(SLT-London) Cabdinur Sheekh Maxamad Isxaaq oo BBC ku biiray 1989, ayaa haatan ku jira maalmihii ugu dambeeyay ee shaqada BBC-da. ”Markii aan ku soo biiray BBC waxaa igu adkaa qalabka iyo farsamadii lagu shaqeynayey oo ka duwaneyd tii Radio Mogadisho, balse tababar ka dib waa la qabsannay oo waxaa nala baray xataa wareysiga aad qaado sida aad u jarjari karto oo aad ugu habeyn karto waqtiga aad u haysato balse Radio Mogadishu ma jirin qof ama laba ka badan oo farsamada yiqiin oo waxaa xadidnaa qalabka,’ ayuu yiri. Idaacaddii aan ka shaqeyn jirnay ee dawladda Soomaaliya halku dhegeedu wuxuu ahaa ‘warbaahinta sida xalaasha ah uga tarjunta mabaadida kacaanka’. “Ha yeeshee BBC oo cid walba ra’yigeeda waydiineysa oo dhinacyada oo dhan u dhexeysa ayaa ku soo dhex dhacnay. Waxaa na hagaya waa mabaadi’da asalka ah ee saxaafadda ee BBC ee dhexdhexaadnimo. Waa taas midda keentay in xataa berigii dagaalka sokeeye ee Soomaaliya meesha u xun marayey oo qab-qablayaashii ay caasimadda ku dagaalamayeen in dagaalku is-taagi jiray 5:30 waqtiga ay idaacaddu bilaabto si dhinac walba u helo xogta dhinaca kale, xataa gobolada Soomaaliya oo aan la isu gudbi jirin, BBC ayey ka heli jireen wararka, waa horaantii 90-shameeyadii. Mudadii 30ka sano ku dhaweyd ee aan BBC London iyo Nairobi ka shaqeynayey waxaa walwalka u weyni iga hayey dalka oo colaad iyo kala irdhow aan taariikhda na soo marin uu ka dhacay oo aysanna muuqan 30 sano kadib xal ay dadku isku aamini karaan iyo dib u heshiin dhab ah”. “Isla mudadaas waxaa is-bedelay dareenkii iyo fakarkii dadka oo waxaa dhacday in si xor ah qofka uu u sheegan karo fikirkiisa, khaas ahaan soo shaac-baxa iyo helitaanka idaacadaha iyo bogaga internetka. Waxaa kale oo si aan caadi ahayn wax weyn u kordhiyey baraha bulshada, ayuu yiri Cabdinuur Sheekh Maxamad Isxaaq. “Dadkii ka qaxay dagaalka sokeeye oo dib ugu noqday dalka oo shar iyo khayrba geeyey, waxaa heer sare gaaray wacyiga dadka oo ku aadan doorka dumarka, oo dagaalkii sokeeye intii uu socday oo dhan ahaa kuwii quudinayey oo barbaarinayey qoyska.” “BBC London waxaan ugu tagay oo la shaqeeyey wariyayaashii aan ku dayan jirnay oo aan ku taami jirnay sidii aan heerkooda oo kale u gaari lahayn, sida Cabdullaahi Xaaji Idris, Idris Xasan Diiriye, Maxamuud Sh Dalmar,Aadan Nuux Dhuulle,Yoonis Cali Nuur,Maxamuud Xasan iyo Cabdi Siraad oon aad uga faa’iday khibradoodii”. “Berigaas aniga iyo wariyayaashii kale ee iga dambeeyey waxaa la oran jiray BBC waa la kharibay oo kuwo aan la fahmeyn baa laga soo buuxiyey, balse markii dambe waxaan udub-dhexaad u noqonay warbaahinta Soomaaliyeed, Qiimeyntu maaha aqoontooda ee waa dhageysytaha oo aan la qabsan codka cusub. Shaqaaluhu waa yimaadaa, waana tagaa, waxaase wariye walba lagu qiimeeyaa waxa uu u gudbinayo dhageystaha inuu awalan isagu fahmo, hubiyo oo dheelitiro, si war sugan oo dhexdhexaad ah aad ugu gudbiso dhageystayaasha oo isugu jira heer walba,mid aqoon sare,aqoon dhexe iyo aqoon hoose leh,” ayuu sheegay Cabdinuur Sheekh. Cabdinuur Sheikh Mohamed oo BBC ka shaqeynayey 30 sano ku dhawaad ayaa haatan ka mid noqday wariyayaasha laanta af Soomaaliga ee dhawaan holwgabka ka noqon doona shaqada maadaamma barnaamijyadii loo soo wareejinayo Nairobi. Sources: BBC Somali Source

