Las Anod (HOL) – A high-level delegation from the Federal Government of Somalia, led by Minister of Interior Ali Yusuf Ali Xoosh, arrived in Las Anod on Friday ahead of Prime Minister Hamse Abdi Barre's expected visit to the SSC-Khaatumo-administered town on Saturday. Source: Hiiraan Online

Kismaayo (Caasimada Online) – Wararka laga helayo degmada Luuq ee gobolka Gedo ayaa sheegaya in uu halkaas mar kale ka qarxay dagaal culus oo u dhaxeeya laba maleeshiyo beeleed. Goobjoogayaal ayaa xaqiijiyay in dagaalka uu saacadihii lasoo dhaafay si xoogleh uga socday duleedka degmada Luuq, iyadoo rasaas xoogan la maqlay gudaha degmada. Maleeshiyaadka dagaalamay ayaa la sheegayaa inay isticmaalayaan hubka noocyadiisa kala duwan, taasoo keentay khasaare dhimasho iyo dhaawacba leh. Dagaalkan dib u qarxay ayaa daba socda dagaallo horey uga dhacay magaalada Luuq, kuwaasoo sababay xaalad amni darro oo isa soo taraysa. Sida la og yahay, labada dhinac ee dagaalamaya ayaa horey ugu muransanaa maamulka degmada Luuq iyo sidoo kale aargoosi ku saleysan dilal hore u dhacay. Waxaa la xusuustaa in dhowr jeer oo hore ay isku dhaceen isla beelahan, balse aan xal rasmi ah laga gaarin khilaafkooda. Mas’uuliyiin ka tirsan maamulka Jubbaland, oo uu hormuud u yahay madaxweyne ku-xigeenka koowaad Maxamuud Sayid Aadan, ayaa horey ugu guuldareystay in ay xaliyaan xiisadda u dhaxeysa labada dhinac. Inkasta oo dadaallo nabadeed la sameeyay, haddana dagaalka ayaa si kedis ah dib ugu qarxay, taasoo muujinaysa sida xal waara looga gaari la’yahay arrinta. Odoyaasha dhaqanka ee degmada Luuq ayaa cod dheer ku baaqay in la joojiyo dagaalka, iyagoo ka digay inuu khasaare hor leh dhaliyo. Baaqyadaas nabadeed weli ma aysan yeelan wax saameyn ah, maadaama dagaalkii uu sii laba kacleeyay mar kale. Dagaalamayaasha labada beelood ayaa horey waxaa heshiis u kala dhex dhigay madaxweynaha Jubbaland Axmed Madoobe, hase yeeshee heshiiskaasi ma noqon mid waara. Markii heshiiskaasi burburay, waxaa muuqata in beelahaasi ay mar kale u laabteen adeegsiga hubka. Ilaa iyo hadda lama oga tallaabada ay qaadi doonaan dowladda federaalka Soomaaliya iyo maamulka Jubbaland ee ku aaddan xallinta colaaddan ka taagan Luuq. Colaadda sii kordheysa ee degmada Luuq ayaa walaac weyn ku abuurtay bulshada deegaanka, kuwaasoo baaqyo isdaba joog ah u diraya dhinacyada dagaalamaya iyo dowladda, si loo soo afjaro rabshadaha.

Wasiirro ka tirsan Xukuumadda Federaalka Soomaaliya ayaa maanta gaaray magaalada Laascaanood ee gobolka Sool, kuwaas oo hordhac u ah safarka Ra’iisul Wasaaraha XFS, Mudane Xamsa Cabdi Barre. Maamulka iyo Bulshada magaalada Laascaanood ayaa garoonka diyaaradaha ku soo dhaweeyey wafdigaan ka socda dowladda federaalka. Hoggaamiyaha Maamulka KMG ah ee SSC Khaatumo Cabdulqaadir Axmed Aw-Cali (Firdhiye) ayaa xarunta madaxtooyada ee maamulka SSC Khaatumo ku soo dhaweeyey wafdigaan, halkaas oo kulamo ay uga socdaan. Soo dhaweynta wafdiga Ra’iisul Wasaaraha ayaa si weyn looga dareemayaa magaalada Laascaanood ee gobolka Sool, Warbaahinta Qaranka ayaad toos ugala soca doontaan macluumaad safarka Xukuumadda ee Laascaanood. Source: goobjoog.com

