Mogadishu (HOL) — The Speaker of Somalia's House of the People has issued a directive banning all press conferences from being held both inside and outside the parliamentary premises. Source: Hiiraan Online

K'naan honours Somali mothers with debut film Source: Hiiraan Online

Outbreak of violence in the area has led to loss of life, injuries and theft of livestock. Source: Hiiraan Online

“All human beings are born free and equal in dignity and rights.” The iconic opening sentence of the Universal Declaration of Human Rights and all the document’s articles are now available in seven more languages and dialects spoken across Somalia’s diverse communities as part of a multilingual initiative to make the cornerstone of human rights better known and understood in the Horn of Africa country. Source: Hiiraan Online

Ethiopia's approach to Somalia in recent years bears a striking resemblance to strategies employed by colonial powers and settler movements throughout history. Particularly, one can draw parallels to the tactics attributed to Jewish settlers in Palestine during the early 20th century and the subsequent establishment of Israel. This comparison, while not exact, offers an intriguing lens through which to view Ethiopia's engagement with its eastern neighbor. Source: Hiiraan Online

11 bil ayaa Sabtidi shalay u buuxsantay dagaalka lagu hoobtay ee Marinka Gaza, iyada oo ay wali ciidamada Isra’il sii wadaan duqeymaha cirka ah ee ay ka wadaan Gaza iyo dagaalka dhulka ah oo ay kula jiraan dagaalyahannada Xamaas iyo kooxaha kale ee Falastiiniyiinta. Ilo-wareedyada caafimaadka ayaa sheegay, in duqeymo ay ciidamada Isra’il 48-ki saac ee lasoo dhaafay ka geysteen qeybo kala duwan oo ka tirsan Marinka Gaza ay ku dileen ilaa 61 qof oo Falastiiniyiin ah. Meelaha ay dadka rayidka ah intooda badan ku dhinteen ayay wararku sheegayaan in ay ku jiraan guryo dad rayid ah ay deganyihiin oo ku yaalla xeryaha qaxootiga ee Jabaaliya iyo Nuseyrat ee Marinka Gaza. Millatariga Isra’il ayaa sheegay in ay bartilmaameedsadeen xarun ay ka howlgalaan Xamaas oo ku taalla Jabaaliya. Kooxaha caafimaadka Falastiin waxay sheegeen in duqeynti ugu danbeysay ee Sabtidi shalay lagu dilay guud ahaan 28 Falastiiniyiin ah. Garabyada hubeysan ee Xamaas, Islamic Jihad garabka millatariga ee Fatax ayaa sheegay in ay ciidamada Israa’iil kula dagaalameen guud ahaan Qaza Sabtidi isla markaana ay u adeegsadeen gantaalada lidka taangiyada iyo bambaanooyinka hoobiyeyaasha. PUNTLAND POST The post Wararkii u danbeeyay ee dagaalka Marinka Gaza appeared first on Puntland Post.

War kasoo baxay taliska ciidanka booliska Soomaaliyeed ayaa lagu beeniyay in xaafado ka mid ah degmooyinka Muqdisho xalay lagu garaacay hoobiyeyaal. Booliska ayaa ka jawaabay dhawaqa ay maqleen shacabka caasimadda iyo welwelka dhanka Amniga. Dhawaqa: Dhawaqa xooggan ee dadka qaar maqleen waxaa lagu sababeeyay baco waaweyn oo la dhigay meelo kala duwan. Bacahaasi waxay qaadi karaan dhawaq ama buuq xooggan oo u dhici kara sida Hoobiyaha balse ma ahan hoobiyeyaal. Khasaare iyo Waxyeelo: Booliska waxay xaqiijiyeen in aysan jirin wax khasaare nafeed oo dhacay. Si kastaba ha ahaatee, waxaa jiray waxyeelo gaartay guryo jiingada ah, oo ay sabab u tahay bacaha la dhigay, laakiin ma jiro dhaawac ama khasaare naf ahaaneed oo ka dhashay dhacdadan. Nabadgelyada: Booliska waxay caddeeyeen in magaalada Muqdisho ay haatan nabad tahay oo xaaladda amni ay tahay mid deggan. Waxaa lagu wargelinayaa dadka in aysan ka welwelin dhacdadan, islamarkaana ay sii wataan noloshooda sida caadiga ah. Source: goobjoog.com