Beledwayne (SMN) – Qaar kamid ah shacabka danta yar ee ku dhaqan Beledwayne iyo duleedka magaaladaasi ayaa waxaa lasoo daristay xaalad beni’aadanimo oo aad u daran. Dadka ayaa ka cabanaya in ay haysto biyo yari, taasi oo ka dambeysay markii uu guray wabiga Shabelle kaasi oo ay ku tiirsanaayeen dadka ku nool degaanada dhaca gobolka Hiiraan ee bartamaha Soomaaliya. Shacabka oo la hadlay warbaahinta ayaa sheegay in ku adag tahay helida isticmaalka biyaha oo nolasha aadanaha muhiim u ah, waxaana ay sheegeen in qiimaha la siisto biyaha ay sare u kacday. Mas’uuliyiinta dowlada iyo maamul goboleedka HirShabelle ayay cod dheer kaga dalbadeen in ay soo gaarisiyaan gargaar biyo oo deg deg, si nolal maalmeedkooda caadig ah dib ugu soo laabato. The post Xaalad beni’aadanimo oo ka taagan agagaarka Beledwayne appeared first on Shabelle. View the full article

Cabdinur Sheekh Maxamad Isxaaq oo BBC ku biiray 1989, ayaa haatan ku jira maalmihii ugu dambeeyay ee shaqada BBC-da. ”Markii aan ku soo biiray BBC [...] Source

Abuja (SMN) – Gudoomiyaha Guddiga madaxa banaan ee doorashooyinka Sooomaaliya, Xaliimo Ismaaciil Ibraahim ayaa kamid ah korjoogtada caalamiga ah ee Midowga Afrika uga qaybaleysa doorashada guud ee dalka Nigeria. Kormeerayaasha ka socota AU-da ayaa waxaa madax u ah Ra’iisul Wasaarihii hore ee dalka Itoobiya, Hailemariam Desalegn, waxaana waajibkoodu yahay indhadheynta qaabka ay u qabsoomeyso cod-bixinta. 16-ka Febraayo oo maalinta berri ah ku beegan ayay dhaceysaa doorashada madaxtinimada Nigeria, taasi oo ay ku tartamayaan musharaxiin dhowr ah, iyada oo la rajeynayo in ay coddeeyaan 80 milyan oo ruux. Kormeerayaasha oo tegi doona dhamaan goobaha cod-bixinta ee gobolada kala duwan ee Nigeria ayaa doorashada kadib waxa ay soo saari doonan warbixin ku saabsan doorashada iyo sida ay u qabsoontay. The post Somalia oo qayb ka ah korjootada doorashada Nigeria appeared first on Shabelle. View the full article