Muqdisho (Caasimada Online) – Ra’iisul Wasaaraha Jamhuuriyadda Federaalka Soomaaliya, Xamza Cabdi Barre, ayaa la filayaa inuu safar shaqo oo laba maalmood ah ku tago magaalada Laascaanood ee gobolka Sool. Socdaalkan ayaa waxa uu noqonayaa mid si weyn u saameyn kara jihada siyaasadeed ee gobollada waqooyi, gaar ahaan xiriirka u dhexeeya SSC-Khaatumo iyo dowladda dhexe. Laascaanood, oo ah xarunta maamulka KMG ah ee SSC-Khaatumo, ayaa muddooyinkii u dambeeyay noqotay meel ay si gaar ah u eegayaan dadka falanqeeya arrimaha siyaasadda dalka. Booqashada Ra’iisul Wasaaraha ayaa loo arkaa mid si cad u muujinaysa in dowladda Federaalka ay si buuxda u garab taagan tahay maamulkan ku-meel-gaarka ah. Safarka Ra’iisul Wasaaraha ayaa bilaaban doona maalinta Jimcaha haddii dib u dhac kooban ku imaan, iyadoo la filayo in uu magaalada ka ambabaxo Sabtida. Socdaalku wuxuu noqonayaa mid kooban oo laba maalmood ah, balse muhiimad weyn xambaarsan. Xamza Cabdi Barre waxa uu socdaalkiisa ku wehlin doonaa ku dhawaad toban wasiir oo ka tirsan xukuumaddiisa. Waxa xusid mudan in wasiirradaas aysan ku jirin xubno ka soo jeeda gobollada Somaliland, taas oo u muuqata in dowladda Federaalka ay rabto in safarkan uu yeesho astaan mideysan oo qaran. Inta lagu guda jiro safarka, waxaa la filayaa in lagu dhawaaqo qorshe is-dhaafsi maxaabiis ah oo u dhexeeya labada dhinac ee SSC-Khaatumo iyo Somaliland. Wararka hordhaca ah ayaa sheegaya in Laascaanood ay ku xiran yihiin 283 maxbuus oo kasoo jeeda Somaliland, halka magaalada Hargeysa-na ay hayso 67 maxbuus oo kasoo jeeda dhinaca SSC. Ra’iisul Wasaaruhu wuxuu sidoo kale ku dhiirrigelin doonaa maamulka KMG ah ee SSC-Khaatumo inay dardar geliyaan habraaca dhismaha maamul goboleed rasmi ah oo si buuxda uga tirsan dowladda Federaalka. Arrintani waxay ka dhigan tahay tallaabo siyaasadeed oo muhiim u ah gobolka. Kulammo gaar ah ayaa sidoo kale la qorsheeyay in Ra’iisul Wasaaruhu la yeesho odayaasha dhaqanka ee kasoo jeeda deegaannada Baran, Dahar, iyo Laas Qoray. Ujeeddada kulammadan ayaa ah in la dhiso is-faham siyaasadeed oo ku saleysan awood-qaybsiga iyo nabadgalyada deegaanka. Mid ka mid ah yoolalka ugu waa weyn ee socdaalka ayaa ah in la dhagax dhigo ugu yaraan toban mashruuc oo horumarineed, kuwaasoo muhiim u noqon doona baahiyaha shacabka ee dhanka adeegyada aasaasiga ah sida caafimaadka, waxbarashada, iyo biyaha nadiifta ah. Mashruucyadan ayaa la filayaa inay sii xoojiyaan kalsoonida shacabka SSC-Khaatumo ay ku qabaan dowladda dhexe, iyo sidoo kale in ay tusaale u noqdaan sida ay u wada shaqeyn karaan heerarka dowladda kala duwan. Intaa waxaa sii dheer, Ra’iisul Wasaaruhu wuxuu si rasmi ah u furi doonaa xafiiska Hay’adda Diiwaangelinta Dadweynaha iyo Aqoonsiga Qaranka (NIRA) ee magaalada Laascaanood. Tani waxay dadka deegaanka siin doontaa fursad ay ku helaan kaararka aqoonsiga qaranka, taasoo muhiim u ah xaqiijinta xuquuqaha muwaadiniinta. Guddoomiyaha hay’adda NIRA ayaa horay u tagay magaalada Laascaanood, waxaana wararku sheegayaan in howlaha diyaargarowga furitaanka xafiiskaasi ay meel wanaagsan marayaan. Socdaalka Ra’iisul Wasaaraha ayaa ku soo beegmaya xilli uu gobolka weli wajahayo xaalado amni iyo siyaasadeed oo adag, balse safarkan ayaa loo arkaa mid iftiin u yeeli kara dadaallada lagu doonayo xasilinta iyo horumarinta deegaanka. Dadka deegaanka ayaa muujiyay xiisad iyo filasho weyn oo ku aaddan booqashada Ra’iisul Wasaaraha, iyagoo rajeynaya in socdaalkani uu noqdo mid billaabaya wejigii cusub ee wada-hadalka, nabadda, iyo horumarka. Falanqeeyayaasha siyaasadeed ayaa safarkan ku tilmaamay “booqasho taariikhi ah” oo xoojin karta wada shaqeynta SSC-Khaatumo iyo dowladda Federaalka. Waxay sidoo kale saadaalinayaan in socdaalkan uu calaamad u noqon karo isbeddel siyaasadeed oo cusub oo ka dhaca waqooyiga Soomaaliya. Inkasta oo dadka qaar ay isweydiinayaan cidda ugu faa’iido badan booqashadan, haddana waxaa cad in socdaalka Ra’iisul Wasaaraha uu yahay mid leh saamayn fog, lagana yaabo inuu beddelo jihada siyaasadeed ee SSC iyo guud ahaan gobollada waqooyi.

