The China-Africa (Ethiopia) Economic and Trade Cooperation Forum has commenced in Addis Ababa with participation from a high-level Chinese delegation. In his opening speech, Minister of Finance, Mr. Ahmed Shide, highlighted the deepening of the relations between Ethiopia and China to a higher level. He noted that under the leadership of Prime Minister Abiy Ahmed, Ethiopia has undertaken comprehensive economic reforms, creating attractive investment opportunities. The Minister invited Chinese companies to take advantage of these opportunities and invest in priority sectors such as agriculture, tourism, technology, and mining. State Minister of Foreign Affairs, Ambassador Mesganu Arga, underscored the strong and unwavering “All Weather Strategic Partnership” between Ethiopia and China. He stated that today’s forum marks the beginning of a new chapter in economic diplomacy. Ambassador Mesganu also called on companies from Jiangsu Province to engage in green economy, renewable energy, technology, and human resource training sectors, according to the Ministry of Foreign Affairs of Ethiopia. The Governor of Jiangsu Province and head of the delegation, Xu Kunlin, noted that Ethiopia holds a pivotal position in the Africa-China relationship. He also mentioned that various companies from Jiangsu are already involved in investment activities in Ethiopia, and more anchor companies have expressed interest in participating in sectors related to renewable energy and electric vehicle manufacturing. Source Fanabc Qaran News

Mogadishu (HOL) — Somalia's bicameral parliament on Saturday unanimously approved a law establishing an independent electoral and boundaries commission, a crucial step toward introducing one-person, one-vote elections in the country. Source: Hiiraan Online

Muqdisho (Caasimada Online) – Madaxweynihii hore ee Soomaaliya, Mudane Sheekh Shariif Sheekh Axmed iyo siyaasiga Cabdiraxmaan Cabdishakuur Warsame oo maanta si wadajir ah shir saxaafadeed ugu qabtay magaalada Muqdisho ayaa si weyn uga horyimid tallaabadii ay maanta qaadeen xildhibaannada labada Gole, kadib markii ay cod aqlabiyad leh ku ansixiyeen xeerka dhismaha guddiga madaxa-bannaan ee doorashooyinka dalka. Sheekh Shariif oo madasha ka hadlay ayaa marka hore su’aal ka keenay qorshaha Villa Soomaaliya ee ku aadan qabashada doorasho qof iyo cod ah, taas oo ay ka taagan tahay dood xooggan, maadaama ay diideen maamullada Jubbaland, Puntland iyo Mucaaradka. “See lagu gaari karaa qof iyo cod magaaladaan aan maanta joogno oo caasimada ah oo dowladda ay ku shaqeyneyso ma ka dhici kartaa qof iyo cod dadka inta ay baxaan si xor ah oo xalaal ah cod ma u dhiiban karaan?, su’aashaas ayaa ku taallo” ayuu yiri Sheekh Shariif. Sidoo kale wuxuu intaasi ku daray in la cuuryaamiyay shaqadii baarlamaanka dalka, isla markaana shuruucda hadda la meel-marinayo oo uu ugu horreeyo guddiga doorashooyinka loo maray hannaan qaldan oo aan sax ahayn, sida uu hadalka u dhigay. “Baarlamaanka afka ayaa lagu dhagay waa hay’addii koowaad oo wax dooraneysay, haddii uu shaki soo galo xubnaha codeeyay ma dhan yihiin mise ma dhama? arintaas ogaada waa mid aad u u culus. Sharciyadaan hadda la ansixinaayo nidaamka loo maraayo waa khaldan yihiin, waxa ka dhalanaaya waa in lasii kala fogaado” ayuu mar kale yiri Sheekh Shariif. Dhankiisa xildhibaan Cabdiraxmaan Cabdishakuur Warsame oo hadalka qaatay ayaa shaaca ka qaaday in baarlamaanka hadda jiro uu kasii liito meesha uu joogay baarlamaankii xukunkii milatariga, wuxuuna eedeyn culus u jeediyay guddoonka sare ee labada Gole. “Runtii waa waa ayaan darro wayn in baarlamaanka labadiisa Aqal ay noqdaan meel ka liidatay baarlamaankii xukunka milatariga oo la leeyahay maanta waxaa timid 173 xildhibaan gacanta ayay wada taageen qof diiday maleh, qof ka aamusay maleh” ayuu yiri Xildhibaan Cabdiraxmaan Cabdishakuur. Sidoo kale wuxuu sii raaciyay “Golihii shacabka wuxuu noqday meel lagu sacab tumo oo lagu guul wadeeyo, waana ognahay in xildhibaannada joogay aysan ka badneyn 120 xuldhibaan oo u badan wasiirada”. Waxaa kale oo uu hoosta ka xariiqay in ansixinta dhismaha guddigga doorashooyinka uu khilaafsan yahay nidaamka federaalka ee dalka, isaga oo ku dooday in dowlad goboleedyada ka jira dalka ay u madax banaan yihiin doorashooyinkooda gaarka ah. “Meeshaas waxa kasoo baxay sharci ma’aha nidaamka federaalka waa khilaafsan tahay oo ma ogol hal guddi doorasho wax la yiraahdo, maxaa yeelay waa laba heer dowladeed” ayuu mar kale yiri. The post Shariif iyo CC Shakuur oo ka horyimid tallaabadii uu maanta qaaday BF + Video appeared first on Caasimada Online.

