Muqdisho (Caasimada Online) – Ra’iisul wasaarihii hore ee Soomaaliya, Mudane Cali Maxamed Geeddi oo u warramay warbaahinta qaranka ayaa si weyn u taageeray qorshaha Villa Soomaaliya ee ku aadan qabashada doorasho qof iyo cod ah, taas oo dhalisay khilaaf siyaasadeed oo horleh. Geeddi ayaa sheegay in ay muhiim tahay in dalka ay ka dhacdo doorasho qof iyo cod ah, wuxuuna aad u boggaadiyay dadaalka uu gelinayo madaxweyne Xasan Sheekh Maxamuud. Sidoo kale wuxuu tilmaamay in dadka Soomaaliyeed ay muddo dheer sugaayeen inay codadkooda dhiintaan, si ay u doortaa hoggaankooda, taas oo ah fursad muhiim ah. “Waan la socdaa in dowladda ay dadaal badan ku bixineyso in dalka ay ka dhacdo doorasho qof iyo cod ah, waana waxa umadda Soomaaliyeed si wayn u sugeysay mudda kabadan 50-sano.,shacabkuna soo doortaan cidda hogaamineyso waana arin fiican in awooda shacbka loo celiyo” ayuu yiri ra’iisul wasaare hore Mudane Cali Maxamed Geedi. Waxaa kale oo uu farriin u diray hoggaamiyeyaasha maamul goboleedyada iyo xubnaha mucaaradka, isaga oo ugu baaqay inay u turaan dadkooda, ayna raacaan rabitaankooda. “Golaha wadtashiga iyaga ayaa kal hore ku heshiiya doorasha qof iyo cod ah hadan in siyaasiyiinta qaar ka horyimadaan waxa ay shalay ay noo sheegeen waxa laga filayay ma ahan, balsa waxaan kula talin lahaa in loo tanaasulo dalka iyo dadka”. ayuu mar kale yiri. Ugu dambeyn wuxuu hoosta ka xariiqay tilmaamay muhiimadda ay leedahay doorashada shacabka loo celiyo too abuureyso kalsooni buuxda, isagoo shacabka Soomaaliyeed ugu baaqay dadaallada dowladda ee doorasho qof iyo cod ah garab wayn lagu siiyo. Hadalkan ayaa kusoo aadayo, ayada oo la’isku mari waayay arrinta doorashada, waxayna taasi keentay in shirkii golaha wadatashiga qaranka uu isaga baxao madaxweynaha Jubbaland Axmed Madoobe oo maanta dib ugu laabtay magaalo xeebeedka Kismaayo. The post Cali Maxamed Geedi oo si weyn u taageeray qorshaha madaxweyne Xasan Sheekh appeared first on Caasimada Online.

Kismayo (HOL) – Jubaland President Ahmed Mohamed Islam Madobe returned to Kismayo on Monday after reaching a consensus at the ongoing National Consultative Council (NCC) meeting in Mogadishu failed. Source: Hiiraan Online

462368245_1629448020967510_1912587345585357157_n Qaran News

Muqdisho (Caasimada Online) – Guddoomiyaha Golaha Shacabka Soomaaliya, Mudane Sheekh Aadan Maxamed Nuur (Aadan Madoobe) ayaa maanta u baxay safar dibadeed, isaga oo ay wehlinayaan xildhibaanno ka tirsan baarlamaanka federaalka Soomaaliya. Sheekh Aadan Madoobe ayaa looga yeeray dalka Imaaraadka Carabta, isaga oo casuumaad ka helay dhiggiisa dalkaasi, sida lagu shegay qoraal kasoo baxay xafiiskiisa. “Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) iyo wafdi uu hoggaminayo ayaa u ambabaxay wadanka Isutaga Imaaraadka Carabta, kadib casuumaad rasmi ah oo uu ka helay dhiggiisa dalkaasi” ayaa lagu yiri warsaxaafadeedka. Sidoo kale waxaa lasii raaciyay “Safarka Guddoomiyaha Golaha Shacabka ee Baarlamaanka Dalka Mudane Sheekh Aadan Maxamed Nuur (Madoobe) waxaa ku wehliya guddoomiyaha Guddiga Saaxiibtinimada Baarlamaannada Soomaaliya iyo Imaaraadka Carabta iyo xubnaha Baarlamaanka Soomaaliya ku matala Baarlamaanka Jaamacadda Carabta” Aadan Madoobe ayaa sidoo kale kulamo gaar gaar ah la qaadan doono madaxda sare ee Imaaraadka, wuxuuna kala hadli doonaa xaaladda Soomaaliya iyo arrimaha soo kordhay. Sidoo kale guddoomiyaha Golaha Shacabka ayaa inta uu joogo waddanka Isu tega Imaaraadka waxa uu madaxda dalkaasi, kala hadli doonaa xoojinta xiriirka labada dal. Safarka Sheekh Aadan Madoobe wuxuu kusoo aadayaa, xilli ay haatan taagan tahy xiisad siyaasadeed oo xoogleh, kadib markii uu sii kordhay khilaafka ka jira gudaha dalka. Si kastaba, Imaaraadka Carabta ayaa kamid ah dowladaha waa weyn ee saameynta ku leh arrimaha siyaasadda Soomaaliya, wuxuuna sidoo kale taageeraa dowladda federaalka. The post Aadan Madoobe oo looga yeeray Imaaraadka + Sawirro appeared first on Caasimada Online.

Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) iyo wafdi uu hoggaminayo ayaa u ambabaxay wadanka Isutaga Imaaraadka Carabta, kadib casuumaad rasmi ah oo uu ka helay dhiggiisa dalkaasi. Safarka Guddoomiyaha Golaha Shacabka ee Baarlamaanka Dalka Mudane Sheekh Aadan Maxamed Nuur (Madoobe) waxaa ku wehliya guddoomiyaha Guddiga Saaxiibtinimada Baarlamaannada Soomaaliya iyo Imaaraadka Carabta iyo xubnaha Baarlamaanka Soomaaliya ku matala Baarlamaanka Jaamacadda Carabta. Guddoomiye Sheekh Aadan Madoobe ayaa mudada uu joogo Dalka Isutaga Imaaraadka Carabta waxa uu kulamo la qaadan doonaa mas’uuliyiinta wadankaasi oo uu ugu horeeyo Guddoomiyaha Baarlamaanka ee dalkaasi. Socdaalka Guddoomiye Aadan madoobe ayaa ku soo beegmaya maalmo kooban ka dib markii Guddoomiyaha aqalka sare uu dalkaas booqasho ku tagey. Source: goobjoog.com

Muqdisho (Caasimada Online) – Golaha wasiirada xukuumadda federaalka Soomaaliya ayaa lagu wadaa in caawa ay yeeshaan kulan aan caadi ahayn, kaas oo uu shir guddoomin doono ra’iisul wasaare Xamza Cabdi Barre, sida ay ogaatay Caasimada Online. Shirkan oo ah mid xasaasi ah ayaa waxaa lagu wargeliyay inay si buuxa uga soo qayb-galaan dhammaan xubnaha golaha wasiirada, maadaama uu yahay shir muhiim ah. Farriin loo diray xubnaha golaha, isla-markaana ay aragtay Caasimada Online ayaa waxaa lagu sheegay in shirka uu ka qabsoomayo xafiiska ra’iisul wasaaraha, isla-markaana uu yahay shir aan caadi ahayn, ayadoo xubnaha laga dalbay inay soo wada xaadiraan. Wararka ayaa sheegaya in kulankan looga hadli doono qodobo dhowr ah oo ku aadan xaaladda guud ee dalka, gaar ahaan arrimaha siyaasadda, amniga iyo dhaqaalaha. Ilo wareedyo xilkas ah ayaa sidoo kale innoo sheegay in kulankan warbixino kala duwan looga dhageysan doono qaar kamid ah golaha wasiirada, sida wasiirka arrimaha dibadda oo faah-faahinayo shirarkii ugu dambeeyay uu kasoo qayb-galay iyo waxa u qabsoomay. Sidoo kale wasiirka gaashaandhigga Soomaaliya Cabdulqaadir Maxamed Nuur (Jaamac) ayaa dhankiisa warbixin xasaasi ah la wadaagi doono golaha Wasiirrada, taas oo uu uga hadli doono guulaha laga gaaray howlgalladii ugu dambeeyay ee lagu qaaday kooxda Al-Shabaab iyo sidoo kale dhaqdhaqaaqyada socda ee la xiriira mustaqbalka howlgalka ATMIS. Golaha wasiirad ayaa sidoo kale la filayaa inay soo saaray awaamiir cusub oo la farayo inay la socdaan hay’adaha kala duwan ee dowladda federaalka Soomaaliya. Si kastaba, shirkan loogu yeeray golaha wasiirada ayaa kusoo aadayo, ayada oo xaalad siyaasadeed ay ka taagan tahay dalka, isla markaana uu fashil ku dhowyahay shirkii golaha watashiga qaran ee ka socday Villa Soomaaliya, maadaama uu ka baxay Axmed Madoobe. The post Xog: Golaha wasiirada oo yeelanaya shir aan caadi ahayn + Ujeedka appeared first on Caasimada Online.

