Waxaa goordhaw la doortay guddoonka guddiga doorashada dowlad gobaleedka Puntland iyo ku-xigeenkiisa. C/kariin Muuse Maxamed ayaa loo doortay guddoonka guddiga doorashada halka ku-xigeenka guddiga guddoonka doorashada loo doortay Caynaanshe yuusuf Xuseen. Cabdikariin Muuse Maxamed ayaa waxa uu helay 11 cod, isagoo noqonaya guddoomiyaha guddiga doorashada dowlad gobaleedka Puntland . Goobjoog News Source: goobjoog.com

Garoowe (Caasimada Online) – Afhayeenka madaxtooyada Puntland, Jaamac Deperani ayaa ka hadlay dilkii Allaha u naxariistee magaalada Boorama ee xarunta gobolka Awday loogu geystay marxuum Ibraahim Cabdishakuur Salaad oo dhiganayey Jaamacadda Camuudi, balse deegaan ahaan kasoo jeeday dhanka magaalada Boosaaso. Jaamac Deperani ayaa marka hore tacsi tiiraanyo leh u diray ehellada iyo qoyska uu ka baxay marxuumka oo ka mid ahaa ardayda wax ka barata Kulliyadda Engineering-ka Jaamacadda Camuud, gaar ahaan faraceeda magaalada Boorama ee gobolka Awdal. Sidoo kale afhayeenka ayaa ka dalbaday Somaliland inay cadaalad u hesho marxuumka, si tallaabo sharciga waafaqsan looga qaado askarigii ka dambeeyey dilka ardaygaasi. “Soomaaliya meel walbo waxaa ka jira maamul wuxuu doonaba ha aaminsanaadee, koley uun waa dad Soomaaliyeed, waxaan ka rajeyn nidaamka halkaasi ka jira inuu Ibraahim Cadaalad ku helo, si loo illaaliyo badqabka dadka Nugul oo ay ardeydu ka midtahay,” ayuu yiri Jaamac Deparani oo afhayeenka madaxtooyada Puntland. Deperani ayaa sidoo kale intaasi ku sii daray inay xanuunka iyo murugada la qeybsanayaan ardayda Soomaaliyeed, gaar ahaan kuwa kasoo jeeda Puntland. Dilkan ayaa dhacay daqiiqado, kadib markii Ibraahim iyo saaxibadiisa ay ka soo baxeen imtixaan ay soo wada galeen, waxaana la sheegay inuu marxuumka dib ugu laabtay gudaha Jaamacadda kadib markii uu doontay Telefoonkiisa oo uu kusoo hilmaamay. Si kastaba, Ibraahim Cabdishakuur oo 21 jir ahaa ayaa waxuu dhiganayey sanadkii labaad Kuliyadda Engineering-ka eee Jaamacadda Camuud qeybteeda magaalada Boorama, waxaana dilkiisa si weyn uga xumaaday guud ahaan dadka Soomaaliyeed. The post Puntland oo Somaliland u dirtay dalab la xiriira dilkii Ibraahim Cabdishakuur appeared first on Caasimada Online.

Source

Muqdisho (Caasimada Online) – Waxaa maanta magaalada Muqdisho kulan ku yeeshay xubnaha guddiga doorashooyinka heer dowlad goboleed ee maamulka Puntland, ayaga oo kulankaas ku doortay guddoonka guddigaas. Guddiga ayaa waxay cod gacan taag ah ku doorteen guddoomiyaha guddiga Cabdikariim Muuse Maxamed oo helay dhamaan codadka xubnaha guddiga oo dhan 11-xubnood, mana jirin cid xilkaas kula tartamay. Sidoo kale waxa uu guddiga u doortay guddoomiye ku-xigeenka Guddiga doorashooyinka maamulka Puntland, Caynaanshe Yuusuf Xuseen oo asaguna helay 11-cod, sidoo kalena majirin cid kula tartamay xilkaas. Guddiga doorashooyinka maamulka Puntland ayaa waxa uu kamid noqonaya guddiyada maamulada ee maalmihii u dambeeyay guddoonkooda ku dooranayey magaalada Muqdisho, si loo dar-dar geliyo doorashada ay madaxdu heshiiska ka gaareen. Waxaa shalay sidan oo kale magaalada Muqdisho lagu doortay guddoonka Guddiyada doorashooyinka Koonfur Galbeed iyo Galmudug, ayaga oo cod gacan taag ah ku doortay Gudoomiyeyaal iyo ku-xigeenada Guddiyada. Maamulada Hir-Shabeelle, Jubbaland, kuwa Banaadiriga iyo Gobolada Waqooyi oo hadda loo yaqaano Somaliland ayaa ayagu maalmaha socda lagu wadaa inay doortaan guddoomiyeyaal iyo ku-xigeenadooda. The post Sawirro: Guddoonka guddi doorasho oo maanta markale lagu doortay Muqdisho appeared first on Caasimada Online.

