Ciidamada Mareykanka oo sheegay inay ka cabsi qabaan in weerarrada Yemen ay saameyn xun ku yeelan doonaan diyaargarowga ciidamada ee badweynta Hindiya iyo Pacific-ga. Sarkaal ka tirsan Wasaaradda Difaaca Mareykanka (Pentagon) ayaa Jimcihii sheegay in cabsida laga qabo saameynta duqeymaha ka dhanka ah kooxda Ansar Allah (Xuutiyiinta) ee Yemen ay ku leeyihiin diyaargarowga ciidamada Mareykanka ee ku sugan badweynta Hindiya iyo Baasifigga “la buunbuuniyay,”. CNN oo soo xigatay ilo-wareedyo aan la magacaabin ayaa sheegay in ciidamada Mareykanka ay ka cabsi qabaan in weerarrada Yemen ay saameyn xun ku yeelan doonaan diyaargarowga ciidamada ee badweynta Hindiya iyo Pacific-ga. Wararka ayaa sheegaya in askartan ay ka xumaadeen hubka qaar ee loo adeegsaday Xuutiyiinta, maadaama ay muhiimad gaar ah u lahaayeen dagaalka ay kula jiraan Shiinaha, waxayna sidoo kale ka cawdeen in loo adeegsaday hubka riddada dheer. Shabakadda oo soo xiganeysa mas’uulkan ka tirsan wasaaradda gaashaandhigga ayaa sheegay in ay adag tahay in la ogaado tirada hubka u harsan xuutiyiinta. Laakiin waxa uu intaa ku daray, “Wax walaac ah kama qabno isticmaalka hubka riddada dheer marka loo baahdo si kor loogu qaado waxtarkayaga.” Dhinaca kale, ilo-wareedyadu waxay CNN u sheegeen in kharashka hawlgalka Maraykanka ee ka dhanka ah Xuutiyiinta uu yahay ku dhawaad ​​hal bilyan oo doollar wax ka yar 3 toddobaad, “in kasta oo saameyntiisa xaddidan tahay.” Waxay u badan tahay in ciidamadu ay u baahan doonaan inay dhaqaale dheeraad ah ka codsadaan Congress-ka si ay u sii wadaan weerarrada, iyagoo xusay in boqolaal milyan oo doolar oo rasaas ah loo adeegsaday weerarrada. Source

Milatariga Israa’iil ayaa sheegay Jimcihii in ay dileen taliyihii Xamaas Xasan Farhat ee gobolka Sidoon ee koonfurta Lubnaan. Diyaaradaha aan duuliyaha lahayn ee Israa’iil ayaa duqayn ka geystay magaalada dekedda leh ee Sidon ee dalka Lubnaan, waxaana Jimcihii lagu dilay xubin ka tirsan ururka Xamaas ee Falastiiniyiinta, sida uu sheegay sarkaal Falastiini ah. Milateriga Israa’iil ayaa xaqiijiyey weerarka waxayna sheegeen inay dileen taliyihii Xamaas, Xasan Farhat. Weerarka ayaa sidoo kale lagu dilay wiil uu dhalay Farhat, oo xubin ka ahaa kooxda Falastiniyiinta, iyo gabadhiisa, sida uu sheegay garabka militariga ee Xamaas. Garabka Milateriga Xamaas ee Ezzedine Al-Qassam Brigades, ayaa sheegay in Farhat lagu dilay gudaha gurigiisa oo ku yaalla magaalada Sidoon ee koonfurta Lubnaan, isaga iyo gabadhiisa oo shahiiday Jenan Hassan Farhat iyo wiilkiisa Xamza, oo sidoo kale xubin ka ahaa garabka milateri ee kooxda Falastiin. Source

Hungary ayaa ku dhawaaqday inay go’aansatay inay ka baxdo Maxkamadda Dambiyada Caalamiga ah, kaddib markii Netanyahu uu dalkaasi ku yimid booqasho rasmi ah oo afar maalmood ah. Belgium ayaa khamiistii muujisay sida ay uga xuntahay go’aanka Hungary ay uga baxday maxkamada dambiyada caalamiga ah (ICC). “Waa wax aad looga xumaado in Hungary ay ka baxayso heshiiskii Rome, heshiiskii aasaaska ee Maxkamadda Dambiyada Caalamiga ah,” Wasiirka Arrimaha Dibadda Belgium Maxime Prevot ayaa ku qoray bartiisa X. Prevot wuxuu xusay in Hungary ay noqon doonto dalka kaliya ee xubin ka ah Midowga Yurub ee aan lagu darin heshiiskii Rome. “Tani waxay dib u dhac weyn ku tahay cadaalada caalamiga ah iyo dagaalka lagula jiro isla xisaabtan la’aanta dambiyada ugu daran, oo ay ku jiraan xasuuqa, dambiyada ka dhanka ah bini’aadanimada, dambiyada dagaalka, iyo dembiga gardarrada,” ayuu yidhi. Prevot wuxuu ka digay in go’aankani uu halis ugu jiro kobcinta adduun “laga yaabo inay saxdo.” “Waxaa muhiim ah in la xasuusiyo Hungary in ilaa iyo inta aysan si rasmi ah uga noqon, waxay weli ku xiran tahay in ay ixtiraamto qaanuunka iyo in ay si buuxda ula shaqeyso maxkamadda, oo ay ku jirto u hoggaansanaanta waarannada xiritaanka ee ay soo saarto,” Prevot ayaa sidoo kale ku celiyay taageerada joogtada ah ee Belgium ay siiso ICC, isaga oo iftiimiyay in ay “muhiimada aasaasiga ah” siinayso ilaalinta madax banaanida maxkamada iyo dhexdhexaadnimada. Hungary ayaa Khamiistii ku dhawaaqday inay go’aansatay inay ka baxdo Maxkamadda Dambiyada Caalamiga ah, kaddib markii Netanyahu uu dalkaasi ku yimid booqasho rasmi ah oo afar maalmood ah. Booqashada Netanyahu ee Hungary ayaa noqoneysa tii ugu horeysay ee uu cagta saaro dhulka Yurub tan iyo markii maxkamadda ICC ay soo saartay amar lagu soo xirayo bishii November ee la soo dhaafay, iyadoo lagu eedeeyay dambiyo dagaal oo ka dhacay Gaza. Hay’adaha xuquuqul insaanka oo ay ku jiraan Amnesty International iyo Human Rights Watch ayaa ugu baaqay Hungary inay qabato Netanyahu oo ay u gacan geliso ICC haddii uu u safro dalkaas. Source