Qaybtii 3aad “Maxaan dogob beer is idhi Daruuro u soo sasabay Biyuhu uga sii dareen!” Muuse waa la doortay.Talooyin badan waa uu xambaarsanaa.Waxa ugu cuslaa barnaamijkii siyaasiga ahaa iyo ballanqaadyadii la xidhiidhey ee aannu kala shaqaynay. Waxa aan ka mid ahaa dadkii aqoonsanaa haddii uu Muuse soo baxo oo uu raaco barnaamijkaas siyaasadeed iyo qorshaha hawl-galladiisa ama fulineed ee la socdey waxa ay hoggaamintiisu Somaliland ka tallaabin doontaa is goysyadii halista badnaa ee ay taagnayd. Muuse waxa uu dadkii barnaamijka wadey la qaatay, in kasta oo barnaamij kalena meelo kale dad kale ka wadeen, haddana kaayagii in uu ku socdo barnaamijkaas iyo qorshaha fulintiisa, iyo diyaarinta dadkii u qalmi lahaa ee ka midho-dhalin kari lahaa oo lagu soo xusho aqoon takhasus leh iyo waaya-aragnimo la hubiyey, karti iyo hufnaan la bilkeedey, iyo dadnimo iyo daacadnimo la shirrabay. Somaliland oo ku dhaqanta nidaam mucbeel ama mutaweled ah oo isugu dhafan hab-dawladeed qabali ah iyo mid casri ah (Hybrid) waxa suurta gal ahayd dadka loo baahan yahay in laga heli karayey qabiil kasta oo labeentiisa laga soo xulan karayo. Caqabaadka ugu waaweyn ee Somaliland horyaalley, barnaamijka siyaasadda iyo qorshahiisa fulintuna ka soo dabqaadanayeen waxa ka mid ahaa, uguna muhiimsanaa, illayn haani gun bay ka tolantaaye: Midnimada iyo wadajirka Somaliland oo sii diciifayey intii Kulmiye talada hayey. Lahaanshaha bulsheed (social belongings), ahaansha (Identity) iyo xukunku (authority/govern) si ay isu daboolaan, isuna qabtaan waa in la qaadaa markiiba tallaabooyinkan oo soo noolayn kara dhayidda iyo xoojinta wadajirka bulshada ayaa qorshuhu ahaa sida: • Dhiirrigelinta iyo ilaalinta xuquuqda qofka ee muwaaddinnimo/geyiilennimo. (Noolaynta ku daadashada ummadnimo iyo qarannimo qof qof iyo bulsho ahaanba). • Madaxtooyadu waa in ay noqotaa meel ay iska wada dhex arkaan bulshada kala duwani oo ay wada lahaanshe ka dareemaan meel iyo xafiis kasta oo ay adeeg uga baahdaan. • In dib loogu noqdo saami-qaybsiga kuraasta aqalka wakiillada. • In dib loo jeedaaliyo distoorka qaranka si wax-ka-beddelka loo baahan yahay loogu samayn karo. • Golaha guurtida- In dib loo eego tirada iyo saami-qaybsiga kuraasta iyo habraaca xulashada. • In la iska jiro cudurka weynaynta magaalo-madaxda, iyada oo hay’adaha waaweyn ee qaranka loo kala qaybinayo gobollada waddanka. (maamul daadejin) • In culays la saaro daah-furnaanta iyo xakamaynta musuqmaasuqa, eexda, qaraabokiilka iwm oo ay ku jirto caddaynta ama xaqiijinta hantida shakhsiga ah inta aan xilka loo cayimin . • In dib loo eego xeerarka habraac ee dawladda dhexe iyo dawladaha hoose, maamul daadejinna lagu sameeyo. • In dood laga furo isu soo dhoweynta iyo midaynta 18-ka May iyo 26-ka Juun. Qorsheyaasha kale iyo fulintoodu waxa ay ku saabsanaayeen hagaajinta tayaynta iyo casriyaynta kaabayaasha dhaqaale, adeegyada bulsheed, amniga iyo arrimaha dibedda. Xoogga waxa uu qorshaha hawl-galeed saarayey oo mudnaanta koowaad lahaa kor-u-qaadka iyo tayaynta dhaqaalaha (xoolaha, beeraha, kalluunka, macdanta iyo khayraadka dabiiciga ah, ganacsiga iyo maalgelinta maxallig ah iyo ta shisheeye, tayada bangiga iyo xeerarka lagu maamulayo iwm), caafimaadka, waxbarashada, xasillonida iyo xidhiidhka dibedda, arrimahaas oo lagu xaqiijin karo dhisidda xukuumad tayo leh oo yeelata maamul wanaag iyo xilkasnimo hoggaamineed sida sharciga oo cid kasta ka sarreeya, garsoor hufan iyo caddaalad, xakamaynta iyo la dagaalanka musuqa, lunsiga hantida qaranka, qaraabokiilka, eexda, sugashada degganaan siyaasadeed iwm oo ka mid ahaa waxyaalihii daashadey ee hoos u dhigay haybadda iyo milgaha dawladnimo ee xukuumadihii hore, gaar ahaan tii u dambeysey ee Kulmiye. Maxamed Baashe Xaaji Xasan mohamedbashe@hotmail.com La soco qaybta 4aad Source

Muqdisho (SMN) – Dhageystayaasha idaacada Shabelle ee ku taxan website-keena waxaan halkaan hoose idin kugu soo gudbineynaa Warka Duhur. Hoos riix si aad udhageysato The post Dhageyso: Warka Duhur ee idaacadda Shabelle appeared first on Shabelle. View the full article