Sannad ayaa maanta laga joogaa markii uu billaamay duullaanka ay Israa’iil ku qaadday Marinka Gaza, kaas oo ay kaga jawaabeysay weerarki 7-badi October ay Xamaas ku qaadday koofurta Israa’iil. Saacado ka hor inta aanan la gaadhin sannad-guurada koowaad ee weeraradi October 7, ayay Axaddii shalay ciidamada Israa’iil gantaallo cirka ah ku duqeeyeen bartilmaameedyo ku yaalla Gaza iyo koofurta Lubnan. Duqeymaha cirka ah ee Israa’iil ayaa ku dhacay xaafadaha koofureed ee magaalada Beyrut xalay. Milatariga Israa’iil waxay sheegeen in diyaaradahooda dagaalka ay garaaceen bartilmaameedyo ay Xisbullah leeyihiin, kuwaas oo ay ku jiraan xarunta mukhaabaraadka, baqaaradda hubka iyo meelo kale oo ku yaalla magaalada Beqaac. Xisbullah ayaa iyaduna sheegtay in xalay ay madaafiic ku garaacday magaalada saddexaad ee ugu weyn Israa’iil ee Xeyfa. Gantaallada Xisbullah ayaa ka dul booday gantaallada difaaca cirka ee Israa’iil, kaddibna ku dhacay dhismooyin ku yaalla Xeyfa sida ay xaqiijiyeen booliska Isra’il. Ilaa 10 qof oo Israa’iiliyiin ah ayaa la xaqiijiyay in ay ku dhaawacmeen gantaalladaasi. Dhinaca Marinka Gaza, ugu yaraan 26 qof ayaa la xaqiijiyay in lagu dilay 93 kalana la dhaawacay, kaddib duqeymo cirka ah oo ay Axaddii ciidamada Isra’il ku garaaceen masaajid iyo xarun ay ku noolyihiin dad barakac ah oo ku yaalla Marinka Gaza. Sannad kaddib, duqeymaha ciidanka Israa’iil ee Gaza ayaa lagu dilay in ka badan 40 kun oo Falastiiniyiin ah oo u badan dumar iyo carruur. Dhanka Israa’iil, munaasabado lagu xusayo dadki lagu dilay weerarki Xamaas ee koofurta Israa’iil ayaa lagu wadaa in lagu qabto Isra’il. Axaddii iyo Sabtidi, kumannaan qof oo ku nool dunida daafaheeda ayaa dhigay mudaaharaadyo ay ku taageerayaan Falastin, ugana soo horjeedaan dagaalka Gaza. Source

Madaxweyne ku xigeenka dalka Kenya Rigathi Gachagua oo halis ugu jira in xilka laga xayuubiyo kadib khilaaf ka dhex-qarxay isaga iyo Madaxweynaha Kenya William Ruto ayaa soo saaray codsi iyo raaligalin. Madaxweyne ku xigeenka Kenya ayaa codsigaan u gudbiyay madaxweynihii Ruto Axadii shalay, isagoo sheegay in aanu garanayn wax khalad ah oo uu sameeyay, hadana uu doonayo in fursad kale la siiyo si uu ugu adeego shacabkiisa Kenya. “Waxaan rabaa in aan ku idhaahdo walaalkey, madaxweyne William Ruto, haddii aan kugu xumeeyay shaqadayada adag, fadlan i cafi,” ayuu yidhi Mr Gachagua. Madaxweyne ku xigeenka Kenya ayaa hadalkaan ka sheegay kaniisad ku taalla xaafada Karen ee magaalada Nairobi. Rigathi ayaa ka dalbaday Ruto in aanu wax hakad ah ku samaynin,”Haddii xaaskeyga (Dorcas Rigathi) ay sinaba kuugu khaldantay fadlan qalbigaaga u fur si aad u cafiso,” ayuu hadalkiisa ku sii daray. Sidoo kale wuxuu sheegay in uu raaligelin siiyay xildhibaanada Kenya iyo dad Kenyanka ah ee doonaya in xilka laga xayuubiyo, xilli shacabka ay ka qeyb qaadanayaan madalo ay ra’yigooda ku dhiibanayaan. “Shacabka Kenya waxaan u sheegayaa in aan u adeegno dalka oo dhan, inta aan idiin adeegayo haddii ay jiraan wax aan sameynay ama idhi oo aad u aragtaan wax aan habooneyn, fadlan i cafiya,” ayuu yidhi Madaxweyne ku xigeenka Kenya. Baarlamaanka Kenya ayaa loo gudbiyey mooshin xilka looga qaadayo Madaxweyne ku xigeenka Kenya Mr Gachagua, guddoonka ayaa qabtay mooshinkaas, wuxuuna sugayaa in cod loo qaado maalmaha soo socda, hadii codsiga adaga aanu xaaladda wax ka bedelin. Xubno ka tirsan xafiiska madaxweynaha Kenya William Ruto ayaa salaasadii baarlamaanka u gudbiyay mooshin xilka looga xayuubinayo madaxweyne ku xigeenka dalka Kenya Rigathi Gachagua, iyagoo ku eedeeyay inuu hurinaayo naceyb isir iyo mid guud iyo inuu dowladda wiiqayo. Sidoo kale waxay Gachagua ku eedeeyeen inuu ku lug lahaa arrimo musuq-maasuq ah, duminta dawladda iyo ka shaqaynta siyaasad qabyaalad ku dhisan, khilaafka u dhexeeya madaxweyne Ruto iyo ku xigeenkiisa Gachagua ayaa cirka isku shareeray maalmihii la soo dhaafay. Source

