https://qarannews.com/wp-content/uploads/2024/06/colaadaLaascanood.mp4 Qaran News

Madaxweynaha dowlad goboleedka Hirshabeelle mudane Cali Cabdullaahi Xuseen (Cali Guudlaawe) ayaa magaalada Jowhar kula kulmay wakiilo ka socday safaaradda Mareykanka ee Soomaaliya oo Jowhar ka hirgelinaya xarun ay leeyihiin ciidamada Danab. Madaxweyne Cali Guudlaawe oo kulanka ka dib hadlay ayaa faahfaahin ka bixiyay waxyaabihii ay labada dhinac ka wada hadleen, asagoo xusay in laysla soo qaaday in Ciidanka sida gaarka ah u tababaran ee Danab ay xarun ku yeeshaan deegaanada Hirshabeelle. “Danab inay xarun ciidan ku yeeshaan Hirshabeelle waxa ay wax weyn ka tari doontaa dagaalka lagu dhameystirayo Kooxda Alshabaab, waxaana si rasmi ah ugu wareejiyay dhulkii ay xarunta ka dhisan lahaayeen,” ayuu yiri Madaxweyne Cali Guudlaawe. Kulankan ayaa ku soo beegmaya xilli dhowaan la filayo in Hirshabeelle iyo Galmudug uu ka billowdo wajiga labaad ee dagaalka ka dhanka ah kooxda Alshabaab. Source: goobjoog.com

Jowhar (Caasimada Online) – Madaxweynaha HirShabelle, Cali Guudlaawe Xuseen ayaa maanta xafiiskiisa ku qaabilay wakiillo ka socday safaaradda Mareykanka ee Soomaaliya, kuwaas oo booqasho ku tegay magaalada Jowhar ee xarunta gobolka Shabeelaha Dhexe. Labada dhinac ayaa ka wada-hadlay arrimo ku aadan hirgelinta saldhig ciidan oo ay ku howlgeli doonaan ciidamada Danab ee uu tababaro Mareykanka, kaas oo laga dhisayo magaalada Jowhar ee caasimada HirShabelle. Cali Guudlaawe ayaa wakiilada uu la kulmay ku wareejiyay dhul ay HirShabelle ugu talagashay in laga dhiso xerada ay dagayaan ciidamada gaarka ah ee Danab, si ay uga gacan siiyaan amniga. Madaxweynaha oo kulanka ka hadlay ayaa tilmaamay in saldhigga uu hirgelinayo Mareykanka uu wax badan ka tari doono dagaalka adag ee lagula jiro Al-Shabaab. “Danab inay xarun ciidan ku yeeshaan HirShabelle waxa ay wax weyn ka tari doontaa dagaalka lagu dhameystirayo Khawaarijta, waxaana si rasmi ah ugu wareejiyay dhulkii ay xarunta ka dhisan lahaayeen,” ayuu yiri Madaxweynaha HirShabeelle. Saraakiisha ka socda safaaradda Mareykanka ee Muqdisho oo la geeyay dhulka lagu wareejiyay ayaa dhankooda u mahadceliyay madaxweyne Cali Guudlaawe, waxayna sheegeen in sida ugu dhaqsiyaha badan loo hirgelin doono xeradaasi. Mareykanka ayaa haatan saldhigga ugu wayn ku leh garoonka Balidoogle, halkaas oo uu ku tababaro ciidamada Danab ee Xoogga dalka Soomaaliyeed, sidoo kale waxa ay ka howlgalaan Jubbaland iyo Galmudg. Qorshaha Mareykanka ayaa ah inuu sii ballaariyo xarumihiisa ciidan, isaga oo qayb ka ah la dagaallanka maleeshiyaadka kooxda Al-Shabaab oo weli ku sugan qaybo kamid ah dalka. The post Sawirro: Guudlaawe oo dhul ku wareejiyay Mareykanka appeared first on Caasimada Online.

Madaxweynaha Dowlad Goboleedka Jubaland mudane Axmed Maxamed Islaam (Madoobe) oo uu wehliyo Wasiirka howlaha guud ee Xukuumadda federaalka Soomaaliya Mudane Cabdisalaan Cabdi Cali ayaa Magaalada Kismaayo ka dhagax dhigay dhismaha labo wado oo laami ah. Labadaan wado oo kamid ah wajiga labaad ee mashruuca dhismaha waddooyinka magaalada Kismaayo oo ka kooban 9.2 KM ayaa wax badan ka badali doona isku socodka iyo bilicda magaalada. Wasiirka howlaha guud iyo guryaynta dowlad Federaalka Soomaaliya ayaa ku sugan Magaalada madaxda dowlad gobolleedkaasi Jubbaland, waxaana la filayaa inuu dhagax dhigi doono mashaariic badan oo la doonayo in halkaa laga hirgeliyo. Source: goobjoog.com