Ergo nabad raadin ah oo uu hoggaaminayo Suldaan Cabdiqani Suldaan Xasan Suldaan Xaaji Cali Baalle ayaa gaaray Degmada Gallaadi, oo ay ka jirto dhiilo colaadeed [...] Source

(SLT-Washington) Ilhaan Omar ayaa si-aalo ku boobtay Masuul xil sare u magacaabay Madaxweyne Trump. Hoos ka DAAWO Source

Sanad ka hor ayey ahayd markii Madaxweynaha Somaliland loo doortay Mudane Muuse Biixi Cabdi, markii uu Xukuumadiisii soo dhisay oo labaan iyo dhowr wasaaradood ka [...] Source

(SLT-Slovenian )Xubin ka tirsan xildhibaannada Slovenian ayaa xilka ka dagay ka dib markii uu dukaan ka xaday rooti la jeexay oo la dhex galiyay wixii lagu cuni lahaa, xildhibaanka ayaa sheegay in shaqaalaha dukaanka ku yaalla Ljubljana ay u isku mashquuleen oo uu wax la hadla waayay. Darij Krajcic ayaa warbaahinta gudaha u sheegay in uu ka xanaaqay “sida loola dhaqmay” uuna go’aansaday in uu tijaabiyo ilaalada dukaanka isaga oo rootigii iskala baxay. Xatooyadan ayaan la ogaanin, balse xildhibaankan ka tirsan xisbiga talada haya ee Marjan Sarec List ayaa markii dambe ku adkaystay in uu dukaanka ku laabtay si uu lacagta u bixiyo. Xildhibaan Krajcic ayaa raali gain bixiyay, wuxuuna sheegay in uu ka xunyahay “tijaabada uu sameeyay”. Qirashadiisan ayaa markii u horraysay dadku ogaadeen markii uu sheekadan la wadaagay xildhibaanno kale iyadoo guddi xildhibaannada ka tirsan ay kulan lahaayeen Arbacadii. Goobta lacagta laga bixiyo ayaan taagnaa muddo saddex daqiiqo ah, ayuu yiri xildhibaanka 54 jirka ah oo arrintan u sharxaya TV-ga gaarka loo leeyahay ee POP. Waxaa la sheegay saddex ka mid ah shaqaalaha dukaanka in ay ku guul darraysteen in ay la socdaan dhaqdhaqaaqa xildhibaanka, ayna sababtay in barafasoorkan hore uu tijaabiyo feejignaanta shaqaalaha. “Qofna iima imaanin, qofna igama dabo qaylyin,” ayuu yiri isaga oo sheegaya in kaameerooyinka ammaanka oo aad la isugu halleeyo ay keento in shaqaaluhu ay mararka qaar “taxadarka yareeyaan”. Xildhibaannadii kale marka uu u sheegay markii hore way qosleen, balse Brane Golubovic oo ah hogaamiyaha xildhibaannada xisbiga LMS ayaa Khamiistii cambaareeyay ficilka xildhibaan Krajcic, wuxuuna ku tilmaamay mid aan la aqbali karin. “Isaga ayaa masuuliyadda qaatay, iskii ayuuna isu casilay” Golubovic ayaana saxaafadda u sheegay, “in arrintaasi ay waafaqsan tahay anshax ilaalinta heerka sare ah ee xisbiga. Krajcic ayaa xildhibaannimada loo doortay bishii Sabteembar. Source

Feb 10, 2019, The President of Puntland who was elected into office 8th January appointed his 48 cabinet members. One full female minister was included in [...] Source

(SLT-Baar-Sungaani) Wararka ka imaaanaya Deegaanka Baar sanguuni ee Gobalka Jubada Hoose ayaa sheegaya in Al-Shabaab xalay madaafiic ku garaceen deegaankaasi. Madaafiicda ayaa la soo warinayaa in ay ku dhaceen saldhiga deegaanka Baar Sanguuni ee Gobalka Jubada Hoose. Ilaa iyo hada lama oga Khasaaraha ka dhashay madaafiicda lagu garaacay saldhig ay ciidamada Xoogga iyo kuwa Jubbaland ay ku leeyihiin deegaanka baar sanguuni ee Gobalka Jubada Hoose. War ka soo baxay Al-Shabaab ayaa waxaa ay ku sheegteen in madaafiicda ay la beegsadeen saldhig ku yaala deegaanka baar sanguuni, islamarkaana ay khasaaro gaar siiyeen ciidamada xoogga iyo kuwa Jubbaland ee ku sugan Saldhigaasi. Ma jiraan weli wax war ah oo ka soo baxay saraakiisha jubbaland ee ku sugan deegaanka baar sanguuni ee Gobalka Jubada Hoose. Source

