Muqdisho (Caasimadda Online) – Magaalada Muqdisho gaar ahaan Xarunta Xalane waxaa Maanta ka furmay shir looga hadlayo Ganacsiga iyo Maalgashiga Soomaaliya,waxaana furay Ra’iisul Wasaare Xasan Cali Kheyre. Shirkaas,waxaa ka qeyb galaya Wasiiro ka tirsan xukuumadda Soomaaliya, ganacsato iyo wakiilo caalami ah,waxaana soo qaban qaabisay Wasaaradda Ganacsiga iyo Warshadaha Xukuumadda Soomaaliya. Wasiirka Wasaaradda Ganacsiga iyo Warshadaha Xukuumadda Soomaaliya Maxamed Cabdi Xayir Maareeye ayaa sheegay in shirkan uu muhiim u yahay Ummadda Soomaaliyeed,waxana uu bogaadiyay Dowladda Turkiga oo ka mid ah wadamada maalgashiga ka sameeyay Soomaaliya. R/Wasaaraha Xukuumada Federaalka Soomaaliya Xasan Cali Kheyre oo shirka ka hadlayey ayaa sheegay in Ganacsadatada Soomaaliyeed ay door muuqda ka qaateyn kobaca dhaqaalaha dalka. Waxa uu sheegay R/wasaare Kheyre in Ganacsatada Soomaaliyeed ay xukuumadiisa kasoo aruuriyeen canshuurtii ugu badneyd muddo 30 sano ah Waxa uuna ku bogaadiyay garab istaaga xukuumadiisa. Xasan Cali Kheyre ayaa sheegay in sanadkii ina dhaafay ee 2017 ay ganacsatada Soomaaliyeed ay canshuur ahaan dowladda Federaalka u siiyeen lacag farabadn oo ay ku kabeyn miisaaniyada Dowladda sidaas si lamid ahna ay sanadka 2018 ay ka rajeynayaan dhaqaalo intaas ka badan sida uu sheegay. Hadalka R/wasaare Kheyre ayaa imaanyo iyadoo Soomaaliyo dhaqaallo ahaan kasoo reyneyso sanadihii lasoo dhaafay. Halkaan hoose ka dhageyso: https://www.caasimada.net/wp-content/uploads/2018/11/cod-Khayre.mp3Caasimada Online Xafiiska Muqdisho Caasimada@live.com

Muqdisho ( Sh.M.Network):-Halkaan ka Dhageyso Warka Duhur ee Idaacadda Shabelle. Hoos riix si aad u Dhageysato:- http://radioshabelle.com/wp-content/uploads/2018/11/Warka-Duhur-18112018.mp3 The post Dhageyso:-Warka Duhur Ee Idaacadda Shabelle appeared first on Shabelle. View the full article

Kormeer shaqo iyo kala shaadhayn lagu qaado cid shaqo ku guda jirtaa waxay bar bilow u tahay qorshe dejisan iyo hawl-qabad horey loo sii qaabeeyey oo ku qotoma qayd maamul iyo qaanuun sharci oo la aqbalay. Qormadan waxay dabo joogtaa dhawaaqa maalmahan taagan ee mihnadlayaasha caafimaadku ku kala gurayaan aqoonta iyo xirfadlayaasha caafimaadka ee ajaanibta ah ee dalka ka shaqeeya, kuwaasi oo la qiimanayo inay yihiin dadkii saxda ahaa ee lagu aamini lahaa adeega caafimaadka bulshada. Hadaba intaynaan qiimayn qofka ajaanibka ah, qiimeeyuhu ma yahay qofkii saxda ahaa ee wax qiimayan karayey? Isaga laftiisa ma la qiimeeyey? Ma haystaa agabkii/aqoontii uu ku qiyaasi lahaa ama ku cabirilahaa waxa uu qiimaynayo ” Assessment tool” , su’ aalahan iyo kuwa kaleba waxay bud-dhig u yihiin in qorshahani iyo hawl- qabadkaniba uu noqon karo mid lagu kalsoonaan karo, islamarkaana muujinaya mid waadax ah oo fuliyaha iyo lagu fuliyahaba dhex iyo dhexaad u noqon kara. Jawaabaha Su’aalahan jawaabahooda rasmiga waxaan u dhaafaynaa cida awooda gacanta ugu jirto iyo dadweynaha, balse hadaynu is dul-taagno faaqidaad ahaan caafimaadka dadweynuhu waa qayb weyn oo nolosha dadku ay ku xidhan tahay, daryeelkiisa iyo dabogalka dadka gacanta ku hayaana waa halbowle loo baahan yahay in si joogta ah isha loogu hayo. Waxaana kale oo aan laga diimoonayan in kaabayaasha caafimaadka iyo adeegayaasha hada gacanta kula jiraaba ay jirto dayac iyo duruufo baahsan oo ooda jabsaday kuwaasi oo isu bedalay goobo gànacsi. Caqabadaha jira Dhibaatooyinka ugu badan ee haatan taagani waxa ugu weyn inaanay xiligan jirin xirfad iyo aqoon xadidan oo lagu ilaalinayo daryeelka nafta bini’aadamka, balse ay inta badan tahay xeelad lagu xoogsanayo, taasi oo lagu fasiri karo in dhakhaatiirta shaqaynaya intooda badan aan la hubin aqoonta ay ku shaqaynayaan ” Certified Doctor” kuwa gudaha iyo kuwa dibada; inaanay jirin sharci xakamayna ama xadidaya hanaanka shaqo ee uu ku hawlgalayo dhakhtarku ” Setting Policy”; inaanay jirin min-qiyaaskii iyo halbeegii lagu qeexi lahaa takhasuska ama aqoonta xirfadlaha iyo qalabka lagu shaqaynayo; inay weli curdin yihiin siyaasadii iyo xeerarkii maxaliga ahaa lagu dabogeli lahaa xirfadlayaasha iyo weliba inay weli qabyo tahay la xisaabtankii guud. Dulucda Sheekada Hadaba hadaynu u soo noqono kormeerka mihnadlayaasha caafimaadka waxa xusid mudan in shaqooyinkii maanta loo qabanyo bulshada ay ku salaysan tahay xeelado farsamaysan oo baayac-mushtar oo ay meesha ka maqan tahay xirfadii iyo anshaxii caafimaad. Tusaal ahaan waxa jira in dhakhaatiir badan oo shaqaynaysa aanay maanta la xaqiijin aqoonta ay ku shaqaynayaan haday tahay mid daweeye (Doctors); mid baadhitaan (Labrotorist); mid dawada yaqaanba ( Pharmacologist) iyo qaybaha xirfadeed ee kale; inay jiraan xarumo caafimaad oo loo furtay inay lacag uun soo saaraan oo lagu hayato dhakhaatiir sheeganaya takhasusyo badan ama ka badan; in hab-raaca bukaanka loola dhaqmayaa ama loo geedi-galinayo bukaankiisa ay tahay hab lacag lagu abuurayo keliya halka la ixtiraami lahaa anshaxa caafimaadka iyo cilada bukaha. Kuwan iyo kuwa kaleba way shaqaynayaan, waxaanay haystaan intooda badani liisanka mihnadlayaasha caafimaadka. Dhibaatooyinka kale waxa ka mida qaybaha daweynta dhaqanka iyo Cilaajyada oo iyaga sidan si la mida loogu shaqaysto; Xayeysiisyada ka soo butaacaya warbaahinta ee lagu xayeysiinayo dhakhtar, xarun caafimaad iyo weliba dawooyin gaara oo la fahmi karo hadafka loo xayeysiinaaa inay ganacsi tahay iyo weliba dhakhaatiirta da’yarta ee ka soo burqanaysa jaamacada gudaha iyo dibada ee aan tayada xambaarsanayn, kuwaasi oo dhamaantood ka mida halista aan ka werwerayno. Gebegabada Hadaba, inta aan lagu boodin xaga qiimeynta iyo dabogalka ajaanibta waxaan laga maarmayn in xarumaha mihnadlayaasha iyo maamulka mihnadlayaashu ay sharci ahaan iyo aqoon ahaanba u dhisan yihiin kuwa shaqadan balaadhan gudan kara, taasi oo difaac u ah inaydaan xalilin dhibaato aad abuurteen sida liisan aad horey u bixisay, balse ay kuu dejisan yihiin shuruucdii iyo shardiyadii aad wax ku qiimeyn lahayd qorshe, qof iyo qalabba.Iyada oo qiimeynta iyo dabogalku ( M&E)- Monitoring and Evaluation uu daba soconayo qorshe cad oo hore loo jeexay oo ku sar-go’an shaqo, waqti iyo fuliye wada jaan-qaadaya. Hadii kale sheekadu waxay u dhadhamaysaa kala kacsi iyo dhacdadii Dr. Macow ee horey u dhacday!. Qalinkii: Yuusuf Ibrahim Warsame- Yuusuf Ilka-case. media.oop@plstate.so Source

