Hargeysa (Somalilandtoday) Xukuumadda Somaliland ayaa ku adkaysanaysa qaaddidda lacagta lixda boqol ee kun ah ee laga qaadayo dadka bedelanaya Taarikada kuwaas oo qaadanaya nashqada cusub ee xukuumadda madaxweyne Biixi samaysay. Baarlamaanka gaar ahaana Golaha Wakiillada oo miisaaniyadda ka reebay qaadista lacagtan ayaa si adag ugu sheegay xukuumadda in aanay lacagtaasi qaadin kadib markii ay dhawaan soo baxday in xukuumaddu qiimo dhimis u sameysay dadka qaadanaya inta u dhexeysa Maarij iyo Juun. Guddida Dhaqaalaha, Maaliyadda iyo Ganacsiga ee Golaha wakiillada, ayaa Salaasadii kulan la qaatay wasiirka gaadiidka iyo jidadka Mudane Cabdillaahi Abokor Cismaan waxaanay si adag guddidu si adag ugu sheegtay wasiirka in aan la sii wadin qaadista lacagtan sida lagu sheegay qoraal lagu daabacay bogga golaha oo laga soo saaray kulanka laakiin, wasiirka oo kulanka kadib saxaafadda la hadlay wuxuu sheegay in aanu goluhu xaq u lahayn laalidda shaqo socota. Kulankan ka dhacay xarunta Golaha Wakiillada Somaliland,oo uu guddoominayay Guddoomiye Ku-Xigeenka Guddiddaas Maxamuud Axmed Obsiiye, ayaa qoraal laga soo saaray oo lagu daabacay bogga Golaha Wakiillada lagu yidhi “Guddida ayaa si adag wasiirka ugala hadashay inay joojiyaan Lacagta 600 ee kun ah ee ay qaadayaan Taarikada cusub maaddaama Goluhu hore u laalay sharcinimadeeda markii miisaaniyadda la ansixinayay, isla markaana waxay guddidu wasiirka indhaha u saartay Go’aankii golaha iyo Lifaaqyadii Miisaaniyadda ku lamaanaa kuwii la laalay iyo kuwii la ansixiyey in la qaado.” Gudida dhaqaalaha oo Wasiirka Jidadka iyo Gaadiidka wax ka waydiiyey Cashuuro aan sharci ahayn oo ay qaadaan Qoraalka guddidu ka soo saartay kulanka ayaa lagu sheegay in wasiir Cabdillaahi Abokor arrinta isaga riixay wasaaradda maaliyadda “Wasiirka ayaa Guddida u sheegay inaanay wasaaraddiisu arrintan ka warhaynin isla markaana ay guddidu wasaaradda maaliyadda kala xidhiidho arintan,” Sidaas ayaa lagu sheegay qoraalka guddida ka soo baxay. Hase ahaatee wasiirka oo wariyeyaashu markii uu kulanka ka baxay waydiiyeen sharcinimada lacagtan baarlamaanku hore u laalay ayaa sheegay in aanu Goluhu laali Karin shaqo socota :“Horta shaqo lama laalo, waa shaqo weeyaan , waxaana waajibinaya xeer 56, 2013 qodobkiisa 48-aad ,markaa shaqo la laalayaa ma jirto Awood uma laha Baarlamaanku inuu laalo shaqo socota , laakiin awood wuxuu u leeyahay inuu wax naga weydiiyo tacriifadda taana waanu ka wada hadalnay.”Ayuu yidhi Wasiir Abokor . Lacagtan ayaa ah Tacriifad wasaaradda Gaadiidka iyo horumarinta Jidadku abuurtay una gudbisay wasaaradda maaliyadda laakiin, Goluhu ku daray tacriifado aanu ogolaan oo laga reebay miisaaniyadda 2019. Muwaadiniinta ayay wasaaraddu u qorshaysay in ay muddo lix bilood ah si iskood ah u bedeshaan taarikada waxaanu wakhtigaasi kaga eeka bishan Maarij waxaanay wasaaraddu dhawaan shaacisay in ilaa bisha June qiimo dhimis loo sameeyay dadka aan wali bedelan mudddadaasna ay ku bedeshaan. Arrintan ayaa hadal hayn badan ka abuurtay in wasaaraddu tacriifado waajibiso marka ay doontana qiimo dhimis u sameyso taas ayayna u muuqata in ay keentay kulanka baarlamaanku la qaatay wasiir Cabdillaahi Abokor oo u muuqda in aanu ku qancin dalabka guddida. Qodobka sharci ee wasiirku cuskaday ayaa ku saabsan samaynta taarikada laakiin, kama hadlayo lacagta ama tacriifadda oo ah tan muranku ka taaggan yahay waxaana sida caadiga ah xalaaleeya tacriifadaha golaha wakiillada. Source

Cutubyo ka tirsan ciidamada Daraawiishta dowladda Puntland oo xalay ka baxay degmada Badhan ayaa saaka gaaray tuulada Ceelcad oo dhanka bari ka xigta degmada Yubbe gobolkaas sida ay soo sheegayan dadka degaanka. Degmada Yubbe ee gobolka Sanaag ayaa waxaa ku sugan ciidamo ka tirsan Somaliland oo laga keenay magaalada Ceerigaabo ee xarunta gobolka. Ciidamada Somaliland ayaa todobaadkii hore halkaasi gaaray iyagoo sheegay in ay ka hortagayan weerarro uga yimaada jabhadda Col. Caarre ee la’dagaallanta Somaliland oo saldhigyo ku leh magaalada Qardho ee xarunta gobolka Karkaar. Ha’yeeshee tallabada Somaliland waxaa ka abuurantay xiisad u dhexaysa labada dhinac ee Puntland iyo Somaliland oo ku muransan degaanno ka tirsan gobolkaasi. PUNTLAND POST The post Ciidamada Puntland gaaray tuulada Ceelcad ee gobolka Sanaag appeared first on Puntland Post.

