461646018_1040696817728880_2104709906722899843_n Qaran News

Muqdisho (Caasimada Online) –Guddoomiyaha degmada Hodan ee gobolka Banaadir iyo dhamaan xubnaha maamulka ee degmadaas ayaa shaqada laga jooyey, kadib markii uu Guddoomiye ku xigeenka dhanka amniga ee maamulka gobolka Maxamed Yabooh uu kormeer ku tegay degmadaas. Sida ay ogaatay Caasimada Online, Yabooh oo ay la socdaan masuuliyiin ka tirsan Gobalka Banaadir ayaa tagay degmooyinka Waliyow Cade oo kala ah, Hodan, Waabari, Howlwadaag iyo Xamar-Jajab. Qorshuhu wuxuu ahaa in shaqada laga joojiyo Guddoomiyaha degmada Hodan Cali Fahle iyo guddoomiyaha degmada Howlwadaag, waana hirgalay qorshahaas oo hadalheyn badan abuuray. Yabooh ayaa maamulka degmooyinka Hodan iyo Howlwadaag iyo madaxda amniga ee degmooyinkaas u sheegay in shaqada laga joojiyay labada Guddoomiye iyo dhamaan xubnaha kale ee maamulka degmada muddo 45 cisho ah. Sidoo kale wuxuu amray in shaqadooda kor joogteyn lagu sameyn doono, cidii lagu arko wax qalad, habacsanaan shaqo iyo dhaga adeegna la ruqseyn doono, shaqaalaha degmada ayaa la faray in ay la shaqeeyaan xubno kusimayaal laga dhigay. Maamulada degmooyinka Waabari iyo Xamar-Jajab ayaa dhankooda la siiyay digniin kama dambeys ah, waxaana loo sheegay in 45 cisho oo kor joogtayn iyo la socosho shaqadooda ah ay jiri doonto, isla markaana la ruqseyn doono qofkii u hogaansami waaya amarrada maamulka ama lagu arko shaqo xumo iyo habacsanaan. Guddoomiye ku xigeenka gobolka Yabooh, ayaa dadkii uu la kulmay u sheegay in guddoomiyaasha degmooyinka Hodan iyo Howlwadaag ay mari doonaan canaan iyo tababar maamul, kadib markii uu sheegay in ay sameeyeen dayacaad iyo xil gudasho la’aan, sida uu hadalkiisa u dhigay. Hodan iyo Howlwadaag waa labad degmo ee ugu dhaqaalaha badan Muqdisho, sidoo kalena ugu hormarsan, waxaana la sheegayaa in arrimo dhaqaale la isku hayo ee maamulka gobolka uusan daacad ka aheyn shaqo joojinta maamulka degmooyinkaas. Si gaar ah degmada Hodan waxay muddooyinkaan noqotay tan ugu hormarsan caasimadda, wuxuuna guddoomiye Madaale maalmo ka hor meel fagaare ah ka sheegay in xubnaha kale ee maamulka gobolka Banaadir uu farayo in wax qabadka ay uga daysadaan guddoomiyaha degmada Hodan Cali Fahle. Hadda, hadal-heyn badan ayey abuurtay arrintaan, guddoomiyihii maalmo ka hor la yiri halagu daysado in lagu eedeeyo shaqadiina looga joojiyey xil gudasho la’aan iyo shaqo xumo, waxaana sii xoogeysanaya warar sheegaya in la isku hayo arrimo dhaqaale oo degmada kasoo xarooday. The post Xog: Qorshe yaab leh oo shaqada looga joojiyey maamulkii Hodan iyo Howlwadaag appeared first on Caasimada Online.

463100436_1610901606492804_2534237650455852849_n Qaran News

Wararka ka imaanaya deegaanka nimyaami ee koonfurta magaalada Xayfa oo ka tirsan dhulka ay maamusho Israa’iil ayaa sheegaya in ugu yaraan 3 qof ay ku dhinteen qarax culus oo halkaas ka dhacay sidoo kale dhaawacyada qaraxaas ka dhashay ayaa gaaraya 39 qof sida warbaahinta ay warinayso. Inkastoo warbaahinta gudaha Israa’iil aanay sheegin sababta rasmiga ah ee qaraxa keentay, haddana waxaa la rumaysanyahay inuu ka dhashay duqeymo gantaallada ah ee ururka Xisbullaahi uu aggaas ka wado. Dhacdadan ayaa ku soo beegmaysa xilli uu meel adag maraya dagaalka maamulka Israa’iil iyo ururka Xisbullaahi, islamarkaana duqeymo gantaallada ah ee Xisbullaahi ay sida roobka ugu dhacayaan gudaha koonfurta iyo Bartmaha Israa’iil. Source: goobjoog.com

