Xukuumadda Dalka Suudaan ayaa xaqiijisay inuu Fashilmay isku day inqilaab oo Saaka ka dhacay dalkaas. Warbaahinta Qaranka Suudaan ayaa baahisay warkan,dhanka kale Ilo wareedyo ka tirsan dowladda Suudaan oo la hadlay wakaaladda reuters ayaa sheegay in sharciga la horgeeyn doono dadku ku lugta lahaa afganbiga dhicisoobay. Ilaa hada lama cadeyn cida ku luglahayd isku dayga afgembi,Sidoo kale lama xaqiijin khasaaraha ka dhashay isku dayga afganbi iyo saraakiisha hoggaaminaysay. Dalka Suudaan ayaa sanada ka hor waxaa ka dhacay afgambi looga tuuray talada dalka madaxweynihii hore Cumar Xasan Al- bashir. PUNTLAND POST The post Afgambi Fashilmay oo ka dhacay dalka Sudan appeared first on Puntland Post.

Sudanese authorities reported a coup attempt on Tuesday by a group of soldiers but said the attempt failed and that the military remains in control. Source: Hiiraan Online

Waaxda Arrimaha Dibedda Mareykanka ayaa ka digtay in khilaafka u dhaxeeya madaxweynaha Soomaaliya Maxamed Cabdullaahi Farmaajo iyo ra’iisul wasaare Maxamed Xuseen Rooble uu adkeyn karo hanaanka doorashada ee dalka ka socda. War-saxaafadeed ay Waaxda soo saartay ayaa lagu yiri “Iskaashiga hogaamiyayaasha Soomaalida, gaar ahaan madaxweyne Farmaajo iyo ra’iisul wasaare Rooble – wuxuu muhiim u yahay in la xaqiijyo in dalka uu si dhaqso ah usoo dhameeyo hanaanka doorashada ee socda. Khilaafka hadda u dhaxeeya madaxweyne Farmaajo iyo ra’iisul wasaare Rooble wuxuu halis u yahay inuu adkeeyo hanaankan, waxaana loo baahan yahay in loo xaliyo si deg deg oo nabad ah.” War-saxaafadeedka dowladda Mareykanka ayaa sidoo kale lagu sheegay in dib u dhac kale oo ku yimaada doorashada uu sare u qaadi karto suurta-galnimada ah inay rabshado ka dhacaan dalka, fursanda ay siineyso kooxda Al-Shabaab iyo kooxaha kale ee xagjiriinta ah. Dowladda Mareykanka ayaa ugu baaqday madaxweyne Farmaajo iyo Ra’iisul Wasaare Rooble inay ka fogaadaan qoraallada ay soo saaraan ee warbaahinta lasoo mariyo iyo ficillad kale, ayna khilaafyadooda ku aadan xilal magacaabista ku xaliyaan hab nabdoon. “Doorashooyinka oo si deg deg ah loo soo dhammeeyo waxay gacan ka gaysan doonaan horumarinta ajendaha ka hor-tagga argagixisanimada Soomaaliya, waxayna dowladda cusub ee Soomaaliya siin doonaan fursad ay wax uga qabato baahida shacabka Soomaaliyeed. Shacabka Soomaaliyeed ma mudna wax intaas ka yar,” ayaa lagu yiri qoraalka. Xigasho: VOA Somali PUNTLAND POST The post Dowladda Mareykanka oo farriin u dirtay Farmaajo iyo Rooble appeared first on Puntland Post.

Isku day afgambi oo ka dhacay “Khartoum” ayaa “fashilmay” subaxnimadii hore ee Talaadada, TV-ga dowladda Suudaan ayaa sidaa baahiyay, iyadoo dadka ugu baaqday inay iska celiyaan kuwa wada Afgambiga. “Waxaa dhacay isku day afgambi oo dhicisoobay, dadku waa inay ka hortagaan,” ayaa laga sii daayay TV qaranka Xubin ka tirsan golaha talada dalka ayaa u sheegay wakaaladd Reuters in xaaladda la xakameeyay. Xaaladda guud ee dalka waxaa goordhow war kasoo saari dona, afhayeenka dawladda Maxamed Al Faki Suleymaan. Mr. Suleymaan ayaa mar sii horreysay ka codsaday dhammaan dadka reer Suudaan inay difaacaan dalka. Faallo uu ku qoray Facebook, ayuu ku yiri, “Orod si aad u difaacdo dalkaaga oo aad u ilaaliso kala -guurka.” ilo xog ogaal ah ayaa u sheegay wakaaladda wararka ee AFP in afgambigu uu qeyb ka ahaa isku day lagu doonayay in lagula wareego idaacadda dawladda ee Omdurman, oo kutaala caasimadda Khartoum. Sida xogaha horudhaca ah aya tilmaamayaan laba guuto ka tirsan kuwa taangiyada milteyga sudaan aya wada isku dayga iyago gadiidka gashaaman gudaha usoo galiyay caasimadda. Goobjoog News Source: goobjoog.com

