Muqdisho (Caasimada Online) – Ra’iisul Wasaarihii hore ee Soomaaliya Cali Maxamed Geedi ayaa deegaanada ay qabsatay kooxda Al-Shabaab ee gobolka Shabeellaha Dhexe wuxuu ka soo saaray qoraal uu ciwaan uga dhigay “CEEB IYO SHARAF DHAC.” Geedi ayaa soo qaatay sawirrada lix kamid ah degmooyinka dib loo qabsaday oo Aadan-yabaal ay ugu dambeysay ayaa dhowr su’aalood ka keenay sababta keentay fashilka sababay inay guuleystaan Al-Shabaab, dibna u qabsadaan deegaano labo sano ka hor laga xoreeyey. Ra’iisul Wasaare Geedi ayaa ku taliyey in lala yimaado istarateejiyad siyaasadeed, mid dagaal iyo mid difaac oo heshiis lagu wada yahay, si looga adkaado, loona ciribtiro cadawga Al-Shabaab. Hoos ka akhriso qoraalka Geedi: Qaranka iyo bulshada degmooyinka sawirka ka muuqda, waxaa ceeb iyo sharaf dhac ku ah in magaalooyinkan aad arkaysaan oo cadawga khawaarijta argagixisada ah laga xoreeyay muddo 2 sanadood ka hor ah, misana Al Shabaab ay dib u qabsadaan. Haddaba, su’aashu waxay tahay, maxaa keenay fashilka dagaalka iyo in cadawgu uu guuleysto ? Ma siyaasad xumi baa ? Ma ciidan yari baa (tiro, tayo iyo hub) ? Ma qorshe la’aan baa ? Ma taakulayn la’aan baa ? Ma wada shaqayn la’aan baa ?. Ma la dhihi karaa, sababaha fashilka waxaa caadayn kara ama qeexi kara jawaabaha rasmiga ah ee loo helo su’aalaha sare oo isbiirsaday. Waa la hubaa in khawaarijtu aanay ku waari doonin, balse sow waqtiga ay joogto baabi’in meyso mashaariicdii horumarineed ee dowladnimada lagu hirgeliyay ? sida Isbitaalladii ? Iskuulladii ? Dugsiyadii quraanka ? Masaajiddii ? Ceelashii biyaha ? Xarumihii amniga ? iyo goobihii ganacsiga ? Sow in dib loo xoreeyo, oo lama huraan ah , maneheedu ma ahan in mar kale lagu bixiyo maskax, maal iyo dhiig badan oo daata ? Haa…intaba waa lagu bixinayaa iyadoo aan weiba loo kala harin dowlad iyo dadweynaba. Sidaas darteed, waxaan ugu baaqayaa dowladda federaalka ah ee Madaxweyne Xasan Sheikh Maxamuud iyo dowlad-goboleedka HirShabeelle ee uu horkacayo MW Cali Guudlaawe iyo sidoo kale hay’adaha dowladda ee heer federaal iyo heer maamul hoboleedba oo kaashanaya shacabkooda inay la yimaadaan istarateejiyad siyaasadeed, mid dagaal iyo mid difaac oo heshiis lagu wada yahay, si looga adkaado loona ciribtiro cadawga arxan laawaha ah ee ku soo gardarrooday dadkeenna iyo dalkeenna. Baaqaygani wuxuu ku socdaa dhamaan dowlad-goboleedyada iyo bulshada Soomaaliyeed inay u istaagaan la dagaallanka Al Shabaab iyo Daacish si dadkeenna iyo dalkeennu ay u helaan nabad iyo xasillooni iyo horumar waara.