https://qarannews.com/wp-content/uploads/2024/11/AQMQPQAmoIqEHegLtXdEC9uOkreIJJHWaI06RBVvT7tVu2kkx7ePicXXrHoF345JXfDKpk9qENA0hS2nIxitWE26.mp4 Qaran News

Source

AQP7iQ9mo6CcevTQgWQdVzx1kWhrJm0RsD_krq3IefYcmQY5toaqQK933dCr5jQip_isDmOb7VzNGyNRgJOOi95r Qaran News

Muqdisho (Caasimada Online) – Ciidamada Nabad-sugidda Soomaaliya oo maanta howlgal ka sameeyay magaalada Muqdisho ayaa gacanta kusoo dhigay laba xubnood oo ka tirsan kooxd Al-Shabaab, sida lagu shaacitat warsaxaafadeed kasoo baxay hay’adda/ Laba xubnood oo sawirradooda lasoo bandhigay ayaa waxaa magacyadooda lagu kala sheegay Kooshin Maxamuud Axmed iyo Keyse Faarax Xasan(Axmed yare)sida lagu sheegay warka kasoo baxay NISA. Kooshin ayaa kooxda u qaabilsanaa isbitaalada iyo bukaanadooda la keeno magaalada Muqdisho, halka Kayse lagu eedeeyay inuu dhaqtar u shaqeynayay Al-Shabaab, uuna qaabilsanaa n daaweynta bukaanadooda jooga degmada Jilib sidoo kale waxaa NISA ay sheegtay inuu Adeer u yahay horjoogaha khawaarijta ee arrimaha Siyaasadda Xuseen Fiidow. “Haya’adda NISA waxa ka go’an ciribtirka cadowga khawaarijta ah ee beegsanaya dadka Shacabka soomaaliyeed iyo cid walba oo kaalin ku leh la shaqayntooda” ayaa lagu yiri qoraalka. NISA ayaa sidaan oo kale todobaadkii hore gacanta ugu soo dhigtay Cali Hilowle Ibraahim iyo Axmed Samatar Cali oo loo haysto inay saddex nin oo ganacsato ahaa dhowaan ay ku dileen degmada Daarusalaam ee gobolka Banaadir. Horay ayaa sidaan oo kale ayaa gacanta loogu soo dhigay eedeysanayaal loo haysto inay dileen ganacsato xirtay Kaamirooyinka CCTV oo ay ku amartay dowladda Soomaaliya. Ganacsatada ayaa dhibanayaal u noqday amarkaas, waxayna beegsi kala kulmeen kooxda Al-Shabaab oo dil ku bilowday, sidoo kalena qarxisay goobo ganacsi oo ku yaal caasimada. The post Sawirro: NISA oo Muqdisho ku qabatay xubno Shabaab ah appeared first on Caasimada Online.