Laascaanood (Caasimada Online) – Ra’iisul Wasaaraha Soomaaliya Xamza Cabdi Barre, ayaa Sabtidii sheegay inuu qorsheynayo booqasho uu ku tagayo magaalada Laascaanood, oo ah caasimadda ku-meel-gaarka ah ee Maamulka Khaatumo. Safarkan ayaa noqonaya mid taariikhi ah, maadaama ay tahay markii ugu horreysay muddo ka badan nus qarni oo uu mas’uul sare booqdo magaalada istiraatiijiga ah gobolka Sool ee waqooyiga Soomaaliya. Mas’uuliyiin ku sugan Laascaanood ayaa xaqiijiyay in booqashadu dhici doonto, inkasta oo aan weli si rasmi ah loo shaacin jadwalkeeda. Waxaa hadda magaalada ku qul-qulaya wafdi horudhac u ah safarka Xamza. Shacabka magaalada ayaa si weyn u diyaarinaya soo dhaweynta, waxaana lagu wadaa xaflad ballaaran in ay dhacdo. Wadooyinka Laascaanood waxaa durba lagu arkayaa boorarka sawirka Ra’iisul Wasaaraha, iyadoo shacabka ay si weyn u muujinayaan rajadooda ku aaddan safarkan la filayo. Ra’iisul Wasaare Xamza ayaa sheegay in safarkiisu ujeedkiisu yahay xoojinta xiriirka ka dhexeeya Dowladda Federaalka Soomaaliya iyo Maamulka Khaatumo, islamarkaana aan loo fasiranin mid abuuri kara kala qeybsanaan, balse ah mid lagu doonayo midnimo Soomaaliyeed. “Booqashadayda Laascaanood waxay salka ku haysaa xoojinta xiriirka shaqo ee ka dhexeeya maamulka Khaatumo iyo Dowladda Federaalka. Ma aha safar lagu waxyeelleynayo gobol ama maamul kale, mana aha mid lagu kala fogeynayo dadka Soomaaliyeed. Waa safar lagu mideynayo shacabka walaalaha ah,” ayuu yiri Xamza. Wuxuu uga mahadceliyay shacabka iyo maamulka Khaatumo waddaniyadooda iyo soo dhaweynta diirran ee uu dareemay xitaa ka hor intaanu gaarin magaalada. Khaatumo waxay si rasmi ah ugu dhawaaqday madax-bannaanideeda 25-kii Agoosto 2023, kadib dagaal culus oo ay la gashay ciidamada Somaliland oo laga saaray saldhig istiraatiiji ah oo ku yaalla buuraha ku hareeraysan Laascaanood. Dagaalkaasi oo socday bilooyin ayaa sababay dhimashada boqolaal qof iyo barakaca boqolaal kale. Booqashadii ugu dambeysay ee mas’uul sare uu ku tago Laascaanood ayaa ahayd mid dhibaato sababtay. Dilkii madaxweyne Sharmaarke 15-kii Oktoobar 1969-kii, Madaxweynihii hore ee Soomaaliya, Cabdirashiid Cali Sharmaarke — oo sidoo kale ahaa Ra’iisul Wasaarihii ugu horreeyay ee dalka — ayaa lagu dilay Laascaanood xilli uu booqasho rasmi ah ku jiray. Waxaa dilay askari, taas oo horseedday in xukunka laga tuuro dowladdii markaas jirtay, waxaana xukunka la wareegay taliskii milatariga ee uu hoggaaminayay Janaraal Maxamed Siyaad Barre, oo dalka xukumayay 21 sano. Ninkii dilka geystay waa la toogtay. Waxaa markaa la fahmi karaa sababta safarka Xamsza uu durba u kiciyay dareenno kala duwan oo xooggan. Inkasta oo dad badan oo Soomaaliyeed ay u arkaan safarka mid rajo leh, haddana waxaa jira dhaleeceyn iyo cabasho ka timid dhanka Somaliland. Laascaanood gudaheeda, shacabka iyo mas’uuliyiinta deegaanka waxay si diirran u soo dhaweeyeen wararka ku saabsan safarka, iyaga oo caddeeyay in Khaatumo tahay maamul Soomaaliyeed oo nabad ah, oo u furan cid walba. Wasiirka Caddaaladda iyo Arrimaha Diinta ee Maamulka Ku-meelgaarka ah ee Khaatumo, Jeneraal Cabdi Xasan Maxamed Xijaar, ayaa xaqiijiyay in la sugayo safarka Ra’iisul Wasaaraha. “Waxaan u diyaargarownay booqashada Ra’iisul Wasaaraha Dowladda Federaalka oo la filayo inuu dhowaan yimaado magaalada Laascaanood ee gobolka Sool. Maamulka Khaatumo waa midka ugu nabdoon Soomaaliya. Shacabku si weyn ayay u sugayaan safarkiisa, waxayna diyaar u yihiin inay si diirran u soo dhaweeyaan,” ayuu yiri Wasiir Xijaar. Falcelinta Hargeysa Dhanka Hargeysa, wararka booqashada si wanaagsan looma qaadan. Hoggaamiyeyaal iyo dad rayid ah oo hadlay waxay sheegeen in Ra’iisul Wasaaraha uusan ku soo dhaweyn karin Laascaanood, iyagoo ku eedeeyay inuu jebinayo xeerar caalami ah. Somaliland ayaa sheegata inay ka go’day Soomaaliya, inkasta oo aysan weli helin aqoonsi caalami ah. Afhayeenka Madaxweynaha Somaliland, Xuseen Aadan Cigeh, ayaa ku celiyay sheegashada gooni-isu-taagga Somaliland, isagoo si adag uga hadlay safarka Xamza. “Madax-bannaanida Somaliland iyo dawladnimadeedu waa xaq taariikhi ah oo sharciyaysan, kuna saleysan rabitaanka shacabka. Socdaalkayaga madaxbannaanida waa mid ku saleysan adkaysi, is-maamul iyo xaq,” ayuu ku qoray bartiisa X. Wasiirka Warfaafinta Somaliland, Axmed Yaasin Sheekh Cali, ayaa isaguna si toos ah ula hadlay saxaafadda Talaadadii, isagoo muujiyay dareen cad. “Waddankeena iyo xuduudihiisa waan difaacaynaa si kasta oo ay ku kacdo. Nabaddeenna yaan loo arkin tabar-darro, balse waa dulqaadkayaga. Waxaan u aragnaa booqashadaada iyo falalkaaga mid la mid ah duullaankii Vladimir Putin uu ku qaaday Crimea iyo Donbas. Taasi ma keeneyso in Ukraine aysan jirin. Haddii aad tagto Laascaanood ama Garoowe, adigaa iska leh, laakiin annaga diyaar baan u nahay inaan is difaacno si kasta oo loogu baahdo,” ayuu yiri Wasiirka. Mowduuca ugu hadal-heynta badan Safarka Xamza ee Laascaanood ayaa noqday mowduuca ugu weyn ee laga hadlayo guud ahaan Soomaaliya. Falanqeeyayaal siyaasadeed ayaa u arka booqashada inay tahay fursad lagu soo afjari karo ajandaha muddada dheer ee gooni-isu-taagga Somaliland. Nabiil Afrax, falanqeeye siyaasadeed oo reer Puntland ah, ayaa sheegay in booqashada Ra’iisul Wasaaraha ay leedahay muhiimad qaran, ayna saameyn ku yeelan karto midnimada dhuleed ee Soomaaliya iyo xaalada gobolka Sool iyo Sanaag. “Booqashada Xamza waxay calaamad u tahay jebinta sheegashada Somaliland ee gooni-isu-taagga, waxayna ka careysiin doontaa siyaasiyiinta Hargeysa ee mabda’aas shacabka ka iibinaya. Laascaanood muddo dheer waxay ahayd meel lagu loollamo. Dad badan oo waddani ah waxay safarkan u arkaan mid lagu adkeynayo midnimada qaranka,” ayuu yiri. Wuxuu xusay in guusha safarka ay ku xirnaan doonto sida dowladda dhexe ay ula macaamisho Maamulada Khaatumo iyo Puntland. Wuxuuna ku daray in tijaabada dhabta ah ay tahay in safarku nabad ku dhammaado. Cabsi amni Qaar ka mid ah falanqeeyayaasha amniga ayaa muujiyay walaac la xiriira booqashada, iyagoo tilmaamay in ay xambaarsan tahay khataro siyaasad iyo amni. “Waxaan ka walwalayaa ammaanka Ra’iisul Wasaaraha marka uu tago Laascaanood. Inkasta oo Khaatumo haatan xor tahay, Hargeysa iyo Garoowe ma ogolaan doonaan in uu booqdo dhul ay iyagu sheegtaan. Waxaa sidoo kale jira khataro kaga iman kara kooxaha sida Al-Shabaab iyo Daacish,” ayuu yiri Cabdi Cali, oo ah falanqeeye siyaasadeed. Laascaanood waxay ku taallaa gobolka Sool, oo u dhexeeya magaalooyinka Hargeysa iyo Garoowe — kuwaas oo muddo dheer ku muransanaa lahaanshaha magaalada tan iyo markii ay burburtay dowladdii dhexe ee Soomaaliya 1991-kii. 25-kii Agoosto 2023, Laascaanood waxay si rasmi ah ugu dhawaaqday in ay tahay deegaan xor ah. Dowladda Federaalka Soomaaliya ayaa si diirran u soo dhawaysay, waxayna aqoonsatay Khaatumo inay maamulka ugu cusub ee dalka, loona diyaarinayo dowlad goboleed. Laascaanood waa magaalo leh taariikh qoto dheer, waxaana inta badan lala xiriiriyaa halgankii gobonnimada. Waxay u dhowdahay magaalada Taleex oo ahayd xaruntii Daraawiishta uu hoggaaminayay Sayid Maxamed Cabdulle Xasan — halyeygii Soomaaliyeed ee la dagaallamay gumeystihii Ingiriiska. Jaamac Cali, darawal ka shaqeeya Laascaanood, ayaa rajo ka muujiyay safarka, wuxuuna codsaday in taallo loo dhiso halyeyga Soomaaliyeed ee Sayid Maxamed Cabdulle Xasan. “Waan soo dhaweyn doonnaa Ra’iisul Wasaaraha, waanan ilaalin doonnaa sidii ukumo. Haddii uu yimaado, waxaan rajaynayaa inuu taallo weyn ka dhiso bartamaha magaalada — taallo loogu magac daro Sayid Maxamed Cabdulle Xasan, aabbihii halganka Soomaaliyeed,” ayuu yiri Jamaac.