463104588_506808132221280_2012132142759589826_n Qaran News

Muqdisho (Caasimada Online) – Dowladda Soomaaliya ayaa garoonka Aadan Cadde ee magaalada Muqdisho ka mamnuucday diyaaradaha meelaha fog laga hago ee Droones-ka la yiraahdo. Qoraal kasoo baxay hay’adda duulista rayidka Soomaaliyeed ayaa lagu sheegay in diyaaradaha duuliye la’aanta ah laga mamnuucay inay garoonka u soo dhawaadaan masaafo dhan 9 niyuutikaal mile oo dhan walba ah. Waa masaafo ku dhaw 10 KM oo dhinac walba ah, sida ku cad amarkaan ka soo baxay hay’adda duulista rayidka Soomaaliyeed. Qoraalkaan waxaa lagu sheegay in diyaaradaha fasaxa ka haystay hay’adda duulista kaliya ay adeegsan karaan garoonka iyo hawadiisa. Faahfaahin intaas ka badan lagama bixin go’aankaan, horay waxaa u jiray warar sheegaya inay suurtagal tahay in kooxaha argagixisada ah ay diyaarado Droones ah ku weeraraan garoonka. Sidoo cabsida weerarada laga digay waxay ka jirtaa xerada Xalane ee safaaradaha shisheeye ay degan yihiin taas oo ku taalla xeendaabka garoonka diyaradaha caalamiga ah ee Aadan Cadde. Go’aankaan waa mid saameyntiisa leh, wuxuuna muujinayaa tuhunka jira iyo inta uu la egyahay, waxaana cabsi badan laga qabaa in argagixisadu geysato weerarro ka dhan ah Xarunta Xalane oo cadaawad badan ay u qabaan, maadaama ay degan yihiin danjirayaasha iyo diblomaasiyiinta dowladaha taageera Soomaaliya. Kooxda Al-Shabaab ayaa la sheegay inay heysato diyaarado Droones ah oo kuwa aan duuliyaha aheyn ah, waxaana cabsi badan laga qabaa inay geystaan weerarro is-miidaamin ah. Inkastoo aan si rasmi ah loo xaqiijin in Shabaab heystaan diyaaradaha laga digayo, hadana waxaa dhowaan magaalada Gaalkacyo lagu qabtay diyaarado laga soo dejiyey dhanka Boosaaso oo loo waday Al-Shabaab. The post DF oo garoonka Aadan Cadde ka mamnuucday diyaaradaha Droones-ka + Sababta appeared first on Caasimada Online.

Hargeysa (Caasimada Online) – Wasaaradda Macdanta iyo Tamarta ee maamulka Somaliland ayaa heshiis isfahan wada shaqeyn ah la saxiixatay shirkad laga leeyahay dalka Imaaraadka Carabta, shirkaddaas oo lagu magacaabo Emirates Industrial Laboratory ayaa ka shaqeysa arrimaha Macdanta. Heshiiskaan waa mid shirkadda laga leeyahay Imaaraadka Carabta u oggolaanaya in deegaanada Somaliland ay ka hirgaliso qalab sheybaar oo lagu baarayo macdanta kala duwan ee deegaannadaas laga qodo. Wasaaradda Macdanta iyo Tamarta Somaliland oo heshiiskaan la saxiixatay shirkadda Emirates Industrial Laboratory, ayaa sheegtay in baahi weyn loo qabay qalabka sheybaarka ah iyo baaritaanka macdanta Somaliland, isla markaana hadda xal loo helay caqabadihii jiray. Somaliland ayaa sheegtay in markii hore Macdanta laga qodo deegaanadooda loo qaadi jiray dibadda, si loo ogaado nooceeda iyo tayadeeda sheygaas, balse hadda waxay heshiis la galeen shirkad laga leeyahay Imaaraadka Carabta. “Waxaan kala saxiixannay heshiis isfahan ah oo ay maalgalin ku sameeyaan laabka macdanta ee wasaaradda, haddii ay dhisme noqoto iyo haddii ay qalab noqotaba,” ayuu yiri Agaasimaha guud ee wasaaradda macdanta iyo tamarta Somaliland Maxamed Cismaan Siciid (Maxamed Soomaali) oo BBC u waramay isagoo ku sugan magaalada Dubia ee dalka Imaaraadka Carabta. Deegaanada Somaliland horay waa looga qodi jiray Macdanta, waxaana dhowr jeer dadkii qodayey ku soo dumay godad waaweyn, maadaama aysan heysan qalab, aqoontiina aysan laheyn. Qolada ay Somaliland heshiiska cusub la gashay ee Emirates Industrial Laboratory waa hay’ad bixisa adeegyo kala duwan oo ay kamid tahay baarista goobaha ay ku jiraan macaadinta, shidaalka iyo saliidda, sidoo kale waxaa lagu sheegay inay qeyb ka qaadato soo saarista injineero ku xeel dheer shaqooyinkaan iyo qalab kala duwan oo wax lagu baaro. Dowladda Soomaaliya ayaa horay uga carootay, aadna uga gilgilatay heshiis ay bilowgii sanadkaan Somaliland la gashay Itoobiya, kaas oo khatar ku ah badda Soomaaliya, mar kale waxaa soo shaac baxay heshiiskaan ku saabsan macdanta ee Somaliland ay la gashay Imaaraadka. Inkastoo aysan cadeyn mowqifkooda, Imaaraadka ayaa loo arkaa inuu u janjeero dhanka Itoobiya, isla markaana uu ku jiro dowladaha khatarta ku ah Soomaaliya, kana soo hor jeeda dib u soo kabashadeeda, dowladda Soomaaliya ayaa laga sugayaa sida ay uga jawaabto heshiiska cusub ee Somaliland ay la gashay Imaaraadka. The post Somaliland oo heshiis kale oo xasaasi ah la gashay Imaaraadka Carabta appeared first on Caasimada Online.