Scholar Abdiwahab Sheikh Abdisamad is back to his family in Nairobi after being abducted on September 8. Source: Hiiraan Online

Muqdisho (Caasimada Online) – Guddoomiye ku xigeenka amniga iyo siyaasadda ee maamulka gobolka Banaadirm Cali Cabdi Wardheere (Cali Yare) ayaa si la yaab-leh uga hadlay safarka la-taliyaha amniga qaranka Fahad Yaasiin oo dib ugu soo laabtay Muqdisho. Cali Yare oo wareysi siiyey Dalsan Tv ayaa shaaca ka qaaday in muddo kadib uu saaka aroortii hore dalka dib ugu soo laabtay Fahad Yaasiin oo ay wehliyaan saraakiil sar sare oo ka tirsan hay’adda NISA, wuxuuna tilmaamay in howlo shaqo ay u joogeen dalka dibadiisa. Guddoomiye ku xigeenka amniga ee gobolka Banaadir, sidoo kalena ka mid ah xubnaha aadka u taageero madaxweynaha muddo xileedkiisu dhammaaday ayaa tilmaamay in xilli munaasab ah, isla-markaana aad la wada sugayey Fahad uu dib ugu soo laabtay dalka. Sidoo kale Cali Yare oo hadalkiisa ayaa intaasi kus ii daray in ay maanta uga dhigan tahay maalin aad u weyn oo farxad-leh, sida uu hadalka u dhigay. “Xilli munaasab ah oo runtii la wada sugayo oo baahi weyn loo qabo fir-fircoonidiisii, kartidiisii, talooyinkiisii iyo saameyntiisii, intaas oo dhan marka la’isku daro waxaan oran karaa maanta waa maalin weyn,” ayuu yiri Cali Yare. Waxa kale oo uu carabka ku dhuftay Cali Yare in tallabada xigta ay noqon doonto in la fuliyo awaamiirta kasoo baxda madaxweynaha muddo xileedkiisu dhammaaday ee Maxamed Cabdullaahi Farmaajo oo haatan khilaaf uu kala dhexeeyo Ra’iisul wasaaraha. “Talaabada xigta waxa ay noqoneysaa waddadii madaxweynuhu falo iyo awaamiirta madaxweynuhu bixiyo wadada koowaad ee la qaadaayo ayey noqon doontaa” ayuu raaciyey. Si kastaba, muddooyinkii la soo dhaafay Cali Yare ayaa weeraro dhanka afka ah si toos ugu qaadayey ra’iisul wasaaraha, isaga oo taageero weyn u muujinayo madaxweynaha muddo xileedkiisa uu dhammaaday oo uu qeyb ka ahaa ololihiisii doorashada ee sanadkii 2017-kii. The post Cali Yare oo si la yaableh uga hadlay imaanshaha Fahad Yaasiin appeared first on Caasimada Online.

The United States called Monday on the president and prime minister of Somalia to resolve their "dispute," so as not to further delay the country's electoral process, with the African nation's presidential election scheduled for October 10. Source: Hiiraan Online

Khartuum (Caasimada Online) – Wararka laga helayo dalka Suudaan ayaa sheegaya in saaka aroortii hore uu dalkaasi ka dhacay isku day afgambi, balse fashilmay, sida ay warisay warbaahinta maxalliga ah. Koox ka tirsan tirsan millitariga Suudaan ayaa lagu soo warramayaa inay isku dayeen inay gabi ahaan la wareegaan talada dalkaasi oo dhan. Wararka ayaa intaasi kusii daraya in mas’uuliyiin haatan ka tirsan dowladda ka talisa Suudaan ay qeyb ka ahaayeen afgambiga dhicisoobay. Qoraal kooban oo ay dowladdu ka soo saartay dhacdadaasi ayaa waxaa dadka reer Suudaan loogu baaqay inay isku soo baxaan, si loo difaaco dalka. “Waxaa fashilmay isku day afgambi, dadku waa in ay kahortagaan arrintan” ayaa lagu yiri warka qoraalka ah. Dhinaca kale golaha haya talada dalka Suudaan ee TSC ayaa shaaca ka qaaday inay ka hortageen ciidamada sameeyey isku dayga afgambi, ayna haatan gacanta ku hayaan dalka. Xaaladda ayaa weli aad u kacsan, waxaana qeybo badan oo ka mid ah Suudaan lagu arkayaa ciidamada oo badan lagu soo daadiyey waddooyinka waa weyn ee dalkaasi. Afgambiga ayaa kusoo noq-noqday Suudaan, waxaana ugu dambeeyey midkii xukunka looga tuuray Cumar Xasan Al-Bashiir 11-kii April ee sanadkii 2019, kaas oo isaga qudhiisa xilka ku qabsaday afgambi uu ku sameeyey xukuumadii Saadaq Al-Mahdi sanadkii 1989-kii. The post Wararkii ugu dambeeyey isku day afgambi oo ka dhacay dalka Suudaan appeared first on Caasimada Online.