458672992_1186269665981829_5651765161977477438_n Qaran News

Marka (Caasimada Online) – Masuul ka tirsan maamulka Koonfur Galbeed oo ka soo jeeda beelaha Mogadishu Clan ayaa maanta hadlay isagoo u jawaabaya odayaashii beelaha Mogadishu Clan ee sheegay in Koonfur Galbeed aysan ku laheyn wax metelaad ah, isla markaana Laftagareen uu u diiday xubnihii ay maamulkaas ku lahaayeen beelaha Mogadishu Clan. Sarkaalka u hadlay Hawiyaha reer Koonfur Galbeed ayaa ku magacaaban Isku duwaha Maaliyada ee maamulka gobolka Sh/Hoose, waxaana lagu magacaabaa Mustaf Axmed Hilowle, wuxuu sheegay in shirkiisa jaraa’id ay qeyb ka yihiin masuuliyiin badan oo ka soo jeeda beelaha Mogadishu Clan oo xilal ka haya maamulak K/Galbeed. Mustaf Hilowle ayaa ku gacan seyray hadalkii odayaasha Mogadishu Clan, wuxuuna sheegay in beeshaas ay xilal badan ka heyso maamulka uu hoggaamiyo Madaxweyne Laftagareen, wuxuuna eedeyntaas ku tilmaamay waxba kama jiraan. “Waxaan cadeyneynaa in hadalkii ka soo yeeray odayaasha beelaha Mogadishu Clan aysan waxaba ka jirin oo Koonfur Galbeed loo dhan yahay, masuuliyiinta Mogadishu Clan ku metesha maamulka K/Galbeed aniga ayaa kamid ah,” ayuu yiri isku duwe Mustaf Hilowle. Wuxuu sheegay in hadii ay tabasho qabaan ay ku habooneed inay ayaga oo ku metela Koonfur Galbeed lasoo wadaagaan si ay maamulka ugu gudbiyaan. “Iyagoo odayaal dhaqan ah inay yiraahdaan maamulkaas wax metelaad ah kuma lihin waan laga haboonaa, wax ka jirana malaha warkaas, waa arin siyaasadeed oo Koonfur Galbeed lagu beegsanayo,” ayuu yiri masuulkaan ka tirsan maamulka gobolka Shabeellada Hoose. Odayaasha uu u jawaabay isku duwahaan waxay ka cabanayeen in Madaxweyne Laftagareen uu siiday in beelaha Mogadishu Clan ay qaataan kursiga madaxweyne ku xigeenka maamulkaas, maadaama dastuurku uu qorayo maamullada dhana ay leeyihiin madaxweyne iyo madaxweyne ku xigeen. Hoos ka daawo The post Daawo: Koonfur Galbeed oo si yaab leh uga jawaabtay hadalkii odayaasha Mogadishu Clan appeared first on Caasimada Online.

458987036_488965190579944_6920413180212647426_n Qaran News

Muqdisho (Wararka PP) — Shirkadda PaySii, oo ay Soomaali badan app-keeda lacag ugu diraan qoysaskooda iyo ehelkooda ku sugan Soomaaliya, ayaa weli diiddan inay u hoggaansanto amar ka soo baxay dowladda federaalka Soomaaliya dhowr toddobaad ka hor. PaySii weli uma hoggaansamin amarka ka soo baxay dowladda federaalka Soomaaliya. Dowladda federaalka Soomaaliya ayaa fartay dhammaan shirkadaha ka hawlgala Soomaaliya inaysan ku kicin tallaabo wax u dhimaysa gobanimada Soomaaliya. Amarka dowladda federaalka Soomaaliya wuxuu farayaa shirkadaha in magaca maamulka Somaliland aan lagu darin taxa magacyada dalalka shirkad ay ka hawlgasho. Ethiopia Airlines way u hoggaansantay amarka dowladda federaalka Soomaaliya. FlyDubai way u hoggaansantay amarka dowladda federaalka Soomaaliya. PaySii, oo xiriir la leh shirkado sida Golis Telecom iyo Hormuud, weli waxay ka cagajiidaysaa inay u hoggaansanto amarka dowladda federaalka Soomaaliya ka soo baxay. Ethiopia Airlines iyo FlyDubai way u hoggsansameen amarka dowladda federaalka Soomaaliya. Ma cadda tallaabada ay dowladda federaalka ka qaadayso PaySii oo ugu yaraan 90% macaamiisheedu lacago u diraan Koonfurta Soomaaliya. © Puntland Post, 2024 The post PaySii oo aan weli u hoggaansamin amarka dowladda federaalka Soomaaliya appeared first on Puntland Post.