Kismaayo (Caasimada Online) – Ciidanka xoogga dalka Soomaaliyeed iyo Daraawiishta Jubbaland ayaa maanta la wareegay deegaanka Qudus ee gobolka Jubbada Hoose. Deegaankan oo kooxda Al-Shabaab u aheyd meel istaraatiiji ah ayaa waxaa haatan si buuxda gacanta ugu haya ciidanka xoogga dalka. Howl-galka qorshaysan ayaa sidoo kale waxaa lagu burburiyay saldhigyo kooxda ku lahaayeen deegaanno badan oo hoostaga degmada Kismaayo ee gobolka Jubbada Hoose. Goobaha la burburiyay ayaa waxaa la sheegay in kooxda ku baadi jireen dadka shacabka ah, waxaana halkaasi weli ka socda baacsiga maleeshiyaadka Shabaabka. Howl-galkan ayaa jab xooggan lagu gaarsiiyay kooxda, sida uu warbaahinta dowladda u sheegay taliye ku-xigeenka ururka 162-aad ee kumaandooska Danab Cabdirisaaq Maxamed Ismaaciil, isagoo xaqiijiyay in ciidanka ay si buuxda ula wareegeen deegaanka Qudus. “Waxaa jira howl-gal soo bilowday xalay saqdii dhexe kana soo bilowday deegaanno hoostaga degmada Kismaayo oo kow ka tahay Leel-kuus, Qudus, Yaaq Caleen, wuxuuna ahaa howl-gal burburin ah, inta uu socday wax iska-caabin ah kalama kulmin Khawaarijta,” ayuu yiri taliyaha Danab ee la hadlay warbaahinta dowladda. Ciidanka xoogga dalka ayaa qeybo badan oo kamid ah gobollada dalka ka wada howl-gallo ka dhan ah Al-Shabaab, kuwaas oo kooxda looga fara-maroojiyay deegaano iyo degmooyin ay sanado badan gacanta ku hayeen. Wejiga koowaad ee dagaalka oo haatan maraya heer geba-gebo ah ayaa waxaa kooxda looga dilay horjoogayaal iyo maleeshiyaad tiro badan, iyada oo mudadaas ay kooxda qaaday weeraro rogaal celin ah oo khasaare uu kasoo gaaray ciidanka. The post Ciidanka xoogga oo Shabaab kala wareegay degaan Istaraatiiji ah kadibna burburiyay… appeared first on Caasimada Online.

Mogadishu (HOL) — Somali National Army (SNA) killed 25 Al-Shabab militants during a military operation in Ras Qabow, a rural area in the Middle Shabelle region, on Saturday. Source: Hiiraan Online

462809365_6658762697581404_5713284895257293230_n Qaran News

Muqdisho (Caasimada Online) – Madaxweyne Xasan Sheekh ayaa tiro dhowr jeer ah ku laabtay waddanka Eritrea. Waa mid kamid ah saddexda dal ee ugu badan ee u safray muddo xileedkiisa cusub, labada kale waa Kenya iyo Imaaraadka. Dalkaan yar ee nidaamka kaligii teliska ah uu ka jiro ee Eritrea la yiraahdo ayaa kamid ahaa dalalka uu siyaasad ahaan horey si adag ugu naqdiyay madaxweynaha Soomaaliya Xasan Sheekh Maxamuud, laakiin maanta waxay ula muuqata goob mudnaan badan. Markii aad xukunka raadineysid iyo markii aad maamuleysid isku hadal, isku fikir iyo isku go’aan ma noqon kartid. Sidaas awgeed Xasan Sheekh maanta xukunka haysta aad looguma xisaabin karo dooddiisi kursi doonka. Markii aan usoo laabano maanta iyo Eritrea, waxaa jira saddex qodob oo ay Eritrea maanta muhiim ugu tahay Soomaaliya, kuwaas oo kala ah; 1. Dhismaha ciidanka Dal ku ogol inuu ku siiyo garab ciidan adiga oo argagixiso ku haysato oo soo kabashana ku jira ma diidi kartid. Eritrea waxay hadda ku jirtaa ama lagu tiriyaa inay tahay mid kamid dalalka bixiya tababarka ugu sareeya ee xaga ciidanka, marka laga hadlayo dalalka ku yaalla qaarada Afrika. Horey dowladdii madaxweyne Farmaajo ayaa illaa 5 kun oo askari oo nuucyo kala duwan iskugu jiray u siisay tababar. Xasan Sheekh isna hadda ciidan ayey muddo xileedkiisa cusub u diyaarinayaan. Garabkaas ciidan ee aan danta gaarka ku hoos jirin waa lagu xilan karaa Eritrea. 2. Colaadda iyaga iyo Itoobiya Maadaama ay is hayaan labada waddan ee Eritrea iyo Ethiopia waxay dowladda Soomaaliya ku qasban tahay inay xiriir fiican la yeelato Asmara, si go’doon siyaasadeed loo dareensiiyo Addis Ababa. Marka laga hadlaayo xiisadda Itoobiya iyo Soomaaliya, madaxweyne Xasan Sheekh waa ku qasban yahay inuu la saaxiibo ama soo dhaweysto dal walba oo diidan Itoobiya. 3. Shaxda isbaheysiga saddex geesoodka ah Hoggaamiyaha Eritrea Isaias Afwerki oo kamid ah madaxda ugu muddo xileedka dheer caalamka maanta, ayaa muddooyinkan ku mashquulsana inuu dhiso isbaheysi saddex geesood ah oo ka kooban Soomaaliya, Masar iyo Eritrea, kuwaas oo isku aragti iyo isku dan ka noqonaya xaaladda gobolka, gaar ahaan diidmada damaca isballaarinta ee Itoobiya. Itoobiya iyo Masar waxay isku hayaan kiiska biyo xireenka, Eritrea iyo Ethiopia waxay isku hayaa dhul iyo damac bad. Soomaaliya iyo Itoobiya-na waxay weligood isku hayeen dad iyo dhul, maantana waxay xiisadooda ku qotonta damac badeed. Madaxda saddexdaan dal ayaa doonaya inay ka midoobaan guud ahaan arrimaha gobolka, gaar ahaan in la joojiyo Itoobiya. Marka saddexdaan arrimood la isku geeyo madaxweyne Xasan Sheekh wuxuu u muuqda inuu ku saxan yahay in uu kor usoo qaado cilaaqaadka Eritrea oo ay bilowday dowladdii hore ee madaxweyne Farmaajo. Mucaaradka Soomaaliya qaar waxay aaminsan yihiin inuu Afwerki uu aragti kaligii talisnimo ah ku talaalayo Xasan Sheekh, laakiin Soomaaliya-da maamullada iyo qabiilada u kala degan qofna xoog kuma qabsan karo maanta. The post Maxaad ka ogtahay saddexda arrin ee Eritrea ay muhiim ugu tahay Soomaaliya? appeared first on Caasimada Online.