Attitudes towards facial disfigurements and skin conditions within the Somali community are being explored in a study to help more black and ethnic minority people access the healthcare they need. Source: Hiiraan Online

Nairobi (Caasimada Online) – Iyada oo maalmihii dambe ay soo baxayeeen warar sheegaya in madaxweynaha dowlad goboleedka Puntland, Mudane Siciid Cabdullahi Maxamed (Deni) uu iibsaday hotelka Sarova Stanley magaalada Nairobi ayaa waxaa arrintaasi markii ugu horreysay si faah faahsan uga hadlay maamulka hotelkaasi. War qoraal ah oo ka soo baxay Sarova Stanley ayaa looga jawaabay wararka ku saabsan in hotelooda uu iibsaday Siciid Deni, kadib markii lagu faafiyey baraha bulshada, waxaana maamulka hoteelka uu waxba kama jiraan ku tilmaamay wararkaasi. Qoraal lasoo dhigay bogga Twitter-ka ee hotelka ayaa waxaa lagu beeniyey in ganacsade Soomaali ah uu iibsaday hoteelkaas oo ka mid ah kuwa ugu sarreeya ee dalka Kenya. Sidoo kale maamulka hotelka Sarova Stanley ayaa shaaca ka qaaday inay shacabka uga digayaan wararkaasi been abuurka ee lagu faafiyey Internet-ka. Warararkan ayaa waxaa horey u daabacay qaar ka mid ah wargeysyada ugu afka dheer Kenya, iyaga oo sheegay in Deni uu gatay huteelka Sarova Stanley qaybtiisa Nairobi. Arrintan waxaa sidoo kale gaashaanka u daruuray oo ka horyimid maamulka Puntland oo waxba kama jiraan ku tilmaamay in madaxweynaha uu iibsaday hoteelkaasi. Si kastaba hadal heyn badan ayaa ka dhalatay soo shaac-bixinta warbixintan ka dhanka ah Siciid Deni oo ah ganacsade & siyaasi haatan madaxweyne ka ah Puntland The post Maxaa ka jira in Deni uu iibsaday hotelka Sarova Stanley ee NAIROBI? appeared first on Caasimada Online.

Toilets and water have been made available to hundreds of families living in camps in Hudur, Bakool region, following an increase in displacement due to conflict in this part of southern Somalia. Source: Hiiraan Online