(SLT-Khartoum)-Dowladda Suudaan waxay sheegtay in afgembi fashilmay uu ka dhacay dalkaas isla markaana la qaaday tallaabooyin lagu dajinayo xiisadda, sida ay baahisay warbaahinta dowladda. “Waxaa dhacay afgembi fashilmay, dadka waa inay ka hortagaan” ayay soo xigatay wakaaladda wararka ee AFP. Waxaa jiray isku dayo la doonayay in lagu qabsado dhismayaasha warbaahinta dowladda, sida ay baahisay AFP Source

Shaxda cusub ee Muuse Biixi dhigay waxay ku fadhidaa fikirka ah Gebiley, Maroodi-jeex, iyo Saaxil( GMS) inuu kow, xaafada Subeeriyada gacanta ku wada dhigo, iyadoo reer New Hargeysa, Axmed-dhagax iyo Beligubadlena uu soo raacinya GMS, waana sababta uu labadaas xaafadood, uu qayb libaax uga siiyey isku shaandheystiisii ugu danbeysey. Reer Awdal waxuu ka rajeynayaa inuu la kala badho labada xisbi ee mucaaridka ah, halka Sanaag, Sool, iyo Cayn-na uu ka rabo saddex meelood meel. Xaafadan Garta-xejistaana dee waa kuwaas labada xisbi ee kala qaybsan leh, waxa soo hadhay waxa loogu yeedho Beriga Burco oo Muuse isleeyahay saddexda xisbi qaran haday saddex qaybood u kala qaybsadaan xaafadaas, inay markaas lumayso miisaankii ay xaafadaasi lahayd. Hadday sidaas u dhacdo dee Xariifku shan sano oo danbe ayuu inna soo hor fadhiyi doonaa, waana siduu aaminsan yahay. Hadaba, Madaxweyne Muusow aan saaxiib oo inaadeer kula talayo, ilayn sidii Cabdoo baad xisaabta khaladaye. Waxaad tahay Madaxweynihii ugu maamulka xumaa ee dalka soo maray abid, oo waxa isu kaa raacay aqoondaro, kibir, hunguri, iyo hanti urursi qaawan. Qabiil wax ma tartid ee qoyskaaga ayaad ku egtahay, ilaa maalintii aad madaxweyne noqotay sabada guryaha laguu dhisayaa ma qalasho, danyartii waxaad xoog kaga qaaday dhulkii yaraa ee ay deganaayeen. Maanta dadku waxay kugu xantaan inaad Dahab-Shiil haddii aanad ka lacag badnayn inaad cagocagayneyso, oo riyadaadii inaad nimaankaas la mid noqoto Ilaahay wuu kaaga dhabeeyey. Beer weyn oo saddex riig ka taagan yihiin, iyo kadin geela oo aad habeenkii u caano doonato baad leedahaye, bal maxaa kalee kaa maqan inaadeer. Waan maqalnay inaad gudida kommishanka doorashooyinka aad tidhi doorashadii madaxtooyada noo diyaar gareeya. Waxaan kugula talin lahaa inaad qabatid doorashadaas, laakiin aanad juhdi iyo olole toona aanad gelinin,waayo shacbigu wuu kaa daaley oo qabiil aanad ogeyn oo aad mustaqbalkoodii sii aamaahanayso baa kugu leh kaa diidney Muusow. Maamul xumada waxaad kaga sii dartay nasiib iyo Hoodo xumada oo markii aad meesha timi waxaad la timi aargoosi, xintan, iyo dagaal aan loo baahnayn. Xaafadii aad isku jeegaanta ahaydeen cay iyo aflagaado baad kala daashey adigoo leh hantidii ummada ayey carabka sii mariyeen oo ay xaalufiyeen, waxa lagaa hayaa inaad tidhi miyigii iyo hawdkii ay ka yimaadeen baan ku celinayaa. Xitaa labo nin oo Abaan( Agents) u ahaa Fly Dubai, iyo Alcarabiya waxaad ku samaysay waxaan waraabe aanu Adhi ku samaynin. Waxaad ugu talo gashay inay xaafadaasi si habaq ah ay saddexda xisbi u kala galaan si aanay isku duubmidoodu wax kuu yeelin. Adigoo maamul xumadii la kufaa dhacaya baa Ilaahayna keenay cudurkan COVID ee dhaqaalihii adduunka wax yeelay, oo ayaandaradaasina way kuu sii raacday. Waxaan ku odhan lahaa saddexda ama Afarta boqol ee milyan ee hantidaada cusub ah, geelagaas iyo beertaadaas isku shaqlo sidaasna nagu dhaaf Ilaahay baan kugu dhaarshee, waayo Somaliland shan sano oo danbe kuma qaadi karto. Imminka dad badani waxay aaminsan yihiin hadday Somaliland ay dhibtaada iyo hadimadaada ka badbaado inay kunka sano ee socda ay sii jiri doonto in’sha’Allahu. Sharaf waxa kuu noqonaysa oo xumaan kasta oo aad geysatey kaa maadhaysa, waa