Dagaalka buuraha ka socda ee Puntland ay ku qaadday Daacish wax weyn buu ka tarayaa ammaanka Puntland iyo guud ahaan Soomaaliya. Boosaaso: Madaxweyne Deni iyo wafdiga waday taakuleynta Galmudug Bishii November ee sanadkii tegay ayaa dowladda Puntland waxay si cad u soo ban-dhigtay cudud ciidan oo loogu talo galay inay ka saaraan ururka argagixisada ah ee Daacish buuraha Calmiskaad ee gobolka Bari ee Puntland. Daacish ayaa sanadkii 2015 waxaa Soomaaliya uga dhawaaqay Cabdulqaadir Muumin isla markaasna noqday hoggaamiyaha iyo amiirka wakiilka uga ah ururka ISIS Soomaaliya. Cabdulqaadir Muumin ayaa isla sanadkaas ka baxay ururka Al-Shabaab, markii ay hanjabaad uga timid ururka Al-Shabaab, wuxuuna muddo gaaban uu buuraha Calmiskaad ka dhisay xarumo iyo sal-dhigyo ciidan kuwaasoo oo ku soo aruuriyay ciidamo iyo xubno sar-sare oo heer caalami ah oo ka tirsan ururka Daacish, waxaana shaki la’aan ah in xarumaha Calmiskaad ee ururka Daacish ay dhiseen, maal geliyeen, qalabeeyeen hoggaanka argagixisada caalamiga ah ee Daacish. Muddada 10ka sano ah ee kooxdaas ay daganeyd buuraha gobolka Bari waxay run ahaantii culeys iyo dhibaato joogta ah ku hayeen shacabka deegaannadaas ku dhaqan xag nolol iyo horumarba. Maamulka Puntland oo xogo badan ka hayay kooxda iyo nidaamka ay u abaabulantahay ayaa run ahaantii ku dadaalayay inay wax yeeladu yaraato, nolosha dad-weynahana ay sideedii caadiga ahayd u socoto wuxuuna muddadaas ay joogeen la galay dagaalo faro badan iyadoo waliba ay culeysyo kale uga imaanayeen dagaallada siyaasadeed ee maamullada dhexdooda ah iyo dagaalka kooxda Al-Shabaab. Dagaalkan, hadda ay qaadeen ciidammada Puntland waxaa shaki la’aan ah in mar hore loo baahnaa in la qaado laakiin sababo badan baa hor taagnaa kuwaasoo wali qaarkood ay taaganyihiin ayaa haddana waxaa soo baxay cabsi weyn oo caddeyn u ah in kooxdaas ay soo dhameys tirtay diyaar garowgeedii colaadeed ay qorsheyneysay inay ku wax yeeleyso qaybo ka mid Puntland gaar ahaan magaalada Boosaaso oo iyada deegaan ahaan aan wax badan ka fogeyn buuraha Argagixisada sal-dhigga ka dhigatay, waxaana joogta noqday wax yeellada ay kooxdaas ku hayso dadka shacabka ah gaar ahaan dadka ku nool deegaannada buuraha dhexdooda ah, waxaana maalin kasta deegaannada ay joogaan laga soo sheegi jiray, xoolo ay dhaceen, dad la waayay ama la wax yeeleeyay, waxay sidaas oo kale cago jugleyn iyo si xoog ah lacago uga qaadayeen ganacsatada gobolka Bari gaar ahaan kuwa ku dhaqan magaalada Boosaaso… Gacanta Sare waxaa Alle idankii iska leh shacabka Soomaaliyeed, Geerida teeda Foosha xunna waxaa leh shisheeyaha soo duulay iyo kuwa duleysan ee cadowga u soo raacay dadkooda! Waxaa la wada ogyahay dadka Soomaaliyeed duulaan dhinacyo badan ah lagu soo qaaday, waxaana shaki la’aan ah in qaybo badan oo duulaankaas ah ay ku jiraan qorshayaal is diidan ay diyaariyeen sir-doono dalal shisheeye ah oo siyaasad iska soo hor jeeda, middaasna waxaa laga garan karaa dhaqanka madaxda dowladda federaalka ah, waxaa laga garan karaa sida dowladaha shisheeyaha qaarkood aysan dan uga lahayn xiriirka diblomaasiyadeed ee kala dhexeeya Soomaaliya, waxaad arkeysaa dalal colaad ka dhexeyso oo haddana uusan midna uga xumeyn midka kale xiriirka ay dowladda Soomaaliya la leedahay midka kale ama dalka cadowgiisa ah, taasoo uu macnaheedu yahay inay dalkiiba kala qaybsadeen oo aysan jirin wax uga lumaya xiriirka dalka cadowgiisa ah uu la leeyahay Soomaaliya… Weydiimaha jawaabtooda aan cidina kuu sheegi kareyn waxaa ka mid ah, 11kii bishaan aan ku jirno duulaan ay soo qaadday kooxda Daacish waxay Mootooyin (Motorcycle) lagu sheegay tiradooda 40, marna 60 lagu sheegay, oo wada cusub oo qaraxyo lagu soo qaaday! Isla maalinkaas sida la shaagay argagixisada waxaa laga dilay 87 nin, sida la sheegay 81 ka mid ah waxay ahaayeen rag aan Soomaali ahayn!