‎The Prime Minister of the Government of National Unity, Abdul Hamid Dbeibah, and the President of Somalia, Hassan Sheikh Mahmoud, witnessed on Monday the signing of a memorandum of cooperation between the municipalities of Tripoli and Mogadishu to support partnership in the areas of local administration and urban development. Source: Hiiraan Online

Ethiopia and Somalia have “agreed on the force disposition of ENDF” within the African Union Support and Stabilization Mission in Somalia (AUSSOM), according to a joint communiqué issued following a visit by an Ethiopian delegation led by Field Marshal Birhanu Jula, Chief of Ethiopia’s National Defense Force, on February 22. Source: Hiiraan Online

Human rights activists Monday took to the streets of downtown Nairobi, Kenya, where they were protesting for the release of detained Ugandan opposition leader Kizza Besigye who was recently charged by the magistrates’ court. Source: Hiiraan Online

A Scottish businessman who disappeared in Kenya has been found dead. Source: Hiiraan Online

New York (Caasimada Online) – Mareykanka ayaa Isniintii u codeeyay diidmada qaraar cambaareynaya duulaanka Ruushka ee Ukraine, isagoo diiday qoraal si ballaaran looga taageeray Golaha Guud ee Qaramada Midoobay. Madaxweynaha Mareykanka, Donald Trump, ayaa qaadanaya mowqif cusub oo ku aaddan dagaalka Ukraine. Qaraarkan, oo ay taageereen dalalka Yurub si loo xuso sannad-guuradii saddexaad ee dagaalka, waxa uu helay 93 cod oo oggolaansho ah, 18 diidmo ah, halka 65 ay ka aamuseen. Washington ayaa la safatay Moscow iyo xulafadeeda—Belarus, Waqooyiga Kuuriya, iyo Suudaan—iyadoo ka codeysay qaraarka. Qaraarkan, oo helay taageero ka yar kuwii hore ee la xiriiray dagaalka Ukraine, waxa uu si adag u cambaareynayaa Ruushka, wuxuuna xoojinayaa madax-bannaanida dhuleed ee Ukraine iyo xurmeynta xuduudaheeda. Mareykanka ayaa diyaariyay qaraar kale oo u gaar ah, iyadoo xiisadda u dhaxeysa Trump iyo Madaxweynaha Ukraine, Volodymyr Zelensky, ay cirka isku shareertay. Danjiraha Ruushka ee Qaramada Midoobay, Vassily Nebenzia, ayaa ku tilmaamay qaraarka Mareykanka “tallaabo sax ah,” isagoo muujinaya in is-bedbedelka lama filaanka ah ee xiriirka Mareykanka iyo Ruushka uu la yimid Trump. Si kastaba ha ahaatee, xulafada Mareykanka ee Yurub, gaar ahaan Faransiiska, ayaa soo jeediyay wax-ka-beddel lagu sameeyo qaraarka Mareykanka, iyagoo Golaha Guud u sheegay in aysan taageeri karin qoraalka haddii aan la saxin. Dalalka Yurub, oo si adag u garab taagan Ukraine, ayaa ku adkeystay in qaraarka Mareykanka lagu caddeeyo in Ruushku yahay dalka qaaday “duulaanka ballaaran ee Ukraine.” Hungary, oo uu hoggaamiyo Viktor Orban—hoggaamiyaha Yurub ugu janjeera dhinaca Ruushka—ayaa ka codeeyay wax-ka-beddellada. Is-beddellada la sameeyay waxay sidoo kale dib u xaqiijiyeen madax-bannaanida dhuleed ee Ukraine, taasoo laga saaray nuqulkii hore ee qaraarka Mareykanka. Qaraarka Mareykanka ayaa si weyn wax looga bedelay ilaa heer ay Washington ka aamustay cod-bixintii ugu dambeysay, taasoo keentay in Golaha Guud uu ansixiyo nuqulka wax laga beddelay. “Xeelladihii Yurubiyaanka ee difaac ahaa waxay wiiqeen dedaalkii xooganaa ee diblomaasiyadeed ee Mareykanka maalmihii lasoo dhaafay,” ayuu yiri Richard Gowan, oo ka tirsan International Crisis Group. “Waxay u muuqataa in Mareykanku si khaldan u qiyaasay tirada dalalka ay codkooda beddeli karaan waqti gaaban gudaheed.” Xilligii madaxweynihii hore Joe Biden, Mareykanku wuxuu ka mid ahaa taageerayaasha ugu adag ee qaraarradii hore ee Golaha Guud ee Qaramada Midoobay, kuwaasoo si adag u xoojinayay madax-bannaanida dhuleed ee Ukraine. “Qaraarkan iyo wax-ka-beddellada lagu sameeyay ma joojin doonaan xasuuqa socda. Qaramada Midoobay waa in ay door muhiim ah ka qaadataa joojinta dhiigga daadanaya. Waxaan ugu baaqeynaa dhammaan dalalka xubnaha ka ah Qaramada Midoobay inay naga caawiyaan in ururku dib ugu laabto howshiisii asalka ahayd ee ilaalinta nabadda iyo ammaanka caalamiga ah,” ayey tiri safiirka Mareykanka u fadhisa Qaramada Midoobay, Dorothy Shea, kahor cod-bixinta. – Golaha Ammaanka oo diiradda saran – Kadib cod-bixintii Golaha Guud, Mareykanka ayaa la filayey inuu qaraarkiisii hore u gudbiyo Golaha Ammaanka ee Qaramada Midoobay galabkii Isniinta. Sarkaal ka tirsan Waaxda Arrimaha Dibadda Mareykanka ayaa ka digay in Mareykanku uu diidi doono wax-ka-beddellada ay soo jeediyaan Ruushka ama dalalka Yurub. Xeerarka Qaramada Midoobay ayaa dhigaya in Mareykanka iyo xubnaha joogtada ah ee Golaha Ammaanka aysan diidi karin wax-ka-beddellada lagu sameeyo qaraarrada Golaha Guud. Si qaraar loo ansixiyo, Golaha Ammaanka waxa uu u baahan yahay ugu yaraan sagaal cod oo taageero ah, iyadoo aan mid ka mid ah shanta xubnood ee joogtada ah—Mareykanka, Britain, Faransiiska, Ruushka, iyo Shiinaha—u codaynin diidmo. Xitaa haddii xubnaha Midowga Yurub ee Golaha Ammaanka—Faransiiska, Slovenia, Denmark, iyo Greece—iyo sidoo kale Britain ay ka aamusaan, qaraarka Mareykanka wuu gudbi karaa. Tani waxay dhalinaysaa su’aasha ah in Faransiiska iyo Britain ay diyaar u yihiin inay adeegsadaan codkooda diidmada qayaxan (veto) markii ugu horreysay in ka badan 30 sano. Hoggaamiyeyaasha Faransiiska iyo Britain, Emmanuel Macron iyo Keir Starmer, ayaa toddobaadkan booqanaya Aqalka Cad si ay uga wada hadlaan xaaladda Ukraine, ayada oo shalay Macron uu la kulmay Trump, halka Starmer uu xigi doono. “Ma arko sida Paris iyo London ay u taageeri karaan qoraal aad uga fog mowqifyadooda rasmiga ah ee Ukraine, balse sidoo kale ma arko sida ay u diidi karaan qaraarka,” ayuu yiri Gowan. Xoghayaha Guud ee Qaramada Midoobay, Antonio Guterres, ayaa Axaddii ku baaqay in nabad la gaaro “taasoo si buuxda u dhowraysa madax-bannaanida dhuleed ee Ukraine” isla markaana waafaqsan Axdiga Qaramada Midoobay.