Copenhagen (Caasimada Online) – Booliiska Denmark ayaa baaraya nin looga shakisan yahay inuu habeenimadii Isniintii toorey ku dilay gabar Soomaali ah oo 21 sano jir ahayd, dhacdadaas oo ka dhacday xaafadda Gormsvej ee magaalada Herning. Booliisku waxay rumeysan yihiin in weerarku uusan ahayn mid si aan kala sooc lahayn loo fuliyey. Marxuumadda ayaa la helay waxyar un kadib 9:00 habeennimo iyadoo qabta dhaawacyo badan oo toorey ah. Dad marayey goobta ayaa la xiriiray adeegyada gurmadka degdegga ah, waxayna isku dayeen inay u fidiyaan gargaarka deg-degga ah, balse waxaa markii dambe geerideeda lagu xaqiijiyey isbitaalka Gødstrup. Booliiska ayaa sheegay in baaritaanka lagu sameyn doono meydka Talaadada. Booliisku waxay sheegeen in ninka looga shakisan yahay uu ka baxsaday goobta isagoo u jihaysan dhanka Silkeborgvej iyo Herning Center. Waxaa lagu tilmaamay inuu yahay nin u dhexeeya 20 ilaa 25 sano jir, dhererkiisuna yahay qiyaastii 180 sentimitir (5’9), jir ahaanna caato ama dhexdhexaad ah, maqaarkiisuna yahay bunni. Muuqaal ahaan, waxaa lagu sifeeyey inuu u egyahay qof ka soo jeeda Bariga Dhexe. Markii ugu dambeysay waxaa lagu arkay isagoo xiran surwaal isboorti oo madow ah, jaakad buuran oo madow iyo af-saab. “Waxaan hawlgallo ka wadnay aagga habeenkii oo dhan, annagoo adeegsaneyna diyaarado aan duuliye lahayn iyo eeyaha booliiska,” ayuu yiri Taliye Hans Roost oo ka tirsan Booliiska Bartamaha iyo Galbeedka Jutland. “Waxaan si weyn u daneynaynaa in aan helno xog kasta oo la xiriirta wixii aan caadi ahayn ee la arkay.” Booliiska ayaa ugu baaqay dadka deegaanka ee leh kamarado ammaanka ama dashcam-yada inay dib u eegaan duubistooda laga soo bilaabo 7:00 ilaa 10:00 fiidnimo ee Isniintii, gaar ahaan agagaarka Gormsvej. Sidoo kale, muuqaalada laga duubay Axaddii iyo waaberigii Isniintii ayaa loo arkaa inay wax tar yeelan karaan. Dadka xog haya waxaa la oggol yahay inay si qarsoodi ah talooyin u gudbiyaan. “Haddii aad waddadaasi ku martay baabuur leh dashcam, ama halkaas ku joogtay, fadlan nala soo xiriir,” ayuu yiri Roost. Illaa iyo hadda, hubkii lagu dilay gabadha lama helin, sidoo kalena qofna looma xirin kiiskan. Roost wuxuu sheegay in natiijooyinka hore ay muujinayaan in gabadha si gaar ah loo bartilmaameedsaday. Si kastaba ha ahaatee, wuxuu xusay in baaritaanku wali furan yahay, isla markaana dhammaan suurtagalnimada la tixgelinayo. “Waqtigaan faahfaahin dheeri ah kama bixin karo, balse waxaa jira caddeymo xooggan oo muujinaya in weerarku uusan ahayn mid aan loo qorsheyn,” ayuu yiri. Subaxnimadii Talaadada, booliisku waxay saldhig booliis oo guur-guura ka hirgeliyeen xaafadda Gormsvej si ay gacan uga geystaan baaritaanka una taageeraan dadka deegaanka ee walaacsan. Waddooyinkii horay loo xiray ee ku yaallay Gormsvej, Thyrasvej iyo Silkeborgvej ayaa la furay mar dambe iyadoo la dhimay joogitaanka booliiska ee halkaas. Qof kasta oo haysta xog ama aragti la xiriirta kiiskan waxaa lagu boorriyey inuu la xiriiro Booliiska Bartamaha iyo Galbeedka Jutland, lambarka 114.

Khartoum (Caasimada Online) – Suudaan ayaa Khamiistii u sheegtay Maxkamadda Caalamiga ah ee Cadaaladda (ICJ) in Imaaraadka Carabta uu yahay “xoogga kaxeeya” ee ka dambeeya xasuuqa ay ka wado Darfur kooxda fallaagada ah ee dagaalka kula jirta ciidanka dowladda, taas oo ay ku eedeysay in Imaaraadku taageero siinayo. Khartuum ayaa dacwad ka dhan ah Imaaraadka hor geysay ICJ, iyadoo ku eedeysay inuu door ku leeyahay xasuuqa lagula kacayo beesha Masalit, iyada oo la adeegsanayo taageerada loo fidiyo ciidanka Rapid Support Forces (RSF) ee dagaalka kula jiray ciidamada qaranka tan iyo 2023. Imaaraadka ayaa si adag u beeniyay inuu taageero siiyo RSF, wuxuuna ku tilmaamay dacwadda Suudaan “riwaayad siyaasadeed” oo carqaladaynaysa dadaallada lagu doonayo in lagu soo afjaro dagaalka ay ku dhinteen tobannaan kun oo qof. Markii uu furayay dacwadda, wasiirka caddaaladda ku meel gaarka ah ee Suudaan, Muawia Osman, ayaa maxkamadda u sheegay in “xasuuqa socda aanu suuragal noqon lahayn la’aanta kaalmada Imaaraadka, oo ay ku jirto dirista hubka lagu taageerayo RSF.” “Taageerada tooska ah ee Imaaraadku siiyo RSF—oo ay ku jirto sahayda hubka iyo kaalmooyin kale—waxay ahayd, welina tahay, xoogga ugu weyn ee kaxeeya xasuuqa hadda socda. Waxaa ka mid ah falal ay ka mid yihiin dil, kufsi, barakicin khasab ah, iyo dhac hantiyadeed,” ayuu yiri Osman. Suudaan waxay maxkamadda ka codsatay in ay amarto Imaaraadka inuu joojiyo taageerada la tuhunsan yahay ee RSF, isla markaana bixiyo magdhow buuxa oo ay ku jiraan lacago la siiyo dhibbanayaasha dagaalka. Balse Reem Ketait, oo ah mas’uul sare oo u hadashay Imaaraadka, ayaa sheegtay in dacwadda Suudaan ay tahay “adeegsi qaldan oo xad-dhaaf ah oo lagu sameeyay hay’ad caalami ah oo sumcad leh,” isla markaana ay tahay dacwad “aan wax sal ah ku lahayn sharciga ama xaqiiqada.” “Suudaan waxa ay hadda u baahan tahay ma aha riwaayad siyaasadeed, balse waa xabbad-joojin degdeg ah iyo ballanqaad dhab ah oo labada dhinac ee dirirta ku lugta leh ay kaga go’an tahay wadahadal nabadeed,” ayay tiri Ketait oo war-saxaafadeed soo saartay. Dacwaddan ayaa timid maalin un kaddib markii Mareykanka iyo Sacuudi Carabiya ay ugu baaqeen ciidamada dowladda iyo kuwa RSF in ay dib u bilaabaan wadahadallo nabadeed oo lagu xallinayo colaadda dalka. ‘Dacwad si cad loo dhisay’ Khubarada sharciga caalamiga ah ayaa ka digay in dacwadda Suudaan ay halis ugu jirto in ay ku burburto sababo la xiriira awoodda maxkamaddu u leedahay inay dhageysato. Markii Imaaraadka uu saxiixay Heshiiska Xasuuqa (Genocide Convention) sanadkii 2005, wuxuu ku daray reservation—ama diidmo gaar ah—oo la xiriirta qodob muhiim ah oo u oggolaanaya dowladaha xubnaha ka ah in ay is dacweeyaan ICJ. Michael Becker, oo ah khabiir ku takhasusay sharciga caalamiga ah kana tirsan Trinity College ee Dublin, ayaa ku qoray maqaal uu u diray mareegta Opinio Juris in dacwadda Suudaan ay taabanayso “su’aalo muhiim ah.” “Sida laga filan karo, maadaama Imaaraadku uu sameeyay reservation ku saabsan Qodobka IX markuu saxiixay heshiiska 2005, Maxkamaddu waxay u badan tahay in ay go’aamiso inaysan awood u lahayn dhageysiga murankan,” ayuu Becker qoray. Suudaan waxay ku doodday in diidmada Imaaraadka ay si toos ah uga hor imanayso ujeeddada guud ee Heshiiska Xasuuqa, kaas oo diiradda saarayay mas’uuliyadda caalamiga ah ee ka hortagga dambiyada ugu xun ee bani’aadantinimada. Go’aannada ICJ, oo dhageysta murannada dowladaha u dhexeeya, waa kama dambays, waana qasab in la fuliyo. Hase yeeshee, maxkamaddu ma hayso awood ay ku dhaqan geliso amarradeeda. Tusaale ahaan, ICJ waxay horey ugu amartay Ruushka inuu joojiyo duullaanka Ukraine, balse amarkaasi lama fulin. “Waxaan maxkamadda horteeda keennay dacwad aad iyo aad u cad,” ayuu yiri wasiir Osman isagoo la hadlayay warbaahinta hortiisa Qasriga Nabadda ee magaalada Hague, halkaas oo ay ICJ fadhigeedu yahay. “Anaga oo aaminsan, haddii aysan jirin taageerada Imaaraadka, dhammaan xadgudubyada ka dhanka ah heshiiska xasuuqa lama arki lahayn,” ayuu ku daray.

