Qaran News

Madaxweynaha Somaliland, Muuse Biixi Cabdi ayaa maanta xarunta madaxtooyada Hargeysa ku qaabilay wefdiuu hoggaaminayey gudoomiyaha shirkada DP World ahna maareeyaha guud ee Shirkadaas, Sultan Ahmed Bin Suleyman. War ka soo baxay madaxtooyada Somaliland ayaa lagu sheegay Kulankaas uu salka ku hayey dardar-gelinta xiriirka wada shaqayneed ee ka dhexeeya Somaliland iyo shirkada DP World, looguna gogol xaarayo furitaanka wejiga koowaad ee dhismaha dekeda Berbera oo dhammaaday dhawaana la furidoono, iyadoo lagaga wada hadlay sidii loogu gudbi lahaa wejiga labaad ee dhismaha ballaadhinta Dekeda Berbera. Madaxtooyada Somaliland waxay sidoo kale sheegtay in kulanka si gaara loogu lafo-guray imkaaniyaadka ganacsi ee ku gadaaman isticmaalka dekeda Berbera, sida marin ganacsiyeedka wadada Berbera Corridor iyo balaarinteeda, madaama oo ay mari doonaan shixnado aad u tiro badan oo u gudbi doona dalka Itoobiya. Warku wuxu intaas ku daray in Kulankaas oo ku soo dhammaaday is fahan iyo is-afgarad ay madaxweynaha ku weheliyeen wasiirada wasaaradaha Horumarinta Maaliyada, Qorshaynta iyo Horumarinta Qaranka, Xannaanada Xoolaha iyo Horumarinta Kalluumaysiga, wasiir ku xigeenka ahna ku simaha wasiirka arrimaha dibeda iyo iskaashiga caalamiga ah, maareeyaha dekedaha Somaliland, safiirka Somaliland u qaabilsan Imaaraadka Carabta iyo xubno ka mida boodhka dekeda Berbera. PUNTLAND POST The post Madaxweynaha Somaliland iyo Guddoomiyaha Shirkadda DP World oo Hargeysa ku kulmay appeared first on Puntland Post.

Waxaa caasimadda Muqdisho ku geeriyoodey ra’isul wasaare ku xigeenkii Soomaaliya Cabdullahi Sheekh Ismaaciil. Cabdullahi Sheekh oo sidoo kale ahaa Xildhibaan ka tirsan baarlamaanka 10-aad waxaa uu ahaa diblomaasi waqti dheer kusoo jiray siyaasadda. Dowladdii Cabdullahi Yuusuf waxaa uu ka ahaa ra’isul wasaare ku xigeenka iyo wasiirka arrimaha dibadda isaga oo mas’uul ka ahaa in ciidmada safka hore ay yimaadaan Muqdisho, waxaa kale uu xukuumaddii Cumar Cabdirashiid ka noqday wasaaradda gaadiidka. Cabdullahi waxaa uu ahaa sidoo kale Xildhibaaan ka tirsan baarlamaankan iyo kuwii ka horeeyey. Dhanka kel Guddoonka golaha Shacabka ayaa ka Tacsiyadeeyay geerida Xildhibaan Cabdullahi. ” Inna Lillahi Wa Inna Ilayhi Raajicuun Guddoomiyaha Golaha Shacabka BJFS Maxamed Mursal Sheekh Cabdiraxmaan ayaa dhammaan xillibaanada Golaha iyo guud ahaan shacbiga soomaaliyeed kaga tacsiyadeeyay geeridii ku timid Allaha u naxariistee Xildhibaan Cabdullahi Sheekh Ismaaciil Oo Goor dhow ku geeriyooday Magaalada Muqdisho. Waxaana gaar ahaan uu ugu tacsiyeeyay ehelada iyo qoyska marxuum xildhibaanka Xildhibaanku wuxuu ahaa rugcadaa in badan qarankaan u soo shaqeeyay soona qabtay xilal kala duwan hadane wuxuu ka mid ahaa xildhibaanada Golaha Shacabka BJFS”. ayaa lagu yiri qoraal ka soo baxay Xafiiska guddoonka golaha Shacabka . Source: goobjoog.com

Ra’isul Wasaaraha Xukuumadda Federaalka Soomaaliya, Maxamed Xuseen Rooble maanta oo jimce ah u ambabaxay dalka Sacuudi Carabiya. AF-hayeenka xukuumadda Soomaaliya, Maxamed Ibraahim Macallimow, ayaa sheegay in safarka Ra’iisul wasaare Rooble uu ku saabsanyahay in uu soo cimreysto maalmaha yar ee ka dhiman bishan barakeysan ee Ramadaan. Ra’isul Wasaare Rooble waxaa Garoonka diyaaradaha ku sii sagootiyay Wasiir Cadaaladda dowladda Federaalka, Cabdulqaadir Maxamed Nur (Jaamac) . Af-hayeen Macallimow ayaa sidoo kale sheegay in xafiiska Ra’isul Wasaaruhu uu sii wadi doono isku dubbaridka iyo diyaarinta shirka arrimaha doorashooyinka ee lagu ballansanahay yahay 20ka bishan May inuu ka furmo Muqdisho. PUNTLAND POST The post Ra’iisul wasaare Rooble oo u safray dalka Sacuudi Carabiya appeared first on Puntland Post.