Jiddah (Caasimada Online) – Qunsulka dowladda federaalka Soomaaliya u fadhiya magaalada Jiddah ee Boqortooyada Sacuudi Carabiya, Cabdweli Xirsi Cabdulle ayaa la yeeshay kulan muhiim ah guddoomiyaha gobolka Najraan, Amiir Jalawi Binu Cabdicasiis. Kulankaasi ayaa diiradda lagu saaray arrimaha la xiriira maxaabiista Soomaaliyeed ee ku xiran xabsiyada Sacuudiga. Labada masuul ayaa ka wada-hadlay xaaladda ay ku sugan yihiin muwaadiniinta Soomaaliyeed ee ku jira xabsiyada gobolka Najraan, iyadoo la is dhaafsaday aragtiyo ku saabsan sidii xal waara loogu heli lahaa arrintaasi. Taliyaha xabsiga gobolka Najraan ayaa isna kulanka goob joog ka ahaa, taasoo sare u qaadday muhiimadda kulanka. Qunsulka ayaa caddeeyay in kulanku uu ahaa mid miro-dhal ah, isla markaana lagu lafa-guray fursadaha sharciyeed ee u bannaan si loo sii daayo ama loo cafiyo maxaabiista Soomaaliyeed ee xiran. Soomaalida ku xiran Sacuudiga ayaa isugu jira qaar xukuman, kuwo xukun sugayaal ah iyo kuwa aan weli maxkamad la horgeynin. Xaaladda maxaabiista xiran Kulanka kadib, Qunsul Cabdweli Xirsi Cabdulle ayaa booqday qaar ka mid ah xabsiyada gobolka Najraan si uu si toos ah u arko xaaladda nololeed ee muwaadiniinta Soomaaliyeed ee halkaas ku xiran. Wuxuu la kulmay qaar ka mid ah maxaabiista, isagoo xog-ogaal u noqday duruufaha ay ku sugan yihiin. Qunsulka ayaa sheegay in dowladda Soomaaliya ay dadaal xooggan ugu jirto sidii muwaadiniintaasi xorriyadooda dib ugu heli lahaayeen, ama ugu yaraan loogu suurtagelin lahaa in lagu wareejiyo dalkooda hooyo. Wuxuu xusay in arrintani ay u baahan tahay wada-shaqeyn rasmi ah oo dhexmarta labada dowladood. Isagoo la hadlayay warbaahinta, Qunsulka ayaa tilmaamay in marar badan ay socdaan wada-hadallo rasmi ah oo u dhexeeya dowladda Soomaaliya iyo Sacuudiga si xal looga gaaro arrinta maxaabiista. Wuxuu rajo ka muujiyay in dadaalladaasi ay dhali doonaan miro muuqda. “Waxaa muhiim ah in la helo hannaan lagu mideysan yahay oo maxaabiistan lagu siideyn karo ama ugu yaraan loo fududeyn karo in dalkooda dib loogu celiyo,” ayuu yiri Qunsul Cabdweli Xirsi Cabdulle. Wuxuu sidoo kale sheegay in dowladda Sacuudiga ay muujisay diyaar garow dheeri ah oo ku saabsan arrintan. Sidoo kale, Qunsulka ayaa carabka ku dhuftay in muwaadiniinta Soomaaliyeed ee ku xiran Sacuudiga aysan ka quusan rajada, isagoo xusay in dowladda Soomaaliya ay si joogto ah ula socoto xaaladooda, islamarkaana ay la shaqeyneyso madaxda Sacuudiga si xal rasmi ah loogu helo. Inkastoo dadaallo hore la sameeyay aysan dhicin in gebi ahaanba la soo daayo maxaabiista, Qunsulka ayaa sheegay in rajo wanaagsan laga qabo dadaallada haatan socda. Wuxuu uga mahad-celiyay madaxda Sacuudiga wada shaqeynta ay muujinayaan. Ugu dambeyn, dowladda Soomaaliya ayaa mar kale ka codsatay Boqortooyada Sacuudiga in ay tixgelin gaar ah siiso maxaabiista Soomaaliyeed ee ku xiran gudaha dalkaas. Qunsulka ayaa carrabka ku adkeeyay in rajada laga qabo arrintan ay haatan ka wanaagsan tahay sidii hore.

