Magaalada Muqdisho ayaa waxaa Maanta uu shir uga furmay Madax ka socota Golaha Nabadda Midowga Afrika oo shalay soo gaaray magaalada Muqdisho iyo mas’uuliyiin ka tirsan Hay’adaha Ammaanka dowladda Federaalka Soomaaliya. Shirka ayaa waxaa goobjoog ka ah, Wasiirada Gaashaandhigga Xasan Xuseen Xaaji,Wasiirka Cadaaladda Soomaaliya Cabduqaadir Maxamed Nuur, Saraakiil ka tirsan hay’adaha Amniga, Agaasimaha Maareynta Khilaafaadka Golaha Midowga Africa, Fiyoona Looran, Madaxa howlaha Nabadda Midowga Afrika, Taliyaha Ciidamada Booliska AMISOM iyo Madaxda Qeybta qorsheynta Howlaha ee Midowga Afrika. Shirkaan oo socon doona mudo laba maalmood ah ayaa waxaa diirada lagu saarayaa qiimeyn ay Madaxda Midowga Afrika ku sameeynayaan Hay’addaha amniga Soomaaliya. Wasiirka Wasaaradda Gaashaandhigga Xukuumadda Fedaraalka Sooomaaliya Xasan Xuseen Xaaji, ayaa shirka warbixin ka siiyay dib u dhiska ku socda Ciidamada Qalabka sida ee Soomaaliya iyo guulaha ay ka gaareen dagaaladii ugu dambeeyay oo ay la galeen maleeshiyada argagixisada Al-Shabaab. Wasiirka Wasaaradda Cadaaladda Cabduqaadir Maxamed Nuur, ayaa dhankiisa Madaxda Golaha Nabadda Midowga Afrika la wadaagay horumarka laga gaaray arrimaha Cadaaladda iyo Garsoorka dalka iyo waxa ay hiigsanayaan. Maalinta Berito oo khamiis ah ayaa waxaa la filayaa in la soo geba gabeeyo shirka u dhaxeeyo Madaxda Golaha Nabadda Midowga Afrika & Hay’adaha Amniga dalka. PUNTLAND POST The post Hay’adaha Amaanka dalka iyo Golaha Nabadda Midowga Afrika oo Shir uga furmay Muqdisho appeared first on Puntland Post.

Dowladda Ingiriiska ayaa ku dhowaaqday qorshe ay dib u dejin ugu samaynayso 20,000 oo qaxooti reer Afghanistan ah, kuwaas oo ka baxsanaya xukunka Taliban. UK ayaa sheegtay inay mudnaanta koowaad siin doonto guud ahaan haweenka iyo dadka laga tirada badan yahay, iyadoo ku sababaysay inay dadkani u nugul yihiin gabbood fallada iyo tacaddiyada ka dhanka ah Aadanaha. Raiisel wasaaraha Ingiriiska Boris Johnson ayaa u mahad celiyay dhammaan dadkii lasoo shaqeyay 20 kii sano ee ay Afghanistan joogeen, isagoo si gaar ah u xusay Haweenka. Shanta kun ee ugu hoorreeysa dadka la qaadayo ayaa lagu wadaa in sanadkan gudahiisa lasoo gaba-gabeeyo. PUNTLAND POST The post Ingiriiska oo qaabilaya 20,000 oo Qaxooti Reer Afghanistan ah appeared first on Puntland Post.

