, isagoo xusay sida dowladdu ay u diyaarisay qalabka, gaadiidka, xarummaha ciidan iyo hubkii lagu dhammeystiri lahaa xoreynta dalka. Sidoo kale, Madaxweynaha Jamhuuriyadda ayaa kormeeray Saldhigga Milatari ee laga hirgeliyey deegaankan oo u fududeynaya Ciidamada Qalabka Sida ee Soomaaliyeed baahiyaha farsamo ee muhiimka u ah jiidda hore ee dagaalka iyo dhammaystirka howlgalka dalka lagaga xoreynayo Alshabaab. Source: goobjoog.com

Muqdisho (Caasimada Online) – Madaxweynaha Soomaaliya Xasan Sheekh Maxamuud oo ka hadlay wada-hadalladii maalmo kahor lagu kala kacay ee ka dhacay Ankara ayaa sheegay in aanay jirin wax muujinaya in Itoobiya ay dib uga laabanayso heshiiskii badda ee ay la gaartay Somaliland. Xasan ayaa waxa uu sheegay in Itoobiya ay iyadu dalbatay in Turkiga oo saaaxiib dhow la’ah Soomaaliya uu dhex-dhexaadiyo xiisadda kala dhaxeysa dowladda federaalka. Madaxweynaha ayaa tilmaamay in Itoobiya ay illaa hadda qaadin tallaabo muujinaysa in heshiiskaasi is-afgarad ay ka laabaneyso, xilli ay socdaan dadaallo la doonayo in heshiiskaasi loogu rogo mid rasmi ah, sida ay dhawaan sheegeen madaxda Somaliland. “Ma jiraan wax calaamado ah oo muujinaya in Itoobiya ay ka soo laabanayaan waddadaas,” ayuu yiri madaxweyne Xasan Sheekh. Sidoo kale waxa uu sheegay in ergada Itoobiya iyo Soomaaliya aysan wada-hadal toos ah yeelan, balse Turkiga uu dhex-dhexaad ka yahay, uuna dhinacyada u kala dab-qaaday. Hadalka madaxweynaha ayaa imanaya kadib markii uu natiijo la’aan kusoo dhamaaday kulankii Ankara ee dowladda Turkiga ugu kala dab-qaadeysay Soomaaliya iyo Itoobiya, kadib markii ay labada dhinac isku fahmi waayeen wada-hadalka. Wada-hadallada labada dhinac ayaa markale la isugu soo laaban doona bisha September ee sanadkaan, taasi oo Turkiga uu sheegay inay isku raaceen Soomaaliya iyo Itoobiya. Wafdiga dowladda Soomaaliya ayaa ku adkaystay in aysan gorgortan ka galaynin arrimaha uu khilaafku ka taagan yahay oo ah heshiiskii badda ee sida sharci-darrada ah ay Itoobiya ula saxiixatay Somaliland, taas oo sida muuqata ka cago jiiday xukuumadda Addis Ababa. Si kastaba, Dowladda Soomaaliya ayaa mawqif adag ka taagan difaaca madax-bannaanida dalka, waxaana go’aankeedaas oo ay meel walba ka caddeysay loo arkaa inuu caqabad ku noqday Itoobiya, oo cadaadis caalami ah kala kulmay heshiiskii Somaliland. Heshiiska badda ayaa Itoobiya quus caalami ah geliyay, kadib cadaadiska diblumasiyadeed, taasi oo Itoobiyaanka ku kallifay inay raadiyaan dowlado wada-hadashiiya iyaga iyo Soomaaliya. The post Xasan oo sheegay in aysan muuqan ifafaalo Itoobiya uga laabaneyso heshiiska badda appeared first on Caasimada Online.

449837334_1027293404902021_5104267324135787662_n Qaran News

Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, oo daahfuray Toddobaadka Qaran ee Horumarinta Kalluumeysiga Soomaaliya, ayaa sheegay in la joogo xilligii ay dadka Soomaaliyeed ka faa’iideysan lahaayeen Kheyraadka ceegaaga baddaheenna. Ra’iisul Wasaaraha ayaa sheegay in Xukuumadda DanQaran ay qorsheynaysi in sanadaha dhow 50% miisaaniyadda dalka ay ka timaaddo kalluumeysiga, taas oo haddii xoogga la saaro ka faa’iideysigeeda wax weyn ka beddelaysa dhaqaalaha dalka. Mudane Xamsa ayaa ugu baaqay ganacsatada Soomaaliyeed in ay maalgelin ku sameeyaan kalluumeysiga dalka, iyada oo laga faa’iideysanayo fursadaha ka jira suuqyada caalamiga ah ee adduunka, isla markaana ay dowladdu xoogga saari doonto sidii loo dhisi lahaa kaabayaashii muhiimka ahaa ee dalka, gaar ahaan dekedo iyo waddooyin isku xira xeebaha Soomaaliya. Ra’iisul Wasaaraha oo uga mahadceliyey Wasaaradda Kalluumeysiga iyo Dhaqaalaha Buluugga ah qaban-qaabada shirka, ayaa xusay in Xukuumadda DanQaran ay ka shaqayso sidii loo heli lahaa Tamarta awood leh oo qiimo jaban, si maalgashigu u fududaado, dadka maalgashiga sameynayana u helaan koronto jaban. Waxa uu dadka Soomaaliyeed ugu baaqay Ra’iisul Wasaaruhu in ay ka difaacdaan dalkooda iyo hantidooda cadow walba oo isku daya in uu qaato, isaga oo xusuusiyey kaalintii ay haldoorka Soomaaliyeed ka soo qaateen difaaca dalka iyo Qarannimada Jamhuuriyadda Soomaaliya. Source: goobjoog.com