Dadweynaha reer Gabiilay ayaa si aan hore loo arag ugu soo dhaweeyay waftiga walaaleeye ee uu hogaaminaayo musharax Cabdiraxmaan Maxamed Cabdillaahi Cirro. Dadweynaha reer Gabiilay ayaan u kala hadhin soo dhawaynta wafigani balaadhan ee uu hor kacaayo mushara Cirro. Musharaxa Cirro ayaa dadweynaha reer Gabiilay uga mahad celiyay sida sharafta leh ee ay u soo dhaweeyeen waftiga walaaleeye Qaran News

Muqdisho (Caasimada Online) – Raysal wasaare ku xigeenka Xukuumadda Fedaraalka Soomaaliya Saalax Axmed Jaamac ayaa ka horyimid talaabadii guddoomiyaha Aqalka sare uu Shalay uga xayuubiyay xubinimadii kursiga Golaha Aqalka sare. Bayaan uu soo saaray maanta ayuu Mr Saalax wax lala yaabo ku tilmamaay go’aanka gudoomiyaha aqalka sare. Waxaa uu farta ku fiiqay in tallaabada gudoomiyaha ay tahay mid baal-marsan shacriga iyo dastuurka dalka. “Waxaan halkan ka caddeynayaa in warqadda uu soo saaray guddoomiye Cabdi Xaashi inaanay lahayn wax saldhig sharci ah oo ay tahay waxba kama jiraan” ayuu yiri bayaankiisa ku yiri Saalax Axmed Jaamac. Raysal wasaare ku xigeenka Xukuumadda Fedaraalka Soomaaliya Saalax Axmed Jaamac ayaa carabka ku adkeeyay in uusan jirin sanatar awood u leh in u aqalka ka saaro senatar kale. “Waxaa ayaan-darro ah in gudoomiyaha aqalka sare uu soo saaro go’aan shaqsi ah oo baalmarsan go’aanka golaha aqalka sare soo-jeedintii gurracneyd, ma jiro sanatar awood u leh in uu aqalka ka saaro sanatar kale” ayuu yiri mr Salax. Hadalka Raysal wasaare ku xigeenka ayaa ka dambeeyay ka dib markii uu shalay gudoomiyaha golaha shacabka shaaciyay in uu xilka ka qaaday. “Sida ku cad qodobka 59aad farqadda 1aad ee Dastuurka KMG ah ee qeexaya siyaabaha lagu lumiyo xubinnimada Baarlamaanka Federaalka Soomaaliya, haddaba, Xildhibaan Saalax Axmed Jaamac ma uusan soo xaadirin Golaha Aqalka Sare BFS afar kalfadhi oo xiriir ah, mana soo gudbin sabab maangal ah oo ku saabsan maqnaanshihiisa, sidaa darteed wuxuu lumiyay Xubinnimadiisii Aqalka Sare ee Baarlamaanka JFS” ayuu yiri guddoomiye Cabdi Xaashi Cabdullahi. Qaar ka mid ah sanatarada ayaa si wayn uga horyimid go’aanka gudoomiyaha aqalka sare. Arrinta doodda ugu wayn ay ka dhalatay ayaa waxaa ka mid ahaa markii uu gudoomiye Cabdi Xaanshi uu aqalka ugu wargaliyay in uu doonayo in isla kalfadhigaa shalay xilka loogu dhaariyo sanatarkii badali lahaa Mr Saalax. Senator Cabdi Axmed Dhuxulow (Dhegdheer) oo aqalka ka hor hadlayay ayaa sheegay in qofka xilka loo doorainayo ay tahay in uu doorasho ku yimaado islamarkana digeeto aysan cidna senatar ku noqon kari. “Waxaan ka hadlayaa haddii uu qofka xilka waayo siduu kursiga ku soo qaadan karaa waxaa uu ku soo qaadan karaa doorashii uu ku soo qaatay qofkii xilka waayay in kan badalayana uu ku soo qaato, hal qof o digreeto lagu dhaarin karo kuma jiro golayaasha marka gudoomiye adigaa noogu wayn sharcigana haya, hadii midka hore qaloocdana midka dambana waa qaloocanayaa marka waxay dhalaysaa in anaga oo dhan anaga oo maqan digreeto nagula badalo,” ayuu yiri Senatar Dhagdheer. Senator Cismaan Abuukar Dubbe oo ka tirsan Golaha Aqalka Sare ee Soomaaliya ayaa dhankiisa yiri” “Haddii Senator walba uu Cabdi Xaashi badali karo mid kalena soo magacaabi karo… waxay noqoneysaa taariikh qaran jab ah, Bal waa kaase badal 54-ta senator oo idil” Maqnaanshaha senatarada ee kalfadhiyada Abukate zakariye oo ah khabiir dhanka dastuurka ayaa sheegaya in hay’ad walba oo dowladda ka tirsan ay leedahay