Madaxweynaha Mareykanka Donald Trump ayaa la filayaa inuu bisha soo socota la kulmo madaxweynaha Suuriya, Ahmed Al-Sharca, kulan la sheegay inuu ka dhici doono Sacuudi Carabiya, sida uu weriyay bogga wararka Israa’iiliga ah ee I-24 News Arbacadii, isagoo soo xiganaya ilo xog-ogaal u ah arrimaha Suuriya. Warbixinta ayaa sheegtay in Dhaxal-sugaha Sacuudiga ah, Mohammed bin Salman, oo ah hoggaamiyaha rasmiga ah ee dalka, uu door muhiim ah ku lahaa abaabulka kulankan la qorsheynayo. Trump ayaa Isniintii ku dhawaaqay inuu booqan doono Sacuudi Carabiya bisha May, islamarkaana ay suuragal tahay inuu sidoo kale tago dalal kale oo ka tirsan Khaliijka. Madaxweyne Al-Sharca ayaa la kulmay Bin Salman bishii Febraayo ee la soo dhaafay, taasoo ahayd safarkiisii ugu horreeyay ee dibadda tan iyo markii uu hoggaamiyay kacdoonkii mucaaradka ee December 2024, kaasoo meesha ka saaray xukunkii muddada dheer haystay Bashar al-Assad. Sida ay sheegtay mareegta Al-Modon, oo ah farac ka tirsan warbaahinta The New Arab, ilo Suuriyaan ah ayaa xaqiijiyay in Sacuudi Carabiya ay isku dayeyso inay isu keento Trump iyo Ahmed Al-Sharca, hase yeeshee waxa ay xuseen inaan la hubin in dadaalkaasi guuleysan doono. Isha wararka ayaa tilmaamtay in Sacuudigu doonayo in Mareykanka si rasmi ah u aqoonsado dowladda Al-Sharca, islamarkaana la qanciyo Trump si uu u qaado cunaqabateyntii lagu soo rogay Suuriya xilligii xukunka Assad. Mareykanka ayaa dhawaan si taxaddar leh u soo dhaweeyay dhismaha dowladda cusub ee Suuriya, isagoo door muhiim ah ka qaatay heshiis dhexmaray dowladda Sharca iyo Ciidamada Dimoqraadiga Suuriya (SDF) oo ay Kurduudu hoggaamiyaan, heshiiskaas oo dhigaya in SDF lagu daro hay’adaha dowladda. Si kastaba ha ahaatee, Mareykanka wuxuu shuruudo ku xiray qaadista cunaqabateynta, oo ay ka mid yihiin: in dagaalyahannada ajaanibta ah laga saaro xilalka dowladda, in laga tanaasulo falalka “argagixisada”, in laga hortago in Iiraan iyo xulafadeeda ay ka faa’iideystaan dhulka Suuriya, in la ilaaliyo xuquuqda diimeed iyo qowmiyadeed ee laga tirada badan yahay, iyo in la sugo xorriyadaha aasaasiga ah ee dhammaan muwaadiniinta Suuriya. Xulafada Mareykanka ee Israa’iil ayaa tan iyo markii xukunka laga tuuray Assad fulinaysay weerarro joogto ah oo dhanka dhulka iyo cirka ah oo ka dhan ah Suuriya, kuwaasoo sababay dhimashada dad badan. The New Arab ayaa isku dayday inay la xiriirto Wasaaradda Arrimaha Dibadda ee Mareykanka si ay u xaqiijiso kulanka la sheegay ee u dhexeeya Trump iyo Sharca, balse wax jawaab ah lagama helin xilliga la daabacay warbixinta. Source

Muqdisho (Caasimada Online) – Madaxweynaha dowlad goboleedka Koonfur Galbeed Soomaaliya, Mudane Cabdicasiis Xasan Maxamed (Laftagareen) oo haatan ku sugan magaalada Muqdisho ayaa bilaabay kulamo xasaasi ah oo looga hadlayo xaaladda guud ee dalka iyo tan maamulkiisa, kadib markii uu dhowaan soo gaaray gudah caasimada. Madaxweyne Laftagareen ayaa maanta la kulmay ku xigeenka ergeyga gaarka ah ee xoghayaha guud ee Qaramada Midoobay u qaabilsan Soomaaliya Mudane Raisedon Zenenga oo ay ka wada-hadleen arrimo dhowr ah, sida amniga iyo siyaasadda dalka. Sidoo kale waxaa kulanka labada mas’uul lagu soo qaaday mashaariicda horumarineed ee ka socda guud ahaan deeganada Koonfur Galbeed iyo sidii loo dardar-gelin lahaa, sida lagu sheegay warsaxaafadeed kasoo baxay madaxtooyada maamulkaasi. Sidoo kale Laftagreen iyo Zenengaayaa iska xog-waraystay xaaladda amni ee deegaanada maamul goboleedka Koonfur Galbeed, taageerada ay u baahan yihiin bulshada deegaanka iyo dadaallada socda ee lagu daadejinayo adeegyada dowladda. Waxaa kale oo kulanka labada dhinac lagu falanqeeyay xoojinta wadashaqeynta u dhaxeysa Koonfur Galbeed iyo hay’adaha Qaramada Midoobay, si loo dardar-geliyo mashaariicda horumarineed iyo adeegyada aas-aasiga ah ee bulshada. Cabdicasiis Laftagareen ayaa Muqdisho u yimid ka qayb-galka gogosha uu dhigay Madaxweyne Xasan Sheekh Maxamuud oo looga hadlayo xaaladaha ka jira dalka, sida doorashooyinka 2026 oo uu muran ka taagan yahay iyo dagaalka lagula jiro Al-Shabaab. Waxaa sidoo kale haatan socda diyaar garowga shirkan oo la filayo inay ka qayb-galaan madaxdii hore ee dalka iyo kuwa mucaaradka, si looga soo saaro natiijo wax ku ool ah. Dhanka kale, marka la dejiyo ajendaha gogosha, sidoo kalena la isla qaato dhinacyada mudan in lagu casuumo ayaa la iclaamo doonaa goorta la’isku imaanayo, sidoo kale waxaa jira safar dibadda ah oo soo galay Xasan Sheekh, balse markii uu soo laabo ayaa la guda geli doonaa furitaanka gogosha. Ra’iisul Wasaare Xamza Cabdi Barre iyo guddoomiye Aadan Madoobe ayaa taladooda ku biiriyay madaxda haatan shireysa oo ay ugu horreeyaan madaxweynayaasha Galmudug iyo HirShabelle oo iyagana soo gaaray magaalada caasimada ah ee Muqdisho. Si kastaba, waxaa haatan kulamada bilowday ka maqan maamullada Jubbland iyo Puntlnad, mana cadda sida ay ka yeeli doonto dowladda federaalka oo uu haatan kala dhexeeyo khilaaf xooggan oo ka dhashay doorashooyinka & wax ka beddalka dastuurka.