Hargeysa (Caasimada Online) – Somaliland ayaa maanta soo gaba-gabeysay dacwadda kiiskii dilka ee bilowgii bishii Julay ee sanadkan Jaamacadda Camuud qeyb-teeda Boorame loogu geystay Allaha u naxariistee marxuum Ibraahim Cabdishakuur. Maxkamadda ciidamada ee Somaliland oo iyadu kiiskan gacanta ku heysay ayaa maanta ku dhowaaqday in xukun dil toogasho ah lagu ridday Cismaan Diiriye Buraale oo ah askarigii ka dambeeyey dilka marxuumka oo xilligaas ka mid ahaa ardayda Jaamacadda Camuud. Sidoo kale askariga geystay falkan dilka ah ee la xukumay ayaa ka mid ahaa ciidamada waardiyeynayey dhismaha Jaamacadda. Sida ay shaacisay maxkamadda oo fadhiyo kala duwan ka yeelatay kiiskan, Cismaan Diiriye ayaa lagu helay falka lagu soo eedeeyey, kadib marqaatiyo & cadeymo lagu helay. Dilka Ibraahim Cabdishakuur oo 21 sano jir ahaa, kana soo jeeday Puntland, gaar ahaan Boosaaso ayaa dhaliyey caro xoogan, maadaama lagu dilay Jaamacaddii uu dhiganayey. Somaliland oo iyadu deegaanadeeda uu ka dhacay dilkan ayaa soo fara-gelisay arrinta, waxanyna shacabka ugu baaqday inay is dajiyaan, iyada oo sidaas lagu xiray askarigii geystay dilka oo ay maanta xukun adag ku ridday maxkamadda milatariga ee Somaliland. Xukunkan ayaa waxaa sidoo kale aad usoo dhoweeyey ehellada marxuumka, ardayda jaamacadda iyo guud ahaan shacabkii ka carooday dilka wiilkaasi dhalinyarada ahaa. AUN Ibraahim Cabdishakuur ayaa waxa uu dhiganayey sanadkii labaad Kuliyadda Engineering-ka ee Jaamacadda Camuud qeybteeda magaalada Boorama. The post Somaliland oo maanta xukun adag ku ridday askarigii dilay Ibraahim C/Shakuur Ibraahim appeared first on Caasimada Online.

HARGEISA (HOL) - A policeman who was accused of killing a university student in Somaliland’s Awdal region has been sentence to death. Source: Hiiraan Online

Maxkamadda Ciidamada Milateriga Somaliland ayaa Maanta oo Arbaco xukun dil toogasho ku riday Askari ka tirsan Ciidanka Booliska Somaliland oo 5-tii bishii July 2021 dil ka geystay Magaalada Boorama ee Xarunta Gobolka Awdal. Maxkamadda Somaliland ayaa xukunkaas ku riday Cismaan Diiriye Buraale oo ah Askari si bareer ah gudaha Jaamacadda Camuud ee Magaalada Boorama ugu dilay Ibraahim Cabdishakuur Ibraahim oo ka mid ahaa Ardayda. Xeer ilaalinta Maxkamadda Milateriga ayaa sheegtay in Cismaan Diiriye uu qirtay inuu dilay Marxuum Ibraahim Cabdishakuur oo Adey ahaa, waxaana Maxkamadeyntiisa oo maalmahan socotay lasoo gaba-geeyay PUNTLAND POST The post Somaliland oo dil ku xukuntay askari dilay Arday appeared first on Puntland Post.

Muqdisho (Caasimada Online) – Golaha amniga ee Ururka Midowga Afrika ayaa haatan bilaabay qiimeyn guud oo lagu sameynayo xaaladaha ammaanka ee Soomaaliya, waxaana magaalada Muqdisho ee caasimada dalka soo gaaray saraakiil ka socota Midowga Afrika. Saraakiisha Muqdisho timid ayaa durbo billowday kulamo gaar-gaar ah oo ay la leeyihiin madax ka tirsan dowladda dhexe, siiba wasaaradda gaashaandhiga iyo talisyada ciidanka. Kulamadan ayaa waxaa intooda badan diirada lagu saarayaa xaaladda amni ee Soomaaliya, inta ay la’egtahay awoodda ciidamada dowladda iyo howl-gallada ka socda dalka. Sidoo kale ujeedada ugu weyn ee wafdiga ayaa ah sidii ay u qiimeyn lahaayeen hay’adaha amniga dalka iyo inay diyaar u yihiin inay AMISOM kala wareegi karaan amniga Somalia. Agaasimaha guud wasaaradda gaanshaandhiga xukuumadda Soomaaliya Xasan Maxamed Saciid Samatar Gacaliye ayaa faah faahin ka bixiyey kulamada ay saraakiishan ka socda golaha amniga ee Midowga Afrika la leeyihiin madaxda sare ee dowladda Soomaaliya. “Xubnaha wafdigan waxa ay maanta oo Arbaco ah kulamo la yeelanayaan mas’uuliyiinta hay’adaha amniga dowladda Soomaaliya iyo kuwa AMISOM, si looga tashado xaaladda amni ee Soomaaliya,” ayuu yiri agaasimaha guud ee wasaaradda gaashaandhigga dalka. Qiimeynta uu bilaabay Midowga Afrika ee la xiriirta amniga Soomaaliya ayaa kusoo aadeysa xilli xasaasi ah, isla-markaana ay dowladdu isku diyaarineyso qabashada doorashada dalka. Si kastaba, ciidamada Xoogga dalka ayaa qorshuhu yahay inay amniga guud ee dalka kala wareegaan ciidanka AMISOM, balse arrimahan ayaa kusoo aadayaan, iyada oo laga digay in Al-Shabaab ay ku dayan karto kooxda Taalibaan oo la wareegtay waddanka Afgaanistaan. The post Midowga Afrika oo qiimeynku sameynayo amniga Soomaaliya + Ujeedka appeared first on Caasimada Online.