Source

(SLT-Addis Ababa)-Masar ayaa sheegtay inay ka heshay Itoobiya ogeysiis rasmi ah oo ah inay bilowday wajiga xiga ee buuxinta biyo xidheenka weyn ee muranka badan dhaliyay ee webiga Nile, taasoo sare u qaadaysa xiisada hore u jirtey. Arrintan ayaa soo shaac baxday maalmo ka hor kulan uu Golaha Amniga ee Qaramada Midoobay ka yeelanayo khilaafka ka jira biyo xidheenka Itoobiya ay ka dhiseyso wabiga Nile. Wasaarada waraabka Masar ayaa bayaan ay soo saartay waxa ay ku muujisay sida weyn oo ay ugaga soo horjeedo tallaabadan ay iskeed u qaaday xukuumada Itoobiya ayna tahay xadgudub sharciga iyo qawaaniinta caalamiga ah ee nidaaminaya mashaariicda laga dhiso wabiyada caalamiga ah. Masar iyo Suudaan waxay wadeen olole diblomaasiyadeed oo ku saabsan heshiis sharci ah oo ku saabsan hawlgalka biyo xidheenka, laakiin wadahadallada ayaa marar badan hakad galay. Golaha Ammaanka ee Qaramada Midoobay ayaa la filayaa inay ka hadlaan arrintan maalinta Khamiista, waxaana bayaanka uu saasaray wasiirka waraabaka ee Masar Abdel Aty lagu sheegay in warqad uu u qoray golaha Golaha Ammaanka, si uu ugu wargaliyo dhacdooyinkii ugu dambeeyay. Addis Ababa waxay sheegaysaa in mashruucu muhiim u yahay horumarka, laakiin dawladaha Qaahira iyo Khartuum waxay ka baqayaan inay xaddido helitaanka biyaha muwaadiniintooda. Afhayeen u hadlay Wasaaradda Waraabka ee Masar Maxamed Ghanim ayaa sheegay in Baaxadda biyaha uruuraya ay ku xidhnaan doonto xaddiga roobabka xilliyeed ee ka da’a Itoobiya. “Ma arki doonno wax saameyn ah oo hadda ku socda Nile. Waxaa inagu soo food leh bil ama bil iyo bar, ”ayuu yidhi. Wasiirka Arimaha Dibada ee Masar Sameh Shoukry ayaa ku sheegay qoraal uu u diray UN-ka in wadahadaladu meel xun marayaan, wuxuuna ku eedeeyay Itoobiya inay qaadatay siyaasad ku dhisan madax-adayg taas oo wiiqday dadaalkeena wadajirka ah ee lagu doonayay heshiis. Dowladda Itoobiya ayaa hore u shaacisay inay u gudbeyso heerka labaad ee buuxinta bisha July, heshiis ama heshiis la’aan. Niilka – oo qiyaastii 6,000km (3,700 mayl) ah waa mid ka mid ah wabiyada ugu dheer adduunka – waa isha ugu muhiimsan ee biyo iyo koronto ay u helaan dhowr dal oo ku yaal Bariga Afrika. Masar, oo ku tiirsan wabiga Niil inta badan waraabkeeda iyo cabitaankeeda, waxay u aragtaa biyo xidheenka inuu yahay khatar jirta. Madaxweynaha Masar Abdel Fattah el-Sisi ayaa horaantii sanadkan uga digay Itoobiya in dowladiisa aysan u dulqaadan doonin dhaq dhaqaaq kasta oo yareynaya qeybta Masar ee biyaha webiga Nile. Biyo-xidheenka oo dhererkiisu yahay 145-mitir (475-cagood), oo dhismihiisa la bilaabay 2011, wuxuu leeyahay awood dhan 74 bilyan oo mitir cubic. Source

Source

Muqdisho (Caasimada Online) – Ra’iisul wasaarihii hore ee xukuumadda federaalka Soomaaliya, Mudane Cumar Cabdirashiid Cali Sharmaa’arke oo wareysi gaar ah siiyey telefishinka Universal ayaa ka hadlay xaaladda siyaasadeed ee dalka, gaar ahaan arrimaha doorashooyinka & jadwalkii ugu dambeeyey ee ay soo saareen golaha wada-tashiga qaran. Cumar Cabdirashiid ayaa marka hore soo dhoweeyey soo saarista jadwalka cusub ee doorashooyinka, wuxuuna tilmaamay inuu muhiim yahay in la dhaqan-geliyo, si looga faa’iideysto waqtiga yar ee la heysto. Sidoo kale ra’iisul wasaarihii hore ee dalka, haatana aha Senator ka tirsan Golaha Aqalka Sare ee Soomaaliya ayaa digniin culus u diray hoggaamiyeyaasha maamul goboleedyada, isaga oo uga digay inay sameeyaan musuq-maasuq iyo boob la xiriira doorashada xildhibaanada labada aqal ee Soomaaliya. Senatorka oo hadalkiisa sii wata ayaa sidoo kale shaaca ka qaaday in loo baahan yahay in la sameeyo dad korjoogto oo dusha sare kala socda doorashooyinka ka dhacaya dowlad goboleedyada. Ugu dambeyn wuxuu hoosta ka xariiqay, haddii aan la dheeraanin musuq-maasuq iyo wax is-daba marin inay dhaawac xoogan u geysan karto doorashooyinka ka dhacay gudaha Soomaaliya. Hadalkan ayaa kusoo aadayo, iyada oo haatan heshiis laga gaaray doorashooyinka dalka, isla-markaana lasoo saaray jadwal rasmi ah oo lagu jiheynayo qabsoomida doorashooyinka. The post Cumar Cabdirashiid oo soo saaray digniin la xiriirta doorashooyinka Soomaaliya appeared first on Caasimada Online.

