Garowe (Caasimada Online)-Maamulka Puntland ayaa dib ugu celiyay magaalada Addis Ababa ee dalka Ethiopia ku dhawaad 50 ruux oo muhaajiriin ahaa kuwaasi oo si iskood ah isku diiwaan geliyay in dib loogu celiyo dalkooda. Wasaaradda arrimaha gudaha ee Puntland ayaa shaacisay in dadkaasi dalkooda dib loogu celiyay, kadib markii ay dalbadeen in la celiyo, waxana laga dhoofiyay magaalada Boosaaso ee gobolka Bari. Puntland ayaa sheegtay in dhamaan dadkaasi la marsiiyay nidaamka caalamiga ah ee dib u celinta Muhaajiriinta, islamarkaana iyaga oo raali ah laga celiyay garoonka diyaaradaha ee magaalada Boosaaso. Waxay ka koobnaayeen Rag, Dumar iyo Caruur tiro ahaan gaarayay 50 ruux, sida masuuliyiinta wasaaradda arrimaha gudaha ay warbaahinta u sheegeen. Muhaajireentaan u dhalatay Ethiopia ayaa ka xoogsan jiray gudaha Puntland sida ay sheegtay wasaarada arimaha Gudaha, haatana waxay codsadeen in dalkooda dib loogu celiyo sidaasna ay u dhoofeen. Puntland ayaa tan iyo horraantii sannadkan bilowday, dib u celinta soogalootiga Ethiopian-ka ee u badan qowmiyadda Oromada, balse dhinaca kale muhaajiriinta Oromada ayaa weli ku soo galaya gudaha Puntland.

Eritrea has deployed troops to along the border area with Sudan whose long time leader, al-Bashir, was deposed in a military coup and subsequently arrested, according to Eritrean Press(EP) report on Thursday. The source also added that Eritrea has denied entry for non-Eritreans along the Omhajer-Humera border crossings which was opened this year. It is unclear why Eritrea is now closing its door but EP reported that the restrictions are only from the Eritrean side which means that Eritreans entry to Ethiopia is not restricted by the Ethiopian government. Ethiopia and Eritrea are expected to sign a comprehensive agreement in a range of areas. Ethiopian state media outlets did not report about the recent development along Omhajer-Humera border at this writing. Source borkena Qaran News

Somaliland: President Muse Bihi On A Brief Visit To UAE Dubai, (Qaran news)-The Somaliland President Muse Bihi is currently on a brief visit to the United Arab Emirates. The visit is expected to last a few days and will include discussion with Emirate officials on areas of mutual interest. According to informed sources, President Muse Bihi will conclude agreements pertaining to the UAE military base in Berbera, which is almost completed and scheduled to be opened around the middle of this year. Other areas of discussion include the recently inaugurated Berbera Corridor and the continuing development of the Berbera port. The President was accompanied by the Somaliland Foreign Minister, Prof. Yasin Mohamud Haji Hir “Faraton”, other senior officials. Qaran News

G/dhexe Axmed Abshir Axmed (jaraale) Warbaahinta Puntland Post ayaa ogaatay in xabsi-guri la geliyay taliye xigeenkii hore ee Booliiska gobolka Bari, G/dhexe Axmed Abshir Axmed (jaraale) oo sida la sheegay ku eedaysan arrima kala duwan. Ciidamo ka tirsan Booliiska Puntland ayaa maalmo ka hor weeraray guriga sarkaalkan oo lagu eedaynayo in uu hub dowladdu leedahay gurigiisa geystay mudadii uu xillka hayey, iyo sidoo kale in uu hub sharci-darro ah la soo degay, sida ay sheegeen saraakiil ciidan. Wasiiro ka tirsan xukuumadda Puntland, taliyaal ciidan, siyaasiyiin iyo waxgarad ayaa ku guulaystay in ay kala qaadan ilaalada sarkaalkan iyo ciidamo Booliis ah oo gurigiisa hareereeyay,iyadoo ay rasaas is weydaarsadeen labada dhinac balse aan wax khasaare ah ka dhalan. Guddi dhex-dhexaad ah oo arrintan loo saaray ayaa la sheegayaa in ay guriga sarkaalkan ka heleen ilaa 30 qori oo isagu sheegtay in uu leehay, balse waa lagala wareegay, waxaana lagu amray mudada baaritaanku socdo in uusan gurigiisa ka bixi Karin. Dhinaca kale, waxay ku soo aadday laba maalmood kadib markii dowladda Puntland mamnuucday, soo dejinta, dhoofinta, iyo ka ganacsiga hubka noocyadiisa kala duwan iyo agabka ciidamada, islamarkaana amartay in aan wax hub ah lala geli Karin garoomada diyaaradaha iyo dekedda magaaalada Boosaaso. Xubno ka tirsan guddiga hawshan ku jira ayaa warbaahinta Puntland Post u sheegay in weli uu socdo baaritaan la xiriira arrimaha lagu eedeyanayo G/dhexe Jaraale oo hore u soo noqday taliye ku xigeenka ahna, ku simaha taliyaha Booliiska gobolka Bari ka hor intaan xilka laga qaadin 23 Maarso ee sannadkan. PUNTLAND POST The post Puntland: Sarkaal ciidan oo xabsi-guri la geliyay appeared first on Puntland Post.

Muqdisho (SMN):–Ra’iisul wasaaraha xukuumadda federaalka Soomaaliya (XFS), mudane Xasan Cali Khayre ayaa ayaa shalay guddoomiyay shirka golaha wasiirrada oo lagu ansixiyay Sharciga Jaan-goynta iyo Tayo-dhowrka Soomaaliyeed. Golaha ayaa cod aqlabiyad leh ku meel mariyay sharcigaan oo ay usoo gudbisay wasaaradda warshadaha iyo ganacsiga Soomaaliyeed. Sharciga Jaan-goynta iyo Tayo-dhowrka Soomaaliyeed oo laga soo aruuriyay sharciyadii iyo xeerarkii dalka ee tayo-dhowrka dalka, horumarinna lagu sameeyay ayaa la gaarsiiyay habka caalamiga ah ee tayo-dhawrka. Ujeedada sharciga ayaa ah in horumarin lagu sameeyo siyaasadda Jaan-goynta iyo tayo-dhowrka qaranka, in la dhowro xeer nidaaminta tayada lagu maamulo tayada badeecada iyo adeegyada, in uu ilaaliyo bad-qabka bulshada iyo in lagu dhiso hay’adda tayo-dhowrka Soomaaliyeed. View the full article