Xildhibaan Cabdullaahi Sheekh Ismaaciil, oo ka tirsanaa Golaha Shacabka Baarlamanka Federaalka Soomaaliya, ayaa maanta oo Jimce ah ku geeriyooday magaalada Muqdisho. Qoraal ka soo baxay xafiiska Guddoomiyaha Golaha Shacabka, Maxamed Mursal Sheekh Cabdiraxmaan, ayaa lagu xaqiijiyay Geerida marxuum Xildhibaan Cabdullaahi Sheekh Ismaaciil. Guddoomiyaha Golaha Shacabka ayaa tacsi u diray dhammaan xildhibaannada Golaha iyo Shacabka Soomaaliyeed, gaar ahaanna Qoyskii uu ka baxay xildhibaan Cabdullaahi Sheekh Ismaaciil. Marxuumka geeriyooday, waxa uu xilal kala duwan ka soo qabtay dowladda Federaalka Soomaaliya isagoo ka soo qayb-qaatay barnaamijyo dib u heshiisiin ah. PUNTLAND POST The post Xildhibaan ka tirsan Baarlamanka Soomaaliya oo Muqdisho ku geeriyooday appeared first on Puntland Post.

Gantaalka Shiinaha:Meesha uu ku soo dhici karo oo la saadaaliyey. Raadaarada sida dhow ula socda gantaalka wayn ee Shiinaha waxay qiyaasayaan halka la filayo dhulka ee uu ku dhaci doono. Gantaalkan wayn ee lagu magacaabo Long March-5b, oo ah sida gaari qaadi kara xamuulka, waxaa bishii la soo dhaafay loo diray saldhigga cusub ee Shiinaha uu ka sameystay Hawada Sare. Balse, gantaalka oo ku soo wajahan dhulka, hadda waa la xakameyn waayay. Waa gantaalkii labaad ee ugu wayn ee la xakameyn waayay ee dhulka ku soo dhaca, 30 sano gudahood. Labada maalmood ee soo socota gudahood ayaa la filayaa in uu dhulka ku soo dhaco. Saadaasha ugu badan waa saacadaha ugu horreeya ee Axadda. Balse mararka qaar wuu ka soo hormari karaa, sida khubarada ay sheegayaan. Sida caadiga ah, waxaa loo diyaariyay inuu xawaare caadi ah uu ku socdo, balse gantaalka Long March-5b, ayaa sare uga kacay heerkii loogu talagalay. Xawaaraha uu dhulka ku soo gali doono waxay ku xiran tahay sida hawada ay tahay, xaalado badan sida joogga sare ee dhulka ah, ayaana arrintaa sababi kara. Xogtaas weli si wanaagsan looma hayo. Waxaa la filayaa in inta badan gantaalkan ay gubato, marka uu hawada dhulka uu soo galo. Waxaa dhici karta in jajab waaweyn oo ka soo daada ay dhulka ku soo hoobtaan. Markii arrin middan la mid ah ay dhacday sannadkii hore, jajabka biraha waxay hoobashadooda ka billaabatay xeebaha Ivory Coast, ee Afrika. Fursadda ah in qofkasta oo dunida ku nool uu ku dhaco jab yar oo ka soo go’ay, waa arrin aad u yar, sababtoo ah, inta badan dhulka waxaa qarinaya biyaha badda. Sidoo kale, waxaa jiro dhul aad u wayn oo aan la deganayn. Saadaasha waxay muujineysaa in dhul kooban la qiyaasayo in uu ku dhaco ama ay ku daataan jajabkiisa. Wuxuu ku socdaa si xagal silloon ah, wuxuuna ku aadan yahay dhul-baraha qiyaastii 41.5 degree. Taas micneheedu wuxuu yahay in meesha laga saarayo in gantalkan iyo burburkiisa ay gaaraan meel ka baxsan 41.5 degrees, ee waqooyiga Loolka dhulka, ama meel ka fog 41.5 degree, ee dhanka loolka koonfureed ee dhulka. BBC Laanteeda Afka Turkiga waxay qortay in diiwaanka lagu daray magaalooyiin ku yaalla Turkiga oo halis ugu jiri kara gantaalka Shiinaha. Gantaalka Long March-5B waxaa hawada loo diray 29 April 2021 Shiinaha waxaa lagu eedeynayaa in ay taxadar la’aan wayn tahay in la ogolaado in gantaal wayn uu dhulka ku soo noqdo isagoo aan la xakameyneynin. Balse dowladda Shiinaha waxay reer Galbeedka ku eedeysay dacaayad in ay ku wadaan gantalkan. Dr Hugh Lewis, oo ku taqasusay haraaga gantaallada looga soo tagay hawada sare, wuxuu sheegay in 60-kii sano ee la soo dhaafay in hawada sare laga buuxiyay qashin iyo jajabka gantallo. Masuuliyadda qashinkaas ayuu ku eedeeyay dhowr dal, waxaana ugu badan Ruushka iyo Mareykanka. Xilliga casriga ah, waxaa lagu baaqayaa in gantaallada hawada sare loo diro, in lagu xakameeyo halkaas, laguna xiro qalab u hagi kara in ay ku degaan meelo badqab ah, sida badda. Laanta Cirbixiyeennada Yurub waxay sheegtay in sannadkasta illaa 100 dayax-gacmeed iyo gantaallo ay ku soo noqdaan dhulka. Qaran News

