Muqdisho (Caasimada Online)-Wasaaradda arrimaha dibadda Soomaaliya ayaa qoraal ay soo saartay ku shaacisay in dalalka Jaamacadda Carabta ay doorashada Soomaaliya u balan qaadeen taageero maaliyadeed, kadib markii ay dowladda Soomaaliya ka codsatay kharash dhan $12 Milyan. Balan-qaadkaan ayaa yimid kadib markii shirka wasiirrada arrimaha dibadda ee dalalka ku bahoobay Jaamacadda Carabta oo lagu qabtay magaalada Qaahira ee dalka Masar uu ka qeyb galay wasiirka arrimaha dibadda Soomaaliya Maxamed Cabdirisaaq Maxamuud. Hoos ka akhriso qoraalka wasaaradda arrimaha dibadda Soomaaliya. Wasiirka Arrimaha Dibadda iyo Iskaashiga Caalamiga, Mudane Maxamed Cabdirisaaq Maxamuud, ayaa ku tilmaamay shirkii Jaamacadda Carabta ee heer Wasiir Arrimo Dibadeed ee ku qabsoomay Magaalada Qaahira intii u dhexeysay 9-10 September mid miro dhal ah, iyadoo looga dooday ajandaha ah in dhaqaale lagu taageero doorashooyinka Soomaaliya, Arrinta Falastiin, xaaladihii ugu dambeeyay wadamada Suuriya, Yemen, Liibiya iyo Lubnaan, iyo mowduucyo kale oo muhiim ah. Wasiirrada Arrimaha Dibadda Carbeed ayaa waxa ay isku raaceen, kalfadhigoodii caadiga ahaa ee 156 -aad, oo uu shir -guddoominayay Wasiirka Arrimaha Dibadda ee Dowladda Kuwait, Sheikh Dr. Ahmad Nasser Al-Mohammad Al-Sabah, in doorashada Soomaaliya laga taageero dhanka dhaqaalaha iyo farsamada, si loo dhameystiro ka hor dhammaadka sanadkaan 2021-ka. Wasiirka Arrimaha Dibadda iyo Iskaashiga Caalamiga ee Jamhuuriyadda Federaalka Soomaaliya ayaa hadal uu ka jeediyay Shirka Wasiirrada Arrimaha Dibadda Carabta waxa uu caddeeyay in Xukuumadda Federaalka Soomaaliya ay ka sugeyso ka qeybqaadasho dhab ah oo hore loogu dhaqaajinayo geeddi -socodka doorashada iyo taageerada maaliyadeed iyo farsamo, taas oo loo tixgelin doono inay tahay farriin cad oo ku socota dadka Soomaaliyeed iyo beesha caalamka si loo xaqiijiyo ahmiyadda dalalka Carabta ee walaalaha ah ay ugu fadhido Soomaaliya, si ay uga gudubto caqabadaha jira. Wasiir Maxamed Cabdirisaaq ayaa hadalkiisa sii raaciyay in Soomaaliya ay ku tallaabsatay horumar weyn sanadihii la soo dhaafay, balse ay weli u baahan tahay taageerada walaalaheeda Carbeed si loo horumariyo, dibna loogu dhiso hey’adaha dowladda, loona sii wado hirgelinta barnaamijyada mudnaanta leh ee ku suntan kor u qaadista qiyamka dimuqraadiyadda, xukunka oo si nabadgelyo ah la iskugu xil-wareejiyo iyo qabashada doorashooyin (iyadoo doorashada Aqalka sare ay bilaabatay , waxaa xigi doona doorashada Golaha Shacabka, kadibna doorashada Madaxweynaha) , iyo sidoo kale taageeridda hey’adaha dawladda, dib-u-dhiska dalka, deyn cafinta, iyo maalgelinta qeybaha muhiimka ah sida xoolaha, beeraha iyo kalluumaysiga. Soomaaliya ayaa ka codsatay wadamada Carabta in ay bixiyaan qarash dhan $12 milyan oo doolar oo ka qeyb ah 29 milyan ee loo qorsheeyay in lagu socodsiiyo howsha doorashada. Markii ugu horreysay tan iyo markii ay burburtay dowladdii dhexe ee Soomaaliya sanadkii 1991, Soomaaliya waxa ay bixin doontaa lacagta ugu badan ee doorashooyinka baarlamaaniga iyo tan madaxweynaha, iyadoo dalalka reer galbeedka ay bixiyeen 7.7 milyan oo doolar oo ay soo marsiiyeen Qaramada Midoobey, halka lacagta laga uruurin doono musharrixiinta lagu qiyaasay 8.2 milyan oo doollar, taas oo ka dhigaysa Soomaaliya inay bixiso lacagta ugu badan ee miisaaniyadda guud ee loo qoondeeyay doorashooyinka. Dhanka kale, Wasiirka Arrimaha Dibadda Soomaaliya ayaa wadahadal labo dhinacle ah la yeeshay dhiggiisa Kuwait, Sheikh Dr. Ahmad Nasser Al-Mohammad Al-Sabah, isagoo sidoo kale khadka teleefoonka kula hadlay dhigaggiisa Qatar iyo Saldanada Cumaan, Sheikh Mohammad bin Abdulrahman Al-Thani iyo Sayyid Badr bin Hamad bin Hamood Albusaidi, waxa uu kala hadlay horumarinta xiriirka laba geesoodka iyo fursadaha iskaashi ee heer walba leh iyo xoojinta isku-duwidda si loogu adeego dano wadaagga. The post Jaamacadda Carabta oo taageero maaliyadeed u ballan-qaaday doorashada Soomaaliya appeared first on Caasimada Online.