Taliyaha ciidanka xoogga Dalka Soomaaliyeed ibraahim Sheikh Muxudiin iyo wefdi saraakiil ah oo hoggaaminayo ayaa gaaray gobolka Shabeellada hoose . Ujeedada safarka wafdiga ayaa ahayd sidii loo dardar-gelin lahaa dagaalka ka dhanka ah kooxda Alshabaab ee ka socda meela uu gobolkaasi ka mid yahay, waxaana safarka taliyaha ku wahlinayay Taliyaha howlgallada gaarka ah ee ciidamada Mareykanka Colonel David Haskell. Taliyaha ciidanka xoogga Dalka Soomaaliyeed ibraahim Sheikh Muxudiin ayaa kulan la qaatay Saraakiil ka tirsan xoogga Dalka iyo Dowladda Mareykanka. Shirka waxaa looga hadlay sidii Khawaarijta looga sifeyn lahaa goobaha ay wili kaga suganyihiin dalka, waxaana Taliyaha Ciidanka XDS uu amray saraakiishaan in loo diyaar garoobo dagaal ka dhan ah Alshabaab, iyadoo la kaashanyo dadka deegaanka oo diyaar u ah dagaalka cadawga. Saraakiisha ka socotay Dowladda Mareykanka ayaa soo dhaweeyay Howlgalkaan, waxayna cadeeyeen inay diyaar u yihiin dagaalka ka dhanka ah Alshabaab. Source: goobjoog.com

Muqdisho (Caasimada Online) – Maxkamadda Ciidamada ayaa maanta lasoo taagay rag ka tirsanaa Al-Shabaab oo loo diyaariyey ka dagaalamaan deegaanada Somaliland, balse fashilmay oo soo galay gacanta hey’adaha ammaanka ee dowladda Soomaaliya. Ragaan oo gaaraya 4 ayaa lagu kala qabtay magaalooyinka Muqdisho iyo Gaalkacyo, waxaana la hor keenay maxkamadda darajada koowaad ee ciidamada Soomaaliya, iyagoo qoraal ah. Waxaa ku jira nin oday ah oo Ugaaska ay u bixiyeen, kaasi oo dalka Jarmalka uga yimid inuu ku biro Al-Shabaab, Ugaaska ayaa Al-Shabaab ugu magacaawnaa guddoomiyaha degmada Burco ee gobolka Togdheer ee Somaliland. Xubnahaan ka tirsanaa Al-Shabaab waxay ka soo kala jeedaan magaalooyinka Burco iyo Hargeysa, meel kala duwan oo koonfurta Soomaaliya ah ayey tababaro ku soo qaateen, aagga Jilib ayey dhowr sano joogeen, waxaana loo diyaarinayey sidii ay Somaliland uga fuli lahaayeen falal argagixiso. Cabdikariin Ibraahim Cilmi, waxay Shabaab u magacaabeen Ugaaska beeshiisa Isaaq, waa nin oday ah oo ka yimid dalka Jarmalka, wuxuu sheegay inuu yahay cuuryaan, waxaana loo magacaabay guddoomiyaha degmada Burco. Guddoomiye Shuute ayaa wareysi dheer la yeeshay Ugaaska, isagoo weydiiyey su’aalo adag muddo 10 daqiiqo ah, ninkaan ayaa sheegay in jaceylka uu u qabo kooxda uu uga yimid Jarmalka, balse waxaa lagu qabtay Muqdisho isagoo dhuumaaleysanaya. Xeer ilaalinta ayaa soo bandhigtay cadeymo muujinaya in qaar ka mid ah ragaan ay tashkiilanayeen bulsho ka badqabta fikirka guracan ee Khawaarijta, sidoo kale waxay qirteen in magaalooyin kala duwan ay tageen, iyagoo faafinaya fikirka argagixisada. Qaar kamid ah ragaan waxaa lagu qabtay Gaalkacyo iyagoo u socda Somaliland, magaalooyinka ay ku kulmeen waxaa ka mid ah Beledweyne, fariimo ay u direen gabdho ay shukaansanayeen oo xambaarsan fikirka argagixisada ayaa lagu soo bandhigay fadhiga maxkamadda. Hoos ka daawo The post Daawo: DF oo soo qabatay rag Shabaab u diyaariyeen in ay ka howlgalaan Somaliland appeared first on Caasimada Online.