Ra’isul wasaare ku xigeenka ahna Wasiirka arrimaha dibadda Qatar Maxamed Bin Cabdiraxmaan Aala taahni oo wareysi gaar ah siiyey Al-Jazeera ayaa sheegay sida ay aheyd warqadaha Amiirka Qatar u kala diray Madaxweyneyaasha Soomaaliya iyo Kenya “Muhiimadda ergeyga waxaa ay aheyd inuu dhambaal khaas ah u geeyo Madaxweyne Farmaajo alla ha xifdiyo mid kalana Madaxweynaha Kenya. Dhambaalka loo diray Madaxweynaha Soomaaliya qalaasaha ka jira xaaladda gudaha Soomaaliya iyo ku boorinta Madaxweynaha Soomaaliya iyo kooxaha kasoo horjeeda in la wada hadlo, lana heshiiyo arrimaha la xiriira doorashada soo socota iyo in Soomaaliya lagu dhiirigeliso soo celinta xiriirka iyo dejinta qalalalaaiyaha u dhaxeeya iyada iyo Kenya. Dhambaalka Kenya waxaa ay xoogga saareysay taageerada dadaalada Soomaaliya iyo taageerada soo celinta xiriira Soomaaliya, waayo Qatar waxaa aragtaa in qalalaase ka jira labada dal maslaxadda uguma jira labadooda iyo gobolka. Source: goobjoog.com

Muqdisho (Caasimadda Online) – Ra’iisul wasaaraha Xukuumadda xil-gaarsiinta Maxamed Xuseen Rooble iyo wafdi uu hoggaaminayo ayaa ka dhoofay Garoonka Diyaaradaha ee Aadan Cadde International kadib markii ay diyaarad qaas ah u timid. Rooble ayaa ku wajahan dalka Sacuudi Carabiya, wuxuuna raacay diyaarad qaas ah oo ay usoo dirtay boqortooyada Sacuudiga. Xafiiska Ra’iisul wasaaraha ayaa sheegay in ujeedka safarka uu yahay cumro maalmo kooban ah oo uu ku tagi doono Xaramka. Xukuumadda ayaa sheegtay in Ra’iisul wasaaraha uu si deg deg ah ugu soo laaban doono Magaalada Muqdisho ee caasimadda Soomaaliya si uu u dardar geliyo howlaha hor yaalo ee ku aadan doorashada la filayo inay dalka ka dhacdo. Caasimadda Online ayaa ogaatay in sidoo kale safarka Ra’iisul wasaaraha ay qeyb ka tahay inuu kulamo la qaato madax ka tirsan boqortooyada Sacuudiga, iyagoo ka wada hadli doono xiriirka labada dal iyo sidii ay Sacuudiga u garab istaagi laheyd arrimaha doorashooyinka dalka. Dolwadda ayaa sidoo kale dhaqaale ka codsan doonta Sacuudiga, oo horey u jaray taageeradii uu siin jiray. Arrintan ayaa imaneysa ayada oo inta badan dalalkii Reer Galbeedka ay sidoo kale dhaqaalaha ka jareen dowladda kadib markii ay ku fashilantay inay doorasho qabato. Xiriirka u dhaxeeyo Soomaaliya iyo Sacuudiga ayaa ahaa mid mugdi ku jiro afartii sano oo ay Dowladda uu hoggaamiyo Farmaajo ay ka talineysay Soomaaliya, wuxuuna khilaafka soo bilowday markii Soomaaliya ay diiday inay xiriirka u jarto dalka Qatar kadib markii ay go’doon geliyeen Sacuudiga iyo xulafada uu hoggaaminayo. The post Ujeedka qarsoon ee qeybta ka ah safarka uu ROOBLE ugu baxay Sacuudi Carabiya appeared first on Caasimada Online.

Maanta waa maalin Jimce ah, Ramadaan waxa ay maraysaa 25, salaada jimcaha waxa aanu ku oognay Masaajidka Rashiid ee gudaha Magaalada Hargeysa. Markii aanu dhamaysanay dhagaysiga khudbadii Jimcaha iyo tukashada Salaadii waajibka ahayd ayaa waxa ASHAHAADADA loogu qabtay masaajidka wiil dhalinyaro ah oo suuradiisu u e’kayd inuu ka soo jeedo dalka Ethopia ee aynu jaarka nahay. Wiilka ayaa isla goobtaasi magaciisii hore lagaga badelay waxaan loo bixiyay Maxamed. Waxaana wiilka ASHAHAADADA u qabtay imaamkii khudbada Jimce Masaajidka ka jeedinaayay, Sheekh Maxamed. Bulshada Masaajidka ku sugnay ayaa mar qudha uu dareenkoodu isbadelay. Qof kasta oo Masaajidka ku sugnaa waa uu ku farxay ku soo biirista wiilkaasi dhallinyarada ah ee Diinta Islaamka qaatay. Waxa uu ahaa qof aad u nasiib badan, maxaa yeelay waxa uu Diinta Islaamka qaatay maalmihii dunidan ugu kheyrka badanaa ee Ramadaan, waliba Ramadaan maalimihii ugu sii kheyrka badnaa ee tobanka ka danbe, tobanka danbe Maalihii ugu kheyrka badanaa ee “Withrida” tirooyonka kala dhiman ee Kinsiga. ILLAAHAY adoonkaasi kheyrka ha ku sugo. Source