Muqdisho (PP) ─ Duqa Muqdisho Ahna Guddoomiyaha Gobolka Banaadir C/raxmaan Cumar Cusmaan (Eng. Yarisow) ayaa abaalmarin guddoonsiiyey Shacabka, Maamulka iyo Booliiska Warta Nabada oo gacan ku siiyey Ciidanka Ammaanka soo qabashada dhagarqabe Bombo tuuray. Guddoomiyaha ayaa ku ammaanay shacabka kaalinta wanaagsan ee ka qaadanayaan sugidda amniga, isagoo xusay in abaalmarintan ay ugu talagaleen in lagu dhiirigaliyo bulshada maadaama ay ka soo baxeen kaalintooda ku addan nabadgelyada. “Qof walba oo gacan ka geystay soo qabashada argagixisada waxuu mudan yahay abaalmarin, bacdamaa ay badbaadiyeen nafta muwaadiniinta Soomaaliyeed, tani waa bilow waxaana ku dhiirigelinayaa shacabku inay qaataan doorkooda sugidda amniga fartana ku fiiqaan dadka dhagarta u maleegaya”. Eng. Yarisow ayaa ugu baaqay Ciidanka ammaanka in shacabka saaxiib lala noqdo, si ay ugu kalsoonaadaan ciidanka loona helo wadashaqay buuxda, taasoo qeyb ka qaadanaysa in ciidanku ay helaan xogaha dhagarqabayaasha ku dhex dhuumanaya shacabka. Ra’iisul Wasaare ku-xigeenka dalka Mudane Mahdi Maxamed Guuuleed (Khadar) oo munaasabadda abaalmarinta hadal ka jeediyey ayaa sheegay in isku xirnaanta shacabka iyo Boolisku ay muhiim u tahay sugidda ammaanka Caasimadda, waxuna uga mahadceliyey shacabka Degmada Warta-Nabadda wada-shaqeynta dhow ee la leeyihiin Ciidanka Booliska. Ugu dambeyn, Munaasabaddan oo bilad sharaf lagu guddoonsiinayey dadkii kaalinta ka qaatay soo qabashada dhagar-qabaha Bombada tuuray ayaa waxaa ka soo qeyb galay Taliyeyaasha Ciidanka, Guddoomiye ku-xigeenka Maamulka iyo Maaliyadda Gobolka Banaadir iyo masuuliyiin kale oo heer Qaran iyo heer gobol ah. PUNTLAND POST The post Maamulka iyo Dadweynaha Degmo ka tirsan Muqisho oo la guddoonsiiyay Abaal-marino appeared first on Puntland Post.

Muqdisho (PP) ─ Taliyihii hore ee Qeybta 27-aad ee xoogga Somalia, Jen. Jeneral Maxamuud Maxamed Macalin [Koronto] ayaa ka hadlay xaaladihii ugu dambeeyey ee magaalada Muqdisho iyo hadal ay jeediyeen Cali Maxamed Geedi ra’iisal wasaarihii hore ee Soomaaliya iyo Salaad Cali Jeelle. Jen. Koronto ayaa waxa uu ku tilmaamay Cali Maxamed Geedi iyo Salaad Cali Jeelle kuwo aan matalin shacabka magaalada Muqdisho. Jen Koronto ayaa sheegay in Siyaasiyiinta u hadlay dowladda aanay aheyn dad matala dadka Banaadir ee ay yihiin kuwo horay u kala qeybiyay dadka oo taariikhdooda la haayo. “Cali Maxamed Geedi iyo Salaad Cali Jeelle waa nimanka kala qeybiyay dadka Banaadir oo horay uga soo fashilmay dalka inay maanta dowladda u hadlaan waa nasiib darro, dadkaas Banaadir kuma qancaan inay ku hadlaan oo ay ku soo horkacaan, waxay abuureysa waxyaabo horay loo iloobay in la soo xusuusto, Madaxweynaha waxaa loo qaadanayaa inuu raalli ka yahay, nimankaas mama talaan dadka Banaadir waa dad taariikhdooda qoran tahay oo dhibaatooyin u geystay dadkaan,” ayuu yiri Jen. Koronto. Isagoo sii hadlaya ayuu intaas ku daray. “Waxa uu ku dhashay Madaxweyne Farmaajo magaalada Muqdisho,waxaa lagu dhex doortay Muqdisho waa Madaxweynihii ugu nasiib badnaa waana Muqdushaawi.” Sidoo kale, mar uu ka hadlayay waajibaadka Madaxweynaha Somalia ayuu sheegay in Madaxweynaha loo dhiibay Baarlamaan dhisan iyo ciidan dhisan, ayna habboon tahay inuu isku hayo Baarlamaanka iyo ciidamadaba uuna ka soo baxo godka uu isku qarinayo. “Talo ayaan u soo jeedinayaa Madaxweynaha oo ah in uu soo farogeliyo khilaafka ka dhex jira Baarlamaanka iyo ciidamada Qaranka oo lagu tilmaamay qabiil,” hadalkiisa ku daray Jeneraalka. Wuxuuna raaciyay. “Madaxweynaha waa taliyaha guud ee qaranka waxaana ciidanka maamulaya dad kale oo aan sharci u haysan.” Ugu dambeyn, Jen Koronto ayaa sidoo kale waxa uu ka shirkiisa jaraa’id ku soo qaaday culummaa’uddiin ka hadashay banaanbax la sheegay inuu ka dhacayo Muqdisho iyo weliba qaar kamid ah duubabka dhaqanka. Haddaba, DHAGEYSO: Hadalka Jen. Maxamuud Maxamed Macallin Koronto https://puntlandpost.net/wp-content/uploads/2019/04/Jeneraal_Koronto_Muqdisho_Somalia.mp3 PUNTLAND POST The post Jeneraal jawaab kulul ka bixiay hadal kasoo yeeray Ra’iisul wasaarihii hore ee Soomaaliya appeared first on Puntland Post.

Baay (SMN):–Maxkamadda Xarakada Alshabaab ee Deegaanada ay kaga sugan yihiin Gobolada Baay iyo Bakool ayaa xukun ku fulisay Ruux ay Maxkamadu ku eedeysay in uu kufsi ugeystay qof dumar ah. Fagaare kuyaal deegaanka Dalandoolle ee gobolka Baay ayaa shalay gelinkii dambe lagu Tacziiray wiil 16 sana jir ah oo lagu magacaabo Ibraahim Nuuroow Isxaaq. Qaadiga Maxkamadda oo xukunka goob fagaare ah ka akhrinayay ayaa sheegay in Ibraahim oo aan horay guur soomarin uu kufsaday mid kamida dumarka ku dhaqan deegaanka Dalandoole. Ninkanay Alshabaabku ku eedeyeen falka Zinada ah ayaa lagu dhuftay 100 Jeydal waxaana laga masaafuriyay deegaankii uu falka Zinada ah ka geystay. Maxkamadaha Alshabaab ayaa inta badan Xukuno kala duwan ku fuliya dad ay usoo qabtaan eedeymo kala duwan, iyagoo inta badan Xukunadaasi ku fuliya goobo fagaare ah oo la iskugu keeno Dadweyne farabadan. View the full article