xeer hoosaadyo ay tahay in lagu dhaqmo. Waxaa uu sheegay in hay’adaha dowladda oo ay ka mid yihiin aqalada sharci dajinta ay leeyihiin xeerar u dagsan oo lagu shaqeeyo islamaarkana lagu nidaamyo habka ay shaqada u soconayso. “Hay’ad kasta oo jirta wuxuu leeyahay xeer hoosaadyo oo lagu nidaaminaayo shaqada la qabanayo, waxa qofku qabanayo, fasaxyada, waqtiga shaqada waxaasi oo dhan lagu nidaamiyo,” ayuu yiri abukate Zakariye. Waxaa uu dhanka kale sheegay in aqalada sharci dajinta ay leeyihiin waqti cayiman oo qofka haddii uusan kalfadhiyada ka soo qeyb galin uu xilkiisa ku waayni karo. “Waxaa la dhihi karaa in la yiraahdo kalfadhi kasta ama bilooyinka ay kalfadhiyada socdaan waa in ugu yaraan in uu hal kulan yimaado, haddii uu labo kalfadhi uu imaan waayo hal kulan, xilka ayuu waayi karaa, kalfadhi kastana waxaa uu socon karaa ilaa 20 kulan,” ayuu intaa ku daray. Abukate zakariye ayaa dhanka kale xusay in haddii uu xildhibaanak ama senatarka uu ka maqnaanayo kafadhiyada ay tahay in uu haysto fasax ama cudur daar. “Waa laga yaabaa in qiil ay sameystaan oo ay kensadaan oo warqado dhakhtar ay soo dirsadaan inay cudur-daar sameystaan oo ay yiraahdaan fasax saddex bilood ah ha nala siiyo, wxaas oo dhan ayaa dhici kara marka taasi baaritaan ayay u baahan tahay,” ayuu yiri Abukate Zakariye. Isha: BBC The post Muranka kursiga SAALAX oo cirka isku shareeray iyo waxa uu ka qabo sharciga appeared first on Caasimada Online.

463030597_3363199900640839_3327742314993473016_n Qaran News

463180924_1946111869242765_5730070208139981511_n Qaran News

President Hassan Sheikh Mohamud inaugurating an LPG (Liquefied Petroleum Gas) storage facility in Mogadishu, May 2024. Mogadishu (PP News Desk) — There is a discernible increase in the number of suppliers of liquefied petroleum gas (LPG) used for cooking in Mogadishu. This trend presents opportunities for breaking entry barriers in a business once viewed as capital-intensive and dominated by major players. The competitive landscape in this sector is marked by high customer service standards. A consumer can phone a supplier and receive an LPG cylinder in less than 30 minutes, creating job opportunities for delivery workers. Before the introduction of delivery services, LPG consumers had to go to supply centres to purchase and carry LPG cylinders home. “The price of LPG cylinders has dropped due to competition between suppliers. Consumers stand to benefit from it,” a consumer in the Taleex neighbourhood of Hodan district told Puntland Post. A female recipient receiving an LPG cylinder along with a stove. The stiff competition in the LPG market in Mogadishu might prompt, as has happened before in other sectors, established companies to draw up acquisition strategies to buy smaller companies. If an acquisition or merger affects these companies, a price increase is likely to follow. Stiff competition: Major players in the LPG supplier market in Mogadishu. The use of LPG has had a positive impact on the reduction of deforestation caused by the cutting of trees for charcoal consumption. Between 2019 and 2021, the Federal Ministry of Environment and Climate Change subsidised the provision of 4,400 cylinders with stoves for families in the Federal Member States of the Federal Republic of Somalia. © Puntland Post, 2024 The post LPG supplier market competition “benefits” consumers in Mogadishu appeared first on Puntland Post.