Marka Laga Hadlaayo Hogaamiye Siyaasi Ah Waa Eray Macno Yaal Farabadan Oo Culus Xambaarsan Waxa Jira Aqoon La`aan Siyaasadeed Oo Shacabka Ka Haysta Qofka Xalka Haya Qolo Waxay U Haystaa Aqoon Yahayn Dibad Jooga Professor Ninkan Waxa Ku Adkaada Sheegida Cudurada Bulshada Haya Dawadu Ha Danbaysee Dadka Qaar Waxay U Haystaan In Wadaad Dadka Kale Oo Dhan Caaya Uu Hayo Xal, Waxa Ugu Badan Uu Sheegaa Waa Siyaasigu Wuu Xun Yahay Iyo Amarro Kaasi Waa Xalaal Iyo Xaraan Isagoo Xadiiskii Ka Boodaaya” Indinkaa Og Arimaha Ku Saabsan Dunyadiina Oo Mance Fasiraad Badan Xambaarsan … style=”font-size:16px;”>Dadka Badhkii Jabhad SNM Ah Ninka Mujaahidka Ahi Waa Run Wuu Uga Lexajeclo Badan Yahay Dalka Inta Kale Oo Dhan Balse Xalku Maaha Abaal Gaar Ah Ayaan Ku Leeyahay Dalkan Iidaaya Talada Dalka Waa Inuu La Yimaadaa Fagaaraha Wax Ka Iibsama Sida Madaxweynaha Oo Kale …. Dadka Qaar Oday Dhaqameed Guurti Ah Waxa Hubaa In Uu Inta Kale Ku Dhaami Lahaa Talada Dalka Oo Hogaamiyenida Ugu Dhawyahay Balse Kuma Filna Aqoon Siyaasadeed Ayaa Ka Maqan Qolo Ganacsade Ayay Jeclaystaan Iyagoo Leh Ninkani Ma Baahna Aragtidayda Waa Ninka Ugu Jaahilsan Xaga Talada Maanta Ninka Ganacsadaha ahi Xalkiisu Waa “Kala Danaysi”!!! Qolqol Joog Dalka Aan Dhinac U Dhaafin Waa Qolooyinka Ugu Horeeya Ee Fashilma Kama Xishoodaan Musuqa Xiniya Una Dhiga Jalaafooyin Cidaha Kale Waa Kuwa Ugu Aragtida Gaaban Ee Tartan Gali Kara Hogaamiyaha Xalka Hayaa Sifooyinka Aanu Soo Taxnay Oo Dhan Qoloba Qayb Ayuu Ka Shabahaa Waanu Ka Aragti Dheeryahay Ugana NAXARIIS Badan Dalka Iyo Dadka Aqoon Dheeraad Ah Ayuu U Leeyahay Dhaqanka , Arimaha Bulshada , Diinta , Ilbaxnimooyinka Wakhtigan Dunida Xukuma Sida Reer Galbeedka, Nafsi Ahaan Miisaaman “Baahi Iyo Cuqdado Ku Soo Korin” Waa MUHIIM Waxa Ragaa Ka Mid Ah AHN Hogaamiyaha Keliya Soo Maray Somaliland Maxamed Ibraahim Cigaal Oo Siyaasada Dalka Iyo Gudahaba Aqoon Dheeraad ah U Lahaa Madaxweyne Muuse Biixi Intaanan Xukumin Waxaynu Eegi Doonaa Sawirka Weyn Oo Dusha Ka Muuqan Doona Oo Si Fiican U Soo Bixi Doona Dhawaan Allaa Mahad Leh Maxamed Xoosh mxoosh09@gmail.com Source

Magaca Beesha 1. Xaadsan Dhoorre Xasan……………………………………………………………………… Majeerteen 2. Faadumo Islaan Aadan……………………………………………………………………….. Majeerteen 3. Bullo Cali Shire…………………………………………………………………………………….. East Sanaag Clan 4. Shacni Cali Ibraahin……………………………………………………………………………… East Sanaag Clan 5. Wardiyo Dayid……………………………………………………………………………………. Gareen 6. Maryan Sh. Cusmaan……………………………………………………………………………. Gareen 7. Udgoon Maxamed Diini…………………………………………………………………………. Mareexaan 8. Barni Xerse………………………………………………………………………………………….. Mareexaan 9. Dhiimo Ciise Faarax……………………………………………………………………………….Sool clan 10. Baar Xuseen Xandulle………………………………………………………………………….Sool clan 11. Barni Maxamed Sugulle……………………………………………………………………………….Sool clan 11. Faadumo Ciise Aadan………………………………………………………………………….Dhulbahane 12. Bullo Nuur Xiddig…………………………………………………………………………………Sool clan 13. Kaaha Abyan Maxamuud……………………………………………………………………..Sool clan 14. Xaadsan Xasan Cali………………………………………………………………………………Sool clan 15. Udgoon Jaamac Barre………………………………………………………………………….Sool clan 16. Mulaaxo Malow………………………………………………………………………………… Ogaadeen 17. Bood Malow……………………………………………………………………………………. ‘’ ‘’ 18. Cadar Ciid Jihaad……………………………………………………………………………… ‘’ ‘’ 19. Asli Xaaji Cusmaan………………………………………………………………………….. ‘’ ‘’ 20. Jawaahir Sh. Cusmaan……………………………………………………………………… ‘’ ‘’ 21. Naado Indhasersar Buraale……………………………………………………………… ‘’ ‘’ style=”font-size:16px;”>22. Maryan Rooble……………………………………………………………………………… ‘’ ‘’ 23. Cambaro Qamaan Bulxan……………………………………………………………….. . ‘’ ‘’ 24. Haweeya Xasan Ribaax…………………………………………………………………….. ‘’ ‘’ 25. Caasha Yusuf Xayle…………………………………………………………………………… ‘’ ‘’ 26. Ordo Cumar Ugaas………………………………………………………………………….. ‘’ ‘’ 27. Faadumo Ugaas Xaashi……………………………………………………………………… ‘’ ‘’ 28. Salaado Cumar Ugaas………………………………………………………………………. ‘’ ‘’ 29. Cadar Cabdi Guhaad…………………………………………………………………………. ‘’ ‘’ 30. Salaado Rooble Guuleed………………………………………………………………….. ‘’ ‘’ 31. Cambaro Magan Khalaf…………………………………………………………………….. ‘’ ‘’ 32. Saado nuur Cageeye…………………………………………………………………………. ‘’ ‘’ 33. Risaala Adan Baar……………………………………………………………………………. ‘’ ‘’ 35. Caasha Gooni Ducaale………………………………………………………………………………..Ogaadeen. Waa kii Cali Jaamac Haabiil lahaa” = Toddobuu qabaa naagaha tiraba waxbaa dheer ‘e = Tacabkii ba ‘ waa sidii fircoon tab iyo xeeshiiye = Taag niman lahayn iyo agoon buu ka taajiraye = Kun wada towxiidsanayuu sidii tays u gowracaye = Ma talyaanigaasa mahdiya tanina waa yaabe.” Cali Cabdi Coomay Suxufi, qoraa ah. Haragaysa, Soomaalilaan Calicoomay@hotmail.com Tix-Raac: Tiirka Colaadda (2005)………………… Cabdiqadir Aroma (AUN) Source