(SLT-Hargeysa)-Dowlada Erateriya ayaa la sheegay inay door mihiim ah ka ciyaari doonto wada haddalada Somaliland iyo Soomaaliya, kuwaas oo lagu wado inay dib u furmi doonaan dhawaan, iyadoo todobaadkan dalka ay socdaal ku yimadeen wefti culus oo ka socda Dowlada Erateriya oo usoo diray Madaxqweynaha Dalkaa Isaias Afwerki ,kuwaas oo kullamo la yeeshay Madaxweynaha Somaliland, isla markaana socdaal ku tegay xarumaha siyaasadda dalka laga jaan-gooyo goobo kale. Madaxweyne Muuse Biixi Cabdi ayaa hore u sheegay inuu Madaxweynaha dalka Erateriya uu door mihiim ah ka ciyaarayo is badelka Geeska Afrika ka curtay , isagoo ku amaanay Mr Isaias Afwerki halgankii uu soo galay gobanimadoonkii dalkiisa Erateriya, waxaanu u dhignaa hadalka Madaxweyne Biixi sidan“Dabaysha ka socota ee la yidhi nabadayta geeska Afrika iyo waa laga midoobayaa ay Dowladaha qaarkood ku dhawaqeen , waxa u hormood ah Madaxweynaha erateriya Isaias Afwerki intii uu noolaa ilaa maalintuu isagoo injineer bilaabay sanadka uu horeeya uu ka tegay ilaa maanta wuxuu ku jiray Dagaal uu gobanimada ugu doonayo Erateriya 32 sano dagaal ayuu ku jiray markii dagaalkii uu dhammaday Itoobiya ayaa cod ka qaaday oo Xorriyad ayuu ku qaatay , haddan Itoobiya ayey is dileen oo ay dal isku qabsadeen dad badan oo malaayiin gaadha ayaa ku dhintay haddana 11 sano oo kale ayuu gadoon ahaa oo uu u adkaystay cadaasit kasta oo la saaray, inuu u hoggaansamo gudidii jimciyada quruumaha ka dhaxasa ee shirkii Algerias inuu aqbalo isagoo uga diiday afar mitir oo dadlkiisa oo Baadhama Tuullada ah xadka u jirta in laga qaado oo cid kale la siiyo ayuu tu wal-ba u maray tiisii ayey noqotay caalamka oo dhan ayaa halkiisii ugu yimi Raysal Wasaaraha Itoobiya ayaa la idhi ugu tag Asmara adigu oo dhulkii dhulkii aad ku muranteena sii isagana talada ka qaado , wuxuu muujiyey inuu muraadkii uu dalkiisu lahaa halgan uu uga hadhi waayey ilaa cidii ku haysatay uu ku xukuntay.” Waxaanu intaasi ku daray Madaxweyne Biixi in qadiyada Somaliland ay ka sii adagtahay taa uu kasoo waramay ee Dalka Erateriya “Somaliland kaa wey ka sii adag tahay .”Ayuu yidhi Madaxweyne Biixi. Dhanka kalene Ismaaciil Xuseen Farjar, oo ka tirsan xarunta daraasaadka siyaasadda ee loo soo gaabiyo magaceeda CPA oo la hadlay Tv-ga goobjoog, ayaa ka haddlay weftigii ka socda Ereteriya ee Somaliland socdaalka ku yimi “Weftigan Erateriya marka aad eegtid sida uu sheegay Wasiirkooda war-faafintu laba ujeeddo ayaa ugu waa weynaa wax-yaabaha ay u yimadeen mid waxa weeye inay arrinta Somaliland dib u eegaan oo xidhiidh cusub ay bilaabaan, qodobka labaadna wuxuu ahaa is dhex-galka nabada ee Geeska Afrika ka socda .” Waxaanu Ismaaciil Xuseen Farjar xusay inuu is badel weyni uu ku yimi arragtidii siyaasadda Erateriya eek u aadanay Somaliland “Markaa marka aad eegtid safarkoodan ay ku yimadeen oo laba nin oo aad u cul-culus , marka laga eego arrimaha diblamaasiyadda ee dalka erateriya ay ku yimadeen Somaliland gaar ahaan la taliyaha gaarka ah ee Madaxweynaha eratariya ee Madaxweyne Isaias Afwerki iyo wasiirka Arrimaha debada,waxay muujinaysaa in is badel weyni uu ku yimi siyaasaddii dalka erateriya ee ku aadanay Somaliland , waayo waxaynu naqaanay in erateriya in badan aanay la dhacsanay Somaliland oo ay aad aragtideedu u jan-jeedhay dhinaca Somaaliya iyo is raacsanaanta dhul ahaaneed , Ismaaciil Xuseen Farjar oo haddalkiisa siiwata ayaa sheegay “hase ahaatee waxa muuqata iminka arrintan oo weliba arrinta xiisaha lihi ay tahay in aanay safarkoodu ahayn mid siyaasadeed oo keliya hase ahaatee uu xidhiidh cusub in la abuuro uu yahay , wax aka marag kacay muddo saddex maal-mood ah ayey Somaliland joogeen, waxay bookhdeen Jaamacadihii waxay bookhdeen xarumihii siyaasadda, waxay bookhdeen goobihii makhaayadaha caadiga ah magaalada dhinac walba wey dhex-qadeen taasi waxay muujinaysaa oo marag u tahay in erateriya ay wakhtigan ka go’antahay inay wax badan ka Badesho siyaasadoodii ku aadanay Somaliland, waxaad moodaa inuu baal cusubi uu u furmaay Xidhiidhka Somaliland iyo erateriya .”Ayuu yidhi Ismaaciil Xuseen Farjar Dhanka kanela Ismaaciil Xuseen Farjar ayaa sheegay inay Erateriya ay door ku yaalan doonto wada haddalada Somaliland iyo Soomaaliya,“Door mihiim ah ayey ku yeelan kartaa laba arrimood-ba mar erateriya waxay haatan xubin fir-fircoon ka tahay urur goboleedka IGAD , markaa IGAD-na waa dadka gobolka ee ugu dhow arrinta Soomaalida in go’aan laga gaadho , qodobla labaadna waxa weeye Erateriya waxay saxiib dhow wakhti dheer la’ahayd Soomaaliya oo Madaxweyne Farmaajona aad ayey iskugu dhow yihiin marka aad iminka eegtid siyaasadda erateriya xiligii inoogu dambaysay, markaa saamayn badan ayey ku yeelan kartaa .” Source