Hargeysa (Caasimada Online) – Siyaasiga caanka ah ee reer Somaliland, Faysal Cali Waraabe, ayaa weerar culus ku qaaday Wasiirka Arrimaha Dibadda Soomaaliya, Axmed Macallin Fiqi, kaasoo shalay dalbaday in Waraabe lagu daro liiska argagixisada. Fiqi oo ka falceliyay qoraalkii uu shalay soo saaray Waraabe—kaasoo uu ku sheegay in kooxda ay magaalada Muqdisho qabsan doonto bisha May illaa June 2025, isagoo arrintaas u cuskaday fashil dowladeed oo uu ku eedeeyay dowladda federaalka Soomaaliya—ayaa hadalkaas ku tilmaamay mid aan laga fiirsan. Wasiirka ayaa hadalka kasoo yeeray Waraabe ku sifeeyay “garaad xumo,” wuxuuna ku eedeeyay inuu si toos ah ugu biiray kooxda Al-Shabaab, oo haatan dagaal adag kula jirta geesiyaasha ciidanka xoogga dalka iyo kuwa deegaanka. “Waa garaad xumi hadalka uu ku hadaaqay. Horay ayuu carruurtiisii ugu biiriyey ISIS (Daacish), hadda isagii ayaa si toos ah ugu biiray kooxda argagixisada Al-Shabaab, sida ay kuwa ka horreeyay ugu biireen. Waraabe waa in lagu daro liiska argagixisada, lana horkeenaa maxkamad,” ayuu yiri Fiqi. Faysal oo u jawaabay Fiqi ayaa isaguna ku eedeeyay Shabaabnimo, isagoo ku tilmaamay “basaas laba wajiile ah” oo cadowga gacan saar la leh. “Jahiil Fiqiyow, anigu waxaan sheegay warka jira iyo xaqiiqada ka jirta maamulka beenta ah ee aad sheeganaysaan (fake government of Mogadishu),” ayuu yiri Faysal. Wuxuu intaas kusii daray: “Laakiin, waa la ogyahay in aad tahay argagixisada nooca ugu xun ee takfiirka ah. Adigu waad ka mid ahayd madaxda Al-Shabaab. Shalay ayaad Itoobiya — oo 70% dadkeedu Muslimiin yihiin — ku jihaadaysay. Sirdoonnada caalamka waxa ay kaa hayaan xog buuxda, waana nalagu hayaa. Dad badan oo Kenyan iyo Ethiopian ah ayaa weli kugu maqan. Malaha waxaad isleedahay is daba qari, laakiin diiwaannadaada waa la hayo.” Weerarka afka ah ee dhex maray siyaasiga reer Somaliland iyo Wasiir Fiqi ayaa muujinaya sida ay u xarka goosatay eedeynta Shabaabnimada, xilli uu dalka ka socdo guluf dagaal oo ka dhan ah kooxdaas, kaasoo haatan maraya marxalad xasaasi ah.

Milatariga Maraykanka ayaa sheegay in ay burburiyeen xarun shidaal oo ku taalla dalka Yemen intii ay socdeen duqeymihii ugu dambeeyay ee ka dhanka ah fallaagada Xuutiyiinta. Ujeeddada weerarka lagu qaaday dekedda Ras Isa ee badda cas ayaa la sheegay in looga gol-lahaa goynta saadka iyo dhaqaalaha Xuutiyiinta oo ay Iran taageerto. Sida ay sheegeen Xuutiyiinta, ugu yaraan 33 qof ayaa lagu dilay weerarka, waxaana dadka la dilay ku jiray shaqaalaha gurmadka. Weerarkii Khamiista ayaa yimid kadib markii ciidamada Mareykanka ay kordhiyeen weerarada ka dhanka ah Xuutiyiinta bil ka hor. Fallaagada Xuutiyiinta ee ay Iiraan taageerto ayaa billaabay inay weeraraan maraakiibta ganacsiga ee maraya badda cas iyo gacanka Cadmeed kaddib markii uu billowday dagaalka Israa’iil ee Gaza bishii October 2023-kii Qaran News

Xamaas ayaa si rasmi ah u diiday xabad joojintii ugu dambeysay ee Israel ay soo bandhigtay, waxayna sheegtay inay diyaar u tahay inay si degdeg ah uga wada xaajoodaan heshiis dhigaya in la sii daayo dhammaan la haystayaasha haray si loo soo afjaro dagaalka iyo sii deynta maxaabiista Falastiiniyiinta. Madaxa wada xaajoodka Hamas, Khalil al-Hayya, ayaa muuqaal uu baahiyay wuxuu ku sheegay in aysan aqbali doonin “heshiisyo qabyo ah oo u adeegaya Ra’iisul Wasaaraha Israel Benjamin Netanyahu ajandihiisa siyaasadeed.” 59 la haystayaal ayaa weli ku jira gacanta Xamaas, 24 ka mid ah waxaa loo rumeysan yahay inay nool yihiin. Hindisihii ugu dambeeyay ee Israel ayaa dhigaya 45 maalmood oo xabbad joojin ah si loo sii daayo 10 la haystayaal ah. Bbcsomali Qaran News

Somaliland ayaa sheegtay in siideynta maxabiista ay ku qabteen dagaalkii Laascaanood ay mar walba raaci doonaan hab-raacyo islamarkana ay horey qaar ka mid ah ay u siidaayeen. Wasiirka Wasaaradda Caddaaladda Somaliland Yoonis Axmed Yoonis oo BBC-da la hadlay ayaa sheegay in maxaabiista ay dhankooda hayaan ay siideyn doonaan marka ay isku afgartaan dadkii ay tahay inay kala hadlaan. Dhanka kale Somaliland ayaa sheegtay in ay walaac ka qabto xaaladda Maxaabiis laga sii daayey Magaalada Laascaanood oo lagu hayo Magaalada Muqdisho. Wasiirka Wasaaradda Caddaaladda Somaliland Yoonis Axmed ayaa ugu baaqay Dawladda Soomaaliya in ay Maxaabiista ay hayso ku wareejiso Hay’addaha ku shaqada leh arrimaha Maxaabiista sida ICRC, iyada oo raacayso shuruucda caalamiga ah. Mr Yoonis ayaa dhanka kale sheegay in maxaabiistaasi aysan qaar kood ahayn askar balse ay ahaayeen dad shacab ah oo xoolo dhaqato ah oo laga “afduubay” deegaanada bariga Sool. Qaran News

