Muqdisho (SMN) – Halkaan ka Dhageyso Warka Subax ee Idaacadda Shabelle. Hoos riix si aad u dhageysato. https://www.radioshabelle.com/wp-content/uploads/2019/09/Warka-Suabax-10092019.mp3 View the full article

Ciidanka ammaanka Somaliland ayaa saacadihii la soo dhaafay magaalada Laascaanood ee xarunta gobolka Sool ku xirxiray dad shacab ah oo ka soo horjeeda awaamiir ka soo baxay xukuumadda Muuse Biixi. In ka badan 10 ruux ayaa ciidanku xireen waxaana la sheegay inay ka mid ahaayeen dad dagaal shalay kala horyimid Ciidamada Soomaaliland oo wada howlo burburin ah,kadib amar kasoo baxay Wasaaradda Howlaha Guud ee Soomaaliland. Dhanka kalena, taliska ciidanka 26aad ee Puntland ayaa si adag uga hadlay tacadiyada lagu hayo bulshada magaalada Laascaanood ee xarunta gobolka Sool, wuxuuna sheegay in cawaaqib xumida ka dhalatay ay qaadan doonto Somaliland. DAAWO PUNTLANDPOST The post Ciidanka Somaliland oo dad shacab ah ku xirxiray Laascaanood. appeared first on Puntland Post.

Direct airline flights between Africa and China have jumped over 600% in the past decade. Planes today are not only full of workers and traders seeking prosperity, but also short-term tourists and students, seeking leisure and knowledge. Source: Hiiraan Online

A huge proportion of illiterate youthful population and slow economic growth poses security challenge in Somalia even as foreign peace-keeping forces, including Kenya’s troops, prepare to exit the Horn of African state by 2021. Source: Hiiraan Online

Minneapolis City Council members are launching a new effort to help develop the cities’ most diverse neighborhoods grow economically while keeping those areas affordable to current business owners — even if the council is not yet sure how it’s going to accomplish all that. Source: Hiiraan Online

DAKAR, Senegal — Nigeria plans to repatriate at least 600 of its citizens living in South Africa after recent attacks in and around Johannesburg that targeted Nigerians and other African immigrants and left at least 10 people dead. Source: Hiiraan Online