Asmara (Caasimada Online) – Dowladda Eritrea ku amartay keydka milatariga iyo askartii hore inay dib ugu soo laabtaan tababar, iyadoo xiisadda kala dhaxeysa Itoobiya sii xoogeysaneyso. Sida laga soo xigtay ilo-wareedyo, dhammaan Eritreeyaanka da’doodu ka yar tahay 60 jir ee horey uga tirsanaa ciidamada ayaa looga baahan yahay inay isdiiwaangeliyaan xarumaha tababarka. Eritrea, oo ay ku nool yihiin dad ka yar 4 milyan, ayaa qaaday tallaabadan iyadoo laga cabsi qabo suurtagalnimada dagaal. BBC Amharic ayaa xaqiijisay abaabulkan, iyada oo xiganeysa waraysiyo ay la yeelatay Eritreeyaanka ku sugan gudaha iyo dibadda dalka. Intaa waxaa dheer, dowladda Eritrea ayaa soo rogtay xayiraado safar, taasoo mamnuucaysa in muwaadiniinta ka yar 50 sano ay dalka ka baxaan iyada oo aan loo haysan oggolaansho rasmi ah oo ka yimid hay’adaha ay khuseyso. Dadka ku nool caasimadda Asmara ayaa lagu wargeliyay sharciyadan cusub. Qof kasta oo u tegay xafiisyada deegaanka (Kebeles) si uu u helo adeegyada dowladda, oo ay ku jiraan rukhsadaha safarka, ayaa loo sheegay xeerarka la cusboonaysiiyay. Haweeney Eritrean ah oo ku nool Yurub, una warramtay BBC Amharic iyada oo codsatay in aan la magacaabin, ayaa sheegtay in waalidkeed ay u baahnaayeen fiiso bixitaan. Waxay xustay in hooyadeed loo oggolaaday, halka aabbaheed la diiday—taasoo ay u malaynayso inay la xiriirto xayiraadaha cusub. Abaabulka milatari ayaa u muuqda mid ballaaran, waxaana la faray in ay is-diiwaangeliyaan dad ay ka mid yihiin kuwa qaba xaasas ee leh carruur iyo sidoo kale kuwa horey uga baxsaday waajibaadka qaran. Mas’uuliyiintu waxay ballanqaadeen in kuwa dib u soo laabta aysan la kulmi doonin wax ciqaab ah. Sidoo kale, maxaabiis horey uga tirsanaa milatariga balse aan lagu xukumin dambiyo culus ayaa la sii daayay si ay dib ugu biiraan ciidamada. Haween badan oo safarro ganacsi u taga Turkiga iyo Imaaraadka Carabta si ay uga keenaan badeecooyin yar-yar ayaa sidoo kale saameyn uu ku yeeshay xayiraadaha safarka. Warar soo baxaya ayaa sheegaya in laga yaabo in haweenka laftooda dhowaan lagu wargeliyo inay u soo xaadiraan xarumaha tababarka milatariga. Xiisadda sii kordheysa ee u dhaxeysa Eritrea iyo Itoobiya ayaa walaac dhalisay, iyadoo laga cabsi qabo suurtagalnimada dagaal. Toddobaadkan, dowladda Eritrea ayaa Itoobiya ku eedeysay inay “colaad hurinayso” kaddib markii madaxweynihii hore ee Itoobiya, Mulatu Teshome, uu maqaal ku qoray Al Jazeera. Maqaalkiisa, Mulatu wuxuu ku eedeeyay in Eritrea ay la shaqeyneyso garab ka tirsan Jabhadda Xoreynta Shacabka Tigray (TPLF) si ay Itoobiya u wiiqdo. Iyadoo ay jireen warar sheegayay in dowladda Eritrea ay xirtay safaaraddeeda Addis Ababa, mas’uuliyiintu way beeniyeen sheegashadaas. Si kastaba ha ahaatee, xiriirka labada dal ayaa weli kacsan, waxaana jira cabsi laga qabo in xaaladdu kasii darto.

Wafdi sare oo ka socda Taliska Tababarada iyo Doktoriinka ee Ciidanka Xoogga Dalka Soomaaliyeed oo uu hoggaaminayo Taliyaha Taliska ayaa safar shaqo oo muhiim ah ku tagay dalka Turkiga. Ujeedka safarkaan ayaa ahaa xoojinta iyo horumarinta aqoonta tababarada Ciidamada, iyadoo Ciidanka Xoogga Dalka Soomaaliyeed loo diyaarinayo hanaan casri ah oo la jaanqaadi kara nidaamyada iyo xeeladaha cusub ee Ciidamada Caalamka. Intii uu waftigu ku sugnaa Turkiga, waxay booqdeen xarumo tababar oo kala duwan, kuwaas oo ay ka mid yihiin,Talisyada tababarka ee Ciidanka Dhulka, Kulliyadda Layliga Saraakiisha, Dugsiyada Madaafiicda & Gantaalaha, Dugsiga Isgaarsiinta, Xarunta Carbisyada Ciidanka, Dugsiga Tababarka Ciidamada Gaarka ah & Dallaayadaha (Special Forces & Airborne Training School) iyo Dugsiga Tababarka Komaandooska. Kulamo ay waftigu la qaateen saraakiisha Turkiga ayaa lagu lafaguray sidii loo xoojin lahaa iskaashiga dhinaca tababarka, sare u qaadidda tayada Ciidamada iyo la jaanqaadidda hababka casriga ah ee dhismaha iyo howlgalinta Ciidanka. Source: goobjoog.com

