Baidoa (HOL) – At least five government soldiers were killed Thursday in a landmine explosion in the Madooda area, south of Hudur, the administrative capital of the Bakool region, according to military sources. Source: Hiiraan Online

United States President Donald Trump has hosted British Prime Minister Keir Starmer for the first time at the White House for talks about Ukraine’s security, trade relations and the future of the North Atlantic Treaty Organization (NATO). Source: Hiiraan Online

Washington (Caasimada Online) – Kooxda “Saaxiibbada Soomaaliya” ee loo yaqaan “Quint,” oo ka kooban Mareykanka, Boqortooyada Ingiriiska, Imaaraadka Carabta, Turkiga, iyo Qadar, ayaan wax kulan ah yeelan tan iyo 11-kii Oktoobar 2024, markaas oo ay shir ku yeesheen Ankara. In kasta oo kulan lagu balamay inuu ka dhaco dhammaadkii sannadkii hore magaalada Dooxa, madaxweynaha Soomaaliya, Xasan Sheekh Maxamuud, ayaa dalbaday in shirka lagu qabto Muqdisho halkii horey loogu qorsheeyay. Dalabkan waa la oggolaaday, balse bilo badan ayaa laga jooga, mana jiro wax taariikh rasmi ah oo ilaa hadda loo gudbiyay dalalka xubnaha ka ah kooxda Quint, oo ku aaddan qabsoomidda kulanka. Dib u dhaca shirka waxaa sabab u ah isbeddelka ku yimid hoggaanka Mareykanka, kaddib markii Donald Trump uu xafiiska la wareegay. Maamulka cusub ayaa weli ku kala qeybsan siyaasadda la xiriirta Soomaaliya iyo arrinta midnimada dalka. Qaar ka mid ah la-taliyeyaasha madaxweynaha cusub ee Mareykanka, oo uu ka mid yahay J. Peter Pham, ergaygii hore ee gaarka ahaa ee gobolka Harooyinka Waaweyn, lagana filayo inuu hoggaamiyo siyaasadda Afrika, ayaa cadaawad u qaba Soomaalida. Pham wuxuu si gaar ah u ololeynayey, muddo isaga oo lacag ka qaadanaya, in Somaliland si rasmi ah loo aqoonsado. Hase yeeshee, lama qabaan fikraddiisa xubno kale oo ka tirsan maamulka Trump. Imaaraadka Carabta ayaa sidoo kale si hoose ula macaamila, una taageera ololeyaasha madaxbannaanida Somaliland, inkasta oo aanu banaanka soo dhigin, halka UK, inkasta oo aysan ahayn siyaasadda dowladda, ay siyaasiyiin badan taageeraan Somaliland. Labada dal ee kaliya ee ku jira kooxda, ee si buuxda uga go’an tahay madax-bannaanida iyo midnimada Soomaaliya waa Turkiga iyo Qadar. Si kastaba ha ahaatee, kulankii ugu dambeeyey kooxda oo ka dhacay Washington, ayaa bayaan ka soo baxay waxa uu si cad u muujiyay sida beesha caalamku ay uga go’an tahay ilaalinta madaxbannaanida, midnimada dhuleed, iyo wadajirka Soomaaliya, iyada oo diiradda la saarayo arrimaha amniga gobolka. “Xulafada Quint ayaa mar kale xaqiijiyay sida ay uga go’an tahay xoojinta hay’adaha amniga ee Soomaaliya. Iyaga oo la jaan-qaadaya himiladan, waxay garab istaageen dadaallada dowladda federaalka ee lagu dhisayo ciidan xirfad leh, hufan, oo lala xisaabtami karo,” ayaa lagu yiri bayaanka. “Taageeradan ayaa lagama maarmaan u ah Soomaaliya, maadaama ay weli la tacaaleyso halista ay kooxaha argagixisada ahi ku hayaan amniga dalka iyo gobolka. Isku-dubaridka tababarada caalamiga ah ee ciidamada Soomaaliya ayaa muhiim u noqon doona in la xoojiyo awooddooda hawlgal, taasoo sii xoojinaysa kartida dalka ee sugidda amnigiisa muddada fog.”

Police in Eldama Ravine are investigating a suspected case of human trafficking syndicate after seizing a vehicle ferrying 20 women under unclear circumstances. Source: Hiiraan Online

Dowladda Puntland oo shaacisay in uu si guul ah u dhammaystirmay wejigii labaad ee hawlgalka Cirib-tirka Argagixisada ISIL ayaa ka warbixisay Taliskii u danbeeyay ee laga qabtay kooxdaasi. Madaxweynaha Puntland, Siciid Cabdullaahi Deni oo xalay khudbad ka jeediyay magaalada Boosaaso ayaa sheegay in wejigii labaad ee dagaalka Cirib-tirka Daacish uu si guul ah ku soo dhammaaday, kaddib markii Argagixisada laga saaray Taliskii ugu danbeeyay ee Dhasaan, oo ay ka hoggaamin jireen hawlgallada Caalamiga ah. “Wejigii labaad ee hawlgalka Cirib-tirka Argagixisada wuxu ku soo dhammaaday magaalada Dhasaan, oo ay ka hoggaaminaysay Argagixisada Daacish dhammaan hawlgallada Geeska Afrika iyo guud ahaan Caalamka, waana meesha lagu tababari jiray kuwa falalka isqarxinta ah ka fuliya dunida dhan” ayuu yiri Madaxweynaha Puntland. Madaxweyne Siciid Deni ayaa sidoo kale sheegay in ay jiraan dagaalyahanno laga diray Taliska Dhasaan, kuwaasi oo weerarro Argagixiso ka fuliyay gudaha dalka Mareykanka, waxaana uu intaasi ku daray in Dhasaan ay xarun u ahayd hoggaamiyaasha sare ee mileeshiyaadka Argagixisada ah ee Daacish. Halkaan ka daawo Hadalka Madaxweyne Deni PUNTLAND POST The post Puntland oo shaacisay in ay gacanta ku dhigtay Taliskii guud ee Daacish ka hoggaamin jirtay Hawlgallada Dunida appeared first on Puntland Post.