Gudoomiyaha guddiga doorashooyinka heer federaal ayaa sheegay in ay jiraan cadaadis xubnaha guddiga uga imaanaya maamulada ay ka socdaan. ” Waxaa jira, waa cadaadis ka imaanaya maamul goboleedyada oo ay saarayaan guddiyada ka socda, oo ay soo magacaabeen, taasi waxay xadgudub ku tahay madaxbannaanida guddiga iyo hufnaanta doorashada.” ayuu yiri Ciro. Cirro oo sii hadlaya ayaa sidoo kale sheegay in maamulada ay guddiga soo magacaabeen balse guddiga hadda uu yahay mid madax banaan, isagoo yiri “Guddiga maamul goboleedyada waa ay soo mahacaabeen laakin hadda waa guddi madaxbaan, warar ogol ayaa muhiim ah iney wax ku dhamaadaan”. Gudoomiye Ciro ayaa sidoo kale sheegay in ay guddiga u jeediyeen in maamulada ay ka waan toobaan in ay fara geliyaan howlaha guddiga isagoo yiri “Waxaa uu maamul goboleedyada usoo jeediyey: Muhiimadda waa in maamul goboleedyada aysan faragelin, qabiilka inuu noqdo hoggaanka oo si xor ah Xildhibaaaada usoo xushaan”. Source: goobjoog.com

Maxkamadda Ciidanka Milatariga Somaliland ayaa saaka dil toogasho ah ku xukuntay Cismaan Diiriye Buraale oo ah askarigii jaamacadda Camuud ku dilay Marxuum Ibraahim Salaad oo ka mid ahaa ardayda jaamacadda Camuud Source

Muqdisho (Caasimada Online) – Faah faahino dheeraad ah ayaa waxaa laga helayaa howl-gal qorsheysan oo xalay ciidanka ammaanka dowlada Soomaaliya ay ka sameeyeen qeybo ka mid ah degmada Karaan ee gobolka Banaadir, kaas oo lagu qabtay rag hubeysan. Wararka ayaa sheegaya in howl-galkan lagu soo qabtay illaa saddex nin oo ku hubeysanaa qoray AK47 ah iyo Bistoolado la sheegay inay ku dhibaateynayeen dadka shacabka ah. Saraakiil ka tirsan laamaha amniga ayaa shaaca ka qaaday in raggan ahaayeen burcad, isla-markaana xilliga lasoo qabanayey ay moobeelada ka dhacayeen dadka rayidka ah. Sidoo kale saraakiisha ayaa xusay in raggan uu ku jiro nin dhowaan dil ka geystay suuqa degmada Kaaraan, waxayna saraakiishu intaasi ku dareen in haatan lagu xiray saldhiga degmadaasi, isla-markaana ay u gudbin doonaan maxkamad, si tallaabo looga qaado. Habeen hore ayey aheyd markii ciidamada ammaanka ay sidan oo kale Kaaraan ugu qabteen dhalinyaro ku hubeysneyd mindiyo iyo faasyo, isla-markaana dhibaato weyn xilliyada habeenkii ah ku hayey dadka shacabka ah ee ku nool xaafadaha degmadaasi. Howl-gallada ka socda Muqdisho ayaa ah kuwa lagu xaqiijinayo amniga, waxaana ugu dambeeyey mid culus oo laga fuliyey degmada Dayniile ee gobolka Banaadir, kaas oo lagu dilay labo nin oo la sheegay inay ahaayeen burcad dhac baahsan ka geysaneysay halkaasi. Dhaq-dhaqaaqyadan iyo howl-gallada ka billowday caasimada ayaa kusoo aadayo, xilli haatan loo diyaar garoobaya qabashada doorashada Golaha Shacabka Soomaaliya. The post Rag hubeysan oo lagu qabtay howl-gal ka dhacay Muqdisho appeared first on Caasimada Online.