Muqdisho (SMN) – Qaramada Midoobay ayaa lagu wadaa in ay todobaadka soo socda billowdo sanduuqa dhismaha nabadda ee Soomaaliya, kaas oo ay ku bixi doonto 30 Milyan oo Doollarka Maraykanka ah. Hawl-galka Qaramada Midoobay ee Taageerada Soomaaliya (UNSOM) ayaa Khamiistii sheegay in si loo caawiyo dedaallada nabadeed ee ka jira Dalka Soomaaliyeed la fulin doono mashaariic ay ka mid yihiin qorshaha horumarinta Qaranka iyo dhismaha dib u heshiisiinta. Qaramada Midoobay ayaa taageerayay geeddi-socodka nabadda Soomaaliya tan iyo 2009-kii, isaga oo Sanduuqeeda taakuleyntana uu ku yaboohay ku dhowaan 45 Milyan oo Doollar oo lagu fuliyay mashaariic kala duwan. The post QM oo dhaqaalo horleh ugu deeqday nabadeynta Somalia appeared first on Shabelle. View the full article

Muqdisho (SMN) – Akhristayaasheena ku xiran website-ka waxaan halkaan idin kugu soo gudbineynaa Barnaamijka maxaa ka run wixii la sheegay? Hoos riix si aad u dhageysato The post Dhageyso: Barnaamijka Maxaa ka run ah wixii la sheegay? appeared first on Shabelle. View the full article

Muqdisho (Caasimada Online) – AMISOM ayaa labo maalin ka hor ku dhawaaqday inay wax ka badalid ku sameysay qorshaha dagaalka ka dhanka ah Al Shabaab oo ka socdo Soomaaliya tan iyo sanadkii 2007. Warbixin lagu daabacay bogaga lagu faafiyo wararka Al Shabaab ayaa looga hadlay isbadalka ku yimid hanaanka howlgalka AMISOM u wajayaan Al Shabaab. Isbadalka oo uu ku dhawaaqay taliyaha cusub ee AMISOM ayaa ka dambeeyay kadib kulan muddo afar maalin ah talisyada AMISOM uga socday magaalada Muqdisho, waxaana khabiirada dhanka amaanka ay sheegayaan inay arintaasi muujisay hoos u dhaca rajada AMISOM. Al Shabaab ayaa sheegay in qorshaha AMISOM uu u muuqdo mid ay qaateen sanadkii 2011, kaasi oo ahaa mid ku dhifo oo ka dhaqaaq ah, waxaana ku xigay qorshe kale oo Al Shabaab ay qaateen sanadkii 2015, kaasi oo ahaa in weeraro qorsheysan lala eegto saldhigyada AMISOM. Kadib waxay weerareen saldhigyada ciidamada Kenya, Uganda, Burundi iyo Ethiopia ay lahaayeen gobolada Hiiraan, Shabeelaha Hoose, Baay iyo Jubbada Hoose. Khuburada dhanka amaanka ayaa sheegaya inaysan sahlaneyn in AMISOM ay dhaqan geliso go’aanka ah inay yareeyaan ciidamadii tirada badnaa ee weerarada u geysan jiray Al shabaab. Maadaama AMISOM aysan aheyn jabhad dagaalameysa waxaa adkaan doonta inay u dhaqmaan sida Al Shabaab oo kale. Sidoo kale khabiirada ayaa sheegaya in AMISOM ay ku adkaan doonto inay weeraraan saldhigyada Cayiman ee Al Shabaab kadibna ay kusoo laabtaan xarumihii ay ka dhaqaaqeen, maadaama shaqada laga doonayo ay tahay inay magaalooyin horleh qabsadaan. AMISOM ma heystaan diyaarado gaar ah iyo ciidamo u tababaran sida KUMAANDOOSKA, waxaana taasi ay noqon doontaa caqabad kale, iyo inay u baahdaan mashruuc kale oo dhaqaale kale ay ku helayaan. Arinta Shakiga badan keeneyso ayaa ah bixitaanka ciidamada Burundi la filayo inay dalka ka baxaan bishaan dhamaadkeeda oo aan lasii cadeyn cidda badali doonto iyo taliyaha cusub ee AMISOM oo u dhashay Ethiopia oo doonaya inuu aragti cusub ku hogaamiyo AMISOM. Caasimada Online Xafiiska Muqdisho Caasimada@Live.com