Wargeyska caanka ah ee The Economist oo axadha Arrimaha Dhaqaalaha iyo Siyaasadda ayaa qormo dheer ka qoray Taariikhda Jamhuuriyadda Somaliland iyo sida ay dunidda uga mudan tahay inay ku aqoonsadaan guulaha ay ku naaloonayaan muddada 30 sanno ah ee ka soo wareegtay dib ula soo noqoshada madax bannaanideeda. Wakaaladda Wararka Somaliland ee SOLNA, ayaa soo xigatay qormada Warsidaha The Economist oo sheegay in Somaliland ay xornimadeeda ka qaadatay Boqortooyadii Ingiriiska 26kii June 1960, waxaanu tilmaamay in maalmo kadib Baarlamaankii Somaliland uu qaatay go’aan madow oo ay kula midoobeen Soomaalidii Koonfurta ee uu xukumi jiray Talyaanigu. Warsidaha The Economist wuxuu si qoto-dheer uga faallooday xasuuqii iyo dhibtii shacbiga reer Somaliland kala kulmeen taliskii kaligii taliyihii Maxamed Siyaad Barre iyo xasuuqii uu ka geystay Somaliland oo lagu dilay kumanaan qof oo rayid ah. Waxa kaloo warbixinta Wargeyskaas caalamiga ahi intaas ku dartay markii Soomaaliya ay cagta saartay dariiqa dagaalka in waxgaradka reer Somaliland ay go’aansadeen inay madax-bannaanidooda kala soo noqdaan Soomaaliya sannadkii 1991kii. Intaa wixii ka dambeeyay Jamhuuriyadda Somaliland waxay noqotay dawlad shaqeysa oo dimuqraadi ah, waxana ku dhaqan dad gaadhaya 4.5 Milyan oo qof, iyadoo masaafada dhuleed ee Somaliland uu ka weyn yahay Gobolka Florida ee dalka Maraykanka. Warsiduhu wuxuu sheegay in dimuqraadiyadi ka jirto Somaliland, hase ahaatee ay u xidh-xidhan tahay dal aan jirin, waxaanu xusay in Somaliland aanay dhaqaale ka amaahan karin bangiyada caalamiga ah sababo la xidhiidha aqoonsi la’aanta darteed. Wargeyska The Economist wuxuu ku ammaanay Jamhuuriyadda Somaliland inay maamusho xudduudaheeda iyo dhulkeedaba, halka Soomaaliya ay wax yar uun ka maamusho magaalo madaxdeeda Muqdisho. Source

Cutubyo kala duwan, oo ka tirsan ciidamadii ka horyimid mudda kororsigii dowladda Federaalka, ee qalalaasaha dhaliyay, ayaa maanta oo Jimce ah lagu ururiyay dhanka waqooyi ee magaalada Muqdish, si gebi ahaanba looga saaro magaalada. Ciidamadan oo ku hubaysan noocyada gaadiidka dagaalka, ayaa haatan la isu-gu geeyay xaafadaha dhanka waqooyi ee Muqdisho, halkaas oo ay uga sii gudbi doonaan furimihii ay hore uga soo baxeen. Tallaabadan ayaa ka dambaysay, kadib markii heshiis laga gaaray qalalaasihii iyo Rabshadihii ka taagnaa Muqdisho, kuwaas oo ka dhashay mudda kororsigii lagu fashilmay ee dowladda Federaalka. Ra’iisul wasaare Rooble iyo mucaaradka dowladda ayaa ku heshiiyay in magaalada laga saaro dhammaan Ciidamada kala duwan ee ka horyimid mudda kororsiga kadib markii la xalliyay xiisaddii jirtay. PUNTLAND POST The post Ciidamadii mudda kororsiga ka horyimid oo maanta laga saarayo Muqdisho appeared first on Puntland Post.