Muqdisho (Caasimada Online) – Guddiga doorashooyinka ee heer federaal ayaa waxaa la sheegay in uu soo kala dhex-galay khilaaf ka dhashay soo saarista harbaaca doorashada Golaha Shacabka Soomaaliya ee shalay la shaaciyey, kadib qoraal ka soo baxay guddigaasi. Saciid Abshir oo ka mid ah xubnaha guddiga ayaa faah faahin ka bixiyey sababaha keenay khilaafkaasi iyo waxa ku dhaliyey inuu ka hor yimaado habraaca la soo saaray. Sababta ayuu Saciid ku sheegay in aan weli la gaarin xilligii loogu-talagay in la shaaciyo habraaca, maadaama maamullada qaar aysan soo dhameystirin doorashada Aqalka Sare. “Habraaca ma diidanin balse waqtigii la shaacin lahaa lama joogo, waxa aan nahay Guddi madaxbannaan oo loo xilsaaray doorashooyinka dalka, waxa aan ku shaqeyneyno ma aha sharci qoran ama xeer doorasho oo la ansixiyay” ayuu yiri Mr. Saciid Abshir. Sidoo kale wuxuu la yaab ku tilmaamay shaacinta habraaca doorashada oo uu sheegay in lagu soo aadiyey, xilli ay xubnaha qaar ee guddiga ku maqan yihiin maamul goboleedyada. “Xubnaha ugu sarreeya Guddiga FEIT waxa ay dowlad goboleedyada u aadeen la socodka Doorashada Senatarada Aqalka Sare BFS, Guddiga ayaa kala maqan oo la yaab in arrin Masiiri ah la soo saaro” ayuu hadalkiis sii raaciyey Saciid oo ka tirsan guddiga doorashada. Arrintan ayaa sababi karta in ay xumaato wada-shaqeynta xubnaha gudiga doorashooyinka ee heer federaal oo ay sugeyso howl adag oo ku aadan qabashada doorashooyinka 2021-. Shalay ayey aheyd markii guddiga doorashooyinka uu soo saaray habraaca iyo shuruudaha doorashada xildhibaanada Golaha Shacabka oo ay soo dooran doonaan xubno ergooyin ah. The post Maxaa sababay ‘khilaafka soo kala dhex-galay’ guddiga doorashooyinka? appeared first on Caasimada Online.

Qaar ka mid ah xubnaha guddiga hirgelinta doorashooyinka heer Federaal ayaa ka soo horjeystay habraacyada doorashada golaha Shacabka oo ay soo saareen guddiga qeyb ka mid ah. Guddigaan ayaa sheegay in habraacyadaan aysan aheyn kuwa ay kuwada mideysan yihiin dhamaan xubnaha guddiga hirgelinta doorashooyinka heer Federaal. Mas’uuliyiintaan ayaana sheegay in Habraacyadaan ay carqaladeynayaan doorashooyinka dalka ka socda ee dhawaan bilaabmay. Hoos ka akhriso qoraalka ka soo baxay guddiga ee lagu diiday Habraacyada doorashada Golaha Shacabka Source: goobjoog.com