Sheeko gaaban ayaa odhanaysa: Bari baa nin ay ehelkiisii ku tuhmeen in uu xanuun hayo. Dadkii ehelka u ahaa ninka, oo dawo doon ah ayaa waxay la kulmeen nin loogu sheegay in uu jinka dadka ka saaro. Ninkii jin saarka ahaa wuxuu ku qanciyey dadkii in ninka ay u keeneen jin galay, isaguna ka saari karo jinka. Wuxuu jin saarkii soo qaaday maro qaro wayn oo balaadhan. Maradii ayuu dusha ka saaray ninkii, wuxuuna ku shiday geedo tiro badan oo qiiq culus abuuray, ninka ehelkiisiina wuxuu ku amray in ay marada ku hayaan. Ninkii naftii ayaa qabatay, wuxuu si dhawaaq dheer ah ugu sheegay in aanu neefsan karin. Ninkii jin saarka ahaa ayaa yidhi, qayladaa aad maqlaysaan, waa jinkii oo ka baxaya eh, ku adkeeya marada, ilaa uu ninkii bartii ku qudh baxay. Umadda reer somaliland waxaa lagu tilmaami karaa, dad tiro badan oo doon badwaynta ku jabtay, wada saaran. Doonta guudkeeda waa lagu dhan yahay, nooc walba oo bulshada ka mid ah way saran tahay. Doontaasi socod xoogani kuma jiro. Hase yeeshee, iyadoo dhibaatooyin laxaad leh ka hor imnayaan sida, mowjaddo waawayn, dabaylo xoogan iyo dhagaxaanba, oo ay ka weecinayaan dariiqeedii kolba, ayaa hadana marba marka ka sii danbaysa waxay ku sii siqaysaa halkii ay u socotay. Waxaa doonta saran umad Ilaahay wax la doonayo. Koley walaaca iyo hadalku waa badan yahay doonta dusheeda, madaama safarku daba dheeraaday oo ay xaaladan lagu soo jiray muddo sided iyo labaatan sano kor u dhaaftay. Dadka qaar waaba soo daalayaan, oo niyad jab ayey qarka u saran yihiin. Habaar qabe ujeedo lehna laga dhex waayi maayo. Hadalkii badnaa doonta dusheeda, nidaam yar oo ay ku heshiiyeen baa uga soo baxay.Waxaa la isla qaatay in marba koox doonta kaxyso, daacadna u ahaadaan rabitaanka umadda. Inta badana in ay dariiqii saxda ahaa ku wadaan doonta, maba hubiyaan ee waa iska aaminaan. Waana khalad wayn. Ogow hadalku ma yara, waana la is dhex fadhiyaa. Ma kas (wax ma garad) iyo waxgard intuba. Qof walbana waxa uu xaq u leeyahay in uu wax ku darsado hadalka, lana qadiriyo fikirkiisa. Iyadoo, sidaa la isu dhex fadhiyo ayaa hadana intaa waxaa la falanqeynayaa oo laga faaloonayaa sida loo bad baadi lahaa. Waxa intaa u dheer umaddan Alle aaminka ah ee waxaas oo rafaad ah ka dabaalaynaysa, in aduunka intoodii badnayd u muujiyeen cadawnimo, oo ay go’aansadeen in laga duudsiyo rabitaankooda. Hagardaamooyinka iyo aafooyinka loo maleegayo umaddan waa faro ban yihiin. Cadowgoodu meel walba waa ka xigaa oo ilaa qaar gudaha jooga ayaaba loo samaystay. Tilmaantaa kolka aan intaa kaga nimaadno, waxaa maanta umaddii Somaliland lagu guulaystay in laga dhaadhiciyo, In Somaliland jin galay, sida looga saari karaana, waa in laga cuudiyo. Somlailand, marka ay damqataba ee taaheeda la maqlaba, waxaa umadda laga dhaadhicinayaa in ay ku sii hayaan marada, Ilayn qayladu waa jinkii baa ka baxaya eh. Waxaa Ayaan daro ah, wax laga naxona ah in dadka la gashan karo fikirkaa liita ee noocaas oo kale ah. Cajiib. Waxaa taa ka sii daran, in intii qarankan ehelka u ahyd, ay qaateen in ay Somaliland dhegaha ka furaystaan inta jinku ka baxayo. Cabsi ayaa muuqata ah in dadkii qarankan ehelka u ahaa manta, iyaga gacantooda lagu dilo qarannimadoodii. Walaalayaan Somaliland jin ma galin, way caafimaad qabtaa ee arimaheeda hoos ha loo eego, iyadoo mid la yahay. Hadii umaddu ogalaato in sida xoolaha, inba meel lagu oodo, waxay cadowga u fududaynayaan inuu qudha ka jaro Somaliand. Waa in umadu iyadoo isku dhan ay si muthakarnimo ah uga wada hadli karto hadba wixii miiska u saran. Cadowga umaddani wuxuu leeyahay ujeedo qudha, oo ah in uu burburiyo hamiga umadda Somaliland. Ka tashada cadowga idinkoo mid ah. Waa sida kaliya ee aad iskaga caabiyi kartaan gardarada cadowga. Waxaa umadda la gudboon in ay toosaan, oo ugu yaraan hubiyaan in doontu aanay darqii ka leexan. Xukuumadda maanta joogta, iyadoo ay muuqato in ay ku hafanayso hawlihii loo igmaday, ayey hadan ku darsatay in aanay afkeeda iyo ficilkeedu islahyn. iydoo aynu wada dareemi karno, sida ay xukuumadani u maareynayso arimhii gudaha dalka, oo walaac badan bulshadu ka muujinayso, ayey hadana mugdi wayn galisay qadiyadii umaddu wada lahayd ee gooni isu taaga. Mar kasta oo ay umaadu maqasho madaxdeeda iyo madax kale ayaa shir albaabadu u xidhan yihiin wada galay, waa in garaadku shaqeeyo, oo reernimada laga tago, si wax la iskaga waydiin karo umadda masiirkeedii halka lala maray. Waa danbi qaran. Waayo dadka la doortay in ay matalaan qaranka, uma banaana, waana ka xaaraan in ay soo galaan wax aan lala ogayn, waliba wiixii tabanaya gooni isu-taaga somaliland. Maanta wxaa muuqata in cadowga Somaliland, kuwii gudaha iyo kuwii dibaduba ay wada shaqayn xoogan oo la taaban karo leeyihiin. Waxaa wax laga naxo ah in meelaha qaarkood bulshada inteedii ugu waayeelsanayd maanta ay isku waydiiyaan, beel heblaayo iyo beel heblaayo iyamaa itaal roon. Garaad laawoow, adba umadda uun baad kala siman tahay su’aashaada in laguu tixgalyo eh, reer Somaliya taa wax ka waydii, ma garan weyday!. Qadiyadda Somaliland waa mid aynu wada leenahay oo aan la kala xigi karin. Umadda oo ul iyo diirkeed ah, xil culus ayaa ka saran ilaalinteeda. Cidii hagar-daamo iyo khiyaamo ku wada, waxaan Ilaahay uga baryayaa in uu ifka ku ciqaabo si ay inta la dareenka ahi ugu cibro qaadato. Alahayoow umadan dulman ee samirka badan u hiilay. Alahayow muraadkooda u sahal. Aamiin dhaha. Somaliland ha noolaato cidii necebna waa yeelkadood. C/risaq Amed Jama Calgary Abdirizak Ahmed Jama Qaran News