SOMALILAND DIRECTORY OF SERVICE PROVIDERS FOR TRAFFICKED PERSONS, MIGRANTS AND REFUGEES This directory is designed for use by service providers, government officers, and others who refer trafficked persons, refugees, and vulnerable migrants to appropriate services. The directory contains only those service providers that agreed to participate in the mapping process; services may also be available from other providers that are not listed. Source: Source IOM Qaran News

Garowe (HOL) — Puntland security forces launched a coordinated offensive Friday targeting Islamic State (ISIS) remnants in the Calmiskaad mountain range of Bari region, seizing weapons and dismantling what officials described as the group's last major stronghold in the area. Source: Hiiraan Online

Boosaaso (Caasimada Online) – Ciidamada ammaanka ee Puntland ayaa maanta markale qaaday howl-gallo culus oo ka dhan ah xubnaha kooxda Daacish ee ku sugan buuraha Calmiskaad, kuwaas oo muddo dheer ku dhuumaaleysanayay deegaanno adag oo buuraley ah. Howl-galkan oo si qorsheysan looga fuliyay dhawr jiho ayaa lagu beegsaday xarumo muhiim ah oo ay kooxdaasi ku lahayd gobolka Bari. Wararka kasoo baxaya saraakiisha ayaa tilmaamaya in khasaare culus lagu gaarsiiyay kooxda, loogana qabsaday hub iyo agab ciidan oo fara badan. Ciidamada Puntland waxay xoogga saareen weerarro lagu bartilmaameedsaday togga Miraale, oo caan ku ahaa inuu ahaa xarunta ugu weyn ee Daacish ee gobolka. Dagaal xooggan kadib, waxaa lagu guuleystay in laga saaro kooxda halkaas, iyadoo burbur weyn lagu sameeyay difaacyadii ay halkaas ku lahaayeen. Togga Miraale ayaa horey u ahaa mid adag in la galo, iyadoo ciidamada ay la kulmeen caqabado dhanka deegaanka ah iyo dhufeyso adag oo ay sameysteen kooxda Daacish. Balse, ciidamada ayaa si taxaddar leh u wajahaya howl-gallada ilaa ay ugu dambeyn gudaha u galeen. Marka loo eego warbixinada ka imaanaya goobaha dagaalka, wejiga saddexaad ee hawl-galka buuraha Calmiskaad ayaa la sheegay inuu marayo gebagabo. Kooxda Daacish ee firxadey ayaa hadda lagu sheegay inay ku sugan yihiin meelo kooban oo aan lahayn difaac buuxa. Waxaa sidoo kale la sheegay in ciidamada ay gacanta ku dhigeen saldhigyo istiraatiiji ah, kuwaas oo muhiim u ahaa isku xirka kooxda, taasoo hoos u dhigtay awooddii xiriirka iyo abaabulkooda gudaha gobolka. Madaxweynaha Puntland, Saciid Cabdullaahi Deni, ayaa lagu wadaa inuu jeediyo khudbad ka turjumeysa guulaha laga gaaray dagaalkan, isagoo shacabka la wadaagi doona xogta rasmiga ah ee howl-gallada iyo tallaabooyinka xiga ee lagula tacaali doono kooxaha khatarta ku haya amniga Puntland.