Source

(SLT-Muqdisho)-Hay’adda la socodka kalluumeysiga Indonesia ee loo soo gaabiyo DFW ayaa sheegtay inay heshay ashtako ku saabsan 13 kalluumeysato oo dalkaas u dhashay oo muddo sideed bilood ah lagu haysto Soomaaliya. Isku xidhaha qaranka ee hay’adda DFW, Abdi Suhufan ayaa sheegay inay dowladda ku wargeliyeen dhacdadan 29-kii June. “Waxaa jiray dadaallo ay sameysay dowladda Indonesia, hase yeeshee illaa iyo hadda kuma guuleysan inay soo qaado shaqaalahan Indonesian-ka ah ee ku xaniban Soomaaliya,” ayuu Abdi ku yidhi bayaan uu soo saaray Isniintii. Shaqaalahan ayaa sida uu sheegay u shaqeynayey maraakiib iyo doomo kalluumeysi oo ay leedahay shirkadda Liao Dong Yu, ee dalka Shiinaha. waxay ay haysteen qandaraas hal sanno ah oo kasoo billaamay December 2019, kuna ekaa December 2020. “Kooxda Shiinaha ayaa kala shaqeysay dhinacyo ku sugan Soomaaliya in dadka ay sii xabisnaadaan oo lagu hayo goob cidlo ah,” ayuu yidhi Abdi, oo intaas ku daray inaan la aqoon halka rasmiga ah ay dadkan kaga sugan yihiin Soomaaliya. Abdi ayaa sheegay in dadkan oo xidhiidh lasoo sameeyey ay u sheegeen inay ku sugan yihiin xaalad cabsi, xanuun iyo walaac ah, uuna ka cabsi qaba inay sameeyaan ficillo ay isku dili karaan ama naftooda halis gelin kara. Waxa uu intaas ku daray in illaa hadda uu dhintay hal qof oo ka mid ah, mid kalena la’ayahay. Abdi ayaa sheegay in dhimashada iyo qofka la la’yahayba ay ka dhaceen doonta ay leedahay shirkadda Shiineeska oo magaceeda iyo lambarkeedu yahay Liao Dong Yu 571. “Dowladda Indonesia waa inay tallaabo qaadaa, oo ay soo bad-baadisaa, dalkoodana kusoo celisaa 13-kan qof, oo hadda ku sugan Soomaaliya,” ayuu yidhi Abdi. Source

Wasaaradda Waxbarashada Puntland, ayaa sheegtay in la soo geba-gabeeyay sixitaanka Imtixaanka Shahaadiga ah ee 8-aadka. War ka soo baxay wasaaradda Waxbarashada Puntland, ayaa lagu sheegay in la dhammaystiray sixitaanka Imtixaanka, islamarkaana todobaadka soo socda la shaacin doono natiijadiisa. Wasaaradda ayaa sidoo kale ka hadashay sababaha keenay, in uu markii hore dib u dhac ku yimaado sixidda Imtixaanka, xilli uu bilowday sannad-dugsiyeedka cusub iskuulada Waxbarashada. “Saxidda Imtixaanka Dugsiyada Dhexe ee Puntland ayaa dib u dhac ku yimid markii ugu horraysay, iyada oo ay sababtay duruufo kale duwan oo ka mid yahay xannuunka COVID-19.” Ayay tiri wasaaraddu. Dib u dhaca Imtixaanka ayaa horseeday in aan weli la xaadirin fasalka kowaad ee dugsiyada sare (Form One), taas oo ay walaac ka muujiyeen waalidiinta Ardayda. PUNTLAND POST The post Puntland oo shaacisay wakhtiga la soo bandhigayo natiijada Imtixaanka 8-aadka appeared first on Puntland Post.

Warar dheeraad ah ayaa ka soo baxayo dagaallo saacadihii la soo dhaafay u dhaxeeyay ciidamada Daraawiishta dowlad gobaleedka Galmudug iyo xubna ka tirsan ururka Al-shabaab. Dagaalka ayaa ka dhacay deegaanka Shabeeloow oo hoostaga gobalka Mudug. wararka ayaana sheegaya in dagaalka uu yimid kadib markii xubna ka tirsan Ururka Al-shabaab ay weerar ku qaadeen saldhig ciidamada Daraawiishta dowlad gobaleedka Galmudug ay ku lahaayeen deeegaanka. Illaa iyo hadda inta la xaqiijiyay Shan Askari oo uu ku jiro Gaashaanle Maxamed Cali Salaad, kaas oo ka mid ahaa saraakiisha ciidamada daraawiishta Galmudug. Qaar ka mid ah dadka deegaanka ayaa sheegay in sidoo kale dagaalka uu ka dhashay qasaaro dhaawac ah. Ciidamada Dowlad gobaleedka Galmudug ayaa muddooyinkii la soo dhaafay dagaallo kula jiray ururka Al-shabaab, dagaaladaan ayaana waxaa xogaaminayo saraakiil uu ka mid yahay taliyaha ciidamada lugta xoogga dalka iyo wasiirka Amniga Galmudug. Goobjoog News Source: goobjoog.com