Muqdisho (SMN):–Wasiirka Arrimaha Dibadda iyo Iskaashiga Caalamiga, Mudane Danjire Axmed Ciise Cawad ayaa Khamiistii kula kulmay Magaalada Qaahira dhiggiisa Masar Mudane Sameh Shoukry. Wadahadalka ayaa intiisa badan diiradda lagu saarray xiriirka walaalnimo iyo iskaashiga u dhexeeya Soomaaliya iyo Masar iyo habkii lagu xoojin lahaa, laguna horumarin lahaa dhinac waliba oo u adeegaya danaha labada dal iyo labada shacab ee walaalaha ah, waxa ayna is dhaafsadeen aragtiyadooda dhacdooyinka iyo horumarka gobolka iyo dunida. Kadib markii uu idlaaday wadahadalka ballaaran, waxaa saxiixa lagu duugay seddex heshiis is afgarad oo ay ka mid yihiin abuuridda hab wadatashi siyaasadeed oo heer wasiir arrimo dibadeed oo labada dal ah, yagleelidda guddi wadaag ah oo ay hoggaamiyaan labada wasiir arrimo dibadeed iyo iskaashiga labada machad ee daraasaadka diblomaasiyadda Soomaaliya iyo Masar. View the full article

Madaxda Soomaaliya oo uu hogaaminayo Madaxweynaha Dowlada Puntland Saciid Cabdullaahi Dani ayaa kulan uga furmayaa Magaalada Nairobi, kulankasoo lagu waday inuu dhaco Sabtida beri ahsyaa [...] Source

Muhaajiriintii shalay la celiyay 18 April 2019 Boosaaso Wasaaradda arrimaha gudaha dowladda Puntland ayaa shalay dib u celisay in ka badan 50 ruux oo muhaajiriin Ethiopian ah, kadib markii ay iskood isu’ diiwaan-geliyeen in dalkooda lagu celiyo. Dadkan ayaa laga dhoofiyay garoonka diyaaradaha caalamiga ah ee magaalada Boosaaso, waxaana laga dejiyay magaalada Addis Ababa ee xarunta dalka Ethiopia, sida ay sheegtay wasaaradda arrimaha gudaha Puntland. Wasaaradda ayaa sheegtay in dadkan oo ka koobnaa rag, dumar iyo carruur, la mariyay nidaamka caalamiga ah ee dib u celinta muhaajiriinta, islamarkaana ay dhammaantood raalli ku ahaayeen in dalkooda loo celiyo. Puntland ayaa tan iyo horraantii sannadkan bilowday, dib u celinta soogalootiga Ethiopian-ka ee u badan qowmiyadda Oromada, balse dhinaca kale muhaajiriinta Oromada ayaa weli ku soo qul-qulaya gudaha Puntland. PUNTLAND POST The post Puntland oo dib u celisay muhaajiriin Ethiopian ah appeared first on Puntland Post.

Nairobi (Caasimada Online)-Magaalada Nairobi ee dalka Kenya Waxaa ku sugan madaxweynayaasha maamulada Galmudug iyo Jubbaland, waxaana ay halkaasi ka wadaan abaabul iyo kulamo kala duwan. Kulamada masuuliyiintaan ayaa waxaa qeyb ka ah kulamo ay la qaadanayaan madaxda wadamada caalamka oo ku sugan magaalada Nairobi, waxaana doorweyn ku leh arintaan hogaanka dowladda Kenya. Madaxda maamulada Hirshabeelle, Koofur Galbeed iyo Puntland ayaa la filayaa inay ku biiraan kulamada ka dhacaya magaalada Nairobi ee dalka Kenya, waxaana ay kulamo la qaadanayaan beesha caalamka. Warar aan heleyno ayaa sheegaya in madaxda maamul goboleedyada ay kulamo ku yeelan doonaan magaalada Nairobi ee dalka Kenya, waxaana kulamadaasi ay walaac badan ay gelliyeen madaxda dowladda. Dhamaan madaxda maamul goboleedyada hadda wax xiriir wanaagsan ah kalama dhaxeeya madaxda dowladda Soomaaliya, marka laga reebo hogaanka Koofur Galbeed, waxaana ugu dambeeyay madaxweyne Axmed Madoobe oo maalmo ku sugnaa magaalada Muqdisho oo xiriir isku soo dhawaansho la sameeyay madaxda dowlada. Axmed Madoobe ayaa Isniintii safar aan horey loo shaacin kaga duulay magaalada Kismaayo isaga oo gaaray magaalada Nairobi, waxaana lagu waramayaa in Axmed Madoobe uu walaac badan ka muujinayo dhaqan gelinta heshiisyadii uu la galay dowladda Soomaaliya. Madaxweyne Waare ayaa meel cidla ah kusoo dhacay, kadib markii loo dhaqan gelin waayay heshiisyo badan oo uu la galay dowladda Soomaaliya, waxaana hadda aad u sii xumaanaya xiriirka kala dhaxeeya dowladda. Sidaasi oo kale waxaa xumaaday xiriirka Puntland iyo dowladda, kadib markii madaxweyne Deni uu ka carooday in shir abaabulkiisa ay lahaayeen oo ka dhici lahaa magaalada Garowe loo wareejiyay Muqdisho, kaasi oo ugu dambeyn baaqday. Madaxweynaha Koofur Galbeed oo kaliya ayaa xiriir uu kala dhaxeeyaa dowladda Soomaaliya, maadaama iyaga ay geeyeen magaalada Baydhabo,halkaasi oo ugu dambeyn lagu doortay. Walaaca ugu badan ee shirka Nairobi laga muujinayo ayaa ah in madaxda maamul goboleedyada ay ku midoobaan markale, islamarkaana sanadaha u haray dowladda dhexe ay sameystaan isbaheysi cusub. Walaaca kale ee laga qabo ayaa ah inay xiriir toos ah la sameystaan madaxda ay la kulmayaan, si ay kaga maarmaan dowladda Soomaaliya. Caasimada Online Xafiiska Muqdisho Caasimada@live.com