…dagaalkii ugu horreeyay oo ay ku dhimatay 57 argagixisa ah intaba waxaa lagu sheegay inay ahaayeen niman aan u dhalan Soomaaliya, ilaa iyo hadda wararka soo baxay waxay tilmaamayaan dadka ugu badan ee ka dagaalamaya buuraha Calmiskaad inay shisheeye yihiin!…Bal adigu ka feker, qalabka iyo hubka ay ku dagaalamayaan, teknoolojiga, gaadiidka, waxay baneeyeen jidad oo dhul dhan bay dhirtii iyo buurihii iyo dhagaxaantii taalay ka baneeyeen oo wado ka bixiyeen…Sidee bay waxaas oo agab ah ku heleen? Waxaas ma qarsoomi karaan ee yaa gaarsiiyay?…dadkaan xagee bay soo mareen? Ilaa iyo hadda wax la ogyahay meesha uu soo maray iyo sida uu kooxdaas ugu biiray waxaa la hayaa hal nin oo Yaman ah oo la yiri barfuuno ayuu wareejin jiray… Galmudug oo garab istaagtay Puntland! Waxay ahayd arrin aad muhiim u ah in Galmudug iyo cid kasta oo Soomaaliyeed ay dagaalkaas kaalinteeda ka qaadato, shaki iigama jiro garab istaaga Galmudug inta uu dagaalkaas ka tarayo waxaa ka weyn inta uu ka tarayo midnimmada dadka Soomaaliyeed, waxaa ka weyn inta uu niyad jab ku ridayo cadow badan oo rumeysnaa inay Soomaaliya kala tagtay sidii Dibi-Gaduud, Dibi-Madow iyo Dibi-Cadde, waxaa ka weyn sida ay u nooleyneyso niyad samidii iyo dadnimadii inay doorsoontay cadowgu isugu sheekeynayay!…Dadka Soomaaliyeed waa u mideysanyihiin difaac dalkooda, ciddii hiil tarteyna waa yaqaanaan, cadowgoodana waa yaqaanaan!… waxaana la gudboon shacabka Soomaaliyeed in dagaalka kasta iyo khilaafaadka iyo tuhunnada la dhex dhigay ay ka gudbaan, ayna gaaraan oo ay fahmaan xaqiiqda ah inay yihiin naf qur ah, dagaal kasta oo gobol Soomaaliyeed lagu soo qaadana ay waajib tahay inuu ka qayb qaato qof kasta oo Soomaali ah. Dagaalkaan ay Puntland gashay waa inuu ku soo dhammaadaa wax looga samri karo dhallinyarada dadkooda iyo dalkooda difaaciisa u dhintay, waa inuu ku soo dhammaadaa inay quustaan shisheeyaha xudduudaha dalka ka soo talaabaya, waa inuu ku soo dhammaada in cadowgu uusan si fudud ugu soo dhiiran inuu si guracan u soo damaaciyo dhul Soomaaliyeed, waa inuu ku soo dhammaadaa inaysan Soomaaliya ahayn sida ay is fahamsiiyeen, cadow kasta oo dalka Soomaaliya soo galana lagu aaso ee uusan ka noqon isagoo libin ku faanaya…waxaana shaki la’aan ah in dagaalka ay maanta ku jirto Puntland uu farriin u yahay cadow kasta oo shisheeye ah oo Soomaaliya gudaheeda falal argagixiso ka wado, isla markaasna uu wax ka tarayo sugitaanka ammaanka guud ee dalka Soomaaliya iyo dowladnimmadeeda. Waa la dhimanayaa, haddii ay dagaal tahay iyo haddii ay nabad tahayba, dadka Soomaaliyeed ee dagaalyahanimmada u dhashay, ee aan aqoon cabsida, waxay aad u fahamsanyihiin cadowga maan-gaabka inuu maanta damaciisa aad u sareeyo, inuu ku fekerayo Soomaaliya maanta ayeey kuu dagantahay… Oo waliba waa laynoo soo bareeray oo waxayba gaartay in nin inta golayaasha soo fariisto uu yiraahdo dhul Soomaaliyeed baan qaadanayaa… Gacanta Sare waxaa Alle idankii iska leh shacabka Soomaaliyeed, Geerida teeda foosha xunna waxaa leh shisheeyaha soo duulay iyo kuwa duleysan ee cadowga u soo raacay dadkooda! Waxaa iyadana talo wanaagsan ah in dadyowga xudduudaha ka soo tallaabay ama ka yimid dalalka deriska dib loogu celiyo dalalkooda, maaddaama ay jiraan cadeeymo loo hayo in kuwo badan ay ku biireen Argagixisada Daacish. Axmed-Yaasiin Max’ed Sooyaan The post Dagaalka lagula jiro Daacish ka qayb qaadashadiisa Soomaali oo dhan buu waajib ku yahay! appeared first on Puntland Post.