Addis Abeba,(Qaran news)- La taliyaha madaxweynaha Somaliland mudane Cali Maxamed Warrancadde oo ku sugan magaalada Adis Abeba ee caasimadda Itoobiya ayaa kulan kala duwan la yeeshay qàar ka mid ah madaxda xukuumadda Itoobiya. Ali Warranadde ayaa kulan qaatay saacad iyo badh waxa uu la yeeshay Alemu Sime Wasiirka Gaadiidka mudane Alemu Sime, ma jiraan wax war ah oo kulankaasi ka soo baxay,hase ahaatee waxa uu la taliyaha madaxweynaha Somaliland sheegay in Somaliland iyo Itoobiyaba ay ka go’antahay in uu hir galo heshiiskii is fahan ee dhex maray Somaliland iyo Itoobiya dhawaana la hir galin doono. Dhanka kalena wasiir Alemu Sime ayaa maanta golaha baarlamnaanka ee Itoobiya u sheegay in ay dawladda Itoobiya ay ka go’ontahay in fuliso heshiiskii isfahan ee dhex maray Itoobiya iyo Somaliland taasi oo Itoobiya u saamaxaysa in ay gasho badda. Heshiiskani ayaa labada dhanba ay faa’iido ugu jirtaa iyada oo Itoobiya heli doonta saldhig ciidanka bada ah oo ay ku yeelato xeebta Somaliland xaga Somaliland ay heli doonto aqoonsi caalami ah iyo in ay saami ka hesho shirkadda diyaaradaha ee Itoobbiya Airlines oo ah shirkadda diyaaradaha ee ugu balaadhan qaaradda Africa. Qaran News

Addis Ababa (Caasimada Online) – Dowladda Itoobiya oo weli kusii adkaysaneyso heshiiska badda ee ay horraantii sanadkan la gashay maamulka Somaliland ayaa maanta tallaabo u qaaday fulinta heshiiskaas oo ay diidan tahay dowladda dhexe ee Soomaaliya. Wasiirka gaadiidka iyo saadka ee xukuumadda ra’iisul wasaare Abiy Axmed ayaa maanta baarlamaanka dalka Itoobiya horgeeyay heshiiskan oo ku saabsan in ay deked iyo saldhig militari ka helaan badda cas ee Soomaaliya. Alemu Sime oo ah wasiirka gaadiidka Itoobiya ayaa baarlamaanka u sheegay in heshiiska is-afgaradka ah ee ay la galeen Itoobiya uu yahay mid dhab ah oo ka caawinayo helitaanka marin-badeedka ay muddada dheer raadinayeen. Sidoo kale waxa uu tilmaamay in fulinta heshiiskan uu isbeddel wayn u keenayo Itoobiya, isla markaana uu aas aas u noqonayo iskaashi cusub. “Tani waxay ka dhigi doontaa rabitaanka Itoobiya ee ah helitaanka marin badeed, taasoo keenaysa isbeddel aas-aasi ah waxqabadka saadka iyo iskaashi cusub,” ayuu yiri wasiirka. Shalay dowladda Itoobiya ayaa mar kale ku celisay in aysan marnaba ka tanaasuli doonin damaceeda badda cas, ayna ka go’an tahay sidii ay ku heli lahayd bad ay adeegsato. Agaasimaha fulinta machadka arrimaha dibadda ee dalka Itoobiya Jacfar Bedru oo hadalkaas ka dhawaajiyay ayaa sheegay in helitaanka bad ay muhiimad wayn u leedahay Itoobilya, wuxuuna sheegay in aysan ka laaban doonin doonistooda badda cas, xilli ay weli taagan tahay xiisad ka dhalatay heshiiska badda ee ay la galeen maamulka Somaliland. “Itoobiya iyo badda cas waxaa ka dhaxeeya xiriir taariikhi ah. Itoobiya waligeed waxay halgan taariikhihi ah ugu jirtay Badda Cas, waana arrin ku xiran jiritaankeeda. Waddamada dariskeenna ah waxaa ka go’an inay meesha ka saaraan doonisteenna Badda Cas” ayuu yiri Jacfar Bedru. Si kastaba, waxaa weli halkeeda ah xiisadda u dhexeysa Addis Ababa iyo Muqdisho ee ka dhalatay heshiiska badda, kaas oo ay ka carootay dowladda federaalka Soomaaliya. The post Dowladda Itoobiya oo maanta tallaabo cusub u qaaday fulinta heshiiska badda appeared first on Caasimada Online.

https://qarannews.com/wp-content/uploads/2024/06/447756858_991661929039912_7940808085009239660_n.mp4 Qaran News