Brussels (HOL) – Somalia's first National Security Service (NSS) director and a key figure in the military government of Siad Barre, General Ahmed Suleyman Abdalla Dafle, has died in Brussels, Belgium, on Thursday at the age of 87, his family confirmed. Source: Hiiraan Online

One fruit you may never have tried is said to be the healthiest of them all – known for being rich in vitamins, anti-oxidants and fibre, and it’s got a “nutritional score” of 96 out of 100, according to the BBC Fruit is a great breakfast, snack or dessert option, packed with vitamins, fibre, and numerous other beneficial nutrients for our overall health. When considering the healthiest fruit, some might suggest oranges due to their high vitamin content, or pomegranates for their antioxidants and anti-inflammatory benefits. Surprisingly, topping the BBC’s list of the “world’s most nutritious foods” with an impressive “nutritional score” of 96 out of 100 is a fruit that many might not guess. It ranks as the top fruit in this list and is placed second overall, just behind what is referred to as “the world’s healthiest snack” scoring 97. Qaran News

Antalya (HOL) – Somali President Hassan Sheikh Mohamud arrived in Antalya on Thursday night to attend the 4th Antalya Diplomacy Forum (ADF), which officially opened Friday and will run through April 13 under the theme “Reclaiming Diplomacy in a Fragmented World.” Source: Hiiraan Online

The Fourth Antalya Diplomacy Forum (ADF) will focus on the need for dialogue and diplomacy amid global challenges and increasing fragmentation on the international stage. Source: Hiiraan Online

Acknowledging mounting global policy-induced turbulence, business leaders and policymakers at the Djibouti Forum have called for renewed optimism and enhanced collaboration among African nations to withstand challenges. Source: Hiiraan Online

Sareeye Guuto Axmed Saleebaan Cabdalla (Dafle) oo ahaa Wasiirkii hore ee Arrimaha Gudaha , iyo xubin ka tirsan Guddiga Sare ee Siyaasadda ee Dowladdii Milateriga ayaa ku geeriyooday magaalada Brussels ee dalka Blegiumka. Sareeye Guuto Axmed Saleebaan Cabdalla (Dafle) oo sidoo kale soo noqday Taliyihii ugu horreeyay ee Ciidanka Nabadsugidda iyo Sirdoonka Qaranka, ayaa waxaa soddog u ahaa Madaxweynihii Dowladda Milateriga Marxuum S/Gaas Maxamed Siyaad Barre. Dafle, wuxuu ku dhashay magaalada Burco ee gobolka Togdheer sanadkii 1937-dii. Waxa uu sanadkii 1959kii waxbarasho dhinaca ciidanka loogu diray Akademiyadda Ciidamada ee Ingiriiska, halkaas oo uu saddex sano wax ku baranayay. Waxa uu kusoo noqday Soomaaliya 1962dii isaga oo xiddigle ah, waxa uuna tababare ka noqday Dugsigii Saraakiisha ciidamada ee Muqdisho. Sanadkii 1967-dii S/Guuto Axmed Suleebaan Dafle waxaa uu taliye urur ka noqday ciidamadii fadhigoodu ahaa Magaalada Seylac, xilligaas oo ku begnayd waqtigii aftida laga qaadayay dalka Jabuuti. Waxa uu isla sanadkaas madax ka noqday Xafiiskii Wardoonka ee Ciidankii Xoogga Dalka Soomaaliyeed, isaga oo islamarkaas na xoghaye u ahaa Maxamed Siyaad Barre oo ahaa taliyihii ciidanka xoogga. Sanad kadib waxa uu u dalacay Gaashaanle, isaga oo 1969kii ka mid ahaa saraakiishii afgembiga kula wareegtay xukunka dalka kadib dilkii madaxweyne Cabdirashiid Cali Sharmaarke. Dafle oo ay u dhaxday gabadhii Maxamed Siyaad Barre waxaa labo jeer la dalacsiiyay intii u dhexeysay 1970kii iyo 1971dii, iyada oo la siiyay darajooyinka Gaashaanle Dhexe iyo Gaashaanle Sare. Dalacsiinta dambe kadib waxa uu noqday taliyaha ciidanka Nabadsugidda Qaranka. Waxa uu xubin ka noqday Guddigii Golaha Sare ee Kacaanka sanadkii 1974dii, isaga oo qaabilsanaa dhinaca nabadgelyada. Labo sano kadibna, waxaa loo dalacsiiyay sarreeye guuto. Waxa uu Dafle ka mid ahaa dadka ugu dhawaa Siyaad Barre, iyada oo lagu eedeeyay in uu qeyb ku lahaa tacadiyo iyo dembiyo ay geysatay hay’adda nabadsugidda intii xilka hayay, iyo tacadiyo kale ee ay geysteen kacaanka. PUNTLAND POST The post Axmed Saleebaan Dafle oo xilal kala duwan ka soo qabtay dowladdii Militariga Soomaaliya oo xalay geeriyooday appeared first on Puntland Post.