Muqdisho (Caasimada Online) – Ra’iisul Wasaaraha Soomaaliya Maxamed Xuseen Rooble ayaa kulan looga hadlayay qabashada doorashada Aqalka Sare ee Gobollada Woqooyi la yeeshay Guddoomiyaha Aqalka Sare, Ra’iisul Wasaare ku-xigeenka dalka iyo Xubnaha Guddiga Doorashooyinka Somaliland. Ra’iisul wasaaraha ayaa sheegay in doorashada kuraasta Somaliland ay ku dhici doonto fikir wada-ogol ah oo aan cidna lagu dulmi doonin. “Waa ii farxad inaan maanta idinla kulmo idinkoo gacmaha is-heysta, waxaan diyaar u ahay goob kasta oo ay ku heshiiyaan Guddoomiyaha iyo Ra’iisul Wasaare ku xigeenka in doorashada lagu qabto in aan ku raaci doono, shacabka Soomaaliyeed-na waxaan u sheegayaa in doorashadii Somaliland ay horay u socotay, waxaan sugnaaba waa doorashada Aqalka Sare ee Somaliland oo bilaabata,” ayuu yiri Ra’iisul wasaare Rooble. Dhankiisa Guddoomiyaha Aqalka Sare Cabdi Xaashi Cabdullahi ayaa Ra’iisul Wasaaraha uga mahadceliyay kaalintii uu ka qaatay xallinta khilaafkii arrimaha doorashooyinka Somaliland, isagoo u ballan qaaday in ay ku garab taagan yihiin hoggaamintiisa howlaha doorashooyinka dalka. Ra’iisul Wasaare ku xigeenka dalka Mahdi Maxamed Guuleed ayaa yiri, “Waxaan galabta isugu nimid in aan ku kala war-qaadano dhaqaajinta howsha doorashooyinka Somaliland, waxaa noo qorsheysan in doorashada Aqalka Sare aan deg deg u guda galno anagoo mid ah, aniga iyo guddoomiye Cabdi Xaashi waxaan soo gudbi doonaa liiska musharaxiinta Aqalka Sare, isada ugu dhaqsiyaha badan.” Mahdi Guuleed ayaa sheegay in maalinta Sabtida ah ee soo socota ay bilaaban doonaan doorashooyinka Aqalka Sare ee Somaliland, isla markaana todobaadka soo socda la soo dooran doono 11-ka kursi ee Aqalka Sare ay leeyihiin siyaasiyiinta reer Somaliland. Hoos ka daawo The post Daawo: Goorta la billaabayo doorashada Aqalka Sare ee Somaliland oo la shaaciyey appeared first on Caasimada Online.

Abdirahim Mohamed died on Thursday morning and so far three men have been arrested in connection with his death Source: Hiiraan Online