Muqdisho (Caasimada Online)-Laamaha amaanka dowladda Somaaliya ayaa wali baadi goobaha dadkii ka dambeeyay dil wadareed dad rayid ah loogu geystay magaalada Muqdisho labo habeen ka hor. Dilka ayaa waxaa ka dambeeyay Kooxo hubeysan oo la sheegay in aano qabiil ay kala dhaxeysay dadka lagu laayay degmada Wadajir ee gobolka Banaadir, waxaana wali ciidamada amaanka aysan soo qaban dadkii ka dambeeyay. Afhayeenka maamulka Gobolka Banaadir ayaa xaqiijiyay inaysan wali gacanta kusoo dhigin dadkii ka dambeeyay dilka dadka rayidka ah, balse laamaha amaanka ay ku howlan yihiin sidii dadkaasi loosoo qaban lahaa. Afhayeenka wuxuu sidoo kale sheegay in dadka dilka fuliyay markii ay falka geysteen inay ka baxsadeen Magaalada, waxaana loo malaynayaa inay u baxeen dhanka gobolka SHabeelaha Hoose. Ehelada dadka lagu laayay degmada Wadajir ayaa xaqiijiyay in falka uu la xiriiro aano qabiil oo ka dhacday gobolka Shabeelaha Hoose, waxaana falkaan uu noqonayaa mid saameyn ku reebay dadka ehelkooda la laayay. Dowladda Soomaaliya wali wax war ah kama aysan soo saarin sida ay qoraalka kaga soo saareen dadkii bajaajlayaasha ahaa oo iyaga oo banaanbaxaya laga xeray degmada Howlwadaag ee gobolka Banaadir. Hay’adaha amniga ayaa ku howlan sidii dadkaasi loosoo qaban lahaa, waxaana xalay baaritaano laga sameeyay degmada Wadajir ee gobolka Banaadir. Caasimada Online Xafiiska Muqdisho Caasimada@live.com

Muqdisho (Caasimada Online) – Xildhibaan Mahad Salaad ayaa qoraal uu soo dhigay facebook ku weeraray Sheekh Nuur Baaruud oo ka mid ah taageerayaasha dowladda, isaga oo ku eedeeyey inuu ka aamuso dhibaatooyinka ay dowladda ku hayso shacabka iyo xadgudubyada ay gaysato. Hoos ka aqriso qoraalka. SHEEKH NUUR BAARUUD WALI KAMA HADLIN: 1. Dhiibistii Cabdi Kariim Sheekh Muuse (Qalbi Dhagax). 2. Kumanaanka shacabka ah ee sida joogtada ah maalin walba loogu xasuuqayo magaalada Mogadishu. 3. Canshuurta laga qaado islaanta yaanyada suuqa ku gada ee lagu laaluushayo dad hoteelo jiifa ee aan shaqo dowladeed haynin! FG: Sheekh Nuur wuxuu kamid ahaa shaqsiyaadka ku qornaa liiska lacag bixinta Bangiga Dhaxe usoo gudbiyay Guddiga Maaliyadda Golaha Shacabka ee lacago aan la sheegin waxa ay yihiin iyo sababta loo bixiyo bil walba lagu siiyo dad isugu jira siyaasiin, culimo, odoyaal iyo dhalinyaro aan xilal dowladda ka hayn lkn baraha bulshada ka difaaca Nabad iyo Nolol! Haddaba, cidii shaki uga jiray Sheekh Nuur, waa kaasaa maanta Telefishinka qaranka lasoo taagan qabyaalada iyo kala qaybinta bulshada reer Mogadishu ee si fiican ha u arkeen. Sheekha cayn meyno, ceebayna meyno ee waxaan ugu duceynaynaa ducadii Rasuulkeena NNKH: اللَّهُمَّ إِنِّي أَعُوذُ بِكَ مِنْ عِلْمٍ لَا يَنْفَعُ وَمِنْ قَلْبٍ لَا يَخْشَعُ وَمِنْ نَفْسٍ لَا تَشْبَعُ. Ilaahow waxaan kaa magan galnay Cilmi aan lagu faa’iidin. Qalbi aan cabsan iyo Naf aan dhergin. Aamiin. Mahadsanidiin. Hon. Mahad Salad

Muqdisho (Caasimada Online) – Qaar ka mid ah Madaxda maamul goboleedyadda ayaa diiday in ay ka qeyb galaan Shirkii Madaxweynaha Soomaaliya Maxamed Cabdullaahi Farmaajo uu ku dhawaaqay in uu Muqdisho ka furmo maanta oo ah 19-ka bisha April. Qaar ka mid ah Madaxda maamul goboleedyadda ayaa la sheegay in ay diideen in ay aqbalaan Casuumadda uu u diray qaarkood, waxaana ay ku xireen Shuruud. Madaxda maamul goboleedyadda Galmudug, Jubbaland iyo Puntland ayaa hadda ku kala sugan Nairobi iyo Dubai, waxaana muuqata in uu baaqday Shirkii lagu waday in uu dhaco maanta. Ilo ku dhow Madaxda maamul goboleedyada ayaa sheegay in shirka ay iska diideen Madaxda Puntland iyo Galmudug. Madaxweynaha Galmudug Axmed Ducaalle Geelle Xaaf ayaa Shuruud ku xiray in uu ka qeyb galo Shirka, waxaana Galmudug ay sheegtay in aysan shirkaasi ka qeyb gali doonin, Maadaama horay aan loo fulin heshiisyaddii lagu gaaray Garowe bilowgii Sanadkaan. Madaxweynaha Puntland ayaa sidoo kale ka biya diiday in shirkaan Garowe laga soo wareejiyo oo Muqdisho lagu qabto Maadaama horay uu ballanku ahaa in lagu qabto Kulanka Garowe oo la iclaamiyay bilowgii Sanadkaan. Ma cadda in shirka dib loo waqtiyeyn doono iyo inuu sidaas ku fashilmay. Caasimada Online Xafiiska Muqdisho Caasimada@live.com

Hargeysa (Caasimada Online) ― Wararka ay Caasimada Online ka helayso caasimada dalka Imaaraadka ee Abu Dhabi ayaa sheegaya in xalay ay halkaas kulan ku yeeshen Madaxweynayaasha Somaliland iyo Puntland, Muuse Biixi iyo Saciid Deni. Kulanka ayaa ka dhacay Hotelka Ascott Park ee magaalada Dubai, sida ay Caasimada Online u xaqiijiyen ilo lagu kalsoon yahay. Wararka aan helayno ayaa sidoo kale sheegaya in Biixi iyo Deni ay kawada hadleen xiisada colaadeed ee ka dhex taagan labada Maamul, iyagoo isku afgartayna inay ilaaliyan heshiiska xabad joojinta iyo in laga fogaado waxkasta oo markale colaad ka abuuri kara labada dhinaca. Dowladda Imaaraadka Carabta ayaa maalmihii la soo dhaafay ku howlanayd oo diyaarinaysay qorshahan ay xalay ku kulmeen Madaxweynaha Somaliland Biixi iyo dhigiisa Puntland Deni. Kulankan ayaa ahaa mid qarsoodi ah, oo ilaa hadda aysan cadeyn arrimaha kale ee ay kawada hadleen Labadan Madaxweyne, iyada oo ay jiraan kulamo kale oo ay u balameen si ay uga wada-hadlaan sidii loo sii xoojin lahaa nabad waarta. Wixii kasoo kordha Kulankan kala soco Caasimada Online Caasimada Online Xafiiska Hargeysa Caasimada@live.com