Nairobi (Caasimada Online) – Dowladda Kenya ayaa si weyn u adkaysay amniga xadka ay la wadaagto Itoobiya, halkaasi oo la geeyey ciidamo dheeraad ah, kadib weerar ay fuliyeen rag hubaysan, kaas oo ay mas’uuliyiintu ku sifeeyeen isku dhac xuduudeed. Ugu yaraan 22 qof ayaa weli la la’yahay. Wasiirka Arrimaha Gudaha Kenya, Kipchumba Murkomen, ayaa Isniintii sheegay in dowladda Kenya ay si dhow ula shaqaynayso mas’uuliyiinta Itoobiya si loo helo dadka maqan. Sida uu sheegay guddoomiyaha gobolka Turkana, Jeremiah Lomorukai, kalluumaysato Itoobiyaan ah ayaa Sabtidii waxay isku dhaceen dhiggooda reer Kenya ee ka kalluumaysta webiga Omo. Mas’uuliyiinta maxalliga ah ayaa xaqiijiyay in 15 doonyood la waayay. Booliska Turkana ayaa Axaddii sheegay in la la’yahay 22 kalluumaysato Kenyan ah, halka 15 doonyood la xaday. Dhanka kale, lix kalluumaysato ah oo ka tirsan qowmiyadda Dasenech ee Itoobiya ayaa la badbaadiyay oo dib loogu celiyay dalkooda. Dhinaca Itoobiya, ugu yaraan 13 qof ayaa ku dhintay, halka saddex kale ay ku dhaawacmeen iska horimaadka, sida uu Isniintii shaaciyay guddoomiyaha degmada Dasenech, Tadele Hatte. Xoghayaha Joogtada ah ee Wasaaradda Arrimaha Gudaha, Raymond Omollo, ayaa Axaddii uga digay warbaahinta iyo bulshada faafinta warar aan la xaqiijin, isaga oo xusay in arrimaha amniga aan lagu buunbuunin karin warar aan sal lahayn. “Dhacdadan waxay ka dhacday dhanka Itoobiya, waxaana baaritaan ku haya kooxaha amniga, oo ay ku jiraan Guddoomiyaha Gobolka, Guddoomiyaha Degmada iyo Kooxaha Sirdoonka Degmada, si loo helo xog dhamaystiran,” ayuu yiri Omollo. Wuxuu intaas ku daray: “Marka aan helno xog rasmi ah, waxaan la wadaagi doonnaa bulshada. Hadda waxa aan ugu baaqayaa in si taxaddar leh loo wajaho arrintan, maadaama amnigu yahay arrin culus oo aan la buunbuunin karin sababo kasta ha noqotee.” Bulshada Turkana ee Kenya iyo qowmiyadda Dassanech ee Itoobiya ayaa si wadajir ah u wadaaga dhaqaale ku salaysan xoolo-dhaqashada iyo kalluumaysiga. Gobolka ayaa horey waxaa uga dhacay weerarro xoolo-dhac ah oo lala beegsaday tuulooyin daris ah. Dowladda Kenya ayaa horey u kordhisay ciidamada kaydka ee xadka ka howlgala, balse dambiilayaashu waxay inta badan u baxsadaan dhanka Itoobiya. Wasiir Murkomen ayaa sheegay in Kenya ay qorshaynayso inay dhisto bar xuduudeed rasmi ah si dhammaan dadka soo galaya dalka loo hubiyo.

Muqdisho (Caasimada Online) – Burcad-badeed Soomaali ah oo muddo shan maalmood ah gacanta ku hayey doon kalluumeysi oo laga leeyahay Yemen ayaa ka baxsaday markabka, sida ay sheegeen saraakiisha Isniintii. Bayaan ay soo saareen ciidamada badda ee Midowga Yurub (EUNAVFOR Atalanta) ayaa lagu sheegay in weerarka burcad-badeedka ee dhacay 17-kii Febraayo uu bartilmaameedkiisu ahaa doon dhaqameed nooca dhow, oo ka shaqeysa biyaha Bariga Dhexe, waxaana weerarku ka dhacay agagaarka magaalada Eyl ee Soomaaliya. Markabka, oo lagu magacaabo Saytuun-2, ayaa gacanta burcad-badeedka ku jiray ilaa Sabtidii, sida ay sheegtay EUNAVFOR. Burcad-badeedda ayaa watay jaranjarooyin iyo hub, taasoo muujinaysa inay u badan tahay inay doonayeen inay weerarro kale fuliyaan iyagoo doonta kalluumeysiga u adeegsanaya sidii saldhig guur-guura. “Burcad-badeedka ayaa ka baxay doonta kalluumeysiga kadib markii ay xadeen qaar ka mid ah alaabtii shaqaalaha markabka,” ayaa lagu yiri bayaanka ciidamada badda ee Midowga Yurub. Waxa ay intaas ku dareen in shaqaalihii Saytuun-2 ay hadda badqabaan oo xor yihiin. Weerarada burcad-badeedka oo sii kordhaya Weerarkii 17-kii Febraayo wuxuu dhacay maalmo un kadib markii burcad-badeed kale ay weerareen doon kalluumeysi oo kale oo laga lahaa Yemen. Weerarkaasi wuxuu ugu dambeyn kusoo dhammaaday iyadoo burcad-badeedku ay baxsadeen, halka shaqaalihii markabka ay badbaadeen iyagoo aan waxyeello gaarin. Burcad-badeednimada ka jirtay xeebaha Soomaaliya ayaa gaartay heerkii ugu sarreeyay sanadkii 2011, xilligaas oo la diiwaangeliyay 237 weerar. Sida ay sheegtay kooxda la socodka burcad-badeednimada ee Oceans Beyond Piracy, falalka burcad-badeedka xilligaas waxay dhaqaalaha caalamka ugu kaceen qiyaastii $7 bilyan oo dollar, halka madax-furasho ahaan loo bixiyay $160 milyan oo dollar. Halisaha burcad-badeednimada ayaa si weyn hoos ugu dhacay kadib markii ay sare u qaadeen howlgallada ciidamada badda caalamiga ah, dowladda Soomaaliya ay xoojisay maamulkeeda, iyo dadaallo kale oo lagu xakameynayay falalka burcad-badeedka. Si kastaba ha ahaatee, weerarrada burcad-badeedda Soomaalida ayaa sanadkii la soo dhaafay dib u soo laba-kacleeyay, taasoo qeyb ahaan la xiriirta amni-darrada ka dhalatay weerarrada fallaagada Xuutiyiinta Yemen ay ka wadaan marinka Badda Cas ee la xiriira dagaalka Israel iyo Xamaas ee Qaza. Sida ay sheegtay International Maritime Bureau, sanadka 2024 waxaa laga diiwaangeliyay toddobo weerar oo burcad-badeednimo ah oo ka dhacay biyaha Soomaaliya.