Muqdisho (Caasimada Online) – Ra’iisul wasaaraha Soomaaliya, Mudane Xamza Cabdi Barre oo maanta khudbad ka jeediyay magaalada Muqdisho ayaa ka hadlay arrimo ku aadan xiisadda ka dhalatay heshiiska badda ee u dhexeeysa dalalka Soomaaliya & Itoobiya. Xamza oo soo hadal qaaday wada-hadalladii ka dhacay Turkiga ee fashilmay ayaa sheegay inay markii hore ay ku yimaadeen dalab ay Itoobiya soo marsiisay Turkiga, balse aanay wax shaqo ku laheyn Soomaaliya oo uu sheegay inay ka go’an tahay difaaca baddeeda. Ra’iisul wasaaraha ayaa sidoo kale mar kale ku celiyay in dowladda federaalka aanay marnaba wax gorgortan ka geli doonin kiiska badda, illaa ay ka laabato Itoobiya. “Dowladda Soomaaliya marna ma aqbaleyso horayna waa u sheegnay taako kamid ah dhulka Soomaaliya in lagu soo xadgdubo” ayuu yiri ra’iisul wasaaraha Soomaaliya. Dhinaca kale Xamza Cabdii Barre ayaa aad ugu bogaadiyay shacabka gobollada waqooyi sida ay uga horyimaadeen heshiiskaas, gaar ahaa damaca badda ee Itoobiya. “Shacabka gobolada Waqooyi waan ku amaanayaa sida ay iskaga diideen damaca gurracan ee Itoobiya ku doonayso in ay ku boobto qayb ka mid ah baddeena” ayuu mar kale yiri. Hadalkan ayaa kusoo aadayo, ayada oo weli halkeedii ay tahay xiisadda ka dhalatay heshiiska badda, waxaana natiijo la’aan kusoo dhammaaday wada-hadal ay labada dal ku yeesheen magaalada Ankara, balse waxaa lagu balamay in la’isugu yimaado kulamo kale. Soomaaliya ayaa si weyn uga carootay heshiiska badda ee Itoobiya la gashay Somaliland, kaas oo ay weli fulintiisa ku adkeysanayaan xukuumadaha Hargeysa iyo Addis Ababa. The post Muxuu yahay mowqifka DF ee kiiska badda kadib wada-hadalladii ka dhacay Turkey? appeared first on Caasimada Online.

Mogadishu (HOL) - Somali President Hassan Sheikh Mohamud has revealed that the Ethiopian government has sought Turkey's mediation for talks between Somalia and Ethiopia. Source: Hiiraan Online

449791051_701436602113018_9160919829049338345_n Qaran News

Lt. Col. Zakariye (right) with Admiral Manuel Alvargonzalez. Bosaso (PP News Desk) — A high-level Puntland Police Force (PPF) delegation, led by Lt. Col. Zakariye Cabdiraxman , representing Puntland Police Commissioner Brigadier General Mumin Abdi Shire, held a meeting with naval commanders from the European Union Naval Force Somalia (EU NAVFOR) Operation aboard the ESPS NuMANCIA, led by Admiral Manuel Alvargonzalez. Rear Admiral Alvargonzález cordially received the delegation and conducted a guided tour of the ESPS Numancia. The meeting touched on strengthening cooperation between the PPF of Puntland State of the Federal Republic of Somalia and EU NAVFOR to combat piracy, illegal fishing activities, and other maritime perils in Puntland’s coastal waters. Discussions underscored the importance of intelligence exchange and the strategic coordination of combined operations to boost maritime security in the Horn of Africa. “This meeting is crucial for increasing our capabilities to contribute maritime security,” said Lt. Col. Cabdiraxman, who thanked EU NAVFOR for its cooperation. The Spanish Navy frigate escorted the PPF delegation back to Bosaso port after the meeting ended. © Puntland Post, 2024 The post Puntland Police Force Delegation Meets with EU NAVFOR Commander Aboard ESPS Numancia appeared first on Puntland Post.

Madaxweynaha Ruushka,Vladimir Putin ayaa lagu warramaya in uu ka fikirayo inuu kooxda Xuutiyiinta Yemen ku wareejiyo gantaallada lidka maraakiibta ee ballistic-ga. Gantaalladaasi ayaa Xuutiyiinta ku gacan siin kara in ay quusiyaan maraakiibta diyaaradaha xambaara ee Mareykanka oo ku sugan badda cas, sida laga soo xigtay saraakiil sare oo ka tirsan Mareykanka. Xuutiyiinta ayaa horey loo rumeysan yahay in ay heystaan ​​gantaallada lidka maraakiibta ee P-800 Oniks oo Ruushku sameeyay, kuwaaso loo soo mariyay Suuriya iyo Lubnaan ka hor inta aan la keenin Yemen. William Usher, oo hore u ahaan jiray fallanqeeyaha sare bariga dhexe ee hay’adda sirdoonka Mareykanka CIA , ayaa u sheegay wargeyska warbixintan soo bandhigay ee Middle East Eye kororka isku dhacyada Israa’iil iyo Xisbullah in ay u badan tahay in ay sii qoto dheereyso iskaashiga milatari ee ka dhexeeya Iran iyo Ruushka si loo xoojiyo awoodda difaaca ee Xisbullah. PUNTLAND POST The post Ruushka oo Xuutiyiinta Yemen ku wareejinaya gantaallada Lidka Maraakiibta dagaalka appeared first on Puntland Post.