Dowladda Jarmalka ayaa u dirtay diblomaasi sare Doha si uu wada hadallo ula yeesho Talibaan si xal loogu helo daad -gureynta caawiyayaasha maxalliga ah ee Afghanistan, Wasiirka Arrimaha Dibadda Heiko Maas oo saxaafadda la hadlay ayaa yiri ”Markus Potzel waxaa loo diray caasimadda Qadar si uu u arko bal inay suurtogal tahay in caawiyayaasha Afgaanistaan ​​ee maxalliga ahi ay tagaan garoonka diyaaradaha ee Kabul iyo in kuwa aan u diiwaangelinnay daadgureynta laga dhoofin karo waddanka.” Boqolaal ka mid ah shaqaalaha Afgaanistaan ​​ee maxalliga ah oo u shaqeynayay militariga Jarmalka, wasaaradaha iyo ururada gargaarka horumarinta ayaa lagu soo waramayaa in Talibaan ay ka hor istaagtay inay galaan garoonka diyaaradaha ee Kabul si ay dalka uga baxaan. hoggaamiyaha Jarmalka Angela Merkel ayaa sheegtay dhankeeda in Berlin wax kasta oo awoodeedda ah samayn doonto si loo samata bixiyo caawiyeyaashii Jarmalka ee reer Afgaanistaan. PUNTLAND POST The post Jarmalka oo Diblumaasi sare u diray Qatar appeared first on Puntland Post.

Al-Azhar will spare no effort to support Somalis by all means possible for the security, unity and stability of the sisterly Arab, African nation, Grand Imam of Al-Azhar Ahmed el Tayyeb said Tuesday. Source: Hiiraan Online

The film “Escape from Mogadishu,” an international political action thriller based on true events from the 1991 Somali civil conflict, has been sold to distributors in 50 countries. Source: Hiiraan Online

After 15 years of cutting down trees to make charcoal, Abdi Ahmed Oladhas put down his axe and taken up a hoe, after being persuaded by a local farmers’ association to help end deforestation in central Somalia’s Galmudug region. Source: Hiiraan Online

Egypt’s Foreign Minister Sameh Shoukry discussed on Tuesday ways to boost relations with Somalia during a meeting with Somali Prime Minister Mohamed Roble, the Egyptian foreign ministry said. Source: Hiiraan Online

Washington (Caasimada Online) – Taliban ayaa u sheegtay maamulka Mareykanka inay “marin ammaan ah” u ogolaan doonaan garoonka diyaaradaha Kabul oo weli ay maamulaan ciidamada Mareykanka, sida uu sheegay la-taliyaha amniga qaranka Mareykanka Jake Sullivan. Sullivan ayaa xaqiijiyey in garoonka diyaaradaha caalamiga ah ee Hamid Karzai uu hadda shaqeynayo, islamarkaana duulimaadyada daad-gureynata muwaadiniinta Mareykanka iyo Afgaaniyiinta la shaqeeya ay socdaan, kadib markii si ku-meel gaar ah loo hakiyey Isniintii. “Taliban waxay nagu wargeliyeen inay diyaar u yihiin inay marrin ammaan ah siiyaan shacabka ku socda garoonka, waxaana kula xisaabtami doonnaa ballan-qaadkaas,” ayuu yiri Sullivan. Inkasta oo ay jireen warar sheegayey in Taliban ay xanibtay waddooyinka loo maro garoonka, Sullivan wuxuu sheegay in dhammaan dadkii doonayey inay ka tagaan dalkaas ay awood u yeesheen inay gaaraan garoonka. “Xaqiiqdii, dad badan ayaa awood u yeeshay inay gaaraan garoonka oo ay isa soo bandhigaan,” ayuu yiri Sullivan. “Waxaa jiray xaalado aan helnay warbixino sheegayey in dadka qaar la celiyey ama la garaacay, waxaana arrintaas kala hadleynaa Taliban si ay u xaliyaan.” Sullivan oo dhowr mar ugu yeeray dagaalka Afghanistan “dagaal sokeeye”, ayaa difaacay go’aanka madaxweyne Joe Biden uu ciidamada Mareykanka uga soo saarayo Afghanistan. Waxa uu sheegay in ikhtiyaarka Washington uusan aheyn inay caawiyaan dowladda Afghanistan ama ay diidaan, balse uu ahaa inay ciidamadooda lasoo baxaan ama ay diraan kumanaan askari oo kale, si ay dagaal uga qeyb galaan. “Waxaa nasoo gaari lahaa khasaare. Rag iyo dumar Mareykan ah ayaa dagaalami lahaa oo mar kale dhiman lahaa,” ayuu yiri. Taliban oo shalay Kabul ku qabatay shirkeedii jaraa’id ee ugu horreeyey tan iyo markii ay la wareegeen gacan ku haynta magaalada Kabul, ayaa sheegtay inay doonayso xiriir nabadeed oo ay la yeesheen dalalka kale ee caalamka, ayna ilaalin doonaan xuquuqda haweenka. Sullivan ayaa sheegay inaan hadda la go’aamin karin in Taliban ay kasoo baxeyso ballan-qaadyadaas iyo in kale. “Ugu dambeyntii Taliban ayey u taallaa inay dunida inteeda kale tusto cidda ay yihiin iyo sida ay damacsan yihiin inay ku socdaan. Sooyaalkoodii hore ma wanaagsaneyn,” ayuu yiri. The post TAALIBAAN oo hal arrin ka ogolaatay Mareykanka appeared first on Caasimada Online.