Muqdisho (Caasimada Online) – Kooxda Al-Shabaab ee Soomaaliya iyo xoogagga fallaagada Ansar Allah ee Yemen ayaa sameystay iskaashi halis gelinaya xasilloonida Badda Cas iyo qaybo ka mid ah Geeska Afrika. Xudunta iskaashigan waxa sal u ah laba baahi oo isku darsamay: Al-Shabaab waxay haystaan lacago waxayna u baahan yihiin hub si ay ula dagaallamaan dowladda Soomaaliya. Kooxda Ansar Allah, oo sidoo kale loo yaqaan Xuutiyiinta, waxay haystaan hub waxayna u baahan yihiin dhaqaale si ay u maamulaan deegaannada waqooyi-galbeed ee Yemen oo ay si dhab ah ugu taliyaan. Inkasta oo ay kala duwan yihiin xagga diinta iyo siyaasadda, labada koox ayaa sameeyey iskaashi. Al-Shabaab waa koox Sunni ah oo xiriir la leh al-Qaacida, halka Xuutiyiintu yihiin Shiico taageero ka hela dalka Iran oo si qarsoodi ah ugu gudbiya hub fudud iyo qalab dagaal, taasoo jabinaysa cunaqabataynta hubka ee Qaramada Midoobe ay saartay Yemen. Warbixin uu baahiyey ururka Global Initiative Against Transnational Organized Crime sanadkii 2020 ayaa sheegtay in qaar ka mid ah hubkaasi uu gaaro Soomaaliya. Al-Shabaab iyo Xuutiyiinta ayaa wadajir ugu hawlan carqaladeynta maraakiibta ganacsiga ee maraysa Badda Cas iyo Badweynta Hindiya. Warbixin ay Qaramada Midoobay soo saartay bishii Febraayo waxay xaqiijisay in xubno ka kala socday labada koox ay kulmeen Soomaaliya bishii Luulyo iyo Sebteembar 2024. Intii lagu guda jiray kulamadaas, Xuutiyiinta ayaa oggolaaday inay siiyaan Al-Shabaab hub iyo taageero farsamo, iyagoo taa beddelkeedana codsaday in la kordhiyo afduubka iyo burcad-badeednimada ka dhacda Gacanka Cadmeed iyo xeebaha Soomaaliya. “Warbixinadan waxay iftiiminayaan wadaxaajoodyo socda, kuwaas oo Xuutiyiintu lagu eedeeyay inay fududeeyaan gudbinta hub casri ah oo ay ku jiraan diyaarado aan duuliye wadin iyo gantaallo lidka diyaaradaha ah oo la siiyo Al-Shabaab,” ayay qortay cilmi-baare Zeinab Mostafa Ruwayha oo ka tirsan Xarunta Daraasaadka Yemen iyo Khaliijka. Ruwayha waxay sidoo kale sheegtay in injineerro ka tirsan Xuutiyiinta ay booqdeen Al-Shabaab si ay uga caawiyaan samaynta hub casri ah iyo qaraxyo farsamaysan. Al-Shabaab waxay u aragtaa diyaaradaha aan duuliyaha lahayn ee ay Xuutiyiintu farsameeyaan iyo hubka ay Iran samaysay inay yihiin fursad ay dib ugu qabsato xeebaha, kuwaasoo ay ku waayeen howlgalladii ciidamada qaranka Soomaaliya iyo saaxiibadooda caalamiga ah. Guuldarrooyinkaas ayaa hoos u dhigay awoodda dhaqaale ee kooxda. Dhanka kale, Xuutiyiinta waxay iskaashigan u arkaan fursad ay ku balaarin karaan saamayntooda, taas oo si dadban uga dhigan mid ay Iran ku fidinayso awooddeeda Badda Cas iyo Geeska Afrika, sida ay sheegayaan khubaro. Laga soo bilaabo dabayaaqadii 2023, Xuutiyiintu waxay gantaallo iyo diyaarado aan duuliye lahayn ku weerareen in ka badan 130 markab oo ganacsi oo marayay marin-biyoodka Bab el-Mandeb ee isku xira Badda Cas iyo Gacanka Cadmeed. Weeraradan ayaa sabab u noqday in maraakiibta mara Badda Cas ay hoos u dhacaan ku dhowaad 50% intii u dhaxaysay November 2023 iyo November 2024, sida uu sheegay bogga wararka maraakiibta ee Lloyd’s List. Marka laga yimaado hubka ay ka helaan Iran, Xuutiyiinta ayaa sidoo kale horumariyay awood ay ku soo saaraan diyaarado aan duuliye wadin oo noocyo badan leh, kuwaasoo ku habboon ujeedooyin sirdoon iyo weerarro ismiidaamin ah, kuwa cirka ah iyo kuwa badda ah labadaba. Dhankooda, Al-Shabaab ayaa si xirfad leh u maamula dhaqaale kor u dhaafaya $100 milyan sanadkii, iyagoo ka helaya baad iyo ganacsato la fikir ah. In kasta oo Al-Shabaab ay tahay ilo dhaqaale oo muhiim u ah kooxaha xiriirka la leh Al-Qaacida ee dunida, haddana gudaha Soomaaliya way daalaa dhacaysaa. Sanadkii 2023, waxay ku waayeen saldhigoodii xeebeed ee gobolka Galmudug, halkaasoo ay kala kulmeen cadaadis xooggan oo uga yimid ciidamada dowladda. Sidoo kale, way ka saameyn beeleen Puntland, halkaasoo ay dhul ku waayeen kooxda Daacish. “Teknoolajiyaddan ay Xuutiyiintu wataan waxay muhiim weyn u tahay Al-Shabaab, taasoo rumeysan in iskaashi lala yeesho Xuutiyiinta uu ka caawin karo yareynta guulaha dhanka milatari ee ay ciidamada Soomaaliya gaareen labada sano ee la soo dhaafay,” ayay tiri Ruwayha.