Ciidanka Hay’adda Sirdoonka iyo Nabad Sugidda Qaranka ee NISA ayaa gacanta kusoo dhigay labo nin oo la sheegay inay Alshabaab u qaabilsanaa dhanka Isbitaalada & daryeelka bukaanada. Labadan nin ee la soo qabtay ayaa lagu kala magacaabaa Maxamuud Axmed oo Alshabaab u qaabilsanaa Isbitaalada & daryeelka bukaanadooda la keeno magaalada. Halka nin kale oo lagu magacaabo Keyse Faarax Xasan (Axmed Yare) uu yahay dhaqtar Alshabaab ka taageeri jiray daweynta bukaanadooda joogo degmada Jilib, waxaana adeer u ah hoggaamiye sare oo kooxda Alshabaab ka tirsan oo lagu magacaabo , Xuseen Fiidow, sida ay NISA sheegtay. Source: goobjoog.com

Muqdisho (Caasimada Online) – Xildhibaannada labada Gole ee baarlamaanka Federalka Soomaaliya oo maanta kulan wadajir ah ku yeeshay magaalada Muqdisho ayaa meel-mariyay xeerka dhismaha guddiga madaxa bannaan ee doorashooyinka iyo sohdimaha. Sida uu ku dhawaaqay natiijada guddoomiye Sheekh Aadan Madoobe waxaa xeerkan ogolaaday dhammaan xildhibaannadii iyo senatorada xaadiray kulanka oo gaaraya illaa 173 mudane, mana jirin xildhibaan diiday ama ka aamusay. “Aan is dhageysano natiijada ayaan ku dhawaaweynaa kooramka wuxuu ahaa 173 Mudane, cid ka aamustay ma jirto, cid diidayna ma jirto dhammaan waxay ku codeeyeen wada ogol, sidaas daraadeed waa ansax xeerka dhismaha guddiga madaxa bannaan ee doorashooyinka iyox xuduudaha” ayuu yiri guddoomiyaha Golaha Shacabka Soomaaliya. Intaas kadib xildhibaannada ayaa guda galay akhrinta 2aad ee xeerka ururada/xisbiyada Jamhuuriyadda Federaalka Soomaaliya ee doorashada dadweynaha ka qaybgalaya, si loo helo xeer qeexaya oo baarlamaanku u codeeyay. Kulamada Baarlamaanka oo uu horay u dalbaday madaxweyne Xasan Sheekh ayaa dardar ku socdo, waxaana qorshaha ugu wayn uu yahay hirgelinta doorashada ee qof codka ah ee ay go’aamiyeen xubnaha golaha wadatashiga qaranka. Qorshahan ayaa dhaliyay xiisad xoogan, kadib markii ay ka biyo diideen maamullada Jubbaland, Puntland iyo siyaasiyiinta mucaaradka ee kasoo horjeedo dowladda dhexe. Si kastaba, waxaa laga war sugayaa tallaabada uu qaado Baaralamaanka Soomaaliyeed oo leh go’aanka ugu dambeeya ee lagu jiheynayo doorashooyinka soo socda ee dalka. The post Xildhibaannada labada Gole oo ansixiyay dhismaha gudigga doorashooyinka appeared first on Caasimada Online.

Xildhibaannada Labada Aqal ee Baarlamaanka Federaalka Soomaaliya ayaa Maanta oo Sabti ah ansixiyay Hindisaha Xeerka Dhisidda Guddiga Madaxabannaan ee Doorashooyinka Qaranka iyo Sohdimaha. Fadhi wadajir ah, oo ay Maanta yeesheen Xubnaha Labada Aqal ee Baarlamaanka Soomaaliya ayay cod aqlabiyad leh ku ansixiyeen Hindisaha Xeerka Dhisidda Guddiga Madaxabannaan ee Doorashooyinka Qaranka. 173 mudane oo xaadir ku ahaa Fadhiga ayaa dhammaantood u codeeyay ansixinta Hindisaha Xeerka Dhisidda Guddiga Madaxabannaan ee Doorashooyinka Qaranka iyo Sohdimaha, islamarkaana ma jirin cid diiday ama ka aamustay meel-marinta Hindisaha Xeerkaaasi. Wasiirka Arrimaha Gudaha, Federaalka iyo Dib-u-heshiisiinta Xukuumadda Federaalka Soomaaliya Xil. Cali Yuusuf Cali Xoosh oo Wasaaraddiisu soo gudbisay Hindisaha Xeerka Dhisidda Guddiga Madaxabannaan ee Doorashooyinka Qaranka ayaa sidoo kale Baarlamaanka uga mahadceliyay Ansixintiisa. PUNTLAND POST The post Xubnaha Labada Aqal ee Baarlamaanka Soomaaliya oo Maanta ansixiyay Hindisaha Xeerka Dhisidda Guddiga Doorashooyinka Qaranka appeared first on Puntland Post.