Beledweyne-(Caasimada Online) – Ugaas Xasan Ugaas Khaliif oo ah Ugaaska beesha Xawaadle oo ku suugan magaalada Beledweyne ayaa si kulul uga hadlay ciidamada ay dowladdu dooneyso in ay ka qaado Beledweyne, kuwaas oo la geynayo magaalada Dhuusamareeb. Ugaaska ayaa sheegay inuu lasoo xariiray wasiir ku xigeenka Gaashaandhigga Soomaaliya, isagoo waydiiyay sababta ay u diideyso beeshiisu ciidamada ay dowladdu u qaadayso magaalada Dhuusamareeb. Ugaasku ayaa sheegay in ka oday dhaqameed ahaan aysan diidin in gobol kale loo qaado ciidamo dowladda u joogay gobolka Hiiraan, balse waxa uu dowladda ku eedeeyay in ay gobolka ka aruursaneyso dhalinyaro uu sheegay in ay aradanyihiin oo ay macawiisyo wadataan. Sidoo kale Ugaaska ayaa mid ka mid ah saraakiisha hoggaaminaysa ciidanka qeybta 21-aad ee ka yimid magaalada Dhuusamareeb ee hadda ku sugan Beledweyne, waxa uu ku eedeeyay inuu yahay ninkii hoggaaminayay dagaalkii deegaanka Baanyaaley ku dhex maray beesha Ugaaska ee Xawaadle iyo beesha degta degmada Matabaan ee gobolka Hiiraan ee Habareji/Ceyr. Ugaas Xasan ayaa sheegay in reer Hiiraan aysan wiilashooda Dhuusamareeb u direyn, isla markaana aysan dowladda ka yeelayn damaceeda ah in dhalinyaro aan tababar qabin, daryeel ciidana aan heysan ay u qaado gobol kale. Halkaan ka dhageyso codka Ugaaska:- https://www.caasimada.net/wp-content/uploads/2019/09/Ugaas-Xasan-Ugaas-Khaliif-.mp3Caasimada Online Xaafiiska Beledweyne Caasimada@live.com

Qaran News

Muqdisho-(Caasimada Online) – Sida ay ogaatay Caasimada Online, Ra’iisul Wasaaraha Soomaaliya Xasan Cali Kheyre ayaa doonaya in uu aruuriyo ciidamo Al-Shabaab ka xoreeya magaalooyinka ay ka mid yihiin Ceelbuur, Galhareeri, Jacar, Bargaan iyo Wabxo oo ka tirsan Gobolka Galgaduud. Al-Shabaab ayaa intii ay jireen maamulayey deegaanadaas, oo ay dhamaantood degto beesha uu kasoo jeedo Ra’iisul Wasaare Kheyre, taas oo uur ku taallo ku noqotay. Kheyre ayaa waxuu arrinkaasi ku dhashay labo bilood ka hor markii uu tagay deegaanada Galmudug, oo uu socdaal kusoo wada maray intooda laga xoreeyay Al-Shabaab, taas oo sababtay in waxgaradka iyo siyaasiyiinta beeshiisa ay ku dhiira galiyaan in la sameeyo ciidan xoreeya dhulka cida uu kheyre ku matalo dowladda. Talaabadii ugu horeysay ee uu qaaday Ra’iisul Wasaare Kheyre ayaa eheyd in isagoo joga Dhuusamareeb uu wax garadka beeshiisa ee ku sugan Muqdisho uu ka dalbaday in loo soo aruuriyo dhalinyaro lagu tababaro Galmudug, si markii ay dhamaystaan tababarka loogu xoreeyo dhulka ay ka arimiyaan Al-Shabaab. Caasimada Online ayaa ogaatay in 200 oo Askari oo Kheyre ku heyb ah laga qaaday Muqdisho tababarna loo geeyay Galmudug, kuwaas oo hadda uu tababar uga socdo Dugsi lagu magacaabo Har-qaboobe oo ku yaalla duleedka degmada Gurceel ee gobolka Galgaduud. Ra’iisul Wasaare Kheyre ayaa intii uu joogay Galmudug waxa uu isku dayay in ciidamo tababar loo furo uu kasoo qorto deegaanada xorta ah ee Galmudug, balse beelaha qaar ayaa ku fahmay qorshihiisa, halka beelaha qaarna ay ogolaadeen oo ciidamadii laga soo qoray ay tababar ku qaadanayaan Gurceel. Sidoo kale Ra’iisul Wasaare Kheyre oo ka baaraan dagaya in aysan ku yaraan ciidamadu ayaa saraakiisha Taliska qeybta 21-aad waxa uu amray in ay tagaan gobolka Hiiraan, kana soo qoraan dhalinyaro, iyadoo reer Hiiraan lagu qancinayo inla bilaabayo dagaal saf balaaran ah oo ka dhana Al-Shabaab. Saraakiisha oo fulinaya amarka Kheyre ayaa hadda ku sugan Beledweyne, waxeyna degmooyin badan oo ka tirsan gobolkaas kasoo qoreen dhalinyaro si tababar loogu siiyo Galmudug, waxaana arinkaas kasoo hor jeestay odayaasha iyo waxgaradka reer Hiiraan oo diidan in wiilashooda loo qaado Galmudug. Caasimada Online Xaafiiska Muqdisho Caasimada@live.com