Dowladda Puntland oo qoraal kooban soo saartay ayaa ka warbixisay hawlgal qorshaysan oo maanta ciidamada difaaca Puntland ku qaadeen togga Miraale, kaasi oo dhammaystir u ah wejiga saddexaad ee hawlgalka Calmiskaad. Hawlgalka Miraale oo bilowday subaxnimadii hore ee saaka ayay ciidamada difaaca Puntland guul taariikhi ah ka gaareen, kaddib markii ay godadka ugu daateen firxadkii mileeshiyaadka Daacish ee halkaasi ku go’doonsanaa, sida ay sheegtay dowladda Puntland. Qoraal ka soo baxay Xafiiska Warbaahinta u qaabilsan ciidamada difaaca Puntland ayuu ku sheegay in hawlgalkaasi lagu dilay mileeshiyaad ka tirsan argagixisadii ku dhuumanayay nawaaxiga ceelka Miraale islamarkaana laga saaray godadkii. “Ciidanka oo maanta hawlgal ka sameeyay aaga Ceelka Togga Miiraale, ayaa laayey Argagixiso ku dhuumalaysanaysay Miiraale, iyagoo kasaaray Godadkii. Dhameystirka Wejiga 3-aad ee Hawlgalka Calmiskaad” ayaa lagu yiri qoraalka Xafiiska Warbaahinta u qaabilsan ciidamada difaaca Puntland. PUNTLAND POST The post Dowladda Puntland oo ka warbixisay hawlgalka ciidan ee maanta ka socda togga Miraale ee buuraha Calmiskaad appeared first on Puntland Post.

Washington (Caasimada Online) – Dowladda Mareykanka ayaa ku dhawaaqday abaalmarin lacageed oo gaareysa illaa $5 milyan, taasoo la siinayo qof kasta oo keena xog suurtagal ka dhigeysa in la soo qabto haweeneyda lagu magacaabo Khadra Ciise. Haweeneydan oo Soomaali ah ayaa lagu eedeeyay inay tahay hoggaamiye sare oo ka tirsan kooxda Daacish. Khadra Ciise, oo sidoo kale loo yaqaan Ummu Qacqaac Soomaaliya, ayaa lagu qoray liiska dadka ay dowladda Mareykanka baadi goobeyso. Sida lagu sheegay xogta rasmiga ah ee ka soo baxday waaxda Caddaaladda ee Mareykanka, Khadra waa muwaadinad Dutch ah oo asal ahaan kasoo jeedda Soomaaliya. Eedeymaha loo jeediyay Khadra waxaa ka mid ah inay gacan ka geysatay weerarro ismiidaamin ah iyo dilal loo geystay dad rayid ah. Intaa waxaa dheer, waxay si firfircoon uga qayb qaadatay fidinta afkaarta xagjirka ah ee kooxda Daacish, iyadoo sidoo kale lagu tuhunsan yahay inay door weyn ka qaadatay qorista xubno cusub oo kooxdaasi ku biiray. Mareykanka ayaa farriin cad u diray cid kasta oo heysa xog la xiriirta haweeneydan, isagoo sheegay in qofka keena macluumaad horseedi kara in la helo Khadra uu u qalmi karo abaalmarinta lacageed. Tani waxay qeyb ka tahay dadaallada lagu doonayo in lagu wiiqo awoodda kooxda Daacish. Wararka ayaa sidoo kale sheegaya in Khadra Ciise ay hore u xannaaneyn jirtay carruur la afduubay. Sannadkii 2019, waxay gacanta ku haysay labo ilmo Mareykan ah oo lagu kala magacaabo Yusuf iyo Zahra Shikder, kuwaas oo ay u qaaday goob aan la garanayn oo ku taalla dalka Suuriya, kadib markii hooyadood lagu dilay duqeyn lala beegsaday kooxda Daacish. Inkasta oo aan si rasmi ah loo ogeyn halka ay hadda ku sugan tahay Khadra, haddana dowladda Mareykanka waxay ku dartay liiska dadka loogu doonista badan yahay ee madaxooda la dul dhigay malaayiin dollar. Talaabadan ayaa lagu doonayaa in lagu fududeeyo raadinta iyo qabashada haweeneydan. Dowladda Mareykanka ayaa horey u adeegsatay nidaamkan abaalmarinta ah si ay u hesho xog muhiim ah oo ku saabsan shaqsiyaadka ay u aragto khatar amniyeed. Kiiska Khadra Ciise wuxuu tusaale u yahay sida Mareykanka ugu heelan yahay la dagaalanka kooxda Daacish iyo la xisaabtanka dadka lagu eedeeyo dambiyada culus.