Muqdisho (Caasimada Online) – Ra’iisul wasaaraha xukuumadda federaalka Soomaaliya Xamza Cabdi Barre oo maanta ka qayb-galay munaasabad loogu magac daray Todobaadka Qaran ee Horumarinta Kalluumeysiga Soomaaliya ayaa soo saaray go’aan culus oo la xiriira kalluumeysiga sharci darrada ah ee ay dalkeenna ku hayaan dalalka shisheeye. Xamza ayaa shaaca ka qaaday in aan cidna laga aqbalayn kalluumeysi sharci darro ah, wuxuuna tilmaamay dowlado badan lagu dacweeyay jiriifka ay ka sameeyaan xeebaha Soomaaliya, kuwaas oo ay kamid ah tahay IRAN. Ra’iisul wasaaraha ayaa xusay in xadgudub dambe aysan aqbali doonin dowladda Soomaaliyeed, isla markaana ay diyaar u tahay difaaca baddeeda iyo dhulkeeda. Sidoo kale wuxuu intaa ku daray in ay jiraan dowlado iyo shirkado ku jooga badda heshiis, kuwaas oo qaarkood uu waqtigu ka dhamaaday dib u eegisna lagu samayn doono. Waxaa kale oo uu xusay in Soomaaliya ay ku taalla goob muhiim ah, isla-markaana leh kheyraad fara badan ay suurto gal tahay in lasoo damaaciyo, wuxuuna sheegay in aysan gorgortan geli karin dhulka iyo biyaha Soomaaliya, dowladduna uu xil gaar ah ka saaran yahay ilaalinta hantideenna. “Maadaama aan ku naalo meeshaas istiraatiijiga ah, maadaama aan haysanno kheyraad badan oo gaar ah, maadaama aanan si dhameystiran uga faa’iisan kheyraadkaas, waxaa suuragal ah in ay yimaadaan damac shisheeye oo kheyraadkaas ku foogan, sidaa darteed waa inaan u istaagnaa sidii aan kheyraadkaas u ilaashan lahayn, badeenna iyo dhulkeennu midna gorgortan ma gali karo mana galayo, dowladda Soomaaliyeedna waxay u taagan tahay ilaalinta badda, dhulka iyo kheyraadkiisa” ayuu khudbaddiisa ku yiri Xamza. Ugu dambeyn wuxuu hoosta ka xariiqay in haatan uu Adduunku tartan wayn ugu jiro maalgashiga dalkeenna gaar ahaan badaheenna, maaddaama uu uu ku jiro kheyraad aad u fara badan oo ay tahay in la ilaashado laguna fara adeygo. Si kastaba, arrinta badda ee Soomaaliya ayaa noqotay mowduuc taagan, maadaama ay dalal badan soo damaaciyeen sida Itoobiya iyo Kenya oo horay looga adkaaday, kadib markii ay dowladda federaalka isla tageen maxkamadda cadaaladda adduunka ee ICJ. The post DF Soomaaliya oo dacwad culus ka gudbisay DALAL kusoo xadgudbay BADDA appeared first on Caasimada Online.

Ra’iisul wasaaraha wasaaraha Xukuumadda Federaalka Soomaaliya Mudane Xamsa Cabdi Barre ayaa magaalada muqdisho ka furay shirweynaha todobaadka kalluumaysiga dalka oo looga hadlayo sidii looga faa’iidaysan lahaa kheyraadka badda. Ra’iisul wasaaraha ayaa sheegay inaan ciddna laga aqbali doonin burcudnimo iyo kalluumeysi sharci darro ah, islamarkaana loo baahanyahay in kheyraadka badda si quman looga faa’iidaysto, shisheeyaha sharci darrada ku gurayana laga ilaaliyo. Sidoo wuxuu xusay inay dowladaha waaweyn oo kalluumaysi sharci darro ah ka waday badda Soomaaliya ka waday ay dacwado caalami ah ka gudbiyeen, ka dibna ay ka cayriyeen. Badda Soomaaliya oo ay dhex ceegaagaan kumanaan jaad oo xoola biyood ama kalluun ah ayaa 34 tii sanoo la soo dhaafay ku jirtay baylah ay shisheeyuhu siday rabaan ka yeelaan, soomaaliduna ka baahanyihiin, balse hadda waxaa muuqanaysa awood dowladnimo oo lagu ilaalinayo. Source: goobjoog.com

Darawalada gaadiid Bajaajta ka howlgasha magaalada Gaalkacyo ayaa cabasho ka muujinaya maamulka degmada Gaalkacyo, iyagoo sheegay in lagu soo rogay lacago dheeraad ah oo culays ku ah. Maamulka degmada Gaalkacyo ayay ku eedeeyeen inay heshiis la gashay shirkad gaar loo leeyahay, si lacago ka baxsan canshuurta ay uga qaado gaadiidka bajaajta. Bajaajleyda ayaa maanta magaalada Gaalkacyo ka sameeyay muddaharaad ay ku diidan yihiin go’aanka dowladda hoose ku kordhisay lacagtaasi dheeriga ah oo ay qaadayso shirkadda gaarka loo lee yahay. Ciidamada dowladda ayaa rasaas u adeegsaday kala eryida darawalada gaadiidka Bajaajta ee ka shaqeeya magaalada Gaalkacyo, kuwaas oo sheegay inay ka cabanayaan lacago ka baxsan canshuur oo dowladda hoose ku soo rogtay. PUNTLAND POST The post Puntland: Bajaajleyda magaalada Gaalkacyo oo ku muddaharaaday dowladda hoose appeared first on Puntland Post.