Washington DC (Caasimada Online) – Dhaqaalaha Soomaaliya ayaa sanadkan sare u kici doona 2.9%, halka sanadkii hore uu ahaa 2.8%, ka hor inta aanu deg deg u gaarin 3.2% illaa 3.5%, saddexda illaa shanta sano ee soo socota, sida uu sheegay Bankiga Adduunka Saadaasha sare u kaca ee saddexda illaa shanta sano ee socota ayaa ku xirnaan doonta sida dalka uu awood ugu yeesho joogteynta is-beddelada dhaqaale ee socda, sida lagu sheegay bayaan kasoo baxay Bankiga Adduunka. Dakhliga kasoo xarooda canshuurta ay ururiso dowladda Soomaaliya ayaa sanaddii tagtay sare u kacay 29%, kadib markii dhaqaalaha uu kasoo kabtay abaaro xooggan oo dhacay sanadkii kaas ka horreeyey, islamarkaana dowladda ay is-beddelo ku sameysay siyaasaddeeda canshuuraha. “Inkasta oo horumarkan uu yahay mid dhiir-gelin leh, miisaaniyadda la heli karo si looga soo baxo baahiyaha qarash-gareynta ee qeybaha waxbarashada iyo caafimaadka kuma filna” ayaa lagu yiri qoraalka Banki Adduunka. Banki Adduunka ayaa weydiistay dowladda inay abuurto sanduuq lacageed oo gaar u ah waxbarashada, si dowladda uu ugu ogalaado inay dalalka kale ee gobolka iyo saaxiibada Soomaaliya ka hesho lacag lagu taageero waxbarashada. Sanduuqa Lacagta Adduunka ayaa bishii May sheegay in dhaqaalaha Soomaaliya uu ku taagan yahay waddadii saxda, hase yeeshee waxa uu ka digay inuu u baylahan yahay amni-darrada, is-beddelka cimilada iyo saboolnimada. Caasimada Onlone Xafiiska Minneapolis caasimada@live.com

Garbahaarey (Caasimada Online) – Dagaalamayaasha Al-Shabaab ayaa xalay weerar ku qaaday saldhig ay ciidamada dowladda Soomaaliya ku leeyihiin degmada Garbahaarey ee xarunta gobolka Gedo. Ciidamada dowladda Soomaaliya, gaar ahaan kuwa xoogga dalka oo ku sugnaay saldhiga la weeraray ayaa sheegay in ay iska caabiyeen weerar gaadmo ah oo ay kusoo qaadeen Al-Shabaab, waxaana labada dhinac dhex maray dagaal muddo socday. Al-Shabaab ayaa dib ugu laabtay goobihii ay kasoo weerar tageen oo sidaas aan uga fogeyn magaalada kaddib markii looga awood roonaaday dagaalka oo ay rabeen in ay ku qabsadaan saldhigga, sida ay sheegeen saraakiisha ciidamada dowladda Soomaaliya. Ciidamadii lagu weeraray saldhigga ayaa soo bandhigay meydka labo ka mid ah dagaalamayaashii ka tirsanaa Al-Shabaab ee weerarka ku qaaday saldhigga magaalada Garbahaarey ee xarunta gobolka Gedo. Al-Shabaab wali kama hadlin weerarka ay ku qaadeen Garbahaarey ee ciidamada dowladdu ay sheegeen in ay uga dileen ilaa labo dagaalyahan hubna ay kaga furteen. Al-Shabaab ayaa masaafo ka yar 25-KM u jira magaalada xarunta u ah gobolkaas, waxayna weerarro ka geystaan deeganada ay gacanta ku hayaan ciidamada dowladda Soomaaliya ee ku sugan gobolka Gedo ee koonfurta Soomaaliya. Caasimada Online Xaafiiska Garbahaarey Caasimada@live.com