Guddiga doorashooyinka KMG ah ee Puntland ayaa maanta oo Talaado ah shaaciyay in dib loo dhigay doorashada tijaabada ah ee laga qabanayo degmooyinka Qardho Eyl iyo Ufayn. Guddoomiyaha guddiga KMG doorashooyinka Puntland ee TPEC Guuleed Saalax Barre oo shir jaraa’id ku qabtay Garoowe ayaa sheegay in doorashadaas la qaban doono 25-ka October 2021 oo ku beegan maalin Isniin ah. Guddoomiyaha ayaa sheegay in sababta dib loogu dhigay doorashada saddexdaas degmo ay tahay si loo kala duwo jadwalka doorashada Soomaaliya oo qorshaysan 10-ka October 2021 iyadoo sidoo kale la tixgeliyay xaaladda dadka Reer guuraaga ah ee isu diiwaan-geliyay doorashada sadexda degmo. Doorashada tijaabada ah ee degmooyinka Qardho, Eyl iyo Ufayn ayaa hore loo qorsheeyay in ay dhacdo bartamaha sannadkan 2021 gaar ahaanna bishan July. PUNTLAND POST The post Puntland oo dib u dhigtay doorasho laga qaban lahaa saddex degmo appeared first on Puntland Post.

Garowe (PP News Desk) – Puntland State government yesterday raised objections to hydrocarbon licensing by the Somali Petroleum Authority. SPA has extended submission dates for license applications from foreign companies. Puntland Ministry of Energy, Minerals and Water cited the transitional period that Somalia is going through ahead of presidential elections in October 2021 as the reason for its call to delay any hydrocarbon licensing activities by the Federal Government of Somalia. Contradictory messages: Puntland State President Said Abdullahi Deni. Puntland government questions the legality of licensing duties of SPA, an agency Puntland State does not recognise. A petroleum law expert has told Puntland Post that “contradictions mar Puntland stance on SPA. Puntland gives the impression that only a succeeding government could issue petroleum licenses while in the same breath it argued SPA does not have either a representative or legal status in Puntland State.” The Petroleum Law passed by the Somali Federal Parliament empowers SPA to issue hydrocarbon licenses through a transparent bidding process. © Puntland Post, 2021 The post Puntland Rejects Hydrocarbon Licensing by Somali Federal Government appeared first on Puntland Post.

Dhuusamareeb (Caasimada Online) – Wasaaradda amniga dowlad goboleedka Galmudug ayaa faah faahin dheeraad ah ka bixisay howl-gallo ballaaran oo ay si wadajir ah ciidamada Xoogga dalka Soomaaliyeed iyo kuwa daraawiishta maamulkaasi ay uga sameeyeen qeybo badan oo ka mid ah gobolka Mudug ee bartamaha Soomaaliya. Qoraal kasoo baxay wasaaradda ayaa waxaa lagu sheegay in ciidamada ay la wareegeen deegaanada Bacaadweyn, Qaycad, Sabeena gawrac oo dhaca koonfurta gobolkaasi. Sidoo kale wasaaradda ayaa shaaca ka qaaday inay deegaanadaasi isaga baxeen xoogagii Al-Shabaab ee horey ugu sugnaa halkaasi, sida ay hadalka u dhigtay “Ciidamada qaranka iyo kuwa amniga Galmudug oo hawlgal qorshaysan qaaday saakay ayaa gacanta ku dhigay magaalada Bacaadweyn, tuulada Qaycad, Sabeena gawrac iyo deegaano kale. Alshabaab ayaa isaga baxay deegaanadii ay ku sugnaayeen, waxaana si buuxda gacanta ugu dhigay ciidamada” ayaa lagu yiri qoraalka wasaaradda amniga. Galmudug ayaa sidoo kale xustay inay sii laba jibaari doonto howl-gallada iyo dhaq-dhaqaaqyada ciidan ee ka jira koonfurta gobolka Mudug ee bartamaha Soomaaliya. Wararka ayaa sidoo kale intaasi kusii daraya in dagaal kooban uu ka dhaca dhinaca deegaanka Bacaadweyne, waxaana kadib dib u gurtay dagaalyahanada Al-Shabaab. Muddooyinkii dambe ayaa waxaa ciidamada huwanta ay sare u qaadeen howl-gallada ay ka wadaan gobollada dhexe, gaar ahaan meelaha ay ku sugan yihiin xoogaga Al-Shabaab. The post Ciidamada Xoogga dalka oo la wareegay deegaano horleh appeared first on Caasimada Online.