Madaxweynaha dowlad goboleedka Puntland Siciid Cabdullaahi Deni, ayaa qaabilay wafdiga ka socday Galmudug, kuwaasi taakulo iyo garab istaag u muujiyey ciidanka dagaalka kula jira kooxda Daacish. Wafdiga Galmudug ayaa taakuladii ay wadeen ku wareejiyeen guddiga taakuleynta iyo daryeelka hawlgalka ka dhanka ah Daacish ee ka socda buuraleyda Calmiskaad ee gobolka Bari. Madaxweyne Deni ayaa boggaadiyey garab istaaga Galmudug u muujisay ciidanka Puntland iyo hawlgalka ka socda gobolka bari, wuxuuna xusay in ay muhim tahay in meel looga soo wada jeesto kooxaha Daacish iyo Alshabaab. Source: goobjoog.com

Ugu yaraan 9 qof ayaa dhintay , kuwaas oo siddeed ka mid ahi ay ku sugnaayeen gobolka Kentucky, ka dib markii ay saameeyeen qaboowga daran ee xilliga jiilaalka iyo daadad ka dhashay roobab ka da’ay gobollo dhowr ah oo ku yaalla Mareykanka. Guddoomiyaha gobolka Kentucky, Andy Beshear, ayaa sheegay in boqollaal qof laga soo samatabixiyay meelaha ay daadadku ku dhufteen. Wuxuu intaas ku daray in dadka dhintay ay ku jireen hooyo iyo ilmo yar oo 7 jir ah oo ay dhashay, kuwaas oo baabuurkii ay la socdeen ay liqeen biyo jooggoodu aad u sareeyay. dabeylo xoog leh ayaa korontada ka jaray ilaa 39,000 oo guri, wuxuu guddoomiyaha gobolka Kentucky ka digay in dabeyluhu ay ka sii socon doonaan meelaha qaar. Source: goobjoog.com

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo xarigga ka jaray Hosbitaal casri ah oo laga hirgeliyey magaalada Muqdisho ayaa xusay ahmiyadda ay leedahay maalgelinta adeegyada caafimaadka oo, baahi weynna ay u qabaan dadka Soomaaliyeed. Madaxweynaha ayaa ku bogaadiyey ganacsatada Soomaaliyeed iyo dhallinyarada mashruucan hirgeliyey, waxa uuna xusay in dadaallada noocaan ah ay qeyb ka yihiin horumarinta adeegyada caafimaadka iyo yareynta safarrada caafimaad ee dibadda. “Arrinta caafimaadku aad ah ayeey ii taabaneysaa. Boqol qof ilaa 150 qof oo caafimaad dibadda u aadaaya ayaa maalin walba dalka diyaarad looga qaadaa. Dhallinyarada inta fariistay, qorsheeyay, maalgelinta raadsaday ee mashruucaan fuliyay kaliya adeeg caafimaad ma soo kordhin ee dhaqan cusub ayey bahda caafimaadka ku soo kordhiyeen”. Madaxweynaha Jamhuuriyadda ayaa soo bandhigay qorshaha saddex geesoodka ee isbaheysiga ganacsatada iyo dowladda, shanta sano ee soo socota, kaas oo ay ka mid yihiin hirgelinta 6 Isbitaal oo laga dhisayo dhammaan Soomaaliya iyo sare u qaadidda tayada caafimaad ee dalka. Hosbitaalka Hodan ee Madaxweynaha Jamhuuriyaddu uu xarigga ka jaray ayaa lagu hirgeliyey maalgelin ka badan $12 milyan oo dollar, iyadoo la qorsheynayo in lagu dabiibo cudurro badan oo dalka dibaddiisa loo aadi jiray, caqabado iyo culaysna ku ahaa dadkeenna Soomaaliyeed. Source: goobjoog.com