Galcad (Caasimada Online) – Wararka naga soo gaaraya gobolka Galgaduud ayaa sheegaya in maanta deegaanno ka tirsan gobolkaasi ay ka dhaceen duqeymo culus iyo dagaal toos ah oo u dhexeeyay ciidamada dowladda iyo maleeshiyaadka Al-Shabaab. Duqeymaha oo ahaa kuwa xooggan ayaa waxaa lasoo wariyay inay ka dhaceen aagga degmada Galcad, waxaana lagu beegsaday bartilmaameedyo ay ku sugnaayeen xubnaa Al-Shabaab. Dadka deegaanka ayaa innoo sheegay inay maqlayeen jugta gantaallada, waxaana lagu garaacay deegaanno ay ku sugnaayeen Al-Shabaab oo ku yaalla halkaasi. Wararka ayaa intaasi ku daraya in goobaha la duqeeyay ay ku jiraan saldhigyo muhiim ah oo ay kooxda ku lahayd aagga degmada Galcad, waxaana sidoo kale jira khasaare culus oo la gaarsiiyay kooxda. Ma cadda inta uu gaarsiisan yahay khasaaraha rasmiga ah ee dhashay weerarkan dhanka cirka ah ee ka dhacay gobolka Galgaduud, mana jiro wax war ah oo kasoo baxay dowladda Soomaaliya. Dhinaca kale, dagaal u dhaxeeya ciidamada dowladda oo kaashanaya dadka deegaanka iyo Al-Shabaab ayaa isna maanta ka dhacay deegaanka Baraag Sheekh Caamir oo hoos yimaada degmada Galcad ee gobolka Galgaduud, waxaana dagaalka la’isku adeegsaday hubka noocyadiisa kala duwan. Dagaalka ayaa yimid, kadib markii ciidamada dowladda iyo kuwa deegaanka ay weerar ku qaadeen fariisimo ay Al-Shabaab ku lahaayeen halkaasi, waxaana kadib qarxay dagaal toos ah. Saraakiil u hadashay milatariga Soomaaliya ayaa sheegay inay guul wayn ka gaareen dagaalka ay la galeen Al-Shabaab, ayna jab culus ku gaarsiiyeen, sida ay hadalka u dhigeen. Waxaa kale oo ay intaasi kusii dareen in howlgallada ay sii wadi doonaan, isla markaana ujeedkooda uu yahay in Khawaarijta ay ka saaraan gobolka Galgaduud oo dhan. Muddooyinkii la soo dhaafay ciidamada dowladda iyo kuwa deegaanka ayaa kordhiyay howlgallada ay ka wadaan Galmudug iyo HirShabelle , kadib markii ay dhaq-dhaqaaqyo horleh ka bilaabeen maleeshyaadka Al-Shabaab oo la wareegay deegaanno horay looga xoreeyay.

MINNEAPOLIS, Minn (HOL) — A Minneapolis man has become the third person to plead guilty in a scheme to bribe a federal juror with $120,000 in cash during last year’s high-profile “Feeding Our Future” fraud trial, which involved the alleged theft of at least $250 million in federal child nutrition funds. Source: Hiiraan Online

Qaran News

Mogadishu (HOL) — Pakistan Navy Ship (PNS) Aslat has conducted counter-piracy patrols in the Arabian Sea off the eastern coast of Somalia, as part of operations led by the Pakistan-commanded Combined Task Force 151 (CTF-151), Pakistani officials confirmed Saturday. Source: Hiiraan Online

Muqdisho (Caasimada Online) – Wasiirkii hore ee gaashaandhigga Soomaaliya, Mudane Cabdulqaadir Maxamed Nuur (Jaamac) oo warbixin kooban soo saaray ayaa ka hadlay waxqabadkiisa, muudada uu hoggaamnayay wasaaradda difaaca ee dalka, isaga oo ku faanay inuu soo saxiixay illaa 10 heshiis difaac oo lala soo galay dalal kala duwan. Wasiir Jaamac ayaa shaaca ka qaaday in wasaaraddu muddada uu joogay lagu sameeyay isbedallo waa wayn oo ku saleysan aragtida Madaxweynaha Soomaaliya Xasan Sheekh Maxamuud, kuna aadan aragti ah Soomaaliya ammaan ah, midaysan oo madax-bannaan. Cabdulqaadir Maxamed Nuur Jaamac ayaa sheegay inuu galay illa heshiis oo difaac iyo 200 oo safarro diblomaasiyadeed ah oo uu baxay dibadda. “10 heshiis oo dafaac ayaanu soo galnay 200 oo safar diblomaasiyadeed ahna waan u baxnay, intii aan haya xilka wasiirka wasaaradda gaashandhigga Soomaaliya” ayuu yiri Waxaa kale oo uu tilmaamay in la dilay illaa 5,000 oo Al-Shabaab ah, kadib howlgallo ay qaadeen ciidamada dowladda Soomaaliya, dadka deegaanka iyo saaxibada caalamiga ah. Sidoo kale wuxuu hoosta ka xariiqay in Soomaaliya oo loo tababaray in ka badan 20,000 oo askari, kuwaas oo haatan qayb ka ah howlgallada xoreynta ee ka socda dalka. Hoos ka akhriso nuxurka warbixinta:- In ka badan 20,000 oo askari oo ka tirsan CXDS ayaa la tababaray In ka badan 5,000 oo argagixiso Khawarij ah ayaa la diley In ka badan 10 heshiisyo difaac ayaa la saxiixay In ka badan 200 safarro diblomaasiyadeed ayaa la fuliyay “Dhaxalkaani waxaa iska leh shacabka Soomaaliyeed ee diiday inay isdhiibaan” ayaa wasiirkii hore gaashaandhigga ku yiri qoraalka kooban ee uu soo saaray. Dhinaca kale, Wasiir Jaamac ayaa illaa iyo hadda aan xilka ku wareejin wasiirka cusub, Jibriil Cabdirashiid Xaaji Cabdi, oo la magacaabay 17-kii Maarso, taas oo dhalisay hadal-heyn xoogan Ilo xog ogaal ah oo ku dhow arrintan ayaa sheegay in Wasiir Jibriil uu weli sugayo wareejin rasmi ah, balse ay muuqato in wasiirkii hore uusan diyaar u ahayn inuu fududeeyo hannaan xil wareejin. Jaamac ayaa weli sii wata shaqada, waxaana dhowaan uu bartiisa Facebook soo dhigay sawir uu la taagan yahay Madaxweynaha Soomaaliya Xasan Sheekh Maxamuud iyo Madaxweynaha dalka Turkiga Recep Tayyip Erdoğan, arrin loo fasiray inay tahay farriin siyaasadeed oo muujinaysa xiriirka dhow ee uu la leeyahay xukuumadda Ankara. Sidoo kale Jaamac ayaa madaxweyne Xasan Sheekh ku wehliyey safarkii uu dhowaan ku tegay Ankara, oo la xiriiray arrimo amni, taasi oo muujisay in uu weli haysto taageerada madaxweynaha iyo dowladda Turkiga. Arrimahan ayaa imanaya ayada oo Dowladda Federaalka ay weli la daalaa-dhacayso weerarro sii kordhaya oo ay kooxda Al-Shabaab ka fulinayso gobollada Shabeellaha Dhexe iyo Shabeellaha Hoose, taasoo sii xoojisay baahida ay u qabto taageerada milatari ee Turkiga.