madaxweynihi labada doorasho ee isa saaran qabtay, iyo waa madaxweynihii aan mudada korodhsan, iyo madaxweynihii markii laga helay xilka wareejiyey sidii Daahir Rayaale oo kale. Intaas hadaad Somaliland u samayso intaas aad sii qadhiidhay waanu kaa saamixi karnaa,laakiin mar labaad ha isu kaayo soo qaawinin saaxiib. Xitaa haddii ay kuu hirgasho sidan qabyaaladeysan ee aad shaxda u dhigtay oo aad doorashada ku guuleysato adigoo qabyaaladaas qaawan isticmalaya, waxa iman doonta rag sidii ay Xaaji Cabdi waraabe iyo gudoomiye shiikh Ibrahim ku sameeyeen Siilaanyo in lagu yidhaado waa lagaa helay oo anigaa sidaas garanay ee SALAAMA. Ilayn qabyaalad qabyaalad baa lagu saxaaye! Qabiilka ku ridi doona, ee lixda gobolba dega, ee ugu faraha badan Somaliland waxa la yidhaahdaa qabiilka dhalinyarada oo waxay wadaagaan mustaqbal. Dalka iyagaa iska leh oo waxay u baahan yihiin horuumar uma baahna in la kala qaybiyo ee isku duubni bay u baahan yihiin, waxay u baahan yihiin in la is jeclaysiiyo ee uma baahna in la isku diro oo ay isnacaan. Xikmad baa tidhaahda dadka waaweyni waxay ka sheekeeyaan waqti tegey iyo taariikh hore waayo mustaqbal ma laha; dhaliyaraduna waxay ka sheekeeyaan mustaqbal waayo taariihk hore oo ay ka sheekeeyaan ma laha. Intee baa SNM iyo Somalilanders baa la xaaqay laga sheekeen karaa( 30 sano), dhalinyarada reer Somaliland waxay u baahan yihiin inay halgankooda ay galaan oo samaystaan “ SNM” tooda cusub oo ah mid walaalaysa oo ay meel uga soo wada jeedaan dalkooda, dantooda, diintooda, iyo dadkoodaba iyagoo hiigsanaya cadaalad, horuumar, iyo walaalnimo gidigood wada dhaqda. Doorashadii dhoweyd wacdaro ayaad dhalinyarow noo dhigteen, Somaliland boqolkiiba todobaatan da’ ahaan way ka yar yihiin 30 jir markaas waa inuu is bedelku dhinaciina uu ka yimaado oo aan mustaqbalkiina lagu sii khamaarin. Madaxweynuhu shanta sannadood uu joogo waxuu magacaabi karaa 50 wasiir marka isku shaandhaynta lagu daro, iyo konton agaasimayaal, oo waxa shaqada loo abuuraa iyadoo weliba qabyaaladeysan 150 qof haday innoogu bataan. Dhalinyarow waxaad rabtaan inaad noolol fiican samaysataan oo guursataan oo guryo dhisataan oo horuumar samaysaan, laakiin sidan xukuumadaha kala danbeeyey ee siiba kulmiye wax u wadeen waa boobtee aniguna aan boobo iyo dhalinyarada mustaqbal keeduna yeelkadeed. Dhalinyarow, maanta iska kaashada oo hurdada ka kaca oo dalka iyo dadkaba u hiiliya. Dhalinyarow hareerihiina eega iyo adduunka waxa ka socday ilayn waa idiinkan baraha bulshada iyo internetyada ku jiree bal Muuse Biixi miyuu maqlay mase fahmi karaa: Metaverse, Bionic( bionic spy fly),nanotechnology,Blockchains(crypto-currency), Quantum computation, Genome, Dark webs( Tor), Sun powered chemistry, Asteriod mining( psyche16). Intaba akhristaayasha dhalinyarada ahaw google-gareeya, adduunka halkaas la marayo buu Muuse Biixina inna gala dhamaan la’ yahay reer hebel baa Xamar iyo Somaliyaa innagu celinaya ee aniga ii codeeya. Xitaa waxaanu ogeyn in ay Somaliland ictiraaf la yidhaahdo kii runta ahaa( De facto recognition) ay haysato, oo uu innaga maqan yahay uun ictiraafkii diplomaasiyada (De jure) kaasina waxuu ku xidhan yahay uun wada hadal Somaliyaa la isku hor fadhiisto oo aynu 100% guusha heleyno. Muuse waa geeljire soo xoogsi tegey oo walaahay waa ka bes oo intuu garanayey way dhaaftay ee dhalinyarooy mustaqbalkiina ilaashada, Muusena aynu u sheegno inaanay Somaliland u baahnayn milateri wax in qilaaba( Xaasha) ay u baahan tahay dhalinyaro feejig oo mustaqbal kooda meel uga soo wada jeeda. Dhalinyaroy hurdada ka toosa! WQ. Cali Kubad gudoomiye ku xigeenkii hore ee komishanka Doorashooyinka. Source