Nairobi (Caasimada Online) – Dowladda Kenya ayaa markii ugu horeysay ka hadashay safarkii uu dhawaan madaxweynaha Jubbaland, Axmed Madoobe ku tegay dalkeeda iyo xiisadda Madoobe kala dhaxeysa dowladda federaalka Soomaaliya. Kenya ayaa iska fogeysay inay dhinaca saartay Axmed Madoobe oo haatan si weyn isku hayaan dowladda federaalka ee uu hoggaamiyo madaxweyne Xasan Sheekh Maxamuud. Xukuumadda Nairobi ayaa sheegtay in safarkii Axmed Madoobe ee caasimadda Kenya uu la xiriiray wada-hadallo dhex-dhexaadin ah oo Kenya ay ka dhex waday maamulka Jubbaland iyo dowladda federaalka Soomaaliya, sida uu shaaciyay Aadan Barre oo ka tirsan xukuumadda Ruto. Aadan Barre Ducaale, Wasiirka Wasaaradda Deegaanka ee Kenya oo bixiyay wareysi ayaa caddeeyay in dowladda uu hoggaamiyo madaxweyne William Ruto ay arrimaha Soomaaliya keliya kala macaamilayso dowladda federaalka Soomaaliya, islamarkaana ay doonayso in dowlad goboleedyadu ka dambeeyaan dowlada dhexe. Sidoo kale wuxuu tilmaamay in xukuumadda Nairobi ay madaxweyne Xasan Sheekh u caddaysay mowqifka dowladda Kenya ee arrimaha Soomaaliya intii lagu jiray shir-madaxeedkii dalalka bariga Afrika ee dhawaan ka dhacay magaalada Caruushe ee dalka Tanzania. Hadalkan ayaa imaanaya, xilli bishii lasoo dhaafay ee Janaayo uu Axmed Madoobe ku tegay Kenya safar hadal-hayn xooggan abuuray, taas oo markaas loo arkayay in Kenya ay dhinaca saartay Madoobe, oo dowladda dhexe u jartay waaran soo qabasho, kuna soo rogtay maamulkiisa xanibaad dhanka duulimaadyada ah. Kenya oo dhaqaale badan ka hesha Soomaaliya ayaa haatan u muuqata mid iska ilaalineysa wax kasta oo mad-madow gelin kara xiriirkeeda dowladda dhexe, kaasi oo ay u aragto mid muhiim ah.

https://qarannews.com/wp-content/uploads/2025/02/AQMPgeMf80M7208cjyLLz_0uy0fGov713msE5isGiwuSvvdMW8A5jigdiAVfHaKzgu7pTx2mndfILuXxXBqmlWdy.mp4 Qaran News

Mogadishu (HOL) – A Somali opposition figure has alleged that President Hassan Sheikh Mohamud's administration has secretly assembled a 10,000-member special force to suppress political opposition in the country. Source: Hiiraan Online

Mogadishu (HOL) – The Somali National Army, particularly the elite Danab commandos, carried out military operations in coordination with Jubbaland’s Dervish forces in Jamaame district, Lower Juba region, in the past few hours. Source: Hiiraan Online

Madaxweynaha dowladda Puntland Mudane Siciid Cabdullaahi Deni, ayaa maanta qaabiley wefdiga ka socday Galmudug, kuwaasi oo taakulo iyo garab istaag u muujiyey Ciidanka geesiyaasha ah ee Argagixisada Daacish ka sifeynaya Puntland. Madaxtooyada Puntland oo qoraal soo saartay ayaa sheegtay in wefdiga Galmudug taakuladii ay wadeen ku wareejiyeen shalay Guddiga taakuleynta iyo daryeelka Hawlgalka Ciribtirka Argagixisada ee Puntland Madaxweynaha ayaa boggaadiyey garab istaaga Galmudug u muujisay Ciidanka iyo hawlgalka socda, wuxuuna xusay in ay muhim tahay in meel looga soo wada jeesto ciribtirka Argagixisada Daacish iyo Shabaab oo labudaba khatar ku ah guud ahaan Soomaaliya iyo Gobolka oo dhan. Kulanka waxaa ka qeybgalay Masuuliyiinta Gobolka Mudug ee Puntland, Guddiga taakuleynta iyo daryeelka ciidanka hawlgalka kujira, xubno ka mid ah goleyaasha Dowladda iyo saraakiil Madaxtooyo. PUNTLAND POST The post Madaxweyne Deni oo qaabiley wefdi ka socday Galmudug oo garab istaag u muujiyay ciidamada Puntland appeared first on Puntland Post.

Boosaaso (Caasimada Online) – Dowladda Isu Tegga Imaaraadka Carabta ayaa kaalin wayn oo muuqata ka qaadaneysa dagaalka ka dhanka ah kooxda Daacish ee haatan ka socda dhulka buuraleyda ah ee gobolka Bari, sida ay shaacisay Puntland-Soomaaliya. Qoraal kasoo baxay Taliska Howlgalka Ciribtirka Argagixisada ee Puntland ayaa lagu caddeeyay doorka Imaaraadka ee howlgallada lagu beegsanayo maleeshiyaadka Daacish, isaga oo dhanka hawada ka taageeraya ciidamada Puntland ee dagaalka adag ku jira. Duqeyntii ugu dambeysay ayuu Imaaraadka xalay ka gaystay aagga Buuraha Calmiskaad, waxaana lagu dilay in ka badan 10 ka tirsanaa kooxda Daacish, sida ay sheegtay Puntland. “Duqeyntii labaad waxa hada lala beegtay, Darar-madoobe, In ka badan 12 Argagixiso ah oo xubno sarsare kujiraan ayaa lagu dilay, Gaari xamuul ahna waa laga gubay. Waxa iska kaashanaya duqeynta Puntland iyo saaxiibada UAE” ayaa lau yiri warsaxaafadeedka. Sidoo kale dowladda Imaaraadka Carabta ayaa taageerta ciidamada Puntland, waxayna ka gacan siiyaa dhaqaalaha, tababarka iyo saanadda ciidan ee ay u baahan yihiin. Marka laga tego Imaaraadka, waxaa isna dagaalkan qayb ka ah Mareykanka oo duqeymo diyaaradeed ka fuliya Puntland, kuwaas oo khasaare lagu gaarsiiyay Daacish. Si kastaba, Madaxweynaha dowlad-goboleedka Puntland Mudane Siciid Cabdullaahi Deni ayaa dhowaan albaabada u furay cid weliba oo gacan ka geysaneysa howlgallada ka dhanka ah Daacish ee maalmaha badan ka socda dhulka buuraleda ah ee gobolka Bari.