Xukuumadda Puntland ayaa ku wargelisay dhammaan Wakiillada Kalluumaysi in ay iska diwaan geliyaan Wasaaradda Kalluumaysiga Puntland. Go’aan kasoo baxay xafiiska Wasiirka Kalluumaysiga Cabdirisaaq Cabdullaahi Xagaa ayaa lagu faray in dhamaan Wakiillada Kalluumaysi ay iska diwaan geliyaan Wasaaradda Kalluumaysiga Puntland. “Go’aan kasoo baxay xafiiska Wasiirka Wasaaradda Kalluumaysiga Puntland, Cabdirisaaq Cabdullaahi Xagaa ayaa lagu faray in dhamaan Wakiillada Kalluumaysi ay iska diwaan geliyaan Wasaaradda Kalluumaysiga Puntland” ayaa lagu yiri go’aanka Wasaaradda. Sidoo kale go’aankaan ayaa lagu cadeeyay in qofkii ama shirkadii aan haysan shahaadada wakiilnimada aanu noqon karin Wakiil islamarkaana shati aan loo jari doonin wixii ka danbeeya 25-ka October 2024. Halkaan ka akhriso go’aanka Wasaaradda PUNTLAND POST The post Puntland oo ku amartay dhammaan Wakiilada Kalluumeysi in ay is diiwaan-geliyaan appeared first on Puntland Post.

Muqdisho (Caasimada Online) – Ra’iisul Wasaaraha Soomaaliya Xamsza Cabdi Barre oo dhagax dhigay mashruuca dib-u-dhiska Tuulada Cayaaraha ee Stadium Muqdisho. Ra’iisul Wasaaraha ayaa munaasabadda dhagax dhiga ka sheegay in dhismaha mashruucan uu qeyb ka yahay dadaallada xukuumadda Dan-Qaran ee horumarinta isboortiga iyo dhallinyarada Soomaaliyeed. Qeybaha dib-u-dhiska lagu sameynayo ee maanta la dhagax-dhigay oo ka kooban, dayactirka garoonka kubadda cagta, iyo dib-u-dhiska qqeybaha koleyga, dabaasha, orodka iyo qeybo kale, ayaa waxaa maalgashanaya shirkad ay leeyihiin dhallinyaro Soomaaliyeed. Ra’isul Wasaaraha ayaa xusay in dib-u-dhiska Tuulada Cayaaraha ay qeyb weyn ka qaadan doonto horumarka dalka iyo bilicda caasimadda, islamarkaana ay xoojinayso shaqo abuurka dhallinyarada, dhaqaalaha iyo dalxiiska. Ugu dambeyntiina wuxuu ra’iisul wasaaraha uga mahad-celiyey wasaaradda dhallinyarada iyo cayaaraha dadaalkeeda la xiriira horumarinta isboortiga dalka. Tartankii dowlad-goboleedyada iyo gobolka Banaadir ee sanadkan ka dhacay garoonka ayaa muujiyay xiisaha bulshada u qabaan isboortiga, taas oo dowladda ku dhiiri-gelisay in la dhammeystiro qeybaha kala duwan ee uu ka kooban yahay garoonka, si loo soo celiyo qeybihii kale ee ka maqnaa tartanka, tani oo fursad siinaysa dhallinyarada leh. The post Sawirro: Xamza oo maanta dhagax dhigay qeybo cusub oo lagu soo kordhinayo… appeared first on Caasimada Online.

Afgooye (Caasimada Online) – Faah-faahino dheeraad ah ayaa kasoo baxaya sarkaal ka tirsanaa ciidanka NISA, sidoo kalena ahaa taliyihii amniga ee waaxda 21-ka Oktoobar ee degmada Afgooye ayaa xalay isaga iyo ilaaladiisa lagu dilay gudaha magaaladaasi. Warar soo baxaya ayaa sheegaya in sarkaalka la dilay ay gurigiisa saq-dhexe ku weerareen ciidamo kale oo ka tirsan kuwa dowladda Soomaaliya, kadibna ay dileen. Sarkaalka la dilay ayaa waxaa magaciisa lagu soo koobay Anwar, waxaana lala dilay saddex kamid ahaa ilaaladiisa, falkan ayaa waxaa sidoo kale ka dhashay caro xoogan. Shacabka ku dhaqan waaxda 21-ka Oktoobar ee degmada Afgooye ayaa maanta isugu soo baxay halkaasi, waxayna dhigeen dibadbax cabasho ah. Qaar kamid ah dadkii ka hadlay dibad-baxa ayaa dilka wadareedkan ku eedeeyay ciidamada Gaashaan ee hay’adda NISA, waxayna fariin u direen dowladda dhexe. Sidoo kale waxa ay intaasi ku dareen in aan la aasi doonin marxuumiinta illaa gacanta lagu soo dhigayo dadkii dilay. “Maydadkan illaa dadkii dilay gacanta looga soo dhigaayo mala duugaayo, talaajada ayay ku jirayaan” ayuu yiri mid kamid ah odayaasha deegaanka oo goobta ka hadlay. Xaaladda Afgooye ayaa weli cakiran, mana jiro wax hadal ah oo kasoo baxay maamulka degmada iyo saraakiisha laamaha amniga oo ku aadan dhacdadaasi. The post Sarkaal ka tirsanaa NISA iyo ilaaladiisa oo hab yaab leh loogu dilay magaalada… appeared first on Caasimada Online.