Kenya and Somalia are discussing a trade facilitation agreement meant to eliminate irregular non-tariff barriers between the neighbouring countries. Source: Hiiraan Online

Ethiopia's Prime Minister Abiy Ahmed arrived in Somalia's capital Mogadishu on Thursday to hold discussions with President Hassan Sheikh Mohamud, Somalia's presidency said, following a thaw in icy relations. Source: Hiiraan Online

Anchorage (Caasimada Online) – Maxkamad federaal ah ayaa xukuntay in Hay’adda Socdaalka iyo Kastamka Mareykanka (ICE) ay si sharci-darro ah u xirtay qaxooti Soomaaliyeed oo magangelyo doon ah, waxayna amartay in si degdeg ah loo sii daayo. Go’aankan wuxuu muujinayaa khilaafaadka ka dhex jira siyaasadda socdaalka ee Mareykanka. Roble Ahmed Salad, oo 27 jir ah, ayaa tan iyo 5-tii Febraayo ku xirnaa xabsiga Anchorage ee gobolka Alaska, kadib markii ICE ay qabatay isaga oo qeyb ka ah olole socdaalka lagu adkeynayo oo ka dhacay xilligii maamulka Madaxweyne Donald Trump. Si kastaba ha ahaatee, Garsoore Kyle Reardon oo ka tirsan maxkamadda federaalka ayaa xukumay in sii haynta Salad ay jabinayso sharciga federaalka, maadaama dowladda aysan caddeyn in Soomaaliya si joogto ah u aqbalayso dadka laga masaafurinayo. “Dhoofintiisu lama saadaalin karo waqti dhow,” ayuu garsooruhu ku qoray xukunkiisa, isagoo xusay in haddii aan la haynin qorshe rasmi ah oo lagu masaafurinayo, dowladda aysan sharci u haysan in ay xabsiga ku sii hayso. Garsooruhu wuxuu soo jeediyay in maxkamadda gobolka Alaska ay ogolaato sii deyntiisa iyadoo lagu xiro shuruudo kormeer. Salad oo ku jira xaalad sharci la’aan ah Salad wuxuu Mareykanka soo galay sanadkii 2022 isaga oo ka soo gudbay xadka Mexico si uu u dalbado magangelyo. Codsigiisa waa la diiday, waxaana maxkamadda socdaalka ay sanadkii 2023 soo saartay amar masaafurin ah. Si kastaba ha ahaatee, xaaladda amni-darro ee ka jirta Soomaaliya ayaa ka hortagtay in dib loogu celiyo. Mas’uuliyiinta Mareykanka ayaa qiray in dalkaasi weli khatar yahay oo aysan suurtagal ahayn in dadka lagu celiyo si khasab ah, taasoo Salad gelisay xaalad sharci la’aan ah. Kadib sii deyntiisii hore, wuxuu u guuray Anchorage, halkaas oo uu shaqo ka helay xarun daryeel oo lagu xanaaneeyo dadka waayeelka ah. Sidoo kale, wuxuu codsaday Xaaladda KMG ah ee La Ilaaliyo (Temporary Protected Status – TPS), taasoo u ogolaanaysa dadka ka yimid dalal ay ka jiraan dagaallo ama xaalado adag in ay si ku meel gaar ah ugu sii nagaadaan Mareykanka. Iyadoo weli la sugayo natiijada codsigiisa TPS, ayaa ICE bishan gudaheeda mar kale xirtay Salad, iyagoo ku andacoonaya in Soomaaliya ay hadda si wanaagsan u aqbasho dadka la masaafurinayo, kadib isbeddelladii lagu sameeyay siyaasadda socdaalka ee Trump. ICE waxay ku dooday in Salad uu weli ku jiro liiska dadka la masaafurinayo, sidaas darteedna ay sharci u leeyihiin xiritaankiisa. Si kastaba ha ahaatee, garsoore Reardon wuu diiday dooddaas, isagoo xusay in dowladda aysan caddeyn in Soomaaliya ay si joogto ah u aqbali doonto dadka laga soo celinayo. Wuxuu ku dhawaaqay in sii haynta Salad ay tahay sharci-darro, maadaama uusan jirin qorshe cad oo lagu masaafurin karo. “Sidaa darteed, codsaduhu wuxuu xaq u leeyahay in si degdeg ah loo sii daayo, iyadoo la raacayo xeerar kormeer oo habboon,” ayuu garsooruhu ku xusay xukunka. Xukunka oo dood abuuray Kiiska Salad wuxuu soo jiitay dareenka ururrada u dooda xuquuqda muhaajiriinta, kuwaas oo u arka in ICE ay adeegsanayso xeelado xirxirid adag, xitaa gobollada sida Alaska oo aan inta badan lagu arkin hawlgallada waaweyn ee la xiriira socdaalka. “Xukunkan wuxuu xoojinayaa mabda’ aasaasi ah: dowladda ma hayn karto qof si aan xad lahayn haddii aysan jirin wax suurtagal ka dhigaya in la masaafuriyo,” ayuu yiri mid ka mid ah qareennada Salad. Xafiiska Xeer Ilaaliyaha Guud ee Anchorage weli kama hadlin haddii uu racfaan ka qaadan doono xukunka. Haddii dowladda ay racfaan qaadato, Salad waxaa laga yaabaa in uu sii ahaado xabsiga ICE inta maxkamadaha sare ay go’aan ka gaaraan. Hadda, xukunka maxkamadda federaalka waa mid cad: Salad waa in si degdeg ah loo sii daayo, iyadoo la sugayo ansixinta rasmiga ah ee maxkamadda gobolka Alaska.