(SLT-Liibiya)-Dawladda Soomaaliya ayaa dalka dib ugu soo celisay dhalinyaro tahriibeyaal ah, kuwaasi oo muddo ku xanibnaa dalka Liibiya. Dhalinyaradaan oo gaadhaya 20-qof ayaa ka kooban 19-Rag ah iyo hal dumar ah, waxayna muddo ku xanibnaayeen dalka Liibiya, halkaasi oo ay ku heysteen kooxaha dadka qafaasha ee Magafeyaasha loo yaqaano. Masuuliyiinta Xafiiska Ergeyga gaarka ah ee xuquuqda carruurta iyo tahriibayaasha ee Xafiiska Ra’iisalwasaaraha Soomaaliya, kuwa hay’adda Qaxootiga Qaranka iyo guddiga dib usoo celinta tahriibayaasha ee Dawladda Soomaaliya ayaa si weyn garoonka diyaaradaha ee Muqdisho ugu soo dhaweeyey shalay dhalinyaradaan, iyadoo la geeyey xarunta hay’adda Qaxootiga Qaranka, si halkaasi howlahooda loogu dhammeeyo. Ergeyga gaarka ah ee xuquuqda carruurta iyo tahriibayaasha ee xafiiska Ra’iisalwasaaraha Soomaaliya Ambassador Maryan Yaasiin ayaa muddooyinkan dadaal weyn ugu jirtay siddii ay dib dalkooda ugu soo noqon lahaayeen tahriibayaasha Soomaaliyeed ee jooga dibadaha, iyadoo inta ay joogtay xafiiskan soo celisay dad badan oo isugu jiray maxaabiis iyo tahriibayaal Soomaaliyeed Source

(SLT-Washington)-Dowladda Mareykanka ayaa amar ku bixisay in dib loo eego ruqsadda duullimaadka diaayaradaha Boeing 737 Max 8 sida ay ku heleen. Go’aanka Mareykanka ayaa imanaya xilli ay 5 bilood gudahood laba diyaaradood oo nooca 737 Max 8 ay burbureen, iyada oo ay khubarada ku xeel dheer arrimaha duullimaadyada diyaaradaha ay sheegayaan iney labada shil waxyaaba badan ay isaga egyihiin. Wasiiradda gaadiidka Mareykanka Elaine Chao ayaa dambi baaraha guud ee Mareykanka ka dalbatay iney baaritaan ku sameeyaan sida loo bixiyey ruqsadda duullimaadka diyaaradahan. “Baarayaashana loo baahan yahay iney aad u baaraan habka uu u shaqeeyo duulista diyaaradda iyaga oo ka duulaya hadalka shirkadda Boeing ka soo yeeray ee ahaa cusbooneysiin ayuu u baahan yahay nidaamka duulista diyaaradaha noocan ah. Farriin qoraal ah oo wasiiradda Ms Chao u dirtay dambi baaraha guud Calvin Scoval waxay ku sheegtay iney dooneyso in wakaaladda duulimaadyada Federaalka ay ruqsadda duullimaadka diyaaradahaasi waddadii saxda ah ay u mareen in loo soo xaqiijiyo. Marki ay toddobaadkii hore burburtay diyaarad ay lahayd shirkadda diyaaradaha Itoobiya, bishi October ee kal horana ay sida oo kale burburtay diyaarad ay lahayd shirkadda Lion Air, waxay su’aal ka dhalatay sababata ay wakhti dheer ugu qaadatay in diyaaradaha 737 Max duullimaadyada laga joojiyo. Wakaaladda wararka ee Reuters waxay sida oo kale sheegtay wasaaradda caddaaladda Mareykanka iney billaawday iney wakaaladda duullimaadyada Mareykana ay su’aala hordhac ah oo la xidhiidha diyaaraddaha 737 Max ay ka weydiiso. Sida oo kale Europe iyo Canada waxay sheegeen iney u baahan yihiin iney ogaadaan badqabka diyaaradahaasi iyo in la adeegsan karo, iyada oo caalamka oo dhan ay ka imanayaan su’aala noocaasi oo diyaaradda la xidhiidha. Wakaaladda Ammaanka Duullimaadyada diyaaradaha ee Yurub EASA waxay ballan qaadday iney dib u eegeyso wixi laga beddeli karo naqshadaha diyaaradaha. “Waxayna sheegeen iney diyaaradaha 737 MAx 8 duullimaad u oggolaan doonin ilaa ay su’aalahooda jawaab waafi ah uga helaan dhanka shirkadda Boeing” ayuu yiri madaxa EASA Patrick Ky oo la hadlayey guddiga baarlamaanka Yurub. Laba shil ee diyaaradeed oo dhacay waxaa ku dhimatay 346 qof, iyada oo aan ilaa iyo hadda caddeymo shilalkaasi waxa sababay muujinaya la helin, iyada oo ay khubarada Faransiiska ee baartay sanduuqa madoow ee xogta diyaaradda burbrutay ee Itoobiya laga helay ay muujineyso labada shil ee diyaaradaha ku dhacay iney wax badan isaga eg yihiin. Shirkadda Boeing waxay sheegtay iney si buuxda ugala shaqeyneyso baaritaannada ay sameeynayaan baarayaasha ka socda dambi baaraha guud ee qaranka. Source