Source

(SLT-Muqdisho)-Agaasimihii hore ee hay’ada Sirdoonka Fahad Yaasiin Xaaji Daahir ayaa saaka ka soo degey garoonka diyaaradah Aden Cadde ee magaalada Muqdisho kaddib markii diyaarad gaar ah ay ka soo qaaday dalka Turkiga. Fahad Yaasiin ayaa safarkiisa magaalada Muqdisho ku imanayay dib u dhac ku yimid 17kii bishan kadib markii diyaarad uu ka soo raacay dalka Turkiga lagu xayiray magaalada Jabuuti kadibna dib ugu laabatay dalka Turkiga. Agaasimihii hore ee NISA Fahad Yaasiin Xaaji Daahir ayaa dhawaan waxa uu u magacaabay madaxweynaha xilku ka dhammaaday Farmaajo La-taliyaha gaarka ah ee dhinaca Amniga, hase yeeshee waxaa loo gudbiya dacwad lid ku ah Fahad Yaasiin Maxkamad Ciidamada iyadoo lagu eedeeyay ku lug leeyahay Kiiska Ikraan Tahliil oo ay hay’ada NISA ku sheegtay in ay dileen Ururka Alshabaab. Source

Wasiirkii hore ee arrimaha bulshada iyo qoyska marwo Hinda Gaani ayaa shalay lagu Rasaaseeyay Deegaanka Fiqi Ayuub ee Gobolka Togdheer, Halkaas oò lagu dhaawacay Ilaaladeedii. Marwo Hinda Gaani oo buurta fiqi ayuub ka wada macdan baadhis ayaa muran ka dhex dhashay iyada iyo dadka deegaanka taas oo sababtay in rasaas lagu furo gaadhigii ay wadatay , dhaawac culusna la gaadhsiiyay ilaaladii la socotay. Sidoo kale shalay ayaa lagu dhaawacay laba kamida ciidànka qaranka ee amni ahaan loo geeyay buurtaasi Fiqi ayuub oo mudooyinkii udanbeeyay uu muran ka taagnaa. ~Xigasho Xabiib Cige Xasan . Source

Ciidamada Jabhadda TPLF ayaa beeniyay sawiro iyo warar ay baahisay dowladda Itoobiya kuwaas oo lagu sheegay in ay Ciidamada Dowladda ay weerareen deegaanada Debark iyo Dabat oo ay ku sugan yihiin xoogagga difaaca Tigrayga. Sawiraan oo muujinaya diyaaradaha dagaalka oo weerar Hawada sare ah ku jira ayaa la sheegay in ciidamada Dowladda ay weerar ku qaadeen Jabhadda. War ka soo baxay maamulka Amxaarada ayaa lagu sheegay in ciidamada ay jab xooggan gaarsiiyeen Jabhadda koxodooda ku sugan Debark iyo Dabat. “Ciidankeenna Cirka ee geesiyaasha ah ayaa si lama filaan ah u weeraray ciidanka cadowga, waxaana ciidamada deenna cirka la socday 50 gawaadirada dagaalka ah kuwaas oo guul taariikhi ah ka soo hooyay ciidamada Junta, kuwaas oo ay ka qabsadeen Debark iyo Dabat. Taariikh ahaan, junta waligeed lama kulmin khasaare intaas le’eg, ”ayaa lagu yiri qoraalka Amxaarrada. TPLF ayaa dhankeeda sheegtay in Sawirada ay adeegsadeen dowladda Itoobiya iyo maamulka Amxaarada in ay yihiin kuwa ay kala soo degeen Google, sawirka hore ayaa la sheegay in baaritaano ay sameeyen kadib ay heleen in uu yahay sawir ay horay u adeegsatay BBC-da maqaal ay ka qortay dagaalka Itoobiya Nofembar 2020, halka sawirka dambe lagu sheegay in uu yahay mid ciidamada cirka Uzbekistan ay 18 -kii Janaayo 2020, ay ku soo bandhigayeen quwadooda cirka. Itoobiya ayaa markaan faraha la gashay fadeexad dhanka warbaahinta ah kadib adeegsiga sawirada marin habaabinta ah iyo xogaha ay guullaha ku sheeganayaan. Abiy iyo xulafadiisa ayaa sanad dagaal kula jiro kadib markii ay Xisbiga gobalka Tigrayga ee TPLF ay ka diideen muddo kordhin uu rabay. Ra’iisul wasaarahan ka soo jeeda qowmiyadda Oromada ayaa fadeexado dhowr ah wajahaya kadib guushiisi biladda Nabadda, dhawaan ayeey aheyd markii Abiy Axmed laga helay cod oo kuu sheeganayo in uusan talada banaaneynin 10 sano oo soo socota xilli uu la hadlayay xisbigiisa. Goobjoog News Source: goobjoog.com