Dowladda Soomaaliya waxay xaqiijisay xariga Wasiirkii Amniga ee Jubaland. Taliye Ku-xigeenka Ciidanka Booliiska Soomaaliya Sareeye Guuto Zakiya Xuseen, ayaa barteeda Twitter-ka soo dhigtay qoraal ay ku xaqiijinayso in “Ciidanka Boliiska Soomaliyeed ay taariikhdu markay ahayd 31/08/2019, soo xiray eedeeysane Cabdirashiid Xassan Nuur – Janan, kaasoo ku eedaysan dambiyo culus.” Haddaba, xariga Cabdirashiid Xassan Nuur, ma waxuu la xariiraa dambiyo uu galay mise waa mid culeys lagu saarayo maamulka uu ka tirsan yahay ee Jubaland? Fariin caynkee ah ayay diraysaa xariga Cabdirashiid Janan? Durbadiiba, waxaa xarigiisa soo dhoweeyey hay’adda xuquuqda aadamaha ee Amnesty International, kuna tilmaantay tallaabo loo qaaday dhanka isla-xisaabtanka. Eedaymaha loo haysto Cabdirashiid Janan waxaa sal looga dhigay warbixin QM ay soo saartay sanadii 2017. Waxay warbixintu xustay inuu is hortaag ku sameeyey kaalmada bin’aadanimada iyo inuu gaystay jirdil iyo dil intii u dhaxeysay 2014 iyo 2015. Mucaaradka waxaa looga bartay inay dhaleecayaan talaabo kasta oo xukuumada qaado sax iyo khalad! Haddaba, maxay mucaaradka uga aamuseen dhacdadani? Ugu horeyn, xukuumada waxaa ka soo booday neef, waxayna galad u aragtay in AMNESTY soo dhawayso xariga Cabdirashiid Janan. Balse, warbixinta Amnesty waxay af-qabatay mucaaradka! Dowladda waxay cayaartay khamaar siyaasadeed. Waxaase dad badan ka yaabisay dhiiranaanta xukuumada, ayadoo la ogaa culeykii ay kala kulantay xarigii MukhtarRobow. Shaki kuma jiro, in siyaasiyiin badan oo jila masraxa siyaasadda gaysteen gabood falo dhanka xuquuqda aadamaha, haddana moog danbiyadii ay galeen inay diiwaan ku qoran yihiin! Ku-xigeenka Agaasimaha Bariga Afrika, Geeska iyo Great Lakes, Seif Magango ayaa yiri, “Xiritaanka Cabdirashiid Janan, waa tallaabo muhiim u ah dhanka isla xisaabtanka xadgudubyada halista ah ee xuquuqda aadanaha, oo ay geysteen iyadoo aan la ciqaabin muddo sanado ah, shakhsiyaad awood badan oo Soomaaliya ah;” (Amnesty International Org. – September 2, 2019). Balse waxa ugub ah oo ku soo kordhay masraxa siyaasadda, tan iyo intii la xiray Cabdirashiid Janan, ayaa ah in xertii mucaaradka ay kulan la qaateen Raysal-wasaare Kheyre, kalana hadleen arrimaha maamul u samaynta Gal-Mudug, kuna qanceen hanaanka ay xukuumada u daadihinayso howsha. Sidoo kale, waxaa soo ifbaxay in Madaxweyne Xasan Sheikh uu dhan iskaga riixay fikrada sumaysan ee Cabdullahi Maxamed Cali – Sanbolooshe, taas oo ah biseyl siyaasaddeed oo ku soo kordhay Siyaasiyiinta Soomaaliya. Ilo xog-ogaal ah waxay sheegayaan, in maamulka uu ka tirsanaa Cabdirashiid Janan gaysteen danbiyo dhan ka ah xaquuqda aadamaha, tan iyo wixii ka danbeeya doorashadii uu afduubay Axmed Maxamed Islaam-Madoobe. Sida, dadka oo aan khiyaar u laheen inay cabiraan aragtidooda siyaasaddeed, inkastoo taasi ay ka mid tahay xuquuqda asaasiga ee uu damaanad qaadayo dastuurka iyo sharciyada dalka u yaal. Barakacayaasha, ardayda dhigata dugsiyada in lagu qasbo ka qayb galka mudaharaad aysan raali ka ahayn, iyo ganacsatada oo lagu qasbo inay xiraan goobahooda ganacsi si ay qayb uga ahaadaan banaan-baxa lagu taageerayo boob dimuqaraadiyad loo siman yahay. “maamulka Axmed Madoobe waxuu dad badan soo xusuusiyay, una dhaqmaya xilliyadii dalka uu ka jiray hal xisbi,” sidaas waxaa yiri Oday Axmed oo magaciisa runta ah u qarinay sababo la xiriira amnigiisa. Ridwaan Nuur Ibraahim, oo diiday inay qayb ka noqoto banaanbax lagu taageeraye Axmed Madoobe, ayaa lagu dilay Ceelwaaq- Gedo. Banaanbaxaas waxaa soo qabanqaabiye Gaashanle Sare Cabaas Guray oo ah Taliyaha Daraawiishta Jubaland ee Ceelwaaq. Nuur Ibraahim Muumin oo ah aabaha Ridwaan ayaa maxkamada ciidamada qalabka sida ee Muqdisho ka furtay galdacwadeed, si uu cadaalad uga helo gabadhiisa – Ridwaan oo ahayd 16 jir (radio knn August 26 2019). Xariga Cabdirashiid Janan waddada miyay u xaaraysaa in la gaaray xilligii lagu madlanaa in shaahid loo noqdo caddaalad loo siman yahay, haddana shaqaynaysa mise waa xagaayo iyo dhoola tus siyaasaddeed? W/Q: Saciid Cabdisalaam Jamhuriyadda.com AFEEF: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