Donald Trump has said there will "always be transition problems" and "difficulty" as markets fell again amid continued uncertainty over the US president's global tariff war. Source: Hiiraan Online

Rigathi Gachagua says Kenyan leader is the 'real commander' of RSF, allowing paramilitary group to launder gold money through Nairobi Source: Hiiraan Online

Hamsa Abdi Barre, the Prime Minister of the Federal Republic of Somalia, met with Ambassador Abdullah Al Otaibi, Head of the Arab League Mission to Somalia, to discuss means to enhance joint cooperation, particularly in political and economic domains. Source: Hiiraan Online

Qaran News

Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa maanta gaaray magaalada Antalya ee dalka Turkiga, halkaas oo uu uga qaybgalayo Meertada 4aad ee Madasha Diblomaasiyadda Antalya (Antalya Diplomacy Forum 2025). Madaxweynaha ayaa lagu soo dhoweeyey si diirran, iyadoo munaasabaddaasi ay isugu imaanayaan madaxda caalamka, siyaasiyiin, diblomaasiyiin iyo khubaro ku xeel dheer arrimaha caalamiga ah. Ujeeddada shirka ayaa ah in la xoojiyo wadashaqeynta caalamiga ah, lana dhiirrigeliyo xallinta khilaafaadka iyo iskaashi horumarineed oo waxtar leh. Inta uu shirku socdo, Madaxweynaha Soomaaliya waxa uu kulammo gaar-gaar ah la yeelan doonaa qaar ka mid ah madaxda dowladaha iyo wufuudda ka soo qeybgaleysa madasha, isagoo diiradda saaraya xoojinta xiriirka diblomaasiyadeed, iskaashiga dhaqaale, iyo arrimaha amniga iyo horumarka Soomaaliya. Safarkan Madaxweyne Xasan Sheekh Maxamuud uu ku tegay dalka Turkiga ayaa qeyb ka ah dadaallada dowladda Federaalka ee ku aaddan kobcinta xiriirka caalamiga ah iyo ka miro-dhalinta danaha qaranka Soomaaliyeed. Source: goobjoog.com

Muqdisho (Caasimada Online) – Madaxweynaha Soomaaliya Xasan Sheekh Maxamuud ayaa si cad u sheegay in hoggaamiyaha Jubbaland, Axmed Maxamed Islaam “Madoobe,” uusan ka mid noqon doonin wajiga hore ee wadatashiyada qaran ee la qorsheynayo, taasoo muujinaysa isbeddel weyn oo ku yimid siyaasadda dowladda federaalka ee la xiriirta wadahadallada siyaasadeed. Sida ay xaqiijiyeen ilo-wareedyo xog-ogaal u ah kulan dhowaan albaabadu u xirnaayeen oo dhexmaray Madaxweyne Xasan Sheekh iyo Danjiraha Mareykanka ee Soomaaliya, Richard H. Riley, madaxweynuhu wuxuu soo bandhigay qorshe labo weji ah oo loogu talagalay in lagu gaaro is-afgarad qaran oo ku saabsan arrimaha mudnaanta leh. Wajiga koowaad wuxuu u furnaan doonaa dhammaan siyaasiyiinta Soomaaliyeed, iyadoo diiradda la saarayo qorsheyaal lagu wajahayo dagaalka lagula jiro Al-Shabaab. Wadahadalladan ayaa lagu wadaa in si toos ah looga baahiyo telefishanka qaranka si loo dhiirrigeliyo daahfurnaan iyo ka-qaybgal ballaaran. Wajiga labaad, oo Villa Somalia ku tilmaantay “wada-hadal maamul,” ayaa xadidi doona ka-qaybgalka, waxaana lagu casuumi doonaa oo kaliya madaxda sare ee dowladda federaalka iyo dowlad-goboleedyada ee leh sharciyad dastuuri ah iyo awood go’aan qaadasho. Axmed Madoobe oo laga reebay Madaxweyne Xasan Sheekh ayaa muujiyay inuu diyaar u yahay wada-hadal toos ah oo uu la yeesho Madaxweynaha Puntland, Siciid Cabdullaahi Deni, balse si cad ayuu u sheegay in Axmed Madoobe aanu ka mid noqon doonin ka qaybgalayaasha shirka. “Tani ma aha kulan dib u midayn ah. Waa wada-hadal u dhexeeya mas’uuliyiinta leh xilka iyo awoodda go’aan qaadashada,” ayuu yiri sarkaal ka tirsan Villa Somalia. “Kaliya kuwa si sharci ah u metela dowladda iyo shacabka ayaa lagu casuumayaa.” Go’aanka lagu reebay Madoobe wuxuu ka tarjumayaa mowqifka Villa Somalia ee ah in muddo-xileedkiisu uu dhammaaday, arrintaasoo sii adkeynaysa khilaafka ka jira hab-dhismeedka federaalka ee dalka. Inkasta oo khilaafaadka u dhexeeya dowladda dhexe iyo dowlad-goboleedyada aysan ahayn kuwo cusub, haddana waa markii ugu horreysay ee madaxweyne federaal ah si rasmi ah uga reebo hoggaamiye dowlad-goboleed ka qaybgalka shir qaran oo heer sare ah. Dowladda Mareykanka, oo ah saaxiib muhiim ah oo Soomaaliya kala shaqeeya amniga iyo xasillinta, ayaa si rasmi ah loogu wargeliyay qorshahan. Sida la sheegay, Danjire Riley wuxuu ku boorriyay Madaxweyne Xasan Sheekh in geeddi-socodku noqdo mid furan oo loo dhan yahay, inkastoo qaabka kama dambaysta ah ee shirka uu muuqdo mid horey loo go’aamiyay. Xaaladda guud oo kacsan In kasta oo Soomaaliya ay qabatay doorashooyin federaal ah sanadkii 2022 kadib dib u dhacyo badan, haddana khilaafaad siyaasadeed ayaa weli jira — gaar ahaan muranka ka dhashay isbeddellada dastuurka ee dhawaan ay ansixiyeen golaha wasiirrada iyo baarlamaanka, kuwaas oo ay Puntland iyo kooxaha mucaaradka ahi si adag u diideen. Dhinaca amniga, ciidamada dowladda oo kaashanaya maleeshiyada deegaanka ee Ma’wisleyda iyo saaxiibada caalamiga ah ayaa wali wada hawlgallo ballaaran oo ka dhanka ah Al-Shabaab, gaar ahaan gobollada bartamaha dalka. Kooxda Al-Shabaab ayaa weli halis amni ku ah dalka, iyadoo inta badan ka faa’iideysata xaaladaha siyaasadeed ee aan xasilnayn si ay dib isu abaabusho una fuliso weerarro. Iyadoo howlgalka cusub ee Midowga Afrika ee xasillinta (AUSSOM) uu si rasmi ah u beddelay ATMIS, waxaa sii kordhaya baahida loo qabo in hoggaanka dalka ay gaaraan is-afgarad guud oo ku saabsan jihada siyaasadeed iyo midda amni. Madaxweyne Xasan Sheekh wuxuu shirka soo socda u arkaa mid lagama maarmaan u ah xasillinta dalka, siyaasiyan iyo amni ahaan. Haddaba, su’aasha taagan waxay tahay: ma ka reebista hoggaamiyeyaal awood leh ayaa lagu gaari karaa ujeeddadaas, mise waxay sii wiiqi doontaa dadaallada lagu raadinayo midnimo qaran?