Muqdisho (Caasimada Online) – Madaxweynaha HirSahbeelle Cali Guudlaawe ayaa galabta safar deg deg ah ku tegay deegaanka Cadaan-laxeey oo hoos taga degmada Ruun-nirgood ee gobolka Shabeellaha Dhexe, halkaas oo saakay barqadii ay soo weerartay kooxda Al-Shabaab, isla markaana loogu dhigay cashir lama ilaabaan ah. Ciidamada Xoogga Dalka iyo kuwa deegaanka oo fariisimo ku lahaa deegaankaas ayey soo weerareen Al-Shabaab, waxaana laga hortegay weerarkii ay doonayeen inay labo sano kadib dib ugu qabsadaan deegaanka muhiimka ah ee Cadaan-Laxey. Cali Guudlaawe oo watay ciidan gurmad ah ayaa tegay Cadaanlaxey, waxaana halkaas isaga carartay kooxdii Al-Shabaab ee weerarka soo qaaday, intaas kadib madaxweynaha HirShabeelle ayaa qabtay shir jaraa’id oo bulshada deegaankaas iyo ciidanka qaranka uu kula hadlay. “Al-Shabaab iyagoo intaan ka xoog badan, kana xoolo badan ayaa laga fara-maroojiyey deegaankaan, afar sano iyagoo geeda hoostood ku jiray lagama yaabo in maanta ay dib u qabsadaan Cadaan-laxey,” ayuu yiri Cali Guudlaawe oo u mahadceliyey ciidankii iyo shacabkii dagaalamay ee iska difaacay weerarkii Al-Shabaab. Weerarka Al-shabaab ay maanta ku qaadeen tuulada Cadaan-laxeey ayaa kusoo aadaya, iyadoo maalmahii lasoo dhaafay deegaano iyo degmooyin ka tirsan Sh/Dhexe ay ka dhaceen dagaalo culus, kadib markii Al-Shabaab oo labo sano ka hor laga xoreeyey gobolkaas ay soo laba kacleeyeen. Dhamaan degmooyinka gobollada HirShabeelle waxaa ka jira diyaar garow dagaal oo lamid ah kii labo sano ka hor ka curtay halkaas, deegaanada sida weyn ay dadku u diyaar garoobeen ee shacabku hubka lasoo baxay waxaa kamid ah Raage-Ceelle. Sawirro laga soo qaaday shacabka hubkooda lasoo baxay ee deegaankaas ayaa muujinaya dhalinyarada iyo odayaasha oo qaatay hubkooda, waxayna sheegeen inay diyaar u yihiin inay ku biiraan dagaallada looga hortagayo kooxaha Khawaarijta ee dib ugu soo rogaal-celiyey gobolka. Hoos ka daawo Cali Guudlaawe

Tripoli (Caasimada Online) – Madaxweynaha Soomaaliya Xasan Sheekh Maxamuud, ayaa kulammo miro dhal ah la qaatay Hoggaamiyaha Golaha Sare ee Liibiya, Mudane Maxamed Al-Manfi, iyo Ra’iisal Wasaaraha dalkaasi, Mudane Cabdixamiid Dabaybah, oo ay ka wada hadleen xoojinta xiriirka labada dal. Madaxweyne Xasan Sheekh ayaa madaxda Libya si gaar ah ugala hadlay iskaashiga labada dal ee dhinacyada tahriibka, dhaqaalaha, tamarta, iyo diblomaasiyadda. Madaxweynaha ayaa si gaar ah diiradda u saaray xaaladda tahriibayaasha Soomaaliyeed ee ku sugan Liibiya, isaga oo uga mahadceliyay Dowladda Liibiya iskaashiga ku aaddan soo celinta muwaadiniinta Soomaaliyeed ee tahriibeyaasha ah. Madaxweynaha ayaa u kuur-galay duruufaha adag ee dhalinyarada Soomaaliyeed ku heysta xabsiyada Libya, wuxuuna sheegay in Dowladda Soomaaliya ay ka go’an tahay in xal waara laga gaaro dhibaatooyinka tahriibka iyo daryeelka muwaadiniinta. Kulanka ayaa sidoo kale lagu lafaguray danaha wadajirka ah ee labada dal iyo sidii loo xoojin lahaa iskaashiga dhaqaale iyo siyaasadeed ee labada dowladood ee walaalaha ah. Madaxweynaha Soomaaliya iyo Hoggaamiyaha Liibiya ayaa isla qaatay in la dardargeliyo iskaashiga dhinaca tamarta, iyagoo adkeeyay muhiimadda ay leedahay isdhaafsiga khibradaha iyo teknoolajiyada casriga ah ee ku saabsan tamarta dib loo cusboonaysiin karo iyo sahminta shidaalka. Sidoo kale, Madaxweyne Xasan Sheekh iyo Ra’iisal Wasaare Cabdixamiid Dabaybah ayaa goobjoog ka ahaa saxiixa heshiisyo dhowr ah oo lagu xoojinayo iskaashiga labada dal. Labada dowladood ayaa waxaa heshiisyadaas u kala saxiixay wasiirrada iyo madaxda ay khuseyso, si kor loogu qaado iskaashiga horumarinta maalgashiga, is-dhexgalka dhaqaale, iyo adeegyada bulshada. Wasiirrada Arrimaha Dibadda, Arrimaha Gudaha, Amniga Qaranka, iyo Duqa Muqdisho ayaa heshiisyadaas u saxiixay Dowladda Federaalka Soomaaliya.