Ceelwaaq (Caasimada Online) – Wararka naga soo gaaraya Gedo ayaa sheegaya in saacadihii lasoo dhaafay dowladda Soomaaliya ay gobolkaasi gaysay ciidamo milatari ah oo dhaq-dhaqaaqyo ka bilaabay halkaasi, taas oo loo arko tallaabo milatari oo ka dhan ah Jubbaland. Ciidamadan oo ka tirsan qeybta 43-aad ee Xoogga dalka ayaa gaaray degmada Ceelwaaq ee gobolka Gedo, halkaas oo lasoo wariyay inay fariisimo cusub ka sameysteen halkaasi. Saraakiil ka tirsan milatariga ayaa sheegay in ciidamada halkaasi loo geeyay inay qaadaan duulaan ka dhan ah Al-Shabaab, iyaga oo diiradda saaraya qaybta koonfureed ee dalka. Wararka ayaa intaasi kusii daraya in dib-u-dejinta ciidamada aan lagu wargelin Jubbaland oo haatan khilaaf xoogleh uu kala dhexeeyo dowladda federaalka Soomaaliya, kaas oo ka dhashay sida loo wajahayo doorashooyinka dalka. Arrintan ayaa u muuqata in dowladdu qaadeyso tallaabo milatari oo ka dhan ah Jubbaland, waxaana sida oo kale horay u sameeyay Farmaajo oo ciidamo ku qabsaday gobolka Gedo. Xaaladda ayaa haatan ah mid aad u kacsan, waxaana gobolka laga dareemayaa dhaq-dhaqaaqyo ka dhashay ciidamada ay dowladda dhexe geysay aagga degmada Ceelwaaq. Dhanka kale, ma jiro wax hadal ah oo kasoo baxay dhinaca Jubbaland oo ku aadan dhaq-dhaqaaqa milatari ee ay dowladdu ka bilowday gobolka Gedo. Si kastaba, arrimahan ayaa kusoo aadayo, kadib markii ay guul darreysteen dadaallo dhex-dhexaadin ah oo ay garwadeen ka ahayd dowladda Kenya, si la’isugu soo dhaweeyo Villa Soomaaliya iyo maamulka Jubbaland, mana jiro illaa iyo hadda wax kasoo naasa cadaaday. The post Xog: DF oo qaaday tallaabo milatari oo ka dhan ah JUBBALAND appeared first on Caasimada Online.

Mudanayaasha labada gole ee Baarlamaanka Jamhuuriyadda Federaalka Soomaaliya ayaa maanta si isku raac ah u ansixiyay xeer muhiim ah oo lagu dhisayo Guddiga Madaxa Bannaan ee Doorashooyinka Qaranka iyo Soohdimaha Jamhuuriyadda Federaalka Soomaaliya (JFS). Codbixinta oo ka dhacday xarunta Baarlamaanka ayaa waxaa ka qayb galay 173 mudane, dhammaantoodna waxay isku raaceen in xeerkan la meel mariyo, iyadoo aanay jirin wax kasoo horjeestay ama diiday. Guddigu wuxuu mas’uul ka noqon doonaa qorsheynta iyo qabashada doorashooyin hufan oo lagu kalsoonaan karo. Guddiga waxaa loo dhisayaa si uu uga madax bannaano saameyn siyaasadeed, taas oo sare u qaadeysa kalsoonida shacabka. Ansixinta xeerkan ayaa loo arkaa tallaabo muhiim ah oo lagu hormarinayo hannaanka dimuqraadiyadda iyo federaalka Soomaaliya. Source: goobjoog.com

https://qarannews.com/wp-content/uploads/2024/11/AQN6srLILL9pcDuuoW96V_6YCGc_JAUo9Zvl89a-YE0cx6kVri9IVEWG_pvG0GQ7EjS1OffKSUtbSX0AivvaLmPh.mp4 Qaran News