By Giulia Paravicini Somalia will expel thousands of Ethiopian troops stationed in the country to help with security by the end of the year unless Addis Ababa scraps a disputed port deal with the breakaway region of Somaliland, a senior Somali official said on Monday. Security experts and foreign diplomats said the move risks further destabilising Somalia as local forces would be unable to fill the security vacuum, which would likely be exploited by fighters from al Shabaab, an affiliate of al Qaeda At least 3,000 Ethiopian soldiers are stationed in the Horn of Africa country as part of an African Union peacekeeping mission (ATMIS) fighting al Shabaab, which controls large portions of Somalia, while an estimated 5,000-7,000 are stationed in several regions under a bilateral agreement. Relations between Mogadishu and Addis Ababa nosedived earlier this year after landlocked Ethiopia agreed to lease 20 km (12 miles) of coastline from Somaliland – a part of Somalia which claims independence and has had effective autonomy since 1991, but has failed to win international recognition. Ethiopia offered Somaliland possible recognition in exchange for being allowed to set up a naval base and commercial port – a move Mogadishu has called illegal. “If they do not repeal the (agreement) before the end of June, or when the new mandate of the mission is decided, all Ethiopian troops, ATMIS and bilateral, will have to go,” Somalia’s national security adviser Hussein Sheikh-Ali told Reuters by phone Ethiopia cannot be an ally and at the same time an aggressor.” Spokespeople for the Ethiopian government and the Ethiopian National Defence Forces (ENDF) did not respond to requests for comment. The African Union Transition Mission in Somalia (ATMIS), which is mandated by the U.N. Security Council, is due to fully withdraw and hand over security responsibilities to the Somali state by the end of 2024. But the Somali government has requested several times for the withdrawal of troops to be slowed down, citing setbacks on the battlefield. The troops come from Burundi, Djibouti, Uganda, Kenya and Ethiopia. A new, smaller peacekeeping mission is expected to be announced by the end of June, with Somalia requesting that Ethiopia not be among the troop contributing countries, according to AU and African diplomats familiar with the plan. “Given the current political climate, it will not possible to have ENDF be part of AU-led mission,” Somalia’s state minister for foreign affairs Ali Omar told Reuters. (Reporting by Giulia Paravicini; Editing by Hereward Holland, William Maclean) Source Reuters Qaran News

Mogadishu (HOL) — The Ethiopian Minister of Transport and Logistics, Alemu Sime, presented an agreement with Somaliland to the Ethiopian Parliament on Tuesday. Source: Hiiraan Online

Nairobi (HOL) — Somalia has joined a $35 million climate disaster risk financing project launched by the African Development Bank Group (AfDB) to enhance resilience against climate shocks. The project also includes Comoros, Djibouti, and South Sudan and was signed during the AfDB's 2024 Annual Meetings in Nairobi. Source: Hiiraan Online

Kismaayo (Caasimada Online) – Ciidamada sida gaarka ah u tababaran ee Kumaandooska Danab oo maanta howlgal qorsheysan ka sameeyay gobolka Jubbada Hoose ayaa soo dilay horjooge sare oo ka tirsanaa maleeshiyaadka kooxda Al-Shabaab. Howlgalka ayaa si gaar ah uga dhacay deegaanka Kaamjiroon oo 75 KM dhanka galbeed kaga beegan magaalada Kismaayo ee xarunta KMG ah ee Jubbaland, sida lagu sheegay qoraal kasoo baxay dowladda federaalka Soomaaliya. Ma shaacin dowladda magaca sarkaalka la dilay, balse waxa ay sheegtay inuu Al-Shabaab u qaabilsanaa qeybta sirdoonka iyo aruurinta waxa ay ugu yeeraan Zakawaadka. “Ciidanka Sida Gaarka u Tababar kumaandooska Danab XDS ayaa howlgal qorsheysan oo ay ka Fuliyeen deegaanka Kaamjiroon oo 75KM dhanka galbeed kaga beegan magaalada Kismaayo ee gobolka Jubbada Hoose ayaa lagu khaarijiyay horjooge muhiim u ahaa khawaarijta” ayaa lagu yiri qoraal kasoo baxay dowladda federaalka Soomaaliya. Sidoo kale waxaa qoraalka lagu sheegay in ciidamada Danab ay sii wadi doonaan howlgallada iyo beegsiga ay ku hayaan maleeshiyaadka iyo saraakiisha Al-Shbaab. “Ciidanka Kumaandooska Danab XDS ayaa ah kuwa hurdada u diida Horjoogayaasha iyo maleeshiyaadka Khawaariijta” ayaa lasii raaciyay warsaxaafadeedka. Dhinaca kale, ma jiro wax hadal ah oo kasoo baxay Al-Shabaab oo ku aadan howlgalkaas ee ay guulaha ka sheegteen ciidamada Xoogga dalka Soomaaliyeed. Jubbooyinka oo ay ku xoogan yihiin xubnaha Al-Shabaab ayaa waxaa badanaa ka dhaca howlgallo qorsheysan iyo duqeymo diyaaradeed oo lagu beegsado maleeshiyaadka kooxda. The post Horjoogihii sirdoonka Jubada Hoose ee Al-Shabaab oo lagu dilay howlgal qorsheysan appeared first on Caasimada Online.