Mogadishu (HOL) — Three leading Somali opposition figures have urged President Hassan Sheikh Mohamud to abandon plans for a presidential term extension, warning that such a move would destabilize the country and violate the constitution. In a joint statement on Saturday, former President Sheikh Sharif Sheikh Ahmed, former Prime Minister Hassan Ali Khaire, and opposition leader Abdirahman Abdishakur Warsame accused the president of delaying elections and attempting to extend regional mandates to consolidate power. Source: Hiiraan Online

Duqaymo xooggan oo xidhiidh ah ayaa Subaxnimadii hore ee maanta laga maqlay dhinaca koonfureed ee magaalada Beirut. Dad goobjoogayaal ah ayaa wakaaladda wararka ee Reuters u sheegay in bambooyinkaasi ku soo dhacay caasimadda Lubnaan laga arkayay meel jirta dhawr kilometer. Milatariga Israa’iil ayaa sheegay in ciidamadooda cirku ay fuliyeen duqaymo xidhiidh ah oo ay ku beegsanayaan meelaha ay hubka ku kaydsadaan kooxda Xizbullah ee ku yaalla magaalada Beirut. Source

Boqorka Sacuudiga ayaa Axaddii la dhigey isbitaal ka dib markii xanuun dhinaca sanbabada ahi uu ku soo booday, sida ay sheegtay wakaaladda wararka ee dowladda oo soo xiganeysa bayaan ka soo baxay maxkamadda boqortooyada. Wararkii ugu dambeeyay ee ku saabsan xaaladda Boqorka ayaa sheegaya in hadda bedqabkiisu uu wanaagsanyahay, ka dib muddo saacado ah oo lala tacaalayay. Boqor Salmaan bin Cabdicasiis oo 88-jir ah ayaa la daalaa-dhacaya xanuunno joogto ah oo bukaan socad ka dhigey, bishii May ee sanadkan ayaana laga daweeyay caabuq dhinaca wadnaha ah. Source: goobjoog.com

The Somali government’s offensive against al-Shabab is faltering because of the divisive tactics deployed. Source: Hiiraan Online

Madaxweynihii hore ee Soomaaliya Shariif Sheekh Axmed, Ra’iisul Wasaarihii hore ee dalka Xasan Cali Khayre iyo xildhibaan Cabdiraxmaan Cabdishakuur Warsame ayaa si cad uga horyimid mudda kororsiga uu riixayo Madaxweyne Xasan Sheekh Maxamuud. Waxay si adag uga hadleen burburka shirkii madaxda dowladda Federaalka Soomaaliya iyo dowlad goboleedyada uga socday Muqdisho waxayna ku eedeeyeen Madaxweyne Xasan Sheekh in uu isku dayayo muddo-kororsi sharci-darro ah islamarkaana waxay ku goodiyeen in ay tallaabo kasta oo sharci ah u adeegsan doonaan si ay u hor istaagaan damacaasi. “Waxaan ummadda Soomaaliyeed iyo beesha caalamka u caddaynaynaa in aanan marnaba aqbali doonin muddo-kororsi aan shalay ka diidnay Madaxweynihii hore” ayay ku sheegeen bayaan ay soo saareen Shariif, Sheekh Axmed, Xasan Cali Khayre iyo Cabdiraxmaan Cabdishakuur. “Waddo kasta oo sharci ahna ku hor istaagi doonno damaca uu Madaxweyne Xasan Sheekh ku hoosaasinayo shacabka, isaga oo adeegsanaya kalimad xaq ah oo ah doorasho qof iyo cod ah, laakiin uu ku doonayo baadil ah muddo-kororsi, taasoo ah taatiko uu ku soo hungoobay Madaxweynihii uga horeeyay xukunka, isaguna hore noola diiddanaa” ayuu sii raaciyay bayaanka. Madaxweynaha Jubaland Axmed Madoobe ayay sidoo kale ku bogaadiyeen mowqifka uu ka qaatay Shirkii madaxda dowladda Federaalka Soomaaliya iyo dowlad goboleedyada dalka uga socday Muqdisho ee uu ku diiday in mudda kororsi loo sameeyo dowlad goboleedyada iyo in la qabto doorashooyin qof iyo cod ah oo Puntland ka maqan tahay. Halkan ka akhriso Bayaankooda PUNTLAND POST The post Sheekh Shariif, Xasan Khayre iyo Cabdiraxmaan Cabdishakuur oo ka horyimid mudda kororsiga uu raadinayo Madaxweyne Xasan Sheekh appeared first on Puntland Post.