Garowe (Caasimada Online) – Dab xoog leh ayaa caawa fiidkii ka kacay kaalin Shidaal oo ku taalla magaalada Garoowe ee xarunta maamulka Puntland. Waxaa ilaa hadda socda daminta iyo la tacaalida dabkaas oo ah mid xoogan, sida ay ku waramayaan goobjoogayaal qeyb ka ah gurmadka socda. Dabka ayaa markii hore ka kacay Geerish gaadiidka lagu dayactiro oo ka ag-dhowaa Kaalinta Shidaalka ee 3CC oo dabku gaaray, markii lagu guul-dareystay in la demiyo. Dabka ayaa sii fiday oo gaaray heer la xakamey waayo markii uu qabsaday kaalintaas Shidaalka oo ka mid ah goobaha Shidaalka lagu iibiyo ee ugu waaweyn magaalada Garowe. Sidoo kale dabku wuxuu burburiyey oo ku sii faafayaa goobo ganacsi oo aaggaas ku yaalay, maadaama la xakameyn waayey kaalintii shidaalka iyo Garaashkiina uu soo baabi’iyey. Gaadiidka Dab-damiska iyo kooxaha gurmadka degdegga ah ayaa ku howlan ilaa xakamaynta iyo daminta dabkaas, waxaana caqabad noqotay goobta dabku ka kacay oo ahayd isku raran aan lahayn jidad badan oo laga gali karo. Ma jiraan wax Khasaare nafeed ah oo Garoowe laga soo weriyey, laakiin waxaa burburtay hanti badan, dabkuna wuxuu ku sii siqayaa goobop ganacsi oo horleh. The post Sawirro: Magaalada Garoowe oo caawa gubaneysa appeared first on Caasimada Online.

Beesha Maxamed Siwaaqroon (Gahayle) oo mudda saddex Cisho ah shir uga socday magaalada CARTA ee Gobolka Bari ayaa taageertay Baaqyadii Nabadeed ee laga soo saaray colaaddii dhawaan ka dhacday magaalada Ceerigaabo ee xarunta Gobolka Sanaag. War-murtiyeed ka soo baxay Gahayle Siwaaqroon ee Majeerteen ayaa lagu yiri “waxaannu Xoojinaynaa Baaqyadii Nabadeed ee is daba-jooga ahaa, ee ay soo saareen Odayaasha Dhaqanka Soomaaliyeed, waxaana si gaar ah u xoojinaynaa dadaallada Nabadeed ee ay wadaan Guddiga dhex-dhexaadinta Nabadgalyada degmada Ceerigaabo Beelaha kala ah; Gahayle(Majeerteen), Ogaadeen (Bah-geri), Habar-jeco iyo East Sanaag Clan” “Degmada Ceerigaabo waa meel la wada lee yahay Qolona-Qola kama qabsan karto ugumana dowladeyn karto, sidaasi darteed waxaanu Maamullada Somaliland iyo SSC-khaatumo ugu baaqaynaa in ay joojiyaan Colaadda ay ka hurinayaan Gobolka. Heshiiskii Nabadeed ee Beelaha Gobolka Sanaag ku gaareen taaariikhdu markay ahayd 1993, waxaa Beelaha qaar uga faa’idaysteen Hab Siyaasi ah oo aan loo dhammayn.” “Waxaan ugu baaqaynaa Beelaha Dan iyo Dal Wadaagta ah, ee deggan Ceerigaabo, in ay dib uga fadhiistaan oo isla saxaan wixii qaldamay si Nabadda Ceerigaabo u noqoto mid Waarta. Nabadda Ceerigaabo waxay ka go’daa in ay si dhab ah uga wada-hadlaan Beelaha deggan degmada Ceerigaabo”. “Ugu danbayn Beesha Gahayle ee Siwaaqroon waxay Tacsi u diraysaa dadkii ku dhintay Shaqaaqadii ka dhacday degmada Ceerigaabo, sidoo kale waxay ilaahay uga baryaysaa, in uu u booga dhayo dadkii ku dhaawacnay Shaqaaqadaasi” ayaa lagu geba-gabeeyay War-murtiyeedka Beesha Gahayle Siwaaqroon ee ka soo baxay Shirkii Beesha ee uga socday magaalada CATRTA ee Gobolka Bari. PUNTLAND POST The post Beesha Gahayle Siwaaqroon ee Majeerteen oo war ka soo saaray xaaladda Ceerigaabo appeared first on Puntland Post.