Abu Dhabi (Caasimada Online) – La-taliyaha diblomaasiyadeed ee madaxweynaha Imaaraadka Carabta, Anwar Gargash, ayaa Arbacadii sheegay in dib-u-dhiska Gaza aanu suurtagal noqon karin haddii aan la helin waddo cad oo lagu gaaro xal laba dowladood oo ay ku heshiiyaan Israa’iil iyo Falastiiniyiinta, sida ay werisay Reuters. Isagoo ka hadlayay shirweynaha maalgashiga Investopia 2025 ee ka qabsoomay Abu Dhabi, Gargash wuxuu carrabka ku adkeeyay in maalgelinta mashruucu uu ku xirnaan doono xasilloonida siyaasadeed. “Waa caddahay in xasillooni siyaasadeed iyo hannaan qorsheysan ay lama huraan u yihiin hirgelinta maalgashi ballaaran,” ayuu yiri Gargash. Dowladaha Carabta ayaa ka fiirsanaya qorshe cusub oo ku aaddan Gaza marka dagaalku dhammaado, si ay uga hortagaan hindisaha madaxweynaha Mareykanka, Donald Trump, oo la sheegay inuu doonayo in marinka Gaza dib-u-habeyn lagu sameeyo lana hoos geeyo xukunka Mareykanka, taasoo keeni karta barakicinta Falastiiniyiinta—arrin si weyn uga carreysiisay hoggaamiyeyaasha gobolka. Sida ay ilo xog-ogaal ah u sheegeen warbaahinta, hindisaha uu hoggaaminayo Masar ayaa laga yaabaa inuu ka koobnaado maalgelin gaareysa illaa $20 bilyan oo laga heli doono waddamada gobolka muddo saddex sano ah. Masar iyo Urdun ayaa todobaadkii hore shirar kula yeeshay dalalka Khaliijka magaalada Riyadh si ay uga arrinsadaan hindisahan, kahor shir degdeg ah oo lagu qaban doono Masar 4-ta Maarso, kaasoo si gaar ah diiradda loogu saari doono dib-u-dhiska Qaza. “Waa lagama maarmaan in la helo caddeyn siyaasadeed kahor inta aan la maalgelin balaayiin doolar, si aysan xaaladdu ugu soo noqon khilaaf kale,” ayuu yiri Gargash. “Waxaan u arkaa in mowqifkaasi aad u cad yahay.” Markii la weydiiyay in qorshaha Trump uu si ula kac ah u kiciyay dowladaha Carabta si ay iyagu qorshe ula yimaadaan, Gargash wuxuu ku jawaabay: “Madaxweyne Trump waa siyaasi wax ka beddela xaalado badan, nidaamka dowladaha Carabtana wuxuu la jaanqaaday caqabaddaas. Waxaan aaminsanahay in taasi ay fursad siisay nidaamka dowladaha Carabta inuu door firfircoon qaato.”