MONDAY, SEPTEMBER 9, 2019 By CONSTANT MUNDA More by this Author IN SUMMARY Somalia also faces major problems in providing social services and creating jobs [...] Source

Muqdisho (SMN) – Akhristayaasheena ku xiran website-ka waxaan halkaan idin kugu soo gudbineynaa Barnaamijka Qubanaha Wararka Shabelle. Hoos riix si aad u dhageysato https://www.radioshabelle.com/wp-content/uploads/2019/09/Bar___Qubanaha-09092019.mp3 View the full article

Qaran News

Muqdisho (Caasimada Online) – Xildhibaano ka tirsan baarlamaanka federaalka Soomaaliya, gaar ahaan golaha shacabka islamarkaana mucaarad ku ahaa xukuumadda Soomaaliya iyo madaxweyne Maxamed Cabdullaahi Farmaajo, ayaa bilaabay wadahadalo ay kula heshiinayaan xukuumadda. Xildhibaanadaan ayaa bilaabay in ay wadahadalo lagalaan xubno ka socda xafiiska ra’iisul wasaaraha Soomaaliya oo qaabilsan xiriirka baarlamaanka iyo xukuumadda, waxaana ujeedada ugu wayn ay ku saabsantahay fulinta heshiiyo dangaar ah ku dhisan. Xildhibaanadii mucaaradka ahaa 3-dii sano ee ugu dambeysay islamarkaana u arka in xukuumadda laga raacsanyahay degaanadii laga soo doortay, sida HirShabelle, Koonfur Galbeed iyo Galmudug ayaa wada dedaalo xoog leh. Caasimada Online, ayaa ogaatay in xubnahaan ay xaqiiqsadeen in dalka ay ka dhici doonto oo kaliya soo xulis baarlamaan ama wax ka agdhow ayna qasabtahay in ay xukuumadda la heshiiyaan si ay ugu soo laabtaan baarlamanka. “Inta badan maamul gobaleedyada waxaa laga dhisay maamulo taageersan xukuumadda, xildhibaanadana waxay ogyihiin in aysan waxba u qaban degaankooda mana qabaan rajo dhanka shacabka ah sidaas darteed waxay raadinayaan in heshiis lagalaan xukuumadda si dib ay ugu soo celiso kursigooda” ayuu yiri qof katirsan xafiiska ra’iisul wasaaraha Soomaaliya oo la hadlay Caasimada Online. “Marabo inaa hebel iyo hebel ku dhaho, laakiin waad taqaanaa ragii ugu mucaaradsanaa iyo kuwii gadaal ka fadhiyay oo gaaraya 80-100 qof, maalmahaan dhan waan aragnaa qaarkood waa ku guuleesteen halka qaar kalane ay rajo ka qabaan” ayuu yiri qofka aan la hadalnay ee katirsan xafiiska ra’iisul wasaaraha Soomaaliya Xasan Cali Kheyre. Qofkaan aan la hadalnay oo aan qarinay magaciisa iyo codkiisa, ayaa sidoo kale noo sheegay in xukuumadda Soomaaliya ay dooneyso waxyaabo badan heshiisyo ah horgeyso baarlamaanka, islamarkaana ay dooneyso in loo fududeeyo ansixinta heshiisyadaas oo qaarkood ay dhici karto in doodo badan ka dhashaan islamarkaana ay ku badalaneyso heshiiska ay la galayso baarlamanka. Soomaaliya hadda kama jiro baarlamaan xor ah oo gudan kara shaqadii loo igmaday, iyadoo ay muuqato in shaqada baarlamanka ay hadda gacanta u gashay xukuumadda Soomaaliya, islamarkaana rabateenkeeda ay ku shaqeeyaan tan iyo wixii ka dambeeyay is-casilaadii prof Maxamed Sheekh Cusmaan Jawaari. Caasimada Online Xafiiska Muqdisho caasimada@live.com