(SLT-Washington)Madaxweynaha Mareykanka Donald Trump wuxuu sheegay inuu filayo in Talaadada nagu soo aadan lasoo saari doono warbixin dhameystiran oo ku saleysan ciddii ka dambeeysay dilkii loo gaystay weriyaha Sucuudiga u dhashay ee Jamaal Kaashuqji. Trump oo warbaahinta kula hadlayay gobolka California wuxuu ku tilmaamay warbixinta kasoo baxday laanta sirddoonka Mareykanka mid horudhac ah. Laanta CIA-da Mareykanka ayaa shalay sheegtay in amarka lagu dilay Jamaal uu kasoo baxay dhaxal sugahaa Sucuudiga Maxamed Bin Salmaan. Mas’uuliyiinta Sucuudiga waxay beeniyeen in dhaxal sugaha uu wax ka ogaa dilka Khaashuqji. Afahayeen u hadashay wasaaradda arrimaha dibadda Mareykanka, Heather Nauert ayaa sheegtay in weli ay jiraan su’aalo badan oo aanan jawaab loo helin oo ku saabsan dilka. Waxay sheegtay in wasaaradda arrimaha dibadda ay sii wadeyso raadinta macluumaadka dhabta ah iyo sidii caddaalladda loo horkeeni lahaa dambiilayaashii ku lugta lahaa dilka Jamaal Khaashuqji. Mareykanka wuxuu sheegay in weli aanan lasoo saarin baaritannada kama dambeysta ah inkastoo warbixinno ay sheegayaan in waaxda sirddoonka ay rumeysan tahay in dhaxal sugaha Maxamed Bin Salmaan uu wax ka ogaa dilka Kaashuqji. Madaxweynaha Mareykanka Donald Trump ayaa kal hore sheegay jawaabta Sacuudi Carabiya ay ka bixisay dilka wariye Jamal Khaashuqji ay tahay “qarinti abid ugu xumeyd oo lagu qariyo fal dil oo dhacay.” Wuxuuna intaa ku daray cid walba oo falkaasi foosha xun soo maleegtay kana dambeeysay “cawaaqib xun la kulmi doonto” Source

(SLT-Hargeysa)-Cabasho ka dhan ah Wasiirka wasaaradda gaadiidka iyo horumarinta jidadka Somaliland Cabdilaahi Abokor Cismaan ayaa loo gudbiyay xildhibaanada golaha wakiillada Somaliland, Hore waxa golaha guurtida loogu gudbiyay cabasho ka dhan ah Cabdiraxmaan Cabdilaahi Guri Barwaaqo wasiirka Wasaaradda Warfaafinta Somaliland, Halkan hoose ka DAAWO Source

(SLT-Berbera) Madaxweynaha Somaliland Muuse Biixi Cabdi oo safar ugu baxay inta la ogyahay magaalada Burco, ayaa socdalkiisa wuxuu sii kaxaystay cutubyo ka tirsan Ciidanka Qaranka. Markii uu Madaxweynuhu gaadhay magaaladda Berbera waxa muqaalada war-baahinta ka soo muuqday Ciidan xad dhaaf ah oo tiro ahaan ka badan intii caadiyan loogu tallo galay sugida ammaanka Madaxweynaha. Lama oga sababta dhabta ah ee uu Madaxweyne Muuse Biixi u ka xaystay ciidanka intaas leeg. Balse dad badan ayaa arrintan kaga faloonaayay baraha bulshada. Somalilandtoday/Berbera /Office Source

California (Caasimadda Online) – Madaxweynaha Mareykanka Donald Trump wuxuu sheegay inuu filayo in Talaadada nagu soo aadan lasoo saari doono warbixin dhameystiran oo ku saleysan ciddii ka dambeeysay dilkii loo gaystay weriyaha Sucuudiga u dhashay ee Jamaal Kaashuqji. Trump oo warbaahinta kula hadlayay gobolka California wuxuu ku tilmaamay warbixinta kasoo baxday laanta sirddoonka Mareykanka mid horudhac ah. Laanta CIA-da Mareykanka ayaa shalay sheegtay in amarka lagu dilay Jamaal uu kasoo baxay dhaxal sugahaa Sucuudiga Maxamed Bin Salmaan. Mas’uuliyiinta Sucuudiga waxay beeniyeen in dhaxal sugaha uu wax ka ogaa dilka Khaashuqji. Afahayeen u hadashay wasaaradda arrimaha dibadda Mareykanka, Heather Nauert ayaa sheegtay in weli ay jiraan su’aalo badan oo aanan jawaab loo helin oo ku saabsan dilka. Waxay sheegtay in wasaaradda arrimaha dibadda ay sii wadeyso raadinta macluumaadka dhabta ah iyo sidii caddaalladda loo horkeeni lahaa dambiilayaashii ku lugta lahaa dilka Jamaal Khaashuqji. Mareykanka wuxuu sheegay in weli aanan lasoo saarin baaritannada kama dambeysta ah inkastoo warbixinno ay sheegayaan in waaxda sirddoonka ay rumeysan tahay in dhaxal sugaha Maxamed Bin Salmaan uu wax ka ogaa dilka Kaashuqji. Caasimada Online Xafiiska California Caasimada@live.com

The new Ambassador of the United States of America to Somalia, Donald Yukio Yamamoto has welcomed the massive progress made in the Horn of Africa country. Yamamoto welcomed the Federal government’s efforts and commitment to enhancing foreign relations, reviving the economy, and the security sector. Somali president Mohamed Abdullahi Farmajo has today received the credential letters of the new ambassador from the United States to Somalia, Donald Yamamoto. President Farmajo praised the newly appointed ambassador and hoped that he will strengthen the relations between Somalia and US. The United States wants to rebuild its diplomatic relations with Somalia for the first time since two American Black Hawk helicopters were shot down in Mogadishu in 1993. Mr. Yamamoto was nominated in July this year to replace Mr. Stephen Michael Schwartz who has been serving the office since July 2016. The post US ambassador Praises Somali Government Progress appeared first on Shabelle. View the full article

Dilkii loo geystay saxafiga Washington Post ee Jamaal Khashoggi oo hadda loo heysto inuuba amray dhaxal-sugaha Sacuudiga Maxamed Bin Salmaan, ma aheyn oo keliya mid waxashnimmo ah balse waxaa ay cabsi gelisay dhammaan saxafiyiinta caalamka. Iyada oo taasi laga ambaqaadayo, weriyeyaasha Goobjoog Media Group ayaa maanta waxaa ay dhigeen isu soo bax lagu dalbanayo inuu cadaalad helo Jamaal Khashoggi. Dilka Khashoggi wuxuu ahaa mid arxan-darro ah, oo aan horay dunida uga dhicin, waana dhambaal ka dhan saxaafadda, xuriyadda hadalka, runta, xaqa, xaqiiqda iyo inta u doodda xuquuqda inta dulman. Goobjoog ahaan, isu soo baxa aan maanta sameynay, keliya ma aheyn in aanu u doodeyno jiritaanka warbaahin xor ah, madaxbannaan iyo dhiirigelinta inay saxafiyiinta gutaan shaqadooda cabsi la’aan balse waa mas’uuliyad akhlaaqi ah, oo naga saaran in aan cambaareyno dilkii foosha xummaa. Dilka siyaasadeysan ee Jamaal Khashoggi waxaa ay daliil u tahay awoodda maamullada qaar oo ilaalinta maslaxadooda gaar ah u sameyn kara dambi midkan oo kale ah. Maanta, Jamaal Khashoggi, laakin berri waxaa ay arrintan ku dhici kartaa warbaahin iyo Saxafi Soomaaliyeed ama meel kalaba joogo, waa in aan mar walbo xaqa difaacno, waayo aamusnaanteenna waa nagula xisaabtami-doonnaa. Waatii uu horay u yiri Martin Luther King “Ma xusuusan-doonno oraahda cadawgeenna, balse aamusnaanta saaxiibadeen”. Goobjoog News Source: goobjoog.com