Istanbul (Caasimada Online) – Magaalada ugu weyn ee Kurdiyiinta ku badan yihiin ee Koonfur Bari Turkiga waxaa ka dhacay dareen isku dhafan oo murugo iyo farxad leh, iyadoo dadweynuhu sacab tumayeen, halka kuwo kale ay ilmaynayeen. Taageerayaashu waxay ka falcelinayeen baaq uu jeediyay hoggaamiyaha muddada xabsiga ku jiray ee PKK, Abdullah Ocalan, kaas oo ugu yeeray kooxdiisa in ay is kala dirto, dagaalyahanadiisuna ay hubka dhigaan. Baaqa taariikhiga ah ee Ocalan waxaa lagu akhriyey shir jaraa’id oo ka dhacay Istanbul, iyadoo codkiisa si toos ah looga sii daayay makarafoonno waaweyn oo lagu xidhay magaalooyinka Koonfur Bari Turkiga, halkaas oo tobannaan sano oo colaado hubeysan ah ay waxyeello ballaaran ka geysteen. “Dhammaan kooxaha waa in ay hubka dhigaan, PKK-na waa in ay is kala dirtaa,” ayuu yiri Ocalan, iyadoo hadalkiisu uu ka soo baxay xabsigiisa jasiiradda Imrali, halkaas oo uu tan iyo 1999-kii ku xirnaa si keli-nimo ah. Baaqa ayaa yimid afar bilood kadib markii dowladda Ankara ay muujisay fursad nabadeed oo la siinayo hoggaamiyaha Xisbiga Shaqaalaha Kurdistan (PKK), oo hoggaaminayey kacdoon hubeysan oo Turkiga ka dhan ah muddo tobannaan sano ah, dagaalkaas oo galaafay in ka badan 40,000 oo naf. “Waxaan jeedinayaa baaq la xiriira in hubka la dhigo, waxaana garwaaqsanahay masuuliyadda taariikhiga ah ee arrintan,” ayuu yiri, iyadoo hadalladiisa ay akhriyeen xildhibaanno ka tirsan xisbiga DEM ee u ololeeya xuquuqda Kurdiyiinta, kuwaas oo Khamiista maanta ah kula kulmay xabsiga. Fal-celinta shacabka “Maanta waa maalin barakeysan,” ayay tiri Emine Atac oo 45 jir ah, kuna hadlaysay luuqadda Kurdishka, xilli ay ku sugneyd magaalada Diyarbakir oo ay isugu soo baxeen 3,000 oo qof si ay u dhageystaan hadalka Ocalan. Qaarkood ayaa farxay halka kuwo kale ay ilmeynayeen. “Aad baan u faraxsanahay. Waxaan rabnaa nabad iyo xorriyad,” ayay tiri Atac. Dhinaca kale, Ferha Akbuyuk, oo 65 jir ah, ayaa bogaadisay hadalka Ocalan, iyadoo ku tilmaantay mid dhiirrigelinaya “nabad iyo walaaltinimo” dhex mara Turkiga iyo Kurdiyiinta. “Wuxuu ahaa farriin bini’aadannimo, oo ku saabsan xuquuqda, sharciga, caddaaladda iyo sinnaanta,” ayay tiri, iyadoo muuqatay mid rajo leh. Si kastaba ha ahaatee, Sukru Erdogan, oo 52 jir ah, ayaa dareen ka duwan ka muujiyay farriinta, isagoo sheegay in aysan wax badan u qabin Kurdiyiinta. “Ma aysan xusin wax la xiriira federaal ama xuquuqda dhaqanka. Waa niyad jab,” ayuu yiri isagoo gacmaha kor u taagaya. Isbeddel taariikhi u ah colaadda Baaqa Ocalan waxaa si diirran u soo dhaweeyay madaxweynaha Kurdistaan-ta Ciraaq, Nechirvan Barzani, kaas oo ku booriyay PKK in ay u hoggaansanto farriinta hoggaamiyahooda, wuxuuna ku ballan qaaday “in uu si buuxda u taageerayo geeddi-socodka nabadda.” Wasaaradda Arrimaha Dibadda ee Jarmalka ayaa sidoo kale soo dhoweysay hadalka Ocalan, iyagoo ku tilmaamay “fursad taariikhi ah” oo lagu soo afjari karo colaadda muddada dheer socotay. Khabiirada ayaa ku tilmaamay arrintan guul weyn oo diblomaasiyadeed. “Baaqa Ocalan ee ah in PKK hubka dhigto oo is kala dirto waa isbeddel taariikhi ah. Kaliya Turkiga ma ahan, oo muddo dheer la dagaallamayay kooxdaan, balse waa isbeddel saameynaya gobolka oo dhan,” ayuu yiri Hamish Kinnear, oo ah falanqeeye sare oo ka tirsan Verisk Maplecroft. Su’aasha ugu weyn ayaa ah sida uu baaqa Ocalan uga hirgeli karo dagaalyahanada PKK, kuwaas oo inta badan hoggaankooda militari uu fadhiyo buuraleyda Waqooyiga Ciraaq. Taariikh-yahan Faransiis ah oo lagu magacaabo Boris James, kuna takhasusay arrimaha Kurdiyiinta, ayaa sheegay in jawaabaha ka imanaya PKK ay noqon karaan kuwo aan toos u muuqan. “Hoggaanka militari ee PKK wuxuu si rasmi ah u aqbali karaa baaqan, balse macnaheedu ma ahan in uu saameyn toos ah ku yeelanayo dagaalyahanada ku sugan goobaha dagaalka,” ayuu u sheegay AFP. Qodobka si gaar ah loogu walaacsan yahay ayaa ah mustaqbalka dagaalyahanada PKK ee ku sugan Waqooyiga Suuriya, kuwaas oo ka tirsan Ciidamada Difaaca Suuriya (SDF) ee uu Mareykanku taageero. Ciidankaan ayaa cadaadis kala kulmaya dowladda Dimishiq oo rabta in la hubka dhigo, halka ay dagaal kula jiraan maleeshiyaad ay Turkigu taageeraan. “Waxa ugu muhiimsan ayaa ah sida ay PKK-da Turkiga ugu hoggaansanto baaqa Ocalan,” ayuu yiri Kinnear. “Haddii inta badan xubnaha PKK ee Turkiga ay u hoggaansamaan baaqan, waxaa la filan karaa in dagaalyahanada PKK ee Ciraaq iyo kooxaha xiriirka la leh ee Suuriya ay iyaguna raacaan,” ayuu raaciyay. Jawaabta taxaddarka leh ee Ankara Dowladda Turkiga weli si rasmi ah ugama aysan jawaabin baaqa Ocalan, balse Efkan Ala, oo ka tirsan xisbiga AKP ee Madaxweyne Recep Tayyip Erdogan, ayaa muujiyay rajo taxaddar leh. “Haddii ururkan argagixisada ah uu baaqan dhegeysto, hubkana dhigo, isna kala diro, Turkiga wuxuu ka xoroobi doonaa silsiladahaas,” ayuu yiri, sida ay sheegtay wakaaladda wararka ee Anadolu. Tan iyo markii la xiray Ocalan sanadkii 1999, waxaa jiray dadaallo kala duwan oo lagu soo afjarayo dagaalladii qarxay 1984-tii, kuwaas oo ay ku dhinteen in ka badan 40,000 oo qof. Wareeggii ugu dambeeyay ee wada-hadallada nabadeed ayaa burburay 2015-kii, waxaana dib u qarxay dagaalka. Dowladda Turkiga waxay muddo dheer cadaadis saartay mucaaradka, iyadoo xirtay boqolaal siyaasiyiin, u dhaqdhaqaaqayaal iyo saxafiyiin, waxayna xilka ka qaaday 10 duq magaalo oo dhowaan la doortay, kuwaas oo dhammaantood lagu eedeeyay xiriir argagixiso. Inkasta oo ay jiraan xarigyo ballaaran, haddana dad badan ayaa rajaynaya in baaqa Ocalan uu keeni karo tanaasul ballaaran oo Kurdiyiinta loogu fidiyo xuquuq siyaasadeed iyo bulsho, iyadoo Kurdiyiintu ay ka kooban yihiin 20% shacabka Turkiga oo gaaraya 85 milyan.

Muqdisho (Caasimada Online) – Shaki iyo hadal heyn badan ayey abuurtay booqashadii Xasan Sheekh iyo Abiy Axmed ay maanta ku tageen xeebta Liido, iyadoo halkaas looga qaaday sawir ka saameyn batay wax kasta oo maanta dhacay, dadkuna ay siyaabo kala duwan ugu faaqideen baraha bulshada. Siyaasiyiinta sida qotada dheer u cabiray dareenka laga akhrisan karo sawirkaas waxaa kamid ah Xildhibaan Cabdiraxmaan Cabdishakuur oo Xasan Sheekh ku tilmaamay masuul aan u dhaqmeyn sidii laga rebay hoggaamiyaha Soomaalida u jooga xafiiska uu joogo. Arrinta kale ee maanta laga argagaxay waxay dhacday markii ciidamada ammaanka ee labada masuul ay toogteen wiil yar oo badda ku dabaalanayey, kaas oo sida la sheegay ay uga shakiyeen in dhankooda uu u soo orday, dhiigga wiilkaas oo geeriyooday ayaa ku darsamay biyaha badda oo gaduud noqday. CC Shakuur ayaa ka soo sheekeeyey sidii Xasan Sheekh uu arrimaha Itoobiya u wajahay sanadihii lasoo dhaafay oo 2024 ay ugu dareyd iyo sidoo kale heshiisyo uu la galay Itoobiya oo aan miro dhalin. “Madaxweynaha, maanta wuxuu inoo sheegayaa in ay Itoobiya walaal tahay, wax kastana iska kaashanayno, waa su’aale; soo shacabkii uu shalay kiciyey, kuna abaabulay cadawtinimada Itoobiya xaq uguma laha inuu ka shaafiyo, una sharraxo sababta loo aaminayo Itoobiya?” ayuu qoraalkiisa ku yiri Xildhibaan CC Shakuur. Sidoo kale Cabdiraxmaan wuxuu hoosta ka xariiqay labo qodob oo kala ah: 1- In uu shacabka yaraysanayo, danna ka lahayn waxay ka aaminaan go’aannadiisa is burinaya, maadaama aysan lahayn awood ay kula xisaabtamaan, hay’adihii kale ee dowladdana la dhufaanay. 2- In uusan kala garanaynin farqiga u dhexeeya isaga shaqsiyaddiisa iyo hay’adaha dowladda ee loo wakiishay in uu hoggaamiyo oo uu isku maleeyo in uu isagaba dowladdii yahay. Dadweyne badan ayaa falanqeeyey sawirkii maanta ay labada masuul ku galeen xeebta iyo si guud booqashada uu Abiy ku yimid Muqdisho, su’aalaha ugu badan waxay ku saabsanaayeen sababta xeebta Liido loo geeyey oo badda loo tusay.