Muqdisho (Caasimada Online) – Magaalada Muqdisho ee caasimada Soomaaliya waxaa saaka aroortii soo gaaray la-taliyaha amniga qaranka, Mudane Fahad Yaasiin Xaaji Daahir, kaas oo diyaarad qaas ah ay ka soo qaaday magaalada Istanbul ee wadanka Turkiga. Fahad Yaasiin ayaa waxaa garoonka Aadan Cadde ku soo dhoweeyey saraakiil sar sare oo ku dhow dhow Villa Soomaaliya, gaar ahaan xafiiska madaxweynaha, waxaana sidoo kale garoonka diyaaradaha ka soo galbiyey ciidamo gaar ah oo geeyey xarunta madaxtooyada. Haddaba maxay ka dhigan tahay Imaanshaha Fahad Yaasiin? Maxamuud Cumar oo ah falanqeeye siyaasadeed, sidoo kalena ka tirsan hay’adda caalamiga ah ee xasaradaha oo fadhigeedu yahay magaalada Brussels ayaa ka hadlay imaatinka Fahad Yaasiin Xaaji Daahir oo ku soo aaday, xilli adag oo hadane xasaasi ah. Falanqeeye Maxamuud Cumar ayaa shaaca ka qaaday in imaanshaha Fahad ay macno weyn u tahay madaxweynaha muddo xileedkiisu dhammaaday, dhanka kalena ay walaac ku tahay ra’iisul wasaaraha Maxamed Xuseen Rooble, sida uu hadalka u dhigay. “Imaanshaha Fahad Yaasiin waxay wax weyn u tahay madaxweyne Farmaajo waxayna walaac ku tahay dhanka Rooble”, ayuu yiri Maxamuud Cumar. Qorshaha Fahad Yaasiin ayaa ah in shirka golaha amniga qaranka uu ku soo bandhigo warbixin la xiriirta kiiska Ikraan Tahliil Faarax, balse shirka ayaa dib u dhacay, kadib markii diyaaraddii sidday 17-kii bishan laga celiyey garoon diyaaradeed oo ku yaalla dalka Jabuuti. Si kastaba, la-taliyaha amniga qaranka ayaa waxaa haatan ay si weyn isku hayaan ra’iisul wasaaraha oo horay uga qaaday xilka agaasimaha hay’adda NISA, kadib markii uu soo shaac-baxay warka sheegaya in xoogaga Al-Shabaab ay dileen Ikraan Tahliil Faarax. The post Maxay ka dhigan tahay Imaanshaha Fahad Yaasiin? appeared first on Caasimada Online.

PRESS RELEASE Djibouti Signs its First Country Programme Framework (CPF) for 2022–2027 2022–2027 CPF identifies seven priority areas VIENNA, Austria, September 20, 2021/ — Dr Nabil Mohamed Ahmed, Minister of Higher Education and Research, and Hua Liu, IAEA Deputy Director General and Head of the Department of Technical Cooperation, signed Djibouti’s Country Programme Framework (CPF) for the period of 2022–2027 on 20 September. A CPF is the frame of reference for the medium-term planning of technical cooperation between a Member State and the IAEA and identifies priority areas where the transfer of nuclear technology and technical cooperation resources will be directed to support national development goals. Djibouti has been an IAEA Member State since 6 March 2015. Its 2022–2027 CPF identifies seven priority areas: Human health and nutrition (cancer control and non-communicable diseases) Food and agriculture (Soil and crop management, and food safety) Water resources management Environmental protection and Climate Change Energy planning Mining exploration Radiation protection Agency (IAEA). SOURCE International Atomic Energy Agency (IAEA) Qaran News

Jowhar (Caasimada Online) – Madaxweynaha dowlad goboleedka HirShabelle, Mudane Cali Cabdullaahi Xuseen Guudlaawe ayaa xalay kulan gaar ah la qaatay Senatarada cusub ee dhowaan lagu doortay magaalada Jowhar ee xarunta gobolka Shabeelaha Dhexe. Kulanka oo ahaa mid isugu jiray casho sharaf iyo soo dhoweyn ayaa waxaa loo qabtay lixda Senatar ee illaa iyo hadda kusoo baxay doorashooyinkii ka dhacay Jowhar, waxaana sidoo kale madasha goobjoog ahaa madaxweyne ku xigeenka HirShabelle Yuusuf Dabageed. Cali Guudlaawe oo ugu horreyn kulanka ka hadlay ayaa Senatada cusub ugu hambalyeeyey guusha ay gaareen, wuxuuna shaaca ka qaaday inay hortaallo shaqo adag. Sidoo kale wuxuu kula dardaarmay inay u istaagaan wax u qabashada bulshada reer HirShabelle iyo midnimadooda. “Waxaan ugu hambalyeeyay guusha ay gaareen waxaana kula dardaarmay inay u shaqeeyaan bulshada Hirshabeelle kana shaqeeyaan midnimada iyo wadajirka ummadda Soomaaliyeed,” ayuu yiri madaxweyne Cali Guudlaawe oo ka hadlay kulankaasi. Dhankooda xubnaha Senatarada cusub oo ay ka mid ahaayeen Muuse Suudi iyo Dr Dufle oo madasha ka hadlay ayaa uga mahad-celiyey madaxda HirShabelle, sida hufan ee ay u qabteen doorashada Golaha Aqalka Sare, gaar ahaan xubnaha ka imaanaya maamulkaasi. Si kastaba, doorashada HirShabelle ee Aqalka Sare ayaa haatan hakad-gashay, waxaana harsan illaa laba kursi oo kale oo mid ka mid ah uu dhowaan hareeyey buuq xoogan. The post Sawirro: Muxuu Guudlaawe kala hadlay Senatarada lagu doortay magaalada Jowhar? appeared first on Caasimada Online.