(SLT-Hargeysa)-Wafti ballaadhan oo uu hoggaamiyo Madaxweynaha Somaliland Md. Muuse Biixi Cabdi oo saaka ka anbabaxay magaalada Hargeysa ayaa gaadhay Magaalada Berbera ee xarunta gobolka Saaxil. Dadweyne kala duwan ayaa kala duwan ayaa waftiga madaxweynaha ku soo dhaweeyay magaalooyinka u dhexeeya Hargeysa iyo Berbera. Madaxweyne Muuse Biixi Cabdi iyo waftiga uu hoggaaminayo ayaa magaalada Berbera u sii dhaafi doona magaalada Burco. Source

SOMALILAND KUDLADA MAAMULKA HAYSA VIA AXSAABTA SALUUGSAN MAJARAHA MAAMUL DAADIHINTA QARANKA. Waxa hubaal ah in bulsha weyenta Somaliland min LAWYACADO ilaa xadka GAROWE in ay u heelantahay nolol hufan oo hagaagsan hogaan hufan oo horsed fiican geyiga ku hayaamiya, taas oo ay ka dhalato nolol bilan ,waxbarasho tayo leh, iyo wadan somali(Somaliland) oo beesha aduunka kaa mid noqota oo hesha aqoonsi buuxda. taasi waxay ku imaanaysaa in la galo hayaan badan oo loo habeen dhaxo sidii UDUB ee shirarka AFRICA ay webiyada doonyaha ka ga gudbayeen kii oo roobab mahiigaani dayaan taas oo keentay in AFRICA oo dhan laga aqoonsado dalku galka DALKA SOMALIYA afka qalaad ee gumaystihii INGRIIS u bixiyey Somaliland. in wasiirkii arimaha dibada ee Ameerika MISS JENDEE FIREYSAR ka soo degto dhabaha diyaaraduhu ka haadaan ee CIGAAL INTERNAATIONAL AIPORT. kulamio la yeesheen qaranka Somaliland madaxdeedii Ex president RAYAALLE laguna heshiiyey in maraykanku diyaar u yahay ictiraafka Somaliland bal se uu ka codsaday hal shardi oo ahaa in DAWLADAHA SAFKA HORE LABO ILAA SADEX ku dhawaaqaan ictiraafka Somaliland ETHIOPIA diyarbay ahayed mila siinaawi shirwal oo ADISABABA LAGU QABANAYO GOOBJOOG BUU INOO OGOLAADAY Observers 33 DAWLADOOD OO ADUUNKAA ogolaaday xafiiso metela danjire SOMALILAND ( Somaliland political mission office). midnimada SHANTA GOBOL EE SOMALILLAND waxay ahaayeen UL IYO DIIRKEED. taas waxay suuro geliyey ALLAHA WEYEN OGOLAASHIISA KA DIB. daacadnimo, dadaal mug iyo miisaan lahaa oo xawaare miisaaman ku socday( FAIRNESS, HARD WORK, AND BALANCED POLITICAL SPEED). MAANTA IYO GEYIGEENII HALKUU MARAYO IYO SIDA LOO DABA QABATEYEN KARO XAALLADAHA MURUGSANA LOO MAARAYEN KARO. 1 GOBOLADA GALBADAY EE FARAHA KA SII BAXAYA SIDA SANAAG, SOOL IYO BURCO in tab iyo xeel cuud iyo caqliba loo adeegsado sidii SOMALILAND loogu soo dabaali laha oo maamulku hormood ka yahay iyo salaadiinta dhaqanka. 2.in Axsaabta QARANKA tabashadooda la tixgeliyo oo heeshiis degdeg ah laga gaadho. 3.in la suuro geliyo doorashada golayaasha iyo degmooyinka tii oon laga talaabsan saami qayebsiga gobollada iyo beelaha dulman. 4.IN COLONEL CAARE ,PRO CALI KHHALI, IYO SULDAN WABAR heshiis deg deg ah laga curiyaa tii oo loo marayo saladiinta, cuqaasha iyo indheer gaadka Somaliland. 5. in PUNTLAND faragelinteeda si cilmiyeysan meel loo saaro colaad iyo nabadba tay ka fursan weydo. HAWLAAHAAS FULINTEEDAA WAXA LAGA RABAA KULMIYE TWO dawlad ahaan iyo xuusbul xaakim ahaan in uu hormood ka noqdo Axsaab ahaan oo shacabkuna hiil iyo hoob siiyo wixii dalka iyo dadka u dana. manta ma taagna cambaarayen iyo canaan u jawaab iyo far far ku taag ee waxay taagantaha BADBAADO QARAN. MAADAXTOOYADA KA BIXI MAAYO, MADAXTOOYAAN DHISAYENAA, DOORASHADU DIBAY U DHACAYSAA, HABAR BAA HAW HAWLEHE HEELADA INOO TUMA WAXA QARANKU XAALADA UU KU JIRO WAX KA SAARI KARA MAAHA. GEBA GEBO IYO MURTO. AMA ARINKEEN NOQO AMA AQBAL KEEN NOQO. DALKU DABA QABATUU U BAAHANYAHAY, KUWA KU DIFAACAYA DALKU QARAN BUU LEEYAHAY , GOLE QARAN, GUURTI , MAXKAMAD, AXDI QARAMEED, DAL IYO DADWEYENE, XAD IYO XUDUDO, BAD ,BERI, IYO HAWO. jawaabteedu waa sax ee adiga anku waydiiye maxaa bad qaba? MA BADII, BERERA PORT OO GACANTEENA KA BAXDAY, MA HAWAADII OO MOGADISHO LAGAA MAAMULO, MA DHULKII OO INTII SOMALILAND U BADNAYED PUNTLAND , KILINKA SHANAAD IYO JUBA LAND MAAMULAYAAN IYO GOLAYAASHII IYO GUURTIDII OO MUDO DHAAFAY MARAYA 13 SANO OON DIYAARNA LOO HAYEN IN LA QABTO. WASIIRKII GUDUHU TALO KU CASAATAY LOO DIID DHUUMAY WUXU GODOON KU YAHAY LAASCAANOOD AWOODI HADALKEED DAA WUXU DHAGAXDHIGAY AFAR KIILOMITIR WADO AH OO AIRPORTKA LAASCAANOOD AH TAASI WXAY MUUJISAY TALADA SOOL IN AYNA GAACANTA UGU JIRIN MARTINA KU YAAHAY. QOLADA MDAXTOOYADA TALLO DEG DEG AH AMA DALKU SIDAN KU JIRI MAAYO EE WA LA DABAQABATEYEN TALLO QARAN OO BULSHADA SOMALILAND OO U DHAN TAHAY BAA HOYGA WAXBARASHA NABADDA IYO BADBAADA QARANKA SOMALILAND BORAMA AWDAL MAANIFESTO TWO SI DEG DEG AH QURBA JOOG IYO QOL QOL JOOG LOOGU QABAN DOONAA. SI MAROODI JEEX IYO AWDAL AANAY GAACANTEENA KA BIXIN GOBOLLADDA SOOL SANAAG IYO TOGDHEERA KACANTEENA SI BUUXDA DIB LOOGU SOO CESHO. WALLAAHU WELIYU TAWFIIQ HA NOOLAATO SOMALILAND DAL IYO DADBA KHAYER BAAN U RAJEYNAYAA WAKHTIGA DHAW GUL IYO GOBANIMO. XAQA KU ADIN. MUS AW HASSAN LODOON AWDLII DUBAI. Qaran News