“Waa Nasiib Darro Inuu Wasaaradda Kaliya U Kala Qaybiyey Reer Awdal, Madaxweyne Doorashooyin-baa Soo Socda Oo Awdal Waxba Kuma Yaallaan? (SLT-Boorama)- Madaxweynaha Somaliland ahna Guddoomiyaha Xisbiga KULMIYE Muuse Biixi Cabdi ayaa la sheegay in uu ballamo uu la gallay Madax-dhaqameedka iyo wax-garadka Awdal uu kaga baxay,isla markaana uu dhabarka ujeeddiyey,waxaana lagu eeyeeyey Madaxweyne Biixi inuu caaddaystay ballan ka baxa reer Awda.. Shacabka ku dhaqan Magaalada Boorama ayaa sheegay in aanu Madaxweyne Biixi reer Awdal wax-ba u oggolayn,isla markaana uu si gaar ah u caddaadiyo,waxaanay ugu baaqeen xubnaha ka soo jeeda Gobolkaas ee xilalka ka haya Xukuumadda Madaxweyne Biixi inay iska wadda casileen xilalka ay ka hayaan Xukuumadda Biixi,maddaama oo xilalka loo dhiibay ay yihiin qaar quudhsi ah,waxaanay ku bilabeen sidan:-“Madaxweynaha Qaranka sidaa kama aanu filayn C-iyo D, haddii Beesha dhexe ay A qaadato waxay ahayd in uu B nasiiyo,maddaama oo uu C iyo D nagu tuuray annagu cadka maqaarka ma qaadano waanu diidanay cadkaas,waxa aad rabtaa doorkan soo socda in aad doorasho gasho,sidaas-na haddii aad ku socoto wax Gobolka Awdal kuu yaallaa oo aad ku tallogelayso in aad noqoto Madaxweynaha soo noqon doonna annagu ma filayno runtii.” Waxa ay intaas ku dareen oo ay ugu baqeen masuuliyiinta xilalka ka haya Xukumadda Biixi ee reer Awdal inay iska soo casilaan xilalka “Waxa aan ugu baaqaynaa Wasiiradda laga dhigay D iyo C ee Gobolka Awdal dhammaan inay is casilaan ,waxa ka fiican cadka quudhsiga inta aad qaadanayso in aad is casishaan,waxaan kula tallin lahaa wasiiradda,wasiir ku-xigeenada,Agaasimayaasha guud dhammaan waxa kaga jira Dawladda reer Awdal inay is wadda casilaan,sidaana beesha dhexe aan ugu sacaba tuno,waayo cadka quudhsiga lama qaato adiga oo meesha ka maqnaada ayaa ka fiican.”ayey yidhaah-deen Sidoo kalene shacabka ku dhaqan Magaalada Boorama ayaa sheegay in aanay wax-ba ka sugayn Madaxweyne Biixi inta uu xilka hayo”Sida ka soo muuqata ee ifafaalada ah ee Madaxweynihii Jamhuuriyadda Somaliland uu ku dhaqmay ,wax fiican maaha Gobolka Awdal-na lagama filayn in wax quudhsi ah aanu qaadano mihiimadu waxa weeye,Wasiiradda iyo masuuliyiinta reer Awdal ee Dawlada ka tirsan waxaan ugu baaqaynaa inay iska soo casilaan,waayo meeshaa wax-ba la inoogama oggola ninkaas inta uu meesha jooggana ma leh wax uu innaga rabbaa ee iskaga kaalaya.” Geesta kale Guddoomiyaha Xisbiga WADDANI ee Gobolka Awdal Maxamed Aadan Suldaan ayaa sheegay in Madaxweyne Biixi uu caaddaystay ballan kaga baxa reer Awdal,waxaanu sheegay inuu ka baxay ballamo kale duwan oo uu la gallay”Madaxweynuhu markii doorashada la gellayey waxa uu ballan-qaaday oo dad waa weyn oo muddo kar ah uu ku yidhi ,markii ay kale hadleen saami qaybsiga Doorashada kadib ayaan arrintaa dhammaynayaa ,may dhammaan tii, waxa ayaan darro ah ballantii uu qaaday Madaxweynuhu ee uu ka qaaday markii uu olollaha ku jiray reer Awdal ee wax qabad lahayd muu fullin,waxa iyana nasiib darro ah ballantii uu ka qaaday Madax-dhaqameedkii iyo wax-garadkii reer Awdal ee salluuga tirsanayey ee uu yidhi doorashadu ha ina dhaafto ma fullin Madaxweynuhu, waxa aad mooddaa Madaxweynuhu in uu reer Awdal ballan-darradooda caaddaystay.” Waxa uu intaas ku darray “Waa nasiib darro in halkii wax laga sugayey wasaaradda qudha inuu niman reer Awdal ah u kale qaybiyo “ Gunaannadkii Guddoomiyaha Xisbiga WADDANI ee Gobolka Awdal Maxamed Aadan Suldaan ayaa sheegay in shacabka reer Awdal ay diyaar u yihiin inay beddelaan Madaxweynaha Biixi ” Xisbi ahaan waxaan leenahay Wasiiraddaada iyo shaqaalahaaga oo aad kale beddeshaa macno baddan ma samaynayso,balse Madaxweyne adiga ayaa beddel u baahan,shacabka reer Somaliland farriintii ay direen Madaxweynuhu inuu beddel yahay ayey direen .” Source