Sarreeye-guuto, Axmed Saleebaan Cabdalle (Dafle) oo kamid ka ahaa shantii Golaha-sare ee dowladdii kacaanka, sidoo kale ahaa asaasihii Hey’adda Nabad-sugidda iyo Sirdoonka Qaranka ee NSS ayaa geeryooday caawa sida ehelkiisu ay xaqiijiyeen. Janeraal oo muddo dheer ka tirsanaa madaxdii ugu awoodda badnayd dowladdii kacaanka, ayaa burburkii wixii ka dambeeyay ku noolaa qurbaha, wuxuuna ku geeriyooday da’da 88 sano. Dafle wuxuu ku dhashay Burco sanadkii 1937-dii, asagoo aad u da’yar ayuuna ku biiray ciidamada qalabka sida, markii dambena wuxuu kamid noqday shantii nin ee dalka ugu awoodda badnaa, asagoo ahaa madaxweyne ku xegeen iyo Taliyaha hay’adda nabad-sugidda iyo sirdoonka qaranka oo xilligaas loo yaqaanay NSS. Hoggaamiyaha maamulka SSC-Khaatumo Cabdiqaadir Axmed Aw-Cali ayaa ummadda Soomaliyeed uga tacsiyeeyay geerida ku timid Alle ha u naxariistee Sarreeye Gaas Axmed Saleebaan Cabdalle, asagoo ku tilmaamay halyey Soomaliyeed oo taariikhda baal dahab ah uga jira. Inta badan madaxdii dowladdii kacaanka ayaa horay u geeriyooday, waxaana hadda shantii golaha sare hadda ka nool major General Ismaaciil Cali Obokor oo ahaan jiray madaxweyne ku xegeen iyo Guddoomiyaha baarlamaanka dalka intii u dhexeysay sanadihii 1971 ilaa 1982. Source: goobjoog.com

Ka-naxsade ayaa dhacay siyaasiga maqaayadda ku dhex ooyay. Nayroobi (Faallo) — Dhowr toddobaad ka hor siyaasi Soomaaliyeed ayaa magaalo dal shisheeye ku taalla ku dhex baroortay. Goobtu waxay ahayd maqaayad weyn oo Soomaalidu ka shaahdo kuna fadhi-ku-dirirto. Mar uun buu si qeylo dheer u “booyay”. Dadka maqaayadda fadhiyay baa soo wada eegay isaga. Ninku wuxuu ahaa siyaasi dad badan ay yaqaannaan. “Hoodayeey, ba’ayeey, lay dhacyeey”. Dadka maqaayadda ku sugnaa waxay moodeen in qalinshubato ninka ku dhex boobtay maqaayadda. Dhowr nin baa aamusiyay ninka siyaasiga ahaa. Kaddib markuu in yar degay buu sheegay sababta uu maqaayadda ugu dhex baroortay. “Nin ganacsade ah ayaan lacag ku darsaday. Inuu khasaaray oo uusan waxba haysanin buu ii sheegay. Aniguse ma hubo waayo ninku dad hore ayuu sidaas u dhacay oo waan ogaa” buu ninka siyaasiga ahaa u sheegay dadka. In nin dadka lacagta ka urursada oo kaddib dhaca uu lacag ku aamminay baa yaab noqotay. Ninka siyaasiga ah laftigiisu lacagta uu ku darsaday ninka ganacsadaha ah (laakiin dad badan hadda u yaqaannaan ka-naxsade) waxay ahayd lacag booli ah. Lacag laga soo dhacay dadweynaha Soomaaliyeed. Yaabka kale wuxuu ahaa in ninka siyaasiga ahaa aan lagu aqoonin carrab li’ sababi karta inuusan karin ku dhawaaqista xarfaha qaarkood. Waxay filayeen inuu dhihi karay “hoogayeey ba’ayeey” halkii uu “hoodayeey ba’ayeey” ka lahaa markii uu gocday ka-naxsadihii afka iska mariyay boolidii siyaasigu u malaynayay inuu ka faa’iido karo. Nin maqaayadda ka qaxwaynayay ayaa kaddib sidan u fallooday: “Siyaasiga Soomaaliyeed wuxuu u baahan yahay inuu sito dejiye”. “Ma daawo oohinta bi’isa baa?” nin ag taagnaa baa ninka kale su’aalay. “Maya waa caagga carruurta afka loo geliyo marka ay ooyaan si loo dejiyo. Magaaladan waxaa looga yaqaannaa ‘pacifier’” ayuu ku jawaabay. © Puntland Post, 2025 The post “Siyaasiga Soomaaliyeed wuxuu u baahan yahay Dejiye” appeared first on Puntland Post.