𝐌𝐚𝐝𝐚𝐱𝐰𝐞𝐲𝐧𝐞 𝐊𝐮𝐱𝐢𝐠𝐞𝐞𝐧𝐤𝐚 𝐉𝐒𝐋 𝐢𝐲𝐨 𝐰𝐚𝐟𝐭𝐢 𝐛𝐚𝐥𝐚𝐚𝐝𝐡𝐚𝐧 𝐨𝐨 𝐮 𝐡𝐨𝐠𝐚𝐚𝐦𝐢𝐧𝐚𝐲𝐨 𝐚𝐲𝐚𝐚 𝐬𝐚𝐟𝐚𝐫 𝐬𝐡𝐚𝐪𝐨 𝐤𝐮 𝐭𝐚𝐠𝐚𝐲 𝐆𝐨𝐛𝐨𝐥𝐚𝐝𝐚 𝐁𝐚𝐫𝐢𝐠𝐚 𝐉𝐚𝐦𝐡𝐮𝐮𝐫𝐢𝐲𝐚𝐝𝐝𝐚 𝐒𝐨𝐦𝐚𝐥𝐢𝐥𝐚𝐧𝐝 . Madaxweyne ku-xigeenka Jamhuuriyadda Somaliland Muddane Maxamed Cali Aw Cabdi iyo wafti ballaadhan oo u hoggaaminaayo oo ay mid yihiin Wasiirka Gaashandhigga , Wasiirka Gaadiidka, Wasiirul Dawlaha Arrimaha Gudaha, Wasiir ku xigeenka Maalgashiga, Taliyaha Ciidanka Qaranka iyo Xildhibaanno ayaa socdaal shaqo ku gaadhay Magaalada Ceerigaabo ee xarunta Gobolka Sanaag. Waftigan ayaa soo dhawayn loogu sameeyey Deegaanada u dhaxeeya Berbera ilaa Ceerigaabo iyaga oo waftigu galabta casarkii gaadhay magaalada Ceerigaabo. Ugu horreyn Cuqaasha, waxgaradka Gobolka Sanaag oo soo dhaweeyey waftiga ayaa sheegay in ay si bilaa shuruud ah waftiga kala shaqaynayaan doonaan hawlaha ay u socdaan. Badhasaabka Gobolka Sanaag iyo Maayir kuxigeenka Ceerigaabo oo iyaguna waftiga ku soo dhaweeyey Magaalada Ceerigaabo. Wasiirka Gaashaandhiga Somaliland oo madasha ka hadley ayaa hoosta ka xarriiqay in Xukuumadda cusub ay diyaar u tahay in ay bulshadeeda dhageysato isla markaana kala shaqayso arrimaha horumarinta Bulshada. Ugu Dambeyntii Madaxweyne ku xigeenka JSL Md.Maxamed Cali Aw Cabdi oo halkaasi ka hadlay ayaa si qoto dheer uga waramay ujeeddada socdaalkooda oo u ku sifeeyey sidii nabada Ceerigaabo looga wada shaqayn lahaa iyo Qaramaynta Ciidanka Madaniga ah. Qaran News

Puntland Defence Forces captured an ISIS outpost in Sheebaab village today. Sheebaab (PP News Desk) —Puntland Defence Forces today captured Sheebaab, a village under the jurisdiction of Qandala. ISIS, a terrorist outfit, used the village as an outpost. A banner written in Arabic was put up to “welcome” visitors to what the terrorist group called (Sheebaab Village) in the “Wilayat of Somalia,” a political appellation that misleadingly designates Somalia as part of the ISIS Caliphate. People who had not heard the name of the village before wondered if the name contained a spelling error. The similarity between the ISIS and Al-Shabaab flags, which had to be blurred when shared on social media networks, contributed to the confusion. Meanwhile, ISIS terrorists fled hideouts in Togga Jaceel in the Calmiskaad mountain range. Seven ISIS terrorists have surrendered to Puntland forces. At Sheebaab, Puntland soldiers discovered a hideout used by ISIS terrorists. A tunnel was dug in the ground and covered with corrugated sheets. “It is too dusty in here. The so-called emir [of ISIS] used tubes inserted into the tunnel for ventilation. This is a solar-powered bulb he used. The hideout also served as a communications depot” a soldier said in a video clip recorded for the media. The Sheebaab hideout was the last abode used by the ISIS senior leader, who fled the area after Puntland forces advanced on the village from several directions. “Hillaac Operation will continue until the last ISIS member is killed or captured” said General Abdi Hashi, the Commander of Puntland Defence Forces, who briefed the media in Sheebaab. © Puntland Post, 2025 The post Puntland Defence Forces Capture ISIS Outpost in Sheebaab appeared first on Puntland Post.

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa kulammo miro dhal ah la qaatay Hoggaamiyaha Golaha Sare ee Liibiya, Mudane Maxamed Al-Manfi iyo Ra’iisal Wasaaraha dalkan Mudane Cabdixamiid Dubayba oo ay ka wada hadleen xoojinta xiriirka labada dal iyo iskaashiga dhinacyada tahriibka, dhaqaalaha, tamarta iyo diblumaasiyadda. Madaxweynaha ayaa si gaar ah diiradda u saaray xaaladda tahriibayaasha Soomaaliyeed ee ku sugan Liibiya, isagoo uga mahadceliyay Dowladda Liibiya iskaashiga ku aaddan soocelinta muwaadiniinta Soomaaliyeed ee tahriibeyaasha ah, kuwaas oo duruufo adag ay ku qabsadeen dalkan, waxa uuna xusay in Dowladda Soomaaliya ay ka go’an tahay in xal waara laga gaaro dhibaatooyinka tahriibka iyo daryeelka muwaadiniinta. Kulanka ayaa sidoo kale lagu lafaguray danaha wadajirka ah ee labada dal iyo sidii loo xoojin lahaa iskaashiga dhaqaale iyo siyasadeed ee labada dowladood ee walaalaha ah. Madaxweynaha iyo Hoggaamiyaha Liibiya ayaa isla qaatay in la dardargeliyo iskaashiga dhinaca tamarta, iyagoo adkeeyay muhiimadda ay leedahay isdhaafsiga khibradaha iyo teknoolajiyada casriga ah ee ku saabsan tamarta dib loo cusboonaysiin karo iyo sahminta shidaalka. Sidoo kale, Madaxweyne Xasan Sheekh iyo Ra’iisal Wasaare Cabdixmiid Dabaybah ayaa goobjoog ka ahaa saxiixa heshiisyo dhowr ah oo lagu xoojinayo iskaashiga labada dal, kuwaas oo ay Labada Dowladood u kala saxiixeen Wasiirrada iyo Madaxda ay khuseyso, si oo kor loogu qaado iskaashiga horumarinta maalgashiga, is-dhexgalka dhaqaale iyo adeegyada bulshada. Source: goobjoog.com