(SLT-Falastiin)-Wasaaradda Caafimaadka ee Maamulka Falastiin ayaa xaqiijiyey inay Ciiddanka Yuhuudda xalay toogteen Nin Flaastiin oo ku sugnaa meel ku dhow magaalladda Baytu-laxam ee Koonfurta Daanta Galbeed ee dhulka Falastiin. Marxuumka la dilay oo lagu magacaabi jirey Axmed Jamaal Maxamuud oo 26-jir ayaa la sheegay inuu ku dhex jiray gaarigiisa, kadib, markii ay Askarta Yuhuudda ku toogteen Jid-gooyo ay dhigteen waddada laga galo magaalladda Baytu-laxam. Toogashadaasi waxaa kaloo si xun loogu dhaawacay Nin kale oo Falastiini oo gaariga la saarnaa Marxuumka la dilay. Marxuumka lagu dilay Toogashadaasi ayaa la sheegay inuu ku geeriyooday Isbitaalka Bayt-jala, waana Marxuumkii 4-aad ee ay Askarta Yuhuudda dilaan labadi imaalmood ee la soo dhaafay. Habeenkii Talaadada waxay Askarta Yuhuudda siyaabo kala duwan toogasho ugu dileen 3 Dhallinyaro Falastiiniyiin ah. Source

(SLT-Abu Dhabi)-Ra’iisul Wasaaraha Itoobiya Abiy Ahmed ayaa gelinkii dambe ee shalay gaadhay magaalada Abu Dhabi ee Caasimadda Imaaraadka Carabta, maalin kaddib markii uu booqasho rasmi ah ku tagay dalka Qatar. Abiy Ahmed ayaa la kulmay Mohamed Bin Zayed oo ah Dhaxal Sugaha Imaaradda Abu Dhabi ahna Taliye kuxigeenka Ciidamada Qalabka sida ee Imaaraadka Intii uu socday wada hadalada labada hoggaamiye ayaa waxay dib u eegeen xiriirka saaxibtinimo iyo fursadaha dib loogu eegayo iskaashiga labada dal ee dhinacyada kala duwan, gaar ahaan horumarka, dhaqaalaha iyo maalgashiga. Labada hoggaamiye ayaa sidoo kale iswaydaarsaday aragtiyada ku saabsan arrimaha gobolka Geeska Afrika, walaaca dhowr arrimood iyo danaha labada dal ay wadaagaan. Ra’iisul Wasaaraha Itoobiya Abiy Ahmed ayaa hormuud ka ah is bedelada ka socda Gobolka Geeska Afrika, isagoo loo arko shaqsi isku heyn kara awoodaha iyo loolanka ka jira dalalka Khaliijka. Doraad ayay aheyd markii uu booqday magaalada Doxa ee dalka Qatar, halkaasoo uu kula kulmay Amiirka Qatar Sheekh Tamiim Al-Thani. Bishii July ee sanadkii hore ayay aheyd markii Ra’iisul Wasaaraha Itoobiya iyo Madaxweynaha Eritrea ay booqasho wadajir ku tageen magaalada Abu Dhabi, waxaana si wadajir loo guddoonsiiyay biladda ugu sareysa dalkaas, kaddib markii labada dal ay heshiis ka gaareen colaado u dhaxeeyay muddo 20 sano. Source

Jowhar (Caasimada Online)-Masuuliyiinta maamulka Hirshabeelle ayaa ka hadlay qalqalka dhanka amaanka ee kusoo kordhay deegaanada maamulkaasi oo ay ka baxeen ciidamada meletariga Soomaaliya. Madaxweyne ku xigeenka maamulka Hirshabeelle Cali Cabdullaahi Guudlaawe oo warbaahinta kula hadlayay magaalada Jowhar ayaa sheegay in ciidamada ay ka baxeen saldhigyo badan. Balse wuxuu cadeeyay in ciidamada deegaanada ay baneeyeen inay joogaan ciidamo ka tirsan Meletariga oo uu sheegay inay Mushaaraad qaateen iyo kuwo katirsan Howlgalka Nabad ilaalinta ee AMISOM. Cali Guudlaawe, ayaa beeniyay warar sheegaya in cabsi xoogan ay soo wajahday shacabka ku dhaqan degmada Jowhar, kadib markii ciidamada amaanka ay isaga baxeen saldhigyada hoostaga degmada Jowhar iyo Balcad. Balse waxaa jira qalqal amaan oo kusoo kordhay deegaanada ku yaala inta u dhaxeyso Balcad iyo Jowhar, maadaama saldhiyadii Qalimow iyo Garsaale ay kabaxeen ciidamada xooga dalka. Wuxuu sidoo kale wuxuu beeniyay in isaga uu qalqal amni darteed uu isaga baxay degmada Jowhar, waxaana uu sheegay in si qaldan loo farisay kormeer uu ku sameeyay xaafadaha magaalada Jowhar. Ciidamada dowladda Soomaaliya ee qaatay mushaaraadka ayuu sheegay inay wali xaqiijinayaan amaanka saldhigyada ciidamada ay baneeyeen islamarkaana aysan jirin qalqal amaan. https://www.caasimada.net/wp-content/uploads/2019/03/Cod-Guudlaawe.mp3Caasimada online Xafiiska Jowhar Caasimada@live.com