Ceerigaabo (Caasimada Online) – Madaxweyne ku xigeenkii hore ee Puntland Axmed Cilmi Cismaan (Karaash) oo haatan socdaal ku marayo gobollada Sool iyo Sanaag ayaa ka hadlay arrimo ku aadan maamulka deegaanadaas oo ay isku haystaan SSC iyo Somaliland. Karaash ayaa si gaar ah uga hadlay arrinta magaalada Ceerigaabo, wuxuuna Somaliland uga digay in xoog ku muquuniso bulshada ka aragti duwan ee ku nool magaaladaasi. Madaxweyne ku xigeenkii hore ee dowlad goboleedka Puntland oo deegaan ahaan kasoo jeeda gobolladaasi ayaa sheegay in magaalada Ceerigaabo ay ku nool yihiin bulshooyin kala duwan, sidaas daraadeedna loo baahan yahay in loola macaamilo sida magaalada Gaalkacyo oo kale oo ay hadda wada taliyaan maamullada Galmudug iyo Puntland. Hadalka siyaasigan ayaa u muuqda mid ku doonayo in Ceerigaabo ay wada maamulaan SSC-Khaatumo iyo Somaliland, ayna labada dhinac ku wada sugnaadaan halkaasi. Arrintan waxa ay kusoo aadeysaa, ayada oo weli dhaq-dhaqaaqyo u dhexeeya labadan maamul ay ka socdaan waqooyiga dalka Soomaaliya, waxaana mid kasta uu doonayaa inuu isku ballaariyo dhulkaasi, gaar ahaan deegaanada Sool, Sanaag iyo Cayn. Xiisadda u dhexeysa SSC iyo Somaliland ayaa weli qooyan, kadib markii horraantii sanadkii hore Somaliland dagaal looga saaray magaalada Laascaanood ee xarunta gobolka Sool. Si kastaba, lama sida ay wax noqodon doonaan, mana jiro wax war ah oo illaa iyo hadda kasoo baxay dhinaca Somaliland oo ku aadan hadalka kasoo yeeray Axmed Karaash. The post KARAASH oo Somaliland uga digay inay maquuniso magaalo ay SSC u hanqal taageyso appeared first on Caasimada Online.

Fadhiga maanta Golaha Wakiillada Dawladda Puntland oo ahaan kii 7-aad ee Kalfadhiga 54-aad ayaa waxaa Goluhu cod aqlabiyad leh ku meel mariyey mas’uuliyiin magacaaban oo isagu jira Wasiiro ku-xigeeno kamid ah Golaha Xukuummada, Xubno ka tirsan Garsoorka iyo Hantidhowraha guud ee Dawladda Puntland, kuwaas oo ay soo gudbisay Madaxtooyadu. 1) Wasiir ku-xigeenka Wasaaradda Qorsheynta, Horumarinta Dhaqaalaha Maxamed Xassan Ibraahim. 2) Wasiir ku-xigeenka Wasaaradda Waxbarashada iyo Tacliinta sare Maxamed Diiriye Gamaadiid. 3) Wasiir ku-xigeenka Dhalinyaarada iyo Ciyaaraha Siciid Saalax Seed. 4) Xeer ilaaliyaha Guud ee Dawladda Puntland Axmed Yuusuf Taaraan. 5) Ku-xigeenka Xeer ilaaliyaha Guud ee Dawladda Puntland Cabdiqani Diiriye Cawl. 6) Guddoomiyaha Xafiiska Hantidhawrka guud ee Dawladda Puntland Cismaan Maxamuud Cali (Qaroofey). PUNTLAND POST The post Baarlamaanka Puntland oo ansixiyay mas’uuliyiin uu magacaabay Madaxweyne Deni appeared first on Puntland Post.

Madaxweyne Ismail cumar geelo oo amrey in Baasaboorada dadkii uu hore u siiyey. Dawladda Jabuuti ayaa baasaboorkii kala noqotay masuuliyiinta xukuumadda #Somaliland iyo xisbiga Kulmiye. Dalka Jabuuti ayaa nidaamka ka saaray in ka badan 100 baasaboor oo ay haysteen masuuliyiinta Somaliland. Tan iyo sanadkii 2010-kii, maamuladii kala dambeeyay ee Kulmiye ayaa mas’uuliyiintooda ka qaatay baasaboorka Jabuuti muddo 3-sano ah, iyadoo ay gaartay heer ay mas’uuliyiintani sidoo kale ku qaataan baasaboorka Jabuutiyaanka iyo qoysaskooda iyo taageerayaasha Kulmiye. Ma cadda in Jabuuti ay sidoo kale Baasaboorka kala laaban doonto dad badan oo shacab ah oo sita Baasaboorka Jabuuti iyo in tallaabadani ku kooban tahay masuuliyiinta maamulka Madaxweyne Muuse. Tan iyo markii uu bilaabmay khilaafka labada dawladood, Djibouti waxay qaaday tallaabooyin is daba joog ah oo ay ku doonayso inay cadaadis ku saarto Somaliland. Maxamed Caalin Qaran News

Inta la xaqiijiyay 121 ruux ayaa geeriyooday isbuurasho ka dhacday goob uu ka socday kulan diimeed oo ballaaran oo ay isugu yimaadeen dadka rumaysan madhadka hinduuga ee dalka Hindiya. Guddoomiyaha gobolka ku yaalla waqooyiga hindiya ee Uttar Pradesh ayaa xaqiijiyay dhimashada dadka ku dhammaaday dhacdadan naxdinta leh, asagoo dhacdan ku tilmaamay musiibo qaran. Isbuurashada ayaa timid xilli ay dadka goobta kulan diimeedku ka dhacayay ku sugnaa ay bilaabeen inay soo aruuriyaan ciid ama carro ay barakaysanayeeen, halkaas oo la sheegay in ay ku xoomeen, ka dibna is jiireen. Warbixin uu soo saaray booliisku ayaa lagu sheegay in in ka badan 250,000 oo qof ay ka soo qayb-galeen, kuwaas oo qeyb ka ahaa in ka badan 80,000 oo fasax loo siiyay inay kulanka ka tagaan. Dadka ku dhintay isbuurashadan oo dhacday subaxnimadii hore ee Arbacada ayaa u badan haween iyo carruur, sida ay sheegeen mas’uuliyiinta deegaanku. Source: goobjoog.com