Families are invited to a Somali-language storytime 10:30 a.m. Saturday in the children’s wing at Blue Earth County Library, 100 E. Main St. Source: Hiiraan Online

Xoghayaha arrimaha dibadda dowladda Mareykanka Antony Blinken ayaa bayaan uu soo saaray ugu baaqay in si deg deg ah loo xaliyo khilaafka ka dhex taagan hogaanka Villa Soomaaliya. Qoraalka ka soo baxay Blinken ayaa lagu sheegay in cawaaqib xumo aan la mahdin ay horseedi karto khilaafka u dhaxeeya Farmaajo iyo Ra’iisul wasaare Rooble. “Iskaashiga hogaamiyayaasha Soomaalida – gaar ahaan madaxweyne Farmaajo iyo ra’iisul wasaare Rooble – wuxuu muhiim u yahay xaqiijinta in dalka uu si deg deg ah usoo geba-gebeeyo hanaanka doorashada ee socda,” ayuu yiri Blinken. Xoghayaha ayaa sidoo kale ugu baaqay labada mas’uul in ay si nabad ah u soo afjaraan ismari waagooda mudada dheer taagan. “Muranka hadda u dhaxeeya madaxweyne Farmaajo iyo ra’iisul wasaare Rooble wuxuu halis u yahay inuu adkeeyo hanaankan, wuxuuna u baahan yahay in loo xaliyo si deg deg oo nabad ah,” ayuu ku daray. Mareykanka ayaa sidoo kale labada dhinac ugu baaqay in ay ka fogaadan xaald waliba oo xasarad Abuuri karta. “Doorashooyinka oo deg deg loo soo geba-gebeeyo waxay gacan ka gaysan doonaan horumarinta ajendaha ka hor-tagga argagixisanimada Soomaaliya, waxayna dowladda xigta siin doonaan fursad ay wax uga qabato baahida shacabka Soomaaliyeed. Muwaadiniinta Soomaaliyeed ma mudna wax intaas ka yar,” ayuu yiri Xoghayaha arrimaha dibadda dowladda Mareykanka Antony Blinken. Goobjoog News Source: goobjoog.com

Wasaaradda Caafimaadka Xukuumadda Federaalka Soomaaliya ayaa sheegtay in dalka uuwajahayo mowjada seddaxaad ee xanuunka COVID-19 oo markale soo laba kacleeyay. Wasaaradda ma aysan shaacin ayaa xaqiijin nooca viruska ee hadda soo laba kacleeyay hase ahaatee loo baahan yahay dhaqam galinta nidaamka caalimaga ah ee ka hortaga iyo xakameynta caabuga COVID-19 iyo Talooyinka. Wax ay wasaaradda caafimaadka ay soo gudbisay yaraynta isku socodka iyo kulamada marka laga reebo kuwa daruuriga ah, bandow habeenkii ah, in la joojiyo kulamada iyo isku imaatinnada dadka. War- ka soo baxay Wasaaradda Caafimaadka ayaa lagu sheegay in dowladda Soomaaliya ay ka walaacsan tahay “xaaladda isa soo tareysa ee dib u soo laabashada caabuqa COVID-19. Wasaaradda ayaa soo gudbisay tallaabooyin ay tahay in la qaado, kuwaas oo ay ka mid yihiin dhimista badani kasoo qaybgalaan, Iyo in dadka ka imanaya 11 waddan ay iska soocaan dadka kale muddo 14 maalmood ah. Source: goobjoog.com