Galgaduud (SMN) – Fahfaahino dheeri ah ayaa kasoo baxaya caruur ay aalad ay ku cayaarayeen kula qaraxday degaanka Xaraale ee gobolka Galgaduud. Lama oga waxa qaraxa dhaliyey, waxaase loo badinayaa in ay tahay miino halkaa lagu aasay xilligii colaaduhu ka jireen halkaasi. Daahir Yuusuf Dhago-badan, gudoomiyaha tuuladaasi hoostagta maamulka Galmudug ayaa sheegay in hal Ubad uu ku dhintay, mid kale uu ku dhaawacmay. Gudoomiyaha ayaa hadalkiisa raaciyay in midka dhaawaca loola caray Isbitaal ku yaala degmada Caabud-waaq si xaaladiisa wax looga qabto. Dadka degaanka ayuu ka dalbaday in ay ka feejignaadaan dhacdooyinka ah, ayna ku cayaarin aaladaha aysan aqoon u lahayn. The post Caruur ku dhimatay qarax ka dhacay gobolka Galgaduud appeared first on Shabelle. View the full article

Boosaaso (SMN) – Muxyadiin Axmed Muuse, taliyaha Booliska maamul goboleedka Puntland ayaa faray shacabka in ay dowlada hoose ku war-geliyaan cida ay guryaha ka kireynayaan. Ujeedka ay ka leeyihiin talaabadaan ayuu ku qeexay adkeynta amniga iyo in laamaha amaanka ay helaan xogta cida kusoo korodhay magaalooyinka waawayn ee dowlad goboleedkaasi. Taliyaha ayaa daboolka ka qaaday in ay sharciga la tiigsan doonan cid kasta oo ka dhago adeegta fulinta amarkaasi, oo uu ku tibaaxay in uu yahay mid kama dambeys ah oo ay qaataan. Hadalka taliyaha ciidamada Booliska Puntland ayaa kusoo aadaya iyada oo maalmihii lasoo dhaafay ay sameynayeen xoogaga maamul goboleedkaasi howlgalo lagu sugayo nabad-gelyada. The post Taliska Booliska Puntland oo amar kusoo rogay shacabka appeared first on Shabelle. View the full article

Galkacayo (SMN) – Warar dheeraad ah ayaa kasoo baxay Dab xalay qabsaday kaalin Shidaal oo ku taala koonfurta magaalada Galkacayo, ee xarunta gobolka Mudug. Dabka oo aanan la ogayn waxa dhaliyay ayaa la sheegay in uu geystay khasaaro u badan mid hantiyadeed, iyada oo aanan jirin cid wax ku noqotay. Gurmad baaxad leh oo ay ku jiraan gaadiidka dab-damiska oo ka kala yimid koonfurta iyo waqoyga magaalada ayaa dhalisay in lagu guuleysto daminta dabkaasi. Maamulka degmada ee ka kala tirsan maamul goboleedyada Puntland iyo Galmudug ayaa uga mahad-celiyay shacabka doorka ay ka qaateen baq-tiijinta dabkaasi. The post Dab xalay qabsaday xarun ganacsi oo ku taalo Galkacayo appeared first on Shabelle. View the full article