Dowladda Mareykanka ayaa sheegtay in duqeyn ay xalay ka fuliyeen buuraha Calmiskaad ee Puntland lagu dilay laba sarkaal oo ka tirsan kooxda ISIS, iyadoo aanay jirin waxyeello soo gaartay dadka rayidka ah. Taliska Ciidamada Mareykanka ee Afrika (AFRICOM) ayaa intaas ku daray in duqeyntan ay fuliyeen iyagoo kaashanaya Dowladda Federaalka Soomaaliya. Duqeyntan ayaa qeyb ka ah howlgallada isdaba-joogga ah ee lagu bartilmaameedsanayo xubnaha sar-sare ee kooxda ISIS ee ku sugan buuraha Calmiskaad. Bishan horraanteedii, Mareykanka ayaa sheegay in duqeyn ka dhacday 1-dii Febraayo lagu dilay Axmed Maeleninine, oo ahaa sarkaal sare oo u dhashay dalka Cumaan, kana tirsanaa kooxda ISIS. Maeleninine ayaa lagu eedeeyay inuu mas’uul ka ahaa askaraynta iyo maalgelinta howlgalada dibadda ee kooxda, oo ay ku jiraan weeraro laga fuliyo dalalka Mareykanka iyo Yurub. Sidoo kale, maamulka Puntland ayaa sheegay in duqeymo ka dhacay deegaanka Shebaab ee buuraha Calmiskaad lagu dilay in ka badan 30 dagaalyahan oo ka tirsan ISIS, kuwaas oo badankood ahaa ajaanib. Duqeyntan ayaa sidoo kale lagu burburiyay gaari saadka u siday kooxda. Howlgalladan wadajirka ah ee ay fuliyeen ciidamada Mareykanka iyo kuwa dowladda Soomaaliya ayaa lagu beegsanayaa xarumaha iyo xubnaha muhiimka ah ee kooxda ISIS, si loo wiiqo awooddooda iyo khatarta ay ku hayaan gobolka. Source: goobjoog.com

Mogadishu (HOL) – The United States carried out an airstrike in northeastern Somalia on Sunday, killing two ISIS militants, U.S. Africa Command (AFRICOM) said in a statement Monday. Source: Hiiraan Online

Muqdisho (Caasimada Online) – Dowladaha Soomaaliya iyo Itoobiya ayaa mar kale qorsheynaya inay sii amba qaadaan wada-hadalladii u dhexeeyay ee ka socday magaalada Ankara ee dalka Turrkiga, kuwaas oo horay xal looga gaaray xiisadda labada dal oo haatan lasii dhammeystirayo. Warar soo baxaya ayaa sheegaya in haatan dowladda Soomaaliya ay dirtay guddi farsamo oo ka qayb-galaya wajiga koowaad ee wada-hadallada dib uga bilaabanaya dalka Turkiga. Ujeedka ugu wayn ee wada-hadallada farsamo ee bilaabanayo ayaa ah sidii loo dhaqalin lahaa heshiiskii Ankara, sida uu shaaciyay wasiirka warfaafintaSoomaaliya Daud Aweys. Qoraal uu wasiirka soo dhigay bartiisa Twitter-ka ayaa waxa uu ku sheegay in uu hadda joogo Turkigan, uuna ka qayb-galayo wejiga 1-aad ee wada-hadallada u dhexeeya Soomaaliya iyo Itoobiya. “Waxaan qeyb ka ahay Wafdiga Soomaaliya ee u yimid Ankara si aan uga qeyb galno wejigii koowaad ee wada-hadallada farsamo ee u dhexeeya Soomaaliya iyo Itoobiya, kaas oo ujeeddadiisu tahay sahminta sidii loo dhaqangelin lahaa heshiiskii Ankara” ayuu yiri. Sidoo kale wuxuu sii raaciyay raaciyay “Soomaaliya waxaa ka go’an in ay abuurto nabadda, xoojinta iskaashiga, iyo dhismaha xiriirka diblumaasiyadeed ee ku dhisan is-faham iyo ixtiraam”. Dhinaca kale, Itoobiya ayaa iyaduna dirtay guddi kale oo farsamo oo ay is arki doonaan guddiga ay soo xushay dowladda Soomaaliya, waxaana diiradda la saari doonaan, sidii loo heli lahaa xal waara, Itoobiyana u heli lahayd marin biyood, iyada oo soo mareyso dowladda dhexe. Soomaaliya iyo Itoobiya ayaa haatan si weyn isugu soo dhawaaday, waxaana labada dal ay yeesheen wada-hadallo kala duwan oo foolka fool ah, kana kala dhacay magaalooyinka Addis Ababa iyo Muqdisho oo ay isku arkeen madaxda sare ee labada dowladood ee dariska ah.