Ra’iisul Wasaaraha xukuumadda federaalka Soomaaliya (XFS), mudane Xasan Cali Khayre, ayaa maanta dhagax dhigay dhisma waddo 1,500 oo mitir oo dhex marta magaalada Beydhabo, si ay qayb uga qaadato fududeynta isu-socoka bulshada iyo horumarinta dhaqaalaha. Dhismaha wadada oo ay fulineyso dowladda federaalka ayna maal gelineyso dowladda Norway ayaa inta la dhisayo waxaa ka shaqeynaya 500 oo shaqaala dadka deegaanka ah oo ay shaqo abuur u noqoneyso. Ra’iisul Wasaare Xasan Cali Khayre ayaa dhanka kale, xarigga ka jaray ceel biyood ay dhistay Save the Children oo kamid ah mashaariicda horumarineed ee magaalada Beydhabo laga hir-geliyay kaas oo si lacag la’aan ah biyaha uga cabayaan 4,000 oo qoys oo ku nool xarunta kumeel gaarka ah ee Koonfur Galbeed. Goobjoog News Source: goobjoog.com

African Development Bank wins prestigious procurement award The first multilateral development bank achieving CIPS Procurement Excellence – silver award Abidjan, Côte d’Ivoire, 9 September, 2019 – The African Development Bank has been recognised for procurement excellence by the Chartered Institute of Procurement & Supply (CIPS), the world’s largest professional body for procurement and supply management professionals, with offices all over the world including Africa. The Bank was awarded a silver award at advanced standard level following the CIPS Procurement Excellence Programme, for having successfully developed its corporate procurement processes from an operational focus to managerial and strategic, building performance, capability and value. The Bank is the first multilateral development bank in the world to receive this recognition. Mateus Magala, Vice President for Corporate Services and Human Resources at the Bank commented: “Winning this globally-recognised award is welcome news and we are delighted to be commended for demonstrating advanced levels of corporate procurement capability.” The Bank ensures that special attention is paid to economy and efficiency in its procurement processes, both internally and externally across bank-funded projects. Transparency and open competitive procedures for procurement of goods, works and services are also essential. The Bank has been proactive in enhancing its corporate procurement processes and pinpointing the procurement department’s role as a fundamental activity in its strategic operations. “We have made significant progress in improving corporate procurement performance to catalyse the Bank’s efforts in achieving sustainable development and poverty reduction on the continent,” Magala added. Alan Martin, Head of Procurement Excellence said, “Sincere congratulations for achieving the CIPS Procurement Excellence Award at advanced standard silver level. It’s clear that the Bank has the right procurement governance mechanisms in place for effective supply assurance and compliance. We hope the Bank will continue to effect change while adding value from procurement processes.” The CIPS Procurement Excellence Programme is an in-depth benchmarking process measuring an organisation’s procurement function against CIPS world-class standards of excellence and its global framework. Qaran News

MOGADISHU (HOL) - Somali government has dismissed as ‘falsehoods’ reports that the militant group Al-Shabaab has ordered the stoppage of reconstruction works at the national stadium in Mogadishu vowing it is committed to finishing the project according to plan. Source: Hiiraan Online