Waxaan u muuqanaa bulsho waaqicii ka lumay oo aan cabiri karin maxaa dhaliil ah maxaase dan ah, waxaan sidaa u iri waxaan arkay shalay dad madaxweyne Farmaajo ku eedeynaa sababta uu safiir ajinabi ah ugu qaabilay xarunta Xalane oo ku taala Muqdisho. Qofka sidaas hadalka u dhigaya wuxuu Xalane ka jaray dhulkii Soomaaliya laakiin isma oga. Waa badan yihiin dadka isku dayaya iney Xalane ka dhigaan wadan kale oo aaney Soomaali laheyn ama ka talin balse ma fahmin danta arrintaas ugu jirta. Soomaali ahaan waxaa noqonay dad ay ajaanibtu micno gooni ah ugu fadhiyaan waxaana had iyo jeer buun buuninaa meesha la fariisiyay, cuntada la siiyay, sida loo salaamay ,dharka la xirtay markii la qaabilayay iwm. Farmaajo waa madaxweynaha Soomaaliya ,isaga ayaana ka taliya Xalane iyo Villa Soomaaliya labadaba waxaana uu qaabilaad ku sameyn karaa meel walba oo wadanka ka mid ah, anigu waxaanba kula talin laha inuu bilaabo inuu dadka ku qaabilo Balcad ,Afgooye iyo xitaa KM4 guri kuyaala. Xalane kama amni badna Villa Soomaaliya, waxaase ii muuqata inuu madaxweynuhu sharfaayo safiirka cusub ee USA. Qofkii aad rabto inaad xushmad u muujiso adiga ayaa yaqaana waxa aad u sameyneyso. Waxaan u baahanahay bulsho ahaan inaan la qabsano baahinta doodaha dhaxal galka ah, tusaale intii aan waqti ku bixin laheyn meesha safiirka lagu qaabilay waxaa ka muhiimsan inaan ka doodno muxuu safiirkan cusub ee USA kusoo kordhin karaa geedi socodka Soomaaliya iyo muxuu kaga duwan yahay safiirkii hore. Bulshadeenu waxey u baahan tahay wacyi galin badan. W/Q: Mohamed Osman Falanqeeye Siyaasadeed London-UK

Muqdisho (Caasimada Online)-Xildhibaan Axmed Macalin Fiqi, ayaa si adag kaga hadlay warqadaha isdaba jooga ah ee kasoo baxaya wasaaradda arrimaha dibadda Soomaaliya ee looga hadlayo kiiska dilkii Wariye Jamaal Kashoqji. Xildhibaanka ayaa sheegay in warqadaha isdaba jooga ah ee kasoo baxaya wasaaradda arrimaha dibadda ay dalka u ekeysiinayaan wadan aan jirin, maadaama sida uu sheegay laga hordhacayo mararka qaar go’aano aan la gaarin. “Waraaqaha Af-Carabiga iyo Af-Ingiiriska ku qoran ee isku midka ah, halka marna la soo wada saaray, ahna markii labaad oo ay xukuumadu warqad wiifto ah ka soo saarto arrinta dilka wariyihii Sucuudiga ahaa Khaasuqji ee raqdiisa iyo ruuxdiisa la la’yahay, wasaaradeena arimaha dibaddu ma waxey nagu matalaysaa in ay ayido “dilka 5 ruux oo loo maquuniyey in loo dilo arrintaas”. “Siyaasaddii arrimaha dibadda dalku ma halkaas ayey maraysaa in xukunnada go’aanada garsoorka dal kale oo aan weli dhamaan aan qoorataysanno, lana soo dhoweeyo dad la yiri waa la dilayaa, ayadoo ay muuqato in laga caaajisay in laga hadlo dhibaatooyinka badan ee dalka ka jira ee ka hadalka u baahan. “Warqad kasta oo noocaan loo soo saaro, waxey dalkeena u ekeysiinaysaa waraaqihii Cabdalla Shideeye laga soo saari jiray, hana laga dhabeeyo oraahdii caan baxdey ee xilligii qiirada jaban ay jirtay la dhihi jiray “Gaajo gobonimo leh ayaan ka haboon dhereg gunnimo wadata” ayuu yiri Xildhibaan Fiqi.

Xildhibaanada Iyo Siyaasoyiinta Koonfur Galbeed ayaa walaac ka muujiyey qaabka ay ku socoto Doorashada Madaxweynaha Koonfur Galbeed. Ka dib iscasilaadii Madaxweyne Shariif waxaa si xoogan Magaalada Baydhabo looga dareemayaa Culeyska Siyaasadeed ee deegaanka iyo Saameynta ay Villa Soomaaliya ku yeelatay. Waxaa Magaalada ku sugan Xubno ka tirsan Labada Gole ee Xukuumada Fedderaalka, joogitaanka xubnahaan waxay tahay hal arin oo qura arintasoo ah in kursiga lagu fariisiyo Shaqsi ay Villa Soomaaliya wadati qaabkii ay u saamaxdaba ha u mareene, taasna waa tan walaaca laga qabo. Siyaasiyiinta iyo Xildhibaanada Koonfur Galbeed ee kasoo hor jeeda Kooxda ay Villa Soomaaliya dabada kasoo riixayaan ayay ku eedeeyeen kuwo aan wax dan ah ka lahayn Amaanka iyo horumarka deegaanka, waxay kaloo ku eedeynayaan iney khal khal galinayaan Magaalada Baydhabo. Mukhtaar Roobow oo horey u ahaa Hpgaamiye Argagixiso oo hogaamiye sare kasoo noqday Al–shabaab ayaa isna garabka sadexaad ah, ilaa hadana ai rasmi ah oo hoose ma jirto cid u og meesha uu doonayo inuu reerka u raro haduu ku geeleysto ololihiisa Doorashada. Roobow wuxuu ka mid yahay raga ugu cadcad Doorashada wuxuuna si weyn ugasoo horjeedaa Kooxda ay Villa Soomaaliya wadato. Mushariinta badankoodu waxay hada cabsi ka qabaan in Doorashada ay gaarto sanadka soo socda waayo wali waxaa muran ka taagan yahay ansixinta Gudiga Doorashada, sababta gudiga deg dega loogu ansixiyey ayaa keeni karta in Doorasho ay dhici wayso dhamaadka bishaan oo ah marka la iclaamiyey Dporashada. Maxaa Sababay in Gudiga Doorashada aa n la ansixin. Musharixiinta inta badan iyo Xildhibaanada Koonfur Galbeed waxay aamin san yihiin in Gudigaan muranku ka taagan yahay ay yihiin shaqsiyaad ay Villa Soomaaæiya ka dambeeyaan. Kalsoonida lagu qabana aad ayay u yartahay taasaana keentay in la ansixin waayo ilaa hada. Where is Madaxweynihii hore Shariif Shiikh Xasan Madaxweyne Shariif oo todobaad ka hor xilka oska casilay wuxuu wali saameyn weyn ku leeyahay Doorashada, wuxuu joogaa hada Nairobi laakiin teleefoon ma uu dhigo oo haækaasuu oæoæaha kaga jiraa, wuxuuna geed dheer u fuulay inuu ka taqaluso musharixiinta ay Vimla Soomaaliya wataan. Puntlandi.com Baydhabo Source