Wararka nagaa soo gaarayo magaalada Bacaadweyne ee gobalka Mudug ayaa sheegaya in ciidamada dowladda qeybta 21-aad iyo ciidamada daraawiishta dowlad gobaleedka Galmudug kala wareegen ururka Al-shabaab oo muddo ku sugna magaalada. Wasiirka Amniga Galmudug Axmed Macalin Fiqi ayaa sheegay in ciidamada ay degmada Bacaadweyne kala wareegen Al-shabaab. Fiqi ayaa sidoo kale sheegay in tuulooyinka Qaycad iyo Sabeeno Gawrac, ciidamada ay ka saareen Al-shabaab, kuwaas oo dhamaan ka tirsan gobalka Mudug. Saraakiisha hogaamineysay howl galka ayaa sheegay in uu jiro dagaal ciidamada dowladda iyo al-shabaab ku dhex maray bacaadweyn inta aysan kala wareegin ka hor. Goobjoog News Source: goobjoog.com

Xukuumadda Puntland ayaa sheegtay in aysan aqoonsanayn hay’adda Batroolka u qaabilsan dowladda Soomaaliya ee Somali Petroleum Authority. Qoraal ka soo baxay xafiiska wasiirka Macdanta iyo biyaha Puntland, Axmed Maxamed Yuusuf (Taaraan) ayaa lagu caddeeyay in Puntland aysan aqoonsanayn dhammaan heshiisyada iyo shaqada hay’adda Shidaalka u qaabilsan Soomaaliya ee SPA. Qoraalka ayaa sidoo kale lagu sheegay, in mudda-xileedkii Dastuuriga ahaa ee hay’adaha dowladda Federaalka Soomaaliya uu dhammaaday 8 February 2021, islamarkaana aysan xukuumadda xil-gaarsiinta ah awood u lahayn in ay gasho heshiisyo caalami ah. Sidoo kale, dowladda Puntland ayaa ugu baaqday shirkadaha Shidaalka ee doonaya in ay heshiisyo la galaan dowladda Soomaaliya in ay iska sugaan, inta ay dhacayso doorashada madaxtinimada dalka oo ay ka imaanayso dowlad awood u leh shaqadaas. PUNTLAND POST The post Puntland oo sheegtay in aysan aqoonsanayn hay’adda Shidaalka Soomaaliya appeared first on Puntland Post.

Boorama (Caasimada Online) – Guddoomiyaha Gobolka Awdal ee Somaliland Maxamed Axmed Caalim (Tiimbare) oo faah faahin ka bixinayey dilkii AUN Marxuum Ibraahim Cabdishakuur Salaad oo ka mid ahaa ardayda wax ka barata Kulliyadda Engineering-ka Jaamacadda Camuud ee Boorama ayaa shaaca ka qaaday in gacanta lagu dhigay askarigii ka dambeeyey falka toogashada. Tiimbare ayaa sidoo kale sheegay in askariga laoo qabtay uu ka mid ahaa Booliska Somaliland haatana uu xiran yahay, isla-markaana loo gudbinayo maxkamad, si cadaaladda loo horkeeno, looguna qaado dambiga dilka ah ee uu geystay. Sidoo kale wuxuu ugu baaqay dadka shacabka ah inay is dajiyaan, kana war sugaan go’aanka maxkamadda ay ka gaareyso dhacdadaasi oo haatan si weyn loo hadal hayo. Guddoomiyaha ayaa sidoo kale intaasi kusii daray in Marxuum Ibraahim oo ahaa arday waxbarashadiisa ay wanaagsaneyd iyo askariga dilay ay kasoo wada jeedaan bariga Sanaag. “Nin Askari ah ayaa xabad uga dhacday Ibraahim Cabdishakuur oo ahaa arday waxbarashadiisu wanaagsaneen oo sanadkii labaad dhiganayay Kulliyadda Injineeriyada, Marxuumka & Gacan ku dhiiglaha waxa ay kasoo wada jeedaan Bariga Sanaag” ayuu yiri. Dilkan ayaa dhacay daqiiqado, kadib markii Ibraahim iyo saaxibadiisa ay ka soo baxeen imtixaan ay soo wada galeen, waxaana la sheegay inuu marxuumka dib ugu laabtay gudaha Jaamacadda kadib markii uu doontay Telefoonkiisa oo uu kusoo hilmaamay. Si kastaba, Ibraahim Cabdishakuur oo 21 jir ahaa ayaa waxuu dhiganayey sanadkii labaad Kuliyadda Engineering-ka eee Jaamacadda Camuud qeybteeda magaalada Boorama. The post Somaliland oo war kasoo saartay dilkii Ibraahim appeared first on Caasimada Online.