Dowladda Mareykanka oo warbixin soo saartay ayaa saaka oo Isniin ah ku dhawaaqday in ay duqeymo lagu beegsaday Argagixisada ISIS xalay ka fulisay buuraha Calmiskaad ee Puntland, sida uu shaaciyay Taliska Ciidamada Mareykanka ee Qaaradda Afrika (AFRICOM). Warsaxaafadeed ka soo baxay Taliska Ciidamada Mareykanka ee Qaaradda Afrika ayaa lagu sheegay in duqeynta oo dhacday 16 Feb oo ku beegan xalay lagu beegsaday dagaallamayaasha kooxda Argagixisada ah ee Daacish, kaddib iskaashi lala sameeyay dowladda Federaalka Soomaaliya. Taliska Ciidamada Mareykanka ee Afrika ayaa sheegay in qiimeynta hordhaca ah ee AFRICOM ay muujisay in laba Argagixiye oo ka tirsan dagaallamayaasha Daacish lagu dilay duqeynta, islamarkaana aysan jirin wax khasaare ah oo ka soo gaaray rayidka, sida ku xusan Warsaxaafadeedka ka soo baxay Militariga Mareykanka. Warsaxaafadeedka dowladda Mareykanka, gaar ahaanna Taliska AFRICOM ayaa intaasi raaciyay in Talisku weli qiimayn ku wado khasaaraha ka dhashay duqeyntii xalay oo ay wakhtiga ku habboon shaacin doonaan macluumaadka dheeriga ah ee soo baxa. PUNTLAND POST The post Milatariga Mareykanka oo warbixin ka soo saaray duqeyn uu xalay Daacish kula beegsaday buuraha Calmiskaad ee Puntland appeared first on Puntland Post.

Muqdisho (Caasimada Online) – Warar kala duwan ayaa kasoo baxaya dab xooggan oo goordhow ka kacay suuq Bucaad oo ah suuqa labaad ee ugu wayn dalka. Dabka ayaa lasoo wariyay inuu qabsaday bakhaar ku yaalla gudaha suuqa, wuxuuna ku fiday goobo ganacsi oo horleh Wararka ayaa sheegaya in dabka uu ka dhashay koronto, waxaana haatan soconayo gurmad deg deg ah oo wadaan gaadiidka dab-damiska oo gaaray gudaha suuqa. Muuqaallo lagu baahiyay baraha bulshada ayaa sidoo kale muujinayo qiic fara badan oo qabsaday hawada sare ee waqooyiga Muqdisho oo ah halka uu ku yaallo suuqa gubanayo. Xaaladda ayaa kacsan, mana cadda inta uu gaarsiisan yahay baaxdda khasaaraha ka dhashay dabka ka kacay suuq Bacaad oo ku yaallo degmada Yaaqshiid ee gobolka Banaadir. Magaalada Muqdisho ayaa waxaa muddooyinkii dambe ku soo badanayay dhacdooyinka la xiriira gubashada oo horay uga dhacday Bakaaraha iyo xaafado kale oo ku yaal caasimada.

Wararka laga helo Suuqa labaad ee ugu weyn Soomaaliya ee loo yaqaanno suuq-bacaad, kuna yaalla degmada Yaaqshiid ayaa sheegay in dab xooggani uu qabsaday xarumo ganacsi oo halkaas ku yaalla, kuwaas oo burbur lixaad lihi soo gaaray. Goobjoogeyaal aan wareysannay ayaa inoo xaqiijiyay in dabku uu ka kacay goob ganacsi oo ku yaalla Suuqa, gaar ahaan qeybta lagu iibiyo saliidda cuntada lagu karsado, islamarkaana uu ku faafay xarumo kale oo meesha ka ag dhawaa. Gaadiidka dab damiska ayaa xilli dambe goobta soo gaaray, kuwaas oo ugu dambeyn ku guulaystay daminta dabka, balse ilaa seddax goobood oo ganacsi ayaa basbeelay oo gebi ahaanba gubtay sida ay sheegeen goobjoogeyaashu. Dabka qabsada suuqyada dalka ayaa ah dhibaato soo noqnoqata ee si joogto ah u galaafata dhaqaalaha ganacsata Soomaaliyeed, xalkeedana cidina iskuma xil saarto. Source: goobjoog.com