(SLT-Hargeysa)-Xildhibaano ka tirsan Golaha Wakiilada ayaa ka hadlay dagaalka Dublamaasiyasadeed ee Somaliya kula jirto Somaliland, is-bedelka siyaasadeed ee Geeska Afrika, heshiiska iskaashi ee Wadamada Elatariya, Somaliya iyo Itoobiya,qaraarkii ay Somaliya ku doonaysay in cuna-qabadaynta hubka laga qaado ee u suurtagali weyday iyo waxaa la gudboon Somaliland. Xildhibaan Xuseen Maxamed Cige iyo Xildhibaan Axmed Maxamed Diiriye (Nacnac), oo wareysi gaar ah siiyey Wargeyska Geeska Afrika ayaa ugu horeyn Xildhibaan Axmed Maxamed Diiriye (Nacnac), oo wuxuu yidhi “Hore waxaa loo yidhi tiisaba daryeele ayaa tu kale ku dara, waxaana cad in Dawladda Somaliya deg degayso,isla markaana aanay waxba ka fiirsan, iyada oo amaanka Somaliya aanay si fiican u wada sugin, oo waliba aynu ka war hayno in aanay ka wada talin Muqdisho, ayey haddana isku qaaday wax aanay ka baxayn, oo ah in cuna qabadaynta hubka laga qaado, oo waxay isku dhararinaysaa Dawladdo dhinac kasta ugu awood badan, balse cuna qabadayntii hubka ee ay Dawladda Somaliya damacsanayd in laga qaado, suurtagal may noqon, waxaana xaqiiqo ah in haddii laga qaadi lahaa cuna qabadaynta hubka inay ka sii dari lahayd, waxaan se Qaramada Midoobay ugu mahadnaqaynaa talaabadaas ay kaga hor istaageen”. Xildhibaan Nacnac mar uu ka hadlaayey Somaliland iyo Somaliya ayaa yidhi “Somaliland waa dal aan looga talin Somaliya, waa dal aan hoos iman Somaliya, waa dal madax banaan, oo horena u ahaa dal jira, imikana jira, Dawlad kasta oo timaada Somaliya, xasidnimo iyo xumaan bay Somaliland ku haysaa, balse taas waxba inagaga qaadi mayaan, ee inaga waxa la inooga baahan yahay inaynu isku tashano,Beesha Caalamkuna wey ka dharagsan tahay in Somaliland iyo Somaliya ay kala madax banaan yihiin, oo ay kala yihiin laba dal oo kala duwan, ee waxaa la gudboon in aanay Ictiraaf buuxa na siiyaan” Xildhibaan Xuseen Maxamed Cige ayaa isna wuxuu yidhi “Somaliya xasilooni iyo amaan buuxa kama jiraan, haddii hubka loo fasixi lahaana amaankeedu faraha ayuu ka sii bixi lahaa, diidmadaas la diiday dalabkeedana waan soo dhaweeynayaa, balse Elatariya in cunaqabadaynta laga qaado aad baan u soo dhaweeynayaa”. Xildhibaan Xuseen Maxamed Cige mar uu ka hadlaayey iskaashiga wadamada Itoobiya, Somaliya iyo Elatariya ayaa yidhi “Weynu aragnaa in isbahaysi iyo iskaashi dhexmaray Somaliya, Elatariya iyo Itoobiya, waxaana cad in is bedelo siyaasadeed uu ka dhacay Wadamada Geeska Afrika, laakiin is bedeladaasi waa mid ay ka hurudo Dawladda Somaliland, waxaana cad in Dawladda Somaliya ay dagaal dublamaasiyaseed ay kula jirto Somaliland, balse ay Xukuumadda taladda dalka hayso ay ka hurudaa, taas oo u muuqata in aanay ilaa hadda dagaalkaas dublamaasiyadeed ee Somaliya inagu wado in aanay ka hor tagin, waxaana cad in Dawladda Somaliya rabto inay godoon ku rido Somaliland, oo albaab kasta ka soo xidho, waxaa kale oo iyana wax aad loola yaabo iyo fashilaad siyaasadeed ah in dad reer Somaliland ah, oo dalkoodii dagaal ku dhexmaray, meel ka baxsan Somaliland in lagu heshiisinayo,ceeb ka weynina ma jirto, Xukuumadda Muuse Biixina haddii aanay siyaasadeeda arimaha Guddah iyo Dibaddaba aanay wax badan ka bedelin culays intan ka sii badan iyo fashilaad intan ka sii badan baa inagu dhacaya, waxaana xaqiiqo ah in Xukuumadduna aanay si siman ugu cadaalad sameeynin Shacab weynaha reer Somaliland, waxaana dhab ah in ilaa hadda sicir bararkii waxba laga qaban, waxaa dhab ah in Xukuumaddani qabyaaladii sii kordhisay, markaas Madaxweyne Muuse Biixi waxaa la gudboon inuu dib u saxo waxyaabaha khaldan ee dalka ka taagan”. Source

Muqdisho (Caasimada Online)-Wasiirkii hore ee Warfaafinta Soomaaliya Cabdullaahi Ciilmooge Xirsi, ayaa muddo 11 maalin kadib ka hadlay iscasilaadii Shariif Xasan Sheikh Aadan, madaxweynihii Koofur Galbeed oo gabi ahaanba tartanka doorashada isaga haray. Mr Xirsi, ayaa marka hore soo dhaweeyay iscasilaada Shariif Xasan Sheikh Aadan isaga oo ku tilmaamay inuu yahay Geesi wax badan soo shaqeeyay, ugu dambeyntiina qaatay go’aan dad badan aysan fileyn. Wuxuu wasiirka sheegay in Shariif Xasan uu qiimeeyay marxaladda ka jirta deegaanada Koofur Galbeed iyo culeesyadii heystay, taasina ay dhalisay inuu ka tanaasulo xilka madaxweynaha iyo musharaxnimada Koofur Galbeed. Mar uu kahadlayay arintaasi iyo fursadda ka dhalan karta, ayuu sheegay in dadka Koofur Galbeed oo muddo ku doodi jiray inay hogaamiye cusub doonayaan ay hadda heystaan fursadii ay muddo raadin jireen. Musharixiinta Koofur Galbeed ee isbadalka doonaya ayuu kula dardaarmay inay ka faa’ideystaan fursadda hortaala, islamarkaana ay u tanaasulaan ruuxa caasimada Koofur Galbeed ku shaqeyn kara. Wuxuu ugu dambeyn sheegay in loo baahan yahay in Koofur Galbeed lagala shaqeeyo horumarinta deegaanka iyo xaqiijinta amaanka deegaanada ay ka qabsadeen ciidamada Al Shabaab. Caasimada Online Xafiiska Muqdisho Caasimada@live.com

Madaxweynaha Mareykanka Donald Trump ayaa gaadhay California si uu u soo indha indheeyo khasaaraha ka dhashay dabka ka kacay gobolkaasi oo ay ku dhinteen 71 qof. Wararku waxaa kale oo ay sheegayaan 1,000 qof oo kale in la la’yahay iyada oo mas’uuliyiinta gobolkaasi ay sheegeen tirada dadka dhintay iyo kuwa la la’yahayba ay isbedbeddeli karto. Madaxweyne Trump oo magaalada Paradise uu dabka khasaaraha badan u geystay ka hadlay ayaa wuxuu ammaanay maamulka gobolka iyo shaqaalaha ku howlan baadi goobka dadka la la’yahay. Cabdiqani Boos Puntland Post The post Madaxweyne Trump Oo booqday gobalka California oo dhawaan dab xoogani ka kacay appeared first on Puntland Post.

(SLT-Hargeysa)-Madaxweynaha maamulka Puntland Cabdiweli Maxamed Cali Gaas ayaa si rasmi ah u aqbalay xabad joojin iyo inaanu dagaal dambe ka dhicin jiidda Tukaraq ee gobalka Sool. Sidaas waxa Geeska Afrika u xaqiijiyay ilo xogogaala. Madaxweyne Gaas, ayaa soo jeedintan ka aqbalay ergayga Qaramada Midoobay danjire Nicholas Haysom oo dhawaan isaga dab qaaday magaalooyinka Hargeysa iyo Garowe. Mr. Gaas ayuu warku sheegay inuu ergayga u cadeeyay inuu si rasmi ah u aqbalay soo jeedin dhawr goor oo hore uu ka diiday ergaygii hore ee Qaramada Midoobay danjire Micheal Keating iyo IGAD oo ahayd in Somaliland iyo Puntland aqbalaan soo jeedin ah in la sameeyo xabad joojin. Madaxweynaha Somaliland Muuse Biixi Cabdi ayaa isagu dhawr goor oo hore cadeeyay inuu aqbalay soo jeedinta Qaramada Midoobay, IGAD iyo Maraykanka oo ka koobnayd saddex qodob oo uu ugu muhiimsanaa xabad joojin rasmi ah. Laakiin Madaxweyne Gaas ayaa wakhtigaas soo jeedintaas xabad joojinta ku xidhay shuruud ah in ciidamada qaranka Somaliland ka baxaan tukoraq. Sida ay wararkani sheegeen Madaxweyne Gaas, ayaa hadda si rasmi ah u aqbalay soo jeedintaas uu hore u diiday. Lama hubo laakiin in telefoon lagu wada hadashiiyay Madaxweyne Biixi iyo Madaxweyne Gaas. Dagaalo kala duwan oo deegaanka Tukoraq ku dhex maray Somaliland iyo Puntland, ayaa waxa ku dhintay ciidamo labada dhinac ah, waxaana ku baro-kacay qaar ka mid ah dadweynaha deegaankaas ku nool. Dadka siyaasadda falanqeeya ayaa aaminsan in aqbalaadda xabad joojinta ee Cabdiweli Gaas ay sabab u tahay xaaladda siyaasadeed ee maamulkiisa haysata, waxaana la ogyahay in ciidamo ka tirsan kuwa uu ugu tallo galay tuko-raq ay iyagoo ka gadoodsan mushahar la’aan dhawr goor sameeyeen gadood ciidan oo ay mar kula wareegeen madaarka Garowe. Source