Qaran News

Ra’iisul Wasaaraha Xukuumadda Federaalka Soomaaliya, Mudane Xamsa Cabdi Barre ayaa khudbad uu ka jeediyay shir madaxeedka Kuuriyada Koonfureed iyo Afrika waxa uu ka hadlay ahmiyadda ay leedahay in Jamhuuriyadda Kuuriya iyo dalalka Afrika ay iska kaashadaan dhinacyada ganacsiga, farsamada iyo tiknoolajiyadda. Ra’iisul Wasaaraha ayaa sheegay in Afrika ay horumar wanaagsan ka sameyneyso isbeddalka dhaqaalaha iyo horumarka bulshada, isla markaana Aagga Ganacsiga Xorta ah ee Qaaradda Afrika uu abuurayo fursado maalgashi iyo iskaashi dhinaca ganacsiga. Mudane Xamsa waxa uu ka hadlay in Soomaaliya ay dhacdo goob istiraatiiji ah oo isku xireysa Afrika iyo Asia, isla markaana Alle ugu deeqay kheyraad dabiici ah, isagoo Intaa raaciyay in dowladda Soomaaliyeed ay guulo waaweyn ka gaartay dhinacyada amniga, siyaasadda iyo horumarinta nidaamka dhaqaalaha iyo weliba sharciyada ee dalka, ee fududeyneya maalgashiga caalamiga ah. Waxa uu sheegay in uu rajeynayo in waaya-aragnimada Kuuriya ee dhinacyada farsamada, tiknoolajiyadda iyo caafimaadka ay door wanaagsan ka ciyaari karaan waaga cusub ee iskaashi ee u billowday Afrika iyo Jamhuuriyadda Kuuriya. PUNTLAND POST The post Ra’iisul wasaare Xamse oo Khudbad ka jeediyay Shir Madaxeedka Afrika iyo Koonfur Kuuriya appeared first on Puntland Post.

Balcad (Caasimada Online) – Wararka naga soo gaaraya gobolka Shabeelaha Dhexe ayaa sheegaya in maalmihii lasoo dhaafay ay soo buux dhaafiyeen xubno badan oo ka tirsan Al-Shabaab, kuwaas oo dhaq-dhaqaaqyo ka bilaabay qaybo kamid ah gobolkaasi. Maleeshiyaadka Al-Shabaab ayaa lagu arkay nawaaxiga deegaanka Xawaadley oo qiyaastii 20 KM u jira degmada Balcad, sida ay innoo sheegeen ilo dadka deegaanka ah. Kooxda ayaa durbo dhaq-dhaqaaqyo xoogan ka billowday tuulooyinka kala ah Shanlow, Dhagaxow iyo Farbaraki, halkaas oo ay ka sameysteen fariimso cusub. Taliye ku xigeenka saldhigga Xawaadley Xanafi Sheekh Isxaaq oo wareysi siiyay Idaacadda Kulmiye ayaa sheegay inay ka war hayaan dhaq-dhaqaaqa Al-Shabaab, wuxuuna sheegay inay soo gaareen tuulooyinka u dhow deegaankaasi. Xanafi ayaa shaaca ka qaaday in haatan ay wadaan qorshe ku aadan sidii looga hortagi lahaa maleeshiyaadka Al-Shabaab ee soo buux dhaafiyay halkaasi. “Deegaanada ay soo buux dhaafiyeen way jirtaa, haddii nimankan dhaq-dhaqaaqooda lala socon inay wax badan ku dheeli doonaan, marka annaga waan ka war heynaa, mana soo qaadi karaan wax tallaabo ah” ayuu yiri taliye ku xigeenka saldhigga deegaanka Xawaadley. Dhinaca kale dowladda Soomaaliya ayaa iyaduna ciidamo ka daabushay gobolka Shabeelaha Dhexe, kuwaas oo saacadihii lasoo dhaafay gaaray aaga degmada Ruun-nirgood oo ay ka socdaan howlgallo xoreyn ah oo ka dhan ah maleeshiyada Al-Shabaab. HirShabelle ayaa kamid ah meelaha lagu jabiyay Al-Shabaab wajigii 1-aad ee dagaalka, balse mar kale ayay u muuqataa in kooxda ay kusoo rogaal celisay Hiiraan iyo Shabeelaha Dhexe. The post Shabaabkii ugu badnaa oo soo buux dhaafiyey duleedka magaalada BALCAD appeared first on Caasimada Online.