Degmada Godobjiraan ee gobolka Nugaal, waxaa saaka oo Sabti ah ka socota munaasabad ku saabsan dhaarinta xubnaha golaha degaanka cusub ee degmadaasi. Xubnaha golaha degaanka degmada Godobjiraan oo ka kooban 21 xubnood, islamarkaana ku soo baxay doorashadii qof iyo cod ee ka qabsoontay saddexda degmo ayaa saaka si rasmi ah u mari doona dhaarta dastuuriga ah. Kaynaan Cabdi Jaamac Xirsi oo ka tirsan xisbiga xukuumadda Puntland ee Kaah ayaa sidoo kale lagu wadaa in uu markii labaad noqdo guddoomiyaha degmada Godobjiraan, isagoo haddaba xilkaasi haya. Guddoomiye ku xigeenka degmada Godobjiraan ayaa isna la filayaa in uu ku soo baxo Maxamed Axmed Saalax oo ka tirsan xisbi siyaasadeedka Mideeye, sida ku cad heshiis dhexmaray labadaasi xisbi ee Kaah iyo Mideeye 30 October 2024. PUNTLAND POST The post Munaasabad ku saabsan dhaarinta xubnaha golaha degaanka Godobjiraan oo saaka ka socota degmadaasi appeared first on Puntland Post.

Afgooye (Caasimada Online) – Faah-faahino dheeraad ah ayaa kasoo baxaya khasaaraha ka dhashay howlgal culus oo lagu beegsaday kooxda Al-Shabaab, kaas oo ka dhacay aagga degmada Awdheegle ee gobolka Shabeelaha Hoose. Howlgalkan oo ahaa mid qorsheysan ayaa waxaa si gaar ah u sameeyay Ururada 175-aad, guutada 17-aad ee Gorgor iyo 146-aad ee guutada 14-ka October, waxayan gaareen deegaanka Jowhar-awdheegle oo ay ku dhuumaaleysanayeen xubnaha Al-Shabaab. Inta uu socday howlgalka ayaaa waxaa lagu dilay xubno iyo saraakiil ka tirsanaa kooxda Al-Shabaab, sida lagu sheegay qoraal kasoo baxay dowladda Soomaaliya,. “Howlgalka ayay Geesiyaasha Qarankeenna si gaar ah ugu beegsadeen deegaanka Jowhar-awdheegle iyo tuulooyin ku xeeran, waxayna Ciidanka ku guuleysteen khaarijinta dhagar-qabayaal Khawaarijta katirsan oo si dhuumaaleysi ah baad uga qaadan jiray Shacabka iyo gaadiidka isticmaala inta udhaxeysa degmada Awdheegle iyo deegaanka Janaale” ayaa lagu yiri warsaxaafadeedka. Sidoo kale taliyaha guutada 14-ka October ee Ciidanka Dhulka Xoogga Dalka Soomaaliyeed Gaashaanle Sare Nuur Maxamed Gaabow (Nur Farey) ayaa xaqiijiyay in howlgalka uu si guul ah ku soo dhammaaday, isla markaana shacabka laga horleexiyay Al-Shabaab. Dhinaca kale, ma jiro wax hadal ah oo kasoo baxay Al-Shabaab oo ku aadan howlgalkaasi ee ay guulaha ka sheegteen ciidamada Xoogga dalka Soomaaliyeed. Shabeelaha Hoose ayaa kamid ah meelaha ay ku xoogan tahay Al-Shabaab, waxaana badanaa ka dhaca dagaallo iyo duqeymo ka dhan maleeshiyaadka kooxda. The post Al-Shabaab oo jab culus lagu gaarsiiyay SH/HOOSE appeared first on Caasimada Online.