𝐖𝐀𝐑 𝐒𝐀𝐗𝐀𝐀𝐅𝐀𝐃𝐄𝐄𝐃 Hargeysa, 27.02.2025 . Shirkii Golaha Wasiirada Somaliland ee maanta oo uu shir-gudoominayey Madaxweynaha Jamhuuriyadda Somaliland Mudane Cabdiraxmaan Maxamed Cabdilaahi (Cirro), ayaa lagaga wada hadlay, diiraddana lagu saarayay arrimo door ah oo mudnaan u leh Qaranka JSL. * Ugu horrayn Goluhu waxa uu war bixin faah-faahsan ka dhegaystay Guddoomiyaha Hay’adda Shaqaalaha Dawladda, oo ah xubin ka mid ah Guddi-Hawleedkii uu Madaxweynuhu dhawaan u xil saaray ka soo talo bixinta arrinta Shaqaalaha ku-meel-gaadhka ah. Guddoomiyaha Hay’adda Shaqaaluhu waxa uu Golaha siiyey talo soo jeedinta Guddida si loo maareeyo arrinta Shaqaalaha ku-meel-gaadhka ah. * Sidoo kale, Golahu waxa uu war bixin ka dhegaystay Wasiirka Wasaaradda Maaliyada iyo Horumarinta Dhaqaalaha oo ah xubin ka mid ah Guddi-Hawleedkii uu Madaxweynuhu dhawaan u xil saaray ka soo talo bixinta iyo fulinta cashuuraha iibka Adeegyada iyo Badeecadaha (GST). * Wasiirka Wasaaradda Qorshaynta iyo Horumarinta Qaranka ayaa Golaha warbixin waafi ah ka siisay go’aamadii iyo war-murtiyeedkii ka soo baxay Shir-weyne ahaa Madal-sare (HLDCF) oo aad loo agaasimay oo kulmisay Dawladda Somaliland, Deeq-bixiyayaasha iyo Daneeyayaasha Horumarka ee Caalamiga ah. Kulankan oo ahmiyad gaar ah u lahaa JSL ayaa lagu soo bandhigay arrimaha mudnaanta u leh Dawladda Somaliland, taas oo ay si fiican u soo dhaweeyeen Daneeyayaasha Horumarka ee Caalamiga ah ee ku sugnaa Madashan Heer Qaran. * Wasiirka Wasaaradda Horumarinta Khayraadka Biyaha JSL ayaa isaguna Golaha uga xog warramay hab-sami u socodka hawlaha Wasaaradda iyo in loo baahan yahay in Xukuumad ahaan talo midaysan laga yeesho dib-u-habaynta Wakaaladaha Biyaha dalka ee ay Wasaaraddu gacanta ku hayso, xag maamul, xag wax soo saar iyo xagga tayada shaqadoodaba. * Wasiirka Wasaaradda Hawlaha Guud, Guriyeynta iyo Dhulka ayaa isaguna Golaha war bixin dheer ka siiyey sidii Qaran ahaan loo ilaalin lahaa Tayada Dhismayaasha Dawladda, kormeerka iyo daba-galka mashaariicda dhismaha ee ay leedahay Dawladda Somaliland. Sidoo kale Wasiirku waxa uu ka war bixiyey dedaalladii ugu dambeeyey ee ay Xukuumadu ugu gurmanaysay dadkii ay waxyeelladu ka soo gaadhay dabkii qabsaday suuqa Idaacadda. * Wasiirka Wasaaradda Maalgashiga iyo Horumarinta Warshadaha ayaa Golaha Wasiirrada la wadaagey xogihii ugu dambeeyey ee xagga horumarinta maalgashiga dalka waxana uu sheegay in hoggaaminta iyo isku-dubbaridka arrimaha maalgashigu ay tahay masuuliyad ay leedahay Wasaaradiisu, sidaa darteedna loo baahan yahay in ay Wasaaradaha kale ay ka gacan siiyaan si dhawna ula shaqeeyaan si loo kobciyo rdhaqaalaha iyo maal-gashiga dalkeena. * Wasiirka Wasaaradda Waxbarashada, Barbaarinta iyo Sayniska ayaa Golaha Wasiirrada warbixin qoto-dheer ka siiyey go’aamadii iyo war-murtiyeedkii ka soo baxay Shirweynihii Heer Qaran Waxbarashada Dhinaca Gacanta iyo Xirfadaha Shaqada oo ka socday Hotel Ambassador 26-27/02/2025. Dhinaca kale, Wasiirku waxa uu Golaha u qaybiyey nuqullo ah Siyaasadda Waxbarashada Qaranka (Af-Somali) si Wasiirradu ay u soo akhriyaan, dabadeedna loo ansixiyo. * Ugu dambayntii, Madaxweynaha Jamhuuriyadda Somaliland Mudane Cabdiraxmaan Maxamed Cabdilaahi ayaa Golaha Wasiirrada faray in ay diyaariyaan, iskuna dubbaridaan arrimaha muhiimka ah, hor-tabintana leh ee Xukuumadda WADAJIR iyo WAXQABAD yoolka u ah 100-ka maalmood ee ugu horeeya Xukuumadda. 𝐀𝐋𝐋𝐀𝐀 𝐌𝐀𝐇𝐀𝐃 𝐋𝐄𝐇, 𝐗𝐮𝐬𝐞𝐞𝐧 𝐀𝐚𝐝𝐚𝐧 𝐂𝐢𝐠𝐞 (𝐃𝐞𝐲𝐫) 𝐀𝐟𝐡𝐚𝐲𝐞𝐞𝐧𝐤𝐚 𝐌𝐚𝐝𝐚𝐱𝐰𝐞𝐲𝐧𝐚𝐡𝐚 𝐉𝐚𝐦𝐡𝐮𝐮𝐫𝐢𝐲𝐚𝐝𝐝𝐚 𝐒𝐨𝐦𝐚𝐥𝐢𝐥𝐚𝐧𝐝 Qaran News