Addis Ababa,(Qaran news)-Alemu Sime, Wasiirka Gaadiidka iyo Saadka, ayaa maanta u sheegay mudanayaasha baarlamaanka in heshiiskii is-afgaradka (MoU) ee 01-kii January ee u dhexeeya Itoobiya iyo Somaliland “uu ka *****n doono doonista Itoobiya ee ah helitaanka marin-badeedka badda.” Wasiir Alemu ayaa hadalkaan ka sheegay kalfadhiga 30-aad ee golaha shacabka isagoo soo bandhigay warbixintii waxqabadka sagaalka bilood ee wasaaradda ee sanadka 2023-24. Qaran News

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre ayaa khudbad uu ka jeediyay shir madaxeedka Kuuriyada Koonfureed iyo Afrika waxa uu ka hadlay ahmiyadda ay leedahay in Jamhuuriyadda Kuuriya iyo dalalka Afrika ay iska kaashadaan dhinacyada ganacsiga, farsamada iyo tiknoolajiyadda. Ra’iisul Wasaaraha ayaa sheegay in Afrika ay horumar wanaagsan ka sameyneyso isbeddalka dhaqaalaha iyo horumarka bulshada, isla markaana Aagga Ganacsiga Xorta ah ee Qaaradda Afrika uu abuurayo fursado maalgashi iyo iskaashi dhinaca ganacsiga. Mudane Xamsa waxa uu ka hadlay in Soomaaliya ay dhacdo goob istiraatiiji ah oo isku xireysa Afrika iyo Asia, isla markaana Alle ugu deeqay kheyraad dabiici ah, isagoo Intaa raaciyay in dowladda Soomaaliyeed ay guulo waaweyn ka gaartay dhinacyada amniga, siyaasadda iyo horumarinta nidaamka dhaqaalaha iyo weliba sharciyada ee dalka, ee fududeyneya maalgashiga caalamiga ah. Waxa uu sheegay in uu rajeynayo in waaya-aragnimada Kuuriya ee dhinacyada farsamada, tiknoolajiyadda iyo caafimaadka ay door wanaagsan ka ciyaari karaan waaga cusub ee iskaashi ee u billowday Afrika iyo Jamhuuriyadda Kuuriya. Source: goobjoog.com

Mogadishu (HOL) - The Court of Appeal of Banadir region acquitted two former Ministry of Labor and Social Affairs directors of corruption charges on Tuesday. Source: Hiiraan Online

Muqdisho (Caasimada Online) – Dowladda federaalka Soomaaliya ayaa markii ugu horreysay baraha ciidan ee laga soo galo magaalada Muqdisho waxay gaysay Eeyo baara gaadiidka soo galo caasimadda. Afhayeenka booliska Soomaaliya Gaashaanle Cabdifataax Xassan ayaa sheegay in door weyn ay ka qaadanayaan xaqiijinta amniga magaalada iyo hareeraheeda eeyahan oo booliska uu hadda gacanta ku hayo. “Eeyaha horey waa u isticmaali jirnay keliya waxaa hadda kusoo kordhay in kontoroolada laga soo caasimada la geeyo eeyaha walxaha qarxa uriya, waana lagu guuleystay oo hadda waxaa bar-kontorool kasta waxaa ka shaqeeya qeybta miino baarista booliska gaar ahaan K9,” ayuu yiri afhayeenka booliska. Afhayeenka ayaa sidoo kale waxa uu sheegay in qorshahan sugida amniga Muqdisho ee qeybta ka yihiin eeyaha laga gaaray guullo wax ku ool, ayna kooxaha argagixisada ku guul-dareysteen in caasimada soo galiyaan qaraxyada. “Ammaanka Muqdisho in aan sugno waddo kasta waa u marnay. Dhamaan daafaha kontoroolada caasimada waxaa hadda jooga K9 oo har iyo habeen u taagan baarista baabuur walba oo soo galaya.” Waxa uu sheegay in eeyaha markii hore lagu aas-aasay eeyo QM ku taageertay, balse hadda ay booliska tababareen eeyaha baara waxyaabaha qarxa, ayna gacanta ku hayaan dhalinyaro Soomaaliyeed oo ka tirsan booliska. “Waxaa xaqiijinayaa in guud ahaan xayawaanada walxaha qarxa uriya guud ahaan dalka oo dhan waxaa gacanta ku haya ciidanka booliska Soomaaliyeed,” ayuu hadalkiisa sii raaciyay afhayeenka booliska Soomaaliya. Afhayeenka ayaa ugu dambeyntiina waxa uu sheegay in meesha ka baxday waqtigii badnaa iyo rafaadkii laga mari jiray baarista gawaarida caasimadda soo gala, ayna eeyaha awood u leeyihiin in wax ka yar daqiiqad ku xaqiijiyeen inuu ammaan yahay iyo inkale. Amniga caasimadda ayaa bilihii dambe laga dareemayay isbeddel weyn, ayada oo dadka reer Muqdisho ka nasteen inta badan qaraxyada iyo arbushaada argagixisada, waxaana tallaabadan cusub ay door weyn ka qaadan doontaa xaqiijinta ammaanka caasimadda. The post DF oo markii ugu horreysay baraha kontorool ee Muqdisho geysay eeyo tababaran appeared first on Caasimada Online.