Guutada 14-ka Oktoobar waa mid kamid ah cutubyada ugu firfircoon Ciidanka Xoogga dalka, waxayna ka howlgallaan degmooyinka gobolka Shabeellaha Hoose, waxaana ciidanka lagu ammaanay inay guulo wax ku ool oo ah ka soo hooyeen sugidda amniga deegaanada ay joogaan. Aas-aaska guutadani wuxuu ka yimid kacdoon dadweyne oo ka dhashay qaraxii lagu hoobtay ee 14-kii ee sanadkii 2017 ka dhacay isgoyska Soobe ee degmada Hodan, sida uu sheegay wasiirkii hore ee Diinta iyo Awqaafta Xukuumadda Federalka Soomaaliya, Shiikh Cumar Cali Rooble, oo bixinta magacaas asagu lahaa sida ay xaqiijisay warbaahinta dowladdu. Ciidankan oo lagu aas-aasay dhallinyaro firfircoon ayaa intii aan lagu biirin militariga, waxaa loo xilsaaray sugidda ammaanka caasimadda, waxayna ka howlgeli jiraan baraha hubinta, iyo meelaha laga soo galo magaalada, oo xilligaas laga dareemay isbedel nabad-gelyo. Muddo yar oo ay magaalada Muqdisho ka howlgallayeen ka dib waxay guutada la geeyay furimaha hore ee gobolka Shabeellaha Hoose, halkaas oo ay saodhigyo ka sameysteen, islamarkaana uga biireen dagaalka ka dhanka kooxda Alshabaab. 13-kii Oktoobar, sanadkii 2022 ciidanka waxaa Taliye looga dhigey Gaashaanle Sare Nuur Maxamed Gaabow( Nuur Farey), kaas oo guutadan hoggaanka u hayay ilaa sabtida maanta ah oo la dilay asagoo ku jira gudashada waajibaadkiisa Qaran. Guutadan oo ka kooban 6 urur ayaa haatan ka howlgasha magaalooyinka Marka, Afgooye, Jannaale, Awdhiigle, mareeray, arbacow, iyo meelo kale oo ka tirsan gobolka shabeellada hoose, waxayna hormuud u yihiin dagaalka ka dhanka ah kooxda Al-Shabaab ee ka socda gobolkaas. Source: goobjoog.com

Mogadishu (HOL) — The African Union and the Somali federal government have authorized the deployment of 2,500 Ethiopian troops to join a new peacekeeping force in Somalia to bolster the fight against the militant group Al-Shabaab. Source: Hiiraan Online

Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa booqasho rasmi ah ku tagay magaalada Kampala ee caasimadda dalka Uganda. Booqashadan ayaa ujeedadeedu tahay xoojinta xiriirka labada dal, gaar ahaan dhinacyada ammaanka iyo iskaashiga ganacsi. Mudane Xasan Sheekh Maxamuud ayaa la kulmi doona dhiggiisa Uganda, Mudane Yoweri Museveni, si ay uga wada hadlaan arrimo muhiim ah oo ay ka mid yihiin taageerada ciidamada Uganda ee howlgalka AUSSOM oo bedeli doona ATMIS. Booqashadaan ayaa sidoo kale muhiim u ah sidii loo adkeyn lahaa xiriirka labada dal iyo sidii loo sii dardargelin lahaa dagaalka lagula jiro Shabaab. Source: goobjoog.com

President Donald Trump is preparing to issue a new travel and visa ban for citizens of countries whom he deems a security risk or who have a history of illegally remaining in the United States. During his first term, Trump issued several executive orders that banned entry for citizens of 15 countries. While many in the media labeled his actions a “Muslim Ban,” this was unfair: Myanmar, North Korea, and Venezuela are not Muslim, and Nigeria and Eritrea are only half Muslim. Seeking to use Islamophobia to stymie real debate and concern about immigration only polarized the debate further. While former President Joe Biden rescinded the ban, Trump now seeks not only to reimpose it but also widen it to 41 countries. Not all banned countries are equal, however. The draft directive categorizes countries into red, orange, and yellow lists. All red-listed countries would face visa bans, orange-listed countries would face significant restrictions, and yellow-listed countries would have 60 days to address Trump administration concerns to prevent their moving into the higher categories. The red list includes Afghanistan, Bhutan, Cuba, Iran, Libya, North Korea, Somalia, Sudan, Syria, Venezuela, and Yemen. Every red-list country deserves its status except perhaps for poor Bhutan, a friendly but insular Himalayan kingdom that lacks a U.S. embassy. Cuba’s inclusion is overdue. Ten percent of Cubans have fled their country over the last two years, most often to the U.S. When I was at Havana’s Jose Marti International Airport, a line snaked through the terminal with Cubans heading to Nicaragua, a destination for which they needed no visas. Most were excited: They were going to the U.S. illegally. Buses would meet them at Managua’s airport, they said, and take them directly to the U.S. border with Mexico. Somalia, too, deserves the visa ban. Mogadishu is happy to take billions of dollars in aid, even as it embraces Beijing and vocally supports Hamas and other terrorist causes. The Somali government’s corruption has allowed Al-Shabaab, the local al Qaeda affiliate, to return to the outskirts of Mogadishu. Fahad Yasin, Somalia’s previous national security adviser, was a former Al Jazeera reporter who subsequently joined an al Qaeda-linked group. To offer Somalis visas absent incredible vetting beyond the scope of U.S. intelligence is to risk terrorism on American soil. But not all of Somalia is the same. Somaliland, while unrecognized, is night and day different from the rest of Somalia. Somaliland is democratic — unlike Somalia, which appoints its leaders. While Somalia embraces China, Somaliland partners with Taiwan. While Somalia cheers Hamas, Somaliland courts Israel. While Mogadishu is unsafe, Somaliland’s capital, Hargeisa, and its port of Berbera are safer than any American city. My nine-year-old daughter visited without security. While terrorist gangs smuggle weaponry across Somalia, Somaliland secures its 450-mile coastline Somaliland is also home to the Abaarso network, perhaps the United States Agency for International Development’s most successful project. Abaarso school graduates have ended up at nearly every Ivy League school and have reached the top echelons of American business. The taxes they pay more than offset any grant USAID originally made. Abaarso graduates stay legally but also return to pay it forward. Today, Hargeisa boasts perhaps the best schools not only in the Horn of Africa but along the continent’s entire east coast. Rather than punish Somaliland for doing the right thing, tweaking the visa ban to allow Somalilanders but prohibit those from Mogadishu-controlled Somalia would send the signal that behavior and accountability matter. Somalia might complain, but the answer would be simple: Be more like Somaliland. The Trump administration is reportedly now considering leasing a base in Berbera to help counter Houthi terrorists and secure freedom of navigation. Somaliland is willing to do what Washington requests, while anti-Americanism is the currency in Mogadishu. The State Department would never treat Taiwanese and Chinese as the same, whatever China’s fanciful claims. To conflate Somalilanders and Somalis would be equally ridiculous. By Michael Rubin Washington Examiner Qaran News