Hargeysa (Caasimada Online)-Xisbiga Wadani oo kamid ah xisbiyada mucaaradka Somaliland ayaa si adag kaga hadlay xaaladaha ka jira deegaanada Somaliland iyo kacdoonka Shacab ee ay ku abaabuli doonaan madaxweyne Biixi. Xoghayaha Duulista Hawada ee xisbiga Wadani Nuuradiin Ibraahim Aw Cabdi ayaa sheegay in xisbiga Kulmiye Mudadii todobada sano ee lasoo dhaafay uu Somaliland geliyay heshiisyo aysan qaadi karin. Wuxuu tusaale usoo qaatay heshiiskii Somaliland la gashay Imaaraatka Carabta, kaasi oo ay kula wareegeen dekada Magaalada Berbera, isaga oo sheegay in dhaqaalaha ku baxay heshiiskaasi inaan looga faa’ideyn Shacabka Somaliland. Nuuradiin Aw Cabdi, ayaa sheegay in wax lala yaabo ay tahay in deegaanada Somaliland abaaro ay ka jiraan, iyadoo Shan Milyan oo lagu qaatay heshiiskii Dekada Berbera aan looga faa’ideyn shacabka. Wuxuu sheegay in hadda ay abaabuli doonaan kacdoon dadweyne oo ka dhan ah maamula madaxweyne Muuse Biixi, islamarkaana ay doonayaan in shacabka ay ka dhiidhiyaan dhibaatada ay Somaliland u horseedayaan madaxda Kulmiye. Arinta kale ee cajiibka ah ayuu sheegay inay tahay in Imaaraatka Saldhig laga siiyay Berbera iyadoo aan wax lacag ah laga qaadin. Caasimada Online Xafiiska Somaliland Caasimada@live.com

Muqdisho (SMN) – Daahir Aadan Cilmi [Indhaqarshe], taliyaha ciidamada xooga Soomaaliya ayaa sheegay in dowladu ay ka go’an tahay dib-u-dhiska ciidamada. Indhaqarshe ayaa intaasi ku daray in mid kamid ah dalalka caalamka uu balanqaaday in uu xukuumada ka taageerayo arrintaas. “Dowladu way ka go’an tahay dib-u-dhiska ciidamada..dal aan dhowaan booqday wuxu noo balanqaaday inuu naga taageero qalabeyntiisa, sida in uu dib-u-helo qalabkii uu caanka ku ahaa sida; diyaaradaha,” ayuu ku daray. Ugu dambeyntii, taliye Indhaqarshe ayaa ugu baaqay ciidamada xooga wadanka in ay u turaan shacabka si ay taageero uga helaan. The post Indhaqarshe: “DF way go’an dib-u-dhiska ciidamada” appeared first on Shabelle. View the full article

Muqdisho (SMN) – Ra’iisul Wasaaraha Soomaaliya, Xasan Cali Khayre, ayaa kulankiisii ugu horreeyay la qaatay guddiga badbaadinta iyo soo celinta hantida qaranka. Khayre ayaa guddiga talo ka siiyay hannaanka ay u gudanayaan waajibaadka laga doonayo, isaga oo ku dhiirri geliyay samaynta Istaraatiijiyd ku habboon dar-dargelinta mas’uuliyadda ka saaran badbaadinta iyo soo celinta hantida qaranka Soomaaliyeed. Guddoomiyaha guddiga, ahna wasiirka waxbarashada iyo tacliinta sare ee xukuumadda fedraalka Soomaaliya, Cabdullaahi Goodax Barre, oo ka warbixiyay shirka ayaa sheegay in kulankooda maanta looga hadlay qorshaha waxqabadka guddiga ee sannadkaan 2019, ayna Ra’iisul Wasaaraha kula wadaageen hannaanka ay u qaabeeyeen shaqada ay qabanayaan. Wasiir Cabdullaahi Goodax ayaa sheegay in guddiga iyo Ra’iisul Wasaaruhu ay isla garteen in shaqooyinka guddiga la haleeshiiyo tubaha qaranka iyo in wasaarad waliba ay sannadkaan gacanteeda kusoo celiso ugu yaraan sedax hanti dawladeed oo aan cid gaar ah gacanta ku hayn iyo laba hanti dawladeed oo gacanta ugu jirta shaqsiyaad ama shirkado gaar ahna, sidoo kalana isla sannadka gudihiisa laga shaqaysiisyo, si bulshada Soomaaliyeed ay uga faa’iidaystaan. The post Khayre oo dalbaday xoojinta baadigoobka Hantida Qaranka appeared first on Shabelle. View the full article