Baydhabo (Caasimada Online) – Dowladda federaalka ah ee Soomaaliya ayaa dhawaan sheegtay in ciidanka Itoobiya ka baxayaan guud ahaan dalka dhamaadka bisha December ee sanadkaan. Ciidanka Itoobiya ayaa meelo badan dalka ka jooga, waxaase ugu muhiimsan magaalada Baydhabo ee xarunta gobolka Baay, halkaasi oo ay gacanta ku hayaan Madaxtooyadda iyo garoonka diyaaradaha ee magaalada Baydhabo. Maamulka Koonfur Galbeed ayaa sanadihii dambe oo dhan ku tiirsanaa ciidanka Itoobiya. Waxaa aad isku dhex-galay Cabdicasiis Lafta-gareen iyo saraakiisha ciidanka Itoobiya. Waxay kooxda Lafta-gareen dhowr jeer soo dusiyeen inuu ka fikiraayo isaggoo ku xisaabtamaya ciidamada Itoobiya in uu qabsado doorasho gaaban oo uu kusoo laabanaayo. Haddii ay ciidanka Itoobiya ka baxaan magaalada Baydhabo, Lafta-gareen ma haysan karo xukunka. Inta aanba la gaarin Xasan Sheekh waxa uu kursiga ka fadhin karin siyaasiyiinta deegaanka, maadaama uu muddo xileedkii ka dhamaaday iyo qaar kamid ah beelaha deegaanka oo si weyn u diidan xukunkiisa. Qoraal kasoo baxay wasaaradda amniga ee maamulka Koonfur Galbeed ayaa lagu duray hadalka Xuseen Macallin ee ah inay ciidanka Itoobiya ka baxayaan dalka dhamaadka sanadkaan. Waxaa kale oo Xildhibaanno heer federaal ah oo laga soo doortay Koonfur Galbeed ay baraha bulshada ku faafiyeen diidmada ay ka qabaan arrintaan. Waxaana hadaladooda laga dhan-dhansaday sida uu Lafta-gareen u diidan yahay qorshahaan. Xubno siyaasiyiin ah oo la hadlay Lafta-gareen saacado kadib markii dowladda dhexe ay shaacisay go’aankan waxa ay sheegeen in uu si weyn u diidan yahay qorshahaan dalka looga saarayo ciidanka Itoobiya. Laakiin marka waaqica dhabta ah loo soo laabto Soomaaliya waxaa ka jirta dowlad sharci ah oo caalamka aqoonsan yahay, haddii ay mowqifkeeda ku adkeysatana waa qasab inay Itoobiyaanka ka baxaan Soomaaliya oo ma ahan go’aan ay burin karaan maamul goboleedyo ama shaqsiyaad ka shaqeeya siyaasadda Soomaaliya. Haddaba, maadaama aan go’aankan diidmo gaar ah lagu baajin karin, bisha December aanay dhaweyn, Lafta-gareen ma ka faa’iideysan doona inta Itoobiyaanka ay joogaan oo ma isku caano-shubi doonaa ayaa ah su’aasha ugu badan oo ay isweydiinayaan dadka ku lugta leh siyaasadda Soomaaliya. Dowladda dhexe ee Soomaaliya kuma farxin diidmada aan qarsooneyn ee kooxda Lafta-gareen ka muujisay bixitaanka ciidamada Itoobiya. Waxayna u badan tahay inuu halkaan ka curan doono khilaaf cusub oo u dhaxeeya Villa Somalia iyo Lafta-gareen. Haddii ay ciidanka Itoobiya baxaan Lafta-gareen oo aan muddo xileed haysan, waa iska cadahay inay wax walba jihada kale aadi doonaan. Waxaana kooxaha ka faallooda siyaasadda Soomaaliya ay leeyihiin fursada Lafta-gareen hadda waa soo koobantay. Madaxweyne Xasan Sheekh Maxamuud ayaa shantii billood ee lasoo dhaafay waqti badan ku bixiyay inuu Itoobiyaanka uga soo adkaado fagaarayaasha caalamka, laakiin hadda waxaa muuqata in gudaha dalkiisa la isku haysto oo ay jiraan dhinacyo Itoobiyaanka ku aragti ah. The post Cabdicasiis Lafta-gareen ma ka faa’iideysan doonaa inta aaney bixin ciidanka Itoobiya? appeared first on Caasimada Online.