Qaran News

Wasaaradda Tamarta, Macdanta iyo Biyaha dowlada Puntland ayaa waxay war kasoo saartay shirarka looga hadlayo shidaalka iyo kheyraadka dalka Soomaaliya. Sidda ku cad war-saxaafadeed ku taariikheysan 14-ka bishaan April, ma jirto cid ay Puntland u wakiilatay ka qaybgalka shirarkaasi. “Cid alaale cidii daneenaysay arrimahaasi waxay lasoo xiriiri kartaa wasaaradatan,” ayaa lagu yiri bayaanka. Qoraalka ayaa si toos ah loogu diray wasaarada shidaalka heer federaal iyo xafiiska ra’iisul wasaaraha xukuumada federaalka ah, Xaan Cali Khayre. Hadalka kasoo yeeray wasaarada ayaa imaanaya iyada oo Madaxwayne Deni uu horey uga dhawaajiyay in aysan jirin cid Puntland wakiil uga ah arrimaheeda gaarka ah. Si lamid ah waxaa bayaankaan uu imaanaya xili bishii Febraayo ee sanadkaan magaalada London lagu qabtay shir looga hadlay shidaalka Soomaaliya. Shirkaasi oo lagu soo bandhigay xirmooyin shidaal ayaa dhaliyay xiisad ka dhex qarxday Muqdisho iyo Nairobi oo ahayd in lagu xaraashay saliid ku jirta dhul badeed ay Soomaaliya leedahay balse ay Kenya muran gelinayso. Intaasi waxaa wehlisa in xukuumada Khayre ay ic-laamisay in shirar kale oo looga hadlayo shidaalka Soomaaliya ay ku qabaneyso bilooyinka soo aadan magaalada Istanbul ee caasimadda wadanka Turkiga. HOOS KA AKHRISO WAR-SAXAAFADEEDKA Xigasho: Garowe Online

Masar ma Itoobiya ayey ku cadaadineysaa xidhiidhka ay la samaysatey Somaliland? Dhammaadkii bishii Maarso ee la soo dhaafay waxa dalka Masar bookhasho rasmi ah ku tagay wefti uu hoggaaminayay wasiir ku xigeenkii arrimaha didbadda Liibaan Yuusuf Cismaan oo madaxweynuhu markii dambe xilkaasi ka bedelay. Weftiga Somaliland oo bookhasho rasmi ah ka helay dawladda Masar waxay kulamo la qaateen masuuliyiin sarsare oo ka mid ah wasaaradda arrimaha dibadda, wasaaradda gaashaandhigga iyo saraakiil sarsare oo militari waxaana bookhasho lagu geeyay marin biyoodka muhiimka ah ee gacanka Suways. Xukuumadda Masaaridu arrintan waxba kama odhan laakiin, warbaahinta Arab21 oo arrintan warbixin ka qortay ayaa tilmaantay in ay u muuqato in Masar Somaliland meeqaamkeeda kor u qaadayso si ay cadaadis ugu saarto Itoobiya oo ay ku muransan yihiin dhaamka biyaha Webiga Niilka. Amb Baahir Al-Duwayni oo ah xeel dheere xidhiidhka caalamiga ah ayaa warbaahinta Arab21 u sheegay in aanay bookhashada Somaliland ee Masar kaliya ku koobnayn marti qaad ka yimid wasaaradda arrimaha dibadda laakiin, ay tahay arrin ay soo dhiraan dhiriyeen waaxda Sirdoonka ama laamaha ammaanka. Waxa uu sheegay in arrintan loo arki karo cadaadis Qaahira ku doonayso in ay dawladda Itoobiya kula gaadho heshiis labada dhinac ee Addis Ababa iyo Qaahir ba qanciya. Waxa uu sheegay in kor u qaadista meeqaamka Somaliland ee Masar fursad weyn u yahay masuuliyiinta Somaliland maaddaama Masar xilligan hayso xilka hoggaamiyaha Midawga Afrika taasna ay guuldarro u noqonayso dawladda Itoobiya. Amb Baahir Al-Duwayni oo tilmaamaya in aanay arrintani siyaasad ka madhayn wuxuu sheegay in socdaalka weftiga Somaliland yimid laba todobaad kadib markii wefti sare oo Imaaraad ahi joogeen dalka Masar. Cilmi baadhe kale oo ka tirsan Machad Darsa siyaasadda Afrika oo fadhigiisu yahay Masar ayaa Arab21 u sheegay in dawladda Itoobiya la odhan karo way aqoonsan tahay Somaliland marka la eego sida ay ula macaamilayso oo ay ka mid yihiin mashaariicda wada jirka ah ee dekedda Berbera ka mid tahay sidaas awgeedna ay noqonayso Masar in ay meeqaamka Somaliland kor u qaaddo si ay ugula gorgortami karto Itoobiya. Waxa kale oo uu sheegay in ay Masar doonayso in ay dib u soo celiso saamaynteedii gobolka oo ay lumisay, islamarkaana arrimaha xilligan taaggan ee ay ka mid yihiin isbedellada ka dhacay Itoobiya oo qalalaase gudaha ah horseeday, isbedelka Sudan iyo gaabiska Dhaamka Itoobiya ku yimid ay u sahlayaan in ay culays saarto Itoobiya si ay heshiis labada dhanba maslaxad u ah uga gaadhaan xafiiltankooda. Qaran News

Qaahira (Caasimada Online) – Wasiirka Arrimaha Dibadda iyo Iskaashiga Caalamiga, Mudane Danjire Axmed Ciise Cawad ayaa shalay ku kula kulmay magaalada Qaahira dhiggiisa Masar Mudane Sameh Shoukry. Wadahadalka ayaa intiisa badan diiradda lagu saarray xiriirka walaalnimo iyo iskaashiga u dhexeeya Soomaaliya iyo Masar iyo habkii lagu xoojin lahaa, laguna horumarin lahaa dhinac waliba oo u adeegaya danaha labada dal iyo labada shacab ee walaalaha ah, waxa ayna is dhaafsadeen aragtiyadooda dhacdooyinka iyo horumarka gobolka iyo dunida. Kadib markii uu idlaaday wadahadalka ballaaran, waxaa saxiixa lagu duugay seddex heshiis is afgarad oo ay ka mid yihiin abuuridda hab wadatashi siyaasadeed oo heer wasiir arrimo dibadeed oo labada dal ah, yagleelidda guddi wadaag ah oo ay hoggaamiyaan labada wasiir arrimo dibadeed iyo iskaashiga labada machad ee daraasaadka diblomaasiyadda Soomaaliya iyo Masar.