449782321_1490837084865752_6421714807254739371_n (1) Qaran News

Muqdisho (Caasimada Online) – Wasaaradda Waxbarashada Dowladda Soomaaliya ayaa mar kale ku dhowaaqday in ay qaadaneyso illaa 3,000 oo Macallimiin ah, kuwaas oo ka shaqeyn doono horumarinta waxbarashada dalka. Wasiiru dowlaha wasaaradda waxbarashada Nuura Mustaf Mukhtaar oo la hadashay warbaahinta ayaa sheegtay in ay mar kale farxad u tahay qaadashada macallimiin cusub. “Wasaaradda Waxbarashada, Hiddaha iyo Tactliinta Sare ee dalka waxaa mar kale farxad u ah in mar kale shaaciso qaadashada wajiga labaad ee macallimiinta Soomaaliyeed, ayada oo la qaadan 3,000 oo bare Soomaaliyeed ah” ayay tiri wasiir Nuura Mustaf Mukhtaar. Sidoo kale waxa ay tilmaamtay in fursaddan ay ka qayb qaadan karaan macallimiinta Soomaaliyeed ee jooga magaalada Muqdisho, dowlad goboleedyada iyo SSC-Khaatumo. “Dhammaan waxay fursaddan u furan tahay fursadda Baranimo, iyaga oo ka qayb qaadanayo macallimiinta qaranka Soomaaliyeed ee ka shaqeyn doono waxbarashada” ayay mar kale tiri. Waxaa kale oo ay raacisay “Barayaasha la qaadan doono waxa ay ka shaqeyn doonaan heerarka kala duwan ee waxbarashada gaar ahaan dugsiga hoose, dhexe iyo sare iyo xanaanada”. Nuura ayaa sidoo kale hoosta ka xariiqday in mudnaan gaar ah la siin doono gabdhaha macallimiinta ee soo gudbisa codsiga, si ay qayb uga noqdaan macallimiinta cusub. “Waxaa mudnaan gaar ah lasiin doonaa barayaasha dumarka ah, ayada oo 30% ay noqon doonaan barayaasha la qaadan doono” ayay tiri wasiiru dowladaha wasaaradda. “Ugu dambeyntii Wasaaradda Waxbarashada, Hiddaha iyo Tacliinta Sare waxay shaacineysaa in uu furan yahay dalabka mareegta macallimiinta ay kusoo codsanayaan, sidoo kalena ay furan tahay fursada qaadashada macallimiinta, laga bilaabo 2/07/2024” ayuu hadalkeeda kusoo gabagabeysay Wasiiru Dowlaha Wasaaradda Waxbarashada Dalka. The post Daawo: Dowladda oo shaacisay inay qaadaneyso 3,000 oo… appeared first on Caasimada Online.

Source

Bannaanbaxyo waaweyn kale oo rabshado watay ayaa dib ugu qarxay caasimadda dalka Kenya ee Nairobi, xilli kii ugu ballaarnaa Talaadadi shalay ka dhacay magaalooyinka waaweyn ee dalka Kenya oo ay ku jirto magaalada caasimadda ah ee Nairobi, waxaana jirta cabsida laga qabo inuu boob jiro. Ciidanka Booliska oo isku dayaya iney xakameeyaan dibadbaxyada ayaa adeegsaday suntan dadka ka ilmeysisa, iyagoo dacwado ku soo oogay dibadbaxayaal dhagxaan ku tuurayay bartamaha magaalada Nairobi, si ay isugu dayaan in ay xakameeyaan rabshadihi ugu ballaarnaa ee Kenya ka dhacay 2024. Madaxweynaha talada haya Willium Ruto ayaa u muuqda in dowladdiisu ku guuldareysatay qancinta dhaqdhaqaaqa dhallinyada dibadbaxyada dhiga, kuwaas oo siweyn uga carooday toogasho ciidanka u geysteen wiil dhallinyaro ahaa oo ka tirsanaa, xilli bannaanbaxyadu ayaa u muuqda kuwa sii faafaya. Mudaaharaadyadii Talaadadii ayaa ku bilowday dareen xamaasad leh, balse waxa ay isku baddalay rabshado. Xooggooda ayaa ka dhacay tuulada ganacsiga ee bartamaha magaalada Nairobi. Ciidamo boolis ah oo xirnaa koofiyado, kuwaas ay uga ganbanayaan dhagax ay tuurayaan banaanbaxayaasha. Dibadbaxayaasha ayaa gubay Dukaammo, shaqaalaha gargaarka dag dagga ahna waxay ku mashquul sanaayeen daweynta dadka dhaawaca ah, halka boolisku ay xirayeen dadka waddooyinka joogay sida ay xaqiijiyeen goob-joogayaasha iyo saxafiyiinta, Kenya ayaa u muuqata in xaalad adag ay sii galeyso. Dibadbaxyada dalka Kenya ayaa bilowday kadib markii dowladdu ay soo rogtay sharci lagu kordhiyay dhaqaalaha dalka iyo canshuuraha, kaas oo Baarlamaanka tagay, xilli madaxweyne Ruto uu shaaciyay inuu dib uga laabtay sharciyadaasi, taas oo muujinaysa inaan wadibaxyadu aysan wali la xakameynin. Source: goobjoog.com