Wariyihii Sacuudiga ee la dilay Jamaal Khashoggi oo xaas qarsoodi ah ku qabay Wargeyska The Washington Post ayaa maanta daabacay wareysi ay la yeesheen haweeney u dhalatay dalka Masar, taasi oo sheegtay in uu si qarsoodi ah u guursaday Jamal Khashogji, dhowr bilood ka hor inta aan lagu dilin qunsulliyadda Sacuudiga ee magaalladda Istanbul ee dalka Turkiga. Haweeneyda waxay magaceeda ku soo koobtay H. Atr, iyadoo codsatay inaan magaceeda oo dhamaystiran la shaacinin sababo Ammaankeeda iyo Shaqadeeda. Waxay tilmaamtay inay munaasabadda nikaaxa si qarsoodi ah loogu qabtay magaalada Washington, iyadoo aysan ka war qabin xaaskiisa Turkishka ee Khadiija Cengiz iyo xubnaha qoyska Jamaal Khashoogi, waa sida ay hadalka u dhigtay. Waxay Wargeyska Washington u soo bandhigtay caddaymaha Nikaaxa iyo Sawiro ay la gashay Jamaal Khashoggi. Haweeneyda Masaarida waxay codsatay ka xaas haan in la siiyo xuquuqdeeda oo buuxda iyo in loo ictiraafo inay tahay xaaskii saxafigaasi. Dhinaca kale, mid ka mid ahaa saaxiibada khaaska ee Saxafigaas oo codsaday inaan magaciisa la shaacinin waxa uu u sheegay Waregeyska The Washington Post inuu goobjoog ka ahaa Munaasabaddii uu Jamaal khashoggi ku mehersaday Haweeneyda Masaarida ee haatan isa soo bandhigtay inay tahay Xaaskii Jamaal Khashoggi. Baraha Twitter-ka ayaa la soo dhigay Sawiradda iyo magaca haweeneydaas, oo lagu sheegay Xannaan. Qaran News

Komishanka Doorashooyinka Oo Dhammaadka Bishan Ku Dhawaaqaya In Aanay Doorasho Dalka Ka Dhacayn, Walaacii Xisbiyada Mucaaridka Oo Sii Xoogaystay Iyo Somaliland Oo Waajihi Doonta Culaysyo Caalamiya Koomishanka Doorashooyinka Qaranka Somaliland ayaa la xaqiijiyey in ay Bishan dabayaaqadeeda ku dhawaaqayaan dib u dhac rasmi ah oo ku yimid Doorashooyinkii Golayaasha Wakiilada iyo Deegaanka oo qorshuhu ahaa in ay dalka ka qabsoomaan Bisha March ee sannadka soo socda 2019 oo ay innaga xigaan wax ka yar Afar Bilood, taasi oo gabi ahaanba meesha ka saaraysa rajadii aadka u yarayd ee marka horeba laga qabay in doorashadu wakhtigeeda ku qabsoonto. Ilo-wareedyo u dhuun daloola arrinkan oo aannu ka helnay Xisbiyada sqaranka ayaa Wargeyska FOORE u xaqiijiyey in ay xubnaha Komishanka Doorashooyinku diyaariyeen baaq ay ku shaacinayaan in gabi ahaanba doorashooyinkii qorshaysnaa Bisha March ee Golayaasha Wakiilada iyo Deegaamadu mar kale dib u dhacayaan taasina god ku sii ridayso hanaankii geeddi-socodka Dimuquraadiyadda Somaliland, mar kalena sidii caadada ahayd doorashooyinkaasi dib u dhacayaan wakhti aan la ogayn iyo duruuf ay ku dhici karaan toona oo aan la ogayn. Toddobaadka ugu dambeeya Bishan November ayaa la xaqiijiyey in ay Komishanka Doorashooyinku ku dhawaaqaan Go’aankooda oo ay isugu yeedhi doonaan dhammaanba Madaxda Saddexda Xisbi qaran kaasi oo ay ku shaacin doonaan xaqiijinta dib u dhaca Doorashooyinka. Dib u dhaca doorashada ee mar kale la shaacinayo ayaa la aaminsan yahay in ay halkii ugu hoosaysay dhigi doonto dhaawac weyna u gaysan doonto saaxiibtinimadii iyo wada shaqayntii beesha Caalamka iyo Somaliland taasi oo la ogsoon yahay in ay muddoba ka niyad jabsanaayeen sida ay xaaladda Somaliland ku socoto waxaana ay dadaalo iyo awood culus galin doonaan doorashooyinka dalka Soomaaliya laga filayo in ay ka qabsoomaan sannadda 2020. Tallaabadan Komishanku ku dhaqaaqayo wiigagga soo socda ayaa waxa ay ku soo beegmaysaa wakhti ay kala fadhiyaan khilaaf culusna ku kala maqan yihiin Axsaabta qaranku kadib markii ay xisbiyada Mucaaridka ah ee UCID iyo WADDANI ay gabi ahaanba gaashaanka ku dhufteen kulamadii ay la lahaayeen Madaxweynaha iyo xisbigiisa KULMIYE. Waxaana halkaasi ku soo gudhaysa rajadii dalkani ka qabay in ay ka qabsoonto doorasho xor iyo xalaal ahi oo ay kuraasta ku banneeyaan Golayaasha Muddo dhaafay ee qaranku. Golaha Wakiilada ayaa fadhiya muddo ka badan 13 sano halka Golaha Deegaankuna isaga laftiisu muddo dhaafay dhawr sano. Qaran News