Ciidamada difaaca dowladda Puntland oo maanta hawgal amni ka sameeyay degaanka Dhasaan ee degmada Qandala ayaa gacanta ku dhigay ilaa 2,000 oo gantaal, oo ay farsamaysay Argagixisada ISIS. Warxaafadeed ka soo baxay Taliska Ciidamada difaaca Puntland ayaa lagu sheegay in ciidamada dowladda oo hawlgal ka sameeyay degaanka Dhasaan ay gacanta ku dhigeen ilaa 2,000 oo gantaal, kuwaasi oo ay farsamaysay Kooxda ISIS, si ay ugu fuliyaan weerarro Argagixiso. “Ciidamada geesiyaasha ah ee Dowladda Puntland ayaa gacanta ku dhigay 2000 oo gantaal oo argagixisada Daacish ay sameysteen, kuwaas oo ay doonayeen in ay waxyeello ugu geysteen shacabka Puntland ee nabadda iyo horumarka jecel” ayaa lagu yiri Warsaxaafadeedka. Taliska Ciidamada difaaca Puntland ayaa sidoo kale sheegay in gantaalladaasi ka heleen warshadii samaynta gantaallada u qaabilsanayd Argagixisada”Sidoo kale, Ciidamada ayaa gacanta ku dhigay qeyb kamid ah warshaddiihii ay ku sameeyeen gantaaladan” ayuu sii raaciyay Warsaxaafadeedka. Dhinaca kale, Taliska Ciidamada Puntland gaar ahaanna Hawlgalka Cirib-tirka Argagixisada ayaa sheegay in ay isla maanta nawaaxiga Dhasaan ka heleen mootooyin iyo fuustooyin shidaal ah oo ay ka carareen dagaallamayaasha Argagixisada ISIS. PUNTLAND POST The post Ciidamada Puntland oo 2,000 kun oo gantaal ka helay warshad ay ka carartay Argagixisada ISIS appeared first on Puntland Post.

ISTANBUL - Ethiopian Prime Minister Abiy Ahmed Ali arrived Thursday in Somalia for talks on critical issues of mutual interest at the bilateral and regional levels amid improving relations. Source: Hiiraan Online

Mogadishu (HOL) — African defence ministers have approved a detailed deployment strategy for the African Union Support and Stabilization Mission in Somalia (AUSSOM), marking a critical phase in Somalia’s security transition. Source: Hiiraan Online

Muqdisho (Caasimada Online) – Ciidamada Daraawiishta Dowlad Goboleedka Puntland ayaa maanta gacanta ku dhigay ilaa 2,000 (Laba kun) oo gantaallo gacan ku sameys ah. Khawaarijta Daacish ayaa doonaysay in gantaalahaan ay ku dhibaateeyaan shacabka iyo Ciidamada maamulkaas ee howlgallada ciribtirka ah ka wada buuraha Calmiskaad ee gobolka Bari. Ciidamada ayaa sidoo kale ku guuleystay inay qabsadaan Warshado macmal ah oo Khawaarijta Daacish ay ku sameynayeen gantaallada gacan ku sameyska ah. Ciidamada ayaa maanta u daatay saldhig muhiim ah, waxaana sidoo kale halkaas lagu diyaari jiray qaraxyada, waxaana laga yaabay haliska ay diyaarineysay kooxdaas ee laga hor tegay. Guulo waaweyn ayaa saacadihii iyo maalmihii lasoo dhaafay laga gaaray howlgalka ciribtirka Khawaarijta Daacish ee ka socda buuraha Calmiskaad ee gobolka Bari. Kooxda Daacish ayaa isaga carareysa saldhigyadooda ugu muhiimsan markii ay soo gaaraan ciidamada Puntland, taasi oo suurta-gelisay in gacanta lagu dhigo warshadihii ay qaraxyada iyo gantaallada ku sameysa jireen. Ciidamada Daraawiishta Puntland oo saakay hawlgalladii ay maanta fuliyeen waxay sidoo kale ku qabsadeen Ceelka Dharinta oo kamid ah goobaha ay u soo baxsadeen firxadkii dagaallamayaasha ISIS ee ku soo jabay togga Jeceel. Af-hayeenka Hawlgalka Cirib-tirka Argagixisada ee Puntland Jeneraal Maxamuud Faadhigo oo hadal kooban warbaahinta siiyay ayaa yiri, “Ciidamada Daraawiishta Puntland oo si qorshaysan u soo dhaqaaqay ayaa gacanta ku dhigay Ceelka Dharin oo saacadihii u danbeeyay lagu sheegay firxadka Argagixisada oo baxsad ah kuwaasi oo isku dayay in ay gabbaad ka dhigtaaan goobtaasi ceelka leh balse laga hortagay.”

ANCHORAGE, Alaska (HOL) — A federal judge has ruled that Immigration and Customs Enforcement (ICE) is illegally detaining a Somali asylum seeker in Anchorage, ordering his immediate release in a case that highlights contradictions in U.S. immigration policy. Source: Hiiraan Online

(ERGO) – Women in internal displacement camps in Abudwaq, central Somalia, are complaining that they can no longer find the domestic jobs that they had relied on because of an influx of women from neighbouring Ethiopia who work for lower pay. Source: Hiiraan Online