Boosaaso (Caasimada Online) – Markab dagaal oo ay leeyihiin ciidamada badda ee Ururka Midawga Yurub, gaar ahaan howlgallada EU-NAVFOR ATALANTA ayaa soo gaaray magaalada Boosaaso ee xarunta gobolka Bari, isagoo oo ka bilaabay dhaq-dhaqaaq cusub. Markabkan oo lagu macagaabo ESPS NUMANCIA ayaa kamid ah maraabkiibta dagaal ee ilaalada u jooga xeebaha Soomaaliya, si ay uga hortegaan weerarada burcad-badeeda, oo dib usoo rogaal celiyay. Saraakiisha la socotay markabkan ayaa markii uu soo gaaray xeebaha Puntland, waxaa la kulmeen agaasime ku-xigeenka guud ee ciidamada PMPF Mudane Maxamuud Silaal Cumar oo ay weheliyaan saraakiisha sar sare ee ciidamada PMPF, waxayna ka wada-hadleen arrimo ku aadan howlgallada ka soconaya halkaas iyo iskaashiga labada dhinac. Sidoo kale waxaa kulanka diiradda lagu saaray xoojinta wadashaqaynta labada dhinac, dar-dargelinta howlgallada ka dhanka ah burcadbadeedda, kalluumaysiga sharcidarada ah, hubka sharcidarada ah, daroogada, ladagaalanka argagixisada iyo waxkasta oo liddi ku ah amniga iyo xasiloonida. Labada dhinac sidoo kale waxa ay si dhow isula qiimeeyeen arrimo ku aadan wadaagista xogaha falalka burcadbadeedda iyo guulaha laga gaaray howlgallada wadajirka ah ee lagaga hortegey, kuwaasi oo horseeday in si dhow loola socdo xogtooda, lana fashiliyo weeraro ay qaadi lahaayeen kooxaha burcadbadeedka Soomaalida. Waxaa kale oo ay ciidamada PMPF iyo howlgalka EUNAVFOR Operation ATALANTA ku ballameen in si ka dhaw sidii hore loo horumariyo howlgallada iyo iskaashiga xogaha amniga badaha, si looga hortago falalka amni darro ee ka dhicikara badda. Soomaaliya ayaa waxaa mar kale kusoo rogaal celiyay kooxda burcadbadeedda oo bilihii lasoo dhaafay weeraro ka geystay xeebaha dalka iyo biyo fog ee caalamiga ah, inkastoo qaarkood gacanta lagu soo dhigay, kadib howlgallo ay sameeyeen maraakiibta dagaalka. The post Markab DAGAAL oo soo gaaray Puntland iyo xogta qorshe culus oo u socdo appeared first on Caasimada Online.

An8nr8UbtRxMQvvutytCM0aQTVVAcFBVbgoNfIVLvy2oOCNYXyGROQRJw190KjtMgl1yvczWNJAhVgGTYZSUQuCq Qaran News

Hargeysa (Caasimada Online) – Wasiirka arrimaha gudaha Somaliland Maxamed Axmed Kaahin oo xalay ka qayb-galay kulan ka dhacay magaalada Hargeysa ayaa ka hadlay arrimo xasaasi ah oo ku aadan xiisadda kala dhexeysa Soomaaliya ee ka dhalatay heshiiska badda ee uu maamulkooda la galay Itoobiya, wuxuuna kashifay qorshe uu sheegay inay damacsan tahay dowladda Soomaaliya. Ugu horreyntii wasiirka ayaa ka hadlay sababaha keenay diidmada dowladda federaalka ee ku aadan heshiiska badda, wuxuuna sheegay in Somaliland aysan u ogoleyn inay la macaamisho dariskeeda iyo waddamada kale ee caalamka, sida uu hadalka u dhigay. Sidoo kale wasiirka oo garnaqsaday ayaa sheegay in horay Soomaaliya iyo Somaliland ay u galeen illaa 7 heshiis oo uu wax ka saxiixay madaxweyne Xasan Sheekh, wuxuuna su’aal la keenay waxa loogu diidayo inay heshiis la galaan Itoobiya ama dalal kale ee dariska ah. “Soomaaliya 6 ama 7 heshiis ayaynu wada galnay Xasan Sheekh maanta madaxweynaha ah xilligii hore ee uu madaxweynaha ahaa Axmed Maxamed Siilaanyo oo madaxweyne ah labadooda ayaa wada saxiixay maxaa isbeddalay? waxaa isbeddalay heshiiska aynu wada galnay Itoobiya, iyagana 7 ayaynu wada galnay maxaa diidaayo marka inaan Itoobiya wada galno” ayuu yiri wasiirka arrimaha gudaha maamulka Somaliland. Maxamed Kaahin oo hadalkiisa sii wata ayaa sheegay in Soomaaliya qudheeda ay kireysato baddeeda iyo dekedaheeda, wuxuuna sheegay in horay ay heshiisyo u gashay, hadana ay damacsan tahay qorshe kale oo ku aadan inay ku wareejiso dekedaha Hobyo iyo Kismaayo. “Kaliya Geeskan Afrika ee aynu ka midka nahay dowladaha inta IGAD la yiraahdo ilaa 8 bees baa ka kireysan oo la leeyahay, maxaa kan Somaliland gooni u calaamadeeyay?. Saddex bees baa dowladda Soomaaliya ayaa iminka yaalla Soomaaliya, hadda wuxuu leeyahay afar meelood baan anigu siinayaayee, kaas Somaliland yaanay qaadan” ayuu yiri. Waxaa kale oo uu sii raaciyay “Wuxuu leeyahay Hobyo ayaan siinayaa, Kismaayo ayaan siinayaa, wuxuu leeyahay meel heblo ayaan siinayaa”. Ugu dambeyn wuxuu hoosta ka xariiqay inay doonayaan in Somaliland ay u dhaqanto sida dowlad oo kale, isla markaana ay darisnimo iyo walaalnimo kula macaamisho Soomaaliya. “Waxaan dooneynaa inaynu laba dowladood oo walaalo ah oo Soomaaliyeed oo xiriir wanaagsan leh oo kala ganacsada oo nabad-gelyada is weydaarsada inaynu wada noqono” ayuu hadalkiisa kusoo gabagabeeyay wasiir Maxamed Kaahin Axmed. The post Somaliland oo kashiftay qorshe culus oo ay damacsan tahay Somalia oo la xiriira Itoobiya appeared first on Caasimada Online.