Muqdisho (Caasimada Online) – Khilaafka u dhexeeya Dowladda Federaalka Soomaaliya iyo maamulka Jubbaland ayaa maraya meel xasaasi ah, kadib markii labada dhinac ay hawada isku mariyeen eedeymihii ugu cuslaa. Labada dhinac ayaa midba kan kale u jeedinaya eedeymo Shabaabnimo ah, iyadoo dhawaan Ra’iisul Wasaaraha Soomaaliya, Xamza Cabdi Barre uu hoggaamiyaha Jubbaland ku eedeeyay in uusan dhab ka aheyn dagaalka kooxda Al-Shabaab ka dhanka ah. Xamza ayaa tilmaamay in maamulka Jubbaland uusan dadaal badan ku bixin sidii looga saari lahaa Al-Shabaab deegaanada uu weli ka haysto Jubbaland, isagoo muujiyay shaki la xiriira wada-shaqeyn labada dhinac ah. “Markii Ciidanka Soomaaliyeed la weerarayo, Shabaab waa la dhex mari karaa, laakiin marka Shabaab la weerarayo lama dhex mari karo,” ayuu yiri Ra’iisul Wasaaruhu. Sidoo kale, wuxuu adeegsaday oraah caan ah ee “Shaki maleh in ay laba Shabaab wada shaqeeyaan,” taasoo uu ula jeeday inuu jiro xiriir hoose oo ka dhexeeya hoggaanka Jubbaland iyo Al-Shabaab. “Hubka loo adeegsaday ciidamada qalabka sida wuxuu ahaa mid loogu talagalay in lagu xoreeyo degmada Badhaadhe oo weli gacanta ugu jirta Shabaab,” ayuu yiri Xamza, isagoo nasiib darro ku tilmaamay in ciidanka dowladda lagu beegsado halkii loo adeegsan lahaa xoreynta. Eedeynta maxaa ka horreeyay? Eedeynta Xamza waxaa ka horeysay mid uu horey u jeediyay madaxweynaha Soomaaliya, Xasan Sheekh Maxamuud, taasoo ku sheegay in madaxweynaha Jubbaland, Axmed Madoobe, uusan marnaba si dhab ah dagaal ula gelin kooxda. Xasan Sheekh ayaa sheegay in ay jirto suuragalnimo ah in Axmed Madoobe uu dhowrayo xiriirkii hore ee uu la lahaa xubno ka tirsan Al-Shabaab. Dowladda Federaalka Soomaaliya ayaa eedeymahan gaarsiisay heer “inuu jiri karo heshiis qarsoodi ah” oo u dhaxeeya Axmed Madoobe iyo kooxda. ‘Jawaabta Jubbaland’ Maamulka Jubbaland oo sheegay in uusan aqoonsaneyn dowlad Soomaaliyeed oo fadhigeedu yahay Muqdisho ayaa dowladda ku eedeeyay in ay ka leexatay arrimihii hortebinta u lahaa, ayna xagal daacisay dagaalka kooxda Al-Shabaab. Dowladda Federaalka ayuu maamulku ku eedeeyay inuu siyaasadeeyay dagaalka dalka looga xoreynayo kooxaha Khawaarijta ah. “Ma aqoonsanin in dowlad Soomaaliyeed ay Muqdisho ka jirto. Inta dowlad la isla ogolyahay laga helayo, Jubbaland waxay dalbaneysaa in si toos ah loola macaamilo,” ayuu yiri Axmed Madoobe oo dhawaan weerar ku qaaday dowladda Xasan Sheekh. Axmed Madoobe ayaa eedeyn culus u jeediyay madaxda dowladda Federaalka, isagoo ku dhaliilay in ay dalka u horseedayaan burbur, islamarkaana ay siyaasadeeyeen wax kasta oo muhiim u ahaa shacabka iyo qaranka. Isku soo wada duubo, xiriirka dowladda dhexe iyo maamulka Jubbaland ayaa haatan maraya heer aad u liita, iyadoo ay jireen dagaallo toos ah oo dhex-maray ciidamada labada dhinac iyo eedeymo is-daba joog ah oo ku saabsan xiriirka lala leeyahay Al-Shabaab.

Ciidamada difaaca Puntland ee ka dagaalamaya buuraleyda Calmiskaad ee gobolka Bari ayaa la wareegay deegaanka Sheebaab oo ka mid ahaa meelihii ay fariisimada ciidan ku lahaayeen dagaaleyaasha kooxda. Sawirro baraha bulshada ee warbaahinta dowlad goboleedka Puntland la soo geliyay ayaa muujinaya ciidamada oo ku gaaf wareegaya tuuladan ku taalla dusha sare ee buuraleyda Cal-miskaad, islamarkaana kooxda Daacish ay fariisimaha muhiimka ku lahaayeen. Ciidamada ayaa la sheegay inay gacanta ku dhigeen kaydad ciidan oo ay kooxda Daacish ay lahaayeen, kuwaas oo isugu jira shidaal iyo saad kale oo xagga sahayaha ciidanka ah. Qabashada Sheebaab ayaa kamid ah guulaha wax ku oolka ah ee ciidamadu ay ka gaareen dagaalka ay kula jiraan kooxda Daacish, dhowr ayayna duqeymo kala duwani ka dheceen deegaankan. Source: goobjoog.com

Munaasibadda Saxeexa Dhismaha Xarunta Caafimaadka Taiwan Medical Center ee Cusbitaalka guud ee Hargeysa. Wasiirka Wasaaradda Horumarinta Caafimaadka Jamhuuriyadda Somaliland Dr.Xuseen Bashiir Xirsi iyo Safiirka Dalka Taiwan ayaa maanta si rasmi ah u kala saxeexday heshiiska dhismaha xarunta Caafimaadka Taiwan oo ku kacaysa 22 milyan oo dollar, kaasi oo laga dhex dhisi doono cusbitaalka guud Ee Hargeisa Group Hospital. Xaruntan ayaa laga hirgellin doonaa cusbitaalka guud ee Magaalada Hargaysa, iyadoo ay ku bixi doonto kharash gaadhaya 22 Million US Dollars oo ay bixin doonto Dawlada Taiwan. Taiwan Medical Center Wuxuu ka koobnaan doonaa: 1. 97 Sariirood 2. 7 Intensive Care Unit 3. 10 Emergency 4. Pharmacy Taiwan Medical Center Wuxuu kor u qaadi doonaa Adeegyadii Hargeisa Group Hospital ay ka heli jireen Bukaanada Wadankeenu. Qaran News