Doha (Caasimada Online) – Culimada Islaamka ee ugu caansan adduunka ayaa si wadajir ah u soo saaray fatwo aan caadi ahayn, iyagoo ugu baaqay dhammaan Muslimiinta iyo dowladaha Muslimiinta in ay qaadaan jihaad ka dhan ah Israa’iil, kadib 17 bilood oo dagaal lagu baabi’inayo Falastiiniyiinta ku sugan marinka go’doonsan ee Gaza. Sheekh Cali al-Qaradaghi, xoghayaha guud ee Ururka Caalamiga ah ee Culimada Muslimiinta (IUMS), oo horey u hoggaamin jiray caalimkii weynaa Yusuf al-Qaradawi, ayaa Jimcihii ugu baaqay dowladaha Muslimiinta “inay si degdeg ah uga falceliyaan dhibaatada Gaza — milatari ahaan, dhaqaale ahaan iyo siyaasad ahaanba — si loo joojiyo xasuuqa iyo burburka baahsan, taasoo waafaqsan masuuliyadooda sharciyeed.” “Ku guuldareysiga dowladaha Carabta iyo Islaamka ee garab istaagga Gaza xilli la baabi’inayo, waxay shareecada Islaamka u aqoonsan tahay dambi weyn oo lagula kaco walaalaheen la dulmiyay,” ayuu yiri Qaradaghi, oo hadalkiisa uu qayb ka ahaa fatwo ka kooban 15 qodob. Qaradaghi, oo ka mid ah culimada ugu ixtiraamka badan gobolka, ayaa fatwooyinkiisu culeys weyn ku leh dunida Muslimka ah, gaar ahaan 1.7 bilyan oo Muslimiin Sunni ah. Fatwo, waa go’aan sharciyeed aan khasab ahayn oo uu bixiyo caalim sumcad leh, laguna saleeyo Qur’aanka Kariimka ah iyo Sunnada — hadallada iyo ficilladii Nabi Muxammad (NNKH). “Waa xaaraan in lala safnaado cadowga gaalka ah” “Waa xaaraan in lala safnaado cadowga gaalka ah [Israa’iil] xilli uu dabar-goynayo Muslimiinta Qaza, nooca taageeradu ha ahaato sida ay doonto.” Qaradaghi waxa uu si gaar ah u xusay: “Waa mamnuuc in hub la siiyo, in loo fududeeyo marinada badda, dekedaha, ama hawada, sida Kanaalka Suweys, Baab al-Mandab, Kanaalka Hormuz, ama marin kale oo dhul, cir ama bad ah.” “Guddigu wuxuu soo saaray fatwo waajib ka dhigaysa in cunaqabateyn buuxda — dhanka cirka, badda iyo dhulka — lagu soo rogo cadowga qabsaday, si loogu hiiliyo walaalaheen Gaza,” ayuu sii raaciyay. Baaqan waxaa si wadajir ah u taageeray 14 caalim oo kale oo Muslimiin caan ah, kuwaasoo sidoo kale ugu baaqay dowladaha Muslimiinta “inay dib u eegaan heshiisyadooda nabadeed ee ay la galeen Israa’iil,” iyagoo Muslimiinta ku nool Mareykankana ugu yeeray inay cadaadis ku saaraan Madaxweyne Donald Trump si uu “u fuliyo ballanqaadyadiisii ololaha ee ahaa joojinta gardarrada iyo sugidda nabadda.” “Gaza si aamusan ayaa loo dabar-goynayaa” Inkasta oo Donald Trump uu marar badan ololihiisa ku ballanqaaday in uu joojin doono dagaalka, sidoo kalena uu horraantii xafiiska ku guuleystay in uu ku meel gaar ah u hirgeliyo xabbad-joojin, haddana warar la helay ayaa sheegaya in bishii la soo dhaafay uu si buuxda u oggolaaday in Israa’iil ay dib u billowdo weerarka. Tan iyo markii la jebiyay heshiiskii xabbad-joojinta, Israa’iil waxay dishay in ka badan 1,200 oo Falastiiniyiin ah, oo ay ku jiraan boqolaal carruur ah. Guud ahaan, laga bilaabo Oktoobar 2023, tirada Falastiiniyiinta la dilay ayaa ka badan 50,000. Jimcihii, ciidamada Israa’iil ayaa sii waday duqeymaha ka dhanka ah Gaza, iyagoo dilay ugu yaraan 30 qof laga bilaabo waaberigii, sida ay sheegeen ilo caafimaad iyo waaxda difaaca rayidka ee Gaza. Weerarradii ugu dambeeyay ayaa lagu bartilmaameedsaday iskuullo, xarumo hoy ah, isbitaallo, xarumaha cunto qaybin, meelaha ay Israa’iil sheegtay inay yihiin “goobo ammaan ah,” iyo warshad biyo macaaneysa. Sawirro iyo muuqaallo laga soo qaaday duqeymaha ayaa muujinayay burbur baahsan oo ka dhacay xaafado si aad ah u ciriiri ah. Falastiiniyiinta ayaa baraha bulshada ku wadaagayay fariimo ay ugu yeereen “macasalaama” ay la hadlayaan caalamka. Weriyaha Maxamed Abu Mustafaa ayaa bartiisa bulshada ku qoray fariimo uu ku muujinayay niyad-jab iyo cadho: “Nabadgelyo beesha caalamka ee ugu khiyaanada badan taariikhda. Saacado kadib, Gaza way baaba’aysaa. Kaliya jannada ayaad naga heli doontaan.” Suxufiga iyo u dhaqdhaqaaqaha Falastiiniyaanka ah ee Aboud Battah ayaa ku baaqay in la hadlo: “Ka hadla xaaladdeena. Ilaahay baan ku dhaartaye, si aamusan ayaa nala dabar-goynayaa.” Netanyahu: “Cadaadiska waan kordhinaynaa” Ra’iisul Wasaaraha Israa’iil, Benjamin Netanyahu, ayaa ballanqaaday in Israa’iil ay sii kordhinayso weerarada ay ku hayso Gaza, si ay ugu cadaadiso Xamaas in ay sameyso tanaasul dheeraad ah. “Waqtigan waxaan kala jaraynaa Marinka Qaza, cadaadiskana si tartiib tartiib ah ayaan u kordhinaynaa si ay u soo celiyaan la haystayaasheenna,” ayuu ku yiri muuqaal uu diray Arbacadii. Netanyahu waxa uu dalbanayaa in Xamaas ay siidaayso 59-ka la hayste ee Israa’iil, si loogu beddelo maxaabiis Falastiiniyiin ah iyo gargaar bini’aadantinimo — balse isagoo aan ballanqaadaynin in dagaalka la joojinayo ama ciidamada la laabanayo. Israa’iil waxay dalbanaysaa in heshiiska xabbad-joojinta lagu xiro shuruud ah in Xamaas hubka dhigto — arrin ay Xamaas ku tilmaamtay “xariiq cas” — iyadoo sidoo kale si cad u taageeraysa qorsheyaal ay kula wareegayso amniga Qaza isla markaana lagu barakicinayo Falastiiniyiinta. Xamaas ayaa ugu baaqday in lagu soo laabto heshiiskii hore ee saddexda weji lahaa, iyagoo sheegay inay diyaar u yihiin inay mar qura siidaayaan dhammaan la haystayaasha haddii la helo xabbad-joojin buuxda.