Kulan ka mid ah kulamada heerka labaad ee Sera (B) da horyaalka Kooxaha Jubbaland ayaa waxaa wada Ciyaaray kooxaha Koban Iyo Kaneva waxayna ciyaartaas ka dhacday garoonka Waamo. Ciyaar adag oo dhaxmartay labada kooxood ayan midna Shabaqeeda aan la soo taaban. waxayna ciyaarta kusoo dhamaatay Bar bardhac 0-0 ah Kulankaas waxaa usoo daawasho tagay qaar ka mid ah Xildhibaanada aqalka sare ee baarlamaanka Federaalka Ee Soomaaliya. Sanotar Cabdullaahi Sheekh Ismaaciil (Fartaag) iyo Sanotar Iftiin Xasan Iiman. Oo marwaliba garab taagan horumarka ciyaaraha Jubbaland, Halkan Ka Daawo Sawiradda Ciyaarata Kooxaha Kn Xaquuqada- Abdiqaadir Jaamac Gaboobe Source: goobjoog.com

Waxaa soo badanaya askarta ka tirsan xoogga dalka ee ka cabanaya mushaar la’aan muddo Afar bil ah. Ciidanka ka howlagala gobollada Sh/hoose iyo Sh/dhexe ayaa waxay sheegeen ineysan mushaar iyo raashiinba helin 4-tii bil ee lasoo dhaafay. Qaarkood waxay isaga soo baxeen furumihii ay ka joogeen gobolladaasi, iyadoo meelaha qaar ee ciidanku kasoo baxay la wareegeen Al-shabaab. Dr Xasan Sheekh Cali oo ah falanqeeye dhanka siyaasadda ah ayaa falanqeyn kala sameennay sababaha keenay arrintan iyo cidda mas’uuliyadda leh. Halkaan hoose ka daawo: Goobjoog News Source: goobjoog.com

Muqdisho (Caasimada Online)-Guddiga amniga iyo difaaca baarlamaanka Soomaaliya ayaa ka hadlay mushaaraadka la’aanta maalmahaan cabashada ay ka muujinayaan ciidamada xooga dalka. Xildhibaan Sadiiq Xersi Warfaa oo kamid ah xubnaha guddiga difaaca ayaa sheegay in ciidamada dowladda Soomaaliya uu ku socdo dib u habeyn, taasi oo qasabtay in ciidamo badan oo qaabab kala duwan dhaqaalo ku qaadan jiray lasoo saaray. Wuxuu sheegay in ciidamada laga soo dhex saaray dad magacyo badan dhaqaalo ku qaadan jiray, kuwaasi oo uu sheegay inay yihiin kuwo ugu badan ee cabashada muujinaya, sida uu hadalka u dhigay. Sidoo kale wuxuu cadeeyay in ciidamada dowladda ay yihiin kuwo xukuumadda hadda jirta ay ahmiyadda koowaad ay siiso, isaga oo sheegay in ciidamada ay qaataan lacagaha ugu horeeya ee dowladda. “Ciidamada waxaa ku socda dib u habeyn iyo in Tayadooda kor loo qaado, waxaana lasoo afjarayaa in lacago la iska qaato, xeryahooda ayaana lagu celinayaa, sidaad og tahay ahmiyadda koowaad waxaa ah ciidamada qaranka, iyaga ayaana la siiyaa lacagta koowaad”. “Waxaan taageersanahay in dib u habeyn lagu sameynayo ciidamada qaranka, waxaa socda dib u habeyn ciidamada qalabka sida lagu hayo, waxaana kuu sheegayaa in dhaqaalahasi ay qaateen ciidamada diiwaan gashan”ayuu yiri Mr Warfaa. Sidoo kale shalay waxaa sidaan oo kale cadeeyay in ciidamada lacagahooda qaataan wasiirka maaliyadda xukuumadda Soomaaliya C/raxmaan Ducaale Beyle, isaga oo sheegay in laga gudbayo waqtigii magacyada badan musharaadka lagu qaadan jiray. Caasimada Online Xafiiska Muqdisho Caasimada@live.com

Queensland (SMN)- Hooyo Soomaaliyeed oo kunool magaalada Queensland ee dalka Australia ayaa markale kasoo muqatay maxkamad ku taalla magaaladaasi. Haweenaydaan Soomaaliyed oo aan la shaacin magaceeda ayaa loo haystaa in ay ku xadugubtay caruur ay dhashay kadib markii labo gabdhoob oo ay dhashay ay u qaaday Soomaliya, si ay ugu soo samayso gudninka fircooniga oo dambi ka ah dalkaasi. Dacwad oogayaasha maxkamadda ayaa shegay in hooyadaasi Soomaliyeed ay jabisay mid kamida qawaaniinta u dagsan dalkaasi Australia sidoo kale ay ku guuldareyasatay waajibaadkii ay caruurteeda ku lahaayeen. Gabdhaha ay haweeneydan Soomaaliyeed ay keentay Soomaaliya ayaa da’dooda lagu sheegay in ay aheyd xiligaasi 10 iyo 13 jir,waxaana Soomaaliya la keenay bishii April ee sanadkii 2015-kii. qaliinka gudniinka fircooniga sida ay sheegeen xeer ilaalinta maxkamada. Ugu dambayntii maxkamada markale hooyadasi Soomaaliyed ku xukuntay 4 sano xabsi waxaa ayna ku guul dareystay racfaan ay horay uga qaadatay xukunka lagua riday. View the full article