Muqdisho (Caasimada Online) – Duqa Muqdisho Ahna Guddoomiyaha Gobolka Banaadir Mudane Cabdiraxmaan Cumar Cusmaan (Eng. Yarisow) ayaa abaalmarin guddoonsiiyey Shacabka, Maamulka iyo Booliiska Warta Nabada oo gacan ku siiyey Ciidanka Ammaanka soo qabashada dhagarqabe Bombo tuuray. Guddoomiyaha ayaa ku ammaanay shacabka kaalinta wanaagsan ee ka qaadanayaan sugidda amniga, isagoo xusay in abaalmarintan ay ugu talagaleen in lagu dhiirigaliyo bulshada maadaama ay ka soo baxeen kaalintooda ku addan nabadgelyada. “Qof walba oo gacan ka geystay soo qabashada argagixisada waxuu mudan yahay abaalmarin, bacdamaa ay badbaadiyeen nafta muwaadiniinta Soomaaliyeed, tani waa bilow waxaana ku dhiirigelinayaa shacabku inay qaataan doorkooda sugidda amniga fartana ku fiiqaan dadka dhagarta u maleegaya”. Eng. Yarisow ayaa ugu baaqay Ciidanka ammaanka in shacabka saaxiib lala noqdo, si ay ugu kalsoonaadaan ciidanka loona helo wadashaqay buuxda, taasoo qeyb ka qaadanaysa in ciidanku ay helaan xogaha dhagarqabayaasha ku dhex dhuumanaya shacabka. Ra’iisul Wasaare ku-xigeenka dalka Mudane Mahdi Maxamed Guuuleed (Khadar) oo munaasabadda abaalmarinta hadal ka jeediyey ayaa sheegay in isku xirnaanta shacabka iyo Boolisku ay muhiim u tahay sugidda ammaanka Caasimadda, waxuna uga mahadceliyey shacabka Degmada Warta-Nabadda wada-shaqeynta dhow ee la leeyihiin Ciidanka Booliska. Munaasabaddan oo bilad sharaf lagu guddoonsiinayey dadkii kaalinta ka qaatay soo qabashada dhagar-qabaha Bombada tuuray ayaa waxaa ka soo qeyb galay Taliyeyaasha Ciidanka, Guddoomiye ku-xigeenka Maamulka iyo Maaliyadda Gobolka Banaadir iyo masuuliyiin kale oo heer Qaran iyo heer Gobol ah.