Muqdisho (SMN) – Al-Shabaab ayaa sheegatay in weerar madaafiic ay ku qaaday saldhiga ciidamada dowlada iyo kuwa Jubaland ee degaanka Baar Sanguuni oo ka tirsan gobolka Jubada Hoose. Khasaaro isugu jira dhimasho iyo dhaawac ayay sheegtay xarakada Shabaab in uu ka dhashay duulaankaasi, wallow aanan la hubin tirada saxda ah. Dadka degaanka ayaa soo warinaya in xaalada ay saaka tahay mid degan, islamarkaana ciidamada ay halkaasi ka wadaan dhaqdhaqaaq ciidan. Maamul goboleedka Jubaland illaa iyo haatan kama uusan hadlin weerarka saacadihii lasoo dhaafay lagu beegsaday saldhiga degaanka Bar Sanguuni. The post AlShabaab oo madaafiic ku weerartay saldhiga Bar Sanguni appeared first on Shabelle. View the full article

Muqdisho (SMN) – Akhristayaasheena ku xiran website-ka waxaan halkaan idin kugu soo gudbineynaa warka Subax. Hoos riix si aad u dhageysato The post Dhageyso: Warka Subax ee Idaacada Shabelle appeared first on Shabelle. View the full article

Kismaayo (Caasimada Online)-Warar dheeraad ah ayaa kasoo baxaya weerar xalay Al Shabaab ku qaadeen saldhiga ciidamada Jubbaland ku leeyihiin deegaanka Baar Sanguuni ee gobolka Jubbada Hoose. Tiro madaafiic ah ayaa la sheegay in Al Shabaab ay ku garaaceen saldhiga deegaanka Baar Sanguuni ee gobolka Jubbada Hoose, halkaasi oo marar badan Al Shabaab ay weerareen. Ma jirto xog rasmi ah oo laga helayo khasaaraha ka dhashay weerarka madaafiicda ah ee Al Shabaab ay ku garaaceen saldhiga Baar Sanguuni, balse Al Shabaab ayaa baahiyay in ciidamo ay ku dileen weerarka. Saraakiisha maamulka Jubbaland ayaa ka gaabsaday inay ka hadlaan weerarka Madaafiicda ah ee ka dhacay saldhiga Baar Sanguuni, waxaana Al Shabaab ay sheegeen inay khasaaro gaarsiiyeen ciidamada ku sugnaa saldhiga. Dhinaca kale Al Shabaab ayaa sheegay inay sameeyeen howlgal Isbaari qaadis ah, iyaga oo sheegay in ciidamadii ku sugnaa inta u dhaxeyso Tixsiile iyo Warmaxan ay ka saareen goobtaasi. Marka laga yimaado sheegashada Al Shabaab ma jiro wax faahfaahin ah oo ciidamada dowladda iyo kuwa maamulka Jubbaland ka bixiyay weerarada Al Shabaab ay sheegteen masuuliyadooda. Caasimada Online Xafiiska Jubbaland Caasimada@live.com

Muqdisho (Caasimada Online)-Waxaa is weydiin mudan sidiee Muuqaalka Hay’adaha amaanka ku yimid baraha bulshada, iyadoo aysan soo baahin muuqaalkan la helay laamaha ku shaqada leh kaamirooyinka qarsoon. Muuqaalka waxaa ka hoos hadlaya dumar badan, waxaana muuqata inay mobeyl ku duubeen xilli dhalo laga duubayay, iyadoo ay meesha ka muuqato in ka hor laamaha amaanka ay dumarkaasi muuqaalka banaanka keeneen. Waa ruux dhalinyaro ah oo wata dhar midabkiisu Jaale u badan yahay, waxaana hor socota gabar yar oo u muuqata inaysan waxba kala socon dhagarta uu maleegayo ruuxa ka muuqda muuqaalka. Laamaha amaanka ayaa sidaan oo kale waxaa horay looga helay labo muuqaal oo kala ahaa Qarax ka dhacay agagaarka dekada Muqdisho iyo qaraxii ka dhacay Isgoyska Soobe ee magaalada Muqdisho, balse qaraxii Soobe ayaa u muuqday mid ku talo gal loo baahiyay. Al Shabaab ayaa adeegsada habab kala duwan oo gaadiidka ay ugu dhajiyaan waxyaabaha qarxa. https://www.caasimada.net/wp-content/uploads/2019/02/Daawo-Nin-Alshabaab-ah-oo-si-kalsooni-kujirto-Miino-kuxiya-Baabuur-Muuqaalk.mp4 Caasimada Online Xafiiska Muqdisho Caasimada@live.com