Hargeisa (HOL) — Somaliland government has accused the Federal Government of Somalia of involvement in Thursday's fighting between its forces and the SSC-Khaatumo administration in the Dhuumadare area of the Sanaag region. Source: Hiiraan Online

Mogadishu (HOL) — Somali federal government has accused the Acting Head of the African Union Support and Stabilization Mission in Somalia (AUSSOM), Sivuyile Thandikhaya Bam, of undermining the country's development and expressing sympathies toward the al-Qaeda-linked militant group Al-Shabaab. Source: Hiiraan Online

Ciidamada difaaca Puntland oo saaka hawlgal qorshaysan ku qaaday togga Miraale ayaa si buuxda ula wareegay inta badan difaacyadii firxadka ISIS ee ku harsanaa Miraale. Dhiirranayaal ka tirsan ciidamada difaaca Puntland oo hawlgal lug ah ku galay Miraale ayaa saaka ku guulaystay in ay difaacyadii ugu muhiimsanaa ee Miraale ka saaraan mileeshiyaadkii ISIS ee ku dhuumanayay toggaas, taasi oo ka dhigan in uu dhammaad yahay wejiga saddexaad ee hawlgalka Calmiskaad. Firxadkii ISIS ee difaacyadoodii ka cararay ayaa isugu ururay godad kooban oo la filayo in saacadaha soo socda laga nadiifiyo, waxaana saraakiil ka tirsan dowladdu sheegayaan in todobaadkan lagu dhawaaqi doono dhammaadka wejiga saddexaad ee hawlgalka Calmiskaad. PUNTLAND POST The post Calmiskaad: Ciidamada Puntland oo saaka la wareegay inta badan difaacyadii kooxda ISIS kaga jirtay Miraale appeared first on Puntland Post.

Mogadishu (HOL) — Heavy fighting broke out Thursday between Somaliland forces and SSC-Khaatumo troops in the Daanweyne area of the Sanaag region in the latest flare-up of conflict over a land dispute between the two sides. Source: Hiiraan Online

The US and Somalia have carried out an airstrike against Islamist militants during a battle for control of a strategic central town, the government says. Source: Hiiraan Online

The Somali army on Thursday killed 47 al-Shabaab terrorists in separate attacks, including one in Aadan Yabaal in the Middle Shabelle region, a strategic town taken over by the al-Qaeda-affiliated terror group the day before. Source: Hiiraan Online

Somali Ambassador to Kenya Jabril Ibrahim Abdulle has called for deepened partnerships between Kenya and Somalia, especially in the hospitality sector, where Somali entrepreneurs have made notable strides. Source: Hiiraan Online

Kenyan President William Ruto will pay a state visit to China from April 22 to 26 at the invitation of Chinese President Xi Jinping, a Chinese foreign ministry spokesperson announced on Thursday. Source: Hiiraan Online

Source: Hiiraan Online

Manchester United’s season isn’t done yet. Source: Hiiraan Online

Amiirka dalka Qatar, Sheikh Tamim bin Hamad Al Thani ayaa maanta gaaray magaalada Moscow ee xarunta dalka Ruushka , halkaa oo wada-hadallo uu kula yeelanayo Putin iyo saraakiisha sare ee Ruushka. Booqashadan waxay ku soo aadday xilli wafdi sare oo ka socda Iran ay ku sugan yihiin Moscow , halka wasiirka difaaca Sacuudiga uu isaguna maanta gaaray magaalada Tehran ee caasimadda Iran oo hoggaamiyaha dalkaa uu gaarsiiyay farriin uu ka siday Maxamed Bin Salman. Booqashooyinka waxa isku xiraya waa xaaladda bariga dhexe ka taagan, gaar ahaanna iskudayga Mareykanka iyo Israa’iil ku doonayaan inay ku weerarraan Iran iyo qorshaha ballaarinta duullaanka Mareykanka ee ka dhanka ah Xuutiyiinta; arrimahan oo walaac ku dhaliyay hoggaamiyayaasha khaliijka. Source