Dagaal culus oo u dhexeeya ciidamada Jubaland iyo dagaallamayaasha Al-shabaab, ayaa ka dhacay degaanka nawaaxiga Baar-sanguuni, oo ka tirsan Gobolka Jubada Hoose. Wararku waxay sheegayaan, in Ciidamada Jubaland ay weerar xooggan ku qaadeen rag ka tirsan Al-shabaab oo ku sugnaa aga’gaarka Baar-sanguuni, halkaas oo uu ka dhacay dagaal khasaare gaystay. Khasaaraha ka dhashay dagaalka dhexmaray ciidamada Jubaland iyo Al-shabaab, ayaan weli faahfahin dhammaystiran laga helin, iyadoo labada dhinac uusan midna weli ka hadlin dagaalkaas. Ciidamada Jubaland ayaa muddooyinkii u dambeeyay hawlgalo ka dhan ah Al-shabaab, waxay ka wadeen degaanno ka tirsan Gobolkaas Jubada Hoose. PUNTLAND POST The post Dagaal culus oo Jubaland iyo Al-shabaab ku dhexmaray Jubada Hoose appeared first on Puntland Post.

Muqdisho (Caasimada Online) – Kooxda Al-Shabaab ayaa isku dayeysa inay qasab ka dhigto in manhaj ay diyaarisay laga dhigo iskuullada ku yaalla magaalda Muqdisho, sida ay ogaatay Caasimada Online. Al-Shabaab ayaa u yeeray maamulayaasha qaar ka mid ah Iskuulada Muqdisho, si ay arrintan ugala hadlaan, waxayna ku amreen in ay qaataan manhaj cusub oo waxbarashada ah oo ay saareen dagaalamayaasha Al-Shabaab. Al-Shabaab ayaa u sheegay barayaasha iyo maamulayaasha Iskuulada in ay qasab-tahay qaadashada manhajka cusub ee Iskuulada Hoose – Sare, kaasoo ay sheegeen in uu yahay kan saxda ah ee laga bixin doono guud ahaan dalka, sida ay hadalka u dhigeen. Arrintaan ayaa durba caqabad ku noqotay maamulayaasha Iskuulada, iyagoo ka walaacsan sidii ay ka yeeli lahaayeen amarka Al-Shabaab maadaama aysan didi karin, sidoo kalane aysan aqbali karin, maadaama Muqdisho ay ka taliso dowladda federaalka. Guud ahaan Soomaaliya marka laga reebo degaanada Puntland iyo Soomaaliland waxaa hadda ka dhaqan galay Manhajka ay soo saartay dowladda Soomaaliya, kaas oo ka kooban ilaa dugsiga Sare. Lama oga sida xal loogu heli karo qorshaha Al-Shabaab oo halis ku ah waxbarashada Soomaaliya iyo ammaanka dalka hadii uu dhaqan galo. Dowladda Soomaaliya ayaa wali ka hadlin arrintaan oo hadda soo ifbaxeyso. Al-Shabaab ayaa horey amaro badan uga dhaqan-gelisay Muqdisho, sida inay ka qaado canshuur, hase yeeshee arrinta manhajka ayaa ah mid ka duwan maadaama ay tahay wax muuqda, oo aan sida canshuur bixinta loo qarin karin. The post Al-Shabaab oo qasbeysa in MUQDISHO laga hirgeliyo manhajkeeda waxbarasho appeared first on Caasimada Online.

Qaran News

Qaran News