Mogadishu (HOL) — Somalia’s U-17 Africa Cup of Nations campaign came to an abrupt end on Friday after a 5-1 loss to Gambia confirmed their elimination from Group C with a game still to play. Source: Hiiraan Online

Qaran News

𝐌𝐚𝐝𝐚𝐱𝐰𝐞𝐲𝐧𝐞 𝐤𝐮-𝐱𝐢𝐠𝐞𝐞𝐧𝐤𝐚 𝐉𝐒𝐋 𝐨𝐨 𝐤𝐮𝐥𝐚𝐧 𝐥𝐚 𝐲𝐞𝐞𝐬𝐡𝐚𝐲 𝐌𝐚𝐝𝐚𝐱-𝐝𝐡𝐚𝐪𝐚𝐦𝐞𝐞𝐝𝐤𝐚 𝐢𝐲𝐨 𝐇𝐚𝐥𝐝𝐨𝐨𝐫𝐤𝐚 𝐆𝐨𝐛𝐨𝐥𝐥𝐚𝐝𝐚 𝐓𝐨𝐠𝐝𝐡𝐞𝐞𝐫, 𝐒𝐚𝐧𝐚𝐚𝐠 𝐢𝐲𝐨 𝐒𝐚𝐫𝐚𝐚𝐫 Madaxweyne ku-xigeenka Jamhuuriyada Somaliland Mudane Maxamed Cali Aw Cabdi iyo Waftigii u hoggaaminayey ee socdaalka shaqo ku joogay Gobolka Sanaag ayaa magaalada Ceel-Afweyn kulan kula yeeshay qaar kamid ah madax-dhaqmeedka, Wax-garadka, iyo ganacsatada Gobollada Togdheer, Saanaag ,Saaxil iyo Saraar. Kullankan isaga ah ayaa lagaga wada hadley sidii looga wada shaqayn loona xoojin lahaa danaha guud aynu Qaran ahaan wada leenahay, sidoo kalena in meel looga soo wada jeesto wixii Qarannimada JSL wax u dhimaya. Kulanka waxa si weyn loogu gorfeeyey arrimaha Qaramaynta Ciidanka Maddaniga ah iyo nabadaynta Ceel Afweyn. Madax-dhaqmeedka, Waxgaradka iyo haldoorkii maddasha ka hadlay ayaa si weyn ugu dheeraaday in ay diyaar u yihiin in ay doorkooda ka qataan qorshaha Xukuumadda Wadajir iyo Waxqabad ee nabada iyo horumarka dalka iyo dadka iyo arrinta nabadaynta Ceel-afweyn iyo weliba qaramaynta Ciidanka Maddaniga ah. Madaxweyne Kuxigeenka JSL Md. Maxamed Cali Aw Cabdi oo hadalka soo xidhay ayaa ka hadlay mihimadda ay nabadu u leedahay addamaha, waxa uu u mahad-naqay Madax dhaqmeedka iyo wax-garadka, isoo sheegay in Xukumadda cusub ay ka go’an tahay in ay qaramayso ciidanka madaniga iyo gadiidkooda, Xukuumaduna ay masuulka ka tahay arrimaha amniga dalka iyo dadka iyo difaaca dalka. Madaxweyne ku-xigeenka JSL waxa uu hoosta ka xarriiqay in Xukumadda Wax-qabad iyo Waddajir ay diyaar u tahay xoojinta nabada, midnimada iyo wadajirka shacabka Somaliland. Ugu Dambeyntii, kulankaasi ayaa ku soo dhammaaday guul iyo is-afgarad buuxa. 𝐗𝐮𝐬𝐞𝐞𝐧 𝐀𝐚𝐝𝐚𝐧 𝐂𝐢𝐠𝐞 (𝐃𝐞𝐲𝐫) 𝐀𝐟𝐡𝐚𝐲𝐞𝐞𝐧𝐤𝐚 𝐌𝐚𝐝𝐚𝐱𝐰𝐞𝐲𝐧𝐚𝐡𝐚 𝐉𝐚𝐦𝐡𝐮𝐮𝐫𝐢𝐲𝐚𝐝𝐝𝐚 𝐒𝐨𝐦𝐚𝐥𝐢𝐥𝐚𝐧𝐝 𝗔𝗟𝗟𝗔𝗔 𝗠𝗔𝗛𝗔𝗗 𝗟𝗘𝗛, Qaran News