Mareykanka ayaa markii u horreysay si cad ugu eedeyay Shiinaha inuu taageerro kooxda Xuutiyiinta Yemen, kaddib markii warsaxaafadeed ka soo baxay wasaaradda arrimaha dibadda Mareykanka lagu sheegay in shirkadda dayax-gacmeedyada Shiinaha ee Chang Guang , ay si toos ah u taageerto weerarrada ka dhanka danaha Mareykanka ee ay fuliyaan Xuutiyiinta, waxaana lagu sheegay dayax-gacmeedyada shirkadan inay bixiyaan xogta iyo bartilmaameedyada maraakiibta Mareykanka ee ay weerarraan Xuutiyiinta. Shir jaraa’id oo ay xalay qabatay afhayeenka wasaaradda arrimaha dibadda Mareykanka , Tammy Bruce, waxay ku sheegtay ; “Waxaan xaqiijin karnaa warbixinta ah in Chang Guang Satellite ay si toos ah u taageerto weerarrada Xuutiyiinta ee danaha Mareykanka… ma aha wax loo dulqaadan karo.” Ka hor shirkan jaraa’id; wargeyska Financial Times ee ka soo baxa Ingiriiska ayaa soo xigatay saraakiil Mareykan ah oo u sheegay in shirkadda dayax gacmeedka ee xiriirka la leh militariga Shiinaha inay u gudbiso Xuutiyiinta muuqaallada maraakiibta dagaalka Mareykanka iyo kuwa ganacsiga ee ku sugan badda cas, taa oo u fududeysa Xuutiyiinta inay si toos ah u beegsadaan maraakiibta Mareykanka iyo maraakiibta caalamiga ah. Shirkadan waxaa la sheegay inay ka aamustay marar kale duwan oo Mareykanka uga digay wada shaqeynta iyo taageerrada ay siinayaan Xuutiyiinta. Fiiro gaar ah ; Hadalkan ka soo baxay Mareykanka , wuxuu calaamad u yahay marxalad kulul oo ku wajahan xiisadda muddada dheer jirtay ee Mareykanka iyo Shiinaha oo markii hore ku koobnayd tartan ganacsi , balse taageerrada Shiinaha ee hadda soo baxaysaa inuu siinayo Xuutiyiinta , waxay dagaalkii qaboobaa ee labada dhinac u rogi kartaa colaad toos ah, xilli Shiinaha uu ka caraysan yahay hubka Mareykanka ee lagu daabulayo Filibiin iyo Koonfur Kuuriya oo khatar ku ah danaha Shiinaha. Source

Wasiirka difaaca Sacuudiga, Khaalid bin Salmaan ayaa maanta booqasho rasmi ah ku gaadhay magaalada Tehran ee caasimadda Iran, halkaa oo la sheegay inuu wada-hadallo kula yeelanayo saraakiisha Iran. Muxuu muhiim u yahay socdaalkan? Sacuudiga , wuxuu dib usoo celiyay xiriirka uu la leeyahay Iran , 10 bishii Maarso, 2023 , iyadoo hadda ay Riyaad soo bandhigayso siyaasad ku dhisan iskaashiga dhinacyada oo dhan , balse xoojinta iskaashiga Iran , waa mid la xiriirta xaaladda gobolka bariga dhexe oo uu doonayo Sacuudiga inuu ka fogaado khatar uu lala kulmi karo. Mareykanka wuxuu sugaya natiijada wada-hadallada nukliyeerka uu kula jiro Iran, kuwaa oo haddii ay burburaan uu Mareykanka weerar ku qaadi karo Iran, tan oo dhalin karta inay Iran dhankeeda weerarto saldhigyada dalalka khaliijka uu ku leeyahay Mareykanka , laakin waxaa jira khatar kale oo Sacuudiga uu doonayo inay Iran ka siiso dammaan, waana in iskudayga Mareykanka uu dib uga dhalinayo Yemen , dagaal sokeeye iyo weerarro ka dhan ah Xuutiyiinta oo horseedi kara inay dhaliso iska horimaad gaara dalalka khaliijka , mana uu doonayo Sacuudiga inuu wajaho khatarta Xuutiyiinta oo weerarri kara saldhigyada Mareykanka , xilli mar horaba uu Sacuudiga caddeeyay inuusan qeyb ka noqon doonin duullaan kasta oo lagu qaadayo Xuutiyiinta iyo inan loo adeegsan doonin saldhigyada ku yaalla iyo hawadiisa weerarro ka dhan ah Iran. Sacuudiga, wuxuu isku diyaarinaya inuu noqdo dal soo jiita dalxiisayaasha caalamka, wuxuuna martigelin doonaa tartamo caalami ah oo koobka kubadda cagta adduunka uu ku jiro, xaaladaana waxay ku riixeysa inuu ka fogaado khatarta…! Source