Qaran News

Warbixinno ku qotoma baaritaanno muddo docday ayaa daboolka ka qaaday inay jiraan cadeymo la taaban karo oo muujinaya in ciidamada Itoobiya ay geysteen falal xasuuq ah intii uu socday dagaalkii Tigray. warbixin cusub oo uu soo saaray Machadka New Lines ee fadhigiisu yahay Maraykanka, oo soo xigtay xogo badan oo madax banaan oo lagu kalsoonaan karo ayaa sheegaysa in ciidamada Itoobiya iyo xulafadooda ay geysteen fal dambiyeedyo xasuuqa ah intii lagu jiray dagaalkii dowladda iyo jabhadda TPLF, kaas oo socday intii u dhaxaysay 2020 -2022. Soo saareyaasha warbixintan ayaa ku baaqay in Itoobiya la horkeeno maxkamadda caalamiga ah ee cadaaladda adduunka, si loogula xisaabtamo xad-gudubyada ay ka geysatay gobolkaasi Tigray. Dagaalka ciidanka Itoobiya iyo jabhadda Tigreega ayaa qarxay bishii Noofambar sanadkii 2020, waxaana ku dhintay Kumanaan kun oo isugu jira dad rayid ah iyo dhinacyadii dagaalamayay. Intii uu socday dagaalku wuxuu Labada dhinac midba midka kale ku eedeeyay xad-gudubyo ay ka mid yihiin xasuuq, kufsi iyo xarig sharci-darro ah, balse mid walba wuxuu si adag u diidayaa mas’uuliyadda xadgudubyadaas. Warbixin ay Qaramada Midoobay soo saartay bishii September ee sanadkii lasoo dhaafay ayay ku sheegtay in dambiyada dagaal iyo kuwo ka dhanka ah bini’aadantinimadu ay weli socdaan ku dhawaad ​​sanad ka dib markii ciidamada dowlada iyo kuwa gobolka Tigray ay ku heshiiyeen in la joojiyo dagaalka. Warbixinta machadka New Lines Institute ayaa hadda sheegaysa in ay jiraan cadaymo ku filan oo muujinaya in Itoobiya ay ku kacday falal ka dhan ah Axdiga caalamiga ah ee xasuuqa oo uu ku jiro beegsiga dadka rayidka ah ee loo geystay dilalka baahsan. Waxa ay sheegtay in Ciidanka Difaaca Qaranka Itoobiya (ENDF), oo ay weheliyaan Ciidanka Difaaca Ereteriya ee isbahaysiga ah (EDF) iyo malleeshiyo-goboleedyo kala duwan ay lahaayeen ujeeddo lagu burburinayo qowmiyadda Tigreega. Ugu yaraan afar fal oo ka dhigan dambiga xasuuqa ayaa lagu xusay warbixinta oo kuwaas oo isugu jira dilka, dhibaato jireed ama maskaxeed oo halis ah, iyo soo rogidda tillaabooyin loogu talagalay in lagaga hortago dhalashada carruurta Tigrayga. Warbixin ayaa ku soo beegmaysa xilli ay inta badan gobollada dalka Itoobiya dagaallo ka holcayaan, Abii Axmed oo horraantii xukunkiisa billadda nabadda la guddoonsiiyayna uu hadda u muuqdo inuu u xuub siibtay dagaal ooge ma naxe ah. Source: goobjoog.com

Addis Ababa (Caasimada Online) – Alebes Adefrash oo ahaa madaxii degmada Efratana Gidem gobolka Amxaarada ee dalka Itoobiya ayaa lagu dilay weerar lagu qaaday gurigiisa xilli habeen ah. Maamulka degmadu ma sheegin cidda ka dambeysay dilka mas’uulka, mana jirto sidoo kale cid loo soo qabtay. Dilka Alebes ayaa ah dilkii ugu dambeeyay weerarro xiriir ah oo lala beegsaday mas’uuliyiinta gobolka Axmaarada. 1-dii bishii dhamaatay ee May, gudoomiyaha degmada Lasta Getachew Melise iyo madaxa xafiiska caafimaadka Million Afewarqi ayaa lagu rasaaseeyay meel u dhow Lalibala kadib shir ay ku yeesheen magaalada Waldiya, isla weerarkaas waxaa lagu dilay qof kale, waxaana ku dhaawacmay hal qof. Sannadkii hore bishii July 2023, Cabdi Xuseen oo ahaa madaxa amniga ee Waqooyiga Shewa ee magaalada Shewa Robit ayaa la toogtay mana jiro wax daba gal ah oo lagu sameeyay dilkiisa. Dilka Cabdi Xuseen waxa ka horreeyay dilkii loo gaystay Kormeere Zewdu Tadele iyo ku xigeenkiisi Worku Shimelus, kuwaas oo la dilay iyaga oo ku guda jira kormeerka imtixaan ka socday bariga Gojam. Horraantii April 2023, Girma Yeshitila, madaxii xisbiga xukuma Itoobiya ee gobolka Amxaarada iyo shan qof oo kale ayaa lagu dilay Waqooyiga Shewa. Dadka u dhuun-duleela qalalaasaha ka socda Itoobiya ayaa maamulka Abiy Axmed ku eedeyay dilka qaar ka mid ah maamulkiisa, kuwaasi oo laga shakiyay ama muujiyay sida ay uga xun yihiin xasuuqa ka socda qaar kamid ah gobollada dalkaas. Isku soo wada duubo, wax baaris muuqata ah laguma sameynin dhammaan dilalkii qorsheysnaa ee looga takhalusay qaar kamid ah mas’uuliyiinta gobollada, taasi oo abuurtay shaki horleh. The post Mas’uul ka tirsan maamulka ABIY oo la dilay iyo amniga Itoobiya oo faraha kasii baxaya appeared first on Caasimada Online.