Muqdisho (Caasimadda Online) – Ra’isulwasaaraha Xukuumadda xirgaarsiinta ah ee Soomaaliya Maxamed Xusseen Rooble ayaa kulan la qaatay Safiirka dalka Turkiga u joogo Muqdisho Mehmet Yılmaz. Rooble iyo Mehmet Yılmaz ayaa ka wada hadlay sidii loo xoojin lahaa xiriirka wanaagsan ee ka dhaxeeyo Soomaaliya iyo Turkiga, sidoo kalana waxay si qoto dheer uga wada hadleyn doorashada la filayo inuu Rooble u jiheeyo Soomaaliya kadib markii Farmaajo uu ku wareejiyey Mus’uuliyadda Doorashada iyo Amnigeeda. Turkiga ayuu ka ka dalbaday in dowladda Turkiga ay kaalin wanaagsan ka qaadato Arrimaha dib u heshiisiinta Soomaaliya sidoo kalana ay ka caawiso qorshaha doorashada ee uu Rooble rabo inuu ka hirgeliyo Soomaaliya. Safiirka Turkiga ee Soomaaliya ayaa u ballan qaaday Ra’isulwasaare Rooble in Dowladda Turkiga ay garab ku siin doonto sidii uu ugu guuleysan lahaa howsha culus ee hor taalo oo ah inuu isku soo dhaweeyo Madaxda Maamul Goboleedyada iyo Farmaajo isla markaasna uu dalka ka qabto doorasho. Dowladda Turkiga ayaa ka mid ah dowladdaha taageera Soomaaliya iyaga oo ka caawiya dhinaca tababarada ciidamada iyo dib u dhiska intaba, waxayna dhawaan Midowga Musharixiinta ku eedeyn Turkiga in ciidamadii ay tababartay iyo gaadiidkii dagaalka oo ay ugu deeqday Soomaaliya loo adeegsaday caburinta siyaasiyiinta kasoo horjeedo Dowladda. Tan iyo wixii ka danbeeyay Rooble markii lagu wareejiyay maamulka doorashada, wuxuu kulamo kala duwan la qaatay wakiilada Beesha Caalamka si ay uga gacan siiyaan dadaalada loogu jiro qabashada doorasho ku dhacdo is ogol iyo hufnaan. Beesha Caalamka ayaa Ra’isulwasaare Rooble u ballan qaaday inay kala shaqeyn doonto fududeynta kulanka uu isugu yeeray madaxda Maamul Goboleedyada, Gobolka Banaadir iyo madaxda Dowladda Federaalka Soomaliya kadib kulan uu kula yeeshay Afisyooni. The post Rooble oo codsi u gudbiyey Turkiga kadib kulan uu la qaatay Mehmet Yılmaz appeared first on Caasimada Online.

Ra’iisul wasaaraha Dalka Pakistan Imran Khan ayaa gaaray Dalka Sacuudi Carabiya, isagoo isku dayaya inuu dib u soo celiyo xiriirkii ka dhexeeyay laba dal ee xumaaday sanooyinkii u dmbeeyay. Mr. Khan waxaa maanta oo Jinco ah uu gaaray magaalada Riyadh, ka dib casuumaad uu ka helay Dhaxal-sugaha Boqortooyada Sacuudiga Maxamed Bin Salmaan Booqasha oo qaadan doonta muddo sadex cisho ah ayaa waxay leedahay muhiimad gaar ah,gar ahaan isu soo dhowaanshaha Pakistaan iyo Sacuudiga oo horay u ahaa xulufo isku dhow. Dadka taxliiliya siyaasadda ayaa sheegay In kasta oo Baakistaan iyo Sacuudi Carabiya taariikh ahaan ay ahaayeen xulafo aad isugu dhow, haddana xiriirkooda adag waxaa soo maray dib u dhacyo dhowr ah. PUNTLAND POST The post Pakistaan iyo Sacuudiga oo doonaya in la soo celiyo xiriirkii u dhaxeeyay appeared first on Puntland Post.

Muqdisho (Caasimada Online) – Ciidamadii kasoo hor jeeday muddo kordhintii loo sameeyey madaxweynaha waqtigiisa dhammaaday ee Maxamed Cabdullaahi Farmaajo ee magac baxay Badbaado Qaran ayaa la filayaa in maanta guud ahaan laga saaro dhufeysyadii ay ka sameysteen magaalada Muqdisho ee Caasimadda Soomaaliya. Ciidamada oo shalay billaabay inay ka baxaan waddooyinka qaar ayaa la filayaa inay maanta soo geba-gebeeyaan ka bixitaanka magaalada oo gebi ahaan laga wada saaro. Ciidamada ayaa la filayaa in dib loogu celiyo xeryahooda iyo difaacyada hore ee lagala dagaalamo kooxda Al-Shabaab oo ay horey uga soo baxeyn kadib markii shalay Ra’isul wasaare Maxamed Xuseen Roobe uu booqday goobaha fariisinka u ahaa ciidamadaan. Afhayeenka ciidamada la magac baxay Badbaado Qaran Gaashaanle Diini Rooble Axmed ayaa idaacadda VOA u sheegay in dhammaan waddooyinka Muqdisho laga qaaday dhufeysyadii carada ahaa oo ay ka sameysteen, waxaana Magaalada Muqdisho laga dareemayaa dhaqdhaqaaq magaalada looga saarayo ciidamadii militariga ahaa ee soo galay. Ciidamada diidanaa Muddo kordhinta ayaa guud ahaan waxaa la isugu geeyey waqooyiga Muqdisho halkaas oo ay dhuulatus Militari ku sameeyeen, waxaana la filayaa inay kasii aadaan meelihii ay markii hore ka yimaadeen. Shalay ayay aheyd markii Ra’iisul Wasaaraha Xukuumadda xil gaarsiinta Maxamed Xuseen Rooble uu kormeeray furista waddooyinkii ku xirmay isku hor imaadyadii u dhaxeeyay Ciidankii ka soo horjeeday muddo kororsiga iyo ciidanka dowladda. Goobaha dib loo furay ee difaacyada u yaalleen Ciidankii muddo kororsiga ka soo horjeeday ayaa kala ahaa Xaafadaha Siigaale, Barmuudo illaa aagga Mirinaayada. Ra’iisul Wasaare Rooble ayaa ku wareejiyay goobaha la furay ee jidka Mirinaayada ciidanka Booliska, iyadoo uu goobjoog ka ahaa Taliyaha Booliska. Rooble ayaa midowga Musharixiinta oo ay wehliyaan saraakiisha hoggaamineysay qorshihii looga hor yimid muddo kordhinta ayaa ku heshiiyey 10 qodob si ciidamada looga saaro Magaalada Muqdisho, waxaana fullinta heshiiskaas mas’uuliyadiisa qaatay Ra’isulwasaare Maxames Xuseen Rooble. The post Wararkii ugu dambeeyey ka bixitaanka Muqdisho ee ciidamada Badbaado Qaran + Sawiro appeared first on Caasimada Online.