Sida ay Puntland sheegtay Saadaasha roobka ee xilliga Gu’-ga ee sannadkan 2025 waxaa la filayaa in uu noqodo mid hooseeya ixtimaal ahaan inta badan degaanada Puntland suurta galna ay-tahay in uu ka curto xili-hore. Degmooyinka Qardho, Carmo, Qandala, iyo Caluula ayaa saadaashu sheegaysaa inay helikaraan 40% roobab xadi ahaan caadi ah sida ku cad khariidadda saadaasha roobka. Khariidad ay soo saartay dowladda Puntland ayaa muujineysaa celceliska roobka ee bilaha March, Abriil, iyo May, waaxaana la filayaa inuu siyaado 75% heerkul ku dhamaan goboladda Puntland. Dowladda Puntland ayaa sidoo kale ugu baaqday dhammaan daneeya-yaasha sida hay’aadaha Dawladda, Hay’adaha caalamiga ah, iyo bulshadu in ay diyaar garow ka sameeyaan suurtagalnimada khataraha ka dhalan kara roob yarida. Halkaan ka eeg khariirada Saadaasha Roobka PUNTLAND POST The post Dowladda Puntland oo ka deyrisay Saadaasha Roobabka gu’-ga ee Sannadkan 2025 appeared first on Puntland Post.

Nairobi (Caasimada Online) – Wasiirka Gaashaandhigga dowladda Kenya Aadan Barre Ducaale oo wareysi gaar ah siiyay Wariye Cabdijaliil Show ayaa ka hadlay arrimo xasaasi ah oo ku aadan xaaladda Soomaaliya, gaar ahaan khilaafaadka ka jira gudaha dalka. Aadan Barre Ducaale ayaa soo hadal qaaday xiisadda haatan u dhexeysa dowladda Soomaaliya iyo maamulka Jubbaland, taas oo gaaray meeshii ugu xumeyd, kadib markii uu go’ay xiriirkii labada dhinac, sidoo kalena ay arrinta isku rogtay dagaal gacan ka hadal ah. Wasiirka ayaa sidoo kale shaaciyay mowqifka dowladda Kenya, wuxuuna tilmaamay in arrimaha gudaha Soomaaliya ay uga damabeyso dowladda Soomaaliyeed ee uu hoggaamiyo Madaxweyne Xasan Sheekh Maxamuud, ayna la shaqeyn doonaan. “Arrinka Jubbaland iyo DFS waa in lagu xalliyaa si diblumaasi ah, tan kale annagu waxaan ka dambeynaa Soomaaliya, muhiimaddeenu waxaa weeye in nabad-gelyadu annagoo walaal ah oo mideysan inaan u wajahno sidii loo xallin lahaa xiisadda” ayuu yiri wasiiku. Sidoo kale wuxuu raaciyay “Madaxweyne William Ruto wuxuu aqoonsan yahay in laga dambeeyo dowladda ka dhisan Villa Soomaaliya, xiriir fiican ayuuna leeyahay Madaxweyne Xasan”. Dhinaca kale wuxuu tilmaamay in dowladda Kenya ay haatan waddo dadaallo ay ku dhex-dhexaadineyso dowladda Soomaaliya iyo Jubbaland, si xal looga gaaro khilaafka taagan. Waxaa kale oo uu soo hadal qaaday safarkii Madaxweyne Axmed Madoobe ee magaalada Nairobi, wuxuuna tilmaamay inuu la xiriiray arrin diblumaasiyadeed iyo dadaallada lagu dhex-dhexaadinta isaga iyo sidoo kale Madaxweyne Xasan Sheekh Maxamuud. “Kenya kuma xad gudbin Soomaaliya, anagu waxaanu la simanahay DFS, booqashadii Axmed Madoobena waxay ahayd arrin diblumaasiyadeed, si looga wada-hadlo khilaafka ka taagan gudaha Soomaaliya, waxaana weli socda waa-waan” ayuu mar kale yiri. Hadalkan ayaa kusoo aadayo, iyada oo weli halkiisa uu yahay khilaafka Muqdisho iyo Kismaayo, kaas oo dhaliyay in xaalad adag ay gasho Jubbaland oo xayiraad xooggan ay saartay dowladda dhexe, waxaana sidoo kale labada dhinac dhex-maray dagaallo toos ah.