Kampala (Caasimada Online) –Madaxweynaha Dowladda Federaalka Soomaaliya Mudane Xasan Sheekh Maxamuud ayaa goordhow ka dagay magaalada Kampala ee casimadda dalka Uganda, halkaas oo si weyn loogu soo dhaweeyay. Madaxweyne Xasan Sheekh Maxamuud ayaa casuumaad rasmi ah ka helay dhiggiisa dalkaasi, Mudane Yoweri Museveni oo ay yeelan doonaan wadahadallo gaar ah. Wararka ayaa sheegaya in labada Madaxweyne ay ka wada-hadli doonaan xoojinta xiriirka laba geesoodka dhinacyada badan taabanaya ee labada dal ka dhexeeya iyo xaaladda guud ee gobolka Geeska Afrika. Sidoo kale booqashada Madaxwaynaha Soomaaliya ku tagay dalka Uganda ayaa ujeeddadeedu tahay sidii loo sii dardargelin lahaa dagaalka lagu cirirbtirayo Khawaarijta, oo ay qayb ka tahay dowladda Uganda. Sida qorshuhu yahay Madaxweyne Xasan Sheekh ayaa dhiggiisa Yoweri Museveni waydiisan doono taageero milatari oo ku aadan dagaalka ay dowladdiisa kula jirto kooxda Al-Shabaab oo hadda sii xoogeystay. Uganda ayaa waxaa ciidamo ay ka joogaan gudaha Soomaaliya, waxayna askarta ugu badan ku leedahay howlgalka AUSSOM oo sanadkan ka bilowday gudaha dalka, horayna waxay sidaas oo kale ciidamo badan ugu hoggaamineysay howlgalladii ka horreeyay ee ATMIS iyo AMISOM. Safarka Madaxweynaha Soomaaliya ee Kampala ayaa qayb ka noqonayo dadaallo kala duwan oo uu wado Xasan Sheekh, wuxuuna horay u tegay Turkiga iyo Jabuuti oo uu kala soo hadlay dagaalka lagula jiro Al-Shabaab. Sidoo kale, waxaa gudaha ka soconayo dadaallo kale oo waa wayn, waxaana madaxweynaha uu fidiyay gogol ballaaran oo u jeedkoodu yahay in loo midoobo Khawaarijta, sida ay goor sii horeysay oo maanta ah ay shaacisay Villa Soomaaliya. “Ujeedka gogosha waxa uu yahay in la abuuro jawi midnimo oo ku jiheysan la-dagaallanka Khawaarijta, maadaama ka-guul-gaarista dagaalkaas ay noqon doonto billowga guul qaran oo dalka iyo dadkuba ay ku diirsadaan”. Waxaa kale oo lasii raaciyay “Iyadoo laga ambaqaadayo ujeeddadaas, Madaxweynaha Qaranka iyo Madaxda Dowlad-goboleedyadu waxa ay isku raaceen in lagu howlgalo niyadsami ay saldhig u tahay tixgelinta talada, tusaalaha iyo taageerada indheergaradka, aqoonyahanka, hoggaamiyeyaasha siyaasadda iyo guud ahaan bulshada. Tani waxay muhiim u tahay xaqiijinta hadafka qaran ee ku dhisan in cod iyo cududba loo mideeyo ciribtirka cadawga Khawaarijta”. Soomaaliya ayaa waxaa haatan ka soconayo guluf culus oo ka dhan ah Al-Shabaab, kaas oo ay iska kaashanayaan dowladda federaalka, dadka deegaanka iyo saaxibada caalamiga ah, kaas oo muddooyinkii u dambeeyay sii laba kacleeyay, kadib markii Al-Shabaab ay culeys soo saareen gobollada Shabeellooyinka oo daris la ah magaalada Muqdisho.

Firxadkii mileeshiyaadka Daacish ee ku dhuumanayay togga Miraale ayaa bilaabay in ay si habqan ah isugu dhiibaan ciidamada difaaca dowladda Puntland, kaddib markii jiho kasta laga go’doomiyay. Saddex xubnood oo ka tirsan firxadkii kooxda Daacish ee ku dhuumanayay ceelka Miraale oo baxsad ah ayaa isu dhiibay dad reer miyi ah, kuwaasi oo iyana ku wareejiyay ciidamada difaaca Puntland, waxaana la filaya in saacadaha soo socda dowladdu soo bandhigto. Saddexda xubnood oo ka kooban ajaanib dhammaantood u dhashay dalka Itoobiya ayaa ka baxsaday firxadkii argagixisada ee lagu duqeeyay ceelka Miraale, kuwaasi oo noqday wax dhintay iyo wax go’doonsan oo ciidamada ku hareeraysan, oo aan meel ay ka baxsadaan haysan. Xubin kamid ah kuwa is dhiibay ayaa sheegay in mileeshiyaadkoodii noqdeen wax dhintay, wax go’doonsan iyo habqan kala lumay oo weli buuraha soo huddamaya, kuwaasi oo aan jiho iyo meel laga jiro aqoon kuna sugan xaalad dabandeeb ah. Dhinaca kale, ciidamada difaaca Puntland oo shalay hawlgal ka sameeyay togga Miraale ayaa soo arkay meydad badan oo daadsan goobihii diyaaraduhu duqeeyeen, oo ay ka carareen firxadka kooxda, waxaana halkaasi loogu tegey awr ay gaadiid ahaan u isticmaali jireen. PUNTLAND POST The post Puntland: Mileeshiyaadka Daacish oo bilaabay in ay si habqan ah isu soo dhiibaan kaddib markii ay si buuxda u jabeen appeared first on Puntland Post.