Berbera (Caasimada Online) – Shirkadda DP World ee fadhigeedu yahay Dubai ayaa heshiis lagu dhisayo jidka isku xira Itoobiya iyo Berbera ee Somaliland la gashay Wasaaradda Gaadiidka ee Itoobiya. Shirkadda DP World ayaa war ay soo saartay ku sheegtay inay qorsheyneyso in maalgashi gaaraya 1 Bilyan oo Dollar ay ku bixiso 10-ka sano ee soo socoto hormarinta kaabayaasha saadka ee marinka. Shirkadda ayaa sheegtay in mashruucyada la fulinayo ay qeyb ka noqon doonto Dekado qalalan, Bakhaaro leh qaboojiyaal, Konteenaro, Gawaarida xamuulka gudbiya iyo howlaha nadaafadda. “Waxaan rumaysanahay in horumarinta marinka Berbera oo laga dhigo mid ka mid ah marinnada waaweyn ee ganacsiga iyo saadka ay furi doonto faa’iidooyin dhaqaale oo aad u weyn oo ay u leedahay Itoobiya ayna taageeri doonto qorshayaasheeda horumarineed ee hanka leh,” ayuu Sultan Ahmed bin Sulayem oo ah guddoomyaha iyo madaxa fulinta ee DP World. Itoobiya iyo DF World ayaa si wadajir ah u sheegay in mashruuca lagu hormarinayo jidka isku xiro Berbera iyo Itoobiya uu noqon doono mid abuuri doono shaqooyin cusub, sidoo kalana uu sababi doono ganacsiyo cusub oo dhex mara Somaliland iyo Itoobiya. Sidoo kale heshiiska ay saxiixdeyn DF World iyo Itoobiya ayaa waxaa kamid ah in labada dhinac ay abuuraan shirkad wadaag ah oo dhanka saadka ah si ay u fuliso howlaha saadka si guul looga gaaro mashruucaan oo soconayo muddo badan. DF World ayaa la filayaa inay qabato shaqada adeegyada dhoofinta oo asal ahaan ka imaanayo Itoobiya illaa Dekadda Berbera, sidoo kalana waxaa qeyb ka ah adeegyo alaab looga soo dejinayo Dekadda Berbera lana gaarsiinayo illaa Adis Ababa. Qoraalka lasoo baxay labada dhinac ayaa sidoo kale lagu sheegay in Wasaaradda Gaadiidka ee Itoobiya ay xallin doonto caqabadaha xagga sharciyeynta dhinaca Itoobiya ee marinka Berbera Corridor si ay u fududaato fullinta qorshahaan la isugu furayo ganacsiga Berbera iyo Adis Ababa. Si loo hubiyo ammaanka xamuulka u kala gudbayo labada dhinac, Dowladda Itoobiya ayaa qaadatay Mas’uuliyadda ammaanka, waxayna marinka ka hirgelin doontaa kaabayaasha IT-ga iyo Qalab casri ah oo awood buuxda u leh hubinta badqabka xamuulka. Heshiiska waxaa Addis Ababa ku saxiixay Khamiistii Dagmawit Moges, Wasiirka Gaadiidka ee Itoobiya iyo Sultan Bin Sulayem, guddoomiyaha iyo madaxa fulinta ee Shirkadda DP World. Wadada isku xiri doonta Dekedda Berbera iyo Wajaale ee xadka Itoobiya, oo ay maalgelinayso Sanduuqa Abu Dhabi ee Horumarinta iyo Waaxda Horumarinta Caalamiga ee Boqortooyada Ingiriiska, ayaa la filayaa in la dhammaystiro dhammaadka sannadka 2021, ayaa lagu yiri qoraalka. DF World, Itoobiya iyo Somaliland ayaa horey u kala saxiixday heshiis lagu hormarinayo Dekadda Berbera, waxaana heshiiskaas sharci darro ku tilmaamay Baarlamaanka Soomaaliya . The post DP World iyo Ethiopia oo kala saxiixday heshiis lagu dhisayo jidka Berbera iyo Ethiopia appeared first on Caasimada Online.