Wararka ka imaanaya degaanka Balli-busle oo hoostaga degmada Jarriiban ee gobolka Mudug ayaa sheegaya in xalay 3 ruux oo xoola-dhaqataa lagu dilay nawaaxiga tuulada Xaafoodle oo u dhow Balli-busle. Xubno ka tirsan Ehelada dadka la laayay ayaa warbaahinta Puntland Post u sheegay in malayshiyaad hubaysan oo ka soo gudbay dhinaca Galmudug ay saqdii dhexe mireen (hurdada ku dileen) 3-da ruux oo kamid qoysaska reer guuraaga ah ee halkaasi deggan. Dadka la dilay oo rag ahaa ayaa la xaqiijiyay in dhammaantood ay hal qoys ka soojeedeen islamarkaana midkood uu adeer u ahaa 2-da kale. Qoyska mashaqada loo geystay ayaa dhowaan ka soo hayaamay dhanka degmada Towfiiq ee isla gobolka Mudug oo ay degaan ahaan ka soo jeedeen. Dhinaca kale guddoomiyihii degmada Towfiiq ee dowladda Puntland Maxamed Cabdulqaadir Axmed uu gurmad ahaan u soo aaday goobta dhibaatadu ka dhacday ayaa dhaawac ka soo gaaray rasaas gaarigiisa haleeshay. Rasaasta ayaa la sheegay in ay rideen dad reer guuraya oo ka shakiyay gaariga guddoomiyaha xilli uu ku socday halka mashaqadu ka dhacday. Dhaawaca guddoomiyaha ayaa haatan lagu dabiibayaa isbitaal ku yaalla magaalada Gaalkacyo ee xarunta gobolka Mudug. PUNTLAND POST The post Puntland: 3 ruux oo lagu dilay gobolka Mudug iyo guddoomiye degmo oo la dhaawacay appeared first on Puntland Post.

Dagaal xooggan oo u dhaxeeyey ciidanka dowladda federaalka Soomaaliya oo garab ka helaya kuwa AMISOM iyo Al-shabaab oo dhinac ah ayaa xalay ka dhacay deegaanka Buulo Mareer ee gobolka Shabellaha Hoose. Wararku ayaa waxay sheegayaan in Al-shabaab ay weerar ku qaadee saldhigyo ay ciidanka DFS iyo kuwa AMISOM ku lahaayeen deegaankaasi. Hal qof ayaa la xaqiijiyey in dagaalkaasi ku dhintey Labo kalena dhaawac ayaa kasoo gaaray sida ay inoo xaqiijiyeen dad halkaasi ku dhow. Dhinacyadii dagaallamay wax war ah kama aanay soo saarin dagaalkooda, maantana xaaladdu waxa ay tahay mid deggan. Goobjoog News Source: goobjoog.com

Muqdisho (SMN)- Wasiirka Ganacsiga iyo Warshadaha DFS Maxamed Cabdi Xayir Maareeye ayaa kahadlay Cabasho dhawaan ka soo yeertay qaar ka mid ah ganacsatada Somaliyeed ee dalka wax ka dhoofista. Wasiir Maareeye ayaa wasaarada maaliyadda ka dalbaday in canshuurta laga yareeyo ganacsatadaasi,ama loo sameeyo Canshuur dhaaf,maadama ay dadaal ugu jiraan in ay hormar ka sameeyaan dhoofinta dalagyada kala duwan ee dalka. Wasiirka Ganacsiga iyo Warshadaha DFS Maxamed Cabdi Xayir Maareeye ayaa hadalkaaan ka sheegay kulan looga hadlayay waxqabadka wasaarada maaliyada dowlada Somalia. Shalay ayey aheyd markii Muqdisho lagu qabtay kulan diirada lagu saaray howlqabadka wasaaradaha maaliyadda iyo ganacsiga ee xukuumadda Soomaaliya. View the full article

Muqdisho (SMN)- Sareeye Gaas Daahir Aadan Cilmi Indha Qarshe taliyaha ciidanka xooga dalka ayaa ugu baaqay in ay ku dedaalaan sugidda amaanka guud ahaan dalka,isagoo sheegay in shacabka Soomaaliyeed ay ka sugayaan horumar iyo nabad ku noolaasho. Taliyaha ciidanka xooga dalka ayaa sheegay in aan amni xumada laga bixi doonaan ilaa ciidamada xooga dalka ay wax ka bedalaan xaaladda amni ee hada uu dalka marayo. Sidoo kale Sareeye Gaas Daahir Aadan Cilmi Indha Qarshe ayaa tilmaamay in loo baahanyahay isbadal dhab ah oo laga sameeyo dhanka nabadda iyo amaanka,si loo gaaro hormar iyo barwaaqo uu ku tilaabsado dalka. Hadalka taliyaha ciidanka xooga dalka ayaa ku soo beegmaya xili maalin ka hor boqolaal ciidanka dowladda ah oo ka gadoodsan mushaar la’aan ay baneeyeen saldhigyo ay ku lahaayeen gobolks Shabeelaha Hoose. View the full article

Muqdisho (Caasimada Online)-General Yuusuf Maxamed Siyaad Indha cadde ayaa ka hadlay gadoodka ciidamada dowladda Soomaaliya ay sameynayeen maalmihii ugu dambeeyay, iyaga oo soo baneeyay saldhigyo dhowr ah. Gen Indha Cadde ayaa sheegay in ciidamadaasi ay yihiin kuwo sida ay sheegeen aanan qaadan wax mushaarad afartii bilood ee ugu dambeysay, waxaana uu sheegay inay taasi dhibaatadeeda leedahay. Wuxuu timaamay in loo baaban yahay in ciidamadaasi dib loo eegaa waxyaabaha ay ka gadoodeen, si marka saldhigyada ay baneeyaan aysan dib u qabsan Al Shabaab, maadaama waqti iyo dhaqaalo lagu bixiyay in Al Shabaab laga saaro deegaanada ay hadda kasoo baxayaan. Gadoodka ay sameeyeen Ciidamada dowladda ayuu sabab uga dhigay inay keentay hadaladii Ra’iisul Wasaare Kheyre iyo Wasiir kuxigeenka Wasaaradda Gaashaandhigga ee ahaa in aysan jirin ciidamo aan mushaar qaadanin. Madaxda dowladda Soomaaliya ayuu ugu baaqay inay wax ka badalaan hanaanka loola dhaqmayo ciidamada ku sugan farumaha dagaalka, maadaama ay waqti kale qaadan doonto in Al Shabaab lagula dagaalamo deegaano horey looga horeeyay. Ugu dambeyn Madaxda Dowladda ayuu ugu baaqay in Ciidamada, iyada oo la tirakoobayo la siiyo mushaarkooda iyo xaquuda kale ay leeyihiin, sidoo kalena dib loogu celiyo saldhigyadooda Ciidamadii gadooday. Hoos ka dhageyso wareysi uu bixiyay Gen Indha-Cadde. https://www.caasimada.net/wp-content/uploads/2019/03/Wareysi-Yuusuf-Indha-Cadde.mp3Caasimada Online Xafiiska Muqdisho Caasimada@Live.com