Muqdisho (Caasimada Online) – Guddoomiyaha maamulka gobolka Banaadir, ahna duqa magaalada Muqdisho, Yuusuf Xuseen Jimcaale (Madaale) oo ka qayb-galay Barnaamijka Dood Furan ee Telefishinka Universal ayaa waxaa laga waydiiyay arrimo ku aadan xaaladda magaalada Muqdisho iyo mararka qaar dibad-baxyada ka dhaca. “Markii banaanbaxyo dhacaan gudoomiyeyaashii gobolka sida AUN Eng.Yariisoow, Taabid iyo Cumar Filish Intay banaanbaxayaasha dhax tagaan bay qancin-jireen adigana Gudoomiye Madaaloow Xabad iyo Askar baa kaasoo horreysa, maxaa kuu diiday sidoodii oo kale? Ayuu waydiiyey mid kamid a ka qayb-galayaasha doodda. Intaas kadib waxaa hadalka qaatay duqa Muqdisho oo sheegay in dibad-baxyada ay hadda ka yaraadeen sidii hore, isaga oo xusay in ay suuragal tahay in dadka isku soo baxaya ay kusoo dhex dhuuntaan Al-Shabaab, sababtaasna uu uga baaqsado inuu tego. “Banaan-baxyada markii hore haddii ay badnaan jireyn hadda ma badna oo waa hal iyo labo mararka qaarkood waxaa dhici kareyso nimankii aad ogeedeen ayaa laga yaabaa inay ku hoos jiraan” ayuu yiri guddoomiye Madaale. Sidoo kale wuxuu intaasi ku daray in maamulkiisa uu mar kasta ku dadaalo xallinta arrimaja markaas laga cawdo, isaga oo tusaale usoo qaatay xalkii ugu dambeeyay ee laga gaaray cabashada Bajaajleyda. “Marka inaan u tego oo la hadlo oo iska kala taga yiraahdo waxaan ka door biday inay waxa ay ka cabanayeen inaan abaaro oo ka shaqeeyo, Bajaajleydii hadda ugu dambeysay waxay ka cabanaayeen kuli waa ka shaqeynay” ayuu mar kale yiri guddoomye Madaale. Waxaa kale oo uu sii raaciyay “In wax la xalliyo ayaa sax ah ee haddii la dhex istaago iyo haddii aan la dhex istaaginbo oo inta laga soo tago la’iska daneysto wax wayn masoo kordhineyso”. The post Muxuu Yuusuf Madaale ku diiday inuu u dhaqmo sida gudoomiyeyaashi ka horeeyay? appeared first on Caasimada Online.

President William Ruto on Thursday, September 5, met with Somalia President Hassan Mohamud on the sidelines of the Forum on China-Africa Cooperation (FOCAC) summit in Beijing, China. Source: Hiiraan Online