Muqdisho (Caasimada Online) – Ra’iisul Wasaaraha Itoobiya Abiy Ahmed ayaa dib ugu laabtay dalkiisa, kadib markii uu wada-hadallo kula yeeshay Muqdisho madaxweynaha Soomaaliya Xasan Sheekh Maxamuud. Booqashada Abiy Axmed ayaa ku soo beegantay xilli labada dal ay isku dayayaan inay soo afjaraan khilaafkii January 2024-kii ka dhashay heshiiskii muranka badan dhaliyay ee badda ee ay Itoobiya la gashay maamulka Somaliland. Kadib khilaaf diblumaasiyadeed oo aad u kululaa oo ku saabsanaa arrintan, Itoobiya iyo Soomaaliya waxay bishii December 11-keedii heshiis diblumaasiyadeed, oo loogu magac daray “Baaqii Ankara,” ku gaareen magaalada Ankara. Bishii Janaayo ee sanadkan, bil kadib heshiiskii Ankara, Madaxweynaha Soomaaliya Xasan Sheekh Maxamuud ayaa booqasho lama filaan ah ku tagay magaalada Addis Ababa ee xarunta dalka Itoobiya, halkaasoo uu kula kulmay Ra’iisul Wasaaraha Itoobiya. Maxay ka dhigan tahay booqashada Abiy? Booqashada Ra’iisul Wasaaraha Itoobiya ee maanta uu ku tegay magaalada Muqdisho ee caasimadda Soomaaliya ayaa ka dhigan in horumar wanaagsan laga gaaray wada-hadalladii Ankara, islamarkaana ay labada dowladood muujinayaan “dhab ahaanshaha” xoojinta xiriirka ka dhaxeeya iyo iskaashiga labada dal. Tallaabadan ayaa sidoo kale direysa farriin ah in Itoobiya ay ixtiraameyso midnimada iyo qaranimada Soomaaliya oo hore ugu xad-gudubtay, sida uu sheegay Cabdiqafaar Cabdi Wardheere, oo ka faallooda arrimaha Soomaaliya kuna sugan dalka Mareykanka. Cabdiqafaar oo la hadlay VOA ayaa sheegay in Itoobiya ay diyaar u tahay xoojinta xiriirka diblumaasiyadeed ee Soomaaliya, sidaas darteedna ay daneynayso in la dhameystiro wada-hadallada labada dhinac dib ugu soo celiyeen xiriirkoodii. “Itoobiya waa ka laabatay heshiiskii inkasta oo aysan afka ku ballaadhin, haddana waa muuqataa. Itoobiya waxay garowsatay in is-afgaradkii Somaliland uu meel dheer gaareyn, taas ayuuna muujinayaa Abiy,” ayuu yiri Cabdiqafaar. Waxa uu intaas kusii daraya “Imaatinkiisuna (Abiy) wuxuu qeyb ka yahay kalsooni dhiska labada dowladood, waxayna sida runta ee wax u dhacayaana waxay geli doonta farsamo iyo guddiyo labada dal ah.” Madaxweynaha Soomaaliya, Xasan Sheekh Maxamuud iyo Ra’iisul Wasaaraha Itoobiya, Abiy Axmed oo maanta kulan muhiim ah ku yeeshay Villa Somalia, ayaa bogaadiyey billowga wada-hadallada farsamo ee ka socda Ankara. Labada hoggaan ayaa sheegay in wada-hadalladani ay muujinayaan sida ay uga go’an tahay labada dal in ay yeeshaan wada-hadal wax-ku-ool ah iyo iskaashi miro-dhal ah. Sidoo kalena waxay adkeeyeen mudnaanta uu leeyahay xiriirka labo-geesoodka ah ee Soomaaliya iyo Itoobiya.

Mogadishu (HOL) — Azerbaijan and Somalia have taken a major step in strengthening their energy collaboration by signing a Memorandum of Understanding (MoU) focused on oil, gas, and renewable energy development. Source: Hiiraan Online

Kani waa sawir hore Wararka ka imaanaya xeebaha degmada Baargaal ee Calbari ayaa sheegaya in halkaasi dabley hubaysani maanta ka af-duubteen doon kalluumeysi oo laga lee yahay dalka Iraan. Kooxda hubaysan oo lagu tuhmayo in ay burcad-badeed yihiin ayaa maanta xeebaha degmada Baargaal ee gobolka Raasi Casayr (Bari) waxay ka af-duubteen doon kalluumeysi oo laga lee yahay waddanka Iraan sida ay xaqiijinayaan ilo wareedyo amni. Sarkaal ka tirsan laamaha Amniga Puntland oo ka gaabsaday in magaciisa la xigto sababa la xiriira in aanu ogolaansho u haysan warbaahinta ayaa sheegay in laba kamid ah ilaaladii doontu ay fududaysay in ay kooxda u suurta-gasho af-duubka doontaasi. Wararka ayaa sheegaya in dableydii doonta af-duubtay ay markiiba la aadeen dhinaca badweynta si ay ugu soo qafaashaan maraakiibta kala duwan ee gooshaysa xeebaha Soomaaliya. PUNTLAND POST The post Puntland: Dabley hubaysan oo maanta doon kalluumeysi ka af-duubtay xeebaha degmada Baargaal appeared first on Puntland Post.

Mogadishu (HOL) — Somali government forces regained control of Bal'ad on Thursday after repelling a deadly pre-dawn attack by Al-Shabaab militants, authorities said. Source: Hiiraan Online

Washington — Ethiopian Prime Minister Abiy Ahmed met with Somali President Hassan Sheikh Mohamud in Mogadishu Thursday, as their nations try to mend relations strained by Ethiopia’s deal for sea access with Somaliland – a breakaway republic Somalia considers part of its territory. Source: Hiiraan Online