Akhri Faashilka Ku Gadaaman Ballanqaadkii Uu Ololaha Ku Soo Galay Madaxweyne Muuse Sannad Kadib- Maanta Iyo Falanqaynta Tiirkii 2aad ee Buuga KULMIYE Intiinii la socotay cadadkeenii ugu dambeeyey ee Sabtidii waxa aanu akhristayasha sharafta mudan halkan kula wadaagnay tiirka koowaad ee qorshihii Buugga Xisbiga KULMIYE ku galay tartankii Ololaha doorashada Madaxtooyada ee Bishan oo kale, maalmahan oo kale sannadkii hore ee 2017 ka qabsoontay guud ahaan dalka, taasi oo aan lafa-gur kooban ku samaynay sida aanay xukuumadda Muuse Biixi Cabdi waxba uga qaban sannadkeedii koowaad dhammaan wixii ay ballan qaaday marka laga tago nidaamka dawliga ah oo sidiisii isaga sii socday inkasta oo duruufo adagi ku hareeraysan yihiin oo qaarkood la kowsadeen muddo xileedka Madaxweynaha. Tiirka labaad ee Maanafeestihii Xisbiga KULMIYE waxa uu dhigayay ‘Amniga iyo Nabadda’ isaga oo Madaxweyne Muuse Biixi tartankii Ololaha qorshihiisa wax-qabad ku buunbuuniyey sida uu arrintan wax uga qaban doono. Waxa aynu haddaba qormadan maanta ku eegi doonaa waxa uga qabsoomay illaa hadda mudadii sannadka ahayd ee uu Madaxtooyada fadhiyay iyo ballan qaadkiisaasi la xidhiidha qodobkan, waxa uga hir galay innaga oo eegi doonaa marka hore sida uu u dhignaa ballan qaadkaasi oo ah in Xisbiga KULMIYE uu sheegay in muddo xileedkiisa 2017 illaa 2022 uu horumarin ballaadhan ku samayn doono ciidamada qalabka sida ee kala duwan oo ah kuwa suga Amniga qaranka. Xisbiga KULMIYE waxa uu ballan qaaday in uu awoodda saari doono xoojinta iyo casriyeynta ciidamada Booliska Somaliland iyo dhammaan hay’adaha amniga ku tacaluqa. Waxa uu KULMIYE ballan qaaday muddo xileedkiisa Madaxweyne Muuse Biixi in uu muhiimadda koowaad siin doono ilaalinta amniga qofeed iyo hantiyeed ee Mujtamaca reer Somaliland. Waxa uu ballan qaaday in uu kor u qaadi doono tayada iyo waxqabadka Cuqaasha dalka isaga oo sheegay in ay dib u eegis ku samayn doonaan Mushaharaadka ay qaataan. Waxa uu ballan qaaday in uu kordhin doono Mushaharka ciidamada kala duwan isaga sidoo kalena loo dhisi doono dhismayaal iyo dugsiyo tababar oo kale oo casri ah iyo waliba cisbitaallo casri ah oo u gaar ah ciidamada qaranka ee kala duwan. Aan haddaba is waydiinee Akhriste maxaa ka qabsoomay ballan qaadyadaasi mudadii sannadka ahayd ee Madaxweyne Muuse Biixi xilka qaranka hayay? Mudadii uu kursiga fadhiyey Madaxweyne Muuse Biixi Cabdi waxa kala qaybsanaan weyni ku timid shacabka reer Somaliland oo ay saamayn weyn ku yeelatay doorashadii dalka ka qabsoontay. Tani waxa ay saamayn toos ah iyo mid dadbanba ku yeelatay colaado iyo nabad-galyo darro dalka ka dhacday mudadaasi sannadka ahayd. Waxa dagaalo xumi ka dhaceen deegaanada Sanaag Galbeed oo ay dhimasho, dhaawac iyo burbur hantiyeedba ka soo kala gaadhay beelo walaalo ah oo wada daga gobolka. Markii colaaddaasi ay waxba xukuumaddu ka qaban kari wayday waxa gurmad ugu tagay wadaado iyo wax-garad reer Somaliland ah oo heshiis ku soo afmeeray xaaladdaasi. Dhinaca Gobolka Sool gaar ahaan Koonfurta Gobolka Sool tiraba dhawr jeer waxa ka dhacay dagaalo culus iyo xasuuq ay isu gasteen beelo walaalo ahi, waxaana markii ugu horraysay taariikhda Somaliland beelaha Gobolka Sool lagu heshiisiinayaa meel ka baxsan Somaliland iyada oo toddobaadkan loo fadhiyo Magaalada Jigjiga ee caasimadda dawlad deegaanka Soomaalida Itoobiya. Dadka u kuur gala Arrimaha Ammaanka qaranku waxa ay sheegeen kala qaybsanaanta shacabka Somaliland ee doorashadu saamaysay oo keentay in markii ugu horraysay ay Askar ka tirsan ciidamada qaranku ka goostaan oo ay wakhtigan ku sugan yihiin Puntland iyaga oo duulimaad ku ah dalkana ay halkaasi ka abuureen Jabhad hubaysan, colaadda soo noqnoqota ee beelaha oo aanay xukuumaddu xalal waara u helin ay keentay in doorkii xukuumadda dhaliilo culus looga soo jeediyo arrintan. Sidoo kale dadka u kuur gala dhinaca amnigu waxa ay sheegeen in ay Somaliland halis kale ugu jirto dhallinyarada aan la jihayn ee shaqo la’aanta iyo rajo xumadu barriinsatay oo ah kuwo halis weyn ku ah amniga qaranka. Tani waa ta keentay ina ay kor u kacaan dambiyada abaabulan ee tuugada, boobka, iyo kufsiga ah ee habeen walba ka dhaca magaalooyinka waaweyn ee dalka oo ay ku kacaan dhallinyaro koox koox u abaabulani. Dhammaan arrimahaasi, mudadaasi sannadka ah ee ay xilka haysay waxba kama aanay qaban lamana aanay iman istaraatiijiyad wax lagaga qabto. Ballan qaadka uu Muuse Biixi Cabdi ku sheegay Buuggiisii cagaarnaa in uu kobcinayo cuqaasha iyo madax dhaqameedka, wax uga qabsoomaa ha joogtee waxaa kaaga filan in toddobaadkii ugu dambeeyey oo kali ah ay bannaan bax magaalada Burco ku muujiyeen cuqaasha Gobolka Togdheer oo sheegay in aanay ku shaqayn Karin $25 oo kali ah oo ay Bishii xukuumadda ka qaataan hawsha ay hayaana aad u culus tahay. Isku soo wada duuboo muddada sannadka ah ee durba u dhammaanaysa maalmaha soo socda mudadii uu xilka joogay Madaxweyne Muuse Biixi Cabdi, haba yaraatee wax u kordhay ama uu ka qabtay dhinaca Amnigu ma jirto. Inkasta oo aanay jirin dhibaato weyn oo amni oo qaranka ku dhacday oo xaaladdu iska sidii uun tahay marka laga yimaad dhibaatooyinka Gobolada Bari ka dhacay sannadkan haddana marka laga hadlayo wax qabad iyo wax la taaban karo wax alla wax cusub oo uu sannadkaasi ka qabtay dhinaca amnigu ma jirto. Waxaanan odhan karnaa marka la barbar dhigo tirada dadka innagaga dhintay dagaalada beelaysan waxa ay aad uga badan yihiin sannadihii xukuumaddii Axmed Siilaanyo ee isla xisbiga KULMIYE. …..La Soco Tiirka Saddexaad Qaran News

Madaxweyne Muuse Biixi ayaa saaka u baqoolay Gobolada Bariga Somaliland Siiba Gobollada Saaxil,Togdheer & Degaano Oodweyne ka tirsan Sida Xaaji Saalax & Tuulooyin kale,Ma cadda Ujeedada safarkiisu waxay daaran tahay Marka laga reebo Jeel la sheegay inuu xadhiga ka jaraayo. Tabashooyin,cabashooyin iyo cadaaladaro isbiirsaday ayaa Bulshoweynta ku Dhaqan Gobolka Togdheer badhkood tirsanayaa,Halka badhka kalena ku hungobeen codkii ay siiyeen xilligii doorashada uu Madaxweynenimada u ordaayey ka dib markii ay ka waayeen wixii ay ka filayeen. Wararka qaarkood ayaa tibaaxaya inuu caynaba u sii gudbi doono,halkaasna ka soo noqon doono,Ceerigaabo& Soolna…….. Qaran News

Muqdisho (Caasimada Online)-Musharixiinta u taagan xilka madaxweynaha Koofur Galbeed ayaa walaac xoogan ka muujinaya inay waqtiga loo qabtay ay ku dhacdo doorashada Koofur Galbeed. Mushariixinta ayaa qaarkood waxay sheegeen inay ka walaacsan yihiin in dib u dhac uu ku yimaado doorashada madaxtinimada oo 28-ka bishaan loo balansan yahay inay ka dhacdo magaalada Baydhabo ee gobolka Baay. Isqabqabsiga iyo Khilaafka guddiga doorashada ayaa Walaaca ugu badan geliyay Musharixiinta Koofur Galbeed, waxaana ay sheegeen inay ka baqayaan in arimahaasi dartood dib u dhac ku yimaado markale doorashada. Musharax Xasan Ibraahim ayaa sheegay in aysan socon shaqooyinka saxda ahaa ee laga doonayay guddiga doorashada Koofur Galbeed, taasina ay sii kordhisay walaaca ay ka qabaan in doorashada ay dib u dhacdo. Ilaa iyo hadda lama bilaabin diiwaan gelinta Musharixiinta Koofur Galbeed, sidoo kalana lama soo saarin jadwalka rasmiga ah ee doorashada, iyadoo taa badalkeeda arimo kale lagu mashquulsan yahay, sida uu sheegay Musharaxa. Walaaca musharixiinta ay qabaan ayuu ku sheegay inay qeyb ka tahay in doorashada ay kaga shaki qabaan in laga dhigo Sanadka cusub ee 2019, taasina ay caqabad ku tahay horumarka Koofur Galbeed. Dowladda federaalka Soomaaliya ayuu ku dhaliilay iney kaalin ka qaadatay dib u dhaca doorashadan, sidoo kalena ay waddo ineysan doorashada si xalaal ah u dhicin, waa sida uu hadalka u dhigaye. Caasimada Online Xafiiska Muqdisho Caasimada@live.com