Magaalada Beijing ee caasimada dalka Shiinaha waxaa ku soo dhammaaday shirka Shiinaha iyo Afrika kaas oo ay ka qayb galeen inta badan hoggaamiyaasha wadamada Qaarada Afrika. Madaxda shirka ka qayb gashay waxaa ka mid ahaa madaxweynaha Soomaaliya Xasan Sheekh Maxamuud iyo wafdi uu hoggaaminayo, iyo sidoo kale Raysal wasaaraha Itoobiya Abiya Ahmed oo labadooda dal xiisaddi ka dhex taagan tahay. Labada dal ee Soomaaliya iyo Itoobiya ayaa xiriikoodu xumaaday ka dib markii Addis Ababa ay heshiis Is afgarad ah la gashay Jamhuuriyadda Iskeed Madaxbannaanida ugu dhawaaqday ee Soomaliland, kaas oo ay si weyn ugu hortimid dowladda Soomaaliya. Saacadihii la soo dhaafay waxaa soo baxay warar sheegaya in madaxweyne Xasan Sheekh Maxamuud uu diiday kulan is arag ah oo la sheegay in dowlad aan magaceeda la sheegin isku dayday inay la kulansiiso Raysal wasaaraha Itoobiya Abiy Axmed. Sarkaal sare oo ka tirsan waftiga madaxweynaha Soomaaliya ee Shiinaha ayaa BBC-da u xaqiijiyey inuu jiro warka la xiriira in la kulan siiso madaxweyne Xasan iyo Ra’iisul Wasaare Abiy Axmed, basle dhanka Soomaaliya aysan ka suuragelin oo ay diideen. “Waa jiraa warkaas” ayuu yiri, wuxuuna intaa ku daray in “qolyihii doonayey inay kulansiiyaan uu suurtoobi waayey isku daygooda”. Sarkaalka ayaa ka gaabsaday inuu sheego dowladda isku dayday inay abaabusho kulan dhexmara labada hoggaamiye. Madaxweyne Xasan Sheekh iyo Raysal Wasaare Abiyey Axmed ayaan is arag tan iyo bilowgii sanadkan ka dib markii Muqdisho iyo Addis Ababa uu xiriirkoodu xumaaday. Dhawaan ayey ahayd markii wasiirka arrimaha dibadda ee Jamhuuriyada Jabuuti Maxamuud Cali Yuusuf oo waraysi gaara siiyey BBC-Focus on Africa uu sheegay in Jabuuti ay doonayso inay labada dhinac hoos u dhigaan xiisadda ka dhex taagan. Hadalkii uu BBC-da u sheegay ka hor intii madaxda Afrika aysan u safrin Beijing ayuu ku yiri “Waxa aan u safri doonnaa Beijin maamlo gudahood halkaas oo aan haysano fursad ah in dhammaan hoggaamiyaasha aan kula kulmi doonno halkaas . Waxa ay ila tahay waa fursad wanaagsan in Madaxweyne Geelle uu kula hadlo labada hoggaamiye ee Itoobiya iyo Soomaaliya , wuxuuna isku dayi doona in uu abaabulo Kulan haddii suurtagal ay tahay in ay iskugu yimaadaan IGAD si looga wadahadlo dhibaatada habka ugu wanaagsan ee aan awoodno.” ayuu BBC-da u sheegay Maxamuud Cali Yuusuf wasiirka arrimaha dibadda Jabuuti. Soomaaliya iyo Itoobiya ayaa yeeshay wareegyo wadahadallo ah oo ka dhacay dalka Turkiga kuwaas oo dowladda Turkigu dhexdhexaadiye ka ahayd kana dhacay Ankara. Labada wafdi ee kala mateleyey Soomaaliya iyo Itoobiya ayaan labadaas wareeg ee wadahadallada aan is hor fariisan marka laga reebo u kala warqaadid Turkiga ah. Wahadalladaas ayaan dhalin wax natiijo ah. Dowladda Soomaaliya ayaa madaxdeedu ku celceliyeen inaysan Itoobiya la hadli doonin haddii aysan ka laaban is afgaradkii ay la gashay bilowga bishii Janaayo ee sanadkan Somaliland, aysanna aqoonsan madaxbanaanida dhuleed ee Soomaaliya. Xiisadda ayaa sii korortay markii Masar oo khilaaf xooggan kala dhaxeeyo Itoobiya ay kor u qaaday xiriirka ay la leedahay Soomaaliya, ayna labada dal wada saxiixdeen hesiis iskaashi amni. Halkee sartu ka quruntay Kowdii Bishii Janaayo ee sanadkan ayey ahayd markii magaalada Addis Ababa ay heshiis is afgarad ah ku kala saxiixdeen Ra’iisul Wasaaraha Itoobiya Abiy Axmed iyo Madaxweynaha Jamhuuriyada Iskeed Madaxbannaanida ugu dhawaaqday ee Somaliland kaas oo dhigayey in Somaliland heli doonto aqoonsi halka Itoobiya ay heleyso “marin biyood laga kirayeeyo” sida ay Somaliland sheegtay. Heshiiska is afgaradka ah ayaa la doonayey in muddo gaaban ka dib loo beddelo heshiis rasmi ah laakiin wali ma suuragelin. Dowladda Soomaaliya ayaa heshiiskaas is afgaradka ah ku tilmaamtay mid xad gudub ku ah madaxbaannida dhuleed iyo qarannimda Soomaaliya. Waxayna Muqdisho cadaadis diblomasiyadeed saartay Itoobiya, iyadoo fagaarayaal badan oo caalami ah ka ashkaysay Itoobiya. Maalmo ka hor ayuu Madaxweynaha Somaliland sheegay isagoo ka hadlayey safar uu ku marayo gobolada Somaliland in heshiiskaas is afgradka ah uu dhaqan gali doono. Labada hoggaamiye ee Soomaaliya iyo Itoobiya ayaa si la mid ah shirkii Shiinaha iyo Afrika waxay hore uga qayb galeen shirar caalami ah ayagoo aan fool-ka-fool u kulmin. Bbcsomali Qaran News

Nidaamka caalamiga ah ee dunida wuxuu “ku jiraa khatar aan la arag tan iyo dagaalkii qaboobaa”, madaxda sirdoonka UK iyo Maraykanka ayaa sidaas ka digay. Madaxda MI6 iyo CIA-da ayaa sidoo kale sheegay in labada dal ay u taagan yihiin sidii ay isaga caabin lahaayeen dagaalka gardarada ah ee Ruushka iyo Putin ee Ukraine. Maqaalkii ugu horreeyay ee ay si wadajir ah u qoraan, Sir Richard Moore iyo William Burns ayaa ku qoray Financial Times, in ay arkayeen dagaalka Ukraine ee soo socda “oo ay awoodeen inay u digaan beesha caalamka”, taas oo qayb ahaan ay qeexaysay macluumaadka sirta aha si ay u caawiyaan Kyiv. Waxay sheegeen in ay jirto howl la qabtay si loo “burburiyo ololaha iska saarnaanta ah ” taas oo ka dhacday guud ahaan Yurub iyo si loo qaboojiyo dagaalka Israa’iil iyo Gaza, iyo ka-hortagga argagixisannimada si loo fashiliyo kooxda dawladda Islaamiga ah (IS). Wargeyska FT, bogga ra’yiga, ayey ku qoreen: “Su’aali kama taagna in nidaamka caalamiga ah ee adduunku – nidaamka dheellitiran ee horseeday nabad iyo xasillooni oo keenay heerarka nololeed ee sare kaca fursadaha iyo barwaaqada – in uu ku jiro khatar aan la arag tan iyo dagaalkii qaboobaa. “In si guul leh loola dagaallamo khatartan” waxaa saldhigga u ah xiriirka gaarka ah ee ka dhexeeya UK iyo Maraykanka, ayay intaasi raaciyeen. Mid ka mid ah “hanjabaadaha aan horay loo arag” ee ay wajahayaan labada waddan waa dagaalka Ukraine, kaas oo ku jira sannadkiisii ​​saddexaad ka dib duulaankii Ruushka ee Febraayo 2022. Source Bbcsomali Qaran News