Inta badan bulshada reer Somaliland boqol iyo labbaatankii (120-kii) maalmood ee u danbeeyay, waxa dheggaha iyo carabkooda kusoo noq-noqonayey hadal-hayno la xidhiidha isku-shaandhayn ay ka filayeen Madaxweyne Biixi inuu ku samayn doono golihiisa Wasiiradda, arrintaas oo marka si guud loo eego runtii ahayd mid mudada iyo ka hor-ba soo taxnayd, balse waxay hadal-haynteedu sii xoogeystay markii ay soo baxday guuldarrada Xisbiga KULMIYE uu kale kulmay doorashooyinkii isku sidkanaa ee Golayaasha degaanka iyo Wakiillada ee dalka ka qabsoomay dhammaadka bishii may ee sannadka 2021-ka. Geesta kale, marka si loo eego xaaladihii markaa taagnaa waxa la odhan karo, dhacdooyinkan oo dhammi waxay markii danbe isu-rogeen raggaad cusub oo kusoo saayi’dey cabashooyinkii ka dhashay qodxihii markii hore-ba ku taagnaa bulshada reer Somaliland, kuna kelifay hadal-haynaha la xidhiidha in Madaxweynuhu isbeddel ku sameeyo Xukuumadiisa, kuwaas oo marka doodaha arrinkan ee bulshada si gaar ah loo dhandhansho qaarkood u muuqdeen kuwo ku salaysan isbeddel togan oo waxtar leh inay helaan oo keliya. Haddaba marka xaalku sidaa yahay inkastoo uu muuqdo kala duwanaasho afkaareed inuu ka dhex jiro mu’caaridka iyo shucuubta kale isbeddel doonka ah, balse hadana waxa qudhee labadan xaaladood la odhan karaa way iska shabbahaan, waa arrinka isbeddelka. Hadii aynu arrinta intaa ku dhaafno, waxa isweydiin mudan maxay ahayd ujeedada sababtay isku shaandheynta madaxweynuhu ku sameeyey Xukuumaddiisa? ma’se la odhan karaa Isku Shandheyn?. Haddii aynu ku hormarno isweydiinaha hore, ee ku saabsan maxaa sababay, muxuu’se daaranaa isku Shaandheynta Madaxweynuhu dhowaan ku sameeyey Xukuumadda. Mida koowaad marka la eego xubnaha xilalkooda waayey,waxa lala xidhiidhiyey doorashooyinkii dhawaa ee dalka ka dhacay kuwaas oo uu Madaxweyne Biixi u arkayey kuwo qayb ka ahaa guul-darradii Xukuumadda KULMIYE ka soo gaadhay doorashooyinkii Golayaasha Degaanka iyo Wakiillada,kuwaas oo uu dan moodday inuu baddelo,isla markaana uu magacaabo xubno uu bidday inay kalsooni ka haystaan degaanaddooda oo uu miciin bidday inay guul gaadhsiin karraan doorashada soo socota ee Madaxtooyadda Dhanka kale, haddii aynu xooga iyana is-dul taagno meselada ku saabsan filashada iyo faa’iidada Xisbiga KULMIYE ugu jirta isku shaandhayntan ayaa waxa ay inta baddan ku doodayaan masuuliyiinta falaqeeya Siyaasada Xisbiga KULMIYE in isku shaandhaynta Madaxweyne Biixi ay ahayd kud ka guur oo qanjo u guur,isla markaana aanay wax faa’iido ah u keenay isaga, isla markaana uu lumiyey uun siyaasiyiin la soo halgamay,kuwaas oo ay kamid ahayeen Baashe Cawli Xaaji Cumar iyo kuw kale. Siyaasi Jamaac Shabeel oo kamid ahaa Xisbiga KULMIYE aya sheegay in isku shaandhaynta Madaxweyne Biixi uu sameeyey ay tahay mid uu wax isku yeellay,isa markaana uu kubadda goolka u salaxay WADDANI “Afar sannadood ayuu soo cifanayey oo uu marba lahaa waxa aan samaynayaa isku shaandhayn ,markaas ayuu Agaasimayaasha ku wareegi jiray,waxa korrodhso ayuu is lahaa oo isku shaandayn sameee teegeeradaadii soo kordhi oo intii hore ka xooggee ayuu is lahaa ,lakiin wax taas ka soo horjeeda ayuu sameeyey,reerihii qaar wuu sii khaarajiyey oo daraf-yaddii wuu ka maar-may,isaqiina wax kordhiso ayuu is yidhi,lakiin wax ayuu is yeellay,Doorashada Madaxtooyadda sidii looga adkaan lahaa ayuu fududeeyey wuu sii salaxay kubadda .”ayuu yidhi Jaamac Shabee Source

Source

(SLT-Hargeysa)-Xisbiga Mucaaradka ah ee WADDANI oo haysta fursaddo siyaasadeed oo qaaliya,kuwaas oo wakhtigan horyaal,isla markaana la dhawrayo sida uu uga faa’iidaynsan doonno.Xisbiga WADDANI ayaa doorashooyinkii isku sidkanaa ee dalka ka dhacay bishii May ee sannadka 2021 ka gaadhay guullo kale duwan,kuwaas muujinayey in bulshada reer Somaliland ay dannaynayso Xisbiga WADDANI,isla markaana ay la dhacsan tahay siyaasaddiisa. Haddaba guusha Xisbiga WADDANI uu ka gaadhay doorashooyinkaas ayaa soo jiidatay siyaasiyiin baddan iyo tageerayaal baddan,kuwaas oo u arka in Xisbiga WADDANI uu mustaqbal siyaasadeed leeyahay,isla markaana uu ku guullaysan karro doorashooyinka kale ee soo socda. Dhanka kale faallaqeeyayaasha arrimaha siyaasadada Somaliland ka faallooda ayaa ku dooddaya in Xisbiga WADDANI uu haysto fursado siyaasadeed oo qaaliya,isla markaana la dhawrayo sida uu uga faa’iidaysto,halka qaar-na ay ku doodayaan in hal xidhidhaale kale uu horyaal Xisbiga,kaas oo ah shir weynaha Xisbiga oo la filayo inuu dhammaadka bisha tobnaad ee sannadkan 2021 uu qabsoomo Siyaasi Jaamac Shabeel oo arrintaas ka hadlay ayaa sheegay sidan:-“Shaxda god ayaa jira aan la bannayn oo la yidhaah irmaan oo inta laguu dego lagu odhanayo gurro bahasha,Godkii irmaanta ayuu banneeyey Muuse Biixi oo ninkii isaga ka soo horjeeday ayuu u banneeyey,shaxda waxa wadda dhigayey WADDANI iyo KULMIYE ayaa shaxda ciyaaraya Godkan uu ka guurray waa irmaan,haddii iyaga laftoodu gartaan reer WADDANI weeye.”ayuu yidhi. Si kastaba ha-ahaatee Xisbiga Mucaaradka ah ee WADDANI ayaa wakhtigan waxa horyaala fursado baddan oo siyaasadeed,kuwaas oo la dhawrayo sida uu uga faa’iidaysan doonno,waxaynu dhawrnaa waa Xisbiga WADDANI iyo in uu ka faa’iidaysto fursadahaa Siyaasadeed iyo in kale oo uu iska daayaco. Source