Muqdisho (Caasimada Online) – Waxaa caawa geeriyooday aas-aasihii Hay’adda Sirdoonka Soomaaliya ee NISA Jeneraal Axmed Saleebaan Cabdalla (Dafle) siyaasigii ugu saameynta badnaa qaaradda Afrika sanadihii lixdamaadkii, sidoo kalena ahaa saraakiishii ugu xukunka adkeed dowladdii kacaanka ee Jeneraal Maxamed Siyaad Barre. Isagoo ah nin da’a ah ayuu caawa geeriyooday Dafle, muddo dheer ayuu ka soo shaqeynayey Hay’adda NISA, isagoo ahaa Agaasimihii aas-aasay, sidoo kale wuxuu door cajiib ah ka soo qatay dagaaladii Soomaaliya ay la gashay Itoobiya iyo xornimada dalal badan oo Afrikan ah. Fahad Yaasiin oo NISA Agaasime ka soo noqday ayaa kamid ah dadka ka hadlay geerida Dafle, wuxuuna sheegay inuu la yaabay xogtiisa markii uu ugu tegay Taliska NISA ee Habar-Khadiija, isagoo sheegay inuu ugu magac daray Masjid laga dhisay xarunta NISA. “Aasaasihii koowaad Sirdoonka Soomaaliya Dafle, wuxuu mar ahaa siyaasigii ugu saamaynta badnaa Qaarada Afrika, isagoo sabab u noqday xornimada tiro ka 10 dal oo Afrikaan ah, loollankii dagaalkii qaboobaa wuxuu udub dhexaad u ahaa tartanka labadaas quwadood ee Qaaradda Afrika iyo dunida Carabta qaarkeed” ayuu yiri Fahad Yaasiin. Wuxuu sheegay in awoodda Sirdoonka Soomaaliya uu gaarsiiyey heer ay ka war qabeen nolosha ka jirtay guriga Mingistu Xayla Maryam-kii Itoobiya. “Guulihii furimaha dagaalkii 1977-kii waxaa saldhig u ahaa in sirdoonku heli jiray xogta Ciidanka Itoobiya, Maskaxdii iyo farshaxankii uu ku dhisay Sidoonka Qaranka Soomaaliya ayaa weli lagu hoggaamiyaa,” ayuu qoraalkiisa ku yiri Fahad Yaasiin. Sidoo kale, wuxuu sheegay in markii uu noqday Taliyaha Sirdoonka Soomaaliya ee NISA, inuu arkay taariikhda uu Dafle ka tagay, isagoo yiri, “waxaan ugu magac daray Masjidka weyn ee xarunta Hay’adda ka dhisan – Allaha u naxariisto Axmed Saleebaan Dafle.” Wasiirka Amniga Soomaaliya Jeneraal Cabdullaahi Sheekh Ismaaciil (Fartaag), oo isna ka hadlay geerida Jeneraal Dafle ayaa yiri, “Waxaan tacsi tiiraanyo leh u dirayaa ehelka iyo guud ahaan ummadda Soomaaliyeed uu ka baxay Allaha u naxariistee Jeneraal Axmed Saleebaan Dafle oo kamid ahaa saraakiishii haldoorka ahaa, mudda dheerna u soo adeegayey dalkiisa, isaga oo soo qabtay xilal kala duwan oo isugu jira kuwa ciidan iyo maamul.” Allaha u naxariistee Sareeye Guuto Axmed Suleymaan Cabdalla (Dafle) oo ahaa Wasiirkii hore ee Arrimaha Gudaha iyo xubin ka tirsan Guddiga Sare ee Siyaasadda ee Dowladdii Milateriga ayaa ku geeriyooday magaalada Brussels ee dalka Blegiumka. Sareeye Guuto Axmed Suleymaan Cabdalla (Dafle) oo sidoo kale soo noqday Taliyihii ugu horreeyay ee Ciidanka Sirdoonka iyo Nabadsugidda Qaranka Soomaaliyeed, ayaa waxaa soddog u ahaa Madaxweynihii Dowladda Milateriga Marxuum S/Gaas Maxamed Siyaad Barre. General Axmed Saleebaan Dafle ayaa ku dhashay magaalada Burco ee gobolka Togdheer ee Waqooyiga Soomaaliya, sanadkii 1937-kii, waxaana 1971-kii loo magacaabay Taliyaha Ciidanka Sirdoonka Qaranka (NSS) xilkaasi oo uu muddo dhowr sanno ah hayey, intaan loo magacaabin xilal kale oo qaran, intii ay dalka ka talineysay Xukuumaddii Milateriga. Burburkii dowladii dhexe kadib, Allaha u naxariistee Sareeye Guuto Axmed Suleymaan Cabdalla (Dafla) waxa uu ku noolaa dalka Eritrea, kadibna waxaa uu uga sii gudbay magaalada Brussels ee dalka Belgiumka oo uu caawa ku geeriyooday.

Mogadishu (HOL) — Türkiye and Somalia signed a new agreement Thursday for onshore oil and gas exploration. Source: Hiiraan Online

Muqdisho (Caasimada Online) – Afhayeenka Xukuumadda Soomaaliya, Farxaan Jimcaale ayaa faahfaahin ka bixiyey ujeedka safarka Ra’iisul Wasaaraha Soomaaliya, Xamza Cabdi Barre, uu ku tagayo magaalada Laascaanood ee xarunta gobolka Sool, oo uu ku tilmaamay in uu yahay 𝗦𝗮𝗳𝗮𝗿𝗸𝗶𝗶 𝗡𝗮𝗯𝗮𝗱𝗱𝗮 𝗶𝘆𝗼 𝗠𝗶𝗱𝗻𝗶𝗺𝗮𝗱𝗮 𝗦𝗼𝗼𝗺𝗮𝗮𝗹𝗶𝘆𝗮. Waa safarkii ugu horeeyey ee Ra’iisul Wasaare Soomaaliyeed u uku tegayo Laascaanood, waa booqasho qeyb ka ah ‘dadaallada xukuumadda Xamsa ee nabadda, midnimada, iyo horumarinta dalka’ sida uu sheegay afhayeenka xukuumadda. Dowladda Federaalka Soomaaliya ayaa qaatay go’aan adag oo ay ku ilaalineyso midnimada dalka, Ra’iisul Wasaare Xamza Cabdi Barre ayaa si dhow ugu kuur-geli doona xaaladda dhabta ah oo ay ku noolyihiin bulshada ku dhaqan deegaanada SSC Khaatumo. Xukuumadda Soomaaliya waxay sheegtay Xamza Cabdi Barre uu booqashadaan diiradda ku saari doono arrimaha amniga, dhaqaalaha iyo adeegyada bulshada, six al waara loogu helo duruufaha ay la tacaalayaan muwaadiniinta Soomaaliyeed ee ku nool deegaanada SSC Khaatumo. Masuuliyiinta SSC Khaatumo ayuu Xamsa Cabdi Barre la kulmi doonaa inta uu ku sugan yahay Laascaanood, sidoo kale wuxuu la kulmayaa qeybaha kala duwan ee bulshada, sida ay shaacisay xukuumaddu. Hormarka deegaanka iyo sidii looga gudbi lahaa caqabadaha jira ayaa diiradda lagu saari doonaa safarka Ra’iisul Wasaaraha Soomaaliya, Xamza Cabdi Barre ee Laascaanood, nabadeynta deegaanka iyo mideynta bulshada ayaa saldhig looga dhigi doonaa wax kasta. Xamza Cabdi Barre, ayaa Laascaanood ka dhagax-dhigi doona, kuwa la hirgeliyana xarigga ka jari doona, sida lagu shaaciyey faahfaahinta xukuumadda ee safarkaas. “Xukuumadda Soomaaliya waxaa ka go’an in guud ahaan muwaadiniinta Soomaaliyeed ay helaan adeegyo tayo leh” ayuu yiri Afhayeenka xukuumadda federaalka Soomaaliya. Hoos ka daawo

Mogadishu (HOL) — The body of General Sheegow Ahmed Ali, a former Somali military officer who died earlier this week, was flown to Jowhar on Thursday following funeral prayers in the capital, Mogadishu. Source: Hiiraan Online