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, oo dhagax dhigay mashruuca dib-u-dhiska Tuulada Cayaaraha ee Stadium Muqdisho, ayaa sheegay in dhismaha mashruucan uu qeyb ka yahay dadaallada Xukuumadda DanQaran ee horumarinta isboortiga iyo dhallinyarada Soomaaliyeed. Qeybaha dib-u-dhiska lagu sameynayo ee maanta la dhagax-dhigay oo ka kooban, dayactirka garoonka kubadda cagta, iyo dib-u-dhiska qqeybaha koleyga, dabaasha, orodka iyo qeybo kale, ayaa waxaa maalgashanaya shirkad ay leeyihiin dhallinyaro Soomaaliyeed. Ra’isul Wasaaraha, ayaa xusay in dib-u-dhiska Tuulada Cayaaraha ay qeyb weyn ka qaadan doonto horumarka dalka iyo bilicda caasimadda, isla markaana ay xoojinayso shaqo abuurka dhallinyarada, dhaqaalaha iyo dalxiiska, isaga oo uga mahadceliyey Wasaaradda Dhallinyarada iyo Cayaaraha dadaalkeeda la xiriira horumarinta isboortiga dalka. Tartankii Dowlad Goboleedyada iyo Gobolka Banaadir ee sanadkan ka dhacay garoonka, ayaa muujiyay xiisaha bulshada u qabaan isboortiga, taas oo dowladda ku dhiirigelisay in la dhammeystiro qeybaha kala duwan ee uu ka kooban yahay garoonka, si loo soo celiyo qeybihii kale ee ka maqnaa tartanka, tani oo fursad siinaysa dhallinyarada leh xirfadaha kala duwan ee cayaaraha. Source: goobjoog.com

Sanadihii la soo dhaafay waxaa magaalada Muqdisho ka socday mashaariic kala duwan oo isugu jira dhismaha waddooyin cusub iyo dayactirka Kuwii hore, waxaana ugu dambeeyay dhowr jid oo Ra’iisul Wasaaraha Xukuumadda Jamhuuriyadda Federaalka Soomaaliya dhowaan xarigga ka jaray. Ra’iisul Wasaaraha XFS ayaa sheegay in dowladdu ay isku tashatay oo canshuuraha dadka Soomaaliyeed laga qaado howshaas lagu qabto, sidoo kale guddoomiyaha gobolka Banaadir ayaa horay u sheegay in deeq tabarucaad ah oo hal dollar ka billaabaysa dadka Soomaaliyeed laga rabo si waddooyinka loogu hagaajiyo. Haddaba hab-raac caynkee ah ayaa loo maraa dhismaha iyo dayactirka waddooyinka? Dhismaha waddooyinka waxaa jaan-gooya guddi isku dhaf ah oo isugu jira ganacsato, culumo iyo masuuliyiinta hoggaanka u ah bulshada rayidka ah, kuwaas oo qeymayn iyo sahmin ku sameeya wadada la dhisayo iyo baahida loo qabo ama muhiimadeeda. Dhanka dhaqaalaha ku baxaya waxaa u xilsaaran 3 waaxood oo kala ah ganacsatada gobolka Banaadir oo bixiya boqolkiiba 50, dadka guryaha ku leh heeraraha waddada la dhisayo oo laga qaado boqolkiiba 15, iyo maamulka gobolka Banaadir oo bixiya boqolkiiba 35. Dhinaca fulinta waxaa awood buuxda u leh maamulka gobolka oo shirkaddii uu doonaya qandaraas kula gala, mana jiro tartan hufan oo shirkadaha waddooyinkaas dhisayaahi ay galaan, taas oo la rumaysanyahay inay qeyb ka tahay taya xumada jidadka la hirgelinayo. Si kastaba ha ahaatee qaabkaas ayaa loo dhisaa waddooyinka magaalada Muqdisho, markii laga reebo jidadka Muqdisho iyo Afgooye iyo Muqdisho iyo Balcad oo ay maalgalisay dowladda Qatar, islamarkaana ay fulinayeen Injineerro Turki ahi. Lacagta Canshuuraha ah ee loo adeegsado ayaa ah boqolkiiba 35-ta uu bixiyo maamulka gobolka Banaadir, taas oo loo badelay in qaab tabarucaad ah ah bulshada looga aruuriyo, halkii laga bixin lahaa qasnadda dowladda hoose ee gobolka, taas oo muujinaysa isku dheeli-tirnaan la’aan dhaqaalaha reer Muqdisho magaca Canshuuraha uga baxa iyo adeegyada loo qabto. Source: goobjoog.com

Mariam Mohamed is co-founder of Hoyo, which is one of 12 local startups that received 2024 microgrants from the nonprofit Market Entry Fund. She's seen on October 1, 2024 at Hoyo's Bloomington facility. Credit: Dymanh Chhoun | Sahan Journal Source: Hiiraan Online