Gaalkacyo (SMN)- Madaxweynaha maamulka Galmudug Axmed Ducaale Geelle Xaaf ayaa magacaabay 10 degmo oo hoos tagi doona gobolada Galgaduud iyo Mudug. Warqad ka soo baxday madaxweyne Xaaf ayaa lagu xusay in soo jeedin ka timid dhinacyada kala duwan ee bulshada iyo horumarka dhaqaale ay ku tilaabsadeen,kadib loo magacaabay deegaanadaasi degmooyin. Deegaanada uu madaxweynaha Galmudug u magacaabay degmooyinka oo 10 ah ayaa 5 kamid ah waxay ka tirsanyihiin gobolka Mudug halka 5 kale ay hoos tagi doonaan gobolka Galgaduud ee maamulka Galmudug. Degmooyinka uu magacaabay madaxweyne Xaaf ee hoos imaan doona Galgaduud ayaa kala ah Guriceel,Godinlabe,baxdo,galnsoor iyo dhabad, dhanka gobolka Mudug degmooyinka cusub ee loo magacaabay ayaa kala ah Bandiiradleey,Bacaadweyne,Wisil Af barwaaqo iyo degmada Ceel Guula. View the full article

Muqdisho (SMN)- Dagaalkan oo soconayay mudo saacad ayaa ka dhacay deegaanka Buula Mareer oo hoostaga degmada Kuntuwaareey ee gobolka Shabeelaha Hoose,kadib markii dagaalyahano ka tirsan Al-shabaab ay weerar xoogan ku qaadeen fariisimo ciidanka dowladda iyo kuwa AMISOM ay ku leeyihiin gudaha deegaankaasi. Daryanka hubka culus iyo kuwa fudud oo ay is dhaafsanayeen dhinacyada dagaalamay ayaa laga maqlayay gudaha iyo hareeraha deegaanka Buulo Mareer . Inkastoo aan la ogeen qasaaraha ka dhashay dagaalkaasi ayaa hadana la soo sheegayaa in ay jirto qasaaro dhimasho iyo dhaawac oo soo kala gaaray dhinacyada,balse saakay ayaa guud ahaan waxaa dagan xaaladda deegaanka uu dagaalka ka dhacay. Al-shabaab ayaa la sheegay in ay gudaha u galeen deegaanka Buula Mareer inta uu dagaalka socday,balse dadka deegaanka ayaa laga soo xigtay in ay dib isaga laabteen dagaalyahanada Al-shabaab,kadib dagaalka. Ciidanka dowladda iyo kuwa AMISOM ayaa dhaqdhaqaaqyo ciidan saakay ka wada gudaha deegaanka Buula Mareer ee gobolka Shabeelaha Hoose,howlgaladaasi ayaana lagu xaqiijinayaa amaanka deegaanka uu weerarka ka dhacay. Saraakiisha Milatariga Soomaaliya iyo maamulka degmada Kuntuwaareey ayaa ka gaabsaday in ay faahfaahin ka bixiyaan dagaalkii xalay ka dhacay deegaanka Buula Mareer ee degmadaasi. View the full article