Safiirka Soomaaliya u qaabilsan dalka Switzerland, ahna ergeyga joogtada ah ee xafiiska Qaramada Midoobay ee magaalada Geneva Khadra Ducaale ayaa warqadaha aqoonsiga Danjirenimo waxaa ka gudoomay Agaasimaha Guud ee Qaramada Midoobay ee magaalada Geneva, Tatiana Valovaya. Danjire khadra Ducaale ayaa Soomaaliya u fadhin doonta dalkaasi Switzerland oo kamida dalalka muhiimka u ah Soomaaliya ee qaaradda Yurub, ayadoo sidoo kale ku matali doonta arrimaha Qaramada Midoobay ee magaalada Geneva. Soomaaliya oo dhowaan qeyb ka noqatay golaha ammaanka Qaramada Midoobay ayaa wadda dadaal ay ku xoojinayso saamaynteeda arrimaha dibedda iyo iskaashiga dalalka dunida kala dhexeeya. Source: goobjoog.com

Maxkamadda ciidamada qalabka sida ee Soomaaliya ayaa maanta la soo taagay rag loo haysto Alshabaabnimo, kuwaas oo Xeer-ilaalintu ay ku soo oogtay dacwado la xariira falal nabad-gelyada halis ku ah iyo ka tirsananaanta kooxo dowladnimada ka soo horjeeda. Ragga galdacwadeedkooda ay maxkamaddu u fariisatay ayaa waxaa kamid ahaa oday naafo oo dhowr iyo 50 sano jir ah, kaas oo ka yimid dalka Jarmalka, asal ahaanna ka soo jeeda magaalada Burco ee gobolka Togdheer. Ninkan ayaa qirtay inuu kooxda Alshabaab u qaabilsanaa ilaalinta keydka raashinka, maadaama uu sheegay inuu yahay qof baahiyaha gaarka ah qaba oo aan dagaallada iyo qaraxyada ka qeyb-qaadan karin. Sidoo kale wuxuu sheegay inuu iskiis uga soo baxay kooxda, islamarkaana muddo uu magaalada muqdisho dhuumasho ku joogay ka dib gacanta laamaha amniga soo galay, balse xeer ilaalinta ayaa ku eedeysay inuu doonayay in tababarro uu soo qaatay uu weerarro uga geysto magaalooyinka Hargeysa iyo Burco. Source: goobjoog.com

Addis Ababa (Caasimada Online) – Taliyaha guud ee ciidamada Itoobiya Field Marshal Birhanu oo haatan ku sugan magaalada Jigjiga ee xarunta ismaamulka Soomaalida Itoobiya ayaa ka hadlay arrimo xasaasi ah oo ku aadan xiisadda kala dhexeysa Soomaaliya. Field Marshal Birhanu oo khdubad ka jeediyay munaasabadda dabbaaldegga sannad-guurada 47-aad ee taliska bariga Itoobiya ayaa si weyn u dhaleeceeyay madaxda Soomaaliya, wuxuuna ku eedeeyay inay la shaqeeyaan cadowga Itoobiya oo uu kala jeedo Masar. Taliyaha ayaa shaaca ka qaaday inay ka go’an tahay inay difaacaan madax-banaanidooda, haddii tallaabo loo soo qaado dhankooda, sida uu ku goodiyay Sidoo kale wuxuu intaasi kusii daray in ciidamadu ay diyaar-garoobeen inay ka hortagaan wax kasta oo khalkhal gelinaya ammaanka, isla markaana ay difaacayaan dalkooda. Taliyaha ciidamada qalabka sida ee Itoobiya ayaa sidoo kale ka digay wax uu ugu yeeray cadowga Itoobiya oo carqaladeynaya horumarkooda iyagoo kaashanaya calooshood u shaqeystayaal iyo khaa’inul waddan gudaha ah. Hadalkan wuxuu kusoo aadayaa, iyada oo weli halkeedkii ay tahay xiisadda Soomaaliya iyo Itoobiya, waxana haatan kusoo biirtay Masar oo iskaashi cusub la yeelatay dowladda federaalka, taas oo ay ka carootay dowladda Itoobiya. Si kasataba, Soomaaliya ayaa Masar la saxiixatay heshiis milateri oo 10 kun oo askari oo Masar ah lagu keenayo gudaha dalka kuwaas oo qeyb ka noqonaya howl-galka cusub ee nabad ilaalinta ee soo socda. Dowladda federaalka ayaa dooneysa in ciidamada Itoobiya aysan kamid noqon howl-galka cusub ee nabad ilaalinta, maadaama ay ku kacday xad-gudub ka dhan ah qaranimadeeda, beddelkeeda ay u galaan ciidamada Masar. The post Itoobiya oo eedeyn yaab leh u jeedisay madaxda Somalia appeared first on Caasimada Online.