Safaaradda Shiinaha ee Pakistan ayaa sheegtay in ugu yaraan laba ka mid ah muwaadiniinteeda la dilay halka mid saddexaadna la dhaawacay ka dib markii kolonyo ay la socdeen lagu weeraray meel u dhow garoonka diyaaradaha ee Karachi. Safaaradda ayaa sheegtay in weerarku uu ka dhacay meel ku dhow garoonka caalamiga ah ee Jinnah, waxaana lala beegsaday shaqaale u dhashay Shiinaha oo u shaqeynayay shirkadda Koronto oo maxalli ah. Shabakadda Geo News ayaa sheegtay in ugu yaraan 10 qof ay ku dhaawacmeen weerarka, waxayna safaaradda Shiinuhu dowladda Pakistan ka dalbatay inay dhacdadan baaritaan ku samayso. Weerarrada ay geysanayaan kooxaha hubaysan ee dowladda ka soo horjeeda ayaa todobaadyadii ugu dambeeyay ku soo badanayay dalka Pakistan, waxayna ciidamada nabad-gelyadu ballanqaadeen inay falalkaas gacan bir ah uga hortagi doonaan. Source: goobjoog.com

Mogadishu (HOL) — A new report from Islamic Relief Somalia shows that food insecurity is worsening conflicts in Somalia's Bay region. Droughts, floods, and ongoing violence are deepening poverty and driving displacement, creating a vicious cycle of hunger and instability. The report spotlights how competition for scarce food resources fuels tensions within communities, leading to conflict and further displacement. Source: Hiiraan Online

Muqdisho (Caasimada Online) – Madaxweynihii hore ee dowladdii KMG ahayd, Sheekh Shariif Sheekh Axmed, ra’iisul wasaarihii hore ee Soomaaliya iyo Xildhibaan Cabdiraxmaan Cabdishakuur Warsame oo si wadajir usoo saaray warsaxaafadeed ayaa ka hadlay arrimo ku aadan shirka golaha wadatashiga qaran, ayaga oo ka digay in lagu dhawaaqo muddo kororsi horleh oo dalka ka abuuri karo jahwareer siyaasadeeed. Saddexdan siyaasi oo si weyn uga soo horjeedo qorshaha Villa Soomaaliya ayaa madaxweyne Xasan uga digay inuu ku dhowaaqo muddo kororsi, waxayna shaaciyeen in aanay marnaba aqbali doonin. Sidoo kale waxa ay ku eedeeyeen madaxweynaha inuu ku marmar siyoonayo doorasho qof iyo cod ah, balse ujeedkiisa uu yahay muddo kororsi oo kaliya “Waxaan ummadda Soomaaliyeed iyo beesha caalamka u caddaynaynaa in aanan marnaba aqbali doonin muddo-kororsi aan shalay ka diidnay Madaxweynihii hore, waddo kasta oo sharci ahna ku hor istaagi doonno damaca uu Madaxweyne Xasan Sheekh ku hoosaasinayo shacabka, isaga oo adeegsanaya kalimad xaq ah oo ah doorasho qof iyo cod ah, laakiin uu ku doonayo baadil ah muddo-kororsi, taasoo ah taatiko uu ku soo hungoobay Madaxweynihii uga horeeyay xukunka, isaguna hore noola diiddanaa” ayaa lagu yiri qoraalka. Warsaxaafadeedka ayaa sidoo kale lasii raaciyay “Dowladnimada waxaa aasaas u ah ku dhaqanka dastuurka iyo sharciga, xilalka siyaasadeedna waxaa sal u ah sharciyad. Waxaan si adag u diiddannahay muddokordhinta uu Madaxweynuhu ku qasbayo madaxda dowlad-goboleedyada ee muddo-xileedkoodu dhammaaday, taas oo uu kaga beddelanayo in ay muddo kordhin u sameeyaan xilliga ay xilhayntiisu dhammaato 15ka May 2026”. Sidoo kale waxa ay Shariif Sheekh Axmed, Xassan Cali Kheyre iyo Cabdiraxmaan Cabdishakuur boggaadiyeen talaabada uu qaadat madaxweynaha Jubbaland Axmed Madoobe, kuna diiday qorshaha muddo kororsi. Waxaa kale oo ay ugu baaqeen Laftagareen, QoorQoor iyo Cali Guudlaawe in ay ka fiirsadaan tallaabada ay qaadayaan, si aysan qayb uga noqon muddo kororsiga. Arrintan kusoo aadeyso, xilli xasaasi ah isla markaana kaga war sugayo go’aanka golaha wadatashiga qaranka oo shantii maalmood ee lasoo dhaafay shir kulahaa magaalada Muqdisho, kaas oo uu ajendihiisa ugu wayn uu ahaa doorashooyinka dalka. The post Shariif, Khayre iyo CC Shakuur oo la saftay Axmed Madoobe, kana digay qorshaha XASAN appeared first on Caasimada Online.