Source

Source

“She took my life away,” said one of the women, Hamdi Mohamud, who was a senior in high school at the time. Source: Hiiraan Online

Muqdisho (Caasimada Online) – Ra’iisul Wasaaraha Soomaaliya Maxamed Xuseen Rooble oo maanta hadal ka jeediyey kulankii Gollaha Wadatashiga Qaran iyo Ku Xigeenka Wakiilka Xoghayaha Guud ee Qaramada Midoobay ayaa ka hadlay kiiska Ikraan Tahliil Faarax iyo khilaafka siyaasadeed ee ka dhashay ee u dhaxeeya isaga iyo Farmaajo. Ra’iisul Wasaare Rooble ayaa beesha caalamka uga mahadceliyey sida ay ugu taageereen in baaritaan sax ah lagu sameeyo kiiska Ikraan Tahliil. Rooble ayaa kulankaas ka sheegay inuu aad uga xunyahay xaaladaha siyaasadeed ee maalmahan dalka ka jiray, kadib khilaafkii ka dhex qarxay isaga iyo Farmaajo, xilli uu dalku ku jiro doorashooyin. Waxa uu balan qaaday inuu dadaal ku bixin doono ka hortagga xiisad ka dhalata khilaafka u dhaxeeya xafiisyada ugu sareeya dalka, isla markaana uu xaaladaha taagan u maareyn doono si xilkasnimo iyo miyir leh. “Waxaan ku hawlanaa dhammaan in aan la tashiyo la sameeyo dadka ay khusayso in arrimaha lagu xaliyo wada hadal iyo si waafaqsan kala qaybsanaanta awoodaha Dastuuriga,” ayuu yiri Ra’iisul wasaare Rooble. Waxa uu sheegay Rooble in ahmiyadiisa ugu muhiimsan ay tahay doorashooyinka, dadka Soomaaliyeed-na uu u xaqiijinayo in aanu marnaba ka weecan diirad saaridda doorashooyinka dalka ka socda. “Waxaa iga go’an inaan sii wado dadaalkan waxaanan ku kalsoonahay in iyadoo la kaashanayo Madaxweynayaasha saaxiibadeey ee Dowlad Goboleedyada in aan gacan kawada geysanno dadaalka dhexdhexaadinta, waxaan inshallah heli doonnaa xal nabadeed oo ku aaddan xaaladdan laga xumaado,” ayuu yiri. Ra’isul Wasaaraha ayaa carrabka ku adkeeyay in kiiska Ikraan aan la siyaasadeyn ee kaliya loo arko xaq uu leeyahay muwaadin Soomaaliyeed oo ay tahay in isku aragti laga ahaado. “Kiis Ikraan Tahaliil Faarax ee aad maqasheen waxa uu noqday arin qaran oo dadka Soomaaliyeed oo dhan taabatay, mawqifkayga mabda’iyan waxa uu yahay in kiiska Ikraan uu helo baaritaan lagu kalsoon yahay oo madax bannaan iyo in dhammaan caqabadaha hortaagan in caddaalad loo helo Ikran iyo qoyskeeda meesha laga saaraa, sidaa awgeed waxaan uga mahadcelinayaa Qaramada Midoobay iyo xubnaha Beesha Caalamka mowqifka ay qaateen oo ah in kiiska Ikraan lagu sameeyo baaritaan dhameystiran,” ayuu yiri Ra’iisul wasaare Rooble. The post Rooble oo war cusub kasoo saaray khilaafka Farmaajo iyo kiiska Ikraan Tahliil Faarax appeared first on Caasimada Online.