458787880_524828037069883_8862924320314243029_n Qaran News

Muqdisho (Caasimada Online) – Xildhibaan Yuusuf Geelle Ugaas oo kamid ah mudanayaasha Golaha Shacabka Soomaaliya oo maanta shir jaraa’id ku qabtay magaalada Muqdisho ayaa u jawaabay odayaasha dhaqanka Beelaha Mogadishu Clan oo ka horyimid dadaal ay isaga iyo xildhibaanno kale sameeyeen kuna raalligeliyeen xildhibaannada Koonfur Galbeed. Yuusuf Geelle ayaa marka hore raalligelin buuxda siiyay odayaasha, wuxuuna sheegay in ujeedkooda uu ahaa in la’isku soo dhowaado oo si deganaan ah loo dhameeyo muranka taagan. “Waxaan rabaa inaan ka hadlo waxqabadkii maalmahan aan ka shaqeyneynay annaga oo u istaagnay aniga iyo xildhibaanno kale in mad-madow aan dhammeyno oo ka dhex jiray baarlamaanka ayaa haddane arrintaas waxa ay keentay dhinaca kale teamka kale oo odayaal ah inay si kale u arkaan” ayuu yiri Xildhibaan Yuusuf Geelle Ugaas. Sidoo kale wuxuu sii intaasi sii raaciyay ‘Waxaan rabaa Ummadda Soomaaliyeed hortooda in aan raalligelin ka siiyo odayaashaas oo ah odayaasheennii wax kasta oo ay dhibsadeen oo shaqada aan ka shaqeyneynay ay ka dhibsadeen waxaan rabnaa inaan ka raalligelino”. Dhinaca kale wuxuu ka hadlay arrinta badda, wuxuuna farriin culus oo midnimo ah u diray xildhibaannada labada Gole oo uu ugu baaqay inay u midoobaan difaada dalka. “Abiy Axmed baarlamaankiisa ayaa waxa uu ka dhaadhicinayaa inuu dhulkeenna qabsado saas darteed baarlamaanka sharafta leh waxaan ka codsanayaa inaanan ku kala qaybsamin inaan badda difaacno oo dalka iyo dadka aan Itoobiya ka difaacno” ayuu mar kale yiri. Odayaasha Beelaha Mogadishu Clan oo xalay shir jaraa’id ku qabtay magaalada Muqdisho ayaa si weyn uga horyimid dhaq-dhaqaaqa xildhibaannada ee ka socda caasimada, waxay si gaar ah u diideen in raalligelin la siiyo xildhibaannadii horay u taageeray Itoobiya. “Waxaa jiro xildhibaanno Beelaha Mogadishu Clan kamid ah oo siyaasadda ku metala ayaa raalli-gelin ugu tegay xildhibaannadii dareenka shacabka Soomaaliyeed geliyay ee Itoobiya ku taageeray baarlamaanka hortiisa, haddaba waxaa isla qaadanay in xildhibaanaddii tegay shalay iyo kuwii hore ay isku mid yihiin” ayuu horay u yiri afhayeenka Beelaha Mogadishu Clan. Waxaa kale oo uu kusii daray “Wax lala yaabo oo ugub ah waxaa ah nin xildhibaan ah oo odayaashiisii raalli-gelin ka bixinaya oo xaal ka bixinaya, waa wax aan la arag oo la maqal”. The post Daawo: Yuusuf Geelle oo u jawaabay odayaasha Mogadishu Clan appeared first on Caasimada Online.

Jigjiga (HOL) — Ethiopian National Defence Forces (ENDF) Commander Field Marshal Birhanu Jula has vowed that Ethiopian troops are prepared to defend the nation's sovereignty and counter any potential threats, accusing Somali leaders of collaborating with Ethiopia's adversaries. Source: Hiiraan Online