Mogadishu (HOL) — Turkey's seismic research vessel, Oruc Reis, is on its way to begin a landmark oil exploration mission off the coast of Somalia, marking a watershed moment in Somalia's potential economic transformation. The mission comes after agreements signed earlier this year between Somalia and Turkey, which granted Turkish Petroleum exploration rights in three offshore blocks. Each block spans around 5,000 square kilometres (1,930 square miles), making this one of the region's largest energy exploration projects. Source: Hiiraan Online

Toronto – 4.9 magnitude earthquake with a depth of 10 kilometers reportedly hit Ethiopia. It occurred in Awash Fentale area – which is about 165 kilometers south east of Addis Ababa. Government Communication Services has confirmed it in a social media update. Source: Hiiraan Online

Erik ten Hag feels Manchester United's hierarchy would have told him if his job was under threat. Source: Hiiraan Online

Madaxweynaha Jubaland Axmed Maxamed Islaam (Axmed Madoobe) ayaa saaka dib ugu laabtay magaalada Kismaayo kadib markii uu natiijo la’aan ku soo dhammaaday Shirkii Muqdisho. Warar lagu kalsoon yahay ayaa xaqiijinaya in Shirkii dowladda Federaalka Soomaaliya iyo dowlad goboleedyada Koonfurta uga socday Muqdisho uu natiijo la’aan ku dhammaaday kadib markii la isku fahmi waayay qodobadii Shirka. Madaxweyne Axmed Madoobe ayaa si cad u diiday labadii qodob ee Villa Somalia doonaysay in ay ku meel-mariso Shirka kuwaas oo ahaa in mudda kordhin hal sano ah loo sameeyo madaxda dowlad goboleedyads iyo in doorasho qof iyo cod ah laga qabto dalka. Madaxweyne Axmed Madoobe ayaa mowqif cad ka istaagay arrinta ku saabsan in mudda kordhin loo sameeyo madaxda dowlad goboleedyada dalka waxaana uu ku adkaystay in aan wax mudda kororsi ah la aadin oo dowlad goboleedyadu ay sidoodii hore u qabsadaan doorashooyinka. Axmed Madoobe ayaa sidoo kale shardi ka dhigay in Puntland la raadiyo haddii la doonayo in doorashooyin guud oo qof iyo cod ah laga qabto Soomaaliya islamarkaana wuxu dalbaday in la caddeeyo meqaamka siyaasadeed ee SSC-khaatumo. PUNTLAND POST The post Madaxweynaha Jubaland oo Kismaayo ku laabtay kadib markii uu natiijo la’aan ku dhammaaday Shirkii Muqdisho appeared first on Puntland Post.