Gabadhii faroxumeynta macallinka dugsiga ka cabatay ee dabka la qabadsiiyay Nusrat waxay ahayd 19 jir Nusrat Jahan Rafi waxaa lagu bilbilay gaas, dab ayaana la qabadsiiyay xilli ay ku sugneyd iskuulkeeda oo ku yaalla waddanka Bangladesh. Wax ka yar labo isbuuc ka hor waxay gudbisay cabasho la xiriirta qash-qashaad galmo ku saabsan oo ay ku eedeysay maamulaheeda? Sida ay karti ugu yeelatay inay ka hadasho arrinta ku saabsan tacaddiyada galmada, dhimashadeedii timid shan maalmood ka dib markii dabka la qabadsiiyay iyo wax walba oo dhacay intii waqtigaas u dhaxeysay ayaa baraarujiyay guud ahaan dalka Bangladesh, waxayna dadka indhaha ku kala qaadeen qiimaha ay leeyihiin dadka loo geysto tacaddiyada galmada ee dalkaas ku yaalla koonfurta qaaradda Aasiya. Nusrat, oo ahayd 19 jir, waxay kasoo jeedday magaalada Feni oo qiyaastii 160km dhinaca koonfureed kaga began caasimadda Dhaka. Waxay dhigan jirtay dugsi lagu barto cilmiga islaamiga ah. 27-kii bishii Maarso ayey sheegtay in maamulaha dugsiga uu ugu yeeray xafiiskiisa, kadibna uu jirkeeda si khaldan u taabtay, isagoo(sida ay sheegtay) isku dayayay inuu kufsado. Balse inta aysan xaaladda meel xun gaarin ayey bannaanka uga carartay. Dumar badan iyo gabdho yar yar oo ku nool dalka Bangladesh ayaa door bida inay iska qarsadaan tacaddiyada galmada ee lagula kaco, iyagoo ka cabsanaya ceeb kasoo gaarta bulshada ama qoysaskooda. Waxa ay Nusrat Jahan dadka uga duwaneyd ma ahayn oo kaliya inay soo bandhigtay arrinta, balse waxay sidoo kale iyadoo qoyskeeda kaashaneysa booliska u sheegtay wixii lagu sameeyay maalintaas. Saldhigga booliska ee deegaankeeda ku yaalla ayey warbixinteeda u gudbisay. Waxaa lagu badbaadin karay meel nabad ah, si looga sii wareysto arrinta sida ay u dhacday. Hase yeeshee taas baddalkeeda waxaa muuqaal telefoonkiisa uga duubay askarigii mas’uulka ka ahaa saldhigga ay u dacwootay. Muuqaalka ayaa laga arkayay in Nusrat ay wajigeeda gacmaha saareysay iyadoo aad u walaacsan. Balse askariga oo codkiisa la maqlayay ayaa u shegayay in arrintu aysan ahayn wax weyn, wuxuuna ka dalbanayay inay gacmaha ka qaaddo wajiga. Muuqaalkaas ayaa goor dambe loo dusiyay warbaahinta maxalliga ah. ‘Waxaan isku dayay inaan dugsiga geeyo’ Dibadbaxyo looga soo horjeedo tacaddiyada gabdhaha ayaa ka dhacay Bangladesh Nusrat Jahan Rafi waxay kasoo jeedday magaalo yar, waxayna ka dhalatay qoys dhaqanka iyo diinta ku dhaggan, sidaas awgeedna waxaa la geeyay dugsi lagu barto waxbarashada islaamiga ah. Gabar iyadoo kale ah, haddii ay soo bandhigto xad gudub galmo oo loo geystay waxay kala kulmi kartaa cawaaqib xumo. Dhibaneyaasha ayaa inta badan waxaa khalad ka aamina dadka ka tirsan bulshadooda, waxaana lagu dhibaa baraha bulshada, mararka qaarna xitaa waa la weeraraa. Nusra way la kulantay dhibaatooyinkaan oo idil. 27-kii bishii Maarso, markii ay booliska u dacwootay, waxay xabsiga u taxaabeen maamulihii dugsiga. Laakiin markaas waxay xaaladda ku xumaatay Nusrat. Koox dad ah ayaa waddooyinka ku mudaharaaday iyagoo dalbanaya in macallinka lasii daayo. Dibadbaxyada waxaa abaabulay labo arday oo kale, waxaana la sheegay inay ka qeyb galeen siyaasiyiin deegaanka kasoo jeeda. Dadku waxay billaabeen inay eedda saaraan Nusrat, qoyskeedana waxay sheegeen inay amaankeeda u cabsanayeen. 6-dii bishan Abriil, oo ahayd 11 maalmood ka mid markii ay arrinta soo shaac baxday, Nusrat waxay aadday dugsiga, si ay ugu fariisato imtixaankeedii ugu dambeeyay. “Waxaan isku dayay inaan walaashey u kaxeeyo dugsiga waxaana damcay inaan gudaha la galo, laakiin waa la iga hor istaagay inaan la galo”, waxaa sidaas yidhi Nustar walaalkeed oo lagu magacaabo Mahmudul Hasan Noman. “Haddii aan la iga celin lahayn inaan gudaha galo, wax sidaan oo kale ah kuma dhici lahayn walaasheey”, ayuu yidhi. Nusrat walaakeed oo barooranaya Sida ku xusan macluumaad ay bixisay Nusrat, gabar ardayda ka mid ah ayaa u kaxeysay saqafka kore ee dhismaha uu ku yaallo dugsiga, iyadoo u sheegtay in mid ka mid ah saaxiibadeed la garaacay. Markii ay Nusrat gaartay halkaas waxaa hareereeyay 4 ilaa 5 arday oo kale, waxayna damceen inay ku khasbaan inay ka noqoto dacwadda ay ka gudbisay maamulaha. Markii ay diidday dalabkooda, waxay ku bilbileen gaas, dab ayeyna qabadsiiyeen. Banaj Kumar Majumder oo ah madaxa waaxda dambi barista ee booliska ayaa sheegay in dhalinyarada dilka geysatay ay damacsanaayeen “inay arrinta u ekeysiiyaan in gabadha ay isdishay”. Hase ahaatee qorshahoodu wuu guul darreysatay markii Nusrat la badbaadiyay ka hor inta aysan goobta ku geeriyoonin. Waxay fursad u heshay inay macluumaad bixiso dhimashadeeda ka hor. “Mid ka mid ah kuwii dilay ayaa madaxeeda ku celinayay gacmihiisa, sidaas awgeed gaaska laguma shubin meesha uu gacmihiisa ku hayay, taasina waa sababta uusan dabka uga gaarin madaxa”, ayuu yidhi Mr Majumder, oo wareysi siiyay BBC-da. Balse markii Nusrat la geeyay isbitaalka, dhakhaatiirtu waxay ogaadeen in jirkeeda uu 80% gubtay. Maadaama aysan awood u heynin inay daweeyaan, waxay u gudbiyeen isbitaalka weyn ee caasimadda Dhaka. Intii lagu sii waday gaariga Ambalaasta ayey warbixinta oo dhan ku duubtay telefoonka walaalkeed, iyadoo ka cabsi qabtay inay dhexda kusii dhimato. “Macallinka jirkeyga ayuu taataabtay, waan la dagaallami doonaa dambiga noocan ah ilaa inta ay neefta ugu dambeysa iga baxeyso”, ayaa ka mid ah erayada ku jira codka ay duubtay. Waxay sidoo kale sheegtay magacyada qaar ka mid ah dadkii ka dambeeyay dilkeeda oo kulligood ahaa arday wax ka barta madarasada. Warka ku saabsan Nusrat ayaa qabsaday guud ahaan warbaahinta dalka Bangladesh. 10-kii bishan Abriil ayey geeriyootay, kumannaan qof ayaana ka qeyb galay aaskeeda oo ka dhacay isla magaalada Feni. Aaska Nusrat waxaa ka qeyb galay kumannaan ruux Booliska ayaa ilaa hadda xiray 15 ruux, kuwaasoo 7 ka mid ah lagu eedeeyay inay dilkeeda ka qeyb qaateen. Dadka la xiray waxaa ku jira labadii wiil ee markii ugu horreysay qabanqaabiyay mudaharaadyada lagu taageerayay maamulaha. Xitaa maamulaha laftiisa ayaa wali ku jira xabsiga. Askarigii muuqaalka ka duubay Nusrat markii ay dacwada gudbineysay ayaa isagana laga baddalay meeshii uu ka shaqeynayay waxaana loo wareejiyay waax kale. Qoyska gabadhan ayaa aad u murugooday Ra’iisul wasaaraha Bangladesh, haweeneyda lagu magacaabo Sheikh Hasina ayaa magaalada Dhaka kula kulantay qoyska Nusrat, waxayna u ballan qaadday in qof walba oo dhacdada gabadhooda lagu dilay ku lug lahaa sharciga la hor geyn doono. Geerida Nusrat waxay abuurtay dibadbaxyo, kumannaan ruux ayaana baraha bulshada ku muujiyay caradooda ku aaddan sida loola dhaqmo gabdhaha dhibaneyaasha u ah tacaddiyada galmada ee ka dhaca dalka Bangladesh. Qaran News

Muuse Biixi Oo Iska Diiday Inuu La Kulmo Madax-dhaqameedka Ka soo baqoolay Bariga Sanaag Oo Muddo Hargeisa ku sugan Madaxweynaha Somaliland Md. Muuse Biixi Cabdi ayaa ka gaws adaygaya in uu la kulmo Madax-dhaqameed ka soo kicitimay gobolka bariga gobolka Sanaag oo ku sugan magaalada Hargeysa. Madax-dhaqameedkan ka soo kicitimay degmooyinka Badhan, Dhahar iyo Laasqoray ayaa muddo laba toddobaad ah ku sugan Hargeysa ayaa aan wali ku guulaysan muhiimadii ay u yimaadeen magaalada Hargeysa. Afar ka mid ah madax-dhaqameedkan waftiga hoggaaminaya oo madaxweyne Muuse Biixi Cabdi la kulmay ka hor intii aanu safar ku tagin magaalada Berbera ayaa balan rasmi ah uga soo qaaday wakhtiga iyo wakhtiga uu la kulmi doono balse ma ay fulin balantaasi. Madax-dhaqameedka oo degan hudheel ku yaalla Magaalada Hargeysa ayaa la sheegay in ka cadhoodeen ka dib markii ay maanta ku war heleen in Madaxweynuhu uu safar ugu ambabaxay dalka Imaaraadka Carabta iyada oo balantu ahayd in uu maanta la kulmo hore uu u baajiyay kulan dhex mari lahaa. Wasiir ku-xigeenka wasaaradda horumarinta jidadka Somaliland Sahal Maxamed Jaamac oo deegaan ahaan ka soo jeeda bariga gobolka Sanaag kana mid ah mas’uuliyiin ka shaqeeyay in Madax-dhaqameedkani ay Hargeysa yimaadaan ayaa 3 maalmood ka hor sheegay in Madaxweynuhu uu madax-dhaqameedka la kulmi doono maanta oo khamiis ah balse kulankaasi ma dhicin waxaanu yidhi “waxa ay madaxweynaha la kulmayaan maalinta Khamiis (maanta), sidaa la socotaan Madaxweynuhu waxa uu gaaban ayuu ku gaadhay Berbera marka uu ka soo noqdo waxa uu balanqaaday in uu la kulmo isaga oo nasan” ayuu Sahal Maxamed Jaamac. Waftigan Madax-dhaqameedka ahi intii ay ku sugnaayeen Magaalada Hargeysa waxa uu kulamo la qaadeen hadhimo sharafeed ah la qaateen, qaybo ka mid madax-dhaqameedka Somaliland iyo mas’uuliyiin ka mid ah xukuumadda Madaxweyne Muuse Biixi. Si kastaba ha ahaatee Waxgaradka iyo Madax-dhaqameedkan ayaa hore tabasho badan uga qabay xukuumadda Madaxweyne Muuse Biixi Cabdi Qaran News