Click here Qaran News

Muqdisho (Caasimadda Online) – Wasiirka Ganacsiga Xukuumadda Soomaaliya Maxamed Cabdi Xayir Maareeye ayaa fahmi la’ shaqadii uu u dirsaday Ra’isulwasaaraha Soomaaliya Xasan Cali Kheyre. Wasiirka oo ay wasaaradiisa ku jirto xaalad u baahan badbaado iyo in laga joojiyo musuq maasuqa baahsan ee ka socdo ayaa ka hadlay Khilaafka ka taagan mushaaraadka Ciidamada Dowladda. Wasiir Maareeye ayaa ku eedeeyay inay gacmo qaran dumis ah sida uu yiri ku jiraan ciidamada oo diidan in la tiro koobo ciidamada, wuxuuna ku dooday inay jiraan ciidamo laba mushaar qaata oo ka hoteelada iyo Hay’addaha kale ee dowladda. Wasiirkan Ganacsiga oo aanay quseyn arrinta ciidamada ayaa difaacayey wasiirka Maaliyadda oo uu kasoo xigtay in ciidamada ay qaateen mushaarkooda. Wasiir Maareeye ayaa hanjabaad u diray Warbaahinta iyo Saraakiisha ciidamadad oo uu ku tilmaamay inay lacag ku qaateen sidii ay u buun buunin lahaayeen Ciidamada isaga soo baxay afaafka hore ee dagaalka kadib markii ay waayeen mushaaraadkooda. Hadalka Wasiir Maareeye ayaa kusoo aadayo xilli ganacsatada Soomaaliyeed ay dhibaato ku qabaan wasaaradda uu Wasiirka u yahay oo ay ka jirto musuq maasuq iyo Laaluush. Qofka u baahan inuu Wasaaradda ka helo waxyaabo la xiriiro ganacsigiisa ayaa Wasaaradda Ganacsiga kala kulmo dhibaato isugu jirto Laaluush iyo inaan loo qaban shaqadii uu wasaaradda uga baahnaa. Qaar ka tirsan Hey’adaha ka shaqeeyo Muqdisho iyo ganacsatada ayaa Caasimadda Online u sheegay inuu Wasiir Maareeye bil kasta ka qaato lacago baad ah si ay shaqadooda ugu sii socoto. Sidoo kale Wasiir Maareeye ayaa in ka badan 150 qof ka iibsaday si shaqsiyan ah Viisaha dalka Turkiga isagoo dadkaas u diiwaan geliyey inay ka qeyb galayaan shir ganacsi oo bilooyin ka hor ka dhacay Dalka Turkiga. Dadkaas ayaa qofkiiba wuxuu wasiirka ka qaatay 5 Kun oo Dollar sida uu Caasimadda Online u xaqiijiyey mid kamid ah dadkaas oo Tahriib ku galay dalka Gariiga. Dowladda Turkiga ayaa Wasaaradda Ganacsiga ka joojisay inay hadda kadib wafdi usoo dirto shirarka ganacsi ee dalkaas ka dhaco maadaama 150-kii qof ee dhawaan halkaas la geeyey aysan ka qeybgelin shirka sababtana waxay aheyd dadkaas oo dhammaantood ahaa kuwa rabo inay Wadamada Yurub usii tahriibaan. Qaar ka tirsan Ganacsatada Soomaaliyeed ayaa dacwad ka dhan ah Wasiir Maareeye u gudbiyey Ra’isulwasaaraha Soomaaliya Xasan Cali Kheyre kadib markii ay xoogeysatay musuq maasuqa ka socdo Wasaaradda Ganacsiga. Waxaa wax lala yaabo ah inuu Wasiir Maareeye ka hadlo arrimo aan khuseyn oo dhanka Ciidamada iyo mushaaraadka ah iyadoo ay xaaladaan halista ah ku jirto Wasaaradda Ganacsiga ee Xukuumadda Soomaaliya. Caasimadda Online ayaa dhawaan idiin soo bandhigi doonto Documentiyo muujinayo musuq maasuqa baahsan ee ka jiro wasaaradda Ganacsiga. Caasimada Online Xafiiska London Caasimada@live.com

Muqdisho (SMN) – Halkaan ka Dhageyso Warka Subax ee Idaacadda Shabelle. Hoos riix si aad u Dhageysato:- https://www.radioshabelle.com/wp-content/uploads/2019/03/Warka-Subax-21032019.mp3 View the full article

Madaxweynaha dowlad goboleedka Galmudug Axmed Ducaale Geelle (Xaaf) ayaa magacaabay degmooyin cusub oo ka kala tirsan gobolada Mudug iyo Galgaduud. Dikreeto ka soo baxday xafiiska madaxweynaha Galmudug ayaa lagu magacaabay 10 degmo oo 5 kamid ah ka tirsanyihiin gobolka Mudug halka 5 kalena ka tirsan yihiin gobolka Galgaduud. Sida dikreetada ku cad degmooyinka la magacaabay ee gobolka Mudug waxay kala yihiin Bandiiradley Bacadweyne Wisil Afbarwaaqo iyo Ceel-guul. Dhinaca gobolka Galgaduud madaxweyne Xaaf wuxuu degmooyin u magacaabay Guriceel Baxdo Godinlabe Galinsoor iyo Dhabbad. PUNTLAND POST The post Madaxweynaha Galmudug oo magacaabay degmooyin cusub appeared first on Puntland Post.

Muqdisho (Caasimada Online) – Saraakiil ka tirsan Ciidamada Booliiska Soomaaliya iyo Shaqaalo ka tirsan Guddiga Shaqaalaha Rayidka ayaa Caasimada Online u xaqiijiyay in la helay xog ku aadan in Al-shabaab ay qorshaynayaan in ay soo weeraraan dhismaha Guriga Hooyooyinka iyo maqaayadda The village oo hore dhowr jeer loo weeraray. Saraakiisha Booliiska Soomaaliya ayaa Caasimada Online u sheegay in qof ka tirsan Shaqaalaha Wasaaradaha dowladda oo ku shaqeeya Guriga Hooyooyinka ay Al-Shabaab la soo xariirayn una sheegay in uu naftiisa uu ku badbaadin karo oo kaliya in uu bixiyo xog ku aadan sida loo weerari karo dhismaha Guriga Hooyooyinka. Dadka aan la hadalnay ayaa sidoo kale sheegay in qofkaan laga dalbaday in uu u fududeeyo rag katirsan Maleeshiyada Al-Shabaab in ay galaan guriga hooyooyinka si ay u soo fahmaan dhismaha oo guri aad u luuq-luuqyo badan oo hadii ay galaan aan laga saari karin ilaa Guriga la baabi’iyo. Qofkaan katirsan Shaqalaha Dowladda oo aad loo cabsi geliyay ayaa maalin kahor ka baxay magaalada Muqdisho waxa uuna si deg deg ah ugu safray Jabuuti, ayada oo la sheegay markii uu dalka ka baxay in uu xogtaan la wadaagay hey’adaha amaanka Soomaaliya, si uu dad kale u bad-baadiyo. Warar kale oo ay heshay Caasimada Online ayaa sheegaya in aad loo adkeeyay amaanka Guriga Hooyooyinka, waxaana la xiray wadooyinka qaar ee soo gala iyo kuwa ka baxa, sidoo kale waxaa la xiray mid kamid ah albaabada maqaayada The Village, iyadoo dadka lagu war-geliyay in ay taxadaraan. Dadka ku sugan dhismaha Hooyooyinka iyo maqaayadda The village oo u badan shaqaale Dowladeed iyo Wariyaal ayaa loo sheegay in ay feejignaan galaan waxaana la kordhiyay Ciidamada ilaalada ah ee la dhigay agagaarka dhismahaasi. Caasimada Online Xafiiska Muqdisho Caasimada@live.com

Qaran News