Jowhar (Caasimada Online) – Taliska ciidamada Xoogga dalka ayaa faah-faahin dheeri ah ka bixiyay howlgal iyo dagaal culus oo saacadihii lasoo dhaafay ka dhacay deegaanka Raas qaboow ee gobolka Shabeellaha Dhexe, kaas oo khasaare culus lagu gaarsiiyay Al-Shabaab. Howlgalkan oo ahaa mid qorsheysan ayaa waxaa looga hortegay weerar ay Al-Shabaab soo qaadeen, waxaana si gaar ah u sameeyay Ururka 251-aad guutada 25-aad ee Cumar Binu Khadaab, waxaana taliska uu sheegay in guullo waa wayn ay ka gaareen. Maxamed Xasan Abuukar Dhala Dheere oo taliyaha ururka 251-aad Guutada 25-aad ee Cumar Binu Khadaab oo la hadlay Warbaahinta ayaa sheegay in ciidanka ay ka hortageen weerarka uga yimid Al-Shabaab, isla-markaana khasaare xoogan ay gaarsiiyeen xubnahii weerarka kusoo qaaday. Taliyaha ayaa xaqiijiyay inay dileen ugu yaraan illaa 25 dagaalame oo ka tirsanaa maleeshiyaadka kooxda Al-Shabaab. “Geesiyaasha Xoogga Dalka ayaa cashar u dhigay Khawaarijta oo ay isku dayeen inay weerarto saldhiga ciidanka Xoogga Dalka ee degaankaasi Raas qaboow, waxaana halkaasi looga dilay 25 dhaqarqabe” ayuu yiri taliye Maxamed Xasan Abuukar Dhala Dheere. Sidoo kale wuxuu intaasi in ciidanka xoogga dalka ay wali sii baacsan hayaan firxadka xubnahii weerarka kusoo qaaday saldhiga deegaanka Raas qaboow ee gobolka Shabeellaha Dhexe. Dhinaca kale, ma jiro wax hadal ah oo kasoo baxay kooxda Al-Shabaab oo ku aadan howlgalkan ee ay guulaha ka sheegtee ciidanka Xoogga dalka Soomaaliyeed. Shabeelaha Dhexe ayaa kamid ah meelaha lagu jabiyay Al-Shabaab, wajigii koowaad ee dagaalka, waxaana weli kasii soconayo howlgallo xoreyn ah. The post Ku dhawaad 30 Shabaab ah oo lagu dilay hal goob, kadib markii… appeared first on Caasimada Online.

Kismaayo (Caasimada Online) – Qaramada Midoobay ayaa si toos ah usoo farogelisay khilaafka siyaasadeed ee haatan ka dhex-qarxay Jubbaland iyo dowladda dhexe, waxaana arrintaas saaka Kismaayo u tegay ku simaha ergeyga Qaramada Midoobey ee Soomaaliya. James Swan oo saaka ka ambabaxay Muqdisho ayaa lagu soo dhaweeyay magaalada Kismaayo, halkaas oo uu haatan kulamo xasaasi ah kula leeyahay Axmed Madoobe. Ilo wareedyo lagu kalsoon yahay ayaa innoo sheegay in madaxweynaha Jubbaland iyo Swan ay haatan kulan gaar ah ay ku leeyihiin xarunta madaxtooyada, kaas oo looga hadlayo khilaafka taagan iyo xaaladda guud ee dalka. Kulanka oo ah mid uu albaabada u xiran yahay ayaa waxaa looga arrinsanayaa xaaladda siyaasadeed iyo waxyaabihii sababay inuu Axmed Madoobe isaga baxo shirkii golaha wadatashiga qaran ee magaalada Muqdisho, kaddib markii la isku mari waayay qodobo dhowr ah oo ku aadanaa arrimaha doorashooyinka dalka iyo sida loo wajahayo. Ujeedka ugu wayn ee socdaalka wakiilka QM ayaa ah sidii xal waara loogu helaa arrimaha doorashooyinka, la’iskuna soo dhaweyn lahaa Jubbaland iyo dowladda federaalka. Khilaafkan cusub ee durbo soo baxay ayaa la dareemay saameyntiisa, maadaama illaa iyo hadda aan wax go’aan laga soo saarin shirkii Muqdisho, inkastoo ra’iisul wasaare Xamza uu horay u shaaciyay in shirka uu sii socdo, soona saari doonaan go’aanno wax ku ool ah. Si kastaba, James Swan oo mar labaad loo soo magacaabay Soomaaliya ayaa lagu xusuustaa kaalintii uu ka qaatay doorashooyinkii 2022-kii iyo marxaladii kala guurka aheyd ee caqabadda badneyd, taas oo ugu dambeyn laga soo gudbay dibna loo doortay Xasan Sheekh, waxaase ay u muuqataa in mar kale ay soo noqotay isla caqabaddii doorashada. The post QM oo soo farogelisay khilaafka Axmed Madoobe iyo DF iyo Swan oo maanta… appeared first on Caasimada Online.

Mogadishu (HOL) — Somalia's Deputy Prime Minister Salah Ahmed Jama has denounced the attempt at his removal from the Upper House of Parliament as unconstitutional, challenging a decision by Senate Speaker Abdi Hashi Abdillahi, who argued that Jama had automatically vacated his seat after missing four consecutive sessions. Source: Hiiraan Online