Somalia's long-delayed elections will proceed "as planned", Prime Minister Mohamed Hussein Roble told visiting UN diplomats on Sunday, even as a damaging feud between him and the country's president sparked fresh fears for the troubled Horn of Africa Nation. Source: Hiiraan Online

The woman who broke barriers as the first female foreign minister and deputy prime minister in culturally conservative Somalia now aims for the country's top office as the Horn of Africa nation moves toward a long-delayed presidential election Source: Hiiraan Online

Laacibkii hore kooxda Horseed Xasan Cabdi Nuur (Xasaasi) oo soo booqday xarunta dhaxeeya ee Goobjoog Media Group ayaa ka hadlay arrimo badan oo ku aadan sooyaalkiisa kubbadda cagta iyo ka tagistiisa kooxda Horseed ee ciidanka xooga dalka. “Waan u mahadcelinaynaa maamulka kooxda Horseed sida wanaagsan aan u wada shaqayanay mudadii aan joogay kooxda , balse waxaan aaminsahay in ay ii shalaay-doonaan kooxda Horseed “ ayuu Goobjoog Sports u sheegay Laacib Xasan Cabdi Nuur Geesay. Ciyaarahan Xasan Cabdi Nuur wuxuu sheegay in ay jiraan kooxo badan oo xiriir la soo sameeyay , balse wuxuu taageerayaashiisa u balanqaaday in ay ka arkoi doonaan warbaahinta Ciyaaraha gudaha iyo baraha bulshada. “Way jiraan kooxo badan oo xiriir ila soo sameeyay , balse hadii ay dhacdo in aan ku biro kooxda Dekedda waxaan la qaadi doonaan koobka koobabka ee Jeneraal Daa’uud “ ayuu hadalkiisa soo raaciyay laacib Xasan Cabdi Nuur (Xasaasi). Dhinaca kale ciyaaryahanka wuxuu soo hadal qaaday sababaha keenay in uu ka tago kooxda Horseed, isagoo sheegay in la isku dayay in la inkiro xirfadiisa ciyaareeda iyo guulaha oo ka gaaray kubbadda cagta dalka. “Waxaan ahay laacib ugu sareeya kubbadda cagta Soomaaliya, iminkana haysta abaal marinta ugu saraysa kubbadda cagta dalka, kuwa doonaya in ay qariyaan guulaha aan gaaray waa loo jeeda qofka uu yahay laacib Xasaasi “ ayuu hadalkiisa sii raaciyay ciyaaryahankii hore naadiga ciidanka xoogga Soomaaliyeed ee Horseed Xasan Cabdi Nuur (Xasaasi). Ciyaaryahan Xasaasi oo ku soo caan baxay kooxda LLP Jeenyo ayaa sheegay in hamigiisa ugu weyn uu yahay in uu ka ciyaaro dalka dibadiisa, isagoo Goobjoog Sports u sheegay in mar walbo uu qaato tababar joogta ah, si uu horomariyo xirfadiisa kubbadda cagta. “Mar walbo waxaan qaataa tababaro joogta ah oo aan iskugu diyaaro dhacdooyinka soo socda ee heer Qaran iyo heer naadi, waxaa ii muuqda ifaalo wanaagsan” ayuu sheegay xirfadyahankii hore kooxda Horseed Xasan Cabdi Nuuur (Xasaasi). Ugu danbeyntii laacib Xasaasi wuxu u mahadceliyay xaaskiisa , isagoo sheegay heerka uu maanta ka gaaray kubbadda cagta ay qeyb weyn kula laheyd iyada, welina uu diyaar u yahay in qaato dhiirelinteeda wanaagsan. Daawo Xasaasi Oo Waraysi Siiyay Goobjoog Sports Sidoo Kale Aqriso Warar Ku Saabsan Xasaasi Muxuu Laacib Xasaasi Ka Yiri Goolkii Uu Ku Dhaliyay Garoonka Stadium Muqdisho W/D-Maxamed Xuseen Qalinle Source: goobjoog.com