Dubai’s DP World said on Thursday it had signed a preliminary agreement with Ethiopia’s transport ministry to co-develop logistics infrastructure in the East African state along a trade corridor connected to Somali semi-autonomous region Somaliland. DP World and its partners anticipate investing up to $1 billion over the next ten years building warehouses, silos and dry ports, the state-owned company said in a statement. The preliminary deal also includes plans to set up a joint venture logistics company. Further details of the joint venture, or how the projects would be funded were not disclosed Ethiopian transport minister Dagmawit Moges said the corridor’s development would meet Ethiopia’s increasing demand for international trade, allowing it to boost exports. DP World, best known for operating ports around the world, is developing and expanding Somaliland’s Berbera port, which it hopes will be a major gateway for trade for landlocked Ethiopia. “We strongly believe that developing the Berbera corridor into one of the major trade and logistics corridors will unlock huge economic benefits for Ethiopia, and support its ambitious development plans,” Chairman Sultan Ahmed bin Sulayem said. Qaran News

Ra’iisul Wasaaraha xukuumadda Federaalka Soomaaliya Maxamed Xuseen Rooble ayaa xafiiskiisa ku qaabilay safiirka dowladda Turkiga ee dalka Soomaaliya Mahmet Yilmez. War ka soo baxay xafiiska Ra’iisul wasaaraha ayaa lagu sheegay Kulanka labada mas’uul looga hadlay arrimo ay ka mid yihiin xoojinta iskaashiga iyo xiriirka labada dal iyo Arrimaha doorashooyinka Soomaaliya. Ra’iisul wasaare Rooble ayaa maalmahan kulamo kala duwan oo ku saabsan Arrimaha doorashooyinka wuxu la qaadanayay safiirada Shisheeye iyo wakiilada Caalamiga ah ee ku sugan Muqdisho. Dowlada Turkiga ayaa ka mid ah wadamada ugu horeeya ee dowlada Soomaaliya ay xiriir wanaagsan iyo iskaashi la leedahay. PUNTLAND POST The post Ra’iisul wasaare Rooble oo kulan gaar ah la yeeshay Safiirka Turkiga appeared first on Puntland Post.

Madaxweynaha dowladda Federaalka Soomaaliya Maxamed Cabdullaahi Farmaajo ayaa kulan dhiirrigelin ah la qaatay qaar ka mid ah dhakhaatiirta iyo adeegayaasha caafimaad ee la tacaalaya xakamaynta cudurka COVID-19. Madaxweynaha ayaa soo bandhigay dadaallada ay dowladdu gelisay kor u qaadidda adeegyada caafimaad ee dalka, iyo guulaha la taaban karo ee laga gaarey xakamaynta Cudurka, iyada oo sidoo kale xil gaar ah la iska saaray daryeelka adeegayaasha caafimaadka. “Waxaad aad tihiin halyeeyo baal dahab ah ka galaya taariikhda dalkan. Waxaan idiin ka mahad-celinayaa sida geesinimada, naf hurka iyo daacadnimadu ku jirto ee habeen iyo maalinba aad ugu soo jeeddaan shacabkiinna iyo sidii aan u xakameyn lahayn halista caafimaad ee cudurkan safmarka ah.” Madaxweyne Maxamed Cabdullaahi Farmaajo ayaa sidoo kale bulshada Soomaaliyeed ugu baaqay in loo hoggaansamo talooyinka iyo awaamiirta caafimaad ee lagu ilaalinayo badqabkooda, iyada oo ay weli taagan tahay khatarta cudurku. Kulankan oo ay goobjoog ka ahaayeen Wasiirka Wasaaradda Caafimaadka Marwo Fowsiya Abikar Nuur iyo Wasiir ku xigeenka Wasaaradda Caafimaadka Mudane Axmed Xuseen Macallin ayaa Dhakhaatiirtu waxa ay Madaxweynaha kula wadaageen warbixin ku saabsan halista cudurkan safmarka ah, saameynta uu ku yeeshay dalka. PUNTLAND POST The post Madaxweyne Farmaajo oo kulan la qaatay Dhaqaatiirta la tacaalaya xanuunka COVID-19 appeared first on Puntland Post.

Wasaaradda caafimaadka dalka India ayaa sheegay in guud ahaan tirada dadka uu haleelay safmarka Covid-19 ay kor dhaaftay in ka badan 21 Milyan iyadoo hada mawjada labadaan ay la daalaadhacaan Guud ahaan gobolada dalkaasi india ayaa la sheegay in gabaabsi ay ka yihiin Agabyada caafimaadka ee lagu tacaalo Covid-19 gaar ahaan deegaannada miyiiga uu muddooyinka faro ba,an ku haayo. Qurba joogta iyo ganacsatada ayaa door weyn ka qaadanayo sidii dadka loogu gargaari lahaa waxaana sidoo kale dowladda dalkaasi ay saxiibadeeda caalamka weydisay gar istaag. Mareykanka,Ruubsha iyo dalalka kale ayaa gaarsiiyay qalab caafimaad si wax looga qabto saameynta uu ku yeeshay. PUNTLAND POST The post Tirada dadka uu ku dhacay Covid-19 dalka India oo gaartay 21 Milyan. appeared first on Puntland Post.

Hargeisa (HOL) - Gen. Jama Mohamud Aden (Dollaal) was released from prison on Thursday, nearly a month after being sentenced by a military court in Somaliland. Source: Hiiraan Online