Muqdisho (Caasimada Online) – Maxkamadda Rafcaanka gobolka Banaadir ayaa maanta oo Talaaddo ah go’aan rasmi ah ka gaartay kiiska dacwad musuq-maasuqa oo loo heystay mas’uuliyiin ka tirsan dowladda. Maxkamadda ayaa Cabdullahi Maxamed Cali iyo Maxamed Cadde Mukhtaar ku waysay dhammaan eedeymihii musuq-maasuqa ee xafiiska xeer ilaalinta uu ku soo eedeeyay. Labadaan masuul ee maanta dembiga lagu waayey ayaa horay u soo qabtay xilka Agaasimaha guud ee Wasaaradda Shaqada iyo Arrimaha Bulshada XFS, waxaana horay sidaan oo kale dambi ugu waysay Maxkamadda gobolka Banaadir. Dhinaca kale, Maxkamadda Rafcaanka gobolka Banaadir ayaa saddex sano oo xabsi ah ku xukuntay eedeysane Cabdiwaaxid Muxsin Ibraahim oo ka tirsanaa shaqaalaha Wasaaradda Shaqada iyo Arrimaha Bulshada XFS. Ninkan ayey sheegtay maxkamadda in lagu helay in akoonkiisa la dhigay lacago loogu tala-galay qasnadda dowladda. Dhawaan ayey aheyd markii maxkamadda gobolka ay ku dhowaaqday in wax dambe ah lagu waayay agaasimeyaashii hore ee hay’adda Socdaalka Jinsiyadda Mudane Cabdulqaadir Cilmi Cali (Cabdul) iyo Mudane Maxamed Aadan Jimcaale (Koofi) oo haatan maqane ah. Sidoo kale waxaa isna dambi lagu waayay Muxudiin Xasan Jurus (Saabey) oo ahaa Agaasimihii hore ee Canshuraha Bariga oo isna maqane ah, sida ay ku dhawaaqday maxkamadda darajada koowaad ee gobolka Banaadir. Saddexdan mas’uul oo dhammaantood dalka isaga baxay kadib eedeyntaan musuq ee loo jeediyay ayaa la fasaxay , sida uu ku dhowaaqay guddoomiyaha maxkamadda, maadaama lagu waayay dhammaan eedeymihii cuslaa ee loo soo jeediyay. Xukunnada ay shaacisay maxkamadda ayaa ahaa kuwo la sugayay, maadaama muddo dhowr bilood ah ay soo socotay maxkamadeynta mas’uuliyiinta maanta la fasaxay. The post Mas’uuliyiin loo haystay musuq oo maanta la fasaxay + Magacyada appeared first on Caasimada Online.

Maxkamadda sare ee Islamabad ayaa laashay xukun lagu riday raysal wasaarihii hore ee Pakistan Imran Khan iyo wasiirkiisii arrimaha dibadda, Shah Mahmood Qureshi, ka dib markii hore loogu xukumay kiis la xidhiidha in si khaldan loo maamulay sirtii qaranka. Hadal kooban oo ay soo saartay maxkamadda sare, waxa ay ku dhawaaqeen in raysal wasaaraha hore iyo wasiirkiisii arrimaha debedda lagu waayay kiiskii ay hore ugu xukuntay maxkamadda hoose, iyaga oo aqbalay racfaanka ay ka qaateen xukunnada hore ugu dhacay. Go’aanka maxkamadda sare ayaa ku soo beegmaya, ka dib markii bishii January ay maxkamadda hoose ay ku xukuntay labadan masuul, min toban sannadood oo xadhig ah, ka dib markii ay maxkamadda hoose ku heshay inay si cad u shaaciyeen nuxurka xogo sir ah oo diblomaasiyadeed. Labadan masuul ayaa ku dooday in eedaha loosoo jeediyey ay yihiin kuwo been abuur ah iyo wanjal siyaasadeed, oo aan caddaalad ku dhisnayn. Inkasta oo maxkamadda sare ay go’aankan soo saartay, haddana weli lama filayo in xabsiga laga sii daayo, iyaga oo xabsiga ku jiray tan iyo bishii August ee sannadkii hore. Source

Booliiska magaalada San Francisco ee dalka Mareykanka ayaa xidhay koox dibad-baxayaal ah oo taageersan Falastiin kuwaas oo galay hoolka dhismaha ee qunsuliyada Israa’iil isla markaana diiday inay halkaas ka baxaan. Ugu yaraan 70 qof ayaa la sheegay inay xabsiga dhigeen booliiska oo awood u adeegsaday inay goobtaasi baneeyaan. Banaanbaxyaasha kasoo horjeeda xasuuqa Israel ka wado Gaza ayaa wacad ku maray inay galaan goob walba oo xidhiidh laleh Israa’iil, inta shacabka Falastiin ay helayaan xaquuqdooda. Mudaharaadyadaasha taageersan Falastiin ayaa hore banaanbaxyo kala duwan uga dhigay dalka Mareykanka iyo wadamada kale ee reer Galbeedka, gaar ahaan xarumaha Jaamacadaha iyo shirkadaha xidhiidhka laleh Israa’iil. Source