Ciidamada difaaca Tigrayga ayaa bilaabay abaabulka dagaal cusub oo ay ku qaadayaan gobalka Amxaarada ee dalka Itoobiya . TPLF ayaa bilaawday diiwaan gelinta dadka doonaya in ay ku soo biiraan jabhadda diifaaca gobalka, kadib markii bilawgii todobaadkaan ay la wareegen caasimadda gobalka Tigrayga ee Mak’elle. Xoogaga ayaa sheegay in ay dowladda Itoobiya ay ka cagajiideyso shuruudo ay u soo bandhigtay si ay gobalka xabad joojin uga dhaqan gasho. Dad ku sugan Magaalada Aksum iyo magaalooyinka kale ee ka tirsan gobalka 8 bilood dagaalka ka taagan yahay ayaa sheegay in si xowli ah uga socdaan diiwaan gelinta ciidama cusub oo ku biiraya dagaalka. TPLF ayaa si xooggan gacanta hadda ugu heyso magaalada Mak’elle, kadib markii ay ka saareen ciidamada dowladda Itoobiya. “Nabaddu waa mid qaali ah, waana barwaada dalkeenna” ayuu yiri ra’iisul wasaaraha Itbooyiya Abiy Ahmed galinkii dambe ee shalay xilli uu la hadlayay baarlamaanka dalkaas. Ra’iisul wasaaraha ayaa sidoo kale kooxda TPLF ku eedeyay in ay qalalaaso ka waddo gobalka iyo guud ahaan dalka Itoobiya . Abiy ayaa sidoo kale sheegay in uu mudda kooban ku diyaarin doonno ciidamo kor u dhaafaya Hal milyan si ay isaga caabiyaan Jabhadda TPLF. Guddiga doorashooyinka dalka Itoobiya ayaa la filaya in dhankooda ay maalmaha soo socda ay ku dhawaaqan natiijada doorashada oo la filayo in ay ku soo baxaan xisbiga Abiy. Qaramada Midoobay iyo dowladaha caalamka ayaa si wada jir ah ugu baaqay in la xushmeeyo xabad jooninta, si ay gurmad bini’aadanimo u heelan dhamaan dadka ku sugan gobalka Tigrayga oo in ka badan 400,000 qof ay wajaheyso macluul daran. Goobjoog News Source: goobjoog.com

Wararka ka imaanaya Gobolka Mudug, ayaa sheegaya in ciidamada Daraawiishta Galmudug ay dib ula wareegeen degmada Bacaadweyne iyo tuulooyin hoosyimaad oo dhowaan Al-shabaab qabsatay. Ciidamada Daraawiishta Galmudug oo kaashanaya dadka degaanka, ayaa sida wararku sheegayaan dib u qabsaday Bacaadweyne iyo tuulooyinka hoostada, halkaas oo todobaadyadii u dambeeyay Al-shabaab gacanta ku haysay. Ciidamada ayaa xalay ka kala ruqaansaday degmada Wisil si ay jihooyin kala duwan uga weeraraan degaanada ay gacanta ku hayeen Al-shabaab. Saraakiisha hogaaminaysa gulufkaan dagaal ayaa laga soo xigtay in hor imaad kooban uu kacay degmada Bacaadweyne gudaheeda, isla markaana ay isaga baxeen ururka Al-shabaab. PUNTLAND POST The post Ciidamada Galmudug oo dib u qabsaday degmada Bacaadweyne appeared first on Puntland Post.