Muqdisho (Caasimada Online) – Caasimada Online ayaa ogatay in Maamulka Gobalka Banaadir uu shaqo joojin ku sameeyay 21 qof oo ka tirsanaa Shaqaalaha Gobalka Banaadir, lamana oga sababta rasmiga ah ee ka dambeysay shaqa ka ceyrintan. Mas‘uuliyiinta shaqada laga joojiyay ayaa isugu jira la-taliyeyaal, agaasimyaal, ku xigeenno iyo madax qeybeedyo, kuwaasoo ugu dambeyn loo diiday in ay galaan xarunta gobalka Banaadir, iyadoo sidoo kale ay waayeen masuul uga jawaaba cabashooyinka ay qabaan ee ah shaqo ka ceyrinta. Xogta aan helnay ayaa tilmaameysa in dadka shaqada laga ceyriyay loo beegsaday in ay ka aragti duwanyihiin maamulka Madaxweyne Farmaajo, halka qaarkood loo beegsaday in lagu cadaadiyo dadkii keenay oo mucaarad ku noqday dowladda Soomaaliya. Badanaa dadka shaqada laga ceyriyay ayaa waxaa keenay Axmed Iimaan iyo Ibraahim Dheere oo laba guddoomiye ku-xigeen oo dhinaca maaliyada ah ka soo noqday gobalka Banaadir, islamarkaana hadda la shaqeeyaa Xasan Cali Kheyre oo ay qaraabo yihiin. Sidoo kale waxaa qeyb kale oo dadkaas kamid ah shaqaaleysiiyay Maxamed Cabdullaahi Tuulax, Senator Dhageey iyo Mustaf Dhuxulow, kuwaasoo hadda la sheegay in ay mucaarad ku yihiin dowladda Federaalka Soomaaliya. Sidoo kale waxaa liiska shaqo ka joojinta laga reebay dhowr qof uu keenay Xildhibaan Mahad Salaad, kadib markii uu damiintay Cali Yare Cali oo ay isku beel yihiin. Go’aanka shaqa ka ceyrinta dadkaan ayaa waxaa iska kaashaday Guddoomiyaha Gobalka Banaadir ahna duqa Muqdisho iyo labadiisa ku xigeen ee ammaanka iyo maaliyadda, iyo xubno ka tirsan Villa Somalia. The post Xog: Maamulka G/Banaadir oo shaqada ka joojiyey 21 qof oo u badan hal beel appeared first on Caasimada Online.

MOGADISHU (Reuters) - Somalia said on Thursday it was restoring diplomatic relations with neighbouring Kenya almost six months after severing ties, accusing Nairobi of meddling in politics. Source: Hiiraan Online

Muqdisho (Caasimada Online) – Ra’iisal wasaaraha xil-gaarsiinta, Maxamed Xuseen Rooble ayaa dhawaan kulan la qaatay beesha caalamka, kaasi oo looga hadlayey arrimaha doorashooyinka iyo is-bedelka siyaasadeed ee dalka. Sii-hayaha Wasiir ku-xigeenka warfaafinta Soomaaliya, Cabdiraxmaan Yusuf Al-Caddaala oo wareysi siiyay idaacada VOA-da ayaa sheegay in beesha caalamka ay ra’iisal wasaare ku taageerayaan mas’uuliyada doorashada ee uu la wareegay. Al-Caddaala ayaa xusay in beesha caalamka ay gacan weyn ka siinayaan xukuumadda ra’iisal wasaaraha si looga miro-dhaliyo doorasho wadar ogol ah oo dalka ka dhacda, maadama uu yahay mas’uulka u sarreeya ee loo igmaday doorashooyinada iyo amnigeeda. “Kulanka uu ra’iisal wasaaraha la yeeshay beesha caalamka waxa uu ahaa sidii ay B/caalamka ugu taageeri laheyd qabashada doorashadii ay dadka ka wada-sugayeen iyo sugida amniga dalka, balan-qaad wanaagsan ayey u sameeyen, weyna garab istaagsan yihiin dadaalka ra’iisal wasaaraha,” ayuu yiri. Wasiir ku-xigeenka ayaa sidoo kale sheegay in wakiilada beesha caalamka ay u ballan-qaadeen inay kala shaqeynayaan qabashada doorashada, xili uu dhawaan shaaciyey in shirweyne looga arrinsanayo khilaafka doorashada la iskugu imaado 20-ka bishaan. Beesha caalamka oo si weyn uga soo horjeeday muddo kororsigii fashilmay ee loo sameeyay madaxweynaha waqtigiisa dhamaaday ayaa soo dhaweysay tallaabadii lagu laalay qaraarkii golaha shacabka, waxayna dadaal badan ku bixineysa sidii Rooble loogu taageeri lahaa isku keenida dhinacyada is-haya, si heshiis kama dambey ah looga gaaro khilaafka doorashada. Xiisada doorashada ayaa bishii hore gaartay meel aad u sarreysa oo gacan ka hadal ah, hase yeeshe tan iyo markii laga laabtay muddo kororsigii loo sameeyo Farmaajo waxaa soo dhawaaneysa rajada laga qabo in heshiis laga gaaro hanaanka doorashada. Hoos ka dhageyso wareysiga Al-Cadaala https://www.caasimada.net/wp-content/uploads/2021/05/dc0b5ef7-cd01-43ce-b56b-0dec4269ede8_48k.mp3 The post Maxay tahay arrinta ay beesha caalamka u ballan-qaadeen ra’iisul wasaare Rooble? appeared first on Caasimada Online.

The Somalia-born mom has been wanting a place of her own for two years since the birth of her child. Source: Hiiraan Online

UNITED NATIONS (AP) — The United Nations announced Thursday it has released $65 million for humanitarian aid in Ethiopia, including $40 million for the Tigray region where a military operation launched in November has escalated into a war in which widespread atrocities are reported and thousands have been killed. Source: Hiiraan Online