Ciidanka Xoogga Dalka Soomaaliyeed, gaar ahaan Ururada 175-aad, guutada 17-aad ee Gorgor iyo 146-aad ee guutada 14-ka October ayaa xubno ka tirsan kooxda Alshabaab ku diley howlgal qorsheysan oo ay ka fuliyeen deegaano hoostaga degmada Awdheegle ee Gobolka Shabeellaha Hoose, sida ay sheegeen saraakiishu. Howlgalka ayaa ka dhacay deegaanka Jowhar-awdheegle iyo tuulooyin ku xeeran, waxayna Ciidanka ku dileen xubno ka tirsan kooxda Alshabaab oo halkas fariisima ku lahaa sida ay baahisay warbaahinta ciidamada Qalabka sida ee Soomaaliya. Taliyaha Guutada 14-ka October ee Ciidanka Dhulka Xoogga Dalka Soomaaliyeed G/sare Nuur Maxamed Gaabow “Nur Farey” ayaa Xaqiijiyay in howlgalka uu si guul ah ku soo dhamaaday, islamarkaana ay ku dileen xubno ka tirsan Alshabaab. Source: goobjoog.com

Mogadishu (HOL) — Somali federal government has deployed additional troops to the El-Wak district in the Gedo region following unsuccessful mediation efforts to resolve tensions with Jubbaland President Ahmed Madobe, sources confirmed on Saturday. Source: Hiiraan Online

Guddiga doorashooyinka ayaa sheegay in ay bilaabeen wajigii ugu dambeeyay xalay ee isu gaynta codadkii laga dhiibtay doorashooyinkii dhacay 13-kii bishaan Nufeember. Guddoomiyaha guddiga doorashooyinka Muuse xasan Yuusuf ayaa sheegay in inta badan la tiriyay codkii, islamarkaana ay ku howlan yihiin hubinta codadka la dhiibtay. Waxaa uu sheegay in maanta lasoo gabagabayn doono tirinta codadka ka dibna lagu dhawaaqi doono natiijada saxda ah. Muuse xasan Yuusuf ayaa mar kale ka digay dadka baraha bulshada ku baahinaya natiijooyin aan rasmi ahayn oo ku saabsan doorashada, isla markaana uu sheegay in ay wax u dhimi karaan habsami u socodka tirinta codadka. Dadka tirooyinkaasi ku saabsan natiijada aan guddiga ka soo bixin baahinaya ayuu ugu baaqay in arrintaa ay joojiyaan si aaney Khalkhal u abuurin, lagana war sugo guddiga iyo xilliga ay shaaciyaan natiijooyinka rasmiga ah ee doorashadii madaxtooyada iyo tan ururada. Source: goobjoog.com

Mogadishu (HOL) — The Al-Shabab militant group publicly executed two men accused of working with Somali government forces in a village near Janale, about 90 kilometers southwest of Mogadishu, witnesses said Friday. Source: Hiiraan Online

Elon Musk, bilyaneerka sida aadka ah ugu dhow madaxweynaha la doortay ee Mareykanka Donald Trump, ayaa la kulmay safiirka Iran u fadhiya Qaramada Midoobay si uu u qaboojiyo xiisadda u dhaxeysa Tehran iyo Washington. Wargeyska The New York Times ayaa ka soo xigtay ilo-wareedyo aan la magacaabin oo Iiraaniyiin ah in ay ku tilmaameen kulanka dhexmaray ninka ugu taajisan adduunka iyo danjire Amir Saciid Iravani “mid wanaagsan.” Kooxdii ololaha doorashada ee Trump oo uu ka tirsan yahay Elon Musk iyo ergada Iran ee Qaramada Midoobay midna si degdeg ah uma xaqiijin kulanka, iyadoo howlgalka Iran ee QM uu sheegay in aysan wax faallo ah ka bixineyn. Kulankani, haddii la xaqiijiyo, wuxuu bixin karaa tilmaam horudhac oo ah in Trump ay dhab ka tahay diblomaasiyadda Iran, oo uusan dooraneyn habka dagaalka ahaa ee ay doorbidayaan xubno badan oo ka tirsan xisbigiisa Jamhuuriga iyo Israa’iil. Waxay sidoo kale muujin doontaa mar kale saameynta aan caadiga ahayn ee Musk, milkiilaha Tesla iyo X, oo si joogta ah ugu dhow dhinaca Trump, iyada oo lagu soo waramayo inuu xitaa kala qeyb-galayey wada sheekeysiyada taleefoon ee hoggaamiyeyaasha adduunka. PUNTLAND POST The post Bilyaneerka Elon Musk iyo Safiirka Iran u fadhiya Qaramada Midoobay oo kulan gaar ah yeeshay appeared first on Puntland Post.