Muqdisho (Caasimada Online) – Sheekh Ayman Al-Dawaahiri oo ah hoggaamiyaha ururka Al-Qaacidda ayaa markii ugu horeysay ka hadlay sida ay kooxda Al-Shabaab ugu qancisay inay diinta Islaamka qaadato Caa’isha Romano, oo ah gabar u dhalatay dalka Talyaaniga, oo ay afduub u heysan jireen kooxdaan balse hadda ku sugan Talyaaniga. Al-Dawaahiri ayaa sheegay in qaadashada Diinta Islaamka ee Caa’isha Romano ay ku timid qaabka wanaagsan oo kooxdaan ula macaamishay intii ay ku jirtay gacantooda, wuxuuna sheegay in kooxda Al-Shabaab ay muujisay suuradda dhabta ah ee Islaamka, sida uu hadalka u dhigay. Hadalka uu soo diray Ayman Al-Dawaahir oo ay baahisay Mu’asasada As-Saxab ayuu ku sheegay inuu sidoo kale aad u bogaadinayo howlaha jihaadiga ah oo ay waddo kooxda Al-Shabaab. Si gaar ah wuxuu u ammaanay howlgallada Jihaadiga ah ee “Qudus lama Yahuudeynayo” ee ay ku beegsadeen saldhigyadii Mareykanka ee Soomaaliya iyo Kenya. Caa’isha Romano ayaa sheegtay inay qaadatay Diinta Islaamka, waxayna ugu dambeyn ku laabatay dalkeeda Talyaaniga halkaas oo ay ku guursatay nin Muslim ah, waxayna sheegtay in kooxda Al-Shabaab ay si wanaagsan ula dhaqmi jireen intii ay ku jirtay gacantooda. Caa’isha Romano waxay sheegtay in kahor inta aanan la afduubin ay ka duwaneyd sida hadda ay tahay, wax xirir ahna uusan xilligaas kala dhaxeynin Allah Subxaanahu Watacaala iyo iyada. Markii ay yareyd waxay sheegtay inay “fikir khaldan ka heysatay diinta Islaamka oo marka ay aragto dad xiran dharka lagu yaqaano dadka Muslimiinta ah ay u arki jirtay in ay yihiin dad la caburinayo.” Waxay intaa ku dartay inkastoo “khaladaad badan” ay in ay ka aaminsaneyd diinta Islaamka in haddana laga caawiyay inay wax badan ka fahamto Muslimninada waxa ay tahay, oo waxay xustay “inay ahayd qof jaahil ah oo iska indha tiri jiray diinta Islaamka.” Intii ay joogtay deegaanka Chakama ee dalka Kenya, waxaa ay tiri: “dad badan oo Muslimiin ah ayaan halkaas ku arki jiray, balse taasi ma aysan igu dhiiragelinin in aan qaato diinta islaamka”. “Waxaan arki jiray dad xiran khamiis, maalminta Jimcaha iyo dadka oo salaadda u aadaya misaajidka, balse xilligaas ma aanan daneyn jirin diinta Islaamka,”ayay tiri mar ay la hadleysay wargeyska Laluce ee ka soo baxa dalka Taliyaaniga. Waxay gabadhan sheegtay in markii la afduubay oo la sii watay ay isweydiisay su’aalo dhowr ah ay ka mid yihiin: “Waxaan u imid Kenya in aan dadka caawiya oo wax wanaagsan ayaa sameynayay ee maxay waxani iigu dhacayaan? Maxay tahay sababta aanan loo afduubanin gabdhaha kale?” Waxay tilmaamtay in markii la afduubay la geeyay xabsi ku yaala gudaha Soomaaliya. “Waxaa is dhahay – dabcan waxaa laga yaabaa in sababta aan dhibkan u marayo ay tahay ka fogaanshaha aan ka fogaaday Allaah, tasina ay tahay sababta la ii ciqaabayo.” The post Al-Dawaahiri oo war kasoo saaray sida Al-Shabab ay ula dhaqantay Caa’isha Romano appeared first on Caasimada Online.

Mogadishu (HOL) - Prime Minister Mohamed Hussein Roble has issued a new directive to the Somali finance ministry on Sunday not to disburse any funds without his consent during this transition period. Source: Hiiraan Online

Cabdi Siciid (bidix), Buraale (dhexda) iyo Diinaari (midig) Madaxweynaha Puntland Siciid Cabdullaahi Deni ayaa xilka ka qaaday guddoomiyihii gobolka Karkaar Siciid Maxamed Faahiye. Madaxweyne Deni ayaa guddoomiyaha cusub ee gobolka Karkaar u magacaabay Cabdi Siciid Cismaan oo ahaa duqa degmada Qardho. Dhanka kale, madaxweynaha Puntland ayaa wareegto uu soo saaray ku kala diray golaha deegaanka degmada Qardho oo muddo xiliyeedkoodu dhammaaday. Madaxweyne Deni ayaa Maxamed Faarax Cabdiseed (Buraale) si ku meel gaar ah ugu magacaabay guddoomiyaha degmada Qardho, sidoo kale wuxuu Maxamuud Maxamed Ciise (Diinaari) u magacaabay guddoomiye ku-xigeen. Qardho ayaa ka mid ah saddexda degmo Puntland ee la filayo in ay doorashooyin gole deegaan oo qof iyo cod ah ka dhacaan bisha soo socota ee October. PUNTLAND POST The post Deni oo xilka qaadis iyo magacaabis sameeyay appeared first on Puntland Post.

In January 2021, I published a paper on U.S. policy towards Somalia in which I expressed concern that the rapid withdrawal of U.S. military forces from Somalia could invite an Al-Shabaab takeover of Somalia. Fortunately, that did not occur. Yet that very scenario played out in Afghanistan where the government was too corrupt, weak, and isolated to sustain the fight against the Taliban. Whether an attempt by Al Shabaab to seize greater control would succeed will depend on the legitimacy and capabilities of Somalia’s political leadership and government institutions. Afghanistan and Somalia share some critical vulnerabilities, which makes Afghanistan’s fate instructive. Source: Hiiraan Online