Mogadishu (HOL) — At least three civilians were injured Saturday morning when several mortar shells struck residential and public areas in Mogadishu, including the National Theater and busy public squares, according to security officials and eyewitnesses. Source: Hiiraan Online

Mogadishu (HOL) — Prime Minister Hamza Abdi Barre is expected to make a historic visit to Las Anod in the coming days. Local officials confirmed Saturday that the visit marks the first time in more than five decades that a sitting Somali prime minister has travelled to the city. Source: Hiiraan Online

Muqdisho (Caasimada Online) – Madaxtooyada Soomaaliya ayaa faah-faahin ka bixisay kulan gaar ah oo Muqdisho ku dhex-maray madaxweyne Xasan Sheekh iyo hoggaamiyeyaasha maamul goboleedyada Koonfurgalbeed, Hirshabeelle iyo Galmudug, ayada oo sidoo kale shaacisay ajendaha rasmiga ah ee shirweynaha loo ballansan yahay. Villa Soomaaliya oo warsaxaafadeed soo saartay ayaa shaaca ka qaaday in ajendaha ugu muhiisam ee shirka soo socda uu yahay in la abuuro jawi midnimo oo ku jiheysan la-dagaallanka kooxda Al-Shabaab, iayada oo sheegtay in ka-guul-gaarista dagaalkaas ay noqon doonto billowga guul qaran oo dalka iyo dadkuba ay ku diirsadaan. Waxaa kale oo shirkan diiradda lagu saaray u diyaar garowga gogosha uu iclaamiyay madaxweynaha, iyaga oo isku raacay in loo howlgalo si wadajir ah oo niyadsami leh, si loo wada toono talada uu soo bandhigay Xasan Sheekh Maxamuud. “Iyadoo laga ambaqaadayo ujeeddadaas, Madaxweynaha Qaranka iyo Madaxda Dowlad-goboleedyadu waxa ay isku raaceen in lagu howlgalo niyadsami ay saldhig u tahay tixgelinta talada, tusaalaha iyo taageerada indheergaradka, aqoonyahanka, hoggaamiyeyaasha siyaasadda iyo guud ahaan bulshada. Tani waxay muhiim u tahay xaqiijinta hadafka qaran ee ku dhisan in cod iyo cududba loo mideeyo ciribtirka cadawga Khawaarijta” ayaa lagu yiri warsaxaafadeedka kasoo baxay Madaxtooyada Soomaaliya. Sidoo kale inta uu socday kulanka waxa ay madaxdu isku dhaafsadeen warbixinno kala duwan oo ku aadan xaaladda siyaasadeed ee dalka iyo howlgallada hadda socda. Hoos ka akhriso warsaxaafadeedka oo dhammeystiran;- Madaxweynaha Jamhuuriyadda Federaalka Soomaaliya Mudane Dr. Xasan Sheekh Maxamuud ayaa shir-guddoomiyay kulan ay isugu yimaadeen hogaamiyeyaasha dowlad goboleedyada Koofurgalbeed, Hirshabeelle iyo Galmudug, kaas oo horudhac u ah baaqii Madaxweynaha ee dadaallada lagu mideynayo shacabka Soomaaliyeed si loo laba-jibaarro hawlgallada lagu ciribtirayo cadawga Khawaarijta ah. Kulanka ayaa lagu wadaagay warbixinno ku saabsan xaaladda guud ee dalka iyo hawlgallada hadda socda. Madaxweyne Xasan Sheekh ayaa ku bogaadiyay madaxweynayaasha dowlad-goballeedyada kaalinta hoggaamineed ee ay ka qaadanayaan abaabulka iyo isku-duwidda dagaalka ka dhanka ah Khawaarijta. Intii uu kulanku socday ayay madaxdu ka wadahadleen muhiimadda ay leedahay in loo diyaargaroobo gogosha qaran ee dhawaan uu ku baaqay Madaxweynaha Jamhuuriyadda, taas oo ujeedkeedu yahay in la abuuro jawi midnimo oo ku jiheysan la-dagaallanka Khawaarijta, maadaama ka-guul-gaarista dagaalkaas ay noqon doonto billowga guul qaran oo dalka iyo dadkuba ay ku diirsadaan. Madaxweyne Xasan Sheekh oo xasuusan in guulaha waaweyn ee laga gaaray la-dagaallanka argagaxisada ay ku yimaadeen taageerada hagar-la’aanta ah ee ay shacabka Soomaaliyeed la garab-taaganyihiin geesiyaasha xoogga dalka iyo kuwa deegaanka, ayaa mudnaanta koowaad siinaya xoojinta midnimada ummadeed ee ku wajahan ka-miro-dhalinta halganka dalka looga xoreynayo cadawga arxanlaaweyaasha ah. Iyadoo laga ambaqaadayo ujeeddadaas, Madaxweynaha Qaranka iyo Madaxda Dowlad-goboleedyadu waxa ay isku raaceen in lagu howlgalo niyadsami ay saldhig u tahay tixgelinta talada, tusaalaha iyo taageerada indheergaradka, aqoonyahanka, hoggaamiyeyaasha siyaasadda iyo guud ahaan bulshada. Tani waxay muhiim u tahay xaqiijinta hadafka qaran ee ku dhisan in cod iyo cududba loo mideeyo ciribtirka cadawga Khawaarijta.

Madaxweynaha Jamhuuriyadda Federaalka Soomaaliya Mudane Dr. Xasan Sheekh Maxamuud ayaa shir-guddoomiyay kulan ay isugu yimaadeen hogaamiyeyaasha dowlad goboleedyada Koofurgalbeed, Hirshabeelle iyo Galmudug, kaas oo horudhac u ah baaqii Madaxweynaha ee dadaallada lagu mideynayo shacabka Soomaaliyeed si loo laba-jibaarro hawlgallada lagu ciribtirayo kooxda Shabaab. Kulanka ayaa lagu wadaagay warbixinno ku saabsan xaaladda guud ee dalka iyo hawlgallada hadda socda. Madaxweyne Xasan Sheekh ayaa ku bogaadiyay madaxweynayaasha dowlad-goballeedyada kaalinta hoggaamineed ee ay ka qaadanayaan abaabulka iyo isku-duwidda dagaalka ka dhanka ah Shabaab. Intii uu kulanku socday ayay madaxdu ka wadahadleen muhiimadda ay leedahay in loo diyaargaroobo gogosha qaran ee dhawaan uu ku baaqay Madaxweynaha Jamhuuriyadda, taas oo ujeedkeedu yahay in la abuuro jawi midnimo oo ku jiheysan la-dagaallanka Khawaarijta, maadaama ka-guul-gaarista dagaalkaas ay noqon doonto billowga guul qaran oo dalka iyo dadkuba ay ku diirsadaan. Source: goobjoog.com

Mogadishu (HOL) – The commander of the 14th of October Division of the Somali National Army (SNA), Brigadier Nur Mohamed Gaabow, widely known as Nur Farey was assassinated in the Ado-Diidible area of Lower Shabelle on Saturday. Source: Hiiraan Online