Mogadishu (HOL) — Somali Ministry of Interior, Federal Affairs, and Reconciliation has commended Somaliland for conducting peaceful presidential and party elections, with over one million registered voters participating. Source: Hiiraan Online

Two children and an elderly woman were killed in a drone attack, and another woman was wounded in the Shoa area of the Amhara region of Ethiopia. Source: Hiiraan Online

Hargeisa (HOL) — Former Somaliland President Ahmed Mohamed Mohamud Silanyo, a key figure in the region’s political history, died Friday night in Hargeisa at 86, his family confirmed. Source: Hiiraan Online

Ra’iisul Wasaarada dalka Holland Dick Schoof ayaa sheegay in dowladdiisu ay ka badbaaday qalalaase siyaasadeed, kaddib marki ay Jimcihi shalay is casishay wasiirkii maaliyadda dalkaasi. Wasiirka is casishay ayaa ka carootay sababo la xiriira sida ay dowladda u maareysay rabshadihi ka dhashay taageerayaal dhinaca kubadda cagta oo isugu gacan qaaday magaalada Amesterdam todobaadki hore. Ra’iisulwasaare Dick Schoof ayaa xalay sheegay in golahiisa wasiirrada ay gaareen heshiis lagu soo afjaray xasaraddan, isla markaana ay iscasishay kaliyah Nura Ashahbar, lagana baaqsaday is casilaado kale. Ashahbar, ayaa u sababeysay is casilaadeedda hadallo todobaadkaan ka soo yeeray hogaamiyaha xisbiga midigta fog ee Holland Geert Wilders, kuwaas oo uu si cunsuriyadi ku dheehantahay ugu weeraray bulshada asal ahaan kasoo jeedda Morocco ee ku nool dalka Holland. Wilders ayaa Arbacadi ku eedeeyay dadka Morookaanka ah in ay ka danbeeyeen iskudhacyo dhex maray Isara’iiliyiin u badnaa taageerayaasha koox kubadda cagta ah oo ka socotay Isra’il iyo taageerayaal Muslimiinta Holland ah oo badankooda watay cimmaamadaha Falastiin. Wasiiradda Iscasishay, Nura Ashahbar ayaa hadalkaasi ku tilmaantay mid kala qeybinaya bulshada reer Holland, isla markaana dhaawac ku ah wadajirka, sidaasi daraadeedna aysan la shaqeyn karin dowladdaan wadaaga ah ee Holland. PUNTLAND POST The post Dowladda Nederland oo ka badbaaday qalalaase siyaasadeed appeared first on Puntland Post.

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre ayaa ka tacsiyeeyay geerida Allaha u naxariistee Madaxweynihii hore ee Somaliland, Axmed Maxamed Maxamuud Siilaanyo, oo ku geeriyooday magaalada Hargeysa. Ra’iisul Wasaaraha ayaa ku tilmaamay Marxuum Siilaanyo inuu ahaa siyaasi kaalin weyn ka soo qaatay nidaamka dowladnimada Soomaaliyeed, isagoo soo qabtay xilal kala duwan sida Wasiirka Wasaaradda Qorsheynta, Wasaaradda Ganacsiga, iyo Guddoomiyaha Guddiga Dhaqaalaha Qaranka ee Soomaaliyeed. “Madaxweyne Siilaanyo wuxuu door muhiim ah ka qaatay maamul dhiska, nabadeynta, iyo dimuquraadiyeynta Gobollada Waqooyi ee Somaliland, burburkii kadib, isaga oo kaalin hormuud ah ku lahaa billowgii wada xaajoodkii Dowladda Soomaaliya iyo maamulka Somaliland.” Ayuu yiri Ra’iisul Wasaare Xamsa. Ra’iisul Wasaaruhu waxa uu Alle uga baryay marxuumka inuu Janatul Fardowsa ka waraabiyo qoyskiisa, qaraabadiisa, iyo guud ahaan ummadda Soomaaliyeed ee uu ka baxayna Samir iyo iimaan ka siiyo. Source: goobjoog.com