Boosaaso (Caasimada Online) – Ciidamada Puntland ayaa duhurnimadii maanta waxa ay maleeshiyada Daacish kala wareegeen dhawr saldhig, oo uu ku jiro saldhigga weyn ee Sheebaab. Saldhigan ayaa ku yaalla halka uu ku dhammaado Togga Jeceel, oo ay dagaalladii ugu cuslaa ku dhex-mareen Ciidanka Puntland iyo kooxda Daacish. Hawl-galkaan kooxda Daacish looga qabsaday saldhigyada cusub ayaa Taliyaha Ciidanka Badda Puntland, General Cabdiraxmaan Maxamed Jaamac, waxa uu sheegay in aysan wax dagaal ah kala kulmin muddadii uu hawl-galku socday. Arrintan ayaa lama filaan noqotay, maadaama la aaminsanaa in kooxdu ay ugu yaraan isku dayi doonto inay difaacato saldhigeedii ugu weynaa ee aagga buuraha Calmiskaad, xilli ay dagaal adag kula jiraan geesiyaasha Ciidanka Daraawiishta Puntland. Xeeladdan oo khubarada amnigu ku macneeyeen in mararka qaar noqon karto mid dhagareed ayaa waxaa hore u adeegsan jirtay kooxda Al-Shabaab, xilligii dagaalkii uu madaxweyne Xasan Sheekh ku qaaday 2022-2023. Istaraatiijiyaddan ayaa ah in aan dagaal toos ah la’la gelin ciidanka dowladda, si khasaaraha loo yareeyo, oo looga baxo hadba goob, taas beddelkeeda in ciidanka miino dhulka loo geliyo, la marin habaabiyo, kolba doc iyo dib loo weeraro iyo iska daba wareeg. Inkasta oo dagaalka Daacish laga gaaray horumar wanaagsan, haddana waxay khubarada amnigu ku talinayaan in aad loo feejignaado oo lagu dagmin xeeladaha cadowga naf la caariga ah.

Hargeysa,(Qaran news)-Gudoomiyaha xisbiga Kulmiye mudane Maxamed Kaahin Axmed isla markaasina ahaa Wasiirka arimaha gudaha ee xukuumaddii hore oo la hadlay warbaahinta ayaa xukuumadda Somaliland ugu booriyay in ay qabato oo aan maalin dib loo dhigin doorashooyinka golayaasha wakiilada iyo deegaanka. Gudoomiye Maxamed Kaahin ayaa sheegay in xukuumadda hada jirtaa ay masuul ka tahay qabsoomida doorashooyinka fooda inagu soo haya. Dhanka kale madaxweynaha Somaliland Dr Cabdiraxmaan Maxamed Cabdilaahi oo tofobaadkii hore isna la hadlay warbaahinta ayaa sheegay in ay xukumad ahaan ay ka go’antahay in ay qabtaan doorashooyinka fooda inagu soo haya. Sidoo kale gudiga doorashooyinka qaranka Somaliland ayaa daboolka ka qàday in ay diyaar u yihii in ay qabtaan doorashooyinka arintaasi oo dhiiri galisay dadkii isu soo sharxi lahaa doirashooyinka fooda inagu soo haya, taasi ay bilaabmatay in musharaxiintu ay la shiraan deegaanada laga soo dooran doono isla markaadna aad goob kasta ku arkaysid xayaysiiska musharaxiinta u taagan doorashooyinka soo socda. Qaran News

AQNcE0OPJEPvjmBHDD5UKX48LUmqA18dkr5sGpOVM0lyMvdv9fdgFK4MRh3w-agNprmqYYduN1wmVgj6nkNebHkj Qaran News

Marseille (Caasimada Online) – Saddex walxaha qarxa ah oo gacan ku sameys ah ayaa lagu tuuray qunsuliyadda Ruushka ee magaalada Marseille ee koonfurta Faransiiska, Isniinta maanta ah, balse ma jirin cid wax ku noqotay, sida uu sheegay sarkaal boolis ah. Labo ka mid ah walxaha qarxa ayaa qarxay, halka midda saddexaad aysan shaqeyn, sida uu sheegay sarkaalka, waxaana weerarkan uu ku soo beegmay sannad-guuradii saddexaad ee duullaankii Ruushka uu ku qaaday Ukraine. Booliska ayaa go’doomiyay qunsuliyadda, waxaana wariyeyaal ka tirsan AFP ay maqleen qarax uu sababay robot-ka baarista waxyaabaha qarxa. Wasaaradda Arrimaha Dibadda ee Ruushka ayaa cambaareysay weerarka, kuna tilmaantay “fal argagixiso.” “Qaraxyada ka dhacay qunsuliyadda guud ee Ruushka ee Marseille waxay leeyihiin dhammaan astaamaha fal argagixiso,” ayay tiri afhayeenka wasaaradda arrimaha dibadda, Maria Zakharova, oo la hadleysay warbaahinta Ruushka. “Waxaan dalbaneynaa in waddanka martida loo yahay uu sameeyo baaritaan dhameystiran oo degdeg ah, iyo in la qaado tallaabooyin lagu xoojinayo ammaanka xarumaha diblomaasiyadeed ee Ruushka,” ayay tiri Zakharova. Faransiiska ayaa si dhaqso ah u cambaareeyay dhacdadan. “Faransiisku wuxuu cambaareynayaa weerar kasta oo wax u dhimaya amniga xarumaha diblomaasiyadeed,” ayuu yiri afhayeen u hadlay wasaaradda arrimaha dibadda. “Xurmeynta, ilaalinta, iyo badqabka xarumaha diblomaasiyadeed iyo shaqaalahooda waa qodobo aasaasi ah oo ku xusan sharciga caalamiga ah,” ayuu yiri afhayeenka. Bishii Febraayo 24, 2022, hoggaamiyaha Ruushka, Vladimir Putin, ayaa duullaan ku qaaday Ukraine oo xulafo la ah reer Galbeedka, taasoo bilowday dagaalkii ugu weynaa ee Yurub ka dhaca tan iyo Dagaalkii Labaad ee Adduunka.