Hargeysa (Caasimada Online) ― Xukuumada Somaliland ayaa maanta markii u horeysay ka hadashay Diyaarado dagaal oo dhowaan bambooyin iyo waxyaabo kale oo qarxa ku tuurey deegaano katirsan degmada Salaxlay, oo qiyaastii magaalada Hargeysa u jirta 50-KM. Wasiirka Arrimaha dibeda Somaliland, Yaasiin X.Maxamud Faratoon ayaa sheegay inay xukuumadoodu baaritaan ku wado arrintan diyaaradaha, isagoona ka dhawaajiyey ineyna marnaba raali ka aheyn Somaliland in xadkeeda lagu soo xad-gudbo. “Dowladdu marnaba raali kama ah, cid cadaw ah, ama cid kasta oo dalkeeda iyo dadkeeba ku soo xad gudba, Dowladduna diyaar uma ah cid cadaw ah oo diyaarado wata ama hub iyo wax kale ku soo daadiya dalkeena, Dowlad iyo Shacabna raali kama nihin in xadkeena lagu soo xad gudbo” ayuu yiri Wasiir Faratoon. Wuxuuna intaas kusii daray Wasiirku “Wixii aynu ka qaban karnaan waa laga qabanayaa, arimahan oo kalena dalka hore wey uga dhac-dhaceen, diyaaradahan cid wadaa iyo ujeedada laga leeyahayna lama fahansana, laakiin Dowlad ahaan arrintan waanu hubineynaa, oo waanu baareynaa siday wax u dhaceen” “Marka ay wax dhacaan waa la buun-buuniyaa, laakiin diyaaradahani haddii ay ka yimaadan wadamada aanu jaarka nahay, iyo haddii ay ka yimaadan baddahaba, marnaba raali kama nihin in lagu soo xad gudbo Baddeena, Dhulkeena iyo Hawadeenaba”. Caasimada Online Xafiiska Hargeysa Caasimada@live.com

Hargeysa (Caasimada Online) – Dhammaadkii bishii Maarso ee la soo dhaafay waxa dalka Masar bookhasho rasmi ah ku tagay wefti uu hoggaaminayay wasiir ku xigeenkii arrimaha didbadda Liibaan Yuusuf Cismaan oo madaxweynuhu markii dambe xilkaasi ka bedelay. Weftiga Somaliland oo bookhasho rasmi ah ka helay dawladda Masar waxay kulamo la qaateen masuuliyiin sarsare oo ka mid ah wasaaradda arrimaha dibadda, wasaaradda gaashaandhigga iyo saraakiil sarsare oo militari waxaana bookhasho lagu geeyay marin biyoodka muhiimka ah ee gacanka Suways. Xukuumadda Masaaridu arrintan waxba kama odhan laakiin, warbaahinta Arab21 oo arrintan warbixin ka qortay ayaa tilmaantay in ay u muuqato in Masar Somaliland meeqaamkeeda kor u qaadayso si ay cadaadis ugu saarto Itoobiya oo ay ku muransan yihiin dhaamka biyaha Webiga Niilka. Amb Baahir Al-Duwayni oo ah xeel dheere xidhiidhka caalamiga ah ayaa warbaahinta Arab21 u sheegay in aanay bookhashada Somaliland ee Masar kaliya ku koobnayn marti qaad ka yimid wasaaradda arrimaha dibadda laakiin, ay tahay arrin ay soo dhiraan dhiriyeen waaxda Sirdoonka ama laamaha ammaanka. Waxa uu sheegay in arrintan loo arki karo cadaadis Qaahira ku doonayso in ay dawladda Itoobiya kula gaadho heshiis labada dhinac ee Addis Ababa iyo Qaahir ba qanciya. Waxa uu sheegay in kor u qaadista meeqaamka Somaliland ee Masar fursad weyn u yahay masuuliyiinta Somaliland maaddaama Masar xilligan hayso xilka hoggaamiyaha Midawga Afrika taasna ay guuldarro u noqonayso dawladda Itoobiya. Amb Baahir Al-Duwayni oo tilmaamaya in aanay arrintani siyaasad ka madhayn wuxuu sheegay in socdaalka weftiga Somaliland yimid laba todobaad kadib markii wefti sare oo Imaaraad ahi joogeen dalka Masar. Cilmi baadhe kale oo ka tirsan Machad Darsa siyaasadda Afrika oo fadhigiisu yahay Masar ayaa Arab21 u sheegay in dawladda Itoobiya la odhan karo way aqoonsan tahay Somaliland marka la eego sida ay ula macaamilayso oo ay ka mid yihiin mashaariicda wada jirka ah ee dekedda Berbera ka mid tahay sidaas awgeedna ay noqonayso Masar in ay meeqaamka Somaliland kor u qaaddo si ay ugula gorgortami karto Itoobiya. Waxa kale oo uu sheegay in ay Masar doonayso in ay dib u soo celiso saamaynteedii gobolka oo ay lumisay, islamarkaana arrimaha xilligan taaggan ee ay ka mid yihiin isbedellada ka dhacay Itoobiya oo qalalaase gudaha ah horseeday, isbedelka Sudan iyo gaabiska Dhaamka Itoobiya ku yimid ay u sahlayaan in ay culays saarto Itoobiya si ay heshiis labada dhanba maslaxad u ah uga gaadhaan xafiiltankooda. Caasimada Online Xafiiska Muqdisho Caasimada@live.com