Saraakiisha Tigray-ga ayaa mar kale jawaab rasmi ah ka bixiyey baaqa xabad-joojin ee dowladda Itoobiya. Hoggaamiyaasha Tigray waxay shuruud ku xireen baaqaas ku saabsan in xabbad-joojin laga hirgeliyo Gobolka Tigray ee colaaddu ka socoto. Waxay sheegeen in baaqaas ay aqbali doonaan kaliya haddii ciidamada Eritrea iyo kuwa Amxaarada ay ka baxaan Gobolka. Waxay sidoo kale ku baaqeen hanaan lagula xisaabtamayo Abiy iyo madaxweynaha Eritrea Isaias Afwerki waxyeeladii ay geysteen intii uu dagaalka socday. PUNTLAND POST The post Hoggaamiyaasha Tigray oo ku celiyay shuruud ku saabsan baaqii xabad-joojinta appeared first on Puntland Post.

Wararka naga soo gaarayo magaalada Boorame ee gobalka Awdal ayaa sheegaya in askari ka tirsan ciidamada Somaliland uu dil u geystay wiil dhalinyaro ah oo ka mid ahaa ardayda wax ka barata Jamaacadda Camuud ee Boorame . Maamulka Jaamacadda Camuud ayaa sheegay in ardayga la dilay uu ka mid ahaa ardayda jaamacadda wax ka barata, sidoo kale uu ku guda jiray sanadkiisi labaad ee waxbarasahada Injineeriga . Allaah u naxariiste marxuumka la dilay oo lagu magacaabi jiray Ibrahim Salaad ayaa waxaa afaafka hore ee jaamacadda uu wax ka baranayay dil ugu geystay Askari ka tirsan ciidamada booliiska Somaliland. Maamulka gobalka Awdal ayaa sheegay in ay gacanta ku dhigeen askarigi ka dambeyay dilka wiilka yar, dhawaanna ay maxkamadda go’aan ka soo saari doonto. Illa iyo hadda macadda sababta rasmiga ah ee ka dambeysay dilka Ibraahim yare, wararka qaar ayaana sheegaya in uu ka dhashay dhar uu watay wiilka la dilay oo la sheegay in uu ka sameysnaa calanka Soomaaliya. Goobjoog News Source: goobjoog.com

Xubnaha Midowga Musharixiinta Madaxweynaha ayaa ka hadlay xaalada dalka, Dhalinyarada weli ku maqan dalka ereteriya, iyaga oo dalbaday in aan xil dambe lagu aaminin madaxweyne Farmaajo Qoraal kasoo baxay Midowga Musharixiinta ayaa walaac looga muujiyay dhalinyarada ku maqan dalka Ereteriya, kuwaas oo la sheegay in ay ka qeyb galeen dagaalkii ka dhacay Gobolka Tigreega ee dalka Itoobiya. Sidoo kale waxaa ay sheegeen inay nasiib darro tahay in Madaxweyne Farmaajo uu dhegaha ka fureystay cabashada Waalidiinta Carruurtooda uga maqan tahay Ereteriya. Qoraalka kasoo baxay Midowga Musharixiinta ayaa sidoo kale lagu sheegay in Guddiigii uu arrintaasi ku saaray Ra’iisul Wasaare Rooble ay noqdeen kuwo magac u yaal ah oo ay ku jiraan dadkii mas’uulka ka ahaa maamulka iyo Siyaasada dhalinyarada la qaaday. PUNTLAND POST The post Midowga Musharrixiinta oo war ka soo saaray Ciidankii loo qaaday ereteriya appeared first on Puntland Post.

Somalia is halving the registration fees for women candidates to encourage more participation in the upcoming elections. Source: Hiiraan Online

Somali refugee Mohamed Farah Hussein’s world came crashing in November 2020 when his wife died, leaving him to care for their two young children. Source: Hiiraan Online

Ethiopia says it has started the next phase of filling a controversial mega-dam on the Nile River, Egyptian authorities said Monday, raising tensions ahead of an upcoming UN Security Council on the issue. Source: Hiiraan Online