Mogadishu (HOL) – Somalia cleared 35 years of United Nations arrears, the government announced on Monday. Source: Hiiraan Online

Garoowe (Caasimada Online) – Hoggaamiyaha Puntland, Saciid Cabdullaahi Deni, ayaa dadkiisa iyo ciidanka maamulkiisa u jiheeyay inay iska dulqaadaan argagixisada muddo fog ku jirtay buuraha Calmiskaad. Dagaalka ayaa bil dhaafay, waxaana lasoo wariyay in ciidanka Puntland ay godad badan ka saareen dagaalyahannada argagixisada. Diyaaradaha aan duuliyaha lahayn ee dowladda Mareykanka ayaa dhowr jeer duqeyn ka geystay buuraha Calmiskaad intii uu socday dagaalka. Puntland waxay dagaalkan qaaday xilli uu jiro khilaaf siyaasadeed oo kala dhaxeeya dowladda federaalka ah ee Soomaaliya, gaar ahaan colaad shaqsiyadeed oo u dhaxeysa Madaxweyne Xasan Sheekh iyo Hoggaamiye Saciid Cabdullaahi Deni. Intii uu dagaalkan socday, Puntland wax gurmad ciidan ah, saanad, dhaqaale ama taageero kale kama helin dowladda Madaxweyne Xasan Sheekh. Si kastaba, Madaxweyne Xasan Sheekh ayaa Sabtidii, intii uu furayay kalfadhiga 6-aad ee Baarlamaanka Soomaaliya, sheegay in dowladda federaalka ay bixin doonto gurmadkii waajibka ku ahaa, ayna magacaabeyso guddi arrintaasi ka shaqeeya oo garab istaaga dagaalka ay Puntland kula jirto argagixisada. Madaxweyne Xasan Sheekh wuxuu horey u ballan-qaaday in uu argagixisada Soomaaliya soo afjari doono, balse dagaalka ay Puntland kula jirto kooxda Daacish ayaa hadda u muuqda mid uu si gaar ah u siyaasadeeyay. Maxaa sababay hadalka cusub ee Xasan Sheekh? Waxaa la aaminsan yahay in saddex arrimood ay keeneen in Madaxweyne Xasan Sheekh uu mowqifkiisa ka beddelo dagaalka Puntland: Guusha Puntland ee dagaalka – Puntland waxay si tartiib tartiib ah ugu sii siqeysaa guul, iyada oo aan wax taageero ah ka helin dowladda federaalka. Dibloomaasiyadda caalamiga ah – Dowladaha waaweyn ee caalamka, sida Mareykanka iyo Ingiriiska, waxay mudnaanta siiyeen dagaalka Puntland kula jirto argagixisada, iyaga oo si dhow ula shaqeynaya maamulka Deni, halka ay indhaha ka qarsanayaan xaaladda dowladda federaalka. Kor u kaca shacbiyadda Saciid Deni – Hoggaamiyaha Puntland, Saciid Cabdullaahi Deni, wuxuu si weyn ugu soo kacay siyaasad ahaan iyo shacbiyad ahaanba, taas oo caqabad weyn ku noqon karta Xasan Sheekh. Saddexdan qodob oo isku biiray ayaa la rumeysan yahay inay Xasan Sheekh ku riixayaan inuu wax uun ku darsado dagaalka ka socda buuraha gobolka Bari. Mowqifka Deni ma is beddeli doonaa? Su’aasha ay dad badan is weydiinayaan ayaa ah: Saciid Deni ma siin doonaa jid Xasan Sheekh, mise wuxuu sii wadi doonaa istiraatiijiyaddiisa madax-bannaan? Dadka sida dhow u yaqaan hoggaamiyaha Puntland waxay aaminsan yihiin in Deni uusan si sahlan mowqifkiisa u beddeli doonin. Wuxuu fahamsan yahay sida ay dowladda federaalka u dhibsanayso in Puntland ay hoggaamiso dagaalka argagixisada iyada oo aan helin taageeradii xaqa ahayd ee ay ka sugaysay Villa Soomaaliya. Haddii Puntland ay guul ka gaarto dagaalka, saameynta siyaasadeed ee Xasan Sheekh ayaa hoos u dhacaysa, taasoo sii kordhin karta xiisadda u dhaxeysa labada dhinac. AFEEF: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada admin@caasimada.net Mahadsanid.

https://qarannews.com/wp-content/uploads/2025/02/AQMoJ22R4v3LX7J5RsU5yzAVuxISKXHRUzLA1K5LlBAVmSTkjmr9OTT0Bf6pc0j3lT1-5owT3hnb_pGhdy154jqV.mp4 Qaran News

Taliska Ciidamada difaaca dowladda Puntland oo qoraal soo saaray ayaa si rasmi ah u shaaciyay warka ku saabsan qabashada degaanka Sheebaab oo ka tirsan degmada Qandala ee gobolka Bari. Bayaan ka soo baxay Taliska Ciidamada difaaca Puntland, gaar ahaanna Hawlgalka qaabilsan Ciribtirka Argagixisada ayaa lagu xaqiijiyay warka ku saabsan qabashada degaanka Sheebaab oo ka tirsan degmada Qandala ee gobolka Bari, halkaasi oo ay ka carareen dagaaallamayaasha ISIS ka hor inta aysan ciidanku gaarin. “Ciidanku waxay la wareegeen Sheebaab , Kayaxa iyo deegaannada ku hararysan, waxaa la qabtay Shidaal, hub iyo daawooyin loogu tegay Isbitaalka ay isticmaalayeen. labo xabaal wadareed ayaa lagu arkay magalada Sheebaab” ayaa lagu yiri bayaan ka soo baxay Taliska ciidamada difaaca Puntland, gaar ahaanna Hawlgalka qaabilsan Cirib-tirka Argagixisada. Ciidamada Puntland ayaa sidoo kale sheegay in ay shidaal, hub iyo dawooyin ugu tageen saldhigii Argagixisada Daacish ka carartay ee Sheebaab sidoo kalena ku arkeen laba xabaal wadareed ,oo ay ku aasan yihiin dagaallamayaashii halaagsamay ee kooxdaasi. PUNTLAND POST The post Ciidamada difaaca Puntland oo War rasmi ah ka soo saaray qabashada degaanka Sheebaab ee degmada Qandala appeared first on Puntland Post.