Ra’iisulwasaaraha dalka Maxamed Xuseen Rooble iyo madaxweynayaasha dowladgobaleedyada Galmudug iyo Koonfur galbed ayaa kulan dhanka fogaan aragga ah waxa ay la qaateen madaxweynayaasha dowlad-gobaleedyada Hirshabeelle, Jubbaland iyo Puntland. Kulanka ay yeesheen Golaha Wadatashiga Qaranka ayaa looga hadlay xaaladiii u danbeeyay ee dalka, si gaar ah arrimaha doorashooyinka.. Madaxweynaha dowladgoboleedka Hirshabeelle Cali Guudlaawe Xuuseen oo madasha ka hadlay ayaa ka warbixiyay sida maamulkiisa ugu diyaargaroobay doorashooyinka xubnaha aqalka sare ee dawladgoboleedka Hirshabeelle. Source: goobjoog.com

Muqdisho (Caasimada Online) – Ra’iisul Wasaaraha Soomaaliya Maxamed Xuseen Rooble ayaa Xafiiskiisa ku qaabilay wafdi sare oo ka socday Qaramada Midoobay oo ay hoggaamineysay Ku-xigeenka Xoghayaha guud ee Qaramada Midoobay Marwo Amina Jane Momamed. Kulanka oo ay ka qeyb galeen Madaxda Golaha Wadatashiga Qaranka, ayaa looga hadlay arrimo ay ka mid yihiin horumarrada ka jira Soomaaliya, arrimaha doorashooyinka, amniga, horumarinta dhaqaalaha, arrimaha bulshada. Ra’iisul Wasaaraha ayaa wafdiga Qaramada Midoobay la wadaagay horumarrada laga gaaray howlaha doorashooyinka iyo sida ay uga go’an tahay in ay noqdaan kuwo nabdoon, daah-furan oo aan cidna lagu xad-gudbin, isagoo tilmaamay in inta badan dowlad-goboleedyadu soo dhammeystireen doorashada xubnaha Aqalka sare ee BFS. Ra’iisul Wasaaraha ayaa adkeeyey sida ay uga go’an tahay xaqiijinta qoondada haweenka 30% ee Goleyaasha Baarlamaanka, arrintaas oo u magacaabay guddi gaar ah oo u qaabilsan. “Waxaa naga go’an in doorashadu ku dhacdo xilligii loo qorsheeyay, isla markaana aysan wax saameyn ah ku yeelan arrimaha kale ee jira,” ayuu yiri Ra’iisul Wasaaraha oo xusay in uu rajeynayo in maalmaha soo socda ay bilaabato doorashada xubnaha baarlamaanka ee ka soo jeeda Somaliland. Rooble ayaa sidoo kale ku adkeystay inay ka go’an tahay in qoyska Ikraan Tahliil ay caddaalad helaan, xilli ay isaga iyo Farmaajo isku fahmi waayeen arrintan. Qoraalka kasoo baxay xafiiskiisa ayaa lagu yiri “Eng. Maxamed Xuseen Rooble ayaa sheegay in ay mas’uuliyad ka saaran tahay sidii ay caddaalad ku heli lahaayeen qoyska Ikraan Tahaliil Faarax, isagoo xusay in aysan habbooneyn in arrintaas la siyaasadeeyo.” Wada-hadalladii Farmaajo iyo Rooble ayaa xalay burburay kadib markii Farmaajo uu dalbaday in qoyska Ikraan la siiyo diyo, kiiskana halkaas lagu xiro, halka Rooble uu sheegay inay maxkamadda ciidamada ay baareyso kiiskan, islamarkaana caddaaladda la marinayo. The post Rooble oo warbixin siiyey QM, kuna adkeystay mowqifkiisa appeared first on Caasimada Online.

Qaran News

NAIROBI (HOL) - The family of the missing Kenyan scholar Abdiwahab Abdisamad blames Somali Prime Minister Mohamed Roble for his disappearance, claiming he gave directions for the abduction of their kin. Source: Hiiraan Online

LONDON (HOL) - The father of slain intelligence agent Ikran Farah has told President Mohamed Farmaajo not to stand in the way of investigations into his daughter's death. Source: Hiiraan Online

Golaha Wadatashiga Qaran ee ka kooban dowladda federaalka, dowlad goboleedyada iyo gobolka Banaadir ayaa maanta kulan la yeeshay wafdi ay hoggaamineysay ku xigeenka xoghayaha guud ee Qaramada Midoobay Marwo Amina Jane Momamed. Kulanka oo Muqdisho ka dhacay waxaa goobjoog u ahaa Ra’iisul Wasaare Rooble iyo qaar kamid ah golihiisa wasiirada, madaxweynayaasha Galmudug iyo Koonfur Galbeed iyo guddoomiyaha gobolka Banaadir, halka madaxweynayaasha Puntland, Jubaland iyo Hirshabeelle ay uga qaybgaleen habka fogaan araga ee Internetka. War qoraal ah oo ka soo baxay xafiiska Rooble ayaa lagu sheegay in kulanka looga hadlay arrimo ay ka mid yihiin doorashooyinka, amniga, horumarinta dhaqaalaha iyo arrimaha bulshada. PUNTLAND POST The post Golaha Wadatashiga Qaran oo kulan la yeeshay ku xigeenka Qaramada Midoobay appeared first on Puntland Post.

Qaran News