Turkey’s Ambassador to Somalia, Alper Aktaş, has embarked on a two-day visit to Somaliland, where he met with officials in Hargeisa to discuss development support, strengthen bilateral ties, and potentially mediate in the stalled Somalia-Somaliland talks. During his visit, Ambassador Aktaş met with Somaliland President Abdirahman Abdillahi Irro, Foreign Minister Abdirahman Dahir Adan, and Kaah political party leader Mohamud Hashi Abdi, a key government ally. A statement from the Somaliland presidency highlighted discussions on trade, investment, education, healthcare, and diplomacy. “The President emphasized the importance of direct and strategic cooperation,” the statement read. Similarly, President Irro’s foreign affairs adviser, Mohamed Hagi, described the visit as marking a “new chapter” in Turkey-Somaliland relations. “Somaliland and Türkiye share deep historical ties and cultural affinities, and with the Türkiye Ambassador’s fruitful discussions with H.E. the President, a new phase in their bilateral relations is set to begin,” he wrote on X. The Turkish Embassy also stated that discussions focused on Türkiye’s past support for Somaliland’s development and preparations for new projects in the near future. Türkiye’s Strategic Role in Regional Diplomacy Türkiye has been actively involved in regional mediation, notably hosting talks in Ankara last December between Somalia’s President Hassan Sheikh Mohamud and Ethiopian Prime Minister Abiy Ahmed to de-escalate tensions over Somaliland’s controversial MoU with Ethiopia. The visit has sparked debate online, with some pro-Somalia groups accusing Türkiye of playing a “double game” in the region. However, Ankara’s engagement in Somaliland comes amid prolonged deadlock in talks between Hargeisa and Mogadishu, with diplomatic sources suggesting Türkiye may attempt to revive negotiations. U.S. Interest in Somaliland As Türkiye deepens its involvement in Somaliland, the geopolitical landscape in the Horn of Africa is shifting, with major international players maneuvering for influence amid discussions on Somaliland’s potential recognition. The renewed Turkish engagement also coincides with reports that the new Donald Trump administration in the U.S. is considering formally recognizing Somaliland. This move is reportedly influenced by Washington’s strategic interest in countering China’s growing presence in Djibouti, where the U.S. maintains a key military base. Berbera, Somaliland’s major port on the Gulf of Aden, has long been seen as a potential alternative for U.S. military operations. Just last week, President Irro spoke at the World Governments Summit in Dubai, advocating for Somaliland’s recognition and highlighting its strategic geographical importance. Horn Observer Qaran News

Mogadishu (HOL) — Saudi authorities executed a Somali national convicted of drug smuggling and a Saudi citizen found guilty of murder, the Ministry of Interior announced on Sunday. Source: Hiiraan Online

Mogadishu (HOL) — Mogadishu (HOL) — A day after Somali President Hassan Sheikh Mohamud and Ethiopian Prime Minister Abiy Ahmed met to restore ties, officials from both nations have begun technical talks in Ankara to implement the Ankara Declaration and discuss Ethiopia’s bid for maritime access through Somali territory. Source: Hiiraan Online

Baydhaba (Caasimada Online) – Ciidanka Nabad-sugidda ee ka howl-gala deegaanada dowlad-goboleedka Koonfur Galbeed Soomaaliya ayaa maanta soo bandhigay carruur ay qoysaskooda ka afduubteen maleeshiyaadka Al-Shabaab, kadib howlgal ka dhacay gobolka Baay. Carruurta oo gaareyso illaa 4 ayaa waxaa lasoo wariyay in dhowaan ay qafaasheen Al-Shabaab, ayna doonayeen inay askareeyaan balse ay kasoo fakadeen, kadibna waxaa soo qabtay iyaga oo soo baxsaday ciidamada NISA ee ka howlgala magaalada Baydhaba. Muuqaal uu baahiyay Telefishinka Koonfur Galbeed ayaa waxaa kasoo muuqday carruurta oo aan gaarin da’da qaar-gaarnimada, waxayna ka sheekeeyeen sida ay ugu gacan galeen Al-Shabaab. Mid kamid ah carruurta ayaa sheegay in markii hore la tashkiiliyay, kadibna sidaas lagu kaxeeyay dhulka Al-Shabaab, gaar ahaan deegaanka Buush-Madiino oo la doonayay in lagu tababaro, balse ay markii dambe kasoo carareen, iskuna soo dhibeen ciidamada NISA. “Aniga oo waalidkey la joogo, waxbarashana ku jiro ayaa Al-Shabaab i tashkiilisay, kadibna way i wadeen waxayna i geeyeen Buush-Madiino oo aan joogay mudo 9 berri ah” ayuu yiri. Sidoo kale, carruurta ayaa dalbaday in la gacan qabto, isla markaana la siiyo waxbarasho, si ay u helaan mustaql fiican oo ka wanaagan midka adag ee Al-Shabaab. Dhowaan, sidaan oo kale ayaa xubno ka tirsanaa kooxda Al-Shabaab oo gaaraya illaa 10 dhalinyaro ah waxaa loogu soo bandhigay Baydhaba, kadib markii ay isa soo dhiibeen.

Since June 2024 — when a series of mass protests took place in Kenya — 82 cases of alleged forced disappearances were recorded by the Kenyan National Human Rights Commission. Source: Hiiraan Online

Baidoa (HOL) — Security forces in Somalia's South West State have rescued four children who were abducted by Al-Shabaab and forcibly taken from their families to be recruited as child soldiers, authorities said Monday. Source: Hiiraan Online

Mogadishu (HOL) — The Federation of Somali Trade Unions (FESTU) concluded its Fifth Quadrennial Congress in Mogadishu last week, marking a defining moment for the country's labour movement. The two-day event, themed "Empowering Workers' Voice for Justice, gathered 328 delegates, including representatives from Somalia's five Federal Member States and Mogadishu. Source: Hiiraan Online