Gobolka Geeska Afrika wuxuu mar kale wajahayaa isbedel siyaasadeed iyo milateri oo sababay dareen xooggan, gaar ahaan Itoobiya oo cabsi ka muujineysa isbahaysiga cusub ee u dhexeeya Soomaaliya iyo Masar. Heshiiskan cusub ee labada dal ayaa sare u qaaday walaaca Itoobiya, iyadoo ay muuqato in iskaashigan uu saameyn weyn ku yeelan karo xiisadaha ka taagan gobolka. Si kastaba ha ahaatee, heshiiskan milateri ee Soomaaliya iyo Masar uma muuqdo mid khatar ku ah gobolka Geeska Afrika, laakiin wuxuu halis ku yahay gardarrada joogtada ah ee Itoobiya. Heshiiska Soomaaliya iyo Masar: Xogta Cusub ee Gobolka Bishii Agoosto ee sannadkan, madaxweynaha Soomaaliya ayaa booqasho ku tagay Qaahira, taas oo keentay in la saxiixo heshiis milateri oo rasmi ah oo dhex mara Soomaaliya iyo Masar. Waxay noqotay tallaabo Itoobiya si gaar ah uga careysiisay, gaar ahaan kadib markii Muqdisho ay soo gaareen labo diyaaradood oo kuwa milateriga ee nooca C-130 ah oo laga leeyahay Masar. Tani waxay muujineysaa bilowga fulinta heshiiskaas, kaasoo Itoobiya u aragto mid halis gelinaya danahaheeda. Itoobiya oo Wajahaysa Cabsi Aan Fileynin Cabsida Itoobiya ayaa ka dhalatay arrinta ah in iskaashiga Soomaaliya iyo Masar uu ku sii fido gobolka Geeska Afrika, halkaas oo muranka biyaha Webiga Niilka uu horeyba u abuuray xiisado kala duwan. Masar iyo Itoobiya waxay muddo dheer isku hayeen arrinta Biyo-Xireenka Weyn ee Itoobiya (GERD), kaas oo Masar ay u aragto inuu khatar ku yahay nolosha dadkeeda, maadaama ay ku tiirsan yihiin biyaha Webiga Niilka. Iskaashigan cusub ee Soomaaliya iyo Masar, gaar ahaan dhinaca milateriga, wuxuu keenay in Itoobiya ay cabsi ka qabto in iskaashigaasi uu wiiqi karo awooddeeda gobolka iyo danahaheeda amniga. Itoobiya waxay si gaar ah uga welwelsan tahay qorshaha lagu wado in ilaa 5,000 askari oo Masaari ah lagu soo biiriyo ciidamada cusub ee Midowga Afrika dhammaadka sanadkan, iyadoo sidoo kale la qorsheynayo in 5,000 oo kale si gaar ah loo daabulayo. Tani waxay Itoobiya u tahay halis cusub, maadaama ciidamo Masaari ah oo ku sugan Soomaaliya ay Itoobiya u arkaan inay abuuri karaan culeys weyn. Gardarrada Itoobiya iyo Saameynta Heshiiska Cusub Si kastaba ha ahaatee, iskaashiga Soomaaliya iyo Masar uma muuqdo mid khatar ku ah gobolka Geeska Afrika oo dhan, balse wuxuu halis ku yahay gardarrada joogtada ah ee Itoobiya. Itoobiya ayaa dhowaan lagu eedeeyay inay ku xadgudubtay madaxbanaanida Soomaaliya kadib markii ay heshiis beenaad la gashay maamulka Somaliland, taasoo abuurtay xaalad siyaasadeed oo cakiran. Heshiiska Itoobiya iyo Somaliland ayaa loo arkay isku day Itoobiya ay ku raadinayso saameyn dheeri ah oo gobolka ah, iyadoo iska indhatireysa danaha Soomaaliya iyo suurtagalnimada in arrintaasi ay sababto muran hor leh. Iskaashiga Soomaaliya iyo Masar wuxuu Soomaaliya siinayaa fursad ay kaga hortagto faragelinta Itoobiya iyo inay ku difaacato madaxbanaanideeda. Heshiiskan waa hab Soomaaliya iyo Masar ay ku xoojinayaan amniga gobolka, iyadoo la iska caabinayo gardarrada Itoobiya oo marar badan isku dayday inay faragelin ku sameyso siyaasadaha gudaha ee waddamada dariska ah. Qodobka Itoobiya ee Murugsan iyo Doorka Masar Itoobiya oo horey ugu jirtay xaalad adag oo gudaha ah, oo ay ka mid tahay kacdoonada ka dhanka ah dowladda, ayaa hadda wajahayso cadaadis dibadeed oo uga imanaya iskaashiga Soomaaliya iyo Masar. Itoobiya waxay u aragtaa isbahaysigan mid xoojin kara saameynta Masar ee gobolka, taasoo wax u dhimi karta qorshaheeda la xiriira dhismaha iyo bixinta adeegyada biyo-xireenka weyn ee GERD. Si kastaba, iskaashiga Soomaaliya iyo Masar waa tallaabo milateri iyo amni oo si waafaqsan shuruucda caalamiga ah loogu wajahayo ilaalinta nabadda iyo iska caabinta faragelinta shisheeye. Source: goobjoog.com