Bannaanbaxyo kale oo rabshado watay ayaa salaasadii shalay ka dhacay magaalooyinka waaweyn ee dalka Kenya oo ay ku jirto magaalada caasimadda ah ee Nairobi. Booliska ayaa adeegsaday suntan dadka ka ilmeysisa isla markaana dacwado ku soo oogay dibadbaxayaal dhagxaan ku tuurayay badhtamaha magaalada Nairobi, si ay isugu dayaan in ay xakameeyaan rabshadihi ugu ballaadhnaa ee Kenya ka dhaca, tan iyo marki ugu yaraan tobnaan qof lagu dilay bannaanbaxyadi toddobaadkii hore. Mudaaharaadyada dalka oo dhan ka dhacay ayaa muujiyay in madaxweyne William Ruto uu ku guul darreystay inuu qanciyo dhaqdhaqaaqa dhalinyarada ee bannaanbaxyada dhigaya, inkasta oo uu ka tanaasulay qorshayaashii canshuur kordhinta ee dhaliyay qalalaasaha toddobaadkii hore. Mudaaharaadyadii slaasadii ayaa ku billaamay dareen xamaasad leh, balse waxa ay isku baddalay rabshado. Xooggooda ayaa ka dhacay tuulada ganacsiga ee badhtamaha magaalada Nairobi. Ciidamo boolis ah oo xidhnaa koofiyado isla markaana sitay budad alwaax ah iyo gaashaamo, ayaa ka hortagay dhallinyarada rabshadaha dhigayay. Tukaammo ayaa la gubay, shaqaalaha gargaarka dag dagga ahna waxay ku mashquul sanaayeen daweynta dadka dhaawaca ah, halka boolisku ay xidhayeen dadka waddooyinka joogay sida ay xaqiijiyeen goob-joogayaasha iyo saxafiyiinta. Meelaha kale ee ay bannaanbaxyadu ka dhaceen ayaa waxaa ka mid aheyd magaalada labaad ee ugu weyn Kenya ee Mombasa. Dadka ayaa watay laamaha geedaha timirta isla makraana yeedhinyay buun caag ah, iyaga oo ku qeylinayay “Ruto ha baxo!” Talefishinka NTV ee Kenya ayaa sheegay in laba qof lagu toogtay Mombasa, waxay kaloo baahiyeen sawirrada baabuur gubaneysa. Warbaahinta Kenya waxay sheegtay, in sidoo kale ay bannaanbaxyo ka dhaceen magaalooyinka Kisumu, Nakuru, Kajiado, Migori, Mlolongo iyo Rongo. Madaxweyne Ruto, ayaa waajahaya qalalaase tii ugu darneyd ee soo waajahda xakunkiisa laba sanno jirka ah. Dowladdiisa ayaa dhexda u gashay lacagaha deymaha lagu leeyahay iyo midda ay ka amaahanayaan IMF iyo shacabka oo si weyn uga cabanaya sara u kaca ku yimid maciishada. Guddiga Qaran ee Xuquuqda Aadanaha ee Kenya (KNHCR) ayaa sheegay in 39 qof oo Kenyan ah lagu dilay dibadbaxyo iyo iska horimaadyo ay la galeen booliiska tan iyo 18-kii bishii June. Dadka intooda badan ayaa la toogtay xilli ay rabeen in ay xoog ku galaan xarunta baarlamaanka ee Nairobi. Source