Muqdisho (Caasimada Online)- Wararka naga soo gaaraya magaalada Muqdisho ayaa sheegaya in diyaarad qaas ah ay saakay xiligii hore garoonka diyaaraddaha Muqdisho kasoo dejisay Agaasimihii hore ee NISA oo ra’iisul wasaare Rooble xilka ka qaaday. Diyaarad gaar ah oo ka timid dalka Turkiga lana socdeen xubno uu hoggaaminayay Fahad Yaasin ayaa soo caga dhigatay garoonka Muqdisho waaberigii saakay, halkaasi oo ay ku sugayeen ciidamo gaar ah oo usoo galbiyay dhinaca madaxtooyada. Imaanshaha Fahad Yaasiin iyo xubnaha la socday ayaa ahaa mid qarsoodu ah oo aysan ka war qabin xubnaha xafiiska ra’iisul wasaaraha oo horay u xayiray in diyaarad sida aysan soo caga dhigan garoonka diyaaradaha Aadan Cadde ee Muqdisho. Fahad Yaasiin ayaa dib looga celiyay garoonka diyaaraddaha Jabuuti 17-ka bishan xili uu kusoo jeeday Muqdisho, iyadoo diyaaraddii uu saarnaa ee Turkish Airline ay diiday inay u socdaasho Muqdisho, dibna ugu laabatay magaalada Turkiga oo ay kasoo kicintay. Xafiiska madaxweynaha mudo xileedkiisa dhaamaday ayaa tallaabadaasi ku eedeyay dowladda Jabuuti oo la fahansan yahay inaysan wax shaqo ah ku laheyn, balse hay’adda duulista Somalia uu amarkaasi kasoo baxay iyadoo tixgelineysay amar ugu yimid xukuumadda. Fahad Yaasiin oo saaxiibkiis Farmaajo xil ka qaadistiisa kadib u magacaabay la-taliyihiisa amniga ayaa la filayay inuu ka qeybgalo shirkii golaha amniga ee uu ku baaqay madaxweynaha mudo xileedkiisa dhamaayay si uu ugu soo bandhigo xog ku saabsan marxuumad Ikraan Tahliil oo lagu tuhmayo Fahad Yaasiin iyo saraakiil ka tirsan NISA iyo madaxtooyada balse dib loo dhigay markii Fahad Yaasiin 18-kii bisha lagu celiyey Jabuuti, oo uu Muqdisho iman waayey, kadibna dib ugu laabtay Istanbul. Illaa hadda lama oga in wada ogolaansha uu ku yimid Muqdisho Fahad Yaasiin iyo in kale, base waxy u eg tahay inuu si dhuumaaleysi iyo ka war qab la’aan uu kusoo gaaray Muqdisho. Waxaana la sugayaa saacadaha soo socda war hor leh oo cusub. Ali Muhiyaddiin Caasimada News The post Fahad Yaasiin oo si lama filaan ah ku yimid Muqdisho appeared first on Caasimada Online.

Wasaaradda Amniga Puntland iyo madax ka socota Xafiiska Qaramada Midoobay u qaabilsan Soomaaliya ee (UNSOM), ayaa shir gaar ah ku yeeshay xarunta wasaaradda ee caasimadda Garoowe. Shirka waxa ka qayb-galay Wasiirka Puntland, oo ay wehliyaan Wasiir xigeenada Wasaaradda iyo Agaasimaha Guud. Sidoo kale wefdiga UNSOM waxaa hogaaminayay Marco oo ah hogaanka ROLS-UNSOM. Shirka ayaa lagaga hadlay dardargelinta Barnaamijka Amniga Doorashooyinka, u diyaar garowga mashruuca JPP – wajiga labaad iyo siday labada dhinac oga wada shaqayn lahayeen mashaariicda hormarinta ee Puntland. War ay soo saartay wasaaradda Amniga Puntland ayaa lagu sheegay, in Shirkaas kusoo dhamaaday is afgarad iyo natiijo wax ku ool ah. PUNTLAND POST The post Puntland iyo Qaramada Midoobay oo ka shiray Amniga doorashooyinka appeared first on Puntland Post.

Taliyihii Haya’adda sugida Qaranka ee shaqada laga eryay Fahad Yaasiin ayaa saaka ka soo degay garoonka diyaaradaha Aadan Cadde ee magaalada Muqdisho. Fahad Yaasiin oo loo haysto Kiiska Ikraan Tahliil ayaa kol hore lagu xanibay magaalada Jabuuti ee Dalka Jabuuti dibna loogu celiyay Dalka Turkiga. Mr Yaasiin ayaa la sheegay in Garoonka Muqdisho ay ka soo dejisay diyaarad gaar ah oo uu ka soo qaatay dalka Turkiga halkaas oo uu maalmahanba uu ku sugnaa. Shirkii Golaha Amniga Qaranka ee qorshuhu ahaa inuu ka qabsoomo magaalada Muqdisho ayaa u baaqday sabab la xiriirta dhinacyadii ka qayb gali lahaa oo jawaab siin Villa Soomaaliya iyo Maqnaanshaha Fahad Yasiin . Fahad Yaasiin oo shaqada laga eryay ayaa Shirka ka jeedin lahaa Warbixin la xiriirta maqnaanshaha Ikraan Tahliil oo ka tirsan Hay’adda NISA oo ku maqan isla Hay’ada. Goobjoog News Source: goobjoog.com

The Somalia National Bureau of Statistics (SNBS) of the Federal Republic of Somalia has signed a historic formal agreement with the Food and Agriculture Organization (FAO) of the United Nations to transfer the Food Security & Nutrition Analysis Unit (FSNAU) and the Somalia Water & Land Information Management (SWALIM) Programs from FAO to the SNBS. Source: Hiiraan Online

The Somalia National Bureau of Statistics (SNBS) of the Federal Republic of Somalia has signed a historic formal agreement with the Food and Agriculture Organization (FAO) of the United Nations to transfer the Food Security & Nutrition Analysis Unit (FSNAU) and the Somalia Water & Land Information Management (SWALIM) Programs from FAO to the SNBS. Source: Hiiraan Online