Muqdisho (Caasimada Online) – Madaxweynaha dowlad goboleedka Jubbaland, Mudane Axmed Maxamed Islaam (Axmed Madoobe) ayaa ugu dambeyn isaga baxay shirka golaha wadatashiga qaran ee ka socday magaalada Muqdisho, kaas oo u dhexeeyay dowladda federaalka, dowlad goboleedyada iyo gobolka Banaadir. Ilo wareedyo xilkas ah ayaa Caasimada Online u sheegay in Axmed Madoobe uu dib ugu laabtay magaalada Kismaayo ee xarunta KMG ah ee Jubbaland, ayada oo weli aan lasoo saarin war-murtiyeedka shirka golaha wadatashiga qaran. Wararka ayaa intaasi kusii daraya in Axmed Madoobe uu goordhow ka duulay garoonka Aadan Cadde, isaga oo kusii jeeda Kismaayo, halkaas oo uu ku qaban doono shir jaraa’id oo uu ku faah-faahin doono arrimaha xasaasiga ah ee la’isku mari waayay. Axmed Madoobe ayaa si cad u diiday in dowlad goboleedyada loo sameeyo hal sano oo muddo kororsi ah, kadibna la qabto doorashooyin qof iyo cod ah bisha November ee sanadka 2025-ka. Sidoo kale wuxuu ka fuqi diiday doorasho dadban, isagoo soo jeediyey in sanadkaan dowlad goboleedyada loo madax-baneeyo doorashooyinka, maadaama aan horay looga heshiin, muddo kororsina uu abuuri karo qalalaase siyaasadeed. Madaxweynaha Jubbaland ayaa xujo ka dhigay in arrinta doorashada go’aan looga gaaro shir ay goobjoog ka yihiin madaxda dowlad goboleedyada Puntland iyo Khaatumo, si beesha Daarood ay door ugu yeelato miiska go’aanka looga gaarayo masiirka dalka. Tagista madaxweynaha Jubbaland iyo go’aankiisa diidmada ayaa muunineyso inuu fashilmay shirkii golaha wadatashiga qaranka oo shantii maalmood ee lasoo dhaafay ka socday magaalada Muqdisho, maadaama aan illaa iyo hadda laga soo saarin go’aanno ama war-murtiyeed ku aadan waxyaabaha lagu heshiiyay. The post Xog: Axmed Madoobe oo isaga baxay shirka GWQ, kuna laabtay Kismaayo appeared first on Caasimada Online.

Dhuusamareeb (Caasimada Online) – Ciidamada Xoogga dalka Soomaaliyeed oo kaashanayaa dadka deegaanka ayaa maanta howlgal culus ku qaaday xubno ka tirsan maleeshiyaadka kooxda Al-Shabaab ee ku sugan howdka Geerile ee gobolka Galgaduud. Ciidamada dowladda iyo kuwa Macawiisleyda ayaa u daatay goobo ay gabaad ka dhiganayeen maleeshiyaadka Al-Shabaab, waxaana kadib xigay dagaal toos ah. Dadka deegaanka ayaa innoo sheegay in weerarka qaadeen ciidamada huwanta kadib ay xigtay jug xoogan, ayada oo dagaalka uu dhaliyay khasaare soo kala gaaray labada dhinac. Saraakiil ka tirsan milatariga Soomaaliya oo la hadlay warbaahinta ayaa sheegay in howlgalkan ay ka gaareen guullo waa wayn, isla markaana ay jug culus gaarsiiyeen maleeshiyaadka kooxda Al-Shabaab ee ku sugnaa dhulka howdka ah ee Geerile. Xaaladda ayaa haatan mid aad u kacsan, waxaana weli dhaq-dhaqaaqyo iska soo horjeedo laga dareemayaa bariga gobolka Galgaduud oo maalmahan ay ka socdeen howlgallo culus. Howlgallada ay wadaan ciidamada huwanta ayaa waxaa barbar socda duqeymo diyaaradeed oo lagu beegsanayo maleeshiyaadka kooxda Al-Shabaab. Duqeyntii ugu dambeysay oo ka dhacday aagga degmada Ceeldheer ayaa waxaa lagu dilay illaa 50 ka tirsanaa maleeshiyaadka Al-Shabaab, sida ay sheegtay dowladda Soomaaliya. The post Daawo: Ciidamada DF iyo Macawiisleda oo weeraray Al-Shabaabka ku sugan howdka Geerile appeared first on Caasimada Online.

Mogadishu (HOL) — Somalia's Foreign Minister, Ahmed Moallim Fiqi, recently held talks with Egypt and Eritrea, zeroing in on what Somalia describes as Ethiopia's repeated violations of its sovereignty. Both nations affirmed their support for Somalia, condemning Ethiopia's actions, which have increasingly threatened Somalia's territorial integrity. Source: Hiiraan Online

Tax experts say a weakness in the definition of illicit financial flows is helping looters make away with money from Africa, weakening its growth. Source: Hiiraan Online