Xukuumadda Somaliland ayaa soo bandhigtay caddaymo ay sheegtay in ay muujinayaan jiritaanka jabhad ka dhan ah jiritaanka JSL, oo ku sugan dalka Jabuuti. Wasiirka Wasaaradda Warfaafinta Dhaqanka iyo Wacyigelinta Somaliand ahna afhayeenka Xukuumadda Somaliland Mudane Cali Xasan Maxamed Cali Mareexaan ayaa sheegay in tan iyo markii uu dhacay isfahankii Itoobiya iyo Somaliland in tobanaan jeer ay Jabuuti kasoo yeedheen hadalo ka dhan ah Somaliland, balse aanay Somaliland ka jawaabin oo ay ixtiraamaysay walaaltinimada. Kadib markii ay dowladda Jabuuti gabi ahaanba beenisay jiritaanka dhaqdhaqaaq ka dhan ah Somaliland oo dalkeeda ku sugan, wasiirka warfaafinta Somaliland Cali Xasan Maxamed (Cali Mareexaan), ayaa soo bandhigay caddaymo uu sheegay in ay muujinayaan jiritaanka jabhadaasi. Waxaanu yidhi.”Hadalkan danbe ee Somaliland ka hadashay waxa uu ku soo baxay afar dhacdo oo Jabuuti ka dhacay, afartaana caddaynteedu halkan taallo, nimanka yidhi ‘Awdal ayaanu xoreynayna oo Jabhad ayaanu nahay,’ waxay sheegeen inay Awdal ka xoreynayaan ‘Daaquud,’ isla markaana dad abaabulayaan, in bulshada reer Awdal kacdo, Jabuuti ayay ka hadlayeen taasina waa tii ugu weyneyd ee fagaare lagu soo bandhigo. Waa kuwaa nimankii Awdal State sheeganayay waxay fadhiyaan fagaarihii waynaa 27 Juun laga xusayay, halkaana waxa fadhiisan kara uun qof lasoo martiqaaday, xaflalado waa wayn ayay qabanayaan iyaga oo abaabulaya in Somaliland iyo gobolka Awdal lagu kaco, khudbadahoodii oo dhana waanu haynaa, nimanka sida fudud uga jawaabay waxaan leeyahay ma waxaasi aan soo bandhigey oo dhanba beena” Wasiirku waxa uu sheegay in tan iyo markii uu dhacay isfahankii Itoobiya in tobanaan jeer ay Jabuuti kasoo yeedheen hadalo ka dhan ah Somaliland, balse aanay Somaliland ka jawaabin oo ay ixtiraamaysay walaaltinimada. Waxaanu yidhi.“Sidii Somalialnd iyo Itoobiya u kala saxeexdeen heshiiskii Isfahan dowladda Jabuuti ilaa toban jeer, ayay ka hadashay, waxa ka hadlay madaxweynaha Jamhuuriyadda Jabuuti, wasiirka arrimaha dibedda, waxa ka hadlay wasiirka warfaafinta, wasiirka maaliyada, mar kaliyana JSL umay jawaabin, siyaabo kala duwana way uga hadleen oo dhab ahaantii ay ahayd inaanay sidaasi isugu hawlin dowladda Jabuuti, sababto ah dhulkayaga iyo badayada anaga ayaa u talina” Waxa uu sheegay in aanay filayn in Jabuuti ay martigaliso dhaqdhaqaaq ka dhan ah Somaliland, marka labaadna ay la yaabeen in ay beeniso jiritaanka jabhada, oo uu sheegay in ay abaabul balaadhan ka wadaan Jabuuti isla markaana ay jeedinayaan qudbado isdaba joog ah oo ka dhan ah Somaliland. Waxaanu yidhi. “Wax Jabuuti innaga dhexeeya may hayn, heshiis hore ayaa jiray nabadgelyada xuduudaha ayaa lawada ilaalin jiray, danbiilayaasha ayaa la isu celin jiray, saxarka iyo sanqadha ayaa laga dhawri jiray wixii nabadgelyada xuduudaha waxyeelaya. Haddii aanu idin nidhi arrintasi jawaab naga soo siiya in aad si fudud noo tidhaahdaan waabeen idinkamaanan filayn iyada oo waxaasi oo caddaymo ahi ay jiraan, waxaan idin leeyahay hadalkaasi hadal uga noqda, wixii nabadgelyadeena waxyeelaya inaynu meel uga soowada jeesano ayay dani ugu jirta labadeenaba.” Waxa uu sheegay in si adag ay labada dhinacba u waardiyaynjireen xidhiidhka walaaltinimo ee ka dhaxeeya shacabka Jabuuti iyo shacabka Somaliland, isla markaana ay uga fadhiyaan Jabuuti in ay wax la taaban karo ka qabato cabashadooda. Wasiirka warfaafintu waxa uu bulshada ku baraarujiyay in dekedda Somaliland wixii ka hoose dalalka saxaraha ay iyadu kaalinta koobaad gashay. Waxaanu yidh. “Wixii saxaraha Afrika ka hooseeya dekedeena ayaa ugu horaysay, waana dadaalada aynu sameynay, dowladda Jabuuti wada dhalashadeeda iyo walaalnimadeedu way naga go’an tahay, waligeedna xumaani xagayaga kamay tagin, iyagana ka filimeyno, bulshada reer Jabuutina sidaasi ayaanu u naqaana,” Wasiirku waxa uu caddeeyay in Somaliland Badeeda ku filan tahay maamulkeeda, waxa uu intaas raaciyay in Somaliland aanay ciidamo shisheeye waligeed ka hawlgalin ilaalinta nabadgelyadeeda, basle ciidankeedu uu ku filaaday. Waxaanu yidhi. “Itoobiya waxa jira gobolka oo dhan ama dad badan oo abaabulaya colaadihiii Itoobiya iyo Soomaalida ka dhaxayn jiray, dhab ahaantii cidna dani uguma jirto, Somaliland xuduuda ay Itoobiya la leedahay ayaa ka dheer ka ay Soomaalida la leedahay, 33 sano ciidan shisheeyana ma iman, nabadgelyodarrona kama dhicin, dowlada Somaliland ciidamadeeda amniga ayaa xaslatay oo ku filaaday dhinaceeda ta Jabuutina la midbay ahayd, sidaasi darteed ganacsiga, nabadgelyada, wax waliba way iskaga keen xidhan yihiin, cid cid ku duulaysa iyo cid cid wax ka qaadaysaana majirto, markay noqoto heshiisna xeerarka caalamiga waanu naqaana, sida wax loo kala saxeexdana waanu naqaana, anaga cidi na khiyaameyn mayso oo badayada cidi noogu iman meyse kuwiina yaan la idinka khiyaameyn” Source