15 Xabsi, 7 Caanamaal, masaafo ku dhaw 2500 KM iyo Qorshe Qaran ee Xukuumadda Wadajir iyo waxqabad” Waxa aan maanta soo gebagabeeyey safarkii u kuurgalida xaaladda maxaabiista iyo xabsiyadda dalka. Safarkan oo ujeedkiisu ahaa dib-u-habaynta nidaamka xabsiyadda iyo u xogagaal noqoshada xuquuqaha aasaasiga ah ee maxaabiista, waxa uu celcelis ahaan muddo toddoba maaalmood ah oo aannu safarnay masaafo aan ka yarayn 2500 KM. Safarkan xogogaal noqoshada iyo darsida xaaladda maxaabiista iyo Xabsiyadda isugu jirta oo ka mid ahaa qorshaha 100 maalmood ee xukuumadda WADDANI ee uu hoggaaminaayo Madaxweyne Md. Cabdiraxmaan Cabdillaahi Cirro, ana aan uga masuul ka ahay, kuna metelaayo madaxweynaha siyaasadda iyo horumarinta nidaamka Caddaaladda ee xabsiyaddu ka mis yihiin, waxa aannu kormeer ku tagnay 15 Xabsi oo kala ah 1. Xabsiga Gabilay 2. Xabsiga Boorame 3. Xabsiga Baki 4. Xabsiga Berbera 5. Xabsiga Burco 6. Xabsiga Garadag 7. Xabsiga Ceel-afweyb 8. Xabsiga Ceerigaabo 9. Xabsiga Caynaba 10. Xabsiga Balligubadle 11. Xabsiga Salaxlay 12. Xabsiga Mandheera 13. Xabsiga Hargeysa 14. Xabsiga Haleya iyo 15. Xabsiga Mija Casewye. Kormeerkan darsida iyo xogogaal u noqoshada xaaladda maxaabiista iyo xabsiyadda, waxa aannu ku dhawaad ku warraysanay 3000 maxbuus oo mid kasta kiiskiisa aan baadhnay, iyadoo Xabsi kasta ugu yaraan aan 8 saacadood ku qaadanay baadhistiisa iyo warraysiyada maxaabiista. Waxa aannu si gaar ah u eegaynay oo baadhis ku samaynah qolalka maxaabiistu ku nool yihiin nadaafadooda, jiifkooda, cuntada, biyaha caafimaadka, sida hawlwadeennada Xabsigu ula dhaqmaan iyo xaaladooda sharci sida rafcaanka, muddada xadhigooda iyo maxaabiista xuquuqaha madani u xidhan ee xadhigu ka dhammaaday, balse xabsiga ugu sii jira xuquuqo lagu leeyahay oo aanu qorshaynayno in xal qaran laga soo saaro. Dalka waxa ka jira 13 xabsi oo shaqeeya iyo laba xabsi (Haleeya iyo Mijo-caseeye) oo sannadkan la hawlgelin doono, waxaanna qorshuhu yahay in xabsiyaddu noqdaan goobo dhaqan-celin oo ay ka soo baxaan xirfadyahan iyo aqoonyahan bulshada dhaqan wanaagsan iyo horumar ku soo kordhiya. Waxa aanu kormeerkan ku soo eegaynay, kuna soo qiimaynaynay sidii xabsiyadda dalku u noqon lahaayeen goobo wax-soo-saar iyo aqooneed oo dib-u-habayn ballaadhan lagu sameeyo. Safarkaa Baki ilaa Ceerigaabo isku xidhay ee masaafada celceliskeedu 2000 Km ka badan yahay oo guure iyo gudis habeen ba lahaa waxa aan uga dan leenahay in muwaadiniinteena sharciga ku gefay ee khaldamay dib-u-bulshayn (Reintegration) lagu sameeyo oo ay inagu soo noqdaan iyagoo horumar ina gaadhsiin kara, waxa kale oo ay badbaado u noqonaysaa shacabka iyo qaranka ba. Socdaalkaas kormeer waxa aan maanta ku soo gunaanadnay Xabsiga Gobolka Maroodi-jeex oo runtii ka mid ah Xabsiyadda haya dambiilayaasha ugu xukunnada culus. Kormeerkaasna xog fiican oo xabsiyadda lagu horumarin karo, xuquuqda maxaabiistana lagu sugi karo waannu ka soo helnay, waxa hadda loo gudbi doona hawlqabadyada dib-u-habaynta nidaamka xabsiyadda dalka.” Wasiirka Caddaaladda Somaliland Yoonis Axmed Qaran News

Muqdisho (Caasimada Online) – Madaxweynaha Soomaaliya, Xasan Sheekh Maxamuud ayaa xarunta Madaxtooyada Soomaaliya kula yeeshay kulan gaar ah Ra’iisul Wasaaraha Jamhuuriyadda Federaalka Dimuqraadiga Itoobiya Mudane Abiy Axmed oo safar shaqo ku yimid dalka. Labada masuul ayaa kulankaan diiradda lagu saaray xoojinta iskaashiga dhinacyada amniga, dhaqaalaha iyo arrimaha bulshada, sida lagu sheegay bayaan kasoo baxay Villa Somalia. Kulanka ayaa lagu adkeeyay xiriirka taariikhiga ah iyo derisnimada soo jireenka ah ee labada shacab oo ay aas-aas u tahay is-ixtiraam qarannimo iyo ka dheeraanta faro-gelinta arrimaha gudaha dal kasta. Madaxweyne Xasan Sheekh iyo Ra’iisul Wasaare Abiy ayaa wadajir u soo dhaweeyay is-afgaradka ay gaareen Taliyeyaasha Ciidamada Qaranka Soomaaliya (SNA) iyo Ciidamada Difaaca Ethiopia (ENDF), kaas oo lagu xoojinayo amniga iyo xasilloonida gobolka. Sidoo kale waxa ay bogaadiyeen billowga wadahadallada farsamo ee ka socda Ankara oo muujiyey sida ay labada dal uga go’an tahay wada-hadal wax-ku-ool ah iyo iskaashi mirodhal ah. Ra’iisul Wasaaraha Itoobiya ayaa uga mahad-celiyey dowladda iyo shacabka Soomaaliya soo dhaweynta diirran ee ay ku qaabileen isaga iyo wafdigiisa, waxa uuna adkeeyey mudnaanta uu dalkiisu siinayo xiriirka labo-geesoodka ah ee kala dhexeeya Soomaaliya, si ka tarjumaysa danaha labada dal iyo xasilloonida gobolka. Madaxweynaha Soomaaliya ayaa dhankiisa ku bogaadiyey Ra’iisul Wasaare Abiy Axmed booqashada uu ku yimid dalka iyo wada-hadallada mirodhalka ah ee ay ku yeesheen Villa Soomaaliya. Sidoo kale waxa uu ku celiyey aragtida soo jireenka ah ee ay ku dhisan tahay diblumaasiyadda Soomaaliya ee ilaalinta daris wanaagga, is-ixtiraamka qarannimo iyo in aan cidna laga aqbalayn ku xadgudubka midnimada iyo wadajirka shacabka iyo Jamhuuriyadda Federaalka Soomaaliya.