Madaxweynaha Jamhuuriyadda Somaliland, Mudane Muuse Biixi Cabdi, ayaa maanta xafiiskiisa ku qaabilay wefti ballaadhan oo uu hoggaaminayo safiirka Ingiriiska u qaabilsan dalalka Somaliland iyo Soomaaliya, Amb. Ben Fender. Kulanka uu madaxweynuhu la qaatay weftiga Ingiriiska, ayaa diiradda lagu saaray arrimo la xidhiidha xoojinta xidhiidhka labada dal ee Somaliland iyo Ingiriiska, ammaanka guud ee mandaqadda, doorashooyinka, mashaariicda horumarineed iyo wada-hadallada dalalka Somaliland iyo Soomaaliya. Madaxweynaha Jamhuuriyadda Somaliland waxa uu dawladda Ingiriiska uga mahadnaqay taageerada ballaadhan ee ay la barbar taagan yihiin Somaliland, waxana uu u sheegay inay Somaliland ka go’an tahay adkaynta xidhiidhka beesha caalamka, sidoo kalena wada-hadallada dalalka Somaliland iyo Soomaaliya ay xukuumad ahaan ka taagan yihiin mawqifkii iyo shuruudihii ay beesha caalamka Somaliland hore ugu bayaamisay. Dhankooda, waxa ay weftigu ku bogaadiyeen Somaliland horumarka laga sameeyey qabsoomidda doorashooyinka iyo sida ay shacab iyo dawladba diyaarka ugu yihiin geeddi-socodka Dimuqraaddiyadda ee dhinacyada doorashooyinka iyo horumarka. Ugu dambayntii waxa ay madaxweynaha iyo madaxa hay’adda dalka Ingiriiska u qaabilsan kaalmooyinka caalamiga ah ee DFID Mr. Damon Bristow kala saxeexdeen wejiga labaad ee kaalmada dalka Ingiriisku kaga qayb-qaadanayaan sanduuqa hormarinta Somaliland (SDF) ee lagu maal-geliyo mashaariicda horumarineed ee dalka laga fuliyo, waxa kale oo ay goobta ku kala saxeexdeen heshiis lagu horumarinayo khayraadka Tamarta Jamhuuriyadda Somaliland. Kulankan waxa madaxweynaha ku wehelinayey wasiirrada wasaaradaha Arrimaha dibadda iyo Iskaashiga caalamiga ah, Horumarinta maaliyadda iyo la-taliyaha madaxweynaha ee arrimaha dhaqaalaha. Dhinaca weftiga waxa kulanka qayb ka ahaa madaxa xafiiska Ingiriiska ee Jamhuuriyadda Somaliland iyo Wakiilka hay’adda DFID ee Somaliland. ALLAA MAHAD LEH Qaran News

Waxaa maanta magaalada Hargeysa ee caasimadda Soomaaliland gaaray wafdi uu hoggaaminaayo safiirka Soomaaliya u qaabilsan dowladda Ingiriiska Amb. Ben Fender, waxaana garoonka diyaarada Cigaal ee magaalada Hargeysa ku soo dhoweeyey madax ka trirsan Soomaaliland. Safiirka ayaa waxaa safarka ku wehlinaayay u qaabilsanaha dowladda Ingiriiska kaalmooyinka caalamiga ah ee DFID Mr. Damon Bristow, waxaana ay kulan kula qaateen xarunta madaxtooyada madaxweynaha Soomaaliland Muuse Biixi Cabdi. Sidoo kale Safiirka ayaa madaxweyne Muuse Biixi kala hadlay arrimo ku aaday doorashooyinka dhowaan ka qabsoomaya Soomaaliland, wafdiga ayaana boggaadiyey horumarka Soomaalinland ay uga gaareen dhanka doorashooyinka iyo sida ay ugu sii tilaabsanayan dimoqoraadiyadda ee dhanka horumarka iyo doorashooyinka. Dhanka kale safiirka dowladda Ingiriiska u qaabilsan Soomaaliya Amb. Ben Fender ayaa madaxweyne Biixi kala hadlay sidii Soomaaliland ay markale ugu soo laaban laheyd miiska wada haladii kala dhaxeeyay Soomaaliya oo hakad ku jiray muddooyikii danbe. Ugu danbey uqaabilsanaha dowladda Ingiriiska kaalmooyinka caalamiga ah ee DFID Mr. Damon Bristow, iyo madaxweyne Muuse biixi ayaa kala sixiisday wajigii 2aad kaalamada dowladda Ingiriiska kaga qeyb qaadaneyso sandanduuqa horumarinta Soomaaliland. Goobjoog News Source: goobjoog.com

Baydhabo (SMN) – Ra’iisul Wasaaraha Somaaliya Xasan Cali Khayre, ayaa maanta dhagax dhigay dhisma waddo 1,500 oo mitir oo dhex marta magaalada Beydhabo, si ay qayb uga qaadato fududeynta isu-socoka bulshada iyo horumarinta dhaqaalaha. Dhismaha wadada oo ay fulineyso dowladda federaalka ayna maal gelineyso dowladda Norway ayaa inta la dhisayo waxaa ka shaqeynaya 500 oo shaqaala dadka deegaanka ah oo ay shaqo abuur u noqoneyso. Ra’iisul Wasaare Xasan Cali Khayre ayaa dhanka kale, xarigga ka jaray ceel biyood ay dhistay Save the Children oo kamid ah mashaariicda horumarineed ee magaalada Beydhabo laga hir-geliyay kaas oo si lacag la’aan ah biyaha uga cabayaan 4,000 oo qoys oo ku nool xarunta kumeel gaarka ah ee Koonfur Galbeed. View the full article

Muqdisho (SMN) – Wasiirka Waxbarashadda Soomaaliya, Cabdullaahi Goodax Barre, ayaa waxa uu magacaabey Guddiga ku meel gaarka Tacliinta Sare ee dalka. Halkan